الموضوع: رواية اشتعال السحب

الفصــــل العــآشـــر . 3>

تلــوثـــآت من مصـــنع القـــلب .


من الفضااوهـ والطفــش اللي فيــه مو عارف فيــن يرووح اتـذكر اختــو اللي مايدري عنــها ومايشوفها كتيــر بسبب سهراتــه اخد اللفه للحي اللي هيا ساكنــه فيــه
وقف السيارهـ عنــد بيتهاا ونزل اتوجه للبوابــه حط يده علـ جرس ولا شالها
مــزعـــج
رفعت الانترفون وقالت بعصبيــه وهيا ماطه حرف الياء : ميييييين
ماازن شال يده : انا ماازن
فتحت بدون اي ردة فعـل منها فتح البوابه واتوجه لباب الفلــه لقاها واقفه عند الباب
لفت روبها الحرير على جسمها وضامه يدها تحت صدرها : ايش دا الازعاج
مازن جا لعندها باس راسها ودخل البيت : محسستني اني صحيتك من النوم
قفلت الباب : لما يكون بيتي دا تعال دق الباب بدا الازعاااج
سبقتوو ودخــلت الغرفه وهيا متكــرنه جلست على الكرسي المنفــرد وقبالها الطاوله وعليها كوب القهوه
مازن جلس قبالها : ايش بك متكرنه دحين
اروى طالعت فيــه باإستنكار : من النهايه ايش تبى
مازن رد وهوا مستغرب منها : بجلس معاكي !
اروى زفرت بضيق وحركت وجهها باأسف : مازن انتا ماتجيني الا لما تبى شي فاجيبها من النهايه احسنلك
مازن ضيع الموضوع : دحين انتي ليش كدا لابســه
اروى طالعت بنفسها : ايش بو لبسي !
مازن: زوجك يخليكي تلبسي كدا قدام اخوه وابوه عادي
اروى حطت رجل على رجل : شايفني عريانه ولا كيف
مازن : لو حتفضلي تكلميني بدي الطريقه حامشي
اروى ببرود اشرت على الباب : امشي
مازن انفجع من ردة فعلها وقف : اصلا انا الغلطان جايكي
مشي خطوتين وبعدين وقف
جيعاان
طفشششان
مافي شي يسوويه
رجع جلس على كرسيــه ويطالع في الرسمه الكبيــره المعلقه على الجدار
اروى كاتمه ضحكتها على ردة فعلو : ماازن
مازن ولا طالع فيــها
اروى نزلت رجلها التانيه على الارض وقالت باإهتمام : مازن ايش سااير
عارفــتو مايجي بيتها الا وقت مايسرلو مصيبه يشتكي يشتكي ويمشي
مازن رفعلها حاجبه : تراكي دوبك طردتيني من بيتك
اروى : عشان كدا لميت نفسك ماشالله وخرجت
مازن : خوفت اخرج وبعدين تندمي فراجعي حساباتك
اروى : ههههههههههههه _ اخدت كوب القهوه رشفت رشفه ورجعتو مكانه _ اوكي ممكن اعرف ايش ساير معاك
مازن :مو ساير حاجه
اروى سندت جسمها على الكرسي وهرجها كالعاده يخرج بهدووء : صدقتك
مازن معاه سويتش السياره وبيلعب فيــه : امي وابويا ماتصلو؟
اروى : الا امس كلمتهم
مازن : هما مغيرين رقمهم ولا كيــف !؟
اروى : لا
مازن : ليش مابيكلمونا
اروى باإستغراب : ماما اليوم كلمت نزار
مازن قال بجديه وبنبره عصبيه: وانا ويزن ايش موقعنا بزبط من الاعراب !
اروى تعتبر مازن الصغير باإسلوبو وهبلو بس ماتخاف من احد الا من مازن لما يعصب : مدري عنهم يمكن انشغلو
مازن وقف لعبو للسويتش : وبعدين تقولو يامازن اهجد يامااازن اكبروبطل استهبببال
اروى : ايش دخل دحين دا في دا
مازن رفع صوتو :لا ماالو صلااح في شي بس شووفي جامعه ومطرود منها بيت سيدك وسبتو _ حط يدو على رااسي وهوا بيعاند نفسسو لاأكتر _ حسسوي اللي بمزاااجي ولاتقولو بعدين فضحتنا يامااازن
اروى انفجعت منو قالت بخوف : مااازن بلاش شغل البزوره دا مو اتصال حيخلييك تعقل ترا ماما وبابا مشغولين
مازن بعناااد سند جسمو على الكنبه وقال بهدووء: وانا دحين حنشغل برضو
اروى رفعت صووتهاا : شووف اسلووبك وتهديدك دا ترا ماحيضر احد الا نفسسك
مازن : اوكي وانا حكون مبسسوط يمكن لو سرلي شي ابوكي وامك يتزكرو
اروى فرصعت عينها مفجوعه من ردو قالت بصوت يادوب طلع : مازن انتا مستوعب الكلام اللي بتقولو
مازن : مابقول شي غلط
اروى خافت عليـه هرجت بهدوء : حبيبي ماما وبابا بالكتير شهر وراجعين
مازن : اخر همي اعرف متى راجعين انا بهرج انو لهم اكتر من شهر مسافرين ولا مره قد كلمتني امي
اروى : مشغوله بقولك
مازن : مؤتمراتها سارت اهم من عيالها انتي وسيدي مدري كيف تفكرووو
اروى : سلامتك انتا اللي كل يوم بتتصل عليها ولا بتسئل اصلا عن احد بالعيله
مازن : مو عشان مابسئل عنك سرت قاطع دحييين
ااروى رفعت يدها وهيا تعبانه من الكللام معاه : مازن اوسسس انا عارفتك اكتر من نفسي دحين حتقلب المووضوع كلو عليك وانتا اللي مظلوم
مازن دوبو بيــفتح فمــو الا دخــل ولد اروى تـآمر وهوا يجــري واخو زوج اروى يلحق وراااه
تااامر رااح جري لأموو وهوا يمشي بخطوات مهزوز وشويا ويطيــح
اروى ابتسمت على طوول قربت لطـرف الكرررسي وشالت تاامر عن الارض : ياااحياااتي على تمموورتي
اخو زوجــها : هههههههههههههههههه تراااه اخد جواالي _ وقف قبال اروى وهوا مو شايف مازن مد يدو باإتجاه تامر _ هاات الجوال
تامر عمرو سنتين ضم الجوال : ماابى
اخو زوجــها : هههههههههههههه بقووولك هاتووو
تامر حضن امو وخبــى الجوال
اخو زوجها مسك يد تاامر ويبى يسحب الجوال وتاامر يصـــرخ : ااااااااااااااااا
اروى : ههههههههههههههههه يااأخي سيبوو
تاامر ضغط اسبــكر
وصووت البنت المااايع كان بكل الغــرفه : اوووو حبيبي ماسارت انا خلاص حلبسسسس بردت
زوج اختــها وجههو راااح هوا اصلا خجووول حمر وخضر وصـفر وجههو
واروى مع الفجعه مافي اي ردة فعل منها
اما تااامر حط الجوال على اذنو ورافع حوآجبه يبى الحرمه تهرج تاااني
صوووت ضحكتــو ملللت المكاااااااان قال وهوا يتكي على كلامو ويتريق: الببببنت برددددت ياوضااح في احد في الصبااح يخلي وحده تفسسخ ارحمني ياشيخ
وضااح دار مفجووع : نزار !؟
مازن : لا مازن
اما اروى سحبت الجوال بعصبيــه من تامر ورمتو على الطاوله وقالت بهجووميه : كم مره اقولك ياوضااح تبعد اشيااائك عن ولدددي
وقفــت وخــرجت من الغرفه وهيا شايله تااامر
وضــآح ماقدر يداافع عن نفسسو جلس على الكــرسي : الله يقلعك ياإياااد
مازن : ههههههههههههههههههههه ايش المنحرفه دي اللي تكلمها بدا الوقت
وضااح : ماكنت بكلم احد دا صاحبي اعطى رقمي لوحده واتصلت ممدري ايش تبببى
مازن غمزلو : عليناااا
وضاح حط يده على عينو باإحراج ورفعها بعدين على شعرو : اختتتك دحين ايش حتقول عني
مازن : ياماا شافت ماعلييك
وضاح منحررررج :اروح اتأسفلها ؟
مازن : اقوولك طنشها مره معطيها اكبر من حجمها
وضاح قال باإستغراب: انتا عارف اروى زي امي هيا مربيتني
مازن بدون اهتمام : بكيفك
وضـآح كان بيوقف بس رجع جلس : دحين معصبه حترميني باأقرب شي جمبها اكلمها في الليل احسن
مازن ولا يعرف طباايع اختو : اووك _ وقف _انا مااشي
وضاح وقف واخد الجوال : على فين ؟
مازن : بروح افطر
وضاح : تجي معايا الشاليه
مازن : على فطور ؟
وضاح : اوك احلى فطور ياسيدي
مازن ابتسملو : اووكـ
وضااح ارسل رساله لإياااد " الفطور في الشاليــه تراااني حاااقد عليك يا ******* "
وضاح وقف مشـي مازن طالع فيــه : ايش بك !
وضـآح : شوف اروى في بطريقي
مازن طالع باإستحقار : مو من جدك
وضاح : انتا سمعت صوت البنت ولا تستهببببل والله ماقدر اطالع في عينها دحيين
مازن : وربي انك عبيــط _ خرج من الغرفه وبعدين على صوته _ امشي مافي احــد
وضــآح خـرج من الغــرفه وسيده خرج من البيـــت



منســدح على سريرهـ ودوبــه مفتح عيــنه فرك عييينه واتثاااوب رفع جسمــه من على اللسرير وجلس
قال بصوت كلو نوم : هوا انتا صحـيت
نادر ماناام عدل اصلا ابتسم لإياد : صباح الخيـر
اياد اتمطع : صبااح النوور
نادر ممد جسمو على الكنبـه وحطط اللحاف على رجلو الغرفه مره باردهـ
اياد بعد اللحاف عن جسمو قام من على السرير لبس التيشيرت اللي كان مرمي على السرير
واتــوجه للحمااام اتشطف واتوضــى وخرج صلـى
خلص صلاتــه
وطالع بنادر : مافطرت
نادر : لا
اياد اتوجه للكومدينه اخد ساعته لبســها : دحين حقولهم يعبو الفطور
اخد جواله وانتبه انو في مسج فتحها وضحك : ولا اقولك حنفطر في الشاليه
نادر مالو اي تعليق : اوكـ
اياد : بس حقولهم يسولنا شاهي نمخمخ وبعدين نروح
نادر : لا ماشرب شاهي
اياد بالغصيبه كل شي عندو : لا حتششرب _ فتح باب الغــرفه ونادى بكل صووتــه _ كااااترين كااااترين
كاااترين يااازفت
كاترين جاتو جري لما سمعت صوتو ومن حسن حطها انها كانت في الغرفه اللي جمبو : ايوا مستر
اياد ابتسملها بحقاره : اعمليلنا شااهي
كاترين بدون اي منااقشـــه راحت تسوي اللي قالتو
اما اياد دخل وجلس على سريرو : تبى تروح اليوم مكان معيـن ؟
نادر شال اللحاف من عليه وجنبة على الكنبه : مو عارف من فين ابدأ
اياد فاهم كل شي حكااه نادر عن اللي سار :شووف انتا اعطيني اسم ابوك واخوك وسيب الباقي عليا
نادر انحرج : لا بلاشي مابى اتعبك يكفي اللي بتسويه معايا
اياد : اسكت بللهي دحين انتا 11 سنه محببوس على بالك حتعرف فين تدور يابابا الشوارع اتغيرت حتضيع وتضيع وقتك وفي النهايه كمان ماحتلاقيــهم اما انا لو ارسلت احد يدورلك عليهم خلال اسبوع بالكتير حيجبلك كل شي عنهم
نادر عقد حواجبه : اسبوع كتير
اياد ضحك : دحين 11 سنه محبوس مو قادر تصبر على اسبوع
نادر : دحين انتا بتزلني على ال 11 سنه دي
اياد : مو المفروض تتعلم الصبـر
دق باب الغــرفه ونادر كان بيهـرج بس سكت
اياد : ادخل
فتحت الباب ودخــلت واستغربت لما شافت صاحبو هنـآ حاولت ماطالع فيـه : صباح الخير
اياد ابتسسملها : ياصبااح النور
رودينـآ رفعت شعرها بالشباصه لابســه جينز مخصـر وتيشيرت بنـي : فين الاوفرات اللي اخدتها من غرفتي
اياد اشر : مرميه وراا الطاوله
رودينا فرصعت عينها : ايش الهبل دا _ اتوجهت للطاوله وهيا تبربر بعصبيه _ تاني مره لو عاد طلبت شي مني ماحعطييك حاااجه اوووف بس
اياد : اقوول بلااشي فلسفه تراني حتى ماستخدمتها
رودينا مو قادره تشيلها لوحدها طالعت باإياد وحطت يدها على خصرها : ممكن ترجعها الغرفه
اياد ابتسلمها : في احلامك
رودينا عقدت حوآجبها : اياااد بلاااش استهببال تراني مو فايقتلك
اياد : اليوم حيجي عريس الغفله ايش لك بالاوفرات بتتمرقصي معاه من اول يوم ايش الحماس دا اللي قاتلك
رودينا مره اتنرفزت : مع نفسسك ماعاد ابى حـــآجه
خــرجت من الغــرفه ورزعت الباب وراهاا
اما اياااد ضحك عليـــها
نادر استغرب من تفتح عيــلتهم وهيا كيف تدخل كدا وهوا فيــه
عيلـتو كانت مره محاافظــه
اختو ماتخرج الا بعبـــآيـه ودي بجينز ضيــق وتيشيرت مبين تقاسيم جسمها
اياد طالع بنادر : شوف الدولاب عندك خد اللي تباه

بعــد نص سااعـــه خــرجو من البيــت بشياكة اياد المعتاده وببساطة ناادر الجذابه
مشغليــن اغنيه backstreet boy inconsolable
وصــلو للشاليه وقتها طفى السياره وانطفت الاغاني
اياد خـرج وقفــل الباب واتمطـــع : آآآآآآه يامحلا الجو
صبـــآح بس الشمس اشعتها هاديـــه وفي نسيم بارد بسيــط وامواااج البحـــر بحركــه مستمرهـ
ناادر ابتســم وهوا يطالع بالبحـــر قــرب لعند البحر
اياد سابــو ماكلموو ولا قلو حاجــه
بس دار جسمو وسندو على السياره وووجههو على الشاليــه
عكس نااادر يكــره البحــر
يكــره المســآبح
حتى صووت البحــر يكــرهه بس وقف احتراما بللي يمر فيــه نادر
حط سماعات الايبود في اذنــو وشغــل اغنيــه Mariah Carey - My All


نادر يطالع في البحـــر ويحس اشيااء كتير بتنفجــر جوآتـــه
بس كابتــهاا
مع البحــر اللي يحااول يطلــع مشااعر النااس
بس هوا كان يحااول يكبتــها
خانتوو دمــوعه
مسحــهاا بردة فعــل ســريعه
وهوا بيحااول من بعــد اليوم يقسي قلبــه
افتكــر امس كلام اياد
" ترى حتى اهلك مايفيدوك خدها مني عيش حياتك عشانك انتا بس اخصرك من اللي بيسير حولينك "
مايدري ليش اياد يهــرج كدا بس ماحب الكلام
الاهــل اساس الحيــآهـ
وعلى انه محد افتكره بالسجن بس لساته مصمم انه الحياه بدونهم ماتسوى
ماقدر يوقف اكتــر من كــدآ البحر قلب مواجعه اكتــر
دار جسمه واتــوجه لإيااد : ايااد
اياد مو سامع وداخل جو مع الاغنيه
نادر جا لعنده وسحب السماعه من ادنو : على فيـن دحين
اياد طالع فيه مفجوع اشر على الشاليه : هنا
نادر : طيب ايش مستني
اياد سحب السامعه التانيه ودخل الايبود في جيب الجينــز
دق الباب كدا مــره وبعدها فتــح مااازن وهوا معاه باريـو نزلها من فمو وطالع في اياد باإستغراااب
مو غــريب عليــه
اياد ضيـق على عينــه وبيحاااول يتذكـــر وكالعاده ذاكرتو ماتخونو : ولد عمي مجدي مو ؟
مازن : وانتا اخو رودينا ؟!
اياد ابتسملو : ايوا ياسيدي
مازن ابتسملو وسلم عليـــه : انتا فييين اختفيـــت سنين مانشووفك
اياد : درااسه
مازن : مره الدراسه مقطعتك
اياد : هههههههههههههه دا ناادر _ اياد اشر على مازن _ ودا يزن مدري نزار او مازن
نادر سلم عليه وهوا مو فاهم : اختار اللي يناسبني يعني
مازن : ههههههههههههههه لا انا مازن
نادر لساته مو فاهم
اياد : عندو اخوان توأم كلهم يشبهو بعض فما نفرق بينهم
نادر ابتسم : اه ماشالله
اياد : حتسيبنا واقفين عند الباب
مازن مابعد من الباب : دقيقه بس _ رفع الباريو وبيشــربو كلــو مره وحده
ونادر واياد يطالعو فيــه ويبو يعـرفو ليش موقفهم عند الباب
مازن خلص الباريوو رمى العلبه برا باب الشاليه : خلاص ادخلللو
اياد ضحك ودفاااه : يلععععن مخك ياااشيخ ماتبطل حركااتك الغبيه
مازن قفل الباب : ههههههههههههههههه لازم استغل اللحظه
اياد : يااشيخ و _وسسسكت لما وضاااح مسسسكوو ولصقو بالجدااار _
وضاااح بوعيـد: واخيرااا شووفتك
ناادر انفــجع من اندفااع وضاااح
اما اياااد فررط ضحك وهوا عارفه ايش بو وضاح : ماعجبتك البنت
وضاح : كم مررره اقوولك لاتعطي احد رقمي
مازن يبى يزييد الوضع : اياد انتا مسوي ففييه خير وهوا يمسكك بدي الطـريقه
اياد دف وضاح وعدل بلوزتو السماويه : انا ادرييي الممفروض تبووس رااسي
وضاااح نسي المضاربه وطالع باإياد ومازن : انتو كيف تعرفو بعـض
اياد : انتا اللي كيف تعرفو
وضاح : اختو زوجت اخويا
اياد : اماا
مازن :وانا واياد متربين مع بعض من واحنا صغار بس السيد له 7 سنوات مختفي
اياد : باخد استجمام
مازن : دوبك بتقول درااسه
اياد : اي دراسه ياعم انا ناسي الحروف
مازن ضحككك : يااشيخ انتا اللي حتفهمننني

اتــوجهه للصاله جلســو الا مازن اخد ريموت البلازماا وشغلو على طوول القناااه ونــآسه
راشد الماجد " انا ضـآيق "
وكالعاده رقــص لين ماوصل عند الكنبــه وجــلس
اياد : وااا فكرتني بنزار لين دحين يــرقص ؟
مازن : عندو معهد رقص ياسيدي انتا قدك ناايم
نادر باإستنكار قال : يـرقص !
اياد : يااخي تتنح لو تشوفو يــرقص
نادر بان على ملامحه انو مو قادر يستوعب ولد راقــص !
اياد : مو يرقصصص هز ههههههههههه هيب هووب كنا في المتوسط نبعد الطاولات كلها في الفصل ونشغل اغااني
ونزاار يرقصص
وضاح : هوا انتو درستو مع بعض ؟
اياد : ايوا لين المتوسط
نادر :فين يـرقص ؟
مازن : لما بدأ يـرقص ماكان في الخليج بدأ في امريكا مع اصحابه كانو يسو عـروض لين ماواحد شاف نزار وساعدو في الرقــص
نادر : اهااا
وضـآح وجه كلامو لنادر : تراهم عيله فنيه الا دا مازن وجوده زي عدمه كويس اصلا انو عايش
مازن : ههههههههههههههههههه عايش حيااتي بالطول والعرض ايش فهممك بس
اياد زي مازن : انا ادري وبعدين كويس بتدرس في جامعه ايش تبى اكتر من كدا
وضاح ضحك باإستحقار : هههههههههههههههااااي هدا مطروود من الجامعه كفشوووه مع الدكتوره حقتوو في الغرفه مخششوين
اياد :هههههههههههههههههههههههههههههههه كزاااب
نااادر انفجع : مو من جدك
مازن شتت نفسه ويقلب القنوات قال بصوت هادي : كزاب لاتصدقووه
وضاااح : ياااشيخ ولللي داا مو فااالح وربي الا في البناات
اياد مد يدو لمازن : لا كل مااالك بتعجبني
مازن ضحك وضرب يدو بيد اياد وغمزلو : والخافي اعظم
وضـآح وجه كلامو لنادر : تراهم طيبنه وحده لاتسمعلهم
نادر : شايف برضو
اياد : انا ماسويت شي لاتتبلى عليا
وضاح : ايوا انتا الملاك الطااهر تراك انتا والزباله واحد
اياد رماااه بالركااازهـ : خلي مكتبك يفيــدك
وضـآح : ايش رايــكم ناخدلنا يخت ونفطر على رواااق
اياد بردة فعـل سـريعه : لا بلاشي _ ادارك نفسـو _ قصدي هنا احسن
كلهم استغـربو من ردة فعلــو
وضـآح : اخر مره سويتلي نفس الحكاايه انتا ايش حكايتك
اياد سند جسمو على الكنبــه : هنا اروق
مازن : مافي اروق من البحـر
اياد : ماحروح معاكم اجل
وضاح : خلااص بلاشي تراني طفششان اليوم عششان كدا ابى في الليل اسوي شي من زمازن ماسويتو
اياد : زي؟
وضاح : دام ماتبى بحـر نروح البـر
مازن عقد حوآجبه : ايش نرووح نسسسوي هناااك
وضااح بحمااس : كل شي لنا سنين من البـر
نادر يبى يخــرج من الجو اللي هوا فيــه : انا معااك
وضـآح اتحمــس : هاا ناادر معايا
مازن : اوك بس بشـرط
وضاح : ايش ؟
مازن : اليوم الخرجه عليك وبكرا الخرجه عليا انا واياد - طالع في اياد وررفع حوآجبه بوعيـد -
اياد ضحك وفهمو وجااات في بالو رغــد على طوول : ماعليك بس زبط الوضع
وضـآح مافهمهم : اووكـ

تلوثات من مصنــع القلب .


سحــب اكتر من 3 منااديــل من العلبــه وحطاااها على جبينـــه : موو راااضي يوووقــف الدم
حاطه يدها على صدرهــآ وقلبها يدق بســرعه : ايش اجيــبلك
اسامه ضااغط على المنااديــل : مدددري
خـــرجت جـــري من الغرفه وراحت للمطبــخ
مع الصــربعه
فتحت الدولايب
الادراااج
مو عااارف ايش تبـــى
ايش ممكن يووقف الدم
فتحت الفــريزر
ولقــت علبــه بااسكن دايما لما اخوانها ينصقعو يحطو شي باارد علـيه
بس دا يخــرج دم مو عارفه تتصــرف
اخدت العلبـــه
ورااحت لعنده لقتوو منســدح على الكنبــه
حطت العلبه على الطااوله واتوجهت لعنده تبى الدم يووقــف مدت يدها : شيل يدك اشووف
اسامه حس مخو جاا ارتجاااج مع الصقــعه نزل يده
وهيا رفعت المناديــل ورجعت حطتو وضغطت علييه
اسامه : بشوووويششش
راما : لو ضغطت عليه احسسن وبعدين الدم بدأ يخف
اسامه : هوا باااقي دم عمييه انتي راميتني بكااسه و _ ضغطت على الجرح وهوا على طول قطع كلامو _ آآآآآي بشوويش ياأومي
راما : ممكن انتا دحين اللي تسكت
اسامه معصب منها غمض عينه وهوا حاسس بدوخــه : فلقتتي راسي
راما لما تتوتر تعصب وترفع صوتها : قلنا معللليشش خلاص انكتم
اسامه انفجع من ردة فعلها بس سكــت
راما واقفه على راســه خرجت جوالها من جيبـها واتصلت على صحبــتها
اسامه سمع صوت طقطقتها للجوال فتح عينه : لا مو من جدك راااسي مفتووح وانتي قااعده تطقطقي على جوال
راماا حطت الجوال على اذنها وضغطت على راسوو
اسامه : أأأأأ خلااص سيبيني
راما لساتها ماسكه المنااديل: بقوولك اسكت _ صحبتها ردت _ ايوا هنو السواق انصدم بحاجه وراسو دحين ينزف دم ايش احطلو . مالك دحين ردي على سؤالي
اسامه انقهر من كلمة سواق قال بهمس : سواق يفتح وجهك
راما رجعت تضغط على الجــرح اللي سار جبين تااني
اسااامه عصــب وصرررخ بكل صوووته :أأأأأي خلاااص سيبيني انا حووقف الدممم _ رفع يده بياخد المنديل
الا رامااا ضربت يده : بقوولك سييييب بلااا ايوا هنوو لا الدم بدأ يخف بس انو عادي احط شي باارد
ايش ماتدري فككري باأي زفت احطوو
اسامه : حقل تجاارب
راما خاصرتو : اوك اووك _ قفلت ورمت جوالها علييه _ ماتعرف تنكتم شوويا
اسامه مفجوع منها : انتي خير تكلميني كدا
راما : بقولك انكتم _ سابت المنديـل _ امسكو دحين راجعه
خــرجت من الغرفه وتصــرفاتها دي من توترها
لأنها هيا السبب ولأنها واقفه قــريب منـــو

راحت للمطبخ الخدم نايمين شافت علبه الاسعافات الاوليــه فتحتها مو عارفه ايش تااخد
شالت العلبه ورااحــت لعندو
اسامه اول ماشافها : لااا اسررري عاااد حدك هناا
راما جات لعنده وحطت العلبه على الارض وفتحتها : انتا ايش بك دحيين
ااسامه طالع بالعلبه ورجع طالع فيــها : سلاامتتتك
راما : ممكن بس اسويلك دا
اسامه سكت وساب المنديل هيا شالتو واخدت المكركون وبللتو بقطنه وحطتو على الجــرح
ورجعت حطت قطنــه نظيـفه ولفت الشاش على هيئـه مربـع وحطتو في جبيــنه وعليه لصق : خلااص

لمت الاشياء وحطتها في العلبــه وحطت العلبه ععلى الطاوله
اسامه رفع جسمو ويحس رااسو تقيـــل
طالع في المرايه وفتح عينه مفجووع وقال بردة فعل سـريعه: او بسم الله طلعلي جبين تااني
راماا فرطت ضحك على ردت فعلو :هههههههههههههههههههههههههههههههههههههه شي طبيعي
اسامه طالع فيها بحقــد :ايوا انتي ايش عليكي
راماا مبتسمه : كدا شكلك احسسن
اسامه : ترى لو مارحتي عن وجهي ممكن اسوي فيكي جريمه
راما جلست على الكنبـه ببرود : ماحمشي من هنا
اسامه طالع في علبه الباسكن : وايش جاب دي
راما : انا
اسامه حلل من راسه : دحين انا كان راسي ينزل دم وانتي رايحه تجيبي ايس كريم تبي تاكلي
راما دايما يستفزها دحين دورها : قلتها راسك اللي بينزف دم مو راسي
اسامه رمش بعينه : من جدك انتي !
راما ملامحكها ططاغيها البرود : ايش في ! قلت شي ماعجبك ؟!
اسامه : ومين يعني اللي فتح راسي مو انتي
راما : ايوا بالغلط
اسامه اتنرفز منها رجع انسدح وحط يدو على جبينو : ماحرد عليــكي عشان مو نااقصك وصوتك بيصدع راسي اكتـر
راما : ممكن تجبلي البي بي جمبك
اسامه حس بشي تحتو رفع ظهرو وخرج الجوال مالو نفـــس يقووم من مكاانه رفع يدو بيرميــه لها : امسكي _ ورماااهـ بدون تفكــير _
راما مع الفجعه مدت يدهاا بس ولا وصـــلهاا طاااح ع سيرااميـــك
وهيا شهقـــت شهقــه طيحت فييها قلب اسااامـــه
وقفت وهيا مفــرصعه عيييينهاا وحطت يدها على فمها
اسامه طالع فيها مفجوع وقال بتردد : تراه جوال !
راما قدمت خطوتيــن ونزلت جسمهاا باإتججاه الجوال
بتشيل الجوال وصـله وصــلـه
اسامه جلس بتردد وهوا مفجوع من سكووتــهاا : اتوقع كدا اتعادلنا
راما طالعت فيـــه بكل حقـــد : لاتفتتتح فممك معاياا فاااهم بلاااا اصلاا الغلط مني من اول
اسامه قاطعها : اقوول ترا كلو على بعضو جووالل بتسويلي دحيين فلم هندي فتحتي راسي بكبرو ولا سويتللك دا كلوو حجببلك عشــره _ اشر على الجوال _ منو لو تبي
راما حست من لملمتها للجوال ماحيبجب فايده خلاص اتكسسر اجزاء حتى الشاشه مشطووبه
وقفت ورممت الجوال بعصبيــه وصــرخت عليــه بكل قهــر : دا جااني هديه من مرااد
اسامه عقد حوآجبه : مين مراد
راما قالت باإستغراب : ولد عمك _ رفعت يدها _ خطيبي
اسامه اول مره يلمح الخاتم اللي بيدها : هوا انتي مخطووبه
راما قالت بعصبيــه : مااالك _ نزلت تاخد الشريحه من الارض وهيا تبربر_ اصلا انا الغلطانه اللي بقوولك هاات شي ولا المكسووح يرممي زيــك ناقصك يد ولا رجــل عشان تجبلي هوا بدي الطــريقـ _ وانكتمت لمااا جااات الركااازه على وجهها _ آآآي
اسامه هوا اللي رمى طبعا الركازه عشان تسكت يطالع فيها مفجووع : ياأووومي اسكتي ماااساار جووال خلاص اسفييين
راما دحيــن طبعها بدأ يطلــع ويشوفها اسامه على حقيقتها وقفت وطالعت بركازه : انتا لييش ترميني بركازه دحيين يعني غلطااان وكمااان جاي تمد يدك
اسامه : مامديت يدي
راما رفعت صووتها : لا يااشيخ والركازه مين راميــها جايه من الهوى !؟
اسامه ينزعج من الصووت العااالي : يااابنت وطططي صوووتك ايش فييكي الييوم
راما مسكت حجابها وهيا تعدل : ماحوطيــه كل شي بكيفك بكيفك بلا


اما بــرا الغــرفه واقفــه ميري وكانت قايمه من النوم بس حبت تاخد لفه على البيت
وانفجعت لما سمعــت صووت اسامه عاالي قــربت من الغــرفه
وسامعتو يتنااقــش
ويــرفع صوتو
ويبربر
ودي مو من طبيعتوو
حتى مع اصحاابو يهرج كلمتيــن ويسكــت
لاشعووريا سارت واقفه قريب من الغــرفه وتسمع كلاموو


اسامه طالع فيها بشك : انتي شاربه شي اليييوم ؟
راما جلست على الكنبــه وحوآجبها مقروونه في بعضــها تحب جوالها لأنو من مرااد
مره معصبـــه : تحسبني زيك
اسامه : شايفتني بشـرب !
راما : اجل لاتتبلى عليا
اسامه : هوا انا اتبليييت عليكي دحيين منتي شاايفه اسلووبك كيييف
راما : بكيفي اسلووبي وانا حره فيــه مو عاجبك اطلع برا الغــرفه
اسامه طالع فيــها وكأنو احد معطيه كف على وجههو : حاسبي على كلامك
راما وقفت وقالت بتأفف : اصلا انا الهبله اللي جالسه لسااتني هنااا
اسامه : كويس قلتيلها بنفسسك
راما خـــرجت من الغــرفه بعصبيـــه وانتبهت لميري انفجعت ووقفت مكانها بعدين استوعبت وكملت طريــقها
وكعادتهاا صوت طلعتها للدرج كأن مسموووع مع عصبيـتها

اما اسامه مفجوووع منهاا : البنت استخفــت فقشتلي رااسي ولا سويتلها شي وهيا عشان جوال كانت حتحرق البيت
_ انسدح على الكنبــه _ (( من متى دي مخطووبه ! ومين مراد ؟ وحده مريضــه والله ))


رامااا دخلت غرفــتها ورزعت الباب بقووهه فسخت حجابها ورمتوو على الارض اتوجهت للدولاب وهيا تخرج ملابس وكعادتها تهرج بصووت مسموع وبغصب : الله ياااخدووو كســرلي الجوووال مشتريتوو بفلوووسي داافعه فييييه عرق جبيني كل مصــروفي 5 شهور وانا بجمع 5 شهووووور خمسسسسه وداا في لحظظه يجي يكسرلوو هوااا ايييوا ايش عليييييه الفلووس عندوو زي الحلاااوووه _ رفعت يدها وهيا تدعي من قلبببها _ الله يححححرق قلبببو زي مااحرق قلبــي _ قفلت باب الدولاب بقوه بدون مااتأخد ملابــس _ حيوووووووان 3 الاف رااااحت في الهوووووى ماكنت انزل المول مع البنات عشان لاأصرفهاا ودااا بكل بقاااره رماااااه وكأنو يرمي جزمه الله يحرق كل جزموووو رجعت جلست على السرير : حيوان وستين حيووون _ اتذكرت _ ايوا انا ايش كنت ابى _ رجعت وقفت _ ااه ملابس _ فتحت الدولاب ورجعت قفلتو : سد نفسي ماليا نفسسس حتى اغيــر _ رجعت جلست على السرير ومرت لحظه سكووت وبعدها قالت _ خليني اغير _ وراحت تفتح الدولاب وتخرجلها ملابــس _


اسامه طالع بســآعه : اووووف دا مو ناوي يــرجع ولا كيــف _ دوبه استــرجع كلام راما _ كان بيكلمها بالمكتب _ جلس بردة فعــل سريــعه _ لو اتصلت عليــه بالمكتب حيكون رقمها موجود _ رجع رخى صوتـه _ لا يمكن على جواله وكلمها بالمكتب _ وقــف _ اسئئل المرييضه راما احسسن لي

رآآح لــغرفتهاا دق الباب كدا مــرهـ
راماا غيــرت ولابســه بجاامـــه رصــآصيــه وفاتــحه شعرهاا الاسووود الطويـــل لحد نص ظهرها وبكثااافــه جالسه على سريرها وتبـرد اظافيــرها وهيا معقده حوآجبها
حسبت ميري كالعادع اللي بدق الباب
ماتوقعت انو اسااامه يجي لغرفتها قالت : ادخللل
فتــح الباب وبــلم فيـــهاا وشعــرهاا كيـف مغطي نص وجهها ومعطيها جمااال مو كالعاده
ميلت راسها علـ يمين ومال شعرها وهيا تنفخ على ظفرها ولا رفعت راسها مركزه في الظفــر
اما هووآ ولا اتحـــرك اول مره يدري انو جاذبيــه المرأه في شعــرها
حســها انساانه تانيـــه
رفعت يدها ورفعت شعرها عن وجهها وطالعت علـ باب بتهرج مع مبيري دوبها بتفتح فمها بس لما شافتو علقـ ولا قفلتوو
هوا ادارك نفسسسو ونزل عينه : سووري _ وقفل الباب _
هيــآ لسااتها على وضــعها تطالع في الباب اللي انقفــل ومبلــمه
نزلت يدهاا بهدوووء من شــعرهاا
مو عارفه تخــرج تشوف ايش يبــى
ولا تفضــل مكـــآنهاا
فووقها من افكاارها صووت دقــة الباب : ممكن تخــرجي
بلعت ريــقها وقلبها يدق ورى بعــض من التــوتر حطت المبرد على السرير ووقفت اخدت الشارب من الارض ونفضتــو وحطتو علىى راســها
وقفت عند الباب ومسكت الكلوون ماقدرت تنزلو على تحت
اخدت شهـــيق وزفيــــر شهيـــق وزفيـــر وفتحت الباب بتــردد حاولت تتصرف ولا كأنو سار شي دوبو : نعم !؟
اسامه لاشعوريا ابتسـم : كنت بسئلك _ نسي ليش جاي عندها _ انو _ سكت وبعدها قال _ دا
راما : ايش !
اسامه حك رقبتــه وضيق على عينه وهوا يتذكر ايش يبى منــها
راما حاسه بترددو حطت يدها على وسطــها : حطول ؟
اسامه ضحــك :لا
راما من ضحكتـه حستو مو طبيعي اشرت على جبينو : الضربه شكلها خلتك تستخف
اسامه اتنرفز من ردها طالع فيها بجديه : احم امم _ اختفت الابتسامه من وجههو لما اتذكر ايش حيقول _ لما ابويا كان يكلم امي كلمها من تلفون المكتب ولا جوالو
راما : اتوقع الجوال _ سكتت بعدها قالت بردة فعل سريعه وهيا تستنتج _ لالا التلفون لأنو لما خلص قفلو بصووت عاالي سمعت خبطه فما اتوقع جوال
اسامــه :متأكده ؟
راما : يمكن
اسامه عقد حوآجبــه : خلاص اوك تصبحي على خيـر
راما باإستغراب : وانتا بخيـــر _ بلقافه _ ليش
اسامه : لأنو لو من مكتبو حلاقي الرقم في التلفون واتصل
راما اتذكرت كلام ميري : بس انتا عارف ابوك يكره احد يخش مكتبو
اسامه بلا مبالاه : ايش عرفو مو فيي
راما مسكت الباب : اوك
اسامه مشي وهيا قفلت الباب
خــرج من ممر غــرفتــهااا وراح لمكتــب ابووهـ اخد التلفــون
ويــقلب بالارقــآم
ياكتر الارقاام الغـريبــه
جلس على الكـرسي وفاتــح الابجوره اللي على المكتــب كانت اضاائه خافته منوره المكان
عاد الاتصــآل لأخر رقــم
صوت رجال قفل بوجهه
رجع اتصــل على رقم تاني برضو رجــآل
وبعدها وحده مصــريه ردت عليــه
اتافف وهوا يتصـــل
بس مافقد الامــل
استمر بالاتصــآل لين ماردت عليــه حـــرمه لهجتها مكســرهـ

اما في غــرفتها كانت بتجلس على الكــرسي بس قالت تجبلها مويــآ ومره وحده تناام
خــرجت من الــغرفه ونزلت للمطبــخ جابتلها قارورة مويــآ وطلعت الدرج
كانت رايحه لغرفتها بس سمعت صووت غــريب قــربت للدرج ولقت عمــها داخل البيــت
جا في بالها على طوول اســآمه رااحــت جري لللمكتــب فتحت الباب ونادتــه بهمس : اساامه ابوك جاا
اسامه ولا هوا معاه بيهرج بالتلفون : الووو
راماا طالعت وراها دخلت المكتب والباب انقفل لوحدوو: اسااامه اخرج كلموو
اسامه طالع فيها ومعقد حوآجبه اشرلها بييده يعني تستنى حاط السماعه على ادننو ومو سامع صوتها من كتر الازعــآج اللي هيا فيــه : اللووو انتي معايا
اموو ماكانت مميزه الصوت بس عرفت انو مكتب سامح من الرقم : داقيقه سامه " سامح " اسم ابوه
نزل نظره للمكتب وهوا يدااري الاحااسيس اللي بيحس فيــهاا
يخفــي فيها دمـــوعه اللي مغبشــه عيــنه
امــو خــرجت من المكان اللي كانت معااه : ايوا ساامه ايش يبى دهين
اسامه بالقوه خــرج من فمو الكلام : انا اسامه
امـــو بعدم تصــديق : اوسااامه _ زاااد صووتها اللي كان مصحووب ببكى _ ولدددي اوسااامه
بس سمع ردة فعلها وكيف الكلمات تخرج من فمها بشويش وكأنها نسيت حتى تتكلم عربـي نزلت دموعــه
وخــآنتو الكلـــمــآت

اما برا الغــرفه انتبه لإضائــه خافتــه في المكتب اتــوجه للباب وفتحوو


راما من يوم ماحسست الكلللون نزل لتـحت اندست ورا الباب بخووف
مره تترعب من عمــها
ووجودها في اخر الليل في دي الغرفه مع اسامه مصيبه لوحدها

ابوو دخل الغــرفه وانفجع من وجود اسامه وكمان بيهرج بتلفوونه : ايش تسسسوي هنااا
اسامه ولا عبــره نااسي اللي حوليـــه يبكي ويهــرج معاها : امممي فينك انا حجيكي
ام اسامه مع الصدمه والفرحه والتفاعل اللي هيا فيــه تبـكي والكلمات العربيه كلها راحت من قاموسهاا وكم كلمه اللي قدرت تخــرج : ولدي انتاا هيااااتي
اسامه بس يباها تقولو فينها بصووت كلو تــرجي : الله يخليكي قوليلي فييينك
امو بتلكلك وهيا تبى تجيب اسم الفندق اللي نسيتو بدي اللحظه : انا انا في *********

ابو اسااامه اتووجه لسسسلك التلفوون وسحبــو من الفييش بعصبيـــه
اما راماا اللي نشــف دمها مو قادره تخررج من الغــرفه عشان لايشووفها سحبت نفسها بهدوء ورى الكرسي اللي بركنيــه الغــرفه وجلسست وهيا ضامه رجلها لصدرها وقلبها يدق بســرعه

اساامه طالع في ابووه ورمى التلفوون بالارض : اللي اباااه خلاص عرفتـــوو
كان بيمشي الا ابووه جا قداامه ومسكو من بلوزتـه وقال بكل صووتـــه : ماااحتروووح لهاا
اسامه دف يده وقال بحقـد : لو فييك خير وقفني
ابووه رجع يدفه على ورى مايبااه يخرج من المكتب: اسااامه خليها تــرجع ايطااالياا انا اللي مربيــك
اسامه مفجووع منو : انتا ماربيتني خدم البيت اللي ربووني لايمكن حخليها تساافر دي المررره
اببوه بعصبيه قال : انتااا ايش تبببى من دييييك ال ÷÷÷÷÷
اسامه : ديييك اممي اللي بعدتني عنهاا انتا اللي اشتبى فيني مو طردتني من البيت عشان راما خلاص انا رايح لأمي وحعيش معاهااا
راما ورى الكنبــه مغمضــه عينها وتدعي من قلبــها (( ياااربي انا ايش جااابني هنااااا ))
ابووه يهرج بصووت عااالي : انا بعدتك عنها لأنها كانت تبى تاخدك معاها وتسافر ولا تـرجع كانت ماتبااك تعيش معايا باعت كل اشيائها ودبرت تزاكر وسكن في ايطاليا لك ولها عرفت دحيين ليش بعدتها عنك
اسامه مسح دموعــه وقال وهوا يتحكم باأعصابه : عارف
ابوه رفع حاجبه باإستغراب : عارف ؟
اسامه خلاص طفـح الكيل لمتى حيسكت ويكتم في نفســه لمتى حيجامل ابوه ويمشي كلامه اشر على نفســه : انا كنت اجيها كل يووم واقولها مابى اعيش معاك كنت اترجاها تخرجني من دا المكان هيا سووت دا كلوو عشاني باعت اغراضها عشاني انضربت بسببي وانتا في حيااتك ماحتسوي شي الا عشان نفسسك انا كاره الجلسه في دا البيت كاره قوانينك كاره باإنك تتحكم فييا وكأني واحد بشتغل عندك .
ابوه انصدم من ردوو من كتر مايحب اسامه بيعاملو بطريــقه مو طبيعيه اشر براسو بنفي : لا انا اللي ربيتــك انا صرفت ملايين عششانك دا كلووو بسوويه عششانك دي املاكي كلها لك امك مااسوت شي
اسامه قال جمله بعيده عن الانسانيــه : لما تموت ديك الساعه حيكون دا كلو عشااني بس استمتع واتنعم دحين بفلووسك قبل لاتودعها
راما حطت يدها على فمها مفجوووووعـــه وعينها مفــرصعه
مهمااا كان ابووه قاااسي عليـــه كلام زي كدا ماينقااال
دحيـــن
كرهــت اسااامه
كرهت ابووه
كارهه كل شي دموعها في عينها تبى تخــرج من دي الغـــرفه اللي تحس فيها انساانين ماعندهم اي مشاااعر
اسامه مشي من جمب ابوووه اللي مبلــم
ومفــجوع من كلام ولده اللي ماينسمع دايما حسو الا بحاااضر وان شالله
وخـــرج من الــغرفه
اماا ابــوه ولا اتحــرك من مكـــآنه الا بعد دقااايــق
ومشي وهوا مو معقلــو قفل الباب ورااه
وافتكــر الاغراض اللي فيها مايدري اصلا كيف سابها اليوم مفتوحه
خرج المفتاح من جيبه وقفــل الغــرفه
ورااح لغــرفته ودمــوعه في عيـــنه


اما رامااا جالسه في مكانها وماحست اصلا بخــروج ابو اسامه كانت مصدووومه من رد اسامه
وتحس الجمله تتعاد في راســها وكأنها هيا المقصووده
في حياتها ماقد مر انسااان عليها بوقاااحته
على قد ماحزنــت عليــه
على قد ماكرهتو دحيــن وحقدت عليــه
الا الوالديـــن
رضـــآهم عندها بالدنيـــآ كلها
مهما عصب ابوها عليها
مهما امها منعتها من اشياء كتير
كانت تسكــت ولا ترفع صوتها حتى
ودا بكل بجااااحـــه يتمنى موت ابوه والمصيبه انو يقولها بوجهه
خرجت راسها من ورا الكرسي وشافت المكاان مافيــه احد
سندت يدها على الكــرسي ووقفت
راحت بخطوات ثقيلله للباب
نزلت الكولون بشووويش وسحبتو وفتحت عينها بصدمه في دي اللحظه
رجعت تنزل الكولون وتــرفعه وتسحببببووو
حسبتو علللق فاسااارت مع الصدمه تعيــد الحركه بســـرعه
ضربت الباب بيدهاا كدااا مررره
مافي اي مجيــب
لقيت فمهاا عند الباب : احددد يفتحلللي البااب _ دفت برجللللها _ انااا هناااا
حتى جوالها في الغــرفه
سندت جسمها على الباب وجلسسست وهيا تبـــكي
لأنها كارهه العيشــه هنا
تبى ترجــع جدهـ اكرملها

تلوثات من مصنع القلب

في يدها الكتــآب ورايحه وجايه وهيا تحــفظظ اتذكــرت اللي سار وصــرخت وغطت وجهها بالكتــآب :آآآآآآه ياااررربي موو قادرهه اخرجو من باااالي _ نزلت الكتاب من وجهها وطالعت بالمراايــه _
وجهها مرهـ محمـــر
مستحيــه ماتقدر تشوفو تـــآني
ماحتقــدر
طالعت بشبااك غــرفتها مالقتو عند البوابه زفرت برااحـــه
اصلا هيــآ ماتقدر تذاكر بغــرفتها تحســب دوامــو خلص
خــرجت من الغرفــه ونزلت للحديقــه
طالعت للبوابه : احسسن مو فيي
رفعت لكتااب وهيا تبى تحفظ بس كل ماتجي تقرا كلمه
يجي في بااالها شكلهاا ونظراتــه غمضت عينــها وصــرخت بكل صووتها : آآآآآهـ اخخخخخرررج من راااسي
_ ضربت الكتاب على راسهااا كدا مره وخدودها محمره من الخجل _ اخرررررج من رااااااااسي
هتــآن جاي من الحديقه الخلفيــه وشافها بدي الحاله عقد حوآجبه ومشى بخطوات هاديه باإتجاهها يحسب سااير شي جا وراها بزبط وقال بششك : في شي ؟
دارررت وشهههقت بكل صووتها فجعتو معاااهـ
اتـــربشـــت دارت جسمهاا بتمشي الا المسبح وراهااا
رجعت دارت قدام هوا قدامهاا طالعت يمينهاا ومشيت الا رايحــه للبواابــه
رجعت بتمشي من جمبـــه
وهتااان مفجووع شايفها رايحــه جااايه وتحووس في مكااانها ومابتطالع فييه حتى
جات قدامه وهيا تباااه يمشي بس مع العصبيــه
والتوتر
والارتباااك
والحيااا
وكل شي بتممر فييه بدي اللحظه
ماقدرت تتحكم باأعصاابها رفعت الكتاااب ورمتوو بوجههو : قلتتت ابعدد من طريقي
هتان غمض عينو مفجوع من رميــه الكتاااب وردة فعلها الغريبــه وكأنها قالتلو عشرين مره ابعد وهوا مابعد
رجع على ورى واشر مفجوع : اممشي
اليـــن ساابت كتابها في الارض ومشيت كم خطووه ورجعت وقفت
وهوا قال في قلبــه " الله يســـتر "
تبى تداافع عن نفسسسها
مكسوووفه من اللي سااار
حتى ماسارت تقدر تتواقح معااه
دارت جسمها باإتجاهه وقدمت كم خطووه ورفعت يدها وهيا تأشر عليــه : وعلى فكره ديك اللي شوفتها مو انا
نزلت جسمها اخدت كتابها من الارض ومشيت بخطووات وحده واثقــه دحيــن
يطالع بقفااها وهيا بتدخل للبيت وشويا يمووت من الضحك عليــها بس كااتم ضحكتــته
اتذكر جملتهاا " وعلى فكره ديك اللي شوفتها مو انا "" : ههههههههههههههههههههههه وربي في اسووء مني
في التصـــريف

دايما مايعرف يصــرف ويطلع اعذااار ودي غلبتووو عاااد بجملتـــها اللي خلتو يتنح لوهلا
اتــذكر كيف اول ماشافتو حاااست في مكــآنهاا وراحت من جميييع الاتجاااهااات
صح شكلها يضحك بس بنفس الوقت حــزن عليــهاا
لأنوو الموقــف اللي سار بينه وبينها مررره بــــآآآيخ

قفلت الباب بعصبيــــه وكعادتها صرخت :آآآآآآآآآآآآآآآآآآآ اي هييييت ماااي لااايف
خــرجت الشغاله مفجوعه : ساير حاجه مسز الين
الين كشــرت : لااا
الشغاله : اوك انا اسفه _ ورجعت كملت شغلها _
الييين دخلت الغــرفه اللي على يمين باب البيت جلست على الكنبـه وفتحت كتــآبها تبى تحاااول تحفظ شي
بس مو قااادره
مو بيدهااا
بتفكــر كتيـــر

في آحد الكافيــهاات الشبابيـــه


جالســـه معــآه وهواا مندمج مع التي في وهيا بيدها الكوفي تبعــها وتشـرب وتطالع فيــه
صح مو وسيــم بس جذآآب يلفت الشخص لو لمحه بس وقت محد يدقق في ملامحه مالو ديك الملامح اللي مره واااو
عشقة بسااطة ملامحــو
وشخصيتو اللي دايما توديه بدهيه بسبب كلامو الزايـــد
لابســـه سكيني ازرق وبلوزهـ تايقر بني والشوز برضو تايقــر طالعت في اظافيـرها المطليه بالاحمــر ورجعت اخدت رشفه من الكوفــي
امااا هوآآ كعادتــه هوآه الثوب الخليجي
طفشششت من كتر مو مستنيتوو يهــرج فتحت فمها بتتكلم الا هوا اشرلها بيده وعينو على التي في : اوص اوص
قالها وهوا منسسجم ولعـــت منـــو
حطت كوبها على الطاوولـــه واخدت محفظتها من على الطاوله ووقفت حتى لما وقفت ماطالع فيــهاا
حيجننا اسلوب دا الوللللد
مشيـــت ووقتها استوعب : شااادن على فيــن
وقفت قباله : خلي سمر ونهال ينفعووك
مروان بتبرير : الحلقه الاخيره
شادن : دامها الحلقه الاخيره ليش قلتلي اطلع معااك
مروان بدوون ترجي كعادته كماان : اقوولك ارجعي اجلسي
شادن : مابى طفششت
مروان اشرلها بعينو على الكرسي : خلاص باقي شويا ونمشي ارجعي على كرسيكي
شادن اتأففت ورجعت جلست مكانها وهيا تهــز رجلــها
حركت شعرها البني بملل وسنندت جسمها على الكنبـــه
عيونها مع الطفش اللي حسه فييه بتتفحص كل الموجودين بالمكااان ومن غير لاتحس تدخل جو مع هرجهم
ازعجتها ضحكــه جايه من وراها وكل ماتضحك لاشعوريا مروان بيطالع فيها
طنششت اول مره
اتعادت الحركه مررتيــن ومروان بيطالع
فضولها زاد انها تشووف البنت
دارت ورجعت جلست عدل باإقتناع انو هيا " احلى منها بمراااحل "
عقدت حوآجبها لما حست البنت مو غريبــه عليــها رجعت طالعت ورى وبطالع في البنت اللي جالسه لوحدها
وبتهرج عل جوال وتضحك وتمضغ اللبان بطريقه مقززهـ
مروان : شادن ايش بــك
شادن طالعت في مروان : البنت مو غريبه عليا
مروان متقزز : تعرفي دي المناظر
شادن : لا بس انو قد شوفتها قبل كدااا
مروان : اها _رجع يتفرج وهيا وقفت _ على فين !
شادن : الحمام
شادن قامت وعينها على البنت مررت من جمبها وهيا بطالع فييييهاا
البنت وقفتها بكلمتها : اعررفك ؟! _ حطت جوالها على لطاوله _
شادن وقفت عند طاولتها وابتسمت باإحراج : مدري بس عيني مليانه منك
البنت ابتسمت باإعجاب وهيا بطالع في شادن من فوق لتحت : قد شوفتك برضو قبل كدا بس مو فاكره فين
شادن ضحكت : اجل مو غلطانه
البنت سحبتلها حبه سجاره وهيا تتذكر : امممممم _ ولعتهاا ونفجت في الهوا _ اهاااااااا ايوا ايوا اتزكرتك
شادن : فين شوفتك ؟
البنت استحت تقولها : شاكه يعني مو متأكده
شادن تنت ركبتها اليمين من كتر ماتعبت من الوقفه : فين ؟
البنت جات في بالها تكسب كم قــرش ابتسمت بوساخه : انا اللي كنت مع سامر _ ورجعت حطت السجاره في شفايفها _
شادن رمشت بعينها كدا مره وقالت بصوت مرخي : فييين
البنت بعدت السجاره عن فمها ورفعت حاجبها اللي مرسوم بطريــقه شيطانيــه : في بيت سامر انا اللي كنت معاه داك الييوم
شادن بلعت ريقـها وقالت بتكلك : اهـ آ _ بان الارتباك في وجهها _ اوك انا ماشيه
البنت ماحطير شادن بلوشي : تراه يحبك
شادن ماهتمت : اوك باي
البنت : دقيقه ماتبي تعرفي مين رسلتني له
شادن اتفاجأت : احد رسلك
البنت حطت رجل على رجــل : اجلسي
شادن جلست قبـآلها : ايش بتقولي انتي !
البنت : سامر ماخانك هوا صح خانك لما فتحلي الباب بس اانا اللي اغريتو
شادن : وانتي ليش
ميمي قاطعتها : لأنو وحده رسلتني له وقالتلي اسويلو كدا ولأنو ماحيخونك طلبتني اني اغرييه على طول
شادن : مين دي الوحده !
ميمي ابتسمتلها : كاش _ عارفه بس من اناقتها واكسسوارها اللي يجذب وبيلمع من بعييد انو شبعااانه وبراحه _
شادن ماهتمت كم تدفعلها فضولها زاد عندها وهيا حاطه في راسها اسم بس وحده " امهاا " .: اوك
_ فتحت محفظتها وخرجت مبلغ محتــرم وحطتو على الطاوله _ دا اللي اقدر اعطيكي هوا
ميمي اخدت الفلوووس ورطبت صباعها بلسانها وعدت الفلوووس حطتها في الشنطه : اوك كدا كوويس نقدر نتفااهم
شادن : مين ؟!
ميمي: اسمها الين
شادن موويه بارده وانكشششت في وجهها : ايششششش
ميمي: ايوا الين حددتلي الوقت والمكاان وكل شي
شادن لاشعوريا ضحكت وقالت : كزاابه
ميمي بدون ااهتمام : بكيييفك بس على فكره المبلغ اللي اعطتني هوا قد الي اعطيتيني هوا دحين بمرتيين
شادن مبلمـــه
مصدومــــــــــه



اما مرووان سند جسمه على الكنبــه وعينه على التي فيي : وربي انها مزه بنت الكلـب حتى وهيا ميته
حس بغياااب دوبو شاادن طالع قدامو ولمحهاا جالسه مع البنت
يكره دي المناااظر اللي زي ميمي
قاام من مكــآنه وهوا مصنقــر وراح لهم : شااادن
شادن طالعت فيـــه وســرحت
مروان انفجع : شااادن شااادن
شادن : ها
مروان خاف : ايش بك
شادن اخدت محفظتها وقامت مروان جا قبالها : ايش اللي سااير
شادن رجعت على ورى : مروان بعد عني ابى امشي
مروان استغرب : ايش سااار هنااا
شاادن ضغطت على كلامها ودمعتها في عينها : قلت ابععد عننني
مروان دامهم في مكان عاام ماحب يجذب الانظار لهم مشيـــت شاادن
وهوا مشي وراها وعينو جات على التي في قال بتوديييع : حشوووفك على النت
خــرج من الكافي ومسكهاا وقال بهدووء : فهميني ايش اللي ساير
شادن على طول نزلت دموعها : ساامر
مروان متأثر مع سمر والعشق الممنوع : انتحر
شادن دفت يدو بعصبيــه : لاا
مروان : طيب ؟!
شادن دموعها متواصله ماقد حبت زي ساااامر وبنفس الوقت مو قادره تتقبل صدمتها باألييين : فاكر يوم ماحكيتك عن ساامر والبنت اللي معاه
مروان : اييوا
شادن تمسح دموعها وتهررج وصوتها يتقطع : اللي جوا دي هيا اللي كانت معاه داك الييوم
مروان مو فاهم شي بس حزنان على بكاها : طيب !
شادنن : الييين اللي رسلتهاا _ دارت جسمها وضربت برجلها بالارض بعصبيــه _ انا كييف مافكككرت فيييها اصلااا هيا يومها بتقولي نتحدى وبعدهاا كدا سااار _ ضربت راسها بقـهر _ غبيييه
مروان مسسك يدهالما شاف الناس بيطالعو فييها : شااادن اوصصص لا عااد تبــكي _ مشي وهوا ماسك يدهاا وفتحلها باب سيارتو _ خشي
شادن دخلت السياره وزاااد بكاااهاا
مروان دخل وقفل الباب دار عليها بعد ماضاء المكاان : فهميييني
شادن : ديك البنت اللي جوا هيا اللي ارسلتها الين لسامر داك اليوم
مروان مو داخل في رااسو كلامها : كيف تصدقي وحده زي دي !
شادن مسحت دموعها وقالت بقهر ومازالت دموعها مستممره : لأنو دي الحركه تجي من الين _ اشرت على نفسها _ بس مو ليااا هيا تسوي في غيري كدا بس انا صحبتتهاااا اختها مو صحبتها كماان كيييف تفككر تسسوي كداا وهيا تعرف اني احب ساامر
مرووان : لساتك تحبيه ؟
شادن : اوووف مو دااا اللي بهرج عنوو مرووان افهم الييين اللي راسله ديك الكلبــه فهممت
مروان : لا تصدقيها
شادن : الا وقتهاا الين عرفت متى حروحلو واتحدتني وكاانت واثقه من نفسسها لو تشوفها كيف تهرج وكأنها عارفه من جد انو بيخونني انا حماااره لأني مافهممت بس شووف مهما سوت حبل الكزب قصير وبسبب مسلسلك دا التاافه قاابلت البنت
مروان بالو في المسلسل : شايفه ككيييف
شادن طالعت فييه بعصبيه : انا فيين وانتا فيين
مروان : لا والله معااكي بس مو داخله في بالي صحبتك تسوي زي كدا حركه
شادن : دي الييين دي ماعندها دم ماتحس تمشي اللي براسها وبس
مروان : مو دي اللي كنتي تدافعي عنها كل مره
شادن : قلتهاا كنتتت وديني بيتها
مروان : ها !
شادن : ابى ارووح بيت اليين دحيين
مروان : ليش !
شادن بعصبيه : ازا ماحتوديني حاخدلي تاااكسي دحين واروح
مروان اول مره يشووفها كداا دايما شادن الرقيقه الناعمه بس دحييين غير مره : اوك اوك فين بيتهاا

وصفــتلوو البيـــت .


اما اليـــن منسدحه على الكنبه وحاطه الكتاب على وجهها وقفت ورمت كتابها على الكنبه : ماحزاااكر وكلو بسببو يااااربي دا اخر اختبااار لياا ولا حضمن رسوووبي
اتوجهت للطاقه وبعدت الستاره عنهاا وقالت وهيا تطالع فيــه بنظرات ثاقبه : اكرهك
كانت بتبعد يدها عن الستاره الا انتبهت لسياره عند البووآبـــه عقدت حوآجبــها
واتــوجهت لباب اللبيــت فتحتــو ووقفت
انتبهت شادن تخــرج من السيــآره ابتســمت باإستغراب ونزلت من الخمســه الدرجااات وقدمــت لعند السيااره زاد استغرابها لما شافت مرووان طالعت في شاادن اللي قفلت باب السياره بعصبيه : ايش جايبك معاه !
هتــآن جلس على كرسيــه ومسك الكتاب اللي بيقرأو
شادن جــآت قبــآل اليــن بزبــط واعطتـــهاا كفـــ فجـــع الكل
هتاان طالع فييهم مفجووع
مرووان قفل عين وفاتح عيين وقال باألم وكأنو الكف جاا على خدوو: اوووو

اليـــن دااارت وجهها مع قوووة الكــف طالعت بعدها في شاادن مصدوومـــه
مع الصدمه انخــرست
شااادن دموعها حابستها في عينها قااالت بقهـــر : انتي احقـــر انسااانه قد شووفتها بحياااتي
عشان تحدي بينك وبيني تروحي _ نزلت دموعها _ تجرحيني ماهتميتي بمشاااعري دا وانا صحبتتك انتي ايش تسسسوي في الغررريب
شاادن دفتها بقهـــر لما شافتها مكتوومه : رددددي عليييا انا ايشش سووويتلك _ دفتها من كتفها تااني _ ردددي
الين دفت يد شادن : انتي عن ايش تهرررجي
شادن اشرت عليها : عارفه انا ايش اقصصصد
اليين مولعه من الكف كدا بتهرج بهدووء ولا من جواتها قدها تبــكي : قصدك على سامر
شادن مسحت دموعها : لا ياشيخه
الين بتحليل : لو مادخل ميمي بيتوو كان قلت يحبك بس الادمي طلع زي اي واااحد لعاااب
شادن : انتي ايشششلك فيييه اصلاا دا كلو عشان سيااره
الين : لا حبيبتي لو كنت اباها كان اخدتها منك
شادن مصدومه منها : لسسه لكي عين تواقحي !
الين : مابوااقح ماسويت شي غلللط
شاااادن ولعـــت هجمممت على اليــن تضــربهاا
واليــن الضــرب دا اخر وسيــله ولا تعرررف بس بتحااول تداافع عن نفسسسها وسارت تدفف شاادن
بس شااادن مسسكت شعرر اليين بقهـــر
الييين : اااي ابعددددي
مروان مع الفجعه قدم خطوه وبعدها وقف مو عارف يروح يوقفهم ولا لأ
بس ماااقدر صياحهم زااد اول مره يشووف بنتين يتضااربووو
اتوجه بســـرعه لشاادن ويحااول يبعدهاا عن اليين بس مو قاددر
كااانت شاادن مولعه
مقهووره
ومع الصدممه هجمممت
تعرف ماتقدر ترد حقها بلساانها
فايمكن بيدها تقدر تاخد حقهاا
مرووان مو قااادر علييهم
مرووان : خلااااص ابعدووو بناااااات اهجدووو _ طالع في هتااان وهوا وجهه محمممر ومو قادر يفرقهم _ تعااال ياأخخخي
هتان متعود على المضاربات من رنيـــم بس مصدووم على باله بس رنيم اللي تمد يدها طلع في اخس منهاا
رمى كتابه على االكرســي وجااا بســرعه لهم
جا من جهه اليين ويمسسك يدها : سيبببووو بعضضض خلاااص
ولا كأنهم الاتنين
هتاااان حلوو زي دايماا
مسسك الييين من خصــرهاا ورفعهاا عن الارض وبعدها عن شااادن
الييين تحررك رجلهااا بعصبيــه : هييي نزلللللني بقوولك ابعد عنني
ومرووان ماااسك اياادي شااادن : بقوولك رووقي
شااادن تهرررج بعصبيــه : ماحرووق . دي الزززفت ماحد حيسكتهاا غيرررك
الييين تباا هتاان ينزلها بس هتاان ماسكها لأنه حاسس لو سابها حتروح تنقض على شادن : اناا محد يسكتتني اطلللعي من بيتي
شاادن : اصلااا تربيتكم كلها وسخــه تحسبي نفسك انتي على ابووكي اشــرف نااس هنااا وانتو مافي اوسسخ منكم _ عصبت من كتتر مامروان ماسكها سحبت يدها بعصبيــه ولاشعووريا خبطت عيــنه
مرووان فلت يدهااا ومسسك عينه باألم : اااي
شادن ولا كأنه بني ادم طنشتوو واتووجهت لألييين بعصبيــــه
هتاان شعر اليين في وجههو مو شايف شيييي
الييين : بقووولك سيببننني
هتان : لما تهجدي حسييبك
شااادن كانت بتمشي الا مرووان رجع مسسسك يدها اليساار لاشعوووريااا فسخت جزمتــها الكعـــب
مرووان : شااادن لااا
شااادن بكل عصبيـــه رميـــتها باإتجااه اليــن
الييين نززلت رااسهاا وجاا الكعـــب في وجـــه هتـــآن اللي سااب على طوول اليـــن : اااآآآآآآ
الين طالعت فيــه مفجووعه
اما مرووان انفجع اكتــر سحــب شاادن اللي لأول مره يشوفها هجوميـــه بدا الشكككل
فتح باب السيااره ودخــللهاا وهيا لساااتهاا ماكتفــت : انااا حوريكي ياألللييييين والله حتننندمي _ قفل باب السياره بالقووه _
ورجع ركــب وخـــرج بكل ســرعتوو من اسوواار القصــر


اماا هتــآن بعد يدو عن راسه وطالع في اليين : ايش اللي ساار دوبو
اليــن ملامحهــا ضــآربــه وتتنفس بســرعه مشيــت لحد الكرسي وجلسست وهيا تعدل شعــرها
هتان دار عليــها ومستني منها كلمــه
الين طالعت فيه بعصبيــه : تستتاهل الجزمه اللي جاتك
هتان انفجع يعني داا جزآته كمان : كان سبتكم تقتلو بعض يعني!
الين : هياا اللي بدأت
هتان : وانتي شكلك مسويتلها شي بعدتيها عن حبيبها !
اليـن : ماينفعو لبعض
هتان : مو انتي اللي تقرري
الين بهجوميه طالعت فيه : انتا اساسا مالك
هتان : كمااان اخدت خبطه بجزمه وتقوليلي مالك !احمدي ربك ماجات بوجهك
الين : المفروض تجي تتكلم معايا مو تتعامل معايا بداك الاسلوب يعني ايش فيي لو خانها
هتان : وخانها مع مين !
الين : انا ارسلتلو وحده
هتان بلم : من جدك !
الين : ايييوا
هتان : وهوا يحبها وهيا تحبو !
الين : ايوا
هتان بلع ريــقه مصدوم : وشايفتها هيا كمان غلطانه
اليـن : انا ماغلطت
هتان : اعور ويتنقور
الين : نعم !
هتان : انتي غلطانه
الين انتبهت لجزمه شادن في الارض قامت من مكانها واخدتها ورمتها بالمسبــح : ينحرق قلبك عليها
هتان : يعني خليتي حبيبها يسيبها تتوقعي حتنطش دا و حينحرق قلبها دحين على جزمه !
الين : اييوا دي الجزمه مافي زيها بالخليـج تزعل عليها ولا على حبيبها
هتان (( لا مخلوقه غريبه دي ! )) حك رقبته : انتي عارفه ايش سويتي
الين رجعت شعرها ورى اذنها : ماااسويت شي
هتان : فرقتي بين اتنين يحبو بعض
الين بعصبيــه ودموعها في عيينها مقهوره من شادن : وخيير ياااطير اساسا دي شادن بقره ماتفهم لو انا ماسويت كدا كااان هواا استنى اليوم اللي يخونها فيه ويسيبهاا
هتان مستغرب انها بتاخد وتدي معاه : مو شــرط
اليـن ضمت اياديها تحت صدرها : الا
هتان : لا
الين بغصيبه قالت : قلت الاا
هتان : ماحتمشيني بمزااجك حتى بكلامك انا احب من وانا عمري 9 سنوات وليومك دا احبها لاخنتها ولا حاجه
اليـن بتحليل سخيــف : انتا يمكن لأ بس هيا حتخونك
هتان مشاها على قد عقلها : طيب وانتي اللي سويتيه مع صحبتك صح مايسير !
الين : لا ماسويت شي غلللط
هتان قلها وهوا متنرفز منهاا :داا كلو ماسويتي شي غللط لما تقتليها مثلا حتسوي وقتها شي غلط !انتي جرحتيــها خليتها تسيبو عشان تحسبو انو خانهاا من جد ماعننندك قلـــب البنت كانت مقهووره غير انها مصدومه فيــكي
الين سمعت كلام من شاادن ومنوو خلاص انفجــرت وقالت : هوا بيعـرض عل فيس بوك
هتان : نعم !
الين كملللت بقهر ودموعها محجره بعينهاا : مابااهاا تشووف دا الشي وتقوم تنصدم اكتــر كدا ارسلت ميمي تعرف انو خانها ولاتشووف مقاطع له مع بنااات خلييها تنجررح وتكمل حياتها ولا تضحك على نفسها في يوم من الايام وتحس نفسها غبيه تحب واااحد متخلف زييييو
هتان مصدوم قال بشك : بيعرض !
الين : ايوا يعــرض بالغلط مره ضفت وحده وشوفت ضايفه سامر عرفتو من صورتو عندو حساب غير اللي عند شادن وضفتو وشوفت حاطط مقاطع له
هتان صوتو ارتخى عن اول : طيب ليش ماقولتيلها
الين : لأنو مابى اقوولها
هتان : بس هيا دحين فهمتك غلــط
الين : بكيفها هيا الخسرااانه
هتان : لا انتي الخسرانه !
انتبهت لسياره امها دوبها بتدخل الا على طول داارت جسمها واتــوجهت بتدخــل للبيت
اما هتـــآن رااح للبوابه اللي مفتوحــه وقفــلها بعد مادخلت سياره ام اليـــن .
جلس على كرسيـــه
وهوا متشتت
يفكــر بردها
في ناااس كدا يدافعو عن اللي يحبووهم وماهمهم حتى لو خســروهم !
على انو كان اخد شخصيتها بهبــل ويكرهها
بس دوبو شاااف شي تـــآني منــها
انســآنه تانيه
سكتت وانضــربت وشتمتها صحبتها
وماقالتلها حتى الحقيقه لا وكمان واقحت وطلعت نفسها الصح وصحبتها الغلطانه
اتخيــل لو انو مكانها
مستحيـــل يسوي كدآ

اما اليــن دخلت مقهووره ونزلت دموعهاا من شااادن لأنها مدت يدها عليـــهاا ورفعت صوتها عليــها
ليــش
بصفتــها ايـــش !
طلعت لغرفــتها ماتبى تشووف حتى امــــها
قفلت على نفســها الباب
ومسحت دموعــها مررت يدها على خدهاا اللي تحس فيه اثار الكف لسااتو فيـــه قالت بقهر
خليها تســري نهايتها هيا حتجي تبــكي


اما هتـــآن لسااته تحت اثار التتنيـــح
حزن على شكــلهاا وكيف خدها كان احمــر من الكــف اللي اخدتوو
ولما تههرج حسها مقهوورهـ وماكانت تبى صحبتها تنقــهر
اخد الكتاب وفي يدو مرســمه لاشعوريا رســم تفاصيــل جسم بنــت
واتــذكر اليــــن لما شافها بالبراا وعلى طووول سار يشخمط على الصووورهـ
يبــى يكفــر عن اللي سواه دوبو وكيف بس انو فكــر في غيرها فارجع يكتب شعر لها
" لرنيــــم " وعشرين مره كتب في الشععر احبـــك 3>



تلوثات من مصنــع القلب

تلــوثـــآت من مصـــنع القـــلب .

اياد في الحمام يستحمـــى ونادر يدق عليه الباب : اياااد ارحمنني ابى الحمااام
حمام اياد داخل غرفتـــه .
اياد يغني بصوت مزعــج : بسسس قووول ابغىى وانا اقوول حااظر انتا الوحييد اللي كلامك اواامر
نااادر : اوووو منك
اياد : ههههههههههههههههه رووح حمام تااني ترا كلها نص ساعه ورايحين البر _ كمل الاغنيه وهوا ملخبط في نص الكلام ومألف شي تاني_ وخاطرك والله يسوى اللف خاااطر
نادر : ايش الاغنيه التافهه دي
اياد : ههههههههههههههه بالعكس حلوه تعرف راشد الماجد ؟ ولا ماتعرفوو مسجون 11 سجنه حدك ام كلثوووم
نادر : لا اعرفووو
اياد : هههههههههههههه اماااا اهاا ايوا صح كان منززل اغغنيه _ غنى باإزعاج _ مساافر في سماا النسيااان اريييد انساااك انا اريد واطوي صفحة الاحزاان ونار الحب والتنهييد يووه اول مره اعرف انو غبره
نادر : موسوعة اغااني يااشيخ اسكت بللهي تراك في الحمام
اياد لسساته يهرج عن راشد : ياإنو كاان يلبس الشماااغ بطريــقه مستفززه
نادر : اياد خلاص انكتم
اياد : ههههههههههههههههه رووح حمام تاااني وريح اهللي
نادر : فيين ؟!
اياد : دور
نادر : من صغر البيت عشان ادور
اياد : صدقني حنرجع وهوا مهدود
نادر يبى الحمام : يووه انتا مرووق 24 سااعه مزاجك ماينقفل
اياد : نادر نااادر
نادر : نعععم
اياد : تعرف اغنية زي الهوااا وااااه من الهوا ياحبيبي واااه من الهوى
نادر عصــب : الله ياااخدك قالولك مسجون 11 قرن عشان ماعرف عبدالحليم حافظ
اياد فــرط ضحك في الحمام
نادر : حروح ادورلي حماام
اياد : اسئل اي احد
نادر طيـب



في غــرفتــهاا ماتتصور انو بعــد دقايق معدوده حتشــوف اللي حيخطبــها
وبنسبه لها زوجها لأنها حتوافق حتوآفــق قامت من على ســريرهاا وسحبــت الماايك وشغلتو
جلست على الكــرسي وغنت وصوتها بيــرجف وبكل احساس لأنه الاغنيه تحس انكتبت لهــآ " شيرين "
: ماتحاسبنيش على زنب عملتو انتا ياحبيبي وماتظلمنيش طول عمري بخاف اني انا اجرح يوم احساسك ماتسبني اعيش انا رافضه ارجعلك بعد خيانتك ليا مافيش عمري ماشكيت سواني باإخلاصك ياما قلت عليك ان انتا اناني مابتفكرش الا فروحك بتقولي عايشلك وانتا عايش بس لروحك منك لله _ نزلت دموعها وهيا تغنـي _ منك لله قلبي بيتألم من جوا من اللي انا حسااه مشيا ومش شايفه انا قدامي ولا حوليا بئا سهل عليك انك تجرحني وتظلمني انا هونت عليك كان نفسي تجرب احساسي صعب علييياا ياما ئولت عليك اننتا اناني مابتفكرش الا فروحك بتقولي عايشلك وانتا عايش بس لرروحك منـــك للله _ كملت تغني لمطربتها المفضله شيرين _ في حد ممكن يبئا مش ئادر يعيش من غير الم في حد لو سابو اللي ظلم يبئى حيموت من ندم خلتني اخاف على حبي ليك اكتر ماخاف على نفسي منك _ اتذكرت يوم مالمسها وعادت الجمله _ خلتني اخاف على حبي ليك اكتر ماخاف على نفسي منك خلتني ارتاح للعزاب وانا بين ايديك علشان بخاف من عزاب البعد عنك وقفت حياااتي عليك وبس وكأني بفرح لو لقيت قلبي اتظلم ظلمتي فيا ولسه عايشه الحب ليييك بصعب عليا ولسه مش بصعب علييك ولا يوم معايا غمضت عيني مشيت في سكه ماحسبتهاش وعشان بحبك حبيت حاقات مابحبهااااش ودي النهااايه خلتني اخاف على حبي لييك اكتر ما خااف على نفسي منــــك .
قفلت المايك وبكـــت
وكل مااالو بيعلى صووت بكاااهاا
تبــكي ندم
قهـــر
الم
مجروحـــه
وكلمة مجروحه تحس قليله فيــهاا

اما هواا واقف قــريب من الباب ولا شعورياا صنم لما سمع كومــة الاحساس اللي بتغنيــها
وعــرف من صوتــها انها بتبــكي
صوتــهاا لوحدوو كآن بيقوول انا مجــروحــه
الكلمــآت حس فيييها ومن كتر ماكانت بتغني باإحساس حس الكلمات كأنها موجهه له
سمع صوتها تبــكي
بكاها مو طبيــعي من قلبها بتبــكي
مره حزن علــيها
كمــل طريــقه


اما هيــآ قامت من على الــكرسي وجلست على سريرها ومو قادره تووقف بكــى
هيا مو كداا
ماكانتت تعترف بالحــب
ماكانت تهتم بكلام الحــب
بس يــزن خلاها تحــس فيه
يزن بسببه لأول مره قلبها دق بخجل
بحب
بتوتر
وارتبــآك
حست بمشاااعر غيــر معااه
ليش يحرمها دحين منها
ليش يخونــها
لا ماخانها بنسبــه لها دا ضحــك علــيها
ماعملها اي قيمــه
مسكت مخدتها وضمتتها ورجعــت تبــكي
في دي اللحظه اتمنت انها تكون مكان اليــن انها ماتهتم بكلام الحــب
ماتكدب انها كانت كدا بس من يوم مادخلو الجامعه نظرات يزن
سارت غيــر
تعجبها
كلماته
همساته
ضحكااته
حتى هرجو اتغير في عينها وتعجبها اي كلمه منو
لاشعوريا
اغرمت فيـــه بشكل مو طبيعــي
تبــى ترجع رودينا السطحيه
اللي الازيااء اكبر همهاا
وحتبــدأ صفحه جديدهـ مع خطيبها بدون مشاعـــر
بدون احاسيس
حتركز في مستقبــلها
حتسيــر رودينا الللي الكل عـرفها زمــآن
بقوتها
بكبريائـها
بطمعهاا
بحبها لنفســها
دا حتخليــه غطى لنفسها عشان لاتنجــرح تـآني
قامت من مكــآنها وراحت قدام المرآيــه سحبت منديــل وسارت تمسح دموعهاا
رمت المنديــل في السله
وعدلت مكيــآجهاا
اخدت اخراصها الفضيــه الطويلــه ولبستــهاا
وبعدها لبست السلسله والخــآتم
كآنت بتلبس وتطالع في نفسها بالمرآيــه
بســرحان
وكأنها بعالم تاني
لابتــرمش
ولا اي تعبيــر في وجهها غير الجمــود والامبالاهـ
ودا لوحدوو يوصــف قد ايش كانت مغـرمه في يــزن
حاولت تبتسم قدام المرايــه
ورجعت اختفت الابتسامه حطت روج فــوشي
ورجعتو على التسريــحه
فتحت الباب وهوا كآن دوبو مــآر من قدامها ابتسمتلــو
ونادر اللي دوبو راجع للغــرفه لاشعوريا وقف وطالع فيــها
((دوبها كانت بتبــكي !))
ابتسملهاا ردآ لإبتسامتــها
رودينا طبعها تاخد وتدي في الهرج تبى تهرج مع اي احد قبل لاتنزل عند امها وكالعاده تفضحها مشاعرها : صاحب اياد !
نادر مستغرب انها هرجت : ايوا !
رودينا تبى تضحك على اتفه شي : ههههههههههههه سبحان الله
نادر مفجوع رفع حاجبه : ايش في !
رودينا عدلت ساعتها الفضيــه : اول مره ادري انو عندو اصحاب شكلكم دوبكم تعرفو بعض
نادر : ايوا قريب
رودينا : اهااا عشان كدا مو مستغربه
نادر : ليش !؟
رودينا رجعت تضحك بدون سبب : ولاشي
نادر : في حآجه ؟
رودينا رفعت اكتافها بالنفي : لا بس انتبهلو يعني على حركاتو الهبله بس تراه طيب
نادر : اعرف
رودينا : لا ماتعرف دامك دوبك متعرف عليه لساتك ماتعرفو
نادر : يعني حنصدم
رودينا : هههههههه مو لدي الدرجــه بس مهما سوا لاتاخد بكلامو كل شي يقولو عكس
نادر مو عارف ليش بتهرج كدا عن اخوها !
بدون سبب
نادرر قال بتردد : طيب
رودينا اشرت على الدرج وابتسمت : نازله
نادر بعد عن طريـقها : اوك
رودينا مــرت من جمبـــه ونــزلت
اما نادر يسمع صوت كعب جزمتــها وهيا نازله من على الدرج ومره مستــغرب
من كلامها
مشــي وبيفــكر بكلامهاا
رآآح لــغرفه اياد وفتــح الباب كان اياد واقف قبال المرايــه لاف حولين خصــرو منشــفه بيضه
وخلل يده وسط شعــره وبيحرك شــعره : آآآآه بس محلى النظاافه
نادر قفل الباب : كان جلست لبكرا في الحمام
اياد دار جسمه بإتجاه نادر : ايش اللي حارق رززك انا احب اطول في الاستحمام
نادر : دا مايسمووه قدو استحمااام لك ساعتييين
اياد : حتتعود حتتعود _ حط يدو على المنشفه اللي على خصـروو _ دامنااا محنا اغراب على بعض اتفرج عاادي _ فتح المنشفه اللي على خصــرو _
ناادر انفــجع وداار وجهه للجهه التانيه : مووو من جدك
ضحكه اياد في كل الغرفه رمى المنشفــه على الارض
نادر لمح شي اخضر ورجع يطالع فيييه : ياأخي فجعتتتني
اياد كان لابــس شوورت : هههههههههههههههههههههههههههههه حسوويلك عرض يعني
نادر اتوجــه للكرسي وجــلس : وانا ايش يدريني
اياااد لساااتوو مستمــر بضحك : ههههههههههههههههههههههههههههه ياعليييك شكل لما تنفجع
نادر متنرفز : بللهي اللـبس
اياد بجديه هــرج : خايف افسسخ ؟
نادر شاف ملابس اياد جمبببو شالها ورماها في وجهه : اياااد ارحمممني واللبس
اياد مسك ملابســه : انتا ليشش ماتضحك ياأخي انبسسسط اضحك الدنيا تضحلكك لو استممريت كدا صدقني بينك وبين قبرك خطوتيين
نادر شويا جدي عكس شخصيه اياد مره : استغفر الله العلي العظيييم
اياد طالع في المرايه وهوا يمرر يدو على سكسوكتــو اللي محليا ملامح وجهه ويهرج بجديه وهوا شايف انعكاس نادر بالمرايــه : شووف تراا اهلــك بكرا تلاقيــهم وبما انك 11 سنه مو معاهم حتلاققي الف حاجه متغيره وفي اشياء ماحتتقبلها فاعشان كدا انبسط دا الاسبوع لين ماتلاقي اهلك صدقني حتتنكد
نادر : فاااول خيير الله يعلللك ماسمعت من فمك الا البلاوي
اياد اخد الجينزولبســو بيقفل السحااب ويهــرج : مو بلاوي دا اللي حتشوفــه انا اغيب فتره ارجع اشوف في مية تغيــر في البيــت فمابالك انتا اللي ميت 11 سنه
نادر : انا قلت اني حخرج واشوف الناس تستحي تفتح معايا سيرة السجن وال 11 سنه دي بس انتا مافوجهك دم عشرين الف مررره تجيب سيرتــها
اياد : ههههههههههههههههههههههههههههههه شيي عشتوو ليش ماتبى تسمعــو
نارد حرك وجهو بنفي : لا بالعكس ماهمني اسمعو ولا ماسمعو بس قلت الناس ممكن مايفتحو معايا دا الموضوع
اياد لبس تيشيرتو الاخضــر ومحدد من طرف الكــتف بالاسود : عشان لايجرحوك يعني ؟
نادر : لا
اياد : اجل ؟
نادر : مدري يااشيخ بس ماتعرف ال
اياد قاطعو : اللي اعرفوو انو انبسسط في حيااتك وانسى النااس وبس
نادر سكت وبعد لحظات قال : ابوك فينو
اياد بتـصريفه سـريعه : مدري
نادر : غريبه شوفت امك واختك وهوا الوحيد اللي ماشوفتو لدحيــن
اياد رجــع دخل الحمام وهـرج بصوت عالي : مشغول _ غيرالموضوع _ غير ملابسك ترا اتأخرناا



في الدور اللي تحــت دخــلت راسها من الباب وشافــت امــو ورجعت على ورى بردة فعل ســريعه
دقااات قلبــها بدأت تتسارع
ماكانت اول مهتمه
بس دحيــن مهتمــه
وخايــفه
ماتبى
شبكت اياديها في بعــض (( ياااربي ايش اسسسوي ))
فضـلت واقفه في مكــآنها اكتــر من خمســه دقايــق مو عارفه ايش تسسسوي
غمضت عيــنها وتاخد شهيق وزفيــر وكل بعد زفيــر تقول كلمــه ممكن تريــحها : ماحيسير شي _ اتنفست _ لاتتوتري لاتتوتري _ اتنفست _ كل شي حيكون تمااام
ارتااحت ابتســمت براحــه وفتحــت عينها وشهقت شهقـــه فجعتـــووو
رجعت على ورررى وجملتها اللي تقولها لما تخااف : اوو ماااي قاااد
لاشعوريا ضحــك اشر على بااب البيت : بخرج اجيب جوالي
وجهها محـــمر
من متى دا واااقف
وهيا بكل ثقــه كانت تهرج بصوتها وتكلم نفسها زي المجنونه
ولا طالعت فييه رجعت شعرها ورى اذنــها : اووك
ابتــسم ومد يده باإتجاهها وباااين انو اعجبب بشكلها : انا هادي
اياد نازل من الدرج وسمع كلمه انا هادي
مايدري انو دا اسمو : اجل الله يعييينك اختي تراها عنوان الازعاااج
نزل اخر درجــه وجا لعندو
رودينا انحرجت زياده (( الله يقلعك يااياد ))
هادي ضحك ويبى يوضحلو نزل يدو : لا انا هادي
اياد فااااااااااصل ولا فهم : ربي مايجمع راسيين بالحلال الا لما يكونو عكس بعض
روودينا نغزتو بكتفها تباه يفهههم
هادي : اسسسمي هاااادي
اياد مد يدو ولساتو ماستوعب : وانا اياااد اخو المحروسه _ كشــر ودوبو الارساال زبط معااه _ اهااا هادي هادي _ ضحك _ معليش دوبي صااحي
رودينا مرتاحه انو اياد جمبها تحب تكون معااه
هادي : عااادي اتشرفنا
اياد : وايش بكم واقفين لوحدكم هنا خلاص بتعقدو القرآن ؟
رودينا (( او مااي قاااد حيفضحني داا )))
هادي : ههههههههههههههه _ عن نفسسو موافق علييها _ كنت خارج اجيب جوالي من السياره فالقيتها هنا
عن ازنكم _ اتــوجه للباب وكان دوبو ناازل ناادر _
رودينا طالعت في اياااد بعصبيـــه : انتااا لازم تفضحننني بنعقققد قراان انا وهواا تستهبببل
اياد : كنت بسئل بس
رودينا : ودا سؤال طبيعي ؟ انتا انسااان طبيعي ؟!
اياد طالع في نفسسو وبعدين فيها : شايفتني مشوه
رودينا : الهمممني الصبر يااارب اياااد لو دخلل اطلع براا البيتت احسسن لكك مو ناقصه تحطني في مواقف سااامجه مع الادمي
اياد : عاد ميت اجلس معااااه حتى مايعرف يهرررج مو قادر يقوول جمله على بعضها _ يقلدو _ انا هاادي
صدقيييني كلامو تلاقيــه كلو مختصـــر كلمة اسمي مو قادر يحطها وسط الجمله عشان افهم
رودينا فلتت اعصاابها : العتب على مخك اللي مايستوعب
اياد : لا والله العتب على امو اللي مخلفتو ماعرفت تنتج
نادر واقف في اخر درجــه وبيطالع فيهم مبتســـم بيتنااقروو من قــلب وهوا مستمتــع
رودينا حطت يدها على فمها : اووصصصص لاتسسسمعك
اياد : تراها لساتها مو حماتك
رودينا : تدري انك واقح
اياد حرك حوآجبه : عارف
رودينا دفتوو : بللهي اطلع برااا البيت
اياد انتبه لناادر قال بتمطبط وترحيــب : هلووو مسيوو نااادر
رودينا بس انتبهت لنادر سابت ايااد
نادر جا باإتجاههم : يلا نمشي
رودينا طالعت في الباب حسبت هادي رجــع بس مو هوا : خلاص ايوا امشو
اياد : ليش نمشي خلينا نتعرف على خطيب اختي
رودينا قالت بين اسنانها : لساتو مو خطيبي
اياد : برضو لازم نتعرف علييه
رودينا طالعت في نادر وبترجي قالتلو : بللهي اخرجو من البيت
نادر ابتســملها : اياااد امممشي
اياد : مااني مااشي ابى اطقطق علييهم اموو مو ديك اللي مركبـآ صدر اصطناعي
رودينا فنجلت عينها : اياااد استحي
ايااد : ههههههههههههههههه _ طالع في ناادر _ بس ندخل بووريك كييف
رودينا قاطعتو بعصبيــه : اياااد بللاااش وسااخه وروووح
انفتــح باب الفلـــه ودخــل هااادي وجا باإتجاههم
اياد عــرف هادي على نااادر وبعدها هادي دخـــل للغــرفه
رودينا قالت بهداوه : اووك ممكن تروحو
اياد ينفس نبرتها : لااا حندخل نجلس معااكم
رودينا : اياااد بليييييز ارحممني
اياد : والله ماحنسوي شي _ طالع بنادر _ صح نادر ؟
نادر حزن على رودينا : لا خلينا نمشي
رودينا : ايوا اسممع كلاموو
خــرجت ام روديناا وهيا تهممس بحده : رودينااا فييينك من اول مستنينك
رودينا : ماما لايمكن ادخل واياد في البيت
اياد مسك خدها : يسعدلي المكسووفه انا
رودينا دفت يدوو وقالت بعصبيه : مو مكسسوفه
ام رودينا : اياااد خلاص روح
اياد عنااد بس يبى يجلس يحب يوتر اجوااء البيت : مابى اخررج اساسا ماعندنا اي خــرجه دحيين
نادر مستغرب منو دوبو اياد كان مستعجل ويبــى يخــرج
ام رودينا طالعت في نادر وقالت بتعب : بللهي شوفوولكم خــرجه
رودينا حطت يدها تحت صدرها
نادر مسك يدو وسحبــو بالقووه : اقوولك امشي
وايااد لسااتو يوقف : خلينا شوويا نجللس
ناادر يدفوو : مو وقتتتك تجلللس العيال مستنين
اياد : عاادي ماحيسرلهم شي
نادر دفو بقووه خلاه يتحــرك عددل : خلينا نمممشي
اياد مشي ومو عادتو احد يقولو سوي ويســـويه : خلاااص ماااشي
فتح باب الفــله ولقــى ابووه دوبو بيفتح الباب
الابتسامه اللي كانت في وجهه اختفت تدريجياا بعكس ابوه اللي ابتسملو اول مادخــل : ايااد
اياد مشي من جمب ابوه ولا عبــره
كأنوو مو قدااامو
اما نادر وقف مفجوع من الحــركه اللي من اياااد
ابوه متعود ماختفت الابتسامه طالع في نادر : انتا صاحبوو ؟
نادر هوا انكسف من تصــرف اياد : ايوا نادر
ابوه حس ناادر غير عن اصحااب اياد الباقيين اللي يبان الصيااعه في وجههم : اهلييين
نادر : اهلا فييك اسف على ازعاجكم و
ابو اياد قاطعو : لا ياولدي البيت ببيتك وانتا صاحب ولدي نشيلك على راسناا
نادر حس ابوه طيــب ابتسملو : تسسلم ياعمي _ طالع في اياد اللي بسيااره ويطلع صووت مزعج من السياارهـ _
ابو اياد عارف انو اياد بيسوي كدا لأنو يكره دا الصووت : يلا رووح وانبسطوو
نادر : ان شالله _ مشي _
ورااح للسياره فتح الباب وركب : ايشش بك
ايياد شغل اغنيـــهblack eyed peas - my humps
ولا رد عليـــه
نادر : ايااد م
اياد قاطعو : يبااالي اوريك الكليب لدي الاغنيـــه البنننت عليييها جسسم
نادر سكت لما حس اياد بيضـيع الهــرجه سابــو براحتــه
واقــدر اقوول اإياااد تنطبــق عليــه الفلسفــه اللي تقوول
اصحــآب الفكـآهه
اشخــآص اصيبــو بـ هلوسة الجروح
فضحــكو .

دآخــل البيـــت رودينــآ جالسه جمب امــها وتطالع في امو وحاسه بنظراتــه عليــهاا
ماتدري ليش ارتاحــت له
كلاموو يدل على انو انســـآن زووق
صح هيا بتوافق عليــه كدا ولا كدا
بس على الاقل عندها سبب دحيــن انها توافق عليـــه

تلــوثـــآت من مصـــنع القـــلب .

اتــقي شـــر الحليـــم اذا غضـــب

بيســـوق وهوا ساكـــت . وهياا غيـــر انسااانه تاانيـــه تبربر بقـــهر وتحرررك رجلللهاا
وكل شويييا توعد وتهدد وتكلم نفســها
وهوا ولا كأنه داعــس وولأول مرره يباها خلاص ترووح عنو
مايبااها في السيااره
اعجب فييها لأنها هاديه
ناعمه
في حــآلها
لما شافها الييوم كيـــف
غير نظرتو فيــها

شادن مع القهــر اللي حاااسه جالسه تبربر وتحسبــو معاهااا ماقدريستحممل
يكررره الصووت العاالي
خلقــه متعقد من مضارباات اهلوو ساار اي احد يرفــع صوتــه يتجنب دا الشخص بكبرهـ
وقف السياره فجأهـ وشادن مع الفجعه سكتت
معقــد حوآجبـــه وباين العصبيه بوجهه
شادن : ايش بك ؟
مروان طالع فيـها : خلصتي ؟
شادن : ايش ؟
مروان : كلاااامك
شادن ماعرفت ايش تــرد
مروان : شااادن اللي سويتيــه كتييير كتيير
شادن : واللي سوتو هيا طبيعي
مروان : وانتي سرتي اخس منها
شادن : لأنك مو عارف قد ايش انا اعزها
مروان قال بعصبيــه بس مابيـرفع صوتو : لا الشي الوحييد اللي ماعرفوو انا اني اساسا ماعرفك
شادن مافهمتو : ايش تقصد !
مروان ضحك نص ضحكه وهوا مفجوع : انتي حسيتي اخر شي ايش سويتي ؟!!!
شادن ولا هـرجت
مروان قال مسستصيب : فسختي جزمتتتتك ورميتيها في وجه البنت
شادن : ماجات فييها
مروان زفر بغضـــب : تراني مستصيب منننك
شادن : دحيين ليش زعلااان انا اللي مقهوره ومعصبه لاتقلب المووضوع عليييك وتسوي انك لك عشرين سنه تعرفني وانصدمت دحيين مني
مروان : سنتين اعرفك ودوبي اكتشفت اني ماعرفك
شادن رفعت صووتها : مروووان خلاااص ترااني مو نااقصه اللي فيا مكفيني
مروان شد على كلامه : لاتررررفعي صووتك وانتي بتهرجي اهرجي معايا زي مابهرررجك
شادن حسبتو متفهمهاا هيا حاسه نفسها بتنفججر وهوا لساته بيزعل ويسوي قصــه رفعت صوتها زيااده : مالك فييا حهرج زي مااابى
مروان غمض عينه وقال باأعصااب مشدوده : اخرجي من سياارتي
شادن انفجعت : نعم !
مروان طالع فيــها وهرج بجديــه وبصوت خاافت : اطلعي
شادن فتحت الباب بســرعه مع الصدمــه
خــرجت وهيا لابســه بس شووز واااحد وطلعت على الرصيـــف
ودمووعها حابستها في عيــنها
ماراعاا مشااعــرهاا
ماحتــرم انها بنت وفي اخر الليل يسيبها في نص الشارع بدي الطــريقه
خـرجت جوالها واتصلت على السوواق
اماا هوااا من كتتر مانعمىىى ولا وقــف
ولا اتراااجع عن قرارهـ
كاااان مســـرع وشاااخـــط وفي دقااايـــق وصــل لبيتــه
قفل باب السياره باأقووى ماعنده
دخل للعماره
الدورين الاولى مأجره
والتلاته الأدوار اللي فوق تبــعهم " عمارة ابووهـ "
طلــع للبيــت ودخل غــرفته وقفــل الباب رمــى نفسسسه على سريره وغمض عيــنه
حاول يهدى
بدأ يحس انو غلط
دووووبه حس انو غلــط
سحب جواله من جيبـــه
عارف انو غلطااان
دوبه بيتصــل الا انفتح باب غــرفتو بعصبيــه وفتحت اللمبـــه : مروووان
مروان عقد حوآجبــه : نعم
امــو نادت زوجها : تعااااااال اسئلللو
مروان رفع جسمو وسنده على خشبــة السرير : عن ايش !
جا زووجهاا وهوا معصب : مايحتاااج تدخلي عيااالك في كل هرررجه انا بكلمممك انتي ايش دخلل مرووان دحين
امو اشرت على نفسسها وصوتها يلعلع في البيت : مو انتا ماحتصدقققني
زوجها : لأنك كدااابه وعااارفه اللي سويتيــه غللللط انا قلللتلك من البدااايه ماافي ياهنند ليش ترووحي ليييش
مرروان مسسك راســه مصدعع دوبه ساايب وحده بنص الشاارع عشان يشــرد من صووتها وصريخها
ودولا كالعاده اي مشكله دخلوووه في الموضوع
امو : مروووان شوووف هااا ابووك بيقوول عني انا كدااابه 32 سنننه ولدحيين مو قادر تأمن عليا في حااجه طلللقننني انااا خلاااص واصللله حدي منننك
مروان رفع راسسه وطالع فييهم قاال بردة فعل سـريعه وبخووف : امممي
ابووه : هننند لاتخليني اغللللط واقووولها ياابنت الناااس اهجدددي ارحممييييني
هند : انا اباااااك تطللقننني خلااص تعبببت من العيشششه دي
مرووان قاام من السرير وراح باإتججااه امممه يسكتهاا : امممي اسسكتي خلاااص
ابووه بعصبيــه : مرووان بعدهااا من قدااامي لاحسسسن هااا واااصل حدددي ورب النعمه
مرووان : ابوياا خلاص روح غـرفتك
ابوووه خــرج وهوا يهــرج بصووت عاالي : اخلللص من مشاااكل العممل تجيني دييي الوااااااحد مايرتاااح
حتى في بيتووو
مروان قفل الباب : امممي ايش بتقوولي انتتي بطللوو خلااص
اموو : مرووان اناا مااعااد ابى اجلس هناا خلاااص مكتووومه
مرووان بترجي : عشاننا استحملوو بعـض
امو : خلاص انا استحملتو عشاانكم كتيير بس اكتر من كدا ماقدر والله مااقدر
مروان : امممي فكرة الطلاق دي تشيليها من رااسك صلي على النبي
امو : علييه الصلاه والسلام _ جلست على سرير ولدها _ الله يكافيييه حررقلي دمممي
مروان يبى يجيب حل : شووفي تروحي نجلسي عند خاالتي كم يوم على بال تهدى الاوضااع
يعرف مافي زي خالتوتقدر يهدي امــوو
امو : يعني ابووك اللي حيخليني ارووح
مروان : ماعليكي انا معااكي حيرضى
امو : وانتا عندك جامعه
مروان : كلها ساعتين ونص
امو : ودا قليل !
مروان : ياأومي انا تعبت نفسيا من مضاربااتكم مستعد اسووق 5 ساعااات ولا اسمع دا الصــريخ كل يووم
امو سكتت
مروان : نامي بغــرفتي بروح انا بصاله
امو متعوده اغلب نومها في غرفة مروان : اووكـ
مروان خــرج من الغــرفه ونسى جواله على السرير
اصلا نسى حتى شادن
انسدح على الكنبـــه ونااام من كتر مايفكـــر في نهاية امو وابووه


اما شاادن واقفه بشـــآرع رافعه رجــل عشان لاتلمــس الارض
ميتـــه خووف دمووعهاا ماااوقفت من يووم مامرووان مشـــي
خافت من بعضض السيارات راحت ورى شــجره تخفي فيها نفسسسها
اتصلت كدا مره على السوااق ولا يرد عليييها وامها تعطيهاا بيزي
اتصلت على رودينا ماتـــرد
دوبها بتتصل على اسامه الا اتصل ابووها
ردت عليـــه وهيا تستنجد فيـــه

تلــوثـــآت من مصـــنع القـــلب .

خـــرجت من التــآكســي وهوا مستنيــها والابتســآمه على وجهه قفلت باب السياره وهيا هلكــآنه
: آآه تعبـــب
نزاار : خلاص كدا يكون باقيلك بس كم ششغله بكراا وتخلصــي
مشيــت ودخلت للقاعه : لإيش داا كلو مرمطووني
نزار : مو لأنك اول مره حتسافري واورااقك نصها ناقصــه
رنيــم جلسست على الارض والجوو بــآرد مع التكيــف : بس بتدفع كتير فيها
نزار : ماعليكي
نزار جلس على كــرسيه وهيا بطالع في نفسها بالمرايــه وتعدل الكااب الصووف
نزار شايل هم يــزن مو رااضي ياخدها معااه
ولو اخدها ممكن تطلعلو الشعر الابيض فاأحسسن شي يعطيهاا تعليمااات يمكن تتجنبــها : شوفي ياارنو
رنيــم انفجعت مو من طريــقه الكلام لا من الدلــع الغريب اللي قالو
نزار مسوي انو بيهرجها بزوق يمكن ترضى تسوي اللي يطلبو منها : انا لما اسافر ترا اسير انسان تاني
رنيـم رفعت حاجبها باإستغراب : كيف انسان تاني
نزار : يعني بما اني حكون مشغول فااكره اححد يكلمني ويتناقش معايا فاأتغاضي عن تصرفااتي يومها
رنيــم جلست باإهتمام : ماتباني اهرج معاك ؟!
نزار : في الطياره ماحب احد يكلمني
رنيـم : اهاا
نزار : وماحب كمان احد يلمس اغرااضي
رنيـم : ليش هوا انا رايحه المس اغرااضك ولا كيييف
نزار ضحك : لا بس بقولك يمكن بالغلط تمسكي شي ليا
رنيــم ملامحها اتحولت للإستهزاء : بللهي لاتكمــل وتحسسني انك مريــض يومها قولي لاتسوي دا الشي وانا ماحسويه اما انك تعطيني تعلميات وارشاادات من دحييين خيــر !
نزار : مريـض ؟!!
رنيم ضحكت خافتو يفهمها غلط : لا لا مجرررد تشبيــه
نزار انفجع منها دي لو قالتلها ليزن ممكن يدفنها في ساابع ارض : شوفي تراني اكره دي التشبيهااات
رنيــم وقفت : طيب طيب _ اتوجهت للتلاجــه واخدتلها قاروره مويــآ _ وليش دحين قدمتو السفر
نزار كان بيعدل ساعتو وقال بدون مايحس : عشان اخويا _ حس بنفسه وقال _ قصدي سيدي حجزلي بدري
رنيـمم شربت من المويييا : بعد العشا مو ؟
نزاار : اييوا
رنيـم : اوك انا دحين ماشيه بروح ودع ماما من دحيـــن واجيب اغرااضي
نزار : اوك حتنامي هنا
رنيــم : ايوا
نزاار وقـف : اشووفك بكرا
رنيـم ابتسمتلو ومن جواتها بتنطنط كل ماتحس موعد الطياره قــرب تتحمممس مررره وبنفس الوقت تحس بخوووف
خــرجو الاتنين من القــآعه والتاكسي لساتو موججود
ركــبت وهيا عارفه دا الموعــد هتااان يكون دوبـــو جــآي حتألف عليه اي حكــآيه عشان يعذرها
الـ 7 الايام دي .

تلــوثـــآت من مصـــنع القـــلب .

فــي السياره معاهـ وبجوآر بيتــها مايقدر يطــول والشباب مستنينـــو .
مآزن : دام مافي احد في بيتك اقدر اطلع
رغد انفجعت : لا طبعاا
مازن : رغووده يلاا مافيها شي
رغد : مازن اهجد
مازن : مو قلتي تبي تبدأي صفحه جديده معايا خلاص تراني ماخووف بس نجلس شويا وحروح
رغــد بتردد : بس
مازن قاطعها : بس ايش بقولك انا احبـك وانتي عارفه
رغـد ماتدري يعني ادا يحبــها
يسير تدخلو الشقــه !
يسير تسوي شي معااه زي اي واحد !
مازن بيحاول فيــها : رغوودتي كلها نص سااعه ووالله ماحسوي شي غللط مره بس ابى ابووسك بعييد عن دي الاجواء
رغد طالعت فييه : تبووسني بعيينك
مازن مسسك يدهاا ونظرااته خلتها تضعف : بوسه وحده اوك ؟
رغد : ماحطول ؟
مازن : لا _ رفع يدو يوعدها _ بروميس
رغد تعجبها دي الحركه منــو فتحت باب السياره وهوا دوبو خارج الا هيا رجعت قفلت باب السياره
قالت تبى تبدأ صفحه جديده معااه بس بعييييد عن وسخــهاا : ماازن مااقدر
مازن طالع فيها باإستغراب ورجع قفل باب السياره : ليش ؟
رغـد : انا قلت ابى ابدأ معاك صفحه جديده مو ؟
مازن : ايوا
رغد : مابااهاا تكون بدي الصوره نتقابل في مكان عام حدي شي تاني ماقدر اسويه
مازن : بقولك مافيها شي وبعدين هيا مره وحده ماحنعيدها
رغد باإصرار : لا مره ولا مرتيــن ازا تحبــني من جد احترم قراري _ قالت بتردد _ وازا مو قادر معليش انتا بطريــق وانا بطــريق
مازن دا اللي كان مستنيــه منها
دا هوا الرررد
اسااسا لو سمحتلو يدخــل بيتها كان استغلها وكمــل طريــقه
باس يدها وابتسملها : اصلا كنت مستنيكي ترديلي كدا
رغد استغربت منو : يعني ماكنت حتطلع
مازن رماها في وجهها : الا بس كان سحبت عليكي
رغد انفجعت : سحبت عليا !
مازن : ايوا _ قالها بصــراحه _ شوفي يارغد البنت الغبيه اللي واحد يقولها انا احبك وهيا ترضى تدخلو بيتها وانا مادور ورى وحده بدي المواصفات وانتي عارفتني مايحتاج اهرج اكتـر
رغد ابتسمت وهيا تقول في نفسها (( انا مايحتاج واحد يقولي احبك عشان ادخلو الشقه شقتي للرايح والجاي مفتوحه )): اوك حبيبي انا نازله
مازن ذاب على كلمه حبيبي : اوك ايش
رغد : بنزل وي
مازن : لا لا قبلها قلتي كلمه حلوه
رغد ضحكت وفتحت باب السياره سحبت يدها من يدو بنعومه : نسيييت
مازن : ههههههههههههههههههه حصدقك
رغد خرجتت من السياره وهيا بتضحك اشرت بيدها : انتبه لنفسسك
مازن : حاضر وانتي كمان
رغد : طيب باي
مازن ارسلها بوسه عل هوا : باي
رغد قفلت االباب ودخلت العماره و بتطلع الدرج والابتسامه مرسومه على وجهها
ابتسسسامه حب
لأول مررره تحس فيـــها
دق جوالها حسبتو مازن خرجتو على طوول بس استغربت لما شافت الاسم : اوووف
فتحت باب شقتها وردت عليــه قفلت الباب برجلها : ايوا ؟
: كيف اوضاعك
رغد : كويساا
: وكيف مازن معاكي
رغد رمت الشنطه والكيس اللي بيدها على الطاوله : لسسه
: لسه ! طيب مو دوبك كنتي معاه ماقدرتي تلحسي مخو بكم كلمه
رغد انفجعت : ايش عرفك !
: هههههههههههههههههههه رغد حبيبتي انا اعرف كل خطوه بتسويها مع ماازن وبقولك نظراته ليكي اختلفت يعني في اممل
رغد قلبها سار يدق بسرعه كبيــره فسخت جزمتها : بروح استحمى
: لسه ماخلصنا كلامها
رغد : ايش باقي كمان
: رغد انتبهي لايلعب عليكي بكلاموو
رغد بخوف : ايش تحسبني هببله اول مره بتعررف يعني
: لا دا ترا غير عن اللي تعرفييهم
رغد : اوووف طيب انا فاااهمه خلاص بعدين نتفااهم
: شويا حتصصصل عليكي سلاام
رغد قفلت بوجهه ورمت جوالهاا على الطاوله
مو عارفه كيــف حتتصــرف معااهم دول حيفضلو يلاحقوها لين ماتسوي اللي يبووه
تلــوثـــآت من مصـــنع القـــلب .
فــي اخــر الليل وقفت قبال مرايــة مدخل البــيت فتحت شعــرها ولفتــوورفعتوو على فووق
لابســه تيشيــرت ابيــض وجيـنز سكيني مو عامله اي شــي بوجهها
دق جــرس الباب وهيا ابتســمت واتوجهت تفتح الــبــآب
اول ماشافها طالعلها من فوق لتحــت وماختفت نـظره الاعجـآب من عيـنه
لانا اشــرتلوو : اتفضـل
دخــل وهيا قفــلت الباب ومشيــت قبااله دخلتوو احد المجاالس الكبيـــرهـ
البيــت كلوو نااايم
الجووو هااادي ومافي اي صووت غير صوت خطاهم في البيت
جلست على الكنبــه وهوا جلس على نفس الكنبــه
لانا شويا بعدت
الرجال اكبــر من ابووها حتى وصاحبــه المقـرب : ايوا يابنتي كل شي جااهز
لانا بفررح : بلله
الرجال : اييوا انا كلمتهم وهما وافقو الباقي عليكي
لانا اتنفست براحه : الحمدالله والله طوول اليوم بفكــر واعصابي مشدوده
حط يدو على رجلها : دام انا موجوود لاتفــكري بشي
لانا ماحبت انو يحط يدو بدي الطريقه طالعت في يدوو وهوا شاالها
: ايشبو البيت كدا هادي
لانا : ناييمين
: اهااا _ وقف _ ماشالله دي اللوحه مره خطيره
لانا اختفت ابتسامتها : بابا رسمهاا
حط يدو وراا ظهروو وهوا بيتوجه ناحية اللوحه : الله يررحمــو
لانا نزلت عينها وهيا سارحه باأفكارهاا بعيــــــــــد عن دي الغــرفه
داار لقاها مســرحه
اتأملهاا
ملامحــ وجهها
رقبتهاا
جسمهاا
كل شــي خلاه مو متمااالك نفســو
دقااات قلبــه سارت بتعلى نفسسو بدي يضييق لاشعووريا مد يدو باإتجاااه الباب وقفــلو
ولانا ولا هنــآ بتفتكر ايام ابوها ماكان يرسسسم دي اللوحه قبل 10 سنووات
وهيا تنطنط جمببببو
دموعها غرقت عينها
حاولت تدارك نفسسسها رفعت راسها وانفجعت لما شافتو واقف قدامها
بلعت ريقها بتوتر : ايشش فييي !
ماقااال شي وبس بيطالع فييها
لانا خاافت وقفت وكانت تبى تبعده من طريقها مدت يدها وهوا مسسسكها ورماها علـ كنبـــه
لانا انفجعت صـررررخت : اببببعد عننننني _ غمضضت عينها وهيا تبعد وجهها عنوو وتدفو بيدهاا _ ابببعدد _ ###

فجأهـ .

تلــوثـــآت من مصـــنع القـــلب .

ماسكــه جوالها وتكلمــو جلست على كرسيــها : طيب ايش تسوو هناااك
مازن بيسوق السياره : نهيص
اثيـر مافهمت: ايش تهيصو
مازن عجبتو الكلمه من فمها ضحك : يعني ننبسط
اثيـر : اهااا
مازن : ايش بك
اثيـر : في صحبة ماما
مازن : هوا بيتكم كل يوم فييه ضيووف ولا كيف من يوم ماعرفتك وصحبات امك فيي
اثيـر : هييا كدا بس تحب تجمع الناس وبعدين دي اللي جايبتها عندنا ماتهرج زينا ماتعرف تهرج
مازن مافهم : كيف ماتعرف تهرج !؟
اثيـر : يعني بس تقوول _ تقلدها _ اماااال ألله . ايييه داا بئااا
مازن فـــرط ضحكككك : عيدي عيدي ايش تقووول
اثيــر : ليش بتضحك ؟
مازن : هههههههههههههههههههههههههههههه دي تهرج مصصررري مو ماتعرف تهرج
اثير : عاارفه
مازن: لا والله منتي عاارفه هههههههههههههههههه
اثيـر : الااا كل بلد عندها لغه خاصه فيها تراني مو هبله لدي الدرجه
مازن اتذكر كيف وهيا بتقلد الحرمه ورجع يضحك : ههههههههههههههههههههههههه وربي انك توحفــه
اثيـر زفرت بملل : سرت اطفش منك
مازن : نعم !
اثيـر تهرج بعفويــه وكأنه مو عاجبها العجب ولا الصيام برجب: اييوا مره ساير ممل اووف بس ابى بابا يـرجع
مازن اول مره وحده بتهرجو بدي الصوره : اثيـر انا سرت دحين ممل
اثيـر : ايوا صوتك مره عاالي بالجوال راسي يصدع
مازن : وعشان صوتي عالي ساير ممل
اثيـر : اييوا يعني من اول بتهرررج راسي صدع كل شويا اقوول دحين يسكت دحيين يسكت بس مره بتهرج كتير
مازن اتنرفز مرره منهاا : انا بهررجك ياازفت عشششانك طفشششانه ولا انا مو فااااضي ومن اول بقفل بس محزنتني << طبعا كدااب
اثيـر : شايفني جالسه ابكي عشان تحزن عليا
مازن هرج بهداوه : اثير لاتستفزيني
اثيـر : مابستفزك
مازن : الا بتستفزيني . اقوول خليني اكلم حبيبتي
اثيــر ماتباه يقفل بس كانت طفشانه كدا قالتلو داكك الكلامصوتها كلو دلع : ماازن لاتقفل
مازن على صوتتته : مو قلتتتي طفشتي منني
اثيـر : قلت صوتك عالي
مازن : مو برضو صوتك عالي وانا وطيتو من نفس الجهاز
اثيـر : ماعرف اسوي زيك
مازن : احسسن خلي راسك يصدع
اثير : ليش كدا تهرج
مازن : لأنك تستااهلي
اثيــر : انا راسي مصدع عشان عيوني
مازن : ايش بها عيونك
اثيـر : توجعـــني وجالسه طول اليوم بظلمه بس بابا لما يجي حروح المستشفى
مازن وطى صوتــه : خلاص اجل حقفل ارتااحي
اثيــر : لااااا اجلس معايا طفشششانه
مازن : وبعدين معاكي
اثيـر : بقولك جالسه لوحدي
مازن زفـر : اوك _ وسكــت _
اثيـر مرت عليها لحظه سكوت وبعدها غنت : هل تراني اخطأت هل اعتذر الان ام ابقى دون صديقة وهذا محال لن ادع الوقت يضيع وسأمضي بالحال الصداقه اقوى من ان تضيع في جدال الصداقه احلى هديه فيها احلاما ذهبيه وفي رسالتي يقرأون بصداقة قويه نتخطى الصعاب سويه فهل تراهم سوف يقبلون سوف احضر ردي وساابذل جهدي سااريهم اني وفيه لااخلف عهدي آآه كم كنتو غبيه لا لا كم كنتو انانيه لا لا اعتذر لكم فقبلو صداقتنا قويه وعلاقتنا اخويه كلنا ابدن مخلصون نحنو بها كالاخوات نمضي بالحياه نبني دنياالمحبه دنيا الصديقات _ سكتت __ < احب دي الاغنيــه تفكرني بنيمو
مـــآزن ولا اي ردة فعــل منو
شكت انو معاها عل خط : مااازن ؟
مازن دوبه حس بنفسسسو : هههههههههههههههههههههههههههههه وربي انك رهيبــه
اثيـر :ايش فيي؟
مازن يقلدها : كم كنتو غبيه لا لا ههههههههههههههههههههههههههههه
اثيـر : حلووه طيب
مازن : لا والله انتي اللي محليتها
اثيـر ماعتبرتو غزل : اعرف
مازن : طيب طيب _ طالع في جواله اللي بيطنطن _ بيبي جوالي بيقفل وماعندي شاحن
اثير : وليش ماعندك شاحن
مازن : ايش السؤال التافه دا
اثيـر : انتا الي تافه
مازن : تبي الجوال يقفل على مضاربه شكلك
اثيـر : مابضاارب انتا مدري كيف تهرج
مازن : انا بهرج طبيعي انتي اللي نفسيه ومدري ايش بك تقلبي فجأه
اثيـر تبى تستفزو وسارت تهرج زيو : اوووف خلاص خلاص بروح اتفرج شي يعدل مزآجي
ماازن : لااا والله وكبببرتي انتي وكلامك داا بس الغلط مني اللي بعلمك تهرجي
اثيـر : اعرف اهرج مايحتاج تعلمني
مازن : اقوول روحي بس من هنا
اثيـر : انتا اللي متصل
مازن كاان بيرررد الا جووالووو قفــل نززل الجوال عن ادنوو وطالع بشاااشه : الحققققييره طلعلهاا لسسسان انا اووريييها _ رمى جواله على الكنبه التانيــه _
اما هيــا ضحكت بمكـــر وحطت جوالها جمبـــها
تلوثات من مصنع القلب
في مطــــآر دبـــي وآقف وهوا مـــووولــع من اخوووه اللي بيحطوو بمووقــف تااافه
واهبــل وكل شـــي . شافـها جايـــه باإتجــآهـو وشنطتها الزيتيــه معلقه على ظهرها
حــآطه الكاب الصوف على شعــرهاا
لابســه تيشيرت اسود وجينز زيتــي
زفــر بضيــق اول ماشاها بدي الحاله اللي بنسبـــآله جدن سيـــئه
امااا هوآ لابــس تيشيـــرت احمــر وجينز ازرق غامق وكاب احمـــر
وشنطتو الفخمــه السودهـ جمبــه
وحتبدأ معانــآة يـــزن من هنـــآ .

نهاية البارت
بنات بلييز ابى ردود كتيــر
حسيت انو الروايه مو عاجبتــكم

البـــآرت الحادي عشـــر .

غريبة هيا اللحظة التي ينتابنا بها الحنين الى الطفولة.
الحنين الى البراءة .
والاغرب اللحظة التي نفقد بها هذه الصفات حينما نتعرض للقسوة وتكشف الذئاب البشريه الاقنعه جوعآ

ياترى هل بالامكان الاحساس بالامان من جديد !!!
هل سنثق يوما باحد ما !!!

هل سنجد الطريق في نهاية المطاف من بعد شتات وضياع وآلام !!!
هل ستوجد القوة لدينا والعزم للمقاومة والاستمرار؟!!!


صووتها ساار مبحووح من كتتر ماتصـــرخ
جاا قبالللها وهوا معــرق : بسس شوويااا
بس قاال دي الكلمه وهيا صــرخت اكتتر : ااااااااااااااه
يلمسسها ويهممسلهاا
يدوو تتحسس كل منااطق جسمممهاا

فجأهـ انفتـــح باب الغــرفه : مدااام ؟!
لانا من يوم مابعد عنها بخوف اتــرمى جسممها على الارض وزاااد صووت بكااهااا
الشغاله اول مانتبهت للمنظر وكيف كان مااسك لانا ساارت تصــرخ عليييه : ياااهيوووواااان انتااااا
صاحب ابوووها وجهه صفــر دف الشغاله من عند الباب وخرج من الغرفففه الا الشغاااله فسخت شبشبها وساارت تلللحق وراها وتضضربه : انتتتااا ماافي خووف من ربنااا يااااكللللب الله ياااخددددك



اما وســـط الغــرفه حباالها الصووتيـــه حتتقطع من كتتتر ماااتبببكي بكل صووتهااا
سندت جسمممها للجداار وضمت رجلها لصدرهاا وهياا خايفه لااايرججع اتخالط صوت بكاهاا بمناجاتها: مااامااا باااباااا
الشغااله رجعت للغرففففه وملامحها لانت وهيا بتششوف لانا بدي الحااله جات لحدهاا ونزلت لمستوااهاا
حطت يده على كتف لانا الا لانا بعدت يدهاا عنها : ااااطللللعي برااا
الشغاله مره حزنت عليها ماقدرت تخرررج رجعت تمسكها : مداام الله يخليكي لايبكي
لانا بهجوميــه : بقوولك اطللعي براا
الشغاله ولا اتحركت من مكانها عندها بنت بعمر لانا كدا ماقدرت تروح اتخيلتها بنتها مدت يدها وقربتها لحضنهاا
لانا بعدتها !
لا طبــعاا
من يوم مااحســت بحضنها رجعت تشتككي وتبــكي : ابببى ماااامااا مااقدر اعيششش كداااا والله ماااقدددر
الشغااله بكييت معاهاا
ولانا قربت من حضن الشغاله اكتر وهيا تدور بس لحظة امان في حضن اي احــد

تتمنـــى المووت على دي الحيــآه اللي سارت بنسبالها جحيـــم

~ | إشتعال السحب |~

فـــي البـــر . بعيييد عن الضوضــآء والاضائاات العاليـــه
في مكـــآن يسوده الهدوووء

وقــفت 3 سيــآرات قــريب من بعض وخــرجو 4 شبـــآب
دوبه بيقفل الباب الا صوت الذيب خلاه يرجع يفتح الباب بخووف : لايقومو يهجمو علينا
وضــآح : هههههههههههههههه ااياد بللهي بطل
اياد يطالع في ارجاء المكان وهوا مو مطمن : اكره دي الامااكن
مازن جا من ورى اياد وصررررخ : بووووو
اياااد دااار مفجوووع وبعدها عصب :مااازن اهجددددد
مازن : ههههههههههههههههههههههههه بللهي من ايش خاايف دحين
اياد : مالي بخرجات البـر
نادر يطالع في المكان وعاجبه : محسسني انا اللي كل يوم هنا
وضاح : الغلط على ابووك يااياد اللي معودك على السفرياات
مازن دخل السويتش وسط الشورت حقوو :
اياد لابــس جينز وتيشيرت اخضـر محدد من لاطراف بالاسود وشوزهـ اخضــر
ومــآزن لابــس ثووب سكــري ولافف العومــه السكريــه على راســه لبسه الاماراتي محليــه اكتــر
وضــآح لابس ثوب اسود وكآب ابيــض
نادر لابسس جينـــز وبلوزهـ زرقــآ
اياد ساند جسمه على السياره : ياجماعه حنطول هنــآ
وضــآح يخـرج العفش من سيارتــه : يمكن 12 ساعه كدا
اياد فنجل عينه :ايشششش 12 سااااعه ايش بنخللف عيال هناا انا ساعتين وماشي
نادر رفع سويتش السياره : مفتااح السياره معايا وريني كيف حترجع
مازن ووضاح ضحكوو من قلبــهم : ههههههههههههههههههههههههههههههههااااااي
ايااد : ناادر بلاش هبــل انتا اجلس معاهم انا اشللي ابى ارجع بيتي
نادر يسااعد وضااح بتنزيل الاغرااض : اياد اسكت
اياد يطالع في المكاان : انتو ماتفكرو فيها لو مجموعة همج جو يطبو علينا واحنا ماعندنا شي ندافع فييه
وضــآح : انا عندي _ فتح باب سيارتو الخلفي وخــرج البندقيــه وابتسم لإيااد _ تكفينا دي
اياد اتــرعب : ماازن قوول شي
مااازن جالس على السيااره وحاط يدو على بطنـــه ويضحككك على شكككل اياااد : هههههههههههههههههههههههههه
اياد يبى يطلع عذر عشان يمشي : طيب بعد كم ساعه حنجوع لازم احد يروح يشتري اكل
وضاح : وانا ليش جايب البندقيه
اياد ماله بالبر نهايئاا خرجاته مع الشباب كلها شاليهات مطااعم إلخ وكل مكان يطبــو لازم يكون فخــم
عشان يناسب حضرة جنابوو : ليش !
وضـآح : حنقتلنا اي ضب ونشويه
مازن ماقد اكلو بس عاجبو شكل اياد وهوا خايف يبى يزيد الوضع : جاايب البهارااات حق رجل الضب
وضـآح عارف انو مازن يستهبل : جاايب كل شي بس حدد العضو اللي تباه وانا اوريك البهارات حقو
اياد يطالع في اياااد مصدوووووووووم قال بقمة تناحته : من جدكم ؟
نادر حاسس انهم بيستهبلو دخل جو معاهم : ايش بك ياإيااد بتحسسني انك مو عاارف
اياد قال بصوت عاالي : بيقووولك يقتلو ضب ويشوووه دي عااد جديده عليااا
نادر : طيب ؟
اياد : وكيف تنظفوه ؟
وضاح فــرش فرشــه بالارض وهوا بيكدب : عادي نرشو بالمويــه وبعدها نشويه
مازن جا جلسس ونادر جلسس ووضاح يحط التكاياات ويزبط الوضع
واياد متصــلب عند سيــآرتو الرياضيــه : صراحه مو مناسبني المكان وشبعان الحمدالله
مازن : طيب تعال اجلس
اياد رفع يدو: مرتااح هنا
وضــآح جلس جمب مازن وحط يدو على التكايه الفاصله بينهم : ااااه ايييوا الجو حلوو
اياد : فين لأموو حلوو انا مكتووم
نادر : حتقلقنا كدا طول اليوم ياإياد
اياد حوآجبه قدها ملصقه في بعض من كتر مو معصب : حاسس انو شي حيسير فاعششان كدا ماحجلس معاكم
وضاح معاه جوآله وبيكتب : اياد تعاال اجلس وريحنا
اياد انتبــه لسيــآره مازن مفتوحه اتوجه لها : انا بجلس بسياره
مازن : ههههههههههههههههههههه حر امشي معانا
اياد خصــرهم ودخل السياره وقفل الباب بقووهـ
اما التلاته ضحكوو عليــــه
وضاح ومازن متعوديـــن على دي الخرجااات
ونادر نفس الشي من قبل 11 سنــه طبعا
نادر حزن على اياد : هههههههههههههههههه حراام والله حيجلس كدا طوول اليوم
وضاح : مصيره يخــرج
مازن : انا ادري ماحيفضل معــلق في السياره اكتر من نص ساعه

في السياره سند جسمــه على الكــرسي سمع صووت غــريب فتح باب السياره : شباااب
التلاته طالعو فيــه : ها
اياد عيونو تتفحص المكان : سمعتوو ؟!
وضاح عقد حوآجبه : ايش .؟
اياد رفع يده : اوصص دقيقه
رجــع سمعوو صوت غــريب كلهم طالعو في اياد باإستغراب
اياد نشف دموو : ايش داا
مازن وقـف ويبى يعــرف مصــدر الصـــوت داار بكل الاتجاهاات : مدددري
اياد خــرج من السياره : الصوت قــرب
جـــــــــــــآآت سيــــآره سوودهـ مســـرعه باإتجـــآههم ووقفـــت قدااام جلستهم
الاربـــعه انفجـــعو
صوت الاغااني البدويــه المزعجـــه مرهـ عاااالي
اياد بعيــد عنهم معقد حوآجبــه ويطالـع في السياااره المقـرفه
والتلاتي واقفيــن قريـب من بعــض
فتح باب السياره وخـرج واحد اسمـــر ومليـــآن ولاف راســه بشماااغ وتوب ابيـض : ممكن تدلني من وين الشارع العام
شكل الرجال مايبشــر بخيــر
وضــآح اتوجــه له واشــرلو على الاتجاااه : شوووف ترووح من _ مامداااع يكممل الجملـــه الا الرجااال لف يد وضااح وراا ظهره ودار اجسموو باإتجااه اصحاابه _
الثلاثه كانو بيهجموو الا صووت الرجال الجهووري وقفهم لما قااال : اللي يتحـــرك حــركه المسدس حفرغه بظهره
اياد من جهته لامــح المسدس اللي ملصفو بظهر وضـــآح قال بخوف: سيبوو واحنا حنعطييك اللي تباااه
الرجال : خررجوو كل اللي عندكم وحطووه قدااامي
ايااد خــرج كل اللي بجيبه ورماااه بالارض
وماازن برضو خرج محفظتو وجولو ورماها : خلاص ممكن تسيبو
وضــآح يهـرج باإرتبااك : حنعطييك كل حااجه بس سيبننني
الرجال مو رااضي طالع بناادر : وانتا ارمي كل الي بجيبك
نادر قال باإرتبااك : مامعاياا حااجه
الرجااال صرررررخ وهوا يضغطط المسدس على وضـــآآآح وكان خاايف اكتر منهم : لاتتتتتكذذذبووووو بقوول كل شي يطلللع
نادر خررج جيووبو بخوفف : هاا والله ماعنندي
اياااد مره خايف على وضــآح : دا خارج من السجن اممسس ماعندو حااجه
مازن : ممكن تسيبو وانا بعطبك المبلغ اللي تباااه
الرجال هــرج بجنون : حتبلغوو عليياا هااا اناا عاررف
مازن قال: ياأخي ماحنبللغ عليييك سيب الولد في حالو
الرجال : لا ماااحسيبوو زي ماقتلوو ولدددي حقتلوو
وضااح صوتوو كان يــرجف ومو قادر يتحــرك : انا ااششلي بوولدك مو انا اللي قاتلوو
الرجال يطالع فيييهم : الناااس اللي زييييكم قتلووه عشاان فلوسكم ماقدرت اخد حقيي بس دحيين حاخدوو
اياد صوتو يــرجف : ازا قتلتو ماحتعدل الوضــع
الرجال : ضميري حيرتااااح
ايااد بعصبيــه : هيياا خدللك انتا من فيين جااي
مازن انقهر من رد اياد المستفز مره مو وقتوو : اياااد اهجددد مو وقتك
اياد : دا يبىى فلووس ولا يبى يقتتتل
ناادر : مو قلت تبى الفلوس خدها وامشي محد حيبلغ عليييك وربنا في النهايه حياخد حقك
الرجال : انا باااخد حقييي دحيـــن
مازن قــرب خطووه : خلينا نتفااهم
الرجاال صرررخ : لااتتتتقرب
وضاااح خااف : مااازن خليك مكااانك
مااازن يقرب بخطووات هاديه : دقيقه بس ممكن تنزل المسدس واللي قتلو عيالك انا مستعد
قاطعو صوت ناادر ووضااح واياد وهما يصـرخوو علييه : مااازن لاتتحرررك ماااازن مكااااانننك
ايادد يحــرك يده ويصـــرخ علييه بكل صووته : مااااازن بقوولك لاتتحرك
الرجاااال ساار يصررخ بخووف وهوا بيضغط بتررد على وضاااح : لاتتتتتقققققرب واللله بااخد حقــي دحيييييننن
وضااح بكل ترررررجي وهوا مفجوع من مااازن : مااازنننن لااااا
صـــــوت طلقـــه ناااااار
خللللت نااادر ومااازن يصــرخوو : وضااااااااح
اياااد داار جسمـــه باإتجااه السياره
سااامع صووت الرجااال وهوا يصــرخ
وصوت مازن وناادر وهما بيكررو الاسسسسسسم
مو قادر يطـــآلع
جسمــه كلوو اتصـــلب
صوووت مااازن االمتأثثثثر كان يترردد على مساامع ايااد : وضـــآآآآآآآح وضـــآآآآآح
الرجال خلل يدهه وسط شعره : انااا ايشششش سووويـــت


مااازن : اياااد تعااال ايااااد
ايااد ولا كأنو ساامع مو قادر يدير ولا قاادر يشووف مايبى يشـــوف اصلا
صوت ضحكـــآتهم الاربـــعه اندمجت في بعضــها لاشعوريا لحظتها داار
وشااف وضــآح يضــرب بكف الرجاال ووجهه محمــر من كتتتر مايضحككك
مازن : هههههههههههههههههههههههههههههههههههه اياااد ياحقيير بقوولك تعاال افررض يبى تنفس اصطنااعي
نادر : هههههههههههههههههههههههههههههه يااعليكم تمثييييل
مازن : من يومي نفسي اسير ممثل
اياد يطاالع فيهم مفجوووع دقااات قلبــه يحسسها مسمووعــه في المكااان لأول مره ينفجع بدي الطريـقه
وضااح اشر على الرجال: دا الطباااخ ياالووح
اياد اتوجه لنادر بعصببيــه وماعلق على الوضــع نهائيا : هات السويتش
وضــاح جا باإتجااه اياد وهوا مو قادر يوقف ضحك : ههههههههههههههههههههههه بنمززح ياهوو _ حط يدو على كتف اياد _
اياد بدون مايطالع فييه دف يدوو وقال بكل جديه ممزوجه بغضب : نااادر هات السويتش
نادر : اقوولك اهجدد وبعدين انتا كل ماشوفت واحد لازم تقولو اني مسجون احترم مشاعري ياأخي هههههههههههههههه
مااازن : هههههههههههههههههههههههههههههههههههه اااه يااابطني وربي مو قااادر استحممل
اياد ملامحو كاسيها البرود لاضحك لضحكهم ولاأبتسم : نادر لاتعصبني هات السويتش
مازن مسك اياد ودفاه : اقوولك اهجججد كلها على بعضها مقلب
اياد بتحذير كلم مازن : مااازن خلييك في حااالك
نادر حس اياد مره معصــب اعطاه السويتش : خلاص خد
وضااح : اياد بلاااش هبببل كنا بنضحك شويتين ياأحي لاتقلبها جد
اياد سحب السويتش ومشي بدون مايرد على واحد فيهم
الرجال قال : صرااحه دا اكتر من المقلللب وقفتو قلب الولد
نادر : خلاص مااشي معااه
وضاح : مااحيمشي اصلاا
اياد دخل السياره شاف نادر جاي باإتجاه السياره ضغط على الزر وقفل ابواب السياره من جمييع الجهاات
نادر طق على القزاز : اايااااد افتتح
وضــآح جاا وحاسس انو مو مسوي شي : اياااد انززل من السيااارهـ
اياد شغــل السيااارهـ وكان بيمشي الا نادر وقف قداااام السياره : افتتتح ايياااد بقوولك افتتح
اياد فتحلو وهوا دخــل ومشي من تامكااان


مازن رجع جلس وهوا يضحككك : ههههههههههههههههههههههههه وربي مقلب رهيييب
وضاح والرجال كأنو زعلانين انو اياد مشي
وضــآح : كأننا زودناها
مازن : لا مازودناها ولاشي
وضاح : لا والله اللي سوينااه كتيــر
مازن : ههههههههههههههههههههههههههه حيرضى
الرجال : انا قلتلكم بالجوال مقللب قوي محد سمعني
وضاح : داا ماازن اللي زن على روسناا
مازن : ههههههههههههههههههههههه مو انبسطتو دحييين
وضاح : ايوا احنا انبسطنا وواحد فينا متكرن ايش الفايده
مازن : الفايده اننا ضحكناوبعدين اياد بكرا حيضحك على نفسسو
وضاح جلس : مازن سكاتك من ذهب
مازن : محسسيني انو بكــي
وضـآح : لا هوا حسبني موت ولا سرلي شي كداا انفجع ماتفككر انتا وبعدين هوا من يوم ماجاا بيقول انا حاسس انو بيسير شي
مازن بدون اهتمام : هات هات القهوه

فـــي االسيــآره بيسوووق وهوا واصــل حدددوو ساااكت بس عينه على الطــريق
رجــع اخد اللفــه وبيــرجع طريــقه
نادر ساكت طوول الوقت استغرب من الطريـق : راجع ؟
اياد : مضيــع الطريـق بس لو تقولهم اني ضيعتو ياويلك
نادر : هههههههههههههه اجل
اياد معقد حوآجبه : بقولهم اني مشيتلهم حركتهم دي
نادر حالة اياد ماسمحتلو انو يضحك مااسك نفسسو بالقووه : وايش حتفرق لو قلتلهم ماعرفت الطريق
اياد بعنااد : كداا مزاااج
نادر : بكيييفك
اياد وقف سيــآرته ورى سيارة وضااح ونـــزلل قفل الباب وقال بصوت عالي : حمررها دي المــره
وضــآح بترحيب والابتساامه على وجهه : ياهلا ومرحبتيــــن اييييوا دحيين تكممل الجلسسه اجلس اجلس
اياد : لو عااد تسسو مقالب تافهه زي وجوهكم ا
مازن قاطعه : ههههههههههههههههه ماحنسسوي حاجه _وقف _ وضــآح خرج الدبابين الي بسيارتك
وضــآح يرمي الحطب اللي بيدو على النار اللي قبالو : خرجها بنفســك
اياد جا جلس
وماازن طالع في ناادر : امشي نزلها معايا

~| إشتعال السحب |~


فـــي بيتـــها جالسه على الكنبـــه وتبـــكي وامها وابوها واقفيــن قبالها ويتضــآربو بسببها
تبــكي بحــرقة قــلب بسبب خيانة اليــن لهاا
وبسبب مــروان إللي رماها في نص الشارع في اخر الليل دا

ابــوها طالع فيها وقال بعصبيــه : شاادن اطلعي لمي اغراضك حتجي معايا
ام شادن : مو على كييفك شاادن ماحترووح اي مكـــآن
ابو شادن : لما تعرفي فين تكون بنتك في انصاص الليالي ديك الساعه تعالي اهرررجي _ مسك يد شادن وقومها _ تعاالي
ام شادن شويا وتبــكي : شاادن ماتبي تروحي معااه صح
ابو شادن خــرج من الغـرفه وهوا ساحب شادن معااه اللي كانت تبــكي بدون اي صووت
ام شاادن لحقت ورااهم : قلتتتلك ماحتااخدهاا هيا اساسا ماتبى ترووح معاااك
ابو شادن خاصررهاا طلع لغرفه شادن وقفل الباب وخلى ام شادن تدق دق الباب وتترججاااه يفتــح
ابو شادن باأمر : بسسرعه غيري ملابسك ولمي اغراضك
شادن بين دموعها : ماابى اروح
ابو شادن انفجع من ردها : اجل تبي تجلسي عند امك المراهقه
شادن : على الاقل مابتدخل احد في بيتنا غريب
ابو شادن عقد حوآجبه : ادخل احد غريب ؟!! ايش قصدك ؟
شادن مسحت دموعها : هيا مراهقه بس اهون منك _ رمتها في وجهه _ مع البنااات
ابو شادن اعطاها كف من قلبـــه : انا متتتزووج استحي على وجهك
شادن زااد بكاها وبعدت عنوو : بس ماما تقول عنك حق بناات واخر مره اتصلت ردت عليا حرمه بتضحك
ابو شادن يهرج بصدمه : انا ابووكي يااكلبــه احترمي نفسسك امك مريـــضه جالسه تلعب براااسك اكيد اللي ردت عليكي زوجتي _ مالقى اي ردة فعل منها غير صوت بكاها المكتوم _ دام دا تفكيرك ياشاادن ماحغصبك تجي حستناكي تحت خسمه دقايق ازا جيتي اهلا وسهلا وازا ماجيتي فاحتكبري وتسيري زي امك المريـضه
فتح باب الغــرفه لقى ام شادن قدها تبــكي مشي من جمبهااا
ووام شادن دخلت باإتجااه شادن وحضنتهاا وبتهرج بسرعه وبهلوسه: سيبيكي منوو لاترووحي هوا حقييير انتي عارفه انا احببك ياشاادن ماقدر اعيش بدوونك
شادن ولااي حركه منها دموعها بس اللي تنزل
مو عارفه فين تــروح
او ايش تســوي
فكرت وهيا بحضن امـــها وماحتتراجع عن قرارهـآ
بعدت امها عنهاا اتوجهت لدوولابها وفتحتو
امها تطالع فيها باإستغراب : شاادن ايش بتسسوي _ قربت منها _ شااادن ايشش بتسسسوي
شادن خــرجت شنطه من الدولاب وبصمت سارت تلم اغرااضها اللي على التسريــحه
ام شادن جمبها تررجع الاشياء من الشنطه على النسريحه وتهرج بخوف : لا شادن ماحتروحي معاه
شادن خاصرتها وترجع تحط الاغرااض بعدت عنها وهيا تاخد اشيائها المهمه حق الجامعه
وامها تمشي وراها : شادن انا اللي ربيتك حراام عليكي تسيبيني
شادن تسمع كلامها وتبــكي بس خلاص تعببت منها

لبست جززمتــها ومااخدت اي لبس عندها ملابس في بيت ابوها
خـــرجت من الغــرفه وامها وراها : لاتروحي وتسيبيني لوحدي ماليا غيرك شادن والله اضيع بدونك
شادن نزلت من الدرج ودموعها ماوقفــت حتقسي قلبــها وتمشي


اما ام شااادن جلسست على الدرج وهيا تناادي بكل صووتها : شااااادن شاااااادن

خــرجت من البيــت ولقت سيااره ابوها على طول دخلت وقالت : اممشي من هنا
ابوها ابتسم من جوآتــه لما بنته فاقت على نفسها وسابت امها
اخدت منآديــل ومسحــت دموعـــهاا


بيت ابوووها كآن جدآ بعيـــــد عن اجواااء دبــي
كم ساعه بسياره والهدووء سيد الموقف بينهم
ماتعرف ابوها مـــرهـ
ماتجيـــه كتير
مابينها وبينو اي هـــرج كدا كلامهم كان كلمتين ويرجعو يسكتوو .
وقف سيــآرتو اماام بوآبـــة قصــرهـ
انفتحت البوآبـــه ودخلت السيارهـ
وقف السياره وخــرج وهيا خــرجت معاه
عيونــها مورمــه من كتر مابكت وحمره
وخشمهاا احمــر حوآجبها مقرونه
باينـــه الاخلاق صفــر .
رفعت شنطتها على كتفــهاا . مشيت ورا ابوها : البيت بيتك
دخلوو البيــت واستقبلتهم زوجـــة ابوها اللي اول مره تشوفها
سلمت على زوجها بيدو وعلى راسو
شادن استغربت !
ابو شادن : الله يرضى عليكي _ اشر على شادن _ دي بنتي شادن
زوجة ابوها ابتسمت : ياأهليين حبيبتي منوره البيت _ قربت منها وسلمت عليها وشادن بدون نفس تسلم _
شادن طالعت في الساعه قدو صبااح حتسحب على الجـــآمعـــه : تصبحو على خيـر
سابتــهم وراحت لغرفتها اللي لها شهـــور ماتجيــها .



دخلت الغــرفه اللي زي ماهيــآ فتحت دولابها وهيا ناسيه الملابـس اللي هنا
اخدت قميس قصيــر ودخلت الحمام اتشطفت واتوضت صلت الفجر ورمت نفسها على سريرها
وهيا بتفكر باليوم الي مر عليها
خســرت الين ومروووان كرهتهم من قلبـــها حتى امها ماتدري ليش اليوم بذات كرهتها
وماتبى تشوفـــها
تبــى ترتاح في بيت ابووها بعيييد عن الازعاااج
حتى الجامعه تعلن عليها سحبــه قوويه
نزلت دموعها على المخده لما اتذكرت كلام اليــن
دا اكتر شي مضايقهاا
ودخلت في دوامة البكى كل ماتتذكر مواقفها مع اليــن .

~| إشتعال السحب |~

دخــل لأحــد فنادق دبي وآتــوجــه على طوول للمصـعد دخل وضغط على الرقم اللي حددتو
انقفل ابواب المصعد كلل مايتغير رقم الدور ويحس انو قـــرب
بتــزيد دقات قلبــه اكتر واكتــر
بلللع ريــقه
قبــض يده ورجع فتحها بتوتــر
سند جسمــه على المصــعد ورجع بعد عنــو
حركاته الكتتير وترت العجوز اللي جمبــه
وبنفس الووقت مرتبــك ومو قادر يتحكم بتــصرفاته
وقــف المصعد وخــرج العجوز ودخلو بنتيـــن
حس بنظراتهم اتجــآهه
بس بدي اللحظه اخر همــه انو يطالع باأشكالهم
وقف المصعد انفتح الباب
ماقدر يخــرج يطالع برقــم الدور
وهوا عارف انو امــه هنا
البنات طالعو فيــه !
البنت بشك: حتخرج ؟
اسامه طالع فيها وانتبه انو ابواب المصعد بيقفل بردة فعل سريــعه مد يدو ومسكوو
رجعت انفتحت الابواب
خــرج بدون مايرد علـ بنت
طالع يمين ويسار وشاف ابواب الغــرف البنيــه عليها الارقاام
مشي وهوا يدور على " 309 "
يطالع يمين ويســآر
ووقف مشي لما انتبه للرقــم
على كتتر ماكان متحمس ويموت ويشوفها بس دحين حاسس بخووف
بدون سبب
اتوجه للباب دوبه بيمد يدو ويدق الا انفتح الباب
انفـــجع ورجع خطوه على ورى بتوتر ملحووظ
الحرمه جاويـه ومعاها عربيـتهاا حق التنظيف : سوري
اسامه : اوك
خرجت بعربيتها وسابت الباب مفتوح دخل وساامع صوت التي في
قفل الباب ودقااات قلبـــه يحسها سارت مسموعه في الغــرفه
زفـر بصوت مسموع ودخل للغــرفه
شاافها بــس غيـــر
غيــر عن امــو اللي كانت
فاكر رسمــة جسمها ورشاقتها واللي شايــفها دحيـــن
متيـــنه مــره
بس نفس الشــعر الاسوود
يبــى يشووف وجهها
قال وصوتو يادوب طلــع : امي ؟!
دااارت وجهها بردة فعل ســـريعه وكأنها كااانت تستنى دي الكلمــــه
وقفت بســرعه وحطت يدها على فمها لما شافتو
اتغيــــر
صاار رجــآل
طووول بعـــرض
ملامح الدهشه الصدمه الشووق كلها اترسمت على وجهها

اماا هوا شافها انسانه تانيــه بس نفس الملامـــح
عيونها الكبيــره صغــرت مع الهم
قصـــرت مع المتـــن
لابســه تنوره سوده طويــله كلوش وبلوزه بيضــآ شبه شفافه
نزلللت دموعــه وهوا يتأملهاا
مااقدر يروحلــهاا
على انو كان يبى يووصل لها بس لما وصــل
ماقدر يمشي خطوتين

نزلت يدها على صدررها ودمووعها مغرقه مشيت باإتجااهه ووقفت قباله
نزززلت دموووع الانهيـــآر قالت اسمو بتقطيــع مع البكــآ : ا و سـآمـ ه
حضـــنهاا واختلللط صووت بكااااه في بكااهاا
حضنها بكل قوتــه وكأنه خاايف لايشوفها مره تااانيه
اما هيا حست انها ضاعت بحضنــه
ولدها اللي كانت تحضنه وتخبيه في حضنها
الييوم هوا حضنها وخبااها في حضنــه
كانت تبببكي بكل صوتها وتمتم بكلمااات من حرق قلبها
بس بسبب لهجتها المكسسره اسامه اصلا مافهم شي
بعد عن حضنها وباس يدها وراااسهااا عشــرين مررره
وهيا قااالت كلمـــه يمكن عاديه بس كانت دايما يتذككرهاا فيها : وللدي
بس سمعها تااني رجع يحضننهاا ويهرج ويبــكي : مااعااد حخلييه يقرب مننك تاااني والله ماحيقرب


مــــرت سـآآآآعااات وهياا ماسكتـــه وتبـــكي ماتبى تسيبـو جلسسست عل كنبه وهوا جمبها
انسدح في حضنـــهاا ولاشعوورياا نااام
نااام مو لأنـــه فيه نووم
ناام لأنه نفسسه ينام في حضنــهاا
وهيا عكســه ولا قدرت تغفى فضلت تلعب بشــعره وتمسح فيــه وتبووســه وكأنه لساته عمرو 12 سنــه



اما في احد غـــرف القصـــر مرت عليها ساعاات وهيا سهتااانه من كتتر مابكت
وجسمها ساندتو على الباب ول
ما فيها حيــل تقوووم
ميتــه نووم
تعببت من كتر مابكت
وقفــت واتوجهت باإتجاه الكنبه مددت جسمها عليها وناامت 3 ساعاات
فتحت عينها على اشعه الشمس اللي ازعجتها
طالعت بالطــآقه ورجعت رفعت يدها تشوف الساعه
جلست بردة فعل سريــعه وطالعت حولينها وهيا مكشــره قالت وهيا شويا وترجع تبكي : ااه كيف حخرج من هنا
شالت الحجااب من على راسها وهيا حاسه بحر مو طبيعي
ماتدري كيف نامت فيــه
رمت الحجاب عل كنبه
ورجعت رفعت شعرها وهيا تهوي رقبتهاا : كان جلست مع بابا وماما احسسن لي ماعااد ابى ادرس
ربطت شعرها بربطه السوده
ووقفت وهيا تطالع حولينهاا تبى تشوف كيف ممكن تخــرج
انتبهت للتلفون المرمــي
راحت وشبكتــه حطت يدها على الارقاام
ورجعت قفلت بقــهر
مو حافظه اي رقـــم
تتصل على ميييين !

اتنقلت عينها في ارجااء المكتتب
اتوجهت للطاقه الكبيــره وعليها من الجوانب الستاره البنيــه
فتحت الطااقه ورجعت قفلتها بســرعه بعد ماشافت الارتفااع
كانت بكل ثقه تبى تنط ولا تلاقيلها مخــــرج
مشيت بتعب في المكااان حطت يدها على المدفئـــه وغمضت عينها وهيا تبى تفكر في مخرج
فتحت عينها بســرعه وطالعت في فتحة المدفئئه
ابتسمت بمكــر لما اتذكرت " عهد الاصدقاء "
مو احسن منها يقدرو يتسلقوها ويخرجو
جات قدام المدفئه شاالت الحديد اللي قدامهاا وكاانت عندها ثقه مو طبيعيه انها حتخرج من دا المكااان
شمرررت كم البلووزه
وقفت جوتها واتسلقت
وهيا شبه مغمضه عينها عشان لايدخل شي فيها ومكتومه من المكان
وقفت وهيا مفرشخه رجولها يمين والتانيه يسااار ويدها سوداا من كتر ماتعدمت : هاا هااا هاااتشوووو
عطست اكتتر من مرتين ورجعت تبى تكمل
الا رجلها فلتت وكانت بطيح بس انتبهت في حبل ناازل من فووق بردة فعل سريعه مسكتووو الا طااااح كلللو الفحمم عليييهاا
وهيييا طااااحت لتحت : آآآآآآآآ
المكاااان كلللوو خررررج منو دخاان اسوود
ومو واااضح شي غير صووت كحة رامااا المدمووجــه باألم الطيحــه
خررجت من المكاان وهيا تعررج وماسكه يدها اللي انشخطت بسبب الحجر
حاطه يدها على فمها وتكح من قلبببهااا
جسسسسمهاا كلوو اسووود
الفحممم غطاااهاا وهيا مو دااريــه عن وججهها ساارت تنفض ملابســـها ويدها اللي مسوده ومجرووحــه
رمت نفسها على الكنبــه ورفعت البنطلوون تشوف رجلهاا : آآآه بلااا الله يقللللعععععععهمم كلهممم
نزلت البنطلوت وخلاااص مو قادره تستحمل اكتر
نزلت كم البلوزه وقفت ومشت لحد المكتب
مافي غير انها تخترع رقققم
ايش تقولهم انا محبوسه في مكتب عمي ؟!
انتبهت لجوال على المكتب وفي ثواني ســرحت فيييه
فتحت عينها على وسعها لما اتذكرت شريحتها بجيبــها
وقفت بسرعه ودخلت يدها بجيبها ويها تدوور بارتبااك وتدعي من كل قلبــها انها تلاقيـــهااا
خررجت الشريحه وابتسمت حسسست انو ابواب السماا انفتحت بوجهها
فتحت الجوال بصــربعه ودخلت شــريحتتهاا
zولأول مره تحس انها حبت عمهاا
لما اعطاها رقم اسامه
صح انها كارهتهم الاتنين بس ملزومه تتصل على ااسامه يخرجهاا من هنااا
اتصلت على الرقم اكتر من مرتيـــن
وبعدها ردت عليها حرمه كلامها مكســر : السلام ئليكم
راما حسبتها شغاله قالت باإستغراب : دا جوال اسامه
: دقيقه


في مطعــم الفندق بيااكل مع امـــه اخد الجوال وهوا مبتسسسم من قلبـــه
لأول مره يححس بدي الراااحـــه
حاس انو مبسسوط بشكل مو طبيعي
اسعد انسان على وجه الارض
رفع الجوال لأذنه : ايوا ؟
راما مااصدقت تسمع صوتو : اسااامه فييينك
اسامه ماعرفها : مين ؟!
راما عصبببت محبوسه اكتر من 6 ساعات بسببو : انااا راماا يااازفت رووحت وسبتني محبووسه في الغغغرفه
اسامه مروووق محد يقدر يقلب مزاجو اليووم : هههههههههههههههه فين محبووسه
راما اتنرفزت من ضحكتوو : بمكتب ابووك قفل عليا بالمفتااح اساامه خرررجني خاايفه يجي ويشوفني حيكون شكلي بااايخ
اسامه اكل وبعدها شرب العصير
راما شكت انو معاها : اسامه ؟
اسامه بلع اللقمه وبان بصوته انو بيااكل ومو مهتم : ها ايوا معاكي معاكي
راما قالت وهيا تضغط على الكلمااات واعصابها بالقوه ماسكتها : انا محبوسه بسببك وانتااا بتاااكل
اسامه : ابكي يعني هههههههههه
راما صرررخت وصوتها رجف كانت خلاص بتبكي : لاتتتتتتتتعصبننني تراااني واااصله حدددي كل المشكله بسببك اساسا الحق عليييا بقووولك عن امك المرره التاانيه لوو سمعت شي حنكتتتتم عششان واحد زيييك مايستتاااهل
اصلاااا _ لاشعوريا نزلت الجوال عن اذنها وقفلت بوجهه _ وبكتتتت
بكتت بحرقـــه قلب ندماااانه لأنها جاات
لأنها بتنذل بدي الطريقه
ولأنه اهلها مايسئلو عنها يحسبوها عايشه بكل رااحـــه
خرجت شريحتها بقهر من الجووال وجلست على كرسي المكتب
رفعت رجولها على الكرسي وضمتها لصدرها وبكتت
نص شعرها على وجهها اتنكش مع الطيحه فتحت الربطه وكنت حترجع تربط شعرها
بس رمتها بالارض بقهههر وخلت شعرهاا مغطي جسمهاا ورجعت حطت راسها على ركبتــهاا



اماا هواا كملل اكلـــه ولا كأنه شي ساااير
كوومة تلللج وقليله فييه دي الكلمه
طالع في امه اللي بتهررج معاه ولدقايق سررح فييها ومو سامع شي منها غير فمها بيتحرك وهوا مبتسم
لو راما ماكلمتو على امو ماكان لقاها حرام يردلها هيا بدي الطريقـــه
قاطع امو : امي
: وات ؟
اسامه وقف : عندي شغله كلها نص ساعه وراجع
اختفت ابتسامتها : فييين هتروه
اسامه جا باإتجاهها باس راسها ورسم ابتسامه على وجهه تطمنها : لما ارجع احكيكي
اخد السويتش والمحفظه وجوالو من على الطاوله ومشـــي



مع انوو مالوو نفس يطب بيته مره تاانيه بس بيسوي خيـــر فيييهاا
وقف سيارتو خارج اسواار بيتــه ودخلل مشي
دخل للبيــت واتوجه للمكتب نزل الكولون بشويش مانفتح
رجع خطوى على ورى وهوا مو عارف من فين حيجيب المفتاح
اتذكر ميري عندها نسخه للمكتب
راحلها وبعد الحاااح رضيت تعطييه المفتاح بشرط انو يرجعوو بســرعه
اخدو منها وطلع جري باإتجااه المكتب دخل المفتااح وفتح الباب بششوووويش خاايف يشووف ابوه كدا كانت كل تحركاته بكل هدوووء

دخل للمكتب ولمحها على الكرسي وشعرها مغطي نــص جسمهاا
اتوجه بخطوات هاديه وخلاص دحييين ساار شاايف كل شي بعيينه حلو
شعررهاا مغريــه بشكل مو طبيـــعي
وقف لعند المكتب ونادى باأسمها بهدوء : راما
رفعتت راسسسهاا وياااريتها مااارفعتت
جابتلووو شلل نصفففي مع الفجععععه
وجهها كلللو اسووود ماشاااف غييـــر عييونها ومع الفجعه فتحتها على وسعهااا وهوااا رجععع على وراااا وقال بصوووت عااالي : بسممم الله الرحممممن الرحييييم _ داار جسسسمو مفجوووع _ اعووذ بللله
راما قفت مفجوع : ايش بككك _ ابتسمت _ انتا جيييت
اسامع طالع فييها وقلبه يدق بســرعه مع الفجـــعه اشر عليهاا : ايش عامله بنفســك
راما ولا شافت وجهها : ايش في ؟
اسامه حاول يتغاظى عن الموضوع لأنو ماححس انو وقتـــه اشر بيده : قومي قومي مو وقتــه
راما نزلت رجلها من على الكرسي وقاامت ماصدقت تخــرج سبقتـــه
وهوا قفل بالمفتــآح ونزل اعطااه لميري


اما هيــآ اتوجهت لغرفتــها وكانت بتاخد شنطتها الا صرررخت لما شااافت وجهها : يااامامي
رااحت جررري للحمام وهيا تدعك وجهها بكل قووتها مع الفجعه
خرجت ورجعت شعرها لوورى
دوبها استوعبت انو شعرها من اول مفتوووح وناسيتوو
ماهتمت اسامه يشوفها كدا ولا لأ
اخدت شاارب وحطتو على راســها
لمت اغرااضها بكل اهمال بشنطـــهاا
شالت اللي تحتااجه دحييين وسحبت شنطتــها وراهاا
بتروح تاخدلها سكن في الجااامعـــه اتوجهت للدرج وبتنزل الشنطه بالقووه
تنزل درجه وتوقـــف
وترجع تنزل وتسحب الشنطته
اسامه كان خارج من الغرفه اللي كان فيها مع ميري وانتبه للشنطــه !
رفع حاجبــه باإستغراب : على فيـــن
وصلت لآخر درجه وهيا تاخد اننفاسها بالقووه : ماالك _ عدلت حجابها و
سحبت الشنطه دحيين برااحه واتوجهت لبباب البيت فتحتو واسامهه جا وراها
انقفل الباب ورااه : بقوولك فيين رايحه بدي الشنطه
راما دارت عليــه وقالت بعصبيه : برووح اخدلي سكن فيف الجامعه
مشيت واسامه هرج : راما اهجدي وارجعي فن ماكنتي
راما ولا ردت عليــه كانت بتمشي ومو مهتمه باأي شي
اسامه بيحاول يمسك اعصاابه : بقوولك ارجعععي رامااا انا بكلللمك
ولا كأنهاا سامعه
مشي خطوتيـــن باإتجاهها وسحبها من يدها باإتجاهها فلتت الشنطه من يدها وطااحت ت
وهيا ماصدقت تنفجججر : سيييبننني مااابى اجلللس هناا
اسامه استغرب من انفعالها الزاايد : على اساس لو رحتي تطلبي سكنت حيجيبولك في ثاانيه انتي صاحيه !؟
فككري بعقل قبل لاتقرري تسوي اي شي
راما سحبت يدهاا منوو : ماالك فيك خليك بمشاكلك احسن لك
اسامه باأمر : راما ارجعي البيت
راما نزلت جسمها باإتجااه الشنطه ورفعتها قالت باإصرار : مو بكييفك
اسامه : شوفي قدامك حلين يااترجعي البيت ولا ترااني ا
قاطعته بهجووم : ولا ايششش حتضرربني يعنني
اسامه : انا حقوولك ايش حسسوي
راما فنجلت عينها لما سحب الشنطه من يدهاا مشيت ورااه مفجووعه : علللى فيين راايح اساااامه هاات شنطتتي
اسامه فتح سياارتو ورى الشنطه ورا ورجع قفل الباب : امشي ارككبي
راما : بقوولك لاتعصببني ونززل اغراااضي هيا
ماخلاها تكممل يكره هرجها الكتير مسكها من نص ذراعهاا وسحبهاا بكل قوتــه فتح السياره ودخلهاا بالقووه وقفل الباب
ورجع اتوجه لمكانو
راما : اسااامه ترااني مو نااقصتك
اسامه : عاد انا اللي ناقصك _ شغل السياره وحركهاا _
راما تحااول تصطنع الهدووء بس باين العصبيه بهرجها وهيا تتكي على كل كلمه من القهر : فيين حتووديني
اسامه عينو على الطريــق : عند امي
راما بترييـــقه : يااسلااام كمملت
اسامه ولااهتم بكلامها وكمل هرج : حتجلسي عندها وحروح اطلبلك سكن بالجامعه وشغل تلمي اغرااضك وتمشي مره تانيه مو علياا ماحب دي الحركات
راما تبى تفكرو بكلامو : مو كنت مو مهتم ولا معطيني اهمييه يااسبحاان الله الاهتمام مقطعك دحين
اسامه يهرج عكسها تماما ببرود : سويتيلي جميل ودحين بردو لكي دا اساس الموضوع وبعدين اتصلي على ابويا كلمييه قوليلو انك اخدتي سكن خلاص
راما : ماحتصل
اسامه طالع فيها وقال باأمر : حتتصلي
راما بعناد : مااحتصل
اسامه : يارااماا حتتصلي غصبا عنك
راما : وانا قلتلك ماحتصل مو بكيفك وي
اسامه : لما نوصل الفندق حتتصلي عليه _ طالع فيها وقال باأمر وهوا يحسم الموضوع _ حتتصلي فااهمه
راما ضمت يدها تحت صدرهاا ولفت وجهها عنوو قالت بصوت راخي : طيب
اما هوا زفر من جوآتــه لأنو عارف لو قالها بصوت مسموع ممكن تسويلو مشكله تانيــه .

~| إشتعال السحب |~

في مطــآر دبي رفع يده واتأفف لما شاف الساعه
طالعت فيــه : ممين مستني ؟
معقد حوآجبــه ولا طالع فييهاا : سوزان
رنيـــم : مين سسوزان
يزن دينو ودين اللقافه ولا رد عليها جلس على الكرسي
اخد جوآله ودوبــه كا بيتصــل الا قاطعته بصوتهاا النااعم
وريحة عطرها المغري
رفع عينــه عليــهاا
واتفحصها من ساقها الطويل واللي محليــه الشورت الجينز
ولتقسيم خصـــرهاا
وصدرها
اللي عليــه تيشيرت احمـــر معطي جماال اكتر للون بشرتها البرونزي
رافعه شعرها البنــي
ابتسمت اكتتر : اهليين
وقف والابتساامه العريــضه على وجههو والدهشه بنفس الوقت : اهلن دانه ايش جابك هنا
رفعت شنطتها على كتفها : حكون معاك بدال سوزان
يزن يوم سعدوو داا داناا بننسبــآله كان حلموو اغرم فييهاا لفتره بس هيا سافرت ونساهااا
رنيــم بملل واضح بصوتها : حنطوول هنا ولا كيــف
دانه طالعت برنيم باإستغراب من شكلها : مين دي
يزن ولا هوا مع رنيــم اشر عليها وبدي اللحظه نسي اسمهاا قال بدون اهتمام : عبير
شهقت داناا فجعتوو
يزن : ايش بك
دانا اشرت على رنيــم : دي عبير اختتتك _ قربت من رنيــم اللي مبلمه ومدت يدها _ نايس تو ميت يو كان يزن دايما يحكيني عنك اخيرا شوفتك
يزن استووعب : هههههههههه لا مو عبي
قاطعته صوت رنيــم اللي حاااقده من اسلووب يزن من يوم ماجات وهوا بيعاملها وكأنها مو معاه
لا بيهرجها
وبيطنشها
وكماان كادب بالاسم
قالت وهيا ماسكه يد البنت : اييوا اختوو عبيـــر
يزن رفع حاجبــه بصدمه من رد رنيـــم
دانا : كنت كل ماقاابل يزن بيكلمني عنننك بس ليا فتره مابشوفو
رنيــم طالعت في يزن باإستغراب : مين يزن !؟
يزن حس نفسو في موووقف اهبببببل
بين داناا ورنيــم
دانا اشرت على يزن باإستغراب : اخوكي يزن ؟!
رنيــم طالعت في يزن باإستغراب ومو فاهمه شي
عبير طالعت برضو في يزن : ايش فيي
يزن مو عارف يشــرح لرنيــم ولا لدانــه
عيونو تتنقل بينــهم
اتذكــر اخر موقــف بينــه وبين دانـــه
قبــل سنــه ونـص
كآنو في احد الشــركــآت سحبها ودخلها لأحد الغرف الفاضيـــه : تبي تتفاهمي معايا هناا مو قدام الناس
دانا سحبت يدها وقالت بقهر : انتاا على اي اساس تكلمهاا كدا
يزن : ماسويت شي غلط
دانا : اقولك شغله انتا اخر انسان تهرج عن الحب انا مدري كيف صدقتك
يزن اتكى على كلامو : لاتكبري الموضوع يادانا
دانا دموعها في عينها وتهرج من قلبهاا : يززن انتا قلتلي ماعاد حتكزب عليا
يزن رفع كتفه : وانا ماسويت شي ولاكزبت عليكي
دانا خللت يدها بشعرهاا وقالت بتعب : مااقدر استحمل اكتر من كداا مااقدر ياايزن
يزن قرب منها : داناا اهجددي لاتعصبيني قلتلك البنت كنت اعرفها قبل لااعرفك وكان بيننا قصه بس سبنا بعض من غير مانقول شي
دانا : ولمتى حستحمل كل بعد فتره تطلع بنت في وجهي وتحكيني عن بلاوييك معاها ازا انتا تعرف الف وحده ليششش خليتني احببك وكزبت عليا
يزن رفع صوتو : قلتلك ماكززبت علييكي كل الموضوع اني اعرف بنات كتير ودحين سبتهم عششانك
دانا نزلت دموعها ودارت جسمها عنوو عشان تخفيها
كانت صادقه معاه
اغرمت فيــه
ودحين كل مالها تكتشف ايش هوا
علي صوت بكاها في المكاان
يزن ضعف قال بصوت هادي : ام سوري بيبي بلييز لاتبكي
دانا مسحت دموعها : امس لما كلمتك كنت فين
يزن : مع اخواني
دانا سكتت ثواني وبعدها قرتت : حسافر بكرا مع ماما
يزن مو عارف ايش بها غيرت ام الهرجه دحيين: دانا ايش بك لاتجننيني
دانا : دوبي فهمت ليش وجهك صفر لما شوفت البنت دي اللي كنت سهران معاها امس
يزن بلع ريقو وقال بتوتر : دانا بلاش تخريف
دانا : يزززن انا ماابخرف دا اللي بيسير لما تقولي انا مشغول بتكون مع غيري انتا واحد ماتقدر تحب قولها وانتهيناا
يزن : لا انا معجب فيكي وانتي عارفه
دانا : ها رجعنا لهرجه انا معجب اووك مي تو قولي احبك لو انتا تبااني _ اداركت نفسها _ حتى اساسا لو قلتها دحين حتكون متأخره
كانت بتخرج من الغرفه الا وقفت وقالتلو : دوبي عرفت انو انتا ولا عمرك حبيتني هيا بنسبه لك مسأله تعود . اتعودت اخرج معاك فاسرت ماتبى احد يقرب مني ودا طبعك تحسب كل شي بيمشي على هوواك
يزن دوبو بيــهرج الا هيااا قفــلت الباب وراهاا


في المطــآر
ماحيضيــع دي المره دانا من يدوو يبى يــلعب عليــهاا
ينبســط في ال 7 الايام معاها بتــركياا
ومايبى رنيـــم تقوم تخرب الموضوع
حيكسبها دي كمان بصفهاا
: دقيقه دانا
مسك يد رنيــم : تعاللي
رنيـم ماحبيت انو يمسكهاا : سيب يدي
يزن ولا كأنوو مااشي وساحبها معااه بعدو شوويا عن داناا وطالع فيها : لاتخربي الموضوع
رنيــم : اي موضوع ياسيد يزن
يزن الكدبه على لسانه على طول : نزار ويزن ترا واحد ابويا مسميني يزن وامي نزار بس
رنيـم : ايوا وانا كمان ماما مسيتني عبير وابويا رنيم
يزن : سووري لأني قلت عبير بس مدري كيف خرج من فمي
رنيم : قول انك نسيت اسمي وبس
يزن : انتي شوفتي شكلها شي طبيعي انسى اسمك
رنيـم ولعت : لا يااشيخ
يزن حاول يضحك عشان يعدل الجو : هههههههههههههه بمززح بس
رنيـم ملامحها زي ماهيا ولا اتأثرت بالضحكه : وبعدين ؟
يزن حط يده على رقبتــه ومايبى يطلع كدااب قدام دانا عشان لاتسير تبعد عنو : خلاص انتي اختي قدامها
رنيـم : تبى تلعب عليها؟
يزن بردة فعل سريعه : لا
رنيـم : وسهاد ؟
يزن بتلكلك: ها ؟! اهاا سهاااد ايوا سهاد سبتها
رنيم : متى
يزن يحك رقبته بتوتر ويحس نزار حاطو في موقف زفت : اسبوعين اتوقع
رنيـم استغربت : قبل كم يوم كنت بالمطعم تصالحها
يزن (( الله يصيبك يانزار )) : ايوا _ ماعرف ايش يقول _
رنيـم : لو تبى تلعب على بنت النااس دي فاأنا ماليا صلاح
يزن نفسو يقتلهاا دي جايه تخرب دحين مخططو : لا وي مابلعب عليها سهاد دي كانت تحبني انا ماحبها بس دانا احبها وهيا عارفه والدليل انها جايه دحين معايا
رنيـم اتذكرت كلامه مع سهاد في المطعم وكلامو دحين حستو واحد حقيــر
سلكتلو لأنه من شكلو لعاااب وحق بنااات
: انا مالي في اي شي بتسويه
يزن : اوك بس انك اختي عبير وانتهينا
رنيم ضمت يدها تحت صدرها : وايش حتستفيد ؟
يزن : لانو هيا غيوره وانا حكون معاكي على طول ومابى اي مشاكل _ غمزلها _ ولو كنتي اختي احتمال تقربينا اكتر من بعض
رنيـم : في احلامك قلتلك انا ماللي ماحقرب ولا حبعد شي
يزن : مو انتي اللي قلتي انك اختي
رنيم : لاتخرف من عندك انا ماشيتها بس واقدر ترى اروح اقولها انا مو اختو ولا شي وانك جاي تعلمني الرقص
يزن بردة فعل سـريعه : لاا قصدي _ حلاول يمسك نفسو _ خلاص زي مامشيتي اول في الموضوع ماشي دحين اوك ؟
خاف انها تجيب هرج الرقص وتسئل يزن عن اخوه اللي يرقص ومعهده وينفضح
رنيــم : اوووك _ مشيت _
اما يزن زفـــر : اوووف الله ياااخدك ياانزاار من بدايتهاا كداا
بــعد ربـــع سااعــه اتــوجه للطيــآرهـ
مايدري فيين دانا بزبـــط
وررنيــم جالســه جمبو رنيم اول ماجلست ساكتــه بس ماسكتها لأنوو ماعندها كلام
سكوتها لأنها خايفــه
اول مره تركــب طيــآره
ربطت الحــزااام وبلعت ريقــهاا وقلبها كل مالو تزيـــد دقاااتـــه
بعــد فتره طوويــله اتــرفعت الطيــآرهـعن الارض
ورنيـــم شدة على اعصــآبهاا وغمضت عييينهااا
اما هوا كانت عينو على الطاقه الصغيره اللي جمبو وانفجع لما ممسسكت يدو اللي كانت قريبه منهاا
طالع فيييها وهيا تمتم
سمممع البسمله
التشهد
نص القرااان ممر على لساانهاا
وهوا فررط ضحك عليـــها :هههههههههههههههههههههههههههههههههههههه حطووولي كدااا
رنيــم فتحت نص عينها وطالعت فييه : ابى انزززل
يززن : ههههههههههههههههههههه هبللله انتتي فيين تنززلي دحيين
رنيــم سابت يدوو بردة فعل سريعه لما استوعبت وقالت وهيا تحاول تهدي : تخيل تطييح الطيااره
يزن يبى يخوفها : يعني ماقد سمعت بالطيارات اللي قد طاحت قبل كداا اهم شي لاتفكري بالموضوع وحاولي تفكري بشي غيروو
رنيم فتحت عينها على وسعها : نزاار ماعااد ابى اروح مكاان
يزن : ياابنتي لو ربي كاتب انك تموتي هنا حتموتي فاعاادي
رنيم : وااا ياااربي _ اتذكرت امها وانها ماقالتلها حتساافر _ ميين قلي اجي اصلا انا الغبيه اللي سمعت كلامك
يزن : مكاانك دبي لو تبي عادي لما نوصل احجزلك على دبي مافي اشكال
رنيـم سكتت
يزن : اشوفك غيرتي رايك
رنيم : خليك ساكت احسن
يزن طالع فيها ورفع حاجبــه
رنيم : ايش بك انا قلتلك اخر مره حهرج زي مابى
يزن قلها بهدووء يخووف : لا عاد تكلميني بدي الطريقه
رنيم تسلكلو قالت باإسلوب مستفز : حاضر استاز نزار
يزن :يزن مو نزار
رنيـم : انا متعووده على نزار
يزن : كل اللي هنا ينادوني يزن
رنيم : مالي في الكل
يزن : رنيم بلاشي دا الاسلوب
رنيـم :اسمي عبير
يزن يطالعلها بنظرت وشويا وياكلها اسلوبها مستفز بالكلام
طريــقتها
نظراتهاا
كل شي فيها مستفز
حاول يتملك نفسو وماهــرجها
مــرت ربــع سااعه
حط السماعات باأدنو وشغل موسيــقاا وغمض عينــه
اما رنيــم طفشانه
وماعندها شي تسويـــه
بعد مرور دقايق كانت بنسبه لها سااعاااات
سحبت السماعه من ادنو : تراااني طفشت
فتح عينو مفجووع طالع فييها كان بعاالم تاااني : ايشششش تبي انتي
رنيم ماتستحي من نزار ماتدري انو يزن يكره السطاوه الزايده : اجلس معايا طفششت
يزن : انا اشششلي فيـــكي
رنيــم : طيب هات اسمع معااك والله طفشت انتا مو حاسس
يزن رمالها الايبوود : ها اسمعي
رنيم اخدتو : بلاا في شي اسمو اسلووب
يزن تمتم بعصبيه : شوفو مين يهرج عن الاسلوب
رنيـم مسحت السماعات بملابسـها ورجعت حطتها باأذنها
ويزن اتنرفز من حركتهاااااا ديي سبهاا جوواتــه (( الله يااخدددك مريــضه ))
اتغيرت الاغنيييه وجات بعدها اغنيه رووك مرره عاااليـــه
ماحست بالجو اللي حولييها ولأنو الصوت عاالي هرجت هيا بصووت مررررررره مررره عااالي بدون ماتحس : اغاانيك زي وجهك معفننه
يزن فنجل عينه وحس باأنظار بعض الناس طالعو باإستغراب : وطي صوتك
رنيم حسبت ردة فعلو دي عشان سبتو قالت بنفس نبرة الصوت العالليـــه : واا الاغنيــه مره فقعتلي رااسي
يزن اتفشل منها مد يدو بيشيل السماعات من ادنها الا ههيا بعدت راسها وهوا رجع بيمد يدوو لها وهيا بعدت راسها اكتتترر وقالت بصوت اعلى : مو انا دحيين زي اختتتك لاتلمسسني خلاص وخليني امتع نفسي بنفسي اوف
الجمله جاات غريبه وكل وحده بجهه بس هيا متفاعله مع الاغنيه
قالت زي اختك لاتلمسني قصدهاا لاتاخد السماعه انا دحين زي اختك والمفروض اخد اغراضك عادي
امتــع نفسي بنفسي قصدها مو محتاجتو خلاص يهرج معاهاا
بس اسلووبها بالكلام حسس الناس اللي حوليهم انو يزن بيتحرش فيها
حسست باأنظاار الناس حوليها نزلت السماعه بهدووء طالعت فيهم
وبعدها في يزن اللي حاطط يدو على جبينوو وبيطاالع باإحراااج في الطاااقه
فضحتوو
اما هيا ابتسمت بخجل
لفت السماعه حولين الايبود وحطتها على الطاوله اللي قدام يزن وهمست : اسفـ
من قبل لاتكمل الكلمه قاطعها بجفاااصه وبهممس وهوا مابيطالع فيها : انكتمممي
سكتت ووجهها محمـــر
كل شوويا احد بطالع فيــها
سندت جسمها على الكرسي وغمضت عينها ماعاد تبى تطالع فيي احد
اول مره تحس بدي الكميه من الاحراااج
اما هوا لعــــن في نزااار ليين ماقااال بــس
لأول مره يكره اخووه بدي الطريــقه
مو بس اخووه كره برضو سوزان لأنها وقعت على العقد وخلتو يجي لتركيا ويقاابل رنيــم
كــره برضو سيدو اللي سمحلـــو يجي

مـــرت لحظــه هدووء بينـــهم
لاهـــرج
ولا حــركه
قطــع صمتهم صووت دانا اللي مرت من جمبهم ويزن لمحها ونادهاا : دانااا
دانا ابتسمت ورنيم كشــرت
دانا : انتو هناا
يزن : ايوا فين جالسه ؟
دانا اشرت : جمب ديك العجوزه
يزن طالع : اوو _ قرب من رنيم وهمسلها _ بدلي مكانك معاها
رنيم بصوت مسموع : اسري
دانا عقدت حواجبها من الكلمه ماحبتها بس بعدها حاولت تبتسم وماتبين
يزن اتكى على كلامه وهوا بيحط رنيم قدام الامر الواقع : رنيم ايش راايك ترو
رنيـم طالعت في العجوزه وقطعت كلام يزن : يييززن ممكن تروح تجلس مكان داانا _ ابتسمت _ نفسي اجلس مع دانا واتعرف عليها اكتتتر
دانا ابتسمت من قلبــها على كلام رنيــم وحطت يدها على قلبها : ياحيااتي حتى انا نفسي اتعرف عليكي
يزن اتمنكـــح
كل ماالو بيكــره رنيــم اكتتتر
الاتنين طالعو في يـــزن ونظراتهم معناتها " قووم من هنــآ "
طالع في العجوزه اللي فاتحه فمها وناايمه بلع ريــقه وطالع في رنيــم وهوا يضغط على كلامه وعرفت من طريـقه كلامو كأنو بيقولها " حساابك بعدين : اووك قاايم _ وقف وحط يدوو على رااس رنيــم وحركو بعفاششه وحاول يقول باإسلوب لطيــف مايبين الكره اللي فييه _ لاتسوي شي للبت
رنيــم دفت يدو : اااي راااسي
يزن طالع في دانه : مدلعه ماعليكي منها
دانا حاسه انو بيسير شي بس مو فاهمتهم
دانا جلست مكان يــزن ويزن قبل لايروح قرب من رنيم وهمس باأدنها : لو تسوي شي اهبل ياويلك
رنيم حطت يدو على صدرو وبعدتو عنها وقالت بدون اهتمام : الله يسهلك
يــزن مره حااقد عليــهاا رااح جلس جمب العجوزه وهوا شاايف بس رنيــم
وفمها بيتحرك
بيحرك رجلوو بتوتر : دي ايش بتخرف دحين
شافها بتضحك وزااد توتره : الله يصيبك ياانزار
عينــه عليهاا ويباها تســكت
فجأهـ
طاح على كتفو العريــض رااس العجوز ه وكل مالو بيزيد شخيرهاا
طالع فيــهاا وقال بقهـــر : هياااا خدلللك



اما الاتنين دانا ورنيــم يهرجو وبيضــحكوو
رنيــم بتخرف كلام من راسها عن يزن : ترااه هوا اهبل من صصغروو مااعليكي منوو
دانا : هههههههههههههههههههه حراام عليكي مو لدي الدرجه
رنيــم : ياشيخه اخس لسااتك ماتعرفيه
دانا : ههههههههههه يعني المظاهر خداعه
رنـيم : ايوا بزببببط
اخدهم هــرج طوويل دانا حبــت رنيـــم
ورنيــم اخدت راحتها مع دانا احسن من زين اللي كان وجوده زي عدمه جمبـــهاا


امــآ يــزن يطالع في العجوزه اللي ماسارت تشخــر
نفسو يدف راسها عن كتفوو مو مرتااح بجلستوو
انتبــه لدفتــر اللي كان قدامهاا
ومكتوب بصفــحه " وآخيرا حان اللقااء "
ابتسم لاشعوريــآ
بعد دا السن مين حتقاابــل
عيالها ؟
ولا اهلها ؟
ولا زوجها ؟
نسي نفسسه وهوا بيفــكر مين ممكن تقـــآبل
يــزن مارتاح بجلستو بدا المكان حب مكانه الاول
رفع رااس العجووزه بس ماالت بردى فعل سريــعه بجلستها
يزن على طوول مسكها
ماحسهاا بوعيها
نادى عليها بخوف : ياخااله _ زادت دقاات قلبــه وهوا بيناديها ويحركهاا بهدوء _ خااله
جات المضيــفه وهرجت معاه انجلش : في شي ؟
يزن سند العجوزه على الكرسي قال بتلكلك : م مـدري مابترد
المضيـفه قربت من لعجوزه حركتتها مافي اي ردة فعــل منها
حطت يدها على رقبــتها ماحست باأي نبــض
فتحت عينها على وســعهاا
وقاامت ورااحت جــري تطــلب الاسعااف
يزن من يوم ماشاف ردة فعــلها وقف مفجوووع
ودخل اياديــه وسط شعرو وهوا بيــشووف العجووزه
كانت في ابتسامه بسيطــه على وجهها
صووت تنفســه مسمووع
دقااات قلبـــه كل مالها بتزيـــد
جاا في باالو الوللد اللي طاح بالجبــل
ودمــوعه اتجمعت في عيــنه
جوو رجاليــن جــري ورا المضيــفه اللي وجهها مصفــر
الجو اتوتر بطيــاره
ورنيــم ودانا مو دارين عن هوى دااارهم
حاطين سماعات باأدنهم وبيسمعو اغاااني


اما هووا عينو على العجووزه اللي شالوها عن الككرسي وحطوها على الارض
يفتحو عينها
يقيسو نبضاات قلبــهاا
يحااولو يخليها تتنفــس

النااس بداو يوقفو يطالعو ودانا رونيمم حسو إنو في شي
وقفوو
رنيم جات عينها في يزن اللي مصنم مكاانــه وعينه على اللي بالارض
مااابيــرمش حتى مصدوووم
وجههو محمــر دمووعــه محجره في عينــه
المضيــفه حااولت تحسن الجو وامرت الكل بالجلــوس
جلسسو ودانا مانتبهت لشي : ايش فييي
رنيـم صورة يزن في بالها : مدري
شالــو العجوووزهـ ومــرو من جمب رنيـم ودانا
ودانا شهقت : دي اللي كانت جالسه جمــبي ايش بهاا ؟
رنيـم : يكون اترفع السكر عندها اغمى عليها او شي
دانا : اتووقع يالطيــف

اما يــزن جلس على كـرسيــه وكلمة الرجال في بالو : ماتت

الطيــاره حتهبــط على اول مطــآر بطريــقها
اجووواء الطيــآره شوويا مكــهربه
ودانا ورنيــم وبيعطوو توقعاتهم ليش الطياره بتهببط
دانا: اكييد بينقلوها على مستشفى ولا حــآجه
رنيــم دارت راســها وهيا بتشـوف يــزن : يمكن _وقفت _ دحين راجعتلك
اتــوجهت للمكان الفاضي اللي جمب يــزن جلســن ويزن نهائيا مو معايا كان مســرح
نادتــه بصوت هادي : يززن
ولارد عليـها اساسا ماسمعها
علت صوتها شويا : يزن
طالع فيـها : ايوا !؟
رنيـم بتردد سئلت : ايش سار للعجوزه
يزن حرك رجووله الثنتين بتوتر
رنيـم عادت سؤالها : ايش سارلها ؟
يزن يطالع بالكنبه اللي قباله : مااتت
رنيم فنجلت عينها : ايش !
يزن كل مالو بيزيد حركه رجلو وكأنو بيحركها عشان لايبكي قال بتلكلك : كانت ميتـه على كتفي _ اشر على الدفتر _ شوفي ربي ماكتبلها تقابل اللي تباه
رنيــم مو عارفه ايش تقوول
صوتــه الهااادي مره وجعلها قلبــها
حمدت ربها انها ماكانت مكانه قالت باإرتباك : يمكن اغمى عليها
يزن حرك راسه بنفي وهرج بصوت مقطع : لا اول ماحطت راسها على كتفي كنت حاسس باإنها تتنفس صوت تنفسها كان عالي بس بعد دقايق ماسمعت صوتها اختفى
رنيم بلعت ريـقها : الله يرحمــهاا
يــزن سكت
ورنيــم ضاع منها كل الكلام
ويـــزن في راسه الوولد اللي موتــوو كان بيهــرب ويحاول ينسى بس الموضوع في كل مكان بيلاحقــه
هبطت الطيــآره ورنيم على طوول مسسسكت يد يييزن وضغطت عليها غمضت عينها وبدات تمتمتها
طالع في يدهاا اللي ماسكتو بكل قوتها ولاشعووريا بدي يخفف هز رجلو لين ماووقفت
كان متووتر
مسكتها يمكن ماتعني شي
بس هوا كان محتااج احد يمسكو بدي اللحظـــه
حس بنفسه وسحب يدو بعفاشه منها : ماتبطلللي يعني حتنفجر الطياره
رنيـم عقدت حواجبهاا : ماالك _ حطت يدها على قلبهاا _ كان قلبي حيوووقف
يزن يبى يحسن الجو لأنو حاسسس نفسو حيبكي : لاتحاولي ربي ماياخد الا الناس الطيبه
رنيـم طالعت فيه مفجوعه : ايش شاايفني يعني
يزن بدون مايطالع فيها تمتم بصوت راخي : مريـضه
رنيم ضربتو على كتفو : احتررم نفسسك
يزن مسك كتفو مفجووع : بطللي حركااات العيااال دي
رنيـم تتريـق عليه: يااي اتعورت
يزن طالع فيها بجديه : رنبــم اسكتي
رنيـم بالعنيه تباه يضارب معاها حاسه وجهو مقلوب : ايش حتسويلي يعني
يزن بدا يتنرفز : روحي اجلسي جمب دانا احسن لك
رنيـم بكدب : ممله ماحبيتها وضحكتها كأنها وحده فاجــ**
يزن انفجع من مصطلحاتها وتشبيهها الغبي
رنيم كملت : وبعدين صووتها كأنو احد داعس على بطنها وبيقولها اهررجي او عارف البلونه لما تكون منفوخه وتفتحها وتطلع صوت مزعج زي كدا صوتها
يزن اول مره يركز بدا الشي صح صوت دانا مززعجه على جمالها بس صوتها يفقع القلب : انتي شايفه شكلك
رنيـم : عاجبني
يزن : على الاقل هيا عندها عيب واحد وانتي فيكي ستمية عيب
رنيـم : مو محتاجه البس شوورت وبلوزه مخرجه نص جسمي عشان اسير كامله وماعندي اي عيب
يزن : محد قلك البسي زيها بس في كدا شي حتلبسيه ويطلعك عدله
رنيـم : عاجبني لبسي المهم ايش بو صوتك متغير
يزن شنقل حواجبه : مافيه شي
رنيـم : الا فييه امس كان طبيعي مافيه شي ومززعج اليوم احسو هادي ومقبوول
يزن عرف قصدها على صوت نزاار دايما ينقالو مززعج : مدري عنك
رنيـم : وانتا كل يوم لك ستايل
يزن برضو عارف انو قصدها على نزار بس مسلكلها : ايوا
رنيـم : مجاغه
يزن : ياابت الفااظك عدلييها
رنيـم : ايش فيها كلمة مجغه دحين ؟
يزن : ابدن مافيها شي انا ولد ومابقولها
رنيـم : مشكلتك
يزن رفع يدو يسكلتها : خلاص لاتهرجي
رنيـم شمقت : مع نفسسك

اخــدت الرحلـــه منهم زيــآده عن الوقت المعتااد .
وصلـــو تركيــآ وهبطت الطيـــآره على تمتمااات رنيــــم الخايفه
استلمو اغراضهم ورنيــم في المطار مبتسمه من قلــب وبطالع في الناس : ياااه اشكالهم ترد الروح
يزن ماشي جمبها : تراهم بشر زيناا لاتاكليهم بنظراتكم
رنيـم طالعت فيه بقهر : ياأخي انا بكلم نفسي اشلك انتا فيا
يزن يستغرب مصطلحاتها الغريبه : ياأخي ؟ ماباقي الا تقوليلي كفك كفك
رنيـم صوتها ارتخى باإحراج : عادي اقولها
يزن زفر بضيــق : الله يصبرني
رنيم تطالع يمين ويسار : فينها دانا ؟
يزن : ايش تبيبها
رنيـم : نسكن مع بعض ولا مايسير
يزن : امها ساكنه هنا مايحتاج
خــرجو من المطــآر اخدولهم تـآكسي وقال للسواق اسم الفنــدق اللي نزار حاجزلو فيــه هوا ورنيــم
رنيـم تطالع في الشوارع : وااا مو مصدقه اني بتركيــآ
ملصقه وجهها بالقزاز حق السياره وتطالع في الشوارع
يزن : مره الشلمه مقطعتك على الاقل افتحي القزاز ولا لو شميتي هوى تركيا من الفرحه حتنجلطي خليكي كدا احسن
رنيــم طالعت فيه بنص عيــن مره ردو قهرها : مدري كيف حستحملك 7 ايام
يزن : شووف مين اللي بيهـــرج انا اللي مو عااارف كيف حستحملك _ قال بكدب بس مع العصبيه _ انا قبل لاأسافر معاكي استخرت اجي ولا لأ من كتر ماكنت شايل همك
رنيم : كأنو احد ضاربك على يدك وقلك تجلس تزن على راسي وتقولي تعالي انا اللي ماكنت ابى اجي
يزن (( الله يهدك يانزار )) : ايوا صح
رنيــم طالعت فيه باإستغراب : مو انتا اللي حاولت فيييا وبالقوه خليتني اروح مع خالد
يزن : ايوا ايوا
رنيـم : كأنك بتسلكلي ؟
يزن : افهميها زي ماتبي
رنيم عدلت الكااب : اصلا ايش الشغل اللي جاي تسويه هنا غير انك تعرفني على دي الفرقه السامجه
يزن : بصور
رنيـم : ايش ؟ تتصور مع لميس ؟
يزن طالع فيها باإستحقار : انتي ماتخلي الواحد يكمل كلامو ؟
رنيـم : كمل
يزن : اعلان
رنيـم : انتا المصور ؟
يزن : لا انا اللي حكون بالاعلان
رنيم اتفاجأت : يعني حنشووفك بالتلفزيون ؟
يزن : ايوا !
رنيـم : واا حماااااس اول اعلان دا؟
يزن : لا
رنيــم مره اتحمست وكأنه هيا اللي اختاروها : ابى اشوووفها
يزن : انو يعني دحين معايا
رنيـم : وي مو منزلها على جوالك
يزن : لا ايش ابابها
رنيم بكل حمااس : طيب صوور اي شي ابى اتفررج
يزن خرج جواله من جيبو : طيب اهجدي لايطقلك عرق
رنيم ضحكت وضربتو بكتفوو : مععع نفسسك
يزن رجع جواله في جيبو : اجل طيري بقوولك عشرين الف مررره لاتمدي يدكككك
رنيــم : ههههههههههههههههه خلاص خلاص ماحعيدهاا هات بشــوف
يزن خرج جواله وهوا معقد حوآجبـــه : ماعندي الا صور المجلات
رنيــم : هات اشووف
يزن فتحلها الصور : دي
رنيــم شافت الصوور وقلبت ال 4 صور اللي بعدها وكلها له في مجلات رجعتلو الجوال وهيا منبهره بشكله : مره روعه
يزن دخل جواله بجيبوو : عارف
رنيـم : يعني انتا دحين مشهوور
يزن : مو مشهور
رنيـم : الا صور بالمجلات
يزن سلكلها : ايوا مشهوور
رنيـم : ههههههههههههه وااا والله الشغله حمااس كنت احسبك اهببل طلع منك ماشالله وبعدين شكلك بالمجلات كدا غير عن دحين
يزن الغرور قاتلــو : دحين احلى
رنيم : مو من جهه احلى واعفن بس كدا بصور باين واحد شخصيه وحركاات ومشهوور
يزن : ودحين !
رنيم : عادي
يزن : سكااتك من ذهب ياااشيخه
رنيم : ههههههههههههههههههه
وصـــلو للفنــدق الفـــآخر ورنيـــم تطالع في كــل مكـــآن
كانت تعبانه في الطياره بس اول مانزلت منهاا وشافت الجوو التعب كلوو رااااح
ونفسها تجري وتنطنط وكل شي
عند الرسبشن الحوار كآن انجلــش ورنيــم واقفه جمب يزن ومو فاهمه اي حــرف
يزن قال للرجــآل اسموو وسوى الاجرائــآت كان في كلب جمبوو
الرجال بردة فعل ســريعه : لو سمحت الكلاب ممنوعه بالفندق
يزن : مو كلبي !
الرجال نبــه الحرمــه اللي مايدري كيــف داخله بالكلب والامن سمحوولها
شالت كلبــها واتأسفت وخــرجت
اما يزن طالع في رنيـم اللي لساتها متنــحه بكل شي
يزن قال بدون مايحس بنفسه للرجال : ودا الصنف من الحيوانات مسموح دخولهم !
الرجال وجهه صفر انحــرج مو عارف يضحك ولا يكشــر
اما رنيــم مو معااهم
ويــزن اخد المفــآتيح ووداها لغــرفتهاا ورجع راح لغرفتـــه
وكآن نفسسه ينااام بس ماااقدر وكالعاده الموضوع اللي دايما في باااله جلس يفكر فيـــه