الموضوع: ديوان كلمات الأغاني .

(( القلوب الطيبـه ))





يادلال ان ضاع صوتي لايضيع اللي بقـى
لاتضيع الصورة اللي في خيالـك يـادلال
يابعد طول المسافـة والكلافـة والشقايـا
بعد كـل الحيـاة وكـل ماجـاب الخيـال
ماورى سـود الليالـي والفـراق إلااللقـا
وش تبين بهالدموع الزرق يابنت الحـلال؟
اتركي عنك الدموع وخلي الحـزن يهقـى
ان مالـه فالقلـوب الطيبـة أيـة مجـال
كلها جرح ونشـوف الليـل لامنـه بقـى
في جلال الصبح جعل الصبح مايلقى جلال
اقبلي قبل انتفارق والوصـال ابـو النقـا
ودي آخذك بيدينك والنقـا ولـد الوصـال
اقبلي واليوم يـوم الشعـر كانـه مارقـى
يم ذيك الغيمة اللي كنهـا (طلبـة تعـال )
لايجي باكر يغني : (ياسقـى الله وسقـى)
كل شي ان طال زال الا القصايد ماتـزال
لعن ابو ذكرى القصايد كان ذكراها محقـا
كل بيت وذكرياته في ملامحهـا سـؤال :
وينها اللي كنت انا والصبح ويديها شققـا؟
اي فال اللي رماني في خيالـك اي فـال؟
آه كان الشعر راح ورحتي انتي وش بقى
مابقى لي غير اجر الصوت وأسري يادلال

((بنت الشعر ))





ياقصيدي شد حيلك وأخذ من جورك عداله
وأنفض غبارك وطوّح باللحون السامريه
أبشر بعلم ٍ تسرّ البال رشفه من زلاله
أبشر بعلمٍ يجيب أقصاك ويردك عليّه
أبشر بـ ( ريف الضلوع العوج ) جت منها رساله
رجعتني للحياه وذكرّتني بالمنيه
أكتبت فيها : (( من سهول الشمال ومن جباله
_لأرض الأحباب وبلاد الحب _ إلى نجد العذيه
من صبيّه عاث فيها الوقت وأعياها أحتماله
للحبيب اللي يطيح فـ غيبته دمع الصبيه
يالحبيب أن مرّك أسمي في الرساله وأنت داله
أعتبر هاك الرساله طيش بنت ٍ نرجسيه
وأن قريت أسمي وطاحت دمعتك قبل الكماله
كمّل السطر الأخير وبلّغ الشعر الوصيه ))
وأكتبت لي فـ آخر سطور الغلا سطر ٍ لحاله
بشّرت في القصيد وجت تسوق الشعر ليّه
ياقصيدي وأنت عم القلب وجروحي خواله
لاتردّى ماخبرتك ياولد راعي رديّه
أقدح الشعر وتوّلم مانبي لـ أحدٍ جماله
مالها غير المساري والحروف الأبجديه
دامها لعيون بنت الشعر والحسن ودلاله
والله أن يقال فيها الشعر وتسوقه حميّه
العنود اللي تذّكر واحدٍ ماغاب باله
بالقصايد والرسايل وأسمها والمقدريه
كيف تسألني عن أسم ٍ هزّ له غصن وحدا له
شاعر ٍ من طول صمته ماهقيت ألقاه فيّه
ليتها تسأل جنوب القلب عن صحراء شماله
كم بقت رغم الهبايب في قفاريه الخليّه
وأن بغت تسأل قصيدي جعل يفداها خياله
تقلط هنيّا وتبشر بالسعد والشاعريه
القصيد أن كان ماانصف شاعره لاجا مجاله
وش نبي به يوم نكتب فيه ونحطه قضيّه

(( برد وأيام واحباب ))





هب الشمال وطاح بين المحاديب
طفل ٍ على خدّه مشاريه وعتاب
والبرد شبّع جرد الأيام تعذيب
وأنا ضحية برد وأيام وأحباب
ياليل مالي غير حضنك معازيب
خلك معي لاشحّت وجيه الأصحاب
ماعاد هي لحية غرام ومكاتيب
لاوالله الا قرّبت صوب الأهداب
يابنت ياأم الضحكه أم المعاطيب
لاماك ذنب وشاعرك مابعد تاب
مرّت ثلاث سنين ياأغلى الرعابيب
والريح تشكي للشبابيك والباب
مرّت ثلاث سنين بين المراقيب
عدّيتها يابنت مرقاب مرقاب
في ذمّتي ماعاد أودي ولااجيب
حتى الشعر ماعاد ودّى ولاجاب
يابنت عندي كلمةٍ تقطع الجيب
بـ اقولها لو ماحسبتي لها حساب
طرد المقّفي مثل طرد العذاريب
وأنا تعبت أبلع مشاريه الأعراب
أما تعالي وأقطعي دابر الريب
والا انسي أني كنت انا وانتي أحباب

(( صمت المكان ))





كل ماطابت هجوسي رحت اسولف للزوايا
عن فتاة ٍ كان يملى صوتها صمت المكان
عن فتاةٍ غير كل اللي قرينا في الحكايا
صمتها طيش وقصيد وطيشها صمت وأمان
باقي ٍ فيها من اللي في طفولتها بقايا
شيطنة ضحك وسوالف رقة شعور وحنان
كم تزاعلنا وكلٍ ينتظر دمح الخطايا
كم سكتنا والزعل من بيننا مثل الرهان
لين ماتنهي زعلنا ضحكة ٍ بين الشفايا
ضحكة ٍ غابت ولكن شانها مازال شان
ماذكرت الا عيوب ولاتركت الا مزايا
سوّد الله وجه حظي والليالي والزمان
راحت وخلّت دلعها صورةٍ بين المرايا
وين مالدّيت فيها شفت ضحكات الثمان
وشفت شامه فوق جمره سوّت بقلبي سوايا
آه ياهالحال منها كيف صار ووين كان
بس ياذاك الخفوق اللي تلجّ أبك الحنايا
شد حيلك لاتخاذل مايطيح الا الجبان
مالك الا ذكرياتك وأنت من بين الهدايا
حول ذاك الورد ابو عطرٍ يهز الشمعدان
كل ماخلّت وراها غالي ٍ ريم الصبايا
حتى والله من غلاها رحت وأغليت المكان

(( القرايا ))





القرايا ساكنتنا لو سكنّا في المدينه
ياكثر مافي المدينه ناس تسكنها قرايا
مثل انا لامن شعرت أني بحاجه للسكينه
رحت يم القريه اللي قدرها بين الحنايا
قريتي واليوم جيتك شاعر ٍ هزّه حنينه
للوجيه وللبيوت وللسوالف والحكايا
قريتي انا فهد فهد فهد ماتذكرينه ؟!
أسألي عني بيوت الطين ونقوش الزوايا
ياسقى الله قبل اسافر عنك يالدار الثمينه
يوم انا طفل يشوف عيوب جدرانك مزايا
يوم انا طفل ٍ يمر اليوم ماشاف الغبينه
الضحى وسط المدارس والشفق بين المطايا
ياسقى الله يوم كنت الريح والدنيا سفينه
قبل مالدنيا تكون الريح والسفن البرايا
يوم ابوي الله يبيحه كان ياخذنا بيدينه
يم ذاك المسجد اللي فيه من ريحه بقايا
ياسقى الله او بلاش ازيد هذا الطين طينه
لي هنا والعمر مابه متسّع لـ اهل الرزايا
قريتي مانيب انا اول من رجع لك وسط عينه
دمعتين ٍ كنها لبيوتك وناسك مرايا
القرايا سالفة اهل القرايا في المدينه
والمدينه سالفة اهل المدينه في القرايا

(( يبكون الحبايب فراقي ))





ياقلب طالـت قسوتـك وأنـت ليّـن
في قسوتك ياقلب ويش انت لاقي !؟
اللي تعـدّى عمـر ماهـوب هيّـن
والعالم الله كم مـن العمـر باقـي !
يمكن يطول ويمكن اليـوم أعيّـن
موتي ويبكون الحبايـب فراقـي
وش عاد أسوي وسط قبري وأزيّن ؟!
لاجفت عروق وعيون وسواقي
لا عاد بـه فرصـة عشـان آتحيّـن
ولا عاد به زفـرة وأفـك اختناقـي
باكـر وكـل اللـي سترتـه يبيّـن
وانا علـى هالحـال ميّـس وهاقـي
مـدري متـى يهدينـي الله وأديّـن
وأكف عن بعض المشاوير ساقـي !

((تمنيت موتك ))

اللي بقا لـي فـي غيابـك سكوتـك
واللـي فقدتـه مـن غيابـك حنانـك

عـذرك معـك لوخبرونـي ب موتـك
وحقي عليك ان كـان عـذرك زمانـك

ماكان موعد وأعـذرك لـو يفوتـك
أنـا انتظـرت العمـر كلـه عشـانـك

غبت ورضيت وبعدها غاب صوتك
وأبطيت أكذب من يقولـون : خانـك

بالله كيـف تحـس فـي طعـم قـوتـك
لامن ذكرت إنسان خنته وصانـك

ماكـن قلبـه واحــد مــن بيـوتـك
من تحت سقفـه كـم شعـرت بأمانـك؟

وراك خليـتـه لعتـمـة سكـوتـك؟
وأنـا م غيـر أعشمـه فـي حنـانـك

فـي غيبتـك ياكـم تمنـيـت مـوتـك
أقل شـي أرتـاح وأعـرف مكانـك

وينك حبيبي

وينك حبيبي ما دريت شصـــــــــار
الناس حطت دوبها ودوبـــــــــــي
العين هلت دمعها مــــــــــــــــدرار
امشي مضيع في الهوى دروبــــي

تدري احبك وهم عليك اغـــــــــــار
وتدري سكوتي اكبر عيوبــــــــــي
ولو خيروني من البشر ما اختــــار
انت حبيبي وانت مطلوبـــــــــــــي

لا شفت زولك هلت الانــــــــــــوار
افرح واعطر كفي وثوبـــــــــــــي
يا زين بوجودك تزين الـــــــــــدار
انت هنا عمري ومحبوبــــــــــــي

بين الصبر والهم انا محتـــــــــــار
مقدر اداري طبعي واسلوبــــــــي
الله يعدل ميلت الاقـــــــــــــــــــدار
واحلى الليالي تلتفت صوبــــــــــي

وحشتني سواليفك

وحشتني سواليفك / وحشة شوفتك أكثر
كل ليله مع طيفك / حبيب الروح أنا اتحسر

طاير من عيوني النوم / على ذا الحال أنا كل يوم
سمّعني حبيبي الصوت / وسيرني على كيفك

كلامك فيه نشوة روح / يحرك فيني الوجدان
يعطيني أمل مفتوح / في لقياك مهما كان

ساعة يختفي صوتك / أعيش بعالم الحرمان
لا تقطع علي الصوت / أنا مقدر على الحرمان