LinkBack URL
About LinkBacks
(*#~ْمقطفــآت من روائــع الشعــرآء~ْ#*) –
قصيــــدة
.~(الجـــرح العميـــٌق)~.
لشــاعر/زيــاد حجــاب نحيــت
غلطه قديمه وانتهت لكن بقى الجرح العميق
اللي يبي يبقى على مر الليالي ما التئم
اسف لاني ما قدرت اصبر وغيرت الطريق
واسف لاني ماقدرت افهم اللي مافهم
بركت للحمل الثقيل وطقت لو ما كنت اطيق
من شان لا قالوا زياد يقال والله ونعم
لكن نعم مفعولها ما ياصل ايدين الغريق
اللي يمد ايديه للي ما يطيقونه سئم
ولا عاد يسوى في عيونه لا زفير ولا شهيق
شيءيجيك اقصاه من يقطعه لو هو نسم
مسرح جريمة قصتي اصعب وامر من الحريق
اللي تضيع ابه الدلايل والقرائن والتهم
ما فيه امر من الصديق اليا تنكر للصديق
ولا فيه بالدنيا اهم من المهم الا الاهم
لا صرت بلحالك فريق وصار قدامك فريق
وتخاف بكره لا انهزمت يقال مسكين انهزم
خذلك طريق تضمن انه في النهايه ما يضيق
وان طعت شوري خذ طريق الله ترى ما به ندم
وانا استخرت الله وعيني خايلت قمة طويق
القمه اللي فوقها رفرف للامجاد العلم
والله لا اعانق راسها ما دامني حر طليق
حر اليا منه شلع من سرعته مثل السهم
ما عادت احلامي على خبرك ترى خبرك عتيق
ان شفت بعيونك هرم حلمي على راس الهرم
لي مده احلامي على الجزله من العالي تويق
صافحت كف المستحيل وقال مد ام الشحم
أنا بريء من أي حلم يلبس ثياب الرقيق
ان ما امتطى صهوة جواد العز بالله واعتصم
طموحي اخدم امتي وان مت يبقى اسمي عريق
قبلي فهد خادم بيوت الله وعبدالله خدم
اقسمت ما انسى واجبي واخترت لي درب يليق
وانا هنا ولا هنا ما انسى انتمائي والقسم
ما دام نيشان الفخر له في سماء صدري بريق
وشلون نيشان الولاء اللي داخل القلب انرسم
جدي وابوي معاهدين الدين بالعهد الوثيق
وانا على نفس الطريق اقسمت والوضع انحسم
