يوميات مواطن قصة واقعيه

**أوهــــــامَ** · 28-Aug-2009,02:49 PM

فيًَ أنتظـــار أبداعكًَ .

**طيفك وهم** · 28-Aug-2009,05:50 PM

اشكر الجميع على اهتمامه

واعتذر عن اطالتي للقصه

ولكن تعرفون رمضان الواحد مو فاضي يكتب كثير لكن ان شاء الله بنزلها الليله او بكره صباح بالكثير

واشكركم مره اخرى على اهتمامكم المتواصل

واعجابكم بالقصص اعتبره شرف لي

**طيفك وهم** · 29-Aug-2009,07:04 AM

السلام عليكم ورحمة الله وبركاته
معليش ياحبابي على الاطاله في تنزيل هذه القصه والتي تغير عنوانها الي ( من يستحق القسيمه )
طبعا هذي القصه اتوقع مرت مشابهه لها او على الاقل احداث منها على من يمتكلون سيارت يروحون ويجون عليها وانا حاولت انها تلامس الواقع قد مااقدر وان شاء الله اني وفقت فيها بنزلها وابي رأيكم فيها

**طيفك وهم** · 29-Aug-2009,07:10 AM

قصتنا اليوم عن سامي ومعاناته مع المرور وتبدأ منذ وفاة والد سامي وترك بعده اختين هم هدى تدري بالثانوي وياسمين بالمتوسط واللي ماباقي لهم بعد الله الا سامي خريج الجامعة

بعد شهر من وفاة ابو سامي
ام سامي دخلت على سامي غرفته تبي تصحيه من النوم : ياسامي قوم عشان تصلي الفجر وتجيب لنا فطور
سامي : طيب طيب بس شغلي المكيف يمى
ام سامي : سامي لاتعذبني وانا امك قوم الله يرضى عليك
سامي : خلاص خلاص يمى الحين بصحى

راح سامي يصلي الفجر وبعد ماجاب الفطور وجلسوا على السفرة
هدى : اقول سامي
سامي بدون نفس يتكلم : قولي واخلصي
هدى : ايش فيك تكلمني بدون نفس
سامي : لايكثر هرجك بتقولين ولا صكي فمك
هدى : لالا بقول بقول الحين كم الراتب اللي يصرفونه علينا الحكومه ؟
سامي : يعني يصفى على الفين ريال وعليها
ياسمين : الله والله حلوه الفين ريال
سامي بعصبيه : شوف جاتك الخبله الثانيه اي حلوه يمى الله يخليك خلينا نتصبح على شي صاحي مو شي يسد النفس سكتي بناتك
ام سامي : خلاص يابنات اتركوا اخوكم في حاله خلوه يفطر زين
هدى : طيب انا كم يصفى لي من عند الحكومه ؟
ام سامي : وليه تسالين ؟
هدى : بس ابي فيهم اغراض وملابس
ام سامي : اقول كلي بس وقولي حمد لله على النعمه
هدى : الحمد لله على النعمه
ياسمين : افطروا بسرعه عشان مانتأخر ويوقفونا بعدين
سامي : اللي يتأخر انتم مو انا
بعد ماسكتوا شوي
ام سامي : سامي ماقلت لي ايش ناوي تسوي انت ؟
سامي : اسوي في ايش ؟
ام سامي : في وضعك عاجبك وضعك كذا ؟
سامي يتنهد : لاولله مو عاجبني بس قولي لي ايش اسوي يمى تخرجت من الجامعه والى الان مقدم وظيفه على الديوان وكل مره يقولوا راح يجيك اسم اذا جا دورك حسب النظام انا مادري ليه النظام مايمشي الا على الغلبانين اللي مثلي
ام سامي : ان شاء الله بتتوظف وبتتزوج وبتعين من الله خير
سامي : عاد زواج مره وحده يمى هههههههههه خليني اول اقدر اصرف عليكم هنا عشان افكر بعدين كيف اجمع لي قرشين للزواج
ام سامي : انت ادعي الله وان شاء الله بتووظف وبتعين من الله خير بس ياولدي في الوقت الحالي ماينفع تجلس كذا
سامي : انا عارف يمى وظائف مافي الا حارس امن وموظف استقبال
ام سامي : وايش فيها مو وظائف وتجيب فلوس ولا تتكبر عليها يعني ؟
سامي : لاولله ماتكبر ولا شي بس يمى هذي راتبها لوحده يمكن مايغطي ايجار البيت انا لو يبوني اشتغل اكنس في الشوارع بشتغل بس فيه راتب صاحي ؟
ياسمين تدخل فيهم غلط : لا نااااايم ههههههههههه
ام سامي : ياسمين عيب عليك ايش الكلام هذا
سامي : يمى خليها تضحك هي اصلا ماقالت شي غلط فعلا رواتب اليومين هذي نايمه طايحه بالارض رفعوا الرواتب شوي وزادت الاسعار اكثر من 50 بالميه وبعد فتره نزلوا الاسعار شوي بس لكن المطاعم الحين صارت مثل ماهي والعه نار كانهم ينتظرون الاسعار تزيد بس على الله انا الحين سيارة ابوي بشتغل عليها الله يرحمه هي ورثنا الوحيد منه واحسن ماسوا انه كتبها باسمي
ام سامي : عليه رحمة الله ياولدي انت الحين توكل على الله والله يكتب اللي فيه الخير لك ان شاء الله
سامي : امين يارب

سامي يدور بسيارته وهو من عند الجوازات حصل مشوار بنغاالي
سامي : فين يبغى روح ياصديق
البنغالي : روح عند حرم
سامي : كم يدفع
البنغالي : ريالين
سامي : ريالين في عينك ايش رأيك اوديك بلاش
البنغالي : لالاشكرا صديق انا يبغى يروح بفلوس
سامي : من جدك انت ووجهك والله لو ادري اني ماحملت احد ماخذك معي بريالين
البنغاالي : طيب فيه ثلاثه نفر صديق حقي انتظر خمسه دقيقه كله يروح حرم
سامي : من الحين بتدفعون عشره ولا انزل هنا
البنغالي : خلاص خلي نفر واحد ريالين اربعه نفر فيه ثمانيه ريال
سامي : اجل انزل شوف لك احد يشيلك غيري
البنغالي : ياشيخ ايش فيه انت زعلان زعلان هذا حرارة كثير مايبغى دور
سامي : تدفع عشره اطلع ماتبي تدفع انزل
البنغالي : خلاص ادفع ادفع
طلع البنغالي مع سامي السياره
سامي : ياصديق انت فيه سوي عباده حرم
البنغالي : لاياشيخ انا فيه شغل هناك عند حرم
سامي : اها وانا اقول وجهك مو وجه عباده انت والتنبول هذا اللي في فمك اعوذ بالله منك
البنغالي : هههه كله انا نفر مسلم ياشيخ
سامي : اقول لايكثر اللي هناك مو جماعه حقك
البنغالي : ايوا ايوا دقيقه عشان نفر هذا كله يجي
كلم جماعته وطلعوا السياره مع سامي
سامي : اول حاجه هات فلوس يلا
البنغالي : خذ هذا فلوس
سامي : والله انك بنغالي ميه ميه
مشى سامي بالسياره اول ماوصل الحرم ونزل اللي معه شافه العسكري
العسكري : ياصاحب الكامري وقف
سامي يشير باصباعه على نفسه يبي يتأكد لو العسكري يكلمه او لا
العسكري : ايه انت ياصاحب الكامري الفين
سامي : ياليل السعد خير ياعسكري ان شاء الله
العسكري : انت خليك مخالفة تحميل ركاب هات الرخصه والاستماره
سامي : يابن الحلال هذا رزقي ورزق اللي بالبيت
العسكري : اقلبها ليموزين وحمل ركاب مثل ماتبي
سامي : انا والله من يوم ماتصبحت بالبنغالي هذا عرفت ان وجهه مو وجه خير عليه خذ الرخصه والاستماره الله يعينا عليها
كتب العسكري القسيمه على سامي

الظهر على الغدا
ام سامي : ها ياسامي عساك اشتغلت زين ؟
سامي : كتبوا عليه قسيمه حسبي الله على ابليس كله من البنغالي اللي حملته معي وجهه نحس عليه
ام سامي : قسيمة ايش ؟
سامي : تحميل ركاب
ام سامي : ليه مايبونك تحمل احد معك وتشوف رزقك ؟
سامي : يبوني اقلب سيارتي ليموزين
ام سامي : طيب ليه ماقلبتها شايف سواقة الليموزين عيب يعني ؟
سامي : يمى الله يهديك انتي كل شي والثاني هذا عيب وهذا عيب يمى بقلبها الشهر الجاي هذي يبيلها فلوس والشهر الجاي ان شاء الله بجمع قرشين وبجدد استمارة السياره وبقلبها ليموزين

بعد ثلاثة اسابيع وسامي مثل كل مره ماشي بسيارته زاد عن السرعه شوي فجأه حصل المرور خلفه
العسكري مشغل السفتي بالسياره
سامي : يااااالله يعني انا ماسوي مخالفه الا يمسكوني
وقف سامي على الجنب وهو جالس بالسياره
ناظر سياره المرور حصل العسكري مانزل
سامي بينه وبين نفسه : الحين هي قسيمه قسيمه والنظام يقول العسكري يجي الى حدي ويكتب قسيمه . العسكري هذا يبيني انزله ويكتب قسيمه يعرفها والله لو اجلس الى الصباح مانزل من السياره
بعد شوي رجل المرور بالمايكرفون : ياصاحب الكامري انزل من السياره
سامي معطيه اشكل
بعد عشر دقايق سامي طفش ومشى بالسياره والمرور وراه يبيه يوقف
بعدها بشوي نقطة تفتيش وقفوا سامي والمرور خلفه
عسكري اللي في نقطة التفتيش : لو سمحت الرخصه والاستماره وروح وقف سيارتك على جنب وتعال
سامي : ان شاء الله
رجل المرور : انت ليه تمشي وانا موقفك ؟
سامي : انا يجي لي ساعه واقف وانت مانزلت
رجل المرور : وانت تبيني انزلك يعني ؟
سامي : النظام يقول كذا
رجل المرور : النظاااااام ااايه الحين اوريك النظام على اصوله
سامي : ياابن الحلال اكتب القسيمه وخليني امشي
رجل المرور : مو انت تبي النظام ؟ الحين اوريك النظام على اصوله ياعسكري خذ رخصه الاخ ودخلوها بالكمبيوتر وشوفوا لو عليها بلاغ واكتب عليه قسيمة سرعه وربط حزام مع بعض
سامي : الله هذي كلها عليه ؟
رجل المرور : ايه عندك مانع ؟
سامي : ايه عندي مانع انت بنفسك ماربطت حزامك كيف تطبق النظام عليه وانت ماطبقته على نفسك
رجل المرور : مو شغلك ياعسكري روح يلا سوي اللي قلت لك عليه
سامي : حسبي الله عليك
رجل المرور : اقول اسكت لاوديك التوقيف
سامي : بسكت اللي خلاك تسوي كذا بخليك توديني التوقيف زي سلام عليكم
العسكري فهمها وفهم انه رجل المرور يبي ينتقم من سامي ويخليه يكره اليوم اللي حاول يطبق النظام عليه
بعد عشر دقايق وسامي واقف : هذا ماخلص
رجل المرور : بدري لسه

طبعا هم واقفين كلهم عند النقطه وقف عسكري النقطه واحد مامعه رخصه اسمه محسن
نزل محسن منا لسيارة وتوجه للعسكري مباشرة
محسن : يابن الحلال انا ولد عمي معكم مستلم في النقطه
العسكري : مالنا دخل في ولد عمك
محسن : هو خويكم هنا اسمه حسين محمد
العسكري : هذا ولد عمك لزم يعني ؟
محسن : ايه
العسكري يرد له الرخصه والبطافة : اايه اجل سلم لي على حسين
محسن : يوصل ان شاء الله ولايهمك

سامي : الحين بأي حق يمشي وانا عندك تكتبون قسيمه عليه ؟
رجل المرور والعسكري يتجاهلونه
سامي بصوت اعلى : اقول بأي حق يمشي وهو مخالف وانا تكتبون قسايم عليه هذا مايرضي الله ولا رسوله
رجل المرور: تصدق حاس انه نفسك تدخل التوقيف ايش رأيك ؟
سامي : لامايحتاج اصلا الشغله ماشيه بواسطه انت ماتربط حزام وكاتب عليه قسيمه والثاني عشان يعرف واحد يمشي لكن حنا لنا اللي اكبر منك ومنه انا لي الله وان شاء الله خير
رضى سامي بالامر الواقع وصارت القسيمه عليه

في الصباح سامي بعد ماودى اخواته المدرسه وجلس يريح بالبيت شوي مع امه
ام سامي : ايش فيك لابس وجالس تنتظر مشوار يعني ولا ايش ؟
سامي : ايه قلت بريح شوي بعدين بروح اسدد قسايمي واجدد الاستماره ان شاء الله
ام سامي : قسايمك واجد ياسامي ؟
سامي : اي والله واجد مررره
ام سامي : اجل انت شكلك تخالف كثير ليه تخالف وانا امك ؟
سامي : لا يمى الحين القسايم ارتفعت اسعارها واللي مايسدد توصل الحد الاعلى وخليها على الله
ام سامي : كيف يرفعونها كذا على الفاضي ؟
سامي : مو البركه فيهم جزاهم الله خير رواتب وصرف فلوس لنا لو يوافقوا على شي عشره مايوافقوا عليها اما قسايم وغيرها مايصدقون يرفعون الغرامات حنا في البلد في نعمة الحمد لله وعندنا حكام يخافون الله كفايه انها البلد الوحيده اللي تطبق شرع الله في العالم كله رغم المحاربه اللي نلقاها من الخارج لكن رغم كذا فيه اشياء لازم يمى يدرسونها زين والغرمات هذي المفروض مايوضعونها الا وهي تتناسب مع متوسط المرتبات اللي وضعتها الدوله ويحسسونا بالعدل في كل المجالات يعني لو انا عندي معرفة قويه في اي مكان اقدر اتخطى النظام او على الاقل النظام مايطبقونه عليه ميه في الميه
ام سامي : ياولدي قول الحمد لله انك عايش باأمن واستقرار غيرك ماحصل عيشة الامن هذي ويحسدك عليها
سامي : يمى الحمد لله على كل شي حنا صحيح والحمد لله عايشين باأمان لكن بعد نبي نستقر اكثر ونبي الحموله تخف عننا شوي
ام سامي : ان شاء الله كل شي يهون بعدين وييسرها ربك ان شاء الله
سامي : ان شاء الله يلا انا ماشي الحين تبي شي يمى ؟
ام سامي : سلامتك ياولدي الله يسهل عليك ياارب

سامي بالمرور يبي يسدد قسايمه
بعد ماطلع برنت بالقسايم
سامي متفاجأ من القسايم ومن المبلغ : ياابن الحلال ايش هذي كلها قسيمه السرعه والحزام ومعروف سعرها لكن الباقي تبع ايش اللي اعرفه انه الباقي تحميل ركاب ايش وصل المبلغ كذا
العسكري : القسيمه اذا ماتسددت في خلال شهر توصل للحد الاعلى
سامي : حد اعلى ويفقرونا
العسكري : هذا النظام مو عاجبك روح اشتكي على اللي وضع النظام
سامي : لاحول ولا قوة الا بالله انا من وين اجيب كل هذي الفلوس والمصاريف
العسكري : شايفني شغال في مكان اجتماعي تشكي لي حالك بالله لو تكرمت يااخ فيه ناس غيرك
سامي : اي والله فيه غيري كثير بيسددكم اللهم زيدكم فلوس يارب بس يالطيب سؤال اخير ماحد يقدر يخفف القسايم هذي عني ؟
العسكري : روح لرئيس القسم يمكن يتصدق ويسددها عنك ولا يمكن يشيل القسايم ويكتبها على نفسه هههههه والله حاله
سامي : رئيس القسم لو يدري انه فيه قسايم تبي تكتب عليه كان رفع توصيه بالتخفيض لكن عارف انه ماحد بيكتب عليه قسيمه حتى لو مخالف
العسكري : الظاهر تبي تروح ورا الشمس انت
سامي : يابن الحلال لاورا الشمس ولا القمر يلا انا رايح سلام عليكم
ويخرج سامي من ادارة المرور
بعد يومين لقى سامي من يسلفه عشان يسدد قسايمه

بعد كم يوم راح سامي يبي يجدد الاستمارة صف مع الناس اللي يبون يجددون مثله
وصل دور سامي وتم الكشف على سيارته بواسطة الموظف المختص
الموظف : انت سامي
سامي : ايوا
الموظف : السياره كفراتها تعبانه وفيها اكثر من خراب يبيلي وقت اعدده لك لكن شوفها بالورقه خذها وشيك عليها وردها لنا
سامي : ياابن الحلال مشيها
الموظف : هذي سياره رايحه فيها ايش امشيها ومامشيها روح سويها وبعدين جدد استمارتك تبي السياره تمشي بالبلد وهي تعبانه وتتسبب في مشاكل بعدين لك ولباقي السيارات
سامي : انا القاها منك ولا من القسايم

بعد مانتهى سامي من السياره والقسايم وهو رايح القسم من الصباح
ام سامي : ها بشر ياولدي خلاص تبي تقلب السياره ليموزين ولا لا ؟
سامي : يمى خليني اجدد الاسمتاره اول بعدين اقلب ليموزين
ام سامي : الله الين الحين وانت بهذي الحاله ؟
سامي : مو لو انا اعرف احد في المرور كان انتهيت من زمان
ام سامي : روح ياولدي الله يوفقك يارب
سامي : امين يارب يلا مع السلامه يمى
ام سامي : مع الف سلامه

ركب سامي سيارته وحرك فيها شوي حصل حفريه في طريقه لمكان تجديد الاستماره ( الفحص )
سامي يتكلم مع نفسه : ياالله هذي حفريه جديده في هذا الشارع كيف تجي حفريه وهم قبل شهر تقريبا سووا حفريه في نفس الشارع الله يصبرنا عليهم بس خلينا بس نروح مع التحويله هذي تلقى الحين الحاره هذي زحمه وكله من التحويله شكل اليوم نهارنا طويل بس ان شاء الله اغلق بدري
لف سامي مع الحاره وهو يمشي فيها
سامي : الحين تحويله ومسوين لنا زحمه في الاخير طريق ترابي ممهد وليته ممهد زين مكسر وحالته حاله ولله الطريق اللي كذا بيعدم سياراتنا ان شاء الله ماخذ لي سياره جديده وفاخره بعدين حتى لو الله رزقني ابي اخذ لي وانيت مايصلح للطرق هذي الا هو والله حسيت اني امشي في بر مو في مدينه

بعد شوي وصل سامي للمرور ووصل دوره
الموظف : ياسامي سيارتك الجلد فيها رايحه من اسفل روح وديها ميكانيكي ولعاد تجيبها لنا وهي خربانه
سامي : والله اني مسويها قبل ماجي
الموظف : روح اجل للميكانيكي اللي سواها
سامي يصفق يد بيد : امري لله

يخرج سامي للميكانيكي اللي سوا سيارته عنده ويدخل عليه غضبان
سامي : اقول ياباكستاني الحين ليه تضحك عليه وتقول سويت السياره والسياره خربانه الين الحين ؟
الميكانيكي : هي انت انا انا مافي يضحك عليك خلي اول سوي كشف على سياره بعدين يشوف
فحص السياره الميكانيكي وبعد مافحصها ناظر سامي
الميكانيكي : ياصديق سياره هذا فيه يروح مطبات كثير وفيه جلد هذا يروح
سامي يحك رأسه ويعرف انه هو مخطي : اي والله ركبت مطبات كانت عند تحويله في شارع
الميكانيكي : بعدين مافي قول كلام كذا هذا خفره كثير رزق لي انا
سامي : ولله في هذي صادق اللي يشوفكم يقول مسلمين الشركات هذي فلوس عشان تسوي حفر في الشارع وتخرب سياراتنا ونوديها لكم
الميكانيكي : هههههه انت والله مسكين روح اشتري قطع غيار هذا وانا سوي لك تخفيض
سامي : الله يجزاك خير انت قول ايش تحتاج السياره
بعد ماسوا سامي سيارته وجدد الاستماره

بعدها بكم يوم هطلت امطار غزيره عليهم
هدى : سامي ياليت تخلينا نخرج برا نأخذ قهوتنا مع العصر هذا والجو الحلو ونتقهوى برا
ام سامي : اي والله ياولدي حنا لنا زمان ماخرجنا برا
سامي : يمى والله مافيني اخرج والحين الدنيا فوق تحت برا بعد الامطار
ام سامي : حنا بس نبي نتمشى شوي ونرجع
سامي : اجل البسوا يلا ولاتتأخرون عليه انا بروح انتظركم في السياره

سامي مع عائلته بالسياره
سامي : ياساتر ايش المياه هذي وين المشاريع اللي يقولونها وتصريف السيول هذا اللي سووا لنا زحمه فيه ؟
ام سامي : ياولدي تلقى الامطار اكثر من المصاريف اللي حطوها للسيول ولا تلقاها ماخلصت
سامي : يايمى شغالين ليل نهار في هذي الشوارع يخفرون ويدفنون وبعدها بيومين نفس الشركه تحفر وتدفن وفي نفس المكان وتقولي الله يهديك مشروع مانتهى يمى مالهم اي عذر في اللي يسوونه
ياسمين : سامي حسيت انك من موظفين البيئه ههههههه
هدى : هههههههههههه اي والله من جد موظف بيئه اقول ياسامي خلينا نتمشى وحنا مروقين
سامي : طيب ولايهمكم بنكون رايقين بس من جد من جد اللي قاهرني انه شوارع مكه بالشكل هذا وهي واجهة المسلمين والله شي يحزن
ياسمين : رجعنا ياموظف البيئه وحقوق الشوارع ههههههههههههه
سامي : انا مادري من وين تجيبين الكلام هذا ههههههههه
هدى : اقول سامي ايش رأيك تغير السياره هذي لو توظفت ؟
سامي : صراحه صراحه انا كنت ناوي اغيرها اول ماتوظف بس اللي يشوف هذي الشوارع يقول خليني بسياره تعبانه ولا اخذ سياره زينه وكشخه وغاليه
ياسمين : رجعنا لسالفة الشوارع ؟
سامي : مو الشوارع مكسره مافي زفت صاحي اللي يشوف شوارعنا ايش لون مكسره يقول في منطقة حروب عايشين
ام سامي : لا ان شاء الله الحروب بعيده عننا
سامي : اخيرا تكلمتي يمى من اول شايفك ساكته
هدى : امي سمعت طاري حرب وتحركت جميع جوارحها هههههههه
سامي : هههههههههه يمى لايروح بالك بعيد حنا نتكلم في الشوارع
وهم يتكلمون طاحت السياره في خفره كانت مغطاه بموية المطر
ياسمين : ياالله ايش هذا ؟
سامي : هذي الشوارع اللي من شوي تقولون انت سويت لنا زحمه فيها لحظه بشوف ايش سوت
ينزل سامي من السياره ويحصل الكفر الجديد راح عليه من قوة الحفره ورجع للسياره لاهله
ام سامي : ها طمن ياولدي ؟
سامي : الكفر الجديد راح يمى حسبي الله على اللي كان السبب وخلا المويه تكون بالشارع بالشكل هذا
ام سامي : استغفر الله ياولدي هذي موية المطر والمطر من الله
سامي : يمى انا ماتكلم عن المطر اتكلم عن الطرق المكسره الحين الشركات هذي لو تشتغل بذمه وضمير كان صار كل هذا واختربت الشوارع لكن الشكوى لله نقطع اشاره قسيمه نزيد السرعه قسيمه مانربط حزام قسيمه هذا كله قلنا في مصلحتنا لكن بعد في مصلحتنا انه الدوله تطلع نظام جديد ويكون فيه قسايم على الشركات اللي تسوي الشوارع وتعويض باضرار السيارات لكن انا اللي قاهرني شي واحد !!
ياسمين : شي واحد قوله طيب وريح بالك
ام سامي : انتي تستخفين دمك على اخوك هو وقته
ياسمين : من جد اتكلم يمى
سامي : ااااه اللي قاهرني اني اخذت قسايم استحقها لكن كثير ماخذوا قسايم مثلي واولهم الشركه اللي استلمت مشروع السفلته لهذا الشارع وغيره من الشوارع

**أوهــــــامَ** · 29-Aug-2009,04:50 PM

يسعدنيًَ اول منًَ يرد عليكًَ
في قصتكًَ الجديدهًَ . الله يعطيك العافيه
على مجهودك القيم والمفيد
في أنتظار جديدكًَ
تحيـــــاتي وتقديرىًَ

.

**لمسة سحر** · 30-Aug-2009,11:44 AM

سلمت يداك من كل شر

**طيفك وهم** · 30-Aug-2009,03:18 PM

اوهام

يسعدني اكثر تواجدك ومتابعتك لما اكتب

لكي كل الشكر والتقدير والاحترام

تقبلي اعذب تحياتي

طيفك وهم

**طيفك وهم** · 30-Aug-2009,03:18 PM

الله يسلمك ان شاء الله لمسة سحر

مشكوووره على المرور

**طيـ الأمل ـــف** · 31-Aug-2009,06:29 AM

كاتبنا المميز والمبدع : طيفكـ وهم . قصه راااائعه وفعلا تلامس الواقع , وانا بصراحه استمتع بقراءة قصصك الممتعه والله لا يحرمنا منك ومن جديدك المميز والمفيد ,, والله يكون في عون الشعب الأنظمه كثيييره وتطبق على ناس وناس لا!! والله القهر /// يعطيك العافيه اخوي والله يوفقك ويسعدك

**مـلاك الغـروب** · 01-Sep-2009,01:04 AM

طيفك وهم

القصة ممتعة جدا

وهذا الواقع المراللي نعيشة

والمواقف ذي كثيرة عند مواقع المرور

ليش يفرقون بين الناس كذا

والا ذا لانه يالله يالله يحصل لقمة عيشه.
ووالثاني جاته باردة مبردة

طولت عليك اخوي

الف شكر لك

ننتظر القادم بفارغ الصبر

تحيــــــتي