الموضوع: هذي قصايد كتبتها في خااين الأخوه .

الأخوه, خااين, قصايد, كتبتها

[frame="7 80"]بسم الله الرحمن الرحيم

في البدايه أحب انثر لكم قصة هذا الهجاء

كان عندي صديق عزيز علي وكنت أثق فيه ثقه كبيره جدا

كانت صداقتنا طويله يمكن سنتين أو أكثر

ولكني طول هذي الفتره مالحظت إنه سوى أي شي يضرني

وحذروني منه كثير من أصحابي فزعلت منهم لاأنه كان وافي معي

وتركتهم عشانهم نصحوني أتركه.

وزادت ثقتي فيه.

وبعدها بفتره قليله طلب مني فلوس وجبتها له بدون أي شك

ومرت صداقتنا على كذا

وفي يوم من الأيام طلب سيارتي

وأنا من عادتي أترك أغراضي في السياره مثل (المحفظه).

فأعطيته السياره.

وجاني متأخر

طبعا جاني وجهه غير طبيعي أنا أستغربت منه ولا سألته

قلت يمكن يقول لي .

وبعد شوي راح وقال أهله دقوا عليه.

وطلعت أنا بسيارتي وكنت رايح للصراف أبسحب فلوس

يوم شيكت على الحساب لقيت مسحوب منه مبلغ كبير.

فتفاجأت ودقيت عليه أبغى أسأله ومارد علي .

وبعدين قفل جواله.

قلت بروح بكره بيتهم وأشوف ليش سحب المبلغ

يوم رحتله لقيته سافر ؟

فنصدمت صدمه قويه وضاقت الدنيا علي

فكتبت فيه قصيده وأرسلتها له ورد علي.

وهذي القصيده.

تخسى ويخسى كل من كان يغليك
أنته ردي مالك مع الناس منزال
ياللي تدور في البشر أحد يبغيك
وماراح تلقى يالردي ومالك آمال
أطلب الرحمن عساه يرفع مواطيك
وأطلبه يحقق آمالك وتصير رجال
مير أنت مبيوع من بضاعة مماليك
وسعرك رخيص ولا يبغاك محتال
سعرك رخيص ويكرهك شاريك
ويكره مادفع فيك من هللات وريال
يابايع أصحابك قبل كنت شاريك
واليوم نتطلتك تاكل تراب ورمال
أسكر وإنكر ترى محد مداريك
ولا تعتبر نفسك بين الرجاجيل رجال

الرد

يافهد شفت الجبال اللي لها شمخ طويل
كلن يبي يطلع لها ولا له جدي غير النظر
هذاانا مثل الجبل شامخ ولي هامة مرفوعة
ماتنحني ولا تنكسر لا كبريا ولا هو غرور
بس ماخلقت أحياء ذليل فطرة ربت في
داخلي وتحياء معي طول العمروكتب
( إذا استلمت الراتب بتلقى فلوسك مع أحد العيال)

مر على هذا الرساله شهرين وماحد جاني
ودقيت عليه وما رد

فكتبت فيه القصيده الثانيه.
لأني عفت الفلوس اللي معه

ياللي تواعد وتنقض في مواعيدك
وينك ووين وعودك ياراعي الأكذاب
من يوم عرفتك والكذب في تعاهيدك
والـذل فــيــك لــو تـغـتـر وتـنـهـاب
لا ياالذليل بعد ماكثرو مشاهيدك
وصرت منبوذ بين أصحاب وأقراب
حتى الحياة تبي تبعدك ولا تعيدك
مير إلزم البيت وصك دونك الباب
إلزم البيت وأنتظر رجل يريدك
مثل المره وإلبس عبايات وحجاب
ترى جميع الناس سمعو بما يكيدك
كل درى عنك قريبي وأغراب
لا تسرق اللي من كثر طيبه يزيدك
زادك بمعروفه وخنته بلا أسباب

وهدفي من هذا الموضوع عدم الثقه العمياء في جميع الناس

وأتمنى منكم الرد والملاحظات

وتقبلوا تحياتي.
عاشق الرومانس[/frame]

---

i`d rwhd] ;jfjih td ohhdk hgHo,i >