الموضوع: كبرياء امرأة و حب رجل ****قصه رووووووووووووووووووووووووووووووووووووووووووعه***

عبدالله أول ما سكر من محمد أدخلتفيه نجله عرض : أنت وش فيك تبي لي المضرة وبس ما يسوى على . تتسببعلي تبيه يذبحني ؟ صدق ضار .
عبدالله اللي كان يحاول يهديها قال : شفتيني قلت له شيء عشان تشبين علي كذا صدق نسوان ما به فايدة . المهماسمعي اخوس يقول أنهم في السوبر ماركت وما خلاني اكلمها بس ما ادري ليه ذاالقصة ما هب داخله راسي عشان كذا أبيس أول ما ترجع تدقين علي تعلميني أو عطيني رنهبس وأنا بعرف أنها رجعت.
نجله اللي كانت تنافخ من تحت النقاب : الصراحة أنتواجد واثق من نفسك . والثقة الزايدة مصيبة .ما علين ما قلت ليكيف تبي أدق لك أو أعطيك رانة
عبدالله : مثل كل الناس عطيني رقمس وأنا إذادقيتي لي بعرفه
نجله : والله .احلف والله . نجله بنت سعيد ماتعطي رقمها رجاجيل
عبدالله وهو يسوى حركة بوجهه رد عليها : و رجاجيل مايبون رقمس اخذي أنتي رقمي
نجله وهي تهز رأسها : لا هنا أنت اخترعت الكيمياء . نفس السالفة عطيتك ولا أخذته .
عبدالله وهو معصب عليها قال : أنتيوبعدين معاس لكن يلعن ابو الحاجة اللي حدتني عليس .
نجله اللي شافتعبدالله كيف يعصب ما حبت توصله لحده وهي واقفة قدامه . تخاف يخبطها بشيء قالت : خلاص خلاص بدون صراخ في حل أكلمك على البلوتوث . وش اسمك فيه؟
عبدالله وهو يحاول يمسك نفسه : استغفر الله العظيم من كل ذنب عظيم اسمي شيخ العرب كلهم .
نجله بتهزي : وخر عنه مصدق نفسه . وسكتت على طوليوم فتن عبدالله عليها
وقال وهو معصب : اسمــــــــــــــــــــــــــــس . خلصي علي ؟
نجله : اسمي عبود ويوم شافت عبدالله حمق أكثرقالت : نور عينك. والله العظيم اسمي نور عينك.


محمد أول ما سكرعبدالله عنه لف يشوف وضحه اللي كانت توها جايه من السيارة وقعدت جنبه
اقعدوا ساكتين محمد ما كان عارف وش يقول لها وفي نفس الوقت ما كان يبييعكر هدوها . بس قرر انه يفرفشها قبل لا يرجعها .وقال : وش رايس نروح نتمشى فيامسعيد شوي وبعدها نمر السوبر ماركت ؟ وضحه اللي كانت رافعه نقابها لفت تشوفهوابتسمت له ابتسامه ما تناسب عيونها المنفوخة و الحمرة وأشرت برأسها . نعم





عبدالله رجع يقعد مع الشباب في شاليه أبوه علىالبحر لقى كرسي راشد خالي استغرب . معقولة راح هو بعد بس ما فكرواجد شاف راشد قاعد على المدة مع مبارك وضارب سالفة معه . قعد هو علىكرسي راشد يا سبحان الله ما طافت ساعتين من ضحكت عليه والحين أنا قاعدمكانه آوه نسيت افتح البلوتوث افتحه وقعد ينطر ويراقب في نفس الوقت . لفت نظره راشد بضحكة مجلجلة. ضحكها مع مبارك عبدالله كان مستغرب من ذاالانشراح الزايد اليوم ما هب خالي كاشخ و متزبط صدق حتى كلامه مع وضوحي غير كان جريء ومستقوي في ألحكي وسالفة النعال اللي سألها عليها . وش سالفةالنعال أموت واعرف ما هب مشكله بعرفها . بعرفها وين بيروح عني؟





بعد ما صلوا المغرب ارجعوا لنفس القعدة في شاليهابو راشد . عبدالله اللي كان يتمشى على البحر قدام فلة أبوه ما صدق علىالله يوم سمع صوت نغمة المسج جايه استلام من نور عينك
( جات لا تنسى امسح الرسالة ) . ابتسم عبدالله بعد ما تطمن علىوضحه. وقال وهو يمسح المسج : الحمد لله والشكر وقرب جنب الطوفه اللي بين شاليهأبوه وشاليه سعيد وقال بصوت على : مشكلة اللي متخرعين . وما عندهم ثقة؟. كان يبي يسمع نجله يدري أنها أكيد واقفة جنب الطوفه شافها وهي طالعهمن داخل وجات تقعد مع النسوان .
سعد : ومن هم اللي ما عندهم ثقة؟
عبود : ذا الرجاجيل اللي يتمشون هم ونسوانهم على البحر يقعدون على كبودهم محكرين لهم . يا أخي خلوهم على راحتهم يتمشون؟
رد عليه مبارك : وأنت ذا الحين اذا طلعوا شوفاتكيتمشون بتخليهم بالحالهم ما أنت بطالع معهم ؟ متخاف من شيء عليهم ما تدري سبحان الله عيال الحرام ما ماتوا ؟
عبدالله رد وهو يبتسم : أي شوفات يا رجال أنا ما عندي الا شوفه وحده تستأهل أخاف عليه ولا الباقيينخاف على العرب منهم . وحوش ما هب نسوان وكان يقصد نجله بكلامه .
أول ما كمل كلامه رن جواله على طول كانت الجازي وأول ما رد عليها قالتله بصوت واطي : جعلك تجدر يا عبود منهم الوحوش . هاااااااااااااااااااااا؟
رد عبدالله وهو يشر على حمد : النسوان كلاهم وأنتي أولهم . بس أمهاتي لا
احترت الجازي عليه وكانت تبي تغايضه . قالت له : اذا كذا اجل وضوح أولنا ؟
عبدالله : أنا وش قلت لس أمهاتي لا كله الا أم الشيخ . تسواكم وتسوى أهلكم كلهم هنا راشد قفل علىعبدالله عدل . كيف يجراء ويتكلم عليها قدام الرجاجيل . خصوصاً ان سلمان كانقاعد وانتبه على كلمة أم الشيخ . حس ان كل اللي قاعدين اعرفوا وضحه تحلف فيعبود و قام وخلا المكان من ألحره اللي فيه . وراشد قايم محمد كان توه جايهم يقعدمعهم .





راشد راح بيركب سيارته ألموقفها في طبيلت فلةأبوه سمع صوت وضحه تكلم الطباخ لف من طرف الطوفه يشوفها لقاها واقفة عندشنطة سيارة محمد المفتوحة والطباخ واقف معها وهو يطلع الأكياس اللي تأشر له عليهوضحه . كانت جايبه معها أغراض حق العشاء وتوصي الطباخ يسويها . راشدهنا انبيره ضرب عدل . بعد أتحاكا مع الطباخ ؟ وضحه ما حستالا بلي هاد عليهم مثل الثور الهايج . صرخ على الطباخ وطرده والتفت عليهامن قريب وقال : أنتي ما تستحين ؟ كل رجال بتوقفين أتحاكين معه ؟ حتىالطباخ ؟ دخلي . يلا داخل. وضحه اللي كانت ترجف من الخوف منه . ما حبت أنها تضعف قدامه خصوصاً بعد هذا الاتهام القوي لا ومع مين معالطباخ أنا ليه خايفه منه من يكون رجال مثل باقي الرجاجيل . وأنااللي اعرف أوقف كل رجال عند حده عشان كذا حاولت تسيطر على رجفتها . وتستجمعكل شجاعتها وقالت : أنت وش قاعد تخربط ؟ أقول أحشم عمرك ابرك لك أنا ما نزلتراسي للي اكبر واسمن من الطباخ عشان انزل راسي للهندي . توكل على الله ورح قبللا تسمع شيء ما يرضيك . يلا رح . راشد كان وده يمسكها من رقبتها ولا يهدهاالا ميتة على ذا النغزة اللي قالتها تقارنه بالهندي . يعني هو والطباخعندها واحد . بس ما قدر يمد يده عليها كان خايف يده تخونه معاها . من الحرة ما لقي الا باب شنطة السيارة وضرب به بكل قوته .
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآه كانت صرخت وضحه اللي بطت أذنه لأنه سكر الباب علىيدها ما كان منتبه ليدها اللي ممدودة على طرف باب الشنطة رفع الباب بسرعةومسك يدها يشوفها وضحه من الألم ما كانت قادرة تتكلم أو تسحب يدها منيده . جرها بسرعة إلى مطبخ فلة عمه وطلع غرشة ماي باردة وثلج وحطه على يدها فيباديه وصب الماي البارد فوقها وهو يشوف وضحه كيف تسقي نقابها من مدامعها بصمت . وضحه أول ما حست أنها تقدر تتكلم قالت له وهي تعاني عشان تطلع الكلام عدل : شيل أيدك عني أحسن لك أنت أنت واحد نذل وأنا أكرهك . أكرهك أكرهك أكرهك .أكرهـــــــــــــــــــــــــــــــــــــــــــ ــــــــــــــــك وكملت وهي منهارة تعرف وش يعني أكرهك. ما أبي أشوفوجهك الكريه طول حياتي تسمعني طول حياتي اطلع اطلع برى .اطلع
راشد طلع من المطبخ شبه يركض . ركب في سيارته وهو يرجف ما هب قادر يمسك السكان عمره ما تخيل انه بيوقف قدام وضحه مثل الطفل اللييعقبونه ولا هو قادر يدافع عن نفسه .أكرهك أكرهك أكرهك أكرهــــــــــــــــــــــــــــــــــــــــــــــ ــــــــــــــــك الكلمةكانت ترن مثل طلقت المدفع في رأسه . سكر أذنه بيده وغمض عيونه بقوة إلى انوقفت كل المدافع اللي في رأسه شغل السيارة بسرعة وطلع من الشاليهات بكبرها

نجله : عمتي وش فيس وش بها يدس
وضحه اللي كانت قاعدة في الصالة ويدها إلى ذاالحين في الماي البارد . كانت تحس براحه غريبة . شيء ثقيل كان جاثم على صدرهاوانزاح تخللتها لحظات ندم على الكلام اللي قالته لراشد . بس تجاوزتها بسرعةوقالت : سكرت الباب على يدي …. ما كنت منتبها وسكرته على يدي ………
نجله : بسمالله عليس … أشوف …. ما تشوفين شر … بس كنا لازم تروحين المستشفى غدي لون يدس ازرق …
وضحه وهي تشوف يدها : لازم الكدمة قويه … نجولفديتس شوفي حد طرشيه لعبوداخبره يحط في سيارته علبة أسعفات أولية … أبي ألف يدي ….
نجله هزت رأسها وطلعتبسرعة …. ما شافت حد من البزران قدامها … وحبت تختصر الوقت …





عبدالله اللي كان قاعد يشرب حليب الكرك أنصدم لما شافألمسج اللي جايه بالبلوتوث … نور عينك … استلامه (( بسرعة إذا عندك علبة أسعفاتأولية جيبها فلة جدي ……… إيه ولا تنسى تمسح ألمسج )) عبدالله حط الكوب وقام بسرعةما كان عارف وش السالفة بس أكيد في حد فيه شيء . أول ما طق الباب اطلعت لهلنجله : ها جبتها ؟
عبدالله : إيه بس وش فيكم من اللي تعبان؟
نجله : عمتي وضحه سكرت الباب على يدها
عبدالله : عسى ماتعورت ؟ تبي أوديها المستشفى
نجله : لا . بس كدمه بسيطة . لكن تبي تلفها
عبدالله : زين اخذيلي طريق أشوفها .



عبدالله : اصبري أنتي وش فيس عجله أنا بمسك الشاش وأنتي لفيها غيبه من غيبات الدكتور والله .
نجله : أنا ما ني بعجله . أنت الليبطيء .
وضحه كانت تشوف نجله وعبدالله وهم يتطببون في يدها وما هي منتبهاللكلام اللي يقولنه. كان شكلهم يضحك بس ليقين على بعض . وضحه غصب عليها ابتسمت وقالت : الصراحة أنا ما ادري إذا رحتوا عني كيف بتكون حياتي بدونكم؟
عبدالله : زين أنا وبقول معاس حق ؟ لكن في ناس أبدن ماينبكي عليهم ؟
نجله نطت من قريب : أنا أموت واعرف على ويش شايف عمرك؟ وقع يا أبوي . وقع في الأرض .
وضحه وهي تحاول تفك الاشتباك قبلالا يتطور أكثر وقالت : الله يهديكم أنا اللي اقصده . أنا أنتي ذا الحينخلاص انخطبتي وبتعرسين وبتروحين بيت رجلس وضحه كانت تشوف نجله وهي تتكلم ولفتعلى عبدالله تكمل : وأنت بعد ان شاء الله بكره بتعرس وبتنشغل عني أسكتت وضحه لما اكتشفت أنا عبدالله كان ساكت وسرحان و هو يشوف نجله اللي من جابواطاري العرس وهي منزله رأسها من الحية .

راشد ما حس بنفسه الاوهو واقف عند بحر الوكره . نزل من السيارة وراح يمشي على البحر .
نفسيته كانت تعبانه واجد من الموقف اللي صار . هي ليه قالت كذا ؟تكرهني ؟ صدق هي تكرهني يمكن من الألم ؟ إيه كانت مستوجعه من الضربة ؟بس هي قالت ما تبي تشوف وجهي الكريه طول حياتها إلى ذا الدرجة هي تكرهني وليه ما تكرهك هي وش خابره منك ؟ ما قد قلت لها كلمة حلوه . أو عاملتهامعامله عدله اما دابغها أو مهادها زين وش أسوي اذا كل ما شفتها لازم تفوردمي ؟ وهي بعد دايم كاشه مني كني وحش وبأكلها ؟ وابتسم راشد لما تذكروضحه اليوم الصبح وقال بس اليوم الصبح كانت غير كل شيء فيها كان غير صوتها كلامها لمستها . خلتني أحس أني ضايع ضايع فيها ضايع في وجودها حسيت أنها قطرة مطر . صبت على عطش قلبي . لا روتنيولا كفت نفسها عني هي صدق ما روتني بس كان شيء غريب . خلتني أحس بلذة الدنيافي لحظة . فجأة حسيت أني حي . وكل عرق فيني ينبض . صحيح ان ذا الشعور خلنيضعيف قدامها بس ؟ أنت ويش وش اللي تبيه . تبي تكون ضعيف و ضايعقدامها ليه ؟ يا راشد ليه لف راشد وقرب للبحر وقال عشانتعيش يا راشد عشان تكون حي ليه ما تكون ضعيف قدامها اذا كان ذاالضعف بيحيي قلبك ليه ما تضيع فيها اذا كان ذا الضياع بيعيشك في دنيا وضحه اضعف يا راشد . اضعف وضيع طول عمرك وأنت قوي وعرف كل خطوه تخطيها وينتوديك طول عمرك تحسب كل شيء في حياتك بالورقة والقلم وش الفايدة الليلقيتها ولاشيء الدنيا بكل ما فيها من فرح وحزن فاتتك . كنت مثل الميت الا كنت ميت بالفعل اضعف يا راشد وضيع وضيع . احي قلبك ونفسكفي حضن وضحه . خلها تحتويك وتحيك يكفي عمري اللي طاف وأنت مع الأموات .






عبدالله اللي كانت صادمته فكرة ان نجله انخطبت وبتعرس ما عرف انه متنح يشوف نجله الا لما قالت وضحه نجول قومي روحي داخل شوفيجوالي من متصل . قام عبدالله يلملم أغراض علبة الإسعاف بسرعة وهو يقول : زينيمه اذا بغيتي شيء أو عورس شيء دقي علي عشان اوديس المستشفى . ولا تدرين ليهأنروح بعيد الدكتور موجود أي وقت نجره لس كم وضحه عنده وعندنا وغمزلها قبل لا يطلع بسرعة بدون ما يعطيها فرصة تسأله أو حتى ترد عليه
وضحه حست ان عبدالله ضايقته سالفة الخطبة . بس ما كانت تقدر تسوي له شيء اذا كان يبيها وله خاطر فيها هو اللي لازم يتحرك ويسوي شيء وفي نفسالوقت حست بتأنيب الضمير تجاه نجله . هي علمت عبدالله ذا الحين السالفةبتنتشر بين الكل وعبدالله اذا كان له خاطر في نجله وهي ما تبيه وش بيكونمصير نجول نفس مصيري لالالالالالالالا الله لا يقوله





على الساعة تسع فليل قبل وقت العشاء بداء الكل يلاحظاختفاء راشد . ابو راشد ارتبش وربش الكل معه . كان الكل يتصل فيه بس ما كانيرد على حد وذا الشيء اللي خلاهم يخافون عليه أكثر
انتشار خبر اختفائهبين النسوان بحكم أنهم كانوا قاعدين قراب منهم ويسمعونهم وضحه اللي كانت لفهيدها ومالها خلق لحد بس غصب عنها جات تقعد معهم من كثر ما حنت عليها أمها . كانت تحاول أنها ما تهتم . بس بسبب حالة التوتر اللي كانت عند أم راشد بالذاتما أقدرت الا أنها تنشغل عليه . رجع له الإحساس بالذنب . يمكن أنا كنتقليلة أدب معه وراشد حار ما يحب حد يطول لسانه عليه . أخاف طلع زعلان وصارفيه شيء وحطت يدها على قلبها وهي تقول في خاطرها . بسم الله عليه ربييحفظه بس هو وين راح ؟ و ليه ما يرد على الجوال ؟ على الساعة عشر أم راشدأفتحتها مناحة الكل كان يهديها الا وضحه كانت خايفه حتى من أنها تقرب لها خايفه يكون جاري على راشد شيء وتكون هي السبب كانت تشوف شذى كيف كانت تسابق بناتأم راشد لها تلمها وتهديها وهي تعطيها كل شوي نظرات نارية حاقدة . وأبو راشدقرر انه يروح يدوره بنفسه وطبعاً أخوه ما هب بمخليه يروح بالحالة لكنالعيال ما خلوهم راحوا كلهم يدورونه حتى مبارك وسلمان اللي راح يسال في الفندقواللي راح يدور في الشاليهات واللي طلع يدور على طريق الدوحة .






بس كيف بتوصل لأحضان وضحه وضحه اللي من شوي قالتلك . أكرهك وما أبي أشوف وجهك الكريه طول حياتي . كيف ؟ كيف كيف تقدر تخليها . تقبل فيك وتحبك ؟ كيف يا راشد؟ من وين بتبداء يا راشد ؟ من سنك الكبير ولا من شكلكالعادي واقل من العادي ؟ ولا من بلادة المشاعر اللي أنت فيه ؟ ولا منطبعك الحار معها ولا من خوفها منك ولا من كرها لك؟
إيه الكره يا راشد هذا الشيء اللي اذا قدرت تغيره كل شيءمعه بيتغير . وبتختفي معه كل عيوبك بس كيف ؟كيف أغيره كيف أغير مشاعر تكونت عندها من سنين . تكونت من الليسويته فيها كيف أجي في يوم وليلة و أغيرها ؟ كيف لالالالا غلط يا راشد غلط لا تخطط ولا تفكر خلها تأخذك لعالمه شوي شوي كل اللي عليك تسويه انك تكون عكس نفسك طول السنين اللي طافة حس فيه وخلها تحس بوجودك معها وخلها تلعب بقلبك . إيه . ليه لا ؟ خلهاتلعب ولعب معها .



راشد أول ما ركب السيارة وشاف جواله لقيالدنيا معفوسه ما تم حد ما دقله وأكثر واحد كان أبوه عشان كذا قرر انهأول واحد يرد عليه ابو راشد بصوت عالي وعصبيه : أنت وين ليه ما رديتعلى فيك شيء جاري عليك شيء
راشد : صل على النبي الله يهديك ما فيني الا الخير بس الجوال ما كان عندي كان في السيارة
ابو راشد اللي أنزلت من عينه دمعة راحة بعد ما تطمن على أولده قال : زينأنت وين عن السيارة ؟
راشد ما كان عارف وش يقول لأبوه كان مستحي يقولأني شارد من وضحه . بس قال : دقولي من المستشفى يبوني أروح لهم بسرعة . ومنالعجلة نسيت الجوال في السيارة لكن هذا أنا قدني جايكم ذا الحين .
ابو راشد اللي استراح من رد ولده قال : زين عن السرعة الله الله في عمركيا اولدي وكلم أمك تراها عافسه عمرها تحاتيك ابو راشد أول ما سكر منراشد دق على العيال عشان يرجعون







الكل سمع ابوراشد وهو يكلم راشد . وأم راشد ارتاحت شوي . شذى كانت أول وحده ألقطت جوالأم راشد عشان هي اللي ترد على راشد بس جواهر ما خلتها تفرح بذي الحركة مطتالجوال من يدها أول ما رن وعطته أمها وضحه اللي كانت واقفة علىأعصابه و فكرة أنا راشد بيختفي من حياتها فجأة والى الأبد مسيطرة عليها . اريولها ما قدرت تشيلها أول ما أسمعت انه اتصل وانه بخير أقعدت على طول في مكانها . وضحه عقب هذا اليوم الطويل جداً ما كانت تبي شيء غير افراشها خلت الجمل بما حمل لشذى اللي كانت واقفة على رجولها تنطر راشد عشان تطمن عليه وراحت بدون ما حد يحس فيها تنام .







قبل لا توصل شاليهم شافت في جوالها مسجين منالرقم اللي جاها الصبح واحد الساعة خمس وواحد الساعة ثمان

(( أحسبغيبتك . غربة وضيقة
ما لها أول آخر أحس إني بلا صحبة
وشكلي يكسرالخاطر ))


(( فقدناكم ولو نقدر بوسط الحلم جيناكم
فقدناكم ولا ندرياذا كنا وحشناكم ))




وأول ما أدخلت غرفتها جاها مسج من نفس الرقماللي جاها العصر

(( عطني المحبة
كل المحبة عطنيالحياة
عطني وجودي
أبغى وجودي أعرف مداه
أملا شعوري بالحبمره
أبغى هواكم حلوه ومره
و أعطيك أمل في الحب غالي
يصعب علي غدرالليالي
وأغلى الأماني عاشت في غربه
يا عمر ثاني عطني المحبة ))



وعلى طول ألحقه مسج ثاني

(( أول الناس أنتي وكلهم
وآخر اللي عيوني تملهم
لو تحبيني هذا يكفيني
اسكني عيني ونامي
أنتي يا نوري وظلامي
يا قمرهم كلهم
أعدل الناس وازينهم خجل
و أغلى من الناس في وقت الزعل
وأجمل اللي حصل لي وماحصل
لو تحبيني هذا يكفيني ))

وضحه أول ما قرت ألمسج غصب عنهادمعت عينها وقالت في خاطرها يحظها ذا اللي تحبها . ياليت ألقى واحد يحبنيربع الحب اللي تحبه حبيبتك بس وش بقول الله يهني كل حبيب مع حبيبه

الفصل التاسع عشر :



هذي الليلة أربعه ما اقدروا ينامون في الشالية راشد.وضحه . شذى . عبدالله . كل واحد وأفكاره . اللي تأخذه وتجيبه .



راشد ما كان عنده طريقة يشوف بها وضحه الا انه يرتز بعد صلاة الفجر في شاليه أبوه على وعسى تمر قدامه ويشوفها بس شوف الكل راح ينام الا راشد والشيبان . راشد كان يتحرقص . يفتح مواضيع بلا هدف عن المستشفى والمرضى . يمكن حد يقوله شيء عن يد وضحه .كان متأكد مليون آلميه أنها ما هب معلمه انه هو اللي سكر على يدها . بس كان يبي يعرف هي كيف حالها ذا الحين وفرج رب العالمين كان قريب عليه يوم قال ابو سعيد : والله انك صادق يا اولدي تدري يوم قمت اتوضى للصلاة شفت وضيحه قاعدة في الصالة . ما أرقدت تقول يدها تعورها البارح مسكره الباب على عمرها بغيتها ترويني إياها وعيت تقول توها لافتها . ما تقدر تفتحها بس أنها تندح عليها راشد وأبوه كانوا متأثرين . الأول من الإحساس بالذنب والثاني شفقه راشد اللي ضبط الدور على شيبانه عدل ولعب في مخهم قال : لالالا ما تستأهل بس عمي انتوا وديتوها المستشفى تصورونها ؟ ترى ما هب زين تخلونها كذا لازم يشوفها دكتور في حالات يا دافع البلا ترث عليهم أمراض شينه
ابو سعيد : لا والله ما راحت المستشفى بس تدري ذا الحين بوديها . إيه صادق يا اولدي ما يصير نخليها كذا
ابو راشد : زين وتسرح بها ليه وحنا عندنا دكتور ولف على راشد يكلمه أنت إذا شفتها تعرف إذا هي مكسورة ولا لا ؟
راشد اللي مات من الفرحة قال : الله يهديك هذا وأنت أبوي تقول كذا اجل عمي وش بيقول ؟ أكيد اعرف جراح أنا جراح . كيف ما اعرف ؟ بس أنت خلني أشوفها عشان نطمن عليها .
ابو سعيد كان بيدق على وضحه عشان تجي بس ابو راشد قاله : لا عطني أنا اللي بكلمها . كم رقمها
راشد : رقمها آآآآآآآآآآآآآآآآآآآآآآآآآآآآآآآآ . عمي عطه رقمها
ابو راشد : يشين اللقافة يومك ما تعرف الرقم خل الرجال يتحاكا . عطاه ابو سعيد رقم وضحه واتصل فيها ابو راشد بس ما ردت عليه وضحه . راشد رجع يتأزم من جديد وقام يعطيهم الحلول : يمكن ما ردت عليك ما تعرف الرقم . عمي اتصل أنت من جوالك . وأول ما اتصل ابو سعيد ردت عليه وضحه على طول : لبيه ؟
ابو سعيد : لبيتي في منى . كيف حال يدس ذا الحين أربها بخير ؟
وضحه : الحمدلله ذا الحين أشوى كانت تندح علي بس خذيت مسكن . وخف الوجع شوي وذا الحين برقد شوي
ابو سعيد : زين يا بنتي ما ودس نروح صب المستشفى نتطمن على يدس يمكنها مكسورة ولا فيها شيء ؟ يا بنتي يقولون ما هب زين تتمين كذا ؟
وضحه : لا فديتك ما له حاجه هي بس رضه . بس أنت وش عندك ما رجعت إلى ذا الحين ؟ أمي تنطرك بالريوق
ابو سعيد : لا وين أنا تريقت عند عمس وترى هو يحاتيس ودقلس ذا الحين ولا رديتي عليه
وضحه : أسالت عليه العافية جعلني فداه والله ما عرفت الرقم عشان كذا ما رديت عليه . تسامح لي منه .
ابو سعيد انتبه لراشد اللي يشر على يده يذكره انه بيشوف يدها قال : زين يا بنتي تعالي خلي راشد يشوف يدس إذا فيها شيء ولا لا ريحي قلبي الله يريح قلبس
وضحه من أسمعت اسم راشد أرجعت يدها تندح عليها . كنها أعرفت اللي ضربها وضحه كانت تشوف يدها وهي تقول : ولا لك لوه . لا ما به حاجه . ذا الحين أنا بس أبي أنام والله تعبانه . وإذا قمت وهي توجعني يصير خير يلا فديتك تأمرني بشيء
ابو سعيد : لا سلمت عمرس . تصبحين بخير يا الغالية راشد بعد ما عرف انه ما في فايدة لف يشوف البحر من الباب القزاز وهو يقول في خاطره والله انك صادق . غالية






نجله : عمتي قومي خلاص تمللت وأنا بالحالي من الصبح قاعدة كذا .
وضحه : نجول وش تبين ؟ تراني ضايق عدل ما قدرت أنام من وجع يدي . وبعدين ليه قاعدة هنا دامس متملله ؟ روحي شاليهكم
نجله وهي تنافخ : وعلت الكبد اللي قاعدة هناك وش أسوي بها ؟ لا ولا يفوتس جايبها المعرس
وضحه وهي فاتحه نص عين . ابتسمت على الموقف اللي نجله فيه وقالت لها : زين يا الغبية فرصة تشوفينه ؟ غيرس ما حصله يشوف المعرس قبل شيء وبعده .





سعيد بعد صلاة العصر ودا البزران البركة عند حمد وسلطان ورجع مر على راشد يقعده من النوم قام راشد واخذله دش سريع وصلى وطلع مع سعيد وراحوا لشاليه ابو راشد . لان الحريم كانوا مجتمعين في فلة سعيد . أول ما ادخلوا لقوا الجازي ونوف قاعدين يسولفون في الصالة . اقعدوا هم على طاولة الطعام بعد ما طلب راشد منهم يسون له شيء خفيف لأنه ما يبي غدا .
سعيد : انتوا ليه قاعدين هنا ليه ما رحتوا عند النسوان
الجازي : يا رجال مطرودين . وبكرت احمر بعد أمي بنه أمسكتنا عقب . وقالت لنا روحوا ولا أشوف وجيهكن الا على العشا .
راشد : أكيد مسوين شيء ما هي بطاردتكم من والدرب
نوف : ما سوين شيء كنا نسولف على نجول ونضحك عليها .وأمي ما عجبها تقول عيب تكركرون قدام المرة الغريبة فشلتونا .
سعيد : على طاري نجول الا هي وين اذا انتوا نطرتوا اجل نجول نفوها من الشاليهات بكبرها ووضوح معها أكيد .

راشد من سمع اسم وضحه فتح حلقه وهو يشوف باب الغرفة اللي في الصالة وهو يقول معقولة هي في ذا الغرفة و ما يفصل بينا الا باب . شرق بالهوى وهو فاتح ثمه . سعيد اللي قام يعطيه ماي قال له : شوي شوي على عمرك . سكر حلقك وأنت تأكل .
نوف اللي كانت جايبه لراشد البيض اللي سوته له : نجول خلقة مهجرينها عند وضوح من الصبح . ووضوح فقيرة مستوجعها من يدها . وتلقى نجول زادتها على وجعها وجع راس تعرف نجول ما تحب حد يطردها .



راشد كان يفكر في يد وضحه وش السوه مع ذا اليد كيف بنشوفها ذا الحين بس والله ما تستأهل ؟ الله يلعن الشيطان وابتسم لما تذكر كيف كانت يدها صغيره وناعمة وهي مغطيه بها عينه
عبدالله اللي كانت توه جاي ويأكل من قدام راشد وهو ولا هنا : خير يا ابو الشباب ضحكنا معك ؟
راشد : لا بس تذكرت اللي صار لكم أمس وكيف تغربلتوا و انتم تدوروني ؟
سعيد : هو تم حد ما دورك حتى ذا الفقير سلمان اللي انتوا مضيقين عليه راح يدورك . والله ومبارك خله على يمناك . ما قصر
راشد : لا ما شاء الله عليه رجال وسنافي ما هب من ذا الخبلان
عبدالله : أنا بعد أعجبتني القعدة معه . وعبد الله يتكلم رن جوال نوف قالت : ولد الحلال على طاريه . سعيد جعلني فداك أبيك تطلع لمبارك تقلطه جايب بنته . ولا يبي ينزل مستحي منكم .
راشد : زين الجازي صدري نفسس داخل خلي الرجال يدخل يتقهوي .







دخل مبارك بعد أقناع من راشد وسعيد عشان يتقهوى معهم داخل
مبارك : اسمحيلي يا أم الرومي بس والله من البارح وهي تبكي تبيكم عشان كذا جبتها شوي تلعب مع البزران وان شاء الله برجع أخذها بعد المغرب
نوف : لالا لا تجي ولا شيء خلها تبات عندي الليلة وتستأنس مع البزران . ولا تحاتيها بحطها في عيوني وكان بغيت تكلمها في أي وقت دق علي وكلمها .
مبارك : الله يطول عمرس ما تقصرين يا بنت محمد بس ما نبي نثقل عليس
سعيد: الله يهديك اذا الحين ما ثقلوا علينا اعيالنا القرود بتثقل ذا الحلوة . الا حنا نبيها تقعد ارب عيالنا يعقلون
راشد اللي يجر ميمي من يدها عشان يبوسها قال : الله يخليها لك . تعالي تعالي سلمي علي
مبارك : الا تعالوا يا ذا العرب بنشدكم عن شيء البارح سرى علينا ليل وحنا ندور في سبيس تون فلة حقت الرومي . كان عندكم فلة غير اللي عندنا عطونا نشوفها ونشتري مثلها الله يرحم والديكم .
نوف : وش فلة اللي عندنا هو به فلة في الدوحة ما شريتوها ما صدق . لا وعندنا حنا ؟
مبارك : إيه عندكم ولف على بنته وهو يسألها : وين خاشينها
ميمي قربت من أبوها تقوله في أذنه : في غرفة الرومي هناك وأشرت على فلة ابو سعيد ورجعت تكمل : هذيك فلة الكبيرة اللي تحبني ؟
مبارك : إيه صادقه بنتي يعني فلة حجم عائلي . المهم حنا عرب شرايه . وبندفع لكم اللي تبون فيها.
نوف : خلنا نعرف حنا قبل وش فلة اللي تبيها بنتك تدري لازم نستغلكم اذا ما به في الدوحة الا وحده وعندنا بس المشكلة ان بنتي ما عندها فلة كلش .
راشد : وش فلة
سعيد : فلة ذي الله يسلمك اذا أعرست وجبت عيال . منت بعارفها بس بتعرف طوايفها اللي جابوها بعد
ميمي : بابا هي تنام مع الرومي في غرفتها أبيها تنام معي
مبارك : خلينا نعرفها وانيم أبوها اللي جابها معنا . ولا يهمس كم ميمي عندي أنا ؟
ميمي وهي مستحيه وترفع صبعها : وحده
نوف : اصبر كني عرفتها ميمي فلة اللي تبينها هي اللي أمس قعتي عندها وهي راقدة
ميمي صارت تهز رأسها بقوه وهي تقول : إيه . هي هي .
ردت عليه نوف وهي تشوف سعيد وراشد : فلة هذي ما نقدر نعطيكم أيها بلاش يبيلها مهر و دزه وعرس خساير يا أبوك خساير . خلكم على ألعبة ابرك لكم . ولفت على مبارك وهي تقول : الشيخة ميمي تبي وضحه أختي
مبارك أنحرج من الكلام اللي قاله خاصة عقب ما شاف راشد كيف تغير وجهه حط فنجاله اللي ما كمله وسلم عليهم بسرعة وطلع

عبدالله اللي راح يشوف وضحه كيف يدها اليوم . اتصل فيها عشان تطلع له قالت له أنهم فارشين برى . لف عبدالله ودخل لهم من الطبيلات . كانت وضحه مع نجله قاعدين ويتقهون .
عبدالله : جاء كم الشيخ يا نسوان تغطوا وقعد على الكرسي المقابل وضحه . وقال : ها بشريني اليوم عن يدس وشلونها أربها اشوه ؟
وضحه : بخير . دامك بخير . يا شيخ العرب كلهم وعودهم وطيبهم ومسكهم
عبدالله : ان شاء الله دوم بخير . ولف على نجله وقال لها : ها العروس كيف حالس أنتي بعد
نجله وهي منحرجه منه بس ما تبي تكسر عمرها على حد : بخير .و ما صرت عروس إلى ذا الحين
استغربت وضحه من رد فعل عبدالله من موضوع خطبة نجله . معقولة هي تتخيل معقولة عبدالله ما يفكر بنجله ولا له خاطر فيها ؟
عبدالله : فاتس يا يمه الصراحة بنت اخوس حظها من السماء جانا المعرس يسلم علينا في فلتنا تدرين لازم يسلم على سعيد وش ذاك المعرس يعني . ما اقدر أتخيل شكلهم على الكوشة كيف بيكون . ولا عرسهم . عجيب عرس قرود . وعيالهم . مانكي صغار .
نجله : قرود في عينك . القردة أمرتك وأهلها والقبيلة اللي هي منها زين وخلتهم وراحت داخل .




وضحه كانت تشوف عبدالله وهي ساكته
عبدالله : ادري بتقولين لي ليه تقول عنها كذا وش أسوي ما اقدر ما العب بأعصابها . شيء في مخي يقول لي لازم تجننها
وضحه بتردد : لا بسألك عن شيء ثاني أنت . نجول . خلاص . خلاص أنسى الموضوع
عبدالله : لاما هب ناسي الموضوع ليه ما تقولين اللي في بالس بصراحة أنا ما هب ولدس ؟ اجل ليه تستحين على العموم أنا بقولس جواب السؤال اللي ما سألتيه
. إيه أنا كنت حاط في بالي أني اذا أبي أعرس اخذ نجول . بس هذا ما هب قبل ما اخلص الجامعة و اشتغل . وأكون قادر افتح بيت . وعيشها فيه نفس عيشتها في بيت أبوها وأحسن بعد . أنا ادري أني اذا أبي أعرس أبوي ما هب بمقصر معي بشيء بس أنا أبي أكون مثل راشد ما قط طلب من حد شيء. كل شيء يسويه ويشتريه من شغله ما حد له عليه فضل لكن دام ذا كله ما صار منه شيء ليه أوقف في طريق البنت الله يسر لها .
وضحه اللي كسر عبدالله خاطرها وفي نفس الوقت بهرها بتفكيره السليم : بس يا عبدالله أنت تقدر تقول لسعيد انك تبيها وتحيرها إلى ان تسوي كل اللي تحلم فيه
عبدالله ابتسم وقال : ليه يا يمه أحيرها ؟ ليه ليه اقطع نصيب البنت ليه أعيد مأساتس أنتي وراشد ؟ ليه العمر كم فيه ؟ عشان نضيعه في الانتظار أنا وهي وبعدين من يضمن عمره الواحد ما يضمن نفسه عشان يعلق بنت الناس معه . الدنيا فيها حياة وممات وسبحان الله الواحد ما يأخذ الا نصيبه من الدنيا ؟






راشد وسعيد بعد ما راح مبارك اطلعوا يقعدون مع الشيبان على البحر وعبدالله بعد لحقهم وقعد وياهم . عبدالله كان ناسي البلوتوث مفتوح من أمس جاه مسج من نور عينك . (( أنت صادق انه قرد لا تنسى ألمسج )) ضحك عبدالله على نجله وخباله وقال العب في أعصابها شوي ورد عليها (( عيب قد كذبت عليس لا تنسين امسحي ألمسج . حلوه صح )) . نور عينك (( اصلاً أنت مسيلمة الكذاب بكبره يقول قد كذبت وما هب حلوه )) . ضحك عبدالله ذي المرة بصوت عالي . ولما فتن عليه أبوه قام عنهم وراح يقعد على دكت الشاليه ورد عليها (( زين يا العروس . ما راح اكسر وجهس بس عشان ما يطلع القرد اقصد المعرس أحلى منس))
نور عينك . (( كان فيك مراجل وتقول انك عبدالله بن زايد . تعال ولا تنسى . ))








وضحه اللي كانت قاعدة مع نجله كانت لاهية عنها ولا هي منتبها للتسوية لاهية في ألمسج اللي جاها (( ابعتذر . عن كل شيء .
ابعتذر عن أي شي
إلا الجراح ما للجراح إلا الصبر
ا تصدقي . ما اخترت أنا أحبك .
ما احدٍ يحب اللي يبي .
سكنتي جروحي غصب .
ياحبي المرّ . العذب .
ليت الهوى وأنتي . كذب .
إن ضايقك اني على بابك أمرّ .
ليلة ألم . واني على دربك مشيت عمري وأنا
قلبي القدم . ابعتذر . ابعتذر . كلي ندم . ))



والله اني احسدها ذا اللي تطرش لها المسجات بس ما ادري هو يعترف بحبه لها ولا متزاعلين ويرضيها بذا المسجات ؟ يا خسره ما درا أنها ما وصلها شيء من مسجاته بس ما عليه هي الدنيا كذا عليه وعلى غيره عمرها ما صفت لحد وانتبهت لنجول وقالت : أنتي وش تكتبين صار لس ساعة
وقبل لا ترد عليها نجله جاها مسج ثاني


((ابعتذر . عن كل شيء .
. إلا الهوى .
ما للهوى عندي عذر . ))




دخول سعيد على وضحه ونجله من صوب البحر خلا كل وحد فيهم تسكر جوالها على طول نجله اللي ما شافت أبوها من ليلة أمس قامت تواجه أبوها وتسلم عليه سعيد قعد على الكرسي اللي قعد عليه عبدالله وقال : ها العروس ما قررتي . إلى ذا الحين
نجله اللي صار وجها احمر ما أقدرت ترد على أبوها بغير : لو سمحت أبو محمد غير الموضوع .
بعد ما ضحك سعيد على نجله لف على وضحه وقال : وأنت يا عمة العروس . كف حال يدس اليوم ؟
وضحه : بخير الحمدلله
سعيد : زين قومي أبوس وعمس يبونس تجين عندهم . عمي يبي يشوفس و يتحمد لس بالسلامة .
وضحه : وين يا سعيد أجي . انساب عمي قاعدين . وأنا استحي أمر قدامهم كيف اقعد معهم ؟
سعيد : لا كلهم عند البركة ما به لا ولد عمس كان سعيد ينطر رد فعل وضحه على وجود ولد عمها
وضحه اللي تذكرت أن عبدالله وهو قايم قال أنا بروح عند الشيبان . قالت : زين اجل قم خلنا نروح




وضحه أول ما تعدت الطوفه اللي بين شاليهم وشاليه عمها . كشت على طول لما شافت راشد قاعد على كرسيه المعهود كان كاشخ لابس سبورة وشكلها البسه ماركة والنظارة الشمسية علوم . والجل في الشعر . لا و القعدة المشدودة قاعد على الكرسي مثل الأسد إيه ما تنلام شذى آييييييييييييييييييييييييييييييييييييييييييييييييه . وضوح وش اللي أنتي تقولينه ؟ عيب عليس وبعدين هو متصابي وكل اللي يسويه عشان يلعب على البزران مثل شذى وترى هو اللي سكر على يديس الباب نسيتي ؟. بس الحق ينقال هو وسيم . وسيم ولا ما هب وسيم وش لس في الرجال ولا تنسين انس تكرهينه . يعني حتى إذا كان ملك جمال . يطلع عندس خفسة . ونزلت عينها على طول يوم شافت راشد يشوفها




راشد أول ما شاف وضحه أعلومه ضاعت حتى نسى انه معصب من الكلام اللي قاله مبارك وقرر انه لازم يشوف فلة هي صدق مثل وضحه ولا لا ؟ بعد الشين قدر يرز عمره على كرسيه كان يحس انه مثل البزر اللي شايف له حلوه وده يطير لها ولا هو قادر




وضحه بعد ما سلمت ونشدوها عن يدها . أقعدت جنب أبو راشد بعد ما أصر عليها . مع أنها ما كان عندها نية أنها تقعد معهم بسبب راشد اللي طبعا ما التفتت حتى صوبه .
أبو راشد : يا بنتي . كيف سكرتي الباب على يدس
وضحه وهي تحاول تسمع كل اللي قاعدين .: عمى القلب يا عمي وما يسوى .
راشد اللي كان يحسس بيده على لحيته الخفيفة . بعد كلام وضحه رفع يده لرأسه يحسس عليه وهو يشوف الأرض .
أبو راشد : زين يا بنتي خلي راشد يشوفها إذا تحتاج نوديس المستشفى ولا لا
وضحه : ولا لك لو جعلني فدى خشمك ذا الحين هي أحسن ما يحتاج مستشفي . وضحه كانت تكذب عليهم لان الكدمة كانت توجعها . بس عشان تفك عمرها من ذا الموقف مع راشد . وتدري به هو لو يطول يكسرها له خير شر ما قصر .
أبو سعيد : يا بنت أنتي ليه تحرقين أقلوبنا خلنا تطمن عليس . قم قم يا راشد شوف يدها ما عليك منها . راشد طبعاً ما يبي عزيمة في لحظه كان قاعد قدامها ومعطي ظهره لسعيد وأبوه .
وضحه ما أصدمتها الحركة أكثر مما وترتها لفت من ورا راشد تشوف سعيد تستجديه بنظرها انه ينهي ذا الموقف سعيد اللي كان ما هب عجبه اللي صار بس ما قدر يقول شيء في بعد كلام أبوه . ظن أن وضحه تشاوره . اشر لها برأسه أشارة نعم

وضحه أول ما مسك راشد يدها وقام يفك الشاش اللي عليها ضربتها انفضه كانت خايفه متوترة ضايقة ويتخلل ذا المشاعر ومضات من الفرح الغريب .
راشد اللي يفك الشاش على اقل من مهله كان يفكر زين يا الفرحان بعمرك . فكيت ألفة وكشفت على اليد وبعدين ؟ ذا اللي أنت ذابح عمرك عليه من الصبح .
واللي كان مطمن وضحه وموتر راشد أن أبو راشد اللي قاعد جنب وضحه مركز معهم عدل واللي زاد وغطا عبدالله اللي طلع من الفراغ ورتز الجنب الثاني لهم راشد قال بصوت واطي أكملت



راشد بعد ما فك الشاش عور قلبه الكدمة اللي في يد وضحه كانت زرقة و كبيرة فتح كف يده وحط يدها على كفه وقال لها : تقدرين تشدين على يدي باصابعس ؟
حاولت وضحه أنها تشد أصابعها على يده . وتعور يده مثل ما عور يدها . لكن ما استفادة ألا العوار في يدها . راشد لما شاف رعشة يد وضحه عرف أنها توجعها مسكها من ذراعها وقلب يدها . وتم يحسس باليد الثانية على عظام الأصابع والكف . ويسألها أذا تقدر تحركهم
أبو راشد : ها بشر
راشد : ما عليها شر أن شاء الله . وكمل يكلم وضحه بس لا تلفينها الكدمة ما تلف بالقوة كذا بلفها لس عدل

أبو راشد بعد ما تطمن على وضحه . لف عنهم يسولف مع سعيد وأبوه . بس عبدالله اللي كان مصر يقعد على قلب راشد . قال بصوت واطي : أقول راشد وش سالفة النعال
راشد من سمع طاري النعال غصب عنه شد الفه على يد وضحه بقوة خلت وضحه تجر يدها بسرعة منه عبدالله اللي كان يراقب كل حركة يسونها قال : اللــــــــــــــــــــــه كل ذا سالفة النعال
راشد اللي حمق على عبدالله قال له : تعرف تلايط . واخذ يد وضحه مره ثانية يكمل لفها بعد ما قال لها : آسف ما انتبهت
وضحه أرفعت عينها في راشد لأول مره من يوم ما قعد قدامها تشوفه وهو يكمل لف وش يقصد بذا الآسف ؟ اللي سواه ذا الحين ؟ ولا اللي سواه أمس ؟
واللي رجع راشد ووضحه من أفكارهم صوت عبدالله : يمه قومي ترى الرجاجيل جوا .

بعد صلاة المغرب طلع بيان رسمي من أم حمد ان وضحه والجازي ونوف وعلى رأسهم نجله يجون يسلمون على المره ويقعدون معها شوي قبل لا تروح . طبعا نجله اعترضت بشدة بس بدون فأيده . أتنفيذ كان غصب عنها راحوا وسلموا . وقعدوا البنات لحظوا توتر نجله من المره وخصوصاً شذى اللي ما تفوت شيء وهم قاعدين يسولفون وصل نجله مسج عن طرق البلوتوث . شيخ العرب كلهم نجله حست بتجيها سكته . ما أقدرت تفتح ألمسج قدامهم . سوت نفسها بتروح المطبخ وفتحته .(( تبين تشوفين القرد اقصد المعرس تعالي عند الطوفه انطرس )) . أي طوفة الشاليه كله اطوفة صدق غبي نور عينك (( أي طوفه لا تنسى )) شيخ العرب كلهم (( الطوفة اللي بين فلة أبوي وجدس ولا تنسين )) نجله تسحبت من المطبخ على الباب الأمامي بسرعة . وراحت فلة جدها



عبدالله اللي كان واقف ومتسند على حافة الطوفه ويسوي نفسه يتكلم في الجوال تخرع يوم دقته نجله على كتفه تنبهه لحضورها . كان يكلمها وهو حاط الجوال على أذنه . : وش فيس تأخرتي ؟ الرجال قده بيروح
نجله : ما قدرت اطلع الا ذا الحين . عبو عبدالله هو صدق شين . قول اللي يرضي ضميرك ؟
عبدالله : عبود . هـــا اصغر عيالس أنا لكن ما عليه تبين تشوفينه ذاك هو عندس أنا ما ني بقايل شيء ولف عبدالله على جنب ووقف وقفه فيها مجال ان نجله تشوف من وراه وما حد يشوفها . وقال : شفتي اللي واقف جنب سعد هذاك هو
نجله عجبها المعرس كان طول بعرض ما تخيلت ان يكون كذا وقطع عليها عبدالله تأملها يوم قال : العوبه تتوقعين وش يسوى فيس اخوس اذا شافس كذا ؟
نجله : ما فيها خلاف يذبحني
عبدالله : اجل طقي ترى هو جايس .






قعد المعرس عندهم إلى بعد صلاة العشاء وراح مع أمه وهم قاعدين دخل عليهم مبارك . كان يبي يسلم على الشيبان قبل ما يأخذ بنته ويروح . سلم وقعد شوي وبعدين قال لحمد : اذا ما عليك أمر خل الجماعة ينادون لي بنتي . بنمشي تأخر الوقت وأنا عندي دوام بكره
وطلع ينطر بنته في السيارة ميمي من أعرفت أنها بتروح البيت شبصت في وضحه ولا رضت تفك ارقبتها اتصلت نوف في مبارك تقوله أنها ما تبي تروح معه البيت . بس مبارك اللي كان منحرج من اللي صار اليوم ما كان يبي يرجع مره ثانيه أو يثقل عليهم ببنته أصر أنها تجيبها له في السيارة . حاولوا معها أنها تفك وضحه بس بدون فأيده اقترحت نوف ان وضحه تروح بها إلى السيارة مع نوف . وهي اذا شافت أبوها بتفك وضحه وضحه اللي تعبت مع ميمي وهي تشد على ارقبتها وفي نفس الوقت على يدها . ما لقت حل الا اللي قالته نوف مع أنها ما تبي تطلع قدام مبارك
راشد اللي كان محمل أغراضه من المغرب في السيارة قرر هو بعد انه يرجع البيت عشان ينام عدل وراه بكره شغل واجد وهو صار له ثلاث أيام ما ينام عدل . أول ما قرب من سيارته سمع الحشرة عند فلة عمه راح يشوف وش فيهم اصدمه الموقف اللي صاير سيارة مبارك واقفة وهو فيها والباب اللي جنبه مفتوح ووضحه واقفة عند الباب . عين راشد ما ألقطت حد من اللي واقفين غير مبارك ووضحه . وقفل عليهم .




وضحه كانت متضايقة من الموقف اللي صاير لان البنت أمسكت فيها أكثر لما شافت أبوها وزادت يوم صرخ عليها عشان تركب السيارة . ونوف تحاول تفكها من رقبة وضحه . ما اسمعوا الا راشد يقول لنوف : قومي أشوف . بعد ما قامت نوف قرب من وضحه ومط البنت من عندها بقوة عورة فيها ارقبتها ويدها قالت له بصوت واطي . : كسرت يدي رد عليها وهو يصر على ضروسه : جعلها الكسر وحط البنت في سيارة أبوها وسكر الباب بسرعة واشر له مع السلامة ونطر إلى ان مشى وراح وهو واصل حده على وضحه ركب سيارته حتى بدون ما يلف عليهم ومشى لدوحة بس بعد ما عفس الدنيا وراه

الجزء العشرون :



راشد كان يحس ان في عرق في رأسه بينفجر من الغيض أكثر من مره صف السيارة على جنب في الشارع صورة وضحه واقفة جنب سيارة مبارك ما هي براضية تفارق عينه . أنا كان لازم اكسر رأسها عشان تتعلم ما تعاندني وتكسر كلامي . مليون مرة قايلن لها ما اتحاكا مع الرجاجيل بس ما به فايده .






راشد يوم شاف رقم سعد يتصل للمرة الثالثة رد عليه : خيـــــــــــــــــــــــــر
سعد : لا ما هب خير ليه ما ترد علي و الا عارف انك غلطان عشان كذا ما لك وجه ترد علي
راشد : خير ؟ وش تفضلت أنت بعد أقول ترى أنا ما لي مزج لك . أحسن لك تسكر الخط
سعد : يا أخي أنت ما تستحي ؟ حد يسوي سواتك ؟ كذا تحرجنا في الرجال وتحرج بنت عمك معك . يا أخي احترم عمك على الأقل
اقطعه راشد : أشوف كنه جايزن لك اللي صار يعني راضين لك أنها توقف مع رجال عند سيارته وتضرب معه سالفة ؟
سعد : راشد لا تستهبل ما كانت بالحالها .
راشد : وأختها و اقفه خير يعني هو حماها لكن العوبه . ليـــــــــــه يوم تطلع له لا وتسولف معه
سعد : راشد خاف الله أنا و النوري كنا واقفين عند سيارة عمي وضحه يوم درت أني جايب النوري لهم قالت لي أوقف معهم لأنها ما هب عدله تطلع بالحالها بدون رجال وليتني ما وقفت . سويتني أنا والطوفه واحد ليتك شفت وضحه يوم لفت علي تشوفني بعد ما رحت أنت . والله كان ودي ان الأرض تنشق وتبلعني . لا والحبيب يبيها تأخذه انطر ذا وجهي إذا قالت عليك قبول .




راشد بعد مكالمة سعد جاله أكتائب والنوم اللي كان واعد نفسه فيه ذهب مع الريح .
أصبح بنفس المزاج المتعكر وسوى لها كم هوشه في المستشفى . كان ما هب مثل الكبريت الا بنزين . وما يبي حد يشبه شاب بالحالة .




اما هل الشاليه فكان الأسبوع الثاني لهم في الشاليهات أسبوع التطورات . نجله بعد ما شفت المعرس وافقت عليه 90% بس كانت تبي بعد اتصلي استخارة قبل لا أترد على أمها
عبدالله كل شوي يشوف البلوتوث اللي من يوم الجمعة ما سكره يمكن تكون نجله طرشت له رسالة وهو ما انتبه بس ما يلقى شيء . حاول أكثر من مرة إذا شافها قاعدة مع النسوان يسوي مسح للأجهزة المفتوح البلوتوث فيه وما يلقى نور عينك .




أم وضحه فكان عندها الحدث الأكبر أمها فاتحتها في موضوع خطبة أم مبارك لها أم حمد : شوفي يا بنتي المره تقول أنها تبيس لولده قبل الليل وأنها ما هي بملاقيه أحسن منس له وقبل كذا ما كانت تقدر تكلم في شيء عشانس كنت محيره لولد عمس وما كانوا يدرون إذا لس خاطر فيه ولا لا . بس عقب اما ردتيه . صار ت تقدر تكلم . وهي تقول شاوروا البنت وإذا هي موافقة . ولد عمها حنا اللي بنتصرف معه بس انتوا ذا الحين لا تعلمونهم بشيء
وضحه : ليه يبوني أعرس بالخش وأهلي ما يدرون ؟
أم حمد : أنتي ليه عجله المره ما قالت كذا . هي قصدها عشان إذا هم دروا بيوقفون الخطبة
وضحه : من اللي بيوقفون الخطبة راشد راشد أصلا ما يبيني . ريحي عمرس ؟ وبعدين سالفة العرس ذا خلصنا منها أنا عرس ما ني بمعرسة ارتاحي . قالت وضحه آخر كلامها وهي توقف عشان تروح غرفتها أمسكتها من يدها أم حمد توقفها وقالت : وأنت من اللي قالس أن راشد ما يبيس ؟ ما هب أنتي اللي رديتيه حتى ما شاورتي حد ؟ أنا أقول حطي عقلس في راسس ابرك لس وفكري كم يوم قبل لا تقولين إيه ولا لا على مبارك .
راحت وضحه غرفتها بدون ما ترد عليها






راشد قضى الأسبوع في حالة انهيار طول اليوم في المستشفى وطول الليل في البيت يعني وحده في وحده ما يشاركه فيها الا وضحه . كلام سعد اثر فيه واجد . ذا وجهي إذا قالت عليك قبول. وش يعني ؟ هي ما تبيني صبحه بالخير تراها ردتك من شهر . إيه بس ذا الحين غير غير في ويش ؟ وش أنت مسوي في ذا الشهر عشانها تقبل بك ؟ غير انك مهادها ولعن شكلها وكاسر يدها زين ويعني . من قبل لا أسوي كذا وهي رادتني بس هي ليه ردتني ؟ يمكن لأنها تبي حد غيري بس من ؟ يمكن ما في حد في بالها بس ما تبيني ويمكن فيه ؟ ايه ليه لا بس من مبارك ايه مبارك ليه لا. نسيبهم ويعرفونه من اربع سنين . تعلقت فيه وحبته لا حبته لا ليه لا حبته ما هي بنت مثل باقي البنات راشد كان يفكر وهو منسدح في الصالة . ويفرفر في الريموت بس بدون ما ينتبه للقنوات . وما انتبه الا على (( فله فله صديقتي فله )) لا ما هي بنت مثل كل البنات هي أحسن من كل البنات . السلام عليكم .كان هذا سعد اللي توه جاي مع نورة من العيادة المسائية عشان موعد نورة . ادخلوا وسلموا على راشد سعد كان جايب معه عشا حمص من البيروتي حطه عشان يتعشا هو وراشد . نورة كان زين منها أنها أوصلت الكرسي اللي في الصالة . تعبانه ومستثقله على الآخر ولا لها خاطر في العشا أول ما اقعدة رن جوالها أرفعته تشوف من ولفت تشوف سعد وراشد ولما طول في الرنة قررت أنها ترد عليه
نورة : هلا وضحه
راشد أول ما سمع وضحه شغل حلقه في الحمص وباقي الحواس كلها كانت مع نوره اما سعد كان يتفرج عليه ويسمع معه
وضحه بصوت كله عصبيه : أنتي ليه ما قلتي لي انس بتنزلين الدوحة ؟ أنا قايلتن لس أني أبي أروح معس ؟ ضايقه من نفسي وأبي اطلع ؟
نورة : ادري والله انس تبين تنزلين معي . بس سعد قال ان ما حنا برادين الشاليهات بنبات في البيت عشان موعدي الصبح في المستشفي يعني ما ينفع تجين معي وين بتباتين بتباتين معي في بيت عمي ؟
سعد اللي كان يراقب راشد قال في باله وهو يشوف وجهه صار حمر يوم قالت نوره تباتين في بيت عمي . آآآآآآآآآآآآآآآآآآآآآآآآآه يا الملعون وش تفكر فيه ؟
وضحه : لا ما اقدر طبعاً بس والله من ضيقتي هديت عليس أمي ما هي بمخليتني بالحالي . كل ما أدخلت واطلعت . قالت لي مبارك ومبارك والله من كثر ما حنت كرهت الرجال .
نورة اللي ما كانت تبي تبين الموضوع قدام راشد قالت : ما عليه اعذريها أنتي بعد تراها من كثر ما تحبس وتحاتيس تسوي كذا . وبعدين لا تدخلين المواضيع في بعض . وتخلينها تأثر على قراراتس
وضحه : ادري بس والله ما اقدر أتقبل فكر زواجي من أي رجال . ما هب مبارك بس نوره ما تقدرين أنتي وسعد تجون تقعدون في بيتنا ؟ عشان أجي اقعد معس
نورة : وضوح انتي وش فيس ؟ قالبه قلبه شينه على الشاليهات ؟
وضحه : لا ما به شيء بس حنه ورنه وهدات واللي زاد وغطي ولد خالة رجلس ذا اللي قاعد لي في الروح والجيه يبحلق فيني ما ادري نظراته فيها قلة أدب يخليس تحسين انس عريانه قدامه . وأنتي بعباتس . ودي بفرقاه قبل الليل
نورة : صدق قليل أدب علمي عليه سعيد خله يلعن والديه عدل . ذا اللي ناقص بعد . اسود الوجه .
راشد مع كلام نوره الأخير حتى فمه ركز معها وتم مفتوح . بيموت ويعرف وش السالفة ؟ من قليل الأدب أنا تقصدني أنا ؟ بس السالفة طاف عليها كم يوم . ذا الحين بتشتكي على لا بس سعد ونورة يعرفون السالفة إيه ذي أكيد سالفة جديدة . بس وش هي ومن اللي يتكلمون عليه ؟ مبارك والله اذبحه اذا مسوي شيء راشد ما انتبه ان نورة أنهت المكالمة وراحت غرفتها الا يوم سعد قال : شبعت ؟
راشد : هااااااااا . وش فيك جايب العيشة عشان تمن بها علي ؟ لا ما شبعت
سعد وهو يبتسم : لا امن عليك ولا شيء فيه العافية . بس أنا أقول شبعت من التسمع للحكي
راشد باستنكار : أنـــــــــــــــــــــــــــــــــا ؟ ليه متعلم أتسمع للحكي ؟ الا سعد عسى ما شر وش السالفة اللي عندهم . اسمع طاري سعيد واسود وجه .وقليل أدب. خير ان شاء الله
سعد : لا أكرم عليك كل ذا ولا سمعت شيء

حمده اللي قاعدة مع وضحه في غرفتها : وضوح أنتي وش فيس ؟ ما عد لس مزاج على شيء من حد قال بسم الله قلتي عليك غضب الله سمي بالرحمن وذكري الله
وضحه : حمده ما ادري وش اللي فيني ضاقة ذا الوسيعة بي . كل ليلة أقول قبل ارقد بكره ان شاء الله بيكون أحسن من اليوم وأقوم وأنا مزاجي أردا من اليوم اللي قبله ودي ارجع البيت واسكر داري علي ولا أشوف حد ولا حد يشوفني أنا اللي أحب ما على قلبي الجمعات صرت أحس ان الناس إذا تجمعوا في مكان اخنقوني حتى عبود ونجول ما لي خاطر أشوفهم وضحه وهي تقول آخر جملة بكت ما أقدرت تمسك عبرتها كني في عالم بالحالي وباقي الناس بالحالهم . أشرت وضحه على قلبها وهي تقول صدري يا حمده أحس به ينطحن وسط ضلوعي .
ومرات أحس حتى روحي تفارق جسدي مثل الميتة . الميتة يا حمده احضن نفسي بقوة أبي روحي ترجع مكانها خوفي تطلع في يوم ولا ترجع ابد وانهارت بالبكي حمده لمتها بسرعة وقامت تقرا عليها قرآن كانت تدري ان وضحه متضايقه بس ما تدري أنها إلى ذا الدرجة ضايقة بعد فتره هدت وضحه وحطت رأسها على رجل حمده وهي تشوف البحر من دريشة غرفتها . واللي كسر هذا الصمت كان صوت ألمسج اللي جاها وضحه اللي كانت حافظه الرقم عن ظهر قلب فزت من حضن حمده لما أعرفت الرقم اللي كان مقاطعها طول الأسبوع . عشان تقراه

(( أرفض المسافة
والسور والباب والحارس
آه أنا الجالس ورى ظهر النهار
ينفض أغبار ذكرى
أرفض إني أموت في قلبك
ما درى بموتي أحد حتى أنا
مثل البكا حبيبتي تحتاجني تحت الظلام
ومثل الفرح حبيبتي أحتاجها وسط الزحام
الحب علمها السكوت
والحب علمني الكلام ))

وارتسمت على شفاه وضحه ابتسامه كانت مقاطعتها من أيام ولفت على حمده تقول لها : شوفي .اقري ألمسج . هذا واحد مغلط في الرقم من زمان وهو يرسل مسجات بس ما هب أي مسجات . غير يا حمده غير هذي مسجات واحد رومنسي ذايب في الهوى . يحضها ذا اللي يرسل لها . تدرين من متى يرسل من الليلة اللي غلطت فيها شذى على . وتم يرسل الى يوم السبت اللي طاف . وبعدها قطع كنت كل ما جاني مسج افتحه بسرعة أظن نه هو بس يطلع ما هب هو . واليوم بس طرش . وضحه كانت تتكلم ولا هي منتبها لحمده اللي تشوفها باستغراب واللي وقفها عن الكلام كان مسج ثاني

(( أرفض الصمت الحوار بيننا خلف الجدار
أبسقي عطش قلبي اليابس على شفاهي
بقول أحبك أحبك أحبك أحبك ))

حمده هذي المره ما أقدرت تسكت وقالت وأنتي ليه فرحانة بالمسج كذا كنه مرسل لس أنتي تقولين انه مسج واحد غلطان المفروض انس تمسحينه على طول وش يتقولين إذا حد من اخوانس شافه في جوالس ؟
وضحه بعد ما نتبهت للطريقة اللي تتكلم بها حمده قالت : بقول الصدق تدرين ليه ؟ لأني اعرف أني عمري ما غلطت في شيء يمس أبوي أو أخواني وبعدين ما هب هذا الرقم اللي يجيني مسجات منه ولا اعرفه في أرقم ثانيه مداومة علي يصبحون ويمسون . ولا اعرف من هم .
حمده :وضوح أنا ما اقصد الشيء اللي أنتي فهمتيه بس أنتي ما شفتي حالس كيف تغير يوم جاس ألمسج ؟
وضحه : ادري ان حالي تغير . وادري أني تعلقت بذا المسجات اللي يطرشها لي ذا الرقم . ما ادري كيف اقولس ؟ بس أحس فيها قريبه من قلبي . تأخذني معها في عالم غير العالم اللي أنا فيه . أفكر في اللي يرسلها ولمن يرسلها ؟ مره لرجل ولا العكس ؟ أزواج أحباب زعله من بعض ؟ يتراضون ؟ وإذا جاني ألمسج قبل النوم . أنام واحلم بالرومنسية اللي ما كتبها لي ربي . ادري انس بتقولين لي ان ذا الشيء غلط .ورفعت عينها في عين حمده وهي تقول : بس ما اقدر أعيش قلبي في صحراء واحرمه حتى انه يتخيل غيمه تروي عطش عمره حمده أنا حالي حال كلا الناس اللي يحسون حياتهم خاليه من المشاعر بعضهم يدور عليها في الأفلام الرومنسية وبعضهم ما تطيح من يدهم القصص العاطفية وبعضهم مثلي يدورون عليه بين الأسرار اللي تظهر لهم من حياة الناس . وكانت رافعه الجوال تقصد به ألمسج .







حمده : وضوح ليه تقولين كذا . هذا ربي ارزقس بمبارك . الكل يعرف عنه ما هب حنون بس حنيت الدنيا فيه وصعب تلقين رجال ما يأخذه غروره انه يطلع طيبته وحنانه قدام الناس يعني بيعطيس كل الحب والرومنسية اللي في الدنيا . وافقي عليه والله بيعوضس ان شاء الله
وضحه : حمده أنا ما نكر انه رجال فيه خير وحنون مثل ما قلتي . بس حنانه اللي كلكم تشوفونه يطلعه لبنته وأنا ان أخذته . رحت ولا جيت عنده بكون في النهاية زوجة أب لبنته وبعدين ما هب شرط ان يعاملني كزوجه نفس ما يعامل بنته . والاهم من ذا كله .
شوفي حاولي تفهميني . أنا قضيت عمري كله وأنا عارفه ان الرجال الوحيد اللي هو لي أنا وأنا له كان . راشد . ما اقدر بعد ذا العمر كله أغيره بواحد ثاني صعب والله صعب . أحس أني أخونه . ولا اقدر اخذ واحد ثاني وأتم طول حياتي أقارنه براشد . وأفكار راشد وكملت وهي تهز رأسها بيدها خلاص ما اقدر أعيش الا بطريقة راشد وأفكاره . ما اقدر أتغير .التغير ما يصير في يوم وليلة . وفي النهاية بكون خاينه للاثنين مع بعض في نظر نفسي . أنا ممكن أفكر في الزواج في حاله وحده بس . إذا اختفى راشد من راسي ولا عاد له في بالي وجود كزوج تدرين أي رجال بتزوجه سواء كان مبارك أو غير مبارك . هو بعد ولد ناس ولا يحق لي التفكير مجرد التفكير في رجال ثاني وأنا على ذمته .




وضحه اللي تغير مزاجها بعد ألمسج اللي جاها والكلام مع حمده أوعدت حمده أنها بتلحقها عقب صلاة المغرب لشاليه بيت عمها . أخذت وضحه دش وطلعت استشورت الشعر عشان ينشف بسرعة . وكان مزاجها في الكحل والقلوز الوردي وهي تحطهم . جاها مسج مره ثانيه من نفس الرقم ترددت وضحه أنها تفتحه أو لا . وقررت أنها ما تفتحه . صلت المغرب بعد الأذان وألبست عبايتها واطلعت .




وضحه وهي ماره على شاليه عمها بتروح لشاليه سعيد ما لقت هل السعودية فمرت عليهم تمسيهم بالخير والخبر اللي فأجها . كان خبر موافقة نجله على المعرس اللي جاها ورضا الشيبان بهذا النسب . وضحه كانت تبي تعرف رد فعل عبدالله على الموضوع دورت عليه بعينها بين اللي قاعدين كان هادي بصورة غريبة وهو قاعد على كرسي راشد ويشرب الشاهي بصمت سامحني يا عبود . ما في يدي شيء أسويه والله لهو الود ودي كان ذا الليلة دزيتها عليك . وين بلقى له واحد يحب ويراعي محبوبة بذا الطريقة . لكن الله يكتب اللي فيه الخير . الله يعوضك باللي تستأهلك عدل







وضحه : نجول ذا الحين توافقين على المعرس وأنا آخر من يدري هذا قدري عندس آخر وحده ؟
نجله : والله العظيم أني كنت مقرره من يوم الاثنين وعجزت وأنا أروح وأجي عليس أبي اقولس . وأنتي كل ما شفتيني قلتي لي انس راسس يعورس و ما لس خلق حكي عمتي أنتي حتى أمس سكرتي الباب في وجهي يوم دخلت . وأمي كانت تحن تبي أرد عليها تقول طولت على العرب ما قدرت أتأخر بالرد أكثر
وضحه اللي كانت تفكر في عبدالله قالت : أهم شيء أنت مقتنعة بالرجال ؟ فكرتي زين قبل ما تردين
نجله : إيه فكرت عدل . ناصر يدرس في كلية الطيران العسكري آخر سنة . يعني قريب بيشتغل وبيكون معتمد على نفسه . ويقدر يفتح بيت الكل يمدح على أخلاقة ويقولون عنه رجال ما عليه كلام صايم ومصلي واهم شيء عندي أنا هو انه ما يدخن
وضحه : والله تطورات . ناصر . صرنا نتكلم و ألناديه بسمه .لا الأخت موافق وباصمة بالعشرة عليه وضحه مع أنها متعاطفة مع عبدالله الا أنها ما قدرت الا أنها تفرح لبنت أخوها

وضحه بعد الجلسة المغلقة مع نجله في غرفتها اطلعت تقعد مع باقي النسوان برى في شاليه سعيد لقتهم يخططون يردون الدوحة بكره ويباتون فيها ليلة الخميس ويرجعون الجمعة الصبح الكل معزوم على عرس من عيال عمهم بياخذ وحده من أهلهم بعد .
نورة : أنا اسمحولي لا اقدر أروح ولا أجي يا الله أني وصلت الشاليه اليوم .
أم راشد : ومن قال لس أني بخليس تروحين حتى لو أنتي تبين تروحين ؟ اقعدي يا بنتي في مكانس أريح لس كلن حاط عينه عليس ما أولدت مرت اولدس ؟ ومتى بتولد ؟ ما حد له حاجه فيس بتولدين اذا الله سهل عليس ما هب زين يمس الناس ما يغفلون عن حد
جواهر وهي تشوف وضحه بنظره خاطفة : ها نورة وش اخبر راشد ما عد جانه خير شر أربه طيب
نورة وهي تمد رجلها : والله بخير . دخلنا عليه أمس فليل يعور القلب قاعد بالحالة . قده يشوف سبيس تون من الملل .
نوف وهي تضحك : يحليله راشد ما خلاها في خاطره فله ؟
الكل انتبه للي قالته نوف . وخصوصاً وضحه وشذى الفضول اشتغل عند الثنتين . بس وضحه ما تتجرا تسال عن السالفة قدم الكل . اما شذى فإما كان همها احد . بس آم راشد ما عطتها مجال لما قالت : جعلني أفدى روحه . نورة شفتي اذا الطباخ يطبخ له . وهو يأكل ولا اخبره مثل البزران ما يحب يأكل بالحالة
نوره : ايه فديتس فشفته ويقول انه ما يأكل الا العشا بس وما هب كل يوم بعد
الجازي اللي مللها سالفة راشد : ها خالتي بتروحون العرس ولا لا
أم سلطان : والله ما ادري ؟ أنا من زمان منقطعة عن ذا الجماعة ؟
شذى اللي بتموت وتوصل لراشد : يمه الله يهديك . أنتي ما تبين تدوري عروس لسلمان تكون جميله ومن اهلك هذي فرصتك لا تفوتيها وكلنا بروح معك . خلنا نشوف الإعراس القطرية شذى كانت راسمه مخطط على السريع . ترجع معهم الدوحة ولا تحضر العرس عشان هي تدري ان راشد يرجع بعد المغرب البيت من الشغل ولا يطلع . وهي تبي تستغل ذا الفرصة أنها تكون معه بالحالهم والباقي بيجي خطوة خطوة
حمده : وأنتي وضوح بتروحين ؟
وضحه : لا سلامة عمرس أنتي تدرين أني ما ني براعية أعرس . أنا بقعد عند نورة . ما يستوي نخليها بالحالها .
نجله وصوت واطي تقول لامها وعمتها : وأنا بقعد معس . أحسن ما أروح واقعد في البيت بالحالي مع البزران .
وضحه : ليه ما أنتي برايحه وياهم العرس ؟
حمده : لا وين تروح جماعتها بيجون العرس أكيد وبعدين ما لها حاجة . خالها تقعد معكم ابرك لها.
شذى اللي ما تبي تفوت شيء : نوف ايش موضوع فله مع راشد ؟
الكل لف يشوفها . نوف بعد ما تجاوزت صدمة جرأت شذى قالت : يبي يعرف وش شكل فلة عشان يجيب لبنتي وحده هي طالبه منه اللي لابسه عباية يعني اللي تستحي على وجها .



وضحه وهي منسدحه على سريرها كانت تشوف الجوال وهي تفكر تشوف المسج اللي جاه ولا لا ؟ يمكن حمده صادقه لازم ما تتعلق في ذا المسجات ؟ آوه. وش بيصير يعني اذا شفته وافتحته

(( عيونك آخر آمالي وليلي أطول من اليم
كيف ألقى كلامٍ عذب يوصف دافي احساسي
عشقتك قبل ما أشوفك وشفتك صرت كلي حلم
أبي رمشك يغطيني وأبيك اقرب من أنفاسي
يهمك تعرفي انك قتلتي في سنيني الهم
قتلني ضحكك وجدك قتلني لينك القاسي
سألتك بالذي زانك تحبي فيني حتى الظلم
تحبي عيوبي وغدري تحبي المر في كاسي
أنا من كثر ما احبك أبيك كثر رمل اليم
وأبيك فوق الناس وأبي ما ينحني راسي ))



نجله : ذا الحين راحوا كلهم للعرس؟ ما با احد معنا غير نوره وسعد
وضحه : لا عبدالله ما راح قعد معنا يقول ما يصير نتم بالحالنا هنا في الفلل وسعد ونورة في الفندق بعيد عنا وسعد يمكن يروح العرس شوي ويرجع فليل .
نجله : لا رجال ما شاء الله عليه يلا . يلا خلنا نطلع نتمشى على البحر اليوم كله لنا .
وضحه : عبدالله رجال غصب عنس فهمتي . وما ني بطالعه معس
نجله : أنتي ليه زعلانة ذا الحين ؟. والله أنا ما اقصد شيء . الله يخليس قومي متملله
وطلعوا يتمشون ويسالفون .
وضحه : أمس بعد بتجيب حد يمكيجها في البيت
نجله : لا هي حاجزه مع عمتي نوف والجازي بتجيهم وحده في بيتكم دقيت عليهم من شوي توها جايتهم حقت الصالون .
اقعدوا على البحر قدام شاليه سعيد وهم يشوفون الناس في باقي الشاليهات . اللي رايح واللي جاي ويسولفون . شافهم عبدالله اللي قاعد على الكرسي في فلة الشباب بس ما هب على البحر وجاهم
عبدالله : مسهم بالخير . وش عندكم في ذا القوايل على البحر بتحترقون ؟ بتغدون سود أكثر من السواد اللي انتوا فيه حرام ورآكم عرس عبدالله كان يقصد نجله بذا الكلام .
نجله افمت النغزة عشان كذا لفت عليه بسرعة وقالت : نفس اللي أنت تسويه في الشمس وترا أنت بعد بياضك ما هب شقاقي ؟ حاسب على عمرك بنات الدوحة ينطرونك ترجع لهم من الشاليهات
أضربت وضحه نجول على يدها وهي تقول : وجدري احشمي الرجال داخله عليه عرض ؟ تعال جعلني فداك اقعد من جنبي . ايه عبدالله تغديت ولا لا
عبدالله : لا وين غدا توني قايم من النوم رحت الفندق وتريقت هناك .
وضحه : عبدالله ليه ما جيت أسوي لك ريوق وألا شاهي . اسمع لا عاد تروح الفندق تبي أي شيء تعال عندي . ومعوض بالعشا يا ابو زايد
نجله بعد ما فشلتها وضحه قدام عبدالله قامت تبي تروح عنهم . كانت فاصخه نعالها أمسكتها في يدها وقامت تمشي قريبة من الماي بس داست على شيء غريب قالت وهي تشوفه : وش ذا
عبدالله اللي ضحك على نجله لأنه عرف وش اللي داست عليه قال : أقول دامس على البحر تسبحي فيه سبع مرات ترى ذا اللي دستي فيه سلح كلب بس الماء جاي عليه ومغير ملامحه شوي .
نجله : ما هي بكل مره أصدقك . والى جيت بتكذب دور شيء عدل . لان الشاليهات بكبرها ما فيها كلب .
عبدالله : الله يسامحس . ذا الحين أنا كذاب . زين . ولف على وضحه يكمل . تري اليوم جوا ناس عند عيالهم كلب صغير
نجله اللي لفت عنهم ودخلت في ماي البحر تغسل رجلها فيها قالت بصوت واطي : أنت اكبر كذاب في قطر وأول ما كملت كلمتها اسمعوا صوت كلب . لفوا كلهم يشفونه كان صغير واجد رابطينه البزران بحبل ويلعبون معه . عبدالله ابتسم ابتسامة نصر اختفت بسرعة لما لف على نجله بعد ما أصرخت . لقاه تنط وسط الماي أركضت لها وضحه وجرتها من يدها تطلعها من الماي كان لأقصها الدول في ساقها . سيده ودتها وضحه حق رشاش الماي اللي جنب دكت الشاليه تغسل ساقها
عبدالله لحقهم مع انه كان مستحي يتكشف على نجله عشان كذا وقف على جنب يشوف البحر بس قريب منهم .ووضحه تغسلها بالماي كان ساق نجله كله منفوخ عبدالله التفت على نجله غصب لما سمع وضحه تقول لها : نجول تنفسي . تقدرين تتنفسين . وضحه كانت شاله نقاب نجله عنها وتهف به عليها . نجله كانت تتنفس بسرعة كبيرة عبدالله راعه المنظر . وخاف أكثر لما صرخت عليه وضحه : عبود جيب السيارة بسرعة لازم نوديها المستشفى أخاف تموت ما نلحق عليها عبدالله ما كان فاهم شيء بس مثل البرق كان موقف سيارته قدام شاليه سعيد ضرب لهم هرن بس ما اطلعوا عليه . راح يشوفهم وش اللي يؤخرهم نجله ما كانت تقدر تمشي . رجلها منمله عليه ولا تحس فيها وهي تحاول تتنفس بصعوبة . وضحه تبي تشيلها ولا هي قادرة . عبدالله قال في باله ما في وقت للحي شل نجله بين يده مثل ما يشيل الريشة وركض بها إلى السيارة . أفتحت وضحه الباب من وره وركبوها وركبت معها وطار بهم عبدالله على اقرب مركز صحي في طريقه طول الطريق وهو يلف يشوفها كيف كان وجها شوي شوي يحتقن وفجأة . أغمى عليها وضحه وعبدالله جرى عليهم حال ثاني أول ما وقفوا في المركز الصحي . شل عبدالله نجله ودخل يركض بها وخلوا السيارة بيبانها مبطله ورآهم . في المركز الصحي ركبوا عليها الأكسجين على طول بس قالوا لازم تتحول على الطوارئ وعشان أنبوبة الأكسجين طلعوها في سيارة إسعاف من المركز الصحي ركبت معها وضحه وعبدالله لحقهم في سيارته

راشد اللي كان توه مخلص شغله وقاعد في مكتبه . ما أكملت فرحته ان آخر عمليه اليوم تأجلت ليوم الاثنين وانه يقدر يروح الشاليه بدري اليوم خاصة انه مجهز شنطته في السيارة من الصبح يبي يطلع من المستشفى سيده على البحر . لما اتصلت فيه أمه وقالت له أنهم كلهم ردوا الدوحة عشان يحضرون العرس وبيرجعون بكره بعد الظهر . يعني ما في امل يشوف وضحه اليوم استغرب من اتصال عبدالله عليه أكيد يسال إذا بروح معهم العرس .
راشد : أرحب .
عبدالله بصوت مهزوز وخايف : راشد أنت في المستشفى
راشد باستغراب : إيه في المستشفى بس ذا الحين بطلع . أنت وش فيك
عبدالله : .راشد لا تطلع حنا ذا الحين جاينك تعال لنا في الطوارئ انطرنا هناك .
راشد بخوف : عبود من اللي تعبان ؟ أبوي وش فيكم ؟ تحاكا ؟
عبدالله : لا ما هب أبوي نجله بنت سعيد هي اللي تعبانه راشد سيارة الإسعاف اللي جايبتها تعدتني بتوصل قبلي . أنا ماسكتني الإشارات خلك قدامهم . ترى معها وضحه . راشد داخل على الله ثم عليك . لا تخليها . خلك معها . وأنا جايكم في الطريق .






راشد استقبل سيارة الإسعاف عند باب الطوارئ كانت كاسره خاطره نجله كيف كان شكلها متنفخه ومحتقنه اما وضحه فكانت منهارة على الآخر بس تحاول أنها تتماسك . راشد كان معهم لحظه بلحظه ما خلاهم بالحالهم اجتمعوا الدكاتره علي نجله وكل واحد من عنده كلمه دخل عليهم عبدالله وهو منهار أكثر من وضحه وقف جنب نجله اللي ولا تدري وين الله حاطها في عالم ثاني عنهم . رفع عبدالله يدها اللي كانت نازله من طرف السرير بس ما حطها جنبها تم ما سكها في يده .
وضحه كانت تحاول تعرف وش اللي يقولونه الدكاتره بس بدون فايده مع أنها تعرف إنجليزي بس هم كانوا يقولون مصطلحات طبية واجد وهي تتلفت بينهم . راشد اللي كان يتكلم معهم أحرقت اذراعه يد وضحه اللي أمسكته بقوة وهي تقول : هم وش يقولون وش اللي فيها ترى مكتوب في ملفها هي فيها حساسية من أي شيء يقرصها على طول تنتفخ ويجيها ضيق تنفس .
راشد : زين هي وش اللي قرصها . وسوا به كذا وكمل وهو يشوف ساق نجله : هذا مثل الحرق .
وضحه : الدول قرصها وهي تمشي على البحر
راشد وهو بيلف على الدكتور يترجم له الكلام اللي قالته وضحه لفت نظره عبدالله اللي كان ولا هو معهم كان ماسك يد نجله بيده واليد الثانية يدخل شعرها تحت الجلال راشد ما قدر يتكلم بسبب الناس اللي حوليه . وقرر انه يركز على حالة نجله الصحية قبل .
راشد : هي وين بطاقتها الصحية ؟
وضحه : الله يهديك حنا جاينك من البحر وش البطاقات ذا اللي بنجيبها معنا ؟
راشد : زين بنشوف حل عشان نطلع الملف الطبي حقها .الا سعيد وينه ما أشوفه معكم ؟
وضحه : سعيد عليه مناوبة أمس واليوم . ولا هب طالع الا بكرة العصر . بس حنا ترى ما علمنا حد إلى ذا الحين




سعد على الساعة أربع العصر قرر انه يروح الدوحة نزل نورة في شاليه أبوها عشان تقعد عند وضحه ونجله إلى ان يرجع لهم في فليل . نورة أول ما أدخلت ما لقت حد قالت يمكن يتمشون صوب البحر أو في شاليه سعيد . انطرت شوي يمكن يرجعون بس بدون فايده اتصلت في وضحه تسألها وين هم وليه ما ارجعوا لها؟ تمللت بالحالها


نجله كانت بدت حالتها تستقر شوي بعد الثلاث ابر اللي عطوها أيها والمغذي اللي حطوه عليها . عشان كذا وضحه ارتاحت شوي وبدت تفكر في اللي حواليها شافت راشد واقف جنبها بس معطيها ظهره وهو يكلم الممرضة . وضحه لما شافت نورة يتصل بك في شاشة جوالها تذكرت أنها بالحالها في الشاليه ردت عليها .
وضحه : هلا نورة
نورة : انتوا وين رحتوا عني وضوح تدرين بي أخاف بالحالي . وبعدين تمللت . يلا تعالوا بسرعة . والله ما اقدر امشي كان جيتكم ولا جلست بالحالي .
وضحه ما كان قدامها الا أنها تقول لها اللي صار وبعد ما قالت لها أكدت عليها : نوره شوفي ترا ما حد عرف الى ذا الحين . لا تعلمين حد . سعيد اذا درا ما يقدر يسوي شيء . ما هب مطلعينه من الزام . لا حد يربشه على الفاضي وأنا ذا الحين بكلم محمد يجينا حمده خليها شوي وبعدين بعلمها . زين . سمعتيني لا تعلمين حد .
أول ما سكرت وضحه عن نورة قال راشد الا ما تعداها من ما ادخلوا المستشفى الى ذا الحين ولا كان صاير بينهم شيء : حنا كيف نسينا محمد دقي عليه خله يجي ما يصير ما احد من أهلها يدري بها أنها مريضة في الطوارئ .
وضحه : ما اقدر اعلم احد وما أبي حد يجي .
راشد باستغراب : ليه ما تبين حد يجي
أرفعت وضحه يدها تشر على عبدالله اللي كان قاعد على طرف السرير وما زال ما سك يد نجله واليد الثانية حاطها على جبهتها ويقرا عليها قرآن وقالت : تتخيل اذا حد جاء من أهلها وشاف اللي حنا نشوفه وش بيصير ؟ حاولت أخليه يفك يدها ويطلع بس بدون فايده ما يرد على ولا هو معي أصلا
راشد اللي كان متضايق من اللي يسويه عبدالله وما كان قادر يسوي شيء . شاف انه لازم يتدخل صحيح ان تصرف عبدالله تصرف مفضوح مليون الميه هو يحبها . بس السالفة ما ينسكت عليها أكثر من كذا . قرب من عبدالله وحط يده على كتفه وهو يقول : عبدالله الله يهديك . ما عليها شر . بس ما يجوز تقعد عندها كذا . البنت ما هيب حلال عليك وبعدين افرض دخل أبوها ولا أخوها عليك ذا الحين وشافوك كذا وش بنقول لهم . عبدالله كان ساكت ولا رد على راشد بحرف راشد كمل كلامه : عبدالله الله يرضى عليك . أنت رجال وتعرف المعاريف عيب اللي أنت تسويه ادري انك تغليها بس لا تنسى أنها ذا الحين في حكم المزوجة الكلمة رنت في أذن عبدالله مثل رنة النيرة على الرخام . متزوجة . متزوجـــــــة. متزوجــــــــــــــــــــــــة فك عبدالله يدها على طول وقام بسرعة وطلع من الغرفة في ألحظة اللي طلع فيها عبدالله من الغرفة أفتحت نجله عينها ارتبشت وضحة بها ونست عبدالله اللي كان واقف على الباب من برى يسمع وضحه تتحمد لنجله بالسلامة بس راشد ما نساه طلع يدور عليه على طول بعد ما تطمن على نجله لكن بدون فايده عبدالله كان اختفى من المستشفى بكبرها






اتصلت وضحه بمحمد وعلمته عشان يجيها في الطوارئ محمد كان يبي يتصل لامه عشان تجي بس وضحه قالت له هي ذا الحين في العرس وين بتلاقي حد يجيبها وبعدين نجله ذا الحين بخير . واللي زاد الطين بله نورة اللي كسرت وضحه بالاتصالات كانت تحس بعوار . وتخاف تتصل لحد عشان يجيها يسال عن البنات وينهم عنها على الساعة سبع كتب الدكتور خروج لنجله . بس وضحه كانت تبي ترجع بسرعة لنورة في الشاليةونجله كانت مصره أنها ما تروح البيت . تبي ترجع معها الشاليه . وفي نفس الوقت لازم ينطرون الكريم اللي كتبه الدكتور لها يخلص من الصيدلية في المستشفى . راشد اقترح يحل المشكلة هو بيقعد ينطر الكريم اللي ان يخلص ويجيبه لهم الشاليه ومحمد يوديهم لنورة . وهذا اللي صار



راشد طول الوقت اللي كان ينطر الدواء فيه كان يتصل على عبدالله بس ما كان يرد عليه . ونفس الحالة مع وضحه طول الطريق للشاليه . كانت تتصل له وما رد عليها أول ما وصلوا شافت وضحه سيارة عبدالله واقفة عند شاليه الشباب . ارتاحت وقالت في بالها دامه في الشاليه ملحوق عليه قريب اما نورة لقوها قاعدة في الصالة دخلوا نجله في غرفة وضحه عشان ترتاح وطلعوا لنورة اللي من ادخلوا عليها الجماعة راح العوار اللي فيها كله
وضحه : وأنتي يوم ما فيس شيء ليه جايبتنا على وجيهنا من الدوحة
نورة : وضوح والله أني كنت تعبانه واجد . بس سبحان الله من يوم دخلتوا على والوجع رايح عني
وضحه : الا قولي الخوف قاطع قلبس عنبوا غيرس مره وش كبرس قدس ام . والى ذا الحين تخافين تقعدين بالحالس
محمد : الله يهديس بعد الخوف له عمر الخوف على الكبير والصغير وقام وهو يقول : زين انا بروح الدوحة عشان أجيب أمي تشوف نجول تبون أجيب معي شيء
وضحه : وليه تروعها على الفاضي تدري أنت روح ونطرها في البيت والى اصبحتوا شيلها وجيبها بدري ولا تعلمها عن نجول أنت تعرف أمك . خلقه تتروع من كل شيء ؟ وهي إلى جلت بتشوفها أنها بخير
محمد : زين بس انتوا من بيبات عندكم اذا انا بت في الدوحة ؟
وضحه : ما علينا شر . نورة رجلها بيعود يبات هنا . وعبدالله شفت سيارته واقفة عند فلتكم وراشد بعد بيجيب دواء نجول يعني تقدر تقول بيتناوبون علينا . وبعدين الله يخليك لا تحرق قلبي في ذا الليل رايح وراجع على ذا الخط