الموضوع: رواية اشتعال السحب

فتحــت عيــنها وهيا نفسسها يكون صبــآحها بوجود نااس غاليــه على قلبــهاا
مغطيه وجهها بلحااف حست انو في احــد معاها على الســرير عقدت حواجبها ورفعت جسسمها وسندتو على
الخشبــه العريـضه اللي وراها مررت عيونها وهيا مفجوعه من المنـظر
ليان
ولينا
ولؤي وجمبو لمى نايمين معاها على السرير
ماحســت فيـــهم
غمضت عينها وهيا جالسه تبــى تتخيــل بس كيف حيعيشو
اتــذكرت اللي سوا امــس لؤي طالعت فييه ومدت يدها لشعره الاسود وتلعب بشعره بهدووء
اتـــذكرت صوت بكــى ليان ولينا لما لؤي صــرخ
مابكو عليها بس بكو على لؤي لما رفع صوتــه
نفسسها تعــرف هما ايش يعتبــروها
ونفسسها تعــرف هيا اساسا ايش حتكون
ام
ولا اخت
ولا ايش بزبــط
مو متعوده تجــلس في البيت
ودحيــن ملزومه تقعد وتهتــم باأربــعه
تحااول تهتم فيــهم بس لمـــى !؟!؟
ماتقــدر تهتــم ببزرهـ بدا العمــر
تحــس انها عايشــه بتناقــض يوم ماتبى تهتم فيـــهم وتعيش لنفســها
بس ماتقــدر وتــرجع لــهم
اخدت جوالها واتصلت على عمها . اتصلت عشان تبى فلوس واحد يساعدها بتربية اخوانها
:الو
: ايوا حبيبتي لانا كيفكم
:كويسا وانتي كيفك وكيف عمي
: لساتو بالمستشفى
لانا استحت تطلب سكتت
: شوفي ياقلبي انا حجيكم بعد 4 ايام او 3 واخويا حيجلس مع زوجي لأنه عارفه انو عمك يباني اكون جمبك بدي اللحظات
لانا اتذكرت صحباتها الشباب اللي تعرفهم محد اتصل عليها عزاها الناس اللي اعطتهم اكب رمن حجمهم مالهم حس والناس اللي ماعطتهم وجه وكانت تكرههم هما اللي بيحرجوها : لا خلاص اجلسي مع عمي
: جلستي معاه مابتسوي شي انا ابي اجي اجلس معاكم فترة
لانا مسحت دموعها اللي نزلت : طيب
:وانتو كيفكم محتاجين شي
لانا خلاص مو قادره تهرج تبى تبــكي : لا
: شويا اتصل عليكي اخويا يباني
لانا : طيب _ ماصدقت تقفــل _
ورجعت حطت راسها على مخــدتها وتكتم بكــآهاا عشان اخوانها
غمضت عينها وفتحتها بسرعه لما حست احد قرب منها
طالعت باأختها اللي قربت لحضنهاا وقالتلها بهمس : لاتبكي
ورجعت اختها غمضت عينها
كـــرهت نفسسسها اكتـــر
يحنـــو عليها اكتــر من ماتحــن عليـــهم
قد ايش كااانت مغمضه عينها كل دي السنين
رفعت يدها بترددوحوطتها على جسم اختها اللي كانت ماتعجبها ببساطه
عشان ستايلها ولادي وهيا تكره دا الشي


بــعد عدة ساعــآت اجتعو في الصــآله والغير عن العادهـ انو لانا تجــلس معاهم
ومنسجمه كمان في انشوده " كنت قاعده " على طيور الجنـــه
جاها لؤي وقف قبالها : امسكي لمى
مدت يدها بتـرددواخدت اختها الصغيــره . لمى اول مامسكتها لانا فرفرت بكــى
لؤي كآن طالع يجيب كدا غرض من غــرفته : شوويا وراجع سكتيها
لانا مكششره وتبى تهجدها : اوو او او خلااص ياالمىى اووص حبيبي
بس مافي فايدهـ
لينا جالسه على الارض وانزعجت من صوت لمى : لنوش اوقفي وهزيها
لانا وقفت وبتحــرك يدهاا زي لينا ماقالتلها إلا لمى تسسكت ابتسمت : سكتهاا
لينا رجعت تتفرج
ولانا عجبها الوضــع سارت تدور في الصاله ولمى هاجدهـ
رفعت يدها تمسسك خد لمــى إلا لمى حركت وجههت باإتجااه صبااع لانا
لانا حطت صبعها عند شفايف لمــى إلأا لمى مصت صبباعهاا
لانا : واا ياحيااتي ليناا قومي سويلها رضاعه
لينا : ماابى قولي لليان
لانا طالعت حولينها : فينهاا لياان
لينا عينها عللى الشاشه : تلعب كوره برى
لانا : اوووف منــكم والشغاله دي المعفنه فيينهاا
لــؤي نــزل وفي يده العابــه
لانا : لؤي تعال امسسكها ثواني
لؤي رمى العابه علـ كنبه واتأفف : يااااربي طوول اليوم ماسكها
لانا اعطتو لمى : بس حقول للششغاله تسويلها رضاعه واجي اخدهاا



لانــآ اتوجهت للمطبــخ ولقت الشغاله والسواق بيهــرجو مع بعــض
لانا بعصبيه وجهت كلامها للسواق : كم مره اقولك لاتدخل البيت
السواق : مدام في كلام يبى يقولك هوا
لانا جات حدهم وحطت يدها على خصرها : اييوا ايش هوا
الشغاله مكتـــومـــه
السواق : احنا يبى راتب
لاناسكتت ثواني وبعدها قالت : خلاص حعطيكم هوا
السواق : لا في مشكله مدام
لانا عقدت حوآجبها : مشكله ؟ ايت مشكله
السواق : ابو انتا مافي يدي راتب ليا 3 شهور _ واشر على الشغاله _ وهيا مافي ياخد راتب شهرين هدا كتير مدام
لانا كأنو كف جا على وجهها تلاقيها من فين ولا من فيين : يعني ؟
السواق : انا في عيله في اندونسيا يبى اكل يبى لبس حرام هدا مافي فلوس
لانا مو عارفه ايش تقوله الفلوس اللي حاطتها يادوب بتكفيهم لساتها حتعطيهم رواااتب وكمان دبل : بعدين نتفاهم
خــرجت من المطبببخ وعقلها مو معاها نسيت حتى ماتقول للشغاله تسوي رضاعه للمى

اما في المطبـــخ
الشغاله ضربت السوواق على كتفو : حراام انتا مافي خوف من الله ليش يكدببب
السواق بصوت اوطى منها : دي مافي يدري احنا كدا ناخد فلوس كتير ويسافر
الشغاله : بس هدا حرام مافي ام مافي اب يبكي طول يوم
السواق : بس في فلووس انتا اسكت ولا يقول شي
الشغاله :حرام والله

لانا جلست على الكنبــه ولؤي جايهاا ويهرج بصوت عاالي : لاننناا كلمتي الشغاله
لانا طالعت فيه بسرحان : هاا
لؤي : قلتي للشغاله تسوي لمى رضاعه ؟
لانا بشتات : لا روح انتا قولها

جلست تفكر وتفكــر وتفكـــر .
دي المره مافكرت بنفســها ولأول مره في حياتها تقدم احد على نفســها
جــآت في بالها فكــرة (( اروح مكان شغل بابا واتوظف بداله ))
عندها شهادات خبـرهـ في كدا مجــآل يمكن يوافقولها
قامت من مكااانهاا ولأول مره تبتسم من قلبها من بعد وفاة امها وابوها
تحس ابواب السما انفتحت بوجهها مره تانيـــه
: لياااااان
اتـــوجهت لحديقــه البيت وهيا تنادي بحماس : ليييااان ليييااان
لييان كانت بتشوت الكوره وقفت واخدت الكوره بيدها : نعععم
لانا : روحي البسي ورانا مشوار
ليان رمشت بعينها كدا مره مو مصدقه انه لانا بتقولها اخرجي معاها : كلنا رايحين ؟
لانا : لا بس انا وانتي بسرعه روحي غيري
ليان رمت الكورة بالارض وهيا متحمسسسه : ططيييب




فـي مكتبــه الجـآمعه
عقــله مو معااهـ يقلب في الاورااق وهوا يفــكر بكلام اليــن " معقووله !؟ توافق عليــه ! لا لا هيا تحبني ماحتسويها رودينا ))
قفل الكتاب واتأفف بصووت مسموووع كدا شخص طالع فيــه اما هوا قاام من مكــآنه وخــرج من المكتبـه
معصــب (( لا رودينا ماحتوافق مافراسها زواج دحيــن بكيفهاا ))
زي المجنوون يمشي ويفكــر ويحلل
دق جواله قرا الاسم " مديرة اعمالي " رد عليـهاا : ايوا سوزان
سوزان : خلصت من محاضراتك ؟
يزن ماخلص بس مو قادر يجلس هنا اكتــر من كدا :ايوا مخلص
سوزان : انا في بيتك جالسه مع سيدك دحين
يزن : في حاجه ؟
سوزان : اباك في موضوع مهم تعاال
يزن : اوك سلام
قفــل ودخل الجوال بجيبــه كان بيمشي الا بنت جات قبــآله رفع حاجبه لها والبنت ابتسمت
البنت شبكت اصابيعها ببعض وقالت بتردد : هاي انا خلود
يزن عرف انها تبى تتعرف : وانا يزن
خلود : عارفه _ ابتسمتلو باإحراج _ كنت بقولك بكرا مسووين بارتي وحبيت انك تكون موجود معانا
يزن : اسف بس مشغول دي الايام
خلود وجهها حمر مع الخجل : اوك عادي
يزن : سوري ان شالله مره تانيه
خلود حبــتو زيااده من اسلووبه : ان شالله باي
يزن : باي
بس مشي واتقدمها كشــر على طوول (( هبل ))
من كتــر مايقااابل ويروح ويجي مستــعد يجاامل كتيــر
ركب سياارتـــه واتــوجــه للبيــت .



اول مادخل سمع صوت كهكهاات سوزان ممزوجه بضحكــة سيدو البسيطه كالعادهـ
يزن سلم على سيدهـ وجلس : ايش البسطه دي
سوزان : بنحش علييك كالعاده
يزن عارفها كدابه : ايوا طيب طيب
سيده : ايش هوا الموضوع اللي مستنيه يزن يجي عشان تفتحيلنا هوا
سوزان : انا عارفه انه هرجه زي كدا لازم سيدك يعرف بالموضوع
يزن : اي موضوع ؟
سوزان : هوا الغلط مني انا عشان كدا حتأسف
يزن جلس باإهتمام : سوزان ادخلي في الهرجه
سيده عقد حوآجبه وسند جسمه على الكــرسي وهوا مستني سوزان تهــرج
سوزان : مو انتا معطيني توكيل
يزن : اييوا !
سوزان :والعقد الاخير انا اللي وقعت عليه بدالك
يزن : اوك ايوا ؟
سوزان : في بند مانتبهتلو
يزن عنده الا العقوود مايحب هرجــها ومصايبهاا : وايش هوا دا البند ؟
سوزان : تصوير الاعلان في تركيا
يزن بردة فعل سريعه : نعععم
سيدوو رفع جسمه من على الكررسي : متى داا ؟
يزن : مو من جدك ياسوزان _ طالع في سيده وجاوبه وهوا مكشر _ الاسبوع الجاي
سيدو : الولد عنده جااامعه فين يساافر دحيين
سوزان مره مستحيــه : والله ماركزت انا من جد اسفه
سيدو : شوفي شووغلك ولدي ماحيسافر دي الفتره
سوزان : كلها 7 ايام وحيرجــع وانا حروح وارجع معااه كل شي حيتسهلو مافي اي مشااكل
سيدو : انا مو على التسهيلاات باإمكاني اوديه واجيبه. انا معارض عل وقت التافه اللي مختارينو سسفر دحيين مافي
سوزان طالعت في يزن : انتا عندك اوف يومين في الاسبوع يعني حتروح عليك 3 ايام مافي مشاكل تقدر تعوضها لما ترجع
سيدو : هوا ايش حيستفيد من دي الاعلانات دحيين خليه في دراسته احسنلو
سوزان : بس دا مو اي اعلان ويزن عارف دا الشي دي ماركه عالميه لاتضيع دا الشي من يدك وهما كدا ولا كدا مو خسرانين ولا كسبانين شي من وجودك معاهم بس انتا اللي حتكسب لو كمملت
يــزن سكت يــفكر محتاج انه يساافر
يبــعد عن داا كــلو
عن رودينـــآ
عن الجامعه
وكل شي هنا يخلييه يتذكــر هــرجة الجبــل
ولو اسبــوع وااحد يبــى يناام مرتاااح دا لو قـدر
يزن وجه كلامو لسيدو : سيدي ابى اسافر
سيدو بحزم : يزن اهتم في درااستك انا قلتلك من قبل لااعطيك مجال تدخل لتفاهتك دي انو تركز في دراستك وماتقدم اي شي عليها وانتا وافقت
يزن : كلها اسبووع يعني 3 ايام ماحتأسر ولو سار شي مازن يروح بدالي ماحيفرقو
سيدو قام : قلتلك مافي شي اهم من ددرااستك _ خررج من الغــرفه _
سوزان كالعاده تبى يــزن يشتهر ويتعمق اكتــر في دي المواضيع : يزن لاتضيعها من يدك
يزن موافق لعدة اسباب : حساافر _ وقف _ حروح اكلمو وارجعلك
سوزان ابتسمت براحه : طيب

خــرج من الــغرفــه وراح لسيــدهـ
كان جالس في الغــرفه المجاوره لهم وفي يده الجريده دوبه فاتحــهاا
جلس في الكرسيـ اللي جمبــه : سيدي
سيدوو رمى الجريده على الطاوله ووقف وهوا مايبى يتناقش : قلت لاتفتح دا الموضوع معايا
يزن وقف وجا قبال سيده عشان لايخــرج :كلها اسبوع ماحتأخر
سيدو في يده عصايته الخشيبه وساند جسمه عليها : انتا عارف انا مو مانعك الا لأنو وراك جامعه
يزن : وانتا عارف انو اقدر اغطي غياابي
سيدو : ابوك اصلا لوعرف ماحيخليك تروح فروح لسوزان وقولها ماقدر احسن لك وشوف صرفه مع العقد اللي موقعتو
يزن سكت شويا وفي دي الثانيه جا في بااالو
صوت الووولد وهوا بيــطيح شكل الولد في كل مره يجيه في كوابيسيــه بيمر باأيام مو سهله عليه ولا على احد غيره
قال باإسلوب ترجـي : سيدي الله يخلييك ابى ارووح
سيدو استغرب من اسلوووبه وعصب بنفس الووقت : دا كلللو عشان اعلاااان لا والله كل مااالك بتكبر في عيني ياولد مجدي
يزن زفر بضيــق : واللهي مو عشان الاعلااان انا بساافر عشان نفسي . انا _ سكت _
سيدو قلب حاسسو انو سااير شي من فتره لأنه يزن متغير مره عليــهم : انتا ايش ؟
يزن بلع ريقه وراح جللس علـ كنبــه : لاتسئلوني عن حاجه ماحقدر اقول شي سيبوني اسافر ولو اسبوع ابعد عن الجو دا كلو ابى افكر بشغله بس مابى اكون في دبي
يــزن خلاص تعب من السر اللي شايله كدا يبى يفكر بالمووضوع اكتر ويعتــرف للكل بللي سار هنـآك
بس بنسبه له دا يطلب شجااعه كبيـره كدا يبى يبعد

سيدو : يزن لو سايرلك شي انتا عارف انا حساعدك قولي ايش اللي مسويه
يزن طالع في سييده وقال بضعف : محد يقدر يساعدني محد يقدر يرجع شي راح افهمووو
سيدو مافهــم : ايش هوا اللي راح
يزن : سيدي خليني اسافر وبعدين حقولك كل شي
سيدو سكت للحظات ومايدري اللي بيسويه صح ولا غلط بس يعرف طبع يــزن قريب منـو : حخليك تسافر بس لايوصل لأبوك
يزن اشرله براسه : ان شالله
سيدو : انا حتفاهم مع سوزان _ خرج من الــغرفه _
ويزن مدد جسسمه براحه علـ كنبــه طفشــو ماازن من كتتر مايسئلو ايش سااير
وحيطفششو اكتتر لو ماهررج ولو فضل في دبي معااه .

فــي مكــآن تــآني منكمششه على نفسسسهاا ومغمضضــه عيينها بكل خوووف بعد صووت الضربه
اللي رعبتتها فتحت عييينها وطالعت في يده اللي ع الجدار وقريب من وجهها

اماا هوا لأول مره في حيــــآته يعصب بدي الطريـــقه
لاول مره يحس انه في شخص يستفزه بس لو طالع فيـــه
دمـــه يفوووور
منـــها
يكــرهها بشكل مو طبيعي
عنده رنيــم على عنادها بس لما يقررب منها بدي الطريــقه تنكتم وصوتها يختفي وتسير تهرج بصووت واطي
وتمتم بينها وبين نفسسها
اما دييي ولا كأنهاا راســها زي الحجــر ودا اللي استفزو اكتـــر
نزل يدهـ ماقدر يمد يده عليييهااا من العصبيه كآن نفسسو يخبط اي شي واتماالك ننفسسه في اخر ثانيه
وضررب الجداار
حواجبه مقرونه في بعضها: مو عشان اشتغل عندك ماقدرت امد يدي عليكي بس انا محترمك لدحين عشانك بنت لأكتر
ماتكدددب انها ماتت من الخوووف .عييونها باينــه فييها الخووف والرعب وكل شي
ساكتــه وبس تطالع فيــه
مصدوومـــه من اللي سار دووبــه
هوا رجــع خطوى لوورى وهيا لسساتها متخشبــه مكــآنها
مستنيها تتحرك
تقوول شي
ترمممش على الاقل
ولا طلع منها اي ردة فعــل
صنــم زييييهاا وخااف بنفس الوقت من تتنيحها ددا بلع ريـقه
وحس بحركتــه الهبله مهما كان هيا بنت والمفروض مايعاملها بدي الطريــقه
هوا ان كان اي رجال مايتكلم معاه بدي الطريقه ويرفع صوته على احد بس دي مستفززه
خرجتو عن طووره
رفع صووته ويده كمان
ددوبــه بيفتح فممــه الا انكــتم وانصــدم لماا نــزلت دموووعــهاا
صح شخصيتها قوويه
وشاايفه نفسسها
بسس ماعمروو احد رفع صووتــه ويده علييها
هوا ماضربــهاا بس يكفييي انو رفع يددده وفجعهااا
مع الفجعه سارت تبــكي وماحست بنفسسهاا

اما هتــآن مو عارف يتصرف مو مصددق انها بتبكي طالع يمين وشمممال وهوا خايف احد يجي قال بلكلكه : مو قصدي ابكيكي انا اسـف

اليـــن من غيير اي حراااك ودموعها مستتتمره بنزوول

هتاان قرب منــها وحك رقبته بتوتر نزل يده بتردد : اليين ا _ وانقطع صوتــه لما خرجت احد الملعلمات من فصلها وجات باإتجاههم _
المعلمه : وي ايش سااير
هتاان نششف دمو مره مو ووقتها دي تجي وبنفس الوقت مفجوووع اخر حاجه فكر فيها انو ممكن يشوف دي الانسانه تبكي وعشان شي تافه زي كداا
اما اليين مو طبعها تبكي ولو بكت ماتسكت
هتان دخل يده في جيبه والمعلمه جت قبال الين وحطت يدها على كتفــها : اش فيكي في احد ضايقك
الين مسحت دموعــها واشرت براسها بدون كلام بنفي
المعلمه : تعبانه طيب
اليــن مره كارهه نفسها لأنها بكتت قالت بصوت يادوب طلع : ايوا
هتــآن وجههو صفر وخضر وحمــر وكل حــآجه . طالع فيــها بي بي فيس لما تبــكي شكلها حزنو
اتوقعها تشتكي علييه . ماتوقع انها تسكت وتتتعلت باإنها تعبانه
المعلمه مسكت الين : تعالي حبيبتي اجلسي في الغرفه ادحين اجبلك مويا
الين مشت مع المعلمه بدون اي كلمـــه
وهتان واقف مكاانه ويطالع فيهم لين ماختفو عن عيـــنه .

نـــدم لأنه عصــب
كاان سكت وعصب على نفسسه احسسسن
خرج اياديه من جيبه وزفــر ماقد خلى احد يبكي منو بدي الطريــقه
ولا قد رفع صووته على بنت بدي الطريــقه
ولا قد رفعع يده على احــد
مايدري ايش دوبه سرلو خرجتو عن طوورو مرهـ
اتــوجه للفصل اللي كان فيــه ووقتها دق جرس الرووضه للإنصرااف الكل قاام يلم اغرااضه
وهوا انتبه لشنطتهاا
منكسسف من نفسسو ماله وجه يشوفها تاني
طالع في الاطفاال : مين عنده قلم وورقه
الكل ماقصصر معااه واتضااربو حتى مين يعطيـــه
اخد ورقه ومرســمه وكتــب كلام اخد شنطتها
وخــرج من الفصــل شاف احد المعلمات وناداها
جاته باإبتسامه على وجهها : هلا
واقف عند باب الغــرفه وشايف الين ماتبكي بس ملامحها بااينه انها مصنــقره علـ آخــر
هتان : ممكن تعطيها للبنت اللي جوا
المعلمه اخدت الشنطه : طيب
اخدت منو الاغراض ودخــلت وهوا مششـــي
ولسساته مو مستوووعب قال (( والله ماتوقعتها تبـــكي ))


اما المعلمه دخلت لألين واعطتها الاشياء : خدي
الين انتبهت لشنطتها اخدتها : شكرا
المعلمه اعطتها الورقه وسويتش السياره الين استغربت : ايش دا
المعلمه : الولد اللي جيتي معاه قلي اعطيكي هيا
الين اخدتهاا حطت الورقه على الطاوله مالها نفس تشووفهاا وقفت وهيا متوعدتلووو بشي تاخد فيه حقها منه
كانت خارجه الا المعلمه نادتها : الييين
الين دارت عليها : نعم ؟
المعلمه مدتلها يدها بالورقه : خدي نسيتيه
الين ابتسمت مجامله واتوجهت لها وقالت بكدب : مانتبهت _ حطت الورقه في الشنطه وخــرجت _
تمشي وتفكر بللي سار من دقاايق وحقدها كل مالو يزيــد
عــرف نقطة ضعفها " احد يــصرخ عليها "
وصلت لحد السياره وركبت (( ليش اعطاني السويتش ؟!))
تحسبو لساته برووضه وتبى تسوي فيه منكح وتسيبه شغلت السياره وحــركتهاا الا لمحتــه بيمشي بطــريق برجله
عقدت حوآجبها بس ولا وقفت كملت طريــقها ودت السيارهـ للجامعه ورجعتها لـعامر
وركبت سيارتها واتوجهت لبيتها وكآن لساته هتــآن ماجا

طلعت لــغرفتهاا وحوآجبها مقروونه في بعضضضها رمت شنطتها على السرير وجلسست
(( الله ينتقم منـــوو وررربي لايننندم ))
ممــرت نص سااعه عليــها وهيا بسس تفكر ايش ممكن تسسوويله
عششان يبــرد قلبــهاا
فوقها من سرحانه كله صووت جوالها لما دق سحبت شنطتها باإتجاهها واخدتــه المتصل " DNITY " دنيتي
بس شافت الاسسسم نسسست كل حــــــــآجه وردت وهيا مبسسوطه : ايييوا ياابابا متى رااجع ايش اسبووع
مره كتتير يابابا لا بس وحشتني ايوا وانتبه تجي يدك فاضييه ههههههههههههه طيب من عيوني باي
انتبهت للورقــه اللي خرجت لما سحبت جوالها اخدتو ووقفــت
مشششت باإتجااه الطااقه وانتبهتلو جالس على كرسيــه الخشبـــي وهنا قلبببها بدي يغللي
خلاااص حطت عليـــه إككككسسسسس
تفكيرها حيكون منحصصصر عليييه وبس
فتحت الورقه اللي بيدها
وعقدت حوآجبها وهيا تقرأ "انا جرحتك بكلامي عشان كدا بكيتي بس انا مو ملزوم ابكي عشان تعرفي انك بتجرحيني بكلامك اتمنى تكوني فهمتي قصدي عموما اسف "
قراتها مره
مرتيين
تلاته
ومازالت بتقرأهاا
ماتدري ليش قبضها قلبها لما قرات " انا مو ملزوم ابكي عشان تعرفي انك بتجرحيني "
رفعت عيــنهاا على الطاقه وهيا بتششوفه جااالس استمرت تطالع فيــه
وفجأه كرمششت الوورقـــه وقالت بحقد: فقييير معفن
_ رمت الورقه بالارض _
واتوجهت لدولابببها بتخررج ملابـــس كرهت الاحساس اللي حاسته من ثواني
" تئنيب الضميـــر " ماتحب تحس بدا الشي
تسوي بس اللي براااســها

آمــآ هتاان ماقدر يركــب معاها السياره .احتراما في النهايه لشخصيتهاا
يحس انو يفهم دي الشخصيه عششان رنيـــم
دامها عناديـــه وراسها يابس وقوويه يعني ماتبكي في اي لحظظـــه
ولو بكــت ماتحب احد يشووفهاا
فاعشان كدا خلى الين تاخد راحتها وبعد عنها




فـي السيارهـ .
عدلت حجــآبها وبعدها قالت : يعني ابوك بعد امك عنك ؟
اسامه عينو ع طريـــق وبيسووق بسـرعه جنونيــه : اييوا
راما : طيب دا سار وانتا صغير ليش دحين ماروحت تدور عنها
اسامه : روحت ايطاليا كدا مره بس مو لاقي اي شي عنها
راما سندت جسمها على الكــرسي : اها دحين ايش حتقول لأببوك
اسامه : شوفي قوليلو انك سمعتيه وهوا يهرج وانتي على نياتك قلتيلي امس سمعت ابوك يكلم امك بس إنو مافهمتي اي شي اوكـ
راما اشرت براسها : طيب
اسامه وقف السياره فجأهـ ودددق البوووري بعصبيـــه : الله يصيييبه دا التاااااني
راما مفجووعه منــو اول مررره تشوفو كدا يهدى شوويا وبعدها يعصب بشكككل يخوووف



مـــرت دقااايــق وهما ساكـــتين ليين ماوصلــو لعند القصــر دوبــه وقف السياره الا راما شهقت
اسامه معقققد حوآجبببه : ايشش بك
راما : ابووك في الشارقـــه ماحيرجع الا على اخر الليل
اسامه طاالع فيها نظظظظظره خلتهاا تندم انها فتحت فمها
قالت باإرتبباك وخوووف : دوبي اتزكرت



بعــد العــصر

مــوقف سيارتــه السووودا وساند جسمــه عليــها وكالعاد صوت الاغااني مــرتفع من السيارهـ
على صوت عبدالمجيد عبدالله " يحلموون "
لابــس تيشيرتـ ابيــض سادهـ وشورت اســوود
خلل يده بشــعره الكثيـف الاسود ويحركه بملل . لأول مره يحزن على شخص بدي الطــريقه
وبيــسوي فييه خيــر بدون مقــآبل
ابتســم لما شافــه خااارج ندى بكل صوووت : ناااادر
نادر يمشي ودمووعــه في عيـــنه يطاااالع حوليـــنه مو مصدق انـــه " حــــر "
وقــف بنص الشارع واخـــد شهيــق من قلبــــه

اياد يطالع فيــه ويضحك : موو مصدق ياااسيدي
نادر اتـــوجه لإياااد وسلم عليــه رفع يده ومسسح دموعه اللي بطــرف عيــنه وضحك فجأه
ااياد : ايش بك
نادر يطالع حوليه : احس نفسي احلللم
اياد رفعلو سويتش السياره : بما انك دوبك طالع تبى تسوق
نادر : هههههههههههههههههه لا مره مايجي اخاف اسوي شي وارجع للمكان المعفن دا
اياد : هههههههههههههههههههههههههه خلااااص كاابوووس سار
نادر : والعن من الكابووس _ حط يدو على بلوزتو _ شكرا على اللبس
اياد اتوجه للسياره : امشي بس اطلــع خليني اوريك العاللم
نادر من كتتر مو مبسسوط مافي اي تعبير على وجهه دموعه اللي تتجمع كل شويا بعينه ويمسسحها
كانت اكبــر دليل على فــرحتــه
ركــب السياره وعجبــته مــرهـ
فااتح الطاااقه والهووى عاجبـــه واياد يشــرحله كل شوويا حاجه
وايش التغيــرااات
حاسس انها دبي سااارت مدينننه تاانيـــه
يطاالع في النااس ومبتســـم
اياد : خليني اوديــك لحلاقي الخااص يعدل وجهك وربي لو احد شافك من عيلتك محد حيــعرفك
نادر : لا اول شي بروح مكااان وبعدين اجي معاك
اياد : فين تبى تروح ؟
نادر : اخر مره جاني صاحبي قلي امي وابويا اطلقوو وامي فتحتلها شركه خاصه واعطاني مقرها بزبط ابى اروح اشوفها
اياد سكت ثواني وبعدها قال : كيف تقدر تشوفها بعد اللي سوته
نادر : دي امي
اياد ماعجبــه الجوواب اما هوا لو امه سوت كدا كان نحرهاا : المهم قولي فين المكان بزبط
نادر وصفلــه المكــآن
طالع في نفسسه بالمرايه هوا مو عارف نفســـه اللحيــه على وجهه مكبــرته سنين
مايتوقع انه اهلــه يعــرفوهـ
11 سنــــه دي
رايح لأمه عششان يعــرف بس ليششش سوت كداا
ليـــش رمتو في السجون وماسألت عنــه
يبى يعرف امها ايش مصلحتها تسسوي كداا
لو اعطتو جوااب مقنع من طيبته حيــرضى وينســى
نســي نفسسه وهوا يفــكر واياد ملاحظ دا الشي كدا سااكت وسايبه على راحتـــه مره صعبان عليـــه
وقــف السياره قبال الشــركه : ناادر يلا
نادر قلبـــه سااار يدق بجننوون بلع ريــقه ومد يده للباب بارتبااك وفتــحو
دحيــــن حيــعرف كل شي
خــرج من السياره
اياد : حستنااك هنا
نادر اشرلو راسه بالإيجااب وماقال حاجه دخــل والمكااان مره باارد
يطالع حولييه ومو عارف فيــن يروح بــزبط توجه لأحد البنات وسئلها : فين مكتب ايمي
البنت : في الدور التاني على يدك اليمين
نادر : شكرا _ عدل الكاب الزيتي على راســو ودخل المصعد _
ضغط الدور التاني وكل مالو يزيد توتــرهـ
لما وقف المصعد حط يده على بطنــه وهوا حاسس بتوتر وخوف مو طبيعي
اتــوجه فين ماحددتلو البنت لقــى مكتب وقف عنده وكانت السكرتيرهـ بتهــرج في التلفون
: الاستاز نايف لساته ماجا ماعرف خلاص حاضر _ قفلت منـ ايمي _
نادر بتردد : فين مكتب ايمي ؟
البنت عقدت حوآجبها : ميين حضرتك ؟
نادر سكت لثواني ومايدري ليش كدب : نايف
البنت ابتسمت ووقفت : من اول استازه ايمي مستنيتك اتفضــل اتوجهت للباب اللي قريب من مكتبها وفتحت الباب _ اتفضل
نادر دخــل وشافــها ورا مكتبــها بزيــها الرسمي وشعرها الاصــفر القصيـــر
رفعت عينها عليـــه
والسكرتيره قالتلها : استاز نايف جا
امو ولا ركزت بشكلوو ولاتعرف اصلا شكل ناايف دا : اوك
خرجت السكرتيرهـ وهوا جلس عل كنبه اللي قبال مكتبها وعينو عليها
اما هيا كانت تبى تخلص الاوراق اللي بيدها وتحطها على جنب وتتفاهم معاه
دمــوعه قريبه دايما من عيــنه رفع يده ومسحها بيد تــرجف
كبــرت بســن بس جمالها زي ماهوآآ
او بنسبه له لسساتها جميـــله
نزل الكاب شويا على وجههو وقال بصوت مبحوح : خلصتي

رفعت عينها عليه باإبتسامه بسيطه وقالت باإتقان بلغه العربيــه : سواني بس _ ونزلت عينها بسرعه على الاوراق_
انصــدم لما سمعها تهــرج عــربي كانت تفهم عربي بس ماتهرج مره الا فرنســي
استنى وهوا مانزل ابدآ عينه من عليــهاا
يطالع في يدها اللي باينه فيها العــروق الزرقا من بياضــهاا
ومزيــنه يدها بخاتم المــآس
باين على يدها الكبـــر
رفع عينهه على وجهها وهوا يشوف بعض التجاعيد البسيطه في وجهها
وجهها خالي من اي مكيــآج
يعشــق شعرها الاصفــر كاان طوويل
بس دحيــن لحد اذنــهاا
دخلت الاوراق وسط الملف وجنبتو على جنب : ايوا نايف
مسمــر مع الشمس
اللحيه مغطيه نص وجهه
ومنزل الكااب شوياعلى عينه
وصوتو اتغيــر وسار مبحوح
نادر : ايوا ؟ _ كان دوبو بيهرج ويقولها انا مو نايف بس كلامها خلاه يوقف عن الكلام _
امه ايمي : انا طلبتك عشان خدمه خاصه في واحد حيخرج اليوم بعد المغرب من السجن اسمه نادر علاء *****
نادر خرجت كلمه من الصدمه : ايوا ؟
امه ايمي : اباك تشوف فين حيعيش وتجبلي كل شي عنه
نادر : ليش ؟
امه ايمي قربت لحد الطاوله : لما اقولك شي تسسويه بدون اسئله وفي شي تاني لو قـرب من بيت نوف واخووه اعطيني خبــر مع انو ماتوقع يقدر يجيب عنوانهم بس الحرص واجب
نادر جالس بدون اي حرااك مو فاهم اي شي
امه سارت انسسسانه تانيه
مو عارف هيا ال 11 سنه دي ايش غيرت بزبط
ليش تبى ترااقبـــه
ليش ماتباه يشووف اخوه ونووف
دام عارفه انو اليوم خاارج ليش ماجاااتوو
حاس نفســـو في متااهه
ويبى اسئله لكل جوآآب في راســـه
بس مو قادر يسئلها ولا يباهاا تعــرفه
دوبــــه " كــــــــــــــــــــــــــرههاا "
كــآن مستني شي بسيـــط يتمسسك فييه وينسى اللي سوته اوول
بس دا الشي البسيــط اللي سمعــه
خلاه يـحقد عليــها
ولو من اليوم لبكرا طلعت اعذاار لحبسته في السجن ماحيسامحهاا
ايمي : انا بهرررجك سامع اللي بقوله
نادر اشر برااسه بدون اي كلمه وهوا حابس دمووعــــه
ايمي : اخر شي راقب كل حــركه يسوويها ابى اعرف فين حيسكن اهم شي
نادر ماقدر يجـــلس قااام من مكـآنه وقال بصوت يادوب طلع منــو : انا ماشي
ايمي انفجعت : انا ماخصلت كلامي
انفتح باب الغــرفه والسكرتيره باين التوتر في وجهها وداخل واحد انيق معاها
ايمي عقدت حوآجبها : ايش في ؟
السكرتيره : استازه ايمي دا بيقول انو نايف
نادر وقف في نص الغــرفه
ايمي انفجعت وقفت : اجل انتا مييين
نادر دار عليــها وشااال الكاب طالع فيــها ودموعــه تنزل على خــدهـ وتتخلل وسط لحيـته
ايمي فضلت تطالع فييه اكتر من 3 دقايق من فوق لتحت عرفتو من عيــنه قالت بشــك : نادر !
نادر قال بصوت يــرجف : اييوا ياأمي ناادر اللي حبستيييه نااادر اللي رميتوه 11 سنه وماسئلتو عنه
ايمي بتوتر طالعت بسكرتيره : اطلعو برا _ زادت صوتها _ قلت اطلعو برا
السكرتيره خرجت نايف وقفلت الباب اتوجهت لناادر ووجهها رايــح فييها : حبيبي انا
نادر قاطعها : انتي ايش انتي مو ااام بس قوليلي ليش سويتي فيني كداا
امو وقفت قبالو ومسسكت يده هوا سحببها بعفااشه ومايباها تقرب منو خطوه بعد عنها : جاوبيني
ايمي دموعها في عينها ومو عارفه ايش تقوول : كنت لازم اسوي كدا
نادر : عششان ايش عشان الفلووس _ اشر على نفسسه ودموعه زادت _ قتلتيني انتي قتلتيني مابقيتي شي فياا
ايمي : انا اسسسفه والله اسفففه بس مو بيدي الموضوع كلو
نادر رمى الكااب في الارضض بعصبيه وقال مابين اسناانه : مو بيدك ؟! بيد ميين طيب
ايمي : هوا
نادر قاطعها ويهرج ويبكي باإنفعال: 11 سنه عارفه ايش سرلي فييها عارفه قد ايش اتهنت هناااك عارفه انو 11 سنه كنت اقول حخرج واسمع منها عزر يقنعني بس لسه تحطي ورايا جواسيس وتقوليلهم يراقبوني ليش ماجاتك نيه تشوفيني حتى وانا برا السجن
ايمي : انا خايفه علييك
نادر : من ايش انتي الوحيده اللي بتخوفيني بكلامك دا
ايمي تهرج باإرتبااك : نادر اجلس خلينا نهرج
نادر لساته مع الصدمه يهررج وبيخرج كل شي في قلبه ويسبلها المكان: اتوقعتك تجي ولو مرره وحده مو عشان انتي حبستيني كنت اباكي تجي لأنو انا ولدك عارفه ايش يعني ولدك
ايمي نزلت دموعــهاا وهيا تشووف ولدها الصغيــر قدو صاار رجااال وكلامــه بيجــرحهاا بس تستاهل
هيا عارفه دا الشي
نادر مسسح دموعــه : طيب قوليلي ليش ماتبيني اروح لطارق ونوف ؟
ايمي كانت بتقــرب وتهرج
الا نادر رفعلها يده عشان توقف : كلميني انتي ومكانك لاتقربي مني
ايمي وقفت ونزلت دموعها اكتــر ماتقدر تهرج لما تبــكي كدا اغلب وقتها ساكته قالت بكلمات يادوب خرجت من فمها : كل شي اتغير
نادر : مو اخويا اللي حيتغير عليا
ايمي مسحت دموعها : صدقني كل شي اتغير
نادر سكت للحظات وخلاص نفسسو انسدت من شوفتهاا
لأول مره في حيــآته يكــره
ومو اي شخص كمان كرهه
" أمــــــــــــــو "
نادر : اعتبريني لسه مسجون
خـــرج مــن الغــرفه وهيا رمت نفسسها على االكنبــه وبكــت بكل صوووتـــهاا
حيـــدور على بيت ابوه وواخوه بنفسسه ويشووف ايش القصه بكبرهاا
الاسئله اللي اتوقع لو خرج حيلاقيلها اجووبه
زااادت وساارت بنسبه له الغــــآآز

خــرج من الشــركه وعيوونــه محمــرهـ ووجه رايح فيــها وباين انو سايرله شي
شاف سياره ايااد اتــوجه لهاا فتح الباب ودخل وقفل الباب بقووه
اياد اللي كان مرخي الكنبه ومنسدح عليــها رفع جسسسمه بردة فعل سرريعه وهوا مفجووع : ايشش بك
نادر قال بتردد : اقدر _ سكت وقال بعدها _ حتقل علييك بس محتاج اسكن مـ
من غير لايكمل الكلمه اياد قلو : لا فيها تقل ولا حــآجه بيتي هوا بيتك
اياد منــحرج من طيبــه ايـــآد


اما ايااد طوول عمره يتمنــى انه عندو اخ اكبر منـــه وحس دا الشي في نادر
لا يمكــن ينســى وقفة نادر معاه في السجن لما كان بحالة مره زفــت
دا اقــل شي ممكن يسوويــلو هووا
اياد خــرج جواله واتصل : انــور دحين حمــر عليــك ايوا طيب سلام
نادر في عــآلم تــآني راســه بينــفجر من كتــر مايفكــر
اياد : دحيــن حنروح عند منييير يززببطك
نادر طالع فيــه : مالو داعي
اياد : لا له داعي انتا شايف شكلك يباالك تنظيفات وحركات وبعدين امي لو شافت بدا المنظر حتطردني انا وانتا
نادر ابتسـم : انا اسف ازا
اياد قاطعو : شغل البنات دا ماحببو لاتتاسف
نادر : لا بس حتكون صعبه يعني لو جلسة بين اهلك
اياد : هوا انا حخليك جالس في البيت اصلا حنرجع اخر الليل ننام وبعدها نخررج
نادر ماعــلق الا بكلمه وحده : طيب

واقــف عند المطــعم ومستنيــها توصــل . طالع بسـآعتـه وزفــر بمــلل : اوووف فينها دي
لاعنــدها جوال يتصــل عليــها
ولا عنــدها شي يقدر يتوآصــل معاها
زفــر اكتر من عشــر مراات الجــو باارد وهوا يســتنــآها وقف تاكسي قدام المطـعم ولمحها وسط السياره اتوجه للسياره وفتحلها الباب وانصدم لما خــرجت
لابسـه تيشيرت ابيـض سااااده وجيـنز مبهدل وكاب على شعرها كأنها جايه عادي تــرقص
رمش عينو بصدمه كدا مرهـ
حاول يتغاضى بس من جوآته مستحي يمشي جمبها
اما هيا خــرجت بكل ثقــه ومسكت باب السياره وقالت بحماشه : تراني اعرف اقفل الباب
نزار ساب الباب مفجووع ومشي قدامها ندم انه قلها تخرج معاه
انخـــرس
مكسوف انه ممكن يدخل معاها مكان محتــرم وراقي زي داا
كان يبالها مطعم شعبــي حدها دي
مشي وهيا وراه ولا استناها وهيا تمشي وتطالع بالبنات الانيقااات
الكل بيـطالــع فيــها حست بنظرات بس ماعطتها اهميــه وصلت لطاولتهم وجلسست
ونزار جلس قبالها
مرت لحظــه سكوت نزار يطالع فيهاا وهيا بطالع بالمكــآن
نزار مكسوف يقولها على لبســها حاول مايعلق عن الموضوع داا : ايوا ايش حتطلبي _ مسك المنيو _
وهيا طالعت فيه واخدت المنيو وفتحتو ومو عارفه ايش تطلب وجبــه
نزار عارف انها ماحتفهم شي : حطلبلك على زوقي اوكي
رنيــم منعا للإحراج قالت : طيب
رجعت المنيو على الطــآوله وابتسـمت اما هوا طلب لرنيــم وطلبلو وقفل المنيو وحطو بهدوء على الطاوله
: ايوا خلصتي من شغلك ؟
رنيـم : لا بعد مانخرج من هنا عندي برضو عمل
نزار : بعد مانخرج من هنا حعلمك ع بعض الحركات
رنيم فنجلت عينها : اماا لسساتك تبانا نرجع عل قاعه مافي وقت
نزار : الا فيي شوفي شغلك دا اللي اخر الليل حاولي تنسيه
رنيـم : سهل الكلام عندك
نزار : عشان محتاجك دا الوقت
رنيـم سنـدت جسمها على الكرسـي : انا حعرف كيف اقسم وقتي
نزار قرب للطاوله : شوفي يارنيم انا انسان اكره الحوسه واكره الاعذار الزايده وعملك دا اخر الليل مشكله ليا ولكي انتي ماحترتاحي وانا حتعب بتدرسيك كلها شهر ونص وبعدها اشتغلي فين ماتبي
رنيـم لساتها ماقتنعت : قلتلك انا محتاجه لشغلانية اخر الليل راتبي فيها كويس اقدر ارسلو لماما وتستفيد منو
نزار سكت للحظات وبعدها قال : اعطيكي القاعه تنامي فيها مقابل انك تسيبي العمل دا
رنيم رفعت حوآجبها وكأنها ماسمعت
ايش مصلحتو يسوي كدا . ؟
رنيــم بتتنيح : ايشش
نزار عاد كلامــه بهدوء : اعطيكي القاعه شهر ونص تنامي تاكلي تلبسي فيها بكيفك والشي الوحيد اللي اباه منك تسيبي شغلة اخر الليل
رنيم قدمت بهدوء للطاوله وهيا بتفكر بكلامــه طالعت فيه وقالت بكل استغراب : ليش بتسوي كدا
نزار : عشان مصلحتي في النهايه
رنيـم : ايش مصلحتك في اني انام بالقاعه وماشتغل اخر الليل !
نزار : النوم والراحه نعمه ازا انتي اخر الليل مانمتي عارف انك ماحتركزي معايا انا بسوي دا كلو عشاني مو عشانك ترى
رنيم اخدت قاروره المويا وفتحتها جايــه تقربها من فمها الا نزار استوعب حركتها وبردة فعل سريــعه مسك القاروره : هاتيها
رنيم كشرت وسابتها : ايش فييي
نزار عقد حوآجبــه وتخد الكاسه اللي قبالها وصبلها مويا قرب الكاسه منها : اشربي كدا
رنيــم طالعت فيه ( ايش فرقت يعني )اخدت الكاسه وشــربت رجعتها على الطاوله
نزار لساته ماسك القاروره : كنتي تبي تشربي من دي
رنيم مو حاسه انو غلط : طيب ايش فيها
نزار زفر بتعب : سلامتك _ اخد الغطا وغطا القاروره ورجعها مكــآنه _ مايسير تشربي كدا
اولا انتي بنت مو حلوه منك تشربي من قاروره كبيره بدي الطريقه
تانيا احترمي المكان اللي انتي فيه
رنيم بنظرات حقد: شايفني جالسه في الارض
نزار : مو بدي الطريقه قصدي لبسك طريقة هرجك اكلك لازم يتغير على حسب المكان الي انتي فيــه
صوته طريقة كلامــه
تحســسها انها ولاشي جمبــه
انســآن راقــي
محتــرم
ودا اللي يستفـزها تكره تشوف نفسها ناقصــه
جا الجرسون وحــطلهم الاكــل :
نزار ابتسم للجرسون : THANK YOU
رنيــم تطالع في الاكل المشهي اللي قدامهاا والدخان بيطــلع منــو
حطت يدها على مقعدة الكرسي وسحبت الكرسي عشان تقرب للطاوله اككتــر
الكرسي طلــع صووت مزعــج اللي حولينهم طالعو فيــها ونزار كشـر : بشويش
رنيــم ابتسمت مجامله وابتسماتها تدل على انها نفسها تضـربه : طيب
اخدت الشوكــه وتبـى تقــطع اللي قبالــها مو قادره . تقطعها من كل وصــله بكل عفـآشــه
نزار يطالع في صحنها مفجووع وبيده اليمين الشوكه ويده اليسار السكيــن
ماقدر ياكل حط السكين والشوكه على الصحن الابيــض : رنيـم
رنيم رفعت عينها عليــه : ها
نزار : قولي نعم
رنيـم (( لله يفقع قلبك )) : نعم
نزار مسك السكينه والشوكه : كداا امسكيهم
رنيـم مسكت بنفس طريـقتو وهوا قطــع وصله الدجاج اللي كانت بصحنو واكــل
هيا حست بزحمه والشوكه بيدها اليسار اتأففت : ايش الهببل دا دحيين
نزار باإستغراب : ايت هبــل
رفعتلو السكينـه : دي
نزار فهمها : نزلي السكينه طيب
رنيــم حطتها على الطاوله وهوا زفر منهاا : رنيــم يابنتي لما بتنزلي السكينه حطيها بصحنك
رنيم معقده حوآجبــها : يااربي بس _ حطت السكينه على الصحن _ كداا
نزار : ايوا
رنيــم حاست في اكلها نزار خلـص وهيا لساتها تضارب مع السكينه والشوكه لين ماعصبت ورمتها على جنب : بطلت ماحاكل
نزار ضحك : ههههههههههههه لحد يشووفك بس
رنيـم سند جسمها على الكـرسي ومعقده حوآجبها : شبعت وانا بس بطالع في الاكل
نزار : هوا انتي ماتعرفي تتعلمي على طوول
رنيـم الا
نزار : قدها شوكه وسكينه منتي قادره تمسكيها
رنيـم : عارفه امسكها _ شمقت _ بس تحوس بدال ماركز بالأكل تركيزي كلو كيف امسكهم عسا عمري ماأكلت
نزار : ههههههههههههههههههههه اسكتي ياشيخه
رنيـم مدت يدها بتاخد العصيـر الا انتبه لأظافيرهاا مد يده باإتجاهها : هاتي يدك اشوف
رنيم سحبت يدها باإتجاهها ونزلتها من على الطاوله : ايش فيي
نزار : ههههه ماحاكلك
رنيم بتردد مدت يده له وهوا مســكها وطالع باأظافيــرها روجع طالع بعيــنها بيــهرج الا قطع صوتــه
اللي وقــفت عند الطاوله وقالت بصوت كلو غيـره :اهلن نزار
نزار طالع فيها واتفاجئ ساب يد رنيــم وابتسمملها : اهلن حياتي _ وقف بيسلم عليها الا هيا دفت يده وقالت
مابين اسنانها _ لا كمل جلستك معاها
نزار ولا جا على باله انها حتفهمه غللط : سهااد بلا هبــل
سهااد عصــبت ومشــيت وهيا موولعــــه (( كمااان ماااسك يدهاا )) شوويا وتبكي بس مااسكه نفسسهاا
اما نزآر على طول لحــقهاا


رنيــم جالسه على الطاوله ورجعت تاكل ولا اهتمــت بللي سار اكلت برااحــه وهيا عارفه مافي عيون تراقبها دحيـــن .
خلصت صحنها ونزار لساته ماجا طالعت بساعه وزفرت : اوووف زودهاا داا
_ وقفت _ (( خليني اروح اشوف فينه ))
مشيت وهيا تدوور عليــه راحت لعنــد ممر الحمامات وهيا تسمع صوت بنت مره عاالي ونزار كمان
بس المكاان فاضي من جهتهم
وقفــت في بدآيــه الممر وهيا تطالع فيهم (( مين دي ؟! شكلها تحبــه ))
كانت بتمشــي بس انصدمت لما سمعت كلام نــزار .

نزار مسك سهاد وهوا خلاص اعصاابه تلفت منــها : سهاد اسمعيني بلاش شغل البزوره دا انتي شايفه البنت كيف شكلها
سهاد دفت اياديه عنها وهيا تهرج بعصبيـه وصوتها في رجـفه : وليش ماسك يدها وكمان بكل ثقـه جايبها معاك لمطعم بابا
نزار : لو انا بسسوي شي غلط معاها كان ماجبتها لهنا حبيبي روحي شوفي البنت وانتي حتفهمي كلامي
سهاد : شوفتها بس قلت يمكن انعميت وسرت تطالع لداك المستووى اساسا ديك مو بنت يالطيف
نزار قرب منها وهمسلها : انا مالي غيـرك


اما رنيــم بلعــت ريـقهاا والي سمعتو يكفيــها تــوجهت للطاوله وجلست على الكــرسي
اخدت كاسه المويا وهيا تشرب الغصه الي حاسه فيــهاا
(( انتي شايفه البنت كيف شكلها ! اساسا ديك مو بنت ))
حزت في نفسها كلامهم
حــست باأنظاار احد الطاولاوت وكآنو في شباب بيطالعو فيــها ويضــحكوو
فهمــت انهم مشمئزين من شكلها
طول عمرها هتان يقولها مايسير تلبــسي كدا
بس لأول مره تكــره من كل قلبــهاا اللي هيا فيــه
الطبقه اللي كانت عايشه فيها اتقبلت شكلها
بس دوول ماتتوقع احد يتقبــل ستايلهاا دا
تحــرك رجلهاةبتوتـــر .
مستنيتو يرجــع وحتسوي نفسها ماسمــعت شـــي
منزله اياديها تحت الطاوله وتطقطق اصابيعها
مره ماقدرت تستحمل اكتــر وقفــت وكانت بتخــرج الا وقــف قالها رجال ببدلتو السوودآ : ممكن الحساب اول
رنيـم عقدت حوآجبها : اللي كن معايا هوا اللي حيدفع
: بس هوا مشي دلوئتي
رنيم انفجعت : كيييييييف !

12 ســآعه وهيــآ مسدووحــه على السـرير بفســتانها القصيــر المغري ومكيــآجها التقيــل
جوالها كل شــويه يــدق شــآيفــه المتصــل بس مو قادره تــرد مالها نفــس تكلم احــد
بعد دا اللي تســويه تقعــد كدا يوم يوميــن لوحدهــآ بدي الطريـقه
ماتخـرج من البيت
ماتـهرج مع احــد
ولا حتـى تـآكل
ماقــدرت تطنــش اكتـر مدت يدها باإتجاه الجوال وردت : ايوا ؟
صوتــه بسيـآره : ربع ساعه واكون عندك
رغـد بردة فعل سريعه : مو من جدك
مازن : الا من جدي انتي قلتي حتخرجي معايا يعني حتخرجي لاتتلعتي باأي شي
رغـد : والله مافيا حيــل
مازن : قلت لاتتعلتي باأيي شي
رغـد : مازن ان
مازن قاطعها بحزن : لما ادق عليكي انزلي
رغد : طيب افرض دحين انا مو في البيت
مازن : بس انتي بالبيت
رغـد : مازن خليها بكرا
مازن : مابا حتنزلي دحين
رغد خافت انو يوصل لحارتها ويهرجه احد عنها خافت انو يعرف حقيقتها : طططيب خليني اقوم اغير
مازن : اوك باي
رغـد رمت جوالها على السرير قامت ومسحت المكياج واستحمت لبست بنطلون بني وبلوزهـ سككري
رفعت شعــرها كعادتهاا معاه . اخدت نظارتها الطبيــه ولبستهاا
طالعت في نفسها بالمرايه .اتذكرت كلامه (( وانتي معايا اخـرجي من جو المستشفى ))
تبــى تكون طبيعيــه معااه
تبــى تكون رغــد اللي محد قد شافها
البــريئـه
العفوويــه
ماتبى تتصنع في حركاتــها ولا لبســهاا
شالت نظارتها ورمتها على الطاوله
فتحــت شعرهــآ
حطت مكياج خفيــف واتصل علييها عشان تنزل وعلى طول نــزلت
دخلــت السيارهـ وعطرتها بــريحتــهاا
ابتســم على طوول
طالعت فيــه : سلااام
مازن : وعليكم السلام _ حــرك السيارهـ _
جـــــــذآآآبـــه
جسممــهاا شعرها بياضها ملامحــها كل شي فيها يجنــن
مازن : كنتي تببي تسحبي عليــآ ها
رغـد : لا بس مو جيعانه
مازن : بلله ؟
رغد اشرت براسها : اييوا ماليا نفس اكل
مازن : كوويس ولا انا . طيب تتسوقي معايا ؟
رغــد ابتسمت : اووكـ
وقف سيااارتــه ونزللو لأحد لمولات لابس برمودآآ بيـضاوسيعه وشوز ابيــض وتيشيرت كحللي غامق

مشت جمبــه وماتنــكر انها معجبـــه فيـــه
بطووله
بوســآمتــه
واللي محليــه اكتر واكتــر شخصيــته العفويــه
مـــآشي جمبــها وحاسس باإحسساس غريــب
انثــى جمبــه فيها كل معالم الانوثــه
مواصفاتها
شخصيـتها نفسس اللي كان يحـلم فييها وراسمها في باله
دخــل احد المحلاات وماساب شــي الا ويسئــلها حلو
مو حلوو
اشتريييه
ولا ماشتــريه
ايش اخد للون
ايش اخد عليــه
طيب دا ولا داا احلــى
ماينفع عليــه صح
استمتعت تحب احد ياخد رايها
يعطييها اهميــه
مسكت تيشيرت اخضــر واتوجهت له وهوا يحااسب : مازن خد داا
طالع في التيشيرت : مو دوبك تقوليلي يكفييي
ابتسمت : اتخييلت دا علييكك كدا مره لزيز
اخده منها واغمزلها : ناخدو عشان عيوونك
استحت منـو وبعدت وهوا بيعطيهم بطاقتــه

خـرجو من المحل وفي يده تلات اكيــآس مرو 3 بناات بعبــي ومحجبات هما طالعو في مازن ومازن طالع فيهم وابتسم
رغــد اتنرفزت مو لأنها تغار بس مهما كان هيا جمببه يحترمها:ماصدقت احد يطالع فييك
وجه نظره لها وجلس على الكرسي وقباله طاوله دائريــه : لا مو على كدا
جلست في الكرسي اللي قباله وحطت جوالها على الطاوله : اجل ؟
مازن : اعشق البنت اللي تلبس عبايه ماتغريني بنت بلبسها زي ماتغريني وحده لابسه عبايه
رغـد عقدت حوآجبها اول مره تسمع شي زي كدا
مازن رفعلها حاجبه : ماعجبك كلامي ؟
رغد : الا بس مستغربـه
مازن : شوفي انا طاايش صح بس مهما اتعرفت على بنات اكره بنات الكبريهات والشاليهات واللي اقدر ادبرهم بسرعه _ حركلها حواجبه بخباثه _ احب البنت الصعبه
رغـد قدمت للطاوله : ايش فكرتك عن بنات الكبريهات ؟
مازن عقد حوآجبه : مو بنات
رغد انصدمت من رده : ايش يعني يطلعو
مازن : حيوانات
رغد ولا اي ردة فعل بس تطالع فيــه مصدوومــه من التشبيه
مازن كمل بهرجه على نياته : كل وحده هناك تتعلت باأهلها بحياتها عندي وحده تشحت بشاارع اكرم من جلستها في الكبريه مدري دولاك كيف يفكرو تفكيرهم محدود
رغد من جوآتها تبكي حاولت تدافع بدون ماتبين : ماتدري كيف اوضاعهم
مازن بهجوميه هرج : لا ياستي ملايين بعيشو اوضااع زي الززفت ويقدرو يلاقو حل غير رقصهم وهبلهم اللي بيسوه
رغـد بلعت ريـقها وقالت : قبل سنه اتعرفت على وحده تشتغل معايا اسمها نوال المهم لها برضو صلة في دي المواضيع بس البنت مجبوره تكمل شغل الكبريهات
مازن : ايش اللي جابرها
رغد لأول مره تهررج عن موضوعها : اهلها يعني ابوها جابرها تعمل كدا حتى كل اسبوع يجيها ياخد فلوسها اللي بتاخدها من الشغل دا
مازن رفع يده يسكتها : اقوول لو حتى بتقوليلي ابوها يهبدها طوول يومو ويغصبهاا تسوي ماحعزرها تقدر تشرد وتعيش بكراامه بللهي غيري السيره اكره اسمع دي الحكاوي
رغــد سكتت حست نفسها بتبــكي طالعت في البنات اللي جالسين في الطاوله اللي جمبهم وبعبيـهم
وســرحت فيــهم
قد ايــش تتمنى تكون كدا
تبـى تبدأ صفـحه جديده
ماتدري ادا هيـآ صعبـه بنسبـه لها ولا لأ
قربـت للطاوله وقالت بصوت هادي : ابى اللبس عبايه
مازن سمع بس ماستوعب : ايش ؟
رغـد سحبت كلمتها : لا خلاص ولاشي
مازن ابتسم مره فررح لما سمعها منـها مايدري ليش : من جدك
رغـد : خلاص مـ
مازن قاطعها باإهتمام : لاتفكري بالموضوع _ وقف _ يلا
رغد فرصعت عينها : على فييين
مازن : ابى اشتريلك عبايه
رغد اشرت بيدها بنفي : لا وحتى لو فكرت بشتري بنفسي
مازن جا باإتجاهها وهوا شايل في يده كيسين من ماركتــه المفضله : رغــد يلا عشااني
رغد وقفت باإحراج : مازن والله مـ
مازن ماسابلها مجال تهـرج : اقوولك اسكتتي _ مسسك يدهاومشي _
طالعت بيده وقلبها يدق بســرعه وتمشي معاه ومنحـــرجه مرررهـ : اسمعني على الاقل
مازن : ماحسسمع شي
رغد : يا
مازن قاطعها : مااافي مافي اي اعترااض
رغد : ياااربي منــك بالغصيبه ترااك حتلبسني
مازن وقف فجأه وهيا وقفت سحب يده منها وطالع فيـها : انا احب البنت اللي تلبس عبايه
رغد بتوتر : وانا اشلي
مازن ابتسملها ابتسامه وكأنه يقولها " افهممي "
رغد دقاات قلبها كل مالها بتزيـــد
مازن : المحل يمينك حدخل لو تبي تدخلي حفسرها زي مافبالي
رغد عقدت حوآجبها : ايش هوا اللي في بالك
مازن : انتي فاهمتني
رغد : لا مو فاهمتك
مازن ضحك : صح اني ماعرف احكم ع نااس بس عاارف انك زكيـه وفاهمتني وبلاش تستعبطي يارغد
اسلووبه في الكلام خلاها تضحك : هههههههههههه مازن لاتستهبل
مازن : عندي خيارين ياتكملي طريــقك ياحلقاكي في المحل معايا _ ساابها ورااح للمحـل _
وهيا وااقفه مكــآنها
مجبــسه
فاهمه قصدو لو دخلت المحل " حتبدأ صفحه جديده معااهـ "
ولو مادخلت كل واحد يروح بطريـقه
حســتو بـريئ وطـيب
وهيا حقــيرهـ ومايستاهلها
مــروو كل الرجــآآل قبــآلها
واولهم ايااد اللي تكرهه
اتــذكرت كل مررره واحد يسحببها على السرير
اتذكرت جلساتها بين عششرات الرجااال السكارى واللي بيلمسوها وكانها قطعه اثريــه
اتذكككرت كل فللس بتاخدو من هبلها داا
اتــذكرت انها هيا مو انسانه هيا حيوانه زي مايقوول
ماقدت تدخل المحــل دموعها في عيــنهاا دارت جسسمهاا ومشيــت






بيــتهم مليــآن فيــه الضيــوف مشغليـــن اغاني على اعلــى شــي
والحــريم بـغرفه والبــنـآت في غــرفه
وهيا زي العاده محبووسه في غــرفتها
اتذكرت كلام مــآزن
" لحد يمشيكي على كيــفه . ولاتخلي احد يرفع صوتو عليكي ردي علييه وخلي عندك شخصيه "
قامت من مكــآنها وفتحت دولابــها
ابتسمت وهيا تشووف الووان البلايز والفساتين القصيــره اللي اشترالها هيا ابوها اخر مره
سحبت فستان قصيــر اصفــر
ولبستـو فتحت شعــرها ودا اللي قدرت تســويه طالعت في نفسها بالمرايه باإقتنااع تااام
اتوجهت لباب الغــرفــه فتحتو وخــرجت مشــت وهيا خايفه من جوآتـــهاا
دخلت غــرفة الحريم اللي فيها اصوات الضحكات والحكاوي وسكتو لما دخلت اثيـر
اما ام هدى انصدمت رجعت كاسة الشاهي على الطاوله ووقفت
اثيــر ماسكه اياديها في بعــض وتطالع فيهم مو عارفه تبدأ تسسلم على مين
بس جذبتها وحده بنص الغرفــه لابســه زيها اصــفر
سااابت اللي جالسه على يمين بداية الغــرفه وخششششت ليين ديك الحرمه وسلمت علييها
الكل استغرب من حركتــها اللي هيا مفسرتهاا بطفوليــه زي عادتها
الحرمه تسسلم عليها ومستغربــه : مين انتي
ام هدى زي عادتها جايه تألف وتسوي قصص : دي
اثير قاطعتها : بنت زوجها
الحرمه : ماشالله تباارك الله _ طالعت في ام هدى _ مو قلتي سافرت مع ابوها
اثيــر ولا اهتمت فسرت كلام مازن غلللط قلها خليكي عندك شخصيه وخربت ام الدنيا : لا هيا كدابه قالتلي لاتخرجي من الغرفه
ام هدى وجهها طاح بين الحريــم : انا قلتلك لاتخرجي عشنك تعبانه
اثير طالعت فييهاا : انا مو تعبانه
كلهم سااكتيـــن .
ام هدى وجهها احمــر طالعت في الحريم : معليش سيبووكم منها _ اشرت على راسـها _ تعبانه هننا _ قصدها على اثيـر _
اثير طالعت فيها بقــرف وحست بالقووه وهيا تدافع عن نفسسها عجبتها الشغله : انتي اللي تعبانه _ طالعت في الحرمه اللي لابسه اصفر زيها _ هيا قالتلي لاتخرجي من الغرفه عشان تباكم تخطبو بنتها هدى _ ببرائه _ تحسبني حقولكم لاتخطبوها
ام هدى شويا ويغمممى عليـــها مع الاحراااج . اما هدى دوبها داخله الغرفه واتفاجئت بوجود : اثيير !
ام هدى بالقوه قدرت تهررج : هددى تعاالي وديها غرفتهاا
هدى دخلت ومسسكت يد اثير : تعاالي معايا ال
اثير دفت يد هدى : اعرف اامشي تحسبيني لسساتني عميــآ _ مشت وراحت لغرفتها مبسسوطه
صح ماجلست معاهم بس حست انها ارتاااحت لما استقوت على مرت ابوها
مسكت جوالها مبسسوطه ودقت رقــم مازن اللي حفظتو
كدا مره دقت مايرد رمت جوالها على السرير (( ابى اقووله رفعت صووتي عليهاا _ ابتسمت _ حينبسط دحين ))


اما في غرفة الضيــوف ام هدى جلسست وهيا تحاول تجيب كلام لهاا : عقلها لساته زي الاطفال شوفتو كيف بتهرج
الله يهدييهاا بس تجبلنا المشااكل وانا عارفه لو خرجت من غرفتها حتتضارب مع البنات شوفتو بعينكم كيف بتهرجني انا وهدى
قالت وقالت وقالت لييين ماخلتهم يصدقــوها
اسلووب اثيــر بالكلام وكأنها بزرره خلتـهم يصدقو ام هدى

اما اثير كل شويا ترجع تضغط الارقام اللي حافظتها وتبــى تحكيـــه : اووف ليش كداا مايرد

نهـــــآية البارت الثامنـــن
ودي كآنت بدآيـــه مبدأيــــه لروآيتي اشتعـــآل السحـب
تلووثــآت من مصــنع القـلب !

الفصـــل التاسع .


وآقــف في محــل العبــي ومســك كدا عبــآيه وهوا يتخيــلها عليــهاا
ابتســم لما انتبــه لعبــآيه اكمــآمها وسيــعه واطرافها بالذهـبي
عجبتــه مره دخــلت مزآجــه
عقــد حوآجبه لما حســها اتأخرت
عندهـ ثقــه بنفسه لدرجه انه خلتو يختاار العباايه
يــعرف تأثيـرو على البنــآت
ماتوقعها تــرفض .
جا لحــد باب المحــل ومالقــآهاا الاستغرااب كسسا وجهه كلــوو
ميـــــن دي عششان تمشــي وتسيبــه
مايكدب انــه اعجــب مره فيــهاا
مو مــره لا كتيـــر كمااان
استنــآها عشــرهـ دقااايق بدي دمــه يفـــوور ويغلـــي
رجــع للرجــآل وحوآجبه مقروونـــه في بعضــهاا : خلاص ردوو ما _ وسكت لما قاطعتــه _
: عجبني ليش تردوو
مــآزن طــآلع فيــها : جيتي
رغـد ابتسمتلو ابتسامه بسييطه : ايوا
مازن لو جات من يوم مادخــل كان انبســط
اما لما اتأخرت حسها مترددهـ
مره اتنرفز
ولـــع
مو مهتم دحيــن دخلت ولا مادخلت
حس انو كارهها بدي اللحظـــه
مزااجــي
واااثق زياده بنفســه
مغــرور
كل شي دحيــن حيباان على حقيقتـه
اللي كان بريـئ في عيــنها حيقلب 180 درجــه بسبب "انها فكررررت "
دخل اياديــه بجيبـو وقال باإسلوب جاف : جربيها
رغـد رفعت حاجبها باإستغراب : بس انا حدفع
مازن : جربيها دحيــن
رغد استغربت من اسلوبه وافتقدت ابتسامته بالكلام
جــربت العباايه ورضيت فيهاا وهوا رمــى فلووس على الطاوله
رغد اخدت الكيس من الرجال وطالعت في مازن : قلت انا حادفع
مازن طالع فيها بنص عيـن : اوك انا دفعت تبي تعطي للرجال زياده ادفعي قيمة العبايه تاني
رغـد تنحت ماتدري ايش قال !
وايش قصدو !
وليش اصلا بيسوي كدآ!
اخد الكيسين حقــو ومشـي وهيا خـــرجت من المحل معقده حوآجبها وتمشي بهدووء وهوا مااشي وسايبها
وقفت مشــي وتبى تشوف ايش نهايتــه !
الحــق عليها رجــعت


اما ماازن دا الطببع اللي يكرهه فيــه من كتــر مو متعود على خفة البناات وكل بنت يمشيها على مزآجه
اتعوود كداا لما يقول لبنت سوي تسسويهه غصبا عنهاا وبدون تفكيــر

حس انها مابتتمشي معاه وقف ودار راسه وقال بصوت عالي : ايشش بك ؟
رغـد ماسكـه الكيس وتطالع فيــه وهيا مستغربــــه مرره من تصرفاته إللي مو لاقيتلها تفسيــر
مــآزن جا لعندها : ايش بك متنحـه !
رغـد : انتا اللي ايش بك
مازن رفع اكتافه بلا مبالاه : مافيا شي
رغد مره متنرفزه : اوك انا راجعه البيت
مازن : حوصلك طيب
رغد : لا تسسلم حوقفلي تاكسي
مازن بدون اي اهتمام : اوك قـود
رغــد الصدمه بااانت في وجهها من ردة فعله ماتوقعــت يقوول كداا
اما هوا مشــي وخــرج من الموول
متنــرفز ولو قعد معاها وهوا بدي الحاله ممكن يغلط عليها
يهدى
ويرووق وبعده يكلمها وكأنه ماسار شي
بس بيفسسر حركــه لتفكيرها
ايش نااقصه عششان تفـــكر
دا اللي مولــعه
فتح باب السياره ورمى الاشيااء في الكنبــه اللي جمبــه وحــرك السيـآره
يبــى يغير دا الطبــع فيــه بس دا الطبــع فيه وفي اخوآنـــه
الثــقه والغرور جزء منــهم
كبريااائـــهم
ثقتهم بنفســهم
حبهم لنفســهم
اكبــر من كل شــي
انتبــه لجواله اللي كان ناسيه بالسيارهـ . اخدو ولقــى كدا مكآلمــه لأثيـــر
طالع بســآعـة .يبى يرووق يخرج معاها يمكن يفك مزآجـــه !



في آحــد المطـــآعم .
دفت الكرسي باإزعاااح ووقفت : كييف مو فيي
الجرسون : مشي من هون
رنيــم ابتسمت مع الصدمه : مو من جدك
الجرسون طالع فيها بتتنيـح ومو عارف ايش يقولها يحلفلها يعني عشان تصدقه
وليش بيكدب اصلا عليــها
رنيـم : يعني دحييين انا حدفع قيمه _ اشرت على الطاوله _ داااا كلو
الجرسوون : ايييوا

مـــرت ربـع ســآعه وهيا تتعاصــد معااهم ماعندهاا فلووس ايش تسسوي وكيف حتدفع
وماعندها رقم نزااار واقفه قدام رجاليين مو مخلينها تخرج من المطعم : والله مو معايا ولا درهم بكزب عليكم يعني
: ياأختي دا مو زنبنا وانتي عارفه
رنيــم طالعت حولينــها مو عارفه ايش تسسوي ولا كيــف تتصــرف حيمسكوها اجل لبكراا
تتصل على هتاان
نفضت دي الفكره على طوول ماتبى تحطو في اي مشكله
رنيـم : بروح الحمام ثواني وراجعه
مشــت باإتجاه الحمام وهيا مشتته (( ياااربي ايش اسسسوي دحيين كييف دا الززفت اقدر اجيبــه ))
دخـلت دوراة الميــآهـ وانتبهت لدخان متصاعد من احدح الحمامات
عقدت حوآجبها ووقفـت مكانها مستغربــه ولا ثواني الا خرجت بنت من الحمام ولابســه البالطو الابيض الطوويل
طالعت بنص عيين في رنيــم واتوجهت للمغســله غسسلت يدها
رنيــم جات في بالها فكرره قالت بتردد : انتي طباخه
البنت طالعت فيها : ايوا
رنيـم : ممكن اطلب منك طلــب ؟
البنت مسحت يدها بالمناديل : ايش تبي ؟
رنيـم : تسوي فيا خيير لو ساعديني
البنت : على ايش طيب ؟
رنيـم : ابى اخرج من دا المطعم
البنت : وانا اشلي ؟!
رنيــم هرجت بضعف : في واحد عزمني لهنا وطلب نص الاكل وخررج وورطني بالحساب وربي مامعايا ولافلس وماباهم يمسكوني ويسولي مـ
البنت قاطعتها : خلاص خلاص
رنيـم كشرت من ردت فعل البنت : ايش هوا اللي خلاص ؟
البنت : حسوويلك هوا بس بشـرط
رنيـم : ايش ؟
البنت : اول شي اسمي هديل
رنيـم ماحستو انو وقت تعاارف : اوك وانا رنيم !
البنت : لو خرجتك من هنا تقدري توصليلي شي معين لشخص
رنيييم بعد ماشافت الفاتوره وكم المبلغ تبى تخرج من هنا باأي وسيله : اووك حسوي اي شي بس بلييز خرجيني
البنت فسخت بلطوها والبندانه البيضا اللي حاطتها على شعرها : خدي
رنيــم اخدتها ولبسـتهم : شكراا
البنت : على يدك اليمين حتخشي المطبخ وبعدها امشي سيدآ حتلاقي مخــرج على خلف المطعم
رنيــم مع الفرحه شويا وتبووس البنت : اووكـ تسسسلمي
هديـل : انتبهي تمشي انا حخرج بعدك بدقايق
رنيـــم عــدلت نفســها وخــرجت من الحمامات واتـوجهت فيــن ماقالتلها هديــل
قلبها يدق بســرعه خايفه احد يكفششها وزاد خوفها لما دخللت المطبــخ
زادات خطواتها (( ياااارب محد ينتبهلي ))
حطت يدها علـى باب المخــرج وخــــرجت بســـرعه وزفرررت بكل راااحـــه
لما حست نفسها برا اجوااء المــطعم

ولا دقاايق معدوده الا جــآتها هديل وابتسمتلها : كويس استنيتي
رنيـم فسخت لبس هديل واعطتها هوا : شكراا
هديــل : ولو مافيها شي
رنيـم اابتسمتلها : اوك يلا باي
هدييل : دقيقه دقيقه على فيين
رنيم طالعت فيها ورفعت حاجبها : ايش بك !
هديـل : مو اتفقنا انك توصليلي حاجه
رنيـم : دحين ؟
هديـل : ايوا
رنيـم مو عارفه ايش تقولها وبنفس الوقت ماتبى تكون نذله وتسحب عليها : اممم ايش تبيني اوصلك ولمين !
هديـل : انا حوديكي بنفسي هوا كيس حتدخلي الشاليه وتعطيه لصاحبه بس
رنيم: وانتي ليش ماتقدري توديه بنفسسك
هديل ابتسمتلها ببرائه : في ناس هناك ماتفق معاهم فاخايفه اخش تسرلي هرجه تسويلي خير لو دخلتي بدالي
رنيـم مو مرتاحه للموضوع بس مابيدها شي غير انها ترووح : اوكـ
هديــل ززادت ابتسامتها : اوك تعاالي
مششت ورنيــم وراها (( الله يستـــر بس ))
هديــل وقفت تااكسي ودخلت السياره ورنيــم طبعا معاها خشـت






فتــح الباب ودخــل على صااحب الشــركه : سلااام ياااسيدي
وضــآح طالع فييه وابتســم : فيينك مختفيي
رمى جســمه على الكنبــه اللي قبال المكتبــه : مشغول ودحين كمان ماشي بس قلت امر اسلم عليك
وضــآح ضيق على عيــنه : حاسس انك مهبــب
اياد ضحــك : لا مهبب ولا حـــآجه بس صاحبي خارج من السجن وديتو لصالون يعدل شكلو ودحين حروح اخدو
وضــآح : اها
اياد : المهم انتا ايش مسوي
وضـآح : ولا بشغل نفسي بدي الاوراق
اياد غمزله : وكيف البنت
وضاح ضحك : عليك زوق يخرب بيتك ياشيخ
اياد : هههههههههههههههههه انا اياااد
وضاح : ارحممني بس _ وقف وتمطــع _ تعبت من جلســة الكرسي
اياد : تجي معايا
وضاح : فين ؟
ايااد مسك القلم اللي على المكتب وبيلعب فييه : على بيتي
وضـاح : ايش نسوي ؟
اياد : ايش الاسئله دي الهبله يعني ايش حتجي في بيتي تسسوي **** مثلا
وضـآح ضحك من قلببه : الله ياخدك انتا وكلامك الغبي دا
اياد ابتسم ووقف : اجل يلا امشي ومره وحده اعرفك على نادر
وضـآح : دقيقه بس في وحده من اول تبى تدخل تكلمني خليني اشوف ايش تبى ونخرج
اياد رجع يجــلس : اووك نستنى
وضـآح مسك السماعه وضغط رقم 1 : حازم خليها تدخل
اياد : حتطول معاها ؟
وضاح : والله مدري مين هيا اصلا بس لها ساعه مستنيه اكيد تباني في شي ضروري
ولا دقــآيــق الا انفــتح الباب ودخلت واياد عيــنه على المكتــب والقلم بيمرروو على صبــآعه
البـنت دخلت هيا واختــها الصغيـــره ووقفت قباال المكتــب شافت وضااح واقف عن يمين المكتب
وايــآد في عالم تاني زادت توترها لما حستهم شباب
وضاح ابتسملها : اتفضضضلي _ واشرلها على الكرســي _
لابســه جيــنز وبلوزهـ بيــضا اكمامها طويــل جلسست على الكــرسي اللي قبال اياد واختها وقفت جمب الكرسي
اياد اغرااه ريحــة عطــرها رفع عينــه عليــها وبلــم لما شاافها
نفســها البنــت
هيا ابتسـمت وباين الانكساار في عينها دوبها بتبدأ هــرج الا طالعت بللي جالس قبالها
وفــرصعت عيــنها مفجووعه
اياد رجع طالع في وضاح وكشــر ماعلق ولا قال شي
وضااح حس انو ساير شي بس جلس على كرسيــه وبدأ : ايوا ؟!
لانا حســت بنفسسها وجهت نظرها لوضـآح والكلام اللي حاطتو في راسها كلو طاار لما شاافت وجه اياد
اتذكــرت كيــف مسسك اخوها لؤؤي
كيف كاان حقــير معاهم
وماتنسى ضحكــته المستفززهـ
وضاح : حيطول سكوتك
اياد ضحك بدون اي تعلــيق
لانا اتنرفزت من ضحكــته حاولت تقول اللي عندها وتمشي : انا بنت سعيـد
وضاح جاله خبر وفاته ووفاة زوجتــه على طوول ملامحه كساها الحزن : الله يرحمــه جاني خبر وفاته قبل يومين فاكدا ماقدرت اعزيـ
قاطعته لانا : جزاك الله خير
اياد عقــد حوآجبه وهوا يسمع ويبى يعرف ايش الهــرجه
لانا طالعت في اختـها : اطلعي ودحين جيتك
ليان : طيب _ خرجت ليان من الغـرفه _
وبقـت لانا مو عافه كيف تطلب اللي تباه منــ وضااح ووجود اياد بدون سبب موترها شبكت اصابيعها في بعض
وضاح حس انو ففمها كلام ومو قادره تقولو قرب للطاوله : لو تبي اي مساعده انا موجود
لانا تكره تحس نفسها تحت رحمة احد ولا تحتاج شي من احد هرجت وصوتها يـرجف ودموعها بالقوه ماسكتها : بما انو بابا كان يشتغل هنا _ سكتت مو عارفه ايش تقول _
وضاح مستنيها تهرج ومره صعبانه عليــه : ايوا ؟
لانا ماقدرت تقولو باإيش هيا تمر عشان لاتحس نفسها بتشحت شي منو : كنت بدور وظيفـه فاقلت ابدا من هنا
وضاح ماتوقع دا طلبها سكتت لحظات وبعدها قال : انتي كم عمــرك !
لانا : 21
وضـآح : ايش خبراتك ؟
لانا : خبراتي بسيطه دبلوم حاسب وكدا بس اقدر اتعلم
وضـآح مو عارف كيف يردها :بس انا ماوظف بدون شهاده
لانا : طيب _ مسكت شنطتها ووقفت دارت جسممهاا وجات صورة اخوانها في بالها رجعت دارت علييه وطالعت فيـه
_ اقدر اتعلم من موظفيـنك
وضاح حزن عليها بس بنفس الوقت هوا يفصل عمـله عن مشااعره : انا اسف بس مـآقدر
اياد ولا اي ردة فعل منــه بس بيطالع فيهااا
لانا مو عارفه
تمشــي من هناا وتحافظ على كرامتـها
ولا تلح في طلبـها وبنسبه لها تدووس على كرآمتــهاا

وضــآح مستنيها تخـرج اشرلها على الباب : اتفضلي !
لانا لاشعوريا نزلت دموعها ماقدرت تمشي بس رفعت يدها ووغطت وجهها تخفي دموعها
تبــكي من كل شـــي
لانا اللي كآنت تتفاخر بفلووس ابووها
بسفراتهاا
بكدبــها الزايــد
ساارت تبــكي لأنهاا محتااجه احد يرحمــها
محتــآجه احد يشفــق عليـها
محتــآجه فلووس
محتاجه احد يسااعدها ولو بكلمــه
لســـآتتها صغييييره على دا كلــــوو
اما وضــآح مو عارف يتصــرف معاها : ياأختي انا مابيدي شي
بعد جملتوو دي حسسست نفسها كأنها بتشحــت ماقدرت تخــرج وتشوفها اختها بدي الحــآاله
ولا هيا قارده تووقف بكاااهاا
اياد طالع في وضااح ويباه يتصـرف همسلــه : سوي حااجه
وضااح : ايش اسسوي يعني
اياد وجه نظرو للانا وقال بتردد : تعالي اجلسي
لانا مسحت دموعها : خلاص مااشيه_ خرجت من غير لاتسمع اي رد منهم _

وضــآح زفر بضيـق : ايش بيدي يعني اسووي
اياد : كان قدرت توظفها
وضـآح : اللي دارس وتعبان احسن منهاا انا مو عشان ححزن عليها حقوم اوظفهاا
اياد : مين ابوها
وضـآح : اللي طردتو
اياد : المحاسب ؟!!؟!
وضاح : ايوا تخيل مات هوا وزوجته بحادث سياره
اياد عقد حوآجبــه : متى ؟!؟
وضـآح : نفس اليوم اللي طردتو سبحان الله محد عارف متى يومــه
اياد اتــذكرها لما كانت تبكي
واخوها يبكي
واللي بسيااره يبكو وهوا يضحــك عليــهم
عــرف دحيــن ليــش
وقف لاشعوريا وقال بصوت هادي : انا مااشي سلام
وضاح استغرب منه لأنه ماطلب انو يجي معاه : سلام !
اياد خــرج وهوا يفكــر ومعقد حوآجبــه
سيرة المووت بحد ذاتــها تخووفــه
يخااف بعض الاحيــآن يتعـلق باأحد و يفقــدهـ
كدا دايما بعيــد عن النااس عاايش لنفســه
لوحده
كل يوم له صااحب
حتى اهله مو ساائل عنهم لأسباااب كتتتتتتيرهـ
يتخيــل لو انه عايش مكاان لاناا وامه وابووه يختفو فجأهـ من حيــآته
يمشــي ويفــكر دخل المصعد ونززل وهوا لسساته في عااالم تااني
خـرج من الشــركه ولمحــها متــوجهه لسيارتها
وقف فجأه وهوا يطــآلع فيــها
اتــذكر ابووها وكيف كان يقولهم لاتطردوني انا عندي بزووره
والييوم بنتــه جااات تسوي زيــه
كل اللي قاهره بالموضوع اللي سواه فيــهم داك الييووم كيف كان يضحك عليـهم
اتــوجه لهاا وهيا باينه في عالم تاني ودوبها بتفتح باب السياره الا هوا حط يده على الباب
عقدت حوآجبها وطالعت فيــه قالت بصوت مبحوح : خيير !
اياد متردد من جيتو ليها بس يبى يريح ضميره لاأكتر : ممكن نتكلم
لانا رفعت حاجبها : شيل يدك من علباب
اياد حسها وحده تانيه ولا كأنها اللي كانت اول تبكي ونظراتها كلها انكساار : انا اعرف ابوكي مو اعرفو اعرفو بس انو قد هرجت معاه _ شال يده من على الباب وسبلها الخيار ياتمشي ياتوقف وتسمعله وزي ماتوقع مافتحت الباب وضلت واقفه تطالع فييه وتبى تشوف نهاية كلامــه _
اياد قال بكدب : معرفتي باأبوكي كانت كويسا وهوا رجال طب الله يرحمـه ان شالله بس لو بسوي خدمـه بسيطه عشانه حعطيكي _ خرج من جيبه كرت _ رقمي ازا محتاجه لسه شغل او اي شي انا موجود
لانا طالعت بالكــرت : خليه لك
اياد ماتوقع دا ردها بس حسها حاقده من بعد داك اليوم : اوك معليش على اول مره اتقابلنا فيها لو اخدتي الكرت حنبدأ صفحه جديده وننسى اللي سار اول
لانا ســــآكــــته
اياد رمى الكرت بشنطتها وابتسملها : الكرت عندك تبي اتصلي ماتبي ارميــه سلام
راح ركــب سيــآرته وهيا ركبــت سيارتهاا وفوقتها من تفكيـرها اختهاا
ليان: ايش يبى دا
لانا شغلت السياره : ولاشي


امــآ ايااد كدا ارتــآح لو احتاجته تتصل وهوا حيسوويلها اللي تباه
ولو ماتصلت شي راجعلها اهم شي انو ماطنــش الموضوع

اتــوجه لنااادر اللي في الصـــآلوون بيحلللق وبيسوي تنظيفات لوجهه
وصــل وقف سيــآرته ونــزل اول مادخــل لمــح نااادر وضحــك بصووت عااالي : لاااااااااااااا كداا كتتتير والله
نادر ابتسم مجااملــه
مو قادر يضحك
ولا حتى يبتسم من قــلب
اياد قرب منــه وطالع فيييه : تصدق ماعرفتك الا من لبسسك
نادر : لا يااشيخ مو لدي الدرجه
اياد : ايش اللي مو لدي الدرجه طااالع بالمرااايه صغرت خمس سنوووات
ناادر طالع في نفسه بالمراايه ويحس نفسه اتعــدل
اياد : والله محد يديك انك 28
نادر : كم تديني
اياد : حدك 26
نادر : يعني على سنتين
اياد : تفففرق _ خرج محفظتــه _ بحااسب وارجعلك _ رااح بدون مايديلو مجال يهــرج ونادر مكسووف من طيبة اياااد _
مايكـــدب لو قااال انه يحس اياد وراه شي بطيبته دي
خـــلاص سااار يدقق في اي صغيره وكبيــره
ماحيــثق في احــد
وماحيعتبر دي طيبــه بدون سبب !
اصحاابه اللي اتربو معااه وعيلتو محد سأل عنه
ودا اللي عرفو بشهر بيسوي كدا معاااه ليششش !
فوقو من سرحاانه ضربت اياد على كتفــه : يلا ع سيــــآره خلينا نـرجع البيت نااكل ونناممم
نادر مشي مع اياد بدون اي رد وركب السيااره
اياد يهرج ويهــرج ويــهرج ونادر يرد عليه بكلمه او كلمتيين ويســكت

وقــف سيــآرته دآخل اسوار بيـتهم
خــرجو من السياره ونادر مشي مع ايــآد بسكــوت
الصدمــه خلــتو ســآكت
بس بيـرمش عيــنه بهدوء وكلام امــه بيعيد ويزيد في بالــه

دخــلو البيـــت وكآنو طالعيــن لفوق الا وقـف اياد الصووت العاالي اللي بالغرفه اللي جمب الدرج
اياد طالع في نادر : دقيقه _ واتــوجه لمصدر الصووت _
اما نادر وقــف عند الدرج وغصبــآ عنــه كان ساامع الكلام اللي بيسيــر

في الغـــرفه وقبـل اياد لايدخــل
امــها وقفت بعصبيه : فهميــني ايش اللي مو عاجبك فيــه
رودينا جالسه على الكرسي ولساتها تهرج ببرود: ماابى بكيييفي
امها : أجلت الموعد وحيجو بكراا يارودينا وحتجلسي معااه ومع امو
رودينا : ماما لاتحرجي نفسك وتجيبيهم ترا ماحدخـل
امـها باإصرار : حتخشـــي غصبا عنك
رودينا لساتها تهرج بهدووء : اوك حنشووف وقتها _ وقــفت وكانت دوبها بتخرج بس شلة وقفتها كلام امها _
امها بكل صووتها وهيا خلااص مره معصبه منها : على بالك انو يزن حيتقدملك ويجيكي فوووقي على نفسسسك ياهبلله دوول اولاد مرفت اعرفهم زي مااعرفك
رودينا طالعت في امها مصدوومه قالت بكدب وهيا مرتبـكه : ومين قاال اصلا اني استنى يزن دا زي اخويا
امها ابتسمتلها بمكر : بلاشي تكزبي على نفسك وتكزبي عليا
اياد فتح الباب : ايش بو يزن ؟
رودينا زاد ارتبااكها حست قلبها حيووقف
امها بدال ماتسكت زادت الموضوع : اختتتك الست هاانم ترفض اي احد يجيييهاا عشان خاطر سواد عيين السيد يزن
رودينا طااح قلببها في رجلها طالعت في اخوها ومع الصدمه ماقدرت تدافع عن نفسها عدل : لا مو كدا
اياد رفـع حاجبـــه وهوا برضو مصدوم مو لأنــه عرف بهرجت اختــو
بس انفجع من امــه انها حكتـلـه شي زي كداا !
مايحــب !
موضوع زي كدا بنسباله يبقى بين امه ورودنيا
طالع في اختـه : رودينا
رودينا ماقدرت تمسسك نفسسهاا نزلت دموعها وقالت بصووت عاالي : ماحشووف ولد سارا وييزن زي اخووويا وبسس
_ اتوجهت للباب دفت اياد وخــرجت انتبهت لأحد وااقف عند الدرج بس ماركزت
مييين !
طلعت لغرفتــها وهيااا تبـــكي بكل صووتهاا
بكــت لأنه كلام امها صح
بكت لأنــه دا الشي ماكانت تبى احد يدري عنــه ومادرت انه عيونها فاضحتها
ايش تســوي عششان تنساااه
ماتقدر تشوفه مع صفاء وتضــحك وتهرج وكأنه مافي شي
قلبها يوجعها بس لما تشوفه يطالع في صفااء ويبتسلمها
تبــى تعدل صورتها قدام الكــل
قدآم امها واخوها
قدام مازن واليــن
ويــزن خلييه ينحــرق عرفت انه زي عادته ينجذب لها بس يحب غيرها دا تحليلها بعد ماشافت انه غاار لما عرف انها ممكن تنخطب

مسحــت دموعها لما جات في بالها فكــرهـ
حتــوافق ع دكتـــور عششان تغيــر نظرة الكــل
حياتها مو واقفه على يـــزن


عنــد الدرج واقــف ومفجووع من اللي مرت من جمبــه وتبــكي
(( ايش ساااير !؟))


اما في الغـرفه اللي مجاوره للدرج قفل الباب بعصبيــه : ارتحتي دحيين
امــو : ايش بك انتا كماان
اياد : انا اشلي في الموضوع داا تحب اللي تحببو انتي امها تتفاهمي معاها
امو عصبت منو التاني : مو على اساس فكرت انك واحد من العيله جيت اشكيييلك الله لايحووجني ليييك بس
اياد لاشعوريا ضحك : اي عييله انتي تسمي دي عييله
امو : ازا انتا مو معترف باأهلك فابـ
اياد قاطعها : انا ماعترف بكزبه خلي دا الشي في بالك
امو ضيقت على عينها وقالت وهيا مو فاهمه ولدها : انتا ايش تقصد بكلامك دا كل مره ايش اللي قد طلبته وماسوينالك هوا ليش بتحسسني اننا مقصرين معااك
اياد : مو ناقصني فلوس ولا ناقصتني سيارات وسفريات بس في اشيااء كتتير ناقصتني
امو طول عمرها تبى تكسبــه : زي ؟ قولي وانا حسوويلك هوا وانتا عارف
اياد لما يكون مقهور ومايقدر يهرج عن شي يضحـك ضحك بهدوء : لا انا حسكت عشان على قولك _ باإستهزاء _ العيله علـ عموم صاحبي جا معايا وخلي _ عادها باإستهزاء _ العيله بعيده عن المشاكل قدامه حيجلس كم يوم هنا
امو : اياد لاتتكلم معايا بدا الاسلوب اباك تفهمني ايش بتقصد بكلامك
اياد : الولد برا يستنى قولي لكاترينا تعبي الاكل لأنه جيعان
امو جات لحده وقالت وهيا تتكي على كلامها : انا بقولك تفهمني ايش بتقصصصد
اياد : تراكي مو قد الكلام اللي حقوله خليكي على عماكي احسن
امو عقدت حوآجبها وبدي يخوفها كلام اياد : بلاش الالغاز دي واهرج عددل
اياد : اي الغاز كل شي واضح قدامك بس انتي مشغوله بـاأعمالك اللي ماتخلص انا رايح
امو مسكتو من يدو : اياد فهمني ايش اللي بيسير
اياد سكت للحظات مايقدر يقولها ولا يقدر يقول لأحد قال بكدب : لو تبي تعرفي ايش بيسير شوفي الخدم كيف بالبيت اللي بتسرق والتانيه بتجلس مع السواق واحنا نايمين وبتروح لغرفته وانتي ولا داريه عن الموضوع
امو عقدت حوآجبها وطغت على ملامحها العصبيــه : ميين اللي بتجلس مع السوااق !؟!
اياد دا وهوا قلها موضوع تافه زي كدا وعصبت اجل لو عرفت الموضوع اللي في راسه ايش حتسوي سحب يده من امه : الولد لاطعو من اول بعدين نتفاااهم
خــرج من الغــرفه ونادر اللي فيه برضو مكفيــه جلستو لوحدهـ
ماحس فييها من كتر ماكان يفكــر
اياد ابتســملو زي عادتــه : خلينا نــطلع نااكل

طلــعو لــغرفه اياد اكــلوو وهـرجو ووقتها اياد رمى نفسسه على السرير وقال لنادر يسحب االكنبه الخضـرا اللي انفتحت على هيئه ســرير

نادر انســدح وكان بيفكر برضو بللي سار في الشــركه ومن غير لايحس بنفسسه ناااام
ارتـــــــــآح جسديـــآآ
سرير مريــح اكل لــزيز بس راحــة البال بعيــده عنــه

جلــس على ســريرهـ :الاسبوع الجي مسافر
واقــف في نص الغــرفه طالع باأخوه وعقــد حوآجبه : فين مسافر
يـزن : تركيا 7 ايام وراجع
نـزار : وليش ايش عندك يعني
يـزن : اعلان
نزار : غريبه ابويا خلاك تسافر وانتا عندك دراسه !
يزن : مايدري _ رفع حاجبه وكأنه ينبه اخوه _ ولا حيدري
نزار : اوكـ _ جلس على الكنبه السوده وهوا يفكر _ تصدق دا الاسبوع عندي مره ضغط ومايمداني الا ارجع البيت انام واروح تاني للفرقه
يزن : طيب اجل كل اعمالك و
نزار قاطعه وباله مع رنيــم : المشكله مو في اعمالي ماعندي طبعا شي المشكله في _ سكت وبعدها زفر _ مو عارف كيف ادبرلها وقت دا الاسبوع
يزن : ايش بتخــرف !
نزار طالع في يزن : ولاشي
يزن اخد ريموت التي في وقلب في القنوات وقف على احد القنوات وكانت فيها تايرا ومعاها وحده حالتها بالبلا
بتشكيلها وكدا والجمهور متعاطف معاها نزار بالو في قصه البنت
يزن كتم الصوت
نزار طالع فييه : شغلل
يزن يطالع في البلازماا بتركيـز : دي يبالها تغيــر
نزار : مين هيا
يزن : البنت دي لو تصبغ شعرها ااسود وتقصو يطلع عليها احلى وفستانها من فوق بياقه هيا اساسا ماعندها رقبه ولابسه كدا شكلها طلع اهببل واللون مره ممتنها
نزار : الله يعين اللي حتتزوجك
يزن ضحك : نفسي امسسك وحده كداا واغيرها تغيير مو طبيعي
نزار سكت للحظات وبعدها بحلق عيــنه
يزن خاف من نظرات نزار : ايش بك !
نزار قدم لطرف الكنبه وقال بكل اهتماام : انا عندي
يزن : ايش عندكك 1؟!؟
نزار وقف ومبلم عينه وكأنه لسسه افكاار كتيــر بتجيــه
يزن : نزار ايش بك
نزار طالع في يزن وقال بكل حماس : شوووف هيا صعععببببه بس حتساعدني كتير
يزن : اللي هوا ؟
نزار رجع جلس على الكرسي : شوووف اعرف وحده اسمها رنيـم وانا لازم ادربها رقـص ومو قادر صرااحــه
البنت صح رقصها حلو بس ماعندها خلفييه عن الرقصات ودي الاشياء وكمان هيا مبهدله شكلها مره وللد
يزن : طييب !!؟
نزار : مو انا واسامه متفقين على ان
يزن قاطعوو : انا اشلي دحين بالهررجه
نزار : انا اقولك في فرقه بتركيا اسمها سايسي قيرل
يزن ابتسم : مزز ؟
نزار كشر : خليني اكمل هرجي
يزن ضحك: اوك كمل
نزار : ابى رنيــم تشوفهم وتتعلم منهم وبنفس الوقت انتا هناك تغيرها وتزبطها اباك ترجعلي هيا بنت
يزن قال بشك : تباها تسافر تركيا !
نزار : هيا لو جلست هنا ماحتستفيد شي لأنه انا مشغول لو سافرت معاك حتستفيد وانتا كمان اكيد حتكون طفشان وماعندك شي تتسلى على راسها
يزن :طيب
نزار : بس المشكله دحين تكاليف السفر اكيد ماعندها
يزن : ليش منتفه البنت
نزار : جدن _ قال بدون اهتمام _ ماعلينا انا حدفعلها
يزن على طول ملامحه اتحلت للإشمئزاز : تباني اخد وحده
نزار عارف طبع اخوه قاطعه : كلها اسبوع وترجع مو ؟
يزن: وبعدين انتا على اي اساس تروح تدفعلها من بقية العيله دي
نزار : انا المستفيد في النهايه من دا كلو
يزن : شكلك بتخرررف !؟
نزار : لا والله من جدي ماتفرق كم الف ارميها عليها
يزن : مابهرج من دي الناحيه انا بقول بصفتها ايش عشان تصرف عليها
نزار : مو عشان سواد عيونها انا في راسي شي وحوصلو
يزن ماعجبتو الشغله :برضو مو فاهم
نزار : مو اسامه اتحداني اجيب وحده ترقص من معهدي دي رنيم اللي حجيبها
يزن : وعلى ايش متحدين
نزار : مكتبي اللي في المعهد حيغيرلي تصميمو كلو لو فزت
يزن يطالع فيه باإستحقار : ممكن تخسر على رحلتها اكتر من تصميم المكتب
نزار يهرج بدون اهتمام : عادي اهم شي افوز عليــه وبعدين انتا عارف من بعد مافتحت المعهد وانا حمدالله مو ناقصني شي
يزن مسك االمخده ورماها على وجه نزاار : فووووووق ياأخي تقاارن تكاليف سفر بتصميم مكتب
نزار ضحك : هههههههههههههههههههه محسسني اني محتااج دحين دي الفلووس يمكن اصرفها في شي اهبل
يزن مصدوم من نزار: اصرفها في شي اهببل ولا على احد غيري
نزار : انتا لئيــم
يزن : ونعم الؤم ياأخي وربي انك اهببل لو سيدي بس عــرف وربي حينحرك
نزار : وايش حيعرف دا الادمي دحيين
يزن اتحولت ملامحه للجديه : نزار من جدك تهرج
نزار ضحك : ايش بك بتحسسني اني بهلوس
يزن : ايوا بتهلووس
نزار : شووف اكرره مااكون قد كلمتي لو ادفع الملايين بس ماحب اقول شي واسوي غيره
يزن : قصدك على التحدي ؟
نزار : لا دايما اهزئ في رنيــم واقولها اهم شي عندي المواعييد وماحب التأجيل والتأخير وانا الاسبوع الجي مو فاضيلها كدا حخليها تروح معاك على اساس انك انا اوك ؟
يزن متنح علـ اخر : مو من جدددك !؟
نزار : قلتلك ماحب اكوون مو قد كلمتي
يزن قال بكل جديه : عارف انك مريض !
نزار : هههههههههههههههههههههه ايش بك بتهرج معايا كداا
يزن : انتا سامع ايش بتقققول !!! تبى تسفر وحده على حساابك سكتنا بس تباني اكزب عليها طول السفر واقول اني انتا خيير ياأخي
نزار : هههههههههههههههههههههههههه ماحتفرق
يزن : لا حتفرق اسلوبي مو زييك انتا واحد مستخف انا عااقل
نزار : دحين انا اللي مستخف ؟
يزن : بعد كلامك داا احسك قدك فاااصل وسرت اخس من ماازن ايش فيييه هوا مافي احد عاقل في العيله غيري
نزار : هههههههههههههههههههههههههههههههههههههههههه ارحمننننننني يااعااقل
يزن وقـف : انا بروح اناام يمكن العيب فيا وانا بسمع كلامك غلــط!
نزار : هههههههههههههههههههه بتحسسني اني مجنون دحيين
يزن : ماحرد علييك ياعااقل تصبح على خيــر _ خررج وهوا متنـــح علـ اخر دوبو قفــل باب الغــرفه الا عقد حوآجبه ورجــع دخلل ونزاار لسسساته يضضضحك _
يزن دوبه فهم ضحك نزار : الله يصيبك خليتني بدون عقــل . _ قال بطرده _اخرج من غـــرفتي
نزار وقف : ههههههههههههههههه وربي انك مو صااحي بقوول دحين يستوعب انو انا اللي بغرفتو الا انتا خارج ومقفل الباب
يزن : البركه فيــك اطلع بسس
نزار لسسساته بيضحك : ههههههههههههههههههههههههههههههههههههه آآه يااقلبي
يزن حقد من نزار : مطول يعني ؟
نزار وقف ضحك : ترا مازن كدا مره بيتصل عليا يسئلني عنك في شي ؟
يزن اتذكرو : اوو دحين حروحلو
نزار : مو حتنام
يزن : لا حروح اتفاهم معاه وبعدين ارجع اناام
نـزار : اوكـ وانا بكرا حشوف رنيـم ازا تقدر تسافر معاك
يزن اخد جواله من على الطاوله : ماحرد علييك _خرج من الغــرفه وهوا يهرج نفســه (( نزار بدأ يستخف ! . انا اولى بالفلووس بدال مايصرفهاا على وحده منتفه زيها قال ماحب اكون قد كلمتي ))
نــزار الفلــوس على قلبــه
يحســها زيــآدهـ ساارت ,,, يصــرفها في اشياء هبــله كتيـــر
فمافرقت لو طيرها في وجه رنيــم ولا غيــرها
دام حيتغير شكلهاا وهوا عارف زوق يــزن في البنــآت
لوحطاها بين يدو حيخليها انثـــى متكــآملـــه

وتاني سبب عندهـ انو مره مايقدر يمرنها دا الاسبوع على اي شي
فاتروح عند دي الفــرقه تتعلم وتشوفهم وبعدين يبدأ شغلو معاهاا
وهيا انثــى مايقدر يتعامل مع بوويــه زيها

تالت سبب مايحب يقول كلام ويسوي عكســـه لو ماجاها دا الاسبوع
يعرف لسانها حتجلس تذكرو بكلامــه معاها
وهوا يتنرفـــز من دي الطريــقــه


بشــر يصــرفو ويــرمو فلــوووســهم بدون اي اهتمــآم
مجــرد تحدي يرمــو فيها الـــوف
ونسسو النااس اللي بتشحت وربــع المبلغ دا ممكن يسااعدهم
نســو انو نااس بتموت في دول عشان مو لاقيــه لقمة عيــش
وهوا بيــصرف دي الفلووس عشان يكون قد كلمــته
دي مو قصــه خيــآليـه او شـي مايسير
دا شي واقعــي وبيسير كتيــر بدي الطبقــه اللي اقدر اسمي بعض
شبابها " انفسهم خاويــه من المشــآعر "



فـي مكــآن سبب وجوده حاجتــه للفلووس
المكان خافت فيــه الاضــآئــه شله منهم على طاوله ويلعبوو ورق
وهوا جالس مع رئيســهم

نضـآل : خلاص انا قلت حسيب الشغل دا كلو ماقدر
الرئيس ومعاه سجارتو البنيــه : دخول لحمام مو زي خروجــه
نضال عارف دا الشي : بس انا سويت اللي طلبتوه منــي
الرئيس : اخر شي ماسويتو ولا يمكن سويتو واخدت الالماااس لك
نضال : قلتلك ماقدرت اخد شي من هناك وسبت الكيس بكبرو بالحديقه
الرئيس : ايش ضمنلي كلامك ؟
نضـآل : مو لازم تصدقني
الرئيس : حاسس انو ساير شي ليش بتخرج من دا العمل دا فجأه
نضـآل : توبت
الرئيس ضحك بكل صوتهه : تضحك على ميــن بدي الكلمه انا عارف انتا ممكن تبيع نفسك عشان تعالج ابوك وتخلي اخوك يكمل دراستــه
نضال من صغره بيشتغل عنده وعارف انو ماحيسيبه كدا بسهوله :انتا عارف انو اهلي مايدرو اللي بسويه
الرئيس : عارف
نضـآل : اخر مره كنت باخد الاكسسوار اخويا شافني
الرئيس طفى السجاره باإهتمام : كيف شافك
نضـآل : بيشتغل هناك ومن بعد داك اليوم ماشوفتــه بيتهرب مني وانا بتهرب منــو
الرئيس : وتحسب لو سسبت دي الشغله كدا حتحل الوضع
نضـآل : تفكير اخويا مو زيي مستعد يهين نفسسه ولا ياخد فلوس حرام
الرئيس مايبى نضال يسيب ششغله لأنه هوا اللي مربحهم : بكرا ابوك لو سرلو شي ايش حتستفيد من نظرة اخوك ليك ! ولاشي اخوك حيهين نفسه للناس عشان يعطوه فلوس تتوقع كم يعطوه 100 او 200 لاتستنى رحمـه من احد
دا شغــلك من وانتا صغيـر كبرت على دا الشي وحتفضل فيــه عشان اهلـك
نضـآل : انا حرامي عارف ايش يعني حرامي
الرئيس ضحك : وعلى بالك اللي بنسرق منهم مو حراميــه دول اخس مننا ياخدو فلوس الناس ولو يمصو دمهم اهم شي يستمتعو احنا على الاقل بنسترجع فلوسنا
نضـآل بتشتت : انا مو عارف ايش اسسوي
الرئيس حط يده عى كتف نضـآل : اخوك مهما زعل مصيره يرضـى لما يعرف نيتــك انتا عارف ابوك عايش على الفلوس اللي بتجيبها . اخوك وجوده زي عدمــه دراسته ماحتوديــه لمكــآن
نضــآل ضــــــــــــآآيـــع
الرئيس غير الموضوع : ايش حكايتك مع رغـد ؟
نضـآل انفجع : ولاشي !
الرئيس حس باإرتباك نضـآل : ايش بك كدا
نضـآل : ولاشي
الرئيس : شوفت رقمها بجوالك
نضـآل رتاح حسبها اشتكتلو : اها مو انتا اتصلت مره عليها بجوالي فاسجلت الرقم بس
الرئيس : اهاا انتا عارف اني اعتبرك زيها انتا ولدي
نضـآل طالع فيه بنص عيــن (( ونعم الاباء اللي يبيعو بناتهم )) ابتسملو مجامله
الرئيس ضحك : تحسبني مساافر
نضـآل يكره سيرة بنتـو لما يفتحها في حيــآته
ماشااف انسسان بحقاارتــه يبيع بنتــه للرجال عشان يكســب
ربــآ نضال 10 سنووات على الســرقه
وربــا بنتــه على انها تبيع نفسها مقابل الفلوس
يكره جو دي الغــرفه كلها ممنوعــآت وقف : خلاص انا مــآشي
الرئيس : اوك سلملي على ابوك
نضـآل مشــي بدون مايرد عليـــه .

وقفــت سيارة التاكسي قدآم احدد الفـلل
هديـل اعطتها الكيس البني : اعطيــه لنوني
رنيـم رفعت حاجبها : اسمو كدا نوني ؟
هديـل : ايوا اسئلي اول فينو نوني وبعدين اعطيه الكيس وخدي الفلوس منو
رنيـم مسكت الكيس بتردد وهيا عارفه انه مصيبــه بس حتردلها مساعدتها وتمشي من هنــآ
خــرجت من التاكسي.
وهديل وقتها اتصلت على صحبتـها : خلاص حليت يانونا المشكله
نونا بردة فعل سريعه : لاتقولي انتي وصلتيلهم هيا !
هديـل : لا وي ارسلت وحده بدالي
نونا بتفكيـر : تتوقعي مازن حيسويها
هديـل : شووفي لو سوى شي للبنت اعرف انو حقيـر وحسحب عليه وماعاد حجبلو اللي يباه اما لو خرجت البنت سالمه فاحقدر اثق فيه
نونا : هوا مايعرف شكلك مو ؟
هديـل : ايوا مايعرفني
نونا : حاسه انو في راسه شي
هديـل : وانا كماان . دحين حيحسب البنت انا عشان كدا ابى اعرف ايش حيسوي
نونا ضحكت بحمااس : دا الولد مصيبــه
هديـل اشرت للسواق : قــدم شوويا
السوااق وقــف على جنــب واختفت وقتها عن نظرها رنيـــم

اما رنيــم تمشي وعينها على الفــله المكااان مظلم حولينها ونور الفله هوا الوحيد مضيئ المكان مانتبهت للحجره اللي قدامهاا طااحت علـ ارض واللي في الكيس
انكــب فنجلــت عيــنها لما طاحت الاكياااس الصغيره اللي فيها بودرهـ
حشيسش وهــروووين وكوكاائيــن
هيا حســت انه مصيبه وسط الكيس بس ماتووقعت دا الشي
لمت الاشبااااء بخووف وبصــربعه ووقفت مو عارفه توديها ولا ترميـها
طالعت حوليــنها مالقت احــد رجعت طالعت بالفلــه والاضاائــه منووره احد الغــرف
لايمكن تودي نفسها بدهيــه عشان وحده ساعدتـــها
رجعت على ورى بخووف الا صــرخت بكل صووتها لما صدمت باأحد فجأه وراها
دارت جسمها بخوووف وقالت بردة فعل سريعععه : وااا فجععتتتتني ايش جااابك هناا
يزن رفع حاجبه واستغرب من ردة فعلها ماعرفها المكان ظلمــه : اعرفك !
:رنيم يعني مين _ افتكرت هرجة المطعم وملامحها اتحولت في ثانيه للغضب رمت الكيس بووجهه وقالت بعصبيه _ تاااني مرره لما تبى توديني مكاان لاتسيبني زي الطرطووره استناك وتسحب عليا
يــزن انفجع من رميية الكيس
من صوووتها
من طريــقة هرجها وكأنها ولد
ومن لبســها
قال بكل هداوه : ايش بك انتي !
رنيــم طالعت في الكيس : لايككون دا الكيس كمان لك
يزن دوبه بيفتح فمــه الا هيا هــرجت بكل عصبيــه : لاتحسبني حقولك من بعد اليوم استاز نزار لأنو كتير عليك دي الكلمه يمكن مني من مستواك ولا إني زي حبيبتك بلبسها بس ترى كرامتي فوق كل شي ماغصبتك توديني مطعم مره واو ول
يزن قاطعها بصــرامه : انتي ايش بتخـرفي واهرجي معايا باإسلوب احسن من كدا هوا انتي بنت !
رنيـم بعد كلام نزار مع سهاد ماحتغير شي في شخصيتها عشان سواد عيونو : لو ماعجبتك شخصيتي طز فيك ماهمني هوا انتا بتعلمني رقص وبس ايش لك باإسلوبي وشكلي انا حررره اهرج بطريقة اللي اباها
يزن طالع بالكيس ورجع طالع فيها وملامحه كاسيها البرود
مستحــقرها
ورااافع خششمه علييها وحده زي دي ولا ممكن يتخاطب معاها بس اعطاها وجه دحين : اولا احترمي نفسك وانتي تهرجي معايا تانيا اعرفي مين انا وبعدين غصبا عنك حتغيري اسلوبك دا معايا تالتا ازا تصرفاتك زي الشباب على الاقل كوني محترمه زيهم خدي الشي الطيب منهم
رنيـم هيا معصبه منــه من المطعم وكلامه داا زااادها
لاشعووريا رفعت يدها وكآنت بتضــربه على كتتتفه الا هوا مســك يدها مستصيب منها
شك في دي اللحظه انها بنــت ! دف يدها بعصبيــه وقال وهوا يتكي على كلامــه : انتي عاارفه انا ميــن
رنيــم دي الجمله بذاات تستفزها قالت بنفس اسلوبو : مين ماتكون مو ملزومه احتــرمك الا لما تحترمني مو انا اللي تسيبني في مطعم وتقول عنـي ا
يـزن قاطعها وهوا واصل حده منــها ومطعم ومامطعم مو عارف ايش بتتخــرف : اقول شيلي كيسك من هنا وامشي
رنيــم : كيسك دا خدو وروح اتعاطاه انتا والمدمنين اللي زيــك رقص ماعاد حــرقص وحروح اخد اغرااضي من المكان وخـارجه وخلي شي في باالك لو فلوس الدنيا كلها تحت رجــلك مو انا اللي انزل عشان اخدها
يزن مافهمها ! ومو قادر يتخااطب معاها اكتـر من كدا


اما رنيـــم بعــدت عنــه وهيا تمشي بكــل عصبيـــه مووولعــه
متنــرفزه (( طيب ياانزاار )) انتبهت للتااكسي وماراحت باإتجااه هديــل مشيت باإتجاه تااني (( ناقصتها انا كماان .سابني في المطعم عشان يجي يحشش خلى شكلي كان زي الهبببله هناااك ))


يــزن على راســه الف استفــهام بس دحيــن لو نزار يسير مليــون لايمكن يوافق انه يساافر مع وحده مجنونه زي رنيــم
انتبه للكيس واخده بتردد فتحـــه ووقتها عقــد حواجبــه بعصبيــه
اتــوجه للفـلا ودق الجــرس وماشال يده من عليــــه
فتح الباب جاسم وهوا مكشـــر : هيييي ايشش بك
يزن : فينو مازن
جاسم لانت ملامحه باإستغراب : حسبتك مازن
يزن على نفس سؤال وبيده الكيس : قلت فيــن مازن
جاسم فتح الباب ومشي ورمى كلامه : خارج
يــزن دخــل وقفل الباب : ومتى حيجي
جاسم :i don't know
يــزن يمشي ويطاع في المكــآن جلس على الكنبــه وحط الكيــس جمبــه
عارف انو دا الشي حــق اخووه


اما خــآرج الفـله وبتحديد وسط التاكسي فتحت الطاقه وخــرجت راسها : فينها دي رااحت
صحبتها نونا معاها عل جوال : ايش فيي ؟
هديــل : مدري ياشيخه البنت اختفت
نونا : وانتي كيف تعطي الكيس لوحده ماتعرفيها
هديــل : تقولي اخدت الفلووس وشردت
نونا : والمبلغ اللي حيعطوكي هوا شوويا مو بعييــد انه الفلوس تغريها وتشرد بييه
هديل بخووف : واااه ياااويلي دحيين ايش اسسوي
نونا : استني يمكن ظلمناها
هديــل : ياارب تخــرج
نونا : يياارب
هديـل : المشكله ماعندي شي يوصلني لها بعد كداا اووووو انا ايش سووويت
نونا باإنزعاج : بقولك اصــبري يمكن تجيــلك



رنيـــم خــرجت على الشــآرع العاام ووقفتــلها تااكسي واتــوجهت للقاعه اللي تدرب فيــها
كم مره كانت حتخــرج وتبطل دي الشغله بس دحيــن متأكده لو لمت اغرااضها لايمكن تــرجع
(( حقيـــــر انا اووووريـــه ))
مو عارفه انه لو خــرجت هوا حيكون دا اخر همـــه
طووول الطـــريق وهيا تتوعــد وتتحســب وكل انواااع السب قالتلو بينها وبين نفســـها
(( انا على اخر عمري اشرد من مطعم عششان ماعندي فلووووس والله ماحنسااالك دي الحركه يانزااار كلللب كمان يحسبني بقول من بعد اليييوم استااز نزار الله ياااخدووو شاايف نفسسه على ايش كأنو هوا الوحيد اللي باالعالم عندو فلوووس يااااارب كل فلوسو تنحررق ومعهده ينحــرق فجأه يااارب يسير عقيم _ سكتت ثواني _ لا استفغر الله ايش دا مو لدي الدرجه يارب يتكسسوح ممكن بس شي تاني انا مااالي ))
وقف التاكسي وهيا في عااالم تااني وفووقها من سرحااانها الرجال لما طلب الفلووس
اعطتوو الفلــوس وخــرجت وهيا مكســرهـ رفعت الطاقيــه اللي بجااكيتها وغطت فيــه شعرهاا


وقفت عند باب القااعـــه الا دارت جسسسمها لما ناداهاا طالعت في الجهه المقابله وعند بوابه القصصصر كان واقف نزار : رنييييييم رنييييم _ جاا لعندهاا وهوا متحمممس وباين انه مبسسوط ))
وهيا متنحــه
مستغـــربه
وكل انواااع الفهاوه بتمر فييها بدي اللحظه
جاا لعندها والابتسسامه على وجهه : تعااالي عندي لكي اخبااار حتعجببك _ اتقدمها وفتح باب القااعه ودخــل
وهيا مبلمـــه
ولا فتحت فمهااا كآنت تمشي وترمــش ومخرووسه من كتر ماهي مصدوومه من ردة فعلوو ولا كأنو ساير شي قبل شويا !
دخللت وهوا جلسس على البلوونه الكبيره الزرقاا : اجللسي
جلست علـ كرسي بدون اي كلمــه !
نزار مبتســـم
ومبســوط
والدنياا حلووه بنسبــأله
وهيا مفجووووووعه
وممفجوووووعه
ومفجووووعه
نزار زفر برااححــه : شوفي دبرتلك سفره لتركيــآ _ غمض عينه لما اتذكر شي ورجع فتحها _ بايذوي ام سوري علـ مطعم لأني سبتك وكدا بس اول ماخرجت اتصلت عليهم ودفعت الحساب
رنيم مو عارفه ايش تقوول
دوبها سبته على الهرجه !
اسلوبه كاان غيير معاها
كأنه دحيين مافي شي
شكـــت انها كلمتو من نص ساعه
(( بسسم الله الرحمن الرحيــم ! ))
نزار : عل عموم نقدري تسافري تركيا ؟
رنيـم مو معاه حاسه انها في عالم تتذكر قبل نص ساعه ايش ساار اقل كمان من نص ساعه
بلعت ريـقها بخوف : ايش !
نزار عقد حوآجبه : ايش بك كدا متنحــه
رنيم مو عارفه تفتح سيره الهرجه اللي سارت قبل شويا ولا تنكتم : ها ! لا ولاشي
نزار : رنيم ركزي معايا يوم السبت في سفر لتركيا حعرفك على كل شي هنــآك
رنيــم باإسلوب هادي مع التناحه : بس انا ماقدر اسافر
نزار : ليش ؟
رنيـم : ماعندي فلوس
نزار : كل شي على حسابي
رنيــم : لا انا ماقد سافرت يعني اجرائات السفر وا
نزار قاطعها وهوا متحممس : شوفي الباسبورت وكل شي بكرا تجيبيه وصاحبي حيسويلك ويعدلك الاجرائات قدامنا وقت 3 ايام حتروحي مع خالد على اساس لو طلبو اي شي منــك
رنيـم : بس اجرائات السفر حتكلف
نزار : بقولك كل شي علياا
رنيـم اتذكرت امها : وليش يعني نسافر ؟
نزار : ابى اعرفك على فــرقه بنات مره خطيرين حيفيدوكي كتيــر
رنيـم : بس يمكن اهلي مايوافقولي
نزار : شوفي هيا كلها 7 ايام حتغيري جو وحتنبسطي كماان دا عرض وجا لحدك
رنيــم بتناحه : تركياا !
نزار ابتسملها : ايوا تـركيا _ يبى يغريها عشان تسافر _ ماحنتأخر حتمشي الـ 7الايام بســرعه
رنيــم : تبى توديني لتركياا بس عشان اشوف فـرقه
نزار بكدب : عندي شغل هناك فاعشان كدا مابى اضيع وقتي ووقتك وعارف انك حتنبسطي
رنيــم في حياتها ماخرجت من حدود دبــي
نفسسها تشوف العاالم
وتحــس نزار بطااقه اليانصيــب وماحتفوت دي الفـــرصه اللي ماتتكرر
ليش تــرفض
تبى تنبسسط شوييا

امــها بس المشكله ايش تقولها عشان تختفي 7 ايام بدون ماتسـئل عنها
نزار وقــف : شوفي قدامك كم ساعه تفكري فيها عشان خالد يساعدك بهرجة السفــر ومابى اي تأخير
وفي شي تاني _ مو طبعو يتأسف كدا صوتو ارتخـى وهوا يهـرج _ اللي سار من شويا انا اسف عليـه عارفتني ماقصد شي بس _ سكت ثواني وبعدها قال بردة فعل سريـعه _ اني وي ام سوري عندي شغل بروح ولو رجعت ابى رد منــك _ خرج من القاعه _
هوا اعتــذر عن المطعـــم وهيا تحسبـ قصده اللي سار جمب الفلــه
رنيــم (( مو طبيعي اليووم ))
ماتحس شخصيته كدا
لو غلطت عليــه بحــرف يصنقر عليــها وهيا ماسابت شي الا قالتلو
لا وبعدين يتأسف كمااان !
حركت وجهها وكأنها تبى تفووق نفسسها " انا بحــــلم ولا اايييييييييششش "
طالعت في شكلها بالمرايـــه ووجهها رايــح لونــه من كتــر الصدمــه .

بيــــسوووق السيــآرهـ وبيــفكر اللي سوواهـ بالمووول
عقليــتو متخلفه يعرف دا الشــي
يبــى يعطيــها فرصــه دامها داخله مزآجــه ويبطــل يصنـقر على اشيااء تاافهه
لازم تعــرف طبــعه عشان تفهمــو
عكــس طريــقه وهوا راجــع لبيــتهاا
شغــل اغنيــه المفضــله وهوا يغنــي معاهاا
قلو اامان يادكتور جسمي تقلت حركاته
عندك دوا يطوول عمري وقلبي تقوى دقاته
قلو بتعشق قلو لا
قلو بتسهر قلو لا
قلو اللي مابيعشق ومابيسهر لشو بلا حياتــه
ياصبابين الشاااي زيدوو حلاتوو
يلي مابيعشق ومابيسهر لشوو حياااتـــه

دي الاغنيــه تعطيــه بووش يكمل انحرافاتــه برآحــه كمــآن
وقـف سيارته عند عمارتها وعارف انه لساتها ماوصــلت
خــرج من السياره وسند جسمه على السياره وهوا يشووف الحاره قد ايش مقــرفه
واي احــد يمــر من عندهـ يطالع في شكــله وفي سيارتــه
وكأنهم يقولو " دا ايش الي جايب اهله هنــآ "
بعد دقايــق معدوده وقفت سياره تاكسي ورا سيارتــه حاسبت وخــرجت من السياره
رفعت حواجبها باإستغراب لما شافتــه
دخــل اياديــه في البرمودهـ وابتسـملها ولاتحرك من مكــآنه
عيــونه وابتســامته سحبتهاا لعندهـ
رفعت شنطتها على كتفها وجات لعنده وملامحه كاسيها الزعل والبرود : ايش جابك
قال بصوت هادي : سوري
عقدت اياديها لتحت صدرها : على ايش ؟
مازن رفع حاجبه اللي توترها : يو نو
رغـد تبى تعرف ليش سوى كداا بدون سبب ! : لا ماعرف
مـآزن : اممم انسي طيب قلتلك سوري
رغـد : تراني مصدومه لدحيــن من اللي سوته بدون سبب
مازن ساند جسمه على السياره : عندي سبب بس حيكون تافه بنسبه لكي
رغـد : سمعني يمكن اسامحك
مازن ضحك نص ضحكه وسكت : ممكن اطيح من عينك
رغد : ههههههههههه اكتر من كداا لا عاادي قوول
مآزن عينه بعيـنها
اما هيا من نظراته الجريئــه دقاات قلبها بدأت تزيــد قالت بارتبــآك : اهرج
مآزن : حسيتك متردده تخشي المحل ولا لأ
رغـد : بس جيت !
مازن: بعد تفكيير
رغد باإستغراب : مالي حق افكر ؟
مازن : لا _ رجع يضحك لما شاف التفاجئ بملامح وجهها _ مو معايا يعني انا انسان مافكر خلاص اللي يجي في بالي اول شي اسوويه بدون مافكر واحب البنتت تتعامل معايا بدي الطريــقه
رغـد : مو كل شي بكيفك
مازن : مو دي مشكلتي التانيه _ قال وهوا يتكي على كلامها وكأنه يبى يفهمها هوا مين_ احب كل شي يمشي بمزاجي
رغد بلعت ريقها خوف من نبرة صوتـه : بس مهما كان ماتسيبني كدا وتمشي
مازن : ترا كويس انها جات على كدا
رغد ضحكت مع الفجعه : يعني ايش حتسوي اكتر من كدا
مازن رفع جسمه من على السياره : بلاشي نهرج عن الموضوع جيت بس اتأسف وعارف انك ماحتزعلي
رغد ابتسمتلو : ياواثق انتا
مازن : ههههههههههههههههههههه
رغد ماحبت انهم يطولو كدا بالشارع : عل عموم انا طالعه
مازن : يسير اطلع معاكي
رغد بردة فعل سريعه : نعععم !
مازن فتح باب السياره وبيضحك : ههههههههه بمززح
رغد ماحب تديه وجه تبى تبين انها لساتها زعلانه : باي باي _ دخلت العماره وهوا ركب سيارته ومشي _
طلعت الدرج بهدووء وتبتسم لما تتذكر تعاابيـر وجهه
مره حبتـها
حوآجبــه
عيونه كل شي فيــه
نســت ليش هيا متعــرفه عليــه
وفكــرت ولأول مره بقلبــهاا .
دخلت بيتهاا قفلت الباب ورمت شنطتها على الكنبــه وهيا تـغني باإستمتاااع وتمشي بدلع في البيت : قوولي ياحلوو منين الله جااابك خزن جرح قلبي من عذااابك قولي وش شفت مني اذيــه قلبك من صخر ماحن عليــآ
وانا اللي جرحت ايدي بدياا هوووويتك وانتا مغتر بجمااالك هوويتك واننتا مغتر بجماالك

امــآ هوا خــرج من الحاره المقــرفه وهوا مرتــآح نفسييا زبط وضعــه معاها يبى يشوف كيف حتكون نهايتــه معاها
دق جوآله اخدهـ وشاف المتصــل " نجــوى " رمى الجوال باإهمــآل
دي كانت غبيــه زي اثيــر ودحيــن تبااه يتزوجهاا ويصــلح غلــطه
مايكدب انه كان يتجنن بس عشـــآن يكلمهاا ولا يلقى منها كلمــه بس لماا عشقته زي مايبى
وسوى اللي براسه معاها طفـــش ورماها

ماأقسى أن يكون القلب لعبة في يد المحبوب يشفق على هذه اللعبة ما دام لم يمتلكها
ويلح في طلبه الحصول عليها وإذا استحكمت قبضته عليها فرح بها
في الأيام الأولى حرص على رعايتها والمحافظة عليها
وبعد أن تخف زهوة اللعبة الجديدة يقوم بكسرها غير آبه بلهفته للحصول عليها في السابق
ويبدأ في التطلع للحصول على لعبة جديدة عفواً قلبا جديداً
لتواجه نفس القصة المعتادة لهفة فإمتلاك ثم رمي في أقصى زاوية موحشة في قلب المحبوب
عجباً لقلوبهم وكيف يلعبون بأوفى القلوب


وقف سيارته عند الاشاره الحمـرا وطالع في الكنبــه اللي ورا وابتســم : يارب بس يكون مقاســهاا
اخد الجوال ولقى كدا مكالمــه لهاا
اتصــل باإستغراب : الو
اثيــر ماصدقت يتصل : بددري
مازن : ماكان الجوال معايا في حاجه ؟
اثيـر طفشت من كتر ماتستنى : خلاص مافي شي
مازن حاسس انو في شي بس ماحيسئلها على الجوال : امر عليكي ؟
اثير : لا انتي قلي فين وانا حجيك
مازن : حتركبي تاكسي ؟
اثيـر : ايوا
مازن خاف انو احد يضحك عليها : اقولك انزلي الحديقه وانا حجيكي
اثيـر بدون اي اهتمام : اوك
مازن : مقاسك 38 ولا 37
اثيـر باإسنغراب : مقاس ايش ؟
مازن : رجلك يعني ايش
اثيـر : اها مقاسي 37
مازن : كوويسس اجل
اثيـر : ليشش ؟
مازن : ولاشي اتجهزي دحين جااي
اثيـر : جاهزه
مازن سار يعاملها زي الطفله : البسي جينـز وتيشيرت اكماامو طويله عشان لاتتعوري
اثيـر بكل ثقه لابسه فستان قصيـر : يعني اغير ملابسي
مازن : ايش لابسه
اثيـر : فستان اصفر
مازن منااه يقوولها لاتغيري بس يعرف نفسسه مايقدر يقااوم : لا مايسير غيري احسن
اثيـر : طيب بااي
مازن : باي

وصـــل لحديقــة حي بيتهم وكآنت واقفــه بتستنــآهـ محد قدو دي اليومين يخلص من رغد يروح لأثيــر
كل وحده تجيب العافيـــه اكتر من التانيــه
فتحت باب السياره ودخلـت : ليش اتأخرت
مازن : في حادث في الشارع العام اخرني
اثيـر : اهااا
مازن : طيب يلا قوليلي ايش بك متصله كدا مره عليا
اثيـر على طول قالتلو وبحماااس : هزأت اليوم ماما قدام الحريييم كلهم زي ماقلتلي
مازن انفجع : انا ياهبله بقولك دافعي عن نفسك مو تهزأيها قدام احد
اثيـر كشرت : كلو واحد
مازن مهما كان عندهم احترام الكبيــر لابد منــه : لا مو كلو واحد ياااهبببله انتي في فررق وبعدين لازم تحترميها قدام اي احد انا بقولك ردي على كلامهاا بس باأدب يعين لاتسكتي عن حقك هوادا
اثيــر سااابت الهرجه كلهاا وركزت بشي واحد : كم مره اقولك انا مو هبــله
مازن عينه على الطــريق : لا هبلله وستيين هبــله كماان
اثيــر رفعت صوتها وحوآجبها كل ماااالها تضغط عليها من العصبيــه : بقوولك انا مو هبــله لاعاد تقوولي هبببله
مازن طالع فيها : يعني حتبكي
اثيـر كورت: لا ماحبكي مني صغيره
مازن يقلدها : لا ماحبكي مني صغيره . ياشيخه طيري الجمله اللي قلتيها تحسسني انو عمرك 7 سنوات
اثيـر مره عصبــت سكتت ووجهت نظرها للطريــق
مازن حس انها زعلت : زعلتي ؟
اثيـر ماطلعت فيــه وقالت بحقــد: ايوا زعلانه
مازن ضحك من قلبــه على ردهاا : وربي انك بزره
اثيـر طالعت باإتجه طاقتهاا ومره متنرفــزه منــه
ماتحب احد يسبها
ماتحب احد يقولها بزره هبله غبيه دي الكلمااات
خلاص سمعتها كتيــــر وماعاد تبى تسمعها اكتــر
مازن يطالع فيــها ويرجع يطالع بطــريق : طالعي فيا
اثيـر : مابى
مازن ماسك نفسسه لايضحــك عشان لاتزعل زياده بس شكلها يضحكو وهيا زعلانــه : يابتي دوبك راكبه السياره وحتزعلي على طوول
اثير طالعت فيــه : انتا تقول كلام يزعلني انا مو هبله ولا بزره ولاعاد تقولي كدا ماحب احد يقولي دا الكلام وازا حتقولي كدا تاني ماعاد حروح معاااك
مازن ماخد كلامها بهــبل : يواااد انتا اللي يهدد حمووت انا بدوونك
اثيـر مادرت انه بيتريــق عليها : ماقلت انك حتموت بس يمكن ماعاد اكلمك
مازن ضحـــك من قلبـــه على جديتها بالهرج : روقيــني ياأثيــر


اخدهم طوول الطــريق كلام وهــرج ومنــآقراات
وقــف سيارتــه في مكــآن جدآ فاضي وخــرج من السياره
هيا خــرجت وطالعت حولينها : مافي احد هنا
مازن : اجل فين تبيني اعلمــك
اثيـر ابتسمت باإعجــآب بهدوء المكااان : طيــب
مازن : مع انو المفروض نــخرج في العصر مو الليل
اثيـر جات لعنده : انتا اللي اتأخرت
مازن قفل باب السياره : ماعلينا دحيــن في جزمتــك ؟
اثير رفعت رجلها بشك : هنا
مازن : ههههههههههههههههه ياهبله اللي بتتزلجي فيها
اثيـر كشرت ومررت كلمه هبله من كتر مايعيدها طفشت : ماجبت شي
مازن : عليكي مخ يااشيخه فضيـــع حتجي تتسحبي على البلاط يعني
اثيـر مره زعلت : انتا ماقلتلي اجيب
مازن : يعني لبسك وانا قلتلك ايش تلبسي كمااان ازكرك تجيبي الجزمه ليش جايه انتي اصلا
اثيـر عقدت اياديها تحت صدرها : خلاص مره تانيه
مازن فتح باب السياره وخــرج علــب وحطاها على الارض ورجع قفل الباب
اثيــر طالعت في العلــب : ايش دي
مازن ابتسملها : اشتريتلك ياهبله
اثيــر فتحت عينها على وسعها : من جددددد
مازن ضحك على شكلها : اييوا _ خرج الجزمــه اللي حيلبسها وراح لحد الدكه وفســخ شوزهـ_
اثيــر اخدت العلبــه وعجبها اللون الفووشي : واااا مرره حلووه ياماازن
مازن: عيونك الحلووه تعاالي بس البسي
اثيــر خرجت الجزمــه بحمااس من العلبــه وراحت جررري لعنده والفرحــه بايــنه في عيــنها
مازن يلبــس جزمتــه السوداا : تصدقي اخر مره اتزلجت قبل 4 سنوات
اثيـر : غبي انا منك كل يووم
مازن : غبي في عيينك
اثيـر : عادي انتا تقولي هبله وانا اقولك غبي
مازن مايحب احد يغلط عليـه : خلاص ماحقولك هبله
اثيـر ابتسمتلو باإنتصار : وانا ماحقولك غبـي
مازن حط رجلو على الارض ويحــركهاا : والله ياخووفي اني اطيــح طيحه
اثيـر : مو قلت تعرف
مازن وقف بعد اتــزااان : اصبــري _ مشي بشووويشش يبــى يواازن نفســـه _
اثيـر ابتسمت بخبــث ولأول مره تجي في بالها حركة نذاله كدآ حطت جزمتها على الدكــه ونزلت وجات من وراه ودفتــــه
وهووووا مع الدحديــره اللي كانت قدآمــــه صرررخ لأنه مو قااادر يوووقف : ااااااااااااااااااااااا

اثيــر لما شااافته مو قااادر يوووقف وكل شوويا يجي جسمــه على قداام ويــرجع يووقف عدددل واياديــه
اللي طااايره بالهووى
مره انفجعت حطت يدها على فمها بخوووف : مااااااازن وقــف _ ماتدري كيف حيوقف بس كدا قالتهاا _


وانكمشـــت على نفســـها وغمضت عيــنها لما سمعت صووووت الخبـــطه : طـــــع

اثيـر مدت يدها ورجعت نزلتها : لا خلاص بطللت مابى
مازن كشــر : اثير بلا هببل _ مد يدو التانيه _ ها حمسكك طول الوقت ماحيسرلك شي
اثيـر بكل تردد : ياويلك لو سبتني
مازن : طيب يلاا
اثيــر مسكت اياديــه ووقفت وهيا شاده على جسمها : واااا حطييييح
مازن : هههههههههههههه ماحطيحي
اثير غمضت عينهاا : ماااابى خلاص ماابى والله حطييح
ماازن قبالها : يااهبله ماسكك فين حطيحي
اثير فتحت عينها : خلاص ابى افسخ الجزمه
مازن بحده : بقولك امشي
اثيــر : مااقدر
مازن رجع على وررى وهيا لانها ماسكتــه مششت تهررج بكل خووف : لا لا والله حطيييح
ومازن زي عادتــه يستلذ في دي اللحظات كان يبى يسيب يدها بس هيا ماسكتــه بكل قووتها
فتحت عينها على وسعها لما حسته يبى يسيبها : لاتسيبني
مازن وقف وهيا وقفت : سيبي يدي
اثير ماسكته بكل قوتها : مااابى
مازن : بس ثوواني ماحيسرلك شي _ سحب يده منــها وجاا خلفهاا _
اثير باإستنجااد : فييين رااايح تعااال
مازن حط يده على خصرها : انا هناا ماحطيير امشي يلا
اثيــر : كيف
مازن : زي مايمشو البشر يعني كيف
اثيـر لساتها خايفه : ماحطييح
مازن طفش منها : ماسكك يعني كيف حطيحي اسحبي رجلك اليمين على ورى وبعدها اليسار
اثير حركت رجلها بخووف زي ماقلــها
وهوا ماسكها بخصــرهاا ومااشي وراها ومثبـتهاا عاجبــه الحال طبــعاا
بعد دقــآيق اثيــر دوبها تحس بالاستمتــاع تمشي وتضحكك : خلاص سيبني
مازن حاسسها مابتمشي عدل ولو سابها حطيح : متأكده
اثير كانت خايفه بس دحيين راح الخووف : ايوا خلاص سيبني
مازن سابها ووقف في مكانها وهيا تمشي بهدووء بس باإستمتاااع وضحكتها في المكاان كلـــو : مااااازناتعللمتتت
مازن ضحك : ياشيخه يارب تنصقعي زيي
اثيــر وقفت : لاتقوول كدا
مازن : ههههههههههههههه
اخــدهم الوقــت وهما بيــلعببو لأول مره يتعرف على بنت و " يلعب " معاها
جللس بعد ماتعــب هدت حيــلو وهيا لسسساتها بتفرفر في المكااان : اثثيييير ارحمي نفسسك
اثير جات لعنده ووقفت : قوووم
مازن : قلبي يووجعني والله خلااص ابى ارتااح
اثير جلست جمبو : اوووف منننك
مازن :ماتتعبي انتتي
اثيـر طالعت فيه بنص عين : ماتعبت
مازن : زي المكيــنه
اثير : لاتقول عني كدا
مازن يقلدها : لاتقول عني كدا لاتسوي كدا انا مو هبله . ماعندك الا النفي ردي رد عدل
اثير : ردودي عدله
مازن سلكلها : اييوا صح _ رفع جواله وشاف المتصل رغد ابتسم _ لاتهرجي
اثير : ليش
مازن : ياااربي منــك بس ثوواني ماحيسرلك شي
اثير : طيب
مازن رد : رضيتي ؟
رغــد : يعني
مازن : طيب كان لو رضيتي مره تتصلي
رغد : يعني اقفل ؟
مازن : لا مو كدا قصدي بس ايش الفايده الاتصال وانتي زعلانه
رغد ماتدري ليش اتصلت قالت بكدب : ضيعت مفتاحي فاقلت ابى اسئلك ازا هوا بسيارتك
مازن وقف : دقيقه اروح اشوف
اثيـر : على فيين رايح
رغد على طول قنصت سوت البنت : مين دي ؟
مازن طالع في اثيـر واشرلها تسكت : اختي _ اتوجه لسيارته وهوا بيدور _
رغد : اهاا
مازن : ماافي شي متأكده انك طيحتيه بسيارتي
رغد : لا خلاص حدور في البيت
مازن : اوك ورديلي خبر لو لقيتيه
رغــد : طيب باي
مازن : بااي
دخل الجوال في جيبــه واتووجه لأثيـر : بقوولك لاتهرجي
اثيـر : بس كنت بسألك
مازن : يعني حروح واسيبك
اثيـر : وليش يعني مااهرج
مازن جلس : لما اقوولك شي تسسويه وانتي ساكته
اثيـر : لا مو على كيفك
مازن يبى يمشيها بمزاجه : لا وانتي ومعايا تسوي زي ماقولك
اثيـر : ليش
مازن : لانه حزعل لو ماسويتي زي ماقولك وانتي ماتبيني ازعل مو ؟
اثيـر على نياتها : ايوا
مازن : اجل خلاص لما اقولك شي تاني مره تسويه بدون اسئله زايده
اثيــر ماحبته يزعل قالت بسذاجه : طيب . كنت تكلم مين
مازن : صحبتي
اثيـر : ايش تبى ؟
مازن : ضاع مفتاحها فاتحسبو بسيارتي
اثير بعد سكوت مطول قالت : مو انتا تقولي لاتركبي مع احد بسيارته ليش انتا تركب ف
مازن قاطعها وهوا مستغرب من تحليلها : انا قلتلك كدا لأني خايف عليكي
اثيــر سكتت
مازن سكت للحظات وبعدها اتذكــر رغد وابتســم : شكلي انا في بداية الحب
اثيـر اتربعــت على الدكه ودارت جسمها باإتجاهه : كيف يعني
مازن : يعني شكلي ححب
اثيـر : مين ؟
مازن : اسمها رغد
اثيـر : هيا تحبـك ؟
مازن مايشيل هم دي الناحيه : لسسه يعني في البدايه تعرفي ايش بدايه الحب احنا بنمر فيه دحين
اثيـر : ايش بدايه الحب ؟
مازن : اعجاب
اثيـر تطالع فيـه وتلعب باأظافيرها : طيب كيف تعرف انك تحــب
مازن ضحك : ماقد حبيتي ؟
اثيـر اشرت براسها بنفــي
اختفت الابتسامه من وجههو جلس باإهتمام وسارو قبال بعـض : الاعجاب مالو صله بالحب بعض الاحيان يمكن تعجبي بشخص بس ماتحبيـه ويمكن تعجبي بشخص وفي النهايه تحبيه
اثيـر عادت سؤالها : وكيف اعرف اني احب
مازن يكلمها كأنهاصغيره : امممم لو ماكنتي معاه تفكري فيه كتير تبتسمي لو جا على بالك
اثيـر قاطعته : ولو كان معايا ؟
مازن : تسرحي فيه تحسي بشعور تاني وانتي معاه لو حجلس اتكلم لبكرا ماحتفهمي الا لو مريتي فيه
اثيـر بفضول : انتا قد مريت فيــه ؟
مازن ضحك : كتير بس مهما مريت فيه كل شخص كان غير عن التاني يعني يمكن احس معاكي باأحاسيس ماقد حسيتها قبل ولما احب غيرك برضو ححس باأحاسيس تختلف
اثيـر حكت حاجبها وهيا تفكر انو دي الاشياء اللي قالها هيا بتمر فيـها بس زي ماقال يمكن مجرد اعجـآب: ليش قلتلها انو انا اختك ؟
مازن : عشان لاتزعل
اثيـر : وليش تزعل
مازن: لأنو البنت لما تعجب بشخص تغار علييه ماتحب يكون لغيرها
اثيـر : ااهااا _ غيرت الموضوع ماتبى تفكر فيه كتيــر _ وانتا كم عندك اخوات ؟
مازن : عندي اختين وحده متزوجه وعندها سنفور صغير والتانيه يمكن قدك وبعد كم يوم حتجي دبي
اثيـر : ليش فينها ؟
مازن : بتدرس بس شكلها طفشت وحترجع
اثيـر : اهاا وعندك اخوان ؟
مازن : ايوا 2 نزار ويزن
اثيـر : ماشالله عيكم كتير مو زينا
مازن : انتي وهدى بس مو ؟
اثير : لا في عبدالله بس في قطر بابا رحلو دحين
مازن : اخوكي من امك ؟
اثيـر : لا
مازن : طيب ليش مو ساكنه مع امك
اثيـر : ماتت وانا صغيره عشان كدا بابا اتزوج
مازن صوتو ارتخى : اها الله يرحمها
اثيـر : امين

مازن فسخ الجزمــه : خلاص طفشت منها
اثيـر دامو فسخ حتسوي زيو : طيب بس مره تانيه تجيبني هنا ونلعب تاني
مازن ابتسم : اووك واجيب كمان ولد اختي حتتفقي معاه مرهـ
كل واحد لبـس جزمتـــه مازن طالع بالجو اتمنى انو يكون مغيــم عششان يفجعها بالمططر
قامــو ومشــو واثيـر شوويا تجججري وتناديييه وهوا هلكاان مايحب يمشي كتتير ماوقفو مشي الا لما وصلو لعند الممشــى واثيــر تعبت وجلست على الكــرسي
مازن : اقولك بعدنا عن السياره قومي خلينا نرجع
اثيـر : تعببت مافيا حيــل امشي اجلس شويا
مازن جلس جمبــها والناس رايحين وجايين قدامهم
اثيــر نفسها تلعب تنطنط تسوي اي شي : طفشششانه
مازن : انتي ناويه عليا اليوم مو
اثيـر مافهمتو : كيف ؟
مازن : هديتي حيلي وتقوليلي كيف شوفي قد ايش مشينا
اثيـر ماردت عليه وقالت بحماس : طيب خلينا نلعب
مازن طالع فيها مفجوع : مو من جدددك
اثيــر وقفت : قووم يلا
مازن : دوبك بتقوليلي تعبت وابى اجلس مسسرع اتنشطي
اثيـر : اووف منننك اليوم كلو راااح وانتا بس تتشكى
مازن : ليا ساعتين بسوي كل شي تقولييه وفي النهايه بتقوليلي اتششكى
اثيـر رجعت جلسست : طيب نلعب واحنا جالسين
مازن سند جسمه على الكرسي الخشبي وزفر بتعب : طيب وريني ايش حتسوي

اثيــر طالعت حولينهاا تبــى تجيــب لعبــه
بعد دقايق جات في بالها لعبــه ابتسمت بخبث وطالعت فيــه : لقييتها
مازن : الله يستر
اثيـر : هههههههههههه شوف _ كان في خط اصفــر مرسووم علـ ارض _ اختار رجل يمين ولا يســآر
مازن عقد حوآجبه : كيف يعني
اثيـر : يمين ولا يسار
مازن : يمين
اثيـر : اوكي وانا يسار
مازن مو فاهم شي : طيب ؟
اثيـر : شوف لو جا احد ماشي ودعس الخط برجلو اليمين انتا الفايز ولو دعس الخط برجلو اليساار انا الفايزه
مازن ابتسم عجبتو اللعبه الغريبه : اوك والفايز ايش يسوي
اثيـر : نعطي للتاني كف
مازن ولا بالحمااس طالع فييها ببلاهه : مو من جدك
اثيــر مبسسوطه تبى تضربو عشان تردلوو اللي سواه " المقلب " : اييوا كف
مازن : شوفي شي تاني انا اختار اللي اباه
اثيــر : لا ماافي ياكف يامانلعب
مازن : اجل اسري مابى العب
اثيـر تترجااه بدلع : ماااازن طفششانه اببى العب
مازن العبي لوحدك
اثير حطت يدها على يدوو : اماانه يلا نلععب
مازن دف يدها : ماببااا بقولك العبي مع نفسسك دا الناقص تعطيني كف
اثير رجعت تمسسك يدوو وفيسها فييه كل انوااع الترجي : الله يخليــــك _ طالعت فييييه بكل تــرجي وبترمش بعينها _
بلم في وجهها ثوااني وبعدها قال بضعف : امري لله
جلست بحمااس وضمت اياديها في بعض وهيا تنتظر اول فريســـه : جااي وااحد
مازن عكسها ماكان متحمسس جالس بدون اهتمام ويطالع بلي جاي يــمشي من بعيـــد
واثيـــر متحمسسه وبطااالع فيـــه تبى تشووف حيدعس برجللو على اي خــط : ياارب يسااار يساااار يساااار
لما بدأ يقرب من الخط لاإراديا مازن عدل جلسسته باإهتمااام وهوا يقول بينه وبين نفسسه (( يمين ييمييين ))
وصـــرخت اثيـــر بانفعاال لما دعسس الرجال برجلو اليسااار : وااااااااااااااا
مازن انقهههر : بلااااااااا
الرجال طالع فيـــهم مفجووع وكمل طريــقه
اثيـــر وقفت مع الحمااس وطالعت في مااازن : فوزت فوووزت
مازن : اول واحد مايحسب
اثيــر خف حماسها : الا يحسب
مازن : لا نعيــد
اثيـر : لا مااالي حعطييك كف
مازن مايحب يخســر : ايش دي اللعبه السامجه انا ايش عرف اهلي دحيين انو ممكن يدعس برجلو اليسار
اثيـر : دا حظ
مازن قال بقهر : من فيين طلعتي دي اللعبه _ رخى صوته _ وانتي طول عمرك عميا
اثيــر ماسمعت جملتــه من كتتر ماكانت متحمســـه جلسسست : اووف منــك ابى اعطييك كف
مازن بتصريييف : اممشي يابت
اثيـر : مااااااااازن ماااالي والله مااالي انتا قلت طيب
مازن : كنت بسلكلك
اثيــر زعلت : ماازن ايش دا كان قلت من البدايه مابى العب مو تسوي فيا كدا
مازن : قلتلك مابى العب وانتي اصريتي
اثيــر عقدت اياديها تحت صدرها : خلاص طيب
مازن طالع فيــها بنص عيــن ماحب يزعلها شمق وقال بتردد : اضربيني
اثيــر ماصدقت قالها طالعت فيه : اضضضربك
مازن : ياسبحان الله فجأه قلبتي
اثير : هههههههههههه طالع فيا عششان اضــربك
مازن : في وجهي
اثيـر : اجل فين يكون الكف
مازن : خلصيني واضــربي _ طالع فيــهاا _ يلا
اثيــر ابتسمت بكل خبــث ممزوجه ببرائـتها ورفعت يدها ومن قلببها صفعتو كــف
مازن مرره ماتوقعها تضــرب كداا من قلببها فتح عيـــنه بفجعه من صووت الكف
اثيــر ولا كأنها سوت شي طالعت قدامها : يلا نششوف التاني
مازن ولا اتحرك من الفجــعه لسساته بيطالع فييها مصدووم
كف سيدوو الا اخدو قبل كم يوم ماكان بدي القـــوووه
عدل جلسته بهدوء وسند جسمه على الكــرسي
هيا تهــرج وباين الانبساط بصووتها : يااارب افووز انا كماان
مازن قال بهدوء وهوا يباها تستوعب اللي سوته دووبهاا : اثيـر
اثيــر طالعت فيه : نعم _ شهقت بعدها بفجعه _ ايش بو خدك كداا
مازن عرف انو اصابيعها امرت في خدو : يدك طبعت في خدي زي منتي شايفه
اثير حطت يدها على فمهاا : واااا كيف كدا
هيا بووااادي وهوا بوواادي
طالعت بخده اأكتر : من جدددد صباااعي داا
مازن طالع فيها بقهههر هوا بيهرج على قوة الكف وهيا بتشوف اثار يدهاا : لا يااشيخه
اثيــر مررت اصابيعها على خده وضحكت : مرره شكلها يضحك سبحان الله
مازن دف يدها وهوا متنرفز وقال بعصبيه : تعاااالي اتصووري كماان جمب خددي قطعه اثريييه هيا
اثيــر : ههههههههههههههههههههه ليش معصب
مازن : شكلك ماحسيتي بيدك وهيا مو تخبط شالت نص وجهي
اثيـر بتضحك على تعابير وجهه : ههههههههههههههههههههههه اسفه مو بالقصد
مازن شاف واحد مااشي وجاي عند الخط : دحييين اوريكي
الاتنن عيونــهم على اللي ماشي قدآمــهم رفع رجللو اليمين ودوبو بيحطها على الخط ومازن ابتسسم الا رجــع دار جسمـــه وعكس الطـــريق
مااازن قال بعصبيـــه : الله يلعننننك حبببكت دحين تدير
الرجال طالع فيــه مفجوع : بتكلمني
اثيـــر تضحــك من قلبــها على حظه الاهبــل
مازن : اعررفك عشان اهرجك ؟
الرجال طالعلو باإستحقااار وكمــل طريــقه
واثيــر ماسكه بطنــها وتضــحك : آآآآآآآه يااابطنــي
مازن يعصب ويتنرفز بســرعه : خلاص ماعاد حلعب




فــي حديـقة القصــر نادت عليـــه : هتااان
هتان قام من كرسيــه واتــوجه باإتجاه السياره : نعم ؟
ام الين : بللهي دخــل دا الكــرتون المطبــخ تقيــل مره الخدامه ماقدرت تشيلو
هتان بدون اي اعتراض : طيب
ام الين ركبــت السياره وخــرجت من اسواار البيــت وهوا شــآل العلبــه التقيــله وداخل


داخل القصـــر .
##
فتحت باب غرفتها وتناادي خادمـتها بصوووت عاالي : نووووووناااا نووووناااا الله يصيبها دي الطرررمه
كانت بتدخل الغرفه ##بس كســلت
مافــي غيرها بالبيت
ابــوها مســآفر
ماعندها اخوآن
##

خــرجت دورت على نوناا مالقتها عرفت انها بالمطبخ كالعاده مع بقيــة الخــدم نزلت قبــل لاتدخل المطبخ سمعت اصوات من الغرفــه اللي جمبــها دخلت وكانت في الشغــاله قالت بعصبيــه : فين نوناا
الشغاله كانت بتمسح الطاوله قالت بخوف : في مطبخ مدام
دارت جسمها وبتمشي وعينها على ظفرها اللي بينكســر معقده حوآجبها وتطلع فيه باالم ورفعت راسها برده فعل سريــعه على مصــدر الصووت

طاااح الكرتوون من يده مع الفجــعه لما شافها وهيا حتى الشهقه ماطلعتلها صـــوت فــرصعت عينها وكأنو احد لاطشــها
اما هوا يبــى يداارك حــركتو ماخــرج من البيت لا نززل في الارض وسار يلم اللي طاح من الكــرتون
اليــن الفجــعه شلت جسمـــها واقفه بدون اي حــركه
اما هوا يرمي بالكرتووون بصــربعه ويدو ترجـف من كتر مو مستحــي
استووعب انوو جلستو في المكاان لدحيـن غلــط رمى العلبه الحديد اللي بيدو باالأرض وقاام
باب البيت ورااه علىى طوول دار جسممه بيخــرج بس الباب مقفــل على بالو لسسه مفتوح
مانتبه مع شده العمى اللي مارر فيــه بدي اللحظه انصقققع في باااب البيـــت
رجع خطوى على ورى وفتح الباب وخــرج وقفل الباب

ماقدر يمشي وااقف بمكــآنه دقاايق معدووده ودقااات قلبــه ورا بعــض
حط يده على قلبه (( ايش الاحراااج دااا )) يبى شي يسند جسمــه عليـــه رمــى كل جسممه على الباب
يحسبــو مقفـــل الا بتقـــلو كلووو علــ ارض

اليــن لساااتها واقفــه بكل تتنيــح في مكــآنها كانت دوبها بتستوعب اللي سااار بس وقتها هتــآن طاااح علـ ارض لاإراديـــآ صـــرخت بكل صوووتهاا : اطلللللللللللع برااااا

هتااان في ثانيه كان بالارض وباأقل من نص ثانيـــه خــرج من البيــت جــري مع الفجعه التانيه
مارضـــي يوووقف جــري الا لمااا وصــل لحد بوابـــة البيت

اما هيــآ
خرجت الشغاله مفجوعه : ايش في مدااام
والخدم اللي بالمطبخ برضو خرجوو ويطالعو باإستغرااااب
اليـــن مع القهههر والصدمه نفسسسها تبــكي سارت تصـــرخ عليــهم : كل وحده على غرفتهااامابى اشووف ولا وحده قداااامي روووحوو
الخدم كل وحده دخلت لمخبــئهاا
واليــن طلعت لغرفـــتها ورزعت الباب بكل قوووووتها وصـــرختتتت : آآآآآآآآآآآآآآآآ لييييييييييش ياااارببببي ليششششششش
اخدت روووبها ولبسـتووو وضامتو على جسمها بكل قوووتها : اااااااللله يصيبببو االله ياااخدووو الكلب الحيوووان دااا آآآ يامااامااا
صوتها شووويا وتبـــكي بس دمووعها حتى مو قادره تخـــرج
راحت باإتجااه السرير ونسدحت
غطت وجهها بالمخدهـ واستممممر صوووتهااا المكتووم يطلــع

جـــلس على الكـــرسي الخشــبي وشكلها لسسه مرسووم في بااالو وكأنها لساتها واقفه قباااله
غممض عيــنه بقووه : ايششش الموقف الحمااااار دااا مييين داااعي علييا ياااربي
من يوم ماشتغل هنا ماشاف شــي عـــدل
مو عـــآرف كيف دحيــن حيتعاامل معاها
هوا مستحي اجل هيــآ ايش موووقــفهاا


اخدت جوآالها وارسلت رساله " ماحجي " مو قادره تخرج من غــرفتهاا تهررج من كل قلبــهاا : الله يقلعوو الله يققلللعوووو المزززفت دا

وبدآ زنــها وونااتها لووحدها كل ماتتذكر عيونو كيف كانت على صدرها
شدت على عينها اكتر وغطت بوجهها المخده ووجهها محمــــرر : يااااريتني لبسسست تيشيرت






فتــح الباب وهوا هلــكــآن كســرتله ظهره
وجسمــه وكل انواع الارهاق بيمر فيه بدي اللحظه
ماعمرو جــري ولعــب بدي الطــريقه قفل باب البيــت اتكسسل يطلع لغرفتو
راح للصـآله انتبه لواحد من اخوانه جالس على الكنبــه بس ماركز مين هوا
يزن ولا نزار
اتــرمى على الكنبه رفع جسمه لما حس بشي تحته جوال رمااه في الارض وغمـض عيــنه
يزن جالس في طــرف الكنبه وفي يده الكيس ويبى يشوف متى مازن يعبرو
مالقى اي ردة فعـل منو : ماازن
مازن وهوا مغمض عينه رد عليــه وصوته يادوب طالع : هممم
يـزن : حتنام هنا ؟
مازن : ايوا
يزن : على الاقل فسخ الجزمــه
مازن : لما اقووم
يزن عقـد حوآجبه : ايش كنت بتسسوي عشان كدا هلكان
مازن : بعدين
يزن : قووم ابى اهررجك
مازن اخد الركازه وغطى فيها وجهه : بعدين ابى اناام
يززن قااام وراح لحده وسحب منوو الركازه : قووم بهرج معااك
مازنعقد حواجبه وفاتح نص عينه : ايش تبىى
يزن رفع الكيس : ايش دا
مازن بكل برود: كيس
يزن : لاتستهبل
مازن يعرف الاكياس اللي تجيبها هديــل : مو حقي
يزن : لا تبعك وانا عارف
مازن : ايوا حقي سيبني انام
يزن : دااا كلوو لك تبى تمووت نفسسك ولا كيف
مازن : يززن فكني من نصايحك تراني مو فايق
يزن : ازا بتستمر كدا ارجع للبيت
مازن اتثاوب : بعديــن نتفاهم
يزن : الكيس اللي بيدي تحلم تاخدوو وماحيوصل دا الكلام لا لنزار ولا لسيدي بس والله لو ماتبطل حركات الحشيش دي يامازن الموضوع كلو حيوصل لأبويا
مازن لف بجسموو للجهه التانيه وقال بدون اهتمام : طيب
يزن حس انو مازن مره مو معااه سبــلو المكــآن وخــرج ولا قلو حتى انو حيسـآفر
اتــوجه للبيت وطول الطــريق بيفكر بشيين " مازن ورودينـآ "
قطع حبــل افكاره لما دق جوآله " صفــآء "
كشــر (( يالطييف عليها )) اخد الجوال وبتردد حط السماعه في ادنو : الو انا في السياره مع سيدي اييوا طيب باي
كــدب عليها مايبى يهــرج معاها
مـــآلو نفــس يسمــع صووتهاا
رآآح يسوي كدآآ شغــله وبعدها رجــع للبيــت واتووجه لــغرفه نزار
يــهرج شوويا معاه وبعدين حينـآم
دق الباب وفتحــه . نزار جالس على الكنبـه ورافع رجله على الطاوله الخشبيه اللي قدامه وبيهرج بالجوال
رفـع عينه على يــزن وابتسملو وكمل هــرجه على الجوال
يزن قفــل الباب وجلس في الكنبه اللي على يمين نزار

ونزار باينو متحمس بالهــرج وكل كلامو عن اجرائات السفــر !
يــزن يسمع الكلام وحوآجبه مقرونه في بعضــها
قفل نزار وحط الجوال على رجــلو
نزار : اهلين
يـزن : انتا على بالك اني حسافر مع المتوحشه ؟!
نزار : اي متوحشــه ؟
يزن : دي اللي تباني اسافر معاها
نزار : ايوا دوبها جات تقولي انها موافقه
يزن : كمااان فوق داا اللي بتسويه دوبها بتردلك خبــر
نزار : عشان اهلها لازن تستأزن منهم
يزن : مستحيل ترا اسافر معاها
نزار نزل رجلو من على الطاوله وجلس باإهتمام : ليش ؟
يزن : لأنو البنت مو بنت
نزار عجبتو الجمله وضحــك : ايش عرفك فيها
يزن : قابلتها اليوم وامس اتوقع
نزار : لاتكون قلتلها انها حتسافر معاك ولا
يزن قاطعه : تحسبني انتا هيا ماتدري انو عندك توأم
نزار : حقولها بعد السفر عشان لاتششك فيك
يزن : اسسري اصلا لايمكن حسافر معاها ماحتفق ولاحقدر اهرج مع وحده زيها
نزار : ههههههههههههههههه اول ماقابلتها كنت زيك بس صدقني تراها طيبه
يزن : لاتحااااول مستحييل اخد وحده بداك الشكل
نزار : مو انتا حتعدل شكلها
يزن : دي يبالها تعديل اسلووب مو شكل وببس
نزار : طيب عدلها من كل شي
يزن مصمم انو ماياخدها : نزاار انتا سامعها كيف تهررج وربي مو بنت
نزار : يزن اهجد ولا تكبر الموضوع
يززن : ماكبرتو ولا حااجه انا بقول اللي شوفتو
نزار : كلها 7 ايام
يزن قال بهداوه : 7 ايام ابى انبسط فيها اروق وابعد عن كل حاجه مو اخد صاحبي معايا
نزار : انتا مصمم انها ولد ؟
يزن : بنسبالي ولد
نزار عارف اخوه جلستو دايماا مع مودل يعني البنات بقمة نعومتهم
وانــوثتهم كدا لايمكن يتقبــل رنيــم قال بكدب : خلاص انا حجزتلها معاك وبعدين عرفت انو سوسن جايه فاخليها معاها واشرد
يزن وقف : قلتلك سفر مع دييك الكائنه ماحساافر لاتحااول مو ناقص وجع راااس
نزار سلكلو : روح روح
يزن خــرج من الــغــرفه راح لغــرفته طفشششااان اتصل عليه صاحبــه فريــد
وعــزمه على حفله رايحلها
بعد الحاااح فــريد غير يزن ملابســه واتــوجه للحفلــه .

تمشــي على الرصيـــف ومن يسارهاا انوااع المحلات وباإختلاف اضائتهاا والناس حولينهاا رايحين وجايين
وعن يمينهاا السيارات المزعجــه شاخطـه الطريــق بكل ســرعتها
ماتــدري كيف وافقــت بدون ماتكلم حتى امها في اقل من ســآعه قالت طيــب موافقه اسافر
مافكرت في امها
ولا فكــرت بهتـآن
ولا فكــرت باأي حــآجه
اول مره تفكــر بنفسهاا هيا وبــس
لأول مره تحط نفسها قبل كل أحـــد
تبى تســآفر عشان نفسسها
ولو 7 ايام تنبسط فيها وبعدين تــرجع للهم والغم اللي عايشه فييه
عارفــه انها حتعيش طوول عمرها بدي الحلقــه
تشتغل
وتشتغل
وتشتغل
مافي شي حيتغير
ودي الفرصــه جاتها لحدها ماقدرت ترفــضها
ماقدرت تمنع نفسسها انها تستكشف
وتنبسط
وتعيـــــــش
ابتسمت لما كررت الكلمه بينهاوبين نفسها (( حعيـــش ))
دخلت حارتهم وبتفكــر وقطع حبل افكارها صوت نضــآل :راممممي
رنيــم ابتسمتلو وراحت باإتجاهه : السلام عليكم
نضــآل : وعليكم السلام تعرفي فين هتان ؟
رنيـم :لا
نضـآل بتردد سئلها : ماقلك حاجه
رنيم باإستغراب : عن ايش ؟
نضال حك رقبته بتوتر : لا ولاشي
رنيـم خافت : في شي سااير
نضال ضحك : لا مافي حــآجه بطلي هوس
رنيــم طالعت بشك لنضال : من ضحتك اشك بالموضوع
نضال اختفت ابتسامتــه : هتان مايهرجني
رنيـم : ليش؟
نضـآل : مدري
رنيـم : شوف هتان مايغلط ولو غلط حيتأسف منك فاأتوقع انتا الغلطان
نضـآل : ايوا انا الغلطان بس هوا مابيسبلي مجال اتكلم معاه مايرجع البيت الا وانا بالعمل عشان مايتكلم معايا
رنيـم دخلت اياديها وسط جيب الجنز ووقفتها كانت شبابيه وتخلو من الانوثه : ايش مسوي يواد ؟
نضال : سيبينا من السؤال دا واقنعي هتان يهجد
رنيـم : كيف اقولو يهجد دام انا مو عارفه حاجه
نضال : مشكلتك عاد دي
رنيم : انتا شحات ويتشرط
نضـآل عارف طبع اخوه اللي سار ماحيقول لأحد يعني حيألف عليها اي قصه : هتان حيقولك
رنيـم طالعتلو باإستحقار : انو يعني ماتعرف اخوك ماحيقولي على حاجه وحيسوي انو اصلا مافي شي ساير
نضال حرك يدو بدون اهتمام : اتصرفي عاد
رنيم : تعلي بكفين يمكن استوعب كلامك
نضال : انتو البنات تفقعو القلب
رنيم : كويس صنفتني من ناحية البنات المهم متضارب كالعاده مع شهد ؟
نضال رفعلها يدو : شايفه في خاتم ؟
رنيم ملامحها اتحولت للصدمه : مو من جدك
نضال نزل يده : خلاص كدا احسن لنا
رنيـم مره انقهرت : احسن لك هاا اصلا ماحتلاقي وحده زي شهد تستحملك
نضـآل بكدب : ماليا نفس اتزوج مبسسوط كدا
رنيــم ولعت منو : كويس انو سار كدا صدقني امها ماتت وهيا راضيه عنها
نضال استفزتو جمله رنيـم : انقلعي بس لأمك
رنيــم : تااافه _ مشييت بإتجااه بيت هتاان وهيا تسب من جواتها غبااء نضال _
وقفت قبال الباب السماوي الباهت واللي حالتو بالبلا بسطت يدها على الباب وتدق باإزعاااج
ولما محد ماسار يرد سارت تدق بأياديها الثنتين وتغني : مشكلللني حبك ياروح الروح مشكلني واتعبني قلبك م _ سكتت ورجعت على ورى برده فعل سريــعه لما انفتح الباب _
: تفجععي اللي ماينفجع
رنيم : هههههههههههه من كبر البيت عششان ماتفتحو بســرعه
فتحت الباب : ادخلي يامزعـجه
رنيـم دخلت وسلمت عليها : امي فينها
: بتصلي
قفلت الباب ودخلت هيا ورنيــم جلسسو في الغرفه اللي بتصلي فيها امهاا
: عمك ناايم
رنيم حطت يدها على فمها بفجعه : اوووه والله نسيييت
ام هتان : مررتها دي المره
رنيم : لايكون بس صحي
ام هتاان : انفجع مو صحي وبس
رنيــم انكسفت : قوليلو نضااال ولا هتان
ام هتان : والله الأولاد ارحم منك بس اسكتي
رنيم : الله يسسامحك ياعمه
ام هتـآن : سمعتي نضال ايش سوى
رنيـم : مع شهد ؟
ام هتان: ايوا
رنيـم : ايوا قلي استهببل دا
ام هتااان جابت كاسه مويه لرنيم وجلست : الله يهدييه بس انا عارفه ماحيفرحني غير هتااان بس لو اماني تخلص من الثنويه وانا حخطبلو هيا على طول
رنيم كانت بطالع في امها وهيا ساجده رجعت طالعت في ام هتان وقالت بشك : مين اماني !
ام هتان تعرف هتان ورنيم يحبو بعض بس مو موافقه على دا االشي: بنت اسماعييل البنت للي يشوفها ينطق من جمالها ايش الدلللع ايش الانووثه اللي فيها _ هرجها كان دقه لرنيــم _
رنيــم رمشت عينها بدت يدها اخدت الكااسه وشربت جغمه وصوت بلعتها للموويه كان مسمووع بالغرفففه
كااانت بالقوه تببلع الموويه وتبله معاها الغصه اللي حست فيها قلبها فز من يوم ماسمعت السيـره
وام هتان كملت الهرجه تبى تفهم رنيم انها تبعد عن هتان : البنت ماشالله متعلمه واخلاق ومالها خرجه من بيت اهلها تعرفوني انا ماحب البنت اللي تطلع وتدخل من البيت وصوتها ماينسمع من كتر الخجل
الكــــــــــلأام كللو دق لرنيـــم وكأنها بتقول عكس شخصيــتهاا
رنيم تسمعها وعينها علييهاا تصتنع الاستماااع وهيا قدو مو معاهاا
لأول مره تفكر انو تكون نهايتها مو مع هتااان
خااافت
مو خافت وبس مااتت من الخووف
هتان يكمــلهاا
بدونه ماتسوى شــي
بدونــه محد يقدر يحسسها انها عايشــه
فووقها من عالمهاا يد امهاا لما مسكت يدهااوضغطت علييها
رنيــم طالعت فيها بنظراات وحده ضايعــه
لاشعوورياا حضنتها وقالت بكدب : وحشتــيني
ماحضنتها عشان اشتاقتلها
حضنتها عشان تخفي اللي حاسه فييه بدي اللحظه
تخفي خوفها
تخفي نظراتها الفاضحه
امها حاسه فيها حطت يدها على ظهرها : وانتي كمااان يابنتي
ام هتان وقفـت : حسسوي قهوه تركي وارجعلكم
خرجت من الغرفه
ورنيم لساتها حاشنه امها قالت بهمس : سمعتي ياماما تبى تخطب لو
ام رنيـم هرجت بصوت واطي: يابنتي لاتسمعيلها انتي عارفـه هتان يحبك
رنيم بعدت عن حضن امها : بس انتي عارفه هتان مايرفضلهم طلب ومايحب يزعلهم
ام رنيـم : ازا مارفضلهم دا الشي اعرفي انو مايستاهلك وهوا الخسـران

بــــعد نص سااعه من جلســتهم
دق الباب ورنيــم راحت تفتح الباب اول مافتحتو ابتسمت وحشــــهاا بشكل مو طبيعي : بددردي
هتان بعد ماكان مكشر وملامحه كلها عصبيه ابتسم من قلبــــه : حيااااتي
رنيــم اشرت على فمها : اووصص امك هناا
هتان دخل ورد الباب وقال بصوت واحد هيماااان : ياااشيخه مع نفسهاامي وابوويا واللي مخلف عشسيرة اهلي كلهم
رنيم ضحكت علييه وسندت نفسها على الجدار : ادخل قبلي على اساس انو انا بقفل الباب
هتان : ماعليكي خلينا نجلس هنا
رنيم فرصعت عينها : لا بعديين تحس
هتان يهرج بهمس وعيونه تنطقق من كتر مو مشتاااقلها : نقلهم الباب كان معلق
رنيم : هههههههههه تعرف انك وااحد اهبل علييك حلول مدري كييف
هتان مسك يدهاا وباسها : مايسير احضنك
رنيـم شهقت بهمس : اصلا لو قربت نص شبر مني ممكن انشل في دي اللحظه انا في بيتك افهم
هتان غمزلها وكأنو ناوي على شي : عادي ابووسك واحضنك ولو احد شافنا صدقيني حنفجع اكتر منك وحنشل معاكي
فا مع بعض في الحلوه والمره
رنيـم تضحك بصووت هادي عشان لايطلع صوتهاا: هههههههههههههه هتاان بااين انك فاصل
هتان يموت عليها لما تهرج بهدووء : مو كل ماشوفك غصبا عني افصل
واقفيــن في ركنيــه الصاله الصغيره وجمبهم باب البيت .
رنيــم : احس نفسي من زماان ماشوفك
هتان اتنهد بضيق ومسك الكاب اللي حاطته على راسها: مو اللي قارف حياتي اني ماسرت اشوفك تراني اتعب والله
نضـــآل جا فجأه فتح الباب برجلللو وهوا شاايل الاكييياس
اتــرزع بالجدااار ومن الفجعه هتاان مسكو وسار الباب مغطييه هوا ورنيــم
رنيــم لصقت نفسسها بالجدار مفجووعه ومحشووره هيا وهتان ورى الباب وفي الركنبــه
دوبه هتاان كان بيقــفل الباب ويخرج الا امـــه جااات وفضل مدسي هوا ورنيييم
في الركنيــه والباب مغطيـــهم
لو خــرجو قدامهم شكلهم حيسير تاافه
ام نضال : ايش بك متأخر كداا
نضال حط الاكيياس في الارض : شوفت واحد اعرفو وهرجت معاه
ام نضال طالعت في المكان : وفينها رنيم
رنيم ورا الباب وتضرب على خدها بشوويش وتهمس : حننفضح
هتان حط يده على فمو : اوصصصص
نضاال جا عند الباب ومسكوو يبى يقفــلو بس هتاان ماسكوو بكل قووتــه نضاال يسحب وهتااان مو رااضي يسيبووه قال مفجووع قال : ايششش فييي
ام نضااال مفجوعه كماان تطالع وهيا سااكتــه
رنيم خلاااص بعد سحببت الباب عــرفت انها حتنحط في مووقف باااااااايخ
هتان لسساته ماسك الباب قال بتصريــفه تافهه
تصـــريقه حماااره
تــصريفه غبيــــه
مايدري كيف خرجت من فمو بس مع التوتر قاال : سيييب انا بلببسسس
رنيم قباااله من يوم ماسمعت الجمله نزلت يدها عن وجهها وفتحت عينها على وسعها وفممهاااا
هوا برضو فتح عينه بفجعه وعض على شفايفوو بندم لما استوووعب هبلووو
نضال لاشعوريا ساب الباب ورجع خطوة لورى ويبى يستوعب
كيف بيلبس ورى باب الشقه !
ام نضال لسسساتهاا بدون اي حــركه يعني لو رنييم الي هرجت كان استوعبت بس شكت انهم الاتنين ورى الباب
رنييم شويا وتبكي من الاحراااج قالت بهمس : ايش اسسوي
هتان ماسك الباب حرك فمو بدون صوت : اسف
رنيم همستلو : صرفها من عندك
هتان زفر بتوتر : اوك لاتحسسيهم انو ساير شي _ بعد الباب وقال بصوت عالي وهوا يطلع فيها _ قلتلك لون الباب ازرق اتأكدتي دحييين غباااء _ مشي خطوتيين وهوا مو عارف فين رايـــح بس يبى يبعد عن رنيم _
رنيم انفجعت من ردة فعلو الغبيه كالعاده اكتر من فجعتها الاولى
تحسسو بريئ مهما انحط في موقف سامج مايقدر يطلع نفسه منهاا بتصــريقه
ماقدرت ترد دخلت لغرفه امهاا ووجهها محمــر
وهوا وقف قدام اموو وسلم على رااسها وكأنه مو سااير حاجه طالع بالاكيااس : اووه والله جيعااان ايش العشا
ننضـآل قفل الباب بدون مايقول اي حــرف واتــوجه للحمام وهوا يبــى يضحككك على هتــآن
قفل باب الحمـــآم وصوووت ضحكتـــه وصــلت لعند هتــآن وامــه اللي طالع فيــه وفي عينها وعيد


جوا في الغـــرفه وجهها رايـــح من الخجل وقلبببها دقاااته تحسها مسمووعه في الغرفـــه
قال بلبس وبعدها لون الباب ماتدري كيف يفكـــر دااا
مايربط بين كلامه بس دا هتاان لما يتوتر مايعرف يصــرفهاا
نفسسها تخــرج من البيت ماحتقدر تطالع في امو ونضــآل


برا الغــرفه ضحكت نضــآل مستمممره في الحمااام وهتاان من ضحكه نضاال نفسسو يضحك بس مااسك نفسسه عشان امو بااين القهر فيها
نضال خــرج من الحمااام ومر من جمبهم وهوا سااكت رجع دخل غــرفه رنيم وامها ولما شاااف رنيــم
وكيف وجهها احمممر رجع يضحــــك وصوت ضحكتــه مافي اعلى منـــها

خارج الغــرفه ام نضاال مازالت مستمره بنظراتها لهتان
هتان ماقدر يمسك نفسسه اتذكر تصريفاته الهبله وضحك: ههههههههههههههههههه والله ماكنا نسوي شي
ام نضال ملامحها كلها جديه ودا اللي مضحك هتان زيااده قالتلو وهيا تضغط على كلامها : لاتعشم البنت بشي
هتان اخخخر همو كلام امــو دام حاطط في راسو رنيم غضبا عن الكل حياخدها مو بمزاج احد : طيب ايش العشا
ام نضال : ماسويت حاجه _ شالت الاكياس ودخلت للمطبخ _
اما هوا دخــلأ للغرفه وراسم ابتسامه حقيــره على وجهه بذات لما شاف وجه رنيــم كيف رااييح مع الحياا فين وفين لما يشووفها مستحييه سلم على ام رنيــم اللي كل شويا تسأل ايش ساااير
واختفت ابتسامتــه لما جات عينه بعيــن نضاال جلس جمب ام رنيــم وحط يده على التكاايه ورنيم قباالهم
ولا كأنها تعرف هتان طول عمرها تضحك وتتريق عادي معاه قدامهم
بس مع الموقف السخييف دااا ولا تبى تطالع فيييه
رنيـم : في بدايه الاسبوع احتمال 7 ايام ماقدر اجي عندكم
سبقت كلمه ام رنيييم هتاان : ليشششش !
رنيــم : ماقدر مشغوله احتمال اجي واحتمال ماجي مدري اشوف واقلكم
هتاان : 7 ايااام كتتير
رنيـم : عارفه
ام رنيــم :حتى لو ماجيتي تتصلي تطمنيني عنك فاهمه
رنيـم : ان شالله
نضـآل : اصلا انتي ايش تشتغلي
رنيم طالعتلو باإستحقار : روح لشهد احسن لك
نضال : ماتبطلي نظراتك الهبله دي
رنيم : مالك فيا
نضال : : اقلبي وجهك بلله
هتان هرج بحده على دخلت امو : نضاال احترم نفسك وانتا بتهرج معاها
رنيم استغربت من ردة فعلع نضال : طول عمري بهرج كدا معاه
نضال عارف ليش بيهرج كدا معاه بس برضو ماحب النبره : لما اكون بهرجك احشر نفسسك فااهم
هتان : خلي النفس عليييك طيبه لانو زله بسبطه ترا منك حتخليني
ام رنيم قاطعت هتاان وحطت يدها على يدو : ياوولدي دا اخووك الكبيير ماييسير كدا تهرجو
ام نضال دخلت وجلست اما رنيــم ماتحملت انها تجلس في نفس الغــرفه وقفت : انا خلاص ماشيه
هتان : اخر الليل فين تروحي دحين
ام نضال : متعودهـ ماعليـك
رنيم طنشت كلام امو وجات لحد امها وباست راسها ونزلت جسمها لحدها : ماما فين شنطتك ؟
امها اشرتلها على ركنيه الغرفه وفوق البطانيات اللي ملمومه في ركنيه الغرفــه : شوفيها هنااك ليش
رنيم ابتسمتلها : ابى شي منـها
هتان عينوو عليييها وام نضاال عينها على ولدهاا اللي باين عشقوو لرنيـــم
مرره مولعــه
رنيــم اتوجهت للشنطه فتحتهاا وفضلت تدور لين مالقت الاشبااء اللي طلبها منها نزاار
خــرجتهاا : يلا مع سلاامـــه
خــرجت من الغــرفه وهتآن على طوول قاام ولحقــها فتحت الباب الا هوا مسك الباب : خارج معاكي
رنيــم خــرجتت وهوا قفل الباب وهيا على طوول دارت عليـــه : يااازكي انتا يااافهيييم ايش العقلييه اللي عندك كنت حتنكبببني
هتان اتذكر : هههههههههههههههههههههههههههه ماعليكي مر مر
رنيــم : فيين مر ماشوفت نظررات امك كانت حتقتلللني
هتاان مشي في الحاره وهيا جمبــه : خلاص موقف وعداا ماعلينا
رنيــم : قلبي كان حيووقف
هتان :لاتفااولي على نفسسك
رنيـم : محسسني اني قلت بنصدم ولا م
هتان قاطعها : قلنا لاتفاااولي وانتيهنا لسساتك تعطي امثلله تجنني صراحه وانتي ساكته
رنيـم :هههههههههههه حاستك مروق
هتان : من يوم ماشفتك روقت ولا مع عملي السامج دا والجامعه كمان مره متنكد
رنيـم : لازم تشتغل يعني
هتان : اكيد
رنيـم مدت يدها تبى توقفلها تاكسي الا هتان نزل يدها : اصبري بـسرعه تبي تشــردي
رنيـم : لا والله مابشرد بس لازم امشي مابى اتأخر
هتان : طيب بروح معاكي
رنيـم شدت على الاوراق اللي بيدها : بلاشي الوقت متأخر لسه تروح وترجع والبيت بعييد
هتان : عادي دامني معاكي ماهمني الوقت
رنيــم بجديه : هتاان بلاشي امك تحس انك اتاخرت مايكفي اللي سار دوبو
هتان : ايش فرق يعني عارفين اني احببك
رنيــم : بس ديك وقااحه ماسار قدو حب
هتان : احنا بريئين ماكنا بنسوي شي
رنيم : بس كنا بنشووف لون الباب
هتان : ههههههههههههههههههههه قفللي الموضوع
رنيـم : شي طبيعي حقفلوو الله يفششلك
هتان : هههههههههههههههههه وربي بدون تتفكككير
رنيــم : دحيين ايش حكايتك مع نضال
هتان : وقفيلك تااكسي يلا
رنيـم عارفتو متى مايبى حيجي يهرج بنفسسو ماينفع معاه الزن : اوكـ انتبه لنفسسك
هتان ابتسملها : وانتي كمان ياحياتي
رنيـم : اووكــ
فضضلو دقايق واقفين لين مالقو تااكسي واتــوجهت للقـــآعه وهيا مبسسسوطه
من اللي حتسوويه حطت شنطتها وانسدحت وراسها على الشنطــه والاوراق قدامهاا
نزار قلها احتمال تتصور كماان بكرا وراها قوومــه من بدري



بكــل ســذاجــه استقبلتو في آخــر الليل وهيا لابســه بجامتها الناعمــه الحــرير
ابتسمت باإبتسامه فيها كل معاني الانكسـآر : عادي اهم شي اتووظف
وقف صاحب ابوها : اجل بكرا حجيكي _ ابتسملها بخبث _ زي دا الوقت عشان اكون خلصت شغلي
لانا بكل سذاجه ومافراسها غير وظيفه وبــس : اووك عااادي البيت بيتك
طالع فيها من فووق لتحت لماا دااارت
كيــف البجامه شفافــه وماسكه على جسمها ومبيـنه تفــآصيــل انوثتهاا

جا لعندها وودعها وهوا مو قااادر يخفــي نظراات الاعجااب
عمرو و في الستيـــن بس دا مامنعو يطالع فيـــها
او يعجــب فيـــهاا
خــرج من البيت وهوا منتــظر الموعــد التــآني
وهيا مستنيــه مره عمها تجــي وتشيل عنهاا بعض المسؤليـــه
مو بعــض تتوقع لو جات عمتها حترمي كل المسؤليه عليها



جـــالس في البيــت الفسيـــح هوا وهيــآ .والسكوت سيــد الموقــف
كل شــويا يتنهد وهوا باااله مو في الغــرفه في مكــآن تااني
اما راما مو عارفه تجــلس ولا تقوم كل مايتنهد قلبها تزيــد دقاته
بلعت ريـقها بكــل توتر وارتبــآك ضامه اياديها في بعــض حاسه ببرد مو طبيــعي
ماتخفـي انو دا اللي حاسه فيــه عارفه مصدره
لأنــها معجبــه فيــه على حقــآرته معاها اول ماجات بس برضـها معجبــه فيــها
: متى حيجي
راما مع سرحانها ماستوعبت ايش قال : ايش ؟
اسامه لازم يعيد الشي مرتين عشان تستوعب عرفها خلاص : متى حيجي
راما: احتمال كبير يجي الصباح
اسامه زفــر بضيــق : المشكله حتى جواله مابيرررد عليــه
راما : اتصل على احد تعرفو يكونن معاه
اسامه : ماعندي ارقامهم
راما خدت الركازه الي جمبـــها وحطتها عليـها
اسامه قال بضعـف : راما يمكن تكوني ماسمعتي عدل وكان بيكلم غيرها
راما رفعت كتفها بنفي : مدري الكلام اللي سمعتو قلتلك هوا
اسامه : اوووف
راما طالعت في الساعه : حنستنى على الفــاضي
اسامه وقـف : خلينا نروح ننام م شكلو مو راجع دحيــن
راما بدون ماتحس : مافيا نوم
اسامه رفــع حاجبه : عشرين مره اتثاوبتي ودا كلو مافيكي نوم
راما فيها نوم بس ماحست بنفسها وهيا تــرد مع الارتبــآك : ايوا مافيا نوم
اسامه رجع يجــلس : اوك نستنى
راما (( ايش الغباااء دا اللي فيــآ ))
بااين النووم في عيــنها
راما : لو تبى تنام روح نام
اسامه : لا مافيا حتى لو روحت انسدح ماحقدر انام
راما بلعت ريقها تبى تخرج شويا من الغرفه وقفت : اجبلك مويا معايا ؟
اسامه : ايوا بلله
راما خــرجت من الغرفه واتنفست براااحـــــه
دخلت المطبخ وفتحت حجابها حطتو على كتفــها صبتلها مويا وجلست على الكــرسي
تشــرب برااحــه وتدعي من جواتها (( الله يستر من اللي حيسيــر ))
حطت الكاسه على الطاوله عدلت حجــآبــها اخدت الكاسه وخــرجت من المطبخ
وهيا ماره عند الغــرفه انتبهت بالمرايه لحجابهارفعت يدها اليساار وهيا تدخل خصلات شعرها تحت الطرحه
وكمــلت طريــقها
جالس في صدر الغــرفه
تمشي وعينهاا متصووبه بس عليـــه
في منتصف الغرفه موجوده طاولات والطاولات عباره عن طاوله كبيــره وحوليــها 4 طاولات
مانتبهت للطاوله الجانبيــه وللي كانت قباالها بتمااام
من كتر ماهي مفهيه ومسـرحه فيــه مانتهبت انو في شي قدااامهاا
صدمممت في الطاووله واندفع جسسمها كلو لقدااام
والكااااســـه مع الدفعه القوويه اتـــرمت بكل قووتها على قداام
بدون ماتشــعر
وقفت عدل بردة فعـل ســريعه لما صــرخ وبعدها وحاطط يده على جبينــه
حطت يدها على فمها وشهقت بخووف ونسيت في دي اللحظه الالم اللي بــرجلها : ايش سررلك
الكاااسه القزاز خبــطت في جبينــه بقوووه
جات لعنده وهوا ماااسك جبينه وملامحــه مشدووده : آآآي
ميته من الخوووف طول عمرهاا هبله نفسها يمر يووم بدون ماتسوي شي حمار: اتعوورت
اسااامه حس بشي بيدو بعد يدو عن جبينه الا يده كلها دم
راما بس شااافت الدم مع الفجعه الصوت يادوب طلــع : وي يامممااامي
اسامه انفجع ورجع يده على جبينــه وطالع فيييها مفجوووع : انتتتي هبببله
رامماا تهررج باإرتبااك: والله مانتبهت على الطاوله _ دارت تاشر عليها_ ماكنت بطااالع وهيا مدري كيف حاطينها و
اسامه وقف وقاطعها بعصبيــه : رااااسي بينززف دم وانتي لسااتك بتشــرحي
راما ضمت اياديها لبعضــ وطالع فييه بخووف : تعاال حط اي شي _ رجعت تبربر مع الخوف _ بس والله الكاسه مدري كييف جاات بووجههك عارف ماكان
اسامه ضغط على جبيــنه وهوا حاسس الدم بيزيد ومو عارف ايش يسوي صــرخ عليــها : رااامااا اسكككتي
راما حطت يدها على فمهاا بخوف وقالت باإرتباااك : طيب


خلصت البارت