الموضوع: رواية معشوقي كلي معاك معاك حتى للهلاك كاملة

بدر : خلاص ولايهمك { الفضول ذابحهم }
وسام واهو يناظر ورا بـ السيارهـ : راكان ماجبت اللاب بتاعك
راكان : ما أذكر شوف إذا موجود ورا وإلا لا
فواز : يعني إنت على طول تنسى
راكان : حلو أتذكر حالي
تركي: هذا حالته صعبه
فواز : من جد مابعمري شفت أحد ينسى مثلك
راكان ضحك وسكت وفي خاطرهـ " عيشوا نفس وضعي وقولوا ليش تنسى !! "
حاتم وقف وقال : فواز وسن راح ترجع معاك .
فواز : إيوا ليش
حاتم : برجع للبيت يلا بـ الإذن ومشى من عندهم لـ سيارته إللي موبعيدهـ عنهم
راكان : ياخي هـ الولد فيه شيء
فواز : ليش
راكان : ما ادري أحس من أشوفه أتأكد إن فيه شيء
حمد : بس عشانه مايتكلم لـ أحد !!
راكان : لا أحس في شيء يشغل تفكيرهـ يعني اهو كذا مايتكلم مع أحد عن إللي داخله
فواز : مابعمري سمعته يشتكي
تركي : ولا أـنا صحيح نسولف كلنا سوا يضحك يستهبل لكن مسألة نعرف شيء داخله هنا أوقف عند حدك
بدر: هذا طبع حاتم كذا على طول ما أحد يعرف شنو عندهـ
ياسر: نفس خالي سُلطان
ركب في سيارته وشغلها وتكملت الأغنيه إللي لما قفل سيارته تقفلت الأغنيه وكانت " ياروح الروح كفايه جروح
ويلي ويلي ويلي ويلي ويلي ويلي ويلي
من حُبه ويلي ومن نارهـ ويلي ويلي ياويلي "
كان الصوت عالي مرهـ حرك سيارته والموسيقى باقي أخر أغنية ويلي
بدر : من زمان واـنا أقول هـ الولد عندهـ إحساس غير عن الكل
ضحكوا عليه
بدر : ورببي أتكلم جد
راكان : إي والله ياويلي ويلي ويلي
وسام : ويلي آهـ ياويلي
راكان : ومن حُبه ويلي ومن نارهـ ويلي ويلي
وسام : عندك
راكان : حوس وشوف
وسام : آوووففف منك ومن سيارتك ومن حوستك يامُهمل
راكان : والله أحب أحوس حتى حياتي
وسام : الله يبعدنا عن حوساتك
راكان : وتقدر تبعد
وسام : أكيد بـ أموت من الحرهـ
راكان : اكيد
وسام : شـ قالوا لك بنت ميته عليك
رااكان : ههههههههههههههههههههههههه محشوم ياقلبي
وتين : خير البنات شـ فيهم
راكان ناظرها وقال : مافيهم شيء ماقلنا شيء خلاص
وتين : حسبالي بعد !!
فواز : حلوات متى حابين نرجع
البنات : إللي يريحك
فواز ناظر ساعته وكانت 1 قال : نجلس للساعه 2
راكان : من عندي نص زيادهـ
فواز : شـ دخلك .
راكان : والله بنات عائلتي وبـ اخذ أخبارهم
فواز : هذا اهم قبالك خذ أخبارهم
راكان : بعد شوي مو ذا الحين
فواز : يصير خير وقتها
تركي : راكان مطول هنا
راكان : ليش
تركي : بـ أطلع للبيت
حمد : تروح معاي
تركي : يلا
فواز : خلود إتركها معاي
حمد أساساً مافكر إنه ياخذ خلود قال : أوكي باي
ومشى من عندهم ومعاهـ تركي ورجع تركي وقال : متى راجع للرياض
رااكان : بعد المغرب ليش
تركي : توقعت ترجع الصباح عشان اسلم عليك
راكان : مجنون أطلع للرياض من الصباح !!
تركي : بتنام بـ الإستراحه ؟
راكان : يسسسسس
تركي : أشوفك بكرهـ إن شاء الله باي
فواز وراكان : باي
هنادي : ذا الحين إحنا ليش مانعمل لنا إستراحه ؟
ريناد : وليش
هنادي : نجلس فيها إذا صار وقتنا فاضي
فواز : طيب إنتم يصير عندكم البيت كله فاضي
وتين : لكن حتى وإذا . نبي مكان نطلع له كل يوم إذا إحنا فاضين
ياسر : شـ رآيكم تجون معانا للإستراحه
البنات ناظروا بعض وتين : كيف
ياسر: يعني تتفرجون فيها
وتين : أـنا سبق شفتها مع وسن وخالي
راكاان : ما شاء الله سبق ودخلتوها ؟ { يبي وسن تتكلم بـ آي طريقه }
وتين : إيوا من زمااااااااااااااااااااااااااااااااااااااااااان تفرجنا فيها ورجعنا
رااكان : شنو إللي اعجبكم فيها
وتين : هذا من زمان يعني أكثر شيء جلسة الحديقه
وسام : لا إنتم مالحقتوا على التعديلات إللي صارت لها
وتين : عدلتوا فيها
وسام : ذا الحين ماتعرفينها
وتين تكلم وسن لإنو باقي البنات متحمسات يشوفونها : شـ رآيك نروح معاهم ونشوفها ؟
وسن بصوت خفيف لعانه في رااكان : إنتم بتروحون كيفكم لكن اـنا لا
وتين : ليش
وسن : مزاج
وتين : خلاص إللي بيروح يروح إحنا مانبي
راكان : منو إنتم
وتين : أـنا ووسن
وسام : ما راح تندمون إذا رحتوا .
وتين شافت وسن ساكته قالت : نطلع مرهـ ثانيه مع خالتي جوهرهـ وإلا أمي وإلا خالي وإلا السايق المهم أي أحد .
بدر : يعني منو إللي بيشوفها
وسام : كل الموجودين عدأ الـ 2 هذيل
بدر : ريناد بتروح
ريناد تناظرهـ هذا شـ عندهـ علي على طول قالت : خلاص مابروح
بدر : ليش
ريناد : مافي احد بيروح غيرنا
هنادي : أـنا بروح
بدر : خلاص اي وقت تحبون بس إعملوا آلوو لي واـنا اجي لكم على طول
وسام لعانه في بدر : ليش إنت الله يخلي السواق
بدر : ياخي عشان لا يضيعون في الإستراحه واكون دليل لهم بهـ المكان
راكاان : ولاتنسى في حارس يعني كيف يجوون بس مع السايق ؟
بدر : ياااااااانااااااااااااااااااااااس على إللي تفكيرهم ففووووووووق
ضحكوا عليه
راكان : يـ الأخو إنت وياهـ ما إنتهيتوا من السيارهـ
وسام : عاجبتنا عادي ننام فيها
راكان : أقول ترا عطيتكم وجه .
وسام : من حلاتها كلها حوسه والله لو بـ انخش فيها إنخشيت ولا احد شافني من الحوسه
بدر : شنو حوسه إلا زباله << المقصد رفع ضغط راكان :d
راكان عارف لهم : مازباله غيرك إنت واهو وإذا ماهي من مستواكم النظافي ليش جالسين فيها !!
هنادي : هههههههههههههههههههه حلوهـ النظافي
رااكان : ههههههههه اعجبتك .
هنادي : مرهـ
وسام : لو تشوفين سيارته كان قلتي من جد ماهي من مستواكم النظافي
هنادي وإهي توقف : عادي أشوفها
راكان : قمتي خلاص يعني بـ اقول لا !!
هنادي : هههههههههههههههههههههههههه ومشت لـ سيارة راكاان ولما طلت بـ راسها صارخت : وناااااااااااااااااااااااااااااااااااسه .
بدر : لقيت لك مُعين ترا هنادي ماتحب الترتيب كل شيء عندها حوسه شوفوا بس غرفتها تقول داخل مزبلة هنود
هنادي : شُكراً يـ البنقالي
بدر : لاشكر على واجب
فواز : الحمدلله والشكر من جد هنادي كذا
وتين : يسسسسسس بروح اشوف سيارته رجاءاً إنزلوا من السيارهـ بـ اركب فيها { تمون الأخت }
وسام : لايكون سيارة سعود وإلا حمد وإلا لايكون بـ إسمك وإحنا ماندري
وتين : ياربي إنزل { ناظرت راكان } ترا بـ اركب { من غير لاتستئذن }
وإهي تركب قالت : وآي على الحوسه كيف عايش فيها ءء قصدي كيف جالس فيها ؟
راكان : عادي ما احب ارتبها
فواز : ماهو عذر هذا !!
راكاان تبسم وقال : صح وتبطي ماقلت لك السبب
فواز : عارف إن السالفه مو سالفة أحب اجلس بـ الحوسه
راكاان : لا من جد أـنا أحب اجلس بـ الحوسه لدرجه إني ما اـنام إلا الدنيا حولي مرميه وأعلى صوت تسمعه اذاني
ياسر: خير
راكان : وربي إلا اشغل شيء يـ الإستريوا على أخر شيء ورجه وإلا التي في ورافع أخر شيء
فواز : يبي لك طبيب نفسي
راكان : ليش مجنون وأـنا ما ادري
فواز : مو على كذا بس هذي حالات تنعرض على طبيب نفسي
وتين نزلت وقالت : ولا تقول غرفتك حوسه نفسها .
راكان : ههههههههههههههههههه عاد بيتي أنظف بيت
وتين إنصدمت : إنت في بيت بروحك
راكان : ليش حرام
وتين : توقعتك مع أهلك
راكان : نو { غير الموضوع عشان لايسولف فيه كثير } إيوا شخباركم بعد
وسام : نسأل عنك
راكان : تسأل عنك العافيه ياقلبي
وسام : وروحي إنت
راكان : ودنـ لا هذي ماتصلح لك وحياتي إنت
وسام : أحبك
راكان : أكرهكك
وسام : شعور متبادل
رااكان : متأكد من هـ الشيء
وسام : سبحان الله { تذكر شيء وقال } يـ الله
فواز : خير .
وسام : يوم السبت عندي إمتحان ولا ذاكرت له
فواز : شاطر إسم الله عليك ذكي
وسام : طفششششش بنات باقي لكم إمتحانات " وجه السؤال للبنات "
وتين : باقي مادتين
وسام : شنهي
وتين : إنجليزي و إيش ياربي صح كيمياء
وسام : لا إحنا فيزيا يوم السبت , والأثنين نحو , والأربعاء رياضيات
راكاان : تعال
وسام : وين اجي
رااكان : يـ الله على سخافتك
وسام : إنت تقول تعال .
راكان : أقصد يعني بسألك
وسام : أهأ قول بسألك مو تعال
راكان : شـ مفكر بعد ثالث
وسام : البيت
كلهم : هههههههههههههههههههههههههههههههه
راكان : صدقت البيت عند عمي سُلطان !!!!
وسام : هههههههههههه لا محتار مابين طب وو جامعة الملك فهد
فواز : طب وروح للخارج
وسام : لاااا والله لو أجلس من غير دراسه ما اروح للخارج
راكاان : ليش
وسام : كذا ما آبي اترك أهلي واطلع للغربه وعندي مجالات هنا أقدر أدخلها
راكان : طيب شوف كثير طلعوا وفي من عائلتنا وخذوا شهادات ورجعوا والحمدلله
وسام : لا تحاولون بـ الله اترك جمعة كل اسبوع والوناسه لا ما اقدر
بدر : ياناس ترا اهو كله عشان مايبعد عني
وسام واهو يحضنه من الجنب : ياحبيبي إنت أكيد ما اقدر اتركك نفسي ماتتقبل ما اقدر أجلس ما اشوفك بـ اليوم 2 وإلا 3 مرات
بدر : ماقلت لكم ياحبيبي إنت
فواز : إشتغل الفيلم
ضحكوا
وسام : لا من جد ما اقدر اترككم كلكم واروح للغربه عشان ادرس وإذا على الطب فـ هنا موجود والحمدلله
فواز : إذا جا لك الكلام من سُلطان مشيت غصب عليك
وسام : هههههههههههههههههه من زمان وأـنا متفاهم مع ابوي
رااكان : وأقتنع
وسام : بـ الأول مفكرين أطلع أـنا ووسن وناخذ معانا وتين إذا تبي وندرس
بـ الخارج على الأقل تكون توأمي معاي لكن بعدين تغيرت الأمور وما آبي أطلع بروحي من غيرهم
راكان : الأخو مفكر بعد
وسام : أكيد أبوي كان موافق وبعدين قلت له خلاص وتفهم المووضوع وقال عندك مجالين طب ,, وجامعة الملك فهد
ياسر : طيب وذا الحين شنو بتختار
وسام : إذا خذيت الشهادهـ فكرت ساعتها ما ادري يمكن ذا الحين الجامعه ولما إنتهي من الدراسه يجي في بالي طب
فواز : طيب والبنوتات
وتين : مانعرفش { نصابه عشان وسن بتروح للرياض تقلبت الدنيا عندها }
فواز : ماجا شيء في بالك
وتين : لا ما آبي استعجل كل شيء بـ وقته
فواز : ووسن .
وتين : نفس الشيء
ياسر: ذا الحين وسن إللي تنسأل إنتي ليش تجاوبين لاحظت من جلسنا هنا وإهي ماتتكلم بس إنتي إللي تتكملين عنها
وتين : أـنا وإهي واحد
بدر : تستحي البنت
وسن ناظرته وخاطرها تدوس في بطنه قالت بـ ثقه : لا خجلانه ولاشيء
راكان أخيراً سمع صوتها لكن مو نفس كل مرهـ
وسام : إختي من النوع إللي تمشي على إنو السكوت من ذهب وبعدين عشان تشتاقون لـ كلامها
وتين : جا لكم الرد
بدر : يـ الله حتى في هذي تردين ياختي إسكتي شوي من جينا هنا وإنتي بس تتكلمين ماتتعبين
وتين : إسم الله علي
خلود : خالي مو كأننا تأخرنا .
فواز : نمشي
البنات : أوكي
قاموا رااكان : وين لسا بكير
فواز : بكير في عينك ترا وراك صلاة جمعه بكرهـ إن شاء الله
بدر : يلا شباب .
قاموا كلهم عدأ رااكان
فواز : ما راح تروح
رااكان : لا جالس شوي
وسام : تبي احد يجلس معاك
رااكان : شُكراً
كلهم : باي مشوا البنات لـ سيارة فواز بدر يجي له بـ سيارته ويوقف عندهـ وفتح الشباك وقال : بكرهـ بنمرك ونحصلك بـ مكانك
وسام وياسر : هههههههههههههههههههههههههههههههههه
راكان واهو يضحك : ممكن ليش لا !!
بدر واهو يحرك سيارته بـ خيفيف : كل شيء جايز معاك إنت
راكاان : افضل شيء عشان كذا عايش حياتي والحمدلله
بدر : أقول لا تنسى ترجع للإستراحه باي
راكان ضحك وقال : باي
فواز مر عليه وقال : لا تنسى قبل لا تطلع ذكر الحارس ينظف المكان
راكان : خدام أبوك إنت الثاني كل واحد يمر علي يتشرط على كيفه
فواز ضحك وقال : أـنا عمك عمى بـ عين العدو
راكاان : اي أوامر ثانيه
هنادي تستهبل : إيوا سلم لي على إللي معاك
راكان يناظر حوله مافي احد قال : خير تشوفين أحد أـنا ما اشوفه
هنادي : هههههههههههههههههههههههههه إيوا هذا اهو بجنبك
راكان : ههههههههههههههههههههه . . أقول الله يخلف على ام جابتك بس
هنادي : ههههههههههههههههههههههههه يلا باي
راكان : هههههههههههه تمون البنت وحرك بـ اصابيعه كلهم بـ معنى باي لكن بحركه حلوهـ وكأنه يقصد فيها وسن
وسن كانت ورا وبجنب هنادي وتناظر راكان واهو متمدد على السجادهـ وكأنه في بيته . تسمع كلامه ,, ضحكته ,, أول مرهـ يجلسون هـ الجلسه شافته كيف يناظرها وكيف عيونه مركزهـ على عيونها اشتاقت له . خاطرها تجلس وتتكلم معاهـ عن الفترهـ إللي إنقطعوا فيها عن بعض من كلامه واضح إنو متغير لكن شنو السبب ماتدري وماتدري إذا منها هذا كله وإلا منه لما شافت حركة اصابيعه بـ معنى باي لفت وجهها عنه وناظرت قبالها ماتبي شيء منه يخليها تشتاق أكثر من الشوق إللي إهي فيه والحنين له أكثر
راكان كانت عيونه على وسن مو على هنادي ماراح يسوي أي شيء قبل لا تبدأ إهي وتعرف إنها غلطانه لو اعيش بعذاب طول عمري بقى يناظرها
بـ نظرات غريبه وبعدين رفع حاجب
حرك فواز من عندهـ وطبعاً فواز مر على الحارس ونبه عليه لإنه يعرف راكان مستحيل يسوي الشيء هذا وتركوا راكاان بـ روحه بـ الشااليه
وبـ الاصح بـ الحوش والباب الكبير مفتوح وقبال البحر كانوا جالسين كلهم يعني راكان مابدل مكانه

الجـزء >> 24 <<


ناظر موبايله بـ جنبه صاير مايطيق حتى يشيله شيبي فيه إذا دنيته ما تتواصل معاهـ قبل فترهـ إهتم بـ موبايله وصار يشيله على طول لإنهها تتصل فيه لكن ذا الحين خلاص اي مكان يرميه فيه ولا يذكرهـ إلا إذا ذكرهـ احد فيه ناظر الساعه إللي بـ الموبايل صفر وقال : ءء باقي ربع ساعه على أذان الفجر صار له بهـ المكان بـ روحه 3 ساعات وربع جالسها بـ روحه قام وركب سيارته متعود كل يوم يجلس بـ روحه يسوي إللي يبي يطلع إللي بخاطرهـ من غير لا أحد يعرف ويطلع للناس ولاكأن في شيء

أـحبك كل مافيني يحبك ياخلي البال
تخيلتك دواي وصرت جرحي الصعب ياخلي
تعبت أرحل من وجيه البشر بـ نساك بـ الترحال
ولا أدري وش يجيبك في وجيه الناس وأهلي

إنتهت الأغنيه إللي كان يسمع لها واهو جالس بـ روحه حرك سيارته للإستراحه

بـ نفس الوقت كان تليفون وسن يدق ردت ولا لها خلق شيء
الجوري : آلو وسن
وسن : أهليـن الجوري كيفك
الجوري : تمام إنتي كيفك
وسن : عال العال والحمدلله وين خلودي عنك
الجوري ضحكت وقالت : يجهز حق الصلاهـ قلت بهذا الوقت اتصل فيك عشان أسمع شنو صار بـ الرحله البحريه
وسن ضحكت وقالت : كل شيء تمام ووناسه
الجوري : الحمدلله طب راكان كيف كان
وسن ماتقدر تخبي على الجوري تشوفها أكثر من إخت : ء مطنش واـنا نفس الشيءء
الجوري : ياحياتي ليش
وسن : اهو ماتكلم فـ شيء اجي اـنا ابدأ مستحيل
الجوري : طيب من زمان ما أتصلتوا في بعض
وسن : من بعد قبل الإمتحانات
الجوري إنصدمت قالت : لما كنا بـ شهر العسل
وسن : إيوا لما كنا بـ شهر العسل
الجوري : أقصد أـنا وخالودي
وسن : إيوا القلب مع خلودي كل شيء يخصه حافظته حتىى موعد نص شهر العسل
الجوري وإهي تضحك : حرام عليك وبعدين لا تضيعين الموضوع
وسن ضحكت وقالت : أوكي
الجوري : من جد من هذاك الوقت
وسن : يسسس
الجوري : وشنو السبب ؟
وسن : ما ادري إتفقنا وقت الإمتحانات مافي إتصالات وبعد الإمتحانات الأساس إنو يتصل يتطمن علي وعلى النتيجه لكن ماصار شيء وجا لنا في طلعة النعيريه وكان متغير شوي وصار بيني وبينه بعض السواليف القويه ولا تسألين شنو لإني بـ اٌقولك كان يكلم بنت خالته وأـنا سامعته بـ نفسي وجاي وقتها يأمر علي أدخل للمجلس وأـنا رفضت واهو عند واـنا عندت زود وبعدها سألني كم سؤال لكن نفسيته غير عن الأول وشديت معاهـ بـ الكلام وبعدها ماصرت اعرف عنه شيء
الجوري : إيوا وبعدين
وسن : وبجلستنا اليوم نفس الشيء
الجوري : طيب يمكن يمر بـ ظروف صعبه عشان كذا نفسيته متغيرهـ شوي إنتي المفروض ما استعجلتي كان من نفسه إتصل فيك وقال لك كل إللي بخاطرهـ
وسن وإهي مبوزهـ : يعني
الجوري : يعني اهو ذا الحين ما ادري شـ يفكر فيه لكن اكيد مصدوم منك عشان كذا عامل حاله ولا كأنه شايفك لكن من داخله ينحرق
وسن : ما اتوقع
الجوري : بـ الله عليك أشتقتي له .
وسن : حيل
الجوري : طيب إنتي تبينه وإلا كلام بس
وسن : إذا اهو يبيني أـنا آبيه
الجوري : وسن أـنا الجوري مايحتاج هـ اللف كله
وسن ضحكت وقالت : إيوا آبيه إرتحتي
الجوري :ههههههه إيوا ارتحت طب إسمعي
وسن : شنو
الجوري : بعد فترهـ إتصلي فيه وشوفي شنو وضعه وإذا عاتبك على إللي عملتيه فيه إعتذري بـ طريقه حلوههـ
وسن : يصير خير
الجوري : وسن
وسن : هلا
الجوري : إسمعي الكلام
وسن : الجوري صعب كيف اجي له واهو ماتكلم
الجوري : والله منك ياغناتي إنتي إللي نحشتي الولد كان شـ حلوهـ معاك وناوي يتكلم معاك وإنتي بـ نفسسيتك الزفت طيرتيه
وسن ضحكت وقالت : اهو ماتكلم
الجوري : ما راح يتكلم قبل لا تتكلمين إنتي لإن الغلط منك وإلا تصلحينه شافت باب الحمام ينفتح
وسن : أوكي { سمعت وسن كلام خالد وتلونت خدودها قالت } الصلاهـ ياعباد الله
الجوري ماتت حيا
خالد واهو يقرب لها : تكلمين
الجوري وإهي خجلانه : وسن
خالد : وسن بـ التليفون ووسن بـ البيت ياليل من هـ الوسن متى يجي راكان وياخذها { رافع صوته عشان تسمعه }
وسن : قولي له لا يرقع ترا سمعت كلامه لك ياوسخين ترا أـنا على التليفون
الجوري ضحكت من الحيا وخالد خذا السماعه منها وقال بـ إستهبال : خير
شـ قايله لـ حبيبتي
وسن : إسأل حالك إنت إتق الله الفجر بيأذن وإنت تسولف كذا أـنا متأكدهـ إن وجه الجوري ذا الحين أحمرررررررر
خالد : والله زوجتي وكيفي أقول إللي آبي أسوي إللي آبي وفـ أي وقت وبعدين أكيد أحمررر ولو تشوفينها شيءءءء
وسن : ههههههههههههههههههه حياتي .
خالد : خير بس أـنا إللي أقول لها هـ الكلام
وسن : اوكي روح لها ترا مابقى على الأذان إلا خمس دقايق
خالد : يعني إنتهز الفرصه ها .
وسن : اساساً بـ أجلس بـ الصاله عشان إذا طلع أبوي سلمت عليه وقلت يُبه مر على خالد ترا اهو يقول لي قولي حق أبوي يمر علي قبل الصلاهـ عشان نروح سوا
خالد : ويلك .
وسن : ههههههههههههههههههههه أستغفرالله تبي الصلاة تطوفك أستغفرالله
خالد : ما راح تطوفني ويلا إقلبي وجهك
وسن وإهي تضحك : وإنت إقلب وجهك وبوس الجوري على خدها مني
{ لعانه بـ الجوري بس }
خالد واهو يبوس الجوري على خدها بـ صوت عالي : سمعتي
وسن : إيوا هههههههههههههههه
خالد : والله يـ إللي عندي إنخشوا ورا الكرسي
وسن : هههههههههههههههههههههههههههههههههههه { وسن تسمع الجوري وإهي تقول طيب وربي أردها لكم الحيا ذابحها } يلا باي
خالد : بايات

" قلبيِ " إلليِ كنت منه للأسف خيبت ظنه !!
وإلليِ باقيِ من حيـاتيِ أنا مو مستغني عنه
ذقت أنـا من المر كاس مايكفينيِ وراسك
والجروح الليِ بقلبيِ [ كلها من تحت راسك ]

ناظرت فيه ومشت
حمد ناظرها وإهي لسا طالعه من جناحها مسكها من إيدها وإهي تمشي من جنبه بتنزل للمطبخ بنرهـ مو مفهومه لـ خلود : شـ فيه
خلود ساكته
حمد : شـ سبب هـ النظرات
خلود : ممكن تترك إيدي !!
حمد لف لها وقال : بسس
خلود : إيوا واكون شاكرهـ لك
حمد ترك إيدها ودخل لـ جناحه ناظرته واهو يمشي لـ جناحه وعاطيها ظهرهـ خاطرها توقفه خاطرها تمشي وراهـ ليما تدخل معاهـ لـ جناحهم بدل مايكون جناحه اهو وبس سكر الباب بكل هدوء عكس إللي داخله مشى بكل بطىء لـ سريرهـ لسا راجع من صلاة الفجر المفروض إنه يكون مرتاح لكن إهي طالعه بـ وجهه ليش تلقف وسألها مايدري هذي ماينفع معاها شيء كل الأساليب إستخدمها معاها لكن من غير فايدهـ تزيدهـ عذاب وحيرهـ وآلم أكثر من اول اهو يشوف شكلها مو مرتاحه طيب ليش ماترتاح وإهي ماتحبني . مو هذا إللي على طول تقوله شـ إللي معذبها مايدري تمدد على السرير واهو متأكد النوم مجافيه نفس كل مرهـ وبـ الصعوبه يجي له

الساعه 2 الظهر
كانوا الشباب جالسين بـ الإستراحه بـ المجلس ولا أحد منهم عليه ثوب عدأ حاتم كلهم جينزات وبديات راكان كان جالس ومتكي على تكاي وحمد متمدد على أحد الجلسات وشبه نايم ,, حاتم يلعب بلايستيشن ويا بدر وطبعاً حمد ساند راسه على تكاي ومتمدد على الأرض ,, تركي جالس يضحك على بدر ولعبه ,, وسام واقف عند الإستريوا ويحط السي ديات إللي تعجبه وترفع ضغط راكان ,, ياسر شبه متمدد ويمسج بـ موبايله ,, خالد يسولف مع فارس ,, فيصل بـ جنب ياسر وشوي يسولف وشوي يمسج
راكاان : ياخي صدعت راسي بهـ الأغنيه
وسام : وربي حلوهـ
رااكان : طيب أـنا ما آبيها سامعها البارح وطفشان منها
بدر واهو يلعب : ء وليش سامعها البارح إعترف ؟
حاتم : إلعب عدل لا أشوتك مع الكورهـ
راكان : ههههههههههههههههه خللك بـ الكورهـ لو فيك خير سجل لو هدف واحد في حاتم
بدر : هـ هـ هـ ه اسجل في حاتم هدف واحد ما اقدر إنت تعال وإذا قدرت في حاتم لك إللي تبي
تركي : لا تجرب مهاراتك مع حاتم
راكان : لو عندي مزاج كان جبت إللي آبي فيه
حاتم واهو يلعب : ههههههههههههههههههههه الكلام مامنه فايدهـ
رااكان : هههههههههههههههههههه لا ياشيخ
حاتم : أعرف نفسي
رااكان : اـنا قلت لو لي مزاج كان جبت إللي آبي لكن مزاجي مو رآيق للكورهـ
بدر : حجة الكسلان مسح السببورهـ
رااكان قفلة أخلاقه : ياخي فكنا من هـ الأغنيه
وسام : هههههههههههههههههههههههههههههههههههههههه
كانت الأغنيه لـ محمد عبدهـ أحوال
وسام : شـ تبي تسمع
رااكان : اي شيء غير هـ النوع
بدر : إدينا حزين
حمد واهو مسكر عيونه : لا
بدر : هاها كملت والله
وسام : من جد تبون حزين .
راكاان : لاااااااااااااااااااااا لو تحط لي هندي لكن حزين لا
وسام : أوكي لحظه أشوف لك شيء
ياسر : عبدالمجيد
رااكان : الأخير
ياسر : إيوا
رااكان : لا
وسام : مو عاجبك شيء !!
راكاان : شغل اي شيء خلاص
وسام : أوكي في أغنيه شيءءءءءءءءءءءء
راكان : خلنا نسمع
وسام يشغل الأغنيه وكانت ماكان الفراق لـ عبدالمجيد راكان من سمع الموسيقى وعرف منها إنها ماكان الفراق وحزينه وشاف وسام يضحك بس لعانه في راكان رمى علبة البيبسي عليه وسام واهو ينزل على طول : هههههههههههههههههههههههههههههه
راكان : قفلها احسن لك
وسام : خلنا نسمع حزين أـنا ما أعرف الحزن ولا عمري سمعت أغاني حزينه
راكاان : إسمع في اي غرفه بعيد عني
بدر واهو يلعب : الأخو فاقد غالي
الشباب : ههههههههههههههههههههههههههههههههههههههههه
راكان : شـ دخلك فاقد منحرم مجافي شيء راجع لي
بدر : إيوا عشان كذا ماتبي تسمع حزين عشان لا تزيد المشاعر عندك ويزيد الحنين والشوق والحزن والعذاب والـى أخرهـ
راكان : عندك مانع يعني
بدر يكلم الشباب : شباب إللي اخوان وسن رجاءا خاص قولوا لها ترحم وليـفـ(ن) مُعذب ترحم حال المشتاق ترا الليل ماينامه والنهار مايسمع حزين
كلهم : ههههههههههههههههههههههههههههههههههههههه
حمد شوي ويتوطى في بطن إللي مشغل هـ الأغنيه ولا يبي يوضح لـ احد
راكان : وسام يرحم والدينك قفلها
وسام : خلاص رحمت حالتك { ووقف يقفلها } سمعوا الشباب صوت سيارهـ تدخل للإستراحه وإستغربوا منو إللي فاتح له الحارس البوابه عشان يدخل ولا في أحد ناقص منهم
وسام نط للشباك وصارخ : شبااااااااااااااااااااااااااااااب . الحكومه
الشباب نطوا من أماكنهم مايدرون شـ السالفه
وسام : أبوي أبوي جا
ياسر يخش علب البيبسي لإنهم راح يتعاقبون عليها
راكان يناظر بكت التدخين إللي منزل بـ جنبه وجيبه إللي بـ البنطلون ماياخذ البكت والتوليعه ورماهـ على تركي تركي يناظر البكت والتوليعه بـ حضنه قال واهو عيونه طالعه قدام : شـ أسوووووي فيه شـ دخلني ورماهـ عليه
راكان : ياحقير أـنا ماعندي مكان أخشه فيه وإللي بـ المجلس كلهم حوسه
حاتم ناظرهـ واهو باقي يلعب على نفس وضعه ساند راسه قال : جيبه أـنا معاي جيب
راكان ماصدق خبر ورماهـ على حاتم إللي خشه على طول بـ جيبه دخل أبو خالد لهم وهذي أول مرهـ يجي لهم من غير لا يخبرهم وإلا بـ العادهـ يجي مع أحد أولادهـ . يعني مايطب عليهم فجأهـ حمد ربه راكان إنه من بعد الغدأ ماشغل اي سيجارهـ وإلا إنفضحوا من جد من الريحه إللي بيشمها
أبو خالد واهو يدخل : ما شاء الله كلكم هنا
قاموا كلهم يسلمون عليه
أبو خالد : حتى المتزوجين !!
ضحكوا الشباب جلس أبو خالد عندهـم والمكان كان مُرتب حاتم وقف اللعب شوي وجلسوا يسولفون
بعد السواليف الشباب مستغربين وتوقعوا عشان طيرانه الساعه 5 ونص جاي يعطيهم توصيات نفس كل مرهـ قبل لا يسافر
أبو خالد : إسمعوا
الكل انصت له غصب
أبو خالد : الكلام إللي راح أقوله ما آبي احد يعرف عنه لا كبير ولا صغير ولا أم ولا زوجه
خالد : أكيد يُبه
أبو خالد : حتى عمانكم ما آبيهم يعرفون عنه يعني بس إنتم يـ الحاضرين سكت شوي ثم تكلم أـنا مسافر بعد 3 ساعات وسفري راح يطول إللي آبيه منكم وسن لا تطلع بروحها مع السايق ولا مع وسام ولا مع سايق أمها
الشباب إستغربوا
حاتم : ليش
أبو خالد : تطلع مع أي احد منكم عادي لكن تنتبهون بعد وسام كان يناظرهـ ومستغرب
أبو خالد يكمل : الحادث إللي صار لـ وسام وياسر ووسن مُدبر
الشباب كلهم : مُدبر ؟!!!!!!
وسام : مُدبر ليش شـ يبي مننا
أبو خالد : المقصود الوحيد من هـ الحادث وسن
صدمه للكل كل واحد منهم تغير وجهه . إذا اهم كذا ابوها كيف بيكون
ترددت الأصوات بـ المجلس : وسن ؟!!!!!
وسام حاس الدنيا تدور فيه قال : وسن ليش
أبو خالد : من غير ليش الحادث تخطيط من شخص ومدفوع للي عمل لـ وسن الحادث مبلغ مقابل هـ الحادث وبـ شروط تكون الصدمه قويه لولا ستر ربي ماعليكم من التفاصيل المهم علي ذا الحين وسن تراها أمانه عندكم كلكم السواق ماتطلع معهه لإنو مثل مافهمت المرهـ الأولى سملت لكن المرهـ الثانيه أكيدهـ وأـنا آبيها لما تطلع من البيت لـ اي مكان أي مكان إسمعوا يكون مع أي واحد منكم إن شاء الله لو تركي عادي إنتم كلكم إخوانها وأـنا فهتمها ماتطلع مع السايق لـ أي مكان تبيه وتقول لكم إذا تبي تطلع وإهي سمعت الكلام حتى المدرسه أـنا اعرف إنكم رياجيل وقد الثقه إللي حطيتكم فيها . كلش ولا وسن لو صار لها شيء لا قدر الله أـنا إللي بـ اروح فيها إهي ماتعرف شيء عن هـ الحادث ولا آبي يوصل لها أي شيء إتركوها تعيش حياتها من غير مخاوف
الشباب يسمعون والصدمه أكبر من إنهم يتكلمون يسألون
وسام وعيونه مدمعه : منو يُبه
أبو خالد بضيق : وسام وبعدين
وسام : آبي اعرف من هـ الشخص
كلهم : إلا نعرفه منهو هذا الحقير قول . إحنا نتولى أمرهـ ومن هـ الكلام
أبو خالد كان يوصيهم بـ صعوبه قال : ما احد راح يعرفه غيري
حاتم : إنت عرفته
أبو خالد : إيه
حاتم : الدعوى فوضى على كيفه الدنيا يخطط ويبي ينهي حياة بنت على أي اساس حتى إذا يكرهها الدعوى ماتوصل للحد هذا
أبو خالد : حسبالك ساكت له أـنا لا مو سُلطان إللي يسكت عن أحد ناوي احد من أولادهـ بـ شر
حاتم : لا يكون إللي كانت بـ تصورها ؟
أبو خالد : لا
خالد : اجل منو
أبو خالد : واحد حاقد عليها
الشباب : واحد !!!!!!!!!
راكان ونيران الغيرهـ والحقد والكرهـ لهـ الشخص : من ياعمي وربي لـ اجيبه لك جثه
أبو خالد : بارك الله فيكم حميتكم هذي آبيها تكون لما اسافر تككون قلوبكم عليها وخايفين عليها من ججد
بدر : مو قادر اصدق !! طيب كيف عرفت
أبو خالد : عرفت بـ طريقتي المهم إللي سوا الحادث لهم
الشباب : الفاقد
أبو خالد : وظفته بـ الشركه وإللي اسمعه بس مقابله وإلا متكلم معاهـ بـ شيء والله لـ اجي له من الخارج عشان اتفاهم معاهـ وارجع هذاني حلففت
حاتم : حلوهـ تبينا نعرف إنو وسن مهددهـ بـ الموت بـ اي ساعه ولا نعرف منو
أبو خالد : أـنا عرفت واـنا اكفي خلاص أـنا قلت لكم تسلمون عليه عادي لكن تسألون عن حادث عن شيء خاص فيه ويلكم
خالد : مالك إلا إللي يرضيك
حاتم : سافر وإنت مرتاح البال
ابو خالد : كيف ارتاح ووسن بعيدهـ ولا أدري عنها ولا عن إللي بيصير لها والله لو ماعندها دراسه كان خذيتها معاي { كمل بـ صعوبه } هذا ناوي ينهي حياتها بـ اي ثمن مستعد يسوي المستحيل عشان ماتكون بهـ الدنيا
سكتوا الشباب شوي حاتم واهو يضغط على حاله غصب : لا تشيل هم كلها شهر وترجع بـ السلامه ولا في إلا إللي يسرك وتشوفها بـ افضل حال
أبو خالد : الله يسمع منك المهم هـ الكلام بيننا ما احد يعرف عنه
كلهم : إن شاء الله
دق موبايل حاتم : هلا إيوا لا عندي أوكي لحظه وعطا الموبايل لـ أبوهـ وقال : جدي
ابو خالد : صح جوالي بـ السيارهـ وكلم أبوهـ وقال إنه بيمرهـ بـ البيت لإنه ما راح يسافر إلا 5 ونص أبو خالد واهو يوقف : يلا ياشبباب مثل ماوصيتكم واـنا متأكد إنكم قد هـ الوصيه
كلهم : مالك إلا طيبة الخاطر
أبو خالد : مع السلامه وطلع من عندهم واهو شايل هم وسن بنته الوحيدهـ وفي أكبر مصيبه حياتها معرضه للخطر في أي وقت
الشباب يشوفون سُلطان واهو يحرك سيارته ويطلع برا الإستراحه
رجعوا كل واحد لـ مكانه لكن ذا الحين كلهم بـ هم وتفكير واحد وسن وإللي حاقد عليها وبينهي حياتها بـ اي ثمن وسام ضرب الجدار بـ رجله وقال : حقير والله لو اعرفه ما اتردد في قتله دقيقه وحدهـ
راكاان يناظر حاتم وخالد ويبي أحد يريحه قال : شـ الفايدهـ من إللي بيسويه . شـ يبي بـ الضبط شـ معنى وسن
فيصل : وسن لها أعدا وإلا لا
حاتم : حتى وإذا لها ماتوصل للدرجه هذي حادث وهمه الوحيد ينهيها من الدنيا شـ يبي يطلع يقابل رجال لـ رجال وله إللي يبيه .
تركي يشوفهم متأثرين مرهـ وواضح على وجيههم لإنها متغيرهـ مرهـ وخصوصاً راكان وإخوانها وبدر قال : ياشباب هونوها وتهون إن شاء الله . . ترا هذا كله مجرد خطط يعني كلام
حاتم قال بـ عصبيه وصوته مرتفع مرهـ : وننتظر الـ . ليما ينهيها ثم نقول صار حقيقه
سكتوا لإنو كلامه صحيح وسام عيونه مدمعه متأثر مرهـ قال : وسن إذا صار لها شيء والله أـنا أموت
تركي : إن شاء الله ما راح يصير لها شيء
وسام : آخخ
حاتم جامع لكل شيء القهر , الحيرهـ , الخوف , شايل هم فقدان وسن قال : وربي مقهور ليتني أعرفه والله مايتهنى بهـ الدنيا لحظه وحدهـ
بدر مصدوم من إللي سمعه من شوي
حاتم بقوهـ من إللي يحسه : وين إحنا فيه شوي ويصارخ من إللي داخله طلع من الإستراحه كلها يحس إنه بينفجر من القهر إللي فيه حرك بسرعته كلها الشباب يسمعون صوت سرعة سيارته لما حركة
خالد إتصلت فيه الجوري وطلع لـ بيته واهو شايل هم إخته
وسام شاف مابقى إلا اهو من إخوانه إنهار بكا مايدري ليش يبكي من إللي داخله من قهر وإلا بس من تخيل إنو يفقد وسن بـ اي لحظه صار يبكي بكا طفل من تخيل هـ الشيء يبي ينسى جيت أبوهـ يبي يطلع الخوف إللي بداخله من فقدان وسن يبي يرتاح من هـ الأفكار إللي جت له من ربع ساعه بس وكلها تدور حول فقدان توأمه فقدان روحه اهو متأكد إنهم إثنينهم روحهم وحدهـ كيف بيقدر على فقدانها كيف فكر هـ الشخص النذل في هـ الشيء . إنه ينهي حياة بنت ماعمرها كرهت أحد ماعمرهـا أأذت أحد كيف
راكان وتركي وفارس وحمد وياسر وفيصل وبدر يحاول يهدون فيه لكن مافي فايدهـ وسام ممكن بـ اي لحظه يفقد توأمه شـ يبي بـ الدنيا ساعتها توأمين بـ روح وحدهـ ليش يعيش الروح هذي بروحه بعد فقدانها
راكان : وسام خلاص ما صار شيء ترا كل هذا كلام والحمدلله إننا عرفنا من قبل لا يصير شيء
وسام واهويصيح : ما آبي أفقدها أـنا وإهي واحد ما آبي اعيش الدنيا من غيرها ما آبي
راكان : وسام . . حتى أـنا أقول هـ اللكلام يعني مو إنت بروحك إللي تبيها إنت تبيها أمك , ابوك , اخوانك , أـنا كلنا نبيها ولاتقول هـ الكلام وإن شاء الله مايصير { رااكان يتكلم واهو ضابط حاله لا يصيح بـ جنب وسام حلو إنو باقي ماسك نفسه }
وسام : إن شاء الله أـنا قبلها عشان ما اذوق قهر حزنها
راكان : لا ياوسام لا تقول كذا إللي ربي كاتبه بيصير إللي علينا نتوكل على ربي وندعي إنو الله يحفظها لنا ويفكنا من شر إللي ناويها بـ شر

حمد واهو يوقف وسام : قوم معاي راكان ماهو ناقص عذاب قوم إنت رجال يعني كل ماشفتها بتبكي عندها خلك قوي مثل حاتم وخالد وأبوك وإن شاء الله مايصير شيء
وسام : حمد هذي وسسن
حمد : والله أعرف إنها وسن وحسبالك عادي عندنا لا والله إننا نشوفها مثل خواتنا ونغليها مثلهم إنت بس وكل أمرك لـ ربك وربي على الظالم
وإحنا عارفين إنو ظالم إللي فكر بـ مثل هـ الشيء
بدر : وسام رجاءً إمسك نفسك عشانها وبس لا تفضحنا عندها . وتعرف كل شيء
رااكاان بخوف : لا لاتعرف اي شيء
تركي : يلا وسام قوم
فارس : يلا وبعدين العصر خلاص بيأذن يعني وضوء بـ الطريق وروحه للجامع
بدر : يعني مو تغسل وجهك وبس خلنا نوضي ونطلع للجامع عشان منها نسلم على خالي قبل لا ييسافر
وسام قام لـ دروات المياهـ ووضو كلهم وطلعوا للجامع لـ صلاة العصر

بعد أسبوع
كان يناظر من شباك غرفته الكبير إللي يطل على الحديقه ,, ويشوف وسن ووسام ووليد يلعبون بـ الحديقه وإلـى الأن تفكيرهـ مشغول بهذا إللي ناويها ماهو قادر يعرفه وابوهـ يتصل فيه كل شوي والثاني يتطمن على كل شيء واضح من شكلها وإهي مندمجه بـ اللعب ماتعرف عن شيء وكأنها خاليه من الهموم وصراخهم واصل له فوق شوي طلعت موبايلها من جيبها وردت وماطولت بعد ثواني فتح الحارس الباب بـ الجهه الثانيه بعيد عن مكان وسن ووسام ووليد ,, ودخلت سيارهـ مايدري منو فيها غير السايق نزلت البنت من السيارهـ وواضح إنها مو من بنات عائلته لإن السايق غريب عليه جت تمشي لـ مكان وسن قابلتها وسن وسلمت عليها ودخلوا للبيت وسام يناظر حاتم إللي يناظرهم من غرفته قال : تعال إللعب
حاتم : مالي مزاج منو هذي
وسام : صاحبة وسن
حاتم : أعرف إنها صاحبتها لكن منو
وسام : بنت سطام
حاتم : إيوا عرفتها
وسام : طيب إنزل .
حاتم : اوكي وطلع من جناحه ونزل تحت إلا وسن من السنع الزايد مجلسه زيزفون بـ الصاله حاتم رجع لـ ورا على طول ولا ناظر شكلها أساساً لإنه شاف وسن جالسه ومعاها أحد فـ أكيد إهي
وسن وقفت وقالت : سوري نسيت إنو هنا لحظه حتومي ومشت إهي وزيزفون لـ صالة الضيوف وجلسوا بـ راحتهم حاتم طلع لـ وسام وجلس
بـ الحديقه ووسام يلعب مع وليد
وسام : تدري إن حفل تخريج وسن ووتين بعد أسبوع
حاتم : إيوا أمي خبرتني
وسام : وكل العائله بـ تحضرهـ
حاتم واهو رافع حاجب : منو
وسام : كل البنات وعماتي
حاتم : خلهم يستانسون إنتم ماعندكم حفل تخرج
وسام : ياحلو شكلي عامل مسيرهـ وامشي ويكرموني تقول معرس يزفونه حلو مني إذا حضرت حفل تخريجي من الجامعه
حاتم : والله إللي ماعندهـ وقت
وسام : هذا حق بنات وبس
حاتم : طيب متى الإمتحانات
وسام بـ ملل : ياليل باقي عليها 3 أـسابيع
حاتم : حلو
وسام : اي حلو !! إلا نكد
حاتم : خلاص هانت شهر وأسبوع وإنت منتهي إن شاء الله على خير
وسام : إن شاء الله
وسام واهو متضايق شوي : بعد هـ الشهر شـ راح يصير
حاتم مستغرب : شـ بيصير
وسام : وسن ما راح يكون عندها زواج
حاتم فكر شوي قال : لو عندها كان راكان خبرنا من زمان
وسام : كيف يخبرنا وباقي شهر ونص على إنتها الكل من دواماته يعني مطول وقدامه 3 شهور إجازهـ
حاتم : ما ادري والله
وسام : يمكن قايل حق ابوي ولا قالنا !
حاتم : أبوي لو عندهـ خبر قالنا

يوم الأربعاء بـ الليل على الساعه 12 كانوا وتين والجوري عند وسن
الجوري وإهي مقهورهـ : راح اتصل في خالد إتصلت وكان مغلق قالت : يـاربي هذا وقته !!
وتين وإهي تغلي من داخلها : شـ فيه
الجوري : مغلقق إتصلي في حاتم
وتين : إلا حاتم والله ما اتصل فيه
الجوري : مالت عليك إحنا فاضين حق تعقيداتك ذا الحين وإتصلت في حاتم إللي إستغرب الجوري متصله فيه !!! : آلوو
الجوري : آلو حاتم
حاتم : هلا الجوري
الجوري : حاتم وينك
حاتم : بـ الإستراحه ليش
الجوري قالت له السالفه وقف واهو معصب وجنون الدنيا حوله قال : والله ما اكون ولد سُلطان إذا ماربيته أـنا جاي باي وقفل
الشبباب : شـ فيه
حاتم مشى عنهم ولا تكلم
تركي : هيه إنت شوف إختك الهايته السالفه أكيد تخص وسن لإن الجوري إللي متصله شوف شـ فيه
ياسر يتصل في وتين إللي ردت وقالت له السالفه ياسر مصدوم وقفل
الشباب بيعرفون السالفه جا لهم وسام من دورات المياهـ وسمع السالفه بدر قام وقال : بـ روح مع حاتم
تركي : صاحي إنت يمكن ينهيك معاهـ
بدر : والله لو إيش بـ اروح معاهـ
حمد : لحظه حاتم طلع لـ بيتهم
ياسر : إيوا
بدر : وسام تعال معاي قام وسام واهو مصدوم
حاتم دخل لـ جناح وسن وكانت جالسه على سريرها وساندهـ ظهرها وتناظر قبالها شاف الجوري ووتين وأمه موجودات
حاتم واهو واصل حدهـ لكن مسك نفسه شوي لإنها مالها ذنب : شـ فيه
أمه قالت له السالفه
حاتم واهو حاقد وبقوهـ : وين جوالك
وتين تعطيه له لإنه كان مع وتين والجوري
حاتم : أوكي وطلع من عندهم
أمه تلحق فيه : يُمه وين رايح .
حاتم واهو يمشي : بـ أأدبه واجي
طلع حاتم إلا بدر ووسام في وجهه وسام : بروح معاك
حاتم بقوهـ : لا إجلس هنا ليما يجي خالد
وسام حاول لكن كلمه من حاتم كتمته غصب
دخل وسام للبيت وبدر حرك ورا حاتم
حمد يتصل في بدر : شـ صار
بدر : هذا حاتم طالع للرياض وأـنا وراهـ
حمد إنصدم قال : شـ بيسوي
بدر : أتوقع نفس ماقال بـيأدبه وبيجي
حمد : وإنت وينك
بدر : أـنا وراهـ ولا قدرت أوصل له
حمد : ماشي بسرعه
بدر : خذها مني خلال ساعه ونص واهو بـ الرياض
حمد فتح عيونه على الأخر قال : هذا مجنون بيصير له شيء بسبب هـ السرعه
بدر : لاتلومه سالفة الحقير كبيرهـ
حمد : اوكي طمنا
بدر : أوكي باي
فارس : شـ فيه
حمد : جابها لـ نفسه ولد سعد خلاص
تركي : حاتم يعني حطه بـ راسه
حمد : الرجال بـ طريقه للرياض
إنصدموا
فيصل : تستهبل
حمد : وربي بدر يقول اـنا وراهـ ولاقدرت أوصل له يقول خلال ساعه ونص واهو بـ الرياض
سكتوا شوي
تركي : حركته وسخه
فيصل : من جد واضح عليه إنه وسخ كله
تركي : والله لو أـنا مكان حاتم كان ذبحه حلال
حمد : لا تخاف حاتم يعرف يسنعه لك
ياسر: ليتني رايح عشان أشوف
تركي : لاتستعجل بدر بيوصل لك كل شيء
دخل عليهم خالد وشاف وجيههم ماتبشر بـ خير واخوانه ماهم فيه قال : سلام
كلهم : وعليكم السلام والرحمه
خالد : صاير شيء
تركي : لا بس حاتم طلع للرياض ويقول إذا جا خالد يروح لهم بـ البيت
خالد طلع موبايله وكان فاضي بطاريه إتركه بـ الشاحن 10 دقايق وبعدين فتحه حصل إتصالات من حاتم ومن الجوري ومن 2 أصحابه
إتصل في حاتم حاتم كان بـ السيارهـ ولايسمع لـ موبايله لإنو نغمته خفيفه مرهـ خالد إتصل في الجوري وقالت له يجي للبيت وفعلاً جا لهم وعرف السالفه وجلس عند وسن يهدي فيها ويحمد ربه إنه ماكان موجود وإلا راح بدل حاتم وذبح ولد عمه ورجع وإلا حاتم ممكن يمسك نفسه ويعرف يتمالك حاله

وصل للإستراحه المخصصه لـ أولاد عمه الساعه 1 وربع ونزل على طول وفي إيدهـ موبايل وسن دخل للمجلس وشاف مافي احد سمع اصوات داخل شكل في احد بـ المطبخ واقف مكانه وعند الباب وواضح الحقد والقهر
بـ عيونه شوي طلع رااكان من داخل وإنصدم من وجود حاتم ووراهـ بدر
راكان واهو يتبسم : اشوف الرياض منورهـ اثاري حاتم وبدر هنا
حاتم بكل قوهـ : وين أخوك
راكان إستغرب شـ فيه هذا قال : زياد شوي ويجي
حاتم : أخوك الحقير
راكان مو فاهم شيء : من
حاتم : الزفت نايف ؟
طلع ناايف واهو مايدري شـ السالفه وجلس على لاب توبه وموبايله منزل بـ جنب اللاب
حاتم : ما شاء الله
سمع الصوت وطاح قلبه في بطنه حاتم شـ ناوي عليه
وقف واهو خايف لكن يكابر
تقدم له حاتم وخذا اللاب والموبايل ورمى فيها بـ اقوى شيء عندهـ بـ الأرض وصارت كسر بـ كل مكان ناظر وشاف المومري وخذاهـ وقال واهو يكبت عصبيته : حقير
نايف , راكان , بدر مصدومين من إللي سواهـ حاتم
نايف عصب وقال : ماحقير إلا إختك
حاتم عصب وطررااااااااااااااخ على وجه نايف إنصدموا
حاتم : إذا سمعتك جايب طاريها لك أكثر من كذا
راكان تقدم له واهو واصل حدهـ مهما كان مايعامل أخوهـ كذا قال : خير
شـ مسوي
حاتم ناظرهـ بقوهـ وقال : شـ مسوي تبي تعرف شوف { وعطاهـ موبايل وسن بعد مافتح المسج }
راكان يقرأ مصدوم ماتوصل للدرجه هذي وين إحنا فيه
حاتم لف لـ نايف وقال : إنت حقير الرجوله بـ جهه وإنت بـ جهه
راكان صارخ على نايف : لييييييييييش
نايف ناظر أخوهـ وقال : أحسن تستاهل أـنا ماهضمتها أكرهها
حاتم : ماطلبنا حبك ولا حب أهلك كلهم من أكبرهم لـ أصغرهم أجل ماتتشرفون في وسن
نايف : إيه
حاتم رفع صوته وسكت نايف غصب : إحنا إللي مانتشرف فيكم فاهم ولا تنسى تراها بنت سُلطان وإذا فيك خير إنت واهو{ ويأشر على راكان بعدم رضى } لاتكملون الشيء إللي إيبتديتوهـ واحمدوا ربكم إننا وافقنا مبدئياً
رااكان إنقهرمن أخوهـ قال يخانقه : قسم بـ الله ماتستحي على وجهك وتوك بزر يبي لك تربيه كيف سويت كذ ياحمااااااااار كيف تتجرأ على بنت عمك حاتم يكمل واهو يناظر نايف : لو بغيت طلعتك من هنا , ولا تشوف أهلك ولايوصل لهم اي خبر عنك إلا يوم وفاتك لكن تارك كل شيء بـ وقته وبكيفي أـنا كفوك علاقات الخدامات يا قال كلمته القويه ومشى وقبل لا يطلع قال يكلم راكان وكأنه يأمر أمر : إسمع إنت ترسل لي رقم حسابك عشان انزل لك قيمة مُتطلبات الحقير , الواطي وطلع راكان ينادي عليه وحاتم مايسمع
لـ أحد رااكان ناظر أخوهـ وطرااااخ على وجهه وقال : يبي لك تربيه من جد وجديد
نايف ساكت إللي جا له من الكلام يكفيه
بدر مصدوم مابعمرهـ شاف هـ الوجه لـ حاتم يـ الله حمد ربه إنه لا بـ مكان نايف ولا بـ مكان راكان زياد كان لسا جاي للإستراحه ,, واهو يقابل حاتم عند الباب إللي بـ الشارع قال : هلا والله حاتم
حاتم : هلا ومشى عنه وركب سيارته ومثل ماوصل بـ سرعه للرياض رجع للخبر بـ سرعه
زياد دخل للمجلس وشاف رااكان ونايف قال : شـ فيه حاتم
ماردوا عليه
ناظر اللاب مكسور والموبايل قال : خير شـ صاير
راكان طلع من عندهم ووسع الأرض ضايق فيه متأكد بعد إللي صار من نايف خسر عمه وأولاد عمه وبنت عمه هذا حاتم ومابعد جا عمه إللي راح يكون اقوى من حاتم
بدر يسوق السيارهـ واهو مصدوم من حاتم وإللي قاله

كان يأذن الفجر وكان الكل متوجه للجامع للصلاهـ أول ماوصل حاتم توجه للجامع وصلى الفجر وطلع لـ بيتهم لحق فيه خالد ووسام بعد خمس دقايق وصل بدر وصلى بـ الجامع صلاة الفجر إللي طافته

دخل حاتم على جناح وسن وكانت وتين باقي عندها والجوري تكلم وتين تليفون
وتين من الحوسه لما دخل حاتم إنخشت بـ غرفة التبديل وقف حاتم يناظر وسن ناظرته وسن ورسمت إبتسامه عشان حاتم ,, توضح له إنو الموضوع عادي ولا أثر فيها رد لها الإبتسامه وقلبه ينعصر على حالها جلس معاها على السرير وقبالها على طول إلا بدخلة خالد ووسام
وسام يقال إنه يقلد أبوهـ : ما شاء الله عليكم وين الصلاهـ
حاتم : لا ياشيخ كأني ماصليت معاك !
وسام : ماشفتك !
حاتم : خلاص مرهـ ثانيه بـ اسجل حضور
وسام تبسم إبتسامه كبيرهـ مرهـ وقال : يكون أحسن ,,
خالد : الجوري طلعت للبيت
وسن : إيوا من شوي
وسام : كلـ(ن) على همه سرا
وسن : هههههههههههههه
خالد : زوجتي وكيفي أسأل عنها بـ كيفي ووقت إللي آبي
وسام : روح لها ترا وقفتك هنا مالها داعي وإهي تبيك وغمزله
ضحكوا حاتم وخالد ووسن
حاتم ناظر وسن وقال : وسن ترا الموضوع إنتهى وكل شيء إنحل ورجع نفس أول وكأن شيء ما صار
وسن رفعت عيونها له وسكتت وفي خاطرها "كيف رجع نفس أول !"
خالد : يلا ياحلوين أشوفكم اليوم إن شاء الله
وسام : إي ماعليه إذا تركتك الدكتورهـ تطلع من عندها اليوم
خالد : لعانه فيك ما راح اطلع من عندها اليوم
وسام : هذا إللي إنت تبيه
خالد مشى عنه وقال : موت من القهر إللي فيك
وسام يصارخ : على إيش لو آبي أتزوج كان بـ كلمه مني وتزوجت

خالد يرفع صوته واهو طالع من جناح وسن : يجيب الله مطر باي
وسام : باي
قام حاتم من عندهم لـ جناحه
وتين وإهي بـ غرفة التبديل : وسن باقي أحد ؟
وسن : وسام بس
وسام : إنتي هنا
وتين : لا هناك
وسام : هاهاها ماتضحك
وتين : قوم فارق بـ أطلع
وسام : أـنا بـ أـنام عند وسن اليوم
وتين : وسام بلا لعانه
وسام واهو يتمدد على السرير : سوري بـ أـنام ورجاءاً بلا إزعاج
وتين : وسام تدري إنو روزان تحبك
وسام : مو أدري إلا متأكد
وتين : وسام وربي إذا ماطلعت لـ أطلع لك وأـنا كاشفه
وسام : عادي
وتين : وسام تعرفني أسويها
وسام كان بيتكلم ووصل له مسج وفتحه وتبسم وتلونت خدودهـ شوي زهري وسن تناظرهـ قالت : يؤي شـ عندهـ الولد
وسام ناظرها وتبسم وقال واهو يقوم من السرير : مسج من الحب يلا اشوفكم قريب باي
وسن ضحكت وقالت : بايات
وتين طلعت وقالت : مابغت تمسج
وسن : هههههه لا يكون إنتي قايله لها تمسج
وتين : لا بس اكيد فـ كل وقت بـ يمسجون لـ بعض
وسن : صح
وتين نامت عند وسن

الشباب واقفين عند سسيارة بدر وقاعد يسولف لهم عن إللي صار
تركي : يستاهل الحقير
فارس : قليل عليه هذا
حمد : حسيت من كلام بدر إنو حاتم كان ماسك نفسه
فيصل : كل هذا وماسك نفسه !!
ياسر: صح لو إللي متولي أمرهـ خالد كان ذا الحين نترحم على الحقير نايف
بدر : حاتم مو ماسك نفسه محكم عقله وعارف يتصرف مع المووضوع
تركي : بس راكان ماله ذنب يعني ليش يخرشه مع نايف
حمد : ذنبه أخوهـ عشان يعرفون إن وراها أحد مو أخوهـ يغلط واسكت لهم
تركي : طيب اـنا ماقلت يسكت لكن يحاسب إللي غلط
حمد : خله عشان راكان يحس بغلط أخوهـ ويصلحه
فيصل : من جد وقاحه يعني إللي مسويه له كل هذا الخدامه
بدر : حاتم يقول كفوك علاقات الخدامات يعني اكيد الخدامه
فارس : يعني راكان خلاص
بدر : حاتم قاله مانتشرف فيكم وإذا فيكم خير إنهوا الموضوع مع ابوي
حمد : الله يعينهم على خالي إذا وصل له الخبر
بدر : يستاهل أجل يسوي عملته هذي ولا يبي أحد يحاسبه
فيصل : الله يعينها هـ البنت ماتطلع من شيء إلا تدخل فـ شيء
حمد : من جد يعني شوف محصله كل شيء حلو من أهلها والتعذيب يجي لها من برا
تركي : ماعليك ماتهتم لإنها محصله كل إللي تبيه من أهلها
بدر : يعني شـ تبي بـ إللي برا وإلا ليش تهتم فيهم
فيصل : ياخي تفكيركم غلط
تركي واهو يمشي لـ سيارته : إلا صح
حمد يكلم فيصل عن تركي وبدر : هذيل الحمدلله والشكر
بدر : والله ماغيركم إللي حمدلله والشكر
فارس : أقول مو كأن الجلسه اعجبتنا هنا .!!
فيصل : هههههه يلا باي شباب
تفرقوا الشباب كل واحد لـ بيته

يوم الجمعه على الساعه 8 الليل كانوا وتين ووسن مع وسام طالعين من غير لا أحد يعرف ولسا يدخلون البيت وكل وحدهـ في بيت أهلها
أم خالد تناظر وسن : خير شنو هذا
وسن تناظر أمها : يُمه عادي حلو صح
أم خالد : شنو إللي حلو متى سويتي هذا . ومنو سمح لك أساساً
وسن : يُمه عادي شوفي وتين قاصه شيء أكثر مني
أم خالد : أـنا شـ علي من وتين
وسن : يُمه بكرهـ حفل التخرج وقلنا نغييير شوي
أم خالد : لا والله العنود تعرف
وسن تتبسم : لا قلنا مفاجأهـ للكل
أم خالد ناظرت وسن
دخل حاتم : شـ فيه
وسن : حتومي شـ رآيك وتلف عشان يشوفها
حاتم : الله حلو
أم خالد : خير إنت بعد شنو الحلو فيه
حاتم : يُمه لا حرام عليك والله حلو وبعدين شوفي عاطيها شكل ثاني
أم خالد ناظرتهم بـ قهر وطلعت لـ غرفتها
حاتم يناظر وسن : خير شـ فيها ليش معصبه كذا
وسن بوزت وقالت : عشاني قصيت شعري
حاتم : طيب عادي شـ فيها
وسن : لا إهي ماتببي أقصه
دخل وساام : الله الله الله شنو هـ الحلا شنو هـ الجمال !!
وسن : أمي زعلانه
وسام : وليش
وسن : عشان هذا وأشرت على شعرها
وسام : ماعليك إهي لها يومين مقفله أخلاقها عشان الحبيب غايب له شهر وهذي سواليف الشوق
حاتم ووسن : ههههههههههههههههههه
وسام : وربي لها يومين نفسيتها مش ولا بد
حاتم : طيب يمكن في موضوع ثاني مضايقها وإذا على الحبيب على قولتك يتصل فيها كل وقت والثاني
وسام : إيوا لكن مشتتااااااااااااااااااااااااااااااقه ترا الشوق شين إسألني
حاتم واهو يضحك : لا الأخو مجرب
وسام يطلع آهـ : شـ إللي معذبني إلا الشوق هذا والحب
وسن : هذا وإنت تشوفها كل شوي والثاني
وسام : مايكفي إلا نكون في بيت واحد
حاتم : أـها قول كذا من أول
وسن : إيوا السالفه كلها على البيت والجمعه لهم إثنينهم
حاتم : عشان كذا مطول على مايصير الشيء هذا
وسام : قسم بـ الله ما احد يتكلم عندكم وطلع من عندهم
حاتم ووسن : ههههههههههههههههههههههههههههه

في بيت أبو سعود
العنود : ولا كلمه يلا فارقي من وجهي
وتين وإهي تضحك على شكل أمها : يُمه عادي قصيت أـنا ووسن يعني تقبلي شنو ببتسوين توصيل لـ شعرنا بعدين تلاقين خالتي جوهرهـ راضيه
العنود : وإذا جوهرهـ راضيه أـنا إلا اكون راضيه !
وتين وإهي تجلس وتبوس راس أمها : يُمه شـ رآيك وربي يجنن وتحرك راسها وشعرها يتحرك وعاطيها منظر حلو
العنود وإهي معصبه : من حلاته وقومي لـ غرفتك ولا اشوف وجهك يلااااااااااااااااا
وتين نطت لـ غرفتها من تعصيبة أمها
وسن ووتين كان شعرهم نفس الطول إلـى تحت الخصر , وكثيف وناعم ولونه بني وذا الحين وسن قاصه لـ تحت نص ظهرها ومن أخر شعرها عامله قصات حلوهـ بحيث مايكون كله نفس الطول ولا غيرت اللون وتين قاصه إلـى فوق اكتافها طبقات من الإذن إلـى الأكتاف ومغير شكلها مرهـ وعشان كذا جوهرهـ والعنود مقهورات

يوم السبت يوم تخريج دفعة ثالث ثانوي علمي ’ أدبي بـ مدرسة وسن ووتين والكل حاضر
وتين : ها ما أحد جا معاكم
شوق : والله كنت ناويه أجيب تركي لكن خفت عليه
وتين : وععع وعلى إيش تخافين عليه
شوق : على كل شيء إسم الله عليه ربي يحفظه لي
وسن : آمين
شوق وإهي تبوس وسن : إسمعي تعلمي
وتين : هيه حدك
شوق : يـ الله منك ياختي إتركيها مو تغارين عليها
وتين : بنت خالي وكيفي
ميار : صراحه أشكالكم يعني طالعه شيء
شوق : وسن خلقه شيء لكن وتين مابعمرها صارت شيء إلا بهـ القصه وكله من القصه بس
وتين : لا ياشيخه
شوق : الحق ينقال
وسن : مو جايه أمك إنتي وإهي ؟
شوق : بتجي أمي واختي وام زوجي حبيبي { تشدد على الكلمه عشان تقهر وتين }
وإخت زوجي حبيبي
وسن : ما شاء الله وإنتي ميار
ميار : نواف حبيبي بيجي
وتين : ياليل ترا مايخرب المدرسه إلا المتزوجات
كلهم : ههههههههههههههههههههههههههههههههههه
ميار : جاي معاي أحب شخص
شوق : مين
ميار : هذا وتأشر على بطنها
وتين : مالت من صرنا بـ ثالث واهو ضيف شرف في بطنك
كلهم : ههههههههههههههههههههههههههههه
ميار : يحصلك
وتين : لو آبي كان معاي واحد ذا الحين
شوق : أمششش
وسن : هههههههههههههههههههه
ميار : بنات في وقوف كثير .
وسن : لا إحنا متفقين معاهم
ميار : افضل والله
وتين : ليتهم يطولون الوقوف عشان نشوف ضيف الشرف هذا
ميار : وربي إنتي نذله يعني تبيني أولد ولادهـ مبكرهـ عاد أـنا على الدقه
وتين : عادي
ميار : إسم الله علي
شوق : هههههههههههههههههههههههههههههههههههههههه
وتين : ليش ماصرتي نفس هذي { وتأشر على شوق } إللي مابعد حملت
شوق : هيه إنتي لا تحطين عينك علينا
وتين : يعني من حلاتكم !
شوق : ميته
وتين : ايه ماعليه
وسن : شـ رآيكم نروح عند أمي أكيد الكل وصل
وتين : وناسه خالاتي وأمي والبنات موجودات
شوق : ما شاء الله العائله كلها !
وتين : شـ خصك !!
شوق : بـ الله وين بيجلسون إذا بيجون كل عائلتك
وتين : يجلسون وين مايبون كيفهم
شوق : لا من جد يعني بناتكم كثير إذا بيجون كلهم
وسن : مو جايين كلهم بس عمتي عنود وهنادي و
وتين : وإللي بيجي يعني ممكن زيادهـ على أمي وهنادي 4 وإلا 5 من عائلتنا
شوق : وتقولين شوي مشينا بس
ومشوا كلهم للإدارهـ

بعد أسبوع

وسن وإهي تدخل الصاله وأمها فيها وشافت أمها تتصل بـ موبايلها توقعت تتصل فـ ابوها وإلا وحدهـ من صاحباتها
جلست وسن فـ الكنبه إللي بجنب أمها
أم خالد وإهي ترد لما جا لها الصوت : آلو السلام عليكم
الطرف الثاني : هلا وغلا وعليكم السلام والرحمه
أم خالد : حمدلله ع سلامتك أبوي كيفك ذا الحين
الطرف الثاني : الله يسلمك بخير ونعمه والحمدلله { كمل يستهبل } الحمدلله مافي كسور بس رضووض
أم خالد : الحمدلله عدت على خير وماتشوف شر إن شاء الله
الطرف الثاني : الشر مايجيك إنتم كيفكم
أم خالد : كلنا بخير ونعمه { ناظرت أم خالد إلا هذي أختها بدور داخله الصاله لإنها عارفه أبو خالد مو موجود والبنت ماخذهـ راحتها } قالت بصوت عالي : هاااااااااااي
وسن وإهي تروح لـ خالتها : ههههه هايات ماتتركين طبعك ترا صوتك مزعج
بدور وإهي تطق وسن ع كتفها : عمى بعين العدو أـنا خالتك
وسن : ههههههه خالتي على عيني وعلى راسي لكن إزعاج سوري والله لو يعرفون عنك الطالبات لـ تصيرين نكتة الموسم
بدور: مالت عليك وعلى الطالبات
وسن : ثانكيو تصدقين كل ماشافوني قالوا كيف تتكلمين مع خالتك المغرورهـ !!
بدور وإهي مصدومه : أـنا مغرورهـ !!!!!
وسن بترفع ضغط خالتها : صادقين
بدور تكلم إختها جوهرهـ : حسبي الله على إبليس بنتك أـنا طلعت مغرورهـ
وسن : هههههههههههههههههههههه
أم خالد تكلم وسن : وسن تعالي كلمي
وسن وبدور يمشون لها
بدور : منو
وسن : أمي تعمل الواجب . . تكلم شخص عامل حادث
بدور وإهي تضحك : أجل الواجب شغال عندكم اليوم
وسن : ههههههههههههههههه
وسن تاخذ الموبايل وجوهرهـ توقف تسلم على إختها
جوهرهـ تكلم وسن : هذا راكان بـ المستشفى صاير عليه حادث تحمدي له
بـ السلامه
وسن إنصدمت .
جوهرهـ شافت بنتها مصدومه كملت بسرعه : لاتخافين الحمدلله ماصار له شيء
بدور نفس الشيء لكن حبت تلطف الجو : أقعـــد والله وسين صارت تحب وتخاف طب أـنا مايصير اكلم !!
جوهرهـ وإهي تاخذ إختها بـ إيدها : لا أمشي معاي نجلس بـ الحديقه
طلعوا من عند وسن وسن رفعت الموبايل لـ إذنها مالحقت تقول ألو إلا خالتها طاله بـ راسها وقالت : ترا اسمع
تبسمت وسن غصب
خالتها وإهي تضحك : مكالمه حلوهـ إن شاء الله وغمزت لها وطلعت من عندها
وسن ناظرت خالتها لما طلعت والمكسين راكان على الموبايل ولا يدري
شـ السالفه عمته قالت له لحظه شوي وبعدها عملت تعليق

الجـزء >> 25 <<


رااكان متأكد إنو أولاد عمه حاقدين عليه وعلى أهله من بعد سالفة أخوهـ واهو مايلومهم على إللي ممكن يسوونه فيه بعد مايرجع عمه من سفرهـ

" باقي لنا تقريباً نص ساعه "
أبو خالد : خلاص إنتبهوا بـ الطريق
حاتم : إن شاء الله
أبو خالد : مع السلامه
حاتم : مع السلامه
ياسر : ليش اخذينا إذا بترجعون بنفس اليوم !!
حاتم : صعب نترك الأهل ماعندهم أحد بعدين كلها نتطمن عليه ونرجع يعني إحنا مو رايحين تمشيه
تركي : صح أهلنا ماعندهم غير أبوي والسوواويق
بدر : ولاتنسى ياحلو بكرا الجمعه
ياسر متملل . أكرهـ شيء عندهـ يروح لمكان بعيد ويرجع فـ نفس اليوم
طبعاً كلهم رايحين يتطمنون على راكان بعد الحادث
كان تركي وحاتم ووسام وياسر وبدر في سيارهـ وخالد وحمد وفيصل في سيارهـ وسعود وفارس وابو فارس وابو سعود

في سيارة حاتم
وسام شوي ويضحك : والله ما اتخيل شكل راكان مرفوعه رجله وإلا لافين إيدهـ
بدر : ههههههههههههههههههه إلا قصدك رابطين على راسه هههههههههه
وسام : ههههههههههههههههههههههههههه
حاتم : إرتاحوا ماصار له هـ الشيء والحمدلله
بدر : ما احد قاله يسرع اساساً
ياسر: اهو يقول ماكنت مسرع
بدر : أخر واحد يقول ماكنت مسرع اهو راكان
وسام : صح


بصوت مصدوم أقرب للهمس : " آلو "
راكان كان متمدد على السرير ويناظر أخوهـ زياد إللي قباله ويسولف معاهـ والموبايل على إذنه وصل له الصوت إللي عذبه كثير وكان يتمنى يسمعه كل يوم قبل لا ينام ومايصحى إلا على هـ الصوت " مثل ماكان متعود أول " ماتوقع يسمعه نهائياً وبعد إللي صار عدل جلسته واهو منخبص حاله فوق تحت بسبب هـ "آلو"
راكان والمشاعر متفجرهـ عندهـ : آلوووو ’’
زياد يناظر أخوهـ إللي راح فيها وقف زياد ويأشر له يعني إثبت شوي شوي لا يصير لك شيء وراكان مطنش لـ زياد
وسن تحاول تكون طبيعيه لإنها ماتدري شنو حالته : حمدلله على السلامه وماتشوف شر إن شاء الله
رااكان : الله يسلمك والشر مايجيك إن شاء الله
وسن إحتارت ماتدري شنو تقول : كيفك ذا الحين
راكان : بخير ونعمه والحمدلله
وسن خاطرها تسأله متى صار له الحادث وبما إنو بخير ليش ماطلع من المستشفى لكن ماتدري كيف تسأل قالت : إيوا شـ أخبارك بعد { شـ دخل ماتدري }
راكان تبسم عرف إنها مختبصه تنهد من قلب ورفع راسه لـ فوق وإيدهـ الثانيه يمررها بـ شعرهـ
وسن خافت وبـ همس : شـ فيك
راكان من قلبه وكل حُب الدنيا فيه لهـ الإنسانه : أـحبك
وسن ضاعت علومها من جد ماتوقعت ومن الكلمه هذي سكتت ماتدري شـ تقول إهي متصله تتحمد له بـ السلامه واهو يقول أـحبك
زياد يناظر أخوهـ كيف غاطس بـ الحب وتأكد إنها وسن وتبسم له وطلع من عندهـ عشان ياخذ راحته اساساً راكان نسى إنو زياد كان موجود معاهـ بـ الغرفه
وسن بتغير الموضوع : متى طالع من المستشفى إن شاء الله
راكان : لو علي كان مادخلت لكن غصب عني
وسن خافت : ليش فيك شيء
راكان : لا بس شوية رضوض وإحتمال بكرا إن شاء الله اطلع
وسن : تطلع بـ السلامه إن شاء الله
راكان : الله يسلمك
وسن ماحبت تطول معاهـ وقبل لا تتكلم سمعت صوت حريم دخلوا للغرفه عرفت إنهم أهله وخالاته
وسن : مابطول عليك مرا تانيه ماتشوف شر إن شاء الله
راكان بضيق ومطنش خالاته : الشر مايجيك لا تحرمينا من صوتك
وسن بكل هدوء : قلبي معاك باي
راكان ودهـ يطلع من هـ المستشفى وتنحل امورهـ كلها على خير ويتزوجها ماصار يتحمل أكثر من كذا قال : ليتك كلك
وسن وجهها تلون قالت : باي
راكان : بايات وقفل واهو مبسوط ومقهور بنفس الوقت مبسوط لإن وسن إتصلت فيه ومقهور لإنو خالاته خربوا عليه المكالمه
زياد كان يحاول يشغل خالاته عشان لاينطون لـ راكان ويعرفون إن وسن إللي تكلمه

" بنتك طولت!! "
أم خالد : ياربيه منك إنتي وبعدين شـ بلاك صايرهـ حنانه
بدور : ياخيه بـ سولف معاها
أم خالد وإهي تغمز لها : صدقت إلا قصدك بتروحين عشان تشوفين شنو صار
بدور : ههههههههههههههههههههه شـ أسوي الفضول ذابحني
أم خالد : أكيد قد إنتهت لكن إنشغلت بـ شيء ثاني
بدور وإهي توقف : بـ أروح لها
أم خالد : أـنا أحمد ربي إن لقافتك ماهي فيني وإنو مشاعل إفتكت من هـ الفضول إللي ذابحك
بدور وإهي تمشي وتضحك : خذت حقها من فضولي مشاعل
أم خالد تضحك وإهي تشوف إختها تصرفاتها تصرفات بنوته بـ عُمر وسن ولا كأنها أم ومزوجه بنتها وبتصير جدهـ قريب

وسن وصوتها متغير شوي : وينك
خلود : بـ المجمع ليش
وسن : بس سوعال وإلا حرام
خلود : مو حرام تسعالين لكن هـ السوعال بعدهـ شيء !
وسن : حمد وين
خلود إللي ماتدري وين رايح قالت : طالع ليش
وسن : راكان صاير عليه حادث
سكتت خلود شوي وقالت وإهي تحاول تستهبل : غلطانه ياختي هذا مو رقم الإسعاف
شـ اقول عن وسن . . تحس كل سخافة الدنيا بـ خلود
خلود : هههههههههههههههههههههههههههههههههه ,,
وسن : أـنا غلطانه إللي أتصل فيك
خلود : صح لإني قلت لك مو رقم الإسعاف
وسن تنرفزت : خلوووووووود
خلود كاتمه ضحكتها : آمري
وسن : تبن
خلود : شكراً
وسن : أتصل فـ الجوري أفضل
خلود : ليش ماسويتي الشيء هذا من أول !!
وسن وصلت حدها : باي .
خلود وإهي تضحك : بايات

" تامر شيء ثاني طال عمرك "
أبو خالد : اطلب لي رقم خالد وإلا حاتم وحولي الإتصال
السكرتير : إن شاء الله وطلع من عندهـ

" يارجُل اـنا قايل لكم إرحموا الولد "
حاتم واهو رافع حاجب : شـ سوينا له
بدر : إختكم إللي مخليته يسوي الحادث أول مرهـ مايكون مسرع وكان ذهنه شارد يعني يفكر واكيد يفكر فـ إختكم المصون
ضحكوا عليه الكلام ما اعجب لا خالد ولا حاتم
أبو فارس : وين أبوك
راكان : أكيد بـ الشركه . مر علي قبل شوي ولما تأكد إن مافيني شيء وبـ أطلع بكرا إن شاء الله طلع
طبعاً راكان لما عرف إن عمانه وأولادهم بـ الطريق جايين زيارهـ له ,, طلع خالاته من عندهـ عشان ياخذون راحتهم
كلم أبو خالد راكان وتحمد له بـ السلامه وطبعاً المكالمه ماخلت من المحاضرهـ والخناق عشان السرعه وراكان أبن الأخ المطيع ~_^

" للدرجه هذي إصابته خطيرهـ "
رفعت وسن عيونها على مكان الصوت وكانت خالتها تطل عليها من الباب تبسمت وقالت : ليش تطلين كذا كأنك قطه مضيعه بيتها !!
بدور : ليش القططه لها مكان محدد !!
وسن وإهي ترفع كتوفها : ما ادري
بدور وإهي تجلس على الكرسي إللي قبالها : لا ياقلبي القطه أي مكان تعيش فيه
وسن : ههههههههههههههه ,, إللي يسمعنا يقول عندنا درس عن القططه
بدور وإهي تتبسم بخبث : كيفهم
وسن : منو
بدور : أبن العم
وسن وإهي تتبسم : منيح . . عم يسلم عليك
بدور : والله ماطق لي خبر
وسن : ههههههههههههههههههههههههههههههه
بدور : لا جد كيفه
وسن بضيق : يقول بخير مع إنو ما ادري فين إصابته
بدور : أمك تقول بس رضوض
وسن : إن شاء الله بس رضوض
بدور وإهي تغمز : ياعيني بدينا نحب بدينا نخاف
وسن تبسمت إهي وين وخالتها وين
" هـااااااااااااااااااي "
وسن عرفت الصوت
بدور : أهلين خلود
خلود وإهي تسلم عليهها : أهلين فيك كيفك
بدور : عال العال إنتي كيفك
خلود : منيحين
وقفت قبال وسن وقالت : ما راح تسلمين
وسن وإهي متضايقه شوي لكن فاجأتها دخلت خلود من زمان عن حماس خلود وروحها الحلوهـ : وأـنا أقدر !!
خلود وإهي تحضنها : ياقلبي عليك ترا جبت الإسعاف معاي
وسن بعدت عنها وقبل لاتتكلم
خلود : هههههههههههههههههههه أستهبل بس حبيت أفرفش معاك شوي وإنتي على طول ماتعطين أحد وجه يُمه منك
بدور : شـ سالفة الإسعاف
خلود : هههههههههههههههههههههههه وقالت لها السالفه كلها
بدور وحصلت شيييء على وسن : ههههههههههههههههههههههههه وربي رهيبه ياخلود مايعرف لـ وسن إلا إنتي وطقت كف خلود وخلود متشققه ضحك
وسن وإهي توقف : ماتنعطون وجه .
بدور تمسكها من إيدها وتجلسها : هذي بوسه لـ أحلى وسن وطبعة على خدها بوسه
وباستها خلود على الخد الثاني
وسن وإهي تناظرهم بـ نظرات شك : صراحه أخاف على نفسي منكمم
خلود وبدور : هههههههههههههههههههههههههههههههههههههههههههههههههه

عند راكان بـ المستشفى
راكان : وين بدري !!
تركي : بدري !! صار لنا ساعه عندك
راكان : يارجُل إجلسوا الليله وبكرا إطلعوا للخبر
حاتم : الأهل ماعندهم أحد يلا ماتشوف شر إن شاء الله وسلم على زياد وطلع
رااكان يشوف حاتم كيف رسمي شوي معاهـم

سلموا باقي الشباب على راكان وزياد وطلعوا بعد حاتم كان خالد وحمد وفارس وأبوهـ وابو سعود طالعين قبلهم بـ ربع ساعه

في سيارة خالد كانت الجوري تتكلم مع خالد بـ الموبايل وتسولف معاهـ وتسأله متى بيوصل
فيصل كان نايم وحمد مسند راسه ولاف وجهه للشباك ويناظر لـ برا ويسمع
لـ خالد واهو مندمج بـ السواليف ويا الجوري وفـ خاطرهـ " الله يسعدكم المفروض هـ الفترهـ أكون عايش أسعد أـيام حياتي لكن وين السعادهـ وويني أـنا تعبت من هـ الحال تتهمني بـ شيء ولا ادري شنهو ولا إهي راضيه تتكلم شـ أسوي معاها والله العظيم تعب ’هم وعذاب’ ليل نهار "
"يـ الأخووووووو"
حمد لف لـ خالد وقال : هلا
خالد : لا ياشيخ !! هلا صح النوم كان نمت زود
حمد ضحك وقال : ماكنت معاك
خالد : عارف من ناظرت هـ الشباك واـنا عارف إنك منت معاي شو في !!
حمد : ههههههههههه ها الأخو مرووق وجاي تحقيق معاي !!
خالد : ههههههههه مو على كذا بس من جد شـ فيك
حمد : لا تشغل بالك
خالد ماحب يضغط عليه : أوكي إللي يريحك