الموضوع: رواية معشوقي كلي معاك معاك حتى للهلاك كاملة

الجـزء >> 4 <<


بـ الخبر لكن فـ بيت غير بيوت أبطالنا فـ بيت 'الوافي' كان يكلم أبوهـ تليفون { طبعاً أبوهـ بـ الخارج }
الله يطول بعمرك متى بتجي
أبو الوافي : وش عندك مستعجل أنتظر شوي
الوافي : ما آبي البنت تطير من يدي أنت ناسي انه ابوها معروف والخطاطيب عليها كثير
أبو الوافي : وانت ناسي انها ترفضهم
الوافي : بـ إذن الله ماترفضني
أبو الوافي : لا تتأمل كثير !!
الوافي : ماعلينا متى تجي عشان نخطب
أبو الوافي : طيب نكلم تليفون ونعطيهم خبر وإذا رضوا جيت وخطبنا رسمي
الوافي : من جدك يبه ؟
أبو الوافي : إيه وش فيها ؟
الوافي : أبد طال عمرك بس لا تنسى من بنته ومستحيل يرضى بـ تليفون يانجي له كلنا ورسمي قدامهم كلهم وإلا ماراح يقبلون وبعدين آبيك تجي عشان إذا وافقوا نملك على طوول عشان ماتروح تسافر وننتظرك ليما ترجع مرهـ ثانيه
أبو الوافي : خلاص خلال هـ الأسبوع إن شاء الله أـنا هنا
الوافي : إن شاء الله على خير
أبو الوافي : كيف الشغل معاك
الوافي : كل شيء على أفضل حال والحمدلله
أبو الوافي : الحمدلله
الوافي : تامرني شيء قبل لا اسكر
أبو الوافي : سلامتك وأنتبه لـ نفسك واخوك
الوافي : تامر يـ الغالي مع السلامه
أبو الوافي : بحفظ الله

عائلة أبو الوافي { أبو الوافي من كبار التجار بـ السعوديه وقبل 8 سنوات حول بعض شغله للخارج ولا رجع للسعوديه من هذاك الوقت ,, وولدهـ الوافي اهو إللي ماسك شغل أبوهـ بـ السعوديه ومعروف عند الكل ,, وسمعته حلوهـ بين التجار عمرهـ 31 سنه طويل أبيضاني شوي ,, شعرهـ أسود ملامحه حادهـ وتدل على قو شخصيته ,, أم الوافي متوفيه من 10 سنوات وعندهـ أخو أسمه أسامه عمرهـ 26 سنه ونفس الشيء يشتغل مع أخوهـ لكن مو نفس قوة الوافي أبوهم متزوج بـ الخارج وحدهـ أجنبيه ولا فكر يجيب منها أولاد }


فـ بيت أبو خالد بـ مجلس الرياجيل كانوا يسولفون بعد الغدأ وابو خالد جا له إتصال من الخارج وانشغل يكلم
ابو راكان : بسلم على الوالدهـ شوفوا لنا الطريق { تو يتذكر أمه لو إنها أم زوجته كان من قبل لا يجلس واهو مسلم عليها }
حاتم يوقف يوصل عمه وأولاد عمه لـ جناح جدته : تفضل البيت بيتك ياعمي { طبعاً حاتم أتصل فـ أمه وقال إنو عمه وعياله بيدخلون عشان يتغطون البنات ويسلمون عليه }

بـ غرفة جلوس جدتهم كانوا البنات والحريم وجدتهم موجودين أم سعد ووسن وأم سعود على كنبه وحدهـ
هنادي : ذا الحين وراك حاشرهـ نفسك بين أم وبنتها { تكلم وسن }
وسن : أتوقع ياعميا إني قاعدهـ أقصص فاكهه لـ جدتي واوكلها
أم سعد تهزئي هنادي : وش عليك منها أفضل منك جالسه توكلني إنتي مامنك منفعه
البنات والحريم : ههههههههههههههههههههههههههه
وتين : وآك وآك وآك لقطي لقطي هههههههههههههه وإنفقوا ضحك
وسن وإهي تحضن جدتها من الجنب وتضحك : ياحياتي إذا جلست بجنبك وماوكلتك ياعُمري عل إيدي للقص
جدته : ياحلوك ياثمرة الدنيا الله لا يخليني منك
وسن وإهي تبوس خد جدتها : ولا منك ياقلبي
أم سعود تكلم البنات : أسمعوا ياحظي مو كل وحدهـ ماهمها إلا نفسها
جت لهم أم خالد وقالت بنات ترا سعد بيدخل يسلم ومعاهـ أولادهـ هنا البنات نطوا لإنهم قبل الغدأ نزلوا عباياتهم وكل وحدهـ تدور عباتها وإللي ترمي العبايه على الثانيه على أساس مو لها وحوسه مرهـ وأخيراً كلهم لبسوا وتعدلوا وجلسوا

أم سعود ناويه وسن : وسن يُمه تعالي كملي أكل جدتك
وسن بحسن نيه : هذاني جايه وجلست بـ نفس مكانها توكل جدتها

دخل حاتم وابو راكان وراكان وزياد والبنات جالسات على 3 كنبات بجنب بعض والحريم جالسات بكنبتين وكنبة أم سعد عليها أم سعد ووسن وأم سعود على الطرف الثاني وبجنب كنبة أم سعد كنبه ثانيه فاضيه لكن بينهم مسافه بحيث إنو إللي يبي يمر من بينهم يمر
سلمو أبو راكان وراكان وزياد ع أم سعد طبعاً أم سعد وقفت لهم { مهما كان هذا ولدها الكبير وعياله } وسن بجنبها جالسه أم سعود تطق وسن وتهمس لها : قومي سلمي ياحظي تونا نمدحك
وسن ناسيه سالفة التسليم ضحكت بخفه : إن شاء الله ووقفت سلمت ع عمها وعمها مايعرف منهي هذي لإنها متغطيه
وسن تبوس راس عمها : شخبارك ياعمي
أبو رااكان : بخير ونعمه
أم سعود : هذي وسن ياسعد
من قالت هذي وسن وراكان مطير عيونه فيها إهي أستحت
وسلم أبو راكان ع باقي البنات وعرفتهم أم سعود عليه
راكـان يكلم بنات عمه وبنات عماته : شخباركم يابنات
البنات أعجبهم راكان وجرأته ردوا كلهم عدا وسن ووتين : تمام الحمدلله وسن خجلانه ووتين ماتحبه والسبب إللي يخطر فـ بالها إنو راح ياخذ وسن للرياض بعيد عنهم
خلود من النوع إللي يسلم ويسأل عن حال أولاد عمها : إنتم كيفكم
راكـان وزياد : الحمدلله بخير ونعمه
جلسوا عند أم سعد وحاتم يقهويهم أبو راكان مشغول يسولف مع أمه والعيال يسولفون مع عماتهم
أم خالد : كيف أمكم وخواتكم وجدانكم
راكان : كلهم بخير ياعمه ويسلمون عليكم { نصاب بس بيرقع لـ أمه وخالاته وخواته }
أم خالد : الله يسلمهم {راكان يقول لـ أم خالد ياعمه ليش مايقول ياعمه وإهي أم دنيته }
أم سعود : وش وظايفكم
راكان : كلنا مع جدي وابوي بـ الشركه
أم سعود : ما شاء الله { وبطبعها إللي ماتغيرهـ } يعني مابقى شيء وتفتحون لكم بيوت وتكونون أسرهـ { أم سعود ماتحب الرجال إللي مايتزوج وإهي ماسكه إلا تزوج كل عيالهم }

حاتم يتطنز : لا حووول حتى طاري العرس هنا
أم سعود يقال إنها زعلانه إلـى الآن عليهم : أسكت عني يـ المعقد من المعقدين الباقين
حاتم : هههههههههههههههههه الحلو حاقد وبقوهـ
أم سعود بتضحك لكن مسكت نفسها : إيه وش كنا نقول
حاتم يستههبل : الله يطول عمرك شغاله خطابه والله لو يسلمونك أمور إللي ماتزوجوا كان مابقى أحد عزابي ولا وحدهـ عانس
هنا وسن والبنات ماقدروا يمسكون انفسهم : هههههههههههههههههههههههههههههــآآي
أم سعود تخز وسن وناويتها من قبل وذا الحين بقوهـ وتهمس لها : أضحكي أضحكي وإللي خلقني لـ أحرجك إحراج عليه الكلام
وسن وإهي تضحك وتتساسرها : الله يعافيك سوي إللي تبين لكنن مو ذا الحين
أم سعود : إيه زين { كملت تكلم راكان } إيه يُمه ماسمعت رايكم
راكان : الحمدلله وش إللي يمنعنا لا نفتح بيت ونكون أسرهـ { وسن خلاص بتتقطع }
أم سعود مبسوطه آخيراً حصلت إللي يبرد خاطرها : كفووووووووووووو والله هذيل إللي يرفعون الراس
حاتم : ههههههههههه الحين عشانه ناوي الزواج خلاص يرفع الراس
أم سعود : أسكت عني بس ما آبي أتكلم إلا مع هـ إللي يبردون الخاطر
حاتم يضحك : خلاص العنود حطتك فوق راسها
راكان : شـ آبي أكثر من كذا
أم سعود : ياعمري والله { تكلم وسن } سمعتي الكلام مو تضحكين علي مع أخوك
حاتم : عاد وسن إللي ع طول مناصرتك ولا تسمع فيك
أم سعود : إيه هذاك أول لكن من شافتك نست الدنيا
حاتم : ياحياتي آثر إللي يشوفني ينسى الدنيا
وسن : ههههه وبقوهـ
أم سعود : تكلمت { تكلم حاتم } لا اشوف وجهك أنت واخوانك إذا كنا أـنا ووسن جالسين مع بعض
حاتم : أـفـأ وليش ؟
أم سعود : كذا عشان ماتقلب علي
حاتم : شنسوي أخوان ونحب بعض وشيء طبيعي إذا شافتنا تسحب عليك
أم سعود تدور شيء ترميه عليه وماحصت إلا موبايل وسن وخذته ورمته
وسن : لاااااااااااا
حاتم واهو يمسكه : ماعليك إذا صار فيه شيء فدأ راسك وكل محلات الموبايلات تحت أمرك
وتين تستهبل : يُمه خذي جوالي أرميه ع حاتم . .
البنات وأم سعود وحاتم وراكان وزيااد يضحكون
حاتم يكلم وتين وبكرمه المعتاد : وش نوعه الجهاز إللي تبينه ويصير عندك
وتين مستانسه : أخر جهاز نزل حتى إذا تو نازل
البنات أنقهروا خلود : أـنا الصفر بـ جهازي خربان { نصابه }
أم سعود : إيه لقيتوا من يعطيكم وجه بتخسرون وليدي
حاتم : عمه ترا الخير كثير والحمدلله
أم سعود : إذا كذا جب لي معاك
راكـان : هههههههههههههه توك تهاوشين البنات
أم سعود : دام الكرم ذابحه وخيرهـ كثير خله يجيب لي
أم فارس : ويلي عنك ياوليدي
حاتم : عادي ياعمه بجيب لهم كلهم
أم تركي : والمناسبه .
حاتم : من وسن لهم
وسن بعفويه : ياحياتي
حاتم ناظرها وتبسم وسن تتبسم له راكان كان يناظرها والبنات والحريم كلهم ملاحظين إلا هذا جوال حاتم يدق أستئذن وطلع يكلم
أم سعود تكلم وسن بصوت خفيف وبترد كل حركه سوتها وسن : قومي صبي القهوهـ فضيحه
وسن أنهبلت من كلام عمتها : لا مستحيل
أم سعود : ييافضيحتنا عندهم وش بيقولون ؟
وسن : وربي صعب ياعمه أقول حق القهوجيات يجون
أم سعود ودها تضحك : وشوووو !! هذا إذا كنا كلنا حريم لكن هذا عمك وأولادهـ صعب قهوجيه تقويهم هذا بيت أبوك , وحاتم كان يقهويهم وجا له تليفون وطلع , وأمك تسولف مع عماتك قومي أشوف قامت وسن غصب عليها ووجهها الوان البنات يناظرون فيها ويتساسرون ويضحكون وأم سعود مبسوطه عرفت كيف تردها عدل

ريم : ما شاء الله عارفه كل شيء
وتين : أكيد بعرف كل شيء عن وسن
زياد : المقطع حلو ممكن ترسلينه بلوتوث
وسن : أكيد وفتحت بلوتوثها وأرسلت لـ زياد المقطع
أم سعود : عرفنا نغمت أخوانك عندك وأخوانك وش حاطين لك .
وسن : النغمه العاديه لإنو صعب يحطون مقاطع واهم يجلسون بمجالس كلها رجال
إلا هذا حاتم داخل عليهم السلام عليكم
الكل : وعليكم السلام والرحمه
وقفت وسن وجا حاتم ووقف بجنبها
وتين : جبت الأجهزهـ { تقصد الموبايلات }
حاتم : طلعت أكلم ورجعت حتى ماطلعت من البيت
أم سعود تبي تطفرهـ : خلاص يابوي لاتنسى { تعرف حاتم مستحيل ينسى شيء }
حاتم يستعبط : المعقد ماينسى
راكان : ههههههههههههههههه
أم سعود : ياخي لا تذكرني بسالفة المعقد
وسن: هههههههههههههههههههــآي
راكان ناظر فيها وفـ خاطرهـ فديت الضحكه وراعيتها
أم سعود : إيه وش عليك السالفه بـ الدور هذا يضحك ويسكت وهذا يمسك الخط بعدهـ
وسن أستحت وراكان يتبسم
زياد يكلم راكان بصوت واطي : أستح ترا أخوها هنا وإذا حس بـ شيء بيتوطى فـ بطنك وبعد قليله
راكان : لا تخاف كلهم يعرفون إني آتمناها من زمان
زياد أنصدم : أنت صاحي ترا أخوانها ماراح يرضون ع الشيء هذا
راكان : اهم عارفين كل شيء صار عندهم مو من وراهم وقريب إن شاء الله راح يكون كل رسمي ولا علي من أحد
زياد : إيه بكيفك

وكملوا سوالف سوا ,, وبعد ربع ساعه وقف أبو راكان ووقفوا كلهم معه ع أساس خلاص بيودعونهم راجعين للرياض

ابو راكان يكلم أمه بعد ماباس راسها : أشوفك ع خير يـ الغاليه
أم راكان : بحفظه يـ أبوي
أبو راكان راح يسلم ع خواته وبنات خواته واخوانه وراكان قدم زياد يسلم قبله ع جدته وبجنبها وسن وبعدين عمته العنود سلم عليهم زياد وجا دور راكان وسلم ع جدته واهو يناظر وسن طبعاً وسن واقفه لإنو الكل واقف مر من قبال وسن وأول مرهـ يكون قريب كذا واهو مار عشان يسلم ع عمته العنود إللي واقفه بعد وسن العنود فاهمه ع راكان لما سلم عليها
ام سعود بصوت واطي : أـنا أشوفك أخر واحد اثاري لك هدف
راكان بنفس صوتها ويضحك : وما حصل شيء
أم سعود : دبر نفسك { وتحاول تشغله وتسولف معاهـ ليما يطلع أبوهـ وزياد وحاتم وفعلاً مثل ماخططت العنود طلعوا وبقا بـ الغرفه أم سعود ووسن والجدهـ وراكان وأم فارس وأم عبدالرحمن والبنات وإللي يشوفهم يقول هذا مافي نيته شيء ومشت العنود مع راكان لـ باب الغرفه ولما طلعوا وقفوا بـ الممر
راكان : تُكفين ياعمه بس بكلهما شوي
أم سعود تفكر يقطع عليها راكـان : عمه إنتي عارفه قصدي مو لعب وربي أتمناها لي اليوم قبل بكرهـ
أم سعود : خلاص بناديها لك وبطلع اـنا عشان أشوف لك الوضع من جهة الصاله
راكان فرحان : الله لا يحرمني منك
أم سعود تدخل غرفة الجلوس حقت أمها وأبوها وتكلم وسن فـ أذنها : روحي في أحد يناديك من أخوانك وانتبهي لا تطلعين كاشفه يمكن فيه أحد من العيال
وسن تقوم : إن شاء الله
أم سعود بتطلع قبل وسن عشان تشيك ع الأوضاع بـ الصاله وتكلم البنات : لا أحد يطلع خالد برا يكلم وسن
البنات : إن شاء الله
وطلعت وقالت لـ راكان بتجي ذا الحين بس ويلك لو خنت الثقه وتغمز له
راكان يضحك : لا إرتاحي مافي مكان يساعد
أم سعود تطقه ع كتفه : أـهـا بس وراحت وتركته طلعت وسن بعد ماعدلت غطاها وأنصدمت لما شافت راكان كانت بتدخل لكن نادا لها ,, ولفت له من غير لا تتكلم
راكان واهو يشغل نظرهـ بـ آي مكان عشان مايناظرهـا : أـنا ماتأخرت ع أبوي واخوي عشان شيء تافه أـنا بقول لك شيء واحد وبس تأكدي منه مهما صار مافيه غيرك شاغل البال وساكن القلب والشاهد ع كلامي الله أنتبهي ع نفسك وناظرها بسرعه وطلع

وسن حالتها حاله بعد كلامه واقفه ماتدري إللي صار حقيقه وإلا خيال إهي صحيح تحبه من كانت صغيرهـ واهو يحبها لكن من طلعوا من الشرقيه ساكنين الرياض وإهي ماتدري كيف أوضاعه ناحيتها وغير هذا أهله مايبونها من خالاته إلـى خواته

عند أم سعود لما شافته جاي : بشر إن شاء الله طلعت منها سليم وتغمز له
راكان : الله يعلم بـ الحال بس أدعي لنا ياعمه
أم سعود : والله إني أدعي لكم ع طوول لكن الله يهدي إللي واقفين لكم { تقصد أهله }
راكـان : شوفي ياعمه أـنا ماخذها ماخذها إن شاء الله ولا همني أحد حتى أبوي إذا رافض وإلا موافق لإنو هذا شيء يخصني وأـنا إللي أختار ولا أحد له دخل فيني
أم سعود : الله ييسهل عليك
راكان يبوس راس عمته : ويخليك لي ويريحك مثل ماريحتيني لا أوصيك عليها
أم سعود : من غير ماتوصي هذا وسن الغاليه
راكان : تامريني بـ شيء قبل لا أمشي للرياض
أم سعود : سلامتك وانتبه لـ نفسك
راكان : تامرين ومشى إلا هذي أم خالد فـ وجهه وسلم عليها قبل لا يسافر
قالت أم خالد : لا تسرع بـ الطريق وسلم ع أهلك
راكان : أبشري ياعمه ومشى لمجلس الرجال وحصلهم ينتظرونه قال إنه يسولف مع عمته أم سعود وام خالد وطلعوا لـ بيتهم إللي بـ الدمام بياخذون أهلهم وبيطلعون للرياض

جلسوا البنات والحريم ضحك وهبال وأم سعود كل شوي والثاني ترمي نغزهـ ع وسن ووسن تضحك لإنها فاهمه عليها ولما جا العصر الرياجيل طلعوا للشركه والحريم والبنات طلعوا للمجمع طبعاً الحريم سوأ والبنات تفرقوا ومن بعد المغرب رجعوا لـ بيت أبو خالد وع الساعه 8 ونص رجعوا الرياجيل وتعشوا وجلسوا شوي بعدين طلع كل واحد لـ بيته


بعد يومين

وسن تتكلم مع أبوها وأمها واخوانها : في عمل خيري بـ نسويه وإن شاء الله لنا الآجر وإللي آبيه منكم كل واحد يدفع إللي يقدر عليه
أبو خالد : إللي يقدر عليه مرهـ وحدهـ
حاتم يكلم أبوهـ : ناسيه الأخت اننا كريمين
خالد : حددي كم بـ الضبط
وسن : آمممممم ,, أكثر شيء من كل شخص 500 ,, طبعاً العمل هذا آبي كل العائله تشارك فيه لكن شوفوا الفلوس تنزل حسابي من غير لا آحد يقول للثـاني كم دفع لإننا بنحتسب الأجر
أم خالد : الله يجزاك خير خلاص أـنا لازم أنزل بحسابك يعني
وسام : إحنا نعطيك هنا والباقين ينزلون بحسابك
أبو خالد : صادقين
وسن : ماشي إنتو عطوني لكن من غير مايعررف الثاني كم عطاني
حاتم : أوكي
خالد : وأـنا بقول لـ باقي الشباب
وسن : أوكي لكن الأشياء إللي آبيها موزعها الوحيد بـ الرياض ولا أدري كيف أتفاهم معاهـ وأنزل له الفلوس وأجيب الأغراض
خالد : راكان وزياد هناك
وسن : أوكي كلم واحد منهم وتفاهم معاه وقولي واـنا أعطيك خبر بـ إللي آبيه
خالد متى تبيني أكلمه
وسن : بعد شوي { وقت العصر }
خالد : أوكي
حاتم : طيب قول للشباب العصر لما نروح للشركه وعطهم رقم حسابها وينزلون فيه إللي يبون
وسام يستهبل: أخاف تاكلينها علينا الفلوس
وسن : ههههههههههههههـآآي نفس تفكير وتين تقولي حلو ينزلون الفلوس ع حسابك وعاد عائلتنا معروفه بـ الكرم وإللي نحصله بـ إحسابك نص نص
كلهم جلسوا يضحكون
وسام : والله يـ المصريه
خالد : وبقوهـ
وسن تناظر وليد : حتى وليد إلا يعطينا
وليد جالس بجنبها : كم أعطيك
حاتم : كفووو والله ولد سُلطان
وليد : قولي كم
وسن : آممممممممممم ,, إللي يجي
وليد : بابا عطني فلوس
أبو خالد واهو يطلع 500 خذ بابا وليد خذاها واعطاها وسن : ربي يكتب لك الأجر إن شاء الله قول إن شاء الله
وليد : إن شاء الله
أم خالد : طيب عماتك قلتي لهم
وسن : وتين بتبلغ عماتي والبنات
وسام : ماحصلتي إلا وتين
خالد : شبلاك ع البنت
وسام : أحب أستهبل عليها
وسن : إهي تقول أموت أرفع ضغط وسام
حاتم : الله يستر من رفعة الضغط هذي
كلهم ضحكوا إلا وسام
وسام : لا إرتاح مافي من إللي ببالك
حاتم يغمز له : أـها قول كذا من أول
وسام : شنو إللي قول كذا من أول
حاتم : انت تقول إللي ببالك واـنا مافي بالي غير إنو علاقتكم علاقة أخوهـ
وسن : ههههههههههههههههههههههههـآآي حلوهـ كفك كفك وتطق كف حاتم
حاتم : أعجبك
خالد : هههههههههه شوفوا كيف تلون وجهه بعد ما أستوعب
وسام : سامجين
وسن : أخيراً وسام أستحى
حاتم يتطنز : مابغى ياوخيتي
وسن : إنت تشوف واـنا أختك
أبو خالد واهو يضحك ويقوم : أـنا بنام لي ساعه صحيني لـ آذان العصر
أم خالد وإهي تقوم مع زوجها رايحه للمطبخ وبعدها بتطلع فوق : إن شاء الله


فـ بيت أبو تركي

تركي يكلم جوال وتجي هنادي تركض ووراها بدر يركض
قفل تركي وكان معصب : خير إن شاء الله مافي أحد يكلم براحته من غيرإزعاج
هنادي تستهبل : تزوج ما أحد يزعجك
بدر : كفو والله بـ أختي أحياناً أحس إني أحبك واحياناً أحس عكس هـ الشيء
هنادي : سبحان الله شعور متبادل
تركي معصب : قوم أنقلع إنت وإهي
بدر : طرينا العرس وعصب
هنادي تستهبل : ماعليك منه خلنا نكمل لعب
قام عليهم تركي وكلهم ركض من الخوف
تركي : أستفغرالله ياربي
أمه توها جايه : شفيك يُمه
ناظرها : سلامتك من غيرهم القلق
أمه تضحك وإهي عارفه حركات هنادي إللي باقيه كأنها طفله وبدر إللي يحب يستعبط ويلعب ع طوول : توهم صغار
تركي : وين صغار هنادي بتدخل الـ 20 وبدر الـ 27
أم تركي بحنان الأم : ماعليه يُمه خلهم يستانسون
تركي : صادقه خلهم يستانسون بدل الهم والغم
أم تركي : إسم الله عليك حبيبي ,, شـ إللي فيك
تركي : لا تشغلين بالك ياقلبي وباس إيدها ومشى

'هلا خالد متصل فيني'
خالد واهو يدرس مشروع جديد ع اللاب حقه بـ الشركه : إيه شكلك كنت نايم
راكان واهو يضحك : تعرف ولد عمك إذا تعب بـ الشغل إلا ينام وقت طوويل
خالد أكرهـ شيء عندهـ الواحد ينام كثير بـ العادهـ تكفيه 5 ساعات ويصحى شبعان نووم : ياحبكم للنوم
راكان : بـ الله عليك أحد يكرهـ الراحه والنوم
خالد : أـنا ما احب أـنام كثير
راكان : ياخي أنتم عائله غريبه { يقصد عائلة أبو خالد }
خالد : هههههههه ربي خلقنا كذا ماعلينا كيف عمي والأهل
راكان: بخير ونعمه
راكان : أنتم شخباركم
خالد : كلنا بخير والحمدلله صح كنت مكلمك فيه أشياء تبيها وسن والأشياء هذي ماتتوزع إلا بـ الرياض واتصلت فيك واـنا بـ البيت ولا رديت وذا الحين للآسف أـنا مو عندها
راكان عاقد حواجبه : وشهي الأشياء هذي
خالد : تدري أتصل ع رقم أمي وقولها تقولك شـ تبي
راكان : متى أتصل
خالد : ذا الحين أـنا بكلم أمي وبشوف إذا وسن عندها وبرد لك خبر
راكان : اوكي أنتظرك
خالد : سلام
راكان : سلام وقفل
خالد واهو يتصل فـ أمه

أم خالد بـ الصاله وعندها أختها ويسولفون دق جوالها إلـى رقم خالد : هلا عمري
خالد : كيفك يُمه
أم خالد : بخير حبيبي
خالد : يُمه وسن عندك ؟
أم خالد : بغرفتها تقرأ لها كتاب
خالد : حلو راكان بيتصل فيك عشان الأشياء إللي تبيها وسن وخليها تتفاهم معاهـ
أم خالد : أوكي
خالد : تامريني شيء
أم خالد : سلامتك قلبي
خالد : الله يسلمك مع السلامه
أم خالد : مع السلامه

واتصل فـ راكان وقاله يتصل فـ أمه

بـ غرفة وسن البنت بسابع نومه
أم خالد تدخل جناح وسن وتدخل غرفتها حصلتها نايمه وصحتها : وسن
وسن نايمه
أم خالد : ماما وسن قومي
وسن : شنو يُمه
أم خالد : راكان بيعرف شنوإللي تبينه من الرياض
ووسن من سمعت أسم راكان وإهي بدت تصحصح : وين ؟
أم خالد : هذا اهو قولي له شنو بـ الضبط وأـنا نازله خالتك هنا
وسن تناظر الموبايل : أوكي
طلعت أم خالد وفتحت وسن الصامت وبصوتها الرآيق وواضح عليه إنها كانت نايمه : آلو
راكان من سمع صوتها كأنه بعالم ثاني أول مرهـ يسمعه بـ الجوال : ـــــــ
وسن : آلوووو
راكان أستوعب : السلام عليكم
وسن : وعليكم السلام ,,
راكان : كيفك ؟
وسن : تمام
راكان : قالوا تبين أشياء ماتتوزع إلا بـ الرياض شنهي
وسن : إيوا بنعمل عمل خيري والأشياء المحتاجينها ماتتوزع إلا بـ الرياض
راكان : الله يجزيك خير طيب وشهي إللي تبينها
وسن : آمممم ,, وإهي تقوم من السرير وبغت تطيح وحاست بـ الأدراج وراكان يسمع فتح وتسكير الأدراج وبـ الغلط سكرت ع أصبعها ,, وصرخت بصوتها الحلو لا شعورياً : اييييي
راكان أنهبل : شفيك .
وسن تسب وتشتم وتين بداخلها مضيعه الورقه إللي فيها كل شيء : سكرت ع أصبعي
راكان فيه ضحكه : أنتبهي مرهـ ثانيه
وسن ضحكت بخفه وسكتت
وسن : عادي تنطر وإلا مشغول
راكان : لا مو مشغول
وسن : أوكي لحظه وخذت تليفون غرفتها واتصلت فـ وتين وبـ أخر رنه ردت : هلا بحبي وحياتي
وسن مع إنها معصبه من وتين ومنفشله من راكان : هلا فيك وتين
ويتن : إسم الله علي شفيك
وسن : وين حطيتي الورقه إللي كتبنا فيها الأشياء المحتاجينها بـ العمل الخيري
وتين تفكر : ما أتذكر
وسن وصلت حدها : وتين الله يعافيك مالي خلق أستعباطك قولي وين
وتين تحاول تتذكر : أذكر نزلتها بجنب التليففزيون
وسن تروح ع طوول لـ غرفة الجلوس إللي بجناحها والتليفون بـ إذن والموبايل بـ إذن وحصلتها : ثانكيو قلبي
وتين : ولكمو حياتي شنو صار نزلوا بحسابك خلاص
وسن : قلبو شوي واكلمك
وتين : أوكي باي
وسن : بيباي وقفلت ورجعت لـ راكان : سوري تأخرت عليك
راكان : لا عادي
وسن : أـنا بتصل فيهم وراح أتفاهم معاهم واطلب إللي آبيه وعطني عنوان بيتكم عشان يوصلون الطلبات له وإذا ماعليك آمر أستلمها واتركهاعندك ليما تجي وإلا يجي لنا أحد من عندكم ويجيبها معاهـ
راكان : لحظه وحدهـ وحدهـ مين إللي بتتصلين عليه
وسن : إللي يوزع الكتب
راكان : كيف بتتصلين عليه ؟
وسن : اهم حاطين أرقام إذا يبي أحد يشتري واـنا خذيت الأرقام وبتصل فيهم
راكان وبغيرته ع بنت عمه : رياجيل وإلا حريم
وسن أستحت لإنها بتكلم رياجيل ولا فكرت بهـ النقطه : أكيد رياجيل
راكان : ممكن طال عمرك تعطيني الأرقام وقولي لي وش أسماء الكتب إللي تبينها واـنا أتفاهم معاهم
وسن : إذا ع كذا بترك واحد من أخواني يكلمهم
راكان : مين إللي بستلم الكُتب أـنا وإلا أخوانك
وسسن : إنت
راكان : خلاص عططيني الأرقام
وسن : أوكي برسلهم لك وبرسل أسماء الكُتب وعطني رقم حسابك عشان أنزل الفلوس راكان : خلاص وبـ النسبه للحساب أـنا بدفع من عندي وبعدين نزليها بـحسابي
وسن : لا وآبيك تدخل معانا بـ العمل الخيريي هذا عشان الآجر إن شاء الله ,, وشوف إذا أحد من أهلك يبي يدخل ماشي لإننا نبي الأجر للجميع لكن من غير لا يعرفون منو إللي مقترح هذا الشيء ومن غيرر لا أحد يعرف كم دفعوا
راكان يتبسم ع كلامها واسلوبها والفاظها إللي تدخل قلبه ع طوول : تامرين لكن الفلوس مثل ماقلت لك
وسن بعنادها المعتاد : راكان إذا تبي تدفع الفلوس قبل لا تنزل من حسابي ع حسابك اأكنسل كل شيء
راكان: عنيدهـ
وسن : طالعه عليك
راكان : أـنا ؟
وسن : يس
راكان : صدقت
وسن : راكان
راكان : آمري ,,
وسن : ما آبي أحد يعرف كم قيمة الكُتب
راكان : ماطلبتي شيء
وسن : أرسل رقم حسابك
راكان : ع رقم عمتي
وسن : إيوا يسلمو راكان { وقالت بصيغة الجمع } تعبناك معانا
راكان : ولووو ,, ماسوينا شيء { قال يستهبل } نبي الأجر نفسكم صايرين ملتزمين وحركات
وسن : هههههههههههههههـآآي كان زين نلتزم
راكان : إن شاء الله أسمع إنك صرتي داعيه كبيرهـ وتفرين العالم كله تدعينهم للإسلام
وسن : وياك يارب
راكان : خلاص ماتبين شيء ثاني
وسن : سلامتك
راكان : يسلمك مع السلامه
وسن : مع السلامه وقفلت أرسلت له الأرقام واسماء الكتب وارسل لها رقم حسابه

خالد واهو يمرع كل واحد من شباب عائلتهم وقال لهم وخذوا رقم الحساب ونزلوا ع طوول

خالد يكلم وسن : وسونتي
وسن وإهي تضحك : قلبها
خالد يتبسم : يسلم لي بقولك كل الشباب نزلوا بـ حسابك الفلوس
وسن : الله يجزاهم خير خلاص أـنا بنزلها ع حساب راكان
خالد : راكان كلمك
وسن بخجل : إيوا
خالد : أـها قولي كذا من زمااااااااااااااااااااااااان
وسن : ـــــــــ
خالد : يلا ياحلوهـ طيري
وسن تستهبل : وين أطير
خالد : لـ أي مكان تبين
وسن : وتروحين معاي
خالد : شنبي نروح
وسن : ما آبي أروح من غيركم
خالد : ولا إحنا خلاص أقلبي
وسن تضحك : تامر لكن ع اي صفحه
خالد : ههههههههههههههههـآآي اليوم فيك شيء مو طبيعي
وسن حست إنه يدق بـ الكلام : أقول خلاص إنت أقلب
خالد : تامرين
وسن : يلا
خالد : وين ؟
وسن : سلامتك قفل
خالد : أوكي بدك شيء
وسن : سلامتك حبيبي
خالد : يسلمك تشـآآوو
وسن : تشـآووووووووو وقفلت

اليوم الثاني وسن ووتين ووسام بعد ماطلعوا من المجمع واهم يركبون سيارتهم

وسام موبايله يدق ناظر الرقم : غريبه شيبي ؟
وسن : منو
وسام : نايف ولد عمي
وسن : من جد غريبه { لإنو مو بـ العادهـ يتصل }
وسام : نعم
نايف أكرهـ مايشوف وسام ووسن لكن عشان الخبر إللي عندهـ إلا يتحملهم : هلا بـ ولد العم
وسام مستغرب : هلا فيك
نايف : شخبارك
وسام : بخير والحمدلله
نايف : وكيفهم الأهل
وسام : كلنا بخير أنتم كيفكم
نايف : طيبين
وسام : الحمدلله
نايف : شكلك تسوق
وسام : توني طالع من المجمع راجع للبيت
نايف : أنتبه لا تسوق وإنت تكلم
وسام انصدم بـ العادهـ نايف يتمنى موتهم : ماعليك إللي كاتبه ربي بيصير سوأ أسوق وإلا ما أسوق
نايف فـ خاطرهـ عساني أسمع خبرك قريب : ياني مشتاق للشرقيه
وسام : تعال ترا المسافه قريبه
نايف : ودي لكن مثل ما أنت عارف أنشغلنا بـعد مارجعنا من عندكم بخطبة راكان
هنا وسام من جد أنصدم الكل يعرف إنو وسن ترفض الخطاطيب عشان راكان وإنه خاطبها قبل سنتين ومن بعد السنتين شافوا إنو راكان صار رجال بمعنى الكلمه متغير عن راكان الأول وعارفين إن هذا كله يسويه راكان عشان وسن وذا الحين يغدر فيها ويخطب غيرها قويه بـ حق أي بنت عاد كيف بنت سُلطان واخت خالد وحاتم قال إلا يساير نايفف ويعرف السالفه : هههههه بـ الله أخيراً نوا مابغى { ماحب يذكر الإسم عن وسن عشان ماتنهار عليه بـ السيارهـ }
نايف أنقهر يعني مايبون إلا الفكه من أخوهـ : هههه شفت كيف أخيراً صار وزواجه بعد شهرين
وسام : هههههههه ,, مستعجل
نايف ودهـ يطلع ويخنق وسام : وش بقى من عمرهـ { وبصوت يقال إنه متأثر } كنا نتمى له وحدهـ من بنات عماني وإذا مو عماني عماتي لكن أختار بنت خالتي الكبيرهـ
وسام مايدري شـ يسوي : النصيب ربي يوفقه
نايف : وسام لا تقول لـ عمي عشان لا يزعل ع أبوي ,, وأكيد أبوي بيقوله قريب .
وسام : لاتوصي
نايف بـ نفاق : يـ الغالي توصي شيء
وسام : سلامتك
نايفف : سلام
وسام : سلام

وسن : شـ عندهـ ؟
وسام : أبد يسولف ,,
وتين بلقافتها : منو إللي ربي يوفقه ؟
وسام : واحد الله يستر عليه

الجـزء >> 5 <<


أم خالد : هلا والله ,,
عزام يبوس راس أم خالد : هلا فيك كيفك
أم خالد : تمام والحمدلله كيف حالك ,, وكيف أهلي
عزام : كلنا بخير والحمدلله وين الشباب وأبو خالد
أم خالد : بـ الشركه شوي ويجون
عزام : وسن وينها ووليد
أم خالد : وليد معبين له المسبح واهو ومربيته فيه ووسن مع وسام بـ المجمع شعندك زاير الخبر
عزام : أبد بس أمك وأبوك قلعوني من الرياض وقالوا ضف وجهك وقشك للخبر فـ بيتنا
أم خالد فاتحه عيونها ع الآخر : ليش
عزام : شوي شوي مافي شيء بس تعرفين أبوك بقى له بـ منصبه إللي بـ الحكومه سنتين وبعدها بيرجع هنا لـ مكانه الأصلي
أم خالد : غريب ,, إللي أعرفه إنهم ما راح يرضون يطلع من عندهم
عزام : إيه لكن أبوك يقول تعبت أربع سنين كان هنا وماسك منصب كبير وبعدها مسكوهـ منصب بـ اللرياض أكبر وأكبر واضطر يترك بيته ويروح هناك وفوق هذا تعب ومسؤوليه وآبوي يبي يرتاح
أم خالد مبسوطه : ياقلبي اخيراً بيرجع هنا وربي ما أدري كيف تحملت بعدهـ اهو وأمي
عزام : إنتي ع الاقل عندك زوجك أولادك وبدور وأهل زوجك لكن المسكينه دارين إللي شالوها ورموها هناك ولا عندها أحد تعرفه غير معارف أبوي الكبار
أم خالد : الله يعينها من جد طيب ليش قلعك ع قولتك واهو لسا باقي له سنتين .
عزام : جينا لللموهيم أسمعي إنتي عارفه إنو ماصار لي شهرين راجع من الخارج ومنتهي من الدراسه فـ أبوك بذكائه قالي روح توظف هناك لإننا بنرجع وماراح نترك بـ الرياض لـ وحدك وأخوك المطيع سمع كلامم أبوهـ وجا شايل قشه تقولين مطلقه راجعه لـ بيت أبوها
أم خالد : هههههههههههههههههههههههههههههــآآي حتى وإنت جاي من الخارج ماتركت استهبالاتك
عزام : وأـنا صادق لو تشوفين شكلي واـنا أقولهم نزلوا أغراضي ودخلوها بجناحي ولما دخلت البيت فاضي تذكرت أمي وابوي واخنقتني العبرهـ
أم خالد : هههههههههههههههههههههههـآآي والله إنك عبيط أبوي مو عندهـ تجارته يبيع ويشتري بهـ العماير والأراضي إللي ماليه السعوديه وبرا أمسك شغل أبوي وريحه فعلاً
عزام : فكرت وقلت للوالد وقالي توظف وأمسك شغلي
أم خالد : الله يحفظكم لنا
عزام : آمين طيب بسألك عن شيء قالته لي الوالدهـ
أم خالد : اسأل
عزام : آمممم أمي قالت وراك ماتتزوج شـ إللي يمنعك قلت الحمدلله مايمنعني شيء قالت إنها حاطه وحدهـ فـ بالها وإسأل جوهرهـ عنها
أم خالد : مين
عزام : تقول بنت أخت سُلطان { ريم بنت فهد } شـ تقولين عنها
أم خالد : ونعم الأختيار البنت أخلاق جمال والحمدلله هذا المطلوب
عزام : يعني أتوكل ع الله
أم خالد : الله يوفقك ويكتبها من نصيبك
عزام : آمين بس ما آبي أحد يعرف ليما يصير كل شيء رسمي
أم خالد : ماطلبت شيء

{ 'عزام' يصير أخو جوهرهـ الثاني واصغر أخو لها عمرهـ 28 سنه لسا راجع من الخارج بـ شهادة الدكتوراهـ تخصص طبعاً جوهرهـ عندها 2 أخوان و2 خوات وإهي ثالث الخوات اخوها الكبير اسمه 'طلال' عمرهـ 40 سنه متزوج وعندهـ أولاد وبنات وساكن بـ الشرقيه دكتورماسك إدارة مستشفى كبير واختها 'بدور' عمرها 37 سنه موظفه بـ التوجيه 'كيمياء' ومتزوجه عندها بنتين وولدين مشعل 20 سنه , ومشاعل 19 سنه , ومشاري 10سنوات , وميس 4 سنوات وأختها الثالثه 'دارين' عمرها 23 سنه ومابعد تزوجت }


فـ بيت أم راشد
أم راشد تخانق روزان وراشد إللي من جلسوا واهم خنايق فـ خنايق
أم راشد : ولا كلمه إنت وياها
راشد : ياسلام هي إللي مخبيه جوالي
روازان : كذاب
أم راشد عصبت : أخوك لا تكلمينه كذا
روزان : يستاهل يكذب علي
راشد : والله ماكذبت يناظر أمه يُمه تعرفيني ما أكذب وقسم إهي إللي ماخذته أـنا شايفها
أم راشد تناظر بنتها : صحيح ماخذته
روزان : ـــــــــ
أم راشد عصبت : تكلمي
روزان تطلعه من جيبها وترميه ع الرخام : خذ
الجوال صار قطع قطع من قو الرميه
أم راشد هنا عصبت وبقوهـ مهما كان ولدها الوحيد ولا ترضى عليه وتعرفه مستحيل يغلط والقلط يجي من روزان : أنقلعي فووووووووووووووووق
روزان طلعت فوق معصبه
راشد يناظر جواله قالت أمه بحنيه : ماعليه ياقلبي أجيب لك واحد ثاني ليش إهي أخذته
راشد وكأنه رجال من جد : لا عاديي عشاني خذيت منها سي دي أغاني تحبه وربي ما اخذته إلا بعد ما استئذنت منها ونسيته بـ جدهـ قبل لا نجي هنا وقالت إلا تجيب لي واحد ثاني ولا رحت مع السايق عشان أجيب لها واحد نفسه وقالت بتاخذ جوالي وماتوقعت تاخذ جوالي من جد
أم راشد مقهورهـ من تصرفات بنتها : ماعليه يُمه لا تزعل
راشد : مو زعلان
رقت أم راشد الدرج وحصلت ريم ورينادر وخلود وديما يتابعون التليفزيون : أهلين حلوين
بناتها بـ إبتسامه : أهليـن بـ الغلا { أم راشد معروف إنها حنونه مرهـ }
أم راشد : وين روزان
ريم : دخلت غرفتها
خلود سامعه صراخهم : لو عندي مثل بنت مثل تخلف روزان كان قتلتها من زمان
أم راشد : أعوذ بـ الله
ريم تدقها بـ الكلام : لكن إذا كانت هـ المتخلفه من الحبايب مستحيل تسوين هـ الشيء
كلهم ماعدا خلود : ههههههههههههههههههههههههـآآي
ريناد : ياي ع إللي يستحون
خلود : قاعدهـ أطالع التليفزيون أتوقع
ديما : صدقنا العيون بـ التليفزيون والتفكير فـ بيت خالتي أم سعود
أم راشد : ههههههههههههـآآي ياحلوهـ حمد صاير رجال قول وفعل
خلود وجهها الوان
ريم : أكيد لو مو رجال كان ماتنازلت خلود بـ فتح القلب له
ريناد : هههههههههههههههههههههههـآآي حلوهـ
خلود : إن شاء الله أشوف فـ كل وحدهـ يوم
أم راشد ترفع إيدينها : يارب
ديما : لا الغاليه تبي الفكه مننا
ريناد : أكيد عشان يفضى لها الجو وتغمز
أم راشد : هههههههههههههههههـآآي أقوم أشوف أختكم المعصبه أفضلي
ريم توصي أمها : خذي نفس وعدي للعشرهـ قبل لا تردين ع أي كلام منها
أم راشد : توصين الماسه إللي تعاملت معكم
خلود : ونعم التعامل إللي طلعني كذا
ريناد : من جد
أم راشد تستهبل : يلا أدعوا لي
البنات : موفقه ومشت وإهي تضحك

{ حمد يصير متكلم لـ أمه إنو يبي خلود وامه مخبرهـ خلود وأمها وباقي العائله عارفين لكن لسا ماتقدم رسمي عشان أخوهـ سعود لسا ماخطب }

عند وسام ووسن ووتين بـ سيارة وسام الكزس أخر موديل لونها الأسود ومن جوا ذهبي

وسام بينه وبين نفسه قبل لا يدخلون قصرهم الكبير لازم أقولها مهما كان إلا تعرف : ههههههه . . مادريتوا عن راكان الأهبل
وسن أنتبهت له وناظرته وتين : لا شـ مسوي
وسام يتصنع الضحك عشان مايبين لـ أخته إنه بيعرف إنها بتنصدم : ههههههههههههههه خطب بنت خالته وعرسه بعد شهرين مستعجل الرجال . . ههههههه
من جد صدمه لـ وتين والأكبر لـ وسن وتيـن : تتكلم من جدك
وسام : من جد ليش ينقصه شيء لا يتزوج
وتين من القهر صحيح ماتبيه يبعد وسن عنها لكن تعرف إنهم يحبون بعض وكيف يغدر فـ وسن إللي ترفض إللي يتقدمون لها عشانه : كيفه اهو الخســرااااان
وتناظر وسن إللي واضح عليها تفكر بـ إللي انقال من شوي شكلها ماستوعبت لسا
وسام يناظر سيارة خاله عزام : وااااااو عزام عندنا
وسن تكلمت بـ آلم تحاول تخفيه : الله يوفقه
وسام أنهبل ليتها ساكته ولا تكلمت ناظرها حصلها تناظر قبالها ولا هي حاسه فيه ونزلوا وسبقهم وسام واهو حاس بـ شعور اخته كيف مايحس واهو توأمها ويشعر بكل إللي تمر فيه سوا كانت مبسوطه وإلا تعيسه

وتين وإهي تمسكها قبل لا تنزل من كتفها وبعقلانيه : لا يهمك وإللي باعك بيعيه
وسن حركت راسه موافقه ع كلام وتين لكن وين القلب يوافق ع هـ الكلام حتى العقل مادخل له ولا أقتنع فيه تحبين من كنتي صغيرهـ ,, وتعيشين 4 سنوات من عمرك ع أمل إنو بينكم كلام واتفاق إنو اهو لك وإنتي له وترفضين الكل عشانه والأكبر من هذا تتحملين الإهانات إللي تجيك من أهله وكل هذا عشانه ! بـ العادهـ ما أحد يقدر يتكلم عليها بكلمه ولكن أهله قدروا يتكلمون ويسبون ويقولون اشياء ماهي فيها وتتجاهل كل الإهانات عشانه اهو ويطلع بـ الأخير غدار خاين كذاب تعشقه ويمثل عليها الحب ليش شـ ناقصها لما يضحك عليها بنت سُلطان وحفيدة الـ(ــــ) نزلوا ودخلت وسن من باب المطبخ ودخلت معاها وسن ورقت وتين فوق ووسن راحت تسلم ع خالها

عزام واهو يشوف وسن جايه تمشي : هلا ووغلااااااااااااا وأـنا أقول شنو هـ النور إللي طالع من هنا
وسن من بعد كلامه حست إنو في أحد يحبها من جد : هههه هلوووين وغلوووين وأـنا أقول شنو هـ النور إللي ساطع ع الشرقيه كلها وتسلم عليه
عزام : هههههههههه ياحبي لك إنتي وكلامك كيفك
وسن : وياحبني لك أكثر أزقح شو أخبارك إنتا ؟
عزام : تمام التمام والحمدلله
وسن : دوم يارب وكيف جدو وجدتو ودارينوهـ القاطعه وربي لها وحشه الدوبا
عزام : هههههه كلهم بخير ونعمه ويسلمون عليكم بـ النسبه ليش قاطعه إسأليها وارفعي ضغطها ترا أـنا رافعه لها قبل لا اجي أقول إنها صايرهـ دوووبا والمسكينه مصدقه
وسن : هههههههههههههههههههـآآي
وسام : تلاقيها بغت تنتحر
عزام : ليته ع كذا وربي صابها وسوسه ماتاكل إلا خفيف وكل شوي والثاني تناظر بـ المنظرهـ وتوزن نفسها
أم خالد : ههههههههههههههههههههههـآآي عاد إهي ع طوول يصدق
عزام : وربي أخر شيء حسيت بتأنيب الظمير
وسن ووسام وأم خالد : ههههههههههههههههههههههـآآي
وسام : أجل آبي أتصل فيها وبستهبل
عزام : عاد لا تقول إني مخبرك قول أحس من صوتك وطريقة تنفسك
وسن وام خالد ووسام : هههههههههههههههههههههههههههههـآآي
وسام : والله لـ أهبل فيها
وسن : أجل أـنا بكلمها وبقول عن مخططاتكم
وسام : عاد لاتصيرين نحيسه
وسن : كم تعطيني
عزام : بل عليها بنت سُلطان صارت مصريه
أم خالد : ههههههههههههههههـآآي شفت كيف ما أدري ع منو طالعه
وسن حطت إيدها ع خصرها : لا والله
وسام رآف بـ صدمتها إللي جت لها من راكان وبحنيه : ماعليك منهم ياقلبي
وسن لمست الحنيه بـ جملته ناظرته بعيون فيها من الهم والحزن وإحساس بـ الخيانه والغدر وقالت : الله لا يحرمني منكم إنتم أحلى شيء بـ حياتي وقامت عشان ماتجيب االمصيبه إللي مخبيتها تحت ضحكها عندهم : يلا أستئذن وتين فوق وبروح لها
وسام حاس بعذاب أخته ويسب ولد عمه البنت جالسه تنتظرهـ من خطبته الأولى واهو عايش حايته ولا عليه
عزام يستهبل : هذا وجهي إذا جيت لك مرهـ ثانيه يـ إللي ماتستحين
وسن ناظرته تضحك : ولا يهمك اـنا أجيك
عزام : منو قال إني بـ أتركهم يسمحون لك تدخلين حتى الحديقه
وسن : أـفأ يـ الخال
عزام يكلمل إستهبال : يالليل خلاص بـ اسمح لك تدخلين أعرف ماتقدرين تستغنين عني شـ ذنبي إذا ربي خالقني مزيون
وسسن : ههههههههههههههههههههـآآي طالع علي ربي يحفظك
عزام : أقول فارقي لـ صاحبتك إللي ساحبه عليها فووق
وسن رقت الدرج تضحك ع خفة دم خالها


بـ الرياض بـ الإستراحه حقت أولاد أبو راكان

زياد معصب : ياخي منتب صاحي أكيد
راكان بكل برود : بـ العكس أكلمك وأـنا صاحي ونص
زياد : هذي سواهـ بتسويها
راكان : إيه شـ علي منهم
زياد : ع الأقل عطهم خبر مو تسوي هذا من ورا ظهرهم والله وقتها ماراح يرضون عليك
راكان : تعرفني شيء براسي مسويه مسويه ولا أحد يقدر يمنعني أجل أنتظرهم ليما يرضون صاحي أنت
زياد : بـ التحايل يرضون
راكان : إيه صح كأنك ماتعرفهم
زياد : راكان إللي بتسويه ماهو سهل حاول تفكر من جديد
راكان : يصير خير
زياد عارف أخوهـ لا دخل شيء براسه خلاص ما أحد يقدر يمنعه يسويه مهما كان الشخص هذا

فـ بيت أبو تركي .

" يُمه الله يعافيك بروح لـ وسن عندها وتين "
أم تركي : خليها بكرهـ
هنادي : يُمه !!
تركي لسا جاي من الشركه : السلام عليكم
أم تركي وهديل وهنادي : وعليكم السلام
أم تركي :: وين أبوك واخوك
تركي : طلعنا أـنا والشباب سوأ وبدر جلس يسولف شوي وجيت اـنا والوالد مثل ماتعرفين شوي وجاي
هنادي : يُمه شقلتي
أم تركي : أبوك بيجي ذا الحين وبنحط العشاء خليها بعد العشاء
تركي : خير وين العزم إن شاء الله ؟
هنادي : بروح لـ بيت خالي سُلطان عند وسن ووتين
تركي مو عاجبه الوضع : ما شاء الله الآنسه الهايته موجودهـ هناك { قصدهـ ووتين }

" شـ عندها الأخلاق زفت "
وتين تناظر أخوها ياسر : سلامتك
أم سعود : من جد شـ فيك
وتين : ياقلبي ولا شيء { قالت تصرف } تعرفين فريت المجمع وراسي مصدع شوي
حمد : ماينلام راسك إذا صدع نامي وخلاص
وتين : هذا إللي بيصير متى العشاء ؟
أم سعود : هذا اهم يحضرونه
أمل جت لهم : يلا العشاء جاهز
وتين : أبوي وين
سعود : كبار العائله معزومين ع عشاء
وتين : أـها وراحوا يتعشون


" هلا حُبي "
أم خالد : ماما وينك ليش ماتردين
وسن : سوري يُمه كنت أخذ شاور
أم خالد : أوكي تعالي حطينا العشاء
وسن : أخواني وأبوي موجودين
أم خالد : أخوانك وخالك غزام وابوك معزوم ع عشاء
وسن : أوكي بنزل ذا الحين باي وقفلوا
نزلت وسن : السلامموووووووو عليكممم
كلهم : وعليكم السلام
وسام : كيفك
وسن ناظرته مو فاهمه شيء : مثل مانت شايف
حاتم : شفيها
وسام : بس كذا حرام أسأل عن توأمي .
عزام : ترا أزعجتنا بـ توأمك هذا
وسن بثقه : يحصلك هـ التوأم
عزام : من حلاتكم عاد
وسن : أدري مو من قلبك ولا تحاول ترقع السالفه
خالد : ههههههههههـآآي والله يـ الثقه
عزام : أـنا أدري ع إيش واثقه
وسن : ببساطه وسن بنت سُلطان وجوهرهـ واخت هـ الحلوين وتأشر ع أخوانها
عزام : يـ النذله أـنا خالك
وسن : قلت لك يحصل لك هـ التوأم ؟ وشفت حالك
عزام : مردودهـ يامغرورهـ
وسن : تُكفى ,, ترا أكرهـ هـ الكلمه
عزام يرفع حاجب : غريب بـ العادهـ البنات يموتون ع ما أحد يقول لهم مغرورهـ
وسن : هذيل البنات مو وسن
عزام ناوي يطفرها : ليش شـ فرقك عنهم
وسن : سلامت عمرك متى ماعرفت وسن عدل تعرف شـ الفرق عن إللي تكلمت عنهم
عزام : وتقول مو مغرورهـ
وسن : إيوا مو مغرورهـ
أم خالد : تراها واثقه بنفسها بـ زيادهـ يعني لا تحاول
عزام : هذذي وسوسه مو ثقه
وسن : كيفك أـنا مو مسؤوله أوضح للناس شنو أـنا وشنو طبعي وإذا صادقين فـ كلامهم وإلا لا خذ راحتك كل واحد وله وجهة نظر
خالد وحاتم ووسام : هههههههههههههههههههههـآآي
وسام : لقط لقط
عزام : أقول أسكت إنت { يكلم وسن بـ عتب } أـنا صرت ناس
وسن تناظرهـ : سوري لكن هذا ردي ولك حق تزعل ولك حق نتأسف لك وتقوم تبوس خالها ع خدهـ سوري مرهـ ثانيه
عزام : وربي مو صاحيه
أم خالد : تاكلك بـ لسانها
عزام : تجرح وتداوي الجرح ع طوول ولا كأنو شيء صار
وسن : إن شاء الله بعمري ما أجرح إنسان
عزام : إذا الناس بتجرح وتداوي ع طول و كذا وقتها ياحلاتها الجروح
كلهم : ههههههههههههههههههههههههههههـآآي
وسن : لا يغرك تعاملي في كثير يختلف عني
وسام : صح يجرح ويترك الجرح وليته ع كذا
وسن : عادي كل واحد وطريقته
أم خالد وجوالها يدق وترد هلا إيوا عندي لحظه وتعطي الموبايل وسن
وسن : آلوو
وتين : وينك عن الموبايل
وسن : الموبايل بغرفتي واـنا نازله أتعشى
وتين : طيب كيفك وكيف أوضاعك
وسن : عال العال والحمدلله
وتين : وسن بـ الله عليك
وسن : شفيك وربي منيحه
وتين : والنفسيه
وسن : تعرفين كان مارديت عليك
وتين : أوكي عوافي ويلا بيننا آلو بكرهـ إن شاء الله تصبحين ع خير بنـام
وسن : يعافيك إن شاء الله نوم العوافي إن شاء الله وقفلت
وسام : تستئذنك إذا جت تنام
وسن تستهبل عليه : إيوا ليش حرام
حاتم : من جدك
وسن : صدقت إنت بعد
وسام : أجل شعندها وإهي ماصار لها وقت طالعه من عندك
وسن : تسألني عن شغله
عزام : ياحليلها كأنها أختك
أم خالد : بـ الأمانه كل بنات عماتهم عسل
حاتم : الله لا يفرق
كلهم : آميـن

عند أبو خالد بـ العشاء إللي معزومين عليه كان يكلم تليفون
" حياك الله فـ اي وقت "
أبو الوافي : الله يبقيك أـنا بجيك فـ مكان مافي شغل
أبو خالد : الموضوع مايصلح بـ الشركه { ابو خالد مايطلع من الشركه الظهر إلا بعد الساعه 2 وهذا مو وقت زيارات ويرجع للشركه الساعه 4 ومايطلع منها إلا بعد الساعه 8 }
أبو الوافي : لا مايصلح
أبو خالد : اجل الله يحييك فـ بيتي
أبو الوافي : متى تصير موجود بكرهـ فـ البيت و فاضي
أبو خالد قرر يطلع المغرب من الشركه : حياك الله بعد المغرب
أبو الوافي : الله يحيك تامرني بشيء
أبو خالد : سلامتك
أبو الوافي : فمان الله
أبو خالد : فمان الله وقفلوا


فـ بيت أبو فارس جالسين أم فارس وفيصل بغرفة أمه صحيح أبو فارس ماخذ ثنتين وكل وحدهـ فـ بيت والبيتين هذي مشبوكه فـ بعض وكل بيت له مدخل ومخرج للبيت الثاني ومدخل ومخرج للحوش ومعودهم أبو فارس إنهم يجتمعون كلهم ع الأكل ووقت النوم كل وحدهـ فـ بيتها

أم فارس : شقلت يُمه
فيصل : الشور شورك وشور الوالد
أم فارس : أـنا كلمت أبوك وقال والنعم فيها وفـ منسبهم اخذي راي فيصل ويصير خير بعد زواج فارس
فيصل : كم عمرها
أم فارس:: كبر هنادي بنت عمتك وعمرها 19 سنه وتدرس أول سنه جامعه والبنت ما شاء الله عليها جمال واخلاق ,, ولا تنسى أبوها وامها ما شاء الله عليهم أـنا من شفتها وأـنا أقول هذي مخلوقه لـ فيصل
فيصل : إنتي من زمان وإنتي تمدحين فيها عندي وارتحت لها من كلامك وأـنا أعرف أخوها ودام إنها تصير لـ خالتي جوهرهـ والله والنعم
أم فارس مبسوطه : يعني أبشر أبوك
فيصل يتبسم لـ فرحة أمه له
أم فارس : الله يوفقك وييسر أمرك
فيصل يقوم يبوس راس أمه : تكفيني هـ الدعوهـ يـ الغاليه
فارس جالس بـ الصاله يتابع التليفزيون : شعندهـ طالع والوجه يضحك
فيصل : لو أقول لك ما راح تصدق
فارس تحمس : قول وأصدق
فيصل واهو فرحان : بخطب
فارس يقوم يسلم ع أخوهـ ويضحك : ألف مبروك مابغوا يفكرون فيك
فيصل : الحمدلله
فارس : من بنات عماتي وإلا عماني
فيصل : لا
فارس أستغرب : أجل مين
فيصل : تعرف خالتي جوهرهـ مو عندها أخت متزوجه وعندها اعيال وبنات
فارس : لا تقول أخت مشعل
فيصل : إلا اهي
فارس : والله ونعم وإن شاء الله ربي يكتبها من نصيبك
فيصل : إن شاء الله
فارس : شكلك متولع لا يكون شايفها بس
فيصل : من فترهـ طويله وأمي تمدحها لي والصراحه مدح أمي لها دخل قلبي وارتحت لها وأكتشفت إنو هذي البنت إللي آبيها
فارس : متى بتخطب
فيصل : أبوي يقول بعد زواجك واـنا بقولهم يستعجلون
فارس : الله يسهل
فيصل : آمين

بـ جناح وسن جالسه ع السرير ومشغله أغنية 'قله' لـ عبدالمجيد عبدالله ومغطيه رجولها بـ الغطا وحاطه راسها ع ركبها
حاتم واهو يدخل يشوف جناح وسن مفتوح ناظر غرفة نومها فيها نور خفيف وطالع صوت الأغنيه لـ غرفة جلوسها
بكل حنيه 'شفيك'
وسن ماتبي ترفع راسها عشان مايلاحظ إللي فيها : سلامتك
حاتم سمع صوتها متغير وبـ نفس صوته الحنون من شوي واهو يحط إيدهـ ع راسها : قلبي شـ إللي مضايقك
وسن : ولا شيء
حاتم : طيب أرفعي راسك
وسن أبتلشت حاتم : ناظريني
وسن ترفع راسها مو لـجهة للجهه إللي اهو مو فيها
حاتم : شفتي فيك شيء
وسن تدور عذر : شيء مايستاهل
حاتم : طيب ممكن أعرفه
وسن مسحت دموعها بـ إيدها وناظرته : بس صاحبتي بتتزوج
حاتم : طيب أدعي لها بـ التوفيق
وسن : هذا شيء أكيد
حاتم : طيب وين المشكله
وسن : إحتمال تنقل مع زوجها ,, وما راح تكون علاقتنا نفس اول { كملت وإهي تغصب نفسها ماتنزل دموعها وبـ داخلها غصه } بتتغير بعد الزواج
حاتم : تأكدي مافي أحد يبقى ع حاله
وسن بعيون مدمعه : يعني إنتم بعدين لما تتزوجون بتتغيرون علي
حاتم : لا ياقلبي إحنا اخوانك ونحبك وبـ إذن الله مانتغير
وسن نزلت دموعها من فين تحصلها من زواج صاحبتها إللي ما راح تبقى علاقتهم نفس أول وإلا راكان وغدرهـ لها
حاتم : وبعدين مع هـ الدموع
وسن : ـــــــــــ
حاتم واهو يمسح ع شعرها : خلاص ياقلبي صاحبتك إذا من جد علاقتكم فـ بعض قويه وإهي من النوع إللي مايأثر عليه أي تغير يطرأ بـ حياته صدقيني وقتها ما راح تتغير
وسن : من أـيام الروضه سوأ
حاتم : إن شاء الله ما راح تتغير
وسن تحرك راسها مأيدهـ كلامه
حاتم : يلا طفي هـ الحزن إللي مالي الغرفه وتعوذي من الشيطان ونامي
وسن : إن شاء الله بغيت شيء لما جيت
حاتم : سلامتك بس شفت الجناح مفتوح وقلت بتطمن عليك
وسن : الله لا يحرمني منكم ,,
حاتم : ولا منك ياقلبي يلا مثل ماقلت لك ,, وتصبحين ع خير واهو يقوم ويطلع من عندها

يـوم الأثنين الظهر حزت الغدأ فـ بيت أبو خالد

أبو خالد : اليوم المغرب بطلع من الشركه وآبي واحد منكم يصير معاي

هديل وأم تركي : هههههههههه ,,
هديل : ليش مسميها كذا
تركي واهو يرفع حاجب : صادق هذي ماتجلس فـ بيتهم حلو إذا تعرف وشـ يصير عند أهلها ع طوول عند وسن المفروض تستحي ع وجهها البيت فيه عيال وبيحسون بخصوصيتهم وإهي لازقه لهم والله لو إني أخوها كان عرفت أتعامل معاها
هنادي بهبالها المتعودين عليه : زين إنك مو أخوها
تركي بعصبيه مكبوته : خير شـ قلتي طال عمرك
هنادي تناظرهـ بخوف لإنه يخوف إذا عصب : أقول يابختي أخوي كذا
أم تركي وهديل : ههههههههههههههههههههههههـآآي
تركي بطبعه : عيديها مرهـ ثانيه وشوفي شبيصير لك

قامت هنادي زعلانه وناظرها تركي وإهي تمشي مهما كان اخته ويحبها لكن لسانها طويل ويبي له مسك شوي لإنها ما راح تقدر تعيش إذا ماتعدل وضعها

أم تركي بحنانها : يُمه ليش عليها
تركي : شسوي الله يخليك لي ما أحب البنت إللي كذا لازم تفهم ,, كل شيء وله حد بكرهـ زوجها مو متحمل طولة لسانها ورجلها إللي ع طول برا البيت
هديل بطبعها الهادي : كذا بتتعب لإنو البنات كلهم نفس وتين وهنادي
تركي : شـ علي ببنات الناس أـنا أهم ماعلي بنات عائلتي واختي وهنادي أـنا عندها ليما تتعلم شـ إللي يتحمله الواحد وشـ إللي مايتحمله ووتين دبرتها عندي
أم تركي وإهي تتبسم لـ ولدها إللي طبعه صعب لكن صادق بكل إللي يقوله هذا إللي تحتاجه البنت

{ تركي شخصيته قويه وقليل كلام ولا يحب البنت إللي لسانها طويل وتضحك ع طوول 'عندهـ البنت إلا تكون ثقيله' ولا يطيق إللي ع طوول طالعه مشاوير سوأ زيارهـ وإلا تسوق وكل هـ الأشياء إللي يكرهها مجتمعه فـ ويتن ويتمنى يكون أخو وتين عشان يعرف يتعامل معاها عدل ويحمد ربه إنو أخو هنادي وإلا كان هنادي ذا الحين نفس وتين عشان كذا موقف هنادي عند حدها }

عند وسن لما رقت الدور الثاني إلا هذا موبايلها يتصل طلعته من الشنطه وناظرت الإسم وابتسمت
وسن وإهي تتبسم : آلوووو ,,
ميار بفرح : حبيبتي كيفك !!
وسن عارفه إنو صاحبتها عندها شيء : تمام ياحياتي إني شو عامله
ميار : بخير أقول { وبصوت كله توتر } حددوا زواجي
وسن : حيااااااااااااااااااااتي مبروووووووووووك متى
ميار: مستانسه إنتي ووجهك واـنا الخوف حايسني
وسن : عادي ياقلبي شيء طبيعي الخوف فترهـ وتعدي
ميار: يرحم والدينك وين فترهـ
وسن : أـفأ هذا وإنتي معروف إنك قويه
ميار: قويه بكل شيء إلا هـ الشيء
وسن : لا حوول توكلي ع ربي وجهزي ولا تهتمين
ميار: نسيتي إنو منزل الفلوس بـ حسابي من شهرين ومجهزهـ وخالصه واليوم العصر حددوا موعد الزواج بعد أسبوعين
وسن : ربي يوفقك هذا اهم شيء
ميار: آمين وعقبالك إن شاء الله
وسن بـ آلم : يجيب الله مطر
ميار : أـفأ بس
وسن : لا اـفأ ولا شيء يعني أـنا ما وراي إلا الزواج طيري لـ ولد عمك المتيم فيك وأـنا بقفل وتين عندي وتأخرت عليها
ميار : وتين عندك ياقلبي سلمي عليها
وسن : يوصل أنتبهي لـ نفسك ولا تفكرين بـ شيء ولا تخافين عادي إللي ربي كاتبه بيصير
ميار : الله يحفظك يلا باي
وسن : بيباي ودخلت جناحها حصلت وتين جالسه ع السرير وتحوس بـ موبايلها
وسن : هاي سوري تأخرت عليك
وتين تناظرها بتمعن : هايات لا عادي
وسن تحاول تشغل وتين بـ أي موضوع عشان ماتفتح موضوع راكان : لسا مقفله ميار من عندي وتسلم عليك
وتين : ربي يسلمها هـ البنت رهيبه
وسن : وبقوهـ ربي يوفقها زواجها بعد أسبوعين
وتين نطت من الوناسه : ههههههههههههههههههـآآي ياحليلها مابغت
وسن : لا ,, تكلمني والخوف لا عب فيها
وتين : الله يعينها طيب الهبلا هنادي ماراح تجي
وسن : ليش
وتين : كـ العادهـ أخوها المعقد رافض ما أدري ع إيش شايف نفسه
وسن : ههههههههههـآآي حرام عليك وربي إنه رجال وقلبه طيب أـنا إللي ما أدري ليش تكرهينه ؟
وتين : أـنا إللي ما ادري ليش إنتي هاضمته {قالت بقهر} ومطلع لـي لقب الاخ
وسن ضحكت ع شكل بنت عمتها وصديقتها
وتين : آبي أعرف ليش تضحكين
وسن ترفع أكتافها : ما أدري
وتين : وربي عليك برود مو ع أحد
وسن فمهت عليها : وليش أقهر حالي ع الفاضي تأكدي كل شيء مكتوب لي بـ أخذهـ سوأ كان عاجبني وإلا مو عاجبني رضيت فيه وإلا مارضيت
وتين تناظرها بقوهـ : تكابرين صح
وسن : نووووووو ,,
وتين أنقهرت من جد لإنها تعرف وسن تعشق رااكان ولما يجي خبر إنو أختار وحدهـ غيرها ماتفاعلت مع الموضوع ولا كأنو شيء صاير : وسينوهـ
وسن تضحك : آمري وتينوهـ
وتين طفشت منها وبدون مقدمات حضنت وسن وسن ما أستغربت هـ الشيء لإنها متعودهـ ع وتين وهذي ع طوول حركتها ومتأكدهـ إنو موضوع خطبة راكان مأثرهـ ع وتين وسن بعقلانيه : ذا الحين أـنا إللي أحبه ليش إنتي متأثرهـ واـنا شفت الموضوع عادي
وتين: لإني عارفه إنو مو عادي عندك بس تكابرين
وسن : امكن مابعد أستوعبت الموضوع { قالت تستهبل } أحلى شيء فيني ما أستوعب الصدمات إللي تحطمني إلا بعد فترهـ من حدوثها
وتين : هههههههههـآآي رايقه تستهبلين
وسن : وليش أغث حالي { قالت بتغير مزاج وتين لإنه تعرف إذا تكلمت وتين زيادهـ ع كذا ماراح تقدر تتحمل وسن أكثر من كذا } ماعلينا قولي تركي شنو اللقب إللي مطلعه عليك ؟
وتين انقلب مزاجها : قطيعه إتخيلي يقول عني الهايته
وسن هنا خلاص : هههههههههههههههههههههههههههههههههههههـآآي يقطع بليسه تركي
وتين : إيوا أضحكي شـ عليك مو إنتي إللي مطلع عليها اللقب
وسن : ياحياتي أـنا وإنتي واحد وإلا نسيتي إننا خوات
وتين : هههههههههههـآآي هبلا ع طوول أـنسى ,,
وسن فتحت لاب توبها تضبط لها صور بـ الفوتوشوب ووتين جالسه تفتح بـ موبايل وسن وتدز مقاطع صوت لها
وتين : وسن غني ,,
وسن : وإللي تسمعينه مو عاجبك { تقصد اللاب مشغله فيه أغنيه }
وتين : إلا بس آبي صوتك
وسن : حبي أعذريني مالي مزاج
وتين : طيب بـ أغير النغمات المخصصه لـ إللي عندك بـ الموبايل
وسن : ماشي لكن اخواني وأبوي وأمي لا تغيرينهم .
وتين : لا توصين وكل وحدهـ أنشغلت بـ إللي معاها وبعدهـ بربع ساعه طلعت وتين من عند وسن لـ بيتهم ولا تعشت عند وسن ووسن دخلت تاخذ لها شاور قبل لا يحطون العشاء