الموضوع: رواية اشتعال السحب

حــب بس مايكتمل في اليوم الا بعصبيتها ونرفزتــو
ودا احــلى شي بالحب بنسبــه لهــم
مابينهم اي اتفــآق
بس فووق دا كلــوو عرفــو انو مايقدرو يعيشو من غيـر بعـض


نايــمه في بيت اختــها
منسدحه ورافعه يدها قبال وجهها وفي يدها البي بي وبتكتب مع الحماس طاح الجوال على وجهها : هههههه اااي
ولا كأنو سار شي على طول رفعتو وتكممل الهرجه معااه

وضــآح كتبـلها " يابنتي لاتحرقي في دمي "
جنى " ههههههههههههههه وضاح انســى اني اخرج من الغرفه انا في بيتك"
وضاح " مابديتي تلاحظي انو سرنا تافهين من يوم ماقلتلهم اني اباكي ودي مشكلتنا مو قادرين نوقف قدام بعض خمسه دقايق عدله "
جنى ارستلو " عشان تاني مرا تبطططل فلحننه قلتلك بابا ماحيرضى الا لو ماما جات "
وضاح " كرهتو اصلا "
جنى " نعم ! "
وضاح " ههههههههه ماحكزب يعني لما كنت اقولو لو تشوفي كيف الانشكااح بوجههي بس قااالي الصاعقه كل اللي جا في بالي وهوا يهرج اني امسسسكوو واضربوو واضربووو لين ماقول بــس "
جنى فرطت ضحك بس طبعا ماقالتلو انها ضحكت سوت نفسها زعلانه " عيب استحي تراه عمك "
وضاح " وابو زوجتي وجد عيـآلي "
جنى " هههههههههههههه وضاح اهجد "
وضاح " اقوول قوومي بسسرعه "
جنى " على فين ! "
وضاح " عندي "
جنى : اهبل انتا ! ؟ "
وضاح " ترا لو ماجيتي انا حجيكي "
جنى " بكيفك تعااال اول ماحتدخل حصرخ واقول انك بتعتدي عليا مو مشكله "
وضضاح " ههههههههههههه بلله تعالي نسوي شي اهبل "
جنى " زيي ؟ "
وضاح " ننام مع بعض "
جنى " هههههههههههههههههههههه مع نفسسك "
وضاح " طيب تحبيني ؟ "
وضاح قام من على السرير وقرر يروحلها

اما جنى انسدحت على بطنها وابتسمت حطت شعرها على الجنب ووجهها طاغي عليه الخجل كتبت " لا "

وضااح " بلله ؟ "
جنى تضحك بصوت راخي " حكزب يعني "
وضاح جا لعند الباب وفتحو : تكزبي طبعا
جنى طالعت فيه مفجووعه وبعدها طالعت في تامر اللي نايم على السرير : لاتصفحنا الساعه 4
وضاح : هههههههههههه _ دخل وقفل الباب بالمفتاح _ طول يومي بدوام مابشووفك
جنى حطت يدها على خدها وشهقت : وضااح اخخخرج وربي لأنجلللط تراا
وضااح : يااشيخه بلا خووف زايد
جنى : وربي انتا ماحترتاح الا لو جبتلنا مصيبــه
وضاح : لو المصيبه من ورا رااسك راضي فيييها
حنى وقفت واشرت على الباب : اطططلعععع وربي قلبي حيووقف
وضااح يموت فيها لما تخااف : ويعني لو شاافونا ايش حيسير

وهنا فتحت الباب اروى ولقتو مقفل سارت تدددق : جنننى

وضااح الشجاااعه بدي اللحظه كلللللللها اتبخرررت رااح لجننى ودفاها ويهمس : اخرجي اخرررجي
جنىىى مسكت فيييه : تنتا اللي اخررج يااهبل
وضــآح يطالع حولينو غرفــه تامر مافيها اي مكان الواحد يستخبي فيـــه : جنننىي شووفيلك صرفه مع اختتك
جنى تهممس : مااااالي صلاااااح ماحفتتتح
وضاااح وجههو صففر : حترووح لغرفتي دحيين والباب مشرع ومفتووح حتعرف انو انا مو فييه
جنى : ووااا ياااماما مالي مااالي انا ماعرفك _ بعدت عنووو _ والله لأقولهم انك غصبتني وقفلت الباب وانا ببكي واقولك لا
وضاح عارفها ممكن تسويها كدا يبى رضاها : حياتي انتي مايسير كدا تقولي والله بعدين ماحنتزوج
جنى : طزز فيك عسا عمري ماتزوووجت _ حطت يدها على قلبها وتطالع في الباب _ واا يااقلبي

اروى : جنننى افتحي سامعه صوتك بتقرقري
جنى جلست على الكنبه وقلبها بيوووقف : وااا ياوويلي وااا يافضيحتي
وضااح يطالع حولينوو : حخرج من الطااقه
جنى علت صووتها : دقيقه بلببسسسسس
اروى : يااشيخه بسسسرعه بديكي الرضااعه واغير لتااامر ماحشووفك
حنى : مو لابسسه شي _ طالعت في وضاح واشرت على الطااقه _ نططط

وضاح راح فتح الطــآقه وهنا جنى شهقت : مجنون انتا حتخرج من هنااا
وضاح طالع فيها : ايش اسوي يعني
جنى مسكت في يدو : اخاف تموت
وضاحح : تراه دورين بسسس
جنى : دوووريين بس ارتفاع لو طحت حتتكسر
وضاح : عشان تاني مرا لما اقولك احبك لاتصرفيني
جنى طالعت في الباب لما زااد الددددق واروى عصبت دفتوو من قفااه : نططططط اقووول مع نفسسسك سمعتي فووق كل شي
وضاح : هههههههههه اي سمعه هيا بقت فيها سمعه
جنى ضربتو على ظهره : وضاااح نطططط قبل لاقلبي يووقف مع الفجعه
وضاح خرج راسه من الطاقه وبعدين رجع : كيف حخررج انتي شايفه الارتقااع
جنى عصبت : مو انتا اللي قلت حتنط نطططط خلاااص
وضاح : ولو موووت عششان خاطر مين عششانك خلي اختك تفضضحنا ولا يسير فيا حاجه
كان بيقفل الطاقه الا جنى مسكت الطاااقه وعلت صوتها : خلصصصت لبس _ همست بعدها بجددديه _ نططط بقووولك
وضاح : طيب شوفي انا حفضضضل متعلق بطااقه لما اروى تروح افتحيلي عشان ادخخل
جنى : طيب طيب يلاا
وضــآح خررج من الطــآقه وسار واقف على الحدود العريضضضضضضه البارزه لاصــق بالجداار ومقفل عينوو كل مايطالع تحت يحسس انو بيطيح دقات قلببو ورا بعضضض
اما جننننى مرا خاافت عليه بعد مافتخت الباب لأروى كل شويا تطالع بطااقه خاايفه

اروى دخلت معصبه : سااااعه بلااااا
جنى تعدل بلوزتها : كنت بلبس
اروى : على اساس اني ماقد شووفتك والله عصبتيني _ راحت لتامر وبتغيرلو على اقل من مهلها _

وجنننى تلعب باأظافيرهاا وتحس دمها نشــف
ووضــآح مو قااادر يووقف اكتتر من كددددا سار مابين انو ينططط ويتمنى انو مايسرلو شي ومابين انو يفضضضل متمسسسككك


بس ارووى فضلللت كتير بالغرفــه جنى زاد مرا توترها فاسحبت منها بلوزه تامر : خلاص انا اكملو روحي نامي شكلك يحززن
اروى : ريحتيني
جنى تباها تخرررج الا اروى جلسسست : ترا نزار ويزن اتضـآربو اليوم
جنى شويا وتقتلهاا حبكت دحين تهرج : اها مو جديد عليهم
اروى رفعت حوآجبها : من متى بللهي بيتضاربو دول !
جنى تبى تسلك وبس تباها تنهي الهرجه : ايوا صح والله مايتضاربو
اروى : ايوا سيدي كلمني وهووا معصب من يزن ونزار
جنى تطالع في الطاقه : يحقلو يحقلو
اروى : تخيلي كمان يزن ضرب نزاار عشان وحده !
جنى لاشعوريا فجأه اتحمسست : نعععم مو من جددك
اروى : استصبت ياشيخه من متى بيننا يعني طولة اليد دي وغير دا كلوو الموضوع نفسو مايدخل الراس ميين دي البنت اصلا



بعدددها سمعوو صووت طيــحه بين الشجيراات اللي محوطه البيت
ودقااايق صووت كلللب الحراااســه ينبــح
جنننى قلبــهااااااا طااااااااااح
كل اللي في راسسها وضااح ســرلو شــي
اروى : وي بسسسم الله ايش دااا
جنى قامت : دحيين انا اشووف _ اتوجهت للطاقه ماشافت شي عددل بس تبى تصصصرف بسسرعه اي شي _ الكلللب مع البواب هننا ( علت صوتها بكدب وهيا تهرج نفسها _ محممد في حاااجه

بعدها طالعت في اروى : لا مااافي فجعووني بلاا
اروى قامت : حتى اناا يلا بقوم انام
جنى : طيب
اروى خرجت وجنى قفلت الباب وبعدها بدقيقه بزبط فتحتو خرجت راسهااا شافت يمين ويسـآر ماافي احدددد
ونزززززززززززززززززززلتتتتتت جرررررررررري
وووجهها مصفـــــــــــرررر
لابســه بجامتــهاا الصفـرا وفاتحــه شعرهاا
فتحت بــآب البيــت وتناادي بهمممسسس : وضاااح
تممشي وتنادي وصوتهاا طغى علييه الخووف : وضاااح وضااح
وضــآح جالـس بعيــد على الكـرسي وقدامو الطـآوله : هيي اناا هنااا

طالعت فييه من بعييد وراحتللو على طوول : سسرررلك شششي
وضاح ماد رجلو اليمين : تووجعنني رججلي
جنى طالعت في وجهه : انجرحت
انشخط بوجهه من الغصصصن ورفع يدوو : حتى في يدي كلو مننك
جننى : والله ماكنت ادددري انو حيسرلك كداا
وضــآح معقد حوآجبه ومعصــب يمرر يدو على رجلــوو ولا رد عليـها
جنى جلست بالكرسي اللي جمبو وقالت بخوف : كيف مرا توجعك
وضـآح يبى يطللع عينها طالع فيها بنص عين وقال بكل جفاصه : لا بستهبل عليكي
جنى :والله ياوضاح مع الخووف مافكرت
وضـآح وقـف واتكى على الطاوله : خليني انام احسن لي
جنى وقفت معاه وهوا يمممشي ويعرررج ويقول بتمثيـل : آآه ياارجلي

هوا كآنت رجلو بتوجعو بس هوا زايد الموضوع عشان يحسسها بذنب
جنى مشيت وراه وباين في صوتها البكـى : وضااح ازا مرا توجعك اجللس اناديلك اروى
وضاح يممشي وقال يدق بالهرج: لا عاادي اخاف بعدين يشكو فيناا
جنى ماهتمت : بكيفهم ايش يعني كنا حنسوي
وضـآح وقـف : مدددري _ وغمض عينو باألم _ ناديلي وليد
جنى خافت : ها دحين لا بعدين ايش يقول
وضاح شويا ويضحك : مو دوبك تقولي لا عادي
جنى : اروى اصحيها ممكن بس وليد والله مرا لا
وضــآح جللس على الدرررجه ومد رجلــووكان لابـس بنطلوون طويـل شويا وســيع حق بجـآمه ومقلم
جنى ماسكه اياديها في بعض وترهج بتلكلك : اشووف طيب رجججلللك
وضــآح رفع صوتو عليـها : ايش حتسسويلي يعني لو شوفتيها
جنى : لاتررفع صووتك
وضاااح : دا اللي همك انا مو قااادر امممشي وا
جنى قاطعتــه وجلست جمبو : خلاص لاتعصب مو لازم ننادي ولييد خلينا شويا نجلس هنا يمكن رجلك يهدا الالم فيها
وضَـآح نظراتو اسلوبو نبره صوتو كلـــها جديه × جديه : لا يااشيخه عارفه انا اساسا غلطـآن لأنوو في كل مرررا اوقف فيها قدامك تسويلي مصيبه حتى لو شغاله شافتنا تقومي قيامتي وكأنو مدري ايش اللي سار ودحين راميتني من الطاقه عشان اختك بس
جنى : انتا اللي جبت فكرة الطاقه
وضاح : وانتي واختك قاعدين تهرجو اقل شي كان صرفتيهاا
جنى : خلاص انا اسفـــه
وضاح حط يدو على ركبتوو وشد على عينو : ااااه يارجلي مو حاسس فيهاا
جنى دموعها سارت في عينها : مرا بتوجععك ؟
وووضاح مسك يدها وضغط عيلها : ججننننى مراا تألممني
جنى خااافت : خلاص خلاص بنادي وليـد _ كانت بتقوم الا هوا شد على يدها _
وضــآح : لا لا تقوومي خليكي معاياا
جنى : ماحسويلك شي انااا خايني اناادي وليييد ولا ابووك
وضاح : لا بلااشي _ سكت شوويا وبعدها قال _ آآآآه يااارججججلللي

جنى دموعها نزلت: والله اسفــه ماكان قصدي
وضــآح يبى يعلللمها تاني مرا لاتربشششووو
حط يدوو على كتفها وقربو لحضنها: حياتي لاتبكي انتي مالك
جنى : لا كلوو بسببي لو ماخليتك تنط
وضـــآح انعدى من نذالتها ولا قلها : لا حياتي اناا الي اصريت ودخلت الغرفــه
جنــى : لا والله بسببي
وضــآح كان بيوصل لدي النقطه ويلومها : خلاص سار اللي سار _ خلنا نطلللع
جنى مسحت دموعها : وانتا كيف دحين
وضـآح : حنام يمكن تخف لما تقووم
جنى : اخاف تزيــد
وضــآح بكل حقـآره مسوي البرائه منقطه منو : لو زادت خلاص بكرا اروح المستشفى واقول لأبويا اي صرفه
جنــى : طيب _ سكتت شويا وبعدها اتذكرت _ وترا كنت اكزب عليـك
وضـآح : في ايش ؟
جنى : انو مارديت عليك يعني وقلتلك احبك
وضـآح من جواتو ميت ضحككك خلاها تمممشي صصصصححح : مو مشكله حبيبي _ وقف وهيا وقفت ومسك يدها _ خلينا ننام

وصلــو لغرفه نومــوو ودخلت غرفتو بكل خووف جلس على السرير وكآنت حتسحب يدها من يدو بس هوا شد على يدها وقال : جنننى مرا تووجعنني
جنى نسيت انها بغرفتو : طيب قولي ايش اسوي وانا حسويلك هوا
وضـآح : خلاص خلاص روحي
جنى جلست على السرير : لو بتوجعك ماحروح
وضــآح ( ههههههههههههههههههه وربي اني رهيب ) : مابيدك تسوي شي خلاص حنسدح لين مانام
جنى على نياتها : تنسدح وهيا كدا توجعك
وضـآح : في حل غيرو ؟
جنى سكتت شويتين وبعدها قالت : لا _ اتذكرت _ خلاص اكلمك بالجوال لين ماتنام
وضـآح طالع فيها بنص عين : مو انتي تكرهي دي الحركات
كان دايما يقولها نهرج لين مانام تقوم تتأفف بس دحين هيا اللي اقترحت
جنى : لا ماكرهها خلاص انسسسدح وانا حكلمك دحين بالجوال
وضــآح ولا ابتسم بوجهها : خلاص طيب
جنى قامت من جمبو وضميــرها ياأنبها راحت للغرفــه وعلى طول كلمتو بالجووال وهوا ميييت ضحكككك عليييها مستحييل يقولها الحقيقه دامها كدا ماشيه معاه صح وبتسمع كلامو اجل عرف كيف يعدلها .




في صبــآح اليــوم التــآني

كلهم على طــآولة الطعـآم وبيفطــروو ولسى وضـآح لدحيــن ماشــرف
بس عادي كلهم بيفطرو وماعندهم شي اسمو انتظار
اللي يجي يجي واللي مايجي بكيفــو
اما جنــى تـآكل وعينها على البــآب
مستنيتو يجي
اتصلت عليه اول ماصحيت مارد عليـها

ومسكة كاسه العصير بتوتـر لما شـآفتو دخل وبيعرج
ابوه عقد حوآجبه وقال بخووف : واا ايش بببكك ياوضااح
وضااح مسك في الكرسي وضحك عشان يعدل الجوو : تلوت رججلي
ابووه : متتى
جنى تشرب العصير وتطالع فيــه ولما طل فيها رمشت بعينها وكأنها مالها صلاح والبرائه تقطر منها
وضـآح امس لما رجعت من الدوام
وليد بشك : وايش دا اللي على خدك
وضـآح مرر يدو على الجرح : بالعلاقه اتعورت _ يبى يصرف _ امس يوم العاهات العالمي
اروى : ههههههههه منجدد اهم شي دحين رجللك كيف
ابوه : اييوا لو تعورك روح المستشفى اكشف على نفسك لاتبلينا بعدين بمصيبه
وضـآح : لا مايحتاج
جنى ساارت مو زي اول تاخد وتدي لما يجي وضـآح معاهم مرا تستحي فالصمت هوا وضعها في دي الحـآله
ابوه وقــف : زي ماتشوف بس اهم شي لاهمل نفسسسك خلوني الحق على الدوام
: ترجع بسلامه
: الله يسلمكم
خرج من الغرفــه ولا دقيــقه دخل البواب وهوا منزل راسو : ايوا مستر وليد
وليــد : كم مرا اقولك لاتفتح لأي احد البوابه
: انا مايفتح
وليد بعصبيـه : والرجال اللي امس مدخلي هوا ايش يططططلع ان شالله
اروى على طوول تهديه دايما لما يعصب طلت فيه رمت كم كلمه ورجعت تكمل فطورها تكره لما يكلم الخدم كدا: ارحم من في الارض يرحمكم من في السمااء
وليد هدي شويتين والبواب هرج : هوا يقول انو يعرف مستر انتا
وليد : واي احد عارف اسمي ويقولك افتح الباب حتفتحلو كم مرااا بقولك لاتفتح لأحد غريب الا لما تكلمنني
البواب : اسف ان شالله مرا تااني _ كان بيخرج بعدين اتذكر شي وطالع في وضااح _ مستر وضاح انتا امس ليش ينط من طااقه
وضاح كان بيدو التوست ودوبو بلعو انخنننق من يوم ماهرررج لبوااب ساار يضررب على صدروو ولسااااتو يكككح وجههو حمــر واروى ادتو كاسه مويا وهيا مفجوعه : وي بسسسم الله ايش بككك
جنى دمممهاا نشـــف

حســبو انوو انستــرو كدا ومحد داري عن تهبيبهم
وليد ماهتم لخنقــة وضـآح قال للبواب وهوا مفجوع : نط من فييين !
البواب : من الدور التااني
وليد طل في وضاح وبعدها بالبواب : من الدور التااني !
البواب : ااايووا امـ
وضاح قاطعوو : خلاص اقولك اطلللع
جنى مو عارفه كيف تتصرف يمكن يكون سبب سكوتها انهم يعرفوو من وراها الهرجه
اروى : لا دقيقه كيف نطيت من الدور التاني
وليد بتحليل : عشان كدا رجلك توجعك
اروى كملت : ودا اللي في وجهك من الطيحه
وضـآح يبى البواب يخرج قبل لايحدد كمان الغرفه اللي نط منها وضاح : انا ححكيكم بس خلو دا يخرج من متى ماشالله يدخل كاد البيت _ طل في جنى _ هنا في بنات
وليد حسب عششان جنى لابسـه برمودا كدا اخوه معصب اشر للبواب : خلاص خلاص رووح
البواب : اووك
وخــرج
والكل طالع في وضــآح ويبو تفسيــر
وضاح حط اياديه على الطاوله : ايوا ؟
وليد : احنا اللي نقولك ايوا ؟
وضـآح مو عارف ايش يقول مو طبعو يطلع الكدبه في لحظتها : شي ساار بس
اروى : ويخليك تنط من الدور التاني !! انجنيت !
جنى بدات تحس نظرة وليد لها وكأنو بيربط بينهم عشانها ساكته ومو دا طبعها كدا حبت تهررج ضحكت وقالت : اما من الدور التاني تستعبط ياوضااح
وضــآح طالع فيها ونفسو يقتولها اما هيا على طول طالعت في اروى عشان خافت من نظرتوو
وليد : حتهرج ؟
وضـآح مو عارف ايش يقول مو عارف يطلع الكدببه
وتروه وهما التلاته بيطــآلعو فيـــه
كدا قال : لا ماحهرج
وليد : يعني انادي البواب يحكينا
وضـآح : ايش حيقولكم سبب نطتي من غرفتي ! وبعدين بكيفي انط من الطاقه ولا اخرج من باب البيت ترا كلو واحد في النهايه _ وقف وهوا يهرج نفسسسو _ حتى الواحد محسوبه عليه كيف يخرج من البيت
خرج من الغرفه وهوا مسوي نفسو زعلان
وجنى ماسكه نفسها لاتضـــحك
واروى ووليــد ممفجوعين
اروى قالت وهيا مصدومه : استخف دا .!
وليد ضحك : ههههههههه لا مو صااحي دا !!!
اروى : ايش اللي يضحك بالموضوع روح شوف اخووك استخخخف يبى يبتكر كمان طرق غير الباب عشان يخرج من البيت
وليد : على اساس انك صدقتيه ورااه مصيبه ودا وجههي
اروى : مصيبه
وليد : اييوا باين من وجههو اصلا _ طالع في جنى وقال بشك _ نشووف نهايتو
جنى اخد الكـآسه الفاضيه وحطتو عند فمها بتشرب مع الارتباك مانتبهت بعدها رجعت الكاسه : الحمدالله شبعت


امــآ وضــآح طلع لغرفتــوو ولساتو بيعرج في مشيتو وبيسب جنـى من جواته : ماتبطل حركاتها _ استوعب موقفها _ ايش كمان بيدها هيا تسوووي

وصـــل خبــر الوفــآة لكل القــرووب .
في اليــوم التــآني

جالسيــن البنــآت في غرفــة الين وكل وحده لابســه عبايه سودآ
شادن : وربي قلبي وجعني اول ماعرفت
رودينا : تقولو كيف دحين هوا
الين لساتها يدها مجبســـه وعينها منعوها تفتحها بس مو مهتمه لو احد شافها كدا ايش يقول تبى تروح تعزي اسامه : مدري والله الله يصبره ياشيخه
رودينا : ايوا صح منار ايش سويتي فيها
الين : ولاشي بس صبرها عليــآ
رودينا : تعجبيني
الين مهما اتغيرت بس صفات فيها ماحتتغير لو احد غلط عليها او استفزها تسير متوحشـــه وتدافع عن نفسسسها بتسلـــط

شادن حطت الطرحه على راسـها : ماتبو تروحو شوفو الساعه كم
الين طلت بساعه : وي قدها 5
رودينا : اممشي ننزل امك حتروح ؟
الين : لا تقول ماعرفهم بس بابا طبعا رايح
رودينا : مايبالها كلام
شادن : وانا ماما تلاقيها قدها هنــآك قالت مافي الا خدم بالبيت لازم احد يعلمهم ايش يعملوو
رودينا : برضو كدا ماما قــآلت



بس محـــد حـآسب حســآب وحده شـآيله البيت كلو على راســها
لابســه جينـزز وبلوزه سودا وطرحه سودا على شعرها
فتحت باب البيت لقــت ابو اسامه واقف براا والعزا حيكون في الديوانيــه ودا مخصص للرجال وقت المنــآسسبــآت وبدأو الرجــآل يجــوو


واسامه لدحيــن مانزل ابو اسامه جاا لعند راما : روحي نادي اسامه
راما زفرت بضيــق مو عارفه كيف حتدخل غرفتو من امس ماشافتوو : حاضر
دارت وطلعت لفووق وهيا عند باب الغرفه اتمنت انها نادت وحده من الشغالات تدخلوو

حاولت تقووي نفســها دقت الباب ومالقت اي رد
فتحت الباب بشويش وشافتو جالس على طرف السرير ومســرح
وجعها قلبــها عليــه : اسامه
اسامه طالع فيــها وبالو في مكان تـآني
راما : الرجال جو لازم تنزل
اسامه اشر براسه بتسليك وهوا اصلا ماسمع ولا حرف
راما كانت بتخرج وترد الباب الا شافتو ولا اتحرك عرفت انو مو معاها اصلا

دخللت للغرفه ووقفت قبالو : اسامه قووم النااس تحت
اسامه وقف وكان ماشي الا هيا وقفت قبالو : فين رايح كداا
اسامه والارهاق طاغي على وجهه : نازل
راما طالعت بياقة الثوب مفتووحه واكمام الثوب برضو مفتوحه : طيب عدل نفسك بس
اسامه عقد حوآجبه : مو فااايق
راماا متعوده دايما تسوي لأخوها وابووهاا مسكت يدها وسارت تقفلو هوآآ وهوا بيطالع فيها
مو بيفكر فيها
لا بس بيفكر باأمو
ومسكت بعدها يدو التـآنيه وقفلتلو
طالعت بياقه الثوب وقالت عادي يخليها مفتوحه مو مشكله : خلاص
اسامه نزل عينو ومشـي قبلها طالعت على السرير لقـت صورة امــوو

نزلت راسها باأسف وهيا تدعي بسس انو ربي يصبـره


خررج من البيـــت واتوجه للديوانيــه
جــلس عند اول كنبــه قريبه من البــآب




ويدخلو الناس يسلمو عليــه
عظم الله اجرك
عظم الله اجرك
عظم الله اجرررك
ليين خلاص حس انو مو قادر يسمعها اكتــر
هوا مو مستوعب وفاتها وكل واحد يقول دي الكلمه
وكأنو يقولو فووق خلاص ماتت
نززل راســوو ودموعه مغرقه عينه
دخل رجال كبيـر : اسامه
يبى يسسلم عليــه
اسامه ولا طاالع فيــه
خلاص ماعاد يبــى يسسلم على احد
ابوه جالس جمبو قام مد يدو للرجال وطالعلو بنظرات وكأنو يقولو " خلاص سيبوو "
ودخل بعدها مجموعه رجال واسامه ولا طاالع في اي واحد فيهم ولا سللم على احددد
كل اللي في راسوو امــوو
يحسس خالتو الايطاليــه قلبـها من حجججر امس ارسلتلو صورة امو قبل الدفن
عندهم دي تعتبر ذكــرى
مايدري انها عذبته الف مرا بصوورة
ولا قدددر يناام بعدها
ولدحيــن حاسس انو مافراسه غير الصوورة
اي مشــآعر دي اللي عندهم
معدوميــــن منهاا
خالتو مسيحيه بس امو مسلمــه اسلمت بعد ماولدت اسامه



امــآ جوآآ ام شــآدن جالســه ومستغربــه مين دي البنت مسوويا انو البيت بيتها
وجهزه كل شي
واي احد يدخل كان يسلم عليــها هيا
محد اصلا كان عارفها بس واضح انها من اهل البيت
دخلو التلاته البنات ومعاهم ام رودينا
وراما وقفــت ولما طالعت في وجيههم انفجعت بس حاولت تسوي وكأنو شي عاادي
حبل الكدب دايما قصيــر
التلاته طالعو في بعـــض
الكل لابــس عبي الا دي البنت
ام رودينا باإستغراب سلمت عليها وقالت عظم الله اجرك
راما : جزاكي الله خيـر

شادن ورودينا واليـــــن مدهوووووووووووووشييين
بذات شادن ورودينا لأنهم شافوها مع مازن
اما الين ماتعرفها كتيــر
بس سلموو عليــها وجلسسسوو شافتهم تنادي الشغالات وتكلمهم وترجع تجلــس
وتسلم على اي احد داخل


رودينا قربت من الين : سلامات دي ايش بها هنا
الين : ومين دي اصلا
رودينا : صحبة مازن
شادن عقدت حوآجبها وهيا تهممس كمان معاهم : ايش جابها
رودينا : علمي علمك نشوف ايش حكايتها
الين : واسامه متى حنشوفو
شادن : لو دخل هنا حشوفو محلانا نروح عند الرجال
رودينا : والله حووووسه
ام رودينا وام شادن جالسين مع بعض
ونفس الحكايه هرجتهم : دي بنت مين
ام شادن : والله مو عارفه كل شويا اشوف سامخ يدخل ويكلمها عرفت انها تقربلهم بس ايش الصلهه بزبط مو داريه
ام رودينا : غريبه والله سامح ولا مرا جبلي سيرتها
ام شادن : ولاانا


رودينا لقطت من كلام ام شادن : بتقول عمو سامح من اول يدخل يكلمها وكأنها تقربلهم
شادن : مستحيل ياشيخه
الين : مرا ماتشبههم
رودينا : اللقافه مقطعتني


حتى وهمـآ بعزآآ مايبطلوو هررج وتحريـــآت

راما حـآسه بنظراتهم ومراا خايــفه شكلها حيكون باايخ لو انكفششت وهما مخبين على القرووب مرا مو وقتو .





امــآ برآآ
وفي الديــوانيــه بتحديد
جالس على الكــرسي وكأنه بدون اي رووح
بس سمممع كلمــه : اسااامه
عرف انو صووت مازن رفع رآســه ومااصدق يشووفهم التلاتــه
وقف وحضن مــآزن وصمتــو من يوم مادخل دا المكان طلعو دحيــن لما بكــي بصوتــه ويشتكي لصاحبه لإنسان حيفهمو: امي راااحت يااماازن
مازن وفي حالــه نفسيــه ماتسمح كآنت له انو يبــكي عشــآن رغــد

بــس دحيــن ماصدق احد يحس فيــه
اسامه حاط راسوعلى كتف مازن والكل بيطــآلع فيه وهوا يبــكي بصووتــه

يـزن نزار ماازن ابووهه متأثرين معــآه
لأول مرا يشوفووهـ كدآآآ
بحاولو يهدووه
يكلمووه
بس ولا كأنو سامعــهم
مستحيل يهدأ ويرتاااح بس يقدر يوقف بكى من التعب ويحس انو يمر في لحظه هدووء للحظات

جلس جمبه سيدهم وحط يدو على رجل اسامه وبيهرجوو : دي سنه الحيـآه ياولدي انا ولدي ومرتي ماتو في شهر واحد وشوفني قدامك الحياه ماتوقف على احد ايش في اكتر من انو هيا اتوفت وهيا مسلمه ايش في اكتر من انو سابت وراها رجااال يدعيلها بعد وفاتها بكل لحظــه لو تبى تبكي ابــكي لين ماترتااح بس مافي شي حيرجع
اسامه نززلت دموعه ويهرج بهدوء ودا اول شخص بيتكلم معاه بدون ماينفععل : ولا حرتااح _ قال وهوا مستصعب الموضوع ومو مصدددق _ تخيل يصوروهاا !
سيدوو : قول الحمدالله اهل امك ناس جاهله انا ولدي طلعت صورتو بالجريده وهوا مقتول ومافيه اي ملامح _ نزلت دموعه _ ايش في اكتر من كدا طالع في غيرك وقول الحمدالله امك اتوفت وهيا قريبه من ربناا ومحجبه ومتمسكه بدينها _ رفع طرف غترته وهوا يمسسح دموعه _
اسامه صح كلام الجد حسسو كأنو شي باارد انكب على قلببو الحاار بس برضوو في شي نــآقص
جلس شويتين وهوا بيحاول يسترجع كلام جد التوأم
الحيــآ ماتوقف على احد
مااقدر
اموو دي
حلللم كآن طوول عمروو نفسو يوصــلو
ولما عرف انو وصــلوو لما سار ينام مرتاااح
وهوا عارف انو حيقوم ويلقاها جمبو فجأه راااحت
كيــف يرتــآح !
سممع ابوه بيهرج مع واااحد
بيقولو التفااصيــل كيف ماتت
ساار يسسمع ودموعه تنززل
ماااقدر يستحمل دا الوضــع
وقـف والكــل طـآلع فيــه
وخــرج من المكــآن
يزن كان بيخرج وراه الا سيدو مسكو : سيبووه
يزن : مايسير ي
سيدو قاطعو : انا حاسس بللي يمر فيــه _ قال بتعب _ سيبو ياولدي

اسامــه خررج من المكــآن وكأنه كان جوا احد خااانقـــه وماااصدق يتنفسسس
ودمووعــه تنـــزززل

شااف مجموووعه رجــآل جايين عشان كدا بعد عن الديوآنيــه مالو نفـس يسلم على احد




عبدالله ولد عم اسامه طالع في ابو راما : مو داك اسامـه !

شــآفوو اســآمه بيبكي ومتــوجه لبعيد عن الديوانيـه ابو راما : لاحول ولاقوة الا بلله
عم اسامه التاني : الله يرحمـــهاا ياشيخ



امــآ اسامه اتوجه للكراج ماقدر يدخل البيت لأنو عارف البنات جوآ مو نـآقص احد يشوفو كدااا
جلسس على الدرج وفي الظلمــه قعععد يبـــكي
لوحده
وفي الظلمــه
وفي اخر اللبيت
بيبكــي بقهههههههررر من ابووه
اول كان يقول حروح لأمي وماحيلظمني ابوويــآ بس دحيين حس انو مظللللللوووم
لأنه حرمو ابوه من ذكريــآت المفروض تكون مرتبطه باأمووو


فضــل ســآعه لوحده وجواله كل شــوياا يدق بس مطنــش
مسسح دموعه بتعب ورفع جوآله
مكالمه من نزار ومن يزن ومن مااازن كل وااحد بيتصل عليه
بس دا دحيــن ابووهـ رد عليـه : ايوا
ابوه بخوف : اساامه انتا فين
اسامه وقف : دحين جــآي
رآآح لعند الـرجـآل وباقي بس اصحــآبوو واهل رآمــآ
سلم عليــهم بدون مايفتح فمو لأي احدددد جلس على الكـ{سي وهما بيهرجوووه وهوا بيطالع فيهم بس مو معاهم


بعد نــص سـآعه

اتوجه اسامــه للبيت وفتــح البــآب ودخــل
وجا للغرفه اللي فيها الحريم بس مادخـل فضل عند الباب

ام رودينا وام شـآدن على طوول وقفــوو وراحلوو
ام رودينا حضنتوو تعتبرو زي ولدها وهوا دموعــه اتجمعت في عينــه بس ماسك نفسسو لايرجع يبــكي وبعدها مد يدو سلم على الين ورودينا وشادن من بعيد لبعييد : عظم الله اجــرك
رد عليييهم وبعدها راما جات لعندهم وكآنو زي الدائره والكل بيطالع في راما
بذات اللي عارف انها محجبه ودحين الطرحه في نص راسها واسامه قدامهاعادي !!!
راما : في شي
اسامه حط يدو على جبينو وقال وصوتو شبه رايح : كنت بقولك حاجه
راما : الاشياء اللي طلبها عمي قلت للشغالات يسووها
اسامه اتذكر :ايووا صح ابوكي واعمامك جوو
راما : طيب
كانت بتمشي الا اسامه مد يدو وسحب طرحتها لمقدمه راسها وقال : الشباب برضو جوو غطي شعرك
قالــها ومشــي
بحكم انها خطيبتــو قالها كدا بدون مايدري عن خمسسسه اشخااص بيسمعو كل كلمــه يقولها
وراما بكل طاعه اتحجبــت عدل ومشيت وراااه

طالعـــو في بعــض
رودينا : ايش اللي سار دوبو !
شادن رفعت اكتـآفها : مدددري
الين : تكون اختو ؟!
ام رودينا : ايواا يمكن اختو برضاعه
شادن : لو اختو ماحتقول عممي
ام شادن : ليش ماسئلتو البنت وهيا عندكم
الين : حسيت الوقت غللط
ام شادن : لا غلط ولا حاجه احنا من اهل البيت وهيا اللي مانعرف مين اهلها
رودينا: والله شكلو هيا اللي من اهل البيت

امــآ اسامه فتح الباب وكآن ابوها وعمها وولدين شباب معاه اولاد عمها عبدالرحمن وعبدالله شباب جامعيين
راما خرجت وعلى طول ابتسمت لما شافت ابوها وسلمت عليــه وبعدها سللللمت على عمــها
والشباب طالعت فيهم من غير مصافحه : ماشالله كلكم جيتو
عبدالله : دا الواجب
اسامه طبعا شافها بس تسسلم عليييهم وهوا على طول راح لعنــد الرجــآل مالو اي علاقه فيــهم
ومالو نفــس يهــرج مع آحــــد .

آنتـــهى اليــــوم بدون محــد يدري رآمـآ ايش تقرب لأســآمــه
بس قالو بكرآ نســألها .


اما اساامه بدون مايعبر اي احد بالبيت على طول اتوجه لغرفتــو وقفل على نفســو البــآب


وابــوه واخوآنـــوو واولاد اخوانو وراما كلهم سهرانين تحت من زمان عن جلساتهم دي
بيضحكو ويتذكرو ايام صغرهم

ورامااا عقلها مو معاهم لما تسمعهم يضحكو بصوت عالي نفسها تقولهم وطوو اصواتهم مراعااة بس لمشااعر اسامه

نفســها تطــلع فووق تشووف ايش بيســـووي
مع انو عارفه انو بيبكـي بس تبى تطمــن عليــه
جملتو من امس ترن في ادنها " انا كنت عايش عشانها "


وقفـت : انا رايحه انام
: تصبحي على خيــر
: وانتو من اهله

انسحبت وطلعت وكآنت الشغاله خارجه من غرفه اسامه
رما طالعت في التبسي اللي بيد الشغاله : مااكل حاجه
الشغاله :من اول جوا مدام مافي ياكل شي
راما : خلاص بعد ساعه كدا سولو اي شي خفيف
الشغاله : حاضر مدام
راما اتــوجهت لغرفتــها وهيا قلبـها مع اسامه
انسدحت على السرير وكل اللي سار اليوم يمر قداام عينها




جالس على السرير وســآند جسمو على المخدهـ
ولا غفتلــو عينو
مسك الجوال وفتح البـآس وطلعت على طول صورة امو وهيا بالكفن اول لما شافها حتى ماقفل الصورة ساب الجوال بكبرو
شاقها ورجعت دمووعــو تنـــزززل
انسسدح على السرير لين ماحس بنفسو ونـآم




اليــــوم التـــآني

صحيــو اغلبــهم من بــدري رآما
واهلها بحكم انو البيت غريب عليــهم
وابو اسامه لأنو فرحان فيـــهم
بس اسامه لوحده كــآن نايــم


عبــو الفطوور وكلهم اتوجههو لغرفــه الطعــآم
ابو راما طالع في بنتو : وفينو خطيبك
الكلــمه تفجعهاا ماكانت حااسه فيها دي الفتره
ابو اسامه طالع في راما : روحي ناديه
راما وجهها حمر : طيب
عبدالله ضحك : مسويا انها تستحي دحين
راما اتنرفزت منوو بسس عشانو اكبر منها مسويا انها تحترمو قدام الرجال لكن نظره الوعيييد خلتو ينكتم

خــرجت من الغـرفه وطلــعت تعبت من الدرج
من كتر ماتطلع وتنزل دي اليوميـــن
اتوجهت لغرفتــه دقت الباب كدا مرآآ ولا من مجيب
عارفه في حالتو اصلا ماتستنى يقولها ادخلي
تفتح الباب بشويش تطل من الفتحه الصغيره لو كويس الوضع تدخخل

ودخـــلت بس فضــلت واقفـه عند الباب مستنيتو يخــلص صــلاهـ

سلم وجلس شويتين على السجاده ماحبت تقاطعه ولما وقف ودار جسمو
قالتلو : تقبل الله
اسام طالع فيــها وعيونه منفووخه : من الجميــع
اخد السجاده وحطها على السرير
راما : يلا تعال عبينا الفطور
اسامه : ماليا نفس
راما : ترا من امس ماأكلت
اساامه جلس على السرير وبتصريـف قال : الا اكلت
راما : في كل مرابيرجع الاكل زي ماهوا فين بللهي اكلت
اسامه طل فيها وقال بترجي : راما والله ماليا نفس خلاص روحي انتي افطري
راما ماحبت تغصبو بس قالت وهيا تحاول لأخر مرا : ابوك وبابا وعمي اللي نادوني
اسامه : ودا بزبط اللي مو طايقو حاليا
راما نزلت عينها ماعرفت ايش تقولو حاولت ترد ولو بكلمتين بس ماقدرت ولا تلوموو
لو مادخلوو اعمامها ماكان ابوه طلق امو
ولو ابووه ماسمع لأخوانوو كان عايش هوا لدحين مع امــوو : براحتك
قفلت الباب وفضلت واقفه شويتين عند الباب
مراا نفسها اهلها يرجعو جده
تحس الجو مرا مايسااعد انو اسامه يشوفهم طول الوقت


سبحان الله وبحمده سبحان الله العظيـــم


في بيت مكوون من 6 غــررف
الاثاث الانيـق زايـــد فخـآمه البيــت


بتســـوي شي عشــآن ابــوها مو عشان هيا مرتاحه وراضيه بدا الموضوع
قالو طيــب قالت اووك موافقه
بدات تكبــر وتستوعب الحيـآه بس لسى ماتعرف انو في مواضيع ماتتعامل بدي الطريــقه

بـــذات موضوع " الزوآج "
نظرآتـــه بس عليــها يكلم ابـوها ويرجع يطالع فيها ويبتسم

امــآ هيـآ
مــــــــــــــــــرااا عــآدي مو كأنوو دا حيكون خطيبـهاا
الادمي وقـف وسلم على ابــوها : خلاص اجل بس تزبط اوراقي وحيسير كل شي
ابو اثيـر والفرحه طاغيـه عليــه : الله يسرلك امورك
الولد : ان شالله ياعمي
راح لعند اثيـر وقال : مع سلامه
اثيـر من غير لاتوقف اشرت بيدها :باي
ماضايق من حركتها بالعككسسس خرج وهوا مبسوووطه أنو في يوم من الايام حتكون دي زوجتـــه
كان نفســو يملك عليها دحيــن بس عنده مشــآكل في بعض اوراقوو يعني بحدود الاسبوع وتـــكوون اثيـر " خطيبه انــس "

ابوها طل في اثيـر : ايش بك
اثيـر وقفت : ولاحاجه مرا طول عندنا
ابوها : مالو ساعتين
اثيـر ماعجبها الوضع : كتير _ حطت يدها على فمها وهيا تتثاوب _ جبلي النوم
وخرجت من الغرفه وابوها اختفت ابتسامته
يحس انو يفرح بجية الولد اكتر من بنتو اللي مو مهتمــه


اول ماخرجت اثيــر للصاله لقت هدى وامــها
هدى تاكل فصفص وتهرج وهوا مو عاجبها العجب : ها حل مشاكلو الولد ولا لسى حتجلسي عندنا
اثيـر : روحي اسئليه بنفسك
ام هدى ماصدقت اثيـر ترد : ايش بك انتي مو متقبله مننا رد
اثيـر : ايش قلت دحييين
هدى : دا الحق عليا حابه اسئلك ايش سويتي
اثيـر : والله لو انك مهتمه ماكان تاكلي الفصفص بقههر خفي عليه
دخلــت غرفتها
وام هدى وقفت بعصبه : تعااالي هناا
هدى مغجوعه دي الايام من ردود اثيــر : شووفتي ياماما ايش قاالت
ابو اثيــر : خييير ايش فييي !!!!
ام هدى تشــردح : شوووف بنتك قاعده تعايب بنتي عشانها مو مخطوووبه واللهي قله اددددب
ابو اثيـر : صلو على النبي اثير صغيره ماتقصصصد
ام هدى حطت يدها على وسسطها : مين هيا اللي صغييره شووفها قدها بطووولي ولسااانها اطوول منهاا دي يبالها احد يربيها من جديد
ابو اثيـر بحزم : اقووولك اهجدددي ولاعاد تدخلي باأثير خلونا يوم بدون صرريخ بالبييييت _ وهوا كماان راح لغرفته وساب مرته وبنته ياكلو بنفسسسهم في الصــآله _


واقفـــه بغرفتــها طالعت حولينها وبعدها اتوجههت للطاقه وفتحتــها
اتأملت الحديقــه وجا في بالها مـآزن
مو جا في بالها اساسا هوا على طول ببالها
بس دحين اتذكرت مواقفــها معاه
زفرت بضيـق وقفلت الطاقه تحاول تشغل نفسها عشان تنسـآه
متقبله فكرة انها تنسـآه لأنو متأكده هوا مايعتبرها غير صديقه مقربــه


اما في الصــاله
هدى : انا ساكتـه لدحين بس لأنو ترا الولد مايجي منو
ام هدى : انا اوووريها بنت اللذين لا هوا ولا اللي اسوء منو حيطالع في وجهها لو ماخليتوو يبطل منها ماكون انا امك ياشيخه
هدى ابتسمت : خليها ياماما معاه بالعكس هيا خسرانه حتى وظيقتو مو عدله ولا شي فيه عدل
م هدى : هوا دا كبير عليها كمااان قال ايش شقه بغرفتين يسكن هيا وياها بس تحلم حتى بشقــه حخليها عندي هنا على طول
هدى جلست باإهتمام :ايش حتســـوي فيها ؟
ام هدى بمكر: قصدك ايش حسوي فيـــه

تلوثات من مصنع القلب



حط الاغراض في الصاله الصغيره
: دي اخر الاشياء
رنيم اتبسمتلو : اوك شكـرا
نضال ابتسملها وطالع في امها اليل دخلت لغرفه وجلست : خلاص دحين حتاخدي دا البيت ؟
رنيم : لا ماحاخدو بس حق كم يوم على بال ادبر نفسي
نضال همسلها : ايش اللي سايرلك بــزبط
رنيم حاولت ماتبين شي ابتسمتلو : ولا شي
نضال: ترا لدحين مو راضي يخش في راسي انو انتي وهتان خلاص !
رنيم : مافي شي يدوم
نضال : حب هتان ليكي كان حيدوم
رنيم حطت يدها تحت صدرها : ربي يسعدو ان شالله مع وحده تستاهلو
نضال : طيب سيبيكي من هرجه هتـآن دا قراركم بس انتي دي اليومين ايش اللي بيسير معاكي وجهك مو طبيعي
رنيم حركت راسها بنفي : ولاحاجه
نضـآل اتنهد : بكيفك بس متى ماتحتاجي شي انا حوقف معاكي ولا يردك شي
رنيم : ماتقصر



خرج نضــآل من هنــآ ورنيــم طلت في االبيت نفس بيتهم الاول
استأجرت بيت ام اليــن
قالت حتقدر تدفع دا الشهــر
بس الشهر الجــآي من فين لها
لكن كل اللي تعرفه مستحيـل تقرب من قصوورهم مرا تـآنيــه
مو محتاجه الين
ولا يزن ولا نزار ولا أحـــد .


تلوثات من مصنع القلب



جالس في الصــآله ولابــس الثوب الاماراتي وريحــه البخور منتشره في البيــت
وزي مايقولو شـبــآب الامارات مباخر متنقـله
قبل لاتطالعي بالشكل تجذبك الريحــه :p
بيهرج بالجوال وهوا وراه خــرجه حيكون تاني يوم لعزا ام اساامه
: سوزان قولي بعد شهر ممكن نسويها
سوزان : اوك وبعد اسبوعين حينزل الاعلان اللي صورتو
يزن : مرا اتأخر نسيت اني سويت اعلان
سوزان: هههههههه سارت مشاكل
يزن : مو مشكله
سوزان : وفي كدا عمل حابه اتناقش فيه معاك بس فيس تو فيس
يزن : سوزان وربي حاليا مرا مشغوول مو فايق لأي حاجه خليني اخلص دي السنه ويسير خيـر
سوزان : وماحددت متى حتسوي حفله عيد ميلادك
يزن : مو عشان ام اسامه اتوفت ولا كان بدي االيومين ~قولي بعد شهر كداا نفوق ونسويها
سوزان: اها كويسسس
يزن : ابى منك شغله
سوزان : امرني
يزن : تعرفي رنيم
سوزان : اللي سافرت معاك
يزن : اييوا
سوزان : ايش بها ؟
يزن سكت شويا وباين التردد عليـه
سوزان : اهرج
يزن : شوفي قولي دي الفتره كلها ماحشوفها فيها لأنو مالي وجه اتقابل معاها بس في يوم عيد ميلادي اباكي تسوي شغله
سوزآن اتحمسسست : ايششش ؟


قـآل لسوزان كل ِشـــي يباه منها
وهيا كعادتها مايصعب عليها حـآجه
وماتقدر ترفض طلباته لأنه كل شي بحقـــووو

قفـل منها واتوجه لسيارته وهوا مستصعب انو ماحيشوف رنيــم لمدة شهــر بس دا احسن حل له عشان هيا كمان ترتاح ويقدر يتفاهم معاها على رواق .

تــآلت يوم العزآ


لين دحيــن الخمـآسي ماعرفوو رآمـآ ايشش صلـتها باأسامه
امس جو اغلب اللي يشتغلو بشـركه ابوه عشان يعزو ولدهـ
وازدحم المكــآن وراما مادتهم وجه اصـلا
امــآ اليـــوم شبــه فااضي المكان
جو كدا شخص عزو اسامه ومشيـــوو


برا البيت واقفه عند الدرج وقبـآلها ولد عمها
عبدالله : ترا دا خطيبك من يوم ماجينا مو معبر احد خير السلام ببلاش ترا
راما تعدل حجابها : بلا مجاغه ياعبدالله هوا فايق يعني لكم
عبدالله : راما انتي فاهمتني اقل شي يسويه لأبوكي وابويا يجلس معاهم حق دقيقتين كل ماكلموه رد كلمه ومشي ترا اتمرمطنا من جده عششانوو
راما تبى تشوف اي صرفه : هوا اليــوم بدأ يفوق عدل على تصرفاته والمفروض تراعو حالتو
عبدالله : والله انا مراعي حالتو بس الزوق زوق في كل الحالات وبعدين علاقتك انتي وهوا ولاكأنكم مخطوبين فين راماا الرومنسيه اللي كنتي تطفشي اهلناا بـ
راما ضحكت وقاطعته : انتا ايش بك اليوم سلامات الادمي امو متوفيه وانتا تباني استهبل
عبدالله : انا مستني منو نظره ليكي كلمه ليا يومين وانا مراقب تصصرفاتكم وكأنكم ماتعرفو بعض !
راما خافت انو يكفشهم كدا قالت : عبدالله بلاش حركات البزوره دي تراا عمرك 23 ماتعبت وانتا تبصبص في الناس ترا من راقب الناس مات همااا
عبدالله : ياأومي انا عايش ليومك دا ومرتاح لأني براقب الناس
راما : ههههههههههه رووح بس الرجال يستنو
عبدالله : طيب ياستي




دخلت رامـآ لعند الحريــم ماكان فيــه غير البنات وامهاتهم بسس جلست وهيا مرا مرتبــكه بينهم
على طول رودينا والين جلسو جمبــها
راما طالعت فيهم وابتسمت وهيا حاسه بخوف مو طبيعي
رودينا : كيفك
راما : كويسسا
الين على طول خشت بالموضوع : انتي ايش تقربي لأسامه
راما دحين كلمه " بنت عمو " سارت اهوان من " خطيبتو " كدا قالت : بنت عمو
الين اتفاجئت مع انها عارفه انها بتقربلو بس برضو اتفاجئت : اول مرا اعرف انو عندو بنات عم هنا
راما : ماليا كتير في الامارات
رودينا : اهااا وتدرسي معانا بالجامعه كدا استغربنا
راما : ايييوا
الين : غريبه ماعرفنا عليكي
راما : مو مرا انا وهوا مع بعض
الين ماقتنعت : اهاا
راما وقفت وهيا بتشرد من اسئلتهم حست لو جلست حيجلسو يستجوبوها ولو لبكرا : عن ازنكم
وقفـــت وشردت من المكــآن

وهمـآ كملــو هرج فيــها

بعد نــص ســآعه اتجمـــع القرووب لوحدهم
من زمــآن مايتجمــعوو
يمكن حتسير كدا جمعاتهم في المستقبل
في المنــآسبات
شعور ابدن مو حلــو
جالسين السبعه وكل واااحد عنده مصـآيب اكتر من التاني
كانو زمان كل واحد يحكي القروب كل شي بيسويه
لكن حالــيـآ الجمعه ســآرت تكفيهم انو ينبسطو بدون مايشتكو
اســآمه : ابى اسافر
نزار : على فين
اسامه : اهل امي
مازن : هوا انتا تعرفهم اصلا
اسامه سكت شويا وبعدها قال : لا بس بشوف كيف كانت عايشه امي ابى اكون بينهم دي الفتره
يزن : حطول طيب
اسامه : حق شهر وراجع
رودينا انفجعت : اما شهههر
الين : وي دراااستك طيب
اسامه ابتسم بشتات : جات على الدراسه عادي ندرس من جديد السنه الجيه
شادن : مو من جدددك يااسامه حضيع نفسك لاحق على السفره او سافر حق اسبوع وتعال
اسامه بدون اهتمام : بعد ماراحت امي فين حضيع اكتر خلاص قدها دراسه مو شي صعب
سكــت الكل مهما حاولو يهرجو معاه ردوده تسكتهم
يزن هرج : يلا مو مشكله وترا لو تباني اسيب دي السنه حسحب عليها عشانك
الين طالعت فيهم مفجوعه : بلاش بهلله اقول
يزن : هههههههه ترا وربي اسوويها انا كدا ولا كدا درجاتي زي الزفت فاخليني اسوي اني بوقف مع صاحبي احسن لي
اسامه ضحك غصبا عنو : فجأه حسيتك بتكبر بعيني بس مالحقت
يزن : ههههههههههههههه هوا انتا شجعني وصدقني حسحب عليها
اسامه : طيب تسافر معايا .؟
نزار : اما عااااد
اسامه : ايوا والله كدا نغير جوو
يزن : بين اهل امك ؟
اسامه : لا ياااشيخ انا حجلس عندهم يوم يومين وماشي بس بعدل نفسيتي وبعدها ارجع
يزن حب يوقف معاه كدا بدون تفكير قال : رجلي على رجلك
اسامه ابتسم : من جد مو تسحب عليا بعدين ؟
يزن : معاااك ياااشيخ بلا دراسه بلا هم
مازن : اييييييييييييوا اديلوو انتا على هوووا وانا ايش اسسوي
يزن : ههههههههههه انتا مضطر تكمل دي السسسنه
مازن مايقدر يساافر : اجلو السفره دي عشاني
يزن : تعال حق كم يوم وبعدها روح
نزار : اقول انا ماعندي شي حجي معــآكم
اسامه : اللي بعدوو مين حيجي كمااان
الين شمقت : هبل دا الناقص اضيع سنه من عمري عشان اونسك
اسامه طالع فيها مفجوع : ترا عمرك ماحتتغيري بلا
الين : عسا عمري ماتغيرت
رودينا : ولا انا اسامه انتا عارفني احبك بس لاتقرب من الدراســه
شادن : ولاانا خليني مجملتها دي السنه
مازن : اجل انا حجيكم حق اسبووع كدا وارجع

البنـآت اتمسكو بمستقبلهم
والشباب حيفضلو كدا طول عمرهم " شباب "
حينبسسطوو ويسلو صاحبهم ويرجعـــو من جديد
يرجـــع كل وآحد لقصتــه
اللي مايدري حتستمر ولا حتوقــف

يزن : دحين دي البنت اللي بجامعتنا من ججد بنت عمك !
اسامه : كم مرا حتسئلني
يزن : مو مستوعب ياأخي خير شوفتها كدا مرا مع مازن وانتا معانا ولا فتحت فمك
اسامه : عادي مايحتاج اقول
مازن مسوي نفسه مستحي من اسامه عشان طلعت بنت عمو مايدري اسامه انو اصلا مازن عاارف من قبل لايدري القروب

مازن قرب من اسامه وهمسلو : مازعلت يعني
مصمم انو يطفشو اليوم
اسامه : ياأخي ليش حزعل
مازن : طيب سؤال
اسامه : اسئل
مازن : دحين هيا بنت عمك يعني تعرف خطيبها وريني هوا
اسامه قرب منو وهمسلو اكتر ومازن اتحمس يبى يسمع : اقلب وجهك
مازن بعد عنو وطالع فيه بنص عين : يجيك يوم


اندق باب الغرفـه وفتح الباب عبدالرحمــن طل بكل الغرفه وبعدها انتبه لأسـآمه بين الشباب : فينها راما
اسامه ماسمع الاسم قال : مين ؟!
عبدالرحمن على نياتو قال : خطيبتك ياأخي ليا ساعه بدور عليها مو لاقيها
ماااااااازن مااااصدق يمسسسك كلمه القروب كلو تنح ويمكن كأنو حيحسبوها مزحه لكن مااازن ماراحت عليه عشان كدا قرر يمسك بالكلمه : خطيبة مين ؟
اسامه كان مسند نفسو على الكنبه على طول جلسس عدددل وقال : مدري اتوقع بغرفتها روحلها شووف
يبى يخررج عبدالرحممن على طوول
لكن مازن عاد : خطيبه ميين ياأخي
عبدالرحمن : خطيبه اسامه !
الكل طالع في بعض اما الين ضحكت بهبل
اسامه وقف على طول وحك رقبتوو وهوا يبى عبدالرحمن يطللع
بس مااازن لتتتتتتتتتتح ماحب يطلع صاحبو بصورة سيئه قدام اولاد عمها عشان كدا ماقال " اسامه خاطب ! " قلو وهوا مسوي نفسه يستهبل : كم لوو خاطب صاحبي
عبدالرحمن طالع في اسامه : مالك اسبوعين صح ؟!
اسامه على طوول اتوجه لعبدالرحمن وسحبو : اممشي تعال ادورها معاك _ خرج وقفل الباب _
اما مازن سند جسمو على الكنبــه وساب القرووب كلوو مفجوووووووع وهوا من جوآته يضحك
فاتحيييييين فمهم البنــآت
يزن مو مستووعب اصلا
ونزار يحاول يربط كلام اهل راما طول امس مع ابوو اسامه بس لدحين مو مصدق
اسامه يخطب ومايقولهم
اما مازن ولا كأنوو متككككي وسايبهم يحللو على كيفهم
كل واحد بيحلل لنفسسسه
لوحده
لين شادن قالت بتناحه : يستهبلو كدا ؟
نزار : يمكن
مازن حسهم مرا عبط كدا يزيد بهارات : انا كنت شاااك اصلاا بس قلت خليني اتأكد واتأكدت بعيني لما شوفتها هنا
يزن : يااشيخ بلا هببل فيين خاطب ومايقولنا
مازن : افهمو منو لما يجي
حاول يطلع هرجه جديده في القروب وبذات لأسامه عشان يشغلوو عارف اسامه ممكن يفضل طول اليوم يفكر كيف يغطي على نفسسسو
لكن اللي يموت ويعرفه مازن ليش اسامه مو راضي يقولهم انه خاطبها !


اما ااسامــه ايش العذر اللي حيطلعو دحيــن للقروب
مو قادر يرجــع يجلس معاهم
يبى كذبــه
حس اسلوب مازن وهوا يستجوب وكأنو شاااك
عبدالرحمن راااح وهوا لمح راما وناداها
راما جاتو: نعم
اسامه : ولد عمك دا ورطني
راما مستغربه انو في موضوع ساير لأنو اسامه مو مدي وجه لأحد : في ايش
اسامه : القروب شكلهم عرفو انو مخطوبين
راما مرا متنرفزه لما شافت البنات داخلين مع اسامه
: بلله ؟!
اسامه : دحين ايش اقولهم
راما ماكانت تبى تفتح معاه المووضوع بس مقهوره : طيب وانا ايش اقول لأهلي وانتا ساحب البنات التلاته وداخل الغرفه ومقفل الباب !!! طلعلي شي اقولو لأهلي وبعدها فكر ايش حتقول لقروبــك
اسامه : اهلك انتي اتصرفي معاهم
راما همسست وهيا معصبه : عارفه انك كاره اهلللي ويمكن حتى كارهني بس كل اللي اطلبو انك تقدرهم وماتقلل من قيمتي قدااهم
ااسامه : اهلك ترا مو ملزووم اديهم اي عذر لتصرفاتي دي
راما ضمت يدها تحت صدرها: اجل لو احد سئلني من القروب انا ايش بنسبه لك لاتقولي ليش قلتيلهم
مشيت الا اسامه مسك يدها بحزززم وقال : راما اهجدددي وخلينا نهررج عدل
راما طالعت حولينها ماشافت احد فقالت : لما اهلي مايكونو في حساباتك اجل اصحابك نفس الشغله ولاهموني لو عرفوو
اسامه : ايش سويت دحيين دا كلو عشان اخدتهم بغرفه
ترا مرا عااادي
راما : عادي عندكم اما عند عيلتي ابدن مو عادي انا مو قادره اروح اجلس مع بابا لأنو عارفه مو عاجبو الوضع اصلا ماليا عين اطالع فيـه حتى عبدالله اليوم سئلني ايش علاقتي فيك بزبـط
اسامه : دا الادمي حالتو صعبه وبعدين هوا ايش حكايتو معااكي كل شويا الاقيه ناتط لكي ويباكي بهرجه !
راما انفجعت الموضوع مرا انحرف : ترا دا موموضوعنا
اسامه : الا موضوعنا انا مو عاجبني الحال بس ساااكت لأنو مو فايق له بس دامك بتهرجي عن القروب دا اللي مو عاجبك انا الادمي دا علاقتو فيكي مو عاجبتني خير شر كلامو معاكي مو طبيعي
راما مفجوعه لأنو اسامه مايجلس معاهم ماتدري ايش اللي قاهره او كيف شايف تصرفات عبدالله وحست كلامو مو منطقققي على اي اساس يتكلم كدا ! : انا ماقلت قروبك مو عاجبني في فرق ترا محترمه علاقتك معاهم وانا عارفه انو انا وانتا حنطلق في النهايه عشان كدا مامنعتك ولا قلتلك مين دوول لكن كل اللي قلتلك هوا تحترم وجود اهلي وماسئلتك ترا ازا عبدالله عاجبك وجوده ولا لأ _ كانت بتمشي بس حبت تديه المعلومه اللي مو داري عنها _ وعلى فكره لو اهلي سافرو عبدالله حيفضل هنـآ عشـآن ابوك عرض انو يشتغل عنده


مشيـــت وهوا من جوآتـه مولــــع
كان راجع لأصحـآبه بس حس انو مو فايق يتنـآقش في موضوع زي كدآ حـآليــآ
اساسا مايدري ليش اتضـآرب مع راما
لكن عبدالله دا مستفــزهـ
وهرجه انو حيبــقى دي شغله تانيــه
اتوجه لأبوه وقلـو يقول للقروب انو هوآ خــرج
عرف انها حركه مو حلــوه
بس مايبى يكون موضوع راما يتناقش فيــه حاليـآ
ومشــي بدون مايعبر ابو راما وعمها التـآني
هوا خرج وعبدالله كان داخل
عبدالله ابتسملو : فين راما
اسامه اتنرفز اخوه دوبو مدور عليها وكمان دا : نايمه
راما جات في لحظتها
وعبدالله طالع فيـها : وي دوبو بيقولي نايمه من اول بدور عليكي
راما طالعت في اسامه وماحبت تكدبو : كنت مسدوحه
عبدالله : اهااا
اما اسامه نفسسو يضرب دا عبدالله ويطلع حرتو فيــه
بس قبــض يدوو ومشـي من قدامهم

السفــر حيكوون راااحه له من جميــع النوآحـي
حاسس بضغط مو طبيعي


تلوثات من مصنع القلب


القروب خــرجو من البيت مستغربيـــن !!!

رجعو التلاتــه البنات لبيت اليــن وهما طالعين الدرج جات بوجههم منـآر
رودينا وقفت : اما مين دي
الين كملت مشيها وقالت وهيا بتضحك: جدار متحرك بالبيت
شادن ورودينا مشيو وراها وهما يضحكو بصوت واطي مسوين انهم احترموها
منار عصبت : لو تبي تقولي شي قوليه بوجههي مو وانتي شارده
الين وقفت ودارت عليها والهدوءء طاغي عليها : حبيبتي انا مابشرد منك لأني خايفه منك انا بشرد لأني ممكن اسوي فيكي مصيبه لو قعدت معاكي بنفس المكان فاترا دا لسلامتك اني ببعد صدقيني لو انتي قدرتي تنسي ماما وبابا الموضوع ترا عمري ماحنساااه وبغض النظر عن قصتك الحزينه دي اللي بتحكينا هيا كل يوم بس برضو ماحركتي فيا اي مشاعر وبقولك انتبهي على نفسسك
رودينا مسكت يدها : امشي اخصريكي منها

مشيــو التلاته لفــوق . ومنار نزلت وهيا مووولــعه بس ماتقدر تقول شي



اما يــزن ومازن قاعدين مع بعض بنفس الغرفــه
يزن مسدوح على السرير ومازن ساند جسمو على المخده : تقول اسامه حيفضل كدا لمتى
يزن : والله اليوم شايفو كويسس
مازن : هوا كوويس بس برضو
يزن قاطعه : دحين مو دي الهرجه انا مو عاارف مازن من جد خاطب
مازن : ههههههههههه ايش عرفني رووح اسئل اسامه
يزن : المشكله مانقدر نتكلم معاه بدا الموضوع حاليا
مازن : ايوا بلااشي
يزن : تلقااه مزحه
مازن : يمكن ابى افهم دحين انتا ونزار لمتى حتفضلو معصبين وماتكلمو بعض
يزن : ولا غلطت فيه انا
مازن : تراك ضربتو
يزن : وكلامو كآن اسوء من الضربه
مازن : وبعدين !
يزن اخد الريموت وشغل التي في : شوف لو اي بنت يهرج عنها مافتح فمي بس زي ماأقدر انا اهرج عن سهاد
هوا مالو حق يهرج عن رنيـم بدا الشكل انا ما ضربتو عشـآن اللي خربت بيننا بنت زي ماقال سيدي وفسر الموضوع كدا انا ضربتو لأنو هوآ اخووويااا وقلل ادبو عليـآ
مازن : شوف انا معاك من البدايه بس ايش فهم سيدي دحين والمصيبه ابويا وسيدي مستحيل يوافقو على علاقتك برنيم
يزن حط يدو تحت راسو : امي موافقه
مازن عقد حوآجبه : ايش عرفها !
يزن : تعرف كل حاجه وشافافتها
مازن : ها !
يزن حس على نفسو : ارسلتلها الصوره يعني
مازن : اهااا وايش قالت
يزن ابتسم : مرا حبتها على ققولها سهاد دي ماتعرف راسها من رجلها وفرحان فيها سيدي على الاقل رنيم نعرف كل شي عنها والبنت مافي زيها
مازن : ياهوووووو انتاا الحكوومه وافقت عليييها اجل سيدي وابويا مالهم كلمه
يزن : ههههههههه مو انا ساااكت دي الفتره ليششش
مازن : تقول سفره ايطاليـا لها داعي
يزن : بنسبه ليا انا بســآفر وكويس من اسامه انو بيسافر لأنو حسيتو مو طايق احد وعارف لو روحنا هناك حيسحب علينا ويرووح لوحدو بس برضو اسمنو روحت معاه
مازن : ونزار ملكتو الاسبوع الجاي ايش حيسوي
يزن ضحك : سحب عليها بيقول تستنى بعد شهر
مازن : ههههههههههههههههه القوووي وربي حتقلب عليييه
يزن : مو قلت كدا عاد دي مافي زي مجاغتها
مازن : هههههههههههه وربي اني اكتئب نفسيا كل ماعرف انها خطيبه اخويا
يزن : هههههههههههه ايش سووتلك الادميه
مازن اتحولت ملامحه للقرف وهوا يوصفها : غلصه ودلعها زااايد ومجغه ومستفزه انا مو عارف نزار ايشبو خرف
يزن جلسسس : هههههههههههههههههههههههههههههههه الله يصيبك دا كلو مخبيه في قلبك البنت فيها مجاغه لما تهرررج بس مو لدي الدرجه
مازن : وربي اني مو طايقها بس بجامل نزار ههههههههههه يقولي بللهي كيف اقولو عررفت تختاار وانا نفففسي ارميه بالجزمه
يزن : هههههههههههههه زي امس ابويا يقول لنزار هيا ايش بها تهرج زي كدا نعبانه البنت نزار قالو لا هيا كدا مدلعه لو تشووف وقتها سيدي اخدها تريقه حسيت انو برد قلببي
مازن : اهم شي ردة فعل نزار
يزن : سيدي حرقلو دممو فقااام ماقدر طبعا يقول شي
مازن : هههههههههههههههههههههههههههههههههههه
يزن : ترا بنهرج عن زوجه اخونا
مازن : هههههههههههههه انا ملاحظ برضو بس بحاول اتغاضى عن الموضوع جيب مزتك بس البيت وانا لوحدي ماحرحمها
يزن بدون اي تعللليق دفووو برجلوو من على السرير بككل قووته
مااازن طاااح من على السرير ورااسسسو اندق بالكومديييينه : ااااااااااييييي الله ياااخدك
يزززن انففففججججع : هههههههههههههههههههههه سررلللك حاااجه
مازن وقف وهوا ماسك جبينو : فكيتلي جبيني
يزن : ههههههههههههههههههههههههههههههه
مازن جلس على السرير وهوا يمرر يدو على حبينو: بلله نروح نصلي على نزار صلاه الميت تاني
يزن : ههههههههههههههههههههههههههههههههه للما يتزوج اول يوم وهما نايمين نصلي عليـهم
مازن : ههههههههههههههه تقول حتطلب الطلاق بعدها
يزن بحماس : والله لو ادري انها حتطلب الطلاق نروح نصلي عليها دحين وهيا بين اهلها


تلوثات من مصنع القلب


في احد الكافيـهات
جـآلسه قبـــآله قربت وقالت : ايش اللي سـآر بينك وبين امـــك
اياد ابتسم : شايفتني مبســـوط
لانا بمزح: انتا مبسوط عشان شوفتني _ وحركت شعرها بغرور _
اياد ضحك : ارحمميني ياشيخه
لانا ضحكت وبعدها قالت بجديه : يلا بللهي قولي بالتفصيل الممل ايش اللي ســآر .



وحصــل هدووء قبــل العـآصفـــه
وايش اللي سار بــزبط بين اياد وامــو ؟
سفره الشباب الغير المتوقعه ايش حتكونن مضارها ومنـآفعهـآ ؟
وبشــكل عــآم شخصيــآت الروآيــه لدي اللحظه مو عارفين ايش يبــوو
وخايفين من الاعتراف باأشيــآء كتير
بيتهربو من الوآقـــع
حفلــه العيد الميلاد حتجممـــع كل شخصيــآتي .
فاإيش اللي حيسير فيها بزبـــط
ورنيم كيف حتجي لداك المكــآن
هل هرجه يزن لسوزان لها علاقــه
واثيــر حتكمل مع انس ولا مازن ؟
اسامه وراما علاقه بتطور وهما مو منتبهين لنفســهم
فاحتنتهي بالطلاق ولا حيتمسكو ببعض ؟

الفصل الثلاثين والاخير
" الجزء الثاني "


اغنيـــه هاديـــه طاغيه على المكــآن
الاتنين جالسين قبال بعض في احد الكافيهــآت
وبيحكيــها وهوا مبســـوط
لاشعوريا مبتسمه
صوتو وهوا يحكيها ايش اللي ســآر
خلاها تنبسطلو من قلبــها
كأنو انفتحت ابواب السمـآ من جديد في وجهه
او بزبــط
كأنو انولد من جديد


لانا مسكت الكوب : يعني ماكنت تتوقع كدا درة فعلها
اياد يهرج بسرعه على عكس عادتو مرا هادي بهرجو : على انو رودينا قالتلي امي تباك بس ابدن ماجا في بالي انو كدا ردة فعلها شوفي انا اتوقعت تتفهم مبس حيكون في شوية حواجز بس مرا لا
لانا ابتسمت وهيا تدور الكور بين يدها : مافي حواجز بين الولد وامو
اياد : الا في بس من طرفنا احنا عمر الام ماتنشغل عن ولدها الا لما هوا ينشغل ويروح عنها انا اللي كنت ابعد عنهم فاهما بعدو اكتـر
لانا حركت راسها باإيجاب وهوا تحوال ماتتذكر تصرفاتها مع اهلها
اياد : ليا ساعتين انا بس اللي بهرج
لانا : ههههههه يحقلك
اياد سكت وبعدها قال : فاكره صحبتك اللي شوفتها عندك
لانا عقدت حوآجبها : ايوا ؟
اياد بتردد قال وهوا يحك حاجبه : ايش رايك تسيري زيها
لانا عقدت حواجبها اكتتر ومافهمت : اسير زيها من اي ناحيه !
اياد اشر بصباعو على شعرها وبعدين نزلها وماقال شي
لانا سكتت شويا وهيا تحاول تستوعب وبعدها ضحكت : اتحجب ؟
اياد وجههو حمر مايحب يتأمر على بنت او يطلب شي بذات لأنو نيتو ابدن مو صافيه من دي الناحيه : يحلي البنت
لانا مشكلتها لما تتوتر او تنكسف بس تضحك : ههههههههه تباني اتحجب ؟
اياد قرب للطاوله : هوا براحتك يعني بس حبيت اقترح
لانا اتكت على كلامو : حبيت تقترح اهااااا
اياد رفع حاجبو : ماعجبك يعني
لانا : الا عجبني الاقتراح بس فاجأتني يعني
اياد : وحتسويه ؟
لانا : ههههههههههههههه داخل حامش في الموضوع
اياد :عشان اخواتك لما يشوفوكي محجبه و
لانا قاطعتو وهيا برضها بتضحك : انتا ايش بك على اخواتي حاول ماتحشرهم بكل هرجه
اياد : مو انتي قدوة اخواتك
لانا : لا ماعليك هما يحبو شعري كدا
اياد اتكى على الكرسي وقال : انا ماحبو كدا للناس كلها
لانا اختفت ابتسامتها وقالت وكأنها ماسمعت : ايش !
اياد طالع في التي في وقال وهوا يضيع اوم الموضوع : اليمه دي الاغنيـه
لانا وجهها حمر طالعت في التلفزيوون
وهما الاتنين بيحـآولـو مايتهورو بالعلاقه
هووا رجع لأمـــه وانشغل معاها
وهيا رجعت للجــآمعه وكانت فتره اختبارات وانشغلت فيـها وعمها جا لدبــي وانشغلت اكتــر



ومـــر شهـــر بتمــآم

حانت نهاية التردد
حانت لحظات الاعتراف
عادو واجتمعوو
افترقو ولكنهم اعتذرو وأيقنو صدق مشاعرهم
كل شخص منهم رحل بقطار مختلف بتذكرة ذهاب ولم يحددو موعد العوده
عاشو لحظات غريبه
قابلو أناسآ بريئة
وتركو صفات دنيئة
فكروو بجديه
وتركو كل تصرفاتهم الصبيانيه
الحياة مثلما أسعدتهم
أهملتهم
رأو تقلباتهم
صفو حساباتهم
أيقنو حاجاتهم في الحياه ورغباتهم
وهاهي لحظة العوده
عادو جادين
واتخذو قراراتهم كبالغين
حجزو تذكرات لعودة بدون رجوع
كلهم ثقه بقراراتهم , أحلامهم , مشاعرهم



كــل وآحــد حيحدد مصيــره حاليــآ
ايش اللي حيسيــر
كيف نهــآيه كل شخصيــه
هل الاشتعــآل سيزداد
ام سيتـــوووقــف



في الجـآمـــعه .
كعادتــها جالســه معـآه وبيهــرجوو ويضحكـو
سارت تحس الجامعه لها جوها الخــآص
تحب تجــي
تعشــق اللحظات اللي هنا
ضحكــاات بريئــه
مو زي زمــآن كل ضحكــه وراها مصيبــه ودهيه
مع مـآزن وراما بتضــحك على اتفه شي
شعوور حلــو بينهم
مو خايفه منهم
حاســه بمعنى الصداقه بينهم
مازن يقلب بالكتـآب : بللهي داا مين الفاضي اللي ألفو
لانا : قلتها فاضي الله يعيننا بس المهم راما فين ن
مازن قفل الكتـآب وطالع في لانا : رجعت البيت _ اتذكر _ اخواني واسامه راجعين اليوم
لانا ابتسمت : اخييرا وكيف اسامه حاليا
مازن :اممم اول اسبوع كنت معاهم وهوا عند اهل امو وبعدها جانا وكأنو مو عاجبو وضعهم بس راح لمنطقه لوحده حق اسبوعين واخر اسبوع مع يزن ونزار غير جو
لانا : تمام
مازن : ايوا
لانا : بعد يومين عيد ميلادكم
مازن : حطللللللللع كل طاااقتي
لانا : ههههههههههههههههه شايفتك مكبوت اساسا دي الفتره
مازن كست شويا وبعدها قال وهوا فخوور : والله اني اتغيــرت
لانا :ههههههههههههههههههههههه احلف
مازن : ههههههه وربي ليا شهر وانا ماسويت شي منحرف وكل يوم بجي هنــآ وماأتاخر واتعدل مستوايا تقريبا يعنني شي تمام مني
لانا : الله يثبتك بس
مازن : بلله ماانفع اتزوج دحين
لانا : شكلك حتجلس مبلط
مازن : لا ان شالله اسوي اللي براسي
لانا : انتا قول ان شالله بس ولا تسووي شي
مازن : ياشيخه دحين حايس
لانا: انتا حتى ماقلت للبنت اللي تحسو
مازن : بعدين بعدين _ رفع حاجبه بمكر _ واخبار اللي يتصل عليكي
لانا دفتو من كتفو وضحكت : اسررري
مازن : له فتره مو شايف اتصالاتو
لانا : مشغول تلاقيه
مازن : كيف ينشغل عنك !
لانا : سلامتك ياعتريس مو قادر تقول لوحده احبك حتى
مازن : ههههههههههههههههه انا حالتي غير
لانا : كلنا اقول بالهوى سوى
مازن اخد كتـآبه : ههههههههههه ضيعت وقتي عليكي
لانا فتحت عينها : ياحقييير انا اللي كنت راجعه البيت ومسكتني
مازن : محد قلك اسمعيلي
لانا شالت شنطتها بعصبييـــه ومعقــدهـ حوآجبــها : بلااا بشكلك _ مشيت وهيا تهرج بصوت عالي _ هيا شوف مين حيكلمك
مازن يضضحك ويناديها من بعييد : يااابنت بمززح معاااكي
لانا : اقلللب وجهههك


راحت ومــآزن ميت ضحككك عليــها
امـآ هيـآ وصلت للسيـآره وضحكتها اختفت من وجهها
اياد له اسبــوعين مايتصــل
حاسه انها مخنوقــه
اتصلت عليه هيا المرتين اللي فاتت وبرضو مارجع اتصل
ماتقدر ترمي نفسها على احد
بس قلبـها يوجعها
والشي الوحيد اللي تقدر تسويــه انها تكـآبر
وتسوي انو مايفرق عنــدها
ولو اتصــل حتطلع عينوو
فتحت باب السياره وقالت بهمس وهيا مضايقه : دا لو اتصـل


امــآ اســآمه
رجع البيــت وهوآ مشتــآق لدا المكـآن
قابــل اهله امــه وقـآل يمكن يرتـآح بينهم
بس زي ماهوا
مو حاسس باأهل امو
ولا اهل ابــوهـ
دخل البيــت واستقبلتو الشغاله ساب شنطتــو لهم .
وهوآ سمع صوت دندنــه من الغرفه اللي جمبــو
دخل ورفع حوآجبو الثنتين


لابســه جينز وتيشيرت تفــآحي فاتحه شـعرها الطويـل
ودفاترها والكتب مشعتره حوليــها
جالسه في الارض وبتكتب وتدندن وجووها عالن اخر
اترسمت على وجهه ابتسامه بسيطه
في شي حسو جوآتو
يمكن اشتااق لغبائها
او عاجبه حاليا شعـرها كعادتها لما تفتحو
شكلها يتغير ويحلوو الف مرا
حس بنفسو ومحى الابتسامه من وجهه وقال : السلام
من غير لاترفع راسها فتحت عينها على وسعها وهيا لساتها تطالع بدفتر
رفعت راسها بشوييييييش باإتجهه وبعدها قالت بشك : اسامه !
ماكانت عارفه انو جـآي اليوم
قلبها طاح من مكانو بس لما سمعت صوتــو
اسامه شك بنفسو : فجعتك يعني
راما حاسه بغلط وهيا لابسه كدا تيشيرت ضيق وجينزز مخصـر وفاتحه كمان شعرها بكل ثقــه وهوا وااقف قدامها ولا قدرت توقف حتــى قالت بعد ماطغى على وجهها الاحمرار : لا الحمدالله على السلامه
اسامه : الله يسلمك _ كان بيسئلها فين ابويا بس قال بتردد _ كيفك
راما لأول مرا تحس انو في محادثه وديه بينها وبين اسامه كلمه كيفك دي ماتنطق من فم اسامه رجعت شعرها ورى اذنها وقالت : كويسا
اسامه حس انو مسخها وهوا واقف
مو متعود : ابويا في عملو مو ؟
راما حركت راسها : ايوا
اسامه دخل يدو في جيبو : اها اجل انا طالع غرفتي لما يجي وتعبو الغدى نادوني


مشـــي من هنـآ وهيــآ تحس بشعوور غريــــب
شهـــــــر ماتشوفو
تحسسسو اتغيــر
قفلت الكتاب اللي قبالها بتتنيح
وحست بغبااااء دا كلو هوا يهـرج وهيا جالسه في الارض
بس بنفس الوقت ايش تقوم تسوووي
مررت يدها على رجلها : جاني شد عضلي مع الفجعه



امـآ هوآ طلع الدرج وشكلها مرسووخ في بـآلو
كشـر لما حاس بغبااءوقت ماقلها كيفك وهيا حتى ماسئلتو " مع نفسها "
لاشعوريـآ حاليا بيدقق بتفــآصيل صغيره وهبله



لاحول لاقوة الا بللـــه



اثيـــر في عـآلم آخــر عالم لوحدها وتستنى فارس احلامها يجي لعندها حيتحقق حلمــها ولا حيفضل حللم صعب تحقيقه .


استغفر الله العلي العظييييم


رنيـــم جاتها وظيفــه في احــد قاعات الاحتفالات
مرا مبسوطه بعملــها
راتبها جدن كويـس
لبس مخصص
شغل مخصص
وقت مخصص
مكان محترم
ودا اللي كانت تبــآه
ولدحين تقــآرن كل شخص وتصرف بيـــزن


فاحيخرج من بـآلها ولا ايش مصيــرها معاه


استغفر الله العلي العظيم



يــزن ونــزآر في الطــريق علاقتهم رجعت مع بعض
وكل واحد راجع يحقق شي في نفســو .
ومصمم انو يوصــلو


استغفر الله العلي العظيم


ايـــآد في جده مع امـــوو ناسي الدنيا كلــها
مايبى اصلا احد غيرها
رضاها
سعادتها
كل شي
هوا معاها كدا مبسوووط ومو محتاج شي غيره


استغفر الله العلي العظيم


في احد الدول . واقفين على حافه احد الجسوور ومعاهم مدرب خـآص
وهوا مربـــووط بالحبال العريضه ولابــس كل شي بيحميــه
فيصل : هههههههههههههه ساااري يلا نط
ساري يطالع بالهاويه : ههههههههههه وربي خاايف ااتكسووح
فيييصل : ياااشيخ يلاااا
مــآهر : ياإبني يلاا
ساري وترووه وهمــآ بيطلبو منو ينط : خلاص طيـب
رجع يهرج مع المدرب والمدرب يديــه التوجيهات
وقف على حــآفه الجســر وتحتــو بحــر
ابتسسسسم بكل ااستمتـآع وهوا دي الفتره بيسوي كل شي مجنوووون نــــــــــــــط : اووووووووووووووووووووووووووووووووو
وماهر يضضضحك وفييصصصل معاه الكميراا ويصوور : : ساااااااااااري ههههههههههههههههههههههه

وهنـــآ نااس بيستمتعو بكل لحظــه بيحــآتهم
محد يبــى يعيش قصــه حــب
ولا يربط نفســو باأحد
بيعيشو اليووم نفسو وبــس
باأي دوله
باأي جنون
ماعندهم حدود لتصــرفاتهم
كل شي يجي في راسهم حيسوووهـ

استغفر الله العلي العظيم



جالسيــن الثلاثــه بالجـآمعه

اليــن شادن رودينــآ
معقده حوآجبها وبتدور في شنطتها بإنزعاج
خرجت نظارتها الشمسيــه ولبستها
رودينا : ياالله منك
الين : ياشيخه راسي يصدددع عيوني توجعني
شادن : روحي اكشفي على عيونك لايكون فيها شي بس
الين : لا عادي قلي الدكتور طبيعي
شادن : الله يعينك
رودنيا اتذكرت: واخيرا اسااامه والشباب راجعين
الين : ايوووووا ياشيخه ااحس شهر مو فاهمه راسي من رجللي
شادن : مو راججعين تلاقيهم خلاص قدهم رجعو
الين : احنا فين وانتي فين
شادن خرجت المرايه من شنطتها وبتطالع في وجهها : عارفه قصدكم على هرجه الخطوبه دي
الين سحبت منها المرايه : انتي مستووعبه الهرجه
شادن مو مهتمه : اكيد وراهم هرجه بس مو مخطوبين انتو كمان بلا هبل اسامه ماحيخبي علينا شي زي كدا
رودينا بتحليل : اكيد مو مخطوووبين بس احنا نقصد يمكن تكون في هرجه خطوبه بالمستقبل
الين : لا صدقوني الموضوع اكبر من كدا اسامه ولا فتح الموضوع وهيا لما ساألناها قبل اسبوعين مشيت وطنشتنا ولا ردت عليناا خافت شكلها انها تخبص بالهرج فاقالت يمكن السكوت احسن
رودينا صرخت بتعب : اااه ياراااسي انا شهر مستحمله دي الاسئللله كلها
شادن ببرود : والله انتو الاتنين مدري ايش حالتكم النفسيه دي سيبو الناس في حالهم
الين ضغطت على كلامها : على فكرا داا صااحبك يعني مو واحد من الشارع ونبى نتطفل على حياتو انتي بارده مشكلتك
شادن : يابنتي الهرجه مو كدا بس اكيد لو في شي اسامه حيقولكم
الين وقفت وتلم اغراضها بشنطتها : مع نفسك ياشادن مابى احرق اعصاابي ورايا محاضره
رودينا غمزتلها وقالت بمزح : اهم محاضره في الاسبوع ها
الين مافهمت : نعم !
شادن ضحكت : ههههههههههههههههههه عشان هتان ياهبله
الين ولا اترسمت حتى ابتسامه مع الفجعه عمرها ماجابت سيره هتان معاهم : سلامات !!!!!
شادن ورودينا يطالعو في بعض ويضحكوو
رودينا : مو امسسس البنت جات تكلموو وانتي مانزلتي عينك من عليهم _ قالت بتريقه _ فكر انا مافي شوف
شادن : ههههههههههههههههه وعلى اساس دوبك لما لبستي النظاره الشمسيه عشان عيونك توجعك ولا عشان تطالعي فيه زي ماتبي ومحد داري عنك _ قلدت رودينا _ فكر انا مافي يفكر
الاتنين فاارطين ضحك باإستفزززززازززززز
والين واقفه قدااامهم مبلمـــه
دقات قلبها هيا الوحيده المعبره على انها مستحيه ومكشووفه وكل شي
قالت بضعف : ترا مرا مع نفسسكم
رودينا مدت يدها : ياحيااتي انا تعالي تعالي احضنك
الين دفت يدها : انقلللعي انتو وتحليلاتكم السخيفه
رودينا : دي مو تحليلات دي استكشافات
الين جلست وهيا تكــآبر : اصلا ولا همنني مع نفسسكم قال رايحه عششااانو
شادن تدفها : لا دخييلك قووومي دحين ضميرك ياأنبك
رودينا : ههههههههههههههههههه
الين بتطالع فيهم مفجوعهه : انتو ايش بتخرفوو منتو صاحيين ترا
رودينا تغننني باإستفزاز : هل رأى الحب سكاااارى سكااااارى مثلنا
شادن تميل عليها : كم بنينا من خيال حولنا ومشينا في طريق مقمر ههههههههههه
الين وقفت تاني وصوتها باين فيه الصدمه : لا بجد انتو استخفيتو رايحه للكلاس احسن لي
رودينا :عذر اقبح من ذنب هههههههههههههه
الين تطالع في رودينا وبعدها بشادن وحستهم بضحكهم دا كأنهم محششات شردت من عند بدون لاتعلللق

مصدومه لأنها ماتجيب سيرته
ولا تهرج معاهم عنو
بس لما حكتهم عن اللي سرلها بتفصيل ومن بعدها ولا مرا جابت سيرتو تاني .!
وصلت عند باب الكلاس وفسخت النظاره ماتقدر كمـآن تدخل فيها حطتها على الكتاب اللي بيدها ودخلت

في كررسين فاضيه قريب من هتــآن
بعد كلام شادن ورودينا مستحييييييييل تجلسس قريب منو
كان في كرسـي بعيد عند الجدار جلسست
والكل طالع فيها مستغربين
ولا جلست بالقرووب حقتها
ولا حتــى قريب من الطاوله !
كأنها منبووذه من المكــآن
حسن باأنظارهم بس هوا الوحيد ماطالع فيها كان بيقلب بالكتـآب اللي بيده
قلة اهتمامو توترها
بس تحس بناحيتو شي غريب
لما الكل يطالع فيــها هوا الوحيد مايطالع
بس لما الكل ينشغل عنها هوا الوحيد اللي تحس بنظراته اتجاهها
اتعلتت انو ماتبى تكيــف وتعبانه
والكل اتفهم وضعها
مرت ربــعع ســآعه واخر شي ممكن تسويه انو تطالع في هتــآن حتى لما اتفلسف واتناقش هيا فضلت تلعب باإسوره يدها
اول ماخلص وسكت طالع فيــها وبعدها شتت نظرو عنها
ماسار بينهم اي كلام
وكأنهم مايعرفو بعض
وكأنه ماجاات فتره هوا اشتكالها عن كل شي وهيا كانت تسمعلو
وكأنه ماجات فتره هيا مرت باأصعب ظرووف حياتها وهوا اللي وقف جمبها .

شعور غريب لما تطالعي في شخص وانتو عارفين بعضضض اكتر من اي شخص بس بتسسو نفسكم اغراب
بدون اي سبب وجيـــه ومقنــع
وشعور غبــي لما تتمني في دي اللحظه انكم تهرجو معاه بس لكل شخص عزة نفس ويكابر يروح لتـآني
وكأنـــه خلاص اللي ربطهم اول وجمعهم انتهى دحين


اول مارجعت الجامعه اتكلمو مع بعض
بعدين قل كلامهم سارو بس يسلموو ويكملو طريقهم وبعدها قل السلام وسارو يبتسمو لبعض من بعيد
وبعدها قلت الابتسامه وسار كل واحد يهرب من نظرات التاني عشان لايتلاقو



الاضائــه قويــه بالغرفــه بدأت تصدددع منــها
حطت يدها على عينها وحاولت تركز بعين وحده بسس زاد الالم نزلت راسها وشعرها غطى وجهها وغمضت عينها شويتين ابدن مو معاهم
هما بوادي وهيـآ بووادي
صددداااع
بدات تحس نغززات بعينها وكأنه وسطها ابره
رفعت يدها وحطتها على عينها
مع الالم عينها سارت تدمـــع


طالع فيـها كدا مرا لمابس ماتحرك من مكـآنه كان يبى احد يروحلها غيرو
طالع في الولد اللي جمبو وسئلو هتـآن عن الساعه

كانت في ساعه فوق الين بزبــط على الجدار
الولد طالع في الساعه الي بيدو وجاوبو
هتان : OK
حتى محاولاتــو فاشلـــه
لما انتبه لدموعها تنــزل رجع كرسيـه على ورى وكان بيوقف الا وحده من البنات اتوجهت لألين وهوا جلــس بتردد وسار بيراقب الوضــع من بعيد
الين استأذنت وخرجت من الكلاس ومحد خرج معاها
اما هوا بيحرك رجله بتوتر
اخرج ماأخرج
يمكن لوحدها لا مالو داعي
في صراع نفسي مابين يلحقها او يطنشها
بسس طبعا القلب دايما قرارتو اللي تمشي
وقف وساب اغراضو على الطاوله ولحقــهاا
دا الصرااع كلو في اقل من دقيقتين
خرج لقاها في الممر جالسه على احد الكرآسي وحاطه منديل على عينها
حست بااحد جلس جمبها فتحت عينها وطالعت فيه واتفاجأت
بس ولا علقت
هتـآن : عينك اللي بتوجعك؟
الين ردت بتمتمه : امم
هتان : طيب ارجعي البيت
الين ولاردت
هتان : ايش بك
الين : ولاشي
هتان على طول بدأ يعاتب : على اساس سرنا مانعرف بعض
الين : قول لنفسك دا الكلام
هتان رفع حاجبه باإستغراب : ترا انتي اللي كل ماتشوفيني بتشردي وكأني باكلك
الين وقفت وحطت شنطتها على كتفها : على فكره يزن ورنيم سابو بعض
هتان ممايدري ايش دخل دا في دا : طيب ! _ فهم تفكيرها كدا قال _ احد قلك اني ابى ارجعلها ؟
الين : قد قلتلي كدا مرا مايحتاج احد يوصلي
هتان جالس على الكرسي ورافع راسو بيطالع فيها وهيا واقفه قبالو : قد جيت وقلتلك ياالين انا برجع لرنيم !
الين حست انو شكلها مرا سار غبي فقالت : مايحتاج اساسا تقول كلامك كان يدل على كدا ورنيم من بعد ماعرفت انو يزن اعرفو ليومك دا مابتهرجني حاولت اكلمها كدا مرا مابترد عليا وانتا كمان نفس الشي
هتان وقف وهيا رجعت لورا ودارت راسها بزعل
هتان : الين لاتخبصي بالهرج اولا انا ليا شهرين مخرج رنيم من رااسي ومابفكر فيا اصلا وتانيا اللي بينك وبين رنيم لاتربطيه فيا وفيكي انا ماسرت اهرجك لأنو انتي ماتبي دا الشي
الين : لا لأني مو ملزومه اسمعك تهرج كل مرا عن رنيم وانو انت تحبها بس عشان كبريائك مو قادر تروحلها _ عقدت حوآجبها وحطت يدها على عينها _ خلاااص مو ناقصه راسي مصصدع خلقــه
مشيــت من قدامــه وهوا مو مستوعب ليش بتعاتبــه كدا
اخر مرا هرج عن رنيم في المستشفى بس
وهيا اللي تحاول تفتح موضوعها مو هوآ
هوا ماحيروح لرنيم لأنو اللي بينهم انتــهى ومستحيل يرجع
ادا كان دا قرارها في البدايه دا قراره حاليــآ كمــآن

استغفر الله العلي العظيـــم


رجعت من الجامعه لمت اغراضها المرميه في الكرسي اللي جمبها وسط شنطتها الكبيره
سحبت المفتاح من السياره وفتحت الباب وقبل لاتنزل شافتو واقف عند سيارتو ومتكي عليها
وكأنو بيستنى احد
تحس انو لها قرن ماشافتو
ماكانت متأكده من بعيد دا يزن ولا مازن ولا نزار بس عرفتو من سيارتو
كدا نزلت وقفلت الباب وراها وهوا جا لعندها
شالت النظاره من على وجهها
وهوا هرج قبل لاتهــرج : السلام
رودينا ضمت يدها تحت صدرها : وعليكم السلام
يزن طالع في بيتها وبعدين فيها : حنفضل واقفين هنا !
رودينا : مافي احد في البيت
يزن : ومن متى لازم يكون في احد في البيت عشان ادخل
رودينا اتأففت وقالت: يزن ماما مسافره
يزن : اعرف مع اياد كلمتو دوبي
رودينا : طيب ؟
يزن : بدخل اهرج معاكي !
رودينا : قول اللي عندك هنا
يزن : مهي كلمتين عشان اقولها هنـآ خلينا ندخل
رودينا بتردد سكتت للحظات وبعدها اشرتلو : يلا
مشيت وهوا وراها دخلو للبيت وفتحت ضائه الغرفه وهوا جلسس على الكنبه
حطت اغراضها على الطاوله واخدت ريموت التكيف شغلتو
يزن : قري خلاص بهرج
رودينا رفعت حاجبها وهيا بالعنيه كدا تبى تحرق في دمه : دقيقه
خرجت من الغرفــه وراحت شربت مويــآ وبعدها طلعت لغرفتها
اخد منــها دا كلو عشــر دقايق بـــزبط وهوا
جالس في الغرفه مستني حضره جنــآبها تجي
ماتبطل حركاتها دي
مسك نفسو عشششان لايخرب اللي جاي عشــآنو
في ايطــآاليـآ كل واحد رتب افكـآره
عرفو راجعين ايش حيسو
وايش اللي خلاص حيبطلووهـ
عرفو انو في ايام الواحد يكون في صغير وفي ايام الواحد يعتبر مرااهق وفي ايام
يعتبر طــآيش
بس همــآ تخطو دي التلات المرآحــل
وصلو لمرحــله كل تصــرف ينحسب عليهم
خلاص ماعادو صغــآر

دخلت عليــه وهيا بتدهن يدها في بعض دوبها حاطه كريــم : ايووا
حاول مايعلق على تأخيرها لأنو عارف دا اللي تباه : اجللسي
رودينا جلست وحطت رجل على رجل ورفعت حوآجبها بدون تعليق مستنيتو يهرج
يزن : عاجبك وضعنا كدا
روديا : ايش بو وضعنا !
يزن : كم مرا حاولت اتأسف منك يارودينا
رودينا : انا مو وحده من دول اللي تنبسط معاها كم يوم وبعدها تجي تتاسفلها وتسحب عليها طططيب
يزن : محد قال انتي كدا
رودينا : تصرفك يدل على كدا مايحتاج احد يقولها
يزن : لاحول ولاقوة الا بلله يارودينا لاتقفليها بوجهي اكتر من كدا انا جاي لهنا عشان اتفاهم معاكي
روودينا اشرت عليه وباإستهزاء قالت : اها نتفاهم يلا طيب خلينا نتفاهم
يزن عارف انها بتتريق بس حاول يكبر راســه لأنه عارف غلطو : رودينا انا غلطت عارف دا الشي ومستعد اعتذرلك اكتر من مرا لأني كنت وقح معاكي بس اكتشفت انو الانسان لما يحب يسير غبي انا كنت غبي مع رنيم وماأنكر دا الشي عمري ماحبيت من قلبي بس لما حبيت سرت ماشوف غيرها انعميت عن كل الناس همني بس كان رضاها انا عاجبني اللي انا فيه حاليا بس انا ماغلطت عليكي الا لما انتي بديتي انا روحت لصفاء عشانك وانتي فضحتي سمعتي كللهاا واخويا اتمرمط بسببك
رودينا : لاتطلع نفسك الملاك دحيين انتا روحت لصفاء وانا مادري ليش روحتلها وفوق دا كلو هرجت في باابا قدام كل الجامعه حتى لما كنت مع رنيم قلتلي انك تحبني
يزن : طيب مو دا اللي بهرج فيه بزبط احنا ماحترمنا حتى الصداقه اللي بيننا انتي ماصدقتي تروحي تفضحيني مع انو كان باإمكانك تروحي في حالك يعني حتى لما قلتلك اني احب رنيم واتأسفتلك روحتي قلتيلها عن علاقتي معاكي حتى ماحطيتي احتمال اني ابى ابدأ صفحه جديده
رودينا : ولا ححط اي احتمال وترا انتا اللي غلطان لك اللي سويته انا مو ندمانه عليه ترا لو تهرج لبكرا ماحيتغير موقفي في دا الموضوع
يزن : اووك وانا بقول يحقلك بس كل اللي اباه انو ننسى اللي فات احنا كبرنا مع بض لو مو عشاني حترضي عشان القروب
رودينا ولا علقت
يزن قام وراح جلس جمبها وهيا ولا طالعت فيــه : اسمعيني يارودينا راجع من المطـآر على طول لبيتك لأنو انتي اكتر وحده ابى اتأسفلها ودا اول شي حطيتو في بالي اسويــه علاقتي انا ورنيم مدري حتنتهي هنا ولا حتكمل بس سواء كملت او ماكملت انا ابى اللي بيني وبينك مايوقف انتي اختي زي الين وشادن ويضايقني لما نجتمع في مكان وانتي مابتردي عليا او تكلميني وبعدين متى حتهرجي !
رودينا : خلاص
يزن : ايش هوا اللي خلاص
رودينا : سيبني افكر
يزن بطفش : رودينا ترا مافي احد غيرنا بالبيت لاتخليني اقوم اسوي فيكي جريمه ليا ساعه بهرج ودا في النهايه ردك
رودينا كانت بتتضحك بان في ملامح وجهها بس كابرت : يحقلي
يزن ابتسم حق انها بديت ترضى : عارف انو يحقلك بس برضو انا نفسيتي تعبانه
رودينا بدون اهتمام : مع نفسك
يزن طالع فيها بنص عين : بحاول اكون هادي
رودينا : غصبا عنك حتكون هادي
يزن : اهجدي ولا تخليناا نتناقر دحين
رودينا : مو اساسا قلت اللي عندك
يزن : وبزياده
رودينا : اجل خلاص الله يسهلك
يزن : هههههههههههههههه رودينا تطرديني من بيتك
رودينا ابتسمت وحاولت تكون طبيعيه عشان تعبت كمان هيا من وضعهم كدا : ترا مافي غيرنا تخيل بابا جا
يزن : ابوكي ف بيتو بلاش بكش
رودينا : عارف اني لوحدي احتمال يجي عادي
يزن : دحين امك وابوكي مستحيل يرجعو لبعض ؟
رودينا : ايوا
يزن : وامك كيفها
رودينا : الزفت اياد لعب بعقلها ولا بتسئل عن بابا حتى
يزن بما انو يعرف ميول ابو رودينا عشان كدا مو عاذر رودينا ابدن وبصف اياد: ترا حسي كمان فيه صعب الولد يتقبل زوج امو حتى لو كان طيب
رودينا : على العموم انا وهوا ماسرنا اصلا نهرج مع بعض
يزن : اوووف ليششش
رودينا : دا اللي يباه
يزن : يابنتي مايسير كدا
رودينا : حاولت اكلمو كدا بس هوا مايبى
يزن : وليش كدا قلب ؟
رودينا : عشان دافعت عن بابا
يزن : ابوكي دا شي طبيعي تدافعي عنو
رودينا : اخصرك منوو
يزن : الله يهديه
رودينا : امين
يزن وقف وهيا وقفت دامهم اتصالحو حسبتو حيحضنها كعادتو لما يحضنها هيا والين وشادن زي اخواتو بس ماقرب منها ومد يدوو بس وابتسملها : اشوفك بكرا
رودين باإستغراب طالعت في يدو وبعدها مدت يدها : ان شالله


وهنـــآ رجعت الميـــآه لمجــآريها حاولو الاتنين يهرجو طبيعي عشان يتعدل الوضـــع
هوا من ناحيتو مستعد يسوي اي شي عشان يرضيــها
وهيا في دا الشهر حست انها ماتبى تخسر اصحآبـها
صح مستحيل تنسى حركه يزن واللي سواه فيها بس حتعاملو طبيعي حتسير تهرج معاه بس بحدود

______________________________________________
راجعـــه كمان هيــآ من الجآمـــعه مصنقره
معصبـــه
مو عارفه ايش تبــى من حيــآتها طللعت الدرج
بدون حتى ماتتوجه كعادتها لأمها وابوها
مالها نفس تهرج مع احـــد دخلت لغرفتتها مرت لشنطه على السرير وفضلت واقفه
دا اللي تباه
تجلس لوحدها
ماتشوف احد
اصعب شهـر مر عليــها
مابين انها تسوي مو مهتمه
مابين انها تفوق نفسها وتقول انا اليــن وهوا هتـآن
فرق السما عن الارض
مابين انو تقول في نفسها هوا لساو يحبــها
ماتدري اصلا ايش تبى
لما تقول
" حب "
هيا بنفسها تخاف من دي الكلمه
ماتبى حب
او بالأصح ماقد حبــت
والمصيبــه نفس الشخص حاسه الطريق معاه مسدود
فماحتعب نفسها وتفتح اساسا على نفسها ابواب


دخلت الحمــآم استحممت لبــست بجامتها وطلبت من الخدم يعبولها غداها لوحدهـآ
لابســه بجامتها الحرير ولافه شعرها بالمنشـفه
اتوجهت للغرفه اللي جمب غرفة نومــهآ
وشغلت التي في
بتآكل وتتفــرج
واتغير مودها فجأه لما شافت اعلان عمر وسسلمى 3
بس بتضضضحكككك
دخلت علبها منـآر : ضحكينا معاكي
الين طلت فيها وبعدها بالتتلفزيون وكأنو ماشاشفتها
جلست منـآر والين كتمت الصوت لما خلص الاعلان وبتخلص الكاسه اللي بيدها
منـآر وفي يدها كيس الشبس وتاكل برواق : كيف الجامعه
الين طالعت فيها : على اساس باخد وادي بالهرج معاكي
منار : ترا اعتزرتلك
الين : والله لو تبووسي يدي انتي اخر وحده حهرج معاها
منار بكلللل برووود : شي راجعلك
على دا الحال يوميــآ منــآقره
مضــآربه
الييين تستفز منـآر داييما
ودحيــن جــآ دور منـآر تستفزها
منار خرجت جوالها واتصلت ثواني الا قالت : اهل هتان
الين ولا طلت فيها عينها على الشاشه بس الصدمه طغت على وجهها
منار : ههههههههه خلاص حجي الحاره اليوم وحشتوني من عييييوووني _ تطالع في الين وتعلي صوتها _ معليش اول بابا كان جمبي وماقدرت ارد عليـــك
الين سارت تقلب القنووات وهيا مو شايفه اصلا ايش هيا القناه
انعممممت من كلام منــآر

منار تكمل باإستفزاز : شوف اباك في موضوع مهم بس خليه اخر الليل طيب ؟ اوك هههههههه يلا مع سلامه

قفلت والين ولا اي تعليــق مع انو نفسها تقوم تهبدها
منار زفرت : محد يضحكني غير دا الولد
الين حطت الريموت على الطاوله وخرجت من الغرفه راحت لغرفتها وقفلت الباب وجلست على السرير
مولعه
متكرنه
معصبــه
مقهورهـ
كل حــــآجه
دآ بس اللي كان نـآقصها منـآر اللي ماطيقها تسير تهرج هتـآن

انفتح باب الغرفـــه ودخلت منـآر
والين تطالع فيها بقهههر : خييير !
منار ماسكه حينز ازرق والتاني بيج : ايش اللبس دا ولا دا على التيشيرت العنابي
الين : وانا اشلللي انتي ماتفهمي لما اقولك لاتهرجي معايا
منار ببرود تهرج: ماليا غيرك ايش اسسوي
الين : ومين قال اني ححديكي وجه
منار : شويا بروح الحاره ياشيخه وبعدها بخرج انا وهتان عشان كدا محتاره ايش اللبس
الين : مرا مهمه الخرجه دي
منار ابتسمت : اييوا
الين ولعت قالت : البسي بنطلون اسود
منار عقدت حوآجبها : لا مرا مايجي
الين دا اللي تباه اصلا انو منار يكون شكلها مبدل : انتي اساسا ايش فهمك بالموضـــه دا جزاتي اساسا اديكي رايي خلاص بنااام
منار صدفتها لأنو مرا يعجبها زوق الين : امم طيب
الين انسدحت على السرير : قفلي الباب وراكي





امـــآ في احد البيوت الصغيره جدددن منسدح على الفرشه اللي محطيــها بالارض ودوبو قفل من منـآر وابتسسسسم
بحقــآره جا في بالو شكل الين لما مرا شافها بدون تيشيرت
ولد مستحيل ينسسسى داك المنظــر
غمض عينوو وهوا مو حاسسس انو الابتسامه لسى على وجهه

دخل نضــآل الغرفه وحاول يكتم ضحكتــو خرج الجوال وصوره واتوجه للغرفه التانيه ويطالع في الصوره ويضضضضححححححك .


استغفر الله العلي العظييم


صوتــه ملعلع في المكــآن
معصب
مصنقر
فيوزه ضــآربه
كأنو مو هوآ متغير 180 درجـــه
له يومين بس مداوم والكل سار ينفر منــو
وبيحاولو يتمو عملهم على اكمل وجه عشان لايضطرو يتناقشو معــآهـ
ابسط شي يعصبه
اقل نسيـآن من احد الموظفين يستلمو تهزيئ

دخل المكتب وقفل البــآب محد يقدر عليـه
ام رودينا ادتو احقيه يسوي اللي يباه
يعني تقريبا الشركه شركتــو
دخلت عليــه طبعا وهيا مو داريه عن الدنيا
امس ماداومت
ودوبها جايه متأخر بكل ثقه جات لعندو بالمكتب : اهلين استاز نادر
رفع راسو وطالع فيــها بدون اي كلمه
انفجعت منــو عقدت حوآجبها وقالت : سوري على التأخير بس عارف عندي جامعه وكدا
نادر : طيب سيبي الشركه واتفرغي للجامعه مو صعبه
شادن انفجعت : كل االلي بتأخره ترا ساعه
نادر : والساعه دي تأثر عندي
شادن دخلت الجوال بجيب الجاكيت وخرجت بدون اي رد
دا الناقص يجي يهرج معاها واحد ماتدري ايش مكانتو بزبط هنــآ
اول ماخرجت راحت لرودينا : سلامااات ايش بو دااا
رودينا حالها من حال شادن ماتدري عن شي : ايش ؟
شادن : نادر بيقولي لو ماتجي في الوقت سيبي الشركه
رودينا : نعم !
شادن جلست على الكرسي : بلااا ماتناقشت معاه جحتى عشان لاأتضارب مو ناقصه
رودينا وقفت : انا حروح اتفاهم معاه
شادن : لا لاتقوليلو اني اشتكيتلك
رودينا : مو انتي اول وحده هرجتي خليني اشوف ايش ظروفو داااا
رودينا اتوجهت لعند نادر وفتحت الباب بدون مادقوو حتـــى
من زماااااااان عنوووو حق شههر واسبوع ماتشوفو
كانت داخله بعصبيه
بس هديت لما شافت شكلو
سمر
نحف
ملامحه طاغي عليه العصبيه وبـــس عكس دايما!
وقفت عند المكتب مصدومه ونست في لحظه ايش جايبها لهنا قالت بخوف : نادر ايش بك
بعكسو هيــآ
مهتمه بنفسها دي الفتره
اتكلبزت شويتين
شعرها طول
الراحه باينه في وجهها
نادر طالع فيها ولانت ملامح ووجهه : ايش في
رودينا جلست على الكرسي وهيا عينها عليه مفجوعه : اتغييرت مرا ايش اللي ساير معاك
نادر : ولاشي
رودينا بشك : لقيت اهلك ؟!
نادر سكت للحظظات وبعدها قال : ايوا
رودينا كانت تبى تبتسم بس وجهه مرا مايساعد : طيب ؟
نادر بكدب : سارلهم حادث وانا في السجن واتوفو
رودينا الصدمه بان في وجهها واترخى صوتها بتأثر : الله يرحمهم
نادر حرك راسه وكأنو من جد دا اللي كان يتمناه ولا اللي شافو : كيف اياد
رودينا : كويس بكرا حيرجع
نادر : اهاا
رودينا مو عارفه ايش تقولو اكتر من كد : وانتا دحين فين عايش
نادر : مع امي
رودينا اتفاجئت اكتر : مو هيا .!
نادر قاطعها لمما فهمها : تبقى امي
رودينا وكأنو ماقتنعت : اهااا
عم الصمت بينهم
ورودينا وقفت : انا راجعه لشغلي
نادر حرك راسو باإيجاب


وهيا خرجت من المكتب مصدومه
وبنفس الوقت مرا زعلانــه عليــه
لأنه دي الفتره كلها ماسئلت ليش مختفــي


في نهـــآية الدوآم

خرجت من الشــركه ولقت نادر خارج ومتوجه لسيــره جدن فخمــه

مستحيــل امها كمان جايبتلو دي السياره
مو مستحيل الا من سابع المستحيلات
رمشت بعينها كدا مرا وهيا بتشوفو
بيفتح الباب وبيدخل
مو قادره تربـــط
دي السياره بنــآدر
على حسب علمها نــآدر ماديا مرا ماعندو شي واخوها بيصرف عليه
اجل من فين لو دا كلو!

لمحهــآ واقفــه وبطالع فيه بتناحه
مو داري ايش بها بس قفل باب السياره واتوجه لها
: خلصتي دوامك
رودينا : ها ايووا خلصت
نادر بترردد : اعزمك على الغدى ؟
رودينا بااحراج : لابلاشي
نادر : مو قدو اياد وامك مو فيه عشان تاكلي معاهم يلا في بطريقنا مطعم
رودينا : امم طيب بس مانتأخر لأنو برجع انام
نادر : طيب مو مشكله _ اشرلها _ يلا
رودينا بشك اشرت على السياره : دي سيارتك
نادر : ايووا
رودينا : اهاا
دخلت للسيــآره وهوا قفل الباب وشغل السياره
خخرج الجوال من جيبو وحطوو على جمب
وجات عينها على الجوال !!!
في لحظات سارت تشك باأمها انو هيا اشترتلو دي الاشياء
السياره مو راضيه تخش في راسها
بس الجوال الجديد دا احتمال ليش لا

نادر : ايوا وانتي ايش عامله بالجامعه
رودينا : ماشي الحال الحمدالله
نادر : مانخطبتي اتزوجتي ايش شي
رودينا : ههههههههههه محسسني انو لك سنه عني
نادر : برضو مدري في دا الشهر ايش سار
رودينا بتفكير : امم ايش سار ايش سار ايوووا
نادر طل فيها وبعدها بالطريق وكأنو يقولها : ايش ؟
رودينا : قررت اركز بس بدراستي وخرجت يزن من راسي مو يزن عامتا دي الحكاوي خرجتها من راسي لأنو ماحتوصلني لأي مكان
نادر بتشجيع : شي كوويس والله
رودينا ابتسمت برضا : ايوا الحمدالله مرتاحه حاليا
نادر : وقلتي دا الكلام ليزن
رودينا : اليوم اتكلمنا واتفاهمنا
نادر : والله في تطور
رودينا : هههههه ايوا الحمدالله بحاول اركز في رداستي وشغلي وانتهينا
نادر احسن شي سويتيه محد حيدوملك ولاتشغلي نفسك بالناس ركزي في مصلحتك وبس
رودينا مرا استغربت من كلامو ماكان زمان كدا : ايوا وانتا ايش سويت
نادر : ولاشي
رودينا : اما عاد
نادر : ايوا على حطة يدك
رودينا حاسه انو وراه هــرجه
طالعت في الساعه اللي بيدو
الادمي مو طبيعي
كل الاشياء اللي حولينو مو اي شي
تقدر تقول بتخمينها كم قيمه كل شي
دق جواله وورد : ايوا ؟ دحينُ! . لا ماقدر خلاص شوف الاوراق هيا معايا دحين حوديها للبيت وانتا خدها من هناك لا لأنو ورايا مشوار طيب مع سلامه


قفل وطالع في رودينا : معليش بس بودي الملف البيت ونروح بعدها للمطعم
ردينا : اوك مو مشكله المهم وانتا ماقررت طيب تسوي شي بحياتك
نادر : أهو بشتغل
رودينا : مسئوليه ماما ادتك
نادر : افكر اسيبها حاليا لإياد
رودينا عقدت حوآجبها : مو منجدك
نادر : مو محتاج
رودينا : بس انتا كنت محتاج اول الراتب دا وبووظيفتك دي راتبك اكتر من ماكنت تتمنى بكتير
نادر : قلتيها كنت وبعدين اياد صاحب الشركه حاليا انا كنت ماسكها لين مايتحسن الوضع بينو وبين امك وحسبلو المكان
رودينا : طيب ابى افهم انتا فين حتشتغل
نادر ابتسم وطالع فيها : ايش بك انتي كدا مفجوعه
روديننا تهرج بصدمه : مدري عنك بتهرج وكأنو الشي عادي وقبل فتره كننت مستني بس نهايه الشهر يجي عشان يجيلك راتب تقدر تأمن نفسك فيه ودحين بكل سهوله سايب الشركه
نادر : حتوظف في مكان تاني
رودينا : فين !
نادر :امي شافتلي وظيفه
رودينا : اهاا
نادر ابتسملها وقال: في اسئله تانيه
رودينا ضحكت : هههههههه انتا بتهرج بالقطاعه كان قلت كدا من البدايه
نادر : ههههههههههههههه بشوف نهايتك
رودينا : الحق عليــآ يعني



واخدهـــم الطريـــق وهمــآ بيهــرجوو
واختفت ابتسامتــها لما شافت بيتـــه
دحييييييييييييييييييييييين
استووووووووعبببت السياره دي من فين
افخم من بيتهم بس من برا اجل كيف من جوآ
نادر اخد الملف : بدخلو وارجعلك _ انتبه لسياره امو تخلص دوامها زيو _ ولا اقووولك امي جات حديها هوا وراجع
رودينا مرا استحت كان نفسها تغطي وجهها
بس تحمد ربها سياره امو بعيده عنهم
هوا نزل وهيا حاطه يدها على جبينها عشان لاتشوفها
اتوجه لعنــدها فتح بـآب السياره وهيا نززلت
والابتسامه على وجهها
وهنـــآ رودينا خـــرجت عيننننننننننننننهاا
امممممو الفرنسيـــه
ودحين مو بس استوعبت الا تنحت وفيوزها ضربــت
نـــآدر يطلــع ولد دي الحرمه اللي كتير بيهرجو عنها بتجـآره
حطت يدها على فمها وشايفتهم بعيد يهرجو ونادر بيديها الملف
ورودينا مصدوووووووووووووووووومه
ولا رمشت عينها
بدات تسوعبت يوم ماجاتهم
كيف ردة فعلها
نادر كيف كآن يومها
كل شي بدأ يدخل في بعضوو

نادر اتوجه للسياره وهوا مبتسم دخل وقفل الباب
وهوا نااسي اوم الموضوع

شغل السياره وراح للشارع العالم وبعدين استوعب انو في وحده متنحه جمبو
طالع في شكلها وهيا في عاللللللم تاني وقاعده تربط الهروج في بعضها : بنت
رودينا طلت فيه : ها
نادر : ايش بك !
رودينا اشرت بيدها على الطاقه : ديك كيف تسير امك !
نادر مافهم : كيف ! _ استوعب _ اهاااااا ههههههههههه معليش انا قدني ناسي ديك الهرجه
رودينا : امك دي اللي جات بيتنا وانتا سويت نفسك ماتعرفها !
نادر : اممممم هيا مو ككدا الهرجه بس لما خرجت من السجن قابلتها وسارت مشكله بيني وبينها وماكنت ابى
اقابلها بعدها فلما جات عندكم عادي سويت اني ماعرفها
رودينا تتريق: وعااادي !
نادر بيضحك على ردة فعلها وجهها مرا ضحكو وهيا مصدومه : هههههههههههههههههههههههههه ايش بك انتي
رودينا : انتا مستوووعب مين امك
نادر : ههههههههههههه وربي شكلك مضحكني
رودينا : اما عاد ماما لو عرفت ايش حتسوي
نادر : تقولي يوم اخلي امي تعزمها عندها وانا اخرج فجأه
رودينا بس اتخيلت شكل امها فرطت ضحك : هههههههههههههههههههه صدقني مستحيل يجي في بالهها انك ولدها ممكن تحسبك تحبها
نادر : هههههههههههههههههههههههه هبله انتي
رودينا : ترا وربي مو قادره استوعب
نادر : باين على وجهك مع الايام حتستوعبي
رودينا : وانا اقول الولد بايع الشركه
نادر : ايوا خلاص اساعد امي في شغلها احسن واياد ماشالله ماحيقصر معاكم


وفجأه وبعد ماكان نادر مجرد شي عادي في حياتها
وضعو حاليــآ جذبــها
ســآرت تدقق بهرجو
بتفاصيل صغيره فيـه
بضضحكتــه
يمكن اول ماكان في مستواها عشان تطالع فيـه
لكن حاليـآ بنفس طبقتها
تسمعلو باإنصــآت
لأول مرا تحس انو تفكيــره غير عن كل اللي عرفتهم
وهنــآ شطارة رودينــآ دام حطتــو برآسـها
حتقدر تجيبو وتحببو فيـها برآحـــه



استغفر الله العلي العظيم


بعد المغــرب

ماشي بالحاره وهيا دوبــها خــآرجه من بيتها
الوضــع بينهم مرآ ســآر عادي
يهرجو
يمزحو
يضحكوو
ويستهبلو عاادي مع بعض
رنيم وفي يدها الشنطه الكبيره : اهليين
هتــآن مدخل يده في جيبو وفاق من سرحانه لما شافها : اهلا
رنيم : على فين
هتـآن : منـآر جايه دحين
رنيم : ايش بك مع منار دي اليومين
هتان ابتسم : بنتسلى
رنيم مستغربه : اهااا
هتان : وانتي على العمل ؟
رنيم : ايوا
هتان : وكيف الوضع
رنيم : مراا مرتاحه وربي
هتان : كويس الحمدالله لساتك لدحين ماتهرجي مع الين
رنيم حطت الشنطه على كتفها : لا ولاحهرج
هتان : ايش سوتلك البنت
رنيم : بس انا مابى وجع الراس خلاص
هتان : تراها دي الفتره تعبانه
رنيم : مع نفسها روح اوقف انتا جمبها لو همك
هتان : هههههههههههه ايش بك
رنيم : كل مرا بتشوفني تحاول فيا اني ارجع اكلمها
هتان : لأنها بتسئلني عنك كتير
رنيم : بكيفها
هتان : ايش الحقد داا ياشيخه
رنيم : مو حقد ولا حاجه بس دول العالم مابى اختلط فيهم تاني المهم انتا ايش حكايتك مع منار
هتان ابتسم وباين انو وراه مصيبه : ولاشي
رنيم : هههههههههههههه كزااااب باين انك مهبب
هتان مشي قبل لاينفضح وقال : ان بعض الظن اثم
رنيم : ههههههههههههههه اشرد اشررررد نهايتي حعررف
هتان ضحكككك وكمل طريقو
وهيا كملت طريقــها وبس تتمنى انو مايسير اللي في بالها
هتــآن معجب بمنــآر !!!
تحس دي الايام بس بيقابلها وبس بيهرج معاها بالجوال
: مالي صلاح


خرجت وكعادتها وقفت تــآكسي
واتوجهت لمقــر عملــها " قاعه احتفالات "



في آخرر الليل وهيــآ خلاص خــآرجه من الحــآرهـ
طالعت فيه بشك : عاجبتك ؟
هتان ابتسم : مايحتاج اقولك
منار ضحكت : لا قولي عشان افهم
هتان : امم ايوا بس انتي
منار قاطعتو : لا تقولي بس خلاص بس كنت بعرف رايك
هتان بتردد : يعني اقدر اقابلك بكرا ؟
منـآر رجعت شعرها ورا اذنها : ان شالله

استغفر الله العلي العظيم


قـــرار جديــــد .
نســي رغـــد
قرر يشترك في سباق الخيول من جديد
يبــآ يحقق احلامــه
بدا نفسيــآ يتعدل
يتغير
يتحسن
في المزرعـــه وعلى خيلـــه الجديد
طوول يومــه وهوا عليـــه وبيدربــه
يمشي الوقت بنسبه له زي الهووى
سـآعه
ساعتين
تلاتــه
اربعــه وهوا بالمزرعــه
وسيدو بيــراقبــو من بعيد وهوا مبتسسسم
يعشششق يشوف مــآزن كدآ
في المكــآن الصـــح
سار يحب يجلس معاااه
يحس انو " كبـــر " " عقــل " "استوعب الحيــآهـ "
يعرف ايش الحرآم من الحلال
اايش الصح من الغلــط
وداا اللي مخلي مــآزن عايش كل دا الشهر في تبان ونبــآت



استغفر الله العلي العظيم

اليــوم كلـــوو عدى وهوا نــآيم
تعب السفر خلاه مايحس بنفســـو
جسموو كلوو يوجععو من النوم الزايد
يحس انو لو غمض عينو ممكن يرجع كمان ينام من الخمول
الاضائه خافتــه
الغرفه زي التلج
رفع يده قدام وجهه يبى يشوف الساعه
حسبها حدوو 6 المغرب
وفتــح عينو على وسعها لما لقاها 11
بعد اللحاف من على جسموو
واتمطـــع بكــسل طاغي على كل جسموو
جلس على طـرف السرير


قام استحمــى وصلى عصر ومغرب وعشــآ
اتصل على يـــزن
اخد هرج معاه ربــع ســآعه وهما مخطيين نعلى عيد الميلاد

قفــل منــو وهوا مرــووق
وخرج من الغرفـــه
نزل واتوجه للغرفه اللي سمع منــها صوت رجال
بس مو ابــوهـ
عفد حوآجبــه وهوا رايــح للغرفــه
واول ماشافو بان التفاجئ بوجهه
عبدالله ابتسم ووقف : يااهلييين والله الحمدالله على السلامه
اسامه طالع في راما اللي كانت جالسه معاه لوحدها !
وضحكتهم واصله لأخر البيت
اتوجه لعبدالله وسلم عليه وهوا بااااين ماعجبو مرا الوضع
او بالاصح مصدوم من الوضــع
هوا له مســآفر شهر ودا يجي كدا يطقطق مع راما !
اسامه طل في راما وجلس : ابويا فين
راما : لما جا في العصر ماحب يصحيك وخرج على المغرب ولسى ماجا
اسامه طالع في عبدالله : يعني ماشالله انتا على طول هنا حتى لو ابويا مو فيي _ حاول يقولها بمزح بس مرا ماجات معاه _
عبدالله : لا بس اليوم ابوك عزمني على العشا
اسامه اسلوبو عامتا زي الزفت فاكيف حاليا : اها عازمك وجيت قبلو !
عبدالله مايدري ايش بو دا عليــه : جيت اجلس مع بنت عمي !
اسامه طالع في راما وهيا بتحرك رجلها وبرضو مو عاجبها اسلوب اساامه : اها كويس كويس وخلاص سرت مقيم هنا؟
عبدالله : ايوا الحمدالله مرتاح بوظيفتي وافكر استقر بدبي على طول وكل ماطفش اجي هنا ماشالله راما مو مقصره


ابو اسامه دخل وبترحيب: ماشالله ماشاللله واخييرا صحيييت
اساامه وقف وسلم عليــه : والله ماحسيت بنفسي
ابو اسامه : دا وانا وعبدالله هنا من المغرب مستنينك تصحى بس جاني شغل ومشيت
اسامه يحس من جوآته بيولع
دا جالس مع رامــآ من المغرب لين دحييين
ابو اسامه : بس اطلع اغيير وبيننا جلسه مطوله
اسامه ابتسملو وابوه طللع
راما بدات تحس انو اسامه مو طبيعي فاحبت تستهبل كمان هيا : عبدالله ترا ملابسك من ديك المرا فيه
اسامه جلس
وعبدالله : ههههههههههههههههه _ طل في اسامه_ على فكرا اخدت قبل اسبوع من ملابسك دوبي اتزكرت
راما : مو مشكله خليها عندك
اسامه بيطالع فيهم الاتنين وع صــآمت
عبدالله : وربي طيحه في المسبح جااامده
راما : ههههههههههه بقولك لاتستهبل
عبدالله : ماتفهمي انتي الروقان
راما : فاكر روقان عبدالرحمن هههههههههههه
عبدالله : يوم الدره .؟
راما : ايوووا
عبدالله فرررط ضحكك : دا الولد فاااصل سيبيكي منوو اساسا فارس يومها حسو انصدم
راما : ههههههههههههههههههههههه شي طبيعي جاي ينبسط هوا وابراهيم خرجو مفجوعين المساكين


عبدالله
عبدالرحمن
فارس
ابراهيم
بس بيتخيل دا الشهههر كلو وهما كداا على دا الوضضضع
عمررررررررررها ماضحكت معاه كدا
كأنها انسانه تانيه مع عبدالله
بيفووور من جوآآآ
بيحرك رجلو ويطالع في عبدالله
وشويا في راما
بدون اي ملامح بوجهه
قاطعهم بجمله خلت راما تبلم في وجهه: راما ليش مو لابسه الخاتم ؟
راما ططالعت في يدها باإستغراب وبعدها طلت فيه
لأول مرا يسئلها عنو
قالت بكدب بعد صمت دقيقه: وسيع مرا عليا
اساامه رفع حاجبه : طيب اديني هوا في الصباح اضيقو
راما رفعت حواجبها الثنتين وقالت بنبره هاديه بعكس اللي تهرج فيها مع عبدالله : طيب
راما كانت بتدير راسها تطاع في عبدالله يكملو الهرجه لكن اسامه ماخلاها لما سئلها : كيف الجامعه معاكي
عبدالله بصمــت حاسس الوضع مو طبيعي
راما مفجوعه من اسامه من متى همو يسئل عنها كدا : مــآشي !
الشغاله جات وقالت لراما العشـآ جاهز
لكن استنو ابو اسامه ينزل
عبدالله : دحين انتا تتعشا ولا حتفطر
وقبل لاأسامه يهرج راما قالت: لا عادي الفطور عندو مو وجبه اساسيه

اسامه طالع فيها وهيا حست بنفسها
نزلت عينها بتشتت
وهوا ابتسم وافتكر يوم ماكانت معاه بشقه وقال بدقه : عادي انا ممكن اصحى من النوم اكل بيتزا على طول
مو مشكله
عبدالله : هههههههه ايش هوا دا _ طالع في راما _ دا حيريحك بعد الزواج
راما وجهها حمــر وتحمد ربــها عمـها دخل في دي اللحظه وراحو اتعشششو وكآنت اغلبهاهرج اسامه مع ابوه

وعلى اخر الليل بدأت ذكريــآت عبدالله وراما
وهنــآ بدأ صمت اسامه او ردوده المستفزهـ

وعلى الساعه 2 ونص خـرج عبدالله من البيت وابوه طلع ينام واسامه قفل الباب ودار على راما ورفعها حاجبو
عرفت انو في كلام بفمو كدا قاالت : ايش ؟
اسامه باإستهزاء : من كتر مو شايفتك مبسوطه معاه كان نفسي اقولو يبات هنا
راما عرفت انو بيتريــق بس حاولت تكون باردهه : كان قلتلو طيب
هنا هوا ولــع : لا ياااشيخه
راما : ايش بك اليوم جاي وجايب شرك معاه ولا ايش وضعك
اسامه : لا والله انتي اللي مرا ساطيــه وناسيه انو دا ولد عمك
راما فاهمه قصدو من اول كدا قالت ترمي في وجهه ماسارت تخبي جواتها وتبين انها ضعيفه اسامه ماينفعلو وحده ضعيفه ابدن : لا فاكره انو ولد عمي وعشانو ولد عمي مابيني وبينو اي حوآجز بس انتا اللي مين بزبــط في الموضوع دا كلو خطيب ولا ولد عمي ؟ واتوقع ماتقدر تختار واحد فيهم لأنو الاتنين انتا ماتباهم
اسامه هرج بنرفزه: دحين دا كلو عشان هرجت فيييه عصبتيلي
راما : هوا انتا كدا تفهم اللي تباه وعلى فكرا صحباتك مسكوني كدا مرا بيسئلوني عن هرجه خطوبــه بيننا وانكتمت روح شوفلك صرفه معاهم _ ورمت الصاعقه - وعلى فكرا عبدالله يعرف انو احنا مانبى بععض
كانت بتمشي الا هوا وقف قبالها وقال مفجوع : يعرف ايش ؟!
راما ضمت يدها تحت صدرها : جات عليه يعني مو اصحابك كلهم يدرو انو احنا مابيننا شي ايش الغريب !
اسامه : هبله ااانتتتتي
راما : لا والله مو هبله ولا حاااجه وانتا ناسي انو مر علينا شهر يعني عدت اكتر من الفتره اللي اتفقنا عليها خلاص طلقني وروح احلف قدام اصحابك انو احنا مو مخطوبين وريح ضميرك
اسامه مرااااا ماجا على بالو اتفاقهم
ولا حــس بالمده اصلا
دوبو عرف ليش هيا مو مديتو وجه طول اليوم
دوبو فهم نظرات عبدالله
اسامه : وايش حيقولو عليكي عيلتك !
راما :عادي انتا ايش عليك مو مالك صله بعيلتنا ومايهمك اللي يسير ؟ انتا سويت اللي عليك وانتهبنا
اسامه مو عارف ايش يقولها مايبى يطلقها قال باإرتباك : بلا هبل اقوول وبعدين ابويا لو عرف
راما قاطعتو وهيا تهرج عكسو بجمود : كلمت ابوك امس
في الموضوع وقلي اسوي اللي اباه
اسامه قلبه يدق بســرعه
انحط في موقف مو عارف ايش يقول
اباكي!
صعبه
مابينهم اي اتفاق
ماحيدخل في راسها كلمه اباكي
على اي اساس يباها وهوا مو مهتم فيها ؟!
وماقد قلها حتى اغار علييكي
سكت شويا وبعدها قال : طيب
راما على قد ماكانت ماتباه يواقح معاها بالهرج على قد ماكانت ماتبى تسمع دي الكلمــه بالسهوله نزلت راسها وبعدها طلت فيــه : اوك
لحظــه صمت بينهم
ماتبى تمشي تتمنى بس يقولها لا مع انو من جواتها عارفه انو مايباها


وهوآ ماعنده جرأه يقولها اباكي
راحت من قدامو وهوا فضـل واقف
قلبــه وجعه
دوبو في دي اللحظه حس انو يبـــآآآآهااا
مايبى يفرررط فيــها
مايقدر يطلــقها


اما هيــآ كانت عارفه انو دي النهايه
مستنيتو يرجع عشان يطلقها
بس لما قلها طيب
بكل سهولــه
بكيــــت
قفلت الباب على نفسها
ماتدري انو الكلمــه خرجت من فمو بدي السهوله لأنو باقي الكلام اللي فنفسو اصعب من انو يقولو




وهوا طلع لغرفتو قفل الباب وجلس على طرف السرير
ساااااااكت
حتى مو عارف في ايش يفكر بزبط
كل شي جوتوو مكركب
لو طلقــها وهيا عايشــه معاه
كيف حيشوفها كل يووم
وحتكون كمان مو بذمتو وعبدالله يسطى عليــها
ادا هوا هرج وضحك بينهم حس انو شويا ويلطش عبداله
اجل بعدييين ايش حيســـوي !!!!


استغفر الله العلي العظيم



دخلت عليــها كآنت بين كتبــها

بس بالها في مكــآن تاني بتكتب بكل سرحــآن اسمو بالاوراق البيضــآ المشعتره قدامها
: لانا
لانا رفعت عينها باإتجاه اختها : ايوا ؟
لينا حطت يدها ورا ظهرها وقالت بزعل : ليش اياد ماسار يجينا
لانا بتهرج وهيا بتشطب اسمو من على الورق : خلاص حبيبي اياد ماحيجي تاني هنـآ
لينـآ سكت شويا وبعدها قالت : راح زي ماما وبابا ؟
لانا انفجعت من كلمتــها
مدت يدها باإتجاه لينا : تعااالي
لينا لابسـه قميس النوم الابيض القصير وشعرها مفتوح كعادتو ومخبــص
اتوجهت باإتجاه لانا ولانا رفعتها على السرير
بعد الكتب من قدامها وانسدحت على السرير
وخلت لينا في حضنها : خلاص نامي هنا الوقت متأخر
لينا : طيب
غمضت عينها
ولانا سارت دموعها تنزل
ماتدري بتبــكي لأنو خلاص تحس انها تعباااانه من دي الحيــآه
بدون امها وابــوها
نقصصصص
مافي اي احساس حلو
تنبسسسسط ماتعرف تجري تروح تقول لميين
ماتدري مين اللي حينبسط لها
ماتدري لين متى حتفضل كدا عايشــه بدون اي احسـآس
حتى لما حست بشي حلو في حياتها
اختفى فجأه
بدون اي كلمــه
وكأنها ولاشي
مجرد انها كانت تهديــه ولما امو رجعتلو سحب عليـها
الحياه بدون ام واب " مو حيــآهـ "
مالها اي طعــم
ايش مايسرلك حيفضل بينك وبين نقسك محد حاسس فيكي
غمضت عينها وضمت لينا لحضنها اكتــر
دا اللي بقيلها منــهم
ودا اللي حتفضل عايشه عشــآنو

وجــآ اليــوم الموعــود
يوم تصفيــه الحســآبــآت
وهنــآ يبدا الاحتفــآل

عند البوابه الرئيسيه الخارجيه
دخلت سيارة اليموزين الطويله والي من عند كل بـآب ملفوف عليها شريطه عريضه حمــرآ
وحولينها اربعه دبابات من نوع الــ ماشاياا
وقفت السياره قدام البوابه الداخليه وجوتها القروب فارطين ضحك ما عادا مازن وشادن الي مطلعين راسهم من التنده وجالسين يستهبلو ويغنو مع الاغنيه بطريقه جنونيه
نزل الشوفير بسرعه وفتح الباب وهوا مبتسم اعرض ابتسامه في الوجود لانو جووهم في السياره كان اليم تحشيش وضحك وغنا ورقص واخر فله …
اول شي نزل الشخص الغلط الي كان جالس بينهم في اليموزين وفي يدو كمرة فديووو لان رودينا كانت مصره انهم يصورو كل لحظه وثانيه ودقيقه من هادا اليوم الجميل والمهم
وجه الكمره عليهم وابتسم
نزار اول واحد نزل واشر باصابيعو للكمره و وهوا مبتسم ديك الابتسامه الي تزيدو جاذبيه صلح الجكيت الرسمي الاسود
شادن متحمسه دفتوو بخفه : ابعد يا نزار خلصنا
نزار لوح للكمره وبعد نزلت بعدو شادن بفستانها الاسدو الناعم والفخم في نفس الوقت خللت يدينها في شعرهااا تزبطووو
نزلت بعدها رودينا لابسه فستان اسود هيا كمان بس مكشرهـ : امشي
شادن تتلصق في رودينا عشان كمرة الفديو : ايش في ابتسمي قدامك كمرة فديوو يا شيخه
رودينا تلصق جزمتها الحمراا في جزمة شادن ومتنرفزه: درجة الون مختلفه شوووفي
شادن كشرت : يووو قلت لك تعالي معانااا
نزلت الين : سيبيكي منهاا يااشادن خليها تتكرن على نفسها
رودينا شمقت : مو متكرنه بس اتنرفزت
.
يزن نزل ودفهم عن طريقوو من قوة الحماس الي فيه وبعده مازن واسااامه
وكآنو مطقمين كلهم اسود في اسود بدل رسميـــه
وكل واحد له ضايف ستايلو الخاص في اللبس
او تصفيفه الشعر مختلفـــه
وانــآقتهم زايده وسامتهم او اقول وسامتهم زايده اناقتهم :p

والبنات ماعليهم كلام كل وحده بستايلها الخاص بس متفقين علي اللون الاسود مع الاحمرر
اتصفو جنب بعض بطريقه جميله والمصور اخدلهم كم صوره من عدة زوايااا




بعيـــد عن دي الاجووآء كلـــها وبزبــط
في المطبـــخ الكبيــر المخصص للقــآعه
دخلت وهيا تكلم نفسسسها : مكان قد كدا ياخدوه عشان عيد ميلاد فايقين
لابســه بنطلون اسوود وبلوزهـ بيضا رسميـه لبس العاملات كلو موحد
جاتها وحده من العاملات تقريبا قريبه من عمر رنيـم : اليوم كلو حيكون طلاب جامعيين يعني موتي حسره وانتي تتفرجي
رنيــم تنفض يدها : لاتموتي حسره ولا شي من جمال حياتهم كل واحد اسوء من التــآني الفلوس عاميــه اشياء كتير في عينهم
افنان : هههههههههههه وي يالطيف ايش بك كدا
رنيــم من بعد يزن والين خلاص مو طايقه احد : شوفي بللهي دا كلووو الركيض عشان عيد ميلاد ودحين تشوفي انواع الاستهبال جوا بذات لأنو شباب وبنات
افنان اتنهدت : ااه ياشيخه ولو يوم واحد نفسي اعيش وكأني وحده منهم _ قالت بحالميــه _ وانا لابســه
فستان غالي واكسسوار كلو المـآس _ زفرت بضيق وهيا تفوق نفسها _ والله يارنيم دول ماحيحسو بنعمه الا لو انحرمو منها
رنيم : ههههههههههههه افنان خلينا اليوم نمشي واحنا مغمضين عيننا احسنلنا عشان لاينوجع قلبنا
افنان : هههههههههههههههههههههههه انا حتى حكون صنجه مااسمع عشان ارجع البيت نفسيتي كويسا
رنيم بنسبه ليها دي الفتره افنان اقرب وحده ليـها لأنو في المكان هما الثنتين العربيات وبنفس العمر
رنيم : هههههههههههههه هوا دا امشي قبل لاتجي السيرلانكيه وتشتكي علينا
افنان : ههههههههههههههههههههه بلا بطختها حقتلها ياشيخه اليوم
رنيم : طنشيها احسن
افنان ااتأففت : رنيم في سؤال في بالي
رنيم : ههههههه ايش في
افنان : احنا نجنن ماشالله علينا ليش لدحين ماتزوجنا ؟
رنيم فرطت ضحككك : ههههههههههههههههه وربي كنت حاسه انك بتقولي شي اهبل _ ضربت على ظهرها _ روووحي بس لحد يجي
افنان : هههههههههههه ترا بجد دا كل يوم اسئلو نفسي انا احلى من نص اللي يجو هنا وماسكين بيمينهم ولد مز وكاش
رنيم : ههههههههههههههه يابنتي النصيب ماتعرفي ايش هوا النصيب يعني
افنان : اللهم لاإعتراض بس دحين انا حاسه حينحرق قلبي لما اشوف الشواكيششش البنات اللي حيجو ومعاهم شباب يردو الروح
رنيم : لما يجو ساعتها نحكككم لو البنات اغلبهم شواكيش حخرجك من هنا مخطوبه
افنان: ههههههههههههههههههههههه اقلبي وجهك بمزززح معاكي
رنيم : هههههههههههههه

قلوب بيضــآ تتمنــى بس ماتحســد
مجرد امنيــآت ممكن تسيــر ويمكن ماتسيــر .

رنيم راحت تجهز الحاجات
وافنــآن فتحت الباب وبلمـــت لما شافت القروب داخل كأنو لساتهم في المدخل الخارجي
الين
شادن
رودينــآ
البنـــــــآت يجننو وكل وحده جذآبـه اكتر من التـآنيه
رمشت بعينها كدا مرا وهيا مو مستوعبه النسخه المتكرره اللي مشيت جمب بعضــها
يزن نزار ومـآزن
غمضت عينها ورجعت فتحتها
راسسسها بيدير لفين ماراحوووو
مو مستوعبــه اشكال الثلاثــه

والرابع اللي معاهم وكأنو ابدن مو عربــي
نـآآآآآآس تــــآنيــــه
بس من اشكالهم تحس انها تعبت نفسيــآ


افنان رجعت لعند رنيــم
رنيم اول ماطالعت في وجهها ضحكت : ايش بك كدا
افنان حطت يدها على فمها : بحاول ماعلق
رنيم :هههههههههههههههههه بدأو يجوو ؟
افنان ولاشالت يدها : بحاول ماعلق
رنيم : ههههههههههههههههههههههههههههه مزز ؟
افنان :ماقول غير ياقرادة حظك ياأفنان
ومشيت بدون اي كلمه تــآنيــه
ورنيم ميته ضحككككك ماتدري من غير دي البنت ايش كان سوت هنــآآآ محد يضحكها غيرهاا



يزن الي متحمس عشان الي مخططلو ما رضي يوقفلهم اكتر من كداا … فاامشي قبلهم وكولهم مشيو ورا عشان بيدخلو مع بعض
بس شادن والين الي تعبانين في تنسيق الحفله معاا استوقفو في اخر لحظه قبل يدخل القاعه : لحظه اشبك
يزن ولا هو معاهم بالو في مكان تاني : هااا
شادن وقفت قدامو وزبطتلو الجكيت ومسحت علي : اصبر حتدخلو مع بعض انتو احنا حنسيبكم اوكي
نزار : اوكي حفظنا الشريط
مازن بملل : ياألله على البنات ترا انا بدخل بس ارقصص واستهبببل مالو داعي دي الحركات كلها
يزن : انا ادري عنكم
الين : ايش فهمكم اسمتوو بس
يزن خلل يدو بشعره ويحركه : انا مرا متحممس
الين وشادن ورودينا بصوت واحد : لااااااااا
يزن انفجع : ايش في
الين قربت منو وخبطتو : لا تخبض شعرك كدا
يزن ناسي انو مزبط شعرو : يادين النبي خلاص ارحمو اهلي ادخللووو
مازن يفرك يدينو في بعض : يلا يلا
يزن يكلم اخوانو : يلا معايا
طلعو التوائم من الدرج والين وشادن واسامه وردينا اتقدمو للبوابه الكبيره بهدوء وثقه والي علي يمينها ويسارها عاملتين بزي الاستقبال فتحولهم هيا علي الاخيرر
وبان خلفها عالم تاااني مكان تاني ودونيا تانيه
القاعه كولها مغلفه بستاير حمراااا وعليها صور للتوائم في جميع المراحل والحالات والاوقات والاوضاع
الطاولات منتشره بطريقه مرتبه ومغطيه بمفارش حمراا وعليها شمعدانات سودا وحولينها البنات والاولاد من الطبقه الغنيه منتشرين باناقتهم وجازبيتهم وجمالهم وبيتمايلو مع نغمات الموسيقي الي كل شويا تتغير تكنو راب خليجي غربي مصري وصيني حتي
العاملين بيدورو حولينهم بالمشوربات والتسليه والحلا واي شي
الممرر مفرووش ببساط احمررر فخم وعلي يمينو ويساررو نفس الشمعدانات الي عليها شموع سودا
في نهاية الممرر منسق الدي جي الزنجي الي لابس احمر في اسود وشعروو طويل وحاط السمعات علي ادنو وخاش جووو بيعطي الموجودين جوهم والكل مستمتع معاا
علي اليمين طاوله اكبر من كبيره عليها احجام واشكال وانواع الهدايا وعلي الجه التانيه طاوله صغيره عليها مفرش احمرر برضوو عليها تلاته مفكرات
علي كل مفكره صوره واسم يزن ونزار ومازن طبعا الشكل واحد كتبو الاسماء عشان يفرقوو وكل وحاد يكتب لصاحبو اي ذكري او كلمه او عباره طبعا دي افكار البنـــآت لأنو التوأم اخر شي ممكن يسوه يقرأوو
دخلو وهما مبسوطين وراضين عن الحفله ومستواها والناس الي فيهاا
جات المشرفه علي الحفل والي هيا المشرفه للقاعه وكدا وعلي طول عرفت انهم ضيوف الشرررف
مشيت معاهم وطلعو علي مكان مرتفع وعلي طاوله في اي بي مفرشها غير وكل شي فيها غيررر من طلعو الكل التفت عليهم مو بس لاانهم اصحاب التوائم المقربين كمان عشان جمالهم واناقتهم وجاذبيتهم
منسق الدي جي علي طول شغلهم اغنيه خاصه الين موصيه عليهااا
جلسوو علي الطاوله وهما متبسمين والاجواء عاجبتهم مرااا ولكن مو دا سبب ابتسامتهم طبعا كل واحد مخطط علي شي وعشان كدا بيتشققو من الفرحه
بعد ما انتهت الاغنيه منسق الدي جي صرخ بصوت عاااالي : لست قووووووووووو
ما خلص كلمتو من هنا الا اشتغلت اغنيه ميلاد اجنبيه اضاربو البنات علي ما ستقرو عليهااا
انطفت انوار القاعه كولهااا بستثناء المبات الصغيره الملونه والي منتشره في كل زواياا القاعه
اشتغل كشاف كبير واتوجه علي البابـ الي انفتح وخلفو التوائم واقفين وكل واحد راز الابتسامهـ
مشيو بخطوات هاديه ورايقه والعيون كولها عليهم مو بس لانو عيد ميلادهم لانهم نسخ ماشين جنب بعض
الموجودين بيطالعو فيهم وماحد عارف مين نزار ومين يزن ومين ماززن بس اتحمسوو طبعاا وبدت اصواتهم تعلا صريخ وتصفيق وزعيق
القروب علي الطاوله اكتر من مبسوووطين
ويزن ومازن ونزاررر نفس الشي كل واحد يلوح لاصحابو ويغمزلهم وصلو لنوص الممر واتفرقو كل واحد نزل والتفت لمجموعه اصحابووو

بعد نص ســآعه من الاحتفــآل



الابتســآمه شــآقه وجههو
مبسوووط وهوا عـآرف انو هيــآ بنفس المكــآن
اختفت ابتسامته لما شاف نزار بيعدي من قدامو
اتوجه له ومسسسكو وقبل لاينطق بكلمه جاا برضو مـآزن
نزار طالع فيهم مفجوع : ايششش فيي
يزن يهرج بصوت عالي بسبب الاغاني والازعاج: انتا من جدكك
نزار مو فاهم يطالع فيهم الاتنين : ايش بككككممم
مازن : دوبي عرفت من اسامه انك سبت سهاد
نزار سحب يدو من يزن : يأأخي فجعتني حسبت سار شي
يزن : صح الكلام ولا
نزار قاطعو وهوا بيعدل البلوزه : ايوا صح
مازن متفاجئ مرااا : ليش !!!
نزار بتريقه وهوا يضحك: طلعت هندوسيـه
مازن ويزن ولا واحد ضحك معاااه كلهم طالعو فييه بسخـآفه وهوا زاد ضحك : ايش بكم انتو ايش اللي قاهركم بالموضوع
يزن : انا مو مستوعب لدحين انك سبتها
نزار مايبى يهرج : دا الشهر كان كويس لينا ترا واللي عرفتو انو احنا عمرنا ماحنقدر نعيش مع بعض
مازن : طيب اقنعننني بشي عدل
نزار : ههههههههههه بقولك هندوسيه وانتهينا
يزن :ههههههههههههههههههههه
مازن : يعني دحين اقدر احش فيها عادي
يزن : ههههههههههههههههه حش ياأخي كنا نسوي جلسات مغلقه اول عشان نتريق عليها
نزار انفجع : نعمممم!
مازن خاف رفع يدو : مو انا دا يززززن
نزار : ههههههههه وربي انكم _ ماعرف يوصف فقال _ طيب كان ناديتوني معااكم
يزن : ههههههههههههههههههههههههههههه _ ضربو على ظهره وهوا يحس اخوه دوبو فاق _ ولكم بااااك نزااار


مازن انتبــه لرآمــآ ولانا جو ابتسسم على طول واتوجه لعندهم اهلييييييييننن بمززي
لانا سللمممت عليه : ههههههههههههه كللل سننننه وانتا طيب
وراما مدت يدها : كل عام وانتا بخيــر
مازن : وانتوو طيبين فينكم من اوول
لانا : ياشيخ راما تأخر بلد
مازن : هههههههههههه دا وانتي حاطه حجاب على راسك وخارجه في ايش تتاخري
لانا : انا ادري عنها
راما : بلاا مع نفسكم
مازن حط يده على كتف رآمــآ وقبل راما لاتشيل يده
اسامه شال يده من على كتفــها وبعدو وفضل واقف بينهم وحاول يهرج وكأنو ماسار دوبو شي : فينك من اول ادور عليك
راما وجهها راح الوووااان
ومازن بالعنيه بيعلق على الموضوع : ماكنت اقصد احط يدي على
اسامه قاطعو وهوا بيعلي صوتو عشان انفتحت اغنيه صجت المكــآن : اياد دوبو جـآ
مازن : اما وصصصصصصل
اسامه : ياشيخ اتغير
مازن : ههههههههههههههههه انتا من زمان ماتشوفو خليني اروحلــو
اسامه : طيب حتلاقيه مكان ماكنت اول
مازن : احلف انا فريت المكان كلو اي مكان كنت فيه اول
اسامه : ههههههههه اللي انا كنت فيه يافالح
مازن : اها
مشي خطوتين وسار يأشر للانا تجي معاه عشــآن يسيب راما مع اسامه
لانا فهمت مسكت يد راما : دقيقه حبيبي شويا راجعتلك
راما كان نفسها تقولها بجي معاكي بس ماقدرت ابتسمت لها : طيب
انسحبت لانا وهيا مبتسمه بمكــر
وماتدري انو الدور جــآي عليها
جات لحد مازن : على ايش ناوي
مازن : خليييهم لوحدهم
لانا : وحتجرجني وراك
مازن : هههههههههههههه لا بس بسلم على واحد من الشياب وبعدها نرجع لأسامـه وراما
لانا بحماس : نغللص علييييهم
مازن يطالع يمين ويســآر ويهرج : بزببببط فينو دا
لانا : مين !؟ << مرا ماكانت معاهم وقت اسامه ماهرج
مازن : واحد اعرفو دحين اوريكي هوا
_ شافو بس كان داير ظهره مسك يد لانا وسحبها _ شووفيه هنـآك
لانا : ااه يدددي بشويش


اامآ رآمــآ
ضمت يدها تحت صدرها وهيــآ بتشــوف كيف الكل بيــرقص
اساسا منسـق الديجي قالب المكــآن
اللي مايعرف يرقــص مع الرجه والاستهبـــآل
رقــص
حاسه بنظرات اسامه لها وطلت فيه لما قلها : مو عاجبك المكـآن .؟
راما : الا بس مستنيه لانا _ اشرت بيدها _ روح عادي مو ملزوم توقف معايا
اسامه رفع يدوو وحرك الخاتم وسط صباعه : لساتي لابسو
وكأنو بالجمله دي يدقها أنو ملزوم اوقف جمبـك
رفعت هيا يدها الفاضيه : وانا مو لابستو وبعدين فسخو قبل لحد ينتبه
اسامه : بكيفهم
راما انفجعت حسبت انها ماسمعت من صوت الاغاني حطت يدها على ادنها وقربت منو : نعععم
هوا نزل راسو قريب من اذنها وقال عشان تسمعو :
بكيفهم
وبعدها طالع في وجهها
يمكن الازعــآج دا مديه جرأه يهرج
يعرف انو ماحتكون عندها اي ردة فعل مبــآلغه
لأنو حوليهم الكل
راما بتلكلك قالت : ايش بتخرف انتاا
اسامه سكت شويا وبعدها قال بصووت عااالي ومع انتهاء الاغنيــه : ماحطلقك ياراما
هنــآ رآمــآ فتحت عينها على وســـعها
طالعت حولينــهها
حست بنظرات شادن ورودينا والين اللي دوبهم كأنو جايين يسحبو اســآمه
بس وقفــو مع الصدمـه
دقــآت قلبــها بدات تتزايد
مو عارفه ايش تقول
ايش تســوي



رنيـــم وافنــآن بعيد عن دي الاجواء كليــآ

رنيم : هههههههه افنان كم مرا اقولك لاتلبسي كعب
افنان : فاكره لما طحت
رنيم : ههههههههههههههه توووبي ياااشيخه
افنان : ماقدر احرم نفسي من الكعب
رنيم : المفروض تتعضي بس مافي امل فيكي
افنان : هههههههه مشي حالك يلا دورنا نبـآشر بدي الاشياء
رنيـم : يقولو العدد مرا كبيـر
افنان : دحييين نشوف
رنيم : يلا

وقفــو وراه بـــزبــط

ضربو على ظهره : ايااااد
اياد طالع في مــآزن وابتسسسم : ياااهلييين
الاضاائــه خافته مانتبه للبنت الي جمبو على طوول
اما هيا كانت بتطالع في راما من بعيييد بس لما سمعت الاسسسسم والصوت فتحت عينها على وسعها ودارت راسها بشوويش اتجاهه
سلللم على مااازن : رجعت مخصوص عششانك
مازن : ههههههههههههه بللهي تروح شي زي كداا علييك ماتتكرر الا في سنــه مرا وحده _ طالع في لانا وقال بمزح _ دي خطيبتي لانا
اياد طالع في لانا وانمحت ابتســآمتـه تدريجيا من على وجهه حس قلبــه طاح من مكــآنه
شعووور مو طبيعي
مازن طل في لانا وحس انو الوضع فيــه إنا سار عارف انو حظو اهبل اول اثير تعرف اسامه وبعدها راما خطيبه اسامه ودحين لانا تعرف اياد قال بملل : اما عاد كمان تعرفو بعض ماينفع ولو لمرا في التاريخ اعرف ناس على بعضهم
اياد مفجوووع قال بصدمه : خطيبتك !
لانا برده فعل سريعه : لا بيمزززح
مازن: ههههههههههه بمززح ياأخي انتو كيف تعرفو بعض !
اياد رجع ابتسسم حس قلبه كان بيوقف مع كلمه " خطيبتي " دوبه بيشرح علاقته فيها بس هيا ماسابتلو مجال
لانا ولا طالعت في اياد مرا متنرفزه لأنو سحب عليها قالت بجفاصه : كآن مستأجر في عمارتي
قالتــها باإسلووب جددددددددن باااارد
حتى اياد رفع حاجبه وطالع فيــها
مازن بشك : بس !
لانا ابتسمت لمـآزن : ايش حيكون يعني فيه اكتـر
ايااد عرف انها زعلانــه ولساااتو مايعرف لانا دي لما تزعـــل ايش تســوي
مستني مازن يروح بس عشان يهرج معاها على رواق
مازن : مدددري ؟!!


اشتغلت اغنيــه خليجيــه ودا موود مــآآآآزن في الرقــص : هيااا دي الاغاااني
وســـآبهم الاتنين
هوا رااح يرقص ولانا كانت بتمشي الا مسسسك يدها اياد : اصببري
لانا سحبت يدها وسـآبتو بدون اي تعليـــق
مرا انصدمممم
ماتوقع ممكن يقابلها وتكون ردة فعلــها كدآ


اتوووجهت لعند رآآآمــآ وهما كآنو في وضععع صااامت
الاربعه مصدوميـــن وهوا شبه مو مهتم
بيطالعو في اسامه يبو تبرير
ولانا بكككل سهوووله وعصبيـــه جرت راما من الوضـــع دااا وخرجتها زي الشعره من العجيــن
راما زي اللعبببه لو لانا وقفت ممكن توقف مشي
بس لانااا مآآشيــــــه بكككل عصبيــه وساحبتــها معاهاا

اتوجهت للحمــآمااات
مكــآن هادئ تقريبــآ وسااابت يددد راما
راما طالعت في لانا بتنــآحه ومو عارفه ايش تقوول من كتر مو مصدومه بكلمه اسامه
اما لانا انفجججرت وهيا رايحه جايه في المكان: الكللللللب قددددددر يجييي هناا بس مااقدر يررفع عليا جوال ويقولي يالانا وصلت ياأومي حتىىى لو لو انو مســآفر ايش حيخسر لو كلمننني من هنــآك يرسل مسج على الاقللل _ خللت يدها في شعرها ورجعتو كلو على ورىى _ ااااه عصبببببببببني وربي مقهووووره
مقهوووره
راما بلعت ريقها وهيا تبى تستوعب مصيبتها قبل هرجه لانا : ايش في
لانا اشرت على نفسها بقهر : انا اللي اديتو وجه اصلاا من يوم امو ماجاتو ولا كأنو يعرفني ولاسئل _ طالعت في راما _ انتي مستوووعبه 3 اساابيع مايكلمني وقبل لايروح لمحلي انو يحبني بللهي دا يستهبل ولا يسستهببل وكمااان يعرف مازن انا بفهم الكره الارضيه كلها تعرف ماازن ولا ايش الهرجه دي
راماا : انتي عن مين بتهررجي
لانا رفعت يدها وضغطت على اسنانها: اايااااد
راما بدات تفوق : مين اياد
لانا غطت عينها وزفرت بضيق تحاول تهدي نفسها شالت يدها : اللي كان ساكن تحتي ياراما
راما : وايش دخلك فييه ؟!
لانا اشرت على نفسها وهمست : احببوو ولما بينتلو اني احبو اختفففى فجأه ولا سار يكلمني بللهي مو شي يقهر وربي احساااس غبي ومتخلف
راما رمشت بعينها كد مرا وقالت : ومازن مو انتي تحبي مازن ؟!
لانامع العصبيه بدي اللحظه خرجت كل شي : ايش ماازن كنا بنمزززح عليكي هوا صاحبي وانا صاحبتو وانتهى الموضوع
راما اتفاجئئئت : نعمممم 1!؟!
لانا : دارت جسسسمها : آآآه انا في ايه وانتي فييي اييه
راما جات قدااامها :ليش طيب تخرفو علياا كدا !؟
لانا : خلاص مو وقتو دا الكلام
راما بجديه : لانا بلا هبببل اهررجي
لانا : اوووف ياراامااا الهرجه كلها واضحه مايحتاج تخبي اكتر من كدا
راما بان الارتباك على طول في وجهها : اخبي ايــش ؟
لانا طالعت في راماا وهيا ساكتــه تباها تفهم بس راما مسويا نفسها مو فاهمه : ايش ؟
لانا همست : انك خطيبه اسامه

اتلمو حولينو التلاته ومو مستوعبين الكلمـه اللي قالها اسامه
بدا يعصب من دا الوضـع اللي بينو وبين رآمـآ
يحس علاقتهم في حســآسيه مرا
ماعندهم ديك العلاقه اللي تخليه ممكن يوقف قدامها
ويقــولها بثقه " انا بكمل كل حياتي معاكي "
لسى في توتر كبير بينهم
بس كل اللي متأكد منو على قد مايكره اهلها
بس هيــآ غير عنهـم
شادن اشرت لفين ماتوجهت راما : انتا خاطبها رسسمي
الين طالعت في يدو ولمحت الخاتم : اسامه يعني ماكان داك يمزحح علينا ؟!!!!
رودينا : وليش اساسا تخبي علينا
اسامه مو فايق يرد عليــهم يحس االووضـــع مراا متوتـــر
الناس كلها في عااالم والقرووب دا في عالــم آخر
اسامه : خلاص بعدين افهمكم
كان بيمشي بس الثلاثه وقفو قبـآلو وماخلوه
الين بين اسنانها : حتهرج دحييين
اسامه : اوووف ياااشيخه ترااا وربي واااصل حدددي مو ناااقصكم
شادن حطت يدها على صدره : ترا ماحتمشي من هنـآ
اسامه دقيقه عاشها بحيــره
مابين يقولهم
مايقولهم
طيب لو قلهم هوا ضامن انو حيفضل خاطبها ؟!!
او ممكن يفسخو الخطبه ويجيب الكلام لنفسو وليـها
فكررر في دي الدقيــقه بتســرع
مايدري ادا حيغلط بردوو او لأ
بس دا اللي يحس فيــه : ايوا خاطبــها لينا شهرين اتوقع
رودينا بصدمه : وليش يعني تخبي عليناا حاسدينك مثلا
اسامه : وربي سااايره هرجه ماقدددر خلاص اهررج هنــآ
شادن نزلت يدها وضمتها تحت صدرها وقالت بعتب : خلاص الحقققهااا
اسامه ماحب يمشي وهما معصبيـن وبنفس الوقت الاغاني صجت اهلــو : امشووو براا
ولا وحده ادته وجه
قال باأمر : قلللت امممشششو برااا
مشيــو التلاته قدآمـــو وهوآآ ورآآهم


خرجو بــراا وفي مكــآن الاستقبــال كآن تقريبا فاضي
رودينا على طوول هرجت : ايش حتفهمنا يعنني خاطبها لك شهرين وماقدرت تكلمنااا ايش عزرك اصلا
اسامه : عذري اني مااقدر اهررج
الين : ليش ؟
اسامه مايقدر يفضحها : لأنو دا اللي يباه ابويا هيا بنت عمي وخايف عليها من الاجواء حقتنا دي مو داري انها صاحبت مازن ودخلت غصبا عننا وبعدين انا اول ماكنت اباها ولا هيا تباني بس تعرفي في العيله تشدد من هرجه اولاد العم لازم كل واحد ياخد من العيله لكن حاليا انا ابااهاا وهيا تبى الطلاق فهمتو
سكتو ماعرفو يعذروه ولا مايعذروهـ
الين : ولين متى كنت حتخبي علينا
اسامه : لأنو انا وهيا متفقين انو نطلق من البدايه
فاقلت مالو لزمه افاتحكم بالموضوع دام الهرجه كلها سايره بس في العيله يعني لو مازن دحين ماعرفها كان طلقتها ومحد دري منكم
رودينا رجعت شعرها ورا اذنها وحست انها اتعاطفت معاه :انتا تباها ؟
اسامه سكت
شادن طلت في رودينا كانت لسى تبى تعاتبو بس فكرت برضو حست انو نفسيتو هوا اصلا تعبانه من بعد وفاة امو
بلاشي يعاتبوه ويزيدوو عليـــه
الين : مو عارف ايش تبى
اسامه حك رقبتو بتردد : انا اباها بس
رودينا قاطعتو : بس ايششش ؟! ماتباك هيا ؟
اسامه : احسها لسى ماتعرفني و
الين : دحين البنت كملها يمكن 3 او 4 شهور عايشه في بيتك وماتعرفك تستهبل انتا
اسامه : ايوا يعني ماقد جلسست هرجت معاها كلمتين عدددل
شادن : ههههههههه على اساس انك بتجلس معانا وتهرج عدل انتا كداا طول يومك
اسامه : انتو غير بلا فلاحه
رودينا ضحكت : يعني تحبها
اسامه وجههو راح 6 × 7 : مو تتسرعو يعني هيا خطيبتي في االنهايه
الين : ههههههههههههههههههههه استحىىىى
اسامه طالع فيهم بجديه : بلا سخافه انتي على هييا
شادن : طيب طيب فهمنا انك ماتبى تطلقها وهيا تبى الطلاق مو ؟
اسامه : ايووا مصممه هيا على الطلاق
الين : طيب خلاص ادخل جوآ
اسامه رفع حوآجبه : نعم ؟!
الين : خلاص بقولك سيب الباقي علينا نزبط وضعك
شادن : ايش نسيت احنا ايش ممكن نسوي
اسامه بخوف : ايش حتسو للبنت
رودينا : ههههههههههههه تتحدانا نخليها تجي لعند وتقولك خلينا نتفاااهم ؟
اسامه : ههههههههههههههه اقول لاتتدخلو تقومو تخبصو اوم الهرجه
الين : اسامه مالك صلاااح قلنا ادخل جوا وارقص وهييص ومالك صلاح في الباقي
اسامه بضعف : والله مو قادر حسيتها مرا زعلانه مني نفسي اهرجها
كلهم طالعو فيييه وكأنهم بيتريقو عليــه
رودينا: اقول ياالخطيب المنبوذ ادخخخخل جووا ااحسنلك
اساامه عدل ياقة البلوزه وحاول يحافظ على كلامو لنفسو قبل لاياخدوه ضحك : انا الغلطان بهرجكم
شادن ضربتو بخفه على يدو : ادخل ادخل
اسامه بترجي : امانه لاتسولها شي
الين : هههههههههههههه ادخلللل ياأأخيييي
اسامه : طيب دااخل _ فضل لسى واقف وهوا خايف منهم ايش ممكن يسو في راما _
رودينا بعصبيه : ادخخخخخخخل
اسامه دار جسمو : اهوو داااخل


دخل اسامه وهوا مابين خايف انو يسيب راما للثلاثي
وبنفس الوقت مالو غير دا الحل يمكن بيدهم يعدلو الوضــع


اما الثــلاثـه طالعو في بعض
شادن : ايش حنســوي
رودينا : ههههههههه مدري
الين : اممم هرجه انو نخليها تغار ودا الكلام مرا حركات قديمه ومالها داعي
شادن : اصلا مافكرت فيها
رودينا : لازم شي نخليـها تحزن عليــه
شادن : البنت باين عاطفيه يعني بسهوله نقدر نخليها تحزن
الين : ترا لاتغركم صح انها في حالها بس شكلها قوويــه
رودينا : والحل ياست الين
الين : اممم نقولها اسامه بكرا حيسافر
رودينا رفعت حواجبها : طيب ؟! حتحزن يعني ههههههه
الين : لا ياعبيطه نقولها مرا مرا حيسافر يعني ماحيرجع
شادن : هيا تبى الطلاق يعني ماحتهتم لو سافر اصلا بالعكس حتعتبره فكه منه
الين :اوووف طيب نقولها
رودينا قاطعتها : ليش اللف والدوران ؟
شادن : لأنو دا الحل الوحيد
رودينا : لا مو حلنا الوحيد بالعكس لو مسكنااا البنت في مكان هادي وغسلنا مخها نقولها اسامه يحبك ودايما يحكينا عنك وهوا يباااكي بس خاايف تفهميه غلط ونزييييييييد طلاسسسسم لين مانحنن قلبها
الين : ايوا ايوا احسسسن كدا ونقولها لما كلمناه وهوا باإيطاليا قلنا انا احس مالي مكان في دبي وخايف ارجع وتقولي راما نطلق وانا اباها ومو مستحمل شي يتعبلي نفسيتي اكتر
شادن : هههههههههههههههههههههههههههههههه حتبكي البنت
الين : لو ماتأثرت نززززيد كلااام كتتتتير نخليها تروحلو بنفســها
شادن : طيب خلونا اول نروح لأسامه ونقوله لايرقصصص يقوم يخرب الهرجه
رودينا : ههههههههههههههه نقولو سوي نفسك حزين
الين اتحمست : يلا يلا ندخـــل وعلى بال ندور عليها كمان


دخلــووو ولقــو يزن مسلط عليــه الكشـآف الابيـض
ومعاه المــآيك وبيضــحك
وقفو الثلاثي وطالعو في بعض : ايش فيي
رودينا رفعت حواجبها : طول عمره يحب يلفت النـآس
يــزن ميت ضحكك وبيحاول يقول كلمتين على بعضها عدل مو قادر مازن طلع جمبو واخد المـآيك
طبعا وقفو الاغــآني
وصوت يزن ومــآزن بس اللي في القــآعه
مآزن : نزااار في ولا لأ
نزار رفع يدوو وهوا بعيييد وجالس على الكــرس ي: هنــآ
مازن : هههههههههه طيب حبيت اقولك انا ومازن كل عام وانتا بخيــر بما انك اخونا الكبير سونا لك مفاجأه حلوووه
يزززن بعععد عن مـآزن وهوا يضضضضحككك
مازن اشر على البروجكتــر كانت في 3 شاشات كبيــرهه في المكــآن : شغلـــووو


وانفــــتح بكــل القــآعه
المقلــــب ووهمـــآ يصلووو علـــى نزآرررر
نزاار وقف غلى طوول وسار يقوول : وقفوووو يزن ومااازن احسسسننننلكم وقفوووو
محد سااامعوو
صووت المقطــع مراا عاااالي

ضحكككككااات الكل غطططت على صووت نزااار
وزاااد الضحكككك في المكان
على ردة فعل نزار لما قاااال : ارحمننني يااارب ارحمنننني
نزاااار ماقدر يسووي شي
مقلب جاامد مستحيل ينســآه
وبنفس الوقت مستحيل ينسى دي اللحظه اللي الكل بيضحك عليـــه
اتوجه ليزن ومــآزن على المنصــــه
مازن لما شاف نزار جااي قال : اعيييد تــآني ؟
الاغلبيــه : هههههههه ايووووووووا
لما نزار قررب مازن خاااف واشر لمنسسق الدي جي : Music
واشتغلت الموسيقى من تــآني في المكــآن
ونزززل مااازن ويززززن يشردوو من نـــزااار
ودخلوو بين النــآس وهما ييضحكووو ولما جوو في المنتصف سارو يرقصصوو ولا كأنهم دوبهم مسوين شي
مازن : ههههههههههههههههههههههه حيقتوولناا
يزن : هههههههههههههههه اخصرك منوو ماحيشوفنا _ رفع يده وشاف السـآعه وافتكر رنيم زادت ابتسامه اليوم مرا مرووق _ يلااا ورايا شغللله
وانســحب من المكـــآن اتوجه لعند باب القــآعه اول مايدخلو العاملات من هنــآك
لازم يستناها عند الباب لأنو خـآيف تشوف صورتو في المكان وتنسحب على طول

شادن : ههههههههههههههههههه وربي مو صاحيين
الين : هههههههههههههههههههههههههههههههههه كنت حاسه انو معاهم مصيبه
رودينا حطت يدها على بطنهاا : حسبيه الله عليهم بطني وجعتني
الين وقفت ضحك اول ماللمحت لانا وراما : شوفووهاا هنــآك
وراحوو على طوول باإتجاههم
: راما
وقفوو مشي راما ولانا وطالعو فيهم
رودينا عينها على طول جات للانا ولانا ولاادتها وجه
راما : نعم
وجا صوت خشن من جمبهم : لانا
الخمســـه طالعو فيـــه وكآن اياد
اياد ورودينا طلو في بعــض
الوضــع فيه توتـــر مرآ
اياد ابتسم للبنــآت : الين اهلييين
الين مغرمه بشكلو كدا على طول ابتسمت : اهلييين ماتوقعتك تجي
اياد مد يدو ليها : هههههه ومازن حيهجدني لو ماجيت
الين سلمت عليــه
وشادن بشك قالت : انتا اياااااااد
اياد بتفاجئ : شاااادن كبرررتي يااابت
شادن ضحكت وقالت وهيا مو مستوعبه : ماشالله مرا اتغيرت _ طالعت في رودينا وهيا متفاجئه _ ماقلتيلي انو سار كدا
اياد ضحكك : هههههههههههههه ايش فجعتك
الين : هههههههههههههه لا دي مو فجعه نفس الحاله لما شوفتك فعاادي
اياد ضيق على عينو وطالع فيهم بشك : متأكدين
شادن تعالو دوروها قال كلمات اغنيه كاظك بلحن: هل عندك شك
لانا مراا وللللعععععععت
كان نفسها تديهم كففف
شادن على الييين
وقحااااااات بنسبه لهااا
صح كبرو معاه وبعدها اختفى فجأه وجاا متغير 160 درجه بس برضها تعتبر ردودهم وقـآحه
رودينا ولا علقــت وكانو اياد موموجود
اياد : ههههههههههه يلا ليا جلسه تانيه معاكم بس باخد لنوش شويتين
شادن : هوا انتا تعرفها ؟!
اياد : ايووا _ طالع في لانا _ ممكن شوويا
لانا لو جا وهيا لوحدها كان عصبت فوقو ولا كلمتو
بس بعد ماشافت ردة فعل البنات كدا عليــه اضطرت انها تروح معاه عشششان لايجلسو معاااه
مشيت وعيون الين وشادن لاحقتــو
وبعدها طلو في رودينا : ترا انتي من جد صحبه على الفاضي
رودينا شمقت : مع نفسكم
الين فتحت عينها على وسعها لما اتذكرت هرررررررجه
مع مصـــــآيبهاا نسيييتها مراااا
بس دوبها
دوووبها استوعبت
طالعت في راما
اتذكرت لما قالها اسامه
انا رايح املك على بنت عمي لأني غلطت معاها !!!!
دووووووبها اتذكككرت
بدات تسترجع محادثتها ديك مع اسامه
وخلتها في نفســها : ممكن نهرج معاكي
راما :لو موضوع اسامه ماحهرج فيه
رودينا مسكت يدها وسحبتها : تعااالي نجلس ونهرج
راما مشيـت معاها
واسامه بيتفرج من بعيد وشادن تأشرلو مايطالع
وراما ولا تدري اصلا فينو اسامه
جلست على احد الكرآسي وحطت شنطتها جوالها على الطاوله
والتلاته اتشعترو حوليــها يطالعو في بعض كل وحده مستنيه التانيه تبدأ
رودينا: احم شووفي _ قربت منها وتعلي صوتها _ احنا عارفين انو انتي واسامه كنتو اول ماتبو بعض بس عاداتكم لازم كل واحد ياخد من العيله وكدا خططتو تطلقو بعد فتره
راما اتغير وجهها وهيا تسمع الكلام اسامه لف اوم الموضوع عليهم
اما الين بتتفرج على تقلبات وجهها وعرفت انو اسامه ديك المرا مابيضحك عليها
رودينا كملت : بس دي الفتره اسامه حبك
راما دقات قلبها ورا بعضضضضها تددددق
بسرررعه كبيـــرهـ
رودينا : ويبــآكي راما ماتصدقي قد ايش هوا دايما يحكينا عنك والشي الوحيد اللي مرجعو دبي عشان يقولك لاتسيبيه بس انتي فاجأتيه وتبي الطلاق ومصممه عليه وانتي شايفه دي الفتره نفسيتو زفت امها مالها فتره متوفيه وجاي لهنا عشان اصحابو ولا هوا ماكان راضي يجي لاتزوديها عليــه
راما التوتتر من جواتها متملكها
ماتوقعت انو حتسمع دا الكلام
اصلا ولاحسست فيه من اسامه
يمكن حست انو يغار عليها
بس دا الشي ماكان كفايه عشان تعرف

: يعني ؟
رودينا : يعني ادا انتي مستعده تكوني معاه لاتسيبيه
شادن : وبعدين
راما دارت عليها
شادن تكمل : هوا قلنا دوبو ادا طلقتها انا ماحبقى هنا حسافر اساسا جا عشان يتفاهم معاكي بدا الموضوع بس انتي الله يهديكي ماخليتي في مجال للنقــآش
راما حست باإحساس حلو جوآتها
انو يبــآها قالت وهيا مو مستوعبه : هوا قلكم كداا ؟
الين : اييييوا والله حزنا وهوا يهررج ترا انتي اول وحده اسامه يحبها فلاتحرميه من الاحساس دا _ وطبعا على الوتر الحساس تجيبها _ مايكفي انو امو الله يرحمها سابتو لوحده وانتي عارفه علاقتو مع ابوه مو قد كدا خلي ولو لمرا شي حلو بحياتو يسير
شادن : شوفي احنا مانلزمك على شي اانتي مو حاسه فيه
رودينا :ايوا يعني ازا ماتحبيه مو مشكله كل واحد في طريق
راما بردة فعل سريعه : لا _ حست بنفسها _ قصدي انا ايش عرفني بكلامو دا كلو اشم على قفى يدي انو يباني
الين حطت يدها على صدرها : امسحيها في وجههي هوا في دا الكلام مايعرف يقول كلمتين عدله يعني بللهي انتي قد سمعتي كلام حلو من دا الولد
راما : لا
الين : هوا كدا جفص لو تحبيه حتحبيه بكل عيوبه ويمكن معاكي يتغير ويعرف يهرج عدل
رودينا افتكرت يزن وقالت : وبعدين ايش تبي بواحد لسانو معسوول واي بنت تهرج معاه تطيح فيه خليه كداا مايدي وجه ومايعرف بدا الخط احسنلوو
شادن : انا ادددري تجيبي الوجع لراااسك
راما تفرك اياديها في بعض وتفسخ الخاتم اللي بيدها وتلبسسسو قالت بخوف واضح : مدددري
الين : من النهايه انتي تحبيه ؟
راما باإحراج : يعني
شادن اتنرفزت : لاتضيعيه من يدك احنا ماحنقولو كلامك بس نبى نفهمك
راما : يعني يعجبني وفي النهايه هوا خطيبي
طالعو في بعض لأنو تقريبا نفس رد اسامه
عرفو انهم يبو بعـض
رودينا : شووفي ياراما دحين لو تبيه يعرف انك تبيه سوي اللي اقولك عليه
راما ساكتـــه
رودينا ابتسمت وبدأت كلامها : روحي عنده وقوليلو اباك في موضوع واخرجو براا المكان هاجد
راما على طول قالت : لا لا اخاف مابى نكون لوحدنا
رودينا : اوك مو مشكله خليكم هنا بدا الازعاج
راما : طيب ؟
رودينا : قوليلو بعصبيه شوف يااسامه ياالكل يعرف انو احنا مخطوبين اليوم ولا طلقني
راما انفجعت : نعععم
رودينا : مو دا حقققك ؟!! هوا اسامه بما انو يحبك حيقول للكل بكرا ولابعده
راما : لا بس استحي
الين : مو عشان كدا حتقوليها بعصبيه قوليلو هيا طيب بإاسلوب تاني انو انتي طفشتي من دا الوضع واحنا نجي نسألك كتير ولو قلك ايش الحل قوليلو عندك خيارين ياطلقني دحين ولا
راما : ولا ايش
الين تبى تجيبها باإسلوب : ايووا قوليلو ولو تباني تعرف ايش تسسسوي وامشي وسيبيه ودا وجهي لو ماقال للكل انك خطيبتــو
راما اتشجعت : بس مستحيه
شادن سحبتها : اقوول قووومي بســـرعه
راما وقفت وخافت اكتر : لا لا خلاص بطلللت
شادن : هههههههههههههههههههههههههههه ماحيسويلك شي ياااشيخه ارمي اللي عندك وانتي واثقه وارجعيلنا بس
الين تشجعها زياده : لاتبيني انك خايفه ولا مترردده
راما بلعت ريقها : طيب
روودينا مررت يدها على كتف راما : يلاا روحيلوو

وآقف عند الباب الصغير اللي حيخرجو منو العاملاآت
خرجت افنان وابتسسسمت : وااااا
يزن طالع فيــها وبعدها لمح رنيم وراها
مبتسمــه والاضائه على حظو سارت مرا خافته
والصور مو واضــحه
اول ماشافــها وكأنه روحه ردتلو من جديد
لاشعوريا اترسمت ابتســآمه اشتيــآآق
ابتســآمه تعبببب
شههههر مايشوفها
حس حتى لو انو يبى يقولها شي حيضيع الكلام كعادته
ولااتحرك من مكـآنه بيراقبـها بس وهيا تمشي
دقات قلبــو يحسها بتووقف من كتتتر مادق بكل سرعـه
مالو نفس يتناقش معاها
ولا يقولها ليش سويت كدا وانتي ليش كدبتي
كل اللي نفسو يسويــه بس يحضنــها
دا اللي يتمنــآآآه اكتر من اي شي بدي اللحظه

مشي لمكـآن هيا ماوقفــت وفي بنت بتاخد منها الحلا
ناداها بكل شووق : رنيـــــم
دارت وطاااح اللي في يدها لما شافتـــووو
مو خووف
لا لأنو في دي اللحظه كان في بالها واخر شي كانت تتوقع تشووفـــه هنــآ
مع الاغاااني اللصصصوت ماااطلع مراا عااالي
ولا اتحركت من مكــآنها
جا لعندهااا وقفها قدامها بزبـــط
يبا يحضنهاا بس لسسسى موقفو الف شي
لكن مد يدو ومسسسك يدها وشد عليييها
قرب منها اكتتتتر
ولابعدددت
حست كأنها في حلللم
المكااان على انوو مزززززززدحححححم
بس محددد داري عنهم
تطالع في عينــه
في شكلــووو
كللل شي وحشــها
على قد انها عتبــآنه عليــه
بس في اشيااء كتير موقفتهاا
حتى لمســه يدها
ولما يششد عليــها وكأنو خايف انها تضيع منوو تاني



ايش يقــول
وايش اللي مايقــول
علىى قد ماكان مبسسسسسسسسوط طول اليوم
لأنو له شهر مخطط
بس كعادتــــه اضعــــــــف انســآن لما يحب
مايعرف يهرج كليـــآ
في النقاشات محد قدووو سيد الرجال كلهممم
بس معا دي البنت بذات يسير ولاشــي
خاف انو تمشي وهوا مــآقال حــآجه
عشااان كدا قربــها لحضنوو
وحضنــها وسواا الشي اللي يتمنـــآآآه
روح وردتلـــوو
وهيا ولا حركــه بحضنوو
مو مصدقـــــــه انو دا يززززن
الفجعه مجبستــهاا
حااااسه بتنفسسو السريــع
بدقاااات قلبـــو اللي وراا بعضــ
كيـــف تقدر تكدب دا الشي
حــآجه هوا حتى مايقدر يتحكم فيـــها
هررج بقمــة ضعفوو وهوا في حضنها ولا سابــها : رنيم وحشتييني _ اتنهد بصوتـــه ويهمسلها _ وربي كنت ضاايــع بدونك
رنيم غمضت عينها حاولت تبعدو بدون ماتدفو اصلا لأنو ماعندها اي قوه جسمها مرتـخي كدا قالت بكل تعب: يززن سيبني
يزن حســـها مو مهتمــه زيوو
هوا مو قادر يكلمــها من كتر مايبى قربــها
حطمتـــو كليـــآآ
خلاص مايبى يزيد ويعيد في الموضوع
حيفضل يعتذر وهيا ماترضى
وتسيبو كعادتو ضايع
حس انو دي نهايتهم
حضنها اكتتر
وخلاص يتوقع دي اخر مرا يقرب منها بدا الشككــلأ
يتخيـــل بسسسس انو كل واحد حيخرج من دا المكـآن
لوحده
مو زي ماكان مخطط
نزززلت دمووعه على كتفــها ماتدري قد ايش كان مخطط
لدا اليـــوووم وكل شي حسو انهدم بكلمه منــهاا
فتحت عينها على وســعها
ننقطه ضعفها هنــآ
الا دا الشي
ماكانت ابدن متوقعه انو ممكن يبــكي
يهــرج ويبــكي وهنا هيا ضعععععععععففففت بكل معتى الكلمــه : انا سبتك شهههر عششان قلت يمكن دا اللي تبيه بس ماكنت متوقع اجيكي وماتبي كمان تشوفيني رنيم انا تعبببان من غيرك انا وربي تعببببت وطول دي الفتره افككر كيف ارضيكي خلاااص ايش تبيي مننني اكتر من كداا
رنيم دموعها ورااه نزززلت
حاضنها
ويبــكي
ويترجــآها
مووقف لينها كل همها في دي اللحظه انو يوقف بكـآ : خلاص يززن
يزن حط راسو على كتفــها وماهمو في دي اللحظه اي احدددد
لأنو ولاأحد حاسس قد ايش هوا بيتوجع بدي الفتره
خلاص دا اللي قدر يقولو عشان حاضنها بصمممت
ولو دا اخر حضن بينهم فاهوا ويبــكي في حضنها

غمضت عينها ونزلت دموعها اكتــر
رجعت فتحت عينها ورفعت يدها وحطتها على ظهره بدون اي تردد" اتخيلت لو انو مسلسل تشتغل موسيقى هنــآ :P "

همسلها وصوته مخنووق: احببببك
هيا حاسه ببكـآه بس هوا مو حاسس باأي شي منــها
كآنت تبــكي بصمـــت
دي الفتره كلها كآنت بس تبـــكي
لدرجه ماتخلي احد يحس ببكــآهاا
دموعها تنزل تتألم من جوآآآآ
بس وهيا في حضنــه كانت تبــكي بدون اي الــم
على قد ماتبى تعـــآتبــه
بس دي الفتره الطويلــه كآنت كويســآ ليهم
القلوب تتصفــى
الشووق يــزيد ويمحي الف عتــآب معــآه
كل اللي يفضل في بـآل كل واحد فيــهم
" خليـــك جمبــي "
بعدها عن حضنو يبى يشووف وجهها
يطالع فيــها
وحشتو
اول مابعد عنها هيا غطت وجهها بيدها وتبــكي
بحـرقــه
يمكن بكاها جبلو بصيص من الامل انها تبــآه لساتها
مسك يدها وبعدها عن وجهها : رنيم قولي ايش نهايه دا كلو خليني ارسى على بر
كانت بترفع يدها تمسح دموعها
الا هوا مسك يدها ومسح دموعها
كعادتو لو دموعها بسببو مايحب الا هوا يمسحـهاا
بدأنو الناس يلاحظو وجودهم
اللي يمر من جمبــهم يطالع فيــهم
بس هما الاتنين ولا عبــرو احد
رنيم اشرت على نفسها : وانا كمان تعببت
يزن : انتي عارفه انو بيدك دا كلو
رنيم اشرت راسها بنفي : لا مو بيدي
يزن مسك ذقنها ورفع راسها : طالعي فياا انا من يدك اليمين ليدك الشمال قولي اللي تبيه وحسويه
رنيم من بعد كلامو من بعد الاحساس اللي حستو وهيا في حضنو
كيــف تبعد عنو
شهههر وهيا كل مرا تسئل عنو
ترسل اي احد
من بعيد لبعيييد
تبى تتفقد اخباره
بس محد يدري عنو شي
وهنا كانت بتتعذب
: مدري
يزن : ايش هوا اللي ماتدري
رنيم : مدري ييايزن خاايفه من كل شي
يزن : كل اللي سار اول انسيه ابدأي معايا صفحه جديده دا اللي بطلبو بس منك
رنيم انتبهت للمراقبــه عن العاملات بطالع فيها سحبت يدها منوو
ورجعت خطوى لورى : بعدين نتكلم
وماسابتلو مجــآل مشيت وهوا فضل واقف مكــآنو
حطمتـــو كليــآ
لين ماختفت عن عينو دار جسمو ومشي
بدون اي ابتســآمه
ولا الفرحه اللي كان فيــها طول دا اليووم
اخدتها منو بدي اللحظه ومشيت بكل بروود


شادن الين رودينا ومازن ونزااار
محتفليـــــــتن بكل للحظـــه
ومهيصين مو دارين بمشــآكل البعــض
ولا المواقف اللي بتحدد وضــع حيــآة كل شخص





بعدها عن الازعـــآج دا كلوو
مايحب يهرررج هنـــآك
بذات لأنو عارف ممكن يكون النقــآش حــآد
ضمت يدها تحت صدرها وقالت : هاا !
اياد وقف قبــآلها : لا السلام عليكم ولا كيفك ولا فينك ياإياد طول دي الفتره !
لانا : والله اتوقع احنا في عصر متطور في دا الشهر كآن باإمكانك تقول دا الكلام برضو ليا بدون ماتكون قبالي
اياد : دا اللي مزعلك يعني
لانا نزلت يدهاا : ومين قلك اصلا اني زعلانه وعلى فكرا جيت بس عشان لاأكسفك قدامهم
اياد : لانا بلاشي دا الاسلوب معايا
لانا : بكيفي اهرج زي ماأبى _ اشرت _ روح روح اجلس مع شادن والين بيطقوو عشان يهرجو معاك كلمتين
اياد مو عارف ايش دخخل كلامهم بشادن والين : انتي شاربه شي قبل لاتجي
لانا : لا والله بكامل قواي العقليه شكلو انتا اللي تشرب وتنسى
اياد لأول مرا يتضارب معاها بدي الصورة ويشوف اسلوبها المستفز قال بهدووء : لانا ضيعت رقمك شريحتي انحرقت حاولت ادبر رقمك كدا مرا ماااقدرت ايش اسوي يعني
لانا انكسسفت من نفسها بس ولا ثانيه الا رجعت تلومو : ماشالله لما جيت ماعندك وقت تبى تحتفل وتنبسط جاي على طول هنـآ
اياد لاشعوريا ضحك وقال عشان يسسسسسسسكتها نهائي: هههههههههههههههههههه لانا خلاص واانا كمان احبك
وجهها راح فيـــهاا
حممممممر
خضضضضضضضر
صففففر
اتخبصت
ماعرفت ايش تقول و
ايش تسسوي
رجعت شعرها ورى اذنها وقالت باإرتباك :مـ مين اصلا قال اني احبك
اياد والابتسامه ماختفت من وجهه : يمكن انا اتوهم فيوزك كدا ضاربه عشان كارهتني مثلا !
لانا شتت نظرهاا وهيا بقمة توترها حطها في موقف زي الزفت : ايووا اساسا مرا كارهتك
اياد : يعني اروح اجلس مع شادن والين ؟
لانا على طول طلت فيــه بتهديد : نعم
اياد فرط ضحكككك : هههههههههههههههههههههههه _ مد يدو _ تدخلي معايا
لانا ماقدرت تقول طيب مرا استحتتتت
سوت انو مرا الكبرياء مقطعها مشيت قباله وقالت : حدخل لوحدي
مازعل منها بالعكس قاعد يضحككك بنفسو عليــها
شكلها رهيب وهيا متنرفزه


وصلـــت لحدوو وهوا قاعد على الطــآوله
وهوا منصدممم
قدروو عليـــهاا
جابوووها لعندووو
جااايـــه بنفســـها لحدوو وتبى تهرجوو
طالع ورااه بشك حسب انو يمكن بتجي لغيره
بس وقفت جمب الطاوله بزبــط
كانت مرتبــكه بس مرا مو مبينه عليــها
: بتكلم معاك بموضوع
اسامه وقــف : اهرجي ؟
راما طالعت في اللي بيرقصوو والعالم اللي عايشين حياتهم وهما حايسين طلت فيــه وقالت : انا طفشت من دا الوضــع
اسامه : اي وضــع بزبط
راما : انو صحباتك يجو يكلموني كل شي
اسامه حسسسب انو خبصصو اوم الموضوع : تبيني اك
راما قاطعتو : المهم اللي ابى اوصلك هوا انو عندك خيارين لو انتا ماتباني ياأخي طلقننني مو ملزوم تقعد تخبي على الناس وكأني مصيبه في حيــآتك ولو
اسامه : ايش ؟!
راما نسيت ايش تقول اتبخر الكلام : لو تبـآني يعني _ استحت تقولها _ ولا اقول خلاص ولا شي
اسامه كملها : لو اباكي ايش اسسوي طيب ؟
راما قلبها طاااح من مكــآنه ولا قدرت تطالع فيــه طالعت في يدها وقالت : مايحتاج اقول انتا عراف
وشششششششششششششششششرررردت علىىىىى طووول
وكأنوو ماصددددقت
اماا هوآآآ ابتتتتتتتتتسم من اعمــــــــــآآآآآق قلبـــــــووووووو وحس انها راحت وسحبت روحــه معاااهـاا



في نصــ الاحتفــآل جــآ دوبـــه شــرف
طبعا دا المكــآن بكبرو مو جوووه
بس جــآي عشــآن مــآزن
شادن مسكت يد رودينا : شوووفي شوووفي
رودينا طالعت ولاشعوريا لما شافتو بطنها وجعتها : او ماي قاد
شادن : ماتوقعتو يجي
رودينا : حتــى
شادن : روحيلوو طيب
رودينا طالعت في لبسها : لا ماقدر
شادن ررفعت حوآجبها : ليش ؟
رودينا : ماحيعجبو لبسي
شادن بنظرات شكككك: طيب ؟!!!!!!
رودينا وقفــت : بلاا قااايمــه
اتوجهـــت لنــــآآآدر واول ماشافها
زي ماتوقعت طالع في لبســها وعلق علييه قبل لايقول حتى السلام : مناسب للمكـآن
مايبطل دق بالهرج
ابتسمت باإحراج وغيتر اوم الموضوع : كيفك
نادر : مرا تمام _ رجع يطالع في لبسها _ وشكلك مراا مهيصه
رودينا مرا تتنرفز لما يبدأ يهرج كدا معاها : الكل مبسوط
نادر مرا ماحب الجو : بسلم على مازن ومــآشي
رودينا : ليش بدري
نادر : دا جوكم مو جوي
رودينا حاولت تعدي اسلوبو دا كدا انسحبت بصمــت
بيجرح بالكلام
ايش يقصد يعني بهرجــووو

رجعت لشاادن وهيا متنرفزززه بس ماتكلمت
ونادر ولا أهتم يباها تحس في يووم وتتحشم عدددل
اتوقعت رودينا انو يجلللس ممكن شويتين يعجبو الجوو
بس زي ماقال كلمتين مع مازن وضحك معاااه وبعدها ممممشي وهيا فضلت على حالــها دآ


عدت ســآعه
وســآعتيــن وخلاص الحفــل باقي شــوويــآ وينتهي


قاعده في المطبــخ وتبــكي ولاخررجت من بعد ديك اللحظه

افنان جلسسست جمبــها : دحين انتي تحبيــه
رنيم اشرت برآســها باإيجاب: بس خاايفه شووفي كيف وضععععهم دول مو زيناا ياأفنان
افنان بدأت تتنرفز : ليش بتجمعي لكي سااااعه بتهرجي عن الناس انا بهرج عن الولد نفسسسو
رنيم : انا خايفه
افنان : لو في يوم من الايام جا وقلك يارنييم انا احبك بس الناس اللي تعرفيهم بيستفزوني ايش تقولي
رنيم ساااكتــه
افنان : مو حتقوولي انتا مالك فيييهم انتا لك بس فيا اناا صح ولا لأ الادمي بيتغير على يدك خرجت عشرين مراا وهووا جااالس على جممب ولا كأنو دا الحفل كلوو عشــآنو انتي مستووعبه دا الشي الااادمي يحببببببك
بكككي عارفه ايش يعني بكككي وبيترجاااكي عبيطه انتي وربي مرااا نفسي اضربك
رنيم مسحت دموعها : ايش اسووي يعني
افنان : يعني قووومي روحيلووو قوليلو طزززز في كل وااحد تعرفوووو انا ليااا فيييك
رنيم : ههههههههههه بلا عببط
افنان : ههههههههههههههه مو طزز يعني عشان لاينفجع بس حاولي تخليه انو انتي مهتمه فيه بس عشان لايكره اللي حوليه بسببك حسسيه انك متقبله كل شي شخص يحبو عشان دا يدل على حبك له
رنيم : مدري مو قادره اخرج
افنان وقفت ومسكت يد رنيييم : قووووووووومي ياااشيخه
رنيم وقفــت ونزلت البلوزه : مو عارفه ايش اقولو
افنان : انتي اوقفي قداموو وبـــس ياشيخه
سحبتــها افنـــآن لبـــرا
وكآنت خلاص اغنيه هاديــه مفتوحــه
الجو بدأ يسكــن
تعبو من الرجـــه
ففاتحين ميوزك راايــــق
قربوو من الطاوله اللي يزن قاعد عليـها
وابدن مو منتبه لهم
رنيم دارت وتهمسلها : لا لا مااابى خلااص
افنان ورطتها لما نادت : يزززن
يزن دااار وشااف رنيممم
ورنيييييييييم انحططططططططططت في الموووقف
خلاص
ماتقدر ترججججععع
ولا تقدر تخبص بالهرررج اكتتتر من كدا



ضمت يدها لبعضضضهاا افنان ابتسمت ليييزن ورااحت
يزن على طول وقــف
وبعد الكرسي وهيا اللي جات لعندو
يزن بدون اي كلمـــه يطالع فيها
اما هيا تلعب باأصابعها بتوتر قالت بتردد :لاعاد تزعلني مراا تــآنيه
دا الشي الوحيد اللي قدرت تقولـــه
خلاص اللي فات مااات
مايحتاج يفتحوه مرا تانيه ويتناقششوو فيييه دحييين
ابتسملـــها وقررب منها وحضنهاا وهوا بيضحححكك
: تعبتي اوم نفسيتي ياشيخه
رنيم ضحكت ودموعها في عينها : كنت اسئل عنك كتير دي الفتره بس محد يعرف شــي عنك
يزن نفسسسو ياااخدها ويييطير فييها لبعييييييييييد
مايبى دي الاجواااء
يبى زي اجوااء تركيــآ
هما الاتنين لوحدددهم
بس فييييييييين ياحســره
قال : كنت باإيطاليـآ قلت اسبلك المكـآن عشان عارف نفسي لو فضلت هنا كل يوم حجيكي وحنضارب
مازن جا ججججري وفففففففححححط وصدددم في يييزن
يزن دفففه مفجوووع : بلاااا ايش بككك
رنيم ضحكككت : ههههههههههههههه
مازن محددددد قدووووووووو تحشيييييييييييش وانبسسسساط ولا داااري عن احــــد : كييييف دااا
يزن : ايش هوووا
مازن ياأشر عليهم الاتنين : انتو الاتنين متى رجعتووو كيف رجعتوو ليش رجعتو اصلا
يزن دفوو : اقلب وجههك اقوول
رنيم : هههههههههههههههه
مازن مد يدو لرنيم : يااهلين والله اخيرا روح اخويا رجعت
رنيم وجهها حمــر وحاولت ماتعلق : كل عام وانتا بخير
مازن : وانتي بخخخخير يامدموزيلا والله كويس انك فيـــه في حــآجه جميلـه بنعرضها دحيـــن دقيقه بــس

مـــآزززن رآآآح للمنصـــه واخد المــآيك اللي محطوط على جمب وشغلوو : رجعتتتلكم :P
طبعا اول قلت كل عام لأخويا الكبير نزااار وودحين جات اللحظه اللي اقول فيها ليييزن اخويا الصغغغير كل سنننه وانتااا طيب ههههههههه لازم يشوفو فضيحه حلوا لك بذات لأنو مدري مين فيي
رنيم طالعت في يزن
ويزن قال بشك : ايش حيسوي دا الاهبل
مازن : المممهم خلوو عيونكم كلها علىى الشــآشهه
يزن حاسس انو شي طبعا اهبل بس مو متذكر انو سوا حاجه غبيـــههه

انـــعرض بالروجكتــــر
يزن وهوا عمرهـ 19 سنـــه واقف قداام مرآيــه
طويلــه ولابس بس سروال سنــه وفي يده فرشـــه ويغني ليوري مرقدي بصوووت البششششع في الغنـــآآ : امرأي اناااا عربيييييه بالاااصل امهااا عربيـــه ويقررب للمرااايه وينطنط وشكـــلووو مرااااااااااا غبببببببببببببي



يزن يطاالع ومرا مكسسسووووف مادري انو اصلا احد بيصوووره
انقلب المكــآن كلوو ضحك في ضحكككككك

تكملــه المقطـــع
يزن يقرب من المرآآيـــه : البطططل يزززن جاااا
ويطلللع صوووت كأنو احد يشجعووو
وهوا يرفع يده ومسوي انو مشهور: لاداعي لاداااعي

يزن كان راايح لمازن بس رنيم مسكتووو وهيا فااارطه ضحككك : هههههههههههههههههههههههه بللهي خلييييه

ماززززن فوووق مييييييييييييييت ضحكككككك
حقيييير خلى يزن يدبرلو شريط مقطع نزاااار
وقال لنزار يدبر حق ييزززن
ومادروو انو الاتنين مورطهم وهوا محد سوووواااله شي



رودينــآ خرجت من القــآعه وراحت للمر الخارجين واياد عدى من جمبها ولا كأنو يعرفها
ولا حتى يطـــآلع فيها
دخل للقــآعه وهيا انتبهت لنــآدر
استغربت لســآتو ماراح
اتاريه براا بيهرج من اول مع اياد
ماراحتلو هوا جــآها
وهيا شمقت في وجهه
نادر ابتسم : ايش بك
رودينا : لا امشي اخاف مرا احرجك بلبسي
نادر فسخ جاكيتــه واداها هوآ : طيب البسيه عشان تناسبي زوقي
رودينا : بكيفك مو ملزومه امشي بمزاجك
نادر اصر عليها جابها بطريقه تانيه : طيب البسيه عشان البرد
رودينا رفعت حاجبها وهوا مانزل يده ماددها لها : خدي
رودينا اخدتو وقالت : بس عشان البرد
نادر عارف انها كدابه : ايووا طيب ياستي عشان البرد
رودينا لبستوو وحطتو بس حط على جسمها
نادر : لا مو كداا
قرب منهاا وقفل ازارير الجاكيـــت : كدا انتي تلبسيه
طالع فيــها وهيا وجهها محمــر : انا خلاص راجع البيت
رودينا بادوب طلع صوتــها : اووكـ

نادر ابتسملها وبعدها مششي بنص طريقه دار على ورا يطالع فيها وهيا على طول نزززلت عينها وسوت كأنها ماكانت تطاااالللع


خرج من المكــآن وهوا عاجبتو حاله رودينا
سارت تستنى بس منو اي توجيــه عشان تتعلم الصح من الغلــط
ماتقوول لا بس تكابر شويتين وبعدين تتعلم
في شي بسيــط انولد هنـآ وحيكبــر مع الايــآم



بعد ربـــع ســـآعه
جو الحفلـــه اتغيــر كثيــر
لأحمس
لأحلى
لأفـــل
القلوب استكـــنت
تنبــض بكل حــب
الشباب والبنــآت انهد حيلهم من الرقص والضحك والهيصــه

منـــسق الدي جي متحممس معااهم
اغنيه ورا اغنيه
اهداء ورا اهداء

اسامه طالع في الساعه ومشي بسسسسرعه راح على المنصــه
وسحب المــآيك من الزنجي وقلو يطفي الميوزك
وهـــرج بمززح : انتباااه انتباااه << طبعا دحين مافي ارووق منــوو

كل الموجودين التفتو عليه

اساااامه بحمـــآس : نزااار ناازن يزززن عشرين الف مرا قلتلكم اليوم كل سنه وانتو طيبين بس جابب اقولكم دحييين تعااالو اطلللعووو هنـــآ

طلعــو التوأم والي كل واحد كان في عاالم
وقفو جنب اسامه واللي ماداهم فرصه عشان يهرجو
وقــآل للحــآضرين : يلا عدوو ووووووووون

كل الموجودين اتحمسسسو : توووووووووو


: ثرررررررررررري

اشتغللللت اغنيـــه مصريــه صوتها يرج اركااان القــآعه اللي انطفت كل انوارهاا وماعاد الكشـآف الكبير اللي اتسلط على البوااايه اللي انفتحت وخلفــهاا 4 عاملات بالزي الرسمي الموحد بيسحبو الطاوله المربــعه اللي عليها التورته الكبيـــره

مقســمه لتلاته اقــســآم
شوكولاته زي مايحبها يزن وعليها صورتــووو
وقسم بالكارميلا زي مايحبها نزار وعليها صورتوو

وجزء بالفنيليه الايطاليه زي مايحبها مازنوعليها صورتوووعلااطراف التورته مرصوصه الشموع الصغيررهـبترتيب وتنسيق

وفي النوص الشمعه الكبيه الي علي شكل٢٥



اخدددددهممم الوقــــت وهمـــآآ يحتفلوووو .