الموضوع: رواية الحلم الغامض

الجزء التاسع عشر



سلطان بعصبية : أنت صاحي
هيف : اذكر الله وبسرعه خلهم يقربون سيارة الاسعاف
سلطان : والله يوم دق علي آدم ما صدقت معقولة هيف انت بعقلك تبي تطلع من المستشفى وهذي حالتك هذا وانت دكتور
هيف بابتسامة : قول خربت عليك نومتك بس
سلطان : انت الحين تبي تقهرني ليش تبي تطلع
هيف : بالبيت أريح لي و أنت عارف الحين ما فيني إلا كسور و باخذ معي سرير طبي وممرضة
سلطان : ممرضه ليش مو ممرض
هيف : لا البيت فيه حريم وبعدين الله لا يخليني منك
سلطان : يا حلاوة خربت علي شهر العسل ونومت العسل وتبيني اقضي اجازتي عندك
هيف :هههههههههههه من ورى قلبك سلطان خف علي ترا كثر الضحك يوجعني بجسمي
سلطان : يعني مصمم تطلع للبيت
هيف : أي والله وخايف عليهم بلحالهم
سلطان : وانت الحين الي بتحميهم يالله تدبر عمرك تدبر غيرك
هيف بجدية : سلطان بسرعه خلهم يودوني وانا أرسلت آدم قدامي يجهز لي غرفة من الغرف الي تحت
سلطان : طيب ما صبرت الحين تدري كم الساعه
هيف بضحكة : ما دريت ان آدم بيتصل عليك
سلطان : آدم ما يدري ان في راسك ضربه وجاك ارتجاج ومقومني من فجر معك عشان ترجع للبيت خابرك ما تداني البيت ودايم برى وش جد
التفت عليه هيف حس انه صار واضح للسلطان وحب يغير مجرى السوالف عشان ما يكشفه سلطان : بدال الحين كلامك روح اصرف العلاج وجيب السرير
سلطان : سمحوا لك تاخذ سرير طبي
هيف : انا كنت بشتري بس هذا مجهز على طول عشان رجلي اقدر اعلقها وما قصر عبد العزيز خلاه علي عهده
سلطان : أي قول عهده محد يعطي لله
هيف : بسرعه سلطان يا كثر كلامك
سلطان : ودي ادري وش فيك مستعجل العجله هذي كلها











مؤيد لهشام : هشام انت متأكد من الحرمه هذي لا تنكبنا
هشام : ياخي الحريم ذولي بس طلع ريال تصير لك عبده انا عطيتها خمس ميه وقلت اذا جيبتي لنا خبر لك خمس ميه ثانية
كان بندر يتفرج عليهم وبقلبه صدق انذال عرفوا يستغلون صح
طلعت تمشي بميوعه مكياج كامل لثمة شفافة ظل صارخ كحل سايل كامل للعين كانت تعلك بطريقة مايعه جدا
هشام : شوفها طلعت
مؤيد : روح لها مانبي نكون حنا بالصورة

مشى هشام بسرعه لها : هاه سوسو وش صار
سوسو : اوف ما بغوا يعطوني خبر خذوا بطاقتي وقعدوا ساعه يحققون معي
هشام وحومت كبده : الزبده وش صار
سوسو : صار البنت يقولون امس طلعت من الفندق
مشى هشام وخلاها
سوسو بصوت مرتفع وكأنها نست دلعها من شوي : هيه وين رحت وين الفلوس الباقيه
هشام التفت عليها : اقلبي وجهك يكفي الي عطيتك
سوسو : راجع لي وراح تشوف اذا خدمتك


مؤيد وهو متوتر : هذا هشام جانا شكل وجه ما يبشر بخير اشوفه ماعطاها فلوس
دخل هشام السياره وصك الباب : مراح تصدقون البنت طلعت امس من الفندق
صرخة مؤيد وضرب بيده على الدريكسون : لااااااااااااااااا ما صارت
ابتسامة حاول قدر الإمكان يخفيها وبنفسه الحمد لله الحمدلله
اخذ مؤيد التلفون واتصل على ناصر
ناصر بتعجب : من جدك
مؤيد : أي والله تقول امس راحت
ناصر : خلاص انقسموا قسمين قسم يروح لبيت هيف وقسم يروح لبيت ابو سمر احتمال تكون بين البيتين
عبد الحميد : طيب يمكن تكون عند بيت سلطان ما هو صديق هيف
سمع ناصر صوت عبد الحميد ورى مؤيد : تصرفوا انتوا روحوا وشوفوا بنفسكم
بندر ضرب الخوف في قلبه بيرجعون لبيت ابو سمر وخلاص قربوا من نوت كيف اقدر اتصل على سعد الحين وفي الوضع هذا


قفل ناصر وهو معصب مرره يحاول يسيطر على أعصابه بدى خلاص صبره ينفذ اخذ جواله واتصل
.: بشر وش صار
ناصر : مالقوها طلعت من الفندق
بعد ناصر الجوال من اذنه من صراخ زعيمهم
.: انتوا ما يعتمد عليكم ما تفهمون انتوا حيـ الحين بسرعه اخذ ابو سمر وعائلته كامله هو الوحيد الي يعرف طريقهم اخطفهم خطف ولا فيه احد يسأل عنهم وهددهم يجيبون مكان نوت عجل والله لو يصير خطا بسيط ان تضيع حياتك على يدي فاهم
ناصر وهو منقهر للأخر : فاهم

مؤيد : لاحول ولا قوة الا بالله رجع ناصر يدق
هشام : رد عليهم قبل الحين يودينا ورى الشمس
مؤيد بزهق : نعم
ناصر : روح لبيت ابو سمر وخطفهم كلهم الأب وزوجته وبنته وديهم للمستودعات بسرعه وأنا أجيكم هناك وبدون اخطاء
مؤيد : طيب الوقت الحين صباح أكيد بينتبهوا علينا
ناصر : صباح ظهر لليل ماعلي اهم شي تجيبهم للمستودعات صرف عمرك
قفل مؤيد والكل يناظره وكل حسب اهتمامه وبندر مركز معهم وقلبه يدق بسرعه حاس أن الأمر عظيم
مؤيد : ناصر يبينا نخطف عائلة ابو سمر عشان هو الوحيد الي يعرف وين نوت
بندر بعصبيه : كيف يعرف وينها وحنا نراقبه ولا شفناه التقى معها
مؤيد : ابو سمر جا لهيف بالمستشفى واكيد عارف انه زوج نوت واكيد اخبار نوت كلها عنده
هشام : الوقت الحين ما يساعد
مؤيد : نروح نجيب فان مخفي وبخاخ بسيط نرشه عليهم وتنتهي الاشكاليه
بندر : طيب وش ناوين عليه
ناظرة مؤيد بنظرة تفحص وهز اكتافه حس بندر بتوتر وصار ياكل أظافره يارب يارب سترك




نوف : يا سلاااااااام اشوف الابتسامة شاقه الحلق عسى دوووم يارب
مثايل : يوه عقبالك يارب
نوف : مالت على بديران صاير مثل البدر فعلا ما يجي في الشهر الا مره
مثايل : هههههههه حلوه بديران ليش مستعجله على الزواج زواجك خلاص قرب
نوف : ادري قرب بس استغرب ليش ما صار يجي يعني ما شتاق لي
مثايل : لا تشرهين هذي طبايع عيالنا يبون يستمتعون بالحرية قبل القفص الذهبي تقولين الزواج سجن
نوف : ما ألومهم ترا اذا الواحد تزوج خلاص الحرمه ليش حرت ليش جيت وش سويت وش فعلت
مثايل : يا حبيبتي ليش تبين يهيت على كيفه
نوف : مو يهيت على كيفه بس على الأقل له حريه يستانس يطلع عشان يسعدني بعد مو اصير رادار له اراقب تحركاته بتعس نفسي وكدرها
مثايل : نوف لا تكلمين لحد ما تتزوجين
نوف : ليش عاجبك الي تفتش جوال زوجها فرضاً لقت شي ازعجها وش بتستفيد
مثايل : وهو عمى بعينه ليه يسوي خرابيط برابيط
نوف : يمكن نزوه يمكن احد استخدم جواله له عدت احتمالات تخرب بيتها ونفسيتها ويصير بينهم شرخ
مثايل : لالا يا نوف اسمحيلي تفكيرك غلط بغلط
نوف : اقول مناك بس عشان ما اعجبك
مثايل : انا قايمة بروح لخالتي وعمي
نوف : ههههه بتلقينهم يتهاوشون مثل العاده
مثايل : يا حلوهم ويا حلو هوشتهم
نوف : وش رايك نعزم امك وعمي يتغدون عندنا
مثايل : بس سلطان طلع بدري اخاف ما يجي
نوف : وش دخل سلطان امحق مره صارت تقدم رجلها على اهلها
مثايل : اقول تقلعي عشان ما تحلى الجمعه الا به




كان هيف الحين مدد على سريرة في بيته وسلطان عند راسه يعدل وضعيه نومته ويشيك على رجله ويده وهذا كله ونوت وسعديه في غرفهم مو حاسين بشيء
هيف : آدم وين راح
سلطان : يمكن يسوي فطور
هيف بتوتر : طيب اخاف يكشف أهل البيت
طالعه سلطان : اقول الظاهر لو يشوفها ماعليه حرج
هيف بعصبيه : خير يشوفها وش فيك سلطان وين سامع الكلام ها فيه
سلطان : اعصابك وش فيك معصب
هيف : ماودي اجرح آدم ولا ودي يكشف اهل بيتي
سلطان : الله واكبر هذا انت تشوف بنت اخته
هيف : بنت اخته ما يتغطون وهذا في مذهبهم بس حجاب لكن عندنا لا
قطع حوارهم جوال سلطان يدق
هيف بابتسامة : رد يمكن ما لقتك جنبها
سلطان : يازينك وانت تمزح هذا ابوي سم يبه ابشر ابشر ولا يهمك جاي الحين
هيف : بتروح
سلطان : أي طالبني ابوي عمي بيتغدا عندنا ويبيني اجيب سمك وكمل تبي شي
هيف : ابد سلامتك وسلم على الأهل
سلطان : يبلغ يالله فمان الله
هيف : فمان الكريم
دخل آدم معه ابريق الحليب مثل ما يحبه هيف حليب نيدوا مع ملعقة صغيرة نسكافيه
هيف : الله ريحه الحليب وصلتني
آدم بابتسامة : مثل ما تحبه وبتردد اقول يبني
هيف : امر
آدم : انا والله كنت محرج وانا اسوي الحليب خايف احد يطلع علي وانت غيرت رايك وما جبت الممرضه من بيهتم فيك
هيف بابتسامة لهـ الإنسان المخلص الحنون : لا تشيل هم نوت بتهتم فيني
آدم بصدمة : نوت
هيف بضحكة : أي نوت لا تستغرب بعدين اشرح لك الحين مالي خاطر بالكلام ورشف من كاسه الحليب ويتلذذ بطعمها ويفكر وش بيكون ردة فعلها اذا شافته وقطع سرحانه كلام آدم
آدم : اجل اعذني انا بطلع للغرفة الي برى ما يصلح اتم هنا
هيف ويحس بخجل من آدم وجا بيتكلم وسبقه آدم : لا تقول شي يا ابني هذا حدود الله وما يجوز نتجاوزها وطلع وتركه والتفت عليه
آدم : بروح اجيب لك شريحه عشان اذا بغيتني تتصل علي وانت بعدين طلع بدل فاقد لشريحتك
هيف : تسلم يبه ما تقصر
ابتسم له ولا رد عليه وطلع وخلا هيف مع افكاره

االجزء العشرون


خالد : صدق يا سعد انك فايق وش الطلعه الي طلعت براسك
سعد : يا خالد انزل من برجك العاجي ولو شوي شهد محتاجة تغير جو وانا ابي فتون ما ابيك ولو فتون مراح ترفض تروح معنا بلحالنا ما أحتديت عليك
خالد : طيب متى بتعلمونها لازم كل شوي انط بينكم وصير المحرم
سعد : ودي ادري الحين يوم تقابل الشات اربعه وعشرين ساعه وش تهذر فيه
خالد : انت ماتدري انا وخوياي مسوين عصابات لازم نرفز البنات ونهججهم من الشات
سعد : وانت وش عليك من خلق الله
خالد : ياخي اتنرفز اذا شفت بنت داخل شات وش تبي تكلم هذا وتمزح مع هذاك
" خالد مثل واحد من خياني " غيوم
سعد : ما علينا من خلق الله اهم شي نبي نطلع ومشي شهد وابي فتون معنا
خالد : امري لله خلاص متى ناوي نطلع وين بنطلع
سعد : متى على الساعه خمس العصر وين لثمامة
خالد : من جدك تبي تودينا للثمامة مجمع الشباب
سعد : لا حول ولا قوة الا بالله الله يعين الي بتأخذها
خالد : يا سعد كل شي معقول خلنا نروح للبر الي على طريق الخرج ونفلها ونشوي مافيه اشكال الثمامة معصي فتون تطبها
سعد : ترا فيه اماكن للعائلات والشباب ما يقرب لها
خالد : انا أخبر وعرف حركات الشباب تبي مثل ما اقول ولا دور غيري خوي
سعد : خلاص امري لله قال وش حادك على المر قلت ألي أمر منه
خالد : خلاص الله يعينا على الدعله
سعد : الدعله زوجتك
خالد : المشكلة أنها زوجتي
سعد : الله الحين تبي تتزوجها وتقول عنها دعله مناك بس مالك مره عندنا
خالد : والي بشاورك بس يالله خلني ابي اطفر بنت داخله بنك حلااي غير خلها تعرف وش معنى حلاي غير
سعد : الله يعين خلق الله عليك










مؤيد : هاه لقيت البخاخ
هشام : أي لقيته
بندر خلاص وصلت معه يحس بالعرق مالي جبهته وجه سود ويحس انه خلاص بينفجر فيهم الحين : يا شباب ابي دورة المياه ضروري
مؤيد بعصبيه : يعني ما بغيت الحمام الا الحين
بندر : وش تقول هذا امر ربي تبيني اقول بعد شوي تعال
هشام : بسرعه بسرعه خلنا عشان نروح على الظهر على الأقل الناس مقيله
نزل بندر وبسرعه دخل دورة المياه الله يعزكم واتصل على سعد
بندر بصوت واطي : سعد اسمعني زين ترا مقدر اطول اكثر العصابة تبي تخطف ابو سمر وأهله
سعد : طيب امشي معهم خلك معهم وش بيصير
بندر طول صوته غصب : كيف امشي معهم اقولك يبون يخطفونهم أخاف يقتلونهم
سعد بخوف : بندر مو اول مره تمسك قضية صعبة وش فيك تبيهم يشكون فيك امش معهم مثل ما يبون وحنا معكم لا تخاف وانت اذا صار شي كايد وخلاص دق ثلاث مرات واقطع وبعدين يا بندر مدري وش صار عليك منت مثل أول يا خوفي تخرب الي بنيناه من سنين ترا حنا ورى هـ القضية من سنوات
بندر بخوف : الله يستر عليهم خلاص بقفل بعد ما خلى الشك يدخل قلب سعد ليش بندر متأثر كذا امر يحير
بندر بشهقة : وش تسوي هنا
مؤيد بنظرات غريبة : تأخرت علينا وجيت اشوفك وكأني سمعت عندك صوت
بندر بشكل عادي : يعني تصنت على واحد بحمام وعيباه
مؤيد : أمش أمش بسرعه بس خلنا نخلص بسرعه ترا حدي متوتر
بندر : يالله وش ورانا







كانت متمدده على السرير وتفكر وتهوجس يمكن لو أقول في لا شي كل شوي موضوع شوي موضوعها مع هيف وشوي عن العصابه الي تلاحقها وش سالفتهم وشوي في حياتها الحين وضعها وكيف بتكون دراستها قامت وقعدت على طرف السرير بتملل وناظرت لنفسها بالمرايه كان عليها قميص نوم عادي وشعرها مو مرتب محيوس بعد النوم قامت وراحت للحمام الله يعزكم توضت وفرشت سجادتها وصلت الضحى وقعدت تقول الأذكار ومشت بخطوات بطيئة للمرايه وخذت المشط ورتبت شعرها بشكل بسيط ورفعته بشباصه لفوق وطلعت تبي تفطر لأنها تحس بالجوع
مشت وستغربت الغرفة حقت الضيوف مضاءة غالباً مقفلة مشت توقعت سعديه يمكن ترتبها لأنها ما شافت سعديه بفراشها اسرعت خطواتها ودخلت راسها بطريقه توايق تبي تشوف وش تسوي وطلت وقالت : سعدية " توايق يعني تطل غيوم "
انصدمت فتحت عيونها وفمها بالشخص الي كل حواسه وكل جسمه انتفض من شوفتها
هو كل شوي يبلع ريقه وهي صار نفسها يطرد وغيم على عيونها غشاوة دموع وطلعت كلمة ما تدري كيف طلعت : وش فيك
هيف بهدوء عكس الي يحس فيه : أبد كنت رايح بسرعه ابي ألحق على الي طلعت من بيتها من الخوف ليصيدونها العصابة وشوفت عينك
يعني يهيف نوت ناقصة تحملها مسئولية حادثك
قربت أكثر منه وهو يحس برجفه مشتاق لها ولا عرف كثر شوقه الا يوم شافها شكلها بسيط وشكلا مو مبهرة الجمال عكس جمالها الرجولي الطاغي لكن جذبته حسها مثل المغناطيس الي يسحبها له أكثر وأكثر
تقدمت وهو يتابعها بعيونه والصمت كان هو الحكم بينهم ما يدري وش تبي لكنها قربت منه وجلست على طرف السرير تناظر يده ورجله كانت تحس بشعور الخوف ما ميزت وش تسوي او يمكن ما انتبهت لنفعالات هيف الواضح صار تنفسه مضطرب يتمنى يضمها مثل أمنياته قبل بس المره هذي اقوى لأنه يشوف الخوف بعيونه
أسفه هيف والله واسفه انا مابي أذيتك مابي أذيك أنت موقفك معي لو أموت مراح انساه خذيتني على أني مجنونه حرمت نفسك نعمة أختيار زوجه وأنت أنسان مثالي من كل الجوانب دكتور منصب وستحت تقول جمال كملت كامل والكمال لله أدري أني غلطت بحقك وأنك تستاهل الي أحسن مني وخلاص أنا ترا أحللك من العقد الي نربط بينا اذا تبي تطلقني كيفك
حس الكلمة هزته هز هذي مجنونه صدق أنا كيف اقدر استغني عنها صارت جزء من حياتي لكن ما قدر ينقله للسانه ليعلنه لنوت خلاه محبوس داخل صدره ما يدري ليش هل لطبيعته الصعبه الي ما يقدر يعترف بحبه هل الأعتراف بالحب ينقص من الرجولة في شي ليش يا هيف ما قلتها ليش ما قلت انتي روحي وقلبي مقدر استغني عنك ليش سكت ليش حسست نوت أنها عبئ عليك أنطق قول شي
توعى من سرحانه على صوتها : افطرت
ناظرها بعيون تايهه :لا شربت حليب بس
نوت : خلاص بجيب الفطور
سعدية من وراها: ما يحتاج تجيبيه هو جى لعندك
ضحكوا كلهم بنفس الوقت وناظروا بعض وحل الصمت هو أول مره يشوفها طبيعيه 100% وهي سرحت بضحكته
حست سعديه أن مالها مكان بينهم حطت الفطور وطلعت
هيف يناظرها يبي يشوف وش بتسوي وهي نتبهت لنفسها ونطقت وهي تتنهد : اوه الفطور
قربته كان عباره عن سندوتشات : مممم فيه بالبيض وبالجبن والزعتر وش تبي
هيف بابتسامة حاول يخفيها : الجبن
مدتها له وطالعها والمره هذي ابتسم لها : تبيني أكل باليسار
هي تخلبطت من أبتسامته ولخبطتها مره وصارت مرتبشه ومحرجه : هاه وشو
ابتسم أكثر وقال : الرسول عليه السلام وش وصى النبي وش قال هذا وأنتي دراسات أسلامية كل بيمينك وكل مما يليك
صارت تبلع ريقهاوتناظره ونرفزتها ابتسامته الي وترتها وحرجتها خذت السندوتش وجلست قريب من مكان عند بطنه وقطعت منها قطعه صغيره وقربتها لفمه بيد ترجف من الحيا هو توتر من قربها لأن صدرها قريب من صدره وراسها قريب منه
نوت بتوتر لانه ما فتح فمه : شكلك ماتبي الفطور
نفض راسه وارمش بعينه وكأنك الإرسال توه يوصل له وفتح فمه دخلت القمة وطرف اصبعها على طول هو سكر على اللقمة وعلى أصبعها وهو متعمد ومع حركته حست بدقات قلبها السريعه ومن الربكه سحبت يدها وقطعت قطعه كبيره وجت تبي تدخلها
هيف : هههههههههه ول شكلك تبين تذبحيني
نوت بشهقة : انا
هيف : شوفي اللقمه أكليها أنتي تقدرين تمضغينها مثلا
نوت : بس انت أنت تبي تقول قليل أدب بس ما قدرت تقولها
هيف بضحكة : ههههههههه وش انا
نوت : ولا شي افتح فمك بقوة وصارت كأنها ترمي الأكل رمي بفمه
فهم قصدها وضحك لكن مسك نفسه خاف يغص
وقطع عليهم الجو دخول سعديه وهي محرجه
سعدية : اسفه على الأزعاج بس خالي جاب لك الشريحه والجوال ويقول متى ما بغيته أتصل
هيف وهويناظرها بفرح شعور غريبه يحس براحه ويمكن في قلبه يحمد الله على الحادث الي ممكن يخلي يقرب بينه وبين نوت
أخذ الجوال ودخل الشريحه وجاه الاتصال على طول
هيف : مشاء الله شكلك تنتظرني
آدم : ابي اشوف أخاف ينقصك شي
هيف : شوف ابي كميرات مراقبه وتجيب لي سكورتيه من الشركه طاقم كامل تراقب الفله فاهم ابي الكميرات على مداخل الفله من برى وداخل وأجهزة أنذار توصل مع الشرطه يعني مثلك عارف نفس الي بالشركه نظام أمني شامل
آدم بخوف : ليش عسى ماشر ليكون حادثك بفعل فاعل
هيف : لا وين راح تفكيرك بس فيه ناس يمكن يزورونا ونبي نصيدهم قبل يصيدونا
كانت تسمعه وهو يكلم وخنقتها العبرة أول مره تحس فعلا بالأمان الله لا يحرمني منك يا هيف




نوف : مشاء الله عليك جايب سمك لا وبعد تبيني اطبخه انا
سلطان وهو يضم مثايل له أجل تبين مثايل تطبخ وتصير ريحتها كلها طبخ
نوف : ليه ومثايل على راسها ريشه
سلطان : مثايل عروس ويكفي ما تهنت بشهر العسل
مثل وهي تقرب راسها من صدره وجودي معك يغنيني
نوف بحراج : اقول تراكم دمار شامل خربتوني وبصوت عالي والله لعلم ابوي انكم تعلموني على الحركات نص كم
سلطان وهو يطقها في راسها : أقص يدي لو انك الحين ما تعرفين أكثر مني اربعه وعشرين ساعه وانتي تقرين قصص
نوف : اقول اطلعوا عاد خلوني اطبخ قبل والله ان ادوس السمكه في وجيهكم
سلطان : تعالي حبي مدري وش مجلسنا مع المتوحشه هذي الله يعين بدر
مثايل وهو طالعين : والله نوف مافي مثلها
سلطان وهو يبوس خشمها : والله انتي الي مافيه مثلك













مؤيد : شوفوا العائلة من ثلاث أشخاص خلونا نطب كلنا أنا وبندر وهشام وأنت يا عبد الحميد جهز السياره واذا شفتنا فتحنا الباب قرب السياره من الباب كل واحد منا يبخ على واحد من العائلة ونشيلهم بسرعه كان بندر يحس بحمى في كل جسمه ورجفه طب هشام وفتح لهم الباب ودخلوا كلهم وسكروه بهدوء كان ابو سمر يشرب حليب توه متغدي وسمر وأم سمر في المطبخ شايلين السفرة على طول قرب مؤيد منه وبخ على وجهه كان آخر شي سواه شهقة وحس بدوخه ويحاول يقوم ويرجع يطيح ويحرك يديه ويرفعها اخر شي تخدر شاله مؤيد وبصوت واطي شوفوا وين الحريم بسرعه
مشى بندر بسرعه يبي هو الي يشيل سمر ما يبي هشام يقرب منهم كانت تسولف وتضحك على أمها
سمر : يمه مو المفروض نروح لبيت هيف
قطع صوتهم دخول هشام بدفاشه وقربع المواعين
ام سمر بخوف : بسم الله الرحمن الرحيم ورش عليها وراح بسرعه لسمر الي تصنمت من أشكالهم وشكل دخولهم المفاجأ عقد بندر حواجبه وشي يعصر قلبه من نظراتها بدال ما يكون عون لها صار فرعون بدال ما يكون الحامي
ابد ما كان منهم أي مقاومة يمكن هشان كثر بخ البخاخ لدرجة تخدرهم بسرعه
هشام : بسرعه انت تتفرج بسرعه قبل احد ينتبه علينا جا هشام يبي يشيل البنت بنظرات وقحه بس بندر دفه وشالها بسرعه حس بغصه لأنه يشيلها وهي مو محرم له وحرام يتمنى تكون بين يديه بلحلال وهي عيونها بعيونه وحرموه المتعه هذي لا وبعد هشام الوقح يبي بعد يشيلها يا شيخ طير
وبسرعه كانوا كلهم بالفان لكن مسببين زحمه مره لان يمكن ثلاث جثث طايحين في مرتبة وحده مو حاسين بنفسهم والباقين الي جالس قدام والي جالس على الكرسي الي قدام والي جالس با أرضيه الفان كانوا الحريم بلبس البيت وبندر يحس بغبن وجه اسود حتى ما معهم شي يسترونهم به وذولي مو مقصرين يتفرجون عليهم بكل أريحيه تمنى لو معه شماغ يرميه على سمر وأمها
يارب سامحني يارب عارف المقصد يارب كون معنا

الجزء الواحد والعشرون



ناصر : خلاص طال عمرك انتهت المهمة
.: خلاص باكر تكون عندهم يا ناصر من الصباح وبهدوء تتحاور مع ابو سمر شفته عند شوف شغلك مع زوجته وبنتها أكيد بيضعف وبيتكلم مراح يطول
ناصر : تم بس ما قلت لي اشوف هجدت الاتصالات شوي الخارجية
.: وين هجدت تدري الحين يهددوني بنتي وبعمل أرهابي ويخلوني أنا أتحمله ولا أجيب الغرض الي يبونه
ناصر : طيب الحين كم لي معك ما بعد قلت لي وشوا الغرض
.: هذا من اختراعات محمد أبو نوت كنت أشتغل معه فيه وعمل عليه بجد تحت طبعا أشراف سعود أبو هيف وهو الممول الشخصي له خذيت أوراقه وعرضتها على مؤسسة غربية طبعا ما يحتاج اسمها أشهر من نار على علم وانبهروا بمدى تفوقه وقرروا يشرونه طبعا الكلام هذا بدون ما محمد يدري قلت له وشرحت له كل الأوضاع طبعا رفض رفض قاطع لأن الشركة أصلها يهودي وكل عملاءها يهوديين وقال لو من يباع إلا بريالين بعته لديرتي فالمؤسسة خذ معلومات عنه وتتبعوا وطلبوا مني احاول فيه وحاولت وضغطت عليه وعرضوا علي مبلغ خيالي فوق ما تتصور مقابل حياة محمد وهذا البداية ثم اتجهنا لبسمة والحين على نوت نبحث عنه وين بيكون الجهاز وما يحتاج يا ناصر الحين انت شغال معي وأول مره تدري عن أدق الأمور غلطه بسيطه منك تعرفني أعرف شلون أغطسك معي وقبلها أنهي أهلك من الوجود
ناصر بضحكة خوف : هههه لا وين أنا معك على الخير والشر بس وش الجهاز يا طويل العمر
.: جهاز ما يجي كبر عدسة العين موضوع في خزنه باللمس وما أحد يقدر يفتحها إلا نوت
ناصر : طيب وشو الجهاز
.: جهاز تصنت يكشف أجهزة التصنت دولي خطير
ناصر : طيب كم يقدر
.: الحين لو أبيعه على الشركة هذي قدرته لي بمليار شوف هم بكم يكسبون منه طبعا معه تخطيط الكامل للجهاز وكيف صنعه
ناصر : الله ياخذهم ما قدرت تعرضه على مؤسسة ثانية
.: مقدر أنا الحين مراقب منهم ويعرفون كل تحركاتي أي حركة خيانه مني في بنتي الوحيدة لمى
ناصر : الله يخليها لك ويكفيك شرهم

نسيت يابو لمى كم راح ضيحه لك وأنت خايف على بنتك كله عشان غرض دنيوي قتلت أنفس بريئة سوف تحاسب عنها يوم القيامة والله أن تحاسب









فتون : سعيدان شوف بنتك فغصت سوزي
سعد في نفسه سعيدان الله يعين قلبي كيف بتتعود علي : ومن قالك جيبي سوزي
فتون : ابيها تغير جو
سعد أجل تحملي
شهوده تقلد دلع فتون : بابا قولها بس بشيلها مره تكفى يبه تكفى
سعد وهو يقرب من فتون : يالله فوفو عشان خاطري خليها تشيلها
ارتبكت فتون هي متعودة على سعد بس طريقته اليوم أربكتها وخلتها تكابر : نو بتفغص بستي
خالد وهو يحاول سعد : افا ثمن أفا على صديق خان الوفا فتون سعد ماله خاطر
فتحت فتون عيونها على الآخر كيف أخوها ماعنده احساس الشرهه على بندر لو شايف كلمة سعد وقفه عند حده
ناظرت أخوها وقلبت عيونها : خلاص شهوده بحطها بحضنك ولا تمسكينها
شهوده : اوف ليه انا أبي أمسح شعرها
فتون : بتخربينه توي مروشتها ومجفتته ابيه ينتفش
خالد بطنازة : مسويته كدش
سعد انفجر ضحك : ههههههههههههههههههههههههههههههه
فتون يقال عنها عصبت : باييخين ياربي على ثقل الدم
سعد : من جد فتون انتي كيف متحمله القطط
فتون : بالعكس والله كأنهم أطفالي لازم أكلهم أروشهم أنيمهم أحسهم جزء مني خلاص
سعد : يعني لو يجوك اطفال بتهتمين فيهم كذا
فتون بتلقائية : افكورس
سعد حاول يجيب الموضوع بطريقة ثانية : تصدقون فيه قصة تحير
فتون وخالد بنفس الوقت : وشي بينما شهوده تمسح على ظهر البسه
سعد : تقول القصة سلمكم الله فيه رجال تزوج وحده بدون علمها
فتون : يوه كيف بدون علمها
خالد وهو يناظره بخوف خاف يفجرها وش بيسون
سعد : يعني جت له ضروف معينه وتزوج البنت هذي طبعا بموافقة أهلها كلهم بس العروس نفسها ما تدري لأنها وقتها كانت صغيرة
فتون : طيب وين المشكلة الحين
سعد : هو محتاج عروسه ويبيها هذي المشكلة
فتون : حرام على أهلها هي لها الحق تختار زوجها فرضا لو طلع أنسان ما تطيقه وش بيكون ردة فعلها
سعد : طيب واذا ما فيه عيب
فتون : مادري بس أستغفلوها أهلها أتوقع مراح ترضى
سعد : طيب وش تنصحينه يسوي
فتون : انصح ما يبلغونها يسوي انه توه يخطب وعادي يتممون الموضوع ولا يقولون لها
سعد : واذا ما وافقت عليه
فتون : مو تقول مافيه عيب كيف توافق عليه
سعد : إلا فيه عبين
فتون بزهق : وشي
سعد : أكبر عنها بكثير
فتون : نونو مو مشكلة أصلن حلو اذا كبير شوي يكون ناضح اهم شي مو شايب والسبب الثاني
سعد : عنده اطفال
فتون بشهقة : متزوج يمال الماحي وش يبي في البنيه اجل
سعد : شوي شوي مو متزوج
فتون تقاطعه مره ثانية أجل مطلق
سعد وهو يناظرها بنظرة حادة : متوفيه زوجته
فتون بتلقائية : أي عادي وكأنها بدت تستوعب الموقف وتربط بين الأحداث سعد متوفيه زوجته وعنده ببنت معقولة لا أكيد مو أنا لا وش الي افكر فيه






طلت نوت عليه لقته نايم بعد ما أفطر أخذ علاجه وشكل فيها مخدر ونام كان نايم بهدوء وتنفسه طبيعي تحس بوجه الراحه قعدت تطالعه وراحت وجابت كتاب وجلست عنده تقرا شوي وتسرح في وجه شوي شافته كانه يبلع ريقة نزلت عيونها خوف يفتحها ويشوفها تطالعه ورجعت تناظره لقت في سابع نومه ابتسمت تقدر تدقق فيه على راحتها تحرك في نومته دنقت تقرا وتقرا وهي مو مستوعبه حست بيصحى الحين وفعلا صحا وحط ظهر يده اليسرى يفرك عيونه وشاف ساعته لقى الوقت تقريبا داخل على العصر ناظرها شكلها جذبه كانت لابسه تنوره بيج وبلوزه اورنج صح لبسها عادي بس منورها أبتسم يوم جت عينه في عينها وهي ابتسمت له بشكل طبيعي وتكلم : الله يهديك
فتحت عيونها : ليش وش سويت
هيف وهو يقلدها بضحكة : وش سويت داريه الحين بإذن العصر وأنا ما صليت الظهر
نوت : يوه اسفه والله رحت اصلي ونسيتك مره
هيف : خلاص انتي تحملين ذنبي ماعلي منك
نوت : لالا يا قلبي ربي غفر لمن نسى وجهل هي مانتبهت لكلمتها أو لأنها كلمه عاديه تقولها مع اندماجها بس هو حس الكلمه هذي بعثرته حس بدقات قلبه زادت يالله كلمه تغير النفسية سبحان الله
هيف يحاول يسيطر على نفسه ويحاول يحرجها هو : لا أنتي إلي ياقلبي المفروض زوجك تهتمين فيه وتصحينه ويكون من أولوياتك
أرتبكت وبان عليها لأنها ماتقدر مثل هيف تحكم بنفسها اول شي كلمه يا قلبي ثاني شي اعترافه أنها زوجته وسلوبه معها جننها رحمها لأنها صارت تطالع الأرض وتفرك يدينها
هيف : يالله أبي اتوضى وأصلي وابتسم وكمل وأبي غدا
على طول رفعت عينها له يوم طرى الأكل وهنا هو ضحك حمرت خدودها وقفت بروح أجيب لك تراب من الحديقة عشان تتيمم
هيف : أوف ليش ما اقدر اتوضى
نوت : تقدر تمشي
هيف : يعني
نوت : بما أن حالتك ما تقدر تمشي الحين وتعب عليك تيمم وصلي انزل رجلك
هيف : لا أخاف ما تعرفين تركبينها خليها لحد ما يجي سلطان
نوت بتلقائية : يوه يعني بتجلس كذا كل يوم لحد ما يجي سلطان
هيف : لا هي كم يوم وبعدين بصير امشي بالعكازه وبروح للحمام بنفسي وفي خاطره وخليه يجي سلطان عشان يدبرني بالحمام بعد

سبحان الله تستحي يا هيف من زوجتك
نوت : خلاص بروح الحين اجيب تراب " في وجه العدو "
هيف ببتسامة : والأكل
نوت وهي تقوي نفسه وتبي الكلمه تطلع منها وبان له مره : بالملعقة
هيف انفجر ضحك : هههههههههههههههههههههه لالا أنا مانيب من أهل الملاعق
نوت وهي تستحي وتروح : يصير خير
هيف ابتسم حس بشعور حلو كل الأمور تصير بالهداوه وكل شي يجي بس يبي صبر وتحمل




سلطان بضحكة : الربع تخدروا
نوف بضحكة :آمال هذا طبخي يا بابا
ابو سلطان : ايه جعل ايديتس ما تعرض على النار
مثايل بغيره : والله أن عندي طريق للسمك رهيب
نوف : ياويلي من الغيرة
سلطان : فديت الطريقة وراعيتها أنفشلت مثايل قدام عمها وعمتها وابوها وامها يتغزل ما همه احد
الكل يسولف عادي مايبون يحرجون مثايل إلا نوف
نوف : ياخي استح على وجهك ما تعبر الشيبان
سلطان بصرخه : تكفى يبه زوج بنتك نشبت بحلقي
نوف بصدمه : جعلك الموت
ام سلطان : جعل الموت يأخذا عدوينتس ان شاء الله تفاولي بخير
ابو سلطان : اقول خلوا عنكم نوف قبل والله ان يجي علمن ثاني
نوف : لبى والله قلبك
سلطان : والله يبه تعرف سالفة مغاط عامر ترا نوف مثله كل ما شافتني تمغطت
الكل ضحك : ههههههههههههههههههههههههههههههههههه
نوف نفشلت مره
ابو مثايل يبي يبعد الاحراج عنها : أعقل يا سلطان قبل أخذا مثايل معي الحين
سلطان : وهي عاد بتقوم معك أنشدها كان ما تعلقت برقبتي تكفى يا سوسو لا تخليني
نصدمت مثايل وشاف الصدمه في عيونها وخاف تقلب عليه وهو يمزح ويا وجهه ومزحه الثقيل وسحبها وضمها : امزح فديت عيونتس المخترعه
الكل : هههههههههههههههههههه
نوف بحمق : اللهم اجعل حيلهم بينهم
سلطان : فرقت منطوقتس
ابو مثايل يغير الموضوع : هاه يا مبارك متى نروح لهيف تراني ما جيته بالمستشفى
ابو سلطان : أذا صلينا العصر أن شاء الله
ام سلطان : ترانا بنروح معكم
ابو سلطان : ان شاء الله والتفت على البنات وانتن بتخاونا
مثايل وهي تناظر سلطان : مدري عن ضروف سلطان
ابتسم لها ورد : انا ومثايل بنلحقكم
نوف ونطت عرض : أي بروح معكم
سلطان : يا والله البلشه هي اول وانتي تالي
ابو سلطان : ما تعلميني وش تبين في خوته تعالي وبمر وشتري لتس عسكريم
" اما عسكريم يا عم سلطان شي ترى قصده ايس كريم غيوم "
سلطان وهو يوقف ويتمغط ويسحب مثايل معه بيدها وهي ودها الأرض تنشق وتبلعها من تصرفاته : عن اذنكم بروح اريح قبل العصر
الكل ساكت وما عطاه مجال يتمادى عشان مثايل الي صار وجهها احمر
ويوم بعدوا شوي
مثايل : يوه سلطان حرام عليك صار وجهي حريقه كان رحت وانا الحقك بس كذا فشله
سلطان وهو يسحبها له ويضمها ويمشي ما سويت شي غلط زوجتي ومقدر انام وانتي مو جنبي والي له ريال عندي يجي ياخذه









يحس بصداع فضيع فجر راسه فتح عيونه وصار نور قوي ورجع يغمضها ويفتحها مره ثانيه شاف كراتين كثيرة وكبيرة وهو مربط على كرسي حاول يقوم بس الكرسي مثبت في الأرض صرخ بعلى صوت : يا حمير وينكم
مؤيد وهو يزقر زقايرة : صحى
بندر : نروح له
مؤيد : لا بكره
بندر : يعني بيجلس الليلة كذا
مؤيد : ناصر يقولي بيجي هو يتفاهم معه بكره حنا بس نخدمه
بندر : طيب وأهله
مؤيد : هشام رش عليهم وكثر واتوقع مراح يصحون الا الفجر او بكره وانت ابيك تروح للبنت وأمها وخلي هشام يجي معنا انا وهشام لابو سمر وعبد الحميد طلع يجيب العشا لنا

يعني يا مؤيد توزعني عشان ما اسمع وش ناصر بيقول لابو سمر ما عرفت بندر زين الي يبي بيسويه وانا اوريك
راح يمشي ولقى هشام عند الحريم الي عكس ابو سمر كانوا مربطينهم في ظهر بعض وطايحين بشكل يقطع القلب على الأرض
بندر وهو منرفز من طريقه هشام وهو يناظر وكيف مربطين
بندر : هشام روح مؤيد يبيك
هشام : الله ياخذ مؤيد وساعته وش يبي فيني
التفت بندر يدور شي يغطيهم به ويحط على الأقل تحت روسهم شي لقى بطانيه باليه مره ما همه اهم شي تستر أجسامهم وقرب لهم وأخذ قطعت كرتون وجا ورفع راس ام سمر وحطها تحتها وجا دور سمر وسوى نفس الحركه لكن حركته خلت يزعج سمر وحركت راسها بتأفف من هذا المزعج الي كدر علي نومي فتحت عيونها وطاحت بعيونه الكبار تحسب نفسها تتخيله رجعت تغمض وهو حس بمغص في بطنه وتنفسه صار قوي كأنها تستوعب الموقف فتحت عيونها بقوة وجت بتشهق بس هو سكر فمها
بندر وهو يقرب منها : ولا كلمه وسمعي كلامهم زين عشان ما يؤذونكم وانا معك لا تخافين
معقولة مباحث بس شكله حتى ولو المباحث لازم يغير بشكله طيب ليش ما بلغ كل هـ الأمور وهي تحاول قدر الأمكان دف يده
رفع يده وكلمه منها : من أنت
بندر وهو يحاول قدر الامكان ما يطالع عيونها لانه يحس يخون ربه ونفسه وأهل بيته : بندر
سمر والعبره بحلقها : وش تبون منا
بندر وهو يهز اكتافه بمعنى مدري
سمر بعصبيه وبغت تزعق بس هو اسرع منها وقفل فمها : لا تطولين صوتك مو ازين لك ترا بيأذونك
سمر بقهر وتدف يده للمره الثانية : وانت تبي تفهمني انك خايف علي
بندر : اكثر من نفسي
لكن تعب سمر ما همها طريقته وفجرتها : انت شرطي
فتح عيونه بصدمه ووما قدر ينطق بحرف
كملت اذا شرطي تكفى والي يسلمك نوت ترا قتلوا امها وابوها ويبونها
بندر : ما خفتي على ابوك وامك تخافين على صديقتك
سمر وهي تنزل راسها حست ان ما على وجهها غطا وتكلم واحد مو محرم لها : انا ما وراي شي ولا اهلي يبونه لكن نوت أكيد أن وراها شي مهم يدورونه
بندر بتفكير : طيب وشو هـ الشيء
سمر : لو درينا بلغنا من زمان بس المشكله ما عندنا اثبات او شي يدل على العصابه
بندر : وانتي الحين وثقتي فيني يوم عطيتيني الخيط والمخيط
سمر وهي تناظره بتفحص في الوقت الي هو منزل عيونه بالأرض : اتوقع انها كانت سهله لك في المره الاولى وما سويتها وسلوبك وطريقة بسترنا انا وامي تثبت لي
ورفع عينه وكل واحد منهم نزل عينه للأرض ما يبي يشوف الثاني يحس بمدى عظمة الشيء هذا وقف وكلمه طلعت منه : سامحيني
حست بحساس غريب أول مره تحس فيه لكن الموقف خلاها تمتنع من الانجراف في التفكير هذا
افف

الجزء الثاني والعشرون



هيف : يا هلا والله ومرحبا الله يرفع شانكم
ابو سلطان : وشلونك الحين
هيف : أبشرك الحمدلله هو بس قعدت السرير الي تضيق الصدر
سلطان بضحك : يابن الحلال احد يلقى القعده ويعيفها
ابو مثايل : هههههههههه لا حول ولا قوة الا بالله
ابو سلطان : تسنك تبي تجي بوزانه
" بوزانه بجواره غيوم "
سلطان : والله انها مهيب شينه
هيف : وش رايك اكسر رجلك ومنها تكون قعدتنا سوى
ابو سلطان : يا شين فالكم
هيف وهو وسلطان يطالعون بعض وكاتمين ضحكهم الشيبان ما عندهم مزح كل شي جدي
سلطان : يبه حنا نمزح
ابو سلطان : بتلقون ما تمزحون فيه غير الكسر والحكي الفاضي
ابو مثايل : طيب يا ولدي كم بتطول المده الي قاعدها على السرير
هيف : لا اقدر امشي على عكازه بس يبي لي يوم يومين عشان اريح جسمي بس
سلطان بجديه : لا تستعجل اصبر
هيف : ودي اروح وجي لو في البيت ترا كثر النوم تجيب ضيقة الصدر
ابو سلطان : يا ولدي احمد ربك والله ان به ناس لهم سنين وهم على سرير المستشفى وانت دكتور وعارف
الكل: الله يشفيهم





سعديه : نوت خلك شجاعه واطلعي شكلك حلو ومشاء الله
نوت : يا سعديه مقدر مقدر
سعديه : ترا لهم نصف ساعه جالسين بلحالهم جايبين حلويات وقهوتهم عشان زوجك
نوت : بس انا مراح اتم هنا كثير
سعدية : اقول بدى فعلا كلام الجنان امشي ومسكتها بيدها وسحبتها معها غصب
نوت دقات قلبها سريعه وتنفسها اقوى منحرجه وش بيكون ردت فعلهم







نوف : يمه والله ان جيتنا غلط
ام سلطان بعصبيه : ليتس ساكته
مثايل : ههههههههههه ويك طاح وجهك
نوف : اقول اها بس
ام مثايل : هم صادقين يا ام سلطان البنت ما طلعت علينا ترانا ما دقينا ولا عطيناهم خبر
تو ام سلطان بترد إلا نوت وسعديه داخلين
الكل أنصدم كان شكل نوت غير صح ما عندها مكياج إلا قلوس وبودره وقلم كلحها
ماخذتها من سمر يوم كانت تبي تلتقي مع هيف بالحديقة وشعرها مجعدته عشان مابه ستشوار بس طالعه مرتبه حيل لبس عادي كانت ام سلطان جايبته بس جسمها فيه جنان خطير مره بهدوء عكس رجفت يديها
نوت : السلام عليكم
الكل : وعليكم السلام
أقبلت على أم سلطان وحبت راسها تحت صدمتها حتى يوم قالت لها نوت شلونك ماردت عليها كانت شاكه البنت مهيب مجنونه والحين تأكدت بس ما بغت تتدخل تبي تشوف تاليها والبنات يوم شافوا كيف سلامها على امهم وقفوا عشان يسلمون عليها و سلمت على الجميع وجلست وهي تفرك يدينها بتوتر
نوت : ياهلا ومرحبا حياكم الله
ام سلطان تداركت نفسها : الله يبقيتس وشلونتس يمه
نوت وهي تحس بعبرة غصت بحلقها : الحمدلله طيبة
الصمت قاتل والمواضيع ضاعت ما درت وش تقول وشلون تبدا اكيد الكل يبي توضيح وش اسوي يا نوت اوضح وقول كل شي ولا ابين بعض الشيء وخلي باقيه
نوت : بروح وبجيب القهوه
ام مثايل : بسم الله عليتس يمه شوفي القهوه قدامتس
ابتسمت بحرج تبي تسوي شي تلقى موضوع تتكلم فيه البنات ناظروها وابتسموا يبون يهدون ارتباكها وهي خذت نفس قوي وتكلمت
نوت : اكيد مستغربين متوقعين تصرفات مجنونه
ام سلطان بابتسامة مره حكيمه وعاقلة : لا بالله مانيب مستغربه من شفتس يمه دريت ان الجنون في صوب وانتي في صوب
ابتسمت نوت لها وش كثر هـ الحرمه مريحه ومحترمه تمنى تضمها تبي تحس بحنان الام
نوف بضحكه : نوت بسالك بس بليز لا تشرهين علي اعتبريه فضول
نوت تبادلها الأبتسامه : تفضلي بالعكس
مثايل : بدى محقق كونان
ضحك الكل على كلمة مثايل
نوف : يعني أنني ما هتميت اقول مثايلوه لا تحطين نفسك مره معرسه وعاقل ترا مو لايق ابد
مثايل : ياشين دور الحماه عليتس اقول وش سوالتس اخلصي
نوف وهي تسوي حركات بيدها ما علينا : ممم مدري كيف اصيغ سؤالي صراحه بس انتي فعلا مثل ما قالت امي كنت تعانين من مره وتشافيتي او وش السالفه وضحكت لا تشرهين ما اعرف اصيغ جمل
ام سلطان تناظر بنتها ورجتها خافت انها احرجت نوت
نوت : هي سالفه طويله مره بس زبدتها اني مو مجنونه كانت لي اسبابي عشان ادعي الجنون
الكل تفاجا مهما كانت اسباب الشخص ما يدعي الجنون ما يتخلى عن مبادئه وخلاقه هذا وانتوا ما دريتوا انها كانت تمشي بدون عبايه . غيوم
ام سلطان : اجل ربي راضي على هيف يوم ربي رزقه ذا الوجه
ابتسمت نوت لها كانت ام مثايل ما تعرف نوت مره ماخذه بس دور المتفرج وهي ما تحب تتدخل في شي ما يعنيها في الوقت الي بياكل الفضول البنات إلا يبون يدرون بكل شي
نوف توشوش لمثايل : ما كون بنت مبارك اذا ماعرفت بس خلينا نجي يوم بدون العجز
مثايل بضحكه مسموعه : ياويلي على القافه
نوف وهي تقبصها : قصري صوتس فضحتينا شوفي تغمز بعينها يا ردي حظي اذا جينا البيت وش بتقول
نوت : تقهووا فناجيلكم ما شربت
نوف : الحين انفتحت نفوسنا للقهوه بشوفتس
نوت بضحكه : الله يسلمتس يارب
ام سلطان : متى تبدى إجازة ضحيه
مثايل : يمه تونا نقول يا هادي يا كريم
ام سلطان : لا أنا ناوين ذا السنه نخيم
نوف بحتاج : لا تكفوون يمه نسيتي
ام سلطان : عشانتس بتعرسين شهر ثنين
مثايل : ترا بديران دبل كبدنا كل شوي يأجل ذا العرس ما خلص مثلنا كلها في شهر ومشاء الله كل شي تمام
نوف : ياختي حنا راكدين مو مطيورين
ام سلطان : صيته امحق ابني ما عاد به سحى يتكلمن بالعرس يوه الي مهوب مثلنا لا جابوا طاري العرس ودنا الارض تنشق وتبلعنا وتركبنا حراره وانتن تفصختن
نوف : يمه خلوا المهايط زمانا وزمانا خلونا ساكتين قبل نطلع فضايحكم
ام سلطان : نويفه عيني خير قبل يجي علمن ثاني
مثايل : نوف خربتي الطلعه والله اني خاطري بالتخييم
ام سلطان : أي والله عاد بناخذ هيف ونوت معنا بخيمتهم
مثايل : يا سلاااام بتطلع جنان
نوف : حرام عليكم بسمر
مثايل : اخذي مداسيس ولبسي برقع ونظارات ماعلينا منتس نجلس عشان عرستس تبطين
نوف : يارب انكم ما تطلعون
مثايل : نوت ما عندكم ماء ارش بنت عمي على وجهها هي ودعاويها
نوت تبتسم ماعمرها خيمت في حياتها وفكره انها تروح معهم وهيف معها حسستها برجفه خفيفه وحساس حلووو
قطع عليهم صوت سعديه : نوت تعالي شوي
مشت نوت وطلعت تشوف سعديه وش تبي

نوت : هلا سعديه
سعديه : هيف يبي يكلمك بتلفون البيت
نوت مشت بسرعه اكيد يبي شي ضروري : هلا والله
كان يسولف معهم والجوال عند اذنه دقات قلبه زادت يوم سمع نبرت صوتها بس تكلم عكس المشاعر الي بقلبه : نوت ترا حلفت عليهم يتعشون عندي وكل شي طلبته من آدم بيجيبه من برى بس ابي احط عندك خبره
نوت : حياهم الله
هيف : يالله مع السلامه
نوت : الله يسلمك
شعور حلو معقوله هيف يعترف فيني كا زوجه او وش طرى عليه وهيف سرح شوي يبي يشوف وش كان ردت فعل أهل سلطان يتمنى يكلم سلطان ويقوله على الي في قلبه بس وجود الشيبان ما خلاه وسلطان حاس فيه وسمعه يوم يكلم نوت ونصدم وحب يستفسر بس الوقت هذا صعب








ابو سمر بعصبيه : يا كلاااااااااااااااااااااااااب احد يجي اتفاهم معه
مؤيد : هد هد اعصابك بكره التفاهم مو اليوم
ابو سمر : وش تبون خلصوني أكيد أهلي يحتروني
مؤيد : لا تخاف أهلك بالحفظ والصون
هنا خلا انفجر ابو سمر حس بشي غريب حرارة داخل صدره اتش : نعم وش تقول
مؤيد : اقول حرمتك وبنتك عندنا لا تزعجنا وتصارخ واذا جا المعزب بكره بيتفاهم معكم
ابو سمر : ما اصدق حقير مثلك خلني اشوفهم
مؤيد : احترم نفسك قبل تندم
ابو سمرر تردد عشان زوجته وبنته خاف ينشب معه وينقلب على اهله : طيب وش المطلوب مني الحين
مؤيد : تبلع صوتك وتخليه داخل فمك لحد ما يجي بكره
ابو سمر : طيب ابي اشوف اهلي
مؤيد : ممنوع ما تشوفهم الحين
ابو سمر بخوف : وينهم الحين
مؤيد : مثل ما قلت لك لا تخاف بالحفظ والصون واذا تعاونت معنا مراح يضرهم حاجة
وكمل تبي حاجه مويه اكل
ابو سمر في نفسه من له نفس ياكل

مشئ مؤيد رايح لبندر جهت ام سمر وبنتها كانت الام وقتها ترجف عليها حراره هشام كثر كمية البخاخ وسبب لها الم في حلقها كانه بداية زكام ورتفعت حرارتها سمر تحس بحرارة جسم امها
سمر بخوف : امي امي
بندر وهو كان يقرا شي بجواله ومعطيهم ظهره كلمها وهو نفس وضعيته : وش فيها
سمر : امي مريضه تكفى امي مريضه
هنا بندر ارتجف كلمه تكفى صعبه وخاصه من انسان غالي قرب منهم وش فيها
هنا دخل مؤيد : وش في اصواتكم
طالعته سمر وحست بخوف كان مؤيد الحريم اخر شي يهمه كان اكثر شي يهمه ياخذا اكثر كميه من الفلوس ويسافر لجده عند أهله يبي يسدد ديونه ويرجع لهله ويحل ضروفه
سمر وهي ما همها مؤيد : امي والله لو يجيها شي ما أسامحكم
بندر : مؤيد الحرمه تعبانه
مؤيد : واذا تعبانه وش تبيني اسوي
بندر : خلنا نجيب دكتور
مؤيد : انت تخرف تبي دكتور يشوف سواد وجيهنا ويروح يبلغ عنا
بندر : طيب تبيها تموت
هنا بكت سمر لا إلا طاري الموت
ارتبك بندر يوم شاف بكيها
بندر : طيب انا باخذها لدكتور
مؤيد بعصبيه : بندر تعتب شبر الكلام يوصل لناصر وشوف وقتها وش بيصير عليك
وطلع ما كأن فيه انسانه تحتاج مساعده وين الرحمه
قرب بندر ما عاد اهتم بالحاجز الي حطه بينهم فك ام سمر وخلى بس سمر هي الي مربوطه قرب كرتون وسحب الفراش من تحت سمر وحطه تحت ظهرها عشان يسندها شاف حراره جسمها مرتفعه اخذ جواله واتصل كان قريب من سمر كانت تشوف كل حركه يسويها
بندر بعصبيه وصوت واطي : سعد
سعد : بندر منتب صاحي انا ما قلت لك لا تتصل انت عارف انكم مراقبين
بندر : سعد اسمعني زين الحرمه مريضه
سعد : طيب تصرف انت
بندر : كيف اتصرف
سعد : بندر وش فيك انت افضل واحد عندنا يعطي الحلول مدري وش صار عليك
روح لقرب صيدليه وجيب أي مسكن هي وش فيها بالضبط
بندر بتوتر : مرتفعه حرارتها
سعد : جيب مضاد وانتهينا
قطع عليه المكالمه صوت مؤيد : من تكلم
سكر بندر التلفون ومسك نفسه زين عشان مايبين توتره : اكلم الصيدليه وشوف وش يوصيني فيه
مؤيد : خلاص حليتها روح وجيب لها سم تتسمم فيه
سمر كان مؤيد قاهرها تتمنى لو معها مسدس وتفرغها بصدره شجاعه جتها ومايندرى فعلا تقدر تسويها او لا
راح مؤيد وبندر وقف عشان يروح لصيدليه لكن توقف وكانه انتبه والتفت عليها وهي دنقت ماتبي تطالع في عيونه وهو ارتبك من حركتها : تبين شي
سمر بتردد : أي أي شي يسترني
بندر : ان شاء الله وشي ثاني
سمر تهز راسها كانه يطالعه وهو منزل عيونه تاخرت عليه ورجع يكلمها من جديد : هاه تبون شي
ارتبكت سمر : هاه قلت لا
ابتسم بندر ما قالت وطلع وخلاها
راح بسرعه لصيدليه اخذ مضاد وحبوب للحمى وبنادول للحاجه ومشى لمحل وحتار ما يعرف وش حاجات الحريم
بندر : وين القى عبايات
راعي المحل : بالسوق مو هنا
بندر استحى السوق بعيد وما يقدر يشرح راعي المحل وعلى طول طرى عليه يوم شاف سجاده ومعها جلال بنفس الوقت
كان محل بسيط يعرض معروضات بسيطه
بندر : طيب عطني ثنتين من الأطقم هذي وشاف فرشه خفيفه خذاها وطلع بسرعه خاف يتاخر على مؤيد ومر البقاله وشرى مويه وعصيرات وشبسات كبار ولوزين بالجبن اسرع شي وطلع
مشى لهم وفرش الفرشه وجا يبي يشيل ام سمر تكلمت سمر
سمر : بندر فكني انا بهتم بمي
ارتجف بندر حلو كلمه بندر منها مو قته يا بندر حاول تسيطر على نفسك قرب منها ويبي يفكها بسرعه ومرتبك لا تصك يده بيدها مو الحين ابي كل شي حلال عشان ربي يتمم لي على خير فكه بسرعة و دفاشه وهي منحرجه بس ماتبي تبين حط الأغراض وعطاهم ظهره وجلس اخذ له عصير وقعد يشرب
وهي قربت من امها صعب عليها تسحبها بلحالها بس لو تموت ما طلبت منه قربت الفرشه اسهل لها ودفت امها شوي وصارت توشوش لمها يمه رتفعي شوي وصارت امها تساعدها وقفت وراحت للكيسه وطلعت المضاد والمويه وشربتها وخذت حبه وعطت امها وشربتها مويه وشافت الأغراض وفي نفسها من جده يبيني اكل قدامه
وقف بندر وطلع يبيها تاخذ راحتها



مؤيد : طلعت وتركتهم
بندر بعصبيه : تراهم حريم والبوابه عندها حارس خلهم ارحم انت ما تعرف ترحم




نوت اول مره تستمتع بحياتها كانت جلستها مع البنات غير ردت الروح فيها راحت ترتب الإغراض مع سعديه وتنظف وسعديه تحلف عليها تروح
سعديه : روحي لزوجك يمكن الحين محتاج شي
نوت : خليني اساعدك تنظفين بلحالك
سعديه : روحي هذي شغلتي
طلعت نوت ترددت تدخل عليه كذا او تروح تغير بس جا عنده فضول تدخل عليه بشكلها تبي تشوف ردت فعله
كان سرحان ودخلت وتندمت انها ماغيرت وش بيكون تفكيره الحين بيقول جايه بالتيور الضيق عشان تفتني
طالعها ابتسم لها وهي خلاص فكرت انه يمكن يضحك عليها بس هو كان اسرع منها
هيف : تدرين اني كل الوقت افكر فيك
طالعته بصدمة وهو انحرج فهم تغيرها وكمل : كنت ابي اشوف ردت فعلهم يوم دروا
نوت بابتسامة له : تدري عاد انهم عارفين من زمان
كانت جالسه في مكان سلطان كرسي قريب منه بس هو كان يبيها تقرب منه وتجلس على السرير تلخبط ما درى وش قالت وافكاره وين راحت
نوت بستغراب وش فيك
هيف : ابي ماء
نوت راحت تصب له
هيف : أي وش قالوا
نوت : ابد تقول ام سلطان اني عارفه من زمان
ابتسم هيف : خطيره ام سلطان
ابتسمت نوت : رهيبه مره وقربت منه ومدت الكاس له
ناظرها : تبيني اشرب باليسار افا
ضحكت نوت : الظاهر اعجبك اني أكلك قالتها بعفويه وتندمت ياربي وش فيني
هيف : خليني اتدلع ولا ما يحق لي
نوت : هههه الله حتى انتوا يا رجال تبون التدليع
هيف : ليه ماعندنا مشاعر
نوت : مدري احس انكم جفسين
هيف : هههههههه عطيني المويه يا الناعمه
قربت منه وشربته ريحتها دوخته أي هذا ريحة العطر الي بختها هذاك اليوم وقفت يوم خلص هو يشرب ويخاف يشرق مسك يدها ناظرته بستغراب وحراج
هيف : اجلسي قريب مني ترا ابي اسولف وانا دايم ارقد متاخر
فسح لها مجال وجلست قريب منه وهو يطالعها من فوق لتحت وحمر وجهها وضح عليها
وحب يفتح حوار بينهم
هيف : نوت كلميني عن ابوك
نوت : ابوي توفى من قبل لا أولد كان معه الدكتوراه في علم الفيزياء
هيف : الله كنت اتوقع انه داعيه
نوت : وهو داعيه طيب الدكتور يصير داعيه ما تعرف عبد المحسن الاحمد وخالد الجبير مو دكاتره ودعاه بنفس الوقت
هيف : صحيح كملي
نوت : وانت تعرف كيف طريقة موته
هيف : بس موته حادث
نوت : بفعل فاعل
هيف : طيب ابوك وش اسمه الكامل
نوت : محمد ياسر
هيف : لا تقولين من جدك
نوت : وش فيك
هيف : هذا صديق ابوي الروح بروح وشريكه وكان ماسك بعض اعمال الوالد
نوت بابتسامه : الله يرحمهم يعني طلعنا معرفه
هيف : سبحان الله تدرين عاد بشي خطير
نوت : وشو
هيف : ترا محد قالي ان ابوك متزوج وان له ذريه فلوسه متراكمه عندنا كنا بنسلمها للدوله عشان ماله وريث
نوت : لا كان عطيتها جمعيات خيريه وبعدين كيف صديق ابوك وما تعرف اذا متزوج او لا
هيف : يمكن ابو مات قبله بس الي اعرفه انه صديق ابوي ومدري يمكن تشابه اسماء اذا جا بكره بخلي آدم يطلع الأوراق
نوت : ماتهمني الفلوس كثر ما يهمني من سبب موت ابوي
هيف : كل شي بيبان
وطالعها كانت تفكر في ابوها امها حياتها سرحت بعالم اهلها في الوقت الي هيف يناظرها مره وعجب فيها و لأول مره بحياته عدل جلسته وقرب منها نبها حركته وجهه صار قريب من وجهها خلاص ما يقدر ما عاد يقدر يقاوم قرب منها وباسها نوت نصدمت حاول تتحرك بس هو مسك يدها عشان ما تقوم وقربها لصدره بيده اليسار وحط راسه عند رقبتها هي عجبها ودها تدفن نفسها بصدره بس الحيا ذبحها وهو شعور حلو وده ما يصحى منه
هيف بصوت مبحوح : ربي رحمك اني مكسر
حمر وجهها وهو ضحك عليها

وقامت وطلعت على ضحكه العالي اوف ياربي ابي هوا احس الاكسجين خلص
نوت : فديت روووووووووحك

الجزء الثالث والعشرون


دخلت بهدوء كل ملابسها تراب من كثر اللعب هي وشهوده كانت تدور على امها قبل حتى ما تتروش كلام سعد خوفها تبي تتأكد بنفسها
فتون بصوت شبه واطي ومها نايمه على السرير ومعطيتها ظهرها : يمه نايمه
كان تنفس امها هو الرد الوحيد آهـ يمه الله يستر ليكون إحساسي صدق ليه يمه هنت عليك


وخري وخري بسرعه
فتون : بسم الله الرحمن الرحيم ترا النت مو طاير شوي شوي
خالد : اسكتي العيال صجوني يقول تعال فيه بنت مراح يقدر عليها إلا أنت
فتون وهي تكلم نفسها بعد ما خالد تركها : الله يستر على بنات خلق الله وش يبن بالدردشه الله يعينها وش بيسوي فيها خويلد


خالد وهو ما سك سماعه الجوال ومقربه من أذنه :هاه رشود وش النك نيم تبعها
راشد : بسم الله عليك امداك توصل
خالد : بسرعه بس قولي
راشد :عفوية و شفايفي ورديه
خالد : هههههههههه اقص يدي لو براطمها مو سود بس
راشد : تعال تفرج هي ويا قروبها وش يقولون بس
خالد : شوف انا بغير اسمي اليوم اصبر بس
راشد : وش تبي تسمي نفسك
خالد : راح تشوفه
دخل بنك آحســ شاعر ـاس
آحســ شاعر ـاس : السلام عليكم
كانوا مجموعه بنات اربع عفوية و شفايفي ورديه ,, حلوه ويحق لي ,, ملكة الليل ,, ابعد وخليني مالك شغل فيني ,,

الكل رد عليه السلام
وطبعا نك راشد : الزعيم
آحســ شاعر ـاس : كيف الحلوين بس والشينين لا يردون
طبعا البنات بكل غنج
عفوية و شفايفي ورديه : منيحه بنسلم عليك
حلوه ويحق لي : وش هـ النك نيم الي يخقكك
ملكة الليل : كيفك احساس
ابعد وخليني : خلونا منه بس هاه وش قررتوا وين نروح بكره
انقهر خالد منها عشانها ما عبر ته وحب يقهرها
آحســ شاعر ـاس : كيفك عفويه يا لبيه يا الشفايف
عفوية و شفايفي ورديه : بليز خف علي حمرت خدودي
آحســ شاعر ـاس : لا انتي خفي علي بتخليني اروح لماما تدور لي عروس
البنات : ههههههههههههههههههههههههه
عفوية و شفايفي ورديه : عروس ليش انتا طلعت من البيضه عشان تتزوج يا قلب ماما
الزعيم : احساس البنت هزءتك هاع
آحســ شاعر ـاس : اصبر يا زعيم نشوف الكرت الأخير من يطيح عليه ايوه تقولين لسى ما طلعت من البيضه تبين تعرفين انا طلعت من البيضه او لا
عفوية و شفايفي ورديه : ما يهمني اعرف وانت بكبرك ما تهمني
آحســ شاعر ـاس : اوكي اوكي ريلاكس ليش عصبتي يا قلب ماما
عفوية و شفايفي ورديه : ما عصبت وش تبا بس
آحســ شاعر ـاس : ليش طيب تدخلين
عفوية و شفايفي ورديه : ليش هو ملك ابوك
خالد يكلم رشود : اسمع راشد انا اعرف النوعيه خلني اسولف معك وطنشهم وتشوف لو ما تحتك فيني ما اكون ولد ابوي
آحســ شاعر ـاس : هاه الزعيم اخبارك وين رحت وين جيت
الزعيم : ابد كنت قبل شوي مع طلال نلعب كوره
آحســ شاعر ـاس : افا ما تصلتوا علي
عفوية و شفايفي ورديه : ياشين التزلق
الزعيم : هههههه احساس والله انك صادق ما قلت انك طالع تتمشى مع الأهل
آحســ شاعر ـاس : أي والله طلعنا جو شي على كيف كيفك تدري الزعيم عندي شي عجيب بقوله لك راح تنصدم منه
البنات كانوا يسولفون والشباب ما عبروهم حبت عفويه تدخل عرض
عفوية و شفايفي ورديه : الزعيم لا تصدقه يمكن يبي يورطك
آحســ شاعر ـاس : جينا للجد والجد جا لنا اقول يام براطم سود احد جا يمك احد كلمك احد احتك فيك انتي وش دخلك برا اشوف
عفوية و شفايفي ورديه : مراح اطلع وش دخلك فيني
آحســ شاعر ـاس : ضفي وجهك داخله شات اهلك ما عرفوا يربونك تكلمين فلان وعلان وقالت شفايفي ورديه قالت روحي شوفي المرايه ا ذا مو سود قابليني
عفوية وشفايفي ورديه : انت قليل ادب مو متربي
آحســ شاعر ـاس : ياي اقول روحي يالمتربيه بس لا اشوف خلقتك بالشات وريتك الشغل ورب البيت لا ادخل على جهازك
الزعيم يرفع له : هههههههههههههههههههههههههههه شوي شوي على احساسها حطمته
آحســ شاعر ـاس : مايعرفن الاحساس شوي تغير النك نيم وترجع تدور لها ولد تكلمه
عفوية وشفايفي ورديه : بنات امشوا نتكلم بالماسنجر افضل من الحـ ذولي
آحســ شاعر ـاس : اقول اقلبي وجهك بس
الزعيم : خويلد رحمتهم والله
آحســ شاعر ـاس : يماما خلهم ما يدخلون وش يبون مكان قذر وما يجتمع فيه الا الي يبي صيدات مثلهم وش فيها لو جالسات على المسن ويكلمن بعض مو افضل
خالد : ماعلينا اقول انا بروح اشوف منتدى الزعيم بشيك على مواضيعي اذا شفت بنت دخلت بنك زي وجهها علمني




ما قدرت سمر تنام وين تنام وصوت ونين امها تسمعه
سمر بخوف : يمه يمه ردي علي
ام سمر بصوت فيه همهمه : هم
سمر : يمه تبين اكل
ام سمر : لا
كان بندر طول الوقت برى ودخل يبي يشوفهم محتاجين شي
بندر : وش اخبارها الحين
سمر والعبره خانقتها ويا الله يقدر يطلع صوتها : تعبانه مره تكفى بندر طلعنا من هنا خلنا نروح
بندر : مقدر والله
سمر وهي خلاص ماعاد قدرت تصبر اكثر من كذا وببكي : تكفى تكفى والله لو يصير لامي شي ما اسامحكم والله وش تبون قولي وانا اريحكم
بندر :انتوا ما يبونكم يبون نوت
سمر : طيب وش يبون في نوت
بندر : يبون اوراق مهمه عشان يتوصلون لشي مهم
مؤيد : وانت وش عرفك
التفت بندر بخوف وبصدمه سمعه مؤيد
مؤيد : بندر وش عرفك انهم يبحثون عن اوراق انت تعرف انا نبحث عن نوت مو اوراق وش دراك قولي
بندر يحاول يصرف : شي بديهي نوت وش تبون منها اكيد تبون شي من وراها
مؤيد : طيب ليش قلت اوراق
بندر : توقعت انها اوراق تتوقع يعني فلوس يمكن مستندات او شي
مؤيد : ما ادري عنك بس قلبي مو مطمن
بندر : مؤيد وش فيك انت ترا انا على اعصابي يكفي الحرمه المريضه الي لو يجيها شي راح نروح فيها يحاول يصرف الموضوع
مؤيد : هذي كلها زكام وحمى حطوا على راسها فوطه فيها مويه عشان تنخفظ الحرارة شغل مخك او شفت البنت وضاعت اعلومك
سمر ارتبكت وبندر انحرج من كلمه وطنشه ولا رد عليه وطلع مؤيد وتركه
وبندر قرب من سمر : وش رايك تحطين عليها كمادات بارده
سمر : طيب مافيه مويه بارده
بندر : فيه مويه برى بارده
وطلع وجاب كاس فيه مويه وحتار مافيه فوطى
سمر : عادي بحط شوي من الجلال وش اسوي
ناظر بندر فيها كانت لافه الجلال عليها ومغطيها بجزء منه وجهها وماخذه شوي من طرف جلال امها وحطت فيه مويه بارده وحطته على راسها قرب اكثر وارتاح لانها متستره
سمر وهي تطالعه : انا ادري وين الأوراق
طالعها بندر : من جدك
سمر : بس أسألك بالله تسلمها للشرطه
بندر بصوت واطي : وش عرفك فيها
سمر : لان خالتي بسمه ذكرتها في مذكراتها
بندر : طيب وينها فيه
سمر : تحت السدره
بندر بفرحه : خلاص اتوقع المشكله انحلت
: ريحتنا والله وانحلت
بندر بشهقة : من أنت
.: مو لازم تعرفني اشكرك دليتيني على اهم شي بحياتي
سمر بخوف : طيب عرفت امنتك الله اهلي ما يصير عليهم شي ونوت
: للاسف كلكم بنسفكم نوت يمكن ما اقرب لها لانها ما صارت تهمني الحين حتى الجهاز ما صار يهمني اهم شي عندي الحين المخطط لانهم قادرين على اختراعه من جديد
وانت وهو يأشر على بندر : خل هـ الحلوه تنفعك يا بندر او اقول يا ضابط ههههههههههههههه ضحكه ملى المكان كله
بندر : اضحك يا فهد لا تتوقع انك راح تنجى من تصرفك
فهد : مؤيد اخذ الجوال منه وربطه ورمه على ابو سمر خله يجلس معهم خلاص ماعاد يهموني خلني احصل على المخطط وخلاص وتنتهي كل مشاكلي
طلع وتركهم طلع لناصر ولعبد الحميد وهشام متجهين لبيت الداعيه محمد عشان ياخذون المخطط الي مخبى تحت السدره
قعد مؤيد يربط بندر وسمر طول الوقت تدعي الله وتحاول ما تبكي الله هو الوحيد القادر على نصرتهم هم المستجيب للملهوف هو الي بيفرج كربتهم يارب يارب يارب
بندر وهو يستحقر مؤيد : ايوى بيع بيع دينك وطنك مثل فهد
مؤيد : أي وطن هذا الي تقول عنه حتى لقمة الاكل ما وفرها لنا
بندر: والنعمه الي عايشين فيها ليش ما درست ليش ما جتهدت وعملت بكسب يمينك
مؤيد : كلامك ما يأكل عيش امي تحتاج كل شهر الف ريال من غير المصروف من غير الهموم الي على راسي والبيت والاجار وتقولي أمثال وعبر
بندر : صدقني مراح تنجون بفعلتكم
مؤيد : انطم ولا تتكلم
بندر وهو يناظر سمر : سامحيني يا سمر ادري كنتي متأمله فيني
سمر بصوت يرجف : ربي معنا وبيفرج همنا
خوف دب في قلب مؤيد شعور اول مره يمر عليه قتل نهب لكن كلمتها هزته شاف انها واثقه من كلامها ليش الثقه هذي كلها
سحب بندر ودفه على ابو سمر الي كان جالس بالغرفه والقهر ياكله اكل
طاح بندر عند رجول ابو سمر الي كان مربط على كرسي مثبت في الأرض
ناظر بندر في أبو سمر اخيرا التقوا
نظرات متبادله مابين خجل وستغراب بندر خجلان من شكله كذا قدامه وابو سمر مستغرب وجود الانسان هذا قدامه
بندر بهدوء : السلام عليكم
ابو سمر : وعليكم السلام
بندر : وش اخبارك الحين
ابو سمر بنزعاج : زي ما تشوف رجال ومربط محبوس مقيد والقهر ياكل قلبه اكل
بندر : بيفرجها ربك
ابو سمر : وانت وش قصتك
بندر بضحكه في غير وقتها : معك بندر . مباحث أمن عام
ترا كل عائلتي مدنيين مالي في المجال العسكري عشان كذا ما اعرف الرتب غيوم يعني سامحوني
ابو سمر : ولا تقول كشفوك
بندر : مثل ما انت شايف
ابو سمر : لا حول ولاقوة الا بالله الحين نفسي ادري وش يبون من نوت كل البحث عليها ودي ادري
بندر : يدورون اختراع
ابو سمر بشهقة : اختراع
بندر : أي المرحوم الله يرحمه اخترع جهاز وصديقة الصدوق سرقة منه
ابو سمر : لا تقول فهد
بندر : تعرفه
ابو سمر : شفته قبل لا يموت محمد وبعدين كان في موته عنده دوره برى المملكه ورجع وانقطعت أخباره
بندر : تدري ان الي اسمه فهد كنا شاكين فيه وما تأكدنا والحين يوم عرفت وكنا نبي الأوراق عرفوا عني وخذا جوالي وسعد اكيد بيتباطى مكالمتي وبيعرف ان شي صار
ابو سمر : طيب ما تدري وش صار على بنتي وزوجتي
ارتبك بندر خاف ابو سمر يكتشف بذرة الحب الي بدت تكبر في قلب بندر من ناحية سمر ورد بصوت خشن شوي ومتحشرج : بخير توي كنت قبل شوي عندهم ما قاله عن حالة ام سمر ما حب يزيد همه هم







هيف عجز يجيه النوم يبيها يبي قربها وهي راحت وما عاد رجعت خلاص مو قادر يحس انه محتاج لها محتاج وجودها بحياته لازم اروح لها بس وش بتقول عني واخيرا تذكر ان سعديه تنام عندها
هيف : اوف حسبي الله على الشيطان وش بيكون موقفي لو رحت وقطع عليه التفكير صوت الجوال كان الوقت متأخر تالي الليل
شاف سلطان متصل عليه
هيف بخوف : هلا سلطان وش فيك
سلطان : بسم الله عليك مافيني شي بس حبيت اسولف معك
هيف : جيب من الآخر ترا عشرة عمر مو يوم او يومين
سلطان : ادري خابزني وعاجني شوف انت كنت تبي تقولي شي صح
هيف : صحين
سلطان : يالله قول ما قدرت انام احس عندك مصايب
هيف : احلى مصايب
سلطان : ياهوه وش السالفه
هيف : مراح تصدق ولا يطرى على بالك وقص عليه كل شي وطبعا بعض التفاصيل الخاصة ما قالها
سلطان : الله كل هذا يطلع من ام كشه
هيف : خير ما اسمح لك
سلطان : طيب هذا وعرفنا انها مهيب مجنونه وعصابه وخرابيط كني اتابع فلم على سبيس تون مو ام بي سي تو وش بعد
هيف : كيف وش بعد
سلطان : تقول احلى مصيبه شكلك طحت ولا احد سمى عليك وبتصير خروف رقم 2
هيف : هههههههههههههههه تتذكر
سلطان : أي اتذكر أي مسبه تقولها ما انساها ولا تصرف الموضوع انت تحبها
دق قلب هيف سلطان ما عنده لف ودوران هيف اول مره يحب بحياته ومستحي من الاعتراف بحبه غمض عيونه وما رد
سلطان : وين رحت
هيف وهو مزال مغمض : ماني معك وش تقول
سلطان : اقول تحب نوت
هيف حس بشوي غيره لانه نطق اسمها : أي احب ام سعود
سلطان : الله صارت ام سعود وقول ليش امي تقول عسى نوت ما تنام مع هيف والله ما يجبر عظمه اثاري العجوز داريه وعارفتن الولد عايش بالعسل ومخرب علي عرسي وشهر العسل
هيف وهو يضحك وبنفس الوقت منقهر هو مذاق العسل عشان يحسده سلطان بس مستحيل يعلم سلطان : اقول وين مثايل عنك
سلطان : أي صرفني اجل المدام جنبك اسمه هيف ترا العجز يقول امتنع عن الحرمه ترا ما يبرى الكسر
هيف : وش الخرابيط هذي
سلطان : خرابيط برابيط اهم شي لا تنكسر يدك الثانية بس وكمل بضحك هههههههههه بروح لزوجتي حبيبتي تنتظرني على فراش حبنا
هيف وهو ولع من سلطان : ياخي انت ما تستحي
سلطان : هههههههه آهـ بس يا حلو الحب بس ويا حلو شهده وعسله وكل شي
صك هيف من سلطان وهو منقهر منه سلطان كل شي عنده فري وعادي يتكلم في الوقت الي هيف يستحي يصرحه بمشاعره ابتسم يوم تذكر كيف حمر وجهها يوم باسها رجع يتذكر كل الموقف آه يا هيف ارقد الظاهر ان مالك الا مخدتك ونيس








ام بندر : بسم الله الرحمن الرحيم شكلك ما رقدتي
فتون : ما جاني نوم وعندي شي بقوله لك
ام بندر : قولي
فتون : يمه سعد ليش ما تزوج يوم ماتت زوجته
ام بندر وهي تناظرها تعرف بنتها ذكيه وتبي تلقى رد وطلع معها : من قال ما اعرس الا أعرس
هنا قلب فتون دق هي صح قعدت طول الليل تفكر وتحلل وتخيل سعد زوج لها شكله ورزته يكفي بس انها تصير مخدوعه ما ترضاه لنفسها وقلبها اجاعها على طاري عرسه كيف معرس معقولة كل تفكيري غلط : معرس
ام بندر وهي تروح للمغاسل عشان تتوضى وخلت فتون واقفة بس فتون ركضت وراها : وين زوجته طيب ما اشوفها
ام بندر : عشانها عند اهلها
فتون : من هي طيب
ام بندر وهي تطالعها : وانتي ليش تنشدين وش عندتس
فتون : بس فضول
ام بندر : تراتس بنتي وعرفتس
فتون : خلاص قولي منهي
ام بندر قالتها ببرود : انتي
فتون حست بفرحه بس بنفس الوقت : يمه تمزحين
ام بندر : ما امزح ولا شي يوم ماتت زوجته قلت ابشر بالعوض وانتي العوض وسعد ينشرى
فتون : ليه يمه ليه
ام بندر : اقول خلي عني خريط البنات سعد كلن يبيه وش عندتس ماتبينه
فتون : يمه والله والله ما اخذه
ام بندر : قدتس زوجته
فتون : بكيفكم لكن زواج منه والله ان اتطلق منه يمه تبعيني له
ام بندر : روحي هو الحين بغاتس ولا جا ياخذتس مزوجينتس من15 ولهلحين عندنا
فتون بصدمه : يمه ليه تسوين فيني كذا
ام بندر : لوني بايعتس راعي خمر و مخدرات ازعلي وطقي راستس بالجدار اما سعد ضابط ورجال ينشد فيه الظهر تعفينه انطقي في البيت مالتس الا اهو رضيتي ولا عييتي
فتون : اقسم لك بالله ما اخذه اذا اعناد والله لا اعاند خلو بندر يجي وتشوفون وش بسوي







كان نايم وغاط في النوم غريبة الساعه 11 الصبح بالعاده ما يطول في النوم وآدم جاب ظرف مقفل من بدري وهي مستحيه تقومه عشان يفطر تشوفه من جد شكله مرهق وغاط بالنوم عجبه شكله وتذكرت الي صار وحمر وجهها وطلعت وتركته

الجزء الرابع والعشرون



بصرخه هزت المكان كله : لاااااااااااااااااااااااا مستحيل الله يلـعـ الله لا يبارك فيكم مسك راسه جلس على الأرض شوي ويبكي مستحيل لا يازفت انت وياه اقلبوا البيت فوق تحت
من الخوف راحوا يركضون هم فتشوا قبل والحين فتشوا وهوا ما لقى الا صندوق وفيه ورق مذكرات وخرابيط وكلام موجه للنوت بس السر الي يبيه المخطط مو فيها وين بيكون وهنا طرى عليه يمكن بالشركة فعلا بس لو بالشركه عرف عنه هيف والكل راح يعرف وينشر هـ الأختراع الخطير ليش التكتم الحين وش يسوي الضغط عليه من كل جهة من برى الديرة ومن جوى الشرطه عرفت وتراقبه وهو الحين من ربكته دخل في متاهات في غنى عنها والحين مو خمسين لا واحد بالميه الكل عارف عن بندر واكيد الشرطه بتفقده وهو ما حصل لا حق ولا باطل وضاعت احلامه وتبخرت وحياة لمى في خطر ذولي مثله ما يرحمون مجرمين ارهابيين راحوا ينفذون أي شي ليش ما يقولهم ويريح نفسه ليه ما يعلمهم بالتفاصيل ليش ما يقولهم انه ضيع المخطط وان الوريثه الوحيده زوجة المساهم الأول في أنتاج الأختراع ويفك عمره بس يعرف ذولي راح يقتلونه ومراح يهمهم شي راح يدمرونه طيب اقول للشرطه ابلغهم أو أخذ بنتي وزوجتي وسافر للخارج في مكان مراح يعرفني فيه احد بس حصة نجسه مراح تسافر معي ومراح تخلي لمى تروح معي وبنتي مقدر اخليها هي بكيفها لو ياخذونها ما همتني لكن لمى مستحيل اخليها راح يتوصلون لها بسرعه انا وش سويت أنا فتحت علي باب من أبواب جهنم بديت ولا عرفت ارجع الحل الحل وش الحل يا فهد مقدر اتم هنا باخذ لمى وبدون علم حصة وبسافر خلاص معي فلوس تكفيني وببدى باي تجارة خارج المملكة بروح لقطر أنسب مكان لي مراح أحد يشك فيني ابد ابد والباقين يلتعنون ما هموني

على وين يا فهد دمرت العالم دمرت ناس بريئين و تبي تطلع منها بسهولة قتلت ونهبت وتبي تطلع دخلت يهود على ديرتنا خليتهم يسرقون اختراعاتنا ولا همك لا دينك ولا وطنك وين النخوه وين الخوف من الله أنحاش روح لأخر العالم لكن الله يدري وين أنت يعرف مكانك الحين بتخلي المواجهة بين يهودي ما يعرف الله وبين ناس بريئين مالهم ذنب ناس ما ترحم تقتل تفجر وفي الأخير تحط الذنب على المسلمين
أفكار فهد بيطلع من الحدود السعودية بيطلع طبعا تهريب عشان اسمه ما ينذكر في الجوازات ويبدى حياه جديدة بس كيف يسحب فلوسه من البنك بدون محد يشك فيه بيسحبها وبياخذ لمى وبيرحون عن الطريق البري وبيخلي ناصر في وجه المدفع يقابل الشركه المنتجة اليهودية الي تدعم سرائيل بأرباحها سنويا وانا مالقيت إلا الشركه هذي والله اني خبل اليهود يبون يصلون للي يبون ما يهمهم يقتلون ينهبون علم نفسك ابد انت نفسهم ما تفرق عنهم


ناصر : هاه وش نسوي الحين
كان فهد يخطط وينفذ وما سمع ناصر
ناصر راحت كل الكلمات الأحترامية يا طويل العمر سم لبيه ما بقى : فهد وش بنسوي
انتبه فهد للهجة الغريبة الي تكلم فيها ناصر : وش فيك معصب تعال طقني
ناصر : الحين وش نسوي حنا في مصيبه انت عارف انهم موجودين بالسعوديه
فهد : قنبلة تاخذهم واذا صاروا هنا ماهموني
ناصر : وين تهديدهم للمى ما خوفك
فهد يغير السالفه : خلاص بروح انا واعتبرني انسحبت من المسألة هذي كلها
ناصر : من جدك والعالم الي في المصنع
فهد خلوهم ترى الشرطه الحين مراقبين المكان
ناصر : اذا مراقبين المكان اكيد انهم ورانا الحين
فهد : لا حنا سوينا خدعه سهلة وبسيطه وقنا سيارات برى ونزلنا ومشت السيارات طبعا واكيد الشرطه لحقت الي مشت وانا طلعت من البوابه الثانية عن طريق سيارة المصنع ولقيتهم مجهزين لي سيارتي
ناصر : طيب وانا وش بيصير علي
فهد : وش بيصير
ناصر : يا فهد نسيت الي طبخنا سوى نسيت مقتل محمد وزوجته بنروح مرقة
فهد : دبر نفسك انا بدبر نفسي
ناصر وين ادبر عمري وين اروح
فهد : ليه قالولك ابوك ولا امك دبر نفسك
ناصر : والله يا فهد اني معك مثل ما ورطتني انت تطلعني
فهد مو ناقص طلع المسدس بهدوء اعصاب ضرب ناصر كم ضربه بصدره وناصر فتح عيونه وما امداه يسوي أي حركه بس شهقة طلعت منه ما توقع فهد يخون فيه
فهد وهو يمشي على ناصر ويتعداه : ذبحت محمد ويسواك وتجي انت توقف في طريقي
صار الدم يطلع من ناصر من فمه اذنه خلاص انتهى بغدر من صديقة والي تشارك هو وياه والي نفذ كل خططه عشان وسخ دنيا ذبحه بكل سهولة وراح

الحاره سمعت طلق نار بس محد انتبه ولا اهتم يمكن أي احد يصيد حمام راح ناصر وفهد للسدرة بلحالهم عشان يطلعون المخطط وبانين خطط وما درا ناصر أن الموت أسرع من خططه وفهد وش مصيرة وش نهايته معقولة ينجى معقولة يفلت حتى لو نجى وين ينجى من عدالة رب العالمين



بصوت واطي : لمى بسرعه قومي
لمى مفزوعه : يبه وش فيك
فهد : قومي معي بسرعه ابيك ضروري
قامت ومسك يدها وصار يركض فيها ما رحم الأم المسكينه خطف بنتها ومشى فيها
فهد : الحين البنوك مسكره لاحول
لمى : يبه وين رايحين
فهد : بنسافر
لمى : طيب وامي
فهد : أمك مراح ترضى
لمى بعبرة : وخلي أمي يبه
فهد : تعودي يا لمى تعيشين بدون أم
بكت : ليه يبه ليه كافي عايشه معكم وانتوا كل واحد بجهة محد مهتم للثاني جاي الحين تبي تحرمني منها
فهد بعصبيه : خلاص بس بعدين نتفاهم
كان يمشي بسرعه متوجه للشرقيه وفي باله خطط كثيرة فهد وين حنا عايشين نسين نايف بن عبد العزيز نسيت أمن ديرتنا نسيت أكبر حملة أرهابيه كيف أقبضوا عليها أبني افكارك أنحش سو الي تبي مصيرك صايدينك صايدينك








.: المخطط معك
افا عليك معيي
زين الحمدلله طيب وبندر وش بيصير عليه
سعد : خله يتسنع من شفته يتلعثم وانا داري الموضوع فيه بنت بغى يروحنا مرقه
: يا سعد الحين المخطط يغلف بالشمع الأحمر ويرسل للأمير نايف
سعد : أبشر طال عمرك بس الجهاز تتوقع وين
.: الجهاز مثل ماذكرت أم بسمه عند هيف بس مدري هيف يدري او لا
سعد : طيب عطني طال عمرك أوراق بسمه اشوفها
.: تقول في الأوراق ان واحد يقاله محمد وهي ونوت مدخلينه في خزنه ما تفتح إلا بالبصمة وهي من وصاة الشيخ محمد نفسه والظاهر البصمة تخص نوت اتوقع نوت ما تدري عشان كذا امها كاتبته في الأوراق هذي وكان عمر نوت تسع سنوات يوم تبصم
سعد : طيب طال عمرك كيف عرفتوا عن الموضوع
: السبب قضية محمد وفهد مهما كان ذكي إلا سبحان الله يكون فيه ثغرة فهد تجيه تحويلات خارجيه بمبالغ وقدرة والباقي انت عارفه من عينى بندر وضحك وأرحم بندر وشوفه
سعد : بندر ما يدري أن معه مثبت جهاز ناخذ علومهم وهم ما يدرون
: ههههه افا عليك الحين الولد مربط
سعد : خله يا طويل العمر درس له عشان يعرف ما يدخل عواطفه في موضوع شغله
.: المهم انتبه على بندر ادخل
لو سمحت سيدي لقينا ناصر متوفى في بيت الشيخ محمد
سعد : اكيد فهد يوم ما لقى الأوراق نشبوا في بعض وتذابحوا
: صور وفهد وبياناته تنشر على الحدود ويبلغ عنه وروح لبندر وطلعه هو والي معه بسرعه الي قتل صديقة بيكون سهل عليه يذبح أي احد
رجف قلب سعد : طيب طال عمرك طيب وش نسوي في باقي الأمور المعلقة
.: ننتظر الأوامر من الأمير نايف هذا امن دولة أكيد بيشتغل شغل الإرهاب الحين والحين المخطط ومعنا وهو المهم
سعد : خلاص بروح بفريق كامل لبندر
.: شد عليه بس مو قوة وعطه إجازة يريح عشان يعرف يركز



مهما كانت الخطط ناجحه ومهما حاولت تدميرنا الله معنا غيوم






سعد : بدون رمي نار انتوا محميين من الطلقات الناريه هجوم مباغت للمصنع واكيد عارفين تمركزهم واتوقع ماعندهم خبر
جيوب سود أشخاص موشحين بالسواد الأمن العام بدقة وحرفة قبضوا في البداية على الحارس بكل سهولة دخلوا بسرعه
حست برجفه وهي تشوف الأشخاص الي معهم مسدسات ومايبان منهم إلا عيونهم كانت امها مريضه جدا
: بسرعه قومي بسرعه
سمر بخوف هذولي شرطه واضح الأرهاب خلانا نتعرف على أشكالهم بس خوفها على امهم أكبر : امي امي مريضه
حط المسدس في مكانه وشال امها بخفه وهي مسكت بطرف ثوب امها ولحقتهم كانوا خمسه يمشون اثنين قدامها وثلاثه وراها كان كل تفكيرها في امها هي حست براحه من شوفتهم يارب لك الحمد يارب
شفتي يا سمر شفتي قوة الله شفتي متى ما تقرب الأنسان من الله نصره مهما كان خصمك قوي فا الله أقوى منه بس يبي يدين ترفع له


مؤيد : هشام العب زين لا أصكك ببيالة الشاهي
هشام : ياخي تراك قرفتني باللعبة
عبد الحميد : انا جوعان مره
صوت من وراهم : لك وجبه دسمه بالسجن
وقفوا بشهقة مافيه مفر أشخاص كثيرين قدامهم امسكوهم خلاص قضى عليهم راحوا وطي حياتهم بتتدمر أهلهم بيتشتتون وش أنفعتهم الفلوس الحين بيقضون طول عمرهم بالسجن هذا اذا ما حكم عليهم بلأعدام القتل شي مو سهل كان يجيهم فلوس بالهبل لكن الثمن غالي دم في دم وما همهم كانوا يشوفون الفلوس قدامهم وتغسل قطرات الدم من يدينهم راح الندم وانمحى من قلوبهم صار الطمع الشيء الوحيد الي يحسون فيه



ابو سمر : وش الصوت هذا
بندر بخوف : الله يستر
ابو سمر : سمر ومها يارب يارب رحمتك
بندر الله يهديك يا بو سمر انا ناقص : لا تطمن يا عم ان شاء الله بخير
.: بندر
بندر بفرح : سعد
سعد : يالله بسرعه فكوه
بندر : بسم الله كيف عرفت
سعد : بعدين شغلك بعدين
بندر بفرح : مو مهم المهم انك فكيتنا وكمل ترا عرفت من البوس تراه فهد خوي الداعيه محمد وراحوا للبيت الداعيه
سعد : ههههههههه قوم قوم بقولك كل شي بعدين
ابو سمر : يا ولدي بنتي وامها شلونهم
التفت بندر وناظر سعد بندر ورجع يلتفت على ابو سمر : طيبين الحين هم قدامكم ورجع يناظر بندر الي يحس بربكه مايدري وش سببه هل يحس نفسه مكشوف وناظر سعد الي غمز له وضحك انحرج بندر معقولة سعد يدري الله يستر وش يدري به بعد




على طول كانوا بالمستشفى يراقبون حالة ام سمر تحت اشراف مراقبة من الشرطه طبعا في الوقت الي سعد اخذ بندر وطلع فيه







بندر : هاه سعد وش العلوم
سعد : العلوم عندك إجازة مدتها شهرين لحد ما تركز في الشغل وتخلي خرابيط الحب
علت حمره خفيفة وجه بندر وناظر سعد بربكه : وش تقول أنت
سعد : ههههههههههه وش اقول ومسك بندر وسحبه وطلع دبوس صغير وراه هذا الي يقول
بندر بصدمة : وش هذا
سعد : من قلت يا قلب أمك أنا ألي بدخل بيت أبو سمر وكلمتك اليوم الي بعده وأنا شاك أن فيك شي
بندر : طيب كيف شبكتوه فيني
سعد : بندر وش فيك كأنك ما تعرفنا حنا مثل الإخطبوط لنا كم يد يالله روح لهلك وريح
بندر وهو يحك راسه : ودي اروح للمستشفى
سعد وهو يقاطعه : بعدين روح لامك الحين ونتفاهم بكرة
بندر : سعد اقلب وجهك اذا خليتك تاخذ فتون
سعد : ههههههههههههههه وانا الحين حصلتها عشان تتمنن علي
بندر : تراك ما علمتني عن وش صار
سعد : خلاص انت شالوك من القضية روح بس
بندر بصدمة : ليش
سعد : يابن الناس في الموضوع سريه تامة وانت دخلت بجانب ثاني والشغل تعرفه يبي سريه
بندر : افا ومتى انا طلعت علوم شغلي
سعد : اقول خلنا ساكتين وش درى سمر انك مباحث
حمر وجه بندر من طاريها : ماقلته
سعد : هههههههههه روح الله يستر عليك

الجزء الخامس والعشرون



نوت : سعديه من عند هيف
سعديه : ما اعرف والله له وقت من جا يمه
نوت : طيب ارسلتي القهوه لهم
سعديه وهي تبتسم لها : من زمان
بادلتها الابتسامة وهي فكرها مع هيف وحركاته اشتاقت له خاطرها تروح له بدون قيود وترتمي بحضنه فاقده حنان وتبيه يعوضها تبي يحس فيها بدون ما تقول ابتسمت وحمرت خدودها كل ما تذكرت نظراته تحس فيها لمعة حب هي صحيح تجهل الحب وما تعرفه بس عيونه تفضح مشاعره هزت راسها بشويش ما تبي تحطم نفسها ما تبي تمني نفسها وتنصدم




هيف : معقولة
سعد : صدقيني يا أخ هيف وأعظم مما تتصور وعشان كذا حنا بنعلن في الجريدة أن حنا لقينا المخطط والاختراع عشان ما يقدرون يتوصلون لكم وأنت حاول تتذكر هل للوالد وصيه هل خبر أحد عن شي الاختراع عندك بس شوف وينه
هيف : أبشر أذا عندي مالك إلا الي يوصله لكم بس يا أخ سعد نوت وش بينوبها هذا أختراع أبوها
سعد : صدقني يا هيف الدوله مراح تقصر وأنت دكتور وعارف وش لبراءة الاختراع
هيف : يصير خير
سعد : وانا مثل ما قلت لك الخبر راح ينشر في أول صحف السعوديه بكره الرياض والجزيرة وعكاظ والوطن وبكل القنوات الأخباريه وتطمن ولا تشيل هم
هيف : الله يبشرك بالخير طمنتني
سعد : يالله فمان الله
هيف : وش أخبار ابو سمر وأهله الحين
سعد : أمهم تحت عنايه طبية فائقة وابو سمر وبنته بخير محنه وتجاوزوها والله يعينهم وان شاء الله كلها تصير ذكريات يتناقلونها
ابتسم هيف له شخص رزين هادي يبعث الراحه
سعد : انا أن شاء الله بمرك معي بندر ولد خالتي واذا ما عليك امر بكره نقدر نتكلم مع نوت شوي
هيف حس بغيرة لكن ما حب يبين : بخصوص
سعد ابتسم وتذكر حديث النبي محمد صلى الله عليه وسلم
عن أبي هريرة رضي الله عنه قال:بينما نحنعند رسول الله صلى الله عليه وسلم جلوس فقال رسول الله صلى الله عليه وسلم: «بينما أنا نائم رأيتني في الجنة، فإذا امرأة تتوضأ إلى جانب قصر،فقلت: لمن هذا؟ قالوا: هذا لعمر، فذكرت غيرته فوليت مدبراً. فبكى عمر وهو في المجلسثم قال: أو عليك يا رسول الله أغار» [رواه البخاري ج: 5 ص: 2004 ح 4929].


:لازم نسألها شوي اسأله
هيف : يصير خير
طلع سعد الي كانت نوت تنتظر متى يروح الشخص الي طول مع هيف شافت رزته وهيبته رجف قلبها من يكون هذا
راحت تمشي بهدوء ودخلت على هيف الي كان سرحان في كلام سعد وانتبه لحسها صار يحس فيها شي خاص او تقولون شي غريب بس انتم اذا حبيتوا شخص سواء كان زوج ام اب اخ اخت تعرفون اذا دخل عليكم بدون ما تشوفونه يمكن من مشيته من طريقته من ريحته مدري بس هذا انا مدري عنكم انتم غيوم


ابتسم لها هي حست برجفه بقلبها وغصب عنها وحتى لو قاومت بس طلعت ابتسامه مشرقة من وجهها له
نوت : السلام عليكم
هيف وهو يتنهد : وعليكم السلام
نوت : صباح الخير
هيف وهو يمد الكلمه : صبــاح النـور والسرور
وسألها قبل تسأله : شلوونك
ابتسمت : انت الي شلونك انا ما علي بخير
هيف : انا والله يالله رقدت البارح
نوت من غير شعور : افا ليش
هيف : يا حليلي لا ونيس ولا أنيس قعدت مقابل الجدران
حمرت خدودها وأذانها مره وهو حس بقلبه يدق منظر حياءها حس أثر فيه ما عرفت وش تقول دنقت وهو غير الموضوع عشان ما يحرجها مع أنه خاطره يمسك يدينها ويقربها له يبي يرتوي من دفى حضنها
هيف : تدرين من عندي
نوت طالعته تبيه يكمل وهو بدى يتغير ويرجع لون بشرتها الطبيعي
هيف : واحد من المباحث
نوت : ليش وش صاير
هيف : ابد عشان قضية ابوك وفعلا حتى انا وما شفت الأوراق طلع ابوك هو شريك ابوي ولقوا مخطط الاختراع بس باقي الاختراع نفسه
نوت : طيب عرفوا من ورى المسأله كلها
هيف : أي عرفوه بس ما بعد مسكوه
نوت بحماس : من هو طيب
هيف : فهد صديق ابوك
نوت بصدمة : لا تقول ليه
هيف : ما فهمتي دام انهم لقوا المخطط ويدورون الاختراع فيا حبيبتي المفروض تعرفين على طول الهدف وهو الفلوس فهد باع الجهاز لشركه خارجية
نوت ما همها كلمة حبيبتي او ما أثرت فيها بس صدمتها قوية كيف كيف باع صديقه وطنه عشان فلوس بكت نزلت دموعها صارت تشهق بصوت واطي وتمسك عبرتها بيدها عبر رقبتها صارت تدفها لتحت صابتها رجفه يمكن هيف قال الموضوع بسهولة لنوت لكن نوت تذكرت امها تذكرت ذكريات امها ومذكراتها وكلامها عن أبوها عن شموخه وعزته وعن دفاعه عن دينه وطنيته عن قوت شخصيته يجي واحد نذل مثل فهد وبكل سهولة يقتله ويقتل زوجته عشان وسخ دنيا كيف هان عليه نزل هيف رجله المكسوره بيده السليمه ويالله قدر يقرب منها وضمها له نوت هنا تفجرت مشاعرها الي كابتتها سنين
نوت : لاااااااااااا حرام والله حرام ليش ليش سوى كذا حرمني من ابوي حرمني من أمي
هيف : نوت اذكري الله حرام عليك انا امك وابوك وكل دنيتك والله ما يصيبك شي وانتي عندي والله شوفيني حلفت
نوت : مراح تخليني مثل ما خلوني
هيف : كيف اخليك وانتي حياتي وقلبي ودنيتي
اعترف هيف بحبه لنوت الي رفعت عيونها الي مليانه دموع له ابتسم لها وكمل : تدرين اني أحبك ومو بس أحبك أموت فيك قلبتي حياتي فوق تحت وحادثي كله بسببك
فتحت نوت عيونها وهنا ضحك هيف : هههههههههه اسف والله ادري اني ما اعرف اعبر عن حبي استحملي دفاشتي شوي بس من جد انتي اول مره دخلت حياتي ابتسمت له ورجعت دموع تنزل من عيونها هذا الي تبيه معقولة هيف يحبني مثل ما أنا أحبه معقولة أنا مليت عيونه شكلي عادي وهو غير لا يكون بس يبي يخفف علي ترددت تبي تقوله كيف تحب وحده عادي لكن شجعت نفسها ونطقت : كيف حبيت وحده مثلي
هيف وتزيد لمعة عيونه وابتسامته تزيد : ما فهمت وش قصدك
نوت : يعني عاديه بكل شي
نزل شفته لتحت وناظرها بتعجب : انتي عاديه عيوني تشوفك غير بكل شي يكفي عيونك الجذابه الي أسرتني ويكفي ابتسامتك الي سحرتني ويكفي جسمك الي ذوبني
هنا خلاص ارتفعت حرارة جسم نوت استمتع بحراجها وبشكلها ما توقع انه بيسوي كل هذا ناظرها بصمت وهي منزله عيونها ومنحرجه ومازالت قطرات الدموع معلقه على رموشها وبعضها عند اسفل فكها قرب وجهها خلاص ما عاد يقدر يستحمل اكثر من كذا باس راسها وباس كل عين وطول وهو يبوسها ونزل لخدودها وعلى شفايفها بوسه ناعمه خلتها ترجف ورفع راسها يبيها تناظره
هيف بصوت مبحوح : طالعيني
طالعت بحراج وحمر وجهها تكلم : نوت تحبيني
سؤال مباشر خاف يكون الجواب لا او رد دبلوماسي لكن الي صدمه انها دفنت راسها بصدره : أكثر مما تتصور تشوف الهوا انت الهوا الي اتنفسه صرت شي جزء من حياتي مقدر استغني عنه ضمها اكثر له : آهـ نوت مقدر اصبر انا مكسر وحالتي حالة لازم اشوف حل
حرام عليك ارحم البنت الي ذابت خف عليها غيوم
هيف : غيوم اطلعي منها شوفي لي حل مخلتني مكسر ونوت قدامي هاتي لي حل سريعا
غيوم : الحل انك تبعد بمجلس بلحالك وتخلي سليطين يجيك
هيف : وهذا الي قدرتي عليه وناظر نوت بابتسامة الله يعيني اصبر شهرين
ماردت يكفي شكل وجهها الي صار علم احمر جت تبي تطلع تبي تبرد على نفسها شوي لكن هيف ما رضى : اجلسي البارح خليتيني سامر بلحالي والحين تبين تروحين لا من اليوم ورايح اذا بتروحين مكان أنا وأنتي نروح سوى ونوم نومي معي والله يعيني اتحمل قربك وما اتهور غمضت نوت عيونها بقوة وهو انفجر ضحك : هههههههههههههههههه


انقهرت نوت من ضحكه وش فيه فجأة صار جريء ناظرته بخجل وهو ناظرها وابتسم لها : تصدقين يا نوت اني من تزوجتك فقدت الحلم
نوت عقدت حواجبها وناظرته : أي حلم
هيف : الحلم الغامض الي يجيني كل سبوع او تقريبا كل يوم كانت بنت تستفزع فيني
نوت : طيب فسرته
هيف : خلاص هو فسر نفسه بنفسه سبحان الله انتي مو الوريثه الوحيده لبوك وهم قالوا ماله وريث وهذا تنبيه لي عشان أعطيك حلالك و اختراع أبوك
نوت : سبحان الله معقولة
هيف : صدقيني الله ان شاء الله راضي على امك وابوك شفتي كيف حفظ حقهم وهم تحت التراب
رجعت نوت تدمع عيونها وضمها هيف يخفف عنها






فتون : بندر قلت لك لا يعني لا
بندر : خلاص ابشري ولا يهمك بخليه يطلقك
هنا بكت فتون : حرام عليكم بصير مطلقة حرمتوني من أبسط حقوقي
بندر وهو منزعج : طيب الحين قوليلي وش تبين و أنفذه لك
فتون : مابي شي
بندر : طيب انتي وش رايك في سعد
فتون : سعد ما عليه بس طريقتكم في تزويجي له غلط في غلط الحين كيف بيحترمني بيقول ذولي اهلها ارخصوها
: ومن قال
شهقت فتون ما توقعت سعد يسمعها بس الي ما تعرفه فتون أن أمها كلمت سعد وعلمته وخلته يجيهم وشافها كيف تتناقش مع بندر
سعد : بندر لو سمحت ممكن تخليني اكلم فتون شوي
نزلت راسها مستحيه وبندر ابتسم على شكلها وجت سمر في باله
سعد : فتون
ناظرته فتون ابتسم لها وهي حست برعشه ابتسامته جذابه مره : انتي غاليه بنت خالتي وقدرك عندي كبير وغير كذا زوجتي من سبع سنوات قد هنتك في السبع سنوات خليتك براحتك حتى تغطين مني وانا محرم لك وما قلت شي خليتك تكملين دراستك وحبيتك شاف صدمتها مو حبيتك بمعنى الحب الي تعرفينه لا حبيت تواجدك بحياتي خلاص اعتبرتك شي في حياتي وشي غالي ومابي احد يقرب منه ولا يأذيه وقلت في خاطري لازم افتح مع فتون الموضوع بنفسي وشوف وجهة نظرها ما تتصورين وش فرحتي بوجهة نظرك يوم كشتنا هذاك اليوم حسيت ان زوجتي وحده عاقله ارتجفت من كلمة زوجتي لها وقع خاص جدا لكن صدمني موقفك اليوم وخلاص يا فتون الي تبينه بسويه اطلبي وتشرطي تبين تتمين عند اهلك سنه سنتين الي تبين تبين تجين معي لك شهر ترتبين وضعك ماتبيني لك الي تبين هاه قوليلي
انحرجت فتون هي تبيه بس صعبه تقولها له اسلوبه وشخصيته تعجبها بس كانت تتمنى لو هو كان يخطبها ويحترق توافق او لا مو تجيه بارده مبرده
سعد : اها افهم من سكوتك انك ماتبيني
شهقت فتون : لا
ابتسم سعد : وش الي لا
نحرجت فتون : الا ابيك وركضت بسرعه طالعه من الصاله وطلع لهم وكان بندر منسدح وحاط راسه على فخذ امه ويسولف معها
سعد بفرح : شوفي يا خاله مهر فتون بجيبه بكره والعرس بعد شهر ان شاء الله
ام بندر : أي عرس يا ولدي خذها وتوكل على الله بس
سعد : لا والله قدر فتون عالي عندي ولها عرس مثلها مثل غيرها وخليها تتجهز ولا تحرمونها من شي
افرح بندر من كلام سعد هو ما بغى يعترض على كلام امه احترام لها لكن موقف سعد كبره في عينه
سعد وهو يطالعه بنص نظرة : وانت وش بتسوي
استقعد بندر وطالعه بمعنى اسكت
سعد : هههههههههههههههههه
ام بندر تناظرهم : وش عندكم تضحكون
بندر : مدري يمه عن الخبل ولد اختك
ام بندر : سعد عاقل مهوب خبل
بندر : افا دقة يعني
ام بندر : لا دقة ولا شي
سعد : اقول خالتي بندر ما ودك تخطبين له
انحرج بندر وطالع سعد الي كمل : ترا والله فيه بنت مشاء الله بتعجبك
ام بندر وهي تناظر سعد بستغراب : وش دراك عنها
سعد : سمعتها الزينه واصلتنا دين واخلاق
ام بندر : مشاء الله دام اعلوم اخلاقها واصلتكم الشور قده عند بندر
كح بندر ما توقع الموضوع سهل كذا وابتسم لسعد ممتن له وناظر امه الي صارت تطالعه
ام بندر : من هي بنته ومن أي عرب
بندر : اسمها سمر ومن ال فلان وساكنين
ام بندر : والنعم هات تلفون اهلها وزهل الباقي

الجزء السادس والعشرون


مهما الليالي والزمان امتحني لاصد بي وقتي فانا ما قدر أنساك
وان صد بك وقتكعساك متهني فانتالبعيد اللي عيوني تمناك
فقدها يحس بشووق فضيع لها يمكن ما جلس معها يومين على بعض لكن الشوق ما خلا النوم يطب عيونه تذكر نظراتها خوفها على أمها حركاتها غمض عيونه يحاول يخفف دقات قلبه قلبت كيانه هل معقولة توافق علي تخيل شكلها وهي عروس تخيلها وهي جنبه صح ما شاف ابتسامتها بس يحاول يتخيلها تبتسم له آهـ يا بندر لو بحد يحلف أنك راحت تحب كان حلفت سبحان الله كيف جت هـ الإنسانة في طريقك كيف تعرفت عليها يارب سهل اموري وشفي أمها عشان اقدر افاتحهم بكل سهولة






نوت : هدي هدي بسم الله عليك وش فيك
سمر : وينك يا نوت لو تدرين وش صار علي
نوت : طيب انتي الحين قوليلي كل شي حبه بحه امك شلونها وبعدين قوليلي وش صار عليك
سمر وتشهق : نوت والله محتاجه لك امي الحمدلله الحين بخير من ركبوا عليها المغذي وعطوها بخاخ لكن انا الي محتاجه لك ابي افرغ الي داخلي فيني كبت غير طبيعي لو ما اشوفك راح انهار تكفين نوت تعالي محتاجة لك
نوت : سمر شلون اطلع وهيف
سمعت نوت صوت من وراها
هيف : وش صاير
نوت : شوي سمر بكلمك بعد شوي وترجع تكلم هيف سمر صديقتي منهاره مره تبيني معها
هيف : طيب روحي لها اكيد محتاجة لك
نوت : طيب من يوديني
هيف : بتصل على سلطان يمرك مع أهله ولا اقول وش رايك اروح معك ويسوق فينا عامل من العمال
نوت بخوف : لا لا اخاف يضرك المشي
هيف : أمشي بس خليني اتعود على المشي ومليت من القعده بالغرفة يالله تجهزي بسرعه
نوت : اتصل اقولها جايتها
ابتسم لها هيف : لا خليها مفاجاه
ابتسمت له ورجع يقول : روحي قبل اهون الحين تبسمين لي ذبحتيني
حمر وجه نوت وضحك على احراجها وكيف راحت بسرعه تلبس عبايتها






كانت تبكي حالتها حاله بنتها يوم قامت ما لقتها وجا الصباح الثاني وبعد ما شافتها وتكلم فهد ومقفل جواله معقولة لمى تكون معه ما بقى صديقة الا كلمتها وين بتكون وقطع عليها صوت التلفون راحت ركض له شافت رقم ثابت وصوت لمى وهي خانقتها العبره
لمى : يمه
حصه : عيونها وينك يمه
لمى : يمه انا مع ابوي وبنسافر
حصه بشهقة : وين بتروحون انقطع الاتصال الي بينهم صوت لمى اختفى هي صحيح تطمنت على بنتها بس وين بيرحون ويخلونها وش قصة سفر
فهد : لمى وش الحركات هذي ما تخافين يكون المكالمات مراقبة انا منزلك للسوبر ماركت عشان تتقضين ولا تكلمين
لمى وهي تمسح دموعها : حرام يبه اكيد امي خايفه علينا
فهد : قولي عليك انا آخر شخص تهتم له
لمى وهي خلاص انفجرت صياح : طيب ليش امي ما تحبك ليش كذا علاقتكم كان فهد يمشي ومسرع وضايق صدره من بكى بنته ومن حياته الي بدت تدهور التفت عليها : لمى مسحي دموعك مابي اشوف دموعك
كانت تمس دموعها بقفى يدها لكن الدموع تنزل اكثر وكثر تقطع قلبه وهو يشوف كيف بكيها ورجع يشوف الطريق وانصدم من قرب الشاحنه له ضرب بريك ولف لكن وين خلاص وصل للشاحنه ودخلت سيارتهم تحتها منظر فضيع جدا اختلط الحديد مع لحمهم مع اصوات صراخهم
توقفوا شوي توقعون فهد مات لمى ماتت مدري تابعوا معي لاخر البارت ونشوف الله يعين قلبك يا حصة







سعد : وش صار على مؤيد والشله الي معه قيدوا اعترافاتهم
: خلاص اعترفوا بالتهم المنسوبه لهم والحين بنرفع القضيه للقضاة يحكمون فيها






هشام : مؤيد ازعجتنا تبكي كأنك حرمه
مؤيد : آهـ يالقهر آهـ يمه انا ما همني وش بيصير علي أنا همني امي وخواتي
هشام : الله يخلي لنا ابو متعب يصرف الحين لهم رواتب شهريه انت لا تفكر الا في نفسك وش تتوقع يحكمون علينا
عبد الحميد بخوف : وش تتوقعون
مؤيد وهو يشهق من الصياح : تدرون وش بيحكمون علينا بيحكمون بالقصاص هذا ما كان تعزير نسيتوا كم شخص ذبحناه
هشام بخوف : ترا بس نحده بالسياره وقلبت فيه
مؤيد : وبسمه وش صار ولا نسيت كيف
عبد الحميد شارك مؤيد البكي : يعني خلاص بيقصونا
هشام بخوف : لا تستعجلون الحكم
مؤيد وهو يناظره بنظرة هذ قتل نفس وش تتوقع
عبد الحميد : طيب يمكن نوت تعفي عنا
مؤيد حس بشعور فرحه بسيط يدخل قلبه : تتوقع تعفوا عنا بعد الي سوينا فيها
هشام : مراح ترضى الا بديه وحنا من وين لنا
عبد لحميد : مصيبة


الحين بس عرفتوا انها مصيبة الحين بس حسيتوا بمدى فضاعت الي سويتوه ذوقوا الحزن






نوت بضحكة :شلونك يا خاله الحين
ام سمر : الحمدلله بخير
نوت : قطعت قلبي سمر والحمدلله اثاريها تبالغ
ام سمر تبتسم لها : الله يعين يا بنتي خطف وحاله ما يعلم فيها إلا الله كيف تبين سمر ما تخاف
نوت وهي متحمسه : هاه سموره قولي كيف خطفوكم
سمر : الله يخليك اسكتي ترا بذبحك كله سبايبك
شهق نوت : وش الكلام هذا
ام سمر : سمر وش فيك
سمر : يمه عسى خايفه على زعل نوت اتحداها تزعل مني لا أرضبها بشبشب الي علي
نوت وهي تضحك : ابد ما عندك سلوب الله يعين الي راح تاخذينه
حمر وجه سمر على طول فكرت في بندر ما تدري ليش دق قلبها
انتبهت لها نوت : سمر ابغيك شوي في حاجه مهمه ماعليه ياخاله نخليك شوي
ام سمر : اخذوا راحتكم بس انتبهوا وابو سمر بالشرطه من الصباح واكيد راح يجيني الحين


راحوا للاستراحه حقت النساء
نوت : يالله طلعي كل الي في بطنك
سمر وهي محمره : وش اقول
نوت : ههههه وقسم بالله ان حمرت هـ الخدود وراها سالفه ليكون حبيتي واحد من العصابه
سمر : مالت عليك وين راح تفكيرك اصبري بقولك من طقطق لسلام عليكم







سلطان : ياخي ما رتحت بالبيت مشتاق للمستشفى يعني
هيف : ملل فضيع وبعدين جاي بنوت لصديقتها هنا
سلطان وهو يضحك : نوت اثاري السالفه فيها نوت ويناظر رجليه اسمع شكلي بجيبك لبيتنا انت ما يصلح تجلس في مكان فيه نوت ترا كسرك مراح يجبر
فتح هيف عيونه على وسعها : سلطان استح على وجهك
سلطان : هههههههههههههههههههه علينا يا هيف لا تقول انك خربتها
هيف : لاحول ولا قوة الا بالله اشهدنك فاسخ الحيا
سلطان : آهـ يا الحيا يا زينه ويا زين أهله
قطع عليهم صوت طق الباب
السلام عليكم
هيف وسلطان : وعليكم السلام تفضل
تقدم وصافحهم : معكم بندر . من المباحث
هيف وعرفه : هلا والله أي عرفتك قال لنا عنك الضابط سعد
التفت عليه بندر وناظره وشاف يده ورجله وعرف انه هيف بندر بابتسامة : اكيد هيف
سلطان : احد يعلمني وش السالفه مباحث وضابط وشرطه وش العلوم
ابتسم له بندر : اول شي ابي اسأل عن حالة مريضه هنا
هيف : اكيد ام سمر
دق قلب بندر يوم طرى اسم سمر وحاول ما يبين ربكته : أي شلونها الحين
سلطان : مافيه شي كايد يمكن يعطونها العصر خروج
بندر : الحمدلله ويلتفت على هيف شلونك الحين
هيف : بخير الله يسلمك
سلطان : اقول تراني موجود احد يعلمني وش السالفه
بندر راقوا له الشباب وقعدوا يعلمونه وش صار وش المعرفه الي بينهم وهم ما يعرفون بعض شخصيا







نوت : والله البنت عايشه قصة حب
سمر بشهقة : نوت وش الكلام هذا اقولك كيف انخطفنا وش سوينا وانتي ما ركزتي الا على بندر وهي توطي صوتها خجل
نوت : ههههههههه يا حلو اسمه من ثمك بس اسمعيني زين يا سموره انتي تعرفنيني زين اتركي بندر اذا فعلا مواقفة معك تدل ان له ميول لك فهو راح يتقدم لك اما اذا حاطك لعبه فلا تعطينه وجه
سمر وهي تفتح عيونها : وين راح تفكيرك ادري تراني ماني خبله اعرف ولا راح اعطيه وجه اذا يحبني يدل بيت ابوي جانا مرتين وضحكت
نوت وهي تقلدها : جانا مرتين
سمر وهي تتنهد : اسكتي يا نوت شفتي يوم اضحك على البنات الي يحبون ما توقعت احب
نوت بجديه : سمر حاسبي على عواطفك لا تنجرفين ربي راح يكتب لك كل خير اذا مشيتي على الي يرضيه
سمر : ان شاء الله
نوت : يالله نروح لخالتي طولنا عليها
طلعن من استراحة الحريم في الوقت الي طلع هيف وبندر وسلطان وكانوا في ممر طويل مره ارتجفت يدين سمر ومسك يد نوت كانوا متسترات مره وعليهم قفازات ومايبان منهن شي ابد
سمر : نوت شوفيه مع زوجك
نوت : يابنت الذينا يهبل شوفي عيونه
سمر : يمه عيونه تخوف
نوت : بس تجذب
سمر بغيرة : ترا بعلم هيف تغزلين برجال غيره
نوت : فديت هيف والتراب الي يمشي عليها
سمر : الله يطعمني يارب
انتبه هيف لنوت عرفها وتكلم : الأهل الظاهر خلصوا ارتفعت عيون بندر تلقائي اكيد هي هذيك الي مع نوت اكيد صديقتين تذكر مذكراتهن ارتبك وصار يخبط في الكلام مع هيف ما عاد ركز انتبه له هيف ما درى وش فيه مشتاق لها وده متى يقدر يحصلها وتكون عنده

الجزء السابع والعشرون

يمه وش تسوين
ام سلطان : تعالي خلينا نطلع الخيام وننفظها من الغبار ونجهز أغراضنا
نوف : امحق عروس الله يهديكم يمه يعني مصممين تخيمون
ام سلطان : يا وجه الله الجو زين ونشوف على طول شوفنا ونتمشى ازين من حكرت البيت
نوف : طيب يمه انا بتزوج بغدي سمرا
ام سلطان : اذا عودنا استأجروا استراحه وغطسي في المسبح يوم كامل
قطع عليهم صوت ضحك مثايل : ههههههههههههههههههههه اشهدنتس جبتيها يا خاله
نوف وهي منقهره : جعلتس المرض يا مثايل حطيتي الفكره في روسهم
مثايل وهي تضحك : ههههههههههه ياختي وش نسوي اجل تبينا نقعد في الحكره عشانتس
ام سلطان : انوف وش رايتس مير نكلم بدر ونقدم عرستس
نوف بشهقة : يمه تراني بنتس الوحيده كله حب للبر
ام سلطان : اجل خليتس ساكته وروحي معنا
مثايل : لا تقطين البرقع والبسي نظرات شمسيه والبسي قفازات واذا جا الليل قطيها وخلاص
نوف : مالت على ذا الخشة أي وش همتس
ام سلطان : بنعزم بدر وهله معنا
نوف بشهقة : يمه تكفون اذا تحبيني لا
ام سلطان : ليه لا وش عندتس
نوف : بصير من الننجا وشكلي غلط تبينه يشوفني كذا
ام سلطان ورحمتها خلاص اجل لكن هيف ونوت بنستأجر لهم خيمه معنا
نوف وهي بدت تستأنس : والله شكلنا بننبسط
مثايل وهي تضحك : شفتي يا خبله والله ان نستانس
ام سلطان : روحن طلعن العزبه وشوفن وش ناقصها من الأغراض
نوف : يمه بنستأجر وايت
ام سلطان : اكيد تعرفن سلطان يمكن يعزم اخوياه لازم يكون الماء راهي
مثايل : يالله نوف خلينا نصلح العزبه
نوف بفرجه : يالله امشي







حصه الدمع ما فارق عيونها تحس بخوف اهلها بعيد جت للرياض عشان فهد وخلت اهلها بالشمال كيف تتصل عليهم وش تقول وش تعلمهم فهد اخذ بنته وسافر وخلاني يارب تحفظ لي بنيتي يارب وتحميها من كل سوء






راح هيف يمشي لنوت وشافته سمر وتركت نوت واقفة ودخلت على امها وبندر توجه لغرفة ام سمر وقف عند الستاره وحاول يطول صوته وما يكون فيه اهتزاز
بندر : السلام عليكم
وسمر الي ما زالت العبايه عليها وتحمد ربها انها عليها والغطوه وامها ما تشوف ربكتها
ام سمر : وعليكم السلام
بندر : معك بندر يا خاله وشلونك
ام سمر وعرفته : يا هلا والله ومرحبا بولدي شلونك عساك طيب
بندر : ابشرك الحمدلله انتي الي شلونك عساك طيبة وشلونك الحين
ام سمر : بخير ونعمه الحمدلله وكتبوا لي خروج العصر
بندر : الحمدلله على السلامه
ام سمر : مشكور يا ولدي الله يوفقك ويجزاك خير
بندر ابتسم : ما سويت شي
ام سمر : الله يقوي عزايمكم يمه وينصركم على من عاداكم ويكفيكم شرهم
بندر : امين وبتردد خاله ترا الوالده بتزوركم بعد المغرب اذا يناسبكم
ارتجفت يد سمر وقلبها صار يدق
ام سمر ستغربت بس ما حطت في بالها خطبه : حياه الله يا مرحبا وسهلا أي بالله مناسبنا
بندر : خلاص على خير ان شاء الله يالله فمان الله



دق تلفون بندر : هلا والله ومرحبا بسعد
سعد : مستانس ادري انك بالمستشفى
بندر : اقول سعيدان شكلك تراقبني
سعد : ههههههههههههههه انا قلت لك ترا لنا عين بكل مكان على العموم بقولك شي
بندر :امر تفضل
سعد : لقوا فهد
بندر : جد والله وين لقوه
سعد : صاير عليه حادث على طريق الشرقية معه بنته البنت توفت على طول وفهد في العنايه المركزة
بندر : الله يشله
سعد : استغفر ربك
بندر : ماعلينا اسمع ترا بودي امي اليوم لبيت ابو سمر
سعد وهو يضحك : أي خطوبه الله يوفقك
بندر وهو يتنهد : امين
سعد : تعال وديت فتون تتقضى
بندر : والله اني انشغلت
سعد : خلاص انا بمرها وبوديها
بندر : بتستحي منك
سعد : لا عطني رقمها اتفاهم معها
بندر : ابشر برسله بطاقة اعمال







خالد : راشد وش رايك نروح للشباب في المعلب
راشد : غريبة ماتبي ندخل دردشة
خالد : مليت قسم بالله من مقابل الكمبيوتر اربعه وعشرين ساعه
راشد : ولا يهمك مشينا مع اني شايف بنت مراح يطوعها الا انت
خالد : خلهن يفارقن بس من زين خششهن
راشد : يازينهن بس
خالد : تعال ما خطبت بنت خالك
راشد : عشان يتوطى ابوي في حوض بطني اخطب وانا توني ادرس
خالد : طيب علم اهلك على الاقل يدرون انك تبيها قبل تروح وتبكي على الاطلال
راشد : ياشين فالك هي تدري
خالد : ياهوه كيف تدري الي اعرفه انك ما تلتقى معهم
راشد : ياخي انا مفضوح يبين علي حتى خواتي يدرون وعلموها
خالد : المهم قولهم وعلمهم
راشد : ان شاء الله تسلم يا خالد على كلامك المريح لو احد غيرك ماعلمته اني احب اميره بنت خالي
خالد : وليش حنا اخوان إلا عشان نوقف مع بعض
راشد : الله يرزقك بنت الحلال الي تحبها من اول نظره
خالد : امين مع اني ما افكر بالزواج والحريم ما احد ملى عيني
راشد : اوف يا عيني




سلطان وهو يبتسم لامه : وه وش مسوين
ام سلطان : اتصل على أي هندي خلهم يجون يطون الخيام ويرتبونها بكره بسرح انا وابوك ندور مكانن زين اذا لقينا طقينا الخيام
سلطان : بتروحون بلحالكم
ام سلطان : بناخذ معنا عاملين يبنونها
سلطان : طيب كم خيمه بتاخذون
ام سلطان : خيمه لك وخميه مجلس وخميه لنا ومطبخ تكفي
سلطان : خلاص اجل بستأجر وايت وماطور مره وحده عشان نحط عقود على المخيم
ام سلطان وكأنها تذكرت : وجيب خيمه لهيف
سلطان وهو يضحك : يمه هيف ماعليه بس اهله اخاف ما يعجبهم الوضع
ام سلطان : لا بيعجبهم وبتستانس مع البنات
سلطان : ابشري ولا يهمتس وين ابوي
ام سلطان : راح يشتري ذبايح يقول الي يبي يشوي والي يبي يطبخ
سلطان : جعله على القوة و لا يحرمنا منه ومن خيره
ام سلطان : شوف جعلني مابتسي عيوونك روح للبنات شوف وش ناقص وجيبه لهن
وسلطان يبتسم : على ذا الخشم









كانت تبكي بكى يقطع القلب : يارب اجرني في مصيبتي وخلف لي خيرا منها يارب
حس سعد بوجع بقلبه وهو يشوف كيف حصه متأثرة
سعد : أختي ممكن تعطيني رقم احد من اهلك عشان اتفاهم معه عشان تستلمون بنتكم
يدري سعد كلامه يقطع القلب ويأثر في حصه بس وش يسوي كيف ينقل لها الخبر
مدت حصه عليه الجوال اتصل على عبد الله اخوي في حايل
يارب تعيني يا شين اذا الواحد نقل خبر شين الله يقدرني