الموضوع: (*#~ْمقطفــآت من روائــع الشعــرآء~ْ#*)

تَعَبت أشيـل الهَم عنّك وأداريك
وإنتَ همومي ثقلَهَا ما يهمّك !

لا ياحبيبي ، هالزمن لا يخليك
تقسى على قلبي وتسقيه سِمّك !

[ دِنْيـَاكْ ] هذي , لا تغيِّر مباديك
مهما إستِطَعت الظُلم خلْني أضمّك !

ماهي غريبه من يذمِّك يماشيك
لكن غريبه يمدحِك من يذمّك !!

ما كل واحد غاب معناه ناسيك
بعض البشر ينساك لو كان يمّك !

أدري تعِزْني اللـه يعِزْ : غاليك
وإن كان لي عندك معزَّه بـ أشمّك !

في خاطري كم كلمةٍ عن تجافيك
ولا شفت دمعاتي إنزَلَت حط كمّك !

إسمك حبيبي ويا كثِرها أساميك
وقلبي يفز ، إن شاف حزنك وغمّك !

ليتك تحس في ضيقتي يوم أحاتيك
أحرق لك أعصابي وما حَس دمّك !

غايب بدون أعذار ربِّي يجازيك
عطني سبب مُقنع حبيبي وألمّك !

همِّك , جنونك , ضحكتك , كل ما فيك
صوتك , سكوتك , وأرجَع أقول : ( هـ مّ كْ ) !

[ لبيــه ] منِّك ، غيييير لمَّا أناديك
كنْ | الكلام العَذب | . مرساه فمّك !

أبوك , خالك , إختك , أخوك , ماضيك
ربعِك ، جميع النـاس, وعيال عمّك !

شايف غلاهم ؟ والله أكثر ، أنا أغليك
واللِّي وِصَل ( نِص الغلا) يمكن أمّك !

قصيــــدة ::][:: الج ـــرآح ::][::

عسى ما ازعلتك البارح وزودت الجراح جراح
عسى ما مرت الدمعه على اهدابك من اسبابي

جرحتك من كثر شوقي وخليت الكلام رماح
ولا ادري شلون ياعمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوابي

حرام تغيب من عمري وتعطيني الفراق وشاح
حرام الدمع في عيني مناديله هي اهدابي

غيابك يشغل عيون الزوايا وامتلي اشباح
وانا انثر صوتك بقلب المكان واشعل ابوابي

تلفت للأمل دام الرجا في عمري الملواح
اناديلك ولو شرهك وصولك تقطع اعصابي

ابيك الجاي من عمري انا مابيك شي وراح
مدامك اجمل واخر مدامك اول احبابي

ابي ارتاح ياعمري انا ادري هم تبي ترتاح
تعال وقبل ما افرح ترا تفرح بك ثيابي

احبك احبك يابعد عمر الحزن والجرح والافراح
احبك احبك كثر ما نامت عيونك داخل اهدابي


الشاعر/سالم سيار

موّت غيآبكْ سوآلفَ ~,{~[ أحمد آلصآنع ] ~
تدري وش سوَّى غيابك ؟!
مـوَّت غيابك سوالف !
ما يخوِّفني زماني
بس من فرقاك خايف !
فجأه أصحـى ومـا أشوفك
لا تهددني . ظروفك
إعتبرني ح ـلم / واقع
وإلاَّ ظلٍ ما يطوفـك
ضاميٍ عطشان جيتك
لا يعشمني سرابك !
تسمح بكلمه ؟! بغ ـيتك
قبل لا تبدي غيابك !

تدري وش معنى غيابك ؟
تبْدي ضحكاتي هلابكْ
وفي وداعك
ما ينام
هاك قلبي وهاك سيفك
وسو فيني اللــي تبيه !
وإعتبر قلبي كتابك!!
تدري لو ينطق غيابك ؟
بس أبسأل وين كنت ؟ .
ووين رحت بغيبتي ؟ .
وبسأله عن وضع قلبك !
هنت عنده أو ما هنت ؟
ياللي مِن غيرك / حياتي .
ما لها داعي ومعنى !.
صار قلبي ما يحاتي :
بعد ما تخليت عنـه !
إيه كل الناس عندي.
بس مابيهـم بدونك !!.
تدري يا عمري بأنك .
عندي كل الناس إنت !
ومهما تجرحني / مسامح
وكِل طعناتي / ع ـوافي
عشت وافي لدنيتك.
وبموت وافي
ما اخونك لو تجافي.
ما هو آنا اللي إن ضاقت
علي الدنيا / خ ـنت !.
تدري وش قوّى غ ـيابك ،
" قلب " عذّالي . . علي !
يا هواي إللي بـ صدري
أخ ـتنق - لو فيك شي !!
لا يموت " الحُ ـب " فيني
وإنت في غ ـيابي تعيش !
بس أبي عينك بـ عيني
وقول : هذا صار ليش ؟
من خ ـذاك ومن خذاني !
من بكى لي ومن بكى لك !
إفهم الجمله : عشاني ،
يحكي عنّك من ح ـكى لك .
أدري تسأل وش بسوّي ،
{ كل حادث له - حديث }
ما يعكّر - صفو جوّي :
لا ( خ ـبيثه ) ولا ( خ ـبيث )
إنت في الغ ـيبات تَلهو !
وآنا في قلبك - فخوراً
فاز بـ اللذات ، منهو :
كان يا عمري " جسوراً
ليه وربك ؟
من تخ ـون ؟ ومن عشانه ؟
من هو يسوى في ع ـيونك
من هو أشغ ـل فيك ذنبك
وغيّر إخلاصك " لسانه " !
ياه يا صدقي ويا كذبك
أعتبر هذي . . . إهانه !
{الأمانه } قلب ح ـبك
وإنت , ما صنت الامانه
تع ـتقد . هذا ج ـزاي ؟
طع ـنتك جت من وراي
وقلبي ينزف لك حنانه !
روح له وع ـطني وفاي ,
رجّع إحساسي مكانه
وإنتفارق , في هدوء
ما نع ـيد . . الإسطوانه
إنه بع ـض الظن سوء
وإنه بعض الحُ ـب إثم
ع ـاشق وأطلب لج ـوء
شاع ـرك إطلق عنانه
لا تسولف لي ع ـليهم
"النواياوالخطايا"
حتى لو ع ـندك سوالف
إحتفظ فيها لـ [ نفسك ]
إنت مج ـرم في ع ـيوني
وثابته فيك الإدانه !
قلبي لك فارس شج ـاع
ما ترجّ ـل من حصانه
عاش لك في كل لحظه
ومات لك فارس زمانه
تدري وشْ ح ـطّم غ ـيابكْ.
مرْكَبْ بداخلْ شعوري.
منْ نسى قلبكْ ح ـضوره.
قلبي ما واجَهْ / شعوره.
عندي ما بـه شي ضروري.
فاقد إحساسْ الأماني.
لا مراسي لا مواني.
وصارتْ الدنيـا / قسى !!.
وصار دوري.
أع ـشق أنواعْ الأَرَقْ .
وألفظ أنفاسْ الغَ ـرَقْ.
وصوت معناه الخَطَر .
وقلبْ ميّتْ / يحتضر.
منْ غ ـيابكْ السلامه.
فيها قلبي ما رسى.
لا صباحي هو صباحي.
ولا مسا قـلبي/ مسا
يا ح ـبيبي في غيابكْ .
إختلفْ شكلي ولوني.
صرتْ أنا إنسان / ثاني.
والسَهَر تعّبْ عيوني.
والسؤال اللي ذبحني :
- صج اهو فع ـلاً نسى ؟.
راح وأهداني الأسى !
وما وصلتْ إلا لـح ـقيقهـ:.
الج ـفـا أسْهَلْ طريقـهـ
للقسى!.

موضوع رائع كثر فروسه
لي عوده ومشاركه

للشاعر بدر بن عبد المحسن
عيونك لا توريها لغيري لا توريها

عيونك لي ولو اقدر عيونك عنك اداريها

انا لو بعت نضراتك ابيع العمر و اشريها

عيون الليل انا بالحيل احب اسهر لياليها
واحب ابكي وهي تبكي وافرح للفرح فيها

حبيبي لو ضمنت اليوم اعيش الشك في باكر
يجي مستقبل الايام يغير في هوى الحاضر

يغيرك الزمن بعدي تعلم طبعه الغادر

اخاف عيون ما يدرون وش الي يجرح الخاطر
عيونك اه لو يدرون حياتي فيها للاخر