LinkBack URL
About LinkBacks
اما مااازن جالس بالغرفه ولا ساائل عن احــد
مايدري انو ممكن ديك الجمله تخلي اختو تعصب من وضااح
اخد الدنيا سبهلله مرره . جلس مازن مع اختو اقل من نص ساعه وبعدهاا خـــرج
وهوا بسيــآره دق جوآله شاف المتصل امو
: دوبها افتكرت تسئل
رمــى جواله باإهمــآل واخد جوآله التاني واتصـل على اثيـر
: وصلت فيـ _ ماكمل الكلمه الا انفففجع وشهق مع الفجعععه _
اثييير بكل قوووتها ضــربت القزاز من جهه مااازن ضحكت من قلبهاا وراحت جرري للباب التاني دخلت
وضحكتها طاغيــه على السياره : ههههههههههههههههههههه شكلك يضحكككك
قفل الجوال وحطو على جنب وحــرك السياره بدون مايرد عليها
بدأ يمل من حركاتها
يحس تامر اللي معاااه
اثيـر : ايش بــك ؟!
مازن : سلامــتك
اثيـر ماهتمت : اوك _ سكتت شويا وبعدها قالت _ ايش بك سااكت
مازن : ماتبي تتاسفي ؟
اثيـر : على ايش ؟
مازن : امس لما هرجنا بالجوال كان كلامك طبيعي ؟
اثيـر بدون اي نقاش : هههههههههههههه اسفه
مازن حسب انو حتتناقر معاه زي اي بنت بس ولا شي
كل مالو بيستصغرها اكتـــر .
مازن : ابوكي ماجى ؟
اثيـر : لا اتأجلت رحلتو
مازن : اها
اثيـر ضمت اياديها لبــعض : متحمســه اشووفهم يــرقصوو
مازن ابتسم : تحمدي ربـك لأنك تعرفي واحد زيي
اثيـر بكل سذاجــه : من جد
وصــلو المكــآن المحدد مازن نزل واثيــر معاه ودخلو للمكان المخصص بدون اي تعــب
والسبب
حسبوو مازن نزآر
راحوو لغرفة للـرقص فتح االباب واثيــر فتحت عينها بدهششه وهيا تسسمع صووت الموسيقى السريـعه
ومجموعه من الحريم والرجال بيسو نفس الحركاااات
ااثيــر : واااو
مازن قفــل الباب وابتســم وهوا يشووف الرقـص
اثيـر لصقت فيه كعادتها : ينااسوو حللوو
مازن : دقيقه انادي اخويا
رااح
وهيا مصنمه في مكانها وتشــوف الرقص مره عجبــهاا
اما مازن راح لنزار اللي كان بيدو ورقــه وبيطالع فيها ويشطب بعض الاسمااء
مازن : نزنز
نزار طالع فيه وعقد حوآجبه : ايش جايبك
مازن : تعال بعرفك على وحده
نزار عقد حوآجبه اكتر ايش جايبو مازن لهنا
لا وكمان بيعرفو على بنت !
نزار مشي جمببو : ميين
مازن : دحين تشووفها
وقفو وراا هاا وناداها مازن : اثيـر
اثيــر داارت عليهم والابتسااامه على وجهها
ماكان وراها غير مازن ونزار ووراهم الجدار
طالعت فيهم وبدأت تختفي ابتسامتها تدريجياا
صدرها باين من حركتو انو تنفسها بدي يســرع
عيونها تتنقل بينهم بس
بلعت ريقها بكل خووف
مازن قال باإستغراب : ايش بك
اثيـر دموعها قريبه من عينــهاا غرقت عينها بدمووعها
ومازن مفجوع قــرب منها : ياابنتي ايش بك
طالعت في نزار مستغربه
ونزار وقتها هــرج : امشي ولا كيف
مازن : فيكي شي ؟ تعبانه ؟
اثيـر مو عارفه ايش تقول : مين دا
مازن : دا نزار اخويا _ بدأ يستوعب ردة فعلها _ توأمي يشبهني
بس قال كدا دمووعها نزلت ودفتو عنها : حسبببت عيوني سرلها شي
نزار ضحك من قلبــه اول مره يشوف غباء لدي الدرجه يعني كل واحد لبسس وماركزت
اثيـر تهرج باإنفعاال من كتر ماخاافت حتى اصلا ماركزت بالملابس : قلتلك عيوني توجعني ليا كم يووم _ غطت يدها بوجهها ودقات قلبها ســريعه _ حسبت حرجع انعممي
نزار ماسكه معاه الضحككه
اما ماازن صح ضحك في البدايه بس لما شاف ردة فعلها بعدين حس فييها
مسكينــه
خافت تنعمي
اتذكر في البحر لما مررت يدو على وجههو وقالتلو " ابى احفظ ملامحك " لايمكن ينسى داك اليوم
البنت لساتها مو مصدقه انها بتشووف
قال بهداوه : خلاص لاتبكــي
اثيـر بعدت عنوو وتبـكي من قلبها محد حيحس بخووفها
عاشت 21 سنه بالسوواد ودحين لو مجرد تفكر انها ترجع لديك الايام تحس بخووف
اتوقعت لما شافت مازن اتنين انو دا بدايــة للعمــى
كلك تفكيــرهاا محصوور في دا الشي
مازن يباها تسكت : اثيـر ماسار شي خلااص
اثيـر : اببى ارجع البيت
نزار : ههههههههههههههه
مازن طالع في نزار بعصبيـه : انكتم
نزار بعد عنهم ومو قادر اصلا يوقف ضحـــك
مازن جا لعندها وبعد يدها عن وجهها : هاا شووفيني عيونك مافيها شي
اثيـر طالعت فيـه : خلاص ابى ارجع البييت
مازن : لا ماحترجعي مو تبي تشوفيهم يرقصو يلا امشي
اثيـر خلاص انسدت نفسها : مابى اشووف شي ابى ارجع البيت
مازن باأمر : مو بكيفك حتجلسي هنا
اثيـر : اكرهك مرره
مازن : هههههههههههههههه ايش الحقد دا يالطيف _ مرر يدوو على خدها _ بلاشي تبكي زي البزوره
اثيـر : لا توديني عند اخوك تاني مابى اشوفو
مازن : هههههههههههههههههههههه اجل لو شوفتي التالت ايش تسوي
اثيـر : كلكم تشبهو بعض ؟
مازن : ايوا
اثيـر ماحبت الوضع : اووه ليش كدا
مازن :ههههههههههههههههههههه _ مايبطل كدبو _ امي مسويتلنا عملية تجميل
اثيـر انفجعت : وخلتكم تشبهو بعض ؟
مازن : ايوا
اثير دفتو : كزاااب
مازن رجع مسك يدها وسحبها لعندو : ههههههههههههههههه 3 توأم ونشبه بعــض
اثيـر : لو اتزوجت ماحجيب توأم
مازن : هههههههههههههههه اصلا ماتخيلك متزوجه اسكتي بس
اثيـر : لاتضحك خلاص
مازن : يسعدللي المكوور انااا _ انتبه لنزار _ دحين حرجعلك
اثيـر ضمت اياديها تحت صدرها وهيا تشوف اللي بيتعلمو الرقــص بس بطالع فيهم بدون نفسس
مكشره
ونفسها مسدوده
اما مازن راح لنزار
ونزار اول ماشافو ضحك : ايش جاايب انتاا مريضه
مازن : حراام علييك
نزار : ايش هوا اللي حرام علياا انتا شوفت ايش سووت وكأنها شايفه جني قد شوفت ناس ينفجعو لما يشوفنا بس بدي الطريقه مااقد مرت هههههههههههههه
مازن : البنت ترا لها شهــر بس شايفه العالم لاتتريـق احسن لك
نزار مافهم : دوبها والده ؟
مازن : ههههههههههه الله ياخدك
نزار : اجل !
مازن : من يوم ماولدت كانت عميا ومالها فتره مسويا العمليه وشايفه الناس والبنت لها كم يوم بتقولي عيني توجعني فلما شافتنا حسبت انها عيونها سارتلها شي
نزار اتذكر شكلها كيف كانت خايفه وحزن عليها : الحمدالله على النعمه
مازن : عشان كدا بقولك بطل ضحكك
نزار : وانا اقوول ايش بك متعااطف
مازن : هههههههههههههه اسري بس
رجــع لأثيـر : ماتبي تفرديها
اثيـر : ابى اخرج خلاص طفشت
مازن : دحين ممرمطتني دا الطريق كلو عشان ترجعيني بدقايق
اثيـر : ايوا
مازن سحبها من يدها : تعالي في مطعم هنناا نروح نطفحلنا اي شي
اثيـر : مابى اكل
مازن بالغصب : لا حتتااكلي غصبا عنـــك
اثيـر : اووووف منــك
مازن باامر وبنبره حاده : لا تتأفأفي
اثيـر رخى صوتها : حاضر
~| إشتعال السحب |~
فــي العصــر . صحيــت من النــوم
غيــرت ملابــسهاا واكلت وخرجت من غـرفتها وهيا بتتجول في البيت
سمعت اصووات من احد الغــرف كانت بتدخل الا رجعت على ورى على طول لما شافت حرمه غريبه
ابوها لمحها : ههههه شااادن تعاالي
شادن عقدت حوآجبها : اوووف _ مالها نفس تدخل _
دخلت الغرفه بعد مامحت من وجهها علامات الملل
جات لجهه ابوها : مساء النور
الكنبه اللي قبال ابوها جالسه زوجتــه وحرمه غريبه
: مسااء النور
مرت ابوها : شاادن دي اختــي
شادن جات سلمت عليها : اهلين
اخت مرت ابوها طالعت فيها باإعجااب : ماشالله عليكي الله يحفظك
شادن جلست جمب ابووهاا
مرت ابوها : شادن دي اختي حتجلس فتره عندي
شادن ابتسمتلهم
ابوها : شادن جيبلي كااسة الشاهي
شادن قامت من مكــآنهاا واتوجهت للطاوله اخدت الشاهي والا بصوت مو غريب عليها يجي من وراها : امي
: مســرع صحييت مالك نص ساعه نايم
دارت جسمها واول ماشافتو شهقت وطااح الكووب من يدهاا
انفجعت اما هوا بلم فيهاا
مرت ابوها وقفت : انكسر الشر انكسر الشر
ابوها بخوف : شاادن ايش بكك
شادن شتت نظرها عنها وطالعت باأبوها وقالت باإرتبااك :هاا ولاشي
مرت ابوها : فجعت البنت بصووتك
شادن : بنادي الشغاله
مرت ابوها : لا استريحي انا بناديها
شادن جلست جمب ابوها
ابوها : جا عليكي شي
شادن : لا
ابوها : تعاال ياامروان اجلس ايش بك واقف
مرووان ابتسم باإرتباك واضحح وجلس علـ كنبـه
ايش الصدفـــــه البااااااايخــــه دي
ام مروان : بس لانكون متقليين عليكم
ابو شادن : لا ياشيخه البيت بيتكم وبعدين مروان ولدددي منتو اغرااب عن البيت
شادن نفسها تللطم عينها مو قادره تجي على مروان
خلاص كارهتوو بعد الموقف اللي حطاها فيه
لو يدري بس ابووها ماكان قال دا الترحييب كلوو
مروان موقفو اصعــب منهاا
مرره مكسوووف
دا بيتــها !
وبعدو موقفو دااك بكل ثقــه جاي يسكن عندهم
ايش يسوي دحيـــن
ابو شادن : مروان انتا بنفس جامعه شادن ماتعرفو بعض
شادن بردة فعل سريعه : ماقد شوفتو
مروان طالع فيها وبعدها باأبوها ماعندو خيار غير انو يمشي معاها : ولا انا ماقد شوفتها
ابو شادن : يلا اله يوفقكم
مروان : امين ياعمي
شادن كرهت كلمة عمي وقفت : عن ازنكم
ابوها : على فين ؟
شادن : تعبانه بروح انسدح
ابوها وقف : اوديكي المستشفى
شادن : لا مايحتاج
ابوها : طيب تبيني اجبلك شي
شادن : لا
ابوها دوبو بيهرج الا شادن قالت بنبره امر : بابا خلااص مابى شي
كان صوتو وهوا بيهرجها بحنيه انو يبى يتقــرب منهاا
يبــى يحس ببنتو اللي ماقد حس فيها من سنين
حتى لما كانت تجي زمان عندو ماكان يجلس معاها لأنو مشغوول
وهيا اتعودت خلاص عن بعد امها وابووها
ماسارت مهتمه خــرجت من الغرفــه وعيون مروان لحقتهاا لين ماختفت
فاق لما امو نغزتو بكوعها : ها
امو بهمس : اكلت البنت
مروان يبى يرقعها يعني : تشبه جارنا عثمان
امو انفجعت من النشبيه حتى هوا انفجع بس ماحب امو تحس انو يطالعلها عشان معجب او شي : رووح ارجع ناام
مروان : ههههههههه بمزززح
امو : بقولك روح ناام من امس صااحي ارتااح
مرووان ااخدها حجه عشان يشوف شادن وقف : طيب _ طالع في ابو شادن _ برجع انام
ابو شادن : نوم العوافي
مروان : الله يعافيك
دوبو خارج من الـغرفه الا خالتو داخله ابتسملها وخــرج
طلع الدرج ولما لمحــهاا راح لجهتها بســرعه : شااادن
شادن ماشيه ولا كأنها سامعتوو
زااد خطوااته وجا لحدها ومسكهاا ودارها عليــه : انا بكلمك
ملاحها طاغيه عليها البرود
جااامده
حااقده من قلبها علييه
الخوف
والرعب
اللي عيشهاا فيـــه داك الييوم
خلتهاا ماتطيقوو بكل اسلووب هادي قالت : ايوا ؟
مروان : من اول بناديكي ايش بك
شادن : في شي
مروان حس انها متغيره وشي طبيعي : انا اسف على داك اليوم _ طالع في المكان بتوتر _ ماكنت داري كمان انو ابوكي اللي متزوج خالتي مو عارف ايش اقولك بس من جد اسسف اني سبتك امس بديك الطريقه
شادن بملامح طاغيها البرود : خلصت ؟
مروان استغرب قالت بتردد : ايوا !
شادن سابتو ودخلت غرفتهاا وقفلت الباب بدون اي ردة فعــل غيرها !
واقف بمكــآنه
هوا اساسا مصدوم لأنه لقاها في دا المكاان
ولأنو خالتو تطلع متزوجه ابووها
مايتذكر شافها يوم زواجهم
قبــل سنه
هيا ااصلا كانت حفله صغيــره وماعزمو الا القرااب
فاليش شادن ماجاات !
مشي وكدا موضوع في بالووو
