الموضوع: ****دنيا العاشقين (( قصه روووووووووووووووعه))****

طلعوا وراحو سيتي سنتر.مازن ماطلع بدل ملابسه وكان متملل يطلع وبشار نااام.

شوق مع حور وماهر يشترون .وريناد تعبت وجلست مع محمد في كوفي شوب
طلبت لها قهوه تركيه وهو شاي .وهي رافعه الكوب تشربه جات عينها على محمد اللي كان مقابلهاحلو محمدياترى احمد كيف شكله؟ حلو مثل محمد؟ولاشين.طويل ولاقصيرضعيف ولامتين
لاحظ سرحانها بعيونه.حرك يده مقابل عينها
محمد: هههههههه الوووو
ريناد: هاهههه شفيك
محمد: انا؟ انتي اللي شفيك سرحانه
ريناد وهي تنزل راسها تطالع الطاوله: ولاشئ
محمد: علي؟ قولي شفيك
ريناد: مافيني شئ
محمد: افتحي لي قلبك مو انا مثل اخوك؟
ريناد: اكيد يامحمد بس.
محمد: امممممم كأن الموضوع خطير.
ريناد: باالنسبه لي أي خطير
محمد: يارب سترك شصاير؟
تنهدت وسكتتتبي تتكلم تفضفض الى احد.بس معقوله محمد يفهمها؟ولابيعصب عليها
محمد: وبعد التنهيدهشصار
ريناد بخوف: حبيته
انصدم.ريناد تحب؟ من متى وكيف ومن يكووون اصلا
محمد بعصبيه: ايش اسمه
ريناد وهي خايفه: شفيك عصبت
محمد مسك نفسه وتظاهر باالهدوء حتى مايخوفها ويخليها تتطمن له وتقول كل شئ.
محمد: اسف ريناد.بس استغربت.اوكي شسمه؟
ريناد: احمد
محمد: من وين عرفتيه
ريناد: النت.
محمد: اوكي وبعدين
ريناد: جاتني اضافه على ايميلي الجديد تذكر يوم اللي كلمتك عاالماسنجر وعطيتك الاغاني
محمد: ايه فاكر.
ريناد: جاتني الاضافه في اليوم الثانيالمهم قبلتها.وصار بيننا كلام.ماكنت حاطه في بالي اني احبه او اعتبره اكثر من اخحاولت امنع مشاعري ولكن ماقدرت
محمد: هو يحبك
ريناد: مااظن.لو يحبني ماكان تركني كذاقاسي
دمعت عينها .سحب منديل وعطاها اياه.
محمد: طيب ريناد.انتي مقتنعه بعلاقتكم
ريناد: لاادري اني ولاعلى باله واخر همه.
محمد: وكيف عرفتي سألتيه قالك؟
ريناد: لا .على فكره عندي رقمه
محمد: كلمتيييييييييييييييييه؟
ريناد: لا شفيك تصارخ ماسويتها
محمد: كان اذبحك ريناد.عفيه عليك خليك عاقله.بس كيف عرفتي رقمه؟
ريناد: في الفتره الاخيره صار مايدخل النت يقول ظروف رسلت له رساله عاالايميل اتطمن عليه.
رد الرساله بكلام كثير من ضمنه اني علشان اتطمن عليه ولااحاتي حط رقم جواله.اراسله باالمسجات
وسجلته بجوالي مادري ليش
محمد: متاكده ماكان في نيتك تكلميه
ريناد: احلف لك بأيش ماابي اكلمه بس اخذته حتى اتطمن لااكثرصدقني
محمد: مصدقك ياريناد.لكن اعطيني رقمه
ريناد: لا محمد اتركهلاتسوي له شئ
محمد : هههههههه يابخته والله تخافين عليه بعد ريناد انا ابي رقمه حتى اعرفه من يكون ايش اسمه ولد من عرفتي؟
ريناد: بس هذا اللي بتسويه؟
محمد: أي بعد تحبين واحد وتكلميه والسلام مايصييير لازم اعرف من يكون
ريناد: اوكي موافقهجوالي تركته باالفندق اذا رجعت باعطيك الرقم لان مسجل فيه
محمد: اوكي واسمعيني أي شئ جديد يصير تعالي قولي لي
ريناد: ان شاء الله
محمد: يلااا الحين فرفشي واضحكي وان شاء الله اذا رجعنا السعوديه اتصرف
ريناد: محمد
محمد: هلا
ريناد: تظن هاالعلاقه ايش نهايتها
شال الملعقه وذوب قطعتين سكر في الشاي.
محمد: شفتي قطعه هاالسكر ياريناد صغيره مرره ومصيرها معروف باالشاي.تذوب صحيح بس طعمها يبقىوبدونها الشاي ماله طعم باالضبط مثلك بتذوبين وبتتعبين من هاالعلاقه لانها غلط ياريناد بس لو كان صحيح يحبك راح تبقين بدمه مهما صار وكان.
ريناد: امممممممممم
محمد: ممكن الحين نروح ماتبين تتسوقين؟
ريناد: طبعا يلا مشينا



جلست عاالسرير وهي تهز رجلها بسيييطه يامحمد جالس وياها ولوحدكم ماعليه يارينادمفكره ان محمد لك غلطااانه ياحبيبتي محمد لي انا وبروحي.
ياالله باموت لو استمر الوضع كذا

هبه اتصلت على مازن.قال لها انه مع بشار بالفندق وان كلهم طالعين
وهي طبعا فضوليه لازم تعرف وين راح محمد دقت على حور بحكم انها اقرب لها من شوق وقالت لها حور انهم بسيتي سنتر.سألت ببراءه مفتعله عن محمد.وخبرتها حور انه مع ريناد بكوفي

عصبت طبعا تظن ان ريناد تبي محمدماتدري انهم اخوان لااكثر ,,,,



ماحس انه نام.حط راسه عاالمخده وراح بسابع نوومه.قام وطالع بشارلسه ناايمياللله كيف نمت بدون مااحس.
رجع راسه عاالمخده وقام يفكر في اخته وامهاييه بجد وحشتوني .وهي بعد وحشتنيالجوهرهمادري ايش اخبارها.قاسيه ولاتفكر ترسل حتى مسج تتطمن علي لكن ياترى تحاتيني الحين؟انا حتى السفر ماقلت لها بسافر حتى بس تخاف علي وترسل مسجلكن الظاهر مافي فايده منها.
ليش يامازن تفكر فيهاوشاغل عمرك فيها وانت حتى شكلها ماتعرفهايش الشئ الزايد فيها حتى تهتم لها كل هاالاهتماممادري مادريسحرتني هذي اكيد
الجوهره ماهي اول بنت اكلمها عاالماسنجر يام اوياما كلمت بنات اشكال الوان.بس هي غير تخاف علي تهتم ليحبوبهطيبهفيها شئ سبيشل
اه مافي فايده من افكاري اصحي بشار ابرك لي
قام من سريره ووقف عند سرير بشار
مازن: بشااار بشااار قوم
لف بشار عاالناحيه الثانيه وعطى مازن ظهره
مازن وهو يشيل الفراش عن بشار: قووووووم اقعد معاي ملان
بشار: اوووووف روح عني
مازن: مافيه قووووم مليت لوحدي
قام بشار وهو مزعوج.
بشار: خير مازن افندي ليش بصلتك محروقه اليوم
مازن: نسيتها عاالنار هاهاااي لاتقول مو حلوه
بشار: الا بايخه وبايخه روح عني
مازن: قووووووم
سمعوا صوت ضحك وسوالف.
بشار: هذا هم وصلوا يلا روحي برره
مازن: هين بشاروه
طلع مازن وكانت غرفته مع بشار ومحمد مقابل غرفه ماهر وحور وغرفه ريناد وشوق باالوسط بينهم
مازن: هااااااااي وصلتوا
ماهر: هلا شكلك نمت
مازن: أي والله نمت كنت نعسان
شوق: حشى خيشه من المغرب نايم
مازن وهو يطالع ريناد: والله تعبت اليوم اخذت لفه كامله عالحديقه وبعدها باالمسبح
ضحكت ريناد بس بدون صوت حتى مايحسون عليها.
حور: وين بشار؟
مازن: صار لي ساعه احاول اصحيه بس مافي فايده وين رحتوا؟
ماهر: السوق الله لايبارك فيهم هاالثنتين (ويأشر على شوق وريناد) تعبونا من كثر مايتسوقوا وياريت ياخذون شئ .
مازن: بنات ايش تتوقع فاضيين
ريناد: احنا فاضيين؟ مادري اجل مين اللي يطالع الرايحه والجايهويغازل
مازن: ميين؟ انا
ريناد: أي انت لاتنكر شايفتك اليوم
مازن: كذاااااااابه لاتصدقوونها
ماهر: ههههههههه اسكتي بس تمزح وياك
رن جواله بهاالوقت وكانوا البيت
مازن: عن اذنكم
ماهر: خذ راحتك

دخلت شوق مع ريناد غرفتهم وبعد 5 دقايق دخل محمد وحط كيس على سرير شوق
شوق: تأخرت ماصار
محمد: شسوي لك بعد ادور سوبر ماركت فاتح باالمووت لقيت
شوق: جبت البيبسي والجالكسي
محمد: أي جبته
دق مازن الباب ودخل جلس مقابل محمد يعني على سرير ريناد الله كانت تبي تقوله يقوووم بس استحت محمد هنا سحبت كرسي وجلست بوسط الاثنين تطالعم وهم يسولفوون
مازن: وين كنت؟
محمد: رحت السوبر ماركت وين بشار؟
مازن: توه صاحي من دقيقه
محمد: حلوووو وتكمل السهره ننزل تحت نشرب لنا شئ عاالمسبح
مازن: فكررره
ريناد: ياسلااااااااام ونسهر .بس لو جبت البلاي ستيشن
مازن: تلعبينولد الحمدلله والشكر
ريناد: انت بتسكت عني ولااقوم اتذابح وياك
محمد: ريناااااد عيب
ريناد: هو البداي
مازن: موووووتي قهر يحبووني
محمد: اووه ابتدينا باالهواش قوموا نطلع يلا وين شوق توها هنا.
ريناد: دخلت البلكونه
محمد: ناديها يلا
نزلوا كلهم مع ماهر وحور لعند المسبح.بشار راح صاله البليارد.وماهر وحور وشوق ومحمد على الطاوله.وريناد مازن لازالوا واقفين
ريناد: اشوف كلكم جلستوا وانا مين يروح معاي المطعم ياناس جوعااااااانه
ماهر: فضحتينا اللي يسمعك يقول جايه من مجاعه افريقيا روحي لوحدك
حور: لا ماهر بعيد ماتدل تروح معاك شوق
شوق: لا تعباانه مرره مالي مزاج اقووم
محمد: يروح معاك مازن بااااله طوووويل
مازن: لاتكفى الا هذي الشريره مااروح معاها
ريناد: عاد مره انا اللي ابيك
محمد: تكفى مازن سكتها مع لسانها اللي يبي له قص.روح تكفى ماانسى لك هالجميل
مازن: امري الى الله شرفي انسه ريناااد
طالعته بغرور ومشت وهو وراها وبعد ماابتعدوا عنهم
ريناد: هنا في سوق صح؟
مازن: أي فيه
ريناد: بارووووح
مازن: لااا؟ اجل انا برجع
ريناد: وانا؟
مازن: خلصي من السوق والحقيني
ريناد بخوف: مازن ماادل مو شايف هاالمنتجع ايش كبره
مازن: ههههههه جباااانه تخافين تضيعين
ريناد وراسها للارض: بصراحه أي
سكت مازن وابتسم بنصر حلوو عرفت نقطه ضعفك ياريناد والله لاوريك الويل هييين اصبري علي
وصلوا للسوق الصغيره مرت على اكسسوارات وقفت تطالعهم
مازن: ريناد انا باروح هناك عند النظارات
ريناد: لاتبتعد طيب
مازن: اكيد افا عليكمو تتحركين خليك هنا
ريناد: طيب

بعد مالفت مره ثانيه تتفرج.راح وقف في مكان بعيد شوي بحيث انه يشوفها وهي لا.انتظر 10 دقايق بعدها لفت تدوره .لاحظن ان ملامح وجهها تغيرت بدأ الخوف يظهر على وجههاتطالع يمين ويسار تدوره لكن عبث مالقتهوهو ميت ضحك عليها المسكينهجلست على كرسي وراسها بين يدينها وبكت من الخوف السوق هذي بعيده عنهم ماتقدر ترجع لوحدها.ضحك من قلبياربي عليها حساااسه على طول تبكي عاالاقل تدورني
ههههه خلاص كفايه رعب تموووت علينا هاالدلوعه الحين
راح وحتى تكمل التمثيليهشوفوا ايش صار.
مازن بعصبيه: انتي وينك؟انا مو قايل لك لاتتحركين من مكانك
رفعت راسها وهي مو مستوعبه انه جاءمسكته من قميصه حتى تتأكد وابتسمت من وراء دموعها.
ريناد: مازن
حركته انعدمت لما شاف الدموع وبعدها الابتسامه اللي ترتسم تدريجيا على وجه ملائكي برئ والخوف المسيطر على العيون العسليه الواسعه.

ريناد بصوت مبحوح: خفت اضيعك
مازن: رينادلاتخافين انا هنا معاك
ريناد: ليه رحت عني
مازن بحيره: اناانا هنا.امسحي دموعك انا اسف.
ريناد: يلا نرجع
وهم يمشون كانوا ساكتينهو يفكر كيف ضعفت قدام دموعها وماكملت خطتي.ايش هااللي حسيت به لما قربت مني بخوف وابتسمت.
وهي الحيره مسيطره عليهابكيت وبينت له خوفيغبيه لييييش خفتكأني مثل الطفله.
مازن: ريناد
لفت له ببرود حاولت تصطنعه.
مازن: مو جوعانه
ريناد: ههههههههههههه
استغرب ليش تضحك ووقف
مازن: قلت شئ يضحك؟
ريناد: لا بس ماتوقعت سؤال
مازن: طيب جوعانه
ريناد: بصراحه أي
مازن: روحي لوحدك المطعم تدلينه؟هههههه
طالعته بعصبيه وهو ميت ضحك.
ريناد: جوعاانه
مازن: شدخلني انا
ريناد: يااخي ماتحس .
مازن: لا
ريناد: ياربيييه انت طالع على مين ؟
مازن: مو شغلك
ريناد: وديني المطعم
مازن: بكم؟
ريناد: اللي تبيه
مازن: متأكده؟
ريناد: أي
مازن: خليك قد كلمتك فاهمه
ريناد: خلصنا يااخي
مازن: شوفي ببلاش مااروح
ريناد بترجي: ماااااااااااااااازن بلييييز
مازن: خشم مازن
ريناد: هاها مالت عليك يلا قدامي
مازن: مافييييه
ريناد: تتحداني طيييييييييييب
راحت ورا ظهره ودفعته بقوه لقدام ضحك عليها بعدها طاع يوديها المطعم
الاثنين ياكلون بصمترفعته نظرها له
مازن: تبين صوره؟اكيد معجبه
ريناد: أي صحيح لان ماعندي ذوق
مازن: مو من قلبك
ريناد: يؤيؤيؤ اسمع هاالمغرور.انا انعجب فيك انت؟ولاباالاحلام
مازن: كذابه
ريناد: كل وانت ساكت
مازن: ههههههههههه رينادوه اسمعي هاالنكته

قاموا يسولفون ويضحكون مع بعض بدون مايحسون للوقت.
رفعت ريناد ساعتها
ريناد: 12 ونص اووووه تأخر الوقت.
مازن: تلاقيهم يحاتونا الحين
ريناد: تدري مازنانا كنت ماخذه عنك فكره غلط
ابتسم من قلبفكرتها تغيرت عني ياربيييي وناااااااسه
مازن: ايش الفكره اللي كنتي ماخذتها عني؟
ريناد: انك اناني ماتحب الا نفسك وقلبك حجروماتحس و.
قاطعها وهو يضحك: ول ول ول كل هذا فيني انا؟
ريناد: هههههههههه واكثر .
سكتت بعدها ضحكت وكأنها تذكرت شئ
مازن: ضحكيني وياك
ريناد: مازن تذكر يوم طردتني من سيارتك
مازن: هههههههههههههههه عصبتيني هذا اليوم كنتي بااارده وانا كنت واصل الف كان ودي اذبحك
ريناد: بل علييك مجرم
مازن: تذكرين يوم رشيتي العطر بعيني
ريناد: اكييييد هاالشئ عاد ماانساه كنت ابي ارد لك الصاع صاعين
مازن: والله مستغرب كيف للحين ماسك نفسي عنك المفروض ذبحتك من زمااان
ريناد: مجرررم
رن جواله بهاالوقت طالعت الشاشه وشافت اسم الدلووعه من هاالدلووعهيكلم وحده؟
مازن: الووو هلا وغلاايا القاطعه وانا اشتقت لكم اكثر.اخباركم.هههههه مو بااااين والله
ههههههههه لا جالس مع ريناد.اي والله في مطعم تبرعت وجبتها.ايييه.امممم والله يمكن 5 ايام او 4 مو اكثرتمام اوكييوصل فمان الله
بعد ماحط الجوال ماقدرت تمنع نفسها من السؤال.
ريناد: من؟
مازن: هبه اختي تسلم عليك
ريناد: اهااااا الله يسلمها

سولفوا شوي ورجعوا الساعه 1 لهم.

وبشار كان معاهم هاالمره
ماهر: حشى وينكم
طالعوا في بعض وضحكوا.
شوق: اعترفوا
مازن: لابس ريناد ضاعت وقمت ادورها
ريناد: لاكذااااااااب انا ضعت ولا شفت لك وحده ونسيت نفسك وياها
بشار: جد ريناد خساااره ياابو المزن طحت من عيني
حور: ههههههههه ولد خالتي مايسويها مستحيل
مازن: لحظه لحظه اكلتوني بقشوري لاتصدقونها وربي كذابه
ريناد وهي تجلس جنب ماهر: من فشلتك تقول هاالكلام
طالعها بعصبيه وجلس جنب بشار.
مازن: على فكره ماهر.الله يعينكم عليها مو هينه الا محمد وينه
بشار: صعد ينام
مازن: اهاااا
كملوا السهره على سوالف ومسخره وضحك للساعه 3 ونص الفجر صعدوا.
شوق دايركت حطت راسها ونامت.
اما ريناد مستحييلاحداث كثيره صارت لها اليوم.تذكرت كلامها لمحمد.
كنت جريئه ماانكربس انا اعتبر محمد مثل اخوي ولهاالسبب اعرفت له بحبي لأحمد.
ياترى احبه صحيح ولامشاعر بتزول في يوم من الايام.
ومازن
لفت عاالناحيه الثانيهشفيه بعد مازن شدخلني فيه ليه احس باالراحه والامان وانا وياهليه اتوتر اذا جات عيني بعينهابي تفسير واحد للي يصير بيني وبينهاه ساعدني ياربي محتاره.




أنتظر ردودكم **الحب المجروح**

تانكيو الك ملاك انا بستناك

وهاي التكمله عشان خاطرك كوثر




الظهر صحوا على صوت ماهر وهو يصارخ.ويدق الباب عليهم

حست ريناد بيد شوق تضربها على ظهرها
ريناد: ايييييييييييي خير
شوق: وين عبايتي بفتح لاخوك المزعج
ريناد: ايش دراني مع وجهك
لبست شوق عبايه ريناد وفتحت له الباب
ماهر: حشى ماصار نوووم الساعه 3 الظهر
شوق وهو تفرك عيونها: روح التهي بزوجتك
كانت بتسكر بوجهه الباب لكنه حط يده
ماهر: قاعد على قلوبكم يلا خلاص كفايه نوم
جات حور من وراه
حور: ها واخير قمتوا متنا جوع نبي نتغدى
شوق: اوكي الحين بصحي ريناد وين بتغدى هنا ولابره؟
ماهر: لا بره الفندق افضل بسررعه مو تأخرونا
شوق: طيب
دخلت شوق وصحت ريناد عدل قامت وعيونها وارمه من النووم .
شوق: يلا قووومي
ريناد: كم الساعهماشبعت نووووم
سحبتها شوق ودخلتها الحمام
شوق: بسرعه لاتأخرينا
ريناد: اووف زين

بعد ماطلعت ريناد وغيرت ملابسها دق محمد الباب
شوق: ميييييييين؟
محمد: انا
لبست ريناد عبايتها وفتحوا له الباب.
محمد: خلصتوا
شوق: أي جاهزين
محمد: يلا مشييينا

طلعوا وراحوا مطعم الطاوله الحمراء في دبي
وجلسوا على طاوله عائليه كبيره.

حور جلست جنب ماهر وشوق مقابل بشار متعمدين طبعا وريناد صار مازن على يسارها ومحمد على يمينها.
طبعا هي ماحبت جلسته قريب منها ولكن ماكان في حل غير انها تجلس بهاالمكان
وهم ياكلوا ويسولفوا تذكر محمد شئ.
محمد وهو يكلم ريناد بصوت ماحد يسمعه غيرها: وين الرقم
ريناد: أي رقم
محمد: رقم احمد شفيك نسيتي
ريناد: اييييه بعد الغداء ذكرني باعطيك اياه
محمد: اووكي
ماهر: ايش مخططاتكم لليوم؟
شوق: السوق
بشار: ماتملون من السوق مانبي السوق
محمد: نروح الخور
حور: أي نبي ملاهي نرجع لايام الطفوله
ريناد: انا اخاف
بشار: هههههههههههه لاتلعبين مو لازم
ريناد: لاوالله
ماهر: خلاص نروح حديقه الخور

طلعوا من المطعم ودايركت راحوا حديقه الخور وكانت زحمممه واول شئ توجهوا للتل فريك
ريناد: ماهر
لفت عليها وهو يحوس باالتذاكر
ريناد: مابركب وياكم
ماهر: بتركبين جبت لك تذكره
ريناد: اخااااف مابركب
شوق: ترى وناااسه ريناد صدقيني حلووو مايخوف
بشار: يلا عاد عن الدلع
سحبها بشار وركبها وهي ميته خووف وقلبها طبلهمابقى دعاء في الدنيا ماقالته مابقت ايه الا وتذكرتها
وشوق وحور ميتين ضحك هم الثلاث مع بعض والشباب مع بعض لوحدهم.

حور: خلاص ماصااارت
ريناد: ويلي باموووت
لما تحرك غمضت عينها ومسكت شوق ضغطت على يدها
شوق: شيلي يدك عورتيني ياالجبانه
حور: طالعي ريناد شوفي المناظر ياسلام
بهاالوقت ارتفع التل فريك وصار فوق فتحت ريناد عينها ولما شافت البحر تحتها خلاص خافت اكثر واكثر
ماصدقت متى وقف ونزلت وهي معصبه
ريناد: اخر مره اجي وياكم
ماهر: ههههههههههههه فشلتينا مايخوف
حور: ماشفتها ايش سوت داخل تتشهد تقول داخله الحرب
بشار: الله يعين زوجك عليك
شوق: هذي بتفشلكم وياه كل شئ تخاف منه.
ابتسم مازن لما جابوا هاالطاري.الايابختهماخذ ريناد.
ماهر: تعالوا نركب المنطاد الحين
ريناد: ماااااااهر
ماهر: هههه خلاص مابنركب
تمشوا للمغرب وبعدها طلعوا راحو حمرعين.

مازن وبشار راحوا كوفي ومحمد وشوق وريناد يتمشون وماهر وحور في محل الكترونيات.
ماهر: طيب هاالكاميرا حلوه بعد شرايك؟
حور: اوكي مااختلفنا بس صدقني هاالفضيه احلى
ورفعت يدها تأشر عليها
ماهر: اممممممم انا شخصيا محتار
نزلت يدها وحطتها على راسها وغمضت عينها
ماهر: حور شفيك؟
حور: هااا مافيني شئ
ماهر: اكيد
حور: اكيد بس دوخه عادي
ماهر: تبين ترجعين
حور: لاحبيبي مايحتاج مافيني الا كل خير

بجهه ثانيه محمد مصدع راسه من شوق وريناد من محل للثاني وحاليا ريناد وشوق يتناقشون حول بدله
شوق: اقولك مو حلوه
ريناد: ايش اللي مو عاجبك فيها
شوق: كله كوم وهااللون كوم تركواز عااد
محمد: خيررر لين متى بتبقون تتناقشون
ريناد: الى ماالا نهايه
رن جوال محمد بهاالوقت
محمد: هذا بشار.الوووهلا.اي باالمحل اللي جنبه احنا.اوكي يلا تعالواطيب باي
ودقايق ودخلوا الاثنين
محمد: جيتوا والله جابكم استلموا
بشار: خير؟
محمد: ريه وسكينه يتناقشون
شوق: بشار بذمتك حلوه هاالبدله؟
رفعتها ريناد بوجهه
بشار: أي حلووه والله بس التنوره قصيره رجعيها ريناد
ريناد: لاياشيخ عادي هذي الموضه
بشار: الا فوضه قالت موضه قالتيلا رجعيهااا قدامي
رجعتها وهي بوزها شبرين .وطلعوا من المجمع وراحوا للفندققبل ماتدخل ريناد الغرفه وقفها محمد
محمد: هاتي لي الرقم
ريناد: اوكي
فتحت جوالها وسجلته بورقه وراحت الغرفه.دخلت الغرفه بدون ماتدق الباب
بشار: ريناد اسفرت وانورت
ريناد: تو مانورت الغرفه بنوري .
مازن: صارت ظلام دامس ايش جابك انتي
ريناد: جايه لولد عمي مو لكم
قام محمد وطلع معاها بره الغرفه
مازن شك.ايش بينهم بعد ليكوونمعقوله تحبهبس محمد اكيد مايحبها هو يحب سماح.
ايش صايروانا شعلي منهم باالطقاق.
دخل محمد وهو مبتسم حس مازن بشئ ماقدر يفسرهليش معصب الحين اناعادي وحده وتكلم ولد عمها؟فيها شئبس المشكله انها مو أي وحده.اخ من الجنون اللي داق فيني
الحل الوحيد حتى انسى كل شئ اكلمها.اي اكلم الجوهره.خلاص بأقرب فرصه اروح مقهى نت واكلمها.
قام ودخل الحمام يحلقوبشار كان يشاهد تلفزيون
فتح محمد الورقه قام يتنقل بين الارقامانشلت يده وعينه وكل شئ فيه
لاااااااااا ياربي.مايصير مستحييييييلانا احلم مازن؟هذا رقم مازن لو انا اتخيل.لااراديا فتح جواله وشاف رقم مازن الا هووو بعينهريناد تحب مازن؟كيييف وهي اللي ماتواطنه .اكيد ماتدري طيب لو عرفت؟ مسكيينه يابنت عمي لو تعرفين الانسان اللي حبيتيه هو قريب منك الحين
انسان تختلفي معاه بكل صغيره وكبيره طيب ايش هاالصدف اللي جمعتهم اكيد في الموضوع سر وكبير بعد مافيه الاهو مازناكيد اخذ ايميلها وضافها ماهقيتها منك لهاالدرجه توصل فيك النذاله تلعب على ريناد حتى تخليها تحبك لاوتعطيها رقمك بعد حتى تكلمك وتعرفك وساعتها يطيح الفأس في الراس

للاسف كانت هذي افكار محمد اللي مايدري ان مازن اخذ ايميل ريناد من ورقه كانت بغرفه محمد وتوقعها مازن بنت ضايفها محمد من الشات لاغير
مايدري ان الصدف جمعت قلبين على حب مصيره مجهول ,,,

طلع مازن وهو حالق ومسوي سكسوكه وطالع يجنن وهو يغني مبسوط طالعه محمد بنص عين فرحان طبعا اللي تبيه صار.انتبه مازن لمحمد وراح جلس مقابله عاالسرير.
مازن: محمد
محمد:ــــــــــــ
مازن: ابوحميد .شفيك الوووو
محمد وهو يحاول يمسك نفسه حتى مايقوم ويتذابح معاه: نعم
بشار وهو يلف لهم: والنعامه يكلمك شفيك
محمد وهو يقوم من السرير: مافيني شئ
مازن: اعترف من زعل الحلووو الرايق
محمد بعصبيه: ماحد زعلني
بشار: كل هاالتعصيب وماحد زعلك
محمد: اوووف متضايق شوي عندك مانع انت وياه
قال هاالجمله وطلع من الغرفه.
بشار:مو طبيعي فيه مس جني
مازن: ههههههههههه الله يهديك
بشار: والله جد ماتشوفه
مازن: لما رجعنا كان عادي رايق ايش اللي قلبهانت كلمته وانا في الحمام
بشار: لاوالله كنت اشاهد وساكت عنه
مازن: اممممممم الظاهر زواج سماح لسه مأثر عليه
بشار: أي والله صدقت يامزين
مازن: يلا الله يهديه
.

جلس على طاوله تطل عاالمسبح يتأمل الماء وهو يفكر بعقل مشتت.والحل ايش اسوي كيف اتصرفمستحيل اخليه يستغلها بهاالطريقهريناد مثل اختي ولازم اوقف معاهاوهذا مازن شغله عندي لكن اذا رجعنا مانبي فضايح هنيمفكر ماوراها رجالبصراحه طحت من عيني ياولد خالتي
ريناد لازم تعرف والحين بعد.دق عليها رفعته من اول رنه.
ريناد: هلا حمود
محمد: مشغوله؟
ريناد: لااجرب الملابس اللي اشتريها تدري الــ.
قاطعها: اوكي خلاص خلاص اسمعيني شوي
استغربت وسكتت.
محمد: انا عاالمسبح جالس تعالي ابيك بموضوع
ريناد: موضوع مهم
محمد: أي
ريناد: خلاص نازله
سكرت ولبست شيلتها.
شوق: وين بتروحين ياحظي جربي البلوزه هذي.
ريناد: محمد يبيني
شوق: اهااا اوكي.




ايش اللي بيصير لما يعترف محمد لريناد باالحقيقه؟
وكيف بتتصرف مع مازن

كل هذا بتعرفونه في الجزء القادم.

هذا جزء بس لعيونكم بحط واحد ثاني.
لاني عارفه اني تأخرت تراه طويل اقروا يامال العافيه خخخ

7
7
7
7
7

نزلت لعند المسبح وشافته جالس وراسه بين يدينه خافت اكثرراحت جلست مقابله.
ريناد: محمد
محمد وهو يرفع راسه: هلا ريناد
ريناد: خوفتني فيك شئ؟
نزل راسه يطالع الطاوله ايش اقول لهاكيف ابدء
اما هي دق قلبها بقوه.
محمد: ريناد باقولك شئ بس خليك ريلاكس
ريناد وهي تبلع ريقها: اوكي
محمد: الرقم اللي عطيتيني اياه

دق قلبها اكثراحمد .شفييييه؟
ريناد: شفيه رقم احمد
محمد بنظره استهزاء: قالك ان اسمه احمد؟
ريناد: أي احمدمحمد تكلم عاد
محمد: اممممممم طيب ريناد انا اعرف هالولد
ابتسمت له وفرحت من قلبها.
ريناد: جد تعرفه؟
محمد: أي اعرفه بس
ريناد: بس شنو
بعد صمت دام ثواني
محمد: عنده حركات
ريناد: حركات؟ مثل شنو؟
محمد: اممممم يعني يدخن ويقولون مغرور و
ريناد: ههههههههههه هذي الحركات طيحت قلبي يامحمد عادي كل الاولاد يسوون هاالحركات.
انقهر ولام نفسه لانه جبان وماقدر يقول لها الصراحه,
محمد بارتباك: اوكي انا حبيت اقولك بس

سكت وسرح بعييد .لاحظت هاالشئ وقالت وهي تبتسم
ريناد: هاااا شفيك سرحان ليكون حنينا للحبايب
محمد بحسره: ايييه سماح؟ مادري ايش اخبارها مرتاحه ولامتضايقه.وحشتني
ريناد: محمد مانسيتها؟
محمد: حتى لو على جثتي
ريناد: بس حبك مستحيل يامحمد
محمد: أي ادري ياريناد مالي امل معاها بس ايش اسوي هي القلب والروح كيف احيا بدونها
ريناد: الله يعينك ياولد عمي بس نصيحه مني انساها وعيش حياتك
محمد: لاتضحكيني ياريناد انساهامجنون انسى قلبي
تنهدت وسكتت.الله يعينك يامحمد على حبك ويسعدك
محمد: ساكته
ريناد: ايش اقولك.مليت من كثر ماانصحك بس الظاهر مافيه فايده
محمد: عليك نور مافيه فايده.وسماح مستحيل انساها
ريناد: بس حرام
محمد باندفاع: لامو حرامحرام اللي تقولينه كيف انساها وانا متأكد انها مانستني للحين
ريناد: خليك واقعي البنت تزوجت واذا تذكرتك مع احتمال 40 % خلاص عاشت حياتها الدور والباقي عليك
محمد: ريناد ارجوك هاالموضوع منتهي
ريناد: براحتك محمد.
محمد: الاصح ابوي مااشوفه يكلم هااليومين
ريناد: دق عليهم
طلع جواله ودق عاالبيت جات خلود ورفعته
خلود: الووو
محمد: خلود؟
حلود: محمدهااي سويتي هاو ار يوو؟
محمد: انا بخير يالدبه انتي اخبارك واخبار ناصر
خلود: تمام بخير
جات ام محمد لماسمعت اسم ولدها وسحبت من خلود السماعه.
ام محمد: محمد ولدي
محمد: هلااااا ياالغاليه وحشتيني اخبارك
ام محمد: بخير وانتوا اخباركم واخبار اختك عسى مو مجننتك
محمد: طلعت لي قرون يمه ليل نهار باالسوق
ام محمد: هذا موصيتها بعد ماعليه اذا رجعت اوريها
محمد: لايمه خليها تتونس مو كل يوم بنجي الامارات الا ابوي شخبارهوينه عندك؟
ام محمد: لاوالله باالشركه لازم بيكلمك الليل
محمد: خلاص انتظره يمه ريناد تبي تكلمك
ام محمد: عطني اياها.
اخذت ريناد الجوال حتى تكلم ام محمد اللي تعتبرها مثل امها باالضبط
ريناد: الوو
ام محمد: هلا بنيتي ريناد اخبارك حبيبتي
ريناد: هلا خالتي وحشتيني والله
ام محمد: مايوحشك غالي اخبارك مستانسه هناك؟
ريناد: أي والله ليتكم معانا خلاص عاد مانسافر دونكم .السفر دونكم مو شئ
ام محمد: حبيبتي والله رينادالمهم انتبهوا لنفسكم زين وقولي لشوق تخف على اخوها شوي
ريناد: ههههه لاتوصين .سلمي على عمي كثييير
ام محمد: يوصل وانتي سلمي على حور والكل
ريناد: الله يسلمك تبين شئ خالتي؟
ام محمد: سلامتكم بس خلي هاالقاطعه حور تدق علي
ريناد: من عيوني مع السلامه
ام محمد: الله يسلمك
عطت محمد الجوال وقامت.
محمد: وين؟
ريناد: باروح لحور
محمد: اوكي
صعدت وهي داخله الممر اللي فيه غرفهم شافت مازن طالع من الغرفه وكان مخطط يروح مقهى ويكلم الجوهرهكان لابس بلوزه سوداء وبنطلون كحلي.
ريناد: هاااي
مازن: هلا
ريناد: وين رايح؟
مازن: مقهى انترنت
طارت من الفرحه وابتسمت ابتسامه عريضه
ريناد: لاتمزح مزوون
مازن: ليش امزح عاد
ريناد: ياالله وحشني النت.يصير اروح معاك بليييز
مازن: من وين نازل عليك السنع
ريناد: انا سنعه من يومي
مازن: بتروحين يلا نقول لبشار وشوق بعد
ريناد: بس بدخل اكلم حور شوي
دقت الباب دقات متتاليه.طلع لها وجهه ماهر وهو مكشر وشكله كان ناايم
ماهر: ماتخلوا احد ينام براحته.تفضلي انسه ريناد
ريناد وهو تدخل: هههههههه سوري عاالازعاج وين حور؟
ماهر: تسبح الحين بتطلع
ريناد: تسلم عليك خالتي
ماهر: الله يسلمها كلمتيها؟
ريناد: أي من شوي
طلعت حور من الحمام وهي تجفف شعرها
ريناد: ياالدبه كلمتين ورد غطاهم كلمي امك تحاتيك
حور: ليش مستعجله؟
ريناد: باروح مقهى انترنت
ماهر: مع من
ريناد: مازن وبشار وشوق
ماهر: طيب روحي خذي فلوس من ثوبي
ريناد: عندي ماهر امس عطيتني
ماهر: اوكي يمكن ينقصك المبلغ يمكن تمرون سناتر واسواق
ريناد: معاك حق
راحت وحضنت اخوها وحبته على راسه.
ريناد: الله لايحرمني منك
ماهر: ولامنك ياالدلوعه انتبهي لنفسك
ريناد: طيب

.

,,في القهى,,,,,,
جلست ريناد جنب شوق جهه البنات ومازن وبشار جهه الشباب.
اول شئ سوته ريناد فتحت ايميلها صابتها خيبه امل كبيره يوم مالقته, مازن كان بيفتح الايميل لكن
مازن: بشار مو فاضي لحظه بفتح الايميل
بشار: بلا ايميل بلا هم تعال اوريك حاجه بسرررعه ترى مااكلمك
مازن: ياااي مرره قلبي عورني مالت عليك
بشار: اووه انت تعال
قام مازن لعند بشار وراه مقطع فيديو لبنات يرقصون بعرس
مازن: والله انك فاضي استح يلا امسحها
بشار: وانا ايش دخلني من اول موجوده
مازن: امسحها بلا هم.
ريناد سكرت ايميلها ولفت لــشوق الجالسه عاالشات.
اما هو فتح ايميله وكله شوق لها لكن نفس خيبه الامل صابته .اااه ياالجوهره وينك عني وربي افتقدك متى بس الاقيك عاالنت واقولك اللي في قلبي كله ترك ايميله مفتوح على امل تدخل لكن ريناد فقدت الامل وماعاد تفتح ايميلها
لفت شوق على ريناد وشافتها صحيح تناظر الشاشه بس سرحانه
شوق: الووو الحلو وين وصل؟
ريناد: معاك
شوق: صح باالعيد
ريناد: شوق مو رايقه لك
شوق: اوووه .ليكون مالقيتيه اون لاين
ريناد: مالقيته ولاشئ
شوق: اها علشان كذا
قامت ريناد من جهازها وجلست على كرسي عند جهاز شوق
جات بهاالوقت بنت اماراتيه لهم
شيخه: مرحبا الساع
ريناد-شوق: مرحبتين
شيخه: سوري عاالازعاج
شوق: لاعادي شدعوه
شيخه: عفوا بس هاالجهاز مو يالس عليه حدبس شفتج من ساعه يالسه عليه
ريناد: تفضلي مااحتاجه
شيخه وهي تجلس: مشكوره
شوق: حياك
شيخه: من السعوديه صح
شوق: صحيحين
شيخه: هيه عرفتكم من رمستكم
شوق: احم احم لهاالدرجه احنا مميزين
شيخه: هههههه ياحليلج هيهاحس جي حجيكم ينعرف بسرعه
شوق: وانتوا بعد كلامكم حلووو ودي اتعلم لهجتكم
شيخه: ارمسي عادي سهلترى الحجي الاماراتي ماشي اسهل عنه
شوق: لاترمسين خلاص باموت جذي
شيخه: هههههههههههه شاطره تعلمتي بسرعه
ريناد: من كثر ماتقرأ قصص اماراتيه
شيخه: وليش اماراتيه باالذات
شوق: يااااه اموت باالقصص الاماراتيه حلووه فيها حب صادق
شيخه: لايغرج ياعفوا شسمج الشيخه؟
شوق: شوق وهذي بنت عمي ريناد
شيخه: عاشت الاساميلايغرج ياشوق كله قصص وكلام بس الواقع غير ماشي حب عدل هاالايام الشباب حياتهم لعب في لعب
شوق: اصابعك مو سوا ياشيخه
شيخه: هيه صادقه بس اقصد الأغلبيه جييرمسون البنت باالتلفون يقصون عليها وبعد ماتحبهم المسكينه يودروها
ريناد: اوكي يودروها يعني يتركوها
شيخه: هيه يتركوها
ريناد: ايووه بس حلوو كلامكم
شيخه: شو حزب المعجبين باالحجي الاماراتي
شوق-ريناد: ههههههههههههههه
سمع بشار ضحك الثنتين ولف شاف شيخه معاهم.
بشار: مزوون مزوووون
مازن وعينه عاالشاشه: نعم
بشار: والنعامه ترفسك قول امين.شوف
مازن: شنو؟
بشار: والمنشار اللي يقص لسانك ياالدب لف وشوووف لايفوتك القمر
مازن: على اساس القمر يطلع بالليل واحنا لسه نهار
بشار: شوف القمر الجالسه مع ريناد وشوق
لف طالعها مازن ببرود ورجع يطالع الشاشه.
مازن: أي مافيها شئ عاديه
بشار: باالعكس حلووه طالع عيونها باروح لهم
مازن: الحين شوق تعصب عليك
بشار: لاماتعصب تعرف انها القلب
مازن: الله يهديك
بشار: جميعا.باي ياحلو
قام بشار من كرسيه وراح عندهم
بشار: مرحبا الساع
لفت شوق تطالعه ورجعت تطالع ريناد وهي مستغربه منه.من متى الاخ يحكي اماراتي بعد
الثلاث: مراحب
بشار: اخبارك شوق
ضحكت ريناد عليه.
شوق: انا بخير نعم أي خدمه
بشار: لاشفت معاكم ضيوف قلت اسلم
ريناد: أي هذي شيخهشيخه هذا اخوي بشار خطيب شوق
بشار: اخبارك شيخه؟
شيخه: مانشكي باس انت شحالك اخويه؟
بشار: تمام
سحب له كرسي وجلس معاهم
شوق وهي تكلمه في اذنه: قوم لاادوس في بطنك
بشار: روحي زين
شوق: لاوالله قوووم
ريناد : وكم عمرك ياشيخه؟
شيخه: 18 سنه اولى جامعه
ريناد: ماشاء الله حلوو
شوق: الله يوفقك
شيخه: جميعا يلا اسمحولي الحين
حبت شيخه تنسحب لانها لاحظت توتر الجو خاصه ان شوق واضح انها معصبه.
ريناد: وين بدري
شيخه: فرصه سعيده وحياكم باالامارات مع السلامه
ريناد: الله يسلمك

بعد ماراحت شيخه واختفت لفت شوق لبشار.
شوق: ايش هااللي سويته
بشار: ماسويت شئ
ريناد: اووه انا حاسه انكم بتتهاوشون
شوق: نتفاهمعيب هااللي سويته لاوتكلمها عادي كأنك تعرفها
بشار: انا سلمت عليها لااكثر
شوق: حتى لوو
بشار: انتي اصلا عقلك صغير
شوق: انا عقلي صغيرماكأنك انت الغلطان
بشار بعصبيه: ماغلطت وبعدين واذا جلست معاكم فيها شئ؟
شوق: الا فيها وفيها
بشار: انتي عارفه زين اني احبك ومستحيل افكر او اطالع غيرك بس عقلك صغير الله يهديك
قال هاالجمله بعصبيه حتى ان مازن سمعه وحمد ربه ان المقهى مو زحمه حتى ماتصير فضيحه.
قام دفع عنهم الحساب وجاء لهم
مازن: خير خير؟
ريناد: أي خير تهاوشوا كاالعاده
مازن: انا مو قلت لك لاتروح لهم
بشار: مازن مو ناقصك طيب.الغلط مو مني
شوق: طبعا انا دائما الغلطانه في نظرك
ريناد: خلاص بشار وشوق فضحتونا ماصااارت
شوق وهي تقوم: انا طالعه
بشار: وين يابعدي رايحه
شوق بعصبيه : انت مو شغلك طيب ولاتكلمني بعد
بشار: احسن بعد
شوق: أي هذا اللي تبيه لكن تدري كيف لك اللي تبيه وانسى ان عندك بنت عم اسمها شوق
طلعت من المحل ودخلت المول اللي قريب نسبيا منه
مازن: وين راحت بعد شوق
ريناد: اكيد دخلت السنتر
بشار: انا برجع الفندق
مازن: الله يهديك نرجع سوا
بشار: اتركوني براحتي باي
طلع وقف تاكسي ورجع

ريناد: الله يهديهم
مازن: اميينمادري متى بيتركون هاالحركات
ريناد: يلا نروح لشوق
مازن: يلا
دخلوا المول ولفوا الدور الارضي كله
ريناد: مازن انا تعبت خلاص
مازن: وانا اكثر منك وين راحت يعني
ريناد: الله اعلم
مازن: خليني ادق عليها
ريناد: ماتطلع بجوالها السوق
مازن: اووف اجل ليه شايلته معاها.طيب والحل
ريناد: انا عندي حل.اجلس انا في هاالكوفي وتروح انت تدورها
مازن: لاعااد؟
ريناد: أي والله
مازن: كلمه ثانيه واذبحك
ريناد: واهون عليك؟
سكت وقام يطالعها بصمت ونظرات عميقه.ذابت من هاالنظرات وحست ببروده تلف جسمها.بعد ثواني حست لنفسها.
ريناد: اممممم
مازن: اه.احم خلاص نريح شوي وندورها بعدين
ريناد: اخاف تمل وتدورنا ماتشوفنا
مازن: ذي تمل من السوق مااظن
ريناد: حرام عليك اكيد تبكي الحين
مازن: لاصدقيني تتسوق
جلسوا في الكوفي يشربون قهوه اكسبرس.ولما خلصوا صعدوا الدور الثاني يدوروها.ومالقوها
ريناد: يااللهوالحيييييين شنسوي
مازن: مادري هذي وين راحت
ريناد: امممممم يمكن في الحمام تبكي
مازن: عن الاستهبال .
ريناد: ايي ليش لا
مازن: طيب هذا حمام نساء ادخلي يمكن تشوفيها
دخلت ودورتها بين جموع البناتبس مالقتهاراحوا لحمام ثاني دخلت وماتفاجأت لما شافت شوق واقفه وتبكي.راحت على طول وحضنتها
ريناد: خلاص حبيبتي لاتبكين
ماهدأت شوق باالعكس زادت من صياحها.
ريناد: شوق علشاني هدي حالك
شوق: رينااد احبه
ريناد: وهو يحبك اكثر
شوق بصوت مبحوح: لامايحبني ماسمعتيه ايش قال لي
ريناد: لانه معصب مو من قلبه.
طلعت ريناد منديل من شنطتها ومسحت دموع شوق وطلعوا وكان مازن مكانه ينتظر
مازن: انتي هنا واحنا قالبين عليك المجمع كله
شوق: ـــــــــــ
طالع مازن ريناد بنظره تساؤل وبنظره من ريناد عرف انها كانت تبكي.
مازن: شوق
شوق: نعم
مازن: حرام عليكم والله اطفال وبعدين بشار يمزح
شوق: لاتدافع عنه يامازن
مازن: خلاص براحتك يلا نرجع
ريناد: يلا.

.
انسدحت على سريرها وجات هبه على بالها.اي ليش ماادق عليها ومنها اعرف اخبار حبيب قلبي

هبه كانت تحط مكياج لانها بتطلعلما سمعت صوت الجوال ركضت ورفعته
ورود: الوو
هبه: هلا وغلااا
ورود: هلا اخبارك ياالقاطعه ولاتقولين عندي صديقه اتصل اشوف اخبارها
هبه: هههههههه سوري حبيبتي انشغلت المهم اخبارك؟
ورود: اااه اخباري عادي
هبه: شفيك
ورود: انتي عارفهاخباره
هبه: مازن؟ هههههه تمام كلمته امممم مادري امس او اللي قبله تدرين مع من كان قاعد
ورود باندفاع: من
هبه: مع ريناد باالمطعم لوحدهم تخيلي
ورود: تمزحين؟ رينادووه قاعده معاااه ؟اياالقهر شتبي هذي فيه
هبه: هههههه معجبه يمكن الغريب ان مازن شكله كان فرحان ويضحك عادي
ورود: مبسوط حضرته هين اوريها
هبه: ايش بتسووين
ورود: مالك شغل بتشووفين ايش باسوي لها
هبه: الله يستر من افكارك



لما وصلوا الفندق تقدمت شوق ريناد ورمت نفسها على سريرهااما ريناد ماحاولت تكلمها بأي طريقه حتى ماتضغط عليها وتزعجها.مازن لقى محمد يطل من نافذه الغرفه على بشار اللي جالس عاالمسبح حزين.

مازن: السلام
محمد: وعليكم السلام
مازن: ايش تسوي؟
محمد من غير نفس: ولاشئ
مازن: اها طيب وين بشار
محمد: عاالمسبح
مازن: طيب تعال ننزل نجلس وياه
راح محمد وانسدح عاالسرير وتغطى باالفراش
محمد: نعسان بنام انزل لوحدك
سكت مازن وهو يفكر ومحتارشفيه محمد متغير علي انا شسويت له مااذكر اني زعلته بشئ او ضايقته
مازن: محمد
محمد:ــــــ
مازن: نمت
طبعا محمد ماكان نايم بس ماتكلم لانه اصلا مو حاب يكلم مازن.
مازن: طيب براحتك
طفى الانوار ونزل جلس مع بشار



بليز ودي أشوف تعليقات


تحياتي**الحب النجروح**