الموضوع: (*#~ْمقطفــآت من روائــع الشعــرآء~ْ#*)

*

في وسط قلبي سفينه وفي سما حُبك سدَم ،
__________ تشتهي بحرك وتجري عكس شهوتها . . الرياح !

كن هذا الصبح بـ العتمه بليّاك ، إنردَم . .
__________ يا صباح الخير من غيرك بلا ( خير ) الصباح !

أثر ثلج فراقنا يلسَع وشوقك ، ما خِدَم ،

توّي أفهم :
شنهو تعني [ لسعة الثلج ] . .
لـ ( فلاح ) !

لا تحارب . . ما أبيك تعض إبهامك [ نِدَم ] ،
جيت لك :
قصدي إنتـ فاهم ،
شوووف . .
ما أحمل سلاح !

الزعل : غلطة حبايب قلب من قلب إنصِدَم . .
__________ والرضى ساكت ، وعزة نفس تتثاقل سماح !

ياحبيب الجرح . . شوف إحساس محبوبك ( عَدَم ) :
__________ ما يحس القلب في جرحك وهو كله جراح !


كان في وجهك بقى لك دمعتين ، وفيه دَم ؟
__________ هذي [ هُدنه ] نتّفق بـ شروط وننساه اللي راح . .

يا أجي أرضك . . وأترك فيها لي بصمة قدَم ،
__________ أو أصد وأكتب عليها : ( أرض مافيها صلاح ) !


يا أعيش بـ وسط قلبك ونبني كل شي إنهِدَم . .
__________ وإلا قدامك أموت وأوقف بـ وجه [ الرماح ] !

إعتبر نفسك معزّب . . و المشاعر لك : خَدَم ،
__________ وإنت كيفك دام قلبي ( أرض منزوعة سلاح ) !


وإنت كيفك دام قلبي ( أرض منزوعة سلاح ) !
وإنت كيفك دام قلبي ( أرض منزوعة سلاح ) !
وإنت كيفك دام قلبي ( أرض منزوعة سلاح ) !

*






خل نفترق تكفين و إحنا عزيزين

مدام قلبك صار ( قاسي و جاحد ) !


ماكنت لك [ واحد ] أساوي ملايين ؟
وشلون خنتيني على شان [ واحد ] !




الحين وش بعد الخيانه و بعدين ؟
شفتك معاه بعيني واللــه شاهد !


و مدام ( قلبك ) قادر يحب شخصين
ماهي غريبه لو تحبين { واااجد } !


تقولين لي : راشد ! بـ إسمي تغلطين
وتنادينه : أحمد ليه ؟ هو إسمه : راشد !





مثلك يشوف الحُب لعبه وتخمين ،
ومثلي يحب ، وعنده الحُب خالد !


إنتي الوحيده وسط قلبي ، وتدرين
ما فيه [ غيرك ] داخل القلب قاعد !


كتبت " أشعاري " لأنك : بـ تقرين ،
وإلا شعوري من هـ الأبيات زاهد !




يالله ، فمان اللــه ما أبي تردين
إنتي { خطايا } والخطا منّي - وارد


إنسانه حلوه صح بس ، ما تحسين !
وطبيعي [ قلبي ] من - جروحك . يباعد


صيري فـ مكاني وشوفي شنهو تسوين ؟
ياللي في قلبك [ شوق ] الأحباب ، بارد !


رايح أنا ولا تسأليني على وين
منّي لك أقرَب صار " كوكب عطارد " !
*

انا ربتني الدنيا

من روائع حامد زيد



أنا ربتني الدنيا على جزل العطا والجود
ونفسي للوفا والطيب وفعل الخير جزامه

وأعارض منهج الهابط وأوافق للصعود صعود
وأسير نفسي بعقلي مدام النفس هدامه

ولا تثر بي البسمة ولا كحل العيون السود
ولا يقوى على قلبي صغير الحسد وأجسامه

أرد الجود بأمثاله وأقابل بالجحود جحود
وترى لا خير في رجل يوطي للردى هامه

وعندي مع أهل العليا مواثيق وثلاث عهود
أوفي له مطاليبه وأوده وأرفع أعلامه

أعايش مركب الدنيا على متن القدر مولود
أبعرف هو صحيح إن القدر بالناس دوامه

ومن وين الزمن مقبل وإلى وين الليال تقود
ومن في هالزمن يقدر يوجه خطوة أقدامه

ومن له بالزمن غاية ومن عنده هدف منشود
ومن منا قدر يعرف خفايا مقبل أيامه

عرفت إن الشقا باقي ، عرفت إن الحسد موجود
عرفت إن القدر يفرض علينا بأسوأ أحكامه

لقينا بالعرب حاسد وشفنا بالعرب محسود
وبه ناس لنا ضامت ، وبه بالناس منظامه

وينقص بعضنا خوه وينقصنا وفاء وعود
مدام الحسد باقي وبعض الناس نمامه

ولا ترجى بها الدنيا من ربوعك يجيك اسنود
ولا تشره على رجل عيونه خانت أقدامه

وقابل خطوة بخطوة وجازي بالصدود صدود
تناسى غلطة الصاحب عليك بلحظة اخصامه

ولا تخطي ترى لصبر الحليم اليا سلاك حدود
تروى واعرف بضرب الحديد تفكك لحامه

تجنب كسرة الخاطر ولو حبل الزعل مشدود
تراك بكسرة الخاطر حكمت القلب بعدامه

ولا تزعل على رجل بذل لك ولرضاك جهود
ولا تامن من الحاسد رضاه ورفعة ابهامه

نبي نصبر على الدنيا قلوب بالحياة زهود
مدام إن البخت عيت توفق رمعة سهامه

وأنا ما قلتها راجي ولا أطلب بعدها مردود
ولكن الفتى وده يحقق جملة أحلامه

وبمشي لآخر الدنيا ولو كل الأنام اقعود
وعن وجه الزمن بكشف حقيقه وأرفع الثامه

صحيح إني صغير السن ولكن قدها وقدود
وأنا عندي مع الدنيا مواقف ترفع الهامه

طموحي يملي العالم ولابه للطموح قيود
مدام إن الأمل طبعي عرين وصرت ضرغامه

خلقنا الله من ترابه ولأحضان التراب نعود
تحت رمل الثرى نبقى تغطي جسمنا خامه

سلفنا ما لحقناهم تحت قاع التراب رقود
ولا يبقي من الميت سوى ذكراه وعظامه

ولو طال العمر فاني وترى عمر الفتى محدود
وكل يطلب المولى يبيحه يحسن ختامه

وأنا بلغت بلساني وربي والأنام شهود
وصحف البينة جفت وعنها رفعت أقلامه

موضـوع شـيق ورآئــع

تحيتي

ابدعتـــي يااحلـــى اوهــام

فاقد اسعــدني مروركــ

[ ممنوع ] أحب غيرك لأن الحقيقه ؟
مـافيه " أحد " يسوى يجي في / مكانك .

[ ممنوع ] أنام إلا بـ هذي الطريقة :
( أنام أنا ويَّاك و أحضن حنانك )

[ ممنوع ] أنا أنساك لو في – دقيقة - !
لازم ( أفكر فيك ) , و ( أعز شـانك ) . . .

[ ممنوع ] أسمع : صوت : كل الخليقة . .
ويا زين كل كلمه تجي من { لسانك }

[ ممنوع ] أحس إنْ كنت ويَّاي ضيقه
ياللي خدمك الحظ ./ فيني و عانك

[ ممنوع ] أقول : القلب / شيٍ يعيقه
قهوة ( ظروفي ) حَلَّهَا , زعفرانك

[ ممنوع ] أقول إنَّ الزمن ما أطيقه
لأنه زماني صار " صدفه " زمانك !.

قلبي ( ذَهَب خالص ) , وحُبك بريقه
وكل ما أسوِّي في حياتي [ عشانك ]

دام المشاعر يا حبيبي , رقيقه ؟
و القلب خان أحبابه اليوم / صانك .

بردان شبّ إحساس " قلبي " حريقه
إدفا عسى تكسب ( دفاك , و رهانك )

" سيفك " إذا خان الرفيق بـ رفيقه ,
يعني أشيلك , لو تعثَّر [ حصانك ] .

لو خان { كل } معشوق مرَّه عشيقه ؟
: مايخون قلبي لو خطا الكل و خانك ! :

دام " القوافي " في بحورك / غريقه
( شاعرك ) يبدع و إنت إطلق عنانك

بـ أكتب قصيدي فيك وهذي الحقيقه
ياللي تِهِز [ أبيات شعري ] كيانك

:

مسموح كل إنسان يقرا المعاني
لكن شعور القلب يا ناس محفوظ

ما قلت من ( حظَّه ) لأنه لقاني
أقول أنا من يوم ألاقيه : محظوظ

مثل ذيك السنه وأكثر أنادي والنِدى : ما يفيد
بـ قلبي شوق لو حسّيت به يقلب موازينك

أردّد " عيدك مبارك " عسى كل عام وإنت سعيد
وقلبي يرتجي وصلك . . . يا غالي ، وفاقدٍ زينك


حبيبي هالزمن يضحك ، على جرحي . وإنت بعيد . .
وجيت من الشتات أسأل بعد جرح الزمن . . وينك ؟

أنا ما جا على بالي غيابك إنت بـ التحديد ،
{ عنادك } . .
ليش ضيَّعني ؟
وقف ما بيني وبينك !

لك الله ، كل ما أضحك ألاحظ هـ الجروح تزيد !
تصدِّق [ ضحكتي ] صعبه علي , وسهله بـ إيدينك . .

أقول إن الأمل : باكر ,, يجي بكره ، بجرح جديد !
ورغم كل السنين اللي مضت لي . . { تكرم سنينك }


أنا ما جيت أبي منِّك , بعد جرحك . . تفك القيد :
أبيك تحس في ( قلبٍ ) . . رفض ينساك ويدينك !

إذا يرضيك تستقبل بدوني . فرحتك بـ [ العيد ] ؟
شسوي بـ قلب متعوِّد يشوف العيد ، في عينك !

شسوي بـ قلب متعوِّد يشوف العيد ، في عينك !


شسوي بـ قلب متعوِّد يشوف العيد ، في عينك !

إذا عادي الزمن يضحك على جرحي وإنت بعيد ؟
على هذا البرود اللي تعيشه . . .
( الله يعينك ) !

يعطيك العافيه

مو غريب عليك الابداع
.~

[ حسبي عليهم ]


عطيتهم صـدري نهـر واشربونـي
حسبي عليهم جففونـي و أنـا حـيّ

جوني مثل سرب الجراد اهجدوني
تناهبونـي مـتركـوا حاجـة ٍ فـيّ

لفَّـوا علـيّ احْبالهـم واخنقـونـي
و انا لا جاهم بـرد أغطِّيهـم ايْـديّ

يا ليتهـم مثـل الغريـب ابعيونـي
مير البلا أبعدهم أقـرب مـن الخـيّ

لا جمَّـع الله شملهـم قطَّعـونـي
الله وكيلـك ياكلـون اللحـم نــيّ

ويوم اشْبعوا جوني حزن و طلبوني !
ادمح خطاهم و الطعون اشهقت : عيّ

وشلون أسامحهم و انا ايَّـام كونـي
كل ما ذكرت اوجيههم تمتلـي غـيّ

يـَ ريوف و الله من كثر مـَ طْعوني
يـَ الله وِِيـَ الله انقل اعْظام رجلـيّ

بغيب عنِّهم و اغترب مـع لحونـي
و أنت ِ لا غنّيت اللحون افطني لـيّ

بكوي بها اجْروح إنْشِبَت في متونـي
مع إن بعضْهَا افتوق ما يفيدها كـيّ

مديت لك بلواي , ثقلـي , جنونـي
حتى العُمر ! لكن أنا منك وش لـيّ؟

الفقد و أنت ِ و الحنيـن و ظنونـي
أشياء من صغري و هي تزدحم بـيّ

شاعر ولا اشبِه غير ناس اسكنونـي
غابوا ولا خلوا من انفاسهم شـيّ

ياما بَعَدْهُم ألْمـح ايْديـن دونـي
تاخذ كثير و تترك إلـْ صدري إشويّ

شُوفِي فقدت إمـن الغرابيـل لونـي
كني غصن شاحب ورق ينتظر ميّ

هذا أنـا مـن غَيِّبـوا و اتركونـي
نفس الملامح و التفاصيل هِـي هِـيّ



و
سامحتهم تخيلي !!


لـ / ناصر حطاب الدهمشي