الموضوع: تعبت أشكي (قصة سعودية) . ~*على أجزاااء*~

الجزء التاسع عشر

ترف\قليلة الأدب


العمه\وبعدين شفيك فضحتينا!! الناس كلهم يطالعونا!!


ترف\لفوا وركم وبتشوفون!!


لفوا على المكان اللي أشرت لهم أياه ترف وشافوا بنت في العشرينات توها داخله

المطعم مع شاب خليجي وماسكها من خاصرهاويضحك معها بصوت عالي ولا همه

أحد.وهي الي ماتستحي ماقصرت وباسته قدام الناس


نواف\ههههههههههههههههههههههههههاي وناسه.


خالد\أموووت انا على المواقف الرومانسيه.أيه أشعليك ياحبيبي في لبنان وأهلك

مش دارين عنك.


ساره\صج قلة أدب هذيلا الشباب أذا سافروا عن أهلهم يسون هوايل ويفكرون

نفسهم في المريخ


خالد\عادي ياحبيبتي كل الشباب كذه.


ترف\نعم نعم نعم أستاذ خالد!!يعني أنتوا منهم!!


خالد وحب يقهرها شوي\يمــــكــــــنكل شي جايز

بهالدنيا

ترف\أصلا أنتوا. .والا خليني ساكته

أحسن لي.


خالد\فكـــــه منك ياأم لسانين.


ترف\مالت عليك ماغيرك بو لسانين.

خالد\شوفي عاد أنا ساكت عنك لأنك بزر والا


العمه\لا لا لا حلفت عليكمخالد أفصخ جزمتك وعطها بكس في وجههاوأنت

آنسه ترف خذي الملعقه اللي جنبك وفلعيه براسه.وش ذه!!! زهقتونا من أول

ماجينا لبنان وأنتوا كله تتخانقونطفشتونا.


خالد\لالالا أحنا أخوان وحبايب ومانسوي هالحركات صح ترف!!!

ترف\أيـــه أيـــه أحنا أخوان ومؤدبين مانسوي هالحركات


خالد\مره هالبنت مره

ترف\رجــال هالولد رجــال

الكل\ههههههههههههههههههههه.


وبعد ساعه.

زياد\مشينا!!!

العمه\يالله.

طلعوا من المطعم وأركبوا السياره

زياد\ها وين تبون تروحون!!

سوزان\البحرنبي نروح البحر.

زياد وهو يناظر المرايه \أنشاء الله

مرام\سوزانوا شمسويه بأخوي!!!

سوزان وهي متفاجئه\أنا!!ماسويت شي.

مرام\أيه واضح

سوزان\ليه أنت حاسه بشيء!!

مرام\أيه أحس أنه فرحان ودايم يسولف ويوزع أبتسامات.

سوزان بغرور\طيب وش دخلني أنا كيفه هو حر بتصرفاته

مرام\زين زين.ليتني ماكلمتك.

سوزان\أحسن


وصلوا البحروياحلاته من بحر.الشمس كانت بحالة غروب وشوي وبتغيبالمنظر

كان رائع جداوتشوفون الناس في جميع الأماكن اللي جالس مع أهله واللي

يلعب مع الأطفالواللي يتسبح في البحر.بس اللي عكر الجلسه البنات اللي

مايستحون اللي جالسين بــ بكيني وأشتعلت نار الغيره والقهر في نفس البنات
.
سوزان\لا خلاص ماأبي بحر.ودونا أي مكان ثاني.

خالد\وليه أنشاء الله تونا جايين.

ترف\ايه صادقه سوزان مانبي نجلس بنات البلد مايستحون.

خالد وهو يطالعها بنص عين\ليه آنسه ترف تغارين!!

ترف\انا!!أغار!!!هاهاهاها ضحكتني ياخالدوليه أغار !!من حلاتكم عشان أغار

عليكم!!!

خالد\أصلا أنت تتمنين زي أشكالنا.

ترف\أيـــــه أيـــه

العمه\طيب بنات أنا بروح الصالون اللي جنب الشقه وأنتوا رحوا تمشوا بعدين تعالوا

لي!!

رهف\أوكي أحنا نبي نروح الملاهي!!

نواف\وش ملاهي بعد!!!

ترف\أي والله تكفى أخوي نبي نروح الملاهي!!

نواف\ها شباب شرايكم!!

خالد\أيه خلنا نروح عشان أطفر فيهم زي الصيف اللي فات.

العمه\أوكي اللحين ودوني الصالون وروحوا الملاهي وبينا تليفون.







العنود\لافـي.

لافي\العنـود.

العنود يفرحه كبيره\شخبارك!!!

لافي\أنتي بخير.

العنود\أيه

لافي\خلاص حتى أنا بخير.

لافي\العنود

العنود\هلا.

لافي\صج أني زعلان عليك بسبب أنك رحتي المستشفى بدون ماتقولين ليلكني غفرت
غلطتك وسامحتك.

العنود\صدقني لافي مابغيت أتعبك.

لافي\العنود

العنود\نعم

لافي\أحد يتــــــعب روحـــــه

العنود متفاجئه\هـــا

لافي بصوت واطي\من قال ها سمع.

ومشت عنه


لافي\لحظه العنود

العنود وهي منزله عيونها\في شي.

لافي\ممكن أكلمك شوي

العنود\تفضل

لافي\لا مش هنا في وقت ثاني.

العنود مستغربه \ليــش

لافي\حرام أكلمك.
العنود\لا مش حرامبس صعبه شوي.

لافي\العنود أنــــــــــاأنـــــــــا.





ريم\أنت أيش يالافي!!

لافي\ريم


ريم\أيه ريم فضحتونا الكل عرف أنك بره عند الباب

لافي\أيش دراهم!!

ريم\لأنهم يدرون أنك بتجي اللحين

لافي\زين أنت روحي وأحنا بنجي.

ريم\لا ياحبيبي ألعب على غيريرجلي على رجلكم تمشون معي.

لافي\أوووف منكالعنود تكلمي قولي شي.

العنود\أيش أقول

لافي\أي شي فهمي أنتي عاد.

العنود وهي منحرجه\مثل أيش مثلا

لافي وهو معصب\!!لا ولاشي .سلامتك الشيخه

العنود\وليه أنت معصب اللحين!!

لافي\لأنك تقهرين أحر ماعندي أبرد ماعندك.وخروا زين أنا اللي بدخل.

ودخل لافي وهو مفول من العصبيه.

العنود\ريم ريم لحقيني لحقيني

ريم\اشفيك العنود

العنود\نارنارأحس بحراره حراره

ريم\بسم الله عليك شفيك.خرعتيني!!!

العنود\لافي لافي بيذبحني بيموتنيانا ماقدر ماأقدر.

ريم\العنود والله لو ماتكلمتي لأذبحك شفيك!!!

العنود\أول شي حطي أيدك على قلبي

وحطت ريم أيدها على قلب العنود وحست أن دقاته بتنفجر

ريم\العنود هدي أشوي أتنفسي قلبك شوي وبيطلع

العنود\تدرين ليه!!

ريم\ليـــه!!!؟

العنود\لأنلأنوال خلاص مش قايله

ريم\والله بتقولين واللحين بعد

العنود\لأن لافي قالي أحد يتعب روحــهيعني أنا روحه ياريم روحه

ودنيتهونـــاسه.بموووت.بمووووت

ريم\لا والله !!!صج ماتستحين خرعتيني على الفاضيكأنك جيبتي شي جديد

يعني.ندري من زمان أنه يحبك.يالهبله.

العنود\حتى أنا أدري بس غير اذا سمعتيه يقولها بلسانه .ياويلي ياريم بيغمى علي
ريم\أنتظري أنتظري لا ياغمى عليك اللحين أخاف روميوا يرتكب فيني جريمهأصبري

لمن ندخل الصاله.

العنود\ريم بقولك شي

ريم\وش هالشيء!!



العنود\.أنا أحب لافي.


ريم\لولولولولولويييييييشههههههههههههههاي

العنود\الله ياخذك فضحتيني شفيك تلوليشين.

ريم\حبيبتي والله وأخيرا قلتيها وأخيرا.آآه لويدري لافي بيستخف بيطير عقله بروح

أقولهوتوها بتروح الا مسكتها العنود

العنود\وين وين !!أنت مجنونه تبين تجيبين لي الجلطه.والله ماأنت قايله له شي


ريم\ليه!!صج عذال الهوى صايره ليتحرمين الفرحه لأخويحرام عليك.

العنود\ريمــوا لا تخليني أندم أني قلت لك وبعدين أنا أستحيماأقدر.

ريم\طيب ممكن ياآنسه نكمل حديثنا داخلتراني تعبت من الوقفه

العنود\أوكي يالله.






سوزان\لالالالالالا مستحيل أركب معكم هذه اللعبه. أنا اخاف!!

مرام\بالعكس حلاة السفر المغامره.

خالد\سوزان خليك كوول وقويه وأركبي.

سوزان\مستحيل مستحيل أركبها

زياد\خلاص أنتوا أركبوا وأنا بجلس مع سوزان.

نواف\ويوا يالبزرتخافين.

سوزان\أيه أخاف عندك مانع!!

نواف\لا ماعندي.ههههههههه

خالد\المهم يالله مانبي نتأخر.

زياد\أوكي روحوا وأحنا بنستناكم

مرام بصوت واطي\من قدك ياأخوي بتجلس مع حبيبتك.

زياد خزها بعينه وأنطمت ونزلت عيونها بالأرض ومشت مع البقيه.


ركبوا الشباب اللعبه وكل وحده من البنات ماسكه قلبها لكنهم يسوون نفسهم

أقوياءلأنهم مايبون يتفشلونوخصوصا ترف كل شي عندها ولا تنحرج قدام خالد

عدوها الأبدي.


وهم في اللعبه

ترف\بسم الله بسم الله بنات أقروا آية الكرسي

ساره\أشهد أن لا اله الا الله وأشهد أن محمد رسول الله.

وكانت اللعبه عباره عن كراسي قريبه من بعض وتقريبا تشبه لعبة الشوايه اللي تتقلب
خالد\هههههههههههههههاي من صجهم هذيلا اللي يشوفكم يقول بتموتون والا رايحين

تحاربون. ههههههههههههههاي هههههههههههههههههههههههههههههههاي

نواف\ههههههههههههه خالد تكفى تكفى شوف ترف وساره كيف يرتجفون كأن

ضاربهم كهرباء هههههههههههه هههههههههههه

خالد\أقول بنات شوي شوي خلصتوا الأكسجين اللي في الهواء

ترف وهي معصبه\ياملقك ياأخي.

خالد\ماأقدر أنا على اللي يعصبون.ههههههههههههههاي

ترف\أأأأأأأوص أأأأأوص ولا كلمه بدت اللعبهيمـــه أنا خايفه.







زياد\تبين أيس كريم !!!

سوزان\عادي

زياد\طيب أنا بروح أطلب لك معي.

سوزان\أوكي

زياد\أوكي أجلسي هنا لمن أجي

سوزان\طيب

سوزان\زيــــــــاد

زياد\هلا

سوزان\لا تتأخر لأني أخاف.



زياد ماقدر يقول شي (سوزان تخاف لوحدهاتعتبرني أنا الآمان .ترتاح

لوجوديأتقبلتني أكثر من أول.ياربي كم بعيش.وتلوموني اذا حبيتها.)أشر على

عيونه الثنتينيعني قصده يقول من عيونيومشى






بو لافي\خلاص هذا قرارك النهائي.


حنين بعيون كسيره\أيه ياخالي أنا قررت أتزوج فيصل وقلت لأبوي وأكيد الخبر وصل


لهم اللحين.


بولافي\الله يوفقك يابنتي ويسعدك ويكتب لك الخير يارب


أم حنين\آآمين ياأخوي الله يسمع منك


لافي\خلاص ياحنين بتتزوجين قبليوأحنا مقررين نتزوج في وقت واحد


حنين\شسوي يالافي قسمه ونصيب.وبعدين أنت ماتبقى لك الا القليل وتتخرج.يعني


يالله خلص أموركواذا تبيني اخطب لك ترى ماعندي مشكله


لافي\خلاص شورك وهداية الله وأنت خطبيلي بس أنا خايف البنت اللي بتختارينها

ماتبيني !!


حنين\لا تخاف في هذا الشيء انا ضامنه أنها تبيك.أنا أعطيك الآمان.


لافي\يعني خلاص أعتمد عليك.


حنين\أعتمد وأنا أختك.



بولافي\يالله عيل أحنا نستئذن وأي شي جديد علميني


أم حنين\أنشاء الله ياأخوي ماقصرت.


أم لافي\مع السلامه.


لافي بابتسامه\حنين سلمي عليهم.


حنين\يبلغ .



أم لافي\حنين تكفين حبيبتي روحي نادي ريم قوليلها بنروح

حنين\أنشاء الله

أم لافي\يالله مع السلامه

الكل\الله يسلمك.




حنين\ريم يالله بتروحون.


العنود\وين ماقعدت معك.


ريم\مره ثانيه أنشاء الله مع السلامه

العنود\عاد أنت ماصدقتي على الله ياسخيفه باااي روحي أنقلعي


ريم\أفا والله أفا وهذه بوسه أموووه ولا تزعلين .يالله مع السلامه بنات







سوزان\يوســــف.


يوسف\أيه يوسف يالخاينه خلاص نستيني يوم رحت لبنان وين اللي يقول أنك

بتكلميني


سوزان\صدقني يوسف كنت بكلمك لكني ماقدرت الكل جنبي.


يوسف\لالا هذا مو عذر.أنت نستيني وماعدت تحبيني

سوزان\حرا م عليك يايوسف أحد ينسى نفسه.أنا أحبك يوسف والله أحبك


أوكي يوسف يالله مع السلامه أكلمك بعدين


زياد\تأخرت !!

سوزان وهي مرتبكه\لا عادي

زياد\مين كنتي تكلمين!!

سوزان\أناأيه هذا صديقتي تسال عني.


زياد\أهــا زين عيل خذي الأيس كريم.


سوزان\شكرا

زياد\العفو



ترف\لالالا راسي راسي ياناس أحس بدوخه أخ راسي مفترمااٌقدر
امشيمسكوني.آآآآه


خالد\ههههههههههههههههههههههههههههههههههههههاي

هههههههههههههههههههههههههههاي واللله أنك شي ياترف يمه بطني بموووت

هههههههههههههههههههاي


زياد\شفيكم شصاير!!!

خالد\فاتكم نص عمركم.

سوزان\ليه أيش فيه!!

خالد\ هههههههههههههههههههههههههههاي نواف تكلم أحس أني مش قادر أقول

كلمه على بعضها ههههههههههههههههههههاي هههههههههههههههههههاي

نواف\الله يسلمك الآنسه ترف جلست تصرخ في اللعبه وتقول أبي أمي أبي أميأبي أبوي.وشوي وبتقول أبي زوجي هههههههههههههأما

الآنسه ساره جلست تتشهد طول اللعبه.ورهف ومرام وريان من خوفهم ماقدروا

يقولون شيتصنموا ههههههههههههههههههه


خالد\هههههههههههههاي لا والنكته يوم أنقلبت اللعبه على ورى ترف قامت تقول الله

يلعنك وقفها الله يلعنك يالحقير يالحقير ياللي ماتستحي يالزفت والله لعلم عليك أبوي

وقف اللعبه أقولك


وقفها.ههههههههههههههههاي ههههههههههههههههههههههههههاي


ترف\والله أنكم ماتستحون وأنا أقول أشفيها سوزان ماتبي تركب.أثاريها تدري وش

بيصير ولا قالت لنا.

سوزان\والله ماأحد ضربك على أيدك وقالك أركبي.


مرام\بس من جد أنا مت وحييت في هاللعبهخلاص مستحيل العب مره ثانيه


ودق تليفون نواف وكانت عمتهم تبيهم يجون لها وسكر السماعه منها وأركبوا السياره

وراحوا لعندها بعدها راحوا يتعشون وكانت هذه آخر ليله يقضونها في لبنان لأن الصبح

رحلتهم للسعوديه






هند\وأخيرا خذت الرسالهوأحنا اللي مفتكرينها على طول بتجي وبنعرف مين هذه


البنت.


هند\العنود.


هند\العنود.


العنود\


هند\العنـــــــــــــــودوصمخ

العنود\هـــا شفيك تصارخين أنا جنبك من بعد المسافه يعني.


هند\لي ساعه أناديك وأنت في عالم ثاني


العنود\آآه بس خليني ساكته

هند\ليه شصاير!!!

العنود\مافي شي بس كنت أفكر

هند\تفكرين في منوا!!

العنود\أفكر أفكروأنت شعليك!!.صج لقافه






ام حنين\حنين ماتبين تشترين فستان للملكه!!!

حنين\يمــه عندي فساتين مش لازم.


أم حنين\من صجك أنت بتلبسين فستان ملبوس وش بيقولون علينا الناس!!

حنين\أنا مش هامني أي أحد خلاص ماعدت أهتم بأي شي


أم حنين\بس يابنتي لازم تشترين الفستان مابقى شي الوقت ضيق.



حنين\وبعدين.


أم حنين\وش هو بعدين بعد!!!ياحنين يابنتي الله يرضى عليك خلاص أنسي حاولي

تفكرين باللي جاي وتوكلي على ربكالله بيسر لك أمرك.وتكفين اليوم تروحين مع

عمر السوق وتشترين لك اللي تبيه.


حنين\أنشاء الله


ام حنين\على فكره أم فيصل دقت اليوم وقالت أنهم يبونك تختارين أغراض الملكه


حنين\أي أغراض!!؟


أم حنين\يعني قصدها الكيك والكوشه والزفه وكل شيء.

حنين\ومين قال أنه بيدخل يشوفني

أم حنين\ليه يابنتي أحنا مانقدر نمنعه هذا حقه.

حنين\هو قال يبي يشوفني !!

ام حنين\أكيد يبي يشوفك يبيلها سؤال ذي بعد.


حنين\طيب يمه قولي لهم يختارون كل هالأشياء أنا ماعندي وقت أختار ومش فاضيه

لهم


أم حنين\طيب هم يبون يشوفون ذوقكوبعدين لاتنسين يابنتي أنه هذا ولدهم البكر

ويبون يفرحون لهوحتى أنا أبي أفرح لك


حنين\يمه الله يخليك لاتضغطين علي يكفي أني وافقت غصبن عني.تكفين يمه.



أم حنين\الله يهديك يابنتي الله يهديك

حنين\زين يمه بروح أدرس البنات لهم نص ساعه ناطريني

أم حنين\روحي يابنتي الله يسهل عليك






أحمد\متأكد أند بتطلع معنا!!

عمر\أيه أشفيك بطلع معكم اليوم

أحمد\والله أني خايف تغفر فينا وتأجل الموعد.

عمر\لهدرجه الطلعه مهمه اليوم وأنا مدري!!

ناصر\لا مو عشان شي بس أنت أول مره تطلع معنا ونبي نستعد

عمر\تستعدون لأيش!!!

احمد\ولا شي.بس نتجهز للطلعه

عمر\أهـــا





في الطياره

خالد\ويه الله يعينا بدينا بالهم والنكدخلاص كلها كم ساعه وبنوصل السعوديه.

نواف\أي والله صادق لا وبعد الأمتحانات على الأبواب أوووف


ريان\بالعكسوناسهأنتوا مامليتوا من لبنان.


خالد\الله يخليك أسكت أحنا متى جلسنا فيها عشان نملكلها يومين مالت علينا من

حظ الناس يروحون أسبوع شهر وأحنا يومين على بعضها ماأخذنا.


ساره\والله أنتوا الصراحه جاحدين النعمهأحمدوا ربكم أنكم سافرتوا يومين وبأيام

مدارس غيركم مايحصل هالسفره.


خالد\ويـــه بدت الثانيه تتفلسفالله يعينا على الصداع.


ساره\مشكور ياأخوي ماقصرت.

خالد\بس زعلت .

ترف\أكيد بتزعل من حلو كلامك اللي ينقط عسل

خالد\وأنت شعليك.صج بزر.

ترف\مالت عليك.

خالد\وعليك

ترف\أوووف

خالد\أوفين.





عمر\لا خلوها يوم ثاني.

أم حنين\ليه يايمه في شي

عمر\أنا مواعد الربع اليوم

أم حنين\أفا يا ولدي تبدي ربعك عليناوأحنا اللي ساندين فيك الظهر

عمر وبعد طول تفكير\خلاص يمه لاتزعلين وبكنسل الموعد عشانك ياأحلى أم بالدنيا


أم حنين\أيه ياولدي هذا العشم فيك.يالله بروح أنادي خواتك






أحمد\ياربي ليكون مش جاي

ناصر\طيب أنت دق عليه وشوف وينه أكيد طلع اللحين

أحمد\كيف تبيني أدق عليه وهو ماعنده جوال.

ناصر\طيب والعمل اللحين الرجال بيجي

أحمد\ياليتك ماطريته شوفه هذا هو جاي.

الرجال\السلامها جاء والا

أحمد\أللحين بيوصل تفضل أجلس.

الرجال\نعم أنت مفكر أنا فاضي لكم

أحمد\أذكر الله يااخوي وهدي أعصابك اللحين على وصول

ودق تليفون أحمد هاللحظه

أحمد\ألو هلا عمروينكأيه أيه يعني!!لا لاتقولطيب حاول.مره ثانيهمن

صجك أنت.مش معصبأوكي طيب مع السلامه

أحمد\آسف أخوي الولد أعتذر وقال عنده أشغال

الرجال\الشرها مو عليك علي أنا اللي أعتمد على ناس خمه مثلكم.بس الوعد مش

اللحين عند صاحبنا.

أحمد\تكفى ياأخوي أعتذر لــصاحبنا وقوله أنشاء الله في أقرب فرصه عمر عنده واللي

جابوه بعد.




وصلوا الجماعه السعوديه وأستقبلهم فيصل بالمطار ووصل كل واحد بيته


\ومتى الملكه!!

فيصل\يوم الخميس.


ساره\طيب حرام عليك ياأخوي أحنا ماتجهزناولاسوينا أي شي.



فيصل\الموضوع جاء كله بسرعهوأنا ماأبي أتأخر عشان ماأتحسف

أم فيصل\المهم اللحين ورانا أشغال كثيرة ونبي نسويها

خالد\شوفوا الزفه خلوها علي بسوي لكم أحلى ريمكس

فيصل\أقول يابابا أحنا مش في حفلة شباب أصحى

خالد\أعرفبس أنت طاوعني وبتشوف أحلى ريمكس

سوزان\شوف فيصل انا ولأول مره أوافق خالد برأيصدقني عنده أشياء روعه.


خالد\شكرا شكرا أخجلتي تواضعنا.

ساره\ياناس متأكدين أن حنين موافقه

فيصل\ساره شفيكقلت لك أنها هي مكلمه أبوها وعطته الموافقه.وبعدين ليه ماتوافق

فوق راسها ريشه

ساره\لا مش القصد .المهم خلونا في المهم


فيصل\ساره وسوزان بكره أبيكم تجيبون لي أرقام محلات الكوشهوماأبي أي محل أبي

محل يليق بمستوانا.فاهمين

ساره\فاهمين ياأمير فيصل.

فيصل\هههههههههههههه



كانت الغرفه بارده جداوماأحد يصدق أنا في أشخاص موجودين في هالغرفه الجامده

الخاليه من مقومات الحياهمافي نفس . مافي أصواتفي الآلآم في جروح تنزف وميته

في نفس الوقت



العنود تطالع حنين وتتأمل فيها تناظر كل شي فيها عيونها اللي تكابد الدمعجسمها

اللي يرتجفشفايفها اللي ودها تحكي اللي بداخلهاأيدها اللي مكتفه بشكل

متعبكل شي كان في حنين يدعي الى القلق وضيقة البالوبعد طول تأمل مؤلم









وعيونها تلمع\مبــــــــــــــــروك.

حنين بدموع تنزف\الله يبارك فيك.

العنود\تكفين حنين بلا هالدموع اللحين ,,خلاص كفايه دموع.

حنين\أنشاء الله أنشاء الله

العنود\تدرين!!!

حنين\أيش!!!


العنود وبدت تدموعها تنزل \شكلك جنــــانأحس أنك حوريه جايه من

كوكب ثاني.


حنين وتمش دموعها\شدعوه.أنا حنين ومن كوكب الأرضفهمتي

ياحلوه.وماله داعي هالمجاملات



العنود وهي جامده\المهم بروح أدق على السخيفه ريموا


حنين\ليه هي ماجات مع خالي



العنود\لا لسه ماجات على قولتها ماخلصت الميك أب

العنود\تبين شي قبل ماأطلع!!

حنين وأخنقتها العبره\أيـــهتعالي





مدت أيدها الثنتـين لأختها وعلى طول العنود ماصدقت وأرتمت في حضن أختها

وصاحت حنين صاحت من قلب متعذبصاحت من روح تصرخ أنواع

الآهات.وطلعت كل اللي في خاطرهاخلاص ماتقدر تظغط على نفسهامن اليوم

بتبتدي مسأه جديده عندهاهي بالموت مسويه نفسها هاديه وقويه قدام الكلماتبي

أهلها يتعذبون مثلهايكفي هي اللي تتعذبماتبي تشوف الحزن في عيون أمها

وأخوانهاتبي تفرحهم بأي وسيلهمش ذنبهم أنها تزوجت واحد ماتبيهولا هي

ذنبهابس أيش تسوي حكمي القوي على الضعيف.




حنين وهي تصيح\ضميني ياعنود ضميني أكثرماعدت أستحملأبيك تواسيني في

حزنيابيك تهدينيأبيك تريحيني أحس أني عايشه في غربهماأحد فاهمني ولا أحد

يفتكر يسأل عني قلبي مجروح قلبي يعورني من كثر الجروحأبي أحس أني أنسانهلها

حقوقهاأبي أفرح زي الناس والعالمأبي أنسى أن أبوي ذبحني وطعني بكلامه وأفعاله

وجاي اليوم يعزينيويدفني بأيدهماأبي أفكر وش بيصير اللحين والا بكره والا

بعدهتعبت من المشاكلكل السعاده أنحرمنا منهاوكل الأحزان أنفرضت علينا

فرض ليشياعنودليش أحنا كذهأنا أنتهيتماأبي شي بهالدنيا الاشيء واحد

أبي أعيش لأميأبي أعيش لكم أنتوا بسأنا تعبانه تعبانه يالعنود.تعبانــه



العنود وهي ضامه أختها\ياحبيتي ياحنين كل هذا فيك وأنت ساكتهومكابره

علشاناواحنا اللي أنفكر أنك نسيتي وبديتي تتأقلمين مع الوضعطلعي ياحنين طلعي

كل اللي بقلبكصيحي أكثرعبري بأي شيء المهم أنك ترتاحينيابعد هلي

واللهيانور هالبيت كله أحنا بدونك مانسوى شيولا شيالله يريحكالله يسهل

عليكويفرج همك



==========

الجزء العشرين

يوسف\خلاص أنا اللي بوديكم

هيفاء\أمانه عليك يايوسف وين متعبتكفى قوليريحني!!

يوسف\وبعدين يعني !!قلت لك متعب جالس مع ربعه

هيفاء\أحلف!!

يوسف\هيفاء فكينا ولي يرحم والديكتراك صدعتي راسيوأسكتي أمي

جاتياويلك أن قلتي شي

أم متعب\يالله ياعيالي تأخرنا على الجماعه


يوسف\أنشاء الله يمه

أم متعب\الا تعالوا وين متعبمش رايح معنا!!!

يوسف \لا يايمه متعب عنده عزيمه اليوم مع ربعه

أم متعب\طيب يالله سرينا




ياربي أيش فيني!!كل هذا توتر!!ليه أحس أني أبي أفركش هالزواج وأرجع البيت!!؟

وين اللي متسرع ويبي كل شي جاهز بسرعه!!ليه أحس أني مجرم بحق هالبنت!!!وش

ذنبها هي أنها ماتبيني!!وش ذنبها أنها تدفع ثمن غروري وكبريائي!!وش ذنبها أنه أبوها

أناني ويحب الفلوس!!

ياربي أحس بمشاعر متناقضه!!ياليت الزمن يرجع لورى وأنسى

أن حنين بنت عمي!!

وش فيك يافيصل!!ليش متأثر!!!معقوله أثر فيني كلام أختي ساره


!!!يوم جاتني أمس الغرفه بالليل وتكلمت عن حنين وعذابها المستمر من يوم وهي

صغيره!!ومعقوله أثر فيني شكل بنت عمي مرام!!لحد الان ماأنسى شكلها وهي

تترجاني بعيونها اني ماأتزوج حنين!!ياربي لهدرجه أنا ظالم!!لهدرجه أنا أحب

نفسي!!!أيش فيني !!أحس أني مش فيصل !!!ليه يافيصل!!ليه توك تحس!!ليه تأنيب

الضمير جاء بوقت متأخر!!أيش الفايده اللحين!!يوم طاح الفاس بالراس!!ياربي

ثبتني!!يارب!!

بس لا!!!لايمكن أنسى أن حنين كانت بتردني وبتاخذ اللي مايتسمى متعب!!!أنا

ترفضني!!وعشان ايش !!عشان واحد مدري من وين جاي أسمه متعب!!!لا ياحنين

مش أنا اللي ينرفضّ!!!





بو حنين\فيصل !!!

فيصل\

بو حنين\فيصل!!

فيصل\ها!!!هلا عمي!!

بوحنين\أيش فيك ياولدي!!

فيصل\لا مافيني شي عمي.

أبو فيصل وهو يضحك\تركه عنك ياأخوي أكيد يفكر باللي جاي

فيصل وهو يتصنع الأبتسامه\أيه والله أفكر.



نزلت من السياره وأنا اركض ركض المهابيل اللي يشوفني يقول لاحقني حرامي

ياويلي ياويلي أكيد اللحين تأخرت عليهموأكيد طبعا زفوا حنين!!حسافه فاتني كل

شي!!مالت علي!!أصلا مدري ليش أنا متأخره!!بزعم أنه معدل هالمكياج!!أمحق

مكياج!!أووووف!!وأكيد اللحين العنود بتذبحني!!الله يعيني عليها

من كثر ماهي تتكلم الخبله ريم أصدمت بشخص طويل وعريض شوي وكانت بطيح

بس الله ستر ومسكها هالشخص!!ونست أن غطاها طايح




ريم\وعمى أنشاء الله ماتشوف !!أهبل!! خبل!!تمشي وبس!!وأسكتت

لأنها عرفت مين الي صدمت فيه .وهي الخبله لأن تفكيرها وعقلها مش

معاهانست أنها تتكلم وتسب اللي صدمها






عمر\أسف يالغاليه ماشفتك!!!

ريم\عمر!!!

عمر\أيه عمر اول مره تشوفيني يعني!!


جلسوا فتره ساكتين ويطالعون بعض!!الكل منصدم بشكل الثاني.عمر كان لابس

ثوب مخصر عليه وغتره بيضه وطالعه له لحيه خفيفه ومبين شكلها كبير وحلو أما

ريم كان مبين وجهها وشوي من شعرها وكانت حاطه مكياج وردي جنانوعيونها

البنيه تلمع

عمر\ريم!!

ريم\همممم



عمر بصوت يالله ينسمع\أرحمينيأنا ماأقدر على هالشيءشكلك كذه واشر

عليها خذا عقلي وطار فيه.


ريم ياعمري على ريماتيببست البنت في مكانها وماقدرت تسوي ولا شيء.ماتت

من الفشيله والكلام الخطير اللي رماه عمر وهو مش حاس بعمره

حرام عليك ياعمر ذبحتني بكلامك

يوم أستوعبت أنها لحد اللحين واقفه طارت لباب الصالهماتبي تشوف عمر وهي

بالحاله هذه


العنود\وأخيرا ياآنسه تشرفتي وجيتيوانا ناطرتك من زمانوموصيتك أنك تجين

بدرييالسخيفهالشرها علي أنا اللي أنتظرك.الخ

ريم وهي حاطه أيدها على فم العنود\أوووش.ولاكلمهماأبي أسمع شيخليني

بحاليالله يخليكوراحت عن العنود ودخلت على الحريم.


وبكذه صار الكل موجودأم متعب جات مع بنتها هيفاء لأن روابي في الرياض

ماتقدر تجي.وأم زياد جات مع بناتها مرام وترف ورهف.وأم فيصل طبعا جايه من

البنات من بعد صلاة العشاء والعمه جايه وماده البوز شبرين لأنها مش وافقه على

الهزواج لكنها ماتقدر تسوي شيلأنها لو سوت شي أنا بوقف ضدها

وبعض الجيرا ن والأهل جاو يباركون لأم حنين


طبعا أغلب الموجودين غير راضيين بهالزواجاللي تشوفونه يبتسم من ورى قلبه وهو

حاقد على الكل أمثال مرام والعمه وغيرهواللي تشوفونه يتصنع الأبتسامه مثل

سوزان اللي شايفها نفسها مدري على أيش وهيفاء اللي كانت تتمنى حنين لمتعب

والعنود اللي تبتسم عشان ماتبين لأحد أنها حزينه على أختها .وأم حنين اللي ضايعه
ماتدري أيش تسوي مره تقول خيريه هالزواج ومره تقول ياليته ماصارلكنها

تكابد الدمع اللي في عيونها.أما اللي طايريين من الفرحه أم فيصل وبنتها سارهمش

مصدقين أن فيصل بيتزوج وبياخذ أحلى وأفضل بنات العايلهفرحت أم فيصل

ماتوصف وأخيرا ولدها البكر اللي تحبه وتتمنى رضاه بيتزوجومن مين!!من حنين

اللي ياما تمنت أنها تكون زوجه لولدها فيصللأنها تحس أنهم يصلحون لبعضأغلب

الصفات مشتركه بينهملكن أكيد بوجهة نظرها أن حنين أحسن بمليون مره من

فيصل من جميع النواحيعشان كذه هي تتمنى أن حنين تغير ولدها فيصل

للأحسنومتأكده ان حنين تقدر على كل شي يكفي أنه طول عمرها قضته

لأخونها وأمها بطيب نفس وسعة صدراللي يقدر يكون مسؤول عن عايله كامله

ويصرف عليهااكيد يقدر يغير طبايع شخص واحدوهي واثقه كل الثقه أن حنين

بتسعد فيصل.بس السؤال اللحين :هل ياترى يقدر فيصل يسعد حنين ويقدر هالكنز

الثمين!!!مع الأيام راح نشوف جواب هالسؤال الصعب.




دخلت ساره غرفة البنات بعد ماأستأذنت من أم حنين وأول ما دخلت ذكرت الله

مش مصدقه أن هالنعومه كلها والجمال هي حنين


كانت حنين ماشاء الله عليها جميله من يوم وهي صغيره الشعر أسود وطويل نوعا ما

وبشرتها بيضه مره واحلى شي فيها عيونها لأنها تلمع واللي يشوف هالعيون ينسى كل

شيء ويتأمل فيها

وكانت لابسه فستان زيتي مموج بألوان البيج الغامق والزيتي والتفاحي والأخضر بس

اللون الغالب الزيتي وكان فيه شك خفيف جدا وموديل الفستان شيفونات من تحت

متقطعه على بعض بحركه حلوه وفوق القماش مزموم<<ماأعرف أفصل كثيير

أعذروني.

وطبعا الفستان مافيه أكمام .وماكانت لابسه شي من الأكسسوارات ماعدا حلق

جاي مع لون الفستان وكبير شويوشعرها مفتوح ومبين قصته الطبقات
ومكياجها سوته لها العنود وكانت حاطه شدوا زيتي بألوان الفستان وروج بيج

بأختصار شكلها روعــــــــــــه.



ساره\ماشاء الله تبارك الرحمن بسم عليك من كل عيون حاسده

حنين وهي مبتسمه\ساره

قامت حنين عشان تسلم على ساره لكن ساره كانت الأسرع وماخلتها تقوم

وحضنتها بقوه وشوي بتصيح لأنها حاسه بمعاناة حنين لكنها ماتقدر تسوي شي .


ساره وهي تصيح\حبيتي واللهشخبارك ياحنين وحشتيني مووت!!

حنين وهي تمسح الدموع اللي نزلت\حتى أنا والله وحشتيني مرره

ساره\شلونك اللحين مرتاحه!!

حنين وتسوي نفسها عادي لكن عيونها فاضحتها\أيه.الحمد لله

ساره\الله يسهل عليك انشاء الله ويريحك

حنين\آمينياربزحمه الصاله!!

ساره\موووت مره كثيير ناس جوا.شكلها امك عازمه الشرقيه كلها

حنين\هههههههههه لاعاد شدعوه.يمكن لأن الصاله صغيره عشان كذه زحمه

ساره\الله يخليك اي صاله امك فتحت غرفه الحريم ماتكفي الصالهالمهم ماعلينا

يالله تجهزي الحين بيزفونك



بدى الرعب يختل روح حنينصح هي تسوي نفسها جامده قدام الكللكنها ميته

رهبه من كل شيءخايفه باللي بيصير اللحين واذا دخلت عند الحريموخايفه اذا

عاند فيصل ودخل عليها قدام الكلوش بتسوي ذيك اللحظهوتخاف أنها ماتمسك

أعصابها وتنفجر قدام الكل.ماتدري أيش تسوي.ماتقدر الا أنها تقول حسبي الله

ونعم الوكيل على من كان السبب






زمن قاسي وأمل مفقودوجرح كبير بليا حدود
دنيا تدور ماهمها ولا أحنا حولها أو يمها

في البحرهذا مكانه ومسكنه الدايميجمع الحصاه اللي حواليه ويرميهم في البحر

يحس اذا سوى هالحركه يرتاح لأنه يطلع كل حرته في الحصاه اللي يرميه بكل
قوته
من أول مادرى بأن حنين بتصير لغيرهجالس لحالهوالوحده ذابحته.صارهو

والجرح أخوان.لحد اللحين يفكر بـ حنين!!وكل مايتذكرها يزيد نزف الجرح

اللي فيهيدري أنه اللي يسويه ماوراه فايدهبس أيش يسوي ماعنده الا هالحل

علشان يرثي حاله.واللي ذابحه في هالموضوع أنا اللي يحبها ماتدري بشعوره

ناحيتهاماتدري أن في قلب يعشقها ويتمنى رضاها

أقصى أنواع عذاب الحبأنك تحب شخص من كل قلبك وهو لاداري فيكولا

يحس ناحيتك بأي شيء





\عقبالك

لافي\آآآآآآآآآآآآآآمين

يوسف\ول عليك لهدرجه مستقطع على العرس.

لافي\أيه عندك مانع

فهد\لا عندي لافي.

لافي\هاهاهاها ماتضحكيالخبل.

فهد\أقول لافي

لافي\سم

فهد\سم الله عدوكأيش عند الأخ فيصل حزين وكئيب.بالعاده الرجال رفع الخشم

شسالفه!!اللي يشوفه يقول اليوم مش ملكته.

لافي\والله علمي علمك.

فهد\لا صج صج أيش فيه !!!

لافي\قم.

فهد\ويــــن!!!؟

لافي\أقولك قم.

فهد\وين عاد!!؟

لافي\بنروح نسأل فيصل أيش فيه مضايق

فهد\ههههههههههاي من صجك أنت نروح نسأله

لافي\أنا أدري عنك ذبحتني على هالفيصلاللي يشوفك يقول أنا صديقهوأنا أيش

دراني وش فيه متضايق يالخبل

فهد\لافي!!

لافي\ها

فهد\وجعاه

لافي\أيش فيك!!

فهد\أنت اللي أيش فيكمعصب تراك كلتني بقشوري

لافي\آآه بس.

فهد\بس بس عرفنا السالفه أكيد فيها العنودة صح!!

لافي\صح

فهد\ماتحس نفسك زودتهاكل مره خناقه جديده معهاياأخي هد اللعب

لافي\وش هد اللعب أنت بعد جالسين في ملعب

فهد\هههههههههههههاي شسوي لك ياأخي متأثر بالكوره موووت

لافي\أقول بلا هذره وأسكت تراني واصل حدي.





وأخيرا وصل الشيخ بيت أم حنين وبدت أجراءات الزواج الرسميه بسرعه تامه وراح

عمر لغرفة أخته وعطاها الدفتر توقع ومن خوف حنين وأرتجاف أيدها وقعت على طول

وبهذا التوقيع صارت حنين زوجه لفيصل ولد عمهاقدام العالم والناس



وأخيرا أرتاح

فيصل شوي وهدت أعصابه لأنه كان خايف يصير شي يعارض هالزواج






\لا ياحنين ماأقدرأعذريني

حنين\تكفين ياساره أرجوكريحيني!!

ساره\أخاف مايرضى وأنا أعرف أخوي زين بياخذ المسأله عناد.

حنين\طيب تكفين أنت حاولي منتي خسرانه شي!!!

ساره\طيب بحاولبس أنت تحملي النتايج أوكي!!لكني خايفه من شي!!

حنين\واللي هو!!!

ساره\أخاف هالشيء يأثر على حياتكم.وووبعدين

حنين بضيق\لاتكملين ياسارهانا أصلا مش هامني ولا شيء كل شي خسرتــه.

ساره\خلاص بكلمه اللحين وأنشاء الله يوافق.






سوزان\مرام

مرام\ها
سوزان\بلاك مكشره وماده البوز شبرين على الأقل أبتسمي

مرام\ماأقدر ياسوزان ماأقدر أحس أني بنفجر بأي لحظه

سوزان\تكفين مرام بلا فضايح اذا رحتي البيت سوي الللي تبين.

مرام\مش متخيله أن حنين بتجي وبيدخل عليها فيصلأحس نفسي بستخف اذا شفتهم

مع بعض.

ترف\قصروا حسكم فضحتونا صوتكم !!

سوزان\أيه ترف تذكرت!!

ترف\وش تذكرتي!!

سوزان\خالد يسلم عليك.

ترف\ويـــه مالت عليه أكيد يطنز حضرته

سوزان\لا والله قالي سلمي على ترف اذا شفتيها

ترف\من وين شارقه الشمس اليومخويلد يعرف السنع ويسلم

سوزان\وش فيه أخوي بسم الله عليه أصلا كله سنع ويهبل بعد

ترف\أمحق.أقول بس قولي له يروح يذاكر بدال هياته في المجمعات مع نواف








فيصل\هلا

ساره\مبروك يالمعرس

فيصل بابتسامه حلوه \الله يبارك فيك.وعقبالك

ساره\لا توني أول بعرسكم كلكم بعدين أتفرغ للزواج.المهك فيصل بطلب منك

طلب!!

فيصل\أمري

ساره\مايأمر عليك عدوا.بغيت أمممم

فيصل\أيه

ساره\الصراحه حنين مستحيه منك وعشان كذه ماتبيك تدخل قدام الحريم



فيصل\أوكي مش مشكله أشوفها في وحده من الغرف.

ساره\لافيصل هي تبي تأجل مسألة الشوفه لوقت ثاني




فيصل وبدى يعصب\نعم!!عيدي اللي قلتيه ماسمعت!!

ساره\فيصل تكفى لا تعصب.البنت مرتبكه وخايفه.

فيصل\لا يكون أنا باكلها وأنا مدري
.
ساره\الله يخليك فيصل أفهمها البنت مستحيه منك.



فيصل\أقول ساره مش علي هالحركات هذه تراني أفهما وهي طايرهبس حريمتها أني

ماأدخل عليها.سمعتيقولي لها هالكلام ودخله بدخل غصبن عنها.وسكر السماعه

في وجهها.







واقفين على الكوشه ثنتينهم وكل وحده فيهم حاطه أيدها على خصرها وتصرخ على

الثانيه.نسوا أن في معازيم جالسين يطالعونهم ويضحكون على المسرحيه اللي صايره

بينهم.

سمر\أنت هي لاتخربين كوشة أختي !!

ميس\لا والله أثلا اللي جابها فيصل وهذه حقته مش حقة أختكوبعدين لا تثارخين

علي ترى بعلم عليك أمي وأبوي

سمر\ علمي أمك وأبوك أنا ماأخاف الا من الله اللي خلقني.شيلي أيدك من الورد

لاتقطعينه ياغبيه

ميس\أنا أبيه أنت الأبيه.وثوله

سمر\ههههه مو أنا قلت أنك غبيه.مش أسمها ثولهأسمها ثورهيويو ماتعرف تتكلم.

ميس وشوي بتصيح\أنت الأبيهوأنا أعرف أتكلم أحثن منك.

سمر\روحي لأمك يابزره.هههههههههه

خلاص عصبت ميس على سمر وقامت تصرخ وتصيح بأعلى صوتها وماكتفت بهالشيء

ضربت و مشعت شعر سمروطبعا سمر ماخلتها عطتها كف بوجههاوكل البيت شاف

الضرابهوجات العنود تركض لهم عشان تنقذ هالموقف البايخ وتفككهم من بعضاللي

يشوفهم يقول ناقصين مصايب


العنود\بس سمر ميسعيب ليه وخروا عن بعض.بنات .شيلي أيدكياربي

سمر\هي اللي بدت ومشعت شعري قليلة الأدب

ميس وهي تصيح\ليه تعايب علي.أختك ماتثتحي


سوزان عصبت لأنه أختها تصيح وقامت لأختها وهي ناويه على الشر بس مسكت

نفسها لأخر لحظه لأنها تذكرت ملكة أخوها وماتبي أزعاج


سوزان\ميس تعالي هنا

راحت ميس وأحضنت أختها وقامت تصيح

ميس\ال****ه انا ماأحبها.

سوزان\خلاص أسكتي.تعالي معي فضحتونا.

عطت سوزان العنود نظره أحتقار وكأنها تقول انت ولاشيءلكن العنود ماقصرت

وعطتها نظره ألعن منها وتفرقوا الثنتين






\ها وش قال.!!؟

ساره\الصراحه مارضى .وقال بيدخل .

حنين\طيب ليه ماأقنعتيه!!!

ساره\حاولت فيهبس مش راضي

بس هذا اللي قالته ساره لــ حنين ماقالت وش قال فيصل لهالأنها ماتبي تزيد

العداوه أكثر من كذه.

أم حنين\يالله العنود روحي أستعجلي أختكالناس ملوا وهم ينتظرون

العنود\أنشاء الله يمه.تعالي ريم معي.

راحت العنود للغرفة عشان تستعجل أختها

العنود\يلا حنين ينتظرونك.

حنين\بدري!!

ريم\وش بدري الله يهديك شوفي الساعه كم

حنين\أنشاء الله خلاص بطلع.

العنود\أذا سمعتوا صوت الموسيقى أطلعوا أوكي !!بروح أشغلهاأأوه الورد نسيناه

ساره\أنا بروح أشغل المسجل وأنت وريم مسكوا الورد

العنود\خلاص صار يالله

طلعت ساره تحط الشريط اللي سجله أخوها خالدوكان الشريط عباره عن موسيقى

ريمكس هاديه في البدايه واذا وصلت حنين عند الكوشه تتغير الوسيقى لصوت أعلى

ومدموج بموسيقى ثانيهباختصار الموسيقى كانت روعه





مرام\شوفي شوفي كيف كانت تطالع فينا مالت عليها هي مع أختها .


ترف\يحق لها تتكبر البنت جمالها مو طبيعي

مرام\أقول بس أسكتي وش عرفك بالجمال.

ترف بصوت واطي\والله من القهر اللي فيك.

مرام\ها سوزان ماعلقتي.

سوزان\ماهمتني .

رهف\أقول شكل حنين بتطلع اللحين



وفعلا طلعت حنين ووراها العنود وريم ينثرون ورد الجوري الأبيض.وكان هالورد هديه

من ساره جاي مع الباقه اللي ماسكتها حنين وكانت تفريبا نفس الوان فستان حنين

وأول ماطلعت ماقدرت أمها تمسك نفسها صاحت من كل قلبها على بنتها الكبيره

الغاليه

عليهاوأول ماشافت العنود منظر أمها صاحت وهي تنثر الورد على أختها

ويوم شافت ساره هذا المنظر تأثرت كثير على حال بيت أم حنينحست بمدى تماسك

هالعايله وترابطها

لأن أساس هالعايله الحب والموده

تمنت.أيه تمنت من كل قلبها يكون هالحب والترابط في بيتهم. تمنت يكونون أخوانها

على قلب واحد متماسكين مايهزهم ريح.لكن الله ياخذ ويعطي.عطاهم الغنى

والمالوأعطى بيت أم حنين هالترابط اللي تشوفه قدام عينهاحتى سمر الصغيره صاحت

على أختها.صح هي ماتدري ليه تصيح أمها والا أختهابس يكفي أنها تشاركهم هذا

الشيء.





جلست حنين بعد ماأنتهت الزفه.وعلى طول شغلوا أغنية اليوم طالع قمر لــ عبد

المجيد عبد الله.

كل االلي قاعدين أنبهروا.أيش أنبهروا انصعقوا بجمال ونعومة حنين الملفت

الأنظار.كانت قمر نازل من السماءكان كل شيء فيها بسيطفستانها ومكياجها

وملامحها الجذابه.الكل سم عليها بالرحمن تلقائي وهي لحد الآن مارفعت

راسهاكانت خايفه مرتبكهمستحيهفيها رجفه قويهكل هالأحاسيس كانت

تحسها.حتى كانت باقة الورد بتطيح من أيدها بس الله ستر وجات ساره ومسكتها

وثبتتها بأيدها

بعدها أمسكت أم لافي أم حنين من أيدها وخلتها تروح معها تسلم على حنين لأن أم

حنين كانت مبتعده شوي عن أنظار الناسلأنها تحس الأرض مش قادره تشيلها

ماندري من الفرحه والا من شيء ثاني.




ويوم قربت ام حنين مع أم لافي للكوشه قامت حنين وسلمت على أم لافي بعدها سلمت

على أمها وضمتهاضمتها من كل قلبهاضمتها من كل قوه تمتلكها أم

حنين.صاحتصاحت على بنتها وحنين صاحت معهازكان الموقف جدا حزين

ومؤلم الأم تصيح على بنتها والبنت كذلك أغلب اللي في الصاله دمعت عيونهمحتى

العمه القويه تأثرت بهالموقف لكنها هيهات تدمع.بس يكفي أنها تأثرت.

جات العنود لأمها وأختها عشان تنهي هالموقف اللي أثر الكلوقالت بلهجه ضاحكه


العنود وهي تكابد الدمع اللي في عيونها\خلاص يايمه بيخترب مكياج حنين وبعدين

أنا الله يعيني اللي ببتلش وبصلحه.

أم حنين بعد ماأبتعدت عن حضن بنتها والدموع للحين في

عيونها\هههههههه الله يقطع

بليسك .ياعنود خلاص هذا أحنا وخرنا.

العنود\يالله حنين جلسي.الناس يبون بشوفونك

حنين وهي تمسح الدموع اللي في عيونها\أنشــاء الله.

وبعدها قامت أم فيصل مع بناتها ووراهم أم زياد والعمه وبناتها عشان يباركون

لــحنين



مرام\مستحيل مستحيل أقوم وبارك لها

رهف\مرام لاتفضحينا قومي.
.
مرام\روحوا أنتوا أنا نش رايحه

رهف\بالطقاقأحنا مفضوحين مفضوحين

أم فيصل\مبروك ياأحلى مرت ولد بهالدنيا



أنحرجت حنين من أم فيصل لكنه بسرعه تذكرت من زوجها وأنمسحت الأبتسامه اللي

على وجهها\الله يبارك.فيك

أم فيصل\حبيبتي والله



دق جوال ساره وكان فيصل

ساره\خلاص أنشاء اللهأنشاء اللهالحين طيب يالله مع السلامه.

ساره\حنين فيصل بيدخل

حنين وشفايفها مرتجفه\اللحين

ساره\ايه سوزان يالله حطي الأغنيه

حطت سوزان أغنية محمد عبده سمي ودخل فيصل مع أبوه وأبو حنين وعمر

حنين\يمه تكفين لاتروحين عني

أم حنين\أنشاء الله يابنتي أنت هدي وريحي أعصابك







دخل فيصل وأول مادخل وقف عن المشي





تدرون ليهوقف!!! منصدممبهت.أعضاءه ترتجف.مش مستوعب لحد الأن


أن هذه بنت عمه حنين


نسى كل شيء.

نسى أنه كان معصب وحاقد عليها لأنها فضلت متعب عليه

نسى أن حنين ماتبيه يدخل عليها

نسى كل شيء


وسرح.وسرح فكره لبعيد لبعيدولحد الآن هو واقفمش مستجرأ

أنه يتحرك

خطوه وحده بس.







وعلى قولة احد الاخوان

اعط بلا حدود

ولا تنتظر الردود

تحياااتي **الحب المجروح**

حبيبتي لا طفشتينا ولا شي ابركها من ساعه نقرا لك يا ورده هالمنتدى من اشد المتابعين لقصصك اثق بذوقك


شاكرين للك جهودك



يعطيك الف عافيه*********************************************

يـعــطــيــكـ آلــف عــآفــيــه آخــتـــي آلـحـب آلـمــجــرٍوٍح عـلـى آلــقــصــهـ بس لـوٍ تـكــمــلــيــنــهــآ بـكــوٍوٍن لـكـ شــآكــر <<< لآنــه وٍرٍبـي تـحــمــس مع حـنــيـن .

تـحــيــآتــي آخــوٍكـ

آلآمـيــر

ووااوو تهبل هالقصه
يسلمووووووو

اشكرك لك متابعتك الدائمه لقصصي اختي الشيهانة

الله يعافيك ومشكور على المرور آلآمـيــر

الله يسلمك وشكرا على المرور

الجزء الحادي والعشرين



كل الموجودين أتسلطت أنظارهم على فيصل اللي مش راضي

يتحرك.وقفته كانت مستقيمه بدون حركه


.كان شكله من جد يضحك اللي ماله خلق يضحكمعذور الولد حنين

في هالليله كانت نجمة الحفله اللي نورها طاغي على المكان.








بوفيصل\فيصل فيصلامش فضحتناالناس يطالعون فينا.أوووه فيصل

فيصل\.

بو فيصل\فيصــــــل!!

فيصل\ها هلا يبه

بو فيصل\أمش فضحتنا

فيصل\أنشاء الله أنشاء الله

أبو حنين\الظهر ولدك رايح فيها هذا ثاني مره يسرح.

بو فيصل\ما ألومه والله بنتك ماشاء الله لا اله الا الله عليها من كل عين حاسده

(طبعا هالحوار اللي بين بو فيصل وبوحنين وهم يمشون للكوشه)

ويوم قرب فيصل ساره قومت حنين من الكرسي


وأخيرا وصل للكوشهوصار قدام حنينوجها لوجه

بس لحد الآن حنين منزله عيونها مش قادره ترفعها.تحس اذا أرفعتها بيغمى عليها

ففضلت أنها ماترفع عيونها


قرب بوفيصل وسلم على حنين وبارك لها الزواجوبعدها جاء أبوها وسلم عليها

بحميمه قليله


بو فيصل\يالله يافيصل سلم على مرتك وبارك لها.

قرب من حنين أكثر من قبل وباسها على جبينهاوقالها في اذنها مبـروك

ومسك يدها وجلسها على الكرسي




أرتفجت حنين من هاللمسه كثيروأستغربت من جرأة فيصل أكثر

وأكثر.ماأتوقعت أبدا منه هالشيء!! وقالت في خاطرها (الله يستر هالليله شكلها

مش معديه على خير)



فيصل بصوت واطي أقرب للهمس وقرب لأذنها مره ثانيه\الناس يقولون الله يبارك

فيك.


ولأول مره حنين ترفع عيونها له وتشوفه عن قربظلت فتره تطالع فيه.وتتامل

ملامحهوهو ذايب من هالنظره. وساكت. يطالع فيها.

(تكفين حنين أبعدي عيونك .ماأقدر أناظر فيهم)

(ناظر هالعيون وشوف الحزن اللي فيهايمكن يلين قلبك)



ساره بفرح\بتظلون كذه تطالعون في بعض.!!!؟ياهـــــــواا ترى لسه

المعازيم ماراحوا!!

أكسرت ساره الصمت والحوار اللي دار بينهم بالعيون

فيصل\خلهم يشوفونا مااحد قالهم يجون!!

ساره\خلاص ياأخ فيصل ولا يهمكاللحين بنطردهم.

جات أم فيصل تبارك لولدها وتعطيه الدبل ومعها


وعيونها تدمع\مبروك ياولدي

فيصل\الله يبارك فيك يايمه.يمه عاد خلاص لاتصيحينوهذا زواج

وأتزوجت.وايش تبين بعد!!

أم فيصل\ماأبي الا طولة العمر لي عشان أشوف عيالك

لف فيصل على حنين وقال بابتسامه\الصراحه هذا يعتمد على حنين. أخاف أقول

العرس بكره وماترضى عشان كذه بخليه على كيفها.والا أيش رايك ياحنين!!



هذا ثاني مره فيصل يحرجها قدام الناسوالمشكله أنه فرحان بهالأحراجومش طاق

خبر لمشاعر حنين

أسفطته ولا كأنها سمعته وأبتسمت لأم فيصلوهو فكر أنا سبب هالأبتسامه أنها

راضيه باللي قاله

أعطت أم فيصل ولدها علبة الدبل وفتحها وجات سوزان عشان تاخذ صور لـ حنين

وفيصل وهم يلبسون بعض الدبل


لبس فيصل حنين الدبله وكانت شوي وسيعه عليها بس ماتكلمت وثبتتها

بأيدهاوجا دور حنين تلبس فيصل الدبله ولبسته ويوم أنتهوا قام الكل يلولش

ويصلي على محمد وحطوا أغنية راشد الفرس من قدنا وقام أبو فيصل وبوحنين وعمر

معهم يرقصون .وبعدها جاء قص الكيك.وكالمعتاد قصوا الكيك بأيد وحده

وأخذ فيصل قطعه من الكيك وأكلها حنين بالغصب وهي مسكره فمها عناد

و بعدين أشربوا العصير.

حطوا الجماعه البوفيه وقاموا الناس يتعشون.



مرام\شفتيه شفتيه كيف يطالعها ويأكلها!!بموووووت بموووت قهرآآه ياربي

صبرني.

رهف\يعني أيش رايك تبين يكشر في وجهها مثلا!!

مرام\مالي شغل.احس أني مش قادره أستحمل بمووت ان قعدت دقيقه زياده أبي

أروح البيت اللحين.

رهف\بكيفك هو!!

مرام\أيه بكيفيواذا أبوي مش راضي بخلي زياد يوديني

رهف\طيب أنتظري شوياللحين كلنا بنروح!!

مرام بعصبيه\أقولك مش قادره أنت ماتفهمين!!

رهف\فكينا روحي دقي على أبوي

مرام\أكيد بدق على أبوي أجل بطالع فيك.

وفعلا دقت مرام على أبوها وبعد ترجي وكلام طويل وافق وقامت عايلةبو زياد كلها

لأن الأم ماعندها أعتراض أصلا الود ودها ماتجي الملكهأما اللي ماتوا غيظ ترف

ورهف لأن ودهم يجلسون مع بنات عمهم أكثر. وخذوا العمه معهم لأنها هي

الثانيه ماتبي على قولتها تشوف هالمهزله اللي قاعده تصير



طلب فيصل من أمه أنه يجلس مع زوجته بغرفه منفصله ويوم درت حنين عصبت حيل

وما قدرت الا أنها تخز ساره المسكينه بعيونها





من أول مادخل الصاله وهو مسلط عيونه على ريم وماشالها أبد منها وحتى وهو

يرقص يطالع فيها صح أنها كانت متنغبه وماتبان الا عيونها.بس برضوا عرفها من بد

البنات كلهم


أخذ ورده بيضه من ورود الكوشه وأعطاها العنود

العنود\حبيببي والله.مشكور.

عمر\ومين قال أنها لك!!

العنود باستغراب\أجل لــ منوا!!؟

عمر\أحمأنا سمعت أن ريم تحب الورد الأبيض عشان كذه كسرت خاطري

فقلت ماابي يكون في خاطرها هالورد أخاف تجيها عقده ونبتلش فيها أمممم العنود

أعطيها ريم وقولي لها عمر يسلم عليكشاوا.


طلع عمر من الصاله وهو تارك مليون علامة أستفهام عند العنودهي تدري أن عمر

يميل لــريم بس ماتوقعت من هالحركه الخطيره

العنود\وليه ماأتوقع منه هالحركه !!مين ولد خاله!!!

لافي أبو الورد




أم متعب\أقول حصه!!

أم حنين\سمي ياخاله!!

أم متعب\مين هالبنت اللي لابسه برتقالي!!

أم حنين\أي وحده!!

أ متعب\هذه اللي شعرها رافعته !!!

أم حنين\أيه تذكرتهذه الله يسلمك بنت أم فيصل الكبيره!!

أم متعب\وش أسمها!!

ام حنين\أسمها ساره

أم متعب\أيه ساره ماشاء الله عليها شكل البنت هميمه وشقرديه الله يخليها

لأهلها


أم متعب\مخطوبه!!

أم حنين\لا والله ياخالتي لحد اللحين الله ما رزقها بولد الحلال.

أم متعب \الله يرزقها أن شاء الله







في الغرفه جالسه هي معه!!ولوحدهم!!تركوهم الأهل وسكروا عليهم

الباب عشان

ياخذون راحتهم في الكلاملكن اللي صاير اللحينولا أحد منهم نطق

بكلمه

وحده!!كلن سارح وشارد فكره لبعيدصايرين عكس المخطوبين الجدد

اللي

ساكتين عشان أنهم يستحون من بعضومش ماخذين على بعض

كثييرأما هم غير


كثيير كل واحد منهم يفكر لبعيد وبالمستقبل بوجه خاص .

يعني حنين تفكر كيف بتعيش مع هالفيصل وهي ماتعرف شخصيته الا طبايعه

السيئه تعرفها عدل.وكيف باسها على جبينها قدام الكل .!!وكيف مسك أيدها

وهو مفتخر بهالشيء وواثق كثيير !!وحتى اذا كلمه مايكلمها الا وهو قريب من

أذنها!!

كل هالأشياء كانت تدور في بال حنين وهي متناسيه وجود فيصل يمها.وقريب

منها.


أما فيصل يفكرشلون هالمخلوقه غيرته بلحظه وحده بس.وين اللي يقول بوريها

الويل وبخليها تندم على أنها أرفضتني مبدئياوين اللي يقول مش معطيها وجه واذا

دخلت بدخل غصب وعناد فيهاوبحرجها قدام الكل وبكشر في وجهها !!؟ طلع
العطس تماما من أول مادخل وهو يوزع أبتسامات مايدري ليه!!يمكن من الدهشه!!أو

يمكن لأنه أول مره يخوض هالتجربه.أو يمكن من الفرحه وشكله هذا الجواب

المقنعلكن مستحيل غرور فيصل اللي بداخله يعترف بهالشيءلأن كبريائه

مايسمحله

وأخيرا فيصل أوتعى من السرحان اللي صاير مصاحبه بهاليوم .

فيصل\بنظل كثيير ساكتين!!!

طبعا حنين مش راده عليه لأنها منقهره منهوشوي منحرجه

فيصل\طيب.حتى كلمة مبروك ماقلتيها لي!!

أيضا حنين ساكته ومنزله عيونها.

فيصل\أوكيأمممم ممكن أقول شيء!!

حنين(كل هذا وماقلت شيء يافيصل)

فيصل\معنى سكوتك أنك راضيهصح!!!

وأخيرا تكلمت حنين وقالت كلمه وحده.


حنين وهي رافعه عيونها\عــادي



(لالالالالالالا حرام عليك ياحنين انا ماأقدر .تكلمت وفي نفس الوقت تناظرين

فينيالله يخليك .تراني ماأقدر على هالشيء)

فيصل\أحم يعني أقول

أكتفت حنين بهز راسها بعلامة الموافقه.


فيصل\الصراحه ماأتووقعت أبدا أن شكلك كذه!!

عقدت حنين حواجبها بمعنى أنها مافهمت اللي يبي يقوله.




فيصل بصوت واطي\صورتك شخصيتك.شكلك


روحك.كلكجمالــكطاغي .طاغي حييييييل .يابنت العم


دخلت ساره بهاللحظه لأن حست أنا فيصل مصخها بالقعده والكل يتحرى حنين

تطلع.لأنهم خايفيين عليها كثيير .لكنهم مايدرون أن حنين أقواهم كلهم


ساره\يالله ياأخ فيصل أتأخرناوالساعه وحده

أكيد بتتوقعون أن فيصل بيعصب من تدخل ساره المفاجأ !!!لكن العكس صار.

حس فيصل أن ساره دخلت بالوقت المناسبلأن اللي عنده والل يبي يقوله قاله.

أما معرفته بردة فعل حنين مش مستعجل عليها!! لأن الأيام اللي جايه بتوضح

هالغموض أكثر وأكثر. وعنده كل الوقت عشان يعرف شخصية هالآدميه اللي

أقتحمت حياته.بدون سابق أنذار.

فيصل\يالله

قرب فيصل من حنين ومسك يدها وظغط عليها لأن حس أنا سرحت وقالها (في

حفظ الله).أما حنين كانت زي المتخدره والمتصنمه في مكانها .ويوم شافت أن

فيصل قرب ماأبتعدت ظلت جالسهتطالع فيه.

طلع فيصل من الغرفهولحد الآن حنين مش حاسه بشيءلأن فكرها مش معها

هي فعلا حست أنه مسك أيدها وظغط عليها وقالها شيءوطلع من الغرفه.لكن في

نفس الوقت تحس أنه ماطلعجالس معها. قبالها. قريب منهاموجود هنا.




العنود\خذي

ريم\أنا

العنود\أجل مين!!

ريم وحبت تجاري العنود بالكلام\شكرابس أيش عندك معطتني ورد

العنود\مش مني هالوردهمن عمرويسلم عليك

ريم \عمـر

العنود\أيه عمر !!أقول بعدين نتفاهم فيصل طلع بروح أشوف حنينأخاف سوى

فيها شيء

راحت العنود عند حنين وتركت ريم في حيره من أمرهاصح هي شافت عمر يعطي

العنود ورده بس ماأتوقعت أبدا أن الورده لها

ريم\ياويلي عليك ياعمر.والله ماأستحمل منك هالشيء.





\حنيــــن

حنين وهي تطالع في مزهريه كانت قبالها وماسكه الأيد اللي مسكها فيصل\هلا

العنود\أيش فيك!!فيك شيء!!

حنين\مافيني شيءانت شايفه شيء!!

العنود\لابس مدري احس أنك مش معي.صار شي بينك وبين فيصل!!

حنين\عادي.ماصار شيء مهم

العنود\حنين طالعي فيني تراني موجود معك بالغرفهلا تطالعين بالمزهريه

حنين\أيش !!شتقولين!!

العنود \ولا شيء.ما أقول شيء .سلامتك.

حنين \ولحد الان تطالع بالمزهريه وماسكه أيدهاالله .يسلمك



طلعت العنود من عند أختها وهي معصبه مره من تجاهل حنين لها.تحس أنه مش

معها.

العنود\أيش فيها حنين!!وأيش قالها فيصل!!!وليش هالسرحان!!اول مره أشوف أختي

كذه!!يارب ان فيصل ماسوى شي لها!!الله يستر شكل حنين مايبشر بالخير!!البنت

مش معي أحس أنها ضايعه تايههفي عالم ثاني.بس والله تقهرأنا خايفه عليها

وهي معطتني أكبر طاف.

أغلب المعازيم راحوا لبيوتهم ومابقى الا الخال بو لافي مع عياله جالسين بالصاله

حتى أبو حنين طلع مبكر اللي يشوفه يقول واحد من المعزومين مش من أهل البيت.

بو لافي\وين حنين والعنود وريم ما أشوفهم!!

لافي(أشكر فنك يبهوالله أنك حاس فيني)

أم حنين\والله مدري وينهم شكلهم في الغرفه مع بعض.

بو لافي\ياحليلهم والله هالبنات.يالله عقبال البقيه

لافي\آميــــن.

أم حنين\ياحليلك يالافي شكلك مستعجل على الزواج!!

لافي أنحرج\أحم.لا ياعمهبس أنت تعرفين لازم نكمل نص ديناصح عمر!!

عمر\صح والف صح!!

أم حنين\أيه نص دينكم.




كانوا البنات بالغرفه حنين طبعا لحد الآن سرحانه وشكلها كذه مش طالعه من

غرفتها والكل لاحظ سرحانها

أما العنود وريم منحرجين من لافي وعمروكل وحده منهم تعزم على الثانيه تطلع

قبلها

وبعد ماشالوا المكياج وغسلوا وجهم

العنود\يالله عاد طلعي قبلي!!

ريم\لا ياحبيبتي أنت أكبر منيلازم تطلعين قبل

العنود\أووف منك.

ريم\ومنك

العنود\مالت عليك بطلع قبلكأصلا أنا مش خايفه.

ريم\طيب يآنسه العنود وريني شطارتك وطلعي

العنود\زين ياريم وهذاني طلعت

وبالفعل طلعت العنود ووراها بخطوات طلعت ريم وهي منزله عيونها بالأرض

.<<مستحيه البنت



بو لافي\هلا وغلا بــ بناتي حياكم تعالوا

العنود\هلا عمي شلونك

بولافي\أنا بخير انت شخبارك

العنود\الحمد لله

ولفت على لافي\شلونك لافي

لافي\أحم.الحمد لله شلونك أنت

العنود\بخير


عمر\ريم

ريم\نـــ ــعــ ــم

عمر\خذتي الورده!!

ريم\أيه مشكــور

عمر\العفو.تعالي كل يوم عشان أعطيك ورده.

ريم\لا!!

عمر\أيه والله
.
ريم\زين

عمر\زين.

ريم\ههههههههه

عمر\ههههههههه

ريم\والله أنك شين!!

عمر\حتى أنت.شينه مرررررره <<طبعا يقصد العكس

أنحرجت ريم وأسكتت وقامت من كرسيها وجلست جنب أمها.

وعمر ماأستغرب هالحركه من ريم لكنه خزها بعينه

بو لافي\يالله ياعيال تأخرنا.


أم حنين\وين ياأخوي أقعد

بو لافي\مره ثانيه أن شاء الله بكره ورانا قومة جمعه

أم حنين\الله يحفظكم أن شاء الله


بو لافي\يالله,,نشوفكم على خير مع السلامه


لافي\العنود

العنود\هلا

لافي\قبل ماأطلع بقولك شيء

العنود\اللي هو!!

لافي\ قولي آمين

العنود\آمين

لافي\عقبالنا.

العنود من غير قصد\أن شاء الله.



لافي تصنم مكانه وماعرف أيش يسوي قام من مكانه بسرعهلأنه حس أنه يبي

يسوي أي شيء.توه بيتكلم.الا أبوه يناديه ويقوله يالله.

راح لافي بدون مايقول أي شيء بس أكتفى أنه يبتسم بوجه العنود


لافي(وأخيرا يالعنودعرفت ردك.ياقلبي واللهوالله كنت حاس أنك تحبيني مثل

ماأحبكالله يخليك لي يارب)


العنود(ياربيأيش سويت أنا!!ايش قلت!!!صج أني خبلهوغبيه بعدماصدقت على

الله الولد يقولي أن شاء اللهوعلى طول قلت أن شاء الله!!وش بيقول عني

اللحينياربي فشلهأحراج.كل بسبب لساني الطويل.مالت عليصج ثوره!!)

طلع بو لافي مع عياله من بيت أختهومر اليوم على خير



وتحدد زواج فيصل من حنينوصار بعد شهر ونص تقريبا.وطبعا حنين وافقت لأن
بنظرها خلاص كل شيء خسرته وماله داعي التأخير.


وبدت الأمتحانات الشهريه على الجميعوالكل مستعد لها.الا بعض

الأشخاصوأكيد عرفتوهم.وكانت صعبه على أشخاصوسهله على أشخاص

آخرين


مر شهر بطيىء جدا .بسب هالأمتحانات اللي تخلي الناس في بيوتهم.

وأغلب أبطال قصتنا على حالهم ماتغيروا


حنين:تستعد لزواجها وأغلب الأوقات بره البيت من سوق لــسوق.وتسوي

نفسها أنها مقتنعه بالزواج عشان تفرح أهلها وماتضايقهملكن تحس أن بحياتها مع

فيصل شيء غريب وحست بهالأحساس يوم كانت مع فيصل لوحدهمومردها بيوم

بتعرف وش هالشيء!!لكن نفسها العزيزهوكرهها لــفيصل يخليها تتكدر طول

الوقت

فيصل:هو الثاني يستعد للزواج وحجز أكبر الفنادق لعرسهومشغول طول الوقت

مع أخته ساره يالتجهيزات والترتيباتلكن شغله مستحيل يمنعه عن التفكير

بــحنينووده يكلمها مثل أي شخصين مخطوبين لكن غروره يمنعهوياماساره

عطته رقم حنين وتحاول أن يكلمه عشان يتفاهمون وتزيد علاقتهم ببعض لكنه مايبي

يكلمهايحس اذا كلمها بينهان وهو يعرف أنها مش متقبلته مبدئيا لكنه ساكت ومخلي

الأمور تمشي طبيعيهبس الود وده يشوفها اليوم قبل بكرهأو حتى يسمع

صوتهالكن كبريائه يمنعه

متعب:حزييين مهموم.مايدري هالسماء مغيمهوالا نورهمايعرف أذا اللحين

ليل والا نهار أغلب وقته يقضيه في الشغل والا في غرفته مع أوراقه وقلمه



لافي والعنود :عسل على عسلكل ماشافوا بعض أشوي كلام متبادل وشوي

أحراجاتلأن كل الطرفين عرف بمعزته عند الثاني


عمر وريم:على حالهم ماتغيروا.لكن عمر متضايق من سالفة احمد وناصر,,اللي لحد

الآن مصريين انهم يطلعون معهلكنه منشغل مع طلعاته بأخته.ومشاويرها للسوق

سوزان وزياد:ماتغير فيهم شيء ولا تقابلوا لكن سوزان لحد اآن تكلم هاليوسف
وتتقابل معهلكنها تحس بداخلها بشعور تأنيب الضميرأما زياد يعد الأيام عشان

يتقدم لــ سوزان لكنه منشغل بسفراته الكثيره



ترف وخالد:الثنائي الفظيعكل ماشافوا بعض يتخانقون ويقلبونها معركهلكن نهاية

اللقاء يرجعون أحسن من أول

بو حنين:من بين فتره وفتره يجي يزور عيالهلكنه مايطولبس مايدري ليه يحس أنه

يبي يجلس معهم أكثر من أول ويتقرب منهم


أم حنين وأم فيصل:منشغلين بزواج عيالهم وأتصالهم مع بعض بشكل يومي



هيفاء\مضايقه على حال أخوها ودايم تشكي لأخوها يوسفوتقدم لها أخو

صديقتهالكنها لسه ماأعطتهم الموافقه.

يارب .والله مليت من كثر التفكير.ولحد الآن ماستغريت على

راي.مدري أحس أني مش متقبلته كزوجأذا رفضت بتزعل مني

مروى.وأنا ماأبي أخسر صداقتهاوالحل!!!المشكله أني أستخرت أكثر

من مره ولا حسيت بأي شيء!!

يارب أرحمنــيوعلمني وش الخيره فيه.



طلعت من غرفتي عشان أغير جو الكآبه اللي عايشتهويوم بنزل من عند

الدرج لقيت باب غرفة متعب مفتوح وسمعت صوت موسيقى حزينه

قربت أمثر وأكثر عشان يتضح الصوتوياليتني ماسمعت

متعب جواله يدق وحاط على نغمة (سيرة حب)

آآخ عليك يامتعبلهدرجه انت حزينلهدرجه حبك لــ حنين

يعذبك!!ليش ياأخوي ليش!!ليش تسوي في روحك كذه!!أنت مو متعب

اللي أعرفهوش غيرك ياأخوي وش غيرك!!

دخلت غرفته وسكرت الجوال اللي كان يرن من الصبحويوم

مسكرتهسمعت صوت متعب الحزين!!وهو جالس على السرير

متعب\هيفاء!!

هيفاء\متعب!!أنت صاحي!!

متعب\أيه صاحيبس تعبان شوي!!

هيفاء\صديقك محمد .يدق عليك من زمانليه ماردت عليه!!

متعب\ماحسيت

هيفاء\ماحسيت بأيش!!

متعب\بالتليفونكنت مندمج مع الموسيقى

هيفاء\متعب!!

متعب\نعم

هيفاء\حرام عليك يامتعب حرام.

متعب وهو ماسك كتوف أخته\هيفاء حبيبتي لاتزعلين عشانيصدقيني هذا الشيء غصبن

عني.أنت لسه ماحبيتي ولا جربت طعم الحبوحتى لو حبيتي صدقيني

البنت اذا حبت ممكن تحب مره ومرتين وثلاث بعد لأنها بسرعه تنجرف

وياالعواطفأما الرجال أذا حبيحب مره وحده بسومستحيل ينسى

اللي يحبها

متعب\سمعي ياهيفاء سمعيني زين صج أن الكلام بيضايقك بس لازم

تسمعيني.أنا قررت

هيفاء\قررت أيش!!

متعب \قررت أسافر .جاتني بعثه لــ المانيا وهي دوره تقريبا 3

شهور وهذه فرصه ذهبيه مستحيل تتعوض مره ثانيهمنها أنسى ومنها

أتغرغ لدراستي وأكسب خبره في مجال تخصصي.


طلعت هيفاء من غرفة أخوها ودموعها في عيونهاهذي حالتها كل

ماتدخل غرفة متعب أو تشوفه لازم يقط عليها كلمه تذبحها وتخليها حزينه

والأدهى أنه هالمره بيسافروناوي على الفراق

هيفاء(متعب الدكتور اللي أسمه معروف في المنطقهوالمحبوب عند العايله

كلهامتعباللي البسمه ماتفارق شفاتهوروحه المرحه تعطي جو

السعاده في البيت كلهمتعبحبيب أمي وحبيبنا كلنايصير فيه

هالشيء!!ليه يارب ليه)




دخلت البيت وانا منزل عيوني من التعب والأرهاق 3أيام مانمت زي

الناسمن رحله لرحله.أووف والله تعبتوأبي أناملكن المشكله أني

جيعانمن صبح الله على لحم بطنيماكلت ولاشيءودي أنام وأأجل

الأكل لوقت ثانيوودي أكل وأشبع وبعدها أنام

دخلت المطبخ وفتحت الثلاجه ولقيت تشيز كيك بالفراولهوأنا أمووت

بالحلى خذت شوي منها وحطيته بصحنوجلست أكل على الطاوله

شكله هذا أكلي الحاليالمهم أن يسد الجوع وأصوات بطني اللي جالسه

توصوص

طلعت فوق لغرفتي وأنا أفكر بسوزانيالله من زمان ماشفتهاياترى

شخبارها اللحين وأيش سوت بالأمتحانات!!فقدتهافقدتها كثيير

هالأيام!!ليتني أسمع صوتها.

هههههههههه شكلك تحلم كثيير يازياد

دخلت غرفة التؤام خواتي وأول مافتحت الباب طاحت عيني على

ترفوهي جالسه تهذر .أكيد تسولف مع رهف فتحت الباب أكثر

وشفت معقوله سوزان ياربيمش مصدق.سوزانموجوده

هناشكلي من كثر مافكر فيها جت لعندي.



ترف\زيــاد الحمد على السلامه

ترف\أخينا في الله ياهــواالناس يردون السلام.عاش من

شافكممو تعطينا سفط وماترد علينازيـــــاد

ترف\ويه شكل الولد أستخف.

سوزان\الحمد لله على سلامتك زياد!!

زياد وهو متسند على الباب\الله يسلمك.شخبارك سوزان

سوزان\الحمدلله.وأنت شلونك

زياد\عايشين.

ترف\ياسلام.يوم أنا أتحمد لك بالسلامه ماترد عليواللحين أشوفك

داق سوالف مع سوزان هانم!!

زياد\حبيبتي تروفهانا كل يوم اشوف وجهكأما بنت عمي سوزان

علمي فيها من سفرة لبنان

ترف\اللي يشوفك اللحين يقول أربع وعشرين ساعه جالس في البيت

أغلب يومك في هالرحلات

زياد\شسوي ياحظيشغلي كذهالمهم تامرون على شيء بروح

أناملأني تعبان حيل

ترف\لا سلامتك

زياد\وأنت سوزان !!

سوزان\تسلم.مانبي غير راحتك.

زياد\الله يسلمك ويسلم غاليك.سلام

طلعت من غرفت خواتي وأنا فرحان ومرتاح في نفس الوقتأخيرا

شفت سوزان وهدى قلبهاللحين الواحد يعرف ينام عدل وبسلام



=======