الموضوع: رواية أملي في الحياة

هـــــــــــــــــــــــــــــــــاي.
هذي تكملة الجزء و أنشالله تعجبكم.



بعد يومين البنات راحوا يتسوقوا مع بعض عشان حفلة دانه و أشتروا لهم ثياب و أكسسوارات أشياء الحفله يعني ورجعوا هلكانين.




*يوم الحفله*


طبعا دانه رجعت من الكافيرا قعدت في الغرفه المخصصه لها في الصاله.


(كانت رافعه شعرها حاطها فيها بعض الورود ومكياجها كان جاي على نفس الوان الثوب و حطت لها نقط على حدودو عيونها من فوق لابسه اكسسوارات طبعا حدث ولاحراج <<< أتخيلوها هنديه.
ثوبها كان جاي من دون خيوط على شكل حفره منفش من تحت) <<< أدري أول مره أوصف بس هذا لزوم دانه خخخخخخ.


المهم جوا لها البنات باركوا لها.

حوراء:ويلي دانوه ماأتخيلش مرت أخوي.
دانه استحت.
فاطمه:أعتني بأخوي ماعندنا غيره.
حوراء:أي ولله و من الحين أقولش أنتبهي لا اتخليه ايعصب.
شيماء:هههههه مو الحين اتقولوا لها هالكلام قولوه يوم عرسها مو خطوبتها.
ساره:صحيح و أنتي حوروه لا تخوفيها كفايه هي متوتره.
أمل:دانه ماعليش من كلامهم.
حوراء فاطمه:حلفوا نبغى نطمن على أخونا.
دانه انفعلت:ماباكله.
الكل:هههههههههه.
فاطمه:جذي أحسن مو ساكته.

جت أم جواد و معاها هناء البنات سلموا عليهم رجعوا داخل الصاله بس بقت شيماء و ساره

هناء:مبروك دانه.
دانه:الله يبارك فيش عقبالش.
هناء:هههههههه
أم جواد:شيماء تعالي معاي.
شيماء:انزين راحوا.

دق جوال دانه.
دانه:هلا.
جواد:هلا فيش هاه شخبارش الحين
دانه:ماأدري.
جواد:هههههه أنزين شوفي أحد يجي لي عشان باقتش مستحيل اجي أنا البنات داخلين و طالعين من غرفتش.
دانه:أوه تدري أني نسيتها.
جواد:ههههه ماألومش.
دانه:انزين وين أنت.
جواد:غرفة البيانوا.
دانه:خلاص باشوف أحد يجي لك.
جواد:أوكي باي.


دانه:هناء ساره وحده منكم اتروح تاخذ الباقه من عند جواد.
ساره سكتت.
هناء:خلاص أني باروح لبست عباتها الي كأنها ثوب من الزخرفات الي فيها لبست بوشيتها الي ماكأنها لابسه بوشيه من كثر شفافتها <<< هي بالأصل ماتلبس جذي بس في الأعراس تلبس.

دانه:هناء شعرش طالع.
هناء:أدري ويش اسوي مستحيل ادخله داخل العباه تالي يتعفس.
ساره(مستحيل أخليش اتروحي لجواد جذي <<< اشتغلت غيرة الأنثى):خلاص مادام خايفه على شعرش أني باروح ماتركت لها فرصه على طول لبست عباتها راحت.


كانت خايفه من هالقاء يلا ساره كوني قويه حدش بتاخذي الباقه و بترجعي مابيصير شي عشان اتخافي يلا أمشي.

دقت الباب عشان هو يطلع لأنها مستحيل تدخل الغرفه وهو بروحه فيها.


طلع جواد بأيده الباقه.

جواد:ساره!!!!!!!!!!!!!!!!!!!!!!!!!!
ساره ساكته ماقالت شي.
جواد:ويش حالش
ساره:زينه.
جواد:صحيح ماباركتي لي.
ساره طالعته.
جواد:بتزوج.
ساره حست بدوار كانت بتطيح بس جواد مسكها.

جواد:ساره ساااره
ساره من غير شعور صاحت في حضنه.
ساره اتصيح:تكفى لا تتزوج لا تذبحني أنتظرني أموت.
جواد:ساره أنا أحبش!!!!
ساره أنتبهت لنفسها اتباعدت على طول غطت وجهها أخذت الباقه كانت بتروح.

بس جواد مسك أيدها:لحظه.
ساره:جواد تكفى
جواد أشر لها تسكت:أشعلتي نار حبش داخلي ماأقدر أطفيها.
ساره:قلت لك أنساني.
جواد:لييش كيف تقدري أتقوليها بهالسهوله
ساره:ولله عشانك أحسن لك تنساني تركته راحت.


قبل ماتدخل مسحت ادموعها دخلت.

دانه:ليش أتأخرتي
ساره عطتها الباقه:هههه مااندليت وين الغرفه.
هناء:ويش فيه مكياجش
ساره:ويلي برى حر اعتفس المكياج.
دانه:مو لهدرجه الحر.
ساره:شكلها حوروه عدتني.


جت أم جواد معاها شيماء:يالله دانه دخلي الحين.
دانه ساكته.
شيماء:دانوه اتقولش أمي قومي.
دانه مرتبكه:استني اشوي.
شيماء:ليش!!
دانه:مادري.
شيماء فهمتها حبت اتخفف عليها:دانوه امشي بله دلع كلنا صار لنا زيش اول شي مرتبكين بعدين عادي يالله سمي بسم الله امشي.
دانه مرتبكه:بسم الله الرحمن الرحيم.


مشت دانه عند الباب لحد ماوصلت الى الدرج طبعا الانوار خافته دانه كانت تمشي على الحان جواد نزلت من درجه لحد ماوصلت الى استياج كانت مو عارفه تمشي لان كل الي في الصاله ايطالعوها منبهرين في جمالها لحد ماوصلت الى الكوشه المصوره طلبت منها اتوقف شوي بعدين تقعد عشان اتصورها على طول الكوشه.


(الكوشه كانت امقسمه الى ثلاته اقسام في الوسط دانه و من على اليمن الكيكه والعصير وجهت اليسار الشبكه)


بدت الطقاطقه اتغني و الناس راحوا ايسلمو و يبارك الها قاموا صديقتها يرقصوا طبعا قروب املي في الحياه << مفتخره بالأسم. ماقعدوا من الرقص.


بعد ساعه دخل قيس مشى لحد ماوصل لها انهبل لما شافها ازدادت جمال عن قبل سلم عليها باسها على جبهتها.

قيس بهمس:مبروك.
دانه منزله راسها:الله ايبارك فيك.

قعدوا قامت المصوره اتصورهم عزف جواد موسيقى كلاسيكيه

جوو فاطمه وحوراء باركوا لهم فاطمه مسكت قيس و حوراء مسكت دانه ودوهم عند الكيكه قصوها أكلوا بعض و شربوا عصير صورتهم المصوره بعدين راحوا مكان الشبكه قيس لبس دانه رجعوا مكانهم.


بعد نص ساعه طلعوا من الصاله راحوا البيت


أول ماراحوا كل الموجودين من الغرفه الي كانوا فيها ظلوا اثنينهم ساكتين.

بعد فترة صمت.

قيس مسك ايدها:اممم عندي لش شي.
دانه مستحيه لحدها.
قيس:افسخي تركيتش (الحلق).
دانه:ليش؟!!
قيش ابتسم:ماورى سمعنا هالصوت.
دانه سكتت.
قيس اتقرب منها فسخ التركيه طلع علبه لبسها تركيه غير عن كل التراكي لأن فيها ميزه.

(طويله ملونه حلوه كثير بس الشي الي عجب دانه فيها أن التركيه في نهايتها زي السلسال على شكل خزامه<<<يعني ايصير تركيه مع خزامه)

قيس:ويش رايش
دانه خجلانه لحدها:مره احليوه عجبتني شكرآ.
قيس ابتسم:تدري من متى شريتها من سوريا بس حوروه مارضيت تعطيش اياه اتقول فشله أكيد مابترضي تاخذيه.
دانه بدت تتأقلم معاه من كلامه:أكيد مابرضى ليش تعطني اياها و أني ماأقرب لك شي.
قيس يبغاها تتكلم أكثر:عادي مافيها شي.
دانه:مو عادي بأي حق تهديني هديه و أني ماأقرب لك شي.
قيس:بسيطه لأني أحبش.
دانه صار وجهها طماطه مااتوقعت ايقولها.
قيس حاب يحرجها أكثر:حلو وجهش جذي.
دانه(ياربي اشوي اشوي علي استحي).


ــــــــــــــــــــــــــــــــــــــــ


#بيت سلمان#


ساره كانت تعبانه واجد و من رجعت نامت على طول.

وأول مره ماتصحى قبل سلمان و هذا الشي خلى سلمان ايخاف عليها بس قال يمكن من تعب الحفله بس قرر أنه يتكلم معاها بعد مايرجع من شغله.


ولما رجع راح اتسبح نزل يتغذى معاها


سلمان:ساره بكرى باروح معاش المستشفى.
ساره تركت الأكل الي في أيدها:ليش
سلمان:أبغى أطمن عليش.
ساره:بس أني مافي شي.
سلمان:وجهش مصفر غير الحراره الي تجيش في الليل.
ساره:عادي أكيد بتجيني حراره لأني أنام و المكيف يهب في وجهي.
سلمان:مابيصيبش شي اذا رحتي اطمنتي.
ساره:ماأبغى أروح لأن مافي شي اذا حسيت أني تعبانه بقولك.
سلمان:عنــــوده
ساره:لأن مافي شي غصب في.
سلمان:خلاص بس شوفي اذا لاحظت عليش أي شي بوديش حتى لو غصب بعد.


ــــــــــــــــــــــــــــــــــــــــ


*بعد أسبوع*

#بيت أبو جواد#


دانه:افففف مليت من هالكتب.
شيماء:الله يساعدش عشان تعرفي كيف كنت أعاني في ثالث بس على الفاضي أبغى أعرف ليش ندرس انتعب نفسنا أخر شي انروح بيت زوجنا.
دانه:ولله بكيفش هادي ماقالش لا تروحي الجامعه.
شيماء:ومن قالش أني أبغى أروح.
دانه:ماعلينا من هالموضوع وين جواد مستمله باخليه يمشيي أغير جو.
شيماء:راح المستشفى.
دانه:ليش ويش فيه
شيماء:ياهبله لا اتخافي راح لأن خلصت أجازته بيبدي دوامه من بكرى.
دانه:أهااا تدري شيموه.
شيماء:ويش
دانه:قيس غريب.
شيماء:كيف يعني
دانه:ماادري بس مافي شي مايعرفه عني الأشياء الي أحبها و الي أكرها كل شي حتى لو بفكر أنه مثلآ حوراء لو فاطمه قالوله ماتجي لأن في أشياء حتى حوراء و فاطمه ما يعرفوها وهو يعرفها.
شيماء:يمكن ساحر.
دانه ضربتها بالمخده:صج سخيفه أتكلم جد.
شيماء:خلاص أسأليه.
دانه:ماأدري أحس ماأدري كيف.
شيماء:خلاص بكيفش.


ــــــــــــــــــــــــــــــــــــــــ


جواد بدى دوامه في اللستشفى صار مثل قبل كان يصحى من الساعه سبع يفطر و يخلص يطلع بس ماكان يروح المستشفى على طول.

كان يروح عند بيت سلمان يوقف بعيد اشوي عن البيت و يقعد ايدخن يطالع دريشة غرفة ساره هو كل يوم ايجي يقعد له ساعه أو نص ساعه و يروح و مع هذا و لا مره شاف ساره.


المهم وهو قاعد جذي ايفكر و يدخن رن جواله

جواد:هــلا.
لؤي:أهلين وين أنت
جواد:في الطريق.
لؤي:أهاا قصدك واقف عند بيت أحد.
جواد:أيه.
لؤي:انزين أبغاك تجي لي اليوم.
جواد:اوكى بشوف طالع بيت سلمان ساره لؤي بكلمك بعدين باي.

سد الخط من دون مايسمع رده.

استغرب ليش ساره طالعه في هالوقت وين بتروح؟


ــــــــــــــــــــــــــــــــــــــــ


دانه كانت غايبه اليوم عن المدرسه شيماء كانت سهرانه أمس من جذي ماقعدت مع دانه نامت.

دانه قررت اتكلم دلع لأنها كلمتها أمس بس مامداهم يكملوا كلامهم.

رن مره مرتين ثلاث بعدين.

قيس:الووو. <<< كان نايم.
دانه(يمى هذا رجال) سدت الخط على طول.
قيس عود نام.

دانه:شكلي غلط في الرقم طالعت جوالها الا هذا هو لحظه الي رد كني أعرف صوته لالالا مو معقول.

ردت اتصلت عشان تتأكد من الي في بالها.

قيس:اففف الووو.
دانه(الا هذا هو مستحيل أغلط في صوته):قيس!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!




شو راح اتسوي دانه

كيف بيتصرف قيس

وين بتروح ساره و ليش اتسوي جذي مع جواد

شو راح ايسوي جواد مع ساره

أمل و سلمان تتوقعوا لهم نهايه سعيده لو حزينه

هل بتظل الأحوال مستقره بين حوراء رائد و شيماء هادي

(هـــــل بصــــــــير شـــــــي بيغــــير في مجـــريــــات القــــصــــه)



يــــــلا توقـــعاتكــم للجــزء الأخــــير.

€€€الجــــــــــــــــــزء الأخيـــــــر€€€


قيس:اففف الووو.
دانه(الا هذا هو مستحيل أغلط في صوته):قيس!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!
قيس:هلا دينتي.
دانه سكتت مو قادره تستوعب شي.
قيس عدل قعدته:الوو دانه وينش
دانه بشمئزاز و انكسار:ماتوقعت هالحقاره و الخيانه و النذاله منك سدت الخط.

قيس انصدم طالع جواله مستحيــــــل أنا شو سويت غـبي الحين ويش اسوي.

راجع الكلام الي قالته له " ماتوقعت هالحقاره و الخيانه و النذاله منك "

من عصبيته ضرب الكمدينه الي جنبه و طاحوا كل شي فيها.


ياللــــه راح تفكيرها لبعيد فكرتني خنتها.

حط راسه بين ايديه حاير مو عارف ويش ايسوي.

مسك جواله أتصل لها بس هي ماردت والمره الثانيه عطته مشغول.

أتصل من جواله الثاني و نفس الشي.

على طول كتب لها رساله.

"أرجوش دانه ردي علي أبغى أفهمش أنتي فهمتي غلط"

ماردت.

كتب رساله بسرعه على طول راح الحمام بعدين بدل اثيابه أخذ مفتاحه و جواله طلع.

ركب سيارته أتصل لرائد.

قيس:الووو
رائد:هلا وينك يارجال أتأخرت واجد.
قيس:أدري راحت علي نومه.
رائد:المهم متى بتجي
قيس:خذي لي أجازه اليوم أو خذ شغلي تكفى ابو الريد مشغول.
رائد:ماعليه بس ويش عندك؟!!!
قيس:بعدين أقولك باي.


ــــــــــــــــــــــــــــــــــــــــ


*غرفة دانه*

من سدت الخط وهي أتصيح مو قادره تستوعب شي.

رن جوالها و طنشته.

غاصت في أفكارها و صياحها ليش ايخوني ومع من مع أحب صديقه عندي حرام ولله حرام.

دقت نغمة الرسايل فتحتها قرتها (أول رساله رسلها).

مستحيل أكون فاهمه غلط يعني جوال ابنيه ويش اوديه عنده مسكت راسها ياربي مو قادره استوعب شي اذا قيس بيخوني فدلع مستحيل عطيتها كل ثقتي و أسراري مافي شي يصير لي مااتكون أول وحده تدري به ياربي ليش ليش

قعدت تتذكر كل شي صار بينها و بين دلع كانت تعرف قيس و الدليل أنها مره حطت صورته في الماسنجر غير جذي في أشياء واجد تعرفها عن قيس أني ماأعرفها أني غبيه ليش توني املاحظه الحين ليش مو قبل ليش مو قبل ماأنخطب ولله صدقتها وثقت فيها و حبيته.


دق جوالها نغمة الرسايل مره ثانيه بس هي طنشت و لا قرتها قعدت اتصيح.


ــــــــــــــــــــــــــــــــــــــــ


انروح لجواد و ساره

جواد سد الخط من عند لؤي اتبع ساره بنظراته شافها رايحه على طريق الشارع.

ساق سيارته بس على البطيئ عشان لا اتشوفه أو تنتبه له.

أستغرب أو أتفاجئ لأنه شافها توقف تكسي و ركبت.

جواد ماصدق و عصب مو معقول هذي ماتخاف على نفسها كيف ترضى تركب ابروحها ليش ماقالت لسلمان ضرب السكان بعصبيه وين بتروح!!!!

ظل ايلاحقهم ليما وقف راعي التكسي.

جواد:مستشفى ليش!!!!!!!!!!!!!!!!!

شافها تنزل و تدخل وقف سيارته دخل شافها تسأل الرسبشن فتراجع عشان لا اتشوفه.

أنتظرها لين اتباعدت راح وراها.

شافها تدخل لدكتور.

جاه الفضول يبغى يعرف ويش فيها طلع من المستشفى راح لسيارته أخذ بالطووه لبسه رجع المستشفى راح للغرفه الي راحتها ساره.

وقف عند الباب فتحه بشويش حط طرف رجله عشان يسمع كلامهم.

(هو لبس البالطوو عشان اذا شافه احد يفكروه دكتور لأن هذي المستشفى مو الي يشتغل فيها).

المهم أنه سمع كلامهم


ساره:بس أني أحس أنه فيي.
الدكتور:قلت لك بسويلك فحص اضمن لك.
ساره:ماأبغى أنت بس قولي الأعراض الي قلتها اتبين على شو!!
الدكتور:ولله بالأعراض مايبين يعني ممكن يكون شي بسيط أو شي ثاني.
ساره:ويش هو الشي الثاني!!
الدكتور:ممكن يكون سل.
ساره سكتت وقفت.
الدكتور:وين لازم انسويلك فحص.
ساره:مو لازم طلعت.

أتفاجئت من وجود جواد أو بالأحراى انصدمت و انصدمت أكثر من الدموع المتجمعه بعيونه.

ساره(ياربي معقوله سمع كلامنا طالعته لا أكيد سمع)


.


جواد سمع كل الي قالوه بس وقف جامد في مكانه بعد ماسمع ((ممكن يكون سل)).

حس الدنيا تفتر به لا أرادي الدموع اجتمعت بعيونه مو قادر ايصدق الي سمعه.

ماحس على ساره الي طلعت و اتفاجئت من وجوده.

ظل ايطالعها بعيونه المتجمعه بالدموع .

جواد من دون مايطالعها:أمشي معاي.
ساره متردده:بس أنــ
جواد بعصبيه:قلت لش أمشي معاي.

أرتجفت من صرخته نزلت راسها.

مشى و مشت وراه حمدت ربها أنها متغطيه عشان لايشوفها اتصيح.

طلعوا من المستشفى راحوا عند موقف السيارات.

جواد فتح الباب الي قدام راح للجهه الثانيه ركب.

ساره(يعني غصب أركب قدام).

ماكان لها خلق أنها اجادله أو تتكلم معاه خاصه بعد ماشافت ادموعه.

ركبت السياره أنتظرته يمشي بس مامشى.

طالعته الا هو امطلع علبة الدخان بيدخن.

أخذتها قبل ماايولعها.

ساره:الي اتسويه غلط ماتخاف على نفسك.
جواد بستهزاء:هه طالع من يتكلم ليش أنتي خفتي على نفسش!! مو معقول المرض بيجي جذي من دون سبب.
ساره اطالع رجايلها و دمعتها طاحت:شربت حبوب.

طالعها مده و ضرب السكان بعصبيه:ليش ليــش!!
حط راسه على السكان صــــــــاح.

ساره ماصدقت الي يصير أول مره اتشوف واحد يصيح عليــــــــها.

ماعرفت ويش اتقول أو ويش اتسوي ملاذها الوحيد ادموعها.

رفعت رجايلهاو ضمتهم حطت وجهها بينهم صاحت:جواد أرجوك ولله ماكنت في وعي كنت أبغى أمـــوت صاحت.

رجع راسه لورى مرر أصابعه على شعره و اتناثرت خصلاته غمض عيونه:لازم اتسوي فحص هذا مايــ
قاطعته:ماأبغى تكفى ماأبغى.
جواد بعصبيه:مو بكيفش بوديش المستشفى الي أشتغل فيها و أنا الي بفحصش.
ساره اتصيح:ماأبغى قلت لك ماأبغى رجعني البيت اذا مابترجعني بروح بتكســي.
رجع راسه على ورى و كتف ايديه:تبغي اتورحي بتكسي روحي ماحد منعش.
حاولت تفتح الباب مانفتح:أفتح الباب.
جواد رافع حاجب:مو تبغي تطلعي افتحيه.
ساره عصبت:جواد افتحه بلا مسخره
قاطعها بعصبيه:سكت عنش واجد شكلش تبغي كف ايعدلش ولله لو أشوفش مره ثانيه راكبه تكسي ولله بتندمي صدقتي نفسش أخليش تركبي تكسي.

صاحت بهدوء.

جواد أخذ العلبه و دخن بعصبيه واضحه.


ــــــــــــــــــــــــــــــــــــــــ


#بيت راشد#


صحوا من وقت فطروا راشد قعد ايسولف معاها قبل مايروح الشغل.

فاطمه:حبيبي افكر أقص شعري ويش رايك!!
راشد:والى وين بتقصيه
فاطمه:لا مابقصره بس بقصه طبقات.
راشد:أهاا فكرت بتقصريه راح قعد جنبها حط يده على كتفها على كيفش كل شي فيش حلوو.
فاطمه بخجل:تسلم.

باسها وقف:تبغي شي من برى!!
وقفت:سلامتك.

أخذ مفاتيحه راح بس توه بيطلع سمع صوتها رجع لها بسرعه.

شافها ماسكه راسها و متسنده على الكنبه.

راشد:حبيبتي ويش فيش!! حملها بطحها على الكنبه مسك ايدها حبيبتي بويش اتحسي.
فاطمه بتعب:ماأدري دوخه.
راشد:أوديش المستشفى
فاطمه:لا مايحتاج دوخه وبتروح.
راشد:لا بخليش ترتاحي و باوديش.
فاطمه:بتتأخر على شغلك.
راشد:مو مهم بنتظرش ترتاحي بوديش.
ابتسمت بكل حنيه.


ــــــــــــــــــــــــــــــــــــــــ


#بيت أبو جواد#

شيماء صحت راحت غرفة دانه دقت الباب ماسمعت شي فدخلت شافت دانه اتصيح

راحت لها:دانوه ويش فيش!!
دانه بعصبيه:مافي شي.
شيماء:كل هالصياح و مافيش شي خلصيني قولي ويش فيش.
رمت نفسها في حضن شيماء:خاني الي مايستحي صاحت.
شيماء:من هو مافهمت.
دانه بنبرة اصياح:قيس طلع خاين.
شيماء شهقت:حلفي أقصد ويش دراش!! و كيف!!
دانه:خاني مع الخايسه الحقيره الي ماتستحي صرخت ماأبغاه خلاص ماأبغاه.
شيماء:دانوه يمكن أنتي غلطانه أو فهمتي غلط.
دانه:لا أكيد كانت معاه النذله ولا كيف بيوصل جوالها له هالحقير.
شيماء:أنزين فهميني ويش صاير.
دانه بحرقة قلب:أتصلت للخايسه دلعوه ورد علي قيس يلا قولي ويش اتفسيرها!!
شيماء:يوووه وويش قال لش!!
دانه:بكل جرئه "هلا دينتي" صاقعه تصقعه انشالله هو وياها هالحقيرين.
شيماء:يمكن أنتي متصله على جواله من دون ماتحسي.
دانه:حلفي شفت مكتوب دلوعه.
شيماء:ومن هي هذي دلوعه!!
دانه:وحده خايسه.
شيماء:أتكلم جد من هي هذي!!
دانه بنرفزه:ويش عرفني أني.
شيماء توها ذاكره:أوه صديقتش الي في المسن.
دانه بعصبيه:شيموه سكتي أحسن لش واصله عندي لفوق.

شيماء توها بتتكلم الا صوت الجرس.

دانه بنرفزه:من هو هالغبي الي يجي في هالوقت.
شيماء:لحظه.

فتحت الباب <-- باب الغرفه.

شيماء:تينـا تينـــــا
دانه:حلفي جذي تناديها تينـــــوه تينــــــــــوه وجع تعالي.

تينا جت بسرعه:نعم.
دانه بعصبيه:نعامه ترفسش صمخه ماتسمعي صوت الجرس روحي شوفي من الفاضي جاي الحين.

شيماء:مالها دخل ليش اتعصبي عليها!!
دانه من دون خلق:شيموه مو فاضيه لش.

راحت قعدت على السرير و باين عليها أنها بتصيح.

راحت لها شيماء.

شيماء:دانه لاتصيحي يمكن أنتي فاهمه غير لأنه أذا زي الي اتفكري فيه فمستحيل قيس يرد عليش و مستحيل يقولش "هلا دينتي" لأنه بيكون عارفنش.
دانه صاحت:ماأدري ماأدري المشكله أنها ماتدخل في العقل جوال بنت ويش يوديه عنده أصلآ مالها تفسير غير الي فسرته صاحت.
شيماء حضنتها.

رجعت لهم تينا.

تينا:هذا بابا قيس تحت.

دانه و شيماء استغربوا.

دانه:هذا ويش الي جابه قولي له يروح ماأبغى أشوفه.
شيماء:دانه أعصابش هدي أشوي يمكن يبغى يفهمش.
دانه:ماأبغى أفهم شي المكتوب امبين من عنوانه.

قعدت اتفكر اشوي:امممممم خلاص بروح له.

بدلت ملابسها.

شيماء:دانوه ويش بتسوي!!
دانه:بعدين أقولش طلعت من الغرفه.


.


كان على أعصابه خايف من ردة فعل دانه ضل رايح جاي بطول الغرفه قعد على الكنبه وهو متوتر يهز رجايله يفكر بعمق.

رفع راسه أتفاجئ من وجود دانه و شكلها واقفه من زمان بس ماانتبه لها.

دانه مشمئزه منه :نعم خير!! بحركة سخريه كأنها توها تتذكر أوه أكيد جاي عشان هذا أتشأشر على الذبله.

مسكت الذبله عشان تفسخها بحركه سريعه مسك ايدها.

قيس:على مأضن قريتي رسالتي.
دانه باعدت ايده عنها بقرف:ماقريتها و لا أبغى أقرها و مابغى أشوفـــ

حط صبعينه على فمها.

دانه دزته بشمئزاز وقرفنها :اتباعد عني.
قيس:دانه أنا دلع.
دانه:نعم!!!!!!!!!!!!!!!!!!!! حطت ايدها على خاصرتها ويش قلت!!
قيس:روحي جيبي جوالش بفهمش.
دانه:مفهومه السالفه مشت.

مسكها من يدها:تعالي وين رايحه!!
دانه متنرفزه منقرفه منه:اترك ايدي.
قيس بطريقة تهديد:أسمعيني أحسن لش.
دانه دزته عشان يترك ايدها:لا تعال اضربني بعد هذا الا ناقص.
قيس ماسك أعصابه:دانه لا تخليني أعصب.
دانه:لا ولله غلطان و يعصب بعد.
قيس:قلت لش الي فاهمتنه غلط.
دانه:و ويش الصح بنبره أعلى شايفني جاهله ماأفهم شي جوال بنيه ويش ايوديه عندك و من الصبح بعد.
قيس قعد على الكنبه ببرود:عادي لأنه جوالي.
دانه:!!!!!!!!!!!!!!!!!!!!!!!!!!!!!!!!!!


سمعوا دق على الباب بعدين دخلت تينا وهي ماسكه الحلويات و العصير.

قيس يكلم تينا:روحي جيبي جوال دانه.
دانه:ماقلت أبغاه.
قيس:ماعليش منها روحي جيبيه بسرعه.


راحت تينا.

قيس:تعالي قعدي.
دانه لفت وجهها الجهه الثانيه وهي اتفكر كيف الجوال جواله!!!!!!!!!!!!!!


رجعت لهم تينا بسرعه عطت قيس الجوال و راحت.


قيس مد لها الجوال:أتصلي لدلع.
دانه استغربت(كيف ايقولها بهالبرود) ظلت ساكته أخذت الجوال دقت الرقم.

سمعت نغمة جوال لفت جهة قيس.

قيس طلع الجوال من مخباه ورد عليها بصوت بنوتي<<دلع:الوو.

من مفاجئتها طاح الجوال على الأرض وقفت مو مستوعبه شي.

راح لها قيس وقعدها على كنبه وقعد على الارض وجه مقابل وجها.

دانه كانت ساكته تنتظر تفسير للي يصير.

قيس:أعجبت بش من يوم حفلة حوراء لما لمحتش وأنتي اتعدلي نفسش عند المرايه في ذاك الوقت أنتي نسيتي تركيتش ورحتي أنا أخذتها راويتها حوراء قلت لها أبغى أتزوج صاحبتها مع أني ذاك الوقت ماكنت شايف وجهش أو عارف اذا كنتي حلوه أو لا.

طالعته بقصد أنها تسأله ليش قال يبغاها دامه ماشافها عدل على قولته.

قيس فهم نظرتها:أنا قلت أبغاش لأنش دخلتي في بالي ماأدري ليش.
دانه بستغراب:أنت ويش قاعد اتقول!!!
قاطعها:خليني أكمل كلامي و بتفهمي.
سكتت.
قيس:المهم أن حوراء لما قلت لها مارضيت تخطبش لي لأنش صغيره و بترفضيني بعدين عرفت أيميلش و ضفتش على ايميلي كنت أبغى أعرف اذا كنتي اتكلمي شباب لو لا بس انتي ماتركتي لي فرصه على طول سبيتيني لماعرفتي أني شاب كنت مصر أني أكلمش و أعرف كل شي عنش فما لقيت حل غير أني اسوي لي أيميل ثاني و كلمتش على أني بنت أقصد دلع


ماأعرف كيف أوصف لكم شعور دانه في ذاك الوقت بس صدمتها كانت قويه أتخيلوا نفسكم تكلموا شخص من مده و تتعلقوا فيه أخر شي يطلع شخص ثاني ولله صعبه.

قيس:دانه ولله ماكنت أقصد أخدعش أو العب بمشاعرش بس هذي الطريقه الوحيده الي خلتني اتقرب منش واتحبيني ولو ماكنت أحبش كان ماسويت كل هذا عشانش و كان ماخطبتش.
دانه قربت اتصيح:حرام عليك كيف قدرت اتسوي جذي كيف خليتني اتعلق في أنسانه وهميه كيف قدرت اتكذب علي و تخدعني صاحت.
قيس ايحاول ايسكتها:دانه ولله ماكنت أقصد أخدعش أو أكذب عليش ولله كل الي سويته لأني أحبش.
دانه وقفت بسرعه بس قيس مسكها.
قيس:وين رايحه
دانه اتصيح:ماادري اي مكان أكون فيه بروحي تركته راحت بسرعه.

قيس حاول يلحقها بس ماقدر و ناداها بس مافي فايده ماقدر يقعد في البيت من جذي طلع.


دانه على طول راحت غرفتها وشيماء كانت في الغرفه ماطلعت دانه قعدت اتصيح و اتصيح في حضن شيماء شيماء حاولت اتسكتها وتفهم منها ويش صار بس مافاد


ــــــــــــــــــــــــــــــــــــــــ


(انعود لساره و جواد)


ساره مااتحملت الدخان الي يشربه جواد:كح كــــــح كــــــــح جواد تكفى طفيه كح كــــــح.
جواد رمى السيجاره حرك سيارته.
ساره بتعب:وين رايح
جواد: ساكت.
ساره بترجي:جواد تكفى لا توديني المستشفى أرجوك رجعني البيت.
جواد صرخ:أنتي غبيه تبغي اتموتي!!
ساره اتصيح:صدقني باروح المستشفى بس رجعني البيت أول أفهمني.
جواد اتنهد:ليش تبغي ترجعي!!!!
ساره هدئت اشوي:أمل بتجي لي بعد اشوي و أني امخططه أني أحل مشكلتها مع سلمان لأنهم يحبوا بعض أني أبغى أحل مشكلتهم عشان اذا رحت المستشفى و صار لي شي أضمن أن سلمان مابيعيش وحيد.
جواد:بس
قاطعته:صدقني بعد ماأحل المشكله أني بنفسي بقول لسلمان يوديني المستشفى.
جواد مشى في طريقه من دون مايقول شي.



لما وصلوا عند البيت .
جوادن:شوفي انا رجعتش البيت بس عشان سلمان لايدري انش رحتي بتكسي ولا انا الي رجعتش.
ساره: ساكته
جواد:ساره.
كانت بتنزل من السياره من سمعته لفت له:نعم.
جواد لف ايطالعهاسند ايده على السكان:كم حبه شربتي!!
ساره:ماأذكر.
جواد باين عليه مهموم:أي نوع من الحبوب!!
ساره خايفه من رده:سته أنواع.


جواد مااتحمل على طول عطاها كــــــف من قوته طاح الغطى عن وجهها.

قعدت فتره ساكته مومستوعبه الكف الي جاها.
وهو نفس الشي مو مستوعب أنه مد يده عليها مع أنها تستاهل الكف.


مسكت يدة الباب بتطلع جواد مسكها قبل ماتطلع.

جواد بنظرات حاره:ليش ليش سويتي جذي!!
ساره ادموعها متجمعه في عيونها:عشانك أنت مااتخيلت أعيش من دونك أنت الأمل الي أعيش عشانه ماقدرت اتحمل فكرة أنك في غيبوبه بسببي أدري الي سويته غلط و أكبر غلط صاحت.
جواد حط ايده على خدها:أسف ساره ماأقدر أخليش ماأقدر أشوفش بهالحاله و أسكت.
ساره باعدت أيده بستحاء:صدقني باروح المستشفى بس مو الحين أخذت شنطتها.
جواد:وين
ساره تعبانه:أمل ممكن اتجي في اي لحظه ماأبغاها اتشــ اتشوفني معاك.
جواد خايف عليها:ساره شكلش تعبانه.
ساره:يمكن من الدخان الي كنت ادخنه سمعت نغمة جوالها.

ساره:الووه.
أمل:هلا أني في الطريق افتحي الباب بسرعه مو اتفوحيني.
ساره مرتبكه:انزين.
أمل:باي.
ساره:باي.


جواد:أنتظري لحظه.
ساره مستعجله:خلاص باروح فتحت الباب طلعت بسرعه.


طلعت مفاتيحها من شنطتها فتحت الباب دخلت.


جواد وقف اشوي لين شافها دخلت و راح.


ــــــــــــــــــــــــــــــــــــــــ


#في المستشفى#


راشد عند الدكتور


الدكتور:مبروك المدام حامل.
راشد:أحلف!!!!!!!!!
الدكتور:ههههه أنت مش امصدئني.
راشد الفرحه مو شايلته:يعني أنا بصير أبو.
الدكتور:أيه.
راشد:طيب لما تجي المدام لا اتقول لها شي.
الدكتور هز راسه وهو مبتسم.


لما جت فاطمه ماقال لها الدكتور شي بس وصف لها حبوب وادويه راحوا.


ركبوا السياره.

فاطمه مسنده راسها على الكرسي:شفت قلت لك مافي شي بس وجع راس عادي.
راشد ابتسم.
فاطمه:ويش فيك طول الوقت تبتسم.
راشد:أحبش.
فاطمه بدلع:ههههه ادري.
راشد قريب يضحك:اممم لو أقولش أنتي حامل ويش اتسوي!!
فاطمه هزت اكتافها:ماادري.
راشد ابتسامته شاقه حلقه:أنتي حامل أنا بصير أبو.
فاطمه مو مصدقه:أني حامل مااصدق لفت لراشد بشكل شبه كامل أحلف أني حامل.
راشد ببتسامه:ولله العظيم.
فاطمه:لكن كيف ماقالي الدكتور!!
راشد:أنا وصيته مايقولش عشان أنا أقولش.
فاطمه أخذت جوالها.
راشد:ويش بتسوي!!!!!!!!!!!!
فاطمه فرحانه:بتصل لحوراء وعدتها أقولها قبل اي أحد.
راشد:مايحتاج الحين بنروح لهم.
ابتسمت.


ــــــــــــــــــــــــــــــــــــــــ


#بيت سلمان#


ساره مالحقت اتحط شنطتها الا و جرس البيت يرن على طول راحت تفتح الباب.


أمل:هلا باستها ويلي فحت مو قلت لش انتظريني.
ساره:أسفه بس لأن كنت فوق.
أمل:انزين ليش لابسه عباتش
ساره برتباك:هاه لا بس جذي دخلي.


دخلوا وصلوا للصاله.

أمل وقفت عن المشي:كنتي مع جواد مو!!!!!!!!!!!! شفته رايح.
ساره وقفت متفاجئه و بتردد:جواد كان أهني ماشفته.
أمل:ساره شفته ينتظرش تدخلي بعدين راح.
ساره: ساكته
أمل خايفه عليها:ساره في شي اتخبيه علي!!
ساره سندت يدها على الكنبه:كح كــــح كــــــــح أخذت نشاف.
أمل نزلت لمستوى ساره:كحتش زايده هالأيام فتحت عيونها متفاجئه مو قادره تستوعب حست بأحاسيس غريبه ليش هالدم!!!
طالعتها ساره بتعب.
أمل اجتمعت الدموع في عيونها:ساره أنتي
ساره قعدت على الكنبه وهي تتنفس بصعوبه:جيبي ماي.

راحت أخذت كاس صبت فيه الماي و رجعت لها مدته بأيدها المرتجفه.


شربت الماي:لا اتقولي لأحد عن الي شفتيه.
أمل طاحوا دموعها و بصوت صياح:ساره أني مو فاهمه شي.
ساره غمضت عيونها تتكلم بصعوبه:لما شفت مرام قالت لي أن غيبوبة جواد بسببي وأني من ذاك اليوم هالفكره براسي و مع الأيام فقدت الأمل أن جواد يصحى حسيت بحياتي مالها معنى من دونه وقفت عن الكلام تتنفس.
أمل اتصيح:ساره أنتي تعبانه بوديش المستشفى توها بتقوم بس ساره مسكت ايدها.
ساره بصعوبه فتحت عيونها:سلمان ماأبغاه يعيش وحيد لين طلبش وافقي عشاني
أمل صرخت:أنتي ويش قاعده اتقولي أنتي مافيش شي.
ساره بنبره عاليه اشوي:أني ادمنت على الحبوب كنت أبغى أموت


فجئه و من دون توقع ساره والشخص الي كان توه جاي أمل عطتها كـــــف قـــــــــوي.


.


سلمان كان خايف على ساره لأنها في الصبح كانت تعبانه فأخذ له أجازه ورجع البيت.


توه بيدخل الصاله الا يشوف أمل تعطي ساره الكف وقف متفاجئ و مستغرب.


أمل اصياحها مدمج مع اصراخها:غبيـه مافكرتي أنش اذا متي بتروحي النار مافكرتي في سلمان ويش بيصير فيه لين صابش شي مافكرتي فيي أني في حوراء فينا كلنا أنتي أنانيه حرام الي سويتيه ولله حــــرام.
ساره حطت ايدها على خدها:أني اه طاحت على الأرض.
أمل صرخت:ســـــــــاره

سلمان ركض لها حاول ايصحيها و أمل اتصيح.

سلمان خايف عليها:ساااره سااااره
أمل اتصيح:وديها المستشفى بسرعه.

حمل ساره وراح برى لسياره و أمل معاه بطح ساره ورى وأمل ركبت من الباب الثاني الي يصير ورى سلمان حطت راس ساره على رجايلها وهي اتحاول اتصحيها سلمان حرك سيارته بسرعه مع أنه مافهم شي من الي دار بين ساره وأمل الا أنه عارف أن ساره بخطر ولازم يوديها المستشفى بسرعه.


أمل ادموعها ملوا وجهها:ساره ارجوش جاوبيني اصحي هزتها تكفي ساره لاتخوفيني.

سلمان وقف سيارته:أمل اسكتي كلامش ايوترني حط راسه على السكان ايحس أنه بينفجر.


ساره فتحت عيونها بصعوبه:و وين
سلمان لف من سمع حسها.
أمل مسكت ايدها:الحمدلله بنروح المستشفى.
لفت على سلمان:وديــ ـني مستشفى جــ جواد.

سلمان طالعها مسح ادموعه المجتمعه و حرك سيارته.

لفت على أمل غمضت عيونها ابتسمت.
أمل خايفه يغمى عليها مره ثانيه:ساره
ساره من دون ماتفتح عيونها:اششش أبغى ارتـ ــاح.
أمل قوة من مسكتها لساره حطتها في حضنها.


وصلو المستشفى


ــــــــــــــــــــــــــــــــــــــــ


بعد ماوصل ساره راح المستشفى.

قدم عذر لتأخيره بعدين راح لمكتبه قعد على الكرسي طالع الأوراق الي قدامه و المكان حط يده على جبهته يالله مو قادر استوعب شي ليش ياساره ليش!!!!!!!
رجع راسه لورى اتسند على الكرسي هذا يفسر تصرفاتها وليش قالت لي أنساها ااااااااااااااااه.

طلع من مكتبه راح شرب ماي اتمشى في المستشفى الا يسمع أحد يناديه لف لمصدر الصوت و شاف سلمان.

راح له على طول

جواد يتكلم بسرعه:ساره فيها شي!!
سلمان استغرب سؤاله بس هذا مو وقته:اغمى عليها ووديتها الطوارئ.
جواد مشى بخطوات سريعه و سلمان لحقه.
جواد وهو يمشوا:دليني اي غرفه.
سلمان سبق جواد لين وصلوا للغرفه و كانت أمل واقفه برى.

سلمان يوجه كلامه لأمل:ماحد طلع
أمل مسحت ادموعها هزت راسها بــ لا.

جواد دخل الغرفه.


ــــــــــــــــــــــــــــــــــــــــ


#بيت أبو قيس#


الكل عرف بحمل فاطمه لأنها راحت لهم و أول من عرف حوراء لأن فاطمه كانت واعدتنها أنها اتكون أول وحده تعرف.

فاطمه اتصلت لقيس عشان اتقوله بس مارد عليها قالت لحوراء تتصل لرائد عشان تسأله عن قيس.


حوراء:هلا.
رائد:هلا فيش ويش حالش عمري
حوراء:زينه الحمدلله أنت ويش حالك
رائد:أكيد بخير دامني اسمع صوتي حبيبتي.
حوراء استحت:أحم.

فاطمه دزتها:مو هذا وقتش قوليله يعطيش قيس.
حوراء باعدت الجوال:انزين بس صبري.

حوراء:امم رائد معاك قيس!!
رائد مستغرب:أخذ اجازه اليوم ماشفته.
حوراء طالعت فاطمه:ماقال لأحد ماقالك وين راح!!
رائد:لا اتصلي له على جواله.
حوراء:مايرد.
رائد:تبغيه في شي ضروري.
حوراء:أيه.
رائد بفضول:ويش هو!!
حوراء:أول قول مبروك.
رائد مبتسم:مبروك.
حوراء فرحانه:بصير خاله أختي حامل.
رائد:ههههه مبروك عجل باي بتصل ابارك لراشد.
حوراء: باي.

حوراء:غريبه ايقول قيس ماخذ اجازه اليوم.
فاطمه:وين راح
حوراء:ماأدري بتصل له مره ثانيه.

اتصلت له مره و مرتين و الثالثه رد.

قيس:الوو.
حوراء حطت ايدها على خاصرتها:ماورى شان مارديت.
قيس زهقان:حمدي ربش رديت خلصيني ويش تبغي
حوراءوهي مبوزه:لا ولله زين مني جايه بقولك.

عطت الجوال فاطمه:سخيف.

فاطمه:هلا.
قيس اتنهد:أهلين.
فاطمه:متى بتجي البيت
قيس:ماأدري ويش تبغي
فاطمه:أبغى أقولك شي بس مو على الجوال.
قيس من دون أهتمام:أهااا عجل بعد اشوي باجي.
فاطمه:باي.
قيس:باي.


فاطمه:غريب قيس!! ويش فيه
حوراء:ويش دراني عنه هالسخيف أخذت جوالها اتصلت على ساره و ماردت اتصلت لأمل ماردت اتصلت على بيت أمل قالولها أنها مع ساره فتصلت لأمل مره ثانيه وردت


ــــــــــــــــــــــــــــــــــــــــ


تعبت من الوقفه قعدت على الكرسي طالعت سلمان بيان عليه التوتر ياربي اتأخر جواد واجد.


حست بالباب ينفتح رفعت راسها شافت جواد طالع على طول وقفت.


جواد اتسند على الجدار طاحت دمعه من عينه.

أمل حطت ايدها على فمها خايفه من الي بيقوله جواد.

سلمان اتقرب منه:جواد ويش فيها ساره
جواد طالعه مسح دمعته:الحمدلله كنت خايف يكون شي ثاني.
سلمان بنبره عاليه اشوي:جواد قول ويش فيها
جواد طالعه بنظرات بارده غالب عليها الحزن:سرطان في الوز.
أمل شهقت.
سلمان انفعل:كيف و ليش
جواد حط ايده على كتف سلمان ربت عليه:لا اتخاف انشالله بتكون بخير بيسوو لها عمليه حق يستأصلوا الوز وانشالله مايصير لها شي طالع أمل و رجع نظره لسلمان اذا تبغوا اتشوفوها روحوا صلوا أول بعدين تعالوا لي مكتبي لأن بيغيروا غرفتها.

راح تركهم في حيره.

أمل طاحوا ادموعها مسحتهم طالعت سلمان:وين المصلى
سلمان طالعها بنظرات حزينه:تعالي معاي.

مشى و مشت وراه وصلوا عند المصلى تركته راحت اتصلي.

لما خلصت من الصلاه أخذت قرأن قرته و قعدت تدعي لساره.

أخذت شنطتها طلعت جوالها لأنها سمعت نغمة حوراء.

توها بتتصل لها الا بحوراء تسبقها.

أمل بصوت تعبان:الووه.
حوراء:هـــلا مالت عليكم يالسخيفين قاعدين مع بعض ولا اتقولوا لي صحيح أني شفت رقم ساروه لما صحيت بس مفروض اتصحونــ سمعت أمل اتصيح أمل ويش فيش
أمل زاد اصياحها.
حوراء خافت:أملوه لاتخوفيني ويش فيش
أمل مو قادره تتكلم من الصياح:ســ ساره
حوراء:ويش فيها ساره
أمل اتصيح.
حوراء انبط جبدها:أملوه عليتي جبدي اتكلمي وين انتي
أمل أخذت نفس:في المستشفى.
حوراء:ويــــش!!!! قصدي ليش
أمل هدئت:بعدين أقولش أنتي تعالي مستشفى ال**** و لما توصلي كلميني.
حوراء:انزين باي.
أمل:باي.





جواد راح مكتبه ارتاح على الكنبه الموجوده بعدين صلى بعد ماخلص دور عن جواله بس مالقاه ذكر أنه نساه في السياره.


طلع من مكتبه راح غرفة الممرضات.

جواد:السلام عليكم.
الكل:وعليكم السلام.
جواد:ممرضه لمياء.
وقفت:نعم.
جواد عطاها رقم هادي:اتصلي على هالرقم و حوليه لمكتبي.
لمياء:انشالله أخذت الورقه.

رجع مكتبه قعد ايحوس في الأوراق الي قدامه و يشوف اذا عنده مواعيد بكره أو لا.

سمع دق على الباب.

جواد:اتفضل.

دخل سلمان و أمل ضلت عند الباب.

جواد:ودوها غرفه 114 .

أمل تركتهم راحت.

سلمان اتقدم لجواد:جواد قول الحقيقه ساره ويش فيها
جواد ايطالع الأوراق:قلت لك كل شي.
سلمان بنبره عاليه:كيف كيف جاها المرض
جواد من دون مايطالعه:ماادري.
سلمان ضرب الطاوله بعصبيه:دكتور و ماتدري عجل من يدري
جواد بنظرات حاده:مثل ماهي اتهمك اتهمني أنا بعد.
سلمان اتفاجئ من رد جواد الصريح و بهدوء غير متوقع:متى العمليه
جواد مع أنه مااتوقع هالهدوء:بكره لأن حالتها ماتسمح ايسوا لها العمليه اليوم.
سلمان طالعه بنظرات مافهمها راح.

جواد حط راسه على طاولة المكتب الا يرن التلفون

جواد:الوو.
لمياء:معاك الي طلبته.
جواد:يسلمو.


وكلم هادي.




ـــــــــــــــــــــــــــــــــــــ



حوراء وصلت المستشفى راحت للغرفة ساره

دخلت الغرفه شافت ساره نايمه على السرير و امل قاعده على الكرسي الي بجنبها راحت لامل.
حوراء بخوف:ويش صار؟ ويش فيها؟
امل صاحت:رحت لها كانت تعبانه بعدين قعدت اتكح شفت في النشافه دم.
حوراء شهقت.
امل زادت نبرة اصياحها:ساره كانت تشرب احبوب صابها سرطان في الوز قالت كل الي صار.
حوراء انصدمت على طول طاحوا ادموعها سيلان وعيونها بسرعه صاروا حمران وامل صاحت معاها.


ساره صحت من صوتهم لفت وجها بتثاقل لجهتهم:حوراء امل.

رفعوا وجههم ولما طالعوها ابتسمت لهم راحوا لها حوراء قعدت على السرير امل اتقربت لها اكثر.

ساره مسحت ادموعهم ابتسمت:اذا اتحبوني صدق ماابغى اشوف ادموعكم.
حوراء بنبرة اصياح:ليش ساره حرام عليش.
ساره طالعت امل و ابتسمت:لآني غبيه.
امل صاحت:اسفه ولله ماكان قصدي كــ
حطت صبعها السبابه على فمها:مايحتاج تتأسفي أني استحق اكثر من كف.
حوراء بنفس نبرتها:لا اتقولي جذي طاحت دمعتها.
ساره مسحتها:قلت لش لا تصيحي احبكم ولله.
حوراء وهي اتصيح:احنا انحبش اكثر.
ساره ابتسمت وجهة نظراتها لأمل:وين سلمان
امل:ماأدري من طلعت من مكتب جواد ماشفته.
ساره: جواد هو الي فحصني؟
امل:ايه.
ساره بخوف:ويش فيي
امل نزلت راسها.
ساره وجة سؤالها لحوراء بترجي:ويش فيي
حوراء ماردت.
ساره اجتمعت الدموع في عيونها:قولوا لي السل مو؟
امل بنفعال:لا سكتت اشوي مو السل.
ساره اتنهدت:عجل شوو؟
امل طالعت حوراء.
حوراء فهمتها:سرطان في الوز مسكت ايدها بس صدقيني جواد قال انهم يقدروا يسوو لش عمليه يستأصلوا الوز وبتصيري بخير.
ساره:متى بيسوو لي العمليه
امل:ماادري جواد ماقال.
ساره لفت وجهها جهة الدريشه.

فتــــــــــرة صمـــــــــــت.

ساره بعدها اتطالع الدريشه:لا اتقولوا لأحد اني شربت حبوب طالعتهم محد اصلآ.
ثنتينهم سكتوا

هادي راح بيت ابو جواد عشان ياخد شيماء لانه واعدنها ايروحوا يتغدوا في مطعم اليوم.

وصل وفتحت الخادمه الباب دخلته المجلس قدمت له فواكه وعصير قعدينتظر شيموته.
هادي(ويلي ولهت عليهاويلي متى بتجي وحشتني)

بعدربع ساعه جت شيموه تتمخطر.

شيماء:السلام عليكم.
هادي فاتح حلقه من جمال شيماء:وعليكم السلام وانا اقول وين طار القمر اليوم الا في وجهي .
شيماء انقلب وجها طماطه استحت:تسلم.
هادي: لاشيموتي انتي لازم اتخفي علي شوي جذي واجد انا جذي ماقدر استحمل لا انا لازم اعرس في اقرب وقت ممكن.
شيماء قريب اتموت من الخجل.
هادي:لاصحيح شيموتي متى بنعرس مو كانه مصخنها.
شيماء:والله مادري تعرف بعد جوادوه مادري ويش فيه هلايام و الحاله شته.
هادي بانت عليه علامات الحزن على حال صديقه واخوه الا مادري ويش صاير فيه وكل مايسأله مايرضى ايقوله لان يعرف جواد متى ماحب ايقول بيقوله فخلاه على راحته.

هادي:حبيبتي بقوم اغسل ايدي وانتي البسي عباتش راح .

شيماء لبست عباتها لان حمالتنها معاها.

سمعت رنة جوال هادي طلعت الى هادي .

شيماء:هادي جوالك ايرن .
هادي وهو ايغسل ايده:من
شيماء:مادري رقم غريب.
هادي:ردي الحين باجي بس شوفي من .
شيماء:اوكي.

ظغت على الزر حطت الجوال في اذنها .

لمياء بصوت ناعم:الوووه.
شيماء:!!!!!!!!!!!!!!!!!!
جى هادي اخد الجوال من شيماء ورد:الوو اوكي هـــلا وجه كلامه لشيماء لحظه حبيبتي طلع برى الزراعه.


هادي:اي معاك.
جواد:تعالي الحين.
هادي:ليش مو انت بالمستشفى؟!!!!!!
جواد باين عليه مهموم <<<< (وعلى قلب امه):تعال ولله تعبان.
هادي:طيب خد اجازه وارجع ارتاح في البيت.
جواد:انت عندك شي!!!؟
هادي:اي بطلع مع شيماء.
جواد:اوه اسف على الازعاج باي سد الخط .

هادي(يوووه ازعل شكله صدق تعبان وانا غبي يمكن يبغى ايقول لي ويش فيه بس في المستشفى عاد لا ماعتقد لان لو بيقول ما بيقول في وقت شغله انا اعرف جواد).

اتصل له ما رد.

رجع لشيماء.

شيماء:من الي كلمته
هادي:جواد يبغاني اروح له اسف مايمديني اروح معاش خليها مره ثانيه باسها على خدها بتوحشيني طلع.

شيماء وقفت جامده مستحيل هادي يخوني لا ويتركني عشان يروح لها هالخايسه لا هادي مايسويها بس اني سمعت صوت ابنيه وهو قال جواد كذبته ماتزبط كيف جواد والرقم غريب اااااااااه ياربي هادي ايحبني مستحيل ايخوني راحت غرفتها بخطوات متثاقله دخلت قفلت الباب انسدحت على السرير صاحــــــت.

بعد نص ساعه مسحت ادموعها اخذت جوالها كتبت رساله ورسلتها لهادي


(((((خلاص ماعد بيني وبينك كلام او اي شي خلي الي رحت لها و خنتني معها تنفعك يالخاين)))).




ـــــــــــــــــــــــــــــــــــــــــ


وصل هادي المستشفى راح مكتب جواد دق الباب

جواد:اتفضل.

دخل شاف ممرضه مع جواد
هادي:السلام عليكم.
جواد والممرضه:وعليكم السلام.
جواد عطاها ملف:وديه للدكتور عصام.
الممرضه:حاضر اخذته طلعت.

جواد ايحوس في القلم الي ماسكنه:مو قلت مابتجي كان رحت مع حبيبتك.
هادي:اسف ماكان قصدي انزين ويش فيك
جواد سند راسه على الكرسي:ساره اهني في المستشفى.
هادي:ليش؟عسى ماشر!!!!!!!
جواد غمض عيونه:سرطان الوز.
هادي:شوووووووووووووووووووووووو؟!!!!!
جواد بتعب:الي سمعته.
هادي مو مستوعب:كيف!!!!!
جواد فتح عيونه:مو مهم كيف المهم انه صابها.
هادي:ويش بتسوي
جواد:ماادري هادي ساعدني.
هادي سكت.

سمع نغمة الرسايل حق جواله طلعه من مخباه قرى الرساله !!!!!!!!!!!!!!!!!!!!!!!!!!!.

جواد:ويش فيك!!!! من الي راسال
هادي عطاه الجوال.
جواد قرى الرساله:ويش قصدها مافهمت شي!!!!
هاي:ولا انا لحضه كني فهمت فكر اوووه كيف راح عن بالي حط ايديه على راسه.
جواد :انا مافهمت.
هادي:شيماء سمعت صوت الممرضه وانا قلت لها انك انت الي اتصلت يعني فكرتني اكذب عليها.
جواد:عادي انا بقول لها الحقيقه.
هادي:مو على جذي على انها اكيد الحين اتصيح على ولا شي.
جواد:اتصل لها.
هادي:كاتبه مابيني وبينها كلام يعني اكيد مابترد.
جواد:جرب ويش بتخسر؟
هادي:ماابغى اجرب محد قال لها اتشك فيي.
جواد:جيب جوالك بكلمها مابغى اختي اتطيح ادموعها على الفاضي.
توه بيعطيه جواله الا يرن التلفون الي في المكتب

جواد:الووو اوكى الحين جاي.

هادي:وين رايح؟
جواد:يبغوني.
هادي:مدام عندك شغل ليش خليتني اجي؟
جواد:ماادري انهم بيطلبوني ايه صحيح كلم شيماء ماابغاها اتصيح وقولهم ان ساره في المستشفى تركه راح.

هادي(اففف حط كل شي علي).


ـــــــــــــــــــــــــــــــــــــ


ام امل اتصلت لها لأنها اتاخرت واجد و حوراء جى لها ابوها من غير ماتقول له فقررت اتوصل امل معاها

بقت ساره في الغرفه بروحها قعدت اتفكر في الي صار وسؤال واحد يدور في بالها وين راح سلمان من كثر تفكيرها ماحست لنفسها و غفت.

حست بأيد ماسكه ايدها فتحت عيونها لفت لجهة الايد ابتسمت لما شافته.
ساره:وين كنت
سلمان اتجاهل سؤالها:بويش اتحسي الحين
ساره:زينه الحمدلله ماجاوبتني وين كنت
سلمان:رحت اجيب شي.
ساره:ويش هو؟
سلمان طلع ورقه من مخباه:هذي لش بس مامداني اعطيش اياها.

كان باين على الورقه انها من مستشفى يعني من الأوراق الي يستخدموها المستشفى.

ساره:من عند من
سلمان:اقريها.

اخذت الورقه فتحتها شهقت:هـ هذي من عند امي.
سلمان هز راسه بمعنى اقريها.

((((ساره سامحيني ماكنت معاش مثل اي ام كنت اتمنى اشوفش عشان المش في صدري و استسمح منش بس مااعتقد اني بشوفش.
الله ايوفقش مع جواد او اي واحد غيره واعتني بفسش هذي وصيتي وابغاش تعرفي اني احبش مع معاملتي لـــ )))) . ماكملت ماتت وهي تكتب الرساله حتى ان الورقه فيها بعض من دمها.

ساره طاحوا ادموعها اربع اربع حضنت الورقه صاحت.

سلمان حضنها زاد اصياحها كان حاز في خاطرها هالجمله """اعتني بنفسش هذي وصيت""" و هي مانفذت الوصيه و سببت لنفسها المرض قعدت اتصيح بطريقه مو طبيعيه سلمان حاول ايسكتها بس ماقدر.

سلمان:ساره خلاص ادعي لها بالرحمه تكفي لا اتقطعي قلبي بصياحش.
ساره بلهجة لوم:ليش ماعطيتني الورقه من قبل ليش لو عطيتني ايها من قبل كان ماصار الا صار امي كانت حاسه تشهق شهقات وارى بعض ؟
سلمان حس بلوم مع انه ما فهم لها:ماكنتي بحاله تسمح اني اعطيش اياها و بعدين نسيتها وراحت عن بالي باعدها عنه مسح ادموعها اكيد انتي عطشانه تبغي ماي؟
ساره بدات تهدا هزت راسها بمعنى ايه.

جاب لها ماي شربته سكتت.
سلمان حاول اينسيها وقعد يتكلم في اي شي.

ساره من دون مااتطالعه:متى العمليه
فاجئه سؤالها نزل راسه:بكره.
ساره طالعته:اتغذيت
سلمان:لا.
ساره:اذا اتحبني روح البيت واتغذى اني سويت الغذى بس عليك اتسخنه و تشوي الــ
قاطعها:بقعد معاش.
ساره مسكت ايده:تكفى عشاني بس روح اتغذى و تعال.
سلمان:مالي نفس واصلآ ماابغى اتركش بروحش.
ساره: مو اول مره ادخل المستشفى عشان اخاف اصير بروحي روح اتغذى و في طريقك جيب دبدوبي.
سلمان ابتسم مع انه ماله خلق:هذا الي هامش.
ساره ابتسمت.
سلمان:خلاص باروح اجيب الدبدوب بس ماتوقع اكل.
ساره بترجي:طلبتك لاتردني لو تاكل اشوي اهم شي تاكل تعبت روحي وطبخت ومابتاكل .
سلمان بستسلام ابتسم:انزين باس جبهتها راح.


بعد ماطلع طلعت الورقه وقرتها مره ومرتين واكثر قعدت تذكر كل ايامها مع امها ذكرت طفولتها وكيف كانت حلوه.
سرحت في افكارها لبعيـــــد بس قطع هالأفكار صوت دق الباب.

ساره(بهالسرعه رجع):مـــــــــــن
سمعت صوت رجولي من برى (انا).
ساره (هذا جواد) قامت من السرير اخذت بوشيتها لفتها على شعرها عودت مكانها:اتفـضل.

جواد دخل طالعها بنظرات حستهم نظرات عتاب:السلام.
ساره من دون ماتطالعه:وعليكم السلام.
جواد:كيف حالش الحين
ساره شابكه ايديها و اتطالعهم:بخير.
جواد ببرود:قالولش ان العمليه بكره؟
ساره(ليش ايكلمني بهالبرود):ايه اممم من الي بيسويلي العمليه؟
جواد راح عند الدريشه {يعني عطى ظهره لساره حط ايديه في مخبى البالطو }:دكتور عصام.
ساره:وانت؟
جواد لف لها:هذا مو اختصاصي وحتى لو كان اختصاصي مابسويها.
ساره:ليش
جواد بنظرات حاره:ماابغى.
ساره:ليش اتكلمني جذي؟
جواد اتسند على الجدار بعده حاط ايديه في مخباه اتجاهل سؤالها:اسف على الكف بس كنتي تستاهليه.
لفت وجهها جهه ثانيه.
جواد راح لها قعد على الكرسي الي بجنبها مسك ايدها:احبش.
ساره طالعته بألم حاولت تسحب ايدها ماقدرت جواد كان متمسك فيها.
جواد:انا بكون المسؤل عن حالتش وبحضر العمليه بس ابغى اطلب منش طلب.
ساره سألته بنظرات اعيونها.
جواد فهمها:خلي ايمانش بالله قوي بتنجح العمليه.
ساره هزت راسها بمعنى انشالله.
جواد ابتسم ترك ايدها:يالله انا بروح.
نظراتها كانت اتقوله اقعد معااي محتاجتك جنبي لا اتروح.
ابتسم لها مره ثانيه:لازم اروح قبل لايطلع ناظرها بنظات حـــب بعدين طلع.


ــــــــــــــــــــــــــــــــــــــــــــ


#بيت ابو جواد#


وصل هادي بيت ابو جواد وقف عند الباب متردد مو عارف يدخل يالله ياهادي ادخل وتوكل على ربك وسم بالله دق الجرس. فتحت له تينا الباب قال الى تينا تنادي ابو جواد دخل وقبل مايدخل المجلس بسم الله الرحمن الرحيم قعد ينتظر.
ابو جواد:السلام عليكم.
هادي:وعليكم السلام.
ابو جواد:ياحيا لله بهادي شخبارك انشاء الله بخير
هادي متكدر:تمام الحمدالله بخير وانت شخبارك عمي
ابو جواد حس ان فيه شي:خير ياوليدي فيك شي احسك مو على بعضك.
هادي مو عارف من وين يبدا :والله ياعمي مو عارف ويش اقول لك لكن ساره ياعمي في مستشفى.
ابوجواد وهو خايف :ويش صاير عسى ماشر .
هادي :والله ياعمي جواد ايقول ان ساره فيها سرطان في لوز .
ابوجواد بحزن:لاحول و لاقوة الابالله العلي العظيم والحين هي ويش حالهاومن ويش صابها
هادي:مادري بيسو لها عمليه وهي في المستشفى.
ابوجواد:عجل بقوم اقول الى ام جواد قام ابوجواد.

راح الى ام جواد.
ابوجواد باين عليه مهموم: قومي البسي عباتش.
ام جوادبستغراب:ليش البس عباتي وين بنروح
ابواجوادبحزن:والله ياام جواد ساره بنت اختي في المستشفى وبنروح اليه.
ام جواد بخوف:ليش ويش فيها ساره

شيماءودانه كانوا نازلين من فوق رايحين يقعدو في الزراعه سمعوا ابوا جواد يتكلم.

ابوجواد علامات الحزن كلها في وجهه: فيها سرطان في لوز.
ام جواد وشيماء ودانه كلهم في نفس الوقت شهقوا.
ام جواد صاحت:ويلي عليها والله ماتستاهل.
شيماء ودانه قامو ايصيحوا.
ابو جواد: يالله قوموا البسوا اعبيكم انا في السياره انتظركم.
شيماء اتصيح:ابوي من الي قالك؟
ابوجواد:هادي.

شيماء راحت الى هادي بتسأله عن ساره راح عن بالها انه خانها و هلأشياء
دخلت شيماء اتصيح وتشهق ايدها على فمها:هادي صحيح الاسمعته قولي ان مو صحيح لا ساره مافيها شي وكانها توها تستوعب واني اقول ليش هي متغيره لا لا ماعتقد مو صحيح مو
هادي راح لها حطها على صدره ايحاول ايهديها:شيماء استهدي بالله هذي قدرت ربش وانتي مومنه بالله انتي ادعي لها الله ايقومها بسلامه رفع وجهها ومسح دمعها الاينزلوا زي المطر:يالله روحي البسي عباتش عشان انروح المستشفى.

راحت شيماء تلبس عباتها وهي خايفه على ساره قالت لأمها انها بتروح مع هادي راحت المجلس ماشافت احد طلعت شافت هادي داخل السياره ينتظرها دخلت السياره.

صاحت بهدوء.

هادي قبل مايسوق سيارته:حبيبتي خلاص ادعي لها.
شيماء اتصيح:هادي مااتخيل حياتي من دونها.
هادي:لا لااتقولي جذي انشالله بتنجح العمليه.
شيماء رفعت وجهها:هادي كيف عرفت؟
هادي:جواد قالي الله ايساعده كان مهموم لحده.
شيماء:يعني صدق رحت لجواد!!!!!!!!!
هادي لف وجهه عنها ساق السياره.
شيماء:هادي.
هادي ايطالع الطريق و كأن الأمر مايهمه:الي كلمتش ممرضه جواد قال لها تتصل لي عشان ايكلمني واذا مو امصدقه اسألي جواد او شوفي رقم المستشفى.
شيماء بأسف:اسفه.
هادي سكت.
شيماء طالعت الجهه الثانيه.

ظلوا ساكتين لين وصلوا المستشفى.

هادي:روحي غرفه 114 .
شيماء:وانت
هادي:بروح لجواد.
شيماء:اهاا خلاص راحت.

وصلت الغرفه قبل ماتدخل سمعت اصوات وصلوا قبلي.

دخلت شافت ابو جواد قاعد على السرير كأنه كان يكلم ساره في شي مهم دانه كانت قاعده على الكرسي الي بجنب ساره وام جواد جنب دانه وكانت ادموعهم اتطيح بس بهدوء

ساره انتبهت لوجودها ببتسامه:هـــــــلا.
شيماء امتلت عيونها بالدموع راحت لها.
ساره قبل ماتتكلم شيماء:تكفي اذا بتقعدي بلا هالدموع عشاني ماابغى ادموع.
راحت لها حضنتها صاحت.


ــــــــــــــــــــــــــــــــــــــــــ


#بيت ابو قيس#


حوراء من رجعت وهي قافله على نفسها الباب فاطمه حاولت معاها انها تفتحه بس مارضت.

فاطمه تركتها وبعد ثلث ساعه رجعت لها وهالمره مارضيت تتباعد عن الباب الا لما تفتحه وفعلآ فتحته.

حوراء على طول ارتمت في حضنها صاحت زي الأطفال.
فاطمه دخلتها الغرفه سكرت الباب قعدتها على السرير.
فاطمه بخوف:ويش فيش قبل ماتطلعي كنتي تضحكي و فرحانه ويش صاير؟
حوراء من بين اصياحها:ساره
فاطمه:ويش فيها ساره؟
حوراء تشهق من الصياح:سـ سرطان فـ في الوز.
فاطمه باعدتها عنها:حلــــــفي!!!!!
صاحــــــــــــت.
فاطمه مو امصدقه:مستحيل ليش؟
حوراء بعدها اتصيح.
فاطمه قريب اتصيح:هي في المستشفى؟
حوراء:ايه.
فاطمه وقفت:بقول لقيس يودينا طلعت من الغرفه راحت غرفة قيس مسحت ادموعها الي طاحوا دقت الباب دخلت.


فاطمه:قيس.
قيس كان منسدح على السرير عاطنها ظهره:نعم.
فاطمه بلهجة ترجي:قيس ابغاك اتودينا المستشفى.
قيس قام:ليــــش؟
فاطمه طاحو ادموعها:صديقة حوراء في المستشفى.
قيس رجع لوضعيته:قولي لراشد ايوديكم.
فاطمه:راشد مو اهنــ
قاطعتها حوراء:خلاص مايحتاج ايودينا امل توها متصله اتقول شيماء ودانه هناك وهي بتروح بنروح معاها.

قيس من سمع اسم دانه على طول غير رايه:لا انا بوديكم ماعدنا بنات ايروحوا مع سواق هذا الا ناقص بعد قام من السرير طالعهم روحوا البسو عبيكم.



وصلوا المستشفى على طول راحوا لغرفة ساره شافوا دانه وشيماء موجودين >>>>>ام جواد ماعجبها غذى المستشفى راحت مع ابو جواد عشان تجيب لساره غذى.


حوراء كانت مرتبكه (اف من قيس ذكرت كلامه قبل مايجوا "بوديكم بشرط اتخلي دانه تطلع لي " فشلني هالاخواكنه هذا وقتهيعني عمره ماشافها اففففففياربي يالله مالي الا قولها):دانه.
دانه:هلا.
حوراء قربتها منها وساسرتها:اممم قيس يبغاش برى.
دانه بصوت عالي:ويـــــش
كلهــــم:ويش فيش
حوراء مبتسمه عن الفشله<<<خخخخ:مافيها شي ساسرتها"دانه بتطلعي لو لا؟
دانه احتارت لو قالت لا حوراء بتسأل ليش وهذا مو وقتهواخر شي فكرت تطلع مع انها لحد الحين ماتبغى اتشوفه.

طلعت له شافته عندالباب.

دانه بصوت عالي اشوي:اني ابغى اعرف انت ماتفهم بعدين هذا مكان جاي اتكلمني فيه.
قيس :لاني ابغى افهمش.
دانه بستهزاء:اذا تبغى اتفهمني دورلك مكان يتافهموا فيه العالم مو المستشفى كانت بتدخل مسك ايدها بقوه.
دانه بألم: اخ عورتني .
قيس بعصبيه:ان كلمتني مره ثانيه جدي بتندمي فاهمه انا لو مو في المستشفى على قولتش كان شفتي شي ماشفتيه.
دانه خافت من نظرته وعصبيته اول مره يعصب بها الشكل سوت نفسها قويه:انزين اتركني
قيس طالعها بنظرات كلها الم وترك ايدها:انزين أكلمش اليله اوكي .
دانه وجهها خالي من التعبير:اوكي راح عنها.
توها بتدخل شافت وحده جايبنها الممرضات مرت من جنبهم طالعتها بستغراب كأني اعرفها وهي مع حيرتها دخلت تبغى تعرف من هي دي؟


اول مادخلت.

ساره بخبث:ول كل هالتاخير ويش قاعدين اتقولوا اكيد يغازلش اعترفي تغمز لها.
الكل ماعد شيماء لانها فاهمه:ههههههههههههههههه
دانه قعدت على الكرسي:شفت وحده كني اعرفها بس وين شفتها ماني ماذكر.
حوراء بفضول:كيف ماتذكريها
دانه وهي اتحاول تذكرها:مادري وجهها مو غريب علي لحظه كني عرفتها .
الكل من هي
دانه بكل عفويه:مـــر انبتهت الى نفسها :لامو هي.
ساره بنظرات مايله للبرورد بس اتبين انها عرفت الاسم:قلتي الاسم ليش ماكملتيه؟
دانه اتحاول اتكون طبيعيها:عادي ماقلت شي.
ساره برورد:ويش كانت اتسوي
دانه تستعبط:من هي
ساره نظراتها بارده لحدها:الي شفتيها.
دانه:مادري شفت الممرضات ناقلينها .
ساره:يعني مريضه!!
دانه:مااادري.
حوراء عشان اتغير الموضوع دزت دانه:ايه دانوه ماقلتي ويش قال لش قيش.
دانه فهمته سوت روحها مستحيه بخجل :يعني ويش بيقول
الكل:ههههههههههههه


في اليل بعدما الكل راح جى لها سلمان قعد يتكلم معاها بس نام عل الكنبه الموجوده.
ساره رحت في افكارها وهي اطالع وجه سلمان اوووووووه نسيت موضوع مع امل يالله بكره بقول لها راح فكرها في مرام ليش هي في المستفشى

*فــــي الصبح*

سلمان صحى من وقت صلى ولماخلص من صلاته شاف ساره اتطالعه.
ساره ببتسامه:صباح الخير.
سلمان ببتسامه:صباح النور.
ساره:غفرالله لك.
سلمان:ولش قعدي يتكلم معاها عشان العمليه واتكون اعصابها هادئه و مرتاحه .


سلمان طالع ساعته:طيب انا بروح البيت الحين بسبح وبسوي كم حاجه وبجي تبغي شي من البيت قبل مارجع؟
ساره ببتسامه:ابغى سلامتك ريح بالك ولاتسوق وانت مشتشت الافكار.
سلمان ابتسم ابتسامه باهته:انشاء الله.
مسكت ايده :بكون بخير مابتركك.
سلمان باسي وحنان وعطف باس جبهتها راح.



ساره فكرت في سلمان الشي الي حامله همه اذا ماتت كيف بتكوت حياته من دونها.

اخدت جوالها دقت على حوراء
حوراء صوتها نايم:الوه
ساره:هههههههه حوروه حليوصوتش وانتي نايمه.
حوراء انتبهت ان ساره الي اتكلمها:هلا ويش حالش عمري؟
ساره:بخير امممم حوراء انتوا متى بتجوا
حوراء بعده نعسانه:الحين ساعه كم
ساره:تسع ونص.
حوراء:خلاص بنجي عشر ونص.
ساره :اوكي اشوفكم على خير.
حوراء:وانتي من اهله الخير.


حطت جوالها على الكمدنيه الايندق الباب لبست بوشيتها :اتفضل.
دخلت ممرضه وبعدها جواد
جواد:صباح الخير.
ساره:صباح النور.
عطته الممرضه ابره.
جواد:لوسمحتي ايدش.
ساره(ويش صاير عفر جدي واجد)
مدتها له بخجل بحياء.
لماخلص اخد ملفها وكتبت فيه عطاه الممرضه طلعت.

جواد حاط ايديه في مخباه:بعد اربع ساعات العمليه شدي حيلش توه بيطلع.

ساره:جواد.
لف لها.
ساره:مرام اهني صح
كانت طايحه خصلات من شعره على عيونه بعدهم:من قالش
ساره اتجاهلت سؤاله : ويش فيها
جواد:الله ايكون بعون اهلها صابها حادث صابهاشلل.
ساره علامات الدهشه كلها في وجهها :من متى
جواد:إسبوعين تقريبا.
ساره:وين غرفتها
جواد:لاتقولي بتروحي لها.
ساره:ابغى اروح.
جواد:ســــاره
ساره قاطعته:ماطلبت منك شي بس رقم غرفتها.
جواد سكت كانه يفكر انتظرش برى.
ابتسمت.

وصول عند غرفتها بان على ساره انها متورتره او خايفه.
جواد:لاتخافي بنتظرش.
ساره دقت الباب . .دخلت
مرام اول ماشافت ساره انصدمن ظلت ساكته وبس اتطالع ساره .
ساره طاحلو ادموعها مع انها تكره مرام لكن شكلها مايسر لا صديق ولاعدو اتقدمت لها وظلت ساكته اصلا ماعندها شي اتقوله.
مرام مدت ايدها لساره ساره بطعيته الموقف مسكت ايدها
مرام بندم واضح:سامحيني ادري كلمه اسفه ماتسوي شي بس والله ندمانه و
قاطعتها :مسامحتنش والله ابقومش بالسلامه.
مرما قريب اتصيح:مااعرف كيف اشكرش.
ساره ابتسمت ادعيلي.
مرام هزت راسها ساره تركت ايدها طلعت.

راحت ساره مع جواد غرفتها
جواد شاف ادموعها مسحهم:ماتستاهل ادموعش.
ساره بصوت كله اصايح :مابتشفى مو
جواد:ساكت
فهمت سكوته صاحت.
جواد:ساره لاتصيحي تكفي.
مسحت ادموعها.
بعد ساعه الكل صارعندها والكل خايف و متوتر وقلقان الكل على اعصابه.

وقت العمليه

ساره طلبت من امل تجي جنبها جت لها مسكت ايدها .

ساره :سلمان اذا خطبش لا ترفضيه وصيتي لش سلمان .
امل مسكتها بقوه:ساره انتي بتعيشي وبتحضري عرسنا .
ابتسمت.
اخدها الممرضات ودزها غرفة العمليات وطبعا جواد معاهم.


الكل على اعصابه حوارء فاطمه شيماء دانه امل وام جوادوابوجواد وحتى هادي وقيس .
ماعد سلمان كان في عالم ثاني في عالم الدكريات والاحلا ساره اخر شخص بقى له في هالدنيا من غير شعور طاحت الدموعه زي المطر ومن تحكم صاح مثل الاطفال.
مرت ثلاث ساعات والكل على اعصابه بس محد طلع لهم يطمنهم حتى جواد

صاروابس ينتظرورا
وينتظروا
وينتظروا
وينتظروا
وينتظروا
وينتظروا
وينتظروا
وينتظروا
وينتظروا




فجئه طلع جواد لهم كل الانظار اجهت له.
وكلهم يترجوه بعيونهم انه مايقول غير ان ساره بخير .
بس جواد ماقال شي تدروا ويش سوى ابتـــــــــسم ابتسامته ردلهم الروح امل حوراء من فرحتهم حضنوا بعض صاحوا سلمان راح لجواد حضنه كانه يشكره والكل فرحان ويباركو لبعض.



بعد 3 ايام
صحت حست بأحد جنبها فتحت عيونها جواد كان يفحص ضغظ .ز ابتسم :صباح الخير.
ساره ابتسمت حاضنها دبدوبها.
جواد قعد على الكرسي بعد ماطلعت الممرضه:يتهنى الدبدوب.
ولــع وجهها
جواد مبتسم:لحد الحين ماعرفتي من عند من
ساره بعدها مستحيه :لا.
جواد امممممم طالعي ورقته<<يقصد الورق الي تنحط في كل دبدوب>>>مو ورقة السعر الي تنحط مع الدبدوب طالعت الورقه شافت فيها حرف الجي(j):مافهمت ؟
جواد:انا بذكرش يوم عيد ميلادش كان عمري 14 سنه وكنت مستحي احضر العيد ميلاد من جدي عطيت شيماء الدبدوب وماكان عندي وقت بطاقه اكتب فيها من جدي كتبت في ورقة الدبدوب ابتسم.
ساره مع انها مااستوعبت بس ابتسمت لانها ماتوقعت في يوم ان يكون الدبدوب المفضل لها من حبيبها.
جواد ابتسم إبتسامه كرست اكسترا وايتنغ<<<خخخخ:ماشاء الله اتحبي الدبدوب وصاحبه.
رمت عليه الدبدوب:سخيف إطلع برى.
جواد مسكه:ههههههه خلاص بطلع اصلا مصختها كل شوي ناظ عندش اخاف يطردوني من شغلي.
ساره شكل مرح:احسن.
جواد رمى عليها الدبدوب:ماتنعطي وجه وصل عند الباب بعد ساعتين موعداحبوبش يعني برجع خخخخ طلع

#بيت ابو جواد#


قيس كلم دانه بس ماتفقوا وبعد هالمحاوله ماسوى شي تركها وطنشها حوراء حاولت معاه قال لها" خلي حركات الجاهل تنفعها".

راحت اتصلت الى شيماء عشان ايصالحو بينهم اتفقوا انهم ايروح يقنعوها

حوراء :دانه اعنادش مابينفعش صدقيني ترى قيس ايحبش وانتي اتحبيه وهو ماسوى جدي الا لانه ايحبش
توها دانه بتكلم.
حوراء:دانه لاتقطعيني خلني اكمل كلامي اخوي يدري ان الي اسوه لش غلط من جدي جى خطبش وهو من زمان قالي يبغى يخطبش بس اني قلت له انش في المدرسه والمفروض انه ينتظر شوي لحد ماتخلصي
لو واحد غيره كان لعب عليش والله العالم ويش كان راح ايصير تعرفي بعد اولاد هالايام مامنهم امان
شيماء اتكمل :صحيح مافي هالايام وحدايحبش ويصونش ترى قيس مافي منه يعني لو غيره غشش يالله دانوه عطينش وجه واجد.
دانه: بس مواني الااصالحه هو الا يصالحني وطلعت من عندهم.
حوراء :اني الحين باروح اشوف قيس اني و رائد يالله باي طلعت.


حوراء اتصلت الى رائد :هلا حبيبي كل شي تمام.
رائد:اهلين حوري اوكي الحين باروح اشوف قيس وبجي لش باي.
حوراء :باي.

راح رائد بيت ابو قيس اتصل له عشان يطلع معاه :الو هلا قيس
قيس ماله خلق ابد:اهلين .
رائد:قيس انا بره اطلع لي.
قيس :اوكي طلع.

رائد : يالله اركب.
قيس:وين؟
رائد:انت اركب بعدين بقول لك ركب قيس مشى رائد.


وصل بيت ابو جواد قيس طالع رائد:ليش جايبني اهني.
رائد:جاي اخد مرتي.
قيس:اهاا.

اتصل الى حوراء يالله اطلعي

دخلت حوراء السياره :السلام عليكم .
اثنينهم:وعليكم السلام.
قعدوا ثلاثتهم ساكتين قيس كان نفسه يسأل اخته عنها بس غروره كان اقوه منه.

وصلوا عند البحر .

قيس :ليش جايبني اهني؟ رجعني وطلع انت وحوره
رائد :مانا بعدين انا وحوراء نبغى نطلع معاك فيها شي ادري مافيها شي يالله قوم انزل ببتسامه عطيتك وجه واجد الشره مو عليك الشره عليي الا خسرت بانزين عشان اطلعك معي ومع القمر الا وراك.
حوراء ولع وجهها من خجل.
قيس:هههههههه نزل راح عند البحر وقف يتأمله جو له حوراء ورائد.


________________


#بيت ابو جواد#


شيماء راحت غرفت دخلت.
شيماء:تيه.
ابتسم لها.
شيماء:شخبارك جواد ويش مسوي انشاء الله بخير ادري بخير وبتوديني البحر ماعطته فرصه يالله بقوم البس عباتي بقول الى دانوه بعد طلعت.
جواد:هههههههههه.


راحت شيماء الى دانه يالله قومي البسي عباتش بسرعه جواد بيطلعنه .
دانه :مابغى اطلع .
شيماء :مو على كيفش يالله قومي بسرعه.
قامت دانه جهزت و خلصت راحوا البحر اجتمعو مع حوراء.

حوراء راحت قعدت مع قيس اتسولف معاه جوا شيماء دانه لهم .
شيماء بخبث :حوراء تعالي ابغاش لحظه.
حوراء :اوكي تركوهم لوحدهم.

كان قيس بيمشي طلعها بنظرة حزن مشى.
نادت عليه:قيس لف له شافها اتصيح وقف مكانه ماقدر ايروح لها لان كبريائه مايسمح له بعد الاسوته في المستشفى.
دانه:قيس والله احبك بس من حرقت قلبي من الي صار سويت جذي اني هبله سامحني صاحت ابصوت مسموع.
قرب لها :انا عارف انش كنتي منجرحه بس المفروض ماتسوي جذي لانش ماعطيتيني فرصه حتي افهمش ان من حبي الش سويت جذي كنت حاب اعرف كل شي عن الانسانه الي قلبي حبها من اول ماشفتش في حفلة اختي اعجبت بش من اول نظره ادري اني غلطان اخدت ايميلش بس لاني سمعت خواتي قالو ايميلش قدامي مو بيدي قلبي الي خلاني اسوي جذي وضيفش والله حبيتش دمعت اعيونه.

فترة صمت بينهم كانت النظرات تتكلم نظرات عتاب الاحبباب .

دانه:قيس سامحني والله احبك صاحت.
قيس اتقرب لها اكثر رفع راسها صارت عينه في عينها مسح دمعها باس يدها:انتي الي سامحيني والله ابدونش ماقدر اعيش الفتره الي عشتها ابدونش مرت عليه كنها جحيم سامحيني.
دانه:والله امسامحتنك قلبي مايقدر على بعدك.
قيس:اذاسامحتيني ابتسمي عشان قلبي يرتاح.
ضحكت دانه:والله احبك.
قيس:انشاء الله دوم.

قعدو ابصمت يطالعو البحر وهو يطالعها


.


كانوا حوراء وشيماء يتمشوا مع بعض جى رائد الى حوراء
رائد :حوراء تعالي ابغاش لحظه.
شيماء فهمت :اوكي اني باروح الى جواد راحت .

دارت حوراء الى رائد ابتسمت مسك ايدها مشوا.
رائد:عمري متي بنتزوج مليت وانتي بعيده عني ابغى كل يوم اشوفش واصبح ابوجهش.
حوراء:تو الناس علينا.
رائد :من قال تو الناس انا احبش وماقدر على فراقش.
حوراء من الخجل: احس اني عطشانه.
رائد:ويلي قلبي عطشانه خلاص باروح اشتري لش.
رائد تركها راح يشتري حوراء وقفت تتأمل في البحر.

لما رجع شافها واقفه كان في رجال يصور ولده كان ولده في نفس اتجاه حوراء كان جواله n70 الجوال طلع افلاش رائد فكره يصورها راح اله.
رائد ابعصبيه:ليش اتصور مرتي؟
الرجال:والله ماصورتها.
رائد:توني شايفك امصورنها.
الرجال:والله كنت اصور ولدي.

راواه الرجال الصوره اتفشل رائد اعتذر مشى راح الى حوراء.
رائد:كل منش حطيتيني في موقف محرج اخر مره اشوفش فاتحه وجهش فاهمه.
حوراء:ويش فيك والله مو فاهمهواي موقف
قال لها كل السالفه.
حوراء: اممممم اسفه حبي ماكان قصدي احطك في هالموقف خلاص بغطي وجهي.


_____________



*محل شهد فون*


في البدايه اترددت اتروح لو ماتروح بس بعدين فكرت ممكن مايكون لؤي موجود وفي نفس الوقت خافت اتروح و الي هناك يقعد ايغازلها من جذي قررت تاخذ معاها أخوها الي اصغر منها.


واتفاجئت من أن الي يبيع هناك مو موجود و الي موجود هو لؤي.

كانت بتطلع بس خلاص شافها فشله تطلع وهي توها داخله.

لؤي بنظرات حلوه:اتفضلي.
عقيله:الكاميرا الخلفيه لجوالي ماتشتغل.
لؤي:جيبيه بس افتحيه أول.
فتحت القفل حق الجوال عطته اياه.

لؤي قعد ايطالعه و يفحصه:هذا شغلته بسيطه خليه وبعد ساعه ساعتين بالكثير تعالوا اخذوه.

عقيله طلعت وطلع معاها أخوها.


أول شي سواه أنه اتصل من جوالها على جواله خزن الرقم عنده.

عدل لها الجوال وبعد ساعه جى له أخوها و اخذ الجوال.


عقيله أول ماأخذت جوالها شافت فيه رساله فتحتها الا هي من رقم غريب.


((((السلام.
أسف لأني أخذت رقمش وأسف على الأزعاج.

أنا أبغى اتقدم لش بدون لف و دوران بس أنا مالقيت الا هالحل و بصراحه أخاف اتقدم لش و ترفضي.
واتمنى اذا قريتي الرساله اتردي علي ترى أنا على أعصابي.)))

عقيله ماعجبتها طريقته(يحلف هذا اتخيل نفسي و اني راسله له موافقه كان اصير مضحكه).

مسحت الرساله طنشت.


ــــــــــــــــــــــــــــــــــــــــ


شيماء و هادي من ذاك اليوم وهم مايكلموا بعض الا بالكلام العادي.

جواد لاحظ عليهم هالشي جت على باله فكره.

خلى شيماء تجهز وطلع معاها

شيماء:جواد وين بنروح
جواد:مطعم.
شيماء:ويش صاير من زمان ماوديتني مطعم
ابتسم بخبث:لما نوصل بتعرفي.


وصلوا المطعم دخلوا .

شيماء اتفاجئت من وجود هادي وهادي نفس الشي طالعوا جواد.

جواد:ويش فيكم اتطالعوني عادي واحد عازم أخته و ولد خالته فيها شي
هادي و شيماء: ساكتين.
جواد قعد شيماء مقابل هادي:أنا بروح اطلب العشى ابتسم اخذوا راحتكم راح.

فترة صمت.

هادي ايحوس في الميل الي في العصير:كيف حالش
شيماء:بخير الحمدلله.

فترة صمت مره ثانيه.

شيماء بهدوء:هادي.
هادي يشرب العصير:هممم.
شيماء:أني ماغلطت في شي مو غلط الوحده اتغار.
هادي ترك العصير:مو غلط بس أنا ماأخون حطي هالشي في بالش.
شيماء سكتت.

هادي حط ايده على ايدها بكل حنان:أحبش.
شيماء اجتمعت في عيونها الدموع:و أني بعد.
هادي مسح ادموعها:مايهون علي أكون سببهم.
شيماء طاحوا ادموعها:اوعدني ماتزعلني مره ثانيه.
هادي:وعد بس لاتصيحي.

جواد متعمد يرجع بسرعه:أحم أحم أنا هنا.
شيماء استحت.
هادي:اففف هذا وقتك ليش رجعت
جواد:نعم نعم شكلك نسيت أن أنا الي عازمك.
هادي:ماتعرف تخلي اثنين يحبوا بعض بروحهم.
جواد:خلاص بتركم بس برجع بعد اشوي بقعد عله على قلبكم.


بعد ماصالح هادي و شيماء كلم لؤي عرف منه الي صار معاه مع عقيله.

جواد:أحلف ياغبي جذي مستحيل اترسل لك اتخيل البنت راسله لك موافقه وين قاعدين.
لؤي:ويش دراني قلت لك ماأعرف لهالسوالف.
جواد:مايحتاج تعرف على قولتك روح اخطبها أحسن لك.
لؤي:أنت اتشوف جذي.
جواد:ولله لو ادري أن الحب يسوي فيك جذي كان من زمان دعيت عليك اتحب.
لؤي:مالت عليك أنا صدق تعبان.
جواد:قلت لك روح اخطبها.
لؤي:خلاص بقول لأختي.
جواد:اوكى باي.
لؤي:باي.

وفعلآ شرح لأخته السالفه و بعد 3 أيام خطبها.




#بعد 5 شهور#

*عرس ساره و جواد*

دخلت ساره طبعآ مايحتاج أوصف دخلة ساره لأنها بالفعل كانت روعـــــــــــــه خاصه مع جمال بطلتنا.

المهم البنات كلهم قاموا يرقصوا.


*لحظة دخول جواد*

دخل جواد على كلمات أغنية ~ أخذني معك~ لفضل شاكر و يارا صبري.

خدني معك بالجوالحلوو وخليني معاك اسرح ياحلوو.

جماللك جمال مش عادي وكلامك كلام مش عادي.

شوبدك دلال عالصوت الدلال غفيني شوبدك غرام ليلأ الغرام هني.

خيالك خيال مش عادي جيني بزمان مشن عادي توعدني بامان ولئيني لئيني بمكان وتنساه الزمان وانا بغني.



جواد مشى من أول الجسر و ساره مشت له من المسرح لين وصلوا اثنينهم الي نص الجسر.

شال الطرحه عن وجهها وضل ثواني يستوعب الحظه الي ينتظرها ناظرها بنظرت حب باس جبهتها و ايدها.

ساره كانت تحمد ربها أنها بعدها واقفه نظرت عيونه كانت تهبل أصلآ كله على بعضه يهوس مااعرف اوصفه جميل و لا حليو ولا وسيم او تدرو كل هذيل فيه <<<< ويلي عليه فايـــــــح فوحني >>>> قصدي احليو خخخخخ.

مسك ايدها كملوا مشيهم للمسرح.

قعدوا على الكرسي المخصص لهم.

دخل سلمان و أبو جواد سلموا عليهم و باركوا لهم سلمان حضن ساره حتى أنها كانت بتصيح.

سلمان:ساروه بيخترب مكياجش أخاف جواده يذبحني خربت مكياج زوجته في عرسه.
ساره:ماعليك منه خله ايولي خلاص برجع البيت معاك.
سلمان:ههههههه.
جواد بنظرات خبث:ترى أسمع حسابي معاش بعدين.
طنشته:اوكى أنت مابتخاف بروحك
سلمان:جاهل عشان أخاف بعدين كلها شهر وزوجتي عندي باس جبهتها يلا الله ايوفقكم سلم على جواد طلع.


كانت كوشتهم على شكل قفص ذهبي في الوسطى هم قاعدين على اليمين و اليسار قفصين اصغار فيهم عصفورين.


جوا لهم دانه و شيماء دانه راحت عند جواد وشيماء عند ساره.

كانوا القفصين مربوطين بقطعة حرير بيضه دانه أخذت القطعه المربوطه في القفص الي يصير جنب جواد وشيماء أخذت القطعه الي جنب ساره ربطتها في صبع ساره الخنصر ايدها اليسار ودانه نفس الشي مع جواد.

بعدين تركوهم نزلوا عن المسرح.

بدت انغام موسيقى كلاسيكيه جواد مسك ايد ساره فل الربطه و سحب القطعه.

انفتح القفص الي جنب ساره طار العصفور الي ايده<< الي كان داخل القفص.

الذبله كانت مربوطه في رجل العصفور فلها أخذ الذبله طير العصفور <<< العصافير مدربين على هالشي.

لبس ساره الذبله باس ايدها:مبروك.
ساره بخجل:الله يبارك فيك.

ساره اخذت ايده سوت نفس حركته ابتسمت له.


النهايه.

مابــــــــعد الــــــــنهايه

رائد واقف على أعصابه وكل اشوي ايطالع الساعه ياربي اتأخروا صار لهم 4 ساعات وأنا حتى ماقلت لأحد أنها تولد.

سمع احد يناديه لف اوه هذا سلمان ويش يسوي اهني
راح له سلموا على بعض.

سلمان:ويش اتسوي اهني عسى ماشر.
رائد ببتسامه شاقه الحلق:زوجتي تولد.
سلمان:ههههههه ماشاء الله وأنا بعد زوجتي تولد.
رائد:ههههه حلوه المصادفه.
سلمان:شكلك ماقلت لأحد من الأهل أنها تولد.
رائد:أيه مامداني أقولهم.
سلمان:عجل وين وديتك ولدك
رائد:عند عمتي من أمس لأن زوجتي كانت تعبانه وانت وين ولدك
سلمان ابتسم:وديته لجواد و بنت أخوي.
رائد:ههههه مسكين بلشته هو كافي عليه ولده وزوجته الحامل.
سلمان:ههههههه.

الا يسمعوا صوت أحد يناديهم لفوا ايشوفوا الا هو جواد.

جواد:هلا.
رائد سلمان:أهلين.
رائد:ماشاءالله تونا نتكلم عنك يتمسخر لا اتقول انت بعد زوجتك تولد.
جواد:ويش دراك
سلمان و رائد:هههههههه.
جواد:ليش تضحكوا
سلمان:هو بعد زوجته تولد.
جواد:احــلف.
رائد:ولله وصار لها 4 ساعات.
جواد:ماشاءالله كلهم في نفس اليوم.
سلمان:تعال عجل وين وديت ولدي
جواد:عند أختي.


قعدوا مع بعض وكل واحد ينتظر ولادة زوجته.

حوراء ولدت بعد ساعه ،، وساره ولدت قبل أمل بساعتين.

.

----- تمــــــــــــــــــــــــــــــــــــــــــــــــ ــــــــــــــــت ----

أنتهت أول قصه لي واتمنى أنها حازت على رضى الي قروها.

~ أملي في الحياه ~
بقلم دادا .