الموضوع: يوميات مواطن قصة واقعيه

اشكر الاخت طيف الامل على هذه القصه الرائعه والتي هي بمثابة رساله من كل الابناء الى كل الاباء

الابناء هم امانة في عنق كل اب وم وهم جواهر ثمينه فليحافظ عليها كل رب اسرة لكي لا تُباع هذه الجواهر بارخص الاثمان للمغريات الكاذبه

ايها الاباء احسنوا تربية ابنائكم ليكونوا لكم حجة يوم القيامه امام رب العالمين لاحجة عليكم

يعطيك العافيه طيفك وهم
يسلمو ع القصص
تقبلي مروري
تحياتي لك

يعطيكـ العافيه أخوي طيفكـ وهم

ياخوان مايصير كذا مافي اي ردود على قصة الاخت طيف الامل

يااخوان مثل ماقلت وبقول دايم اللي نحتاجه في مثل هذي المواضيع هو تقييم للقصه سواء كانت لي او الاخت طيف الامل او غيرنا

وشكرااااااااا

قصص جدا رائعه

طيفك وهم ننتظ المزيد من القصص الرائعه

على احر من الجمر

انا اعتذر عن اطالتي عن المنتدى

ولكن ذلك بسبب مشاغل اتتني في الفتره الماضيه

وان شاء الله سوف يكون لي قصه جديده في هذا الموضوع

وسوف تكون بعنوان ( انفلونزا الخنازير )

اخي طيفك وهم مرحبا بك بعد غياب طويل وواااااااااصل ابداعك نحن بانتظار كتاباتك الواعيه والمميزه دائما ، ومتااااابعين لك فقصصك صوره لوضعنا الحالي وحال المجتمع.الله يوفقك لكل خير

اولا اريد ان اتقدم بالشكر للاخت طيف الامل لاهتمامها لمجموعة القصص التي انزلها في المنتدى

ثانيا اعتذر عن اطالتي اكثر من اللازم في انزال القصه ولكن السبب يعود لبعض الاشغال والسبب الاخر يعود الى انشغالي بكتابة روايه رومانسية اجتماعيه في نفس الوقت وان شاء الله في ظرف اسبوع او عشرة ايام بالكثير سوف يتم تنزيل الروايه على شكل اجزاء في هذا المنتدى

ماطول عليكم اكثر من كذا بنزل القصه في الرد الاخر

هذه القصه بعنوان ( شبح الخنازير ) وهي اول قصه اعيش احكيها من واقع مجتمع انا عشت فيه وانفلونزا الخنازير قد اصابت احد الجيران وحبيت ان اسرد الاحداث لكم طبعا سردي لهذه القصه ليس بهدف انها حدثت للمجمع الذي اعيش فيه بقدر ماكانت بسبب نظرة الاغلبيه لهذا المرض على انه شبح والكل يخافه ويظن ان به الموت وسامحونا لو فيه اغلاط املائيه كثيره لاني نزلت القصه بعد مانتهيت منها على طول لاني طولت فيها وانا مانزلتها لكم

واتمنى ان تنال هذه القصه اعجابكم

اليك القصه
عبدالله عمره تقريبا 16 سنه ومعه مرض السكر من صغره
بندر عمره 20 سنه يميل في تصرفاته للبداوه بشكل كبير
عبدالهادي 18 سنه شاب يحب المزح بشكل كبير
هذي اهم شخصياتنا في هذي القصه

عبدالله نايم وبيدق جواله الوقت كله في صباح يوم 24 رمضان
عبدالله بكسل يرد على جواله بدون نفس : ها يافهد ايش تبي تراك اذيتني من اليوم وانت تتصل والله ماعرفت انام
فهد : انا بروح السوق تبغى تروح معي
عبدالله : الله يحرقك انت والسوق اللي بتنزله الحين تشتغل فيني اتصالات في الاخير السوق لا مابي اروح اقلب وجهك
فهد : هذا كله يعني عشان اتصلت فيك كل هذا الوقت ؟
عبدالله : لا بس عشانك متصل عليه في وقت نومي وكله عشان ماخذلك جوال جديد ومزعجني فيه يااخي خلي احد يعلمك كيف تتعامل في اتصالاتك وكيف تكون
فهد : اقول ولله ماباقي غير انت تعلمني
عبدالله : ايه اعلمك ليه ماعلمك
فهد : هه هذا اللي باقي
عبدلله يقاطعه : اقول انا مو فايق لك الحين بكمل نومي شوي لو تبينا نروح السوق رحنا
فهد : يعني ماتبي تروح ؟
عبدالله : انت اهبل ماني رايح الحين
فهد : طيب متى بتروح ؟
عبدالله : لو تبينا ننزل السوق نزلنا شوي الليل نزلت معك الحين بنام سلام
بعدها قفل عبدالله الخط
فهد : الو الو عبدالله
ناظر الجوال وبعد ماعرف انه عبدالله قفل في وجهه : طيب يابزره انا تقفل في وجهي اوريك

بندر مع احد اثنين من اصحابه في السياره وسمهم فادي وعبدالهادي
بندر : ياعيال والله طفشنا من كثر الفرفره بالشوارع
فادي : ايش تبغانا نسوي يعني ولا عشان انت اللي تسوق طفشت
بندر : اي والله طفشت يااخي
عبدالهادي : اقول سوق سوق وانت مقفل فمك احسن
بندر: اقول اسكت لابعلبة العصير اللي بيدي
عبدالهادي : بندر بندر بالله وقف عند برنيز ابغى قهوه تركي ولله سهران ابيها تمشيني شوي
بندر : اللي يشوفك يقول القهوه هذي فيها حبوب
عبدالهادي : انت وقف بالله عليك
فادي : ياشيخ وقف له وفكنا منه
بندر : والله عناد في الشخص هذا ماوقف
عبدالهادي : الله يجعلك بانفلونزا الخنازير ان شاء الله
بندر : يهب يهب ليه تدعي علي فيها ؟
عبدالهادي : عشان ماوقفت
بندر : والله ماوقف ماوقف ماوقف والله يجعل الخنازير تجيك انت يارب بس ماكون معك وقتها
عبدالهادي : عادي يااخي امر الله وصار بس ماراح اخاف مثلك
بندر : ايه انت عادي ماعندك ولامشكله مستصح ومتعافي لكن البلا فيني انا فيني الامراض كلها لو تجيني الخنازير تقضي علي
عبدالهادي : قول ماشاء لله يامعفن
بندر : مابغى اقول ماشاء الله خلاص

في الليل عبدالله وفهد نازلين السوق
فهد : يااخي مافي اشياء حلوه الواحد يشريها للعيد
عبدالله : انت جاي بدري اصبر كم يوم بس وبعدين انزل السوق ثاني
فهد : انا قلت اذا نزلت بدري يمديني اقضي قبل الزحام مره مادريت انه بلقى كل هذي العالم في السوق
عبدالله : تستاهل
فهد : عبدالله متى تبغى تقضي للعيد
عبدالله : والله حبيبي انا انتظر اخواني واروح معهم
فهد : متى ينزلون اخوانك السوق ؟
عبدالله : يوم 28 تقريبا
فهد : اخوانك كلهم ينزلون ومعهم ابوك ؟
عبدالله : فهد ترى حسستني اني قدام محقق في لشرطه جالس والله حتى المحقق مايسأل اسأله غبيه مثل اسئلتك
فهد : لا انا اسال قلت يمكن اروح معاكم
عبدالله : لا اخواني كثير دوب تكفيهم السياره
فهد : ههههههههههههههه المهم انا بنزل بسيارتي بعدين ونتقابل في السوق يوم 28
عبدالله في نفسه : هذا والله اللزقه
فهد شاف عبدالله مايرد عليه : ها وش قلت خلاص اعتمد يعني ؟ ولاتنسى ابيك تقول متى تنزل صبح عصر ليل عشان اكون جاهز
عبدالله : ليه انت ماتبي تقضي اليوم ؟
فهد : الا ودي اقضي بس مثل مانت شايف السوق مافيه اشياء حلوه كل اللي فيه غالي وعلى الفاضي ماتستاهل بس انت قول متى ينزلون اخوانك السوق ؟
عبدالله بيحاول يتفكك من فهد : مادري والله واصلا مني متأكد ينزلون في هذا اليوم او لا
فهد : متى مانزلوا اتصل عليه
عبدالله : مشكله ماعندي رصيد
فهد : ارسلي كولمي
عبدالله في نفسه : الله من النشبه
ويرد على فهد : طيب خلاص برسلك كولمي
يتكلم بينه وبين نفسه : والله انك شايف سحبه محترمه

في صباح اليوم اللي بعده
ابو رامي ويصير والد عبدالله ولكن رامي نسبة الى اكبر اولاده : عبدالله ايش فيك مو على بعضك ؟
عبدالله : راسي مصدع وجسمي احسه متكسر
ابو رامي : لايكون السكر منخفض ولامرتفع عليك لاسمح الله ؟
عبدالله : لا هذي سخونه ومعها دوخه
ابو رامي : خلاص خليك مثل مانت الحين بوديك انا واخوك رامي المستوصف
عبدالله : طيب

في المستوصف بعد ماكشف الدكتور على عبدالله
الدكتور : لا ان شاء الله كلها يوم او اقبل وبيكون تمام الحين بكتب له ابر ياخذها لمدة ثلاثه ايام كل يوم مرتين وبيخف
ابو رامي : هو بس سخونه يادكتور ؟
الدكتور : اه اصله الايام دي بنعاني من تغير في الاجواء فولدك مو اول واحد بيعاني من سخونه وان شاء الله بيكون بخير
ابو رامي : ان شاء الله
عبدلله : يادكتور
الدكتور : اه نعم ياعبدالله امرنا
عبدالله : يعني اللي معي ماهي خنازير
الدكتور : هههههههههههههههه خنازير ايه يابني ده لو خنازير كان زمانك متنوم في غرفه ومش حنخرجك
عبدالله : يعني الحين بمشي من هنا ؟
الدكتور : اه بس حتأخذ ابره وتمشي
ابو رامي : طيب شكرا يادكتور جزاك الله خير
خرج الدكتور من الغرفه
ابو رامي يكلم رامي بصوت منخفض على جنب : اقول انا شكلي بخرج ولدنا من هنا
رامي : ليه
ابو رامي : الدكتور هذا مو عاجبني مادري ليه
رامي : براحتك بس وين نوديه ؟
ابو رامي : مستشفى النور
رامي : طيب مو ننتظر الين يضربون الابره
ابو رامي : خلاص معاد نبغاها هناك افضل
رامي : براحتك
ابو رامي : اقول عبدالله هيا خرجنا ؟
عبدالله : وين ؟
ابو رامي : بوديك النور افضل
عبدالله : ليه والمستوصف هذا ايش فيه
ابو رامي : لاهناك في النور افضل عشان الاجهزه متطوره وفيه استشاريين اكثر وفوق هذا عشان السكر
عبدالله : اللي يريحك يبى
دخلت الممرضه بالابره
الممرضه : ممكن سويا سوي ابره ؟
ابو رامي : لاخلاص مايبغى ابره ولا شي حنا ماشين
الممرضه : ليه بابا هزا فيه مريض مررره
ابو رامي : هو ولدي ولاولدك خلاص نبي نمشي

راح ابو رامي لمستشفى النور والدكتور عنده
الدكتور بعد ماكشف عليه : لا خير خير ان شاء الله الحين بنسوي له التحاليل اللازمه ونشوف الي معه بالضبط
عبدالله خايف : تحاليل عشان انفلونزا الخنازير ؟
ابو رامي : لالا ياعبدالله انت مامعك خنازير بس عشان السكر بشوفه
الدكتور فهم من ابو رامي انه عبدالله خايف
اول ماطلعوا برا عن عبدالله ابو رامي اخذ الدكتور على جنب
ابو رامي : تحايل ايش يادكتور ؟
الدكتور : تحاليل عامه ومنها نبي نتأكد انه عبدالله معه انفلونزا الخنازير او لا
ابو رامي : بس انا من شوي جيت من مستشفى يقول مامعه
الدكتور : بتلاقيك رحت من المستوصفات اللي بفلوس التعبانه وكتب مضادات وابر عشان بس فلوس للمستشفى
ابو رامي : يعني هو معه انفلونزا الخنازير ؟
الدكتور : مانقدر نحكم تطلع التحاليل ونشوف

بعد ماطلعت التحاليل
ابو رامي عند الدكتور
الدكتور : ولدك معه انفلونزا الخنازير يابو عبدالله
ابو رامي : لاحول ولاقوة الا بالله
الدكتور : يابو عبدالله انت ايش فيك متخوف من المرض للدرجه هذي المرض ترى اسهل مما يتصور البعض ثمانيه وتسعين في المائه من الحالات شفيت والحمد لله وهذا يدل انه شفاء المرض سهل بفضل الله عز وجل بس المشكله في الناس خايفة خوف زايد وولدك ان شاء الله كلها ايام ويرجع مثل ماكان والمشكله الوحيده البسيطه اللي بواجهنا هي مرض ولدك بالسكر وان شاء الله راح نسيطر عليه
ابو رامي : يعني ان شاء الله انه بيكون طيب؟
الدكتور : ان شاء الله وانا مثل ماقلت المرض ترى اسهل مما يتصور كل الناس وعلى فكرة ترى اكثر الوفيات اذا ماكان جميعم اللي توفوا ومعهم انفلونزا الخنازير ترى السبب هو انه معهم امراض اخرى قوية لكن ماتوقع فيه شخص مثلا شاب معه انفلونزا الخنازير وتوفى بسببها فقط لو تنظر في الوفيات تلقى مثلا واحد معه مرض ماني عارف ايش هو ولا الثاني متنوم في المستشفى معه سرطان ا او الخ لكن واحد معه خنازير لوحدها هذا ان شاء الله مايموت لو يجي من بدري
ابو رامي : والله انك طمنتني الله يطمن قلبك على اغلى ماعندك
الدكتور : امين يارب

ابو رامي مع ولده برا غرفة عبدالله
ابو رامي : شوف يارامي مابغى مخلوق يدري انه عبدالله معه انفلونزا الخنازير فاهم عليه ولا لا
رامي : ابشر
ابو رامي : تمام عليك بكره اذا الولد ان شاء الله خرج من هنا يمكن الناس ماترغب انها تقربه ولا حاجه يظنون ان المرض معه وانت تعرف اكثر الي يمشي معهم صغار تقريب في عمره يعني مايتقبلون الموضوع مثل الكبار ولو تقول لهم الى بكره المرض راح منه يمكن مايقربونه على طول ويأخذون وقت منه وانت مثل مانت عارف اخوك معه السكر ويمكن يتضايق كثير من هذا الموضوع ويصير له شي لاسمح الله عشان كذا نبغى الامر هذا سكاتي
رامي : ابشر لاتوصي بس عبدالله ايش تبينا نقول له ؟
ابو رامي : قول له كريات الدم زايده ولا ناقصه ولا اي حاجه
رامي : خلاص بقول تلخبط في وظايف كريات الدم بس اذا شاف الناس اللي داخله عليه عليها كمام ايش نقول له ؟
ابو رامي : قوله انه سخونته قوية وتعدي سريع عشان كذا الناس اللي تزوره تحط كمام بس انت الحين روح للدكتور ان نسيت اكلمه زكن عليه وقول له عبدالله لايدري انه معه انفلونزا خنازير الولد لو درا بيموت من الخوف هو يحسبها تذبح
رامي : ان شاء الله

اليوم التالي ابو رامي هو وولده رامي عند عبدالله وواضح انه عبدالله تعبان اكثر من اليوم اللي قبله
ابو رامي : ها ياولد كيفك اليوم ؟
عبدالله : والله تعبان اليوم مرره يابوي
ابو رامي : لاان شاء الله ماقدامك الا العافيه
عبدالله : والله اني خايف انها انفلونزا خنازير
ابو رامي : الله من خوفك الزايد ماهي انفلونزا خنازير لاتخاف هذي مثل ماقال لك اخوك امس كريات الدم البيضاء فيها لخبطه وسوت لك التعب هذا كله يلا انا بخرج شوي برا وراجع لكم
رامي : طيب خذ راحتك يبى انا مع عبدالله

ابو رامي عند الدكتور
ابو رامي : يادكتور الولد حالته في نزول
الدكتور : يابو عبدالله صلي على النبي
ابو رامي : عليه الصلاة والسلام
الدكتور : انا اول ماجا عبدالله وقلت انه معه انفلونزا الخنازير ايش قلت لك ؟
ابو رامي : والله نسيت
الدكتور : انا بذكرك انا قلت انه عبدالله اللي بيتعبه السكر وفعلا السكر ماينخفض كثير اليوم الصباح وصل عنده خمسمائه وعليها وحنا بنحاول ان شاء الله قدر الامكان نسيطر عليه
ابو رامي : اوف 500 يادكتور الله يرحم والداك شوف له حل هذا على كذا اللي بيقضي على الولد السكر مو مرض الخنازير
الدكتور : يابو رامي استهدي بالله الحل عند الله فوق ثم عندنا بعد مشيئة الله وعلاج هذا المرض موجود لكن يبغى لك صبر شوي وماذكرك انه ولدك معه سكر وهذا اللي بيأخرنا شوي بالعلاج لكن في النهاية ان شاء الله بيتعالج
ابو رامي : ان شاء الله

عبدالهادي يصير جار لرامي وعبدالله تقابلوا بحكم انهم جيران بعد صلاة العشا
عبدالهادي : سلام عليكم
رامي : هلا والله عبدالهادي وعليكم السلام والرحمه عاش من شافك
عبدالهادي : عاشت ايامك انت اللي ماتنشاف من كم يوم بالحاره
رامي : والله في هذي معك حق انا اللي مانشاف بس والله مثل مانت شايف الدنيا مشاغل وانا اخوك والله لايشغلنا الا في طاعته
عبدالهادي : امين يارب الا بغيت اسالك يارامي
رامي : هلا امرني
عبدالهادي : مايامر عليك ظالم ياخوي انا معاد اشوف اخوك عبدالله بالحاره كان كل يوم يتكي معنا
رامي : والله عبدالله تعبان شوي متنوم في المستشفى
عبدالهادي : اوف سلامات ايش فيه ؟
رامي : والله سخونه والسكر معه
عبدالهادي : والله مايستاهل الا كل خير هو في اي مستشفى
رامي : في النور
عبدالهادي : والله عيب لازم نزوره
رامي بيحاول يصرفه ويمنع عبدالهادي من زيارته : لالامايحتاج هو والله تعبان ونفسيته وفت شوي والدكتور يقول افضل لاحد يزوره حتى انا واهلي زوره خفيف حتى اهلي مازاروه الا مره وحده
عبدالهادي : يارجال الله يشفيه ويقومه بالسلامه
رامي : امين يارب والله احسن ماقلت

بعد مقابلة عبدالهادي لرامي بيومين بندر اتصل على عبدالهادي
بندر : سلام ياخوي
عبدالهادي : هلا وعليكم السلام
بندر : اقول لك ياشيخ خوينا باسم علي سوا حادث امس وهو في النور ابغى ازوره تخاويني ؟
عبدالهادي : من جد ؟
بندر : والله العظيم الرجال متنوم في النور من وقتها
عبدالهادي : طيب وكيف حالته ؟
بندر : والله يقولون لابأس فيها بس افضل نزوره
عبدالهادي : طيب متى نروح ؟
بندر : الحين لو تبغى
عبدالهادي : خلاص اجل مرني انا بنتظرك
بندر : اجل خليك جاهز في اي وقت
عبدالهادي : طيب بنتظرك

عبدالهادي وبندر بالسياره
عبدالهادي : انت عارف الغرفه رقم كم ؟
بندر : والله مادري بس اللي اعرفه انه الرجال في قسم الجراحه
عبدالهادي : خلاص مافي مشكله اول مانوصل هناك نكلم الاستقبل يرشدنا لغرفته

بعد مانتهوا من زيارة باسم وهم نازلين مع الدرج
عبدالهادي : ياشيخ والله لو خليتنا مع المصعد انه احسن
بندر : كله واحد بعدين ماشفت الناس كيف زحمه عند المصعد
عبدالهادي : بس تصدق والله شكل الرجال تعبان
بندر : اي ولله جاته ضربات قوية شوي
عبدالهادي : يارجال الله يقومه بالسلامه
اول ماوصلوا باب المستشفى
عبدالهادي : نسيت اقول لك
بندر : عن ايش ؟
عبدالهادي : عبدالله اخو رامي متنوم هنا
بندر : بالله من جدك تتكلم ؟
عبدالهادي : والله جد انا كلمني اخوه قبل امس
بندر : وليه دوبك تتكلم ؟
عبدالهادي : انا اخوه قال لي انه قبل امس بس يقول الدكتور مايبغى احد يزوره
بندر : يارجال ماعليك نروح لو كانوا مانعينها عنه الى الان رجعنا
عبدالهادي : شايف كذا يعني ؟
بندر : شايف كذا وبقوه بعد
عبدالهادي : اجل يلا رجعنا له

دخل عبدالهادي وبندر على عبدالله الغرفه
يندر : لاماشاء الله شوف الرجال بطران مافيه ان شاء الله الا العافيه
عبدالله : الله يعافيك
بندر مد يده لعبدالله يبي يسلم عليه واول مالمست يده يد عبدالله
عبدالله بصوت مرتفع شوي : حط قفازات على فمك
بندر ارتبك بدل مايحط قفازات حط يده اللي خامس فيها عبدالله على فمه
عبدالهادي ماقدر يمسك نفسه من الضحك وخرج برا
بندر مرتبك : يلا ماتشوف شر
عبدالله بضحكه : مايجيك

بندر وعبدالهادي بعد ماخرجوا
بندر : ياولد الرجال ليه قال قفازات والله انها الخنازير اجل
عبدالهادي : لاماظن اخوه ماقال خنازير
بندر : اقول خلينا نسال اقرب ممرضه من هنا
اول ماقابلوا الممرضه
بندر : ياسستر تعالي
الممرضه : ايس فيه ؟
بندر : هذا مريض في غرفة . ايش مرض حقه ؟
الممرضه : اتش ون اي ون
بندر : ابك هذا حق الخنازير ؟
الممرضه : ايوا
مشت الممرضه بعدها
بندر : ياويلي ويلاه والله انه الموت جاني
عبدالهادي وهو يضحك : يابن الحلال مابيجيك ولاشي ان شاء الله بس خلينا نمشي
بندر : والله ماروح الين اسال دكتور
عبدالهادي : هنا مافي الا الجاويات مافي دكاتره الحين
بندر : نروح اسفل نسأل اي دكتور في الطوارئ
عبدالهادي : ههههههههههه يلا

بندر وعبدالهادي عند الدكتور
بندر : يادكتور الخنازير من ايش تجي ؟
الدكتور : تجي من الله
بندر : ادري انه من الله اجل من عند جدتي بس اقصد كيف تجي ؟
الدكتور : عن طريق الولاده
عبدالهادي : هههههههههههههههه
بندر : عبدالهادي انت اسكت انت ووجهك يادكتور انت فايق الحين وانا والله بموت من الخوف المرض حقها كيف يجي
الدكتور : عارف انك تقصد المرض بس شفتك مندفع كذا وخايف قلت الطف الجو شوي بس الخنازير تجي بعدة طرق منها النفس واللمس باليد وبعدين تحط يدك على خسمك او فمك
يقاطع بندر : ياويلي ويلاه والله اني سويت زي كذا
الدكتور : ايش اللي زي كذا ؟
بندر : يدي ياويلي عبدالهادي
عبدالهادي بموت ضحك على بندر : هااااا يابندر هاااا
بندر : انا خامسته باليمين بس اليد اللي حطيتها على فمي اليمين ولا اليسار
عبدالهادي : مو قادر يتكلم من قوة الضحك
بندر : والله انها اليمين
عبدالهادي : يلا يلا خرجنا

عبدالهادي وبندر بالسياره
بندر : والله انه المرض بيجيني ويذبحني ياعبدالهادي انا ايش اللي خلاني ازوره الله يقطعك كله منك
عبدالهادي : انا قلت لك زوره ههههههههههه
بندر : انت اللي علمتني عنه وماقلت انه معه خنازير
عبدالهادي : انا اخوه ماعلمني انه معه خنازير
بندر : الله يشيلك ويشيل اخوه ويشيل عبدالله معهم ويشيل باسم اللي تسبب اننا نزوره
عبدالهادي : كذا بتشيل اجر الزياره
بندر : مابغى اجر بس اهم شي مايجي خنازير لي ويذبحني
عبدالهادي : استغفر ربك فيه احد مايبغى الاجر
بندر : استغفر الله خلاص اسكت انت اذا تكلمت انا اجيبها طامه هات جوالي بتصل على اخوي احمد
بندر اتصل على اخوه
بندر : احمد اسمع بقول لك كلام بس امانه تنفذه لو صار لي شي
عبدالهادي شوي ويموت ضحك في نفس الوقت بندر جدي في كلامه
يكمل بندر كلامه لاخوه : انا ترى البنغالي اللي في بقالة حارتنا له فلوس وصالح له عندي خمسين ريال لو صار حاجه امانه سددها عني مافيني شي انت اهم حاجه سوي اللي قلت لك عليه انا بجي الحين البيت يلا سلام
عبدالهادي : هههههههههههههه انت توصي من الحين ؟
بندر : ايه اوصي انت تضحك ماعليك حتى لو جاك المرض جسمك شوف كبره لكن الغلبان الي بيروح فيها انا اللي يعوض اهلي فيني

في العيد عبدالهادي وبندر سوا
عبدالهادي : ها بندر جاك خنزير من هنا ولا هنا ؟
بندر : ههههههههههه لاالحمد لله الله فكنا شرها
عبدالهادي : انت شكاك مره
بندر : ياولد الموت في الخنازير هذي
عبدالهادي : انت مت بدون ماتجيك اجل كيف لو جاتك
بندر : اموت مره ثانيه ياولد

بعد كم يوم خرج عبدالله من المستشفى وهم في السياره
ابو رامي : عبدالله تعرف بايش كنت مريض ؟
عبدالله : بايش ؟
ابو رامي : انفلونزا الخنازير
عبدالله : امانه من جد ؟
ابو رامي : ايه جل امزح معك
عبدالله : ليه ماعلمتوني ؟
ابو رامي : شفتك خايف منه مره قلت مابغى اخوفك اكثر بلاشي اقول انك مريض فيها والحين الحمد لله بعد ماخرجت سالم ومافيك ولا شي ولله الحمد قلت لك لكن اللي قاهرني الناس ايش عرفهم كلهم مع اني قلت مابغى احد يدري لكن فجأه لقيت العالم كلها عارفه
رامي : الناس ماحد يخبي عنها شي
ابو رامي : اي والله انك صادق

لحد هنا انتهت قصتنا والتي كانت بعنوان ( شبح الخنازير )