الموضوع: روايه الأم الصغيرة

جواهر(وهي حاطه إدينها فوق راسها):لاوالله إنكشفنا
عبدالله:وليه مارحت المدرسه
زياد(وهو يناضر جواهر):شقول
جواهر:جب الجوال خلني أرقع السالفههلا عبدالله
عبدالله:ليش ما داوم زياد اليوم ليكون فيه شي
جواهر:لا مافيه إلا العافيه بس المدرسه طالعين برحله وأنا ما بغيته يروحوقالتي
المدرسه إنه مافيه حصص علشان كذا ما خليته يروح
عبدالله:كان خليتيه يروح يستانس
جواهر:لا شلون يروح وأنا ماني معه أخاف يصيرله شي
عبدالله:والله إني خفت عليكم قلت بس أكيد صارلهم شي
جواهر:لا الحمدالله مافينا شي
عبدالله:أحسك منتي على بعظك صوتك متغير
جواهر:لا يتهيألك وش بيكون فيني يعني
عبدالله:أخليك الحين يالله مع السلامه
جواهر:الله يسلمك
بعد ما سكرة جواهر.مضاوي كانت ميته من الضحك
جواهر:إيه إضحكي وش عليك منتي مسويه شي غلط
مضاوي:والله إلي ضحكني زيود عجييييييييييييييييب الولد هذا إلي يقلبه علي لسانه
جواهر(تناضر لزياد):زيود الحين أنا مو قايلتلك لاتقوله شي عن السفره
زياد:وأنا وش دراني أنتي تقولين لا تقوله سافرنا ما قلتيلي لا تقوله إني مارحة للمدرسه
مضاوي:والله معه حق ما قلناله عن المدرسه شي
جواهر:تصدقين إنه حس إن فينا شي
مضاوي:بصراحه لوأنا مكانه بس أكيد إن فيكم شي مره كنتي مرتبكه
جواهر:أول مره أنحط بموقف مثل هذا
مضاوي:يالله خلينا نطلع تري زهقة من القعده
جواهر:طيب مضاوي تللقين بشنطة الملابس حقة زيود جاكيت من داخله فرو لبسيه زياد
مضاوي:وليش أنتي ما تلبسينه إنشاء الله
جواهر:مضاوي تشوفيني أجفف شعري ماني فاضيه
مضاوي:شفيك أمزح معك وينهي الشنطه
بعدها طلعو وتمشو وستانسو في اليوم الثاني إستأجرو باص وراحو لشلا لات نياجرا
(للمعلوميه شلالات نياجرا تبعد عن تورونتو بالسياره تقريبن نصف ساعه وهي
مدينه ولكن سمية نياجرا نسبه للشلالات المو جوده فيهاوأكيد تدرون إنها من أكبر الشلالات في

العالم)
أول ما قربو عند الشلالت كان صوت الماء مره قوي بعدها قربو شوي وشافو الشلالت منضر
كان في قمة الروعه وكان قوس قزح مرسوم في وسط الشلالت
جواهر:وااااااااااااااااااااااو روعه جنااااااااااااااااان سبحان الخالق المنضر يجنن
مضاوي:ماشفتي شي خلينا نزل للشلالت
جواهر:لاااااااااا مستحيل أخاف صدق المنضر يجنن بس بنفس الوقة يخوف
مضاوي:والله ماراح تحسين بشي شوفي السفينه إلي هناااااااااك تشوفينها
(هم كانو في برج جنب الشلال )
جواهر:إيه شفتها
مضاوي:راح نركب فيها
جواهر:لا أخاف زياد يطيح من السفينه
مضاوي :والله أمان يالله خلينا نزل
ونزلو تحت عند السفينه بس إضطرو يلبسون ملابس واقيه عن الماء
وركبو السفينه وإنبسطو وزياد عجبه الوضع كثير بس أمه توترت منه
لأنه كل ما شاف شي يبغيه ومضاوي ما تقصر
جواهر:مضاوي مو كل شي يطلبه تجيبينه له أنتي كذا تخربينه
مضاوي:حنا نتمشي وشي طبيعي راح يطلب هو يشوف الأطفال إلي بعمره
ويبي مثلهم
جواهر:حتى ولو لا تعطينه أي شي يبيه
بعدها طلعو من السفينه وتوجهو للسوق وتمشو فيه و مرو من عند محل للحيوانات
زياد:جوجو أبي أدخل هنا
جواهر:وين .هذا المحل
زياد:إيه
مضاوي:محل حيوانات .لاااااااااا حبيبتي تبين تدخلينه أنتي وياه كيفكم
أنا بستناكم برى تدرين أما ما أواطن الحيوانات وأخاف منها
جواهر:خلاص إنتضريناهنا بندخل نتفرج ونطلع
دخلة جواهر وزياد يتفرجون علي الحيوانات المو جوده وزياد جن جنونه علي قطوه
صغيره
زياد:جوجوأبيها
جواهر:القطوه ؟لا مستحيل
زياد:جوجو امانه إشتريها لي أمانه
جواهر(تلتفت للبائع):بكم هذه القطه؟
البائع:بألف دولار
جواهر(بصدمه):بألف دولار.زياد حبيبي مره غاليه ما أقدر أشتريها
زياد:مابي أبيها
جواهر(تنزل لمستواه):زيود حبيبي شوف الحين ما أقدر أشتريها لك
إذا رجعنا أوتاوا بشتريها هنا مره غاليه بأوتاوا أقل من كذا بكثير
زياد:بس أنا ما أبي إلا هذي القطوه ما أبي غيرها
جواهر:أوتاوا فيها كثثثثثثثثثثثثثثر وأحلي منها بعد هذي شوف شكلها مريضه
زياد:لا مو تعبانه شوفيها تلعب
جواهر:أنت بتشيلها و مضاوي تقعد تصيح وتبكي خليها لين نروح البيت وأنا وأنت نروح
ونشتري أحسن قطوه أوكي
زياد(وهو مبوز ومو عاجبه):أوكي

بعدهاجلسو بنياجرا يوم ورجعو لتورونتو علشان الطياره
أول ما رجعو البيت بعد ما وصلته مضاوي وتوها جواهر حاطه جناطها داخل البيت وسكرة الباب
إلا الجرس يضرب
جواهر:بسم الله مين إلي جا الحين
فتحة جواهر الباب وكانت زينه
جواهر(بعلامات تعجب):هلازينه
زينه:هلا فيك .لي ثلاث أيام أجي بيتك محدفيه والجامعه موم جوده فيها عسى ماشر
جواهر:لا كنت مسافره وتوني الحين واصله
زينه:بتم كثير وانا واقفه عند الباب
جواهر:أسفه تفضلي
ودخلة زينه وجلسة بالصاله
جواهر:إسمحيلي يعني توني واصله من السفر البيت حوسه مأمداني أرتب
زينه:لا عادي أنا إلي جيت بوقة غلط بس صدقيني لو الموضوع مومهم ما جيت الوقت
هذا
جواهر(تناضر لزياد):زياد حبيبي روح لغرفتك
بعدها طلع زياد لغرفته
جواهر:تكلمي قولي إلي عندك
زينه:والله مدري وش أقولك بس مشعل .
جواهر:مشعل.؟شفيه
زينه:يبيني أخدعك وأجيبك لبيته
جواهر(منصمه):أنتي شقاعده تقولين ومشعل شيبي فيني وش بيني وبينه حتي سلام مابينا
زينه(وهي تصيح):تكفين ياجواهر هو مهددني إذا ما أقنعتك راح يرسل صور لي لأهلي
في السعوديه
جواهر:ويرسلها أنا وش دخلني فيك رجاءً لادخليني بشي.أنا مالي دخل بينك وبينه
زينه:شوفي هو يخطط عليك سواء معي أو مع غيري علشان كذا أقولك خلينا نتفق عليه
كلنا
جواهر:أنا آسفه ما أقدر أساعدك.
زينه(وهي تبكي وتترجي جواهر):تكفين والله راح يدمرني ويدمر مستقبلي الله يخليك
أنا جايتك أبي مساعدتك لا ترديني
جواهر(إنكسر خاطرها):أنا وش بيدي أساعدك مافي إديني شي
زينه :إلا بدك كل شي
جواهر:شتبيني أسوي
زينه:هو يموت فيك يحبك حب جنون لو تعطينه وجه و.
جواهر(تقاطعهاوبعصبيه):لا أنتي إنجنيتي تبيني أسو ي علاقه معه علشان صورك
وأشرطتك البايخه إلي أنتي مسويتها
زينه:والله ياجواهرإني تبت والله العضيم بس مشعل الكلب مو مخليني بحالي . تكفين
أبي مساعدتك الله يخليك .والله راح تنالين ثواب من رب العالمين
جواهر:أنا آسفه ما أقدر أساعدك دوري غيري
زينه:هذا آخر كلام عندك
جواهر:إيه أنا آسفه
طلعة زينه من عند جواهر وهي تمسح دموعها
جواهرراحة لغرفة زياد علشان ترجع الملابس إلي بالشنطه مكانها وزينه وسالفتها
ما غابت عن بالها
جواهر(بقلبها):معقوله تكون تابت وتبيني أساعدها .ليش لا وبعدين علي كلامها
مشعل يبها تلعب علي علشان أروحله بيته وهي ساعدتني .ياربي ليش رديتها حسيتها
صادقه .والله تكسر الخاطر .أساعدها ولا
سحبت الجوال من جيبتها ودقة على زينه
زينه:هلا جواهر
جواهر:زينه تقدرين تجيني الحين
زينه:ليش في شي
جواهر:بخصوص موضوع مشعل أنا فكرة وقررت إني أساعدك
زينه:صدق والله الحين جايتك مسافة الطريق
جواهر:يالله أستناك
جواهر:والله مدري إلي سويته غلط ولا صح الله يستر



جع لسعوديه
بالنسبه لسالفة عبدالكريم والله الحمد تمت علي خير ومسكو الباكستاني متلبس
ونهى ما جابو طارها بالتحقيق


سعد:يأخي أنت نشبه خلاص ساعدتها وش تبي بعد
عبدالكريم:ما أبي شي بس أبي أسمع صوتها أحس إني تعلقت فيها
سعد:حبيتها هاه؟
عبدالكريم:يمكن ويمكن إعجاب والله مدري
سعد:أقول خلك منها بس لا تشتكي عليك تقول هذا مزعجني
عبدالكريم:الحين أنا إلي مساعدها ومطلعها من المشكله تروح تشتكي علي
سعد:طيب أنت ساعدتها وخلص المو ضوع خل البنت تروح بحال سبيلها
عبدالكريم:هي لو ترد علي بس ماترد علي إتصالاتي
سعد :يا أخي خلاص إعتق البنت لوجه لله لا عاد تدق عليها والله المسكينه
تلقاها ماعاد تطلع من البيت أبد لا بتكسي ولا بسواق

جواهر:الله بسرعه هذي وصلتي

زينه:أنتي ماتدرين شقد محتاجه مساعدتك

جواهر:طيب الحين قوليلي وش أسوي لاتقولين أروحله بيته لو شيصير مادخلت بيته

زينه:لا ماراح تروحين بيته إلي أبيه منك إذاجا يسلم عليك عطيه وجه سولفي معه ليييين يثق فيك ويقولك عن مكان الصور وأنا بعدها أتصرف

جواهر:والله صعبه بس بحاول. المشكله إني ماأطيقه.

زينه:معليه كلها كم أسبوع وتفتكين منه

جواهر:المسأله فيها أسابيع والله إني خايفه

زينه :لا تخافين بس أنتي سوي إلي قلتلك عليه وإنشاء الله خير . . يالله أنا بمشي الحين تامريني بشي

جواهر:لا سلامتك طلعة زينه وسكرة الباب وراها دقة جوال علي مضاوي بس ماردة

جواهر :أكيد نايمه أف راسي عورني من التفكير أبي أحد أتكلم معه

دق الجرس مره ثانيه جواهر:ياألله من جاي بعد فتحة الباب بس مافيه أحد تلفتت يمين يسار مافي أحد حسة أنو في شي بالأرض
جواهر:وش ذا . .؟ كان قفص قطط رفعته جواهر عن الأرض علشان تشوف شنو فيه

جواهر(بعلامات إستفهام):هذي قطوه من جايبها هنا
زياد (توه ناز من فوق ) :جوجو وشو هاذا .نزليه نزليه أبي أشوف

جواهر(وهي تزلها بالأرض ):هذي قطوه

زياد يحاول يفتح القفص

جواهر:لا لا تفتحه أكيد أحد جايبها بالغلط

زياد:جوجو شوفي هذي الورقه

جواهر:أشوف . .(هذه هديه مني لزياد) ياتري من مرسلها مو مكتوب عليها من المرسل

زياد:جوجو هذي القطوه نفسها إلي كنت أبيها

جواهر:إي والله صدق نفسها . .

زياد:جوجو إفتحي القفص أبيها تلعب معي

جواهر:لا ماراح أفتحه راح أرجعها مكان ماجت

زياد (وهو ماسك القفص بدينه):مابي هذي قطوتي ماراح تاخذينها مني

جواهر:زياد مايصير ناخذ حاجه وحنا مانعرف من جايبها لنا .يالله عطنياها

زياد(يهز راسه بلا ومعند):لا ماني معطيك

جواهر:زياد عطنياها بطيب أحسن لك . .(وهو مازال متمسك بالقطوه )

جواهر:يعني الكلام الهادي ماجاب فايده معك (وسحبت القفص منه بقوه وطلعة فيه بري الشارع وزياد وراها يصيح و متمسك في جواهر من رجلها )

جواهر:بحطها هنا لين يجي صا حبها وياخذها . .ياالله إدخل داخل البيت

زياد (وهو يصيح):ماني داخل .(شالته جواهر بالغصب وهو يبي يتفلت منها)وخري عني فكيني أناما أحبك وخري عني

نرجع السعوديه . .

اليوم ملكة عبير وعبدالعزيز

بيت أبو سالم .

أبو سالم:عبد الكريم وش ذا اللبس ناوي تفضحنا أنت
عبدالكريم:والله يايبه هذا لبسي وماني مغيره
(عبدالكريم كان لابس جنز وتيشيرت علاق أصفر وفيه رسومات
وخرابيط بس كان مره حلو .أبوه ماعجبه لبسه )
أبوسالم:بالله هذا لبس رياجيل ما تستحي أنت .شف إن كانك بتطلع
لرياجيل بالبس هذا لا تشوفك عيني تسمع
وطلع من الصاله وتوجه لغرفته بالنسبه لعبدالكريم ماهمه كلام أبوه أبد
سالم:عبدالكريم تري أبوي معه حق هذي مناسبه وبيجون ناس غرب
وأول مره يشوفونك يعني ماله داعي اللبس هذا إلبسلك ثوب وشماغ
والله أحلي من ذا لي لابسه
عبدالكريم:شفيكم على لبسي.ماني لابس لاثوب ولا غتره تبون
ولاكيفكم
سالم:الله يهديك بس ليه العناد يعني وش يصير إذا لبستلك
ثوب وغتره مهب علشاني علشان أبوك هو يبينا كلنا موجودين في الملكه
جنبه
عبدالكريم:بدا المطوع بالنصايح خلاص ولا يهمك بروح ألبس ثوب وغتره
مهو على شانك علشان أبوك
سالم(وهومبتسم):يبن الحلال ما بيك تسوي شي لي رح البس لك لبس صاحي

عند عبير.
عبير:تكفين تعالي الله يخليك
عهود:لا ياعبير والله إحراج يعني أحس عائليه
عبير:عهود لا تصيرين سخيفه أنتي صديقتي وأبيك توكنين معي
والله متضايقه وابيك تكونين جنبي
عهود:مدري والله مستحيه من أهلك
عبير:الحين أنتي أول مره تجينا وبعدين ما في أحد بس خالاتي وبناتهم
وأمه وخواته يعني ما في ناس كثير
عهود:أمممممممممممم بشوف
عبير:عهود خلاص عاد والله تعبت وأنا أترجاك ماصارت ترا
عهود:طيب بجي بس بشرط ماراح أطول كلها ساعتين وأطلع
عبير:أنتي تعالي ويصير خير
دخلت مزنه عليها وهي توها مسكره الجوال من عهود
مزنه:بتجي؟
عبير:إيه بتجي
مزنه :يالله تجهزي تري الكوافير علي وصول
عبير:شوفي تري مكياج مهرج ما أبي سمعتي أبيها تحطلي
مكياج خفييييييييييييف من الحين أقولك
مزنه:كيفك أنتي وحده عنيده سوي إلي تبين أنا بنزل اساعد أمي
عبير:نوره بنتك جات معك
مزنه:إيه جات ليش ما جت تسلم عليك
عبير:لا أنا ماطلعة من غرفتي
مزنه:هي تحت تبينها أناديها لك
عبير:لا خليها براحتها

وصلت الكوفيرا وجلست تزين عبير وكانت تحطلها اللمسات الأخيره ووصلت عهود عند عبير كانت موجوده عندها بالغرفه
مزنه:هاه خلصتي الناس تستناك تحت
عبير:مزنه شوفي كنأها بالغة بالكحل
الكوافيرا:وين بالغة والله أول مره أسوي مكياج لوحده مخطوبه كذا
مزنه:لا بالعكس يبيلها تزيده بس بصراحه شكلك جناان مره حلو
عهود:إي والله روعه يالله إلبسي الفستان
مزنه:عبير تري الملك وصل وسالم يستناك علشان توقعين
عبير:طيب مالكم نيه تطلعون أبي ألبس
مزنه:يالله هذانا بنطلع إخلصي بسرعه
عهود:أنا بستناك برا
عبير:لا خليك علشان تسكرين السحاب لي
وبعدها لبست عبير فستانها
عهود :واو روعه يجنن راسم جسمك رسم
عبير:عاد تصدقين إنه موعاجبني
عهود:بالعكس مره حلو
(فستان عبير كان لونه سكري وفيه شك ذهبي مخصر علي جسمها لين ساقها بعدها يصير منفوش شوي بالنسبه من فوق سواريه بالنسبه للمكياج كان ناعم وحلو أما الشعر كان كيرلي ومره جنان صاير.بلمختصر شكلها كان مره حلو ونعومه )
عهود :علي كذا أنتي جاهزه يالله خلينا ننزل
عبير(وهي ترجف):عهود أناخايفه مره
عهود:ليش الخوف تري مافي أحد بس أهلك
عبير:أناخايفه وبس
عهود :سمي بسم الله وإنزلي يالله بلا دلع

إنزلت عبير وهي حيل خايفه وترجف ودخلت الصاله إلي فيها أمها وخالاتها وأهل عبدالعزيز وبدت تسلم عليهم
أخذتها مزنه علشان تروح توقع علي الموافقه .الدفتر كان مع سالم قربت عبير منه
سالم(وهو مبتسم):مشاء الله تبارك الله وش ذا الزين
عبير كانت منزله راسها ودمعتها علي طرف
سالم:خذي القلم وقعي
أخذت القلم وكانت ترجف وألف فكره وفكره في راسها قاعده تدور
عبير(في قلبها):أوقع ولا أقط القلم وأطلع لغرفتي وفخار يكسر بعض لا وأبو ي ومشكلته
مزنه:عبير وقعي وش تستنين
عبير ناظرة مزنه وسالم وبعدها ناظرة الدفتر وأخذت نفس عميق وبعدها وقعة
مزنه:ألف ألف مبروك
سالم:مبروك ياعبير الله يوفقك ويسعدك
مزنه بدت تزغرت وزغاريتها كلن سمعها عبير كانت خايفه وجت بتطلع لغرفتها مسكتها مزن
مزنه:علي وين .وين رايحه؟
عبير:بروح غرفتي
مزنه:بلا خبال وش تروحين غرفتك الرجال بيدخل الحين علشان يلبسك الشبكه والدبله
عبير(والخوف باين عليها):وين بيدخل هنا .لااااااااااااا مستحيل
مزنه:أجل وين يدخل بعدين لا تخافين ماراح تكونين لحالك كلنا معك أنا وأمي وأمه وخواته
عبير:مزنه تكفين مو لازم يلبسني شبكه وخرابيط أنا ما أقدر أقابله صراحه ميته من الخوف
وبعد لحضات جات أم سالم
أم سالم (وهي تبوس عبير وتلمها علي صدرها):مبروك يابنتي اليوم أسعد يوم بحياتي
ليش واقفين هنا يالله إدخلو عند الحريم أم عبدالعزيز تبي تباركلك وتسلم عليك
مزنه:تخيلي يمه تبي تصعد لغرفتها ما تبي تشوف أحد
أم سالم:لا ياعبير ما يصير تبين تفشلينا عند الناس يالله ياحبيبتي خلينا ندخل
دخلت عبير في الصاله الكل باركلها
أمل كانت جالسه جنب منال وتكلمها بصوة واطي

أمل:شوفي فستانها شايفته في المول مره قديم ومخليها سمره زود ماهي سمره
منال:وين شفتيه. موديله جديد وبعدين مو مخليها سمره بالعكس هذا لون بشرتها الطبيعي وحلو مره
أمل:والله بصراحه ما عجبني فستانها مو حلو
منال:والله فستانها أحلي من فستانك إلي أنتي لابسته (منال كانت لابسه فستان قصير لين الركربه
ومخصر عليها لونه زهري بصراحه فستانها كان حلو مره بس منال تبي ترفع ضغطها)
أمل:منال تراك بديتي تغلطين لا تخليني أرفع صوتي عليك قدام العالم هذي
منال:عادي تسوينها لأنك ما تستحين (وقامت من عندها وراحت وجلست جنب عبير)
وأمل نظراتها كلها حقد علي إختها إلي كل يوم علاقتهم متدهوره للأسوأ
عهود:مزنه
مزنه :هلا حبيبتي
عهود:ممكن جوالك شوي أبي أكلم أخوي علشان يجي ياخذني جوالي ما فيه شحن
مزنه:وين تو الناس
عهود:لا بيتنا بعيد يعني علي ما يجي والإشارات ياخذ وقت
مزنه:براحتك حبيبتي جوالي تحت أمرك
عهود :تسلمين
أخذت عهود الجوال وراحة لغرفه مافيها أحد علشان تا خذ راحتها
عهود(وهي تفتش بالجوال وكل شوي تتلفت خايفه لحد يشوفها):وينه وينه وينه .أيوه هذا هو
أخيرن لقيته.(وأخذت نفس عميق وطلعة من الغرفه)
مزنه:هاه كلمتيه؟
عهود(وهي تعطي مزنه جوالها):إيه كلمته ويقول شوي وبيجي مشكروه
مزنه:شدعوه مافي شي يستاهل.عهود حبيبتي أبيك تروحين وتجلسين جنب عبير يمكن
تخف شوي من ربكتها
عهود:إيه أكيد أصلا كنت بروحلها من غير ما تقولينلي
دق سالم علي مزنه
مزنه:هلا سالم
سالم:مزنه عبدالعزيز بيدخل الحين سوي درب
مزنه:طيب إستني لا تدخله لين أقولك
سالم:خلاص متي ما خلصتو دقي علي علشان أدخله

عند منال وعبير
منال:عبيرمنهي هذي .؟
عبير:أي وحده قصدك هذي إلي جايه
منال:إيه هذي إلي تكلم مزنه أختك
عبير:هذي صديقتي الروح بالروح
منال:آهاه
مزنه:عبير.عبير
عبير:نعم
مزنه:تعالي أبيك
عبير(تلتفت علي منال):عن إذنك
منال:أذنك معك حبيبتي
مزنه:شوفي أبيك تجلسين بالغرفه هذي لين يدخل عبدالعزيز وبعدين أنتي تدخلين
عبير(وهي تمسك إيدين مزنه):تكفين مزنه ما أبي أشوفه تكفين
مزنه:عبير لاتفضحينا كلها ساعه وحده بيلبسك الشبكه وبيطلع
عبير:مو لازم يلبسني الشبكه تلبسني أمه
مزنه:عبير بلا دلع وحركات ما لها معني يكفي إن مسوينها عائليه ومافي طقطه
ولاشي حتي زفه لك لمي تدخلين عليه ما خلتيني أجيبلك علي كل هذا ما تبينه يشوفك
تراك زودتيها عاد

أخذت الجوال ودقة علي سالم
مزنه:سالم تقدر دخله الحين
وراحة للصاله علشان تعطي خبر للحريم علشان يتغطون
دخل عبدالعزيز بهيبته هو وأبو سالم وسالم .عبدالكريم كان يبي يدخل بس أبوه منعه لأن المجلس
فيه رياجيل وعيب يدخلون كلهم ويخلونهم لحالهم بالمجلس
سلم عبدالعزيز على أمه وخواته وباركو له منى أم عبدالعزيز نزلة دموعها فرحه لولدها
مزنه:يالله خلينا ندخل
عبير:مزنه تكفين الله يخليلك ناصر وأخوانه لاتخليني أدخل بموت من الخوف
مزنه :عبير هذا شي طبيعي كل بنت لازم تمرفيه وأنتي تحملي كلها ساعه أو أقل بيلبسك الشبكه
وبيطلع وبعدين أنا وأمي وسالم وأبوي كلنا جنبك ليش خايفه
عبير:شوفي يويلك إن تركتيني والله لنحاش سمعتي
مزنه :مراح أترك بكون جنبك بس خلصيني
أخذت مزنه يد عبير ودخلة عليهم بالصاله طبعن مزنه كانت لابسه عباتها ومتغطيه وعبير كانت منزله
راسها بالأرض
عبدالعزيز من دخلت عبير وهو متفحصها من فوق لتحت وكان مره عاجبه شكلها علي إنه ما شافها
لأنها منزله راسها بس عجبته وما توقعها كذا بالمستوي هذا من النعومه
قربت منى ام عبدالعزيز وعطت ولدها الشبكه علشان يلبس عبير وقرب من عبير علشان يلبسها
والأنضار عليهم وعبير بتموت من الإحراج والخوف والربكه
عبدالعزيز(وهو يقرب منهاومسك يدهاوكانت ترجف):تري أنا ما أكل ليش الرجفه
عبير (زاد إرتباكها )ولبسها الدبله
مزنه(تهمس بأذن عبير)خذي الدبله ولبسيه وش تستنين
عبير(ما حركت ساكن )أخذت مزنه الدبله وعطتهاعبير.عبير أخذت الدبله ومسكت يد عبداعزيز ولبسته
وبدي يلبسها الطقم لما جا بيلبسها العقد كانت منزله راسها
عبدالعزيز(ببتسامه):ممكن ترفعين راسك .(ومسك لحيها ورفعه لها وطاحة عينها
بعينه)
عبير(بقلبها ):مره حلو ماتوقعته كذا
عبدالعزيز(بصوة واطي):وش ذا الجمال مشاء الله عليك تري أنا مقدر
عبير حست بإحراج مو طبيعي
منال:عبدالعزيز خف علي البنت شوي
بعدها طلع من عندهم وعبير طلعت لغرفتها فوق الكل كان حاسد عبير علي الزواجه هذي
والكل يتهامس عن عبدالعزيز ورزته ووسامته ومكانته الإجتماعيه
أم سالم:مزنه روحي جيبيها وين راحت هذي
مزنه:يمه تراني تعبت معها اليوم خلاص إلي هنا إنتهي دوري روحي أنتي تصرفي معها
سالم يدق جوال علي مزنه
مزنه :هلا سالم
سالم:مزنه خلي عبير تلبس عبدالعزيز يبيها تطلع معه للمطعم
مزنه :طيب.بروح أقولها وأتوقع بترفض
سالم:أنتي قوليلها ولاتجبرينها خليها علي راحتها
أم سالم:من هذا.؟
مزنه:هذا سالم يقول خلي عبير تلبس علشان تطلع مع عبدالعزيز يتعشون بري
أم سالم:أنا بروح أقولها
راحة أم سالم عند عبير بغرفتها وعهود كانت عندها
أم سالم:عبير يمه تري عبدالعزيز يبي ياخذك علشان تطلعون بمطعم
عبير(واضح عليها البكاء من مكياجها إلي ساح):لاااااااااا والله ما أطلع لو إيش
أم سالم:خلاص لا تعصبين براحتك ما أقول إلا الله يعينه المسكين علي عنادك
وطلعة أم سالم من عندهم وسكرة الباب وراها

عهود:ليش ماتروحين والله إنك غبيه في وحده تفوت ليله مثل هذي ولا مع واحد بالوسامه
هذي كلها
عبير:أقول لو تسكتين أحسن
عهود:بصراحه ياعبير ما عندك سالفه في وحده تفكر مجرد تفكير ترفض هذا واوووووووووووو
شخصيه أحسه كله رجوله وهيبه
عبير:عاد تدرين ما شفته
عهود:كذاااااااااابه شفتك لما طاحة عيونكم علي بعض ومدري عاد وش قالك
عبير:والله العضيم إنك رايقه
عهود:بس بصراحه ما عجبتني حركه في الملكه المفروض ما يكون في أحد أقصد بس أنتي وهو تجلسون لحالكم علشان ما تنحرجين كثير وتاخذون راحتكم
عبير:لا تكفين الحمد الله إنهم مو جودين
عهود:عبير تري أخوي له نص ساعه واقف بري والله بيذبحني لازم أطلع الحين يالله أخليك
عبير:تو الناس إجلسي شوي
عهود:أي تو الناس الساعه 12 باليل وأنتي تقولين تو الناس
يالله حبيبتي أشوفك السبت
عبير :أوكي باي

عند عبدالعزيز
سالم:والله مدري وش أقولك الضاهر عروسك تتغلي
عبدالعزيز:ليه وش صاير علشان تتغلي
سالم:تقول ما تبي تطلع تعبانه وبيني وبينك مستحيه
عبدالعزيز:أنا زوجها الحين ليش تستحي
سالم:يعني ما تعرف البنات وحراكاتهم
عبدالعزيز :المره هذي بعذرها لأنه أول مره تشوفني بس المره الثانيه لا ما عندها عذر
سالم:والله أنا مالي دخل بينك وبينها بس أهم شي إنك ما تزعلها تراها غاليه علي الجميع
عبدالعزيز:ولا يهمك بحطها بعيوني
سالم:تسلم هذا العشم فيك والله
عبدالعزيز:سالم ولا عليك أمر ممكن تعطيني رقم جوالها
سالم:أبشر ما طلبت شي.أخذه
أخذ عبدالعزيز الرقم وأرسل رساله (السلام لأحلي وأرق بنت شفتها بحياتي كان ودي إنا نطلع اليوم
ونتعرف علي بعض أكثر بس بما إنك تعبانه راح أخليها وقت ثاني تصبحين علي خير ياأحلي عبير
هذا رقمي سجليه عندك .زوجك عبدالعزيز)
عبير لما وصلها المسج وفتحته حست بشي غريب داخلها بدا يتحرك
عبير:يالله هذا مره جريئ


عند عهود في بيتها.
في غرفتها وماسكه الجوال ومتردده تدق ولا لا بس في النهايه دقت
عهود:ألو .السلام عليكم
.:عليكم السلام
عهود:هذا جوال راكان
راكان:نعم أنا راكان .من معي.؟
عهود:وحده معجبه فيك وتبي تتقرب منك
راكان:والله أنا مو في مزاج للتعرف علي أحد لو سمحتي قفلي
عهود:ليش لهدرجه متاثر علشان عبير
راكان(مستغرب) :من أنتي .؟
عهود:علي فكره تري هي كانت مره مستانسه وفرحانه وأنت ياحرام إلي الآن تبكي
علي الأطلال
راكان :أنتي وحده تافه وسخيفه ولا عاد تدقين علي فاهمه وعبير هذي إلي تتكلمين عنها
ما هزت فيني شعره
عهود:طيب أعصابك لا تعصب أنا ما ابي منك.(إلا الخط تسكر بوجها)ألو ألو
سكر بوجهي أنا أوريك ياراكان تحسبني بخليك وين بتروح وراك وراك إذا عبير تخلت عنك
أنا مراح أخليك أبد


في كندا
جواهرتوها صاحيه من النوم وطلعة من غرفتها وراحة لغرفة زياد فتحت الباب ومالقة أحد في الغرف
جواهر(بخوف):هذا وين راح.؟
وراحة لدورة المياه ومالقته.ونزلة تحت بعد ما حصلته وكانت تركض وشوي بتصيح
جواهر:زياااااااااااااد .زيااااااااااااد .

وطلعة بالشارع مثل المجنونه وتتلفت ولقته جالس جنب قفص القطوه
جواهر(وهي تظمه):زياد حبيبي من متي وأنت هنا ليكون من أمس
زياد:لا أنا توني جالس من النوم وبعدين سمعة صوة القطوه جيت عندها وعطيتها أكل
جواهر:حتي ولو حبيبي زياد مايصيرتطلع بري البيت من غير ماتقولي وبعدين برد شلون

طالع من غير شي يدفيك.يالله إمش حبيبي داخل علشان تلبس وتفطر وتروح المدرسه
زياد(بصوة يكسر الخاطر):طيب والقطوه خليني أدخلها معي داخل
جواهر:زياد لا ترجعلي إسطوانة أمس يالله داخل قدامي بسرعه
زياد(وهو يصيح):أنا أبيها طيب
جواهر:زياد قلتلك بجيبلك أحسن منها بمليون مره
بعدها شالته علي كتفها ودخلته البيت
جواهر:يالله بسرعه تفرش أسنانك وتغير ملابسك علشان مانتأخر علي المدرسه
زياد(وهو يهز راسه بلا):ماني رايح المدرسه
جواهر:إذا صار بكيفك ذيك الساعه قول ماني راح للمدرسه يالله بسرعه سو علي إلي قلتلك
عليه
زياد (راح لغرفته يتسحب ويتحلطم ):كل ما قلتلها أبي قطوه تقولي لا لا لا
جواهر:إرفع صوتك تراني ما أسمع وش تقول
تجهزت جواهر وخلصت وجهزة الفطور وزياد لسي ما نزل من فوق وراحة له تشوفه
فتحت باب الغرفه وكان يحوس في أغراضه
جواهر(بعصبيه شوي):أنت شتسوي إلي الآن ما لبست
زياد:مالقت ملابسي حقت المدرسه
جواهر:شلون مالقيتها .(وتذكرت وصقعة يدها براسها ).ياألله نسيت أغسلها أمس
(جواهرحست بتأنيب الضمير لما رفعة صوتها علي زياد لأنه ما لبس ملابس المدرسه)
جواهر:شنسوي الحين شلون تروح المدرسه
ودق جوال جواهر
مضاوي:وينك تأخرتي الدكتور بيبدء بعد شوي
جواهر:يالله جايه في الطريق
زياد:الحين شسوي شلون أروح للمدرسه
جواهر:شلون تروح وملابسك يبيلها تنضيف وما أقدر أخليك بالحالك بالبيت .المشكله إني ما أقدر أغيب غيابي كثير لازم أروح الجامعه .تدري شلون تعال

طلعتله ملابس من الكبت ولبسته ودفته زين مازين
زياد:المدرسه مراح يخلوني أدخل بالملابس هذي
جواهر:ومن قالك إنك بتروح المدرسهأنت بتروح معي للجامعه

دخلت جواهر الجامعه وزياد معها وعلى طول راحة للقاعه إلي فيها المحاضره قبل لا تدخل
جلست زياد علي كرسي مو جود جنب باب القاعه وقابلته علشان تكلمه
جواهر:زياد شوف أنا بدخل هنا ما أقدر أدخلك معي ممنوع (زياد كان مطلع اللعبه المفضله
اليو إس بي ومو منتبه لكلام جواهر)زيااااااد خل اللعبه من يدك وإسمعني
زياد:أنا أسمعك
جواهر:لا تتحرك من مكانك أبد تسمع ولا تكلم أحد أبد فهمت والقفازات لاتشيلها من يدك والقبعه والفاف بعد يويلك إن شلته سمعة هنا مره برد زياد سمعة شقلت
زياد (يهز راسه بنعم):إيه سمعة
جواهر:أنا الحين بدخل ماراح أتأخر زياد حبيبي لا تتحرك من مكانك واي أحد يقولك
تعال معي بوديك شي لا تروح سمعت ولا أعيد
زياد:خلاص والله سمعة
دخلت جواهر القاعه وجلس فيها أول ما دخلت علي طول الدكتور دخل وراها
مضاوي(بصوة واطي):شفيك تأخرتي
جواهر:سالفه طويله بعدين أقولك
بالنسبه لزياد كان يلعب بلعبته ولا همه شي .

نايف (من شلت مشعل):شف ذا البزر إلي هناك
زينه(وهي تناضر ):هذا كأنه ولد جواهر
مشعل(فز):إيش وش قلتي؟
زينه:ليش جايبته هو يدرس ليش جايبته معها الجامعه
مشعل:هيه كلميني أنتي وش تقولين؟
زينه:هذا زياد ولد جواهر إلي قلتلك عنه
نايف:أجل هي متزوجه وعندها ولد .أقول مشعل وش تبي بالبنت مدامها متزوجه ولا
بعد عندها ولد
مشعل:أقول ورا ماتسكت بس.زينه أنتي متأكده
زينه :إيه متأكده أنا كذامره شفته
مشعل:بس هذا مافيه شبه منها ماكأنه سعودي لا لا مو ولدها
زينه:والله صدقت ولا كيفك أنا عن نفسي عندي محاضره بتبدء الحين يالله بااااااااااااااي
نايف:وأنت وش تستني يالله خلنا نروح لمحاضرتنا
مشعل:روح أنت أنا ماني حاضرها
نايف:كيفك أنا بروح مو تقولي خاين ما خاين كيفك
مشعل:لا رح بس الله يستر عليك
بالنسبه لمشعل قرر إنه يروح لزياد وجلس معه ويتكلم معه لما كان يمشي متوجه لزياد
زياد قام من كرسيه وتوجه للقاعه إلي فيها أمه وفتح الباب وكان الدكتور يشرح
الدكتور(وقف شرح وناضر بالي دخل )
زيادخاف شوي لأن القاعه كبيره وفيها طلاب كثير وكان مدرج وجواهر ومضاوي جالسين بالأخير
وشاف جواهر وكان متوجه لعندها
بالنسبه لجواهر كانت صدمه عليها ما توقعته ابد بيدخل القاعه وحست بإحراج
بالنسبه لمضاوي تفاجأت إن زياد مو جود لأن جواهرما قالتلها وبنفس الوقت ماتت من الضحك
مضاوي(بصوة واطي):ليش جايبته ما عنده مدرسه

وقفه صوت الدكتور:أنت أيها الصغير
زياد (وقف وناضر فيه ):نعم
الدكتور:ماذا تفعل هنا؟
زياد:لقد أتيت مع أمي
الكتور:أين هي أمك .؟
زياد(وهو يأشر علي جواهر):هناك
إلي في القاعه كلهم إلتفتو علي جواهر
الدكتور:هل أنتي والدته؟
جواهر(وجها ألوان ومبين إنها من حرجه):نعم دكتور أنا
دكتور:هل قيل لكي إن هذه الجامعه حضانه للأطفال
جواهر:أنا آسفه دكتور لن يتكررذلك
الدكتور :إن تكررذلك مره أخري لن أسمح لكي بالدخول للمحاضره
جواهر:حاضر دكتور أنا آسفه
نزلة أخذت زياد لبري.وجلسته علي نفس الكرسي
جواهر:زياد أنا ماقلتلك لاتدخل ممنوع
زياد:أنا زهقت
جواهر:إلعب باليو إس بي لين أخلص
زياد:خلص شحنها شوفيها طافيه
جواهر:طيب خذ جوالي وإلعب بالألعاب المو جوده فيه إمسك ولا تتحرك
زياااااااااااااااد تكفي (وتبوسه علي خده)حبييييبي لا تتحرك من مكانك ولا تكلم أحد ولا تروح

مع أحد سمعة
زياد:إيه سمعة
دخلت جواهر القاعه ومانتبهت إنه كان مشعل وراها وهي تكلم زياد
قرب مشعل من زياد وجلس جنبه
مشعل:كيفك يابطل.؟
زياد(ناضر فيه وكمل لعب في الجوال)ومارد عليه
مشعل:شفيك ليش ماترد علي
زياد:جوجو تقولي لاتكلم أحد
مشعل:طيب ليش .؟
زياد(يحرك كتوفه):مدري
مشعل :أنت وش إسمك
زياد:زياد
مشعل:جوجو وش تصيرلك
زياد:ماما
مشعل:وين بابا .؟
زياد:بابا مسافر
مشعل:ماتدري وين مسار فيه
زياد:لا
وجلس يستدرج زياد بالسوالف ليييييييييييين خلصة المحاضره
طلعة جواهر ومضاوي من القاعه وشافوي مشعل موجود مع زياد
جواهر(علي طول تذكرت كلام زينه):السلام .
مشعل:وعليكم السلام
جواهر:أكيد أزعجك
مشعل(بعلامات تعجب من طريقة كلام جواهر):هاه لا لا بالعكس
جواهر:يالله زياد بنروح البيت يالله عن إذنك مشعل
مشعل:إذنك معك
مضاوي منصدمه من تصرف جواهر مع مشعل والتغير إلي صار
مضاوي(بعلامات تعجب):جواهر شالسالفه من متي تسلمين على مشعل
جواهر:يووووووووووه صح أنا ما قلتلك وش صار أمس
مضاوي:وش صار
جواهر:تعالي أقولك وش صار
وقالت لمضاوي كل شي صار بينها وبين زينه
مضاوي:جواهر أنتي مجنونه شلون تدخلين نفسك بمشكله مثل هذي
جواهر:مضاوي والله كسرت خاطري
مضاوي:حتي ولو أنتي منتي ناقصه
جواهر:حطي نفسك مكانها أنتي بمشكله وطلبتي من أحد يساعدك ومحد حولك وش تسوين
مضاوي:بس ياجواهر أنتي بتلعبين علي مشاعر الرجال وإذا عرف إنك تلعبين عليه
والله مايخليك إن ينتقم منك ومو بعيده يأذيك ويأذي زياد بعد
جواهر:مضاوي لا تخوفيني تراني خلقه ميته من الرعب
مضاوي:جواهرإنسحبي قبل لا يطيح الفاس بالراس
جواهر:لا بعدين أنا وزينه متفقين إنه إذا خلصنا من المهمه بسوي مشكله معه وبزعل عليه
وبعدها بتركه
مضاوي:شوفي انا نصحتك وانتي كيفك عقلك براسك وتعرفين خلاصك


عند راشد
عامر:طال عمرك القطوه إلي وصيت عليها وصلناها للبيت بس ما أخذتها رمتها بالشارع
وزياد شكله حيل تعلق فيها
راشد:مو مشكله الشغل عندك فيه أي مشاكل
عامر:لا طال عمرك كل شي مثل ماتباه
راشد:أنا إنشاء الله نهاية الشهر هذا بكون عندكم .أي مشكله تواجهك علي طول خبرني
عامر:إنشاء الله طال عمرك

أكيد كلكم تبون تعرفون من هو راشد وش موقعه من الروايه راح أعرفكم فيه بالتفصيل الممل
را شد(راشد خالد آلالعمر 32سنه إمراتي الجنسيه يمتلك أكبر الشركات الموجوده في الإمرات وفي الخليج بشكل عام أخلاقه عاليه بس ياويل إلي يتعدي حدوده معه أو يحاول يخدعه .راشد إنسان مزاجي غامض الواحد مايعرف وش وراه وش دونه بالنسبه للشكل(ياعيني )وش أوصوف وسامة الرجال متجمعه فيه جسم وطول وعرض ملامح وجه الحاده (شي مو طبيعي )عيونه وساع ورموشه كثيفه وحواجبه كثيفه وشعره بعد كثيف ومطوله شوي بس (وااااااااااااااو)رجل كل إمرأه تتمني إن الله يرزقها بواحد يحمل مواصفاتهإذا عصب الكل يوخر عن طريقه وكلمته مسموعه
وشخصيته جدا جدا قويه من النوع إلي مايضحك يكتفي بالإبتسامه فقط إذا الموقف يستدي للضحك )


بالنسبه لعائلته
أمه (توفت في حادث صارلها من تسع سنوات كانت هي ولدها (أخو راشد)وزوجها
أبوراشد (خالد)هي توفت ولدها بعد توفا بالنسبه لخالد إنشل شلل نصفي بحيث إنه مايمشي
ومقعد علي كرسي متحرك من وقت الحادث إلي الآن)
راشد عنده أربع خوات
مريم(وهي الكبيره أكبر من راشد ومن أم ثانيهعمرها 35سنه مطلقه عندها ولد وبنت حمدان
عمره 10 سنوات ورهف عمرها 7سنوات شخصيتها تحب تتدخل بكل شي متوسطة الجمال خواتها
ما يحبونها حيل هي حاطه حاجز بينها وبينهم)

بشاير(العمر 24 سنه تدرس بكلية الطب بنوته مره طيبه وناااااااااااااعمه ورومنسيه درجه أولي
جدا ذكيه وتحب دراستها حيييييل)

مروه(العمر 22سنه تدرس بالجامه قسم أحياء بنت فرفوشه تحب الوناسه والضحك ومره علي نياتها طيبتها مخربه عليها حيييييييل بنت حلوه شعرها ملفلف بس مره حلو عليها )

مي(مي أصغر وحده بالعايله دلوعة مررررررررره عمرها 18 سنه تدرس في الثنويه قسم أدبي
علي إنها أصغر خواتها وبس هي اطول وحده فيهم جسمها مره نحيف تحب الموضه والأسواق
حييييييييييييييييييل وعندها هوايه التصوير الفتوغرافي)

مروه ومي وبشاير مره علاقتهم ببعض قويه ويحبون بعض حيل بس ما يحبون مريم دايم واقفتلهم
بكل شي وايم تخرب عليهم




أتمني لكم قرائه ممتعه

هذا البارت


في الإمرات
في قصر راشد .
في غرفة بشاير وعندها مي وكانت مروه طالعه وتوها راده
مروه:تراااااااااااااات.شورايكم حلو
بشاير:شو مسويه بحالج
مي:بسم الله متي قصيتي شعرج .؟
مروه(وهي تحرك شعرها):هاه شو رايكم حلو ولا موب حلو
مي:يخبل وين قاصتنه
مروه:سر ما بخبركم
بشاير:بس قصتج وايد جريئه شلون طاوعج قلبج تقصينها
مروه:يعني ماتعرفوني أحب المغامرات
(مروه كانت قاصه شعرها بطريقه جنونيه شي قصير وشي طويل وقصه غريبه وصابغته أشقر صدق القصه غريبه بس مره حلوه عليها)

بشاير:شافتج مريم.؟
مروه:لا ما شافتني
بشاير:أكيد بتسويلج سالفه وبتخبر راشد مثل كل مره وتحط فيها ألف عيب وعيب الله يعينج
مروه:والله أنا ماسويت شي غلط كلها قصه شعر
مي:يعني أنتي ما تعرفينها تحشر روحها في كل شي
مروه:والله أنا ماسويت شي.تخبر راشد شو سويلها يعني قصيت وخلص بيرد الشعر عيل
بشاير:لاااااااااا أنا مايبط شبدي غير بنتها ولدهامعطتنهم دروس في قلة الأدب
مروه:بشاير حرام والله مايعرفون بعدين أنتي تحطين عقلج من عقل يهالو
مي:والله صج بنتها مره قليلة أدب لسانها طويل ترد الكلمه بعشر
مروه:خلوكم من مريم وصغاريتها.تتوقعون إن راشد بيسويلي سالفه
بشاير:ليش ماخبرتيه من البدايه

مروه:أخبره؟ .وبعدين ليش أخبره أبوي هني مايخصه فيني
مي:مروه أنتي تعرفين راشد كل شي بحياتنا أهو المسؤل عنا أبوي تارك كل شي بئيده
مروه:إذا مريموه سكتت بتمر السالفه علي خير
بشاير(دق باب الغرفه):يس كام
الخادمه:مستر كالد يبغي أنتي ومي ومروه ينزل تحت
بشاير:سيري أنتي أحينه ونحن بنلحقج.بنات يالله خلونا ننزل عند
أبوي يالس لحاله

نزلو البنات عند ابوهم تحت وهم داخلين عليه بالصاله الملكيه (ملكيه من روعتها كأنها صالة ملوك مره كبيره وفيها أثاث مره فخم طبعن هذا جزء
من القصر الكبييييييير)
كل وحده حبت راس أبوها وجلست
بشاير:شحالك أبوي
خالد(الأب):يسرج حالي وينكم اليوم مابينتم من الغدا ما شفت أحد
فيكم .(وناضر مروه)مروه أبوي شو مسويه بشعرج ليش منتفتنه
مروه:فديتك أبوي ليه ما عيبتك القصه
خالد:لاوالله يابنتي ما عيبتني الله يهديج هاي قصه تقصها بنت
مروه:أبوي هاي الموضه .أبوي طالبتنك إذا يا راشد وقف ويايا
خالد:هييه يعني أنتي تعرفين إن إلي مسوتنه غلط

وجلسوس يسولفون وبعدها دخل راشد عليهم بهيبته وبوسامته ومبين عليه تعب الشغل سلم وجلس

وكان يناضر مروه وبعدها تكلم
راشد:مروه شو بلاه شعرج ليش شي طويل وشي قصير
مروه(بخوف وربكه وتمسك شعرها):شعري ؟شفيه
راشد:أنا أسألج تردين علي بسؤال؟
مروه:لا أهو .تخانقت مع صاحبة المشغل وخربت شعري
بكره بسير عند مشغل ثاني يعدلي القصه
مي وبشاير ميتين ضحك على مروه وربكتها بس مو مبينين لأن راشد
مو جود .(راشد مو عصبي وياهم وبالعكس أي شي يبونه يحصلونه
بس هم من كثر الإحترام تحول لخوف عندهم إنه ينتقدهم بشي)
راشد(بنصف إبتسامه):شو شايفتني من العصر الحجري ما أعرف شي أنا أدري إن القصه هاي هابين فيها البنات والشباب المره هاي بطوفها يامروه
المره الثانيه بحلقج علي الصفر فاهمه وأول مايطول تقصينه متساوي
مروه(وهي خجلانه):إنشاء الله
خالد:هاياولدي كيف الشغل وياك
راشد:الحمد الله زين .أخذت أدويتك ولا كالعاده ما أخذتها
خالد:لا أخذتها لاتخاف
مي(بدلع):راشد وين بنسافر الصيف الياي
خالد(وهو يقوم من الكنب ):وين ما تبون .أنا بسير أرتاح إلا وين مريم ماشوفها وياكم
بشاير:نزلنا تحت وما كو أحد بس أبوي يالس لحاله