الموضوع: ديوان كلمات الأغاني .

مستغربه
مستغربه تسألني وش غير عليك
لما الوداع أرخى الستار
عيونك شتاء والنار في رعشة يديك
وصمتك بحر ماله قرار

يا أغلى أمل أنا هويت
إن كنت يالحلوه دريت وما دريت
هذا الهوى أجمل وأقسى تجربه
ما أوعدك إلا بوفاء وقلب مراده يسعدك
ما أوهبك إلا حياتي وروحها اللي بيدك

مهما الليالي حرمتنا ودها
وأيامك لغيري تناهى شهدها
إنتي المحبة كلها لا قبلها ولا بعدها
ما يقدر النسيان عني يبعدك

مسافر أنا أنا كلي رجاء
لا تجرحي منهو إلتجأ
بعيونك الحلوه من الدنيا وجاء
معنى حياته في كلمتين حب ووفاء
منك على مر السنين

مسكين
مسكين من حبهم
واللي مشى دربهم
عانى قسوة قلبهم
ويلهم يا ويلهم

الغدر فيهم طباع
والناس ترخص تباع
دربهم درب الضياع
ويلهم يا ويلهم

لا تصدق من يكون
كلهم بس يدعون
الوفي منهم يخون
ويلهم يا ويلهم

البعد هو الوحيد
ينفع معاهم أكيد
أبعد وخلك بعيد
ويلهم يا ويلهم

يا رافعٍ صوتك
يا رافعٍ صوتك مع شيلة الطار
هذي حياتي غناها لي قصايد
ناجي الخفوق اللي من العام محتار
لا من نوى يبلى تجدد جدايد

تكفيني أوهامك وتكفيني أعذار
تكفيني دموعك في عيني شرايد
لا من نويت البعد تمنعني أقدار
لا من وقف حظي غدى القرب كايد

ما كل قلب جرب الحظ صبار
بعض القلوب تروح لأجله فقايد
ليت الهواء يشرى نشريه بأعمار
ليت القصيد يفيد بأبكي قصايد

لاتشكى
لا تون ولا تشكى
العشق ما منه فكه

ليتني ما قد عرفته
لا و لا أمنته قلبي
ليتني أول ما شفته
مقبلٍ غيرت دربي
أما ترضى في نصيبك
و لا باب العشق صكه

ليه أنا أتعب وأضحي
وايا واحد ما يحبني
الحزن حتى في فرحي
من كثر ماهو جرحني

كل ما حاولت أنسى
ألقى زوله في عيوني
والعمل وايا حبيبي
يا أهل العشق أنصفوني

البارحه يوم الخلايق نياما

البارحه يوم الخلايق نياما بيحت من كثر البكا كل مكنون
قمت أتوجد له وانثر علامه من موق عيني دمعها كان مخزون
ولي ونتن من سمعها مايناما كني صويبن بين الاظلاع مطلوع
والا كما ونت كثير السلامه خلوه ربعه للمعادين مديون

والا فونت راعبية حمامه غادن ذكرها والقوانيص يرمون
تسمع لها بين الجرايد حطاما ومن نوحها تدعي المواليف يبكون
والا رضيعن جرعوه الفطامه امه غدت قبل اربعينه يتمون
جاها القضا من بعد شهر الصيامه صافي الجبين بثاني العيد مدفون

حطوا عليه من الخرج ثوب خاما وقاموا عليه من الترايب يهلون
راحوا بها حزت صلاة الاماما عند الدفن قاموا له الله يدعون
لرضاه والجنه وحسن الختاما ودموع عيني فوق خدي يهلون
ياقبر اسقي ثراك القماما مزنن من الرحمه عليها يصبون

ياليت اغصان النفل والخزاما تنبت على قبرن به اليوم مدفون
مرحوم ياللي مامشى بالملامه جيران بيته راح مامنه يشكون
اخذت انا عشرة اعواما مامثلهن بكيمتن مالها لون
والله كنه ياعرب صرف عاما وياعونت الله صرف الايام وشلون

واكثر اهمومي من بزورن يتاما ان شفتهم قدام وجهي يبكون
ان قلت لاتبكون قالوا علاما نبكي ويبكي مثلنا كلمحزون
قلت السبب تبكون قالو يتاما قلت اليتيم انا وانتم تسجون
مع البزور وكل جرحن يلاما الا جروح بخاطري مايطيبون

قمت اتشكى عند ربعن عدامه جوني على فرقا خليلي يعزون
قالوا تزوج وانس لامه بلامه ترى العذاره عن بعضهم يسلون
اخاف انا من غاديات الذمامه اللي على ضيم الدهر مايتاقون
او واحده مع عقله بالتماما تضحك واهي تلدغ على الجبد بالهون

توذي عيالي بالنهروالكلاما وانا تجرعني من المر بصحون
والله لولا هالبزور اليتاما واخاف عليهم من السكه يضيعون
لقول كل البيض عقبه حراما واصبر كما يصبر على الحبس مسجون
عليه مني كل يومن سلاما عدد حجيج البيت واللي يطوفون
صلوا على سيد جميع الاناما على النبي ياللي حظرتوا تصلون

جدول حنانه

يوم اسألوني عن حبيبي ويش اسمه
قلت اعذروني يا مخاليق مدري
مجهول عن غيري وقلبي يعرفه
واسمه معي منقوش في وسط صدري

اخفيه بعيوني واصونه بروحي
الصاحب اللي ما جرحني بغدري
أخاف من شي يضره او يوذيه
ما تدركون السر معروف عذري

ايام حبي له توالت سعاده
ما ارخص بحبي ولا رام هجري
مرجح كفت غلاي بغرامه
جدول حنانه لي من الحب يجري

يجري ومرويني بصادق وداده
كنه معي مولود من يوم صغري
ان حالوا العذال بيني وبينه
حبه علي جبار بالجور يجري

ما بعت في حبه ولا لي غيره
تبدلي قلبي له من الغير عسري
افديه بقرابي وكل الجماعه
واشريه بعيوني وروحي وعمري

أه أه أه ياقلبي
وشلون اصارح حبيبي أه ياقلبي
واقوله اني احبك اه ياقلبي

اخجل اصارحه واقول اهواك
خاتم بأصبعها وروحي بيمناك
من تحت اهداب العيون تسحرني نظرتها
من فوق غضات الشفايف يامحلا بسمتها

ارجوك ساعدني بالروحه والجيه
الصمت يبعدني ببحور وهميه
ياليت صمتي يزول وقت ما اشوفه
والحجي منه يطول وتسعدني عيونه

انتي حيات الروح ماعيش من دونج
وانت نظر عيني تسلم لي عيونج
عجز لساني يبين الخافي
والا دموع العين تكشفلج اسراري
أه أه أه ياقلبي

معذور
معذور من مثلي صبر
معذور بالحب انجبر
مدري شسوي ياهلي
بالحب قلبي مبتلي
بالهم ودموع السهر

ابجي وعن الناس اختفيت
وشموع ليلي تنطفي
ان مر طيفك بسأله
ودي احل المسأله

وابدل اسكاتي بدموع واهات
ان مر طيفي او حظر
ماظنتي عندك خبر
ابحالتي مايفتهم
عندك عذابي مايهم

ياخساره

ياخساره حبيت واحد مادرى عني
ياخساره اشقيت نفسي بالتمني
الحقيقه الزين مايدري
هو في دنياي شمسي وبدري
ياخساره الزين مايدري

اه اه يازمان ليش انا ساكت
اه اه يالقهر اعيوني مانامت
فجرت اهات القهر
وطال في عيني السهر
ياخساره ياخساره الزين مايدري

ودي اصرخ واقول اني احبك
واعترف قلبي مات في ودك
لكن الخوف صيطر على احساسي
اخاف اتفاجئ برده القاسي

ويقول يقول ماحبك
ويتغير الحال يتغير الحال
افضل سكوتي واقول
اقول الزين مايدري