البارت الـ 26 .
في الليــل واقف قبالها وبينهم عتبــة الباب المرتفــعه
ماحس انو يقدر يهررج معاها عند الباب وعارف انو وســط البيت مافي الا دي منـآر
عشــآن كدا وبدون نقــآش دخل وقفل الباب وراه
رنيم انفجعت همممسسست وهيا خايفه من الين تخــرج : ايش تسسوي انتا مجنون اطلع لاتفضحنني
يزن بكل جديه وهوا مو مهتم : خلينا نتفاهم
رنيم طالعت في الغرفه اللي وراها بتوتر وقالت بهمس اكتتر : مابى اهرج دحيين
يزن بإصرار : ايش اللي خلاكي تمشي بدون اي كلمه
رنيم ضمت يدها تحت صدرها : طفشت ومشيت
يزن : رودينا ايش قالتلك
وســط الغرفــه اليــن جالســه وكل ماتنزل دمعه تمســحها بيدها
جالسه في مكانهاولا قدرت تقووم بس صوت يزن ورنيــم لعندها
رنيم : روح اسئلها
يزن مد يدو كان بيمسكها بس هيا رجعت على ورا
رنيم قالت بهجوميـه : اهرج بدون ماتلمسني
يزن استغرب من ردة فعلها : رنييم لاتجننيني قوليلي ايش ساااير
رنيم : ابدن ماسار شي بس اكتشفت متأخر انو علاقاتك جدن كانت محترمه
يزن : لاتحاسبيني على شي سويتو قبل لاأعرفك
رنيم : اهااا طيب بعد مارجعنا من تركيــآ ليش روحت قلت لرودينا احبببك فهمننني يلا ليشش
دموعها اتجمعت في عييينها وتطالع فيــه وتبى بس جوااب لسؤالها
يزن سكت للحظات وبعدها قال: هيا قالتلي احبك وانا قلتلها وانا كمان ماحبيت اجرحها لكن لما ح
رنيــم قاطعته : لا بلله وكم وحده مشيت معاها عشان لاتجرحها لايكون انا وحده منهم
يزن رففع صوتــه : رنيييم لاتخببصي بالكلام انتي عارفه انا ايش اعتبرك وانا اللي جيتك وقلتلك احبك
رنيم : ايوا وبعدها روحت لبيت رودينا واستفردت معاها وقلتلها احببك
بزن :ايوا ماأنكرت قلتلها احببك لأنو هيا قالتها اول وانا ماقدرت اسكت استوعبي انا وهيا ولدنا وكبرنا مع بعض ماهان عليا اسيبها كدا
رنيم باإستفزاز : لا الله يخليييك رووح كمان طبطب عليها لاتكون بس زعلت لأني سبتك لها
يزن : انتي ليش مو مقدره الشي اللي سويتو عشانك
رنيم : ايش تباااني اقدر
يزن عصب منها : تقدددري انو انا لما حبيتك ماسرت اهتم باأي احد جرحت اقرب وحده ليــآ اتضاااربت دوبي مع اصحاابي وخررجت وقلت برضو طزززز فيهم بس اهم شي عننندي رنييم لكن انتي حتى لما سبتي هتان سبتيه لأنو هوا قلك روحي هوا اللي انها العلاقه ولا كنتي حتفضلي متمسسكه فيه عشان لاتجرحيه مع انك من البدايه ماتحبيه
شايفه الفرق اللي بيني وبينك شايفه انا قد ايشششش جرحت اللي حوليا وفوق داا كلو انا مو ماعرف انتي ايش بزبط تعتبريني بحياتك متردده وخايفه مني انتي اساسا خرجتي من المزرعه لأنك خايفه من ردوينا مو خايفه اني اجرحك في يوم
رنيــم نزلت دموعها : كم جررحت يايزن بنت في حياتك كم وحده قلتلها احبك وسبتها كم وحده ضحككت عليها
يزن بترجي قال : رنييم الله يخليكي اللي راح خلاص مالنا فييه
رنيم اشرت على نفسسها : انا زيييهم انا بنت ايش اللي حيميزني عنهم _ قالت بتعب _ يزن خلاص بليييز امشي من هنا
يزن : انا ماحخرج وانتي بدي الحاله
رنيم : لا حتخرج لأنو كل اللي بيننا حينتهي انا مو زييك وعمري ماحكون زيك
يـــززززن صعـــق ماحس انو الموضوع يستاااهل دا كلوو
جا لحدها ومسكها من كتفها وقال وهوا مستصيب : رنييم لاتكبريي الموضوع
رنيم : يزن خلاص
ييزن سار يهرج بضععف وهوا ماسكها وشويا ويبكي : عارفه انتي ايش بحيـآتي رنيم انا عمري ماأتمنييت حاجه بحياتي زي ماتمنيتك تكوني ليا _ مالقى اي رد منها فقال _ سرتي والله كل شي بحياتي والله اضيع من غيرك اللي بيننا عمرو ماحينتهي
رنيم سكتت لحظات وبعدها قالت : شايف قد ايش يوجع لما تقول لاأحد انتهى اللي بيننا عرفت دحين قد ايش كنت قاسي مع اللي تعرفهم
انا بكيت بس عشان كنت خايفه من دي الكلمه اللي انتا اتعودت تقولها لمية وحده قبلي انتهى اللي بيننا كنت اباك تحس فيها عشان تعرف قد ايش حتجرحني لو يوم فكرت تقولها
يزن قرب منها وحضنها حضنها بكل قوتــه وكأنه من جد خاف من كلمه انتهى اللي بيننها غمض عينو وقال بعتب : لاعاد تقوليها رنيم وربي احببك وماحتجرأ في يوم واقدر انطقها ليكي
اما اليــن جالسـه جوآآ نشششفت دموعها على خــدها ومستصيبه من نبرة صوت يزن وكلامـو
ايش الي غيرو كدا من جدوو يحبــهاا
حستو مو معقــلوو استخــف دا
رنيم بعدت عن حضنو ومسكت يدو وهيا بتطالع في عينو : يزن انا مو خايفه منك خايفه من اللي حوليك اخوك نزار حاستو مو متقبل اللي بيننا ودي رودينا واسامه وكلهم
يزن : انتتي ايشش لك فييهم
رنيم كانت بترفع يدها تمسح دموعها الا هوا مسك يدها وبيدو التانيه مسح دموعها : خلاص لاتسويلي درامات ياشيخه وتوتريني وتقلبي يومي كدا نكد على اشياء سخيفه بطلي توهمي بنفسسك بحاجات ماحتسير ومستحيل تسيــر
رنيم ساكتـهه
يزن : شوفي طالما انتي بتفكري انا كيف كنت قبل لاأعرفك فاحتتعبي قلتلك من بعدك اتغيرت واللي سار بيني وبين رودينا وربي مجرررد انو ماكنت ابى اكسر في نفسها بس أهو جرحتها وسبتها ودا الشي انا ماكنت بسويه بس عشانك اضطريت
وماهتميت انا مابتمننن عليكي بتصرفاتي ولا اباكي تسوي زي مابسويلك بس كل اللي اباكي تفتكريه اني بسوي دا كلو لأنو احبك
رنيم اشرت براسها بطاعه
يزن : يعني ايش افهم من سكوتك دا
رنيم : افهم انو انا احبك بس عشاني احبك حفضل كدا خايفه
يزن : رنيم انا عارف انو نزار مو متقبل علاقتنا وبرضو رودينا لكن بنفس الوقت دول لازم تتعودي عليهم وتتأقلمي على كلامهم مايسير كدا تمشي وتسيبيني كلام يوصلك تجي لعندي وتفهميني لاتسيبيني زي الاطرش بالزفه
رنيم : خلاص طيب
يزن شايفها مرا زعلانه حط يدو على خصرها ونغزها
وهيا بعدت عنو وفتحت عينها على وسعها مفجووعه : ااه بلا
يزن ابتسم : اييوا كدا
رنيم ابتسمت لاشعوريا وهمست : ترا في ادميه جوا فضحتني وربي
يزن : في غرفه تانيه هنا يسير انام فيها
رنيم جات لعنده واشرت على الباب : يزن اطلع براا
يزن : هههههههههههههه طرده محترمهه
رنيم عضت على شفايها : وطي صووتك
يزن خرج الجوال من جيبو : خدي جوالك
رنيم كانت بتاخدو الا هوا مسك يدها : اوعديني ماحتسوي دي الحركات تاني
رنيم ابتسمت : وعد خلاص دامك جمبي ماهمني احد تاني
يزن قرب منها وباسها في جبينها : يلا تصبحي على خير
رنيم اخدت جوالها وابتسمت بخجل : وانتا من اهله
يزن كان بيمشي الا هيا قالت : دقيقه
قربت منو حطت يدها على صدره ورفعت رجلها وقفت على اطراف اصابعها وسلمت على خدو وبعدت على طول ووججها محمر : يلا مع سلامــه
يزن ابتسسسم بهيمااان وطالع فيييها
رنيم اشرت على الباب وشويا وتضحك : يلا اممشي
يزن اتنهد بصوت مسموع : حرام عليكي ياشيخه
رنيم ضحكككت وبعدها طالعت بالغرفه اللي فيها الين : خلاص بليز اممشي
يزن مسسك الباب : انتبهي لنفسك
رنيم : وانتا كمان
يزن خــرج وهيا زفرت برآحــه مو طبيعيه
متأكده وباصمه بالعشــره انه يحبــها
بس برضو احساس الخووف دا مو راضي يروح منـها
من كتتر ماتحبوو تخاف بكل دقيقه انو يسير شي وهوا يروح بطريق وهيا بطريــق
دق جوالها بمغمة الرسايل فتحتو ولقــت يزن راسلها
اعشقك
ابتسمت بخجل وارسلتلو
اسفه على اللي سويتو اليوم احبك
ارسلها
مو مشكله ياهبلتي اتوقع منك اي شي
قرات الرساله وفرطت ضحككك ارسلت
لاتقولي هبله :(
ارسلها
سوري حياتي بس بطلي من جد هبل :p
عرفت انو ماحيبطلها وحيفضل يستفزها ارسلتلو
هههه اووك احاول
دخلللت الغرفه لقتت الين جالسه راحت جلسسسة جمبها
وقالت : الحب يخلي الواحد ضعيييف
الين طالعت فيها : انتي تخلي نفسك ضعيفه لما مايكون عندك اهل بدي الحاله تسيري ضعيفه وبس
رنيم حزنت عليها : ايش رايك تداومي بدال منار
الين : فين
رنيم : في البقاله
الين اشرت على نفسها : انا اشتغل في بقاله !
رنيم : هههههههه تراا وربي مرا تسسسليه _ ماسبتلها مجال للنقاش ووقفت _ خلينا نتوضا ونصلي وننام وفي الصباح نتسسلى _ مدت يدها _ يلا
الين ماستوعبت : اصلي ايش دا الوقت .!
رنيم : الوتر
الين ماقد في حياتها صلت الوتر بس مدت يدها لرنيم ووقف
دخلــو الحمــآم
ورنيم بيدها الجك : تعالي اصبلك
رنيم جات لعندها ومدت يدها ورنيم كبتلها المويا وهيا فتحت عينها على وسسسعهاا : اااه الموووووياا تللللج
رنيم : هههههههههههههههههههههههههه كمملي كمملي
الييين تتوضا واسنانها تطقطق في بعضضض
خرجو الثنتين من الحمام وهما يضحكوو
الييين : هههههههه حاااسه نفسي حنشششل
رنيم : هههههههههههههههههههه _ جررريت وسحبت شرشف الصلاه وحطتو على جسسسمها _ دفاااا
الين جات لعندها : اقوول انا بصصصلي اوول
رنيم : رووحي في شرشف بالغرفه التانيه
الين سحبتوو منها : مع نفسسك مافيا حيل اروح لهناك
رنيم : ماتعرفي شي اسمو اكرام الضيف
الين : ههههههههههههههههه ولا ابى اعرفو البيت بيتك قومي جيبي لنفسسسك
رنيم : ههههههههههه طيب ياست الين
(1)هل تريد أن تكون قريباً من الله؟قال رسول الله صلى الله عليه و سلم (( أقرب ما يكون العبد من ربه و هو ساجد فأكثروا الدعاء ))رواة مسلم .
وآقفـــه بنص الغرفــه لابســه جزمــه كعب وردي
وجيـنز وتيشرت رصاصي في وردي ورافعه شعرها بشباصـه
وهوا قدامها جالس على سريرهـ وابتسامه على وجههـ نادى للمرا التانيه : دا مرووان
سمعت صووت خطوواته تجي من وراها وقلبها يدق بســرعه
خايفــه يكون هوا خلاااص ماعاد تبى تتلاقى معاه
عد من جمبــها شافت هيأتو بس وبعدها رفعت عينعا علييه
وهنا بدأت دقات قلبها السريعه تخف
ابتسسسسمت من قلبببها : اهليين
مروان عمرو 18 سنــه خجول نوعا ما : اهلا _ طالع بساعه _ انا لازم امشي دحيــن
ساري: اصحك تفتح فمك لأحد
مروان ضضحك : لا طبــعا يلا مع سلامه
شادن مع الفرحه شويا وتحضنوو : باااي
خــرج مروان
ساري : ايش بكك كدا متنحه
شادن ضحكت على نفسسها ماتوقعت قد كدا كارهه تشوف مروان : ولا حــآجه
ساري نزل رجلو على الارض ومسسك بسرير ووقف : نطللع برا
شادن : دحيين خلاص سرت تقدر تمشي
ساري مسك العكاز : مو مرررا يعني شويتين وتلاقيني مرا اتعب عشان كدا لازم معايا العكاز
شادن : شي طبيعي بس اهم شي بديييت تتحسسن
ساري : الحمدلله
خــرجو من الغرفه
شادن دارت راسها عليه : نهايه دا الاسبوع عيد ميلاد اصحابي مو هما اصحابي زي اخواني بزبــط سو كعادتهم الحفله حتكوون مراا كبيره وحننبسط كلنا عشان كدا نفسي تجي
ساري : هما والدين في نفس اليوم
شادن : هما توأم اخوان 3 ماشالله
ساري : ماشالله
شادن ابتسمت : تقدر تجي
ساري : امم من هنا لإسبوع ان شالله اكون سرت احسن
شادن : شد حييلك وحتقدر تمشي
ساري : الدكتور من كتر مو شايفني متحمس بيقولي خلاص لاتضغط على نفسك
شادن : هههههههههه هوا انتا ماعندك حل وسسط
ساري : لما اتزكر كيف حتكون ردة فعل اصحابي واختي وزوجها تلقيني لاإراديا بضغط على نفسسي عشان امممشي
شادن : اهم شي لاتعب نفسسك
LinkBack URL
About LinkBacks
