Part 11
الساعه 10 الصبح الجو حار الشمس مشرقه
( الا غلاك انسى من قلبي يروح ولو يروح العمر باقي يذكره ) رقم غريب يتصل بك !!
خالد بصوت كله نوم : اووووف من الي داق هالحزه الناس نايمه ( شاف الرقم ) رقم غريب !! خير اللهم اجعله خير
خالد بصوت ثقيل : الووو
.: السلام عليكم ورحمة الله وبركاته
خالد : وعليكم السلام
.: خالد سعود الـ*****
خالد اخترع : ايه
.: منو معاي اخوي
خالد : معاك نائب الشيخ المرحوم سعود الـ*** وولده
.: معآك مستشفى الـ****
خالد تلمس كرسيه وقعد وحس ان الخبر الي يبي يسمعه مو سار ابد
خالد : ايه
.: اخوي للاسف نبي نبلغكم بوفاة الشيخه عايشه مبارك الـ*****
خالد الرجفه بظلوعه وسكين الموت يطعن بقلبه وروحه شلي قاعد يسمعه امه حبيبة قلبه حلوة اللبن ماتت !!
.: اخوي انت معاي
خالد ما صحى من الصدمه : هاه
.: انا آسف ولكن الخبر صحيح ومؤكد
خالد : امي ماتت !!
.: نعم عظم الله اجرك
خالد : مو معقول لاااااا
.: اخوي تدبرنا جميع الاجراءات المهمه والجثه انشاالله الليوم
خالد : لالا مستحيل
.: عالعموم نطالبك الحين بالحضور للمستشفى
خالد : مـمـ مـتي توصل الجثه ؟
.: الساعه 11 ونص
خالد : مشكور
( طوط طوط طوط طوط طوط )
خالد نزلت دموعه بحراره وخالد قسى قلبه بقوه جدامه مسؤوليات وهموم اكبر والحزن بيبقى معاه طول العمر علىشنو مستعجل عالحزن !!
خالد : لازم اقول لرآشد شلون نواجه نوف و نعلمها
دق على راشد مارد الا بالدقه الثالثه
خالد : السلام عليكم
راشد مستغرب من اتصاله : وعليكم السلام
خالد : اذا فاضي اقدر امرك
راشد خاف : خير في شي
=============================================
عند منيره وراشد
راشد : خير في شي
منيره تحرك ايدها يعني شنو
راشد يحرك ايده يعني بس بعدين
خالد : بقلبه ( شقولك شقولك اقولك الغالية راحت ) لا ابد بس ابيك بأستشاره بالشركه
راشد ارتاح : لا اجل حيآآك البيت فاضي
خالد : يحييك يله انا جاي مع السلامه
راشد : بحفظ الرحمن
( طوط طوط طوط طوط )
منيره : خير شصاير
راشد : مو صاير شي
منيره : شكو تكلمني جذي
راشد : يعني شلون تبيني اكلمج
منيره : يووووه انت متغير معاي من موضوع الحمل
راشد : يوووووه انتي الي شفيج لازم موضوع الحمل تدخلينه بكل شي
منيره : أي صح لانك انت راعي مصالح و خرابيط وانا ماني ميته عليك ولا اقولك هه طلقني يا محترم بكرامتك ولا ( ما كملت الا و طراق على وجها )
منيره منصدمه : تطقني انا يا رآشد !!
راشد : الي يجرحني اطعنه والي يطعني انتهيه ومحد يقدر ينهيني
منيره : طيب يا راشد طيب
راشد جر شعرها : يعني شنو طيب ؟
منيره : آآآآآي هدني ( قطت ايده ) يعني جذي
راحت منيره للغرفة تركض و راشد وراها
راشد : شبتسوين يا محترمه !!
منيره : بسوي جذي
خذت منيره الجنطه بعصبيه وقامت تحط فيها ملابسها
راشد يصرخ : شنو هذا !! من صجج انتي
منيره :
راشد : ردي علي !! منيره والي يرحم والديج شنو هذا مامر على زواجنا شهر واحنا بهالمشاكل !! عيل لي تمينا مع بعض اكثر شراح يصير !!
منيره :
راشد : منيره ليم متى بنتم بهالحال متى نعيش بهدوء و سعآدة
منيره تبجي : لما تطلقني
راشد : مجنوووووونه انتي مجنوووووونه شلون اطلقج شلون !!!!
منيره تبجي : .
راشد : منيره ردي علي !!
منيره : انت مو قد الكلام كل يوم ولك كلام انت تلعب بالقلوب انت جاهل بالغرام
راشد : دام قلبك غيروه انتهى كل الكلآم
منيره لبست العباية و الشيلة و خذت الجنطه ووقفت عند الباب لفت شافت رآشد النظرة الاخيرة وشافت غرفتها الي فيها مضت اجمل ايام العمر !! خلاص معقوله معقوله راح ينتهي كل شي !! آآآآآآآآآه
راشد : تعالي اوصلج نطريني
منيره تمت واقفه عند الباب و تنطر راشد !!
راشد قط ملآبسه ولبس دشداشه و شماغ !!
منيره استحت و لفت وجها وتطالع اصابعها
راشد ابتسم على حياها معاها الحيا من زمان
وبنفس اللحظة اختفت ابتسامته وتذكر فراقها
راشد : يله انا بالسيآرة
راح راشد ومنيره وراه
=============================================
السيآرة منيره ورآشد اغنية عشان الحب تعم هالمكان
عشان الحب واللي بيني وبينك
عشان الحب عشان ايامي وسنينك
ابيك تراجع احساسك
وتنسى جروحي و ألامك
حرام ان لهذا البعد تضيع ايامي ويامك
ادري البعد اثر فيك وتدري البعد ذابحني
حبيبي الله يخليك ابي ترجع تريحني عشان الحب واللي بيني وبينك
انا ترجاك لاتنسى ليالي الحب وسنيني
وحاول لجل حبي لكانك ماتخليني
عشان الحب واللي بيني وبينك
منيره ما قدرت تتحمل ولفت لصوب الدريشه ونزلت دموعها
راشد التفت و شاف دموع منيره تطيح نزل راسه و حزن
باقي مسافة قصيره ومنيره خلاص تروح وترحل ابد عنه !!
الهدوء و ريحة عطر رآشد الي جابته منيره له هديه تعم هالمكان
وصــــلــــو ,,,,
منيره قبل لا تنزل شافت رآشد نظرة اعتذار و عتب و حب و شوق
ورآشد يبادلها نفس النظرات ما يدري اهو بحلم ولا بعلم !!!!!!
شلون يودعها !!! بهالطريقه يودعها !! منيره نزلت دموعها ونزلت
رآشد : فمان الله يالغالية ديري بالج على نفسج
منيره بصوت مبحوح : وانت بعد
نزلت منيره هني نزلت منيره هني بجى رآششد و شغل اغنية " لحظة وداعك "
لحظة وداعك آه يا لحظة وداعك ياهي صعبه بالحيل صعبه وانا الي ابي قربك وابي قلبك وابي بدنيتي تبقى معي تبقى نسيت اني اعشقك ولا تنسى اني بفقدك لحظة وداعك ياهي صعبه بالحيل صعبه من لي غيرك يا عمري لو بعدت ورحت عني لو تحس بس الي فيني لحظه ماتتخلى عني نسيت اني اعشقك ولا تنسى اني بفقدك لحظة وداعك ياهي صعبه بالحيل صعبه هالحين انتا بعيد صدقني هذا الجديد الهم والضيقه وحزني زاروني وانتا بعيد نسيت اني اعشقك ولا تنسى اني بفقدك لحظة وداعك ياهي صعبه بالحيل صعبة
دز مسج لخالد : خلود انا الحين فاضي تعال حيآك
=================================
الديوانية " خالد وراشد "
خالد كان يطالع الارض و عيونه حزينه و ما ذاق فنجال قهوته
وحس رآشد ان في شي مو طبيعي بـ خآلد
راشد وهو يركز بخالد : انت متأكد انك بخير !!
خالد كان منصدم وغير السلام ما تكلم
خالد : والله مادري من وين ابــدا !!!
الا بدخلة فهد و مشاري
سلمو على بعض وسولفو
راشد ما نسى سالفة خالد ابد
راشد : ايه يا خالد كمل
خالد بحزن وهو يداري دموعه ولكن ماقدر ونزلت دموعه
خالد : امي تطلبكم الحل
طاح الفنجال من ايد رآشد وعم الهدوء بالديوانيه !!
راشد : شنوووووو ؟!!!!
خالد بحزن : دقو علي المستشفى وقالولي انها توفت و اليوم يدفنونها
فهد : لا اله الا الله
راشد نزلت دموعه : انا لله وانا اليه راجعون
مشاري : لااله الا الله مو معقوووووووووووله ونوووف
فهد : لازم تاخذ خالد و رآشد وهند ودلال ومنيره وتروحون لها وتعلمونها !!
راشد منصدم ووجه اسود
راشد : ياويلي عليج يا اختي !!
فهد : اذكر ربك يا رجال وقوم علم اختك ترا لو ما علمتها مو من صالحك ابد
ما قدر خالد يتحمل و طلع برا
لكن طلع معاه مششاري
================================
بيت راشد " العائلة الكريمه كلها مجتمعه "
هند ودلال و منيره و راشد و مشاري و خالد
راشد : منيييره لبسي عباتج ويالله
منيره : على وين !!
راشد : وهند ودلال هم انتو كذالك
منيره ودلال وهند استغربو
البنات : على وين !!
راشد : لبيت امي
منيره : اهئ يمه لايكون خالتي فيها شي
هند : ولا نوف فيها شي !!
دلال : امبيييه شصاير
راشد بغضة : امي توفت
منيره ما قدرت تتحمل و انهارت و طاحت غشيانة
دلآل قعدت بالقنفه مذهوله مو مصدقه الي سمعته
هند واقفه و مو بوعيها قاعده تردد : خالتي ماتت لا !!
هالمنظر حز بقلوب القآعدين و تأثرو حيييل ,,,
بعد جم ساعه قعدو و قامو يبجون يبجون .
الشباب قاعدين يهدونهم لما هدوو ,,,,
وخذوهم وودوهم بيت ام راشد .
وكل واحد حاط ايده على قلبه خايفين من ردة فعل نوف
===============================
كانت نوف نايمة مادرت الا هند تقومها
ما استوعبت نوف شي غمضت فتحت الا تشوف هند جدامها
نوف وهي تتربع : خير هنوده في شي
بجت هند غصبن عليها والكل قاعد يخزها يعني بس !!
نوف قعدت على ركبها خايفة و ترجف
نوف : هند فيج شي شصاير انا الي فيني مكفيني مافيني شدة لهالمواقف و قلبي ما يتحمل هالخوف !!
ما قدرت تتكلم هند لكن قالت بصوت يرجف : رآشد
لبست نوف غطا روبها وعيونها متعلقه بباب الغرفة اخوها يدخل الجناح اكيد في مصيبه !!
وقفت بسرعه نوف و ركضت لاخوها وعيونها متغرقة دموع
نوف : راشد راشد امي فيها شي
نزلت دموع رآشد غصبن عنه بس مسحهم على طول
رآشد بحنية : امي تطلبج الحـــل
بدون مقـــــــدمــــــــات طاحت غشيانه !!
صرخت منيره وراشد مسكها و حطها بالسرير دقو على الدكتوره على طول تجي ,,,
وقعدو البنات ينطرووون الدكتووورهـ تجي
جت الطبيبه وطلعت نوف منهاره عصبيآ ضربتها ابره مهديه راح تخليها نايمه يوم كامل
كل عيله الـ**** مجتمعه في بيت رآشد واقفين مثل الجبال الصامده في وجههالمصيبه الكبيره
ونوف مازالت تحت تاثير الابره وماصحت .
الكل كان يبجيوالبيت الي كان في يوم كله افراح انقلب وتوشح السواد اركانه
غاب نور اليت غاب عموده وسنده وترك وراه قلوب محطمه ومتنثره اشلاء واشلاء
================================
وصلت الجثه بموعدها تماما وتم الاتفاق على الدفن و الصلاة عليها بعد صلاة الجمعه
انهار خالد لما كشف عن وجهها وشاف النور الي يشع من وجها الي شافه شي ماراح ينساه لين الموت
كانو الشباب واقفين معاه يد بيد و قلب بقلب
وخلصو و اجتمعو كلهم ببيت أم راشد للعزاء
والبنات قررو بنامون ببيت أم راشد ويكونون حول نوف لا صحت وواجهت واقعها عقب رحيل امها عنها
================================
مسجد الـ****
من بعد ماكنت يد ام راشد تجي على كتف خالد بكل وقت شده صارهالكتف هو الي يشيل نعش ام راشد
راشد – فهد – خالد – مشاري – طلال
كلهم كانوا متلثمين وشايلينها لمثواه الاخير للمقبره والجموع المعزيه حولهم منكل صوب والشياب وعمان نوف الي ماينعرف حقيقه شعورهم
نزلوه على الارض
ودخل خالد بقبره هو وراشد ونزلوها وصفو الطوب حولها .
في النهايه
دفنوها وصار بينها وبينهم حاجز اقوى من كل شي ومن كل مقدره على التحمل وقعد خالد على ركبته وهو يسوي التراب على قبر احب الناس على قلبه ودموعه تسيل انهاروانهار
بجى ومامنع بكيته لا مرجله ولا خوف وحيا
دموع الرجال ان نزلت هزتجبال
================================
مسكه مع كتفه ابو فهد وقال بصوت مبحوح :-ياولدي اذكر اللهخالد وماينشاف منوجهه شي لانه متلثم بشماغه ولابس نظاره شمسيه مارد ولاتكلم بعض الكلام يتعب اكثرمايريح
ناظر في يدينه الي شالت ام راشد وحطت التراب فوق مسح دموعه بطرف شماغه ومشوا تاركين راكان وراهم
================================
قعدت نوف من النوم على صوت هند وهي تبجي ودلال و منيرة يبجون معها ويحاولون يفتحون درج ملابس أم راشد عشان يفرغونه منها
هند:كلمني خالد دفنوها وهم راجعين الحين
استوعبت نوف كل شي
امي ماااااااااااااااااااااااا ااااااااااااتت
ماااااااااااااااااااااااا اااتت
مااااااااااااااااااتت
صرخت وقعدت تبجي بصوت عالي :-لاااااااااااااااااااااا لاااااااااااا امي ماتتركني لاااااااااااااااااااا
ركضو لها وضمتها هند وهي في حاله هستيريه
نوف وهي تبجي بشكل موطبيعي :-لا هند لا لا تقولين حطوا على وجهها تراب لا لا لا
كلامه اقطع قلوبهم . صج كانت نفسيتها دمااااااااااااااااااااااا ار
هند : حبيبتي اهدي اهدي
نوف :ياوووووووووووويل قلبي من عقبج يا نظر عيني وبدل مايهدونها قعدو يبجون معاها
نوف وصلت لمرحله الجنون واظطروا يجيبون الطبيبه .
عطتها مهدئ لين بدت تهدى نومتها هند على سريرها وكانت عيونها تسيل دموعبدون صوت مايدرون ان الانفجار الداخلي باعماقها اقوى واعظم من الظاهر
ياللـي دفنتـوا جثـتـه لـيـه تبـكـون؟
لـولا الحيـالأقـول : معـكـم خـذونـي
منه انحرمت وكنت انا عنـه مسجـون
مـا أذكـر لمحتـهغيـر مـره بعيونـي
شفتـه وكانـت فرحتـي مالهـا لــون
عجزت لأوصف منلمحته شجوني
ياليتنـي كنـت الكفـن يـوم تمشـون
أبـقـى مـعـه بالـقـبـرثـــم تدفـنـونـي
أو ليتني من خلفكم كنت (مجنون)
أتـبـع خطـاكـموالـعـذر هــو : جنـونـي
أبكي وراكم وأدعي ان كـان تدعـون
مـا يكفـيانـه عـاش عمـره بدونـي
تكفـون < هاكـم عمـري اليـوم تكفـون
بـرخـصحيـاتـي دام خـابــت ظـنـونـي
مـا فادنـي صبـري !! ولا فـادنـي عــون
ولافادني دمع(ن) حرق لي جفونييـا مـا بكيتـه والبكـي يحـرق عيـون
ميتأو انه حي دمعي بعيونـي!!
العـام كـان بفرحتـه يعـزف لـحـون
واليوم؛ تحت الأرض ماهو بكوني
لكن أنا في فرحتـه كنـت مدفـون
فوق الثرىواليوم موته سجونـي
(سميت قلبي عقب فرقاه ملعون)
هو و الليالي عن هناهامنعونـي
ياليتنـي ماعشـت لحـظـه بهالـكـون
و ياليت ربعي في سكاتاذبحوني
وياليتكـم عـن همّـي اليـوم تــدرون
منه انحرمت > ومن عزاهاحرموني
حتى بوفاته !! يـوم أنـا طحـت مطعـون
أخفيت طعناتـي قبـللا يفضحونـي
بكـيـت!! لـكـن ماتظـاهـرت بالـهـون
أبكي وأقول : الموتهو سبة طعوني
و إن كان في حبّـي أنـا ماتحسّـون ؟!
دلوني لقبـرهوهنـاك اتركونـي !
============================
بيت ام راشد " المطبخ "
طلع خالد من الديوانية وراح المطبخ
هند كانت تصب لنوف قلاس ماي
خالد بصوت مبحوح : هند
هند : هلا
خالد : اشهالاحوال داخل ؟
هند : آآآآه سمعت ان خالتي اندفنت و جاها انهيار عصبي والحمدلله ان الطبيبه كانت موجوده عطتها مهدئ و نامت
خالد وقلبه يتقطع من كل صوب : آآآآآآخ
هند : خالد شد حيلك ترى اهلك مالهم بعد الله الا انت
خالد دمعت عينه : الله يعين يا هند انتبهي على نفسج وعلى نوف تكفين
هند : لالالا شدعوه يا خالد نوف بنت خالتي و رفيجتي بعيوني
خالد :ما تقصرين يالغالية يله لا بغيتي شي و نوف بغت شي قوليلي
هند : انشاالله
وراحت هند تودي قلاس الماي لنوف
دخلت هند الغرفة ,,,,
لقت منيره و دلال يحاولون يفتحون الدرج مو قادرين
هند بصدمة : شتسوون
منيره : يعني شنسوي برايج
هند مو مستوعبه : منيره درج نوف هناك
منيره : مانبي اغراض نوف نبي اغراض خالتي
هند : هاااااااااا
منيره بعصبية : تعالي ساعديني قعدنا ساعه ماقدرنا نفتحه
هند عصبت : مالكم حق بالي قاعدين تسوونه
منيره بصوت واطي عشان ما تقعد نوف : هنووده ماطلبنا راايج تعالي ساعدينا وانتي ساكته
هند تبجي : كافي انكم حرموتها منها والحين هم تبون تحرمونها من ذكرياتها
دلال : هذا لصالحها عشان ما تتعذب
هند : حتى لو هذي اشياء هي تقررها بنفسها
دلال : انا اعرف نوف عدل بتشوف ملابس و اشياء بتنهار
هند تبجي : لا تلمسون اغراضها
منيره عصبت : هنووده وجع اركدي لا تقعدين نوف
فتحت عيونها نوف كانت الغرفة ظلمة بس ابجوره تنور يم السرير وابجوره محطوطه على طاولة جنب درج الملابس الكبير ,,,
وهناك ثلاث بنات عرفتهم لان هند منزله شيلتها على جتوفها والباقيات معطينها ظهورهم .
قالت دلال بأنفعال : ام راشد ماتت شتبي بصورها وملابسها واغراضها الحين بنجمعها ونحرقها أو نتبرع فيها
امي مااااااتت اغراضها . نحرقها
تجمعت الافكار براس نوف
وفزت من مكانها اممممممممممي
ماااااااااااااااااااااااا اااااات
ماااااااااااااااااااااااا ااااااااااااااااااااااااا ت ليش ما اصدق ليش عندي امل كل ماصحيت من النوم القاها جنبي واني كنت احلم .
آآآآآآآآآآآآآآآآآآآآآآآآآ آآه ياقو الا لم. وآآآآآآآآآآآآآآآآآآآآآآآآ آه ياكبر مصيبتي
نزلت راسها وقعدت تبجي بقوه وترتجف ضمت مخدته لصدرها تشم ريحه عطرها
"ياوووووويلي من فرااااااااااااااااقج يايمه اااااااااااخ بمووووووت والله بمووووووووت"
ركضت هند لها ولمتها : حياتي اهدي تكفين اهدي الطبيبه تقول مو زين كل ما انهرتي نعطيج مهدئات
تمت تبجي بحضن هند وقالت وهي تبجي بصوت عالي :هند امي راحت مني امي راحت وتركنا تركتني وتركت عيالها
بدت نوف تنهار :آآآآآآآآآآآآآآآآآآآآه يا هند راحت امي راحت
هند بتخفف عنها : العوض حياتي بزوجج وعيالج
نوف بعصبيه :-لااااااااا لاااااااااا مايعوضني في امي كل خلق الله هند انتم دفنتوا فرحي سعادتي حياتي يوم دفنتوا امي هند حياتي انتهت انتهت
منيره صج تاثرت ضمت بنت خالتها :خلاص نوسي طلبتج يكفي
دانه :-ااااااااااااااااااه يامنيره راحت مهجتي راحت حبيبتي ونور حياتي راااااااااااااااااااااااا ااحت
قعدت دلال جنب نوف وقالت بحنيه :نوف قلبي البجي ماينفع الي صار صار قومي صلي واقري لها قران جذي احسن .
ومسكت بنت خالتها من يدها ووقفتها :قومي حبيبتي اخذي شاور عشان تهدين
ودخلتها الحمام وجهزت لها كل شي
تسبحت نوف وكنها ارتاحت شوي وصحصحت.
شافت في المرايه وجهها الي ذبل وعيونها الهيمانه خلاص ضاع الماضي الحاضر والمستقبل مات كل شي بموتة نظر عيني امي حلوة اللبن
انهارت غصب على الارض وتمسكت في الجاكوزي وحطت راسها عليه وقعدت تبكي
حست دلال ان نوف تاخرت دقت الباب وما ردت
فتحت الباب لقت نوف تبجي وحالتها حاله
السهـم الي صاب قلبها كان مسموم !
ورحيل امها مايشفيه لاكلام ولامواساة
مسكتها وقالت برقه :حبيبتي قومي وتعوذي من ابليس
ورفعتها ونومتها بالسرير عدلت روب الحمام حق نوف وقعدت جنبها تقرا قران
همست نوف :دلال
دلال بحنيه :ياعيونها
نوف وهي تشوف في السقف: دلال امي ماراح ترجع خلاص
انقبض قلب دلال وسالت الدمعه : نوف حبيبتي اذكري اللهـ
نوف غمضت عيونها وسالت دموعها على مخدتها : دلال انا اعشقهـا ما احبها وانا . انا . انا
وماقدرت تكمل وقعدت تشاهق
ضمتها دلال وقعدت تهديها
دخلت منيره ومعاها العشاء لان نوف من يوم مادرت عن موت امها ماذاقت ولاشي
منيره بحنيه : يله حياتي قومي تعشي
شمت نوف ريحة الاكل و قامت تبجي
نوف تبجي : مالي نفس آكل شي بعد وفاة الغالية
====================================
دلال : آآآآآآآه يا قلبي عليج يا نوووف
منيره :اصصص نوف مو ناقصه يكفي ضغط الحريم تحت يبون يعزونها
عصبت دلال: ماعندهم دم قلنا لهم البنت منهاره ماتقدر تجابل احد مايفهمون
منيره بضيق :لاتنسين يا ماما هذا واجب
دلال ليلحين معصبه : منيره نوف مو ناقصه واذا عيال ام راشد قدرو يتحملون كلامهم شلون ماتت ووين ومتى فـ نوف ماراح تتحمل منيره هي الحين في حالة ما يعلم فيها الا ربي !!
منيره تضايقت : آآآه على بنت خالتي مو كافي انها تيتمت وهي ماكملت 21 سنه
دلال : اااااااخ يا النصيب والدنيا تضيق بالطيبين وتاخذهم
رجعت نوف من الحمام ووجها اصفر وتعبان
حمدت ربها ان دلال ومنيره طلعوراحت لدرجها وطلعت بيجاما موف ولبستها ورجعت لسريرها
كانت هلكانه ومستنزفه جسديا وعاطفيا
كانت منيرة عندها ومافارقتهادقيقه وحده اما باقي البنات كانو يمرونها من فتره لفتره .ويتطمنون عليها
====================================
جافاها النوم ومابقي بحياتها الا ليل السهد وليل المواجع عقب امها .
وقفت وطلعت تتسحب من غرفتها عشان ما تقعد هند الي نايمه جنبها .
مشت وفرت بالبيت . تتذكر ايامهم وذكرياتهم ودموعها ماوقفت ابدا
دخلت مكتبه مكان امها المفضل المفضل
تاملت كل شي فيه كتبها ، اوراقها , كاس الكوفي حقها والي كان هديه منها لها اسمها محفورعليه ابتسمت وهي تتذكرها يوم جابت لها كاس نفسه بس اسمها عليه
قعدت على الكرسي حقها وميلت راسها تبجي
ماتركتي بحياتي شي غير الدموع يا يمه سرقتي بموتج فرحتي وآمالي
قعدت تشاهق مو مصدقــــــــــه ابدا
ان امها رحلت مايعود !
قعدت تكلم صورتها الي على مكتبه :-لمن تركتيني يانظر عيني لمن من لي عقبج من بيربيني ومن بيحضر عرسي ومن بيوقف معي في عرسي وحياتي ويشد على يدي من بيضمني ويواسيني ويهدي خوفي يمه انا خايفه ومحتاجتلج جنبي
صرخت : يمه ليش تتركيني لييييييييييييييييييش
وقعدت تبجي .
وقفت وطلعت من المكتب حست نفسها مو قادره تتحمل اكثر الحزن بيقطع قلبها وبيوقف النبض
نزلت بسرعه تبي تشم هوا تحس انها بتختنق بتموت
طلعت وراحت للمسبح قعدت على حافته ونزلت رجولها فيه .
سمعت صوت واحد يمشي وراها وما خافت لان البيت فيه حراس
جا خالد وقعد جنبها مو راضي يجيه النوم وراح بيشرب ماي وشاف ظلها عند المسبح
قال بحنيه : شلونج الحين ؟
قالت بحزن : عايشين
حس خالد انه تاخر بما فيه الكفايه وامه صار لها قرابة الخمس ايام متوفية
خالد : نوف
حست نوف بشي من لهجته اخوها وتعرفه : هلا
خالد : معاي امانه لج
نوف مو مستوعبه : من منو؟
سكت خالد شوي التفتت عليه بسرعه : من امي !!!
خالد بحزن : ايه
دانه بلهفه وحزن وخوف : وينها .؟
وقف خالد: ثواني وارجع بروح اجيبها
راح خالد وخلا دانه على ناااااااار تنطر وتنطر وهالخمس دقايق الي فاتوا جنها خمس سنين .
خالد : اخذي هذي هي
ورجع للمطبخ عشان يتركها براحتها .
وقفت دانه وقعدت على الكراسي فتحت الظرف بيد ترتجف
] الى حبيبة قلبي و بنيتي ونظر عيني نوف
اول شي شخبآرج حبيبتي شلونج صدقيني انا كتبت هالرساله لج لاني كنت حاسه اني بموت وصدقيني انا احبج وانتي اغلى انسانه على قلبي ونظر عيني ما عمرج قلتي لي لا عسى ربي يخليج لي
ويخليني لج اتوقع لا لان الله خذا روحي انا عندي احساس والله
اني بموت وكتبت هالرساله اذا مت فراح توصل لج واذا ما مت
راح احرقها حياتي اتمنى لج حياة سعيدة وتعيشين بفرح وسرور
وها عاد اذا يت لج بنت سميها عايشه !! ههههههه ادري ما تحبين
هالاسم لالا اظحك معاج حبيبتي سميها الي تبين بس لا تنسيني ها ؟
وثقي بالله يا بنتي الغالية اني احبج وما عمري زعلت عليج وانتي
مداوية جروحي ديري بالج على نفسج ترا اخبارج توصل لي بقبري
وصورتج بعيوني لي نهاية العمر انا اضحي لاجلج بكل شي حتى بعمري ان اكلي فدوه لـج هههههههه تذكرين ذيج الايام لما كسرتي عطري ابوج ههههههه اهوا بغى يزفج لكن انا قلت لا انا كسرته وزفني انا بس ما تظايقت وانا فخوره فيج انج بنتي صج ونعم البنت راح اتم طول العمر احبج مع السلامه في حفظ الرحمن وصج ترا مو انا الي قاعده اكتب هههههه شعرفني بالكتابه لا هذا ولد جيرانا الصغير قاعد يكتب لي خبرج ام عبدالعزيز عندها نصور الصغير الي هذا اهو الي يكتب لي يله فمان الله حبيبتي [
نوف دمعت عينها ورجعت راسها لورا
نوف بحراره : آآآآخ يا يمه حتى تظحكين و تتغشمرين بوصيتج !! تدرين ان هالشي يعذبني يا يمه آآآآآآآآآآآآآآه ليتج معاي
خالد : الله يرحمها يارب نوف الحين هي محتاجه دعائج !!
نوف : آآآآه الله يرحمها خالد انا استأذن ابي انام
خالد : يله تصبحين على خير وانا بعد
نوف : وانت من اهله
راحت نوف سريرها لكن وين يجيها النوم بغياب الغالية !!
وتمت تبجي تبجي لعل وعسى ترتاح شوي
قعدت هند
هند : شفيج نوف مو نايمه
نوف : لا بعد ربع ساعه بيأذن الفجر بصلي وانام
هند : اها يله اجل تصبحين على خير
نوف : وانتي من اهله
وفي هالوقت اذن لصلاه الفجر ودخلن البيت عشان يصلن
قعدت نوف تتسنن وتصلي الفرض وتدعي لأمها بالرحمه وان ربها يلهمها الصبر والسلوان .
قعدت تقرا قران . وحست براحه كبيره ما تنوصف صحيح الالم باقي لكنه هدا نوعا ما .
==================================
LinkBack URL
About LinkBacks
