الموضوع: قصائد تستحق القرائه

وطن اغراب



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
على روحي حزين اسج رجلـي والمـدى كـذاب=وتاخذنـي الـدروب لوحدتـي وطعونـي اطعونـي

سفر ليت السفر فـي يـوم مايستجـدي الغيـاب=او انى لا وقفت ابكي اطيحهم مـن عيونـي

تغافلنـا السنيـن وعمـرنـا لرواحـنـا نـهـاب=ياليت انـه مـن احبابـي تعلـم كيـف ينسونـي

وطن كم قلت لك هذى الثرى لا يوطن الاغراب=و انـك لا تفقـد وجهـك المرتـاب بسجـونـي

امانـه ياتشـد القيـد او تفتـح لـي الابــواب=ولا تتركنـي الواقـف مابيـن الذنـب وظنـونـي

ابيـك الفتنـة اللـى ماعرفنـا لسرهـا اعجـاب=ابيك العاقل اللـي يحتمـي عقلـي مـن جنونـي

ابيك لذنبي الغفـران ولا تسـال عـن الاسبـاب=لانـى لـو نمـوت اللـي يعزونـك يعـزو نــي

تخيلنـا علـى كيفـك ولكـن لا تجـى مرتـاب=لان الظـن لـو تعتـق شياطينـه .تبلـونـي

تعبت اخايـل مزونـن تمنـي هالثـرى باعشـاب=وانا من عـام فـي صوتـي يتامـا لـك ينادونـي

عبرتك كانت الدنيـا تتمرجـح علـى الاهـداب=بكيتك .مااشكيت الحمل لو انـه اتعـب متونـي

لو اني ياوطـن مـن فقـد جيـت ادور الاحبـاب=تجـف الارض تتباعـد ولا مرت بـي مـزونـي

هنا كنا .وكان الليل يشبـه هالمـدى الكـذاب=يسولف لي .عن احلام الثرى ويغرب شجونـي [/poem]


[align=center]نزف الشاعر

سطام مشهور[/align]

كافرة بالعشق


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لو تروح الروح / من حبك=وافقده إسمي / وعنواني

ما نسيتك والله / وربك=كيف أبا انسى / عمري الثاني ؟!!

بك أغني شوق / و أطرب بك=و أتمايل تيه / يثناني

و أهمس بإسمك / و أنادم بك=قلبي المغرم / وتحناني

كل ما تبعد ؟ / أنا أقرب بك=وكل ما تقرب ؟ / أنا ( يااااااااني ) .!!

مول لاتنشد عنه / صبّك=تسري بدمي / وشرياني

ميتة ما فيني / لحربك=داخلة عاقلبك / احماني

كافرة بالعشق / واسلم بك=خاضعة / بالقـيد واعناني

ما حنيت الراس / يا / مـُربك=غير يومك / أنت تيجاني

جيتك ابتوبة / ومحرم بك=ساجدة / محرابك أبكاني

ما شربتك ؟ / والله أشرق بك !!=ولا جفيتك / عمري يجفاني [/poem]


[align=center]نزف الشاعره

شيخة الشيخات[/align]

الأسطورة


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يابنت روحي ماعليكي غبينه=روحي سلامه ودعي كيف مـاكـان

انا حياتي اكبر من المدينه=فيها صراع ومجد وامال واحـزان

فيها شجون وشد فيها سكينه=فيها عجاج وبرق ورعود وامزان

فيها شموخ الذات فيها لعينه=فيها فرح وسرور وانغام والحـان

فيها زهور البر والياسمينه=فيها شروق الشمس صحراء وبستان

باب انفتح من صوبكم قافلينه=ماعاد له داعي ومن دون عنـــوان

اللي مضى بالمرسمه كاتبينه=امسحه وامسح كل غبطات الازمان

مانتي حيات الذات مانتي سفينه=عبارةً راحت كذا دون ربـــــــان

فيها بشر كانوا بهاك السفينه=راحوا ضحايا ضايع فلان وفلان

شئً غريب وشئ مستغربينه=صارت ألم تهرج بها كل الاوطان

ناسً قضمها القرش ناسً دفينه=ظلم عليها البحر مافيه ميـــــدان

ناسً قذفها الموج ناسً حزينه=لليوم باقي غافل الوضع ياانسان

يوم تحب انسان يومً تهينه=يوم تعيش افراح وايام طفشـــان

يومً تدين مال يومً تدينه=عايش معاك العز وتقول حرمان

غير حياتك للحياه المتينه=كافي تقلب مثل شاشات الالوان

فكر بشخصً شايل الدهر عينه=وآخر بعيد العقل والعقل ميزان

فكر بمن فالسجن واللي سجينه=بين الحيا والموت فالقيد منهان

اذكر مريضاً فاقد اللي ثمينه=صحته ماهي كامله بين الابـدان

ولا يتيمً ماتصفق يدينه=قفوا هله مايبصره كود جيـران

هذي حياته بالزوابع سمينه=ثوبه عتيق وحالة الطفل فقـران

واللي بقبره طيب الله جبينه=صلوا عليه العصر ربعه وعربان

لا صاحبً عنده ولا له قرينه=مثله مثل من مات ماغير الاكفـان

يجعل كتابه حامله في يمينه=في جنة الفردوس ماهوب خسران

هذا وغيره طالب الله يعينه=يكون قسمه تالي العمر ربحـــان

هذا الكلام اللي لكم مثبتينه=هذا كلامً صدق مافيه كتمــــــان

مانتي وطن بارواحنا حافظينه=الكل لاجله يقذف العمر كسبان

الله حمانا بالحرم والمدينه=بالليث عبدالله وبالليث سلطان

الروح لاجله والولد مرخصينه=الرابح اللي قدم العمر لاهان

ماني مثال الخلق لاتجهلينه=حالي يعرف الجد فالجد بركان

هيه العمر ماهو لعينك رهينه=ماني حبيس البيت لاجلك بالاركان

تلقين غيري مطلبك تعشقينه=ماحدً ينام الليل يابنت جيعـــــان

حتى الاسد مانام داخل عرينه=يسعى يحصل رزق من غير برهان

كوني لقولي ياغرامي فطينه=وان كان رحتي ياخذ الوضع نسيان [/poem]


[align=center]نزف الشاعر

وليد الحميد[/align]

بنات الشرق الأوسط


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
هلا باللي سكن قلبـي ولاغيـره ملاعينـي=سكن فالقلب واحتله وصارالقلب تحت امـره

اشوف الموت بعيونك وبرموشك تنسيني=همومٍ عايشٍ فيها واعيش بعالمٍ حره

كتبت اسمك وسط قلبي بحبرٍ من شراييني=اقطر دم شرياني لجل عينك مية قطره

هواك القلب ماغيرك هوى ياكامل الزيني=بنات الشرق الاوسط في عيوني مالهن نظره

وشوفك يابعد روحي عن العالم يكفيني=ربيع القلب والحساد لك ياسيدي جره

ليا شفتك ملكت اعريبيا والهند والصيني=ولو هدد بلير وبوش ابد ماحركو شعره

وبا اجمع كل عدوانك وبا ادعسهم برجليني=وانا غانم لذوقهم لهيب النار محتره

واخذ مني وعد ماانساك دام الله محييني=ولا قفت بي الدنيا مصير الآدمي قبره

تراه اتلا العهد والآدمي مردود للطيني=تراه اتلا العهد لكن تصدقلي ولو تمره [/poem]


[align=center]نزف الشاعر

غانم الذيابي[/align]

اكبر الطعنات


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الشوق جارح والجروح احيان ماتلقا شفا=وانتي بهذا الوضع صرتي مصدر الجرح الغميق

ياجارحتني بالمحبه روفي بحالي كفا=لعب بمشاعر من يحسّ بخافقه مثل الحريق

من صار له حق ٍ صريح وثابت ٍ حقه عفا=وانا عفيت عن التمادي منك لو تهت الطريق

ترى اكبر الطعنات طعنااااات الصديق ليا جفا=إقري على الدنيا السلاااام ليااختلف قلب الصديق

وانا سراجي بالوفا والله ليبطي ما طفا=ماختار طعم الحنظله مادام جرّبـت الرحيق

ترى الوفا والصدق يابنت الرجاجيل إحلفا=وفا وصدق اوعكسها يعني شقيقٍ مع شقيق

وانا وفي واناصدوق وقلبي بحبك صفا=وانا اتحمّـس وانتي بغفوه وبسباتٍ عميق

اصحي قبل ينباح مكنوني وابيــّــن ماخفا=تراني أُقسم لك برب البيت لفراقك ماطيق

وانا واعوذ من الونا وافي مع اصحاب الوفا=قلبي يظم من التحدي شي لكنه رقيق

حسبي عليك امدّ كفي لك وادوّر للدفا=وانتي تشوفيني غريق ولا فزعتي للغريق

هل ذنبي اني اكره الغدر ولا اسولف بالقفا؟=وهل ذنبي اني بالوفا مرتاح وحجاجي طليق؟

وهل ذنبي اني رافعٍ راسي وساسي ماهفا؟=وهل ذنبي اني اعشقك والعهد في قلبي وثيق ؟

البارحه يوم العرب كلن على فراشه غفا=ونيت ونـّــه تجعل اللي غايبٍ عقله يفيق

من سبتك جرحي نزف من سبتك همي لفا=من سبتك قلبي يفوح اقــوّوو من فوح البريق

احن لك وانتي علي اقسى من صخور الصفا=وإن قلت ابا اترك سيرتك ياهاجره صدري يضيق

والشوق جارح والجروح احيان ما تلقا شفا=وانتي ياحول الله صرتي مصدر الجرح الغميق ّّّ!![/poem]


[align=center]نزف الشاعر

عبدالعزيز المرشدي[/align]

أذلف


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مبغى سلامك. لاتسلـم .ولا أبغـااااك=اذلف وخل اللـي بجوفـي . بجوفـي

فعلك .وعطر لحيتك مـن سوايـااااك=لأمت مـن ودنـك. ولابـان خوفـي

أرخصتني با البيع .وابشر بفرقـااااك=لو كنت نون العيـن .مبغـاه شوفـي

يحرم علي ما اهين نفسي لشـرواااك=راسي يموت. اليا نزل عـن كتوفـي

وان خانني وقتي وذولا وذولااااك=والله مصفـق عنـد مثلـك. كفوفـي

ماني بولد اللاش. قطعت عرايـااااك=أنا ولد منهو لمـا قـال يوفـي

من لابة .تارد على حـوض لادرااااك=نارالحرايـب .فـي نهـار الحتوفـي

لاصاح صيـاح المنايـا توطـااااك=تاخذ مع راسـك ثمانيـن صوفـي

والكيه اللي فـي خفوقـي ليمنـاااك=تبطي سنين وهي من اغلى ضيوفـي[/poem]


[align=center]نزف الشاعر

عبدالعزيز اليامي[/align]

سموحه


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
انا لي كم سنه بكتب حروف اسمك على الجدران=عذاب وخاطري همٍ يسامر نجمة افكاري

دجى دامس يداعب طلتك مثل القمر لا بان=ووناتٍ يلاحقها الندم ياطول مشواري

وياخذني خيالي بعيد هناك لقصة الاحزان=بدايتها امل ضايع وتاليها من اشعاري

حبيبي لاتعذبني كفايه منتهى الحرمان=اسامر صورتك وابكي طوال الليل سماري

هواك اللي معذبني يقيد بداخلي نيران=اسولف بك مع السمار وتحلى لي مع الساري

احبك ون ذوى غضي احبك ون غدى ذبلان=سقيته دمعة اعيوني وزرعته ورد في داري

اموت بغربة افكارك اموت من الدفى بردان=كثر شوقي رعش كفي وبردك ذاب في ناري

اماني حطمت حلمي وماتت في بقايا انسان=فديتك هاك تستاهل اشبك واطفي انواري

ترى حبك معي باقي تأكد مابها نسيان=من افكاري وسط قلبي ويغلى في دمي جاري

عشقتك من زمان اول انا لي في هواك ازمان=احبك واتغنى بك 0 ( سموحه بحت باسراري )[/poem]


[align=center]نزف الشاعر

محمد المتحمي[/align]

دالوب القصيد


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
دار دالوب القصيد ودندنـن اجراسـه=واستلم فكري حروف القاف واستدرجها

واستهاض القلب منها واشتغل هوجاسه=وضاقت بعيني الدروب الواسعه وفججها

استوى درب السلامه والخطر بقياسـه=والنفوس القشر دايم همهـا مزعجهـا

قمت اسايسها وانا ليّه معهـا سياسه=واحكم الكلمه قبل لا اعلن لها مخرجها

المعاني مثل روض اخضر وانا عساسه=وكل دانه من نصيب اللي بده فالجهـا

ول يا طارٍ طرا فكـر المشقـا حاسـه=قام يستدرج خيول الفكر لين اسرجهـا

يا هوى قلب المشقـا يارجـاه وياسـه=ويا سبب بيت القصيد وحرفه ومنهجها

والله اني من غرامك شاربٍ من كاسـه=مير مدري صحبتي وياك وش منتجهـا

يا وحيد الفكر يا همـه ويـا نبراسـه=الجروح الداميه من غيـرك يعالجهـا

ربك اللي لبسك تاج الجمـال الباسـه=ارحم النفس العزيزه معك لا تحرجهـا

لا تقول اضروفنا واوضاعنا حساسـه=الليـال المقبلـه ربـك لنـا يفرجهـا[/poem]


[align=center]نزف الشاعر

حسن الوطري[/align]

أبو وجهيني


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ليلة البارح شقى واحزاني=عشتها واللي حصل يكفيني

يا الله دخيلك وش اللي جاني=منهو اللي بالغدر ناويني

ماجنيت ولا سرقت اخواني=احمد الله واشكره مغنيني

جل منهو يرزق الفقراني=بالقناعه في العسر والليني

ليش يا حضي علامك ثاني=في مغبات الخطر ترميني

لصداقه والوفا عنواني=ماتغير بين حين وحيني

وانت يالي جيتني زعلاني=وانت اصلاً شخص ما تعنيني

تحلف وتكذب بلا برهاني=عارفٍ طبعك واعرفك زيني

جيتني تبغى تثير اشجاني=خاين وتلعب على الحبليني

احسبك صادق وشانك شاني=واثر الك في المجتمع وجهيني

خاين وغدار مهما كاني=انكشف سترك وحضك شيني

يا حسافه وردة البستاني=اذبلت لو عطرها يحييني

كيف اعشقك يا غصيني الباني=وانت نارك في الخفا تكويني

روح فارقني كذا وانساني=لاتذكرني ولا تطريني

وإن كتبتك حرف قص لساني=لو بزينك والدلع تغريني [/poem]


[align=center]
نزف الشاعر

سعد العصيمي[/align]