الموضوع: تعبت أشكي (قصة سعودية) . ~*على أجزاااء*~

الجزء الثامن

**سيارة لافي**

:والله لأذبحها بذبحها (ايش وراك أذبحـها لكن فيها أعدام

: خـلاص طفـح الكـيل (صحيح مادريت مسكه عاد لايطيح)

:من متى هي تتجاهلني وتـركب مـع أحد غيـري (من زمان بس

ماأنت حاس )

:شكــلي بمـوت ناقـص عمـر أنا (ماأحد يمووت ناقص عمر)



هذا الكلام كان يدور في راس لافي لأنه العنود ماركبت معه.

وركبت مع أبوه.

يوم وصلت أم حنين البيت مع عيالها وأول شي سوته حنين دخلت

غرفتها وقفلت على روحها الباب


أم حنين\ العنودشفيها أختك

العنود\هـا .مـافيها شي

أم حنين\العنود ماني بـسمر تقصين عليها بكلمتين قولي شفيها أختك

العنود\يمـه حبيبتي قلبي أنت والله مافيها شي حنين

أم حنين\متـأكده

العنود\أيه متأكده

أم حنين\طيب بروح أشوف شفيها

العنود\لالالالالا يمه مالاداعي أكيد هي تعبانه شوي وتبي ترتاح

أم حنين\لا لازم أشوف بنتي مايهدى لي بال ألا لمن أشوفها


وفعلا طقت أم حنين الباب على حنين

حنين\منوا؟

أم حنين\أنا أمك حبيبتي فتحي الباب

حنين\انشاء الله

وفتحت الباب حنين

أم حنين\حنين شفيك تعبانهتبين تروحين الطبيب

حنين\لا يمه بس صداع خفيف وبيروح

أم حنين\مدري ليه حاسه أنك فيك شي ثاني .قولي لي حبيبتي أنا

أمك

حنين\ يا يمه صدقيني لو فيني شي كان قلت لك من متى وأنا أخبي

عليك شي!! أصلا كل أسراري عندك.

أم حنين\متـــأكده.

العنود\أيه والله أنها متأكده

أم حنين \بسم الله من وين أنت دخلتي

العنود\من أختراع سموه الباب

حنين وامها قاموا يطالعون العنود وودهم يذبحونها لأنها فاضيه جدا

العنود\شفيكــم تطالعون فيني كذه كأني ماكله حلالكم!!

طبعا حنين ماله خلق لأختها ومزحها البايخ فاتجاهلتها وماردت على

سؤالها

حنين\يمه عاد خلاص لاتحاتين صدقيني مافيني شي.روحي نامي

أم حنين\طيب خلاص بصدقك مع أني لحد الحين مش مقتنعه بجوابك

ويالله بروح أنام
لاتنسون أقرو اية الكرسي قبل ماتنامون

وتصبحون على خير

حنين+العنود\وأنت من أهل الخير

حنين\ويــه الحمد لله أن المسأله عدت على خير والا لو أمي أظغطت

علي في الكلام صدقيني كنت بخورها وبقول لها
العنود\غريبــه ياحنين ليــه ماتبين تقولين لأمي وأنت كل

أسرارك عندها!!

حنين\الصراحــه ماأبي اقـول لأمي هذه السالفه

كفايه اللي جاها من أبوي

العنود\بس ياحنين اذا أمي درت أن أبوي جاء راح تزعــل كثيير منك

حنين\لا مستحيل أمي تزعل مني!!

أنا ماقلت لأمي السالفه علشان ماتتضايق


وبعدين يكفي وحده تتضايق في هالبيت مش لازم كلن ينكد على عمره

خلينا بس ننام بلا هم بلا غم يالله تصبحين على خير

العنود\وانت من أهله




بعد مرور يومين من الأحداث

جامعة الملك فيصل

كفتيريا الجامعه

مروه\أهليـن وينك امس ادق على تليفونك وكله مغلق

هيفاء\هلا فيك متى دقيتي علي ماشفت رقمك!!!

مروه\الساعه 1بالليل دقيت

هيفاء\1 بالليل أنا بفراشي ونايمه من وقت

مروه\غريبه مش من عوايدك تنامين بدري

هيفاء\أي والله صادقه لكن أمس أظطريت لأنه قبل أمس سهرت مع

أختي روابي لين الساعه 3 الفجر على قولتهاأنها بكره بتروح الرياض

وماتدري متى بتشوفنا مره ثانيه وتبي تعوض.

وأمس نمت على طول

بعد ماراحت لأني ميته تعب

مروه \اها الله يخليكم لبعض.أقول هيفاء

هيفاء\نعم

مروه\أممممم تـرى بعض الناس يسلمون علـيك كثييير

هيفاء\مين تقصدين؟

مروه\علينــا تسوين نفسك ماتدرين هـا

هيفاء باحراج\صدقينـي مدري منوا !!

مروه\خلاص مالا داعي أقول مادامك ماتعرفين

هيفاء وشوي بتموتها\على راحتك متى مابقيتي تقولين قولي.

مروه\ طيب يلا مع السلامه السواق ناطرني بره

هيفاء \انتظري بروح معك لأن أكيد أخوي الحين وصل

لبسوا البنات عبيهم وطلعوا بره عند المواقف وشافت هيفاء أخوها فهد

وسلمت على صديقتها وركبت السياره

هيفاء\السلام عليكم

فهد\ وعليكم السلام بنت حلال والله توني بدق عليك الا وأنت طالعه

هيفاء\أيــه شفت أنا دايم أدور على راحتك قلت لازم أطلع حرام

أخوي يجلس5دقايق في الحر

مش أنت مره مش هامك الا نفسك اذا تأخرت على محاظرتك!!!

فهد\أقــول بس أكريمنا بسكوتك أنت مره مصدقه نفسك عطيناك وجه

زياده عن اللزوم

هيفاء\ياحسرتي الناس حسديني على هالــ فهد خلي يجون يشوفون

هالأخو !!

وينــك بس يامتعب ياللي مافي مثلك بهاالكون مش أنت عفانا الله !!

وظللوا كذه في خناق ومناجر لحــد ماوصلوا البيت وتفرقوا.

(بيت بو حنين)

أم حنين\أقول حنين تراني قلت لـ لافي اليوم يوديكم السوق لأنه مابقى

شي على عزيمة عمكم .

حنين\زين قلتي له لأني كنت بقولك اليوم نبي نروح االسوق حق

العزيمه

عمر\ يمه الله يهديك بدال ماتقولين كل مره لـ لافي أو خالي يوصلنا

مكان خليني أطلع ليسن وأسوق سيارة أبوي اللي موقفه بره الشارع

أم حنين\أيــه أصلا أنت هذا اللي تبيه تطلع ليسن بس مستحيل أخليك

تطلعه وأنت بهذا العمر مجنونه أنا أخليك تسوق .تبي تجيب لي

الجلطه!!

حنين\تصدقين يمه والله صادق في كلامه والله أني متفشله من خالي

من كثر طلباتنا اللي ماتخلص!!

أم حنين\ لا عادي خالك مايقصر معانا.

حنين\أدري يمه أدري أنه مايقصر بس حتى ولو ياوجه أستحه

أحراج !!والله ثقلنا عليهم!!

أم حنين \يعني ايش قصدك أنت تبيني أطلع ليسن لأخوك!!!

حنين\يعنــي !!مش الحين اذا كبر شويه أو على الأقل نطلع له

ليسن الحين أحتياط ماتدرين يمكن نكون محتاجين سياره لشي

ضروري ومافي أحد موجود يودينا

أم حنين\طيب خلاص خلوني أفكر .

عمر\ عــــاشت أختي والله أنك أروع وأحسن أخت في الدنيا من

قدي بطلع ليسن .

أم حنين \أقول لاتفرح كثييير أنا قلت بفكر يمكن ماأوافق

عمر\ عادي يمه المهم أن أنت ماعارضت الفكره وانشاء الله مع مرور

الأيام بتقتنعين.

طبعا كل هالمناقشات و هالكلام ينقال لكن في وحده مش حاسه باللي

صاير!! من أول ما عرفت أن لافي هو اللي بوديهم وهي البنت محتاسه

وسرحانه في عالم ثاني عالم وردي مافيه غير هي ولافي

(بيت بو متعب)

:متعـــــــــــــب

متعب\لا رد.

هيفاء \متعب متعب
متعب صحى من سرحانه \بسم الله شفيك تصارخين فقعتي أذني
بصراخك هذا!!!

هيفاء \أنا اللي ايش شفيني والا أنت اللي جالسه أكلمك من فتره وأنت

سرحان والله يعلم مين اللي تفكر فيه

متعب\أنا سرحت !!متى!!!

هيفاء بلهجه لبنانيه\ من زمــــان واللي ماأخذ عقلك يتهنابوا !!

متعب وضحك\الله يقطع بليسك.عليك حركات تخلي الأنسان غصب

طيب يضحك.

هيفاء\أصلا أنا لو فارقت هالبيت وتزوجت راح تمووتون من الصياح

ويمكن بعد تنتحرون

تدري بعد ياأخوي فراق هيفاء صعــب جدا صعب

متعب\اهي اهي اهي لالالالالالا تكفـــين لاتبكيني تراني ماني ناقص

فراق وعذاب كفايه اللي فيني

هيفاء مستغربه\نعم نعم دكتور متعب!!!أي فراق وأي عذاب لا يكون

الأخ يحب وأنا مدري!!!

متعب\أي حب وأي خرابيط أنت ووجهك !!

هيفاء\أجل أيش قصدك بهالكلام!!

متعب\أي كلام!!

هيفاء\كلام الحب والعذاب كلام المحبين ياأخي العزيز.

متعب\أقول بس اللي يجلس جنبك يستخف وتصيبه حاله هستيريه

خليني أروح مع صديقي أحسن لي.

هيفاء\ايــه أيــه تهرب هذا أنتوا ياالشباب اذا مسكنا عليكم شي

وخصوصا في هالأمور تتهربون.

متعب قام يطالع أخته من فوق لا تحت بنظرات كبرياء واستخفاف

وبعدها طلع بره البيت

(بيت بو حنين)

عمر وهويصارخ\حنيـــن العنـــود يالله بسرعه الولد ينتظركم

بالسياره

عمر\حنيــــن العنـــود يالله

حنين\زيــــــن زين هذا حنا جينا لاتصـــارخ

عمر\ وين العنــود

حنين\الحين بتخلص أمش نسبقها

عمر\وسمر بتروح !!

حنين\أكـــيد بتروح يالله سمر

عمر\طيب يالله أمشوا

وركبوا السياره

عمر قدام وريم ورى أخوها وحنين جنبها وبعدها سمر.

العنود\ياويلي لا يكون راحوا عني

وراحت تدور البيت كله وماشفتهم

وشوي بتصيح العنود\لا حرام عليهم من جد شكلهم راحوا


سيارة لافي

حنين\ شفيها تأخرت كل هذا لبس

عمر\والله أختك هذه دلوعه كثيير من زمان وحنا ننتظرها وهي الانسه

لسه ماشرفت.

ريم\عادي يمكن أنشغلت في شي ضروري

لافي في خاطره (لهـدرجــه!!!! لا ماصدق العنود فيها شي!! معقوله

أنا بالنسبه لها ولاشي !!حتى مش راضيه تطلع بدري!! أووووف لين

متى هالغموض يالعنود!!! تعبت والله تعبت)

وأخيراا شرفت الانسه العنود
العنودوهي منحرجه\السلام عليكم

الجميع\وعليكم السلام

حنين\ليــش تأخرتي

العنود\والله مدري طلعت من الغرفه وماشفتكم فكرتكم رحتوا عني.

ريم\شخبارك العنود.

العنود\تمـــام أخباري حلوه وأنت شلونك.

ريم\أنا منيحه عال العال


لافي(خلاص مش قادر أستحمل هي عايشه بفرح وسعاده وأنا ال****

اللي خايف و متوله عليها !!حتى ولا سألتني عن أخباري !!والله

مصدق نفسي كثثير هي أصلا تدري أني بالوجود أصلا!!)

وحط أغنية خالد عبدرالرحمن وواضح أنها للــ العنود لأن كل

الموجودين يدرون بحب لافي للعنود


ليش أنت مبعد عن عيوني ومجفني
يانور عين بشوفك كنت تحليها
حتى أتصالك وصوتك منقطع عني
وأعد الأيام ليت تعود لي فيها.

أن كنت زعلان ياكل الغلا مني
مجبور أراضيك وعيونك أراضيها
وأن كان قصدك بهالفرقا تعذبني
ياكيف تتعب حياتي وأنت راعيها.

أرجوك طمن شقا نفسي وطمني
أشغلت روحك بغايبك عنها يشقيها
تعبت أحاتي وأسأل عنك لكني
مالقى جوابا لأجل نفسي أهنيها

أطلب من الله عسى أنك دوم متهني
في دارك اللي يلاهي بك مهنيها
وعساك دايم في قلبي تحسن الظني
ياشمس داري وبدر في لياليها.

وبعد ماخلصت الأغنيه تكلمت ريم

ريم\ياعيني ياعيني على الحب وسنينه

يضرب الحب شو بيذل

وكلهم قاموا يضحكون عليها أما العنود ودها تذبحها لأنها فهمت

قصدها.

عمر بابتسامة خبيثه\متــأكده أن الحب يذل يـــاريــم!!

أتفاجأت ريم من كلامه وأستغربت أيش قصده!!!معقولــه يبادلني

نفس الشعور!!لالالا أكيد مش قاصد الكلمه اللي قالها

كل واحد في السياره سارح وشارد بفكره واحساسه كلن يفكر لبعيد

مكان بعيد جدا وهذا المكان بالذات صعب الوصول له.بس أكيد في حل

وفي ألف طريقه للوصول .لايأس مع الحياه ولا حياه مع اليأس

وأخيرا وصلوا المجمع .

لافي\وصلنا تفضلوا يا اّنيساتي الصغيرات.


(سيارة متعب)

من أول خفقه بصدري
وأنـــافيك أرسم الأحلام
من أول طاري الأشــواق
كنـــت أنــت أول أطيـافي.

متعب\ياربـــي أحس راسي بينفجر من كثر التفكيــر معقوله أنا

أهتم وأشتاقمعقوله أنا أحب معقوله أثرت فيني هالكثر!!طيب أنا

ماشفتها !!بس بس شفت عيــونها

آآآآآآآآآآه ياعيونها من جد ذابحتني عيونها!!

لهدرجه عيونها فضحتها !!عيونها كلها ألـــــم وعذاب

هالعيون كثييير شدتني مدري ليه!!يمكن لأنها غير .غير عن البنات

كلهم الي أعرفهم

أصلا كل المواصفات اللي كنت أبيها في البنت اللي بتزوجها فيها




شفيني قاعد أخربط!!!!! أقول كلام مش مفهوم!!لا وأتكلم بعد عن

الحب!!هاهاها

مالت علي!! أنا رجال شكبري وأحب!!توها تطلع سوالف المراهقه!!

هزلــت والله.

في المجمع

دق تلفون لافي وكان المتصل فهد

لافي\عمرخلك شوي مع البنات أنا عندي مكالمه وبجي

عمر\أوكــي

العنود\عمــر تعال شوي

العنود\شرايك !! مين أحلى البدله الحمراء والا البدله الزيتيه

عمر\أنت شرايك

العنود\ريم تقول الحمراء أحلى وانا الصراحه محتاره بين الثنتين!!

عمر قام يطالع ريم بنظرات غريبه حتى هي مافهمت ايش معنى هذه

النظرات.

عمر\أكيــد اللي قالت عنه ريم خذيه.تدرين ليه؟


العنود\ليه؟

عمر\لأن كل شي من ذوق ريم حلو. مثلها

ومشىبسرعه قبل مايسمع ردهم

العنود\أحلـــى حركاااااااااااااات أنا الصراحه ماأقدر على الغزل اللي

عيني عينك

العنود\ريم




ريم\

العنود\ريـــــــــــــــــم ياهــــوا

ريم\العنـــود

العنود\نعم

ريم\ايش ماكل أخوك اليوم على الغدا!!

العنود\عااادي مثل ماكلنا حناليش السؤال!!

ريم ببلاهه\لا ولاشي

العنود\طيب يلا وش أختار أنا الحين أحترت أكثر من أول

ريم\شوفي خلينا نروح محلات ثانيه واذا ماعجبك شي نأخذ البدله

الحمره أوكــي

العنود\طيب يلا. بس وين حنين

ريم\شوفيها ورانا

العنود\أمشي نروح لها

العنود\ها حنين لقيتي شي .

حنين\لالسه يالله نطلع




لافي\مــــــــرحبا

فهد\هلا وغلا شلونك

لافي\تمــام وأنت

فهد\أنابخير وينك

لافي\أنا في الراشد

فهد\يالخاين!!ليش ماقلت لي!!

لافي\لأنــي مع الأهل.والعنــود معانا


فهد\أحلـــــــــــف

لافي يبتسم\واللـــــه

فهد\أكيد مستانس صح!!

لافي\أيـه مررره مستانس

فهد\وش فيك تقولها وانت مالك نفس!!

لافي\خلها على الله ياأخوي المهم ماأطول عليك بروح أشوف أيش

صار عليهم

فهد\أوكــي أذا فضيت دق يالله مع السلامه.

لافي\حيــاك مع السلامه


راح لافي عند البنات

لافي\ها خلصتوا؟

ريم\لافي تعبت شرايك نشرب شي

لافي\يعني خلصتواغريبه

حنين\لا لسه باقي العنود ماشرت

لافي\ليه ماعجبك شي!!

العنودمستحيه\لا لسه

ريم\العنود ذوقها صعـــب

لافي أكتفى بابتسامه وقال في نفسه أكيد هذه العنود في كل شي صعبه

الله يعيني عليها

حنين\طيب أسمعو نشرب شي بعدين نرجع نكمل مشترى


وفعلا راحوا كافي جلسوا البنات والأولاد في طاوله وحده

لافي\يلا بنات وش تطلبون

عمر\لايكون حاذفني من القائمه!!

لافي\لا حشى .بس ليدي فيرست

عمر\اها طيب ياليدي فيرست وش تطلبون.

حنين\أنا أبي موكا

ريم\وانابعد

لافي\وأنت ياحلوه (يقصد سمر)

سمر\أنا أبي حلاوه

لافي\حلاوه طيب حبيبتي بشتريلك حلاو بس ماتبين تشربين شي؟

سمر\أبي عصير فراوله
عمر\من وين بنجيب لها عصير فراوله

حنين\خلاص اطلب لها شوكلاته بالحليب ساخن هي تحبه

لافي\وأنت يالعنود

ريم\العنود ماتحب الكوفي

لافي مستغرب\يعني ماتبين شي

العنود\لا مشكــور ماقصرت

لافي\على راحتك.

لافي\يالله عمر تعال معي.



حنين\شفيك ماطلبتي شي ثاني

العنود\أحراج

حنين\عادي من ايش منحرجه !!

ريم بصوت واطي\لازم تنحرج من خطيب المستقبل أجل تبينها من

الحين تقول طلباتها !!لاحقه البنت

والكل ضحك عليها حتى سمر اللي ماتدري شسالفه ضحكتك عليها

(الحشر مع الناس عيد)

وجابوا الشباب الطلب وسمعوا ضحك البنات

لافي\شفيكم تضحكون ضحكونا معاكم

ريم\أقول يالعنود؟

العنود\ياويلك والله لأذبحك

عمر\شسالفه!!

ريم \لاخلاص مش قايله.أخاف تذبحني العنود

حنين\أقول بس أشربوا بسرعه خلونا نخلص أغراضنا



الرياض

شقة روابي

نايف\روابــي شفيك

روابي\مافيني شي

نايف\لاوالله مبرطمه والبوز ممدود شبرين والوجه كئيب وتقولين مافيك

شي!!

روابي\نايف ممكن اطلب طلب

نايف\ياعيون نايف انت تامرين امر

روابي\الصراحه اشتقت لأهلي وودي أشوفهم

نايف\أكيد تضحكين صح

روابي\لا والله من جد أتكلم

نايف\توك شايفتهم من قبل كم يوم

روابي\شسوي بعد هذيلا أهلي

نايف\طيب وأهلي مش أهلك

روابي\طبعا أهلي طيب حتى أنت عندك أهل في الشرقيه أشرايك

ننقل هناك.

نايف\لا أنا عندي فكره احسن

روابي\ وش هي بسرعه قــــول.

نايف وهو ماسك ضحكته\شرايك نسكن في الأحساء مابين الرياض والخبر

روابي وهي مره معصبه\تستهبل أنت!! ولاتسكتني بكلمتين

نايف\شسوي بعد فيك .قلت يمكن الطف جو الكآبه وانت بعدالله يهداك

كيف أترك أهلي وشغلي!!

روابي\اووووهوا خلاص سكر السالفه.

وبعد دقايق

نايف\أقول روابي

روابي وهي معصبه\هــا

نايف وهو رايق\شكلك يضحك وانت معصبه.كل يوم عصبي


روابي\سخيـــف وربي سخيــف بروح أشوف العيال أحسن لي



في المجمع

حنين\العنود ماصارت .خلتيني أدور معك و أنسى أشتري لــ سمر

العنود\طيب شسوي مالقيت شي حلو

ريم\خلاص حنين روحي شوفي شي لــسمر وأنا هنا معها

حنين\طيب بخلي عمر يجي معي.

لافي\روحي ولايهمك

حنين\ وبسرعه ترى مافي وقت

ريم\طيب يالله روحي واحنا معنا لافي

العنود بصوت واطي\لالالا وش لافي أنت بعد

ريم\أقول أسكتي بس ضاع الوقت على دلعك الزايد

العنود\الله شوفي الفستان الفيروزي المعروض في zara روعه

ريم\وينــه ماشوفه!!

العنود\أمشي نروح له

ريم\ أنتظري لافـــي لافــي

لافي\هلا

ريم\تعال بنروح zara

لافي\يالله

وراحو المحل ودخلوه وطلعت العنود الفستان

و هذا الفستان ممزوج بلونين ذهبي فيه لمعه مع فيرزي و كــان

جنان بس مشكلته قصير مررره من تحت وله أكمام بس مقطعه يعني

مالها داعي

لافي\العنود أنت من صجك بتشترين هذا!!

العنود\أيه أيش فيه مش حلو

لافي وبدى يعصب\حلــو بس مو كأنه قصير شوي

العنود ومستغربه من عصبيته\عــادي مش مهم

لافي\قولي والله مش مهم!!!

العنود\والله شفيك

ريم\مافيها شي لافي ليش معصب هي رايحه عزيمه كلها حريم

لافي\وليه ياآنسه ريم عادي عندك تلبسين هذا اللبس

ريم\مافيها شي قلت لك العزيمه كلها الحريم

لافي وحاول يهدي أعصابه\اللهم طولك ياروح

لافي\ العنود لاتشترينه

العنود\ليـــش

لافي\بس ماأبيك تلبسينه

ريم سحبت أخوها على جنب عشان ماتسمعهم العنود

ريم\لافي شفيك!!!! ليه ماتبغاها تشتريه

لافي\يعني ماتدرين ليه!!

ريم\لا مدري !!

لافي\مش مهم أفسر أكثر بس أنا ماأبي أحد بشوفها بهالفستان فهمتي

الحين

ريم وفيها الضحكه\أهـــا قول كذه من زمان وفكنا ليه اللف

والدورانقول أنك تغار!!

لافي\أيه أغـــار عندك مانع

ريم\لا ماعندي مانع

ريم\والحين ايش نسوي

لافي\مدري تصرفي !!

ريم\طيب تعال معي

لافي\وش بتسوين!!

ريم\أنت تعال ولايهمك

لافي\طيب نروح معك وأمرنا لله

العنود\وين رحتوا !!

ريم \ولا مكان ها شرتيه!!

العنود وهي زعلانه\لا مالقيت مقاسي

لافي\الحمدلله

العنود\مستانس الحين!!

لافي\أكيـــــد مستانس

ريم \خلاص اسمعي مافي الا نشتري البدله الحمراء

العنود\يالله أمرنا لله

وراحوا للمحل وشاف لافي البدله الحمراء

هي صح شوي ضيقه البدله وأكمامها قصيره شوي بس على الأقل

أحسن من الفستان اللي مره عاري

لافي\أيه هذه حلوه

العنود طبعا مستغربه كثيير من لافي بس ماحبت تبين!!و قالت أكيد

بطلع الجواب منه يوم من الأيام أو من أخته !!


تتوقعون ايش راح يصير بيت عمهم؟
والعنود بتسأل لافي عن سببرفضه للفستان
ومتعب بتتطور مشاعره




=====

نتابع الاحداث في الاجزاء القادمة


تحياتي**الحب المجروح**

تسلمين الحب المجروح زهقناك بطلباتنا


تكفين كمليها


مشكوووووووووووورة

ووووووااااااااااااااااااااااو صراحع روعه

كمليها

(بيت العم عبد الله)بو فيصل

الصاله

:ســـــــــــــــوزان ســـــــــــوزان


ساره\ماتسمعين صمــخــه!! أمـــــــي تناديك!!

سوزان\أوهـــــــــــــــــــوووووووا زهقتيني ترى أنتي ويا أمــك!! كله صراخ وازعاج محد يرتاح

في هالبيت!!!!أوووووووووووف

وطلعت من الصاله

أم فيصل\ســاره وين أختك !!

ساره وحبت تستر على أختها\آه.أختي جاتها مكالمه وطلعت تكلم فوق بدارها

أم فيصل\طيب حبيبتي تكفين دقي على المطعم اللي حجزنا فيه البوفيه

ساره\ليه يمه !!

أم فيصل\ بأكد الحجز وعندي اضافات بضيفها للعشاء أخاف مايكفي

بعد تدرين اليوم عازمين عمامك كلهم !!

ساره\انشاء الله.

كلمت أم فيصل المطعم وتفاهمت معهم وأكدت الحجز وبعدها سكرت

:HI Every one!!!

ساره\وعليكم السلام ورحمة الله وبركاته

خالد\حلفي مادريت!!

ساره\شسوي لك بعد ياأخوي قلت أذكرك بالسلام يمكن نسيته

خالد\مابقى الاأنت يالمفعوصه تعلميني السلام

ساره\أحترم نفسك أنا أختك اللي أكبر منك

أم فيصل بعصبيه\بـــــــــــــــــس!!!!!!!!! خلاص على الأقل حسوا أني موجوده مابينكم

خالد\ MOTHER TIKIT EASY لاتعصبين ريلاكس

:أفــا مين معصب أم فيصــل

خالد\أوه أوه فيصل جاء

ساره\كملـــــــــــــــــــــــــــــــــت

أم فيصل\هلا فيصل متى جيت من البحرين!!

فيصل\ توني الحين جاي

فيصل\عاد اليوم الجمارك مرررره زحمه كلها عوائل عشان يقظون الأجازه فيها

خالد\وأنت كل يوم طاق لك البحرين!!!! ياأخي أتوقع لو أشوف الجواز حقك كله البحرين

ختم حق رده وختم حق روحه

فيصل\شسوي بعد ياأخوي الصغير مشاغل

ساره\أيـــــــه واضح!!!

أم فيصل\هذا الشبل من هذا الأسد

فيصل\شقصدك يمه!!!

أم فيصل\أنت فاهم شقصدي!!!!!!!!!!


وتركت أم فيصل الصاله لعيالها وطلعت لغرفتها


خالد\أشرايك تأخذ لك جواز بحريني!!صدقني بترتاح.

فيصل\أقول بس أسكت عطيناك وجه زايده اليوم .شوف نفسك أول بعدين تكلم!!!

وهذه عايلة بو فيصل أخو بو حنين وبقولكم نبذه عن كل شخص

بو فيصل\رجال شري لأبعد الحدود زي أخته حصه وعلى قولة أم فيصل هذا الشبل من هذا

الأسد معناها أن بو فيصل كان كثيير السفرات ولحد الان

ويمتلك أكبر شركه للعقارات بالشرقيه هو مع أخوه عبد الهادي وعلى كثر ماله فهو أنسان

طماع حقود خبيث

أم فيصل\حرمه طيبه مره وعلى نياتها وكلمه توديها وكلمه تجيبها

ساره\بنت هاديه وحبوبه مثل أمها وهي أحسن وحده في البيت عمرها 25سنه غير متزوجه

فيصل\الولد البكر ويشتغل مدير ماليه في شركه من شركات أبوه عمره 24 سنه

انسان أناني ومتكبر ومغرور جدا وكثييير السفر والله عطاه الجمال هو مع أخوه خالد عكس

أخته ساره كانت جدا عاديه لكن سوزان كانت ملامحه ناعمه وحلوه

خالد\طالب في جامعة الملك فهد تخصص ادارة أعمال سنه ثانيه عمره 22 سنه أنسان


مستهتر وتافهه جدا ماعنده الا ملاحق البنات في المجمعات ومغازلتهم


سوزان\طالبه في ثالث ثانوي وشكلها ناويه تعيد السنه عمرها 19 سنه وتمتلك طبايع

أخوها فيصل الشينه متكبره وشايفه نفسها و مغروره جدا ومدلعها أبوها كثيير

ميس\أخر العنقود عمرها 5 سنوات


بيت بومتعب

هيفاء\الــو

حنين\منــوا

هيفاء\أفـــا ماعرفتيني ياحنين

حنين\هــــــــــيــــــفــــــــــــــاء هلا والله

هيفاء\أهلين شلونك حبيبتي!!

حنين\تمام وأنت شلونك وشلون الوالده عساه طيبه !!

هيفاء\الحمد الله بخير تسأل عنكم كثيير والله


حنين\تسأل عليها العافيه أنشاءالله

هيفاء\أقول حنونه العنود جنبك!!

حنين\ أيه لحظه هذه وياك يالله مع السلامه

هيفاء\مع السلامه

العنود\هلا بأحلى هيوفه بالعالم

هيفاء\هلا العنود شخبارك !!

العنود\الحمد لله مانشتكي بأسالا بسأل ايش سبب الأتصال المفاجىء


هيفاء\بـــــــــــــــــــــــــــس متولهه عليك حرام!!شفتي أنا اللي دقيت عليك وسألت مش أنتي

ياشينه

العنود\لا عاد هالمره ماأقدر أتكلم ألانسه هيفاء أتكرمت وكلمتني ماأقدر الصراحه على

كرمك وتواضعك

هيفاءبلهجه مصريه\طبعا ماتقدريش ياأختي!!!!!!!!! أنا هيفاء والأجر على الله

العنود\أمووووووووت أنا على اللي يتكلمون مصري

هيفاء\يلا عاد ماأطول عليك خذتي من وقتي الكثيير!!!

العنود\لا والله ومين تكونين حضرتك!!!

هيفاء\أوهووووا ماسرع نسيتي .أنا هيــــفــــــاء

العنود\هاهاهاهاهاهاهاهاهاهاهاهاهاها صح نسيت هيفاء والأجر على الله

هيفاء\يالله عاد مابقى الا أكلم بنات الثانويه .هزلت

العنود\تكفـــــــــــــــــــين مدري مين اللي كان قبل سنتين في الثانويه!!!

هيفاء\أي والله ذكرتيني بالماضي الأسود أيام الثانويه العامه

أمحق أيام

العنود\الله يرحمها

هيفاء\منوا؟

العنود\أيام الثانويه .

هيفاء\أيه والله الله يرحمهايالله عاد بلا هذره زايده وسلمي على الوالده

وحبي راسها

العنود\ليه بعد أحب راسها !!!

هيفاء\تدرين حررركات عشان أضمن المستقبل.

العنود\أي مستقبل!!!

هيفاء\أيش شفيك أنت بعد ماتفهمين خليك معي على الخط

العنود\والله مافهمت!!

هيفاء بلهجه طفوليه\الصراااحه أنا حاطه عيني على أخوك عمر بس لاتقولين لحد عشان

كذه أسوي نفسي حرمه سنعه قدام أمك

العنودوانفجرت من الضحك\هاهاهاهاهاهاهاهاهاهاهاها حسبي الله على بليسك

هاهاهاهاهاهاهاهاه بموووووت حرام عليك هاهاهاهاهاي

العنود\ الله يقطع ابليسك دمعت عيوني لا تسمعك بس ريم والله تذبحك

هيفاء\ليه!!!!!!!!!!

العنود\أنا احس أنها تحبه وهو بعد أحس أنه يحبها

هيفاء\ويــــــه ضاع عريس المستقبل

العنود\ماعليش حبيبتي دوري لك على واحد غيره

هيفاءوتسوي نفسها تصيح\اهيى اهيى اهيى هذا الدنيا أخذ وعطا شسوي برضا بنصيبي

.يالله خلاص ياويلك أن دخلتي في سالفه ثانيه بسكر الحين

العنود\أوكــــي حبوبه سلمي على الوالده مع السلامه

هيفاء\يوصل مع السلامه

بعد ماسكرت من هيفاء


العنود\ياربي أحراجكل ماأتذكر سالفة لافي أمس بالمجمع أموووت من الفشله

عاد أنا الغبيه مافهمت شي الا لمن قلت لأختي حنين وردت علي بجواب

مقنع بس معقوله

لهدرجهيغـــياربي والله حتى أستحي أقولها

لكن يوم رحت أعيد اللي صاربالمجمع عرفت أن مئه بالمئه أنهيغــــ ار


ياويلي أنا على اللي يغارون علي


لا وبعد يلوموني ليه أحبه.أحبـــــــــــــــه يانـــــــــــــــــــاس




(بيت العم عبد الهادي) بو زياد



أنا عيوني على سورك يابنت النور ياعطر الليل وهمس الليل
أنا فيني الأماني سيل
أبي تعذرين أحساسي اذا قصرت
وابي تعذرين لو قصرت في حقك
او قصر كلامي وماوصف شعوره
يابنت النورياعقد من الوله منثور.



كان زياد جالس في غرفته ويسمع اغنية محمد عبده بنت النور

وكان مره سرحان وشارد بفكره بحبيبة قلبه سوزان بنت عمه كان يحبها

حب عذري حب طاهر

عفيف من أيام الطفوله لكن أبدا ماحست فيه!!كانت دائما تعتبره مثل

أخوها!!وكانت تدري

أن يحبها ويمووت فيها بعد بس أبدا ماتبادله نفس الشعور لأنها تفكر لبعيد


تفكر بحب

المراهقه اللي كان عن طريق الأنترينت وهذا الحب تطور لمن


صارمكالمات عن طريق التليفون

وبعض المرات تتواعد معاه في أماكن عامه لكن من بعيد يعني بس

نظرات

أما الحبيب زياد ايفكر أن سوزان ماتحبه لأنها صغيره على هالسوالف

مايدري أن ها عاشقه

وولهانه من الدرجه الأولى.وكل هذا بسبب البيئه اللي عايشه فيها

سوزان لارقيب ولا

حسيب كلن لاهي بملذاته .

وبعد ماصحى من سرحانه لقى أخته جالسه معاه في الغرفه

رهف\مايســـــــــــــــــــــــــوى !!والله ياأخوي مايسوى كل هذا حب

وهي ماتدري عنك

زياد\مش مهم .المهم اني أنا أحبها وبس!!

وطلع من داره


رهف\ويــه مالت عليها من حلاتها عشان يحبها والله مدري ليه أخوي

يحب هالبزرفقدتها

والله!!!




عايلة عبد الهادي

بو زياد\يمتلك نفس طبايع أخوه الشر عندهم صفه وراثيه ويشتغل مع

أخوه في الشركه لأن

الشركه لهم أثنينهم وراثينها من أبوهم

أم زياد\شريه وحقوده وأي شي تشوفه عند الناس تبي مثله يعني

غيوره من الدرجه الأولى

زياد\البكر رجال ونعم الكلمه ملامحه حلوه وهاديه وفيه غمزات رهيبه

ويحب سوزان بنت عمه

ومهنته طيار لأنه كان يحب الطيران من الطفوله عمره 25سنه

نواف\طالب في كلية التقنيه وهو مع ولد عمه خالد أصدقاء لأنهم

يشتركون في نفس الصفات

الشينه عمره 21سنه

مرام \طالبه في كلية الدمام تخصص علمي علم حيوان تحب ولد عمها

فيصل بس هو ولايدري

عنها.عمرها 20سنه

رهف وترف\تؤام في سنه ثاني ثانوي تخصص أدبي يدرسون نفس

مدرسة بنت عمهم سوزان

يشبهون بعض كثيير وماأحد يقدر يفرق بينهم الا بشامه على يد رهف

اليمنى.عمرهم

19سنه

ريان\ثاني ثانوي عمره18 سنه وهو آخر العنقود



بيت بو متعب

ايه احبك هاذا حظي اللي انكتب **دربي اللي امشيه وادريبه تعب
ايه احبك وانته في عيوني سهر **وانته وسط القلب حرات وخطر
بس احبك هاذا حظي اللي انكتب **ودربي اللي امشيه وادريبه تعب
اشوف الناس في عيوني ومن بدهم اشوفك غير **واحس مثلك فهالدنيا ابد مايصر






قلبــــــــي يمه قلبـــــــــــــــــــــي !!ماأني قادر!!أحس اني قلبي

بينفجرمن كثر سرعة نبضاته

هذا أنا بس سمعت أن أختي كلمتها وبغيت أمووت أجل لو أنا سمعت

صوتها أيش بسوي!!!

وبعــــــــــــــــــــــــــــــــــــــديـــــــ ــــــــــــــــــــــن !!!

وبعدين يعني كل هذا تفكير!! مايصير!!!

متعب!!على أخر أيامك تحب! قويـــــــــه الصراحـــــــــــــــــــــــــــــــه

لا وتكتب شعر بعد!!! ياحليللك تضحك!!

آآآآآآآآآآآآآه نفسي اسمعها أو أكلمها!!بس كيف !!مدري!!

شكله سالفة الكلام غير وراده حاليا!!

ماأستحي قليل الأدب كيف أقول أبي أكلمها!!

لو أنها وحده من خواتي كان مارضيت!!مالت علي

خلاص متعب خلاص حاول تتحكم بمشاعرك على كيفك هي السالفه

تكلمها!!

هاهاهاهاهاهاهاي توني أدري أن الحب أعمـــــــــى

قال وشوا!!!قال يبي يكلمها قال!!




(بيت بو حنين)

يــارب الله يسهل اليوم مدري ايش بنسوي بيت عمي !! وكيف بيكون

أستقبال لهم لنا يمكن

يعاملونا أحسن معامله طبعا هذا بالأحلام او يمكن يتجاهلونا ولا كأنا احنا

موجودين !!بس

ليش أعزمونا !!معقوله علشان يبون العايله تتجتمع!!بس الحق ينقال

مرت عمي هي أطيب

وحده فيهم!!حتى مكالمتها لأمي كانت محترمه!! يارب البقيه يكونون مثلها!!

بس الخوف كله من عمتي حصه الله يسامحها أكيد بتذبحنا بكلامها

وبتفشلنا بعد!!! بس أنا

مستحيل ومن سابع المستحيلات أن أسكت لها اذا أساأت لأمي أو أي أحد من

أخواني.دائما هالأنسانه نواياها خبيثه جدا وماتدرين ايش تفكر فيه!!

يارب ماتجي وتفكنا من شرها ومن عمايلهاالشينه!! مدري ليش أحسن

أن

السالفه الليه مش معديه على خير !!!الله يستر!!

أقوم أشوف اذا اجهزوا أخواني والا لا!!بدال ماأفكر بناس مايستاهلون أصلا

التفكير فيهم.


حنين\ها خلصتوا

العنود\ايه بس بقى أمي تلبس سمر ونخلص.

العنود\حنين

حنين\هلا

العنود\خــايــفــه

حنين\سكتي الله يخليك أنا ميته أحس روحي أتنافض من الخوف

العنود\تتوقعين وش بتكون ردة فعلهم اذا شافونا

حنين\والله مدري يالعنود أحنا ماندري عن أسلوبهم ولا تصرفاتهم وأتمنى من

قلبي أنهم مايطلعون مثل عمتي الشريه حصه

العنود\عندهم بنات كبرنا؟

حنين\على حسب علمي أيه في بنات كبرنا هم ماشاء الله عيالهم

واجد.

العنود\واذا سألوا عن أبوي وش بنقول لهم !!

حنين\لا أنشاء الله مايسألون عنه

العنود\بس أنت تدرين أنه يعرف أحنا بنروح بيت عمي اليوم

حنين\انشاء الله مايجي

العنود\الله يستر

فهاللحظه دخل عليهم عمر وقالهم السياره اللي أجروها وصلت

ونادت حنين أمها وسمر وأطلعوا متجهين لبيت عمهم.






(بيت بو فيصل)

وكانت العايله كلها مجتمعه حريم ورجال في بيت بو فيصل بس اللي كان

يفصل بينهم باب

جراركبير .

أم فيصل \مو كأنهم تأخروا !!

العمه حصه\بالطقاق يعلهم مايجون أنشاء الله

أم فيصل \حــرام عليك ليش تقولين كذه

أم زياد\وهي صادقه ليه أصلا أنتوا عازمينهم من المحبه الزايده مثلا!!!

وحبت تغير الموضوع أم فيصل\ساره حبيبتي دقي الخدم يجبيون الشاهي

ساره\انشاء الله يمه


عند البنات

ترف\بنات تهقون البنات كبرنا

ساره\اي على حسب علمي أنهم في أعمارنا

ترف\شفتيهم!حلوين

مرام \وععععع أكيد طالعين على أمهم شيون

سوزان\وش دراك أن أمهم شينه

مرام ارتكبت\بس عندي أحساس


رهف\عندهم أولاد

ساره\عندهم ولد واحد بس وصغييييير

رهف\وش فيك تقولينها كذه

ساره\لا عادي


في السياره

سمر\ماما وين بنروح

أم حنين\بنروح بيت عمي عبد الله

سمر\مين عمي عبد الله!!

أم حنين\أخو بابا



عمر\أمي وصلنا هذا البيت .اوه قصدي هذا القصر بيت عمي!!

أم حنين\أيه هذا هو

العنود\وااااو يجنن من بره

أم حنين\أجل اذا دخلتي داخل وش بتقولين!!

أم حنين\حنين!!

حنين\هلا يمه

أم حنين\وش فيك


حنين \لا.مافيني شي .بس .بس .خايفه كثيير

أم\سموا بسم الله ويالله خلونا ننزل وانشاء ماهو صاير الا كل خير

الجميع\انشاء الله


الجميع قالوا في نفس الوقت انشاء الله لأنهم كانوا من داخل مرره

خايفين من المواجهه بس كلن

يبين العكس للثاني عشان يبعثون روح الطمأنينه في نفوسهم

لكن صعـــــــــب صعب جدا أن يفرض عليك تواجهين ناس وترتاحين لهم وأنت أصلا ماتعرفين شي

عنهم الا انهم من أهلك

ماتعرفين وش تقاليدهم ولا أسلوبهم ولا شخصياتهم ولا حتى مين هم !!وايش سبب هالتواصل

بعد القطيعه!!

لكن الذكي واللبق في تصرفاته هو اللي يعرف كيف يتعامل مع كل

شخص حسب طريقة تفكيره

وأسلوبه علشان يوصل للشيء اللي هو يبيه وفي نفس الوقت يسبب الراحه


والطمأنينه للشخص نفسه

(بيت بو فيصل)

أول مادق جرس الفلــه

نطقت أم فيصل بكلمه وحده بس\وصلـــــــــــــوا

وكان كل الموجودين متحمسين للمواجهه والشماته والتحقييرلكن وفي

نفس الوقت ودهم يشوفون

عيال بو حنين اللي ياما سمعوا عنهم.

طلعت أم فيصل من باب الصاله عشان تستقبل الزوار

وأول ماشافت أم حنين سلمت عليها سلام نقدر نقول أنه حار بعض

الشيء وبعدها سلمت على البنات

أم فيصل\هلا والله

أم حنين\هلا فيك

أم فيصل \شلونكم وشخباركم أنشاءالله بخير

ام حنين\الحمدالله الله يعافيج

ام فيصل\حياكم تفضلوا

أم حنين\الله يحيك

وأول مادخلوا الصاله صار العكس مش هم اللي تفاجئوا بالموجودين

الموجودين أتفاجئوا بأم حنين وبناتها

المهم بدت أم حنين تسلم على الحريم ويوم سلمت

على العمه حصه مارضت الحقيره تسلم عليها الا بأيدها طبعا أم حنين

ردت عليها بأحلى أسلوب

وأحلى طيبه بالعالم .ردت عليها بأبتسامه تحمل طيبة الكون كله.

(والله

ماتستاهل)

لكن يوم سلمت حنين على عمتها ماسوت نفس أمها

ردت عليها بنظرة تحدي واستحقار لأن اللي بين حنين والعمه شي خيال

شي ماينوصف شي خلا

حنين تجيها حاله نفسيه بسسب عمتها الحقيره اللي ماتخاف من ربها

ومستحيل حنين تنسى الموقف اللي صار بينها وبين عمتها لأن هذا

لموقف خلاها تصيح بدال

الدموع دم بسبب ألألم اللي عاشته حنين في هذيك الأيام .الله لا يعودها من

أيام



أم عند البنات فشي ثاني تماما شي ماينوصف كل البنات كانوا مسوين

نفس الحركه

تدرون وش الحركه !!!

كانوا كلهم فاتحين عيونهم و فهم على الآخـــــــــــــــــــــــر

مش مصدقين ان هذيلا البنات بنات عمهم

لأن كانت العنود وحنين ماشاء الله عليهم آيـــــــــــــــــــــــــــــــــه في

الجمــــــــــــــــــــــــــــــــــــــــــــال

صدق الله يأخذ ويعطي عطى ناس المال والغنى وعطى ناس جمال

رباني

هذا طبعا غير كشخة العنود وحنين وسمر اللي غطت على

القـــــــــــــــــــاعدين كلهم

ابدا ماتوقعوا ان عندهم بنات عم جميلين بهدرجه.

ترف بصوت واطي جدا\الله ياخذها تجنن

مرام \أسكتــــــــــــــــــي فضحتينا

سوزان\كأن عمرها ماشافت خير

رهف\بس والله ماألومها.انـــــــــــــــــــــــ ا عن نفسي ماني قادره أنزل عيني من

البنات

سوزان\الا صح وش اساميهم

ترف\ياليتني أعرف أيش أسم اللي لابسه أحمر تهبل(.تقصد العنود)

رهف\لا أنا أبي أعرف أسم اللي لابسه وردي شكلها رزه.(تقصد حنين)

ساره\شكلكم معجبين يالأخوات!!

رهف+ترف\شكلنـــــــــــــــــــــــــــا كذه


العنودبصوت واطي\أقول حنين

حنين بنفس الصوت\نعم

العنود\في شكلي شي غلط!!

حنين\ليـــــــــــــــــــــــــــــــه!!

العنود\والله مدري أحس ان في شكلي شي شين

حنين\ليه تحسين بهالأحساس

العنود\يعني امانه عليك ماتشوفين كيف الجالسين مرصصين عيونهم علينا

حنين\أي والله في هذه أنت صادقه



في الصاله الثانيه

خالد\من وين مطلع الأخ هالجمال اللي يشوفه يقول امه ياسوريه أو يا أمه سوريه

نواف\لا عاد تكفا كأنك جبت شي جديد ويقلد كلامه اللي يشوفه يقول ياأمه سوريه أو يا امه

سوريه

خالد\عاد أنت ووجهك خذ وخل من كلامي نصه مش مفهموم

نواف\أحــــــــــــــــــــــــــــــلف

خالد\واللــــــــــــــــــــــــه

نواف\عاد أنت ماتصدق الحلف عندك زي شرب المويه

خالد\طالع عليك ياولد العم

فيصل بصوت واطي\ انت وياه فضحتــــــــــــــــــونا قدام الولد تتساسرون كأنكم عجايز

ريان\أقول عمر أنت في أي سنه

عمر\أنا في ثاني ثانوي علمي

ريان\تصدق عاد نفسي أنا في ثاني ثانوي علمي

عمر\والله

ريان\أي والله أجل خلاص من اليوم ورايح بنصير أصدقاء

عمر\ياليت والله لأني أنا مفتقد هذا الشيء

ريان\ليه أنت ماعندك أصدقاء بالمدرسه!!

عمر\عندي بس ماتتعدى الصداقه نطاق المدرسه

بيت بو فيصل



ساره\بنات بقولكم شي أسمعوني


ترف\نسمعك تكلمي

ساره\ماتلاحظون أن شكلنا غلط احنا في جهه والبنات في جهه ثانيه

مرام \والله اذا مو عاجبينك روحي أقعدي معاهم

سوزان\صادقه مرام اذا مو عاجبينك روحي أجلسي معهم

رهف\وليه أحنا مانجلس مع بعض.مش هم بعد بنات عمنا

مرام\وععععع مابقى الا أجلس معه هالأشكال

ساره\ليه وشفيهم هالأشكال مالهم رب يعني!!


مرام وباستهزاء\انا ماقلت كذه واذا أنت ميته عليهم روحي لهم ماأحد ضربك على أيدك وقالك أجلسي معنا








حنين بصوت واطي\ أقص أيدي اذا ماكانوا يتكلمون عنا.

العنود وبنفس الصوت\وأنا أقص رجولي الثنتين أذا ماكانوا يحشون فينا

حنين وفيها الضحكه\الحمد لله والشكر علينا كنا بزارين قمنا نقصص بعمرنا

من الزهق

العنود\أي والله من الزهق .اللي يشوفنا يقول كأن حنا جالسين في

الفصل وداخله علينا موجهه وأحنا عشان مانفشل أبلتنا جالسين مؤدبين

وملتزمين الهدوء .بس والله المدرسه أرحم من هذا العذاب



حنين\أقول أسكتي كأن ساره جايه عندنا


وبالفعل ساره جتهم وجلسوا يسولفون شوي مع بعض

وارتاحوا لها وهي بعد ارتاحت لهم كثييير

ساره\بنات شرايكم تجلسون معنا عشان نتعرف على بعض أكثر


العنود\ياليت والله ترانا ميتين زهق

ساره\مدام كذه يالله تعالوا معنا.


والا حنين عندها راي ثاني

حنين\لا والله مو القصد هذا بس أنخاف نثقل عليكم

ساره\أفا ماهقيتها منك ياحنين.بالعكس البنات ودهم يتعرفون عليكم


حنين\أوكي يالله




مرام بقرف\ويــــــــــه شكل أختك الخبله بجيب البنات عندنا

سوزان\ياربي لا تقولين تسويها والله أختي صايره شريفة مكه

ترف\وش فيها اذا جاو عندنا بالعكس وناسه

مرام\اسكتي الله يخليك امحق وناسه




ساره\بنات اعرفكم على بنات عمنا

حنين والعنود

الجميع\أهلين

حنين+العنود\هلا فيكم

ساره\حنين العنود هذه أختي سوزان في ثانويه عامه وهذيلا بنات عمي

عبد الهادي

مرام في الكليه ورهف وترف في ثاني ثانوي

حنين+العنود\تشرفنا

وساد الصمت بين البنات

ترف بصوت واطي\ياربي بمووت العنود تهبل

رهف بابتسامه\لا حنين احلى

وحبت ساره تقطع هالصمت

ساره\وش فيكم تبتسمون ضحكونا معكم

ترف\لا عادي نتكلم عن وحده معنا في المدرسه حلوه كثيير والبنات معجبين فيها

العنود\انا مدري ايش في هالبنات على هالأعجاب كل وحده تشوف بنت حلوه

وشخصيه وتقول انا معجبه فيها والله يضحكون هالبنات

رهف\طيب عادي مافيها شي هذه الموضه هالأيام

ساره\مالت على هالموضه اللي تعرفونها .أستغفر الله اصلا هذا شذوذ والعياذ

بالله

مرام تصاصر سوزان\ماقلت لك اختك صايره شريفة مكهالله يعينك عليها

سوزان\صحيح والله مزهقتني كل ماتشوفني تغط علي ذيك المحاظره الممله

والنصايح اللي ماتخلص




وبعد السوالف والسؤال عن الحال حطوا العشاء وقاموا الحريم يتعشون



على طاولة الطعام

العمه حصه\أقول حنين اكلي حبيبتي شكلك أنت مره ضعفانهاللي يشوفكم يقول

ماعندكم أكل بالبيت

ساره\بالعكس ماشاء الله على حنين جسمها مره روعه كانها عارضة أزياء

حنين حبيبتي خليك كذه دايم لاتزيدين ولا تنقصين

العمه حصه\لايكون حاطينك وكيل على العنود وانا مدريأو لا يمكن حنين صوتها

مختفي أكيد مريضه .شكله ماعندكم في البيت بطاطين ثقيله اذا ماعندكم

قولي لي وانا أعطيكم



العمه حصه تفكر ان حنين ماردت عليها لأنها خايفه منها أويمكن مافيها على لسلنها


بس ماتدري أن هذا الهدوء قبل العاصفه

العمه حصه\ماقلت لكم صوتها رايح فيها من البرد.مسكينه

وهنا حنين خلاص وصلت عندها توها بترد وبتسويها خناقه لكن في شي خلها

تسكت وترد بصوت هادي ومرتاح وهذا الشي انها شافت وجه امها وهي تطالعها بنظره

كأنها تترجها أنها تسكت وماتتكلم عشان ماتصير سالفه كبيره





حنين بسخريه وبصوت هادي\تصدقين عاد ياعمتي.ان توقعاتك صحيحه أحنا مره

مساكين!!الأغطيه اللي عندنا يادوووب تكفيناتصدقين عاد حتى لقمة العيش

بالمووت نحصلها بعد جهد جهيد وتسد جوعنا

لكن ياعمتي الكريمـــــــــــــه ألف الحمد لله والشكر مستوره والحمد لله

الله عطنا اهم وأغلى شي في الدنيا

عطانا قلب صافي وروح طيبه وأي وقت نحس بالخوف والحزن والنقص


على طول نرتمي في حضنها عشان ننسى كدر هالدنيا وهمومها








عطانا ام مافي مثلها بهالكون كله



وأتوقع مهما كانت ملاذ الدنيا كثيير ه وممتعه




أحنا سعادتنا في قلب أمنا الطيب اللي مايعرف الحقد والكراهيه .


طبعا العمه حصه حست أنا وجهها مغطوط ولا قدرت تنطق بأي حرف ومره متفشله

من الكلام اللي ان قال تدرون ليه!!!!!!!!!!!

لأنها تدري أن مستحيل تحصل ربع السعاده والأمان اللي عايشينها عيال أخوها

لأنها للأسف ماتت أمها وهي صغيره .

والسبب الثاني أنها ماتزوجت ولا جربت طعم الأمومه .

وبكذه حنين عرفت كيف تضرب على الوتر الحساس!!!

لكن لا تفكرون ان قلب العمه حصه تأثروالا أنجرح!! لا والله هيهات هذا القلب يتأثر

وهو كله حسد وحقد وخبث


أم فيصل\الله يخليها لكم ذخر انشاء الله

أم حنين\ويخلي كل أم لعيالها انشاء الله

أم فيصل\آميــــــــــن

أم حنين\الحمدلله أكرمكم الله

أم فيصل\وين!!ماكلت شي

أم حنين\لا الحمدلله الله يعافيكم ماقصرتوا

وقاموا بعدها الكل


وبعد العشاء

الساعه1


عند الشباب

خالد\أقول عمر ماتبي تدخل تسلم على عمتي حصه

عمر\الا طبعا أكيد بدخل.أمممم بس هو في حريم كثيير

فيصل بابتسامةخبث\ليه السؤال .ودك يعني!!

عمر\لا حرام عليك ليش نواياك سيئه أنا أقصد أني أستحي أدخل على الحريم

نواف\لا عادي تطمن أحنا بندخل معك عشان نسلم

عمر\ايه زين كذه أحسن

فيصل\يالله سرينا

الصاله

فيصل\أحم أحم

سوزان\أدخل فيصل



طبعا حنين والعنود مايدرون ان الأولاد أدخلو ا الا لمن شافوهم وعلى طول حطوا

الطرحه على وجيهم لكن بعد ايش الأولا د شافوهم وخلصوا ولا أحد نزل عينه عليهمالا زياد نزل عينه لأنه مش مثلهم عينه زايقه

ملا حظه(البنات ماكانوا يتغطون عن عيال عمهم بس يتحجبون لكن حنين والعنود تغطوا لأنهم يعتبونهم غرباء)





وأول ماشاف فيصل حنين انهبل وتيبس في محله وماقدر حتى يشيل عينه من عليها

حتى يوم لبست النقاب جلس يطالع فيها وهو مبهت من اللي شافه

وايضا البقيه خالد ونواف أنهبلوا على البنات وعطوا طاف كبير لبنات عمهم الثانين


وبعدها سلموا الشباب على العمه وعلى أم حنين وسلم عمر على عمته حصه وابتسمت

له حصه بس على طول أختفت الأبتاسامه في وجه العمه يوم تذكرت منهي أمه

وأخته

خالد\ها عمتي شخبارك !!

العمه\الحمد لله أنتوا ايش مسوين ياعيالي

الشباب\الحمدلله

العمه\فيصل شفيك منت معنا


فيصل\ها .لا معك عمتي

العمه\ايه واضح أنك معنابس ترى حنا في الجهه اليمنى مش اليسرى

فيصل وانتبه على نفسه\افا ياعمه أدري أنك هنا كل هالنور وماأحسمايصير



خالد\يلعنها تجنن ماني مصدق أنها بنت عمي

نواف\فضحتنا قصر حسك صوتك واضح

خالد\يعني تبيني أشوف هالزين وأسكت مستحيل


العنود\مالت عليهم شوفي كيف يطالعونا اللي يشوفهم يقول عمرهم ماشافوا خير

حنين\كلهم كوم واللي لابس غتره بيضه كوم ثاني.أحس أنه شوي وعيونه تطلع


(تقصد فيصل)

العنود\أي والله صادقه

مرام\سوزان شوفي أخوك كيف يطالع الزفته حنين بياكلها بعيونه

سوزان\ماعليك منه هو بس أول مره يشوفهم .عشان كذه مستغرب

والا ايش جاب الربيع للخريف

مرام\الله يستر!! أخوك شكله مايطمن



أم حنين\يالله عمر تأخرنا

أم فيصل \وين تو الناس

أم حنين\لا وش تو الناس تأخرنا كثثير وأنتوا بعد ماقصرتوا جزاكم الله خير .يالله

بنات

حنين\ساره أشوفك على خير ولا تقاطعينا ترانا عيال عمورقمي حفضيه لاتنسينه

ساره\أكيد مش مقاطعتكم وبجيكم بعد

حنين\حياك الله في أي وقت. مع السلامه

وطلعت أم حنين مع بناتها.وبعدها بشوي طلعت أم زياد والعمه حصه لبيتهم







بيت بو حنين

الصاله

ام حنين\ها يابنات ايش رايكم بعيال عمكم

العنود\الصراحه كلهم شايفين نفسهم مدري على ايش

حنين\لا حرام عليك لا تعممين ساره غير عنهم كلهمماشفتيها كيف تعاملنا

أم حنين\ماشاء الله عليها طالعه زي أمها لو عمركبير كان زوجته لــساره

عمر\لا تكفون طلعوني من الحسبه أنا صغير على الزواج

العنود بابتسامة خبث\صغير على الزواج والا في بالك شي ثاني

عمر\لا مافي شي في بالي أرتحتي!!

حنين\متأكـــــــــــد!!!!

عمر\أوهــــــــــووووا وبعدين يعني ليش مخليني حديث المجلس غيروا الموضوع

العنود\أوكــــــــــي عشان بس عيون ناس بنغير الموضوع

عمر\أحســــــــــن

ام حنين\وأنت عمر الولاد كيفهم معك

عمر\الصراحه يمه عاملوني احسن معامله واللي جلست معاه اكثر شي ريان لأنه

كبرياما البقيه كبار عليعشان كذه ماحتكيت فيهم كثيير

أم حنين\عسى هالزياره فال خير علينا جميعا


الجميع\انشاء الله



اليوم الثاني


روابي\هلا هيوفه

هيفاء\أهلين روبه

روابي\مالت عليك وش روبه ذي بعد أكيد متعب قالك عنها

هيفاء\هذا أنت قلتيها متعب علمني هالعياره بس تصدقين تلبق عليك هاهاهاهاي

روابي\ضحكي أيه ضحكي يعل ضروسك تطيح قولي آمين

هيفاء\ويه بسم الله علي انشاء الحسودين .

روابي \ومين الحسودين ياأخت هيفاء

هيفاء\والله هم عارفين نفسهم

روابي\المهم ماعلينا شخبارها أمي وشخبار أخواني

هيفاء\أيه تهربــــي من السؤال بس يالله عادي وأهلي بخير والحمد لله ويسألو ن عنك
بعد

روابي\تسأل عنهم العافيه انشاء الله

هيفاء\ شلونك مع الزهق!!

روابي \والله مدري ياهيفاء ممل بشكل فضيع ودي أجيكم وعيالي مراضه مزكمين وحالتهم حاله

وصخونه فضيعه

هيفاء\الله يعينك مدري كيف أنتي متحمله لو أنا منك كان حطيت عيالي عند نايف

وماطقيت لهم خبر

روابي\أيه أنت تقولين كذه بس لو تزوجتي وجبتي عيال راح تعرفين معنى هالشيء

هيفاء\لا أنا مش متزوجه الا بعد 6سنين

روابي\وايش معنى 6 سنين

هيفاء\بس علشان أخذ حريتي وراحتي ولا يجيني زوج وعيال يتأمرون علي

روابي\أيه أنتوا بابنات هالأيام تقولون كذه بس أذا سمعتوا طاري الزواج أنخبصتوا

واتفاجئتوا وتسون روحكم مؤدبات ورقيقات,.لأنكم بتتزوجون


هيفاء\ليه أنت كنت كذه!!

روابي\أيــــــــــه كنت كذه اسوي نفسي رقيقه واستحي


هيفاء\طيــــــب بعلم عليك زوجك

روابي\روحي علمي تفكريني بخاف يعني!!

هيفاء\بعـــــــــــد ماتخافين وتردين صج تزوجتي وخرفتي

روابي\أيــــــــــه ايش مفكره بظل هاديه وخجوله



هيفاء\حرام عليك بتخربين أفكاري وانا توني صغيره خليك قدوه حسنه لي

روابي\لا مالاداعي أمي تكفي صيري مثلها لو علي أنا بخرب عقلك وبقولك الأشياء الشينه عن الزواج

هيفاء ةبدت تخاف من تفكير أختها\من صجك تتكلمين

روابي وتضحك\هاهاهاهاهاها ي والله أنك هبله وبسرعه تصدقين لا طبعا تراني

أتغشمر معك لاتقلبينها جد

هيفاء\ويه الحمد لله تدرين أني شوي وبصدق أن هذا تفكيرك عن الزواج .

زين انك أعترفتي والا كنت خذت عنك فكره سيئه

روابي\لا شدعوه امزح!!!!!!!!!! وبعدين ماتعرفين تفرقين بين الصح والغلط

هيفاء\طبعا أعرف بس أنت تلخبطين الواحد

روابي\أوكــــــــــــــي حبوبه ماأطول نايف بيجي الحين ولا زم أسويله العشاء

هيفاء\ماأقدر على اللي بيسون العشاء هاالله هالله بالطباخ السنع

روابي\افا عليك أعجبك أنا

هيفاء\أيه ماشاء الله عليك طالعه علي

روابي\ياويلي على الوثوق .اقول بس
مع السلامه

هيفاء\مع السلامه


بيت بوحنين

حنين\شوفوابنات الأمتحانات على الأبواب ولازم كل شي تركزون عليه لأنكم ثانويه

عامه وماتدرون يمكن حتى الأشياء اللي محطوطه على الهامش تجيبها الوزاره عشان

كذه أبيكم من اليوم تراجعون اللي عطيتكم أياه واي حاجه تبونها سألوني o.k

مريم\طيب أستاذه تتوقعين يجيبون الوزاره أسئله من نموذج الدور الثاني


حنين\أكـــــــــــيد يبيلها هذه كلام

سميره\بس الأسئله مره صعبه والصراحه أنا ماعندي أجوبتها بس عندي النماذج

حنين\خلاص حبايبي مايصير خاطركم الا طيب أفرزوا أوراق النماذج كلها وحطوا

الأسئله اللي تبونها في ورقه وعطوني اياها وانشاء الله أنا في خلال يومين أعطيكم


أجوبتها طيب!!

مريم\مشكوره كثيير

حنين\ولو انا أقوم بالواجب.لاتقولين مشكوره ثانيه طيب الحين أحنا خرجنا عن

ناطق الدراسه وقمنا نسولف بأمور جانبيه والوقت كذه بيروح عليكم.يالله بسرعه

حلو هالمسأله وبنشوف منوا أسرع وحده



الصاله

سمر وتصيح\ماما شوفي الباربي حقتي فستانها أنقطع

ام حنين\طيب خلاص حبيبتي اذا رحت السوق بشتريلك وحده غيرها

سمر وهي تصارخ\لالالالالا مابي مابي أبي هذه حقتي مالي شغل ليه أختربت

العنود\والله ماأحد قالك تاخذينها معك وانت تتسبحين بزعم أنها وصخه وتبين

تسبحينها

سمر وتصيح بصوت عالي\أبي باربي أبي باربي حقتي ليه أختربت .مالي شغل ماما

صلحيها

ام حنين\وشلون أصلحها خلاص اختربت

سمر\مالي شغل خيطي فستانها

العنود وهي تضحك\الحمد لله والشكر صج بزر

سمر\أمــــــــــي شوفي عنود تضحك علي

أم حنين\يالعنود تكفين لا تضحكين والله راسي مصدع

العنود\هاهاهاهاهاهاهاهاهاهاهاهاهاي ويـــــــــه بزر ههاهاهاهاهاهاهاي بزر ه

تصيح هاهاهاي

وسمر يوم شافت أختها تضحك عليها اكثر أستمرت بالصياح أكثر من أول وماعرفت

أمها كيف أتسكتهاوماسكتت الا لمن جابت امها لها أبره وخيط وخيطت الفستان حق

الباربي

ام حنين\خلاص أرتحتي الحين وهذا الفستان وخيطناه لك ومش شاريه لك باربي ثاني

العنود\استغفر الله على دلع البنات هالأيامالله لا يبلانا

سمر وهي تمش دموعها\مــامــا

أم حنين\نعم حبيبتي

سمر\ابي باربي ثانيه

أم حنين\وليه انشاء الله وهذا الباربي وخيطنها لك وش تبين بالثاني

سمر\أبي وحده تصير أختها

العنود\وليه بعد يكفينا وحده اذا جبنا ثانيه بنبتلش فيهم

سمر\طيب اذا أنا كبرت ورحت الروضه مين يجلس مع الباربي حقتي بعدين تصيح


العنود\هاهاهاهاهاهاهاهاهاهاهاهاهاهاهاهاههاي

أم حنين\الله يلحقنا خير على هالروضه

العنود\موقلت لك يمه دلع بنات بعدها بتقول ابي خدامه للباربي حقتي!! مين

يسبحهم ويأكلهم اذا كبرت ورحت المدرسه,,,,,,,,,,,هاهاهاهي الله يعطينا العقل


أم حنين\والله أني بستخف اذا جلست معكم خليني أشوف العشاء أحسن لي

العنود\يمه خذيني معك ماني ناقصه ضحك زياده أخاف أموووت من الضحك على

بنتك الخبله

سمر\أنت الخبله

العنود\وأنت البزره

سمر وبدت تصيح\ماما شوفيها

العنود\ماما شوفيها

سمر\أنا ماأحبك

العنود\وانا بعد ماأحبك

ام حنين وبعصبيه\عنود روحي ذاكري في غرفتك وفكيني من هذرتك ترى راسي صدع

العنود\خلاص يالغاليه بروح وبفكك من شري ســـــــــــلام

ام حنين\وانت اجلسي وفكينا بروح انا المطبخ



بيت بولافي\

الصاله

أم لافي\لافي يمه تقدر تروح بيت عمتك أم حنين

لافي\أكيد أقدر أروح بس ليه تبيني اروح

أم متعب\أبيك تودي شوية أغراض لعمتك هي تبيها

لافي\انشاء الله أنت تأمرين أمر يالغاليه بس بروح أبدل ثيابي وأجيك

يوم نزلت ريم من الدرج شافت لافي يركض في الدرج وسألته أشفيك تركض

بس هو ماعطاها أي أعتبار وراح عنها

دخلت الصاله وشافت أمها

ريم \أمــــــــــــي وشفيه لافي يركض كذه

أم لافي\مافيه شي راح يبدل علشان بيروح بيت عمتك أنا موصيته على أغراض

ايوديها

ريم\أهـا السالفه فيها عمتي .طيب يمه حبيبتي قلبي أنت ممكن أروح معه

أم لافي\وليه ماتقرين في البيت وتقابلين دروسك

ريم\يمـــــــــه عفيه الله يخليك خليني أروح معه صدقيني ماعندي شي بكره

ووجباتي حليتهم.عفيه يمه

أم لافي \طيب فكينا من حنتك واذا رضا بخليه يوديك

ريم وراحت وحبت راس أمها\أمووت فيك أنا ياجميل

ام لافي\بس هذا اللي فالحه فيه وخري عني أشوف

ريم \ياحليلك وانت معصبه يمه


لافي\هايمه وين الأغراض

أم لافي \روح أنت وانا بخلي الخدامه توديهم لسيارتك.اه صح ود ريم معك

ام لافي\لالا يمه هي كل مره ترز وجهها بيت عمتي زهقوا منها

ريم\يمـه شوفيه

أم لافي\ بس هالمره خليها تروح معك

ريم\تكفـى لافي تكفـــى




وبعد تفكير

لافي\بسرعه لبسي عباتك والا والله لروح عنك

ريم\ثواني وأكون بالسياره


راحت ريم تجيب عباتها وعلى طول لبستها وركبت السياره

وشوي والا هم واصلين بيت عمتهم


بيت بوحنين

دق جرس البيت كذا مره بس ولا أحد راضي يفتح الباب كلن مشغول بشي

حنين تدرس البنات

وأم حنين في المطبخ

وعمر طالع مع عيال الجيران

والعنود تشوف التلفزيون ومالها خلق تفتح الباب

أم حنين\العنود يالعنــــــــــــــــود فتحي البالب هذا أكيد لافي


وربعت العنود تفتح الباب بسرعه يوم سمعت أسم لافي


وطبعا كان الباب لها تليفون من داخل

لافي\الو فتحوا الباب



وماسمع لافي غير صرخــــــــــــــــــــــــــه هزت البيت بكبره

العنود\آآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآي يمــــــــــــــــــــــه




وكانت أم حنين في المطبخ ويوم سمعت صرخة العنود طلعت من المطبخ وراحت للعنود

وجت حنين بسرعه لأنها خافت من صرخت العنود وقالت أكيد صاير شي كايد وسمر معاها

أم حنين\يمــــــــــــــــــــــه بنتـــــــــــــــــــــي

العنود وكانت تصيــــــــــــح\يمـــــــــــــــــه يمـــــــــــــــــــه لحقيني

وجات حنين تركض وقالت\ايش صاير.

العنود وتصيح بصوت عالي\أبـــــــــــــــــــــــره أبـــــــــــــــــــــره في رجلي وماني

قادره أشيلها



(وطبعا عرفتوا الأبره من وين !!الأبره هذه الله يسلمكم كانت عند سمر تخيط فيها

الباربي اللي ذبحتنه عليه على قولتها في جهه أمها ماخيطتها زين وجات الأخت

سمر تخيط ويوم زهقت رمت الأبره على الأرض وراحت تلعب بغرفتها <<<دلع بنات)




لافي \العنــــــــــــــود العنــــــــود الو الـــــــــــــــــــو العنـــود ردي علــي

حنين\من وين هالصوت!!

أم حنين\أووووووووووه نسيت لافي فتحيله الباب

العنود\يمـــــــــــــــه تألم رجلي كلها دم يمــــــــــه آآآآآآآآآآآآآآه تعـور

وفتحت الباب حنين لــ لافي وبسرعه لافي وريم ركضوا زي البرق لداخل البيت

لافي\العنـود ايش صايـــــــــــــــرويوم شاف لافي العنود نزل عيونه على طول لأنها

كانت بدون حجاب لكن ريم راحت وجلست في الأرض عندالعنود

ريم\العنود حبيبتي ايش فيك

أم حنين \تكـفى لافي شغل سيارتك خلينا نودي العنود المستشفى

لافي وقف متصنم 5 دقايق مش مصدق أن العنود حبيبته طايحه على الأرض وتصيح

من الألم وهو مش قادر يسوي لها أي شي.

ريم\لافــــــــــــــــي يالله

لافي\طيب طيب يالله بسرعه شيلوها وانا أنتظركم بالسياره

أم حنين\حنين روحي جيبي عباتي وعباة أختك بسرعه

حنين\لا يمه أنت جلسي هنا وانا بروح مع ريم و العنود ماعليها شر انشاء الله

أم حنين\لالا ماأقدر هذه بنتي ماأقدر أخليها لوحدهــا ماأقدر

حنين\يمه الله يهداك أنا بروح معها أنت ماتقدرين تروحين وأنت بهالحاله

ريم\اي والله ياعمتي انت ارتاحي وانشاء الله أحنا بندق عليك نطمنك


أك حنين\والبنات اللي تدرسينهم

حنين\خلاص الحين أبوهم بيجي ياخذهم.أنت لاتحاتين تطمني

أنا بروح أجيب العبايات

وراحت حنين تجيب العبايات ولبست أختها عباتها ومسكوها من أكتوفها لأنها ماتقدر

تمشي

وركبوا السياره ولافي ساق بسرعه جنونيه و راح لأقرب مستشفى


ريم\لافي شوي شــــــــويالله يهديك بنصدم

حنين\لافـي انتبه الأشاره

اما لافي خبر خير مش معطيهم أي أهتمام .مره السرعه 120 وطاف أكثر من أشاره لأنه

مش قادر يتحمل الم العنود وصياحها

واخيرا وصلوا المستشفى والحمد لله مافي اصابات

ونزل لافي من السياره وعلى طول جاب كرسي متحرك للعنود

ودخلوا قسم الطوارىء

ومابقى سبه ولعنه ماقالها لافي للممرضين لأنهم للأسف في مجتمعنا هذا عادي

عندهم واحد مات ولا واحد مصاب ولا واحد مريضكل الحالات عندهم نفس الشي

وخصوصا المستشفيات الحكوميه

يمشون ببطىء وكأن عندهم حاله عاديه تتكرر كل يوم ومش معطين أي اهتمام

للمريض اللي ميت من الوجع والألم

وكان واقف عند الأستعلامات وكانت اللي تشتغل موظفه أجنبيه

لافي\بســــــــــرعــــــــــه ماتشوفين أن في وحده تنزف دم

وهي الخبله من الخوف بسبب صوت لافي العالي ماقدرت تقول شي

لافي وهويصارخ \هـي أنت أنا أكلمك

وطلع من الغرفه شاب في مقتبل العمر وكان دكتور مناوب لحالة الطوارء

الدكتور محمد\أشفيك أخوي عسى ماشر ليه تصارخ!!

بس يوم شاف العنود وهي رجلها تنزف دم سكت وماقال شي ودخل العنود في احدى

الغرف وكشف على رجلها وقال لهم لازم نسوي نشق رجلها عشان نطلع الأبره اللي

داخلها

حنين\لا وش تشق رجلها حرام عليك ماتعرفون تطلعونها بشي ثاني

الدكتور محمد\لا أختي مانقدر لازم نسوي عمليه ونشق رجلها لأن الأبره داخل اللحم

والحين لأن مافي وقت

العنود وهي تصارخ بأعلى صوتها\لالالالالالالا ماأبـــــــــــــــــــــي

ابـــــــــــــــــي اروح البيت أبــــــــــــــي امــــــي تكفين حنين لاتخلينهم يشوقون

رجلي

بس حنين ماعطتها أي اهتمام ووافقت ان العمليه تتسوى

العنود\ريـم لافي الله يخليك مأبي لاتخليهم يسون فيني شي الله يخليك لافـــــــي

لا تتـــــــــــــــــركنـــــــــــــي لافـــــــــي


لافي ماقدر يستحمل الوضع أن العنود تترجاه وهومش بأيده أي شي

طلع من الغرفه لأنه خلاص مش قادر يشوف دموع العنود وعيونها اللي تتوسل له

حاولت حنين تهدي أختها ولاتخليها تشوف ابر البنج عشان يسون العمليه


ومسكت حنين أيد أختها بقوه عشان ماتقوم

حنين\أهدي حبيبتي لاتشدين أعصابك وارخي أيدك

وعلى طول جاب الدكتور أبرة البنج وغز الأماكن اللي حول الأبره

وطبعا العنود صرخت ذيك الصرخه لمن خلت أغلب دكاترة المستشفى اللي في قسم

الطوارىء يجون للغرفه

العنود\آآآآآآآآآآآآآآآآآآآآآآآآآآآآآآآآآآآآآآآآآآآ آآآه لالالااالالالالالالالا تركوني أقولكم تركوني حرام

عليكم ياللي ماتستحون

حنين بذبحك تركيني تركينــــــــــــي وخري عني أبي أقوم أبي أروح البيت الله

يخليكم تكفـــــــون آآآآآآآآآآآآآآآآآآآآآآآآآآآآآآآه

لكن مامن مجيب لصرخات العنود

ريم ماقدرت تستحمل وضع العنود وطلعت مثل أخوها بره الغرفه وكانت ميته صياح

وشافها لافي وضمها لصدره لأن هوبعد متأثر مثلها وحابس دموعه ويكابر

لافي\خلاص ريم العنود بتقوم انشاء الله هي عمليه صغيرونه وبتشوفينها تنطنط

مثل الحصان

ريم\حرام عليهم يسون في العنود كذه هي ماتحب الأبر وتخاف منه
ا
لافي\كلن يخاف من الأبر كبير أو صغير بس ايش تسوين لازم نتحمل و نطلع الأبره

من رجلها.ولا تبينها تتم ملازمه للـ ابره

ريم\ياويلي يالعنود الله يعينك حبيبتي



وجاء صوت من بعيد

:لافــــــــــــــــــــــــي

لافي\ متعــــــــــب هلا شخبارك!!!!

متعب\ الحمد لله بخير!!عسى ماشر شفيك جاي المستشفى

لافي\الشر مايجيك لكن بنت عمتي انجرحت و داخله في رجلها أبره وانا اللي جبتهم

متعب\سلامات ماتشوف شر انشاء الله على العموم أي شي تبونه أنا حاظر

لافي\ ليه أنت توك مداوم !!

متعب\أيــــــــــه ماأخذ شفت اليوم يالله فمان الله

لافي\في حفظه


وراح عنهم متعب

لافي\ريم دخلي شكلهم خلصوا

ريم\ماأنت داخل

لافي\لا أول أنت شوفي ايش حالها وتعالي طمنيني بسرعه

ريم\طيب

لافي\أقول ريم لاتطولين الله يخليك

ريم \انشاء الله




متعب\ياربــــــي أكيد حنين الحين موجوده في المستشفى


بس لايكون هي اللي مريضه!!!!

لا انشاءالله يارب ماتكون هيبس كيف أعرف !! و لافي الله يهديه ماقالي أي وحده

فيهم !!

ياربي كيف أتأكد أنها مش هي!!




بمووووووووووت اذا ماعرفت


أيـه بس بتصل بأختي هيفاء وهي تدق على رقم حنين وبكذه أعرف !!


















تحياتي**الحب المجروح**

يملا الثانكس الكبيييييييييييييييييييييييييييييييييير
الحب

يسلمووووووووووووووووووووووووووووو

وبليييييييييييييييييييييييييييييز كمليها

[align=center]الف شكر الحب المجروح ويعطيك العافيه
نتظر المزيد وشكراً مره اخر [/align]

العفو والله يسلمك ومشكوره على المرور سعوديه

العفو والله يعافيك ومشكور على المرور طمني عليك