الموضوع: ديوان كلمات الأغاني .

ليلى ومجنون

خلنا في المحبة
مثل ليلى ومجنون
بين الحب بين
ليش تخفيه بصدرك
لو خفيته حبيبي
بان في وسط العيون
حان وقت الصراحة
مل صبري وصبرك
لي متى الصمت يبقى
والهوى سر مكنون
ليش تزعل حبيبي
وليش مشغول فكرك
دامني في المحبة
شايل الهم لك عون
سرني القرب منك
ليت قربي يسرك
نلتقي بعد غيبة
ويهتني قلب محزون
خلي الناس تدري
بأمر حبي وحبك
دام ساس المحبة
بالوفاء دوم مصيون

حمام

حمام وقف يا حمام
حمام تكفى لا تطير
برسل معك مني سلام
مخصوص لعيون العشير
قله حبيبك ما ينام
قلبه من الفرقا كسير
يشكي على هم الغرام
وبعد الحبايب ما يصير
القلب يخفق بـ أنتظام
قبل الهوى يمه يسير
واليوم من بعد الغرام
دقات قلبي تستجير
القلب عاشق مستهام
من غير قربك له يحير
مسكنك في قلبي دوام
محدٍ معك يسكن خشير

أغلى حبيبة


يسألوني ليه أحبك حب ما حبه بشر
وليه إنتي في حياتي شمسها وإنتي القمر
وليه صوتك لا وصل صحراي يملاه الزهر
علميهم يالحبيبة يا أغلى حبيبة
يسألوني ليتهم مثلي يعيشون الهوى
الأصابع في اليدين الواحدة ماهي سوا
عندهم حبك طبيعي وعندي فوق المستوى
فهميهم يالحبيبة يا أغلى حبيبة
يسألوني وفي شفاتي يرتعش حر الجواب
ما دروا إنتي بحياتي راحتي وإنت العذاب
وإنتي حلمي اللي عشقته وطار بي فوق السحاب
خبريهم يالحبيبة يا أغلى حبيبة
يسألوني وأنتي أكبر من سوالفهم جميع
وإنتي أجمل ما خلق ربي بهالكون الوسيع
وإني أتلاشى بدون عيونك الخجلى أضيع
إعذريهم يالحبيبة يا أغلى حبيبة

ياعرب

ياعرب وين الذين هم ينصفون
عن رهيف العود قطاع الوصال
ذابح العشاق بسهم العيون
كن ذبح الناس في شرعه حلال
أشتكي منه وعندي ما يهون
كل ما أبعد ألاقي القلب مال
له جديلٍ لا أرتمى فوق المتون
كن شمس العصر بعناق التلال
شلت فيه من الوله عذب اللحون
فيه طرقي يا أهل المعنى يقال
ترجح بحسنه موازين الفنون
والحسن بعده مجرد أحتمال

اسال عليك

أسال عليك وينك يا كاملٍ زينك
كم يا ترى خطوة ما بيني وبينك
متى الزمن يسمح وبشوفتك أفرح
ياللي قضى عمري على رموش عينك
بعيون كل الناس لفيت و دورتك
حالي طواه اليأس وللحين ما شفتك
يا حبي المجهول الوين صبري يطول
كلن وفا دينه وانت ماوفيت دينك
ياصورة راسمها في خاطري وبالي
أحساسي ترجمها إنك حبيب غالي
وين ومتى ألقاك ياللي بعيد هناك
يا سيدي قولي أي صوب عناوينك

خلك معي

خلك معي دايم و أنا أكون مبسوط
لا تغيب عني يوم ويضيق صدري
قلبي وهب لك صادق الحب مصفوط
والا على غيرك من الناس بدري
مادري وش اللي بالهوى شاطني شوط
والا ترى قلبي من الحب حذري
طبعي هواوي لكن اليوم مضبوط
صار الوفاء في دمي اليوم يسري
حبك غزاني دون تحذير وشروط
وأثر على طابع سلوكي وفكري
صوتك وهمسك والحلى فيك مفروط
ولاصرت أنا مجنون حبك بعذري

دنيا حظوظ

دنيا حظوظ دنيا حظوظ
والله رمى حظي معاه
عندي حبيب ماله حبيب
إلا الذي يمشي برضاه

من وين وين ياناس وين
ألقاها يعني في هواه
أصبر عليه وإن غاب أجيه
و هو يتحداني في خطاه

إن قلت أبيه شالحل فيه
لاني فـ أرضه أو سماه
أنا بجهاد وهو بعناد
و المشكلة يعرف غلاه

حاولت أقول الشرح يطول
أشرق و تمنعني الدموع
مسك الختام و آخر كلام
لا عاش حبٍ في خضوع

الليل روح

الليل روح و الدموع أربع أربع
يا للعجب منك و عليك أرجع أشكيك
ياما عليك العين بالدمع تدمع
و ياما تصنعت الرضا لأجل أراضيك

ياما ترجيت الوصل و أنت تقطع
خانتني عيوني لى حل طاريك
قلها يكون اليأس لي منك ما أقنع
تعبت عيوني من رجاك و ترجيك
باكر يقولون العرب الشمس تطلع
لك يتضح ما اخفوه ناسٍ حواليك

الشاهد الله فيك ما اوحي ولا أسمع
ما أطيع ناسٍ يا حبيبي حكوا فيك
غلاك عندي من غلا غيرك أرفع
و أبعد من نجوم السما كيف ما أغليك
مالي بغيرك من هوا الغيد مطمع
ما شفت بالدنيا جميلٍ يحاليك

على كيفك

على كيفك يجي كيفي
انا لك رهن ما تأشـر
بغيتك تطلب عيونـي
وشوف بمطلبك عفـا

تدلل يانظـر عينـي
حشى ماقول غير ابشر
رهنت القلب في حبك
ولو يلقى معك حدفـا

انا ياحبـي الصافـي
معك بالخير او بالشر
وهبتك قلبـي الوافـي
في ليلـة حبنـا زفـه

تزين بقربـك ايامـي
ولا غيري معك يسهر
وزن حب العرب كفٍ
وحبك راجـح بكفـه