الموضوع: ديوان كلمات الأغاني .

المسافر راح

لا تلوح للمسافر المسافر راح
ولا تنادي للمسافر المسافر راح
يا ضياع أصواتنا في المدى والريح
القطار وفاتنا والمسافر راح

يالله يا قلبي تعبنا من الوقوف
ما بقى بالليل نجمه ولا طيوف
ذبلت أنوار الشوارع وإنطفى ضي الحروف
يالله يا قلبي سرينا ضاقت الدنيا علينا
القطار وفاتنا والمسافر راح

مدري باكر هالمدينة وش تكون
النهار والورد الأصفر والغصون
هذا وجهك يالمسافر لما كانت لي عيون
وينها عيوني حبيبي سافرت مثلك حبيبي
القطار وفاتنا والمسافر راح

عاش من شافك

عاش من شافك حبيبي
وين كل هالغيبة عنا
كانها ظروفك رضينا
كانها غيره زعلنا

حلم ولا علم شوفك
ولا أنا أكذب عيوني
من كثر ما أنا أنتظرتك
شوقي وصلني جنوني

يا هلا والله بحبيبي
اللي ما أتحمل بعاده
كل هالغيبة تغلي
ولا أنا شوقي بزياده

والله لك بالقلب وحشه
يا حبيبي و أنت غايب
و أفرحت عيني و قرت
فيك يا أغلى الحبايب

غاليين

غاليين والله ما بها زيف و خداع
و الحب واضح في كلامي و شعوري
غنيت شوقي لك على كل الأسماع
و القلب عندك في غيابي و حضوري

مهما أصادف مالي بغيرك أطماع
باهي جمالك يرضي ذوقي و غروري
ياللي بحنانك تنتهي كل الأوجاع
أنت الوحيد بدنيتي شئ ضروري

حبك ملكني و أستقر بين الأضلاع
و أنفاسك العذبة عبيري و عطوري
أمري بأيدينك و أحكم بكل الأوضاع
و أنت المُخير بين حزني و سروري

تفنن

تفنن في طروق الحب شرقني وغربنــــــــــي
معك يا زين دوخات الهوى ويا حلو مشــــواره
وغرد في سما سمعي ابي تحكي وتطربنــي
سواليفك مطر عمري ربيعي ضحكة ازهــاره

حبيبي يا بعد كلي وكلك صدق تعجبنـــــــــي
بغيباتك وصداتك وتلويعك وتكــــــــــــــــراره
تجنن كل ما اشوفك احس انك تذوبنــــــــــــي
وتضيعني من الدنيا وتشب بخافقي نـــــاره

جمالك ناهب قلبي وتفكيري وناهبنـــــــــــي
دلالك يارقيق العود عود تعزف اوتــــــــــاره
تولعت بتصانيفك وتعذيبك يولعنــــــــــــــي
وعلى اي حال راضي بك شمس العمر وانــواره

وحشتيني

وحشتيني وجيت أسألأسأل
واظن اني على بالكعلى بالك
عسى ماشر ماتسال تسأل
وش اللي غير احوالك

وحشتينيوحشتيني

رغم بعدك وتقصيرك
ورغم انك معي قاطع
تزعلني واجي لرضاك
وأحبك وارضى بالواقع

وحشتينيوحشتيني

ترى مهما جرى مني
ومهما كنت انا الغلطان
سؤالك عني مايمنع
ولو قلبك علي زعلان,,

وحشتينيوحشتيني

المحبة
المحبة نارها نار وادواها دوى
وانت في قربك سعادة وفي بعدك عذاب
ودي انك معاي تعيش وان متنا سوى
ما تغيرنا الليالي ولا طول الغياب

يا حبيبي مقدر انساك ولو قلبي نوى
يا ما فينا الناس قالوا وياما الظن خاب
كم عذول في هوانا تحدى والتوى
رافعين الراس في الحب ما نحسب حساب

يشهد الله الوفا فيك هو سر الهوى
والا يا مكثر قلوب محبتها سراب
دايم المشتاق لو كان يشرب ما ارتوى
اسال اللي جرب الحب يعطيك الجواب

حبيبي معايا

والله و تحقق منايا
شوفوا حبيبي معايا
يا أهل الحسد والوشايا
سعادة القلب وياه
والماي عود لمجراه

حاولتوا ياما و يامة
زدتوا علينا الملامة
لكن وصلنا بسلامة
ومن يزرع الخير يلقاه

يا حاسدينا إليكم
من خوف قلبي عليكم
حياتنا مو بيدكم
مكتوب عشناه و شفناه

والله و شبكنا الأيادي
قدام كل الأعادي
رايق لنا الجو هادي
سلم و أنا قلبي حياه

قماري

قماري قماري الليلة قماري
قماري قماري لا تسري ياساري
بدري وتو الناس يا شمعة الجلاس
بعد السمر ما طاب ليش أنت بس ساري

الكون بك ناير و الشوق بك طاير
خلك معي لا تروح عن قلبي الحاير
لا جيتني أفرح و أحكي معك و أسرح
ياللي الهوى أنت و ديرتي و داري

عيدك ترى عيدي الليلة يا سيدي
أنسى الهموم و عيش حط أيدك بأيدي
روحي ترى فدوه لعيونك الحلوه
أسهر معاي الليل و أطفي لهب ناري

الله يحييك يالغالي

الله يحييك يالغالي
قرة عيوني على شوفك
في غيبتك ماأهتنى بالي
بس أنتظر تسمح ظروفك
أرتاح لا شفتك قبالي
يا مالي العين بوصوفك
الهم لا جيت ينزالي
وإن رحت ماغابت طيوفك
يا قاهر قلوب عذالي
بالقلب يا كبر معروفك
مايروعك الوقت في غالي
الله يطمنك في خوفك