الموضوع: يوميات مواطن قصة واقعيه

طيف الامل

ان شاء الله تتعدل بعض الامور والانظمه اللي ضد مصلحة المواطن واللي منها القسائم

يسعدني متابعتك الدائمه لهذه المجموعه من القصص

فلكي كل الشكر والتقدير والاحترام

تقبلي اعذب تحياتي

طيفك وهم

ملاك الغروب

عادي خذي راحتك في الرد

انا يسعدني كثيرا التعليق على اي موضوع انزله

وانا صراحة طولت شوي بتنزيل القصه الجديده لكن لظروف طالعه عن ارادتي

ومثل مايقولون الدنيا مشاغل وانا طولت من هذي المشاغل اللي لايشغلنا الا في طاعته

وان شاء الله في اليومين هذي بنزل القصه الجديده واللي بتكون بعنوان

( انفض جيبك انت سعودي جيبك ينقص وسعري يزودي )

يعطيك العافيه ان شاء الله على مرورك

فلكي كل الشكر والتقدير والاحترام

تقبلي اعذب تحياتي

طيفك وهم

ما شاء الله تبارك الله

أخوي طيفك وهم

قصص روعه

يبغالي وقت عشان أجاريكم

دام لنا نبض يدك

دمتـ


تقبل مروري المتأخر نوعا ما

طيفكـ وهم بانتظار ابداعكـ القادم

ريال شكرا على مدحك لكن صدقني كل شخص يقدر يكتب وفيهويمكن حتى تكتب افضل مني بكثير

طيف الامل اشكرك على المتابعه

وانا اسف اني طولت عليكم بالقصه لكن هذا انا اليوم جبت لكم قصه جديده بعنوان جديد وطبعا من عنوان القصه راح تعرفون انه المقصود بها هي معاناة المواطن السعودي وهي في جزء واحد فقط
القصة بعنوان :
( انفض جيبك انت سعودي ,,,,,, جيبك ينقص وسعري يزودي )

البدايه
يوسف يتصل عليه احد اصدقائه المقربين واسمه عدنان
يوسف : اهلين
عدنان : سلام ياحلو
يوسف : وعليكم السلام والرحمه
عدنان : كيفك ؟
يوسف : بخير ولله الحمد وانت ايش اخبارك ؟
عدنان : بخير ياوجه الخير
يوسف : ها شكله اتصالك يقول انه وراك شي ان شاء الله خير بس ؟
عدنان : افا والله انا يجي من وراي الا الخير
يوسف : انا والله عارف انه وراك شي
عدنان : اقول خليتني احس اني متصل عليك بطلبك فلوس
يوسف : انا عارف انه فلوسكم واجد مانتم في حاجه الفلوس
عدنان : يهب عليك قول ماشاء الله
يوسف : ماشاء الله ههههههههه لاتخاف انا ماحسد
عدنان : ان شاء الله مافيها حسد المهم
يوسف : قول المهم اللي عندك
عدنان : ترى انا وراي سفرية اذا تبي احسب حسابك معنا قول من الحين
يوسف : انا ترى الكثرة في السفريه ماحبها يعني لو اروح ماتلم عيال حارتك كلهم ولا اصحابك كلهم
عدنان : لاتخاف انا مثلك انا الى الان معي منصور وكلمت ناصر واعتذر وباقي انت يعني ثلاثه تكفي ولو ماتروح ادور واحد ثالث لانها اثنين مره ماتكون حلوه
يوسف : حلو بس اللي يعيننا على الحرمه و لسانها
عدنان : اخس يالرجال تخاف من الحرمه ؟
يوسف : تخسى انا ماخاف منها
عدنان : اجل ايش معنى كلامك يارجال البيت ؟
يوسف : تتريق انت ووجهك ؟
عدنان : لاتريق ولا شي بس من جد حرمتك ليه بتسبب لك مشكله ؟
يوسف : مو مشكله حقيقيه بس اذا عرفت اني بسافر تزيد طلباتها شوي
عدنان : بس كذا ؟
يوسف : ايه بس كذا وانت تحسب هذا سهل يعني ؟
عدنان : كلها كم قميص وانتهينا
يوسف : بالله من جدك انت ووجهك ليه قالوا لك بقضي للشغاله
عدنان : والله شكله ليلك طويل انت
يوسف : اي والله بلاك ماجربت تتزوج وتشوف مصاريف وتعب الزواج
عدنان : يارجال هونها وتهون بس
يوسف : ماعلينا بس انت قولي لي كيف منصور بالسفر ؟
عدنان : صراحة اول مره اسافر معه بس الرجال راعي سفريات يعني من سفر الى سفر
يوسف : اجل توكلنا على الله

يوسف في بيته مع زوجته واطفاله على العشا
يوسف : اقول ياريومه ؟
ريم : غريبه منك كلمة ريومه
يوسف : ماغريب الا الشيطان وعني انا من اليوم ورايح ماراح اقول الا ريومه واذا اذاااااا بغيت اغير قلت حبيبتي او قلبي او اي كلمه حلوه تليق عليك
ريم : حاسه انه الكلام هذا مو لله حاسه انه وراه شي قول ايش عندك يلا واخلص
يوسف : سبحان الله تفهميها وهي طايره
ريم : سبع سنوات ماتبيني اعرفك
يوسف : من الاخر انا بسافر شوفي ايش ناقصكم اخذه لكم قبل ماسافر
ريم : نعم نعم ياعيوني ايش قلت ؟ ايش قلت ؟ عيد اللي قلته من شوي
يوسف يعلي صوته شوي ويمد في الكلمه : بساااافر سمعتي الحين
ريم : هذي الساعه المباركه
يوسف : يعني راضيه ها
ريم : طبعا وفيه احد يعرضون عليه السفر ويقول لا
يوسف : هي هي انتي اي عرض سفر انتي الثانيه اللي بيسافر انا مو انتي انا لوحدي وبس
ريم : لاحبيبي لوحدي بطلوها الحين فيه سفر لك انت زوجتك واحيان الاطفال
يوسف : تساااافرين انجنيتي انتي ؟
ريم : مانجنيت ولاشي ماتروح الا رجلي على رجلك
يوسف : الظاهر اني عطيتك وجه اقول انقلعي لاعطيك بالصحن هذا في وجهك واقلبه سفرة طعام خلاص قلت بسافر وحدي وانتي شوفي طلباتك اجيبها لك
ريم : حتى هذي تجيبها لي ماتبي اروح معاك ؟
يوسف : خلاص تروحين معي بس بكره اول بنروح المركز التجاري وبعده نروح نشتري لكم ثياب
وبعدها قام يوسف من السفره
ريم : هين يايوسف اذا ماخليتك تكره اليوم اللي فكرت تسافر فيه ماكون ريم

نزلوا مركز التسويق
يوسف : ريم لاتاخذين الا الاساسيات مانبي تبذير ترى الفلوس يادوب تكفي
ريم : عيد كلمتك ماسمعتك زين ؟
يوسف : ريم هذا مو مكان نتناقش فيه
ريم : اقول اقول لاتقول فلوس ومافلوس لو الفلوس ماكفت نقص فلوس السفريه ولا تدري الغي السفريه لو شفت الفلوس قليله اللي بتسافر فيه ورعانك اولى فيه
يوسف : ورعانك اولى فيه حي الله الهرجه اللي جبتيها يازينك ساكته

وهم يلفون في المركز
يوسف : الله الله ايش كل هذا حليب زايد رز زايد زيت زايد
ريم : ليه وانت تبي بلاش ماسمعت انه كل شي ارتفع سعره
يوسف : سمعت بس مو لهذي الدرجه بعض المواد الغذائيه ارتفعت لاكثر من خمسين في الميه واحنا ياغافلين لكم الله
ريم : خليهم يزيدونها احسن ولا تبيهم يخلونكم بحالكم وتسافرون بالفلوس حنا هنا اولى فيها
يوسف : اعوذ بالله منك ومن كلامك اللي مثل السم انتي ماتعرفين تطلعين كلمتين على بعض زينه كل كلامك شين
ريم : انا ماعرف اتكلم الا كذا عاجبك عاجبك مو عاجبك اسكت ولاتكلمني عشان انا بعد اسكت ولا تبي يعني تهرج على كيفك وانا بس اسمعلك ماصارت هذي العيشه
يوسف : الله من عيشة الهم والغم اقول شوفي المقاضي اللي تبينها وانتي ساكته حريم اليومين هذي مثل المنشار على الرايحه والجايه تبي تأكل
ريم : مو احسن من الفلوس اللي بتروح هباءا منثورا في السفر ؟
يوسف : ان لله وانا اليه راجعون الحين ايش الغثه هذي كل شوي وهي السفر والسفر كرهتي اهلنا في السفر
ريم : الله يكرهك فيه يارب اكثر واكثر ان شاء الله الا ماقلت لي
يوسف : عن ايش اقول ؟
ريم : مادري كيف طافتني انت وين بتسافر ؟
يوسف : مصر
ريم : ايه عشان ياكلون فلوسك المصاريه
يوسف : اللي يسمعك يقول انا رايح دوله فيها قطاعين طرق
ريم : امشي الله يكون في عوني بس

اليوم اللي بعده وهم رايحين السوق
يوسف : ريم ترى مايصير كذا
ريم : ايش اللي مايصير انت الثاني ؟
يوسف : لازم يعني توفرين شوي البارح ترى اصرفنا مبلغ جامد وهي كلها مواد غذائيه
ريم : وليه اوفر ان شاء الله
يوسف : عشان انا زوجك وهذي الفلوس مو لازم نصرفها ونبذرها بالطريقه هذي
ريم : اايه الحين فهمت عليك بس ياحبيبي انا مو لازم اوفر
يوسف : وليه ان شاء الله ؟
ريم : لانه اللي بوفره هنا انت بتصرفه هناك
يوسف : يهب ياوجهك الحين انتي كل شوي والثانيه تتكلمين عن السفر يعني الواحد مايرفه عن نفسه ولايروح ولايجي يعني تبينه يقابلكم اربعه وعشرين ساعه
ريم : ايش فيها لو قابلتنا اربعه وعشرين ساعه يعني ؟
يوسف : ايش فيها لو سافرت ؟
ريم : فيها انك ورعانك ماخرجتهم وانت بتسافر
يوسف : خلاص اجل بكره اوديهم اللي يبون انا اصلا سفري بعد اسبوعين الحين وانا اقضي لكم اقضي لنفسي واكون جاهز لسفريتي من بدري

وصلوا السوق ونزلوا من السياره
يوسف : شوفي المحل هذا مكتوب انه منزل الاسعار 50 في الميه
ريم : اي والله انك صادق
يوسف : انا قبل رحت له اللي عنده كلها حلوه لكن يومها كانت غاليه تذكرين اخر مره جينا لهذا المحل
ريم : ايه اذكر بس ماذكر الاسعار

دخلوا المحل
يوسف : المحل فيه اشياء جديده يامحمد هذي البدلة بكم ؟
عامل المحل يماني
العامل : هذا 550 ريال
يوسف : اووف 550 مره وحده ليه مو مكتبوب انه نزلتوا الاسعار
العامل : كلام مضبوط ولكن الاسعار هذي على البضاعه القديمه اما الجديده كيف ننزل الاسعار عنها ؟
يوسف : انا زبونكم قبل بكم تحسب نهاية هذي ؟
العامل : 545 ريال
يوسف : لا خليها تنزل شوي
العامل : عشانك ولله العظيم ماهي لغيرك بعطيك 540 ريال وصدقني مانزلت لاي واحد اقل من كذا وهذا كله عشان انت زبون لنا
يوسف : بس والله يابن الحلال بعد كثيره والكلام هذا واللي قبل واحد ماتغير
العامل : والله ماحلفتني انه راس مالها 530 ولانها غاليه نبي مكسب فيها 10 ريال بس
يوسف : لا اجل ماتصلح خلينا نشوف شي ثاني
ريم : انت ليه مستكثر هذي ؟
يوسف : يابنت الحلال اتركيك منه
لف شوي في المحل
يوسف : شوفي هذي تذكريها بغينا نأخذها وكانت ب450 والحين شوفي قد ايش نزل السعر الى 225 ريال
ريم : والله ماذكر بكم كانت
يوسف : لا انا اذكر بالاماريه كان يحلف ويقول المكسب 5 ريال يعني معقوله يخسر عشان يجيب البضاعه الجديده ؟
ريم : الله اعلم اسأله وشوف
يوسف : يامحمد هذي بكم ؟
العامل : هذي اللي طلبتها يشملها عرض الخصومات وهي 225 ريال
يوسف : ماتنزل عنها ؟
العامل : اقسم بالله العظيم عشان نبي نمشي البضاعه اني بعطيك هي برأس مالها
يوسف : يهب يالمجرم تقسم بالله واخر مره جيتك فيها تقول 450 ومكسبك فيها 5 ريال يااخي حرام عليك اتقي الله ايش الاجرام اللي عايشين فيه حنا كيف تبون ربي يرزقكم وانتم تحلفون بالطريقه هذي
العامل تلخبط واخذ يوسف على جنب
العامل : يابن الحلال حنا نخاف الله لاتفضحنا هذا والله كله من صاحب المحل هو اللي رفع الاسعار وهو بنفسه يقول لي لاتنزل كثير عن السعوديين لدرجه انه احيان يبيع الاجنبي بسعر اقل ويقول انه السعودي اغنى من الاجنبي وانا عبد المأمور الله يخليك لاتفضحني ويسمعك صاحب المحل لانه عصبي وتقطع رزقي وفوق هذا هو سعودي بعد
يوسف : ليه تحلف بالله بالطريقه هذي طيب ؟
العامل : انا عبدالمأمور وهذي طلبات صاحب المحل
يوسف : يعني انا سعودي يكسر ظهري بالاسعار هذي ؟ امانه لو انت غني وفي بلدكم ترفع السعر كذا على اليمنيين ؟
العامل : لاولله بس الله يخليك خذ اللي تبي بس اخرج سرعه ولاتقطع رزقي عند اللي اشتغل عنده
يوسف : يلا انا بخرج بس بشتري لي كم غرض من عندك مافيني الف الاسواق كثير واللي مو عندك بلقاه عند غيرك ومابي اطول انا
العامل : امرني انت .

اليوم اللي بعده
ريم : يايوسف روح ودي التلفزيون خربان
يوسف : ايش فيه هذا الثاني ؟
ريم : انا عارفه عاد روح انت وشوف ايش فيه
يوسف : خلاص الحين بتصل على حارس العماره عثمان ينزله

بعد ماتصل يوسف ونزل عثمان التلفزيون
يوسف : ياعثمان انا هيا معي نودي التلفزيون سوا ونرجع
عثمان : لالا يااخي انت ريح وانا اوديه ليك واجيبه
يوسف : لامايحتاج
عثمان : داير والله هذا الباكستاني اللي هنا يرفع الاسعار عليك كثير مره
يوسف : يرفعها ؟
عثمان : اااااي ولله انا دايم معاه داير يقول لي السعودي معاه فلوس كثيرررره اما لو انا اودي ليه التلفزيون مايرفع السعر لانه يقول الاجنبي كله غلبان في السعوديه والسعودي عنده فلوس
يوسف : خلاص اجل روح وديه الله يجزاك خير
عثمان : والله يااستاز يوسف انت زول مره طيب وخدمتني كثير داير نفسي اخدمك بعيوني
يوسف : تسلم والله ماتقصر

بعد ثلاثه ايام يوسف راح يودي عائلته للطايف واول ماوصل للطايف وحصل شقه مناسبه له وحصل صاحب الشقه
يوسف : سلام عليكم
صاحب الشقه : وعليكم السلام
يوسف : اقول يالطيب فيه شقه بغرفتين وصاله صغيرة انا شفتها مع العامل وهي مناسبه لي بكم تحسبها عليه ؟
صاحب الشقه : يابن الحلال عشانك رجال نشمي وطيب بحسبها عليك ب550
يوسف : لا لا الله يهديك هذي مره كثيرة
صاحب الشقه : صدقني ماهي كثيره وانا احسب الشقه دايم ب600 وفوق لكن جاتك من الله 550
يوسف : لالا ياعم حاول تنزل اكثر انا مطول عندكم لو سلمت 550 بتروح الفلوس كلها معاد بقي شي يأكلنا
صاحب الشقه : لاتخاف ماحد يموت من الجوع السعوديه فيها خير ومافي احد جا هنا الا معه خير وحتى لو مامعه كثير لكن يحسب حسابه والايجارات هنا هذي اسعارها
يوسف : بس هذي مره غاليه علينا والواحد اتوقع لو يسافر بيصرف اقل لا لا ياعم بالله نزلها شوي ترى مره غاليه
صاحب الشقه : طيب 500 تبي اسكن ماتبي الله يستر علينا وعليك
يوسف : يلا اجل توكلنا على الله

بعد مانتهوا ورجعوا اول ماوصلوا البيت
يوسف : خلاص يامدام ريم رحتي تمشيتي وانبسطتي
ريم : اهم شي الاولاد مو انا
يوسف : الاولاد الحمد لله عني انا انبسطوا كثير الحمد لله
ريم : يعني انت ملزم تسافر ؟
يوسف : ايه الله لايعوق بشر
ريم : والفلوس ماغلقت ؟
يوسف : انتي تبينها تغلق يعني ؟
ريم : ايه ان شاء الله تغلق
يوسف يهز برأسه : امسينا وامسى الملك لله يابنت الحلال والله لو معي فلوس كافيه اني مامشيكم الا برا السعوديه
ريم : طيب طيب صار خير

منصور وعدنان ويوسف في المطار اول ماوصلوا مصر
منصور : يايوسف انت ليه جاي بثوبك يابدوي ؟
يوسف : ايش فيها يعني مو البسه هناك وهنا
منصور : مايصلح الثوب هنا صدقني
عدنان : يارجال ماعليك منه توكل على الله بس .

اليوم التالي في الليل
منصور : ياشباب ايش رأيكم فيه محل اعرفه نبي ملابس منه عنده اطقم بدل مجنونه واسعاره حلوه ماتخرش الميه مثل مايقولون
عدنان : واللي جبناها ؟
منصور : هذي كلها كم بدله منه وبعدين بنروح مرقص نفل شوي
يوسف : لا يابن الحلال انا اروح اي مكان لكن مرقص مره مايناسبني
عدنان : عادي ايش فيه المرقص يااخي شوية فله وخلاص
يوسف : انا والله اكره المرقص
منصور : انت هيا لو ماعجبك اخرج مافيها شي
يوسف : الى متى نجلس بالمرقص ؟
منصور : كالعاده الصبح
يوسف : لا حبيبي انا وراي صلاة فجر الواحد صحيح ينام عنها كثير ويصحى يقضيها ونحاول نعدل هذي العاده لكن افوتها لعيون المرقص اعوذ بالله
منصور : براحتك هيا الحين المحل اللي كلمتكم عنه
يوسف : خلي المحل بعدين طيب
منصور : طيب بعدين بعدين ولايهمك

دخلوا المرقص ويوسف ماطول مشى الساعه اثنين اخر الليل
يوسف : ياشباب انا طفشت والله شوي الصبح امر عليكم اول مايقفل المرقص
في الصبح اول مارجع يوسف والمرقص بيقفل حصل اصحابه برا توهم خارجين
يوسف : جيت في وقتي
عدنان : ايه ماشاء الله على التوقيت
فجأه حصلوا حراس امن المرقص بيجرون في شاب سعودي ويرمونه برا المرقص وهو سكران مره
يوسف : ايش بيسوي المجنون هذا ؟
منصور : يااخي كل واحد في حاله ماحد قال له اسكر
يوسف : ايش اللي ماحد قاله اسكر في الليل يرحب والسعوديه والسعوديه والمتخلفين الي جوا يطشون في الفلوس والحين يرمونهم مثل الكلاب ايش هذا اللي يصير ياعيال عاجبكم هذا لا وتبوني اجي المرقص عند هذي الاشكال
عدنان : ماعليك فيهم
يوسف : ياشباب عجبتكم جلستكم في اخر الليل بدل ماتنامون ولاتعبدون الله وانتم هناك انا عارف اصلا اني غلطت يوم دخلت لكن توبه عنه
عدنان : والله اني عارف اني مخطي لكن بعد اللي شفته توبه معاد اقرب لهل المرقص
منصور : ايش فيكم تناظروني ؟ لاتخافون ولا دامكم ماتبون تدخلون انا معكم ولله مادخل هيا بس

اليوم اللي بعده
منصور : هيا ياعيال نروح المحل اللي كلمتكم عنه ؟
يوسف : ترى انت ازعجتنا فيه
منصور : صدقني محل مافي منه واسعاره مره حلوه
عدنان : هيا طيب ولاتزعجنا فيه

في المحل اللي متجهين له الشباب قبل وصولهم بدقايق صاحب المحل واسمه متولي ومعه عامله واسمه احمد
متولي : بص يااحمد دنت قديد عندنا هنا وماتعرفش النزام وانا اللي خلاني اقيبك هنا هو ابن الكلب محمود اللي ترك العمل لانه احنا في موسم لكن ماعليش ان شاء الله بتتعلم المهنه وتصير معلم ئد الدنيا
أحمد : ان شاء الله يامعلم
متولي : بص اللي عاوزك تعرفه اول ماتشوف سعودي عاوزك تنشف له قيبه مابتخليش فيه ولاجنيه وفوق ده عاوزك تحببه بالمحل يعني تديه كلمتين حلوين دا السعودي معاه فلوس بسم الله ماشاء الله
أحمد : يعني ارفع عشره جنيه يامعلم ؟
متولي : عشره مصايب لما تنزل عليك حته وحده عاوزك تزيد السعر اضعاف ده موسم
أحمد : بس ياباشا ده حرام كده
متولي : ايه يله بتعلمني الحلال والحرام انت بص لو شايف انه حرام سيب الشغل فاهم ولا لاءه ؟
أحمد : اه فاهم يامعلم
متولي : طيب ها دي البيعه كده حرام ولا حلال ئولي عاوز اسمعك ؟
أحمد : لاياباشا دي حلال والله يرزئك من واسع ابوابه ياباشا
متولي : ياسلام عليك بص لما يقي الزبون بالزات السعودي اديله كده كم قسم بالله عاوزك تفرم مخه يله
أحمد : لا يامعلم ده كتير اوي عليه مش ئادر احلف كزب
متولي : يااهبل انت ده شغل وكل ماقبت فلوس كتيره وحاولت تقيب اللي في قيب الزبون ئد ماديتك بخشيش ولو مش عاجبك تفضل برا مالكش شغل عندي
أحمد : لا ياباشا عاوز اشتغل ولايهمك دنا ححلف مايهمكش طول ماهو في العمل فهو حلال الحلفان ياباشه
متولي : بص فيه شي اخير
أحمد : ايه هو يامعلم ؟
متولي : لو بيئول لك اي زبون انه دائما بيأخز من المحل ماتعارضهوش ئول زي مابيئول حتى لو عمرك ماشفته
أحمد : امرك ياباشا
متولي : انت كده عاجبني كتير بص دول اللي هناك سعوديين سوي اللي اتفئنا عليه
أحمد : كيف عرفت يامعلمي ؟
متولي : فيه واحد منهم دايم بيقي هنا

دخلوا الشباب المحل
أحمد : اهلين اهلين ياقماعه دا المحل كله نور
منصور : النور نورك
متولي : أأمر يابيه اللي عاوزه بيكون تحت امرك
منصور : شكرا يامعلم متولي
متولي : لاشكر على واجب دنت زبون لينا من زمان
منصور : ذولا اصحابي وعزيزين عليه مابي اوصيك في الاسعار عاد
متولي : عيب عليك يابيه طيب يمين تلاته بالله العزيم دنا حديك بأسعار ماراح تحصل زيها في كل مكان انت زبون يااستاز منصور
يوسف طلع له بدله عجبته : يامعلم بكم هذي ؟
متولي : بص ده بـ 700 جنيه
يوسف : مسوي لنا زحمه من ساعه وزبون وزبون في الاخير هذي اسعارك
متولي : بص انا والله بزعلني لما زبون متلك بيشوف انه سعري غالي عليه لدرجة اني ممكن اخسر في كم جنبه وانزل السعر كله في سبيل اني اخسر فلوس ولااخسر زبون وقسما بالله ببعها لك بـ 600 جنيه وانا خسران فيها
يوسف : لا انا مابي اخسرك ولا ابي اخسر انا الشي لو اشوفه غالي عليه مابي اخذه والشي اللي خساره عليك مابي اخذه
متولي : يااستااز اااااا . اسمك ايه ؟
يوسف : يوسف
متولي : يااستاز يوسف دنا حديك هي بــ600 جنيه والخساره اللي عليه خليها ياعم كسب زبون قديد او هديه ها ئلت ايه ؟
يوسف : احرجتني والله لكن خلاص حطها على جنب
متولي : أحمد شيل ده وجهزها للاستاز بص يااستاز يوسف لو مش عاجبك السعر دنا والله مستعد اخسر زياده لكن اهم شي عندي ماتخرجش زعلان او نفسك في حاقه وماخزتهاش
يوسف : تسلم والله
منصور شاف له بدله مره دخله رأسه : هذي بكم يامتولي
متولي : لا انت يامنصور لك سعر خاص وححسبها ليك ب500 جنبه
منصور : سعر خاص و500 ؟
متولي : دنت عارف انه انت بالزات انا ماحبش اناقشه في حاقه طب بص
منصور : ايش ؟
متولي : واللي يحفض لي عيالي ومراتي اللي بالبيت دنا خسرت فيها ربع الئيمه كله عشان انت عرفتني على الناس الطيبين دول
أحمد يقاطعه : ايه ياعم ااايه فيه ايه كل تجارتك غش وكزب دنت وصلتها لاغلى ماعندك تحلف بكزب
متولي : انت انجنيت ياوله ؟
أحمد : ياجماعه ده بيستغفلكم لانكو سعوديين دي البضاعه ببعها عليكو بضعاف سعرها
متولي : اخرج برا ياكلب جاتك نيله واد صابع ابن كلب
يوسف : يخس عليك ولله ماتوقعت واحد يحلف بعياله عشان بضاعه
متولي : ياجماعه دنتوا فاهمين غلط
عدنان : لاغلط ولاصح يلا شباب خرجنا

بعد ماغقلوا الشباب رحلتهم ووصلوا السعوديه وهم في السياره متوجهيم منها لبيوتهم
يوسف : ياشباب ليه العالم كذا ؟
عدنان : ايش فيه العالم ؟
يوسف : انا لما شفت المصري اللي يحلف كذب قلت مصر فيها خير واحد يكذب وواحد صادق لكن الشي اللي قاهرني تدرون وش هو ؟
منصور : وش هو ؟
عدنان : لاننا سعوديين ماحد يوفرنا تجي للتجار السعوديين هنا ياولد قطاعين ويأكلونك اكل وكله عشانك سعودي تسافر برا ونفس الحكايه وفوق كذا اللي شفناه في المرقص هذا دليل انه فيه سعوديين مهانين برا مع انه الواحد لما يقول سعودي يرفع رأسه ويحس بهيبة لكن الله يستر من نهاية الامور هذي وان شاء الله تكون نهاية خير
يوسف : هيبة ؟ هو بقى فيها هيبة
منصور : يابن الحلال كيف تقول هذا الكلام السعوديه بهيبتها الى الان
يوسف : ايه بهيبتها لكن المشكله اللي اشوفه انه على قد ماحس اني مفتخر اني سعودي على قد ماشوف انه الهيبة هذي تقل شوي في بعض الاماكن وصاروا الناس يستغفلونا بهذي الهيبه حتى الاجانب اللي هنا واللي برا لكن في الوقت هذا الناس كلها صارت تنظر لجيب المواطن السعودي سواء تجارنا او تجار الخارج لكن صدرق الشاعر اللي قال :
انفض جيبك انت سعودي ,,,,,, جيبك ينقص وسعري يزودي

,,,, انتهت القصه

اتمنى ان تكون القصه نالت على استحسانكم واعجابكم واتمنى الردود مثل العاده بهدف ابداء الرأي لاكثر ولا اقل

وشكرا

طيفك وهم
صدقت والله الأجانب دايما يشوفون ان السعوديين مصدر التجاره
يعني يستحيل عندهم يكون سعودي حالته متوسطه أو ضعيفه
يعطيك العافيه

يعطيك العافيه أخي الكريم طيف وهم
على القصه الجديدهـ
فى أنتظار أبداعكًَ القادمًَ

.

طيف الامل

لكي كل الشكر والتقدير على متابعة كل مايتم انزاله في هذا الموضوع

تقبلي فائق احترامااتي

طيفك وهم