الملاحظات
صفحة 6 من 7 الأولىالأولى ... 4567 الأخيرةالأخيرة
النتائج 51 إلى 60 من 66

الموضوع: رواية هجير قلبي عندك أسير

  1. #51  
    المشاركات
    3,260
    الـــ ج ــــــزأ الــتــاســع والــ ع ــشــروون
    في جناح البنات
    سلوى: هجير هجورة يكفي نوم
    هجير: ونصها نوم كم الساعة الحين
    سلوى: الساعة 11 اخاف معارسينا قامو ويحتاجون شي واحنا نايمين
    هجير: فتحت عيونها وتطالع فيها شكلك مانمتي
    سلوى: بحزن لا
    هجير:جلست وتسندت على السرير ليه
    سلوى:اخاف أمي زعلانة مني ندمت اني حطيت لها الروب اخاف ماتسامحني
    هجير: وهي تبعد لحافها وتروح للحمام مالومها لو زعلت عليك واخذت فوطتها وانا لو مكانها ماكلمتك سنة كامله ودخلت للحمام
    سلوى:ابغاك تهونين علي وتزيدنها علي ويقولون الصديق وقت الضيق مالت الا الصديق يزيد الضيق
    هجير: وهي تفرش اسنانها تضحك عليها
    **************************
    في جناح كتاكيت الحب
    هشام: يحرك وردة على خد عفاف
    عفاف: تنبهت مفزوعة وتناظر حولها توها تستوعب انها متزوجة وتذكرت موقفها البارح زاد خجلها وسحبت لحافها ودخلت جوا
    هشام: ضحك عليها فديت الي يستحون بس ماتبغى حبيتي تصبح على زوجها الي اشتاق لها وقت نومتها
    عفاف: مستحية حيل من جرأته الزايدة وفاتنها بجماله ورومانسيته وحنانه طلعت وجهها صباحك فل هشام
    هشام: قرب عندها وباسها تحت اذنها وهمس لها حبيتي ابغى اسمعك تناديني زي ماناديك الا ان كنت ماحبيتني زي ماحبيتك وربي عفاف صعب احب بس انتي دخلتي قلبي من اول نظرة ومابغاك تصبحيني يس بكلمة وتبخلين علي ببوسة صباحية
    عفاف: فرحت بكلامه وتحمد ربها انه عوضها ورزقها برجال يشفي جرحها ابتسمت له بحنان وحاولت تتجرا معاه علشان تحسسه بصدق كلامها باسته مع جبينه قالت انت من البارح حبيتني انا من يوم شفتك بالمول وانت مشغل بالي
    هشام: ابتسم لهاابتسامتة الي تذوب قالها من جدك حبيتي
    عفاف: ابتسمت بخجل ايوه من جدي وخالي بعد
    هشام: تصدقيني اني اسعد واحد بالعالم اني فزت بقلبك انتي فتنة عفاف من جد فتنة
    عفاف: وانت اشد فتنة
    هشام:حبيبتي انا قمت بدري وطلبت فطور يالله قلبي قومي وخذي شاور علشان نفطر ان بغيتي لحالنا او مع البنات مومشكلة
    عفاف: لا مع البنات اشتقت لهم بس شوقي لسلوى غيرر لاني ابعلمها درس ماتنساه
    هشام: حلفت عليك ماتسوي لها شي بالعكس احلى مقلب شفته بحياتي
    عفاف: لانك موا نت الي اكلته انا الي اكلته
    هشام: انتي اكلتيه وانا شبعت منه يعني حبيبك بنتك دللته وشبعته وتروحي تلومينها!!! وغمز لها ,,, طلبتك تمسحيها بوجهي هالمرة
    عفاف: يكرم وجهك حبيبي بس ممكن طلب صعنن
    هشام: اطلبي عيوني كلي فداك
    عفاف: تسلم لي عيونك الحلوة الي اطلبك انك تخليها مغمضة حتى اروح للحمام الله يكرمك
    هشام: ضحك بفخامة وحنان تصدقي انا قلت لك اطلبي عيوني ماتغلى عليك لان كلي فداك بس طلبك هالصعنن هذا على قولتك صارطلب كبير اصعب طلب سمعته بحياتي لان عيوني الي تقولي عنها حلوة تبغى تعصيني وماتسمع كلامي وان غمضتها راح تفتح اتوماتيك لانها ماتعودت تغمض عن الزين سنين وهي مغمضة لانه موحلال لها بس يوم صار حلالها ماتقدر تغمض وعيوني متشوقة تشوف هدية سلوى عليك تراك البارح لبستيه وماشفته عليك كان ظلام ويتصنع البراءة ونايم ولاعلى بالي
    عفاف: ضحكت بنعومة وخجل خلاص مولازم اقوم خلني كذا ابرك لي حتى فطور مولازم افطر
    هشام:لالاخلاااااااص انا ابطلع واكلم البنات على مابال انتي تتجهزي قام ووصل عند الباب
    عفاف: كانت تبي تقوم بس يوم شافته وقف ولف عليها سحبت لحافها مرة ثانية بخجل
    هشام:حبيتي تراه هالمرة بس افراج بس المرة الثانية ابمتع عيوني على كيف كيفي وغمز لها وطلع
    عفاف: ياولي جريء حيل بس يجنن
    *************************
    في المزرعة
    حنين ورنا وروان وهدى يتمشون وابعدو عن سياج المزرعة حنين وهدى متسترات عليهم اجلة ساترة رنا وروان عليهم بنطلون ضيق وعباية كتف ورافعينها فوق ومتلثمات ويتمشون ضحك وسوالف
    راكان:مر من عندهم بسيارته كان يبي يروح مشوار هو وطلال شافهم هدا ووقف عندهم مسائكم بالخير
    هدى والبنات الاحنين : مساك بالنور
    طلال:كان ساكت
    رنا: لفت تناظره وكانت حاطة لثام ولابسة نظارة شمسية ماركة ديور وباخة عطر فرزاتشي مركز قربت من شباكه اهلين طلال كيفك بشرني عنك
    طلال: بدون نفس بخير اسف حر ابشغل مكيف السيارة وسكر شباكه
    رنا:طاح وجهها بس ابعدت وسكتت
    راكان : عيونه على حنين الي مالتفتت ولاتكلمت بس يحاول يغض البصر بنات توصونا على شي
    هدى: سلامتك
    راكان: هدى ترا اهل خطيبك العصر راح يجون تجهزي وغمز لها واتبسم
    وناس ثانين تعرفهم ام طلال عازمتهم بالمزرعة
    هدى: ابتسمت وانحرجت وسكتت
    راكان: يالله على اذنكم
    البنات الاحنين :الله معاكم
    رنا:ماشاءالله عليه اخوك ياهدى حنون معاك حيل
    هدى:الله يخليه لي يارب
    حنين:متى زواجك ان شاءالله
    هدى: بعد شهرين ان شاءالله
    حنين:الله يوفقك شافت سيارة بي ام دبليوسوادء جايه من صوبهم من بعيد تعرفها زين وتعرف الي يسوقها زادت دقات قلبها حنت له واشتاقت له حيل
    تركي: قرب لهم وهو لابس نظارته بس يوم قرب لهم فسخها وهو عاقد حواجبه وواضح انه معصب تكلم بدون أي رقة وبفخامته المعتادة ليه تطلعون من المزرعة ماتعرفون ان فيه شباب قريبين هنا !!!!!
    روان: بنعومة اهلين تركي كيفك طمنا عنك
    حنين:غصب انقهرت منها وغارت عليه بس سكتت ومالفت اصلا تناظره الا من تحت لتحت بس تنفسها يزيد ودقات قلبها زادت بمجرد سماعها لصوته وجوده قريب منها يربكها
    تركي:ماعبرروان اشوفكم ماجاوبتوني ليه تبعدون وتعرضون انفسكم للخطر؟!؟!
    روان: انقهرت انه مطنشها حبت تجرحه والله قبل شوي راكان وطلال مرو من عندنا وماقالو لنا شي احنا وخواتهم والظاهر مافيه احد يحرص على اخته اكثر من الاخو
    تركي:كل انسان له وجهة نظره بس انا ماارضى على بنات أقاربي يتمشون جنب شباب يالله اركبو ابرجعكم
    روان: ماصدقت قال هالكلمة واول من ركب هي وبعدها رنا مع انهم مقهورات من غروره بس رنا بغت ترد عليه بس خافت من عصبيته تعرفه راح يمسح فيها البلاط ومايهمه احد
    هدى: بخجل واحترام ليه تكلف على نفسك يابو محمد احنا نرجع على رجولنا
    تركي: باحترام مافيه كلافة تفضلوا وصلكم ماراح يرتاح خاطري وانتم بعيدين
    هدى: استحت من اسلوبه وركبت
    حنين:تبغى تركب بس رجولها موشايلتهاصعب موقفها حيل
    روان: بغيرة يالله حنين كل هذا خجل خلصينا خلينا نرجع عيب تخلي تركي ينتظرك كأنه سواق عندك
    حنين:خلاص شوي وتبكي
    هدى: قرصتها مع فخذها يعني اسكتي قهرتها بأسلوبها
    تركي: الظاهر لي لسان ياست روان وماحب احد يتكلم عني
    روان:ماتت قهر
    وهدى :طارت من الفرحة
    حنين: بهمس وخجل روحو انتم انا ابمشي وراكم وان شاءالله ماعلي الا العافية
    تركي: بأمر حنين اركبي مقد حواجبه اكثر لأنه يحاول يخفي دقات قلبه الي زادت عند سماع صوتها
    حنين:شهرين وماسمعت اسمها من فمه اشتاقت له وهو يقول اسمها بتلذذ بس الحين يقوله بدون أي حنية او حب او شوق بس برضو حلوة من فمه ركبت بخجل وارتباك رفعت عيونها له شوي وشافته عاقد حواجبه وواضح انه متضايق حيل قالت بقلبها عارفة انك مومتقبلني بعد ماهنتك وانتقمت لنفسي بس اعذرني تركي موقادرة انسى كل شي فيه يجذبني له ,شخصيته ,غيرته, هيبته, حنانه ,اخوي وراكان ماهتمو يوم شافونا تنمشى برا المزرعة بس هو فزت غيرته واهتم لو غيره سكت عن روان وهي تهيني علشان ينتقم لنفسه بس هو ماهنت عليه كم مرة روان تهيني قدام راكان ومايعرف يرد بس تركي هو الوحيد الي احس بالأمان معاه بس خلاص كل شي انتهى بينا وصرنا متعاديلن هو ذلني وانا ذليته ومارحمة ترجيه لي وخذلني وخذلته قربنا لبعض صعب صعب حيل واضح انه خلاص كرهني واعرف تركي ان احد اهانه كرهه وحقد عليه نظرات الشوق الي بعيونه اختفت آآآآآآآه بس مقدر ومكتوب
    تركي : يوم ركبت حنين حس ان دقات قلبه تزيد وكل شوي يعقد حواجبه اكثر يسأل قلبه الى متى تنبض بحبها خلاص انساها ماصارت من نصيبك قريب تنهي عدتها ويتزوجها راكان انسى ياقلب انسى وكل شوي يتنهد ويستغفر
    حنين:كل ماتسمع تنهده وترفع عيونها وتشوفه يزيد من عقد حواجبه واضح انه متضايق حيل تحزن تقول سبحان مغير الاحوال من بعد ماتنفرج اساريره يوم يشوفني ويشرق وجهه صار مايطيقني آآه غريبة حالك يالدنيا
    وصلو للمزرعة وشافو ناس غريبين جايين
    رنا:غريبة منهم هذولا
    روان:مادري بس شكلهم الي تعرفهم خالتي نورة وواضح انهم ناس هاااي شوفي سيارتهم البانوراما
    تركي:عرفهم وابتسم ونزل
    حنين:استغربت ان تركي يروح جهة الحريم وفيه ناس غرب لا ومبسوط حيل بعد!!!!
    *************************
    في الفتدق
    بالتحديد مطعم الفندق
    هشام:حجز طاولات لهم هم والبنات وطلب يحطون حاجز
    سلوى: اول مرة تخاف من أمها جالسة وهدية ماقدرت ترفع عيونها لها
    هجير:مبسوطة حييييييييل
    عفاف:كاشخة بلبس ناعم ومكياج هادي ورايق يصلح لعروسة بس مازالت مستحية من هشام وكاسرة خاطرها سلوى وملاحظة هدوئها موطبيعي بس خلتها علشان تعطيه درس وماوبختها علشان خاطر هشام
    هشام:ابو الشباب فالها للآآآآآآآآآآخر ومبسوط ورايق ووجه متهلهل من زود الوناسة قاهرته سلوى بذبولها وهدوئها ماتعود عليها الا مبسوطة وتزعجهم بهبالها وتعليقها صمم يطلعها من صمتها سلوى
    سلوى: لبيه عمي
    هشام: لبتي حاجة مع زوجك سالم ومعتمرة معانا انا وامك وهجير بكرة ان شاءالله
    هجير:لايبه فديت قلبك انتم معاريس مايصلح نحشركم دايم روحو واحنا ماراح ياكلنا الذيب
    عفاف:لامستحيل
    هشام:اخينا كان ساكت الظاهر يبغاها تجي منهم ويعيش عريس لوحده لو اسبوع خخخخخخخخخخ
    هجير:بس يتخالتي وربي موزينة بحقكم لازم تتهنون وتنبسطون والا لا ياسلوى ايش فيك اليوم بس ساكته كأنك انتي العروسة
    سلوى: بلعت ريقها الا صح هجير كلامك صح انا وياك نجلس هناماعلينا ان شاءالله
    عفاف:خلاص الكلام انتهى
    سلوى: ضاق صدرها حست من اسلوب أمها انها زعلانة عليها حيل لانها دفشت معاها وحنونة بنقاشها مع هجير نزلت راسها بحزن
    عفاف: حست بضيقة بنتها غصب قلب الأم حنون بعدين ماستغني عنكم ولاتنسى ياسلوتي ودنيتي انك اخر اسبوع راح تجلسينه معاي ماقدر اصبر عنك
    سلوى:حاولت تمسك نفسها هي حاسة بضيق الكون لقرب زواجها وفراقها لأمها وهجير وتغير سالم وتطنيشه الفجائي وندمت على حركة البارح بس بلعت عبرتها لأنها ماتحب تبكي عند احد ابدا وماتعودت تكون ضعيفة مهما صاااااار
    عفاف: مقررة تسكر الموضوع لانها واعدة هشام انها ماتعاتبها
    هشام : بحنان فديت الي واضح عليها الارتباك لقرب زواجها بس تصدقي سلوى ابقولك حاجتين مهمات وخليها حلق بإذنك
    سلوى: رفعت راسها له تفضل عمي قول
    هشام: ترا مولايق عليك غير الفرفشة والضحك فقدت من جد سواليفك ومرحك
    عفاف: ابتسمت لها بحنان
    هشام: والشي الثاني لف وناظر عفاف بهيام ترا الزواج وربي يجننننننننننننن لاتخربي فرحته بحزنك وقلقلك وارتباكك انا كنت شايل هم بس يوم شفت القمر الي يبتسم قدامي والحين انقلب وجهه احمر من زود الخجل نسيت كل معاناتي
    هجير: ربي لايغير عليكم يبه ويديمها بينكم
    سلوى: اللهم آمين لفت على أمها يعني موزعلانة مني
    عفاف: ماخفيك كنت زعلانة حيل بس عمك حلفني ماعاتبك وقلبي مايتحمل يزعل على قلبه الي ينبض جواته
    سلوى: ضمت امها الله لايحرمني منك يمه
    عفاف: ولامنك ياقلبي
    هجير: ناظرت بابوها وابتسمت
    هشام:حس بضيقة بنته الي تحاول تكمتها ضمها لحضنه ومسح على راسها
    **********************

    في بيت طلال
    طلال:دخل للبيت متاخر منهد حيله رقى فوق اخذ شاور ولبس ملابس النوم وزي العادة توجه لغرفة حبيته وعشقه فتح الغرفة سنة على حالها يخلي الشغالات ينظفونها بس مايحركون ملابسها الي على السرير عن مكانها عطوراتها كل شي بمكانه جلس على طرف السرير ومسك اخر لبس لها بالبيت الي فيه ريحتها وضمه على صدره سنة كاملة ماينام قبل مايضمه واول مايقوم الصبح يروح يضمه ويبوسه وهو ضامه رفع عيونه للسقف ياترى نسيتني او لا ياهجير حبيتني جد زي ماعشقتك اولا؟
    *********************






    رد مع اقتباس  

  2. #52  
    المشاركات
    3,260
    في غرفة هجير
    دخلت لغرفتها بعد ماسهرت مع سلوى فتحت دولابها وطلعت التي شيرت الي كان لابسه طلال قبل مايسافر يعالج بألمانيا هي الوحيدة الي اخذتها معاها جلست على طرف سريرها وضمتها حطتها على وجهها وباستها وضمتها على قلبها امثل قدام الكل اني نسيتك بس قلبي رفض ينساك حبيتك وعشقتك بس للاسف انك ماحبيتني زي ماحبيتك متأكد انك ناسيني ولاهي مع غيري بس أنا احبك وأمووت بترابك يارب تنسيني اياه حتى ابوي كل مايجب سيرة طلاقي اتهرب مابغى اذل نفسي قدام ابوي وأقول امووت فيه وطلاقه لي كأنه طلاق روحي من جسمي يارب يسر وحل اموري كل ماشوف اهتمام سالم بسلوى مع قسوتها عليه اندب حضي وانا زوجي الي حبيته نساني ورماني وماحاول يرجعني معلقني ومخليني كأنه يعاقبني بس للاسف مازلت احبه
    **************************
    في بيت هشام
    سلوى: تقلب بجوالها وسرحانه
    هجير: ايش فيها المزيونة ساكته وسرحانة كل هذا خايفة علشان زواجك بكرة
    سلوى: لا خايفة ولاشي بس مستغربة من سويلم مسوي ثقل ومن بعد زواج أمي لادق ولاسأل واول ناشب بحلقي كل شوي يدق اشتقت لك ومااشتقت لك بط كبدي غزل ماله داعي
    هجير:مادام غزل ماله داعي ليه فقدتيه الحين
    سلوى:مافقدته ولاشي بس مستغربة ليه مسوي ثقل
    هجير:مشكلتك تكابري واضح من عيوني انك متضايقة حبيتي مالومه لو سحب عليك انتي تجرحينه حيل
    سلوى/ بعصبية متى جرحته ؟!؟!
    هجير:متعودة على عصبيتها وماتزعل منها قولي متى ماجرحته يكلمك ومتلهف عليك وانتي تكلمينه بكل دفاشة وبدون حنية حرام عليك تعاقبينه بذنب ماله دخل فيه هو يحبك ومابغاك تخسرينه بتعاملك
    سلوى:هزت بيدها بالطقاق مادامه زعول ومايعرف طبعي كيفه
    هجير:المفروض تغيري طبعك علشانه
    سلوى:بعصبية ماراح اغيره علشانه عاجبه والا الباب يفوت جمل
    عفاف:توها طالعة من غرفتها متكشخة ومتضبطة زي عادتها سمعت كلامهم هجير صادقة ياسلوى لازم تغير طباعك حياتي الرجال يدور حنان عند زوجته ان مالقاه عندها دور على غيرها وخسرته
    سلوى: بحزن عطيتي ابوي حنان وماكسبتيه
    عفاف: بس كسبت احسن منه بكثير كسبت هشام وفزت بقلبه
    سلوى: تنهدت يصير خير على اذنكم وراحت لغرفتها متضايقة من تطنيش سالم لها بس تكابر ماتحب تذل نفسها لأحد وبنفس الوقت ماتنكر انها فقدته بس هي ربي خلقها دفشة وماتقدر تصير حنونة
    **************************
    في غرفة هشام
    عفاف: لابسة روب برتقالي مشجر طويل وشفاف وناعم من نعومي وجالسة تحط لوشن معطر على رقبتها بس سرحانة بعييييد
    هشام: قرب لها بهدوء وبدون ماتحس وباسها تحت اذنها وهمس لها حبيتي بايش سرحانة
    عفاف: ابتسمت بنعومة لاحبيبي مافيه شي
    هشام: وقف قدامها وجلس على طرف التسريحة متأكدة حبيتي
    عفاف: تنهدت بضيق وغمضت عيونها
    هشام: تغير ملامح وجهه ومسك يدها حياتي ايش فيك
    عفاف: قامت ولفت خايفة ياهشام خايفة
    هشام: لف عليها وحط يدينه على كتوفها من ايش قلبي خايفة
    عفاف: وهي تحجر عبرتها خايفة على سلوى
    هشام: تنهد براحة الله يهديك قلبي طيحة قلبي وربي كل البنات مصيرهم يتزوجون وانتي خوفك شي طبيعي لانك اول مرة تزوجي بنتك واول مرة تروح سلوى من حضنك
    عفاف: جلست على طرف السرير موسالفة حضني او افقدها هشام انا مانكر اني راح افقدها حيل وتعرف غلاها بقلبي بس سلوى بنت دفشه ومافيها حنية تعبت وانا احاول تغير دفاشتها بس مافيه فايدة اخاف سالم يطفش من تصرفاتها ويتركها مابغاها تنجرح بنتي وتنكسر زيي
    هشام: ضاق صدره لكلامها ومايبغى اصلا يتذكر سالفة زواجها لانه يغار عليها حيل بس خبى غيرته لانه عارف ان عفاف متضايقة مو وقت غيرته الحين لازم يحكم عقله حبيتي شوفي كيف قلبي محروق على بنتي الي تزوجة من معاق قدام عيوني وانا ماكنت قادر امنعهم انحرمت منها وهي كانت قريبة مني اهانوها وطردها والحين معقلة واعرف انها تتعذب الف مرة وشوفيني كيف صابر وانتي الحين خايفة من مجهول يمكن يصير ويمكن لا!!!
    عفاف: انحرجت واستحت من تصرفها وندمت انها قلبت جراحه ناظرته بحزن آسفة حبيبي قلبت مواجعك
    هشام:مسك وجهها بيدينه مابغى نظرة الحزن بعيونك تعذبني وتحرق قلبي
    عفاف: ابتسمت لها بنعومة سلامة قلبك ياروح عفاف انت
    *************************
    في زواااااااج سلوى وسالم
    هشام:تأكد من كل شي بالقاعة وراح للبيت يغير ملابسه دخل على هجير وسلوى بارك لسلوى ماشاءالله شكلك ناوية تجلطين سالم زي ماجلطتين أمك يوم زواجها
    سلوى:اول مرة تستحي ابتسمت وسكتت
    هشام: ضحك على حياها قال بقلبه مالاق لك الخجل ياسلوى فديتها وفديت برائتها لف ناظر بنته قرب لها حبيتي قريتي وردك انتي وسلوى
    هجير:كانت لابسة فستان ليلكي ناعم ومخصر على جسمها ومسوية تسريحة لشعرها منزلة جزا منه وجزا رافعته ومكياجها ناعم لأنها ماتحتاج مكياج ثقيل باسته مع راسه قالت ايوه فديتك
    هشام:غريبة اجل عفاف وين
    هجير:فديتها كل اليوم جالسة معانا تتأكد من كل شي توها رايحة تلبس
    هشام:على اذنكم انا بعد ابغير ملابسي راح لغرفته فتح الباب بهدوء شاف عفاف لابسه فستان بحري ضيق من فوق ووسيع من تحت بقصة كلوووش وقصير شوي مع قدام وذيل بسيط مع وراء ولابسة خلخال فضي وشعرها ماسوت فيه تسريحة لانه قصير صففته وحطت مكياج ناعم حيل يناسب فستانها
    هشام: يالطييييييييييييف ايش هالروووووووووعة شكلي ابدق على سالم يستلم زوجته هنا واحجز افخم فندق بالرياض طز بالزواج الي راح يحرمني من حبيتي
    عفاف: ابتسمت له بخجل ياحبك ترفع فيني
    هشام: قرب منها ومسكها مع خصرها ولفها على المراية وصار وراها حبيتي شفتي الحورية الي قدامك تراها انتي
    عفاف: ابتسمت اشوف عفاف ماشوف حورية وضحكت بنعومة
    هشام: لفها جهته قال حبيتي بعد الزواج راح اقص لك نظارة الحين تأكدت انك عندك نقص بالبصر وباس عيونها
    عفاف:حبيبي الله لايحرمني منك ومن حنانك
    هشام: ولامنك ياقلب هشام انتي
    مانتهى الجزا التاسع والعشررون له تكملة
    مين الناس الي جو للمزرعة وفرح فيهم تركي؟
    ايش راح يصير بين سلوى وسالم من احدااااث؟
    هجير طلال الى متى هالحاااااااااااال؟
    حنين هل راح تتزوج راكان بعد ماتخلص عدتها الي قربت تنهتي ؟

    زواج سلوى وسالم يمكن بكرة ان شاءالله وكلكم مدعوين موزي زواج امها عائلي بس الي تجي تجيب هديتها معاها والا تآكلها سلوى بلسانها هههههه
    راح نخصص له جزأ لحاله يكون تكملة للجزا التاسع والعشرون احتمال بكره بإذن الله اتمنى لكم احلى الاوقات بزواج دفوشتنا سلوى وسلوووم

    فائدة:
    كان عمر بن عبد العزيز- رضي الله عنه- معروفا بالحكمة والرفق، وفي يوم من الأيام، دخل عليه أحد أبنائه، وقال له:يا أبت! لماذا تتساهل في بعض الأمور؟! فوالله لو أني مكانك ما خشيت في الحق أحدا.فقال الخليفة لابنه: لا تعجل يا بني؛ فإن الله ذم الخمر في القرآن مرتين، وحرمها في المرة الثالثة، وأنا أخاف أن أحمل الناس على الحق جملة فيدفعوه (أي أخاف أن أجبرهم عليه مرة واحدة فيرفضوه) فتكون فتنة.فانصرف الابن راضيا بعد أن اطمأن لحسن سياسة أبيه، وعلم أن وفق أبيه ليس عن ضعف، ولكنه نتيجة حسن فهمه لدينه.
    تقبلو تحياتي
    دمتم لي بود
    اختكم همووووسة






    رد مع اقتباس  

  3. #53  
    المشاركات
    3,260
    تكملة الجزا التاسع والـ ع ــشروون
    في قاعة زواج سلوى وسالم
    سكرو الأنوار وطلعت سلوى على زفة اسلامية هادية
    سلوى: كان فستانها حلووو مرة ومناسب طولها وعرضها والمصففة اجتهدت حيل بمكياجها وتسريحتها طلعتها كيووت
    سبوى على جراتها بس كانت مرتبكة
    عفاف: وهي ساطعة بمكياجها تناظر بنتها وهي تنزل من الدرج عجزت تمنع دموعها
    هجير: مسكتها مع كتفها وحضنتها تهديها
    عفاف:حاولت تتمساك علشان ماتخرب فرحة بنتها وينقلب حزن
    زوجة صالح مرة ابو سلوى: معصبة وواصلة حدها وكل شوي تتأفف وتهز برجلها بعصبية
    احد الحاضرات:ماشاءالله هذي امها تجنن تقولين ام عشرين سنة كيف تكون أمها
    الثانية: ايه يقولون تزوجت صالح صغيرة وحملت بسلوى وطلقها
    الثالثة: حشى عميان يطلقها ناعمة وصغيرة وتتطلق فرق كبير بين زوجته الثانية وهي
    الاولى: ياحليلك يقولون عض اصابع الندم يبي يرجعها بس رفضت
    الثانية: شكلي ابخطبها لاخوي توه مطلق زوجته ومشترط صفات زيها
    الاولى:ياحليك يقولون تزوجت رجال يقط الطير من السماء
    الثالثة: ايه يختي هذا الكلام والا لا خليهم لايقين لبعض موب زي صويلح مادله الزين
    زوجة صالح:خلاص عجزت تتحمل وقامت وغيرت مكانها
    المراه الاولى: اقول ورطة
    الثاينة: ايش؟
    الاولى: الحرمة الي جالسة ورانا هي زوجته الثانية
    الثالثة: افاااااااا
    الثانية: بالطقاق الي يطقها ماقلنا غير الصذق
    زوجة صالح: جلست جنب اختها ام سالم يع القاعة مالقو غيرها
    ام سالم: والله يختي حلوة ماقصرو بالعكس عاجبتني
    زوجة صالح:مالت من حينك ماعندك ذوق وبعدين ترتيباتهم مهب زينة وسلوى ابد مومناسب مكياجها والافستانها كانه خيشة
    ام سالم:ماردت عليها لأنها عارفة ان اختها ميتة غيرة ولاتلومها عفاف بارزة بكشختها ولبسها كل الانظار عليها
    عفاف: وهي واقفة تستقبل التهاني جتها حرمة
    الحرمة:ممكن ياختي دقيقة من وقتك
    عفاف: بكل نعومة سمي ياختي
    الحرمة: البنت الي واقفة جنبك من هي
    عفاف: ابتسمت هذي بنت زوجي هجير الله يحفظها
    الحرمة: انا ادور لولدي وهو مشترط ملكة جمال طاحت رجولي مالقيت بس سبحان الله يوم شفتها قلت جاك يامهنا ماتمنى اول كنت اقول ياولدي تحلم تلقى بنت مثل هالمواصفات بس الله يحفظها بنتكم نفس المواصفات الي يبيها ولدي ياليت تكلمين ابوها وتردين لي علشان نتقدم رسمي تراه مهندس الله يحفظه ويدرس بكندا بقى له سنة ويرجع
    عفاف: بابتسامة ياحياتي انتي بس هي متزوجة ياقلبي
    الحرمة: يوووه الله يوفقها اجل
    هجير:كانت تسمع كلامها ومسوية انها ولاعلى بالها
    عفاف: قرصتها بنعومة مع خدها فديت الي ذبحوني الخطاب عندها هذي خامس حرمة تسالني عنك ههههههههه
    هجير: تصنعت الابتسامة وتقول بقلبها بس الي اشغل بالي وسرق قلبي مو يمي
    ********************************
    عند الرجال
    هشام:مو على بعضه ابد معصب بس ماسك اعصابه كل مايشوف صالح يستقبل المهنين وهو ابو العروسة بالحفلة وحبيبته عفاف هي ام العروسة تولع غيرته لأنه فيه شي مشترك بين عفاف وصالح
    صالح: جاء واحد يهنيه قاله مبروك يابو زياد رد عليه لا انا ابو سلوى
    هشام: عصب وحب يجرحه بتريقة تتسمى بالبنت وتخلي الولد
    صالح:حب يقهره اكثر بنتي سلوى هي بكري وفرحتي واول مولدة لي بحياتي الا اقول يابو هجير دق على ام سلوى قولها ابو سلوى راح يزف سالم لسلوى ويسلم عليها ويبارك لها (((ورص على كلمة ام سلوى وابو سلوى علشان يقهره بطريقة غير مباشرة )))
    هشام: عصب حييييييييييييييييييييييييييييييل وتمنى انه يفرشه بالأرض بس مسك نفسه قال ببرود سالم بس راح يدخل
    صالح: وانا وابو سالم انا ابوها وابسلم على بنتي وابو سالم راح يشوف ولده مع زوجته واعتقد من حقنا
    هشام: الظاهر فيه حريم ماتحل تشوفونها
    صالح: قلهم يطلعون حتى نسلم احنا
    ابوسالم: بحكممة ياخوك ان كان هالشي يضايقه مولازم
    صالح:لايضايقه ولاشي بنتي وولدك ومن حقنا
    هشام: لاتتكلم بلساني الايضايقني واغار على محارمي
    صالح: ياشيخ قل لمحارمك لايقربون حتى نسلم
    هشام: انت من جدك تقول كذا امها لازم توقف جنبها أول مايدخل زوج بنتها عليها
    صالح: وأنا من حقي اوقف مع بنتي اول ماينزف لها عريسها ان كانت أمها وتحبها أنا ابوها واموت فيها
    هشام:من حقك لو كانت متربية بحضنك مو كل عمرها لوحدها وتوك تقول من حقي وماجاء هالحب الاهالحين
    سالم: يوم شاف الدعوة راح تشب نار ياعم ابدخل انا وان جينا نطلع انا وسلوى خليناكم تدخلون ونصور سواء
    صالح: زعل ونفض يده قال خلاص مو لازم ادخل اساسا ورجع داخل
    سالم: ياعم .
    هشام:خله يرضى براحته يالله نزفك الحين تأخرنا كثير بس مازال هشام معصب وغيران وزادت غيرته لانه مايتصور كيف راح تكشف عفاف لسالم هشام غيرته جنونية وكل الامور بعد تصرفات صالح تخربطت وشوشة عنده على عفاف دق على عفاف علشان تجهز بنتها
    عفاف:مسكت يد بنتها ودخلتها بكوشة داخليه
    سالم: سم بسم الله ودخل وشاف حبية الطفولة الدفشه الي ماتعرف النعومة جالسة بفستان فخم وتسريحة خيال ومكياج رووووعة قرب لها وباس جبينها لف وناظر عفاف اول مرة يشوفها بدون غطاء لانها خجولة رفضت تكشف له ايام الملاك سالم انبهر من نعومتها وملامحها الناعمة ماشاءالله وربي استحي اقولك ياخالة مولايق ابد شكلك صغيرة حيل
    عفاف: ابتسمت بخجل زي عادتها ياقلبي انت
    هشام:خلااااااااااااااااص ووووولع اكثررررر زاد سالم الطين بلة بعد صالح وكلامه وردها عليه بقلبي ولع ناااااار قال بعصبيه يحاول يكتمها خلصونا صورو لان امك وابوك وعمك راح يجون يسلمون عليكم
    سالم: اخذ كم صورة وطلب من عفاف تصور معاهم
    هشام:لاماله داعي
    عفاف: سكتت احترام له وحاسة ان وجهه موطبيعي اليوم بس توقعته ارهاق
    سالم: ليه يابوهجير حرام ذكرى
    هشام: لاحرام ولاشي بس بسرعة خلصونا وانتي عفاف اطلعي علشان يجون يسلمون عليها ونادي الحريم وانا ابطلع انادي الرجال
    زوجة صالح:دخلت تسلم مبروك ياوليدي مع اني تمنيت لك احلى بكثير بس مقدر ومكتوب
    سلوى: سمعت كلمتها وتبغى تذبحها بس سكتت موزينة تهاوش وهي عروسة بس حقدت على هالسالم الي مارد ولابكلمة ولادافع عنها قالت شغلك عندي بعدين
    ودعوهم وطلعو للفندق سوااا
    ************************
    في الفندق
    عفاف: مستغربة من سكوته وهدؤه وهو الي كان مزعجها بغزله وهيامه طنشت وأخذت ملابسها ودخلت تتحمم طبعا توقعت امها تسوي لها مقلب ترد لها مقلبها علشان كذا آخذة معاها روب ساتر بس يوم فتشت عرفت ان قلب الأم حنون وماقدرت تنفذ تهديها وتسوي فيها هالمقلب لبست روب عبارة عن قطعتين فخمات القطعة الأولى مشكوكة شك يناسب لبس عروسة اول ليلة وتحتها قطعة ستان سبت تعطرت وحطت روج هادي بس
    سالم: يطالعها ببرود مصطنع عكس الي جواته اصلا يحبها من صغره كيف يشوفها كشخة قدامه كذا ويعرف انها حلاله بس مصمم يأدبها على دفاشتها وقلة احترامها له يظنه كله غرور ودلع مايعرف ان سلوى مايدل الغرور بابها طالعها ببرود ومر من جنبها بدون أي مدح او نظرات هيام او اقل شي بوسة ترضي غرور أي انثى ا ن الي قدامه مر من عندها تصبحي على خير
    سلوى: طالعته بقهررر وسكتت يوم شافته دخل لفراشه ناظرت ساعتها بدري على شخصين متزوجين ينامون بدري كذا توقعت انه راح يسهرون سوا يتعشون يضحكها يمدحها زي ماكان يتلصق فيها ايام الملاك جلست على طرف سريرها قالت الي خايفة منه صار معقولة راح يصير مصيري زي مصير امي تنهدت بحززن وضييق تحاول تخفيه
    سالم: يتصنع النوم بس من وين يجيه النوم وحبيته الي تمناها سنين ووقف قدام الكل حتى خطبها ثلاث مرات ترده ويرجع يخطبها جنبه الحين وبنفس سريره وريحة عطرها تدغدغ انفه بس حارم نفسه منها يتمنى يعاند كبرياؤه ويقرب يحضنها حضنة انسان مشتاااااااق لحبيب مبعد عنه سنين بس كبرياؤه تمنعه الى متى اجري وراها لازم تتعلم درس دلال امها ضرها وغرورها زاد لازم تقوي قلبك سالم لازم بس يوم سمع تنهيدة الحزن منها وجعه قلبه ضغط على عيونه يحاول ينام بس من وين يجيه النوم
    ***************************************
    في سيارة هشام
    هشام : معصب على الآخر فرحة صالح طول الحفل ماغابت عن عيونه يسمعه كل شوي يجيب سيرة ام سلوى ماقصرت ربتها واحسنت تربيتها انا وام سلوى اصرينا على بنتنا تتزوج تعب حيل مايقدر يسبب مشكلة زي المراهقين ويتصنع انه ماسمع صح كان صالح جالس بعيد بس صوته جهوري يسمعه هشام من بعيد هشام ماسك نفسه مايبغى ينفجر عند عفاف وهو عارف حساسيتها
    هجير: خالتي يجنن الحفل اليوم
    عفاف: ايه والله بس وربي ماقدر اتخيل البيت ارجع بدون بنتي
    هجير: ايش اقول انا ياخالة الي تعودت مانام الا على هبالها وسواليفها الي ماتقضي
    عفاف: الله يسعدها يارب ويسخرها لسالم وربي باين انه ولد حلال وطيوب
    هجير:آمين حتى أمه واضح انها طيوبة بس الله يعينها على مرت ابوها
    عفاف: بكل عفوية قالت ايه زوجة صالح الله يهديها لسانها ينقط سم الله يفك بنتي منها عاد سلوى ماتتحمل واخاف يصير شي بينهم مهما كان زوجة صالح خالة سالم وماراح يرضى عليها مع ان صالح ماقصر كان موقفها عند حدها وماتقدر تقول شي لسلوى كم مرة يهزاها قدامنا
    هشام:خلاااااااااااص وووووولع ومايبغى يتكلم يخاف ينفجر وكل شوي يضغط على الدريكسون
    عفاف: حبيبي بكرة اول مانقوم ابمر على بنتي
    هشام: سكت مارد
    عفاف: مانتبهت ان معصب من زود انشغالها ببنتها والا بالعادة دقيقة وتفهم هشام ردت حياتي ان صحيت بكرة توديني لها ان شاءالله
    هشام: لا
    عفاف: باستغراب ليه؟!؟!
    هشام: لسه معاريس مايصير تنشبين بحلوقهم
    عفاف: بس من حقي اتطمن على بنتي وسالم فديت قلبه ياروحي هو طيوب اعرفه ماراح يتضايق وانا اصلا ماراح اطول بس اتطمن عليها واطلع
    هشام: بعصبية انتي ماخليتي احد الاصار قلبك وماخليتي احد الاتفديه
    عفاف: باستغراب احد !!!!
    هجير: يوم شافت ابوها معصب حمدت ربها ان السيارة وقفت جنب بيتهم نزلت بسرعة وخلتهم علشان ماتحرج خالتها
    هشام: ايه الظاهر حتى الي بالشارع عادي يكونون قلبك قلبك فندق ماشاءالله ويشيل كل من مر بحياته والظاهر ماينسى بعد
    عفاف:جرحها كلامه طعنها بلعت عبرتها وسكتت ماردت فتحت الباب بدون أي كلمة علشان تنزل
    هشام: جامع كم موقف وثارت عصبيته وغيرته ناداها عــــــــــفـــــــــــــــاف ان كلمتك ماتروحي وتخليني فاهمة اولا
    عفاف: بهدوئها وحكمتها عرفت انه معصب حيل سكتت وقالت سم امرك على راسي
    هشام: انقهر انه عصب عليها ومقهور من صالح وسالم ومنها عقله مشوش موقادر يفكر نزل وسكر الباب بقوة
    عفاف: تنهدت بضيق وتعوذت من ابليس ونزلت دخلت الغرفة لقته موفيها عرفت انه في الحمام يتحمم راحت غيرت ملابسها ولبست روب وردي ماسك على جسمها وفتحة كبيرة ناعم تحاول تخلي الوضع عادي ماتبغى تكبر المسائل بينهم رشت عطر وجلست على الاريكة كلامه وجرحه لها يرن بذهنها تتعوذ من ابليس تعرف ان ابليس يفرح باي مشكلة بين زوجين بس موقادرة خرب فرحتها ببنتها اهانها قدام بنته بدون سبب هي موعارفة سبب عصبيته وموعارفة ان صالح تفنن بنرزفته معقولة خلاص فرحته بزواجه انتهت ورجعت انسانة عادية بنظره معقولة مل مني بسرعة وبدا يدور أي زلة علي نزلت دمعة مسحتها بسرعة دمعة ثانية وتحاول تمسحها وتكتم عبراتها بس خلاااااص دموعها صممت الا تنزل وبغزارة لعلها تبرد وتطفي حرارة الي بقلبها
    هشام: ندم حيل على عصبيته يوم تحمم تعمد يتحمم بماء بارد علشان يطفي نار الغيرة الي بقلبه اخذ الفوطة ولفها عليه طلع لغرفة التبديل لبس بيجامته وتعطر طلع وهو يمشط شعره شافها جالسة على الاريكة ومنزلة راسها وتبكي وصوت شهقاتها واضحة وجعه قلبه حبيته النسمة الرقيقة تبكي ومنو بكاها وجرحها هو الي يحبها رمى المشط وقرب لها وحضنها باسها مع راسها وهي تبكي آسف غلاتي اعذريني غصب عني
    عفاف: تمنيت اول من يشاركني فرحتي زوجي الي حبيته تمنيت ارجع للبيت ويواسيني على فقدي لحشاشة قلبي ماتوقعته يخرب اغلى ناسي فرحة انتظرتها عمررر حتى حصلتها وبكت أكثر
    هشام: رفع وجهها بيدينه قسم آآآآآسف وحقك علي انا غبي وماستاهلك قسم والا من يجرح نسمة زيك
    عفاف: وهي تبكي وتمسح دموعها لاتقول عن نفسك غبي تكفى
    هشام: فديت الي تخاف علي حياتي لاتلوميني وربي انا فرحان زيك بسلوى قبل ماتكون بنتك وربي اعدها مكانة بنتي بس الليلة كانت ثقيلة علي عفاف ثقيلة حيل ترك وجهها ومسك راسه بين ايدينه
    عفاف: هدات يوم شافت مزاجه انقلب وواضح الضيق بوجهه خافت عليه مست كتفه حبيبي ايش فيك ايش صاير ومنو الي ضايقك
    هشام: حياتي انا اغار عليك موووووووت والخروف صالح ماقصر فيني كل شوي يردد ام سلوى وانا ابو سلوى ومايرضى احد يناديه الا ابو سلوى مو انا مراهق علشان اضربه لسبب تافه بالنسبة للناس لأنه فعلا ابوها وله حق يتنادى باسمها بس بنظر الناس تافه وبنظري انه سبب مقنع علشان اعطيه كم كف يوقفه عند حده بس مشكلة مكانتي وعمري مايسمحون لي ولازم نحكم عقولنا بس على حسب نفستي انا واكيد وضح علي عصبت علشان كذا اشوفه مبسوط حيل
    عفاف: كانت ساكتة تسمع له
    هشام: وبعدها ادخل سالم على سلوى يتغزل فيك قدامي وانتي ماقصرتي تتفدينه وياقلبي وياروحي وانا كاني جدار بدون مشاعر واقف بينكم تعبت ياعفاف تعبت انا اغار عليك من الهواء يلمس خدك كيف رجال حولك سواء محرم لك او لا ماتفرق معاي ابغاك لي الحالي وبس
    عفاف: ارتاحت لكلامه وعرفت انه موكره فيها سوى كذا من زود حبه لها وغيرته عليها حضنته فديتك وفديت غيرتك حياتي وربي صالح مايهز فيني شعره وانت فرحته لو انك مطنش ولاعلى بالك كان ولع هو بس انت اثبت له انه انتصر عليك الحين وسالم زوج بنتي وبحسبت ولدي
    هشام: لف ومسكها مع وجهها وباسها مع عيونها وطرف خشمها قرب لها وحط جبهته على جبهتها وخشمه على خشمها حبيتي لا سالم ولاغيره اسمح لك تدلعينه الدلع لي انا بس
    عفاف:من عيوني قلبي
    هشام: تسلم لي هالعيون ولاتلبسي قدامه كم قصير ابغى لبس ساتر
    عفاف: تنهدت شوي بعدين ابتسمت من عيوني وطلباتك اوامر
    هشام: ترك وجهها وحضنها فديت حبيتي ياعالم
    عفاف: بس ممكن طلب قلبي
    هشام: انتي تامري موتطلبي وانا بس اتفذ لاميرتي
    عفاف: مهما صار بينا يكون بينا لاتحرجني قدام هجير
    هشام:آآآآآسف حبيتي وربي غصب عني ومن عيوني وحقك علي
    عفاف:حضنته فديتك بس
    هشام:مسح على راسها فداك قلبي وروحي وكل شي فيني
    ****************************
    في جناح سالم وسلوى
    سالم: سكر المنبه الي دق لصلاة الفجر واصلا كان صاحي ماطب عيونه النوم لف وناظرها عرف انها مانامت زيه قام وتوضأ وطلع يصلي
    سلوى: قامت توضأت وصلت ورجعت لفراشها قبل مايرجع
    سالم:عرف انها صلت ورجعت ماقال شي دخل لفراشه لعله يجيه نوم لو شوي تقلب وتقلب يوم جت الساعة سبعة قام وطلب فطور وقومها
    سلوى: غيرت ملابسها بفستان خربزي مشجر وناعم جلست على الطاولة مستغربة من تغيره معاها تبغى تسأله بس كبريائها منعها ليه اقط نفسي ويمكن كارهني سكتت وتقلب بالأكل قدامها بدون ماتتكلم
    سالم: استعدي راح نروح لأهلي نسلم عليهم بعد شوي
    سلوى: وأمي متى؟
    سالم: دخل غرفته وخلاها بدون مايرد عليها
    سلوى: تتمنى تذبحه وتريح عمرها رافع ضغطها بس موزينة عروسة تتهاوش مع عريسها بصباحية عرسها ابتسمت بتريقة امحق صباحية دخلت وعدلت نفسها وراحت معاه
    *****************************






    رد مع اقتباس  

  4. #54  
    المشاركات
    3,260
    في بيت ام سالم
    ام سالم:هلا وغلا تو مانور البيت
    سلوى: منور فيك ياخالة
    زوجة صالح:زين ياسلوى عرفتي تتكلمين بأدب واحترام اخبرك ماتعرفين تقدرين لاكبير ولاترحمين صغير
    سلوى: ناظرت بسالم تبغاه يدافع عنها موزينة بحقها عروسة وتهاوش على الأقل احترام لخالتها ام سالم سكتت وماردت وهي تغلي بقوووة وتدعي جواتها اللهم الهمني الصبر على هالعقرب
    زوجة صالح: الا من وين فستانك البارح
    سلوى: تبي تقهرها أمي طالبته لي من الخارج عن طريق الانترنت فديت قلبها
    زوجة صالح: اهااا قولي لي أمك زاد ياربي يلوع الكبد حتى ابوك يقول بنتي مالقت غير هالخيشة تلبسه قلت يمكن ذوق امها موذوقها لاتلومها يابوزياد
    ساوى:هنا ولعت يوم جابت طاري أمها ردت بعصبية أمي تسواك ولاتجين طرف اصبع رجلها وبطلي عنك كذب لاني اعرف ابوي مستحيل يقولها واصلا البارح مدحني مدح متأكدة انك عمرك ماسمعتيه منه
    زوجة صالح: فرحت انها نرفزته ايه سبيني ببيت اختي وقدام زوجك ياحيف بس وحدة بصباحية زواجها وترفع صوتها ببيت اهل زوجها فعلا تربية حرمة صغيره ماعرفت تربيك
    سلوى: بغت ترد بس سالم قطعها
    سالم: بضيق خلاص سلوى يالله مشينا
    سلوى: قامت وباست راس خالتها أم سالم اعذريني ياخالة ماحشمتك بس يوم تسبني تحملت حشيمة لك بس تسب أمي وربي مارضاها لو على طلاقي
    ام سالم: مالومك يابنتي وروحي انتي وزوجك الله يحفظك
    سلوى: خنقتها العبرة وباست راس خالتها وطلعت
    ام سالم :وم تأكدت من طلوعهم مايحق لك ياختي الي سويتيه ابد يعني حريصة تنامي عندي علشان تهينن زوجة ولدي ببيتي ترا غلاها من غلا ولدي زالبنية من يومها صغيرة تحترمني وتقدرني
    زوجة صالح: افا عليك ياوخيتي هذا حقي وجزاتي اني نايمة اوسع صدرك بعدين هالسلوى متى قدرتك ماتعرف تقول كلمتين سنعة على بعضها ماتحترم احد ابد وربي مادري كيف زوجتيها لسالم
    ام سالم:توسعين صدري بتضيق صدر ولدي وزوجته مشكورة مابي منك سعة صدر وسلوى سالم مختارة وانا مالي حق اوقف بدربه وانا مشفت منها الا الزين يكفي ان أمها تحط على الجرح ويبرا
    زوجة صالح: افااا بس ياويختي بس هي وربي لسانها طويل وماتطيقني كله لأن ابوها حبني ورمى امها
    ام سالم: تنصبين على مين انا جالسة وشايفة البنت ماغلطت بس انتي ماخلتيها حتى طلعتيها من طورها وسبيتي اغلى ناسها واي انسان مايرضى احد يسب امه او ابوه وكل اهله بعد
    زوجة صالح:خلاص خلاص اصلا انا ابرجع لبيتي
    ام سالم: بدون نفس الله يساعدك
    ************************
    في سيارة سالم
    سلوى: كل شوي تتنهد من العصبية وتناظر الطريق لفت عليه ووووين؟
    سالم: راح نرجع الفندق
    سلوى: وأمي ؟!؟!
    سالم: امك كلمتها قلت لها ماراح نجيك الحين
    سلوى: ليه انا مالي راي تشاوريني انت تشتاق لامك وانا لا
    سالم: لبق السيارة ونزل وخلاها
    سلوى: راحت وراه بعصبية انت الحين متى تكلمني ليه تعاملني كذا تبغى نتفارق عادي ماعندي مشكلة لاتخاف علي ماراح انجرح او انصدم او أخاف من كلام الناس تعودت امي قبلي وحاطة طلاقها قدام عيوني
    سالم: ماسرعك تبغين الفكة مني
    سلوى: انت لمحت لي وانا فهمت ليه اقط نفسي على انسان مايبغيني راحت لشنطتها بعصبية وترمي علشان تجهزها
    سالم:خاف يوم شافها مصممة وماضعفت ولاشي لو بنت غيرها كان تضعف تبكي هي ولاعلى بالها يناظرها مبهور من قوتها انا متزوج لي بنت ولاحجر مايحس قرب منها هدي سلوى روحة لاهلك مافيه طلاق لاتحلمي فيه
    سلوى: لفت وناظرته اول مرة يقرب منها هالقرب من بعد زواجهم ناظرته بعصبية ليه ناوي تعذبني يعني انا سويت لك ايش علشان تنتقم مني ممكن افهم
    سالم: قرب منها اكثر سرقتي مني شي غالي وماحافظتي عليه
    سلوى:لانها معصبة مافهمت كلامه ايش سرقت قلي
    سالم: اشر على قلبه سرقتي هذا وجرحتيه بتصرفاتك معاه عرفتي ليه ماراح ااطلقك لو ايش ماصار لاني احبك سلوى واموت فيك بعدها سكت شوي وشاف ملامحها لانت توقع انها ترد عليه بدفاشة زي عادتها بس انصدم يوم شافها رمت الي بيدها وجلست على السرير تبكي جلس جنبها حضن راسها اول مرة يشوف سلوى تبكي تمنى يشوفها رقيقة زي أي بنت بس يموت ولايشوفها ضعيفة وتبكي
    سلوى: الضغوط عليها فوق تحملها حاولت تتمساك وتسوي نفسها قوية بس ماقدرت كل شوي يزيد بكاها
    سالم: تقطع قلبه وهو يسمع شهقاتها الي تقطع قلبه خلاص ياروحي قسم حبيت اعطيك درس بغروك علي حسيت كانك ذليتني بحبك لي تعاملك جرحني قلت لازم اعطيها درس
    سلوى: تعطيني درس تشوفني انهان وتسكت تعطيني درس تشوف امي اغلى ناسي تنهان وبرضو ساكت
    سالم: ندم وحضنها اكثر حقك علي حياتي وربي احبك واموت فيك حياتي شفتي لجرحي وماشفتي لجرحك لي تعبت وانا اتقرب منك وانتي تعامليني كأني ولاشي عارف انك ماحبتيني وان عمي وخالتي ضغطو عليك حاولت ايام الملاك اتقرب منك بشتى الوسائل بس تعبت كل ماتقرب تصديني عنك اكثر ابعد عنها بحزن
    سلوى: تمسح دموعها الي خرب مكياجها منو قالك اني ماحبيتك
    سالم: ابتسم بحزن واضح من تصرفاتك
    سلوى:من يومي صغيرة وانا اموت فيك يالدوب وانت موحاس بحبي من يوم صغيرة اكره هند واتهاوش انا وياها لانها تعلب معاك كثير وتروح تنام ببيتكم تشب غيرة بقلبي بس ماحاول ابينها
    سالم: لف عليها بفرح من جدك سلوى اجل ليه رفضتيني ليه تعامليني كذا
    سلوى: رفضتك لاني اصلا مابغى اتزوج عقدة زواج أمي قدام عيوني واعاملك كذا لاني دفشة خصوصا مع الي احبهم بس هجير وأمي عارفين طبعي وعادي عندهم انت ماتحملتني وطفشت مني سالم انا ماتعودت اتعامل مع رجال ابوي انحرمت من حنانه طلعت بوجه أمي بس شوفي لضعف أمي عند اهل ابوي وعند أهلها من يومي صغيرة خلاني اكره شي اسمه رقة بالتعامل عارفة انه غلط علي بس تتطبع بالطبع من يومي صغيرة حسيت ا ني عايشة بغابة مايعيش فيها بسلام غير القوي
    سالم: لف وجهها له ومسح دموعها باصبعه حبيتي انا ابغير تعاملك ونظرتك للحياة حياتي أمك ماضرها طيبتها صدقيني اكسبت حب من حولها شوفي اعمامي وجدتي كلهم يمدحونها
    سلوى: عصبت شوي بس على حساب صحتها على حساب نفسيتها على حساب راحتها ياسالم انت ماعمرك شفتها كم مرة نرجع من اجتماع وتنهان وتسكت وتتحمل ادخل فجأة عليها القاها تبكي انت ماتعرف كيف شعورك من يوم انت طفل وانت تشوف أمك تتألم وتنجرح قدام عيونك عاهدت نفسي اني اكبر واخذ حقها من الكل وماسمح لاحد يدوس على طرف من ثوبها صح انعكست على تعاملي مع الناس والاغلب ابعدو عني بس كسبت حب ناس افهموني واعرفو ان قلبي ان حب اخلص
    سالم: ابتسم لها بحنان فديت هالقلب ومن الحين ياروحي مايحتاج تدافعي عن نفسك جاك رجال يحميك بعد ربك وأمك جاها رجال كفو يحميها يعني خلاص حياتي غيري طبعك عشان انسان يحبك ويموت فيك
    سلوى: هزت براسها بايه خلاص سالم اوعدك احاول اغير طبعي
    سالم: الا ان كان ماتحبيني زي ماحبك
    سلوى: ضربته مع كتفه خلاص يالدوب قلت احاول اغير طبعي
    سالم : يالليل موقلنا غيري هالدفاشة
    سلوى: استحت صح آسفة بس موتدقق علي بكل حركة وكلمة لسه ماتعودت
    سالم:ههههههههههههههههه خلاص ياروحي ابصبر عليك تعرفي ليه لأني اموووت في طيبة قلبك وخفة دمك وباسها
    سلوى:نزلت راسها وحمرت خدودها
    سالم: بقلبه الحمد لله اول خطوة للافضل مادامها استحت اجل فيه تحسن
    *********************
    في بيت هشام
    عفاف: من العصر وهي بالمطبخ تحضر عشاء محترم لسلوى طايرة من الفرحة فيها
    هجير:خالتي كيف اجمل هالكيكة ؟
    عفاف:خلاص حبيتي تعبتي معاي كثير هاليوم روحي وانا اجملها
    هجير: لاتعب ولاشي لعيونك وعيون سلوى كل شي يهووون ماتتخيلي كيف فاقدتها
    عفاف: تسملين ياروحي خلاص روحي انتي تحممي وغيري ملابسك وانا بس ابجمل الكيكة واكتب عليها اسمائهم واطلع
    هجير: بس خالتي ماقدر اخليك لازم اطلع رجلي على رجليك
    عفاف:حبيتي هجورتي لازم عفاف اول ماتدخل تلقاك قدامها زوجها يبي يزلها بعدين يرجع ينعشاء معانا يالله حبيتي اعرف حبها لك وانتم بنوتات لازم تتكلمون باشياء خاصة يمكن تنحرج تقولها لي وتقولك لك
    هجير: ابتسمت بفرح وشوق لجية سلوى اشتاقت لها حيل
    ****************************
    على العشاء
    سلوى:جالسة معاهم وهي مستحية موزي عادتها
    هجير:حلفت انها ماتجلس معاهم وخلتهم يتعشون سواء سلوى وزوجها وهشام وعفاف لان سلوى كل الوقت معاها قالت خلاص اجلسي مع زوجك واهلك لاتحرمي نفسك من اول جلسة لزوجك مع أهلك
    سالم: يتكلم بعوفية وسواليفه ورجولته اعجبت هشام
    عفاف: كانت هادية وتحاسب على أي كلمة تقولها تخاف تزعل هشام لانه صرح لها ان غيرته شديدة
    سالم: اجل اسمحو لنا
    عفاف: فزت بدري لسه متشبعنا منكم
    سالم: اسمحي لنا خالتي بكرة الفجر ورانا سفرة طوووويلة
    عفاف: اجل الله يساعدكم
    هشام: قام يودعهم الله الله بسلوى ياسالم تراها بحسبة بنتي هجير
    عفاف: ضمة بنتها بقوووة ونزلت دموعها غصب عنها
    سلوى:سامحيني يمه ان مرة غلطت بحقك
    عفاف: مسامحة ياقلبي وربي ماشفت منك الاكل خير وخفة دمك الي ملت علي البيت
    سلوى: تمسح دموعها مع السلامة ياعم والله الله بامي
    هشام: أمك بعيوني الثنتين
    سلوى: على اذنكم ابروح اودع هجير
    عفاف: يوم شافتها راحت الله الله فيها سالم تراه صح دفشة بس وربي قلبها طيب وربي تفدي عمرها للي تحبهم ماقوله لاني امها بس وربي فيها رحمة لو وزعت على هالكون كفتهم
    سالم: ياخالة لاتوصين حريص وماحببني فيها من يومي صغير الابرائتها وعفويتها
    هشام: كفو ياسالم كفو
    سلوى:دخلت على هجير وضمتها
    هجير: عجزت تتحمل بكت بقوووووووة
    سلوى: بكت معاها ارجوك لاتقطعي قلبي يالدوبا الي يشوفك يقول ابموت مو ابسافر
    هجير:موقادرة اتصور اني ماراح اشوفك شهر كثيرة وربي
    سلوى: زاد هالدوب سويلم اقوله ماله داعي نسافر ماليزيا شهراشتاق لأهلي يقول انا اعوضك اهلك والا ماتملين مني ياربي صح زوجي وعلى عيني وراسي بس انتي وأمي اشتاق لك حيل
    هجير: ضربتها مع كتفها وضحكت بين دموعها يالدوبا مايطلع لك قلب احترميه ودلعيه زين
    سلوى: حطت يدها على فمها صح نسيت وربي دلخة بسرعة انسى عاد زعله شين خلاص عطاني درس مانساه
    هجير: ضحكت وهـ فديتك
    طلعو سالم وسلوووى وطارت طيارتهم لماليزيا يقضون احلى شهر هناااااااك
    تم الجزا التاسع والعشرررون بزواج سالم وسلوى ثاني ثنائي اجتمعو بروايتنا ياترى منهم رقم ثلاثة
    دمتم لي بود
    اختكمومحبتكم دوما
    هموووسة ((امي روحي )






    رد مع اقتباس  

  5. #55  
    المشاركات
    3,260
    الـ ج ــزا الــثــلاثــووون
    في المزرعة
    استغربت البنات من فرحة تركي يوم شاف البنت والمراة
    تركي: بابتسامة فخمة حي الله ام اريام
    ام اريام: حياك الله وبياك كيفك ياولدي
    تركي: باحترام وبحنان وتقدير لأم اريام الي يعتبرها زي أمه دوم يارب الله لايغير عليك وأنا أبشرك بخير من ربي الحمد لله بدون مايناظر اريام كيفك اريام بشرينا عنك
    اريام : بخجل الحمد لله أنت كيفك
    تركي: دووم يارب الحمد لله بخير
    نورة: ماشاءالله تعرفون بعض
    ام اريام: ايه مو تركي الي تابع قضية أبو اريام الله يرحمه وماقصر يهتم فيني زي أمه تعرفينه رجال كفو والنعم فيه
    نورة: من غير نفس إيه ماشاءالله عليه
    حنين : ماتت من الغيرة يوم عرفت إن هذي اريام اصلا اريام واضح من جسمها بالعباية إنها حلوة لان جسمها خيال طوويلة حيل ونحيفة وعارفة من أمل ان اريام كانت تحب تركي
    تركي: طيب على إذنكم استأذن أنا هالحين تأمريني بشي ياخالة
    أم اريام: سلامتك ياولدي
    تركي: خلي السواق يروح تراني أنا راح ارجعكم
    ام اريام: لا ياولدي ريح أنت
    تركي:حلفت ياخالة على إذنك راح بسرعة علشان ماترفض
    حنين: خلااااااااااااص احترقت جواتهاااا
    رنا : تهمس لروان: اتمنى تكشف ابشوف وجهها احسها حلوة
    روان : بغيرة ماتوقع
    اريام: يوم راح تركي أخذت شغالتها عباتها كانت مجعدة شعرها وصابغتة خصل ملونة ومطولته ولونه برونزي وواضح لون عيونها الرمادي زي لون عيون أمها بس ماخذت بياض أمها ولابسة فستان من فرنسا قصير وتركوازي مشجر وتحته بدي اسود
    روان ورنا/ فتحتو فمهم من كشختها
    حنين: حست بالغيرة اكثر تتخيل شكل تركي واقف جنبها خلاص ماتت غيرة طلعت جوالها وجلست تعبث فيه علشان تشتت فكرها شوي عن اريام لعل غيرتها تطفى
    هدى:تعالي جنبنا اريام خلينا نتعرف عليك
    اريام:بخجل قربت منهم وجلست جنبهم
    هدى:هذي رنا وروان خوات وانا هدى وهذي حنين
    اريام: حياكم طبعا ماتعرف ان زوجته وحدة منهم تعرف انه متزوج بس منو ماتعرف لان تركي ماعلمهم كل شي
    حنين: متوترة حيل وتغلي جواتها بس ماسكة نفسها
    جلسو البنات سواليف وضحك وتعودت عليهم أريام بسرعة الا حنين طول الوقت ساكته وتغلي جواتها البنات مستغربين من سكوتها وضيقتها
    رنا: الا يا أريام ماشاءالله كل هالحلا ولسة ماتزوجتي
    أريام: بخجل بعضا مما عندكم أنا كنت مخطوبة بس ماكتب ربي وتفركشت الخطوبة وكل واحد راح لسبيله
    رنا وروان راحو يجيبون مكسرات وشاي وعصاير
    وهدى: راحت تتكشخ قبل مايجون أهل خطيبها
    حنين:استحت تخلي أريام لوحدها
    أريام: ضاق صدرها إن البنات الي فلة هم الي راحو وظلت معاها البنت الهادية السرحانة حاولت تلطف الجو بدال هالركود الي بينكم سألت حنين تركي يقرب لك او يقرب لهم
    حنين: وجعها قلبها يوم سألت عن تركي وحست بالغيرة اكبر قالت بدون نفس يقرب لي انا يصير ولد خالي الله يرحمه
    اريام: وهي تلعب بشعرها بنعومة وتتكلم وهي سرحانة ماشاءالله عليه رجال كفو ماانسى وقفته معانا أنا وأمي مرة مرضت أمي يومين بالعناية علشان ارتفع عليها السكر فجأة ماتخلى عني وعنها وجلس مرابط بالمستشفى حتى اضطر يأخذ إجازة
    حنين: وهي منزلة راسها وتكتب على الرمل وحمدت ربها إنها منزلة راسها لان جسمها زادت حرارته سكتت وماردت
    أريام: نست نفسها وتنهدت بقوة يابخت من راح تاخذه استغرب زوجته الغبية الي رافضة ترجع له اذكره قالنا انه متزوج ويموت فيها بس بينهم مشاكل بس مادري انحلت او لا ؟يعني واحد زي رجولته وشهامته منو يرفضه قليل بزمنا تلقين واحد زي صفاتها ماشاءالله عليه الله يحفظه بس ويسعده معاها او مع غيرها
    حنين: تجمدت يدها على الرمل شوي الا ترمي الرمل وتنفض ملابسها بدون نفس اريام مشينا داخل هنا حر
    اريام: فرحت انها راح ترجع داخل لأنها طفشت من سكوت حنين ردت بمرح اووووكي
    *********************************
    في الليل
    أمل: يالله ام اريام ترا تركي مصمم ترجعون معانا
    ام اريام: الله يسلمه ليه يغلب حاله السواق ماعليه تعب
    أمل : بفرح تعرفي اخوي غيور حيل ويقول ماقدر اخليهم يرجعون بطريق زي كذا بالليل متأخر يخاف عليكم ياقلبي هو
    اريام: ماتقدر تخفي ابتسامتها فرحانة حيل لاهتمامة ومشتاقة له حيييل
    حنين: تلبس عباتها وهي مقهووورة مرررة
    رنا: شكل الولد خاق معاها ومالومه وربي
    روان: تخسى تجي ربعي
    هدى: وربي انك واثقة حيل ههههههههه
    روان: ويحق لي اوثق جمال ودلال ماعلي قاصر
    هدى : وربي انك مصدقة حالك شوفي الجمال صدق والمال والدلال موزيك ياحسرة
    روان: ايه يازينك ساكتة بس
    حنين: مو معاهم عيونها تتابع بأريام وأمها
    تركي: قرب سيارته ونزل يالله ياخالة تنورون سيارتي
    أم اريام: منوره بصاحبها فديت قلبك
    اريام: تمشي وجسمها واضح جماله من تحت العباية
    حنين: تناظر فيه والابتسامة شاقه حلقه ابتسامته الي فقدتها حيل قالت بقلبها مالومك لو نسيتني والله يسعدك تستاهلها تركي ركبت السيارة مع طلال لان امها لحالها مع سواقها وحمدت ربها انها متغطية لانها تبكي طول الطريق وتكتم شهاقتها وتدعي ربها توصل بسرعة علشان ماتنفضح ويسمعها طلال
    طلال:عرف انها تبكي بس سوى نفسه مانتبه وعلا صوت المسجل مايبغى يحرج اخته وهو مجرب الحب وعارف كيف يحترق قلب الانسان ان شاف الي يحبه مع غيره لو كان مجروح منه يظل يحبه ويغار عليه
    ******************
    في غرفة حنين
    طلال: يالله حنونتي يكفي نوم
    حنين: قامت وعيونها متنفخة من البكاء
    طلال:راحمها علشان البارح وقرر يمشيها اليوم علشان تنسى
    حنين: ماله داعي طلال مالي نفس اطلع "مازال الحزن بوجهها"
    طلال: بمرح يحاول يسلي اخته انا ماسكة معاي الطلعة اليوم
    حنين: اجل ابدق على البنات
    طلال: بضيق أي بنات؟
    حنين: من غيرهم رنا وراون وهدى
    طلال: بضيقة لازم ؟
    حنين: ماتنفع الطلعة من غيرهم
    طلال:خلاص اجل ابكلم راكان
    حنين: يوووه لازم
    طلال: بابتسامة قرصها مع انفها ماتنفع الطلعة بدونه ههههههه بعدين ياست حنين تبغيني اجلس مع بنات !!!
    ***************************
    في المول
    راكان وطلال جالسين على طاولات بعيد عن البنات شوي
    البنات: ضحك وسوالف قدرو ينسون حنين ضيقتها البارح او بالأصح كانت تتناسى
    حنين: دقت على طلال طلول بليز ايس كريم من باسكن روبنز بالتوفي
    طلال:مبسوط ان أخته انبسطت من عيوني ياعيون طلولي
    راكان: ابتسم وتمنى يجي اليوم الي حنين تطلب منه حياها وأدبها وهدؤها يجذبه له أكثر واكثر
    طلال: جايب آيس كريم ومتوجه لطاولة البنات
    هجير: كانت جاية هي وابوها للمول وشافت طلال ومعاه ايس كريم ومبسوط ويمشي فز قلبها يوم شافته قلبها يدق طبول الفرح تحبها مووت ومشتاقة له حيييل تابعته بنظراتها وشافته متوجه لطاولة بنات عرفتهم بسرعة
    رنا: يوم شافت هشام ودققت بشكل البنت الي معاه عرفت هجير بجسمها بالعباية قامت بسرعة وتوجهت لطلال قبل يوصل لطاولتهم وأخدت منه الايس كريم
    طلال: ناسي نفسه ومبسوط ان أخته تضحك له وتعلق عليه ونست حزنهاوكان يضحك لها ويرد عليها ويعطي الايس كريم رنا بدون مايشعر بنفسه
    هجير: انصدمت وانجرحت توقعت ان كل هالفرحة والوناسة مع رنا لانها تشوفهم من بعيد ماتسمع كلامهم بس تشوف ابتسامات وآيس كريم توزعه رنا من يد طلال
    طلال: طالع قدامه ويشوف هشام يمشي مع بنت عرف بسرعة انها هجير بس يوم رفع عيونه لها شدت يد ابوها وعطوه ظهورهم راجعين عيونه تعلقت فيهم حتى غابو عن عينه حتى ماحس بالبنات وهم يكلمونه سكر بشوفة زولها مشتاق لهااااااا موووووووووووت
    رنا: انقهرت يوم شافت سكرته عرفت انه شافها
    حنين: تأشر بيده هيه طلولي وين سرحت
    طلال: انقلب مزاجه واختفت ابتسامته لا معاكم بسرعة كولو الايس كريم لأننا راح نرجع
    رنا: بدلع لسه ماملينا طلال
    طلال: بعصبية عمركم مامليتو بسرعة قلت يالله راح نرجع رجع وجلس على الطاولة سرحان
    راكان: ايش فيك ياخوي انقلب مزاجك كذا
    طلال: شفتها راكان شفتها بس يوم شافتني صدت عني احسها موطايقتني انا اموووت فيها والشوق يحرقني لشوفتها وهي تكرهني مالومها موقادرة تسامحني الي سويته فيها موبسيط
    راكان: ليه ماترجعها
    طلال: اخاف اكلمها تطلب الطلاق وان طلبت ماقدر اجبرها أنا عانيت مع أختي حنين كيف أرضاها لهجير ومارضاها لحنين
    راكان: لوطلبت الطلاق راح تطلقها
    طلال: أكيد إن كانت رغبتها أنا مونذل زي تركي اغصبها علي وهي عايفتني بس قل آمين الله لايقولها
    راكان: آمــــــــيــــــــن






    رد مع اقتباس  

  6. #56  
    المشاركات
    3,260
    ***********************
    في بيت هشام
    على سفرة الغداء
    هجير: كانت تلعب بملعقتها سرحانة وحزينة صورة فرحة طلال برنا ماغابت عن بالها
    عفاف: حبيتي هجيرماكلتي شي
    هجير: تتصنع الابتسامة الا خالتي هذاني اكل
    عفاف: ياقلبي ماعجبك اجيب لك شي خفيف يمكن الاكل ثقيل عليك
    هجير: لاخالتي لاتكلفي على نفسك الحمد لله شبعت على اذنكم
    هشام: مسكها مع يدها الى متى هالحال هجير
    هجير:بلعت ريقها وعارفة يتكلم ابوها عن ايش , يبه أي حال؟!؟!
    هشام: بهيبته انتي عارفة عن ايش اتكلم شوفة عينك شفتيه اليوم لاهي ولاداري عن دارك ولاسال عنك ولاحاول يكلمك خلاص يابنتي مافيها كلام اسمحي لي اخليه يطلقك بالطيب بالقوة اهم شي يطلقك هو مارضاها على أخته اكيد ماراح يرضاها عليك
    هجير: بضيقة الي تبغى تسويه سوه يبه بكفيك
    عفاف: بحكمة حبيتي لاتقرري شي حتى تستخيري
    هجير: خالتي استخرت وخلصت خلاص يبه الي تبغاه سوه وراحت لغرفتها
    هشام: تنهد براحة أخيرا رضت أخيرا ابحرر بنتي وأزوجها رجال كفو يستاهلها ويقدرها
    عفاف:حبيبي لاتظلمه يمكن له أسبابه اسمع منه قبل ماتستعجل الي أشوفه إن هجير تحبه موبس تحبه إلا أحسها تموت فيه واضح البنت الي تحب بدون ماتتكلم
    هشام: قام من السفرة مصيرها تنساه هو مايستاهل حبها
    *****************************
    في مكتب طلال
    طلال: خلاص لؤي لازم تحجز لي على أول طيارة موعد عملية عمي ابو ابراهيم بكرة ولازم اكون جنبه يالله مع السلامة سكر السماعة ويتأكد من الشغل قبل مايروح دق جواله بدون مايشوف الرقم رد بس انصدم ووجعه قلبه يوم سمع صوته
    هشام: هلا طلال
    طلال: هلا فيك زود
    هشام: كيف الحال بشرني عنك
    طلال: يسرك الحال
    هشام: مابي اطول عليك بس حبيت ا قولك اني ابي منك موعد نروح للمحكمة
    طلال: عقد حواجبه وزادت دقات قلبه والي خايف ويتهرب منه حصل قال ليش !؟!؟!؟
    هشام: علشان تطلق هجير وكل واحد يروح بسبيله انت تشوف حياتك وهي تشوف حياتها
    طلال: بلع ريقه وتذكر موقف تركي يوم يطلب منه يطلق حنين حس بمعناته جد قال وهجير ايش رايها؟
    هشام: تعرف مستحيل اسوي شوي بدون رايها
    طلال: يعني هي تبغى الطلاق
    هشام: اكيد والا كان ماطلبته منها لو موحابة تطلق منك كان احترمت رايها وهي حرة بحياتها
    طلال: كفو يابوهجير وعارفك مستحيل تغصبها على شي ماتبغاه ومادام هذا رأيها انا بعد احترم قراراها والي تبيه يصير بس بعد مارجع من السفر لان رحلتي هالليلة عندي رحلة ضرورية ماتتاجل "يحاول يظهر انه قوي ومومهتم وهو يحترق وحس بسكاكين تنغرس بقلبه"
    هشام: تروح وترجع بالسلامة بس اول ماترجع نروح للمحكمة
    طلال: ان شاءالله وسكر السماعة ومسك راسه وجلس يفكر خلاص مافيه أمل ترجعين لي هجير ااااه بس قهرررر بس شي مقدر ومكتوب اننا نظل بعدين عن بعض كل مانقرب خطوة تبعد الف خطوة
    هشام: سكر السماعة وتنهد براحة بس مايخفي انه تألم لأنه تمنى ان طلال يعارض زي تركي ماتمسك بحنين موكأنه هم وانزاح رحم بنته الي حبت إنسان ماحبها طلع من مكتبه وراح لغرفة هجير تردد يدخل او لا وقف عشر دقايق كل مايقرب يبعد بس توكل على ربه وقرر يعلمها لازم يعلمها لانها هي صاحبة الشان
    هجير: كانت مستلقية على سريرها وتقرأ بكتاب سكرت كتباها وابتسمت لابوهااهلين يبه منور غرفتي
    هشام: رحمها اكثر وهو يشوفة ابتسامتها جلس جنبها وحضنها على جنب حب يمهد لها الموضوع ويبسطه لها علشان ماتحزن لأنه عارف انها تحبه وتموت فيه صح ماصرحت له بس واضح بعوينها حبها له هجورة خلاص حبيتي جاء فك سراح اسرك من طلال اخير ابستم لها بحنان
    هجير: كان ابوها صب عليها موية حارة قالت بهدوء كلمته
    هشام:" حب يبسط عليها الموضوع ومايقولها ماصدق قلت له طلقها ورماك" ايوه كلمته وماقصر كان متفهم الموضوع وقال مادام رغبة هجيرننفصل انا احترم قراراها بس عنده سفرة مهمة اول مايرجع واعدني انه راح يفك اسرك منه
    هجير: ماتكلمت ومارفعت راسها لابوها
    هشام: حس بحزنها حس بألمها وتقطع قلبه لها رفع راسها بيده وتفاجأ بدموعها الي متحجرة بعيونها قلبي لاتبكي على واحد مايستاهلك وربي الف غيره يتمنونك
    هجير: هنا انفجرت عجزت تتحمل أكثر ضمت ابوها وبكت على صدره خسارة حبي له على طول رماني بسرعة نساني وين وعده لي يبه ووووووووين وبكت بشدة
    عفاف: دخلت يوم سمعت بكاها جلست على طرف السرير الثاني وضمتها حبيتي هجير هو الخسران موانتي منو يحصلك ويفرط فيك الامجنون
    هشام: صادقة عفاف الي يفرط فيك مافيه ذرة عقل اسألي خالتك كم وحدة خطبتك لابنها بزواج سلوى وانا ازعجوني عندك يوم اخبرهم انك لسه على ذمة رجال مايستاهلك يتضايقون حيل
    هجير: بعدت عن حضنهم ومسكت راسها وتبكي مابغاكم تواسوني خلاص مابغى اتزوج ومابغى أي سيرة رجال بعده كرهتم كلهم
    هشام: بس يا.
    عفاف: اشرت له انه يسكت لان هجير بحالة حزن وعصبية صعب احد يكلمها اشرت له خليها تفضفض
    هجير: بكت بكت وكل ماتتذكر كلامه ووعدوه لها تبكي اكثر
    عفاف: ضمتها خلاص ياروحي قطعتي قلبي ودمعت عيونها معاها
    هشام: عجز يتحمل حزن بنته وكره طلال اكثر هجير ان كان لي ذرة غلا وخاطر بقلبك لاتبكي على انسان ذلك وخيب ظنك موبنتي الي تذل عمرها لأحد
    هجير: ماذليت عمري له
    هشام: تحسرك عليه وهو ماحس فيك لحاله ذلة لي ولك
    عفاف: ماتبغى هشام يضغط على هجير لانها عارفة انها لازم تطلع الحزن الي بقلبها قالت هشام موبنتك الي تذل عمرها صدقني مرحلة وراح تعدي هي موحب فيه بس مصدومة من تصرفه خلينا نتركها ترتاح الحين وبكرة صدقني راح ترجع هجير الي ترفع راسها ولاتنزله لأحد مسكت يد هشام وطلعته وسكرت الباب على هجيرلأن عفاف عارفة ان هجير تبغى تطلع الي جواتها لوحدها تعرف ان الإنسان اذا صار يبكي يحب يكون لحاله لازم يطلع الحرة الي بقلبه بعدها تخف حدة حزنه
    هجير:جلست تبكي بقوووة وكل ماتحاول تهدا تبكي ثانية اقوى من الأولى قامت لدولابها وطلعت التي شيرت حقته ليه تخليت عني طلال ليه هنت عليك ليه غشيتني بحبك ليـــــــــــــه اكرهك ياطلال اكرهك ومستحيل اسامحك راح ابعدك عن قلبي الي الأبد خسارة حبي لك سنة ومافكر بغيرك سنة وانت ماتفارق خيالي سنة وانا اتمنى اللحظة الي ترجعنا لبعض انا الغبية الي اوهمت نفسي انك تحبني انا الغبية الي اختلقت لك اعذار لان قلبي يعشقك اكرررررررررهك
    طلال: في غرفته ماسك فستانها مستحيل انساك ياهجير حبك انحفر بقلبي ماتمحيه السنين لو نسيتني الحين وطلبتي تتركيني ماتطلعي من قلبي الا بطلعة روحي عن جسمي احبك هجير احبك
    انتهى الجزا الثلاثون
    هل ياترى راح يطلق طلال هجير؟
    تركي راح يتزوج اريام بعد مانفسخت خطبتها؟

    راح تصير احداااااث جديدة ومثيررة ويمكن تغير مسار روايتنا يمكن ترضيكم او تزعلكم مثل العادة بس اتمنى ترضيكم كل هذا راح يصير بالجزأ الواحد والثلاثوون انتظرووووووني
    فائدة :
    أنس بن مالك رضي الله عنه قال : سمعت رسول الله صلى الله عليه وسلم يقول : ( قال الله عزوجل : يا ابن آدم ، إنك ما دعوتني ورجوتني غفرت لك ما كان منك ولا أبالي ، يا ابن آدم ، لو بلغت ذنوبك عنان السماء ، ثم استغفرتني غفرت لك ، يا ابن آدم ، إنك لو أتيتني بقراب الأرض خطايا ، ثم لقيتني لا تشرك بي شيئا ، لأتيتك بقرابها مغفرة ) رواه الترمذي ، وقال : " حديث حسن صحيح " .
    الله لايحرمنا من رحمة رب العباد
    دمتم لي بود
    اختكم
    هموووسة (((امي هي روحي
    )))






    رد مع اقتباس  

  7. #57  
    المشاركات
    3,260
    الجزا الواحد والثلاثووون
    في غرفة حنين
    حنين: نايمة على سريرها كانت تعبانة يومين ماحد سال عنها ولا اهتم فيهاطلال مسافروهشام الي كان يسأل عنها ويهتم فيها مسافر عند عمه ابو ابراهيم ,,, وتركي آآآه ياتركي الي كان ينجن ايام الخطوبة لو يعرف ان فيها سخونة بسيطة يجبرها تروح لمستشفى دلة وتسوي فحوصات شاملة
    تركي: مستحيل اخليك
    حنين:حبيبي مافيني شي دوخة بسيطة بس يمكن من السهر
    تركي: حنونتي بسرعة البسي عباتك انا ابشغل السيارة
    حنين: بس تركي ماكملت كلامها لأنه سبقها لسيارته ابتسمت بحب وراحة
    راحو للمستشفى
    تركي:هاه دكتور طمنا
    الدكتور:لااجهاد بسيط وشكل المدام تدلع عليك
    تركي:بحزم متأكد من كل الفحوصات
    الدكتور: ايوه ياباشا كل شي تمام وفل الفل
    تركي:يالله حنونتي مشينا
    حنين: بالسيارة شفت حبيبي بس كلفت حالك على الفاضي
    تركي: كم عندي حنين
    حنين: الله لايحرمني منك تركي
    تركي: بحزن ولامنك
    حنين: ناظرته وقالت بحنان احبك تركي
    تركي: لف وناظرها شوي وناظر طريقه قال بحزن وألم وربي اني امووت فيك حنين
    حنين: تنهدت بضيق ومسكت راسها وحرارتها تزيد موقادرة انساك ياتركي موقادرة ودمعت عيونها احبك وربي احبك وذكرياتك مغروسة بقلبي علقتني فيك وجرحتني عذبتني معاك ياتركي خلاص مابقى غير شهر وماكون زوجة تركي راح اكون طليقة تركي اااااااااه بس من زود الحرارة نامت وهي ماتحس بنفسها نامت ودموعها ماتفارقها من يوم طلاقها وهي ماتنام الا على دموووع وحسرة وعذاب والم
    ***************
    في القصر
    جولين: انا تضربيني مس نورة تيب انا الحين اعرفك ايش تسوي جولين تأكدت ا ن الي في القصر نايمين وصبت قاز ووولعت النار وهربت براااا
    نورة: قامت على ريحة حريق فتحت غرفتها شافت حريق بدا يشتعل ركضت برا وجلست تصارخ
    الخدم: الي يهرب والي دق على الدفاع المدني
    نورة: تذكرت فلوسها ركضت تبي تدخل
    الناس:حاولو يمنعونها صرخت فيهم فلوسي مجواهراتي مستحيل اتركها
    حنين: مرتفعة حرارتها حيل قامت مفزوعة من صوت انفجار بالدور الأرضي لمست راسها توقعت انه من زود الحرارة صارت تتوهم بس جلست تكح وحست انها مخنوقة قامت من سريرها راحت جهت الباب حاولت تفتحه موقادرة توها تدرك انه بيتهم يحترق جلست تضرب باب غرفتها وتصرخ بس مافيه احد راحت للشباك حاولت تفتحه ماقدرت من زود الانفجار تسكر كل شي خلاااص عرفت ان الموت جايها لامحالة جلست ضامة رجولها لصدرها بزاوية غرفتها حطت راسها بين رجولها وصارت تبكي وتتذكر كل شريط حياتها
    راكان: سمع بالخبر وجاء يركض منو فيه داخل
    هيتي: وهي تبكي مس حنين جوا ومدام نورة رجعت داخل
    راكان: حزززن علشان حنين جوا يطالع في البيت كل شوي تزيد ناره صعب يدخل جوا معناته هلاكه الدفاع المدني ومن برا يحاولون يطفون لهيب النار الي كل شوي يسمعون صوت انفجار من احد اسلاك الكهرب راكان راح من جهة غرفة حنين وشاف خيال بنت تحاول تفتح الشباك موقادرة عرف انها حنين مات من القهر يلف على حوله مايعرف كيف يتصرف
    نورة: دخلت جو زي المجنونة تدور على مجوهراتها تناظر بقصرها الي اهتمت فيه سنين أثاثها الي تتفاخر فيه يحترق قدامها زادت النيران تحركت جهة غرفتها كان جهة الغرفة الي فيه خزنتها ماجاه النار لان القصر كبير جهة وجهة حطت المفتاح وحاولت تفتح كانت تلهث من التعب والحر والخوف ايدينها خايفة ومتوترة بس ماتبغى تترك مجوهراتها لطمع اعمها عن كل شي حتى مافكرت ببنتها مافكرت بنفسها انها تعرض نسفها للخطر امولها ومجوهراتها وبس,,, الدخان كتمها حاولت تطلع تمشي وهي تمشي وضامة صدنوق مجوهراتها فقع فيها احد اسلاك الكهرب طاحت على لأرض وصررررررخت بقوة وطاح صندوق مجواهراتها وتبعثر على الارض حتى الحين ماغمي عليها تحاول تصرخ تستنجد باحد كانت تتألم وتحس كل جسمها يحترق الم ماينوصف
    حنين: فرعت يوم سمعت صراخ أمها ركضت للباب وتحاول تفتحه تضربه بقوتها وهي تبكي بقوة يــــــــــــمـــــــــــــــــــه
    نورة: سمعت صوت بنتها تحاول توقف بس الحروق شديدة صرررخت بأعلى صوتها حنين انقذيني حنين لاتتركيني
    حنين: تضرب بالباب بقوة يمممممممممه راحت للشباك تحاول تفتحه تشوف الناس متجمهرين تحت تأشر لهم بجون جدوى ركضت للباب ومازالت تسمع صوت أمها ضاقت فيها الجنيا مسكت اذانها بيدينها وجلست تبكي وتبكي رجعت ثانية تنادي يممممممممه تسمعيني يمه تماسكي الحين ينقذونا ان شاءالله تنتظر أمها تجاوبها بس مالقت رد نادت بأعلى صوتها بجسم انهكه المرض يمه يمه يـــــــــــــــــمـــــــــه

    تركي:كان يبي يسافر بس متعود كل مايروح للمطار يمر من عند اطلال حبيبته يطالع شباكها ويمشي مر شاف اللهب واضح من بعيد وتجمهر الناس خاف وزادت دقات قلبه يدعي ربه انه النار موفي القصر يردد يارب سترك يارب لطفك سكر سيارته بعيد وجلس يركض حتى دخل للحديقة قرب لراكان الي واضح انه متوتر وخايف بصوت عالي لأنه مايسمعه من اصوات الناس والدفاع المدني سأل راكان فيه احد جوا
    راكان:بحزن وألم ايه حنين وام طلال جوا
    تركي: بعصبيه وانت جالس تتتفرررررج
    راكان: لاقلت للدفاع المدني وهم يحاولون يساعدونهم
    تركي: جباااااااااان جاء يبي يدخل
    راكان: مسك يده مجنون تدخل بوسط هاللهب الي كل شوي يزيد
    تركي: بعصبية اكثرسحب يده من راكان اكون مجنوووووون لو تركت حنين تموووت قدامي نموت سوا او نعيش سوا ركض جهة الموية وبلل شماغه وتلثم فيه ودخل يركض كان الدخان كثيف وجلس يكح وصار يركض زي المجنون شاف وحدة طايحة مايشوف زين من كثر الدخان وجعه قلبه خاف انها حنين قرب لها ورفع راسها عرف انها نورة حركها فاقت من غيبوبتها وناظرته بحزن تركي طلبتك لاتتركني ونزلت دموعها تألم لحالها شالها بسرعة حمد ربه انها بالدور الارضي عطاها شرطي من الدفاع المدني كان معاها اليات يطفي الحريق وقريب من الباب
    الشرطي: وين راح تروح ؟
    تركي: طنشه وطلع فوق
    الشرطي: مجنوون تهلك نفسك
    تركي:حاول يطبق كل حركة تقلل من اختناقه لانه اخذ دورة في الحرايق لأنه عسكري راح لغرفة حنين حاول يفتح ماقدر بكل جسمه يضرب بالباب وهو يحس بالحرارة تزيد واللهب كل شوي يقرب منه وكل دقيقة تمر مو من صالحه كان العرق يتصبب من جسمه ويلهث وكل شوي يحس ان الاختناق زاد عليه وخاف تضعف قوته أخذ يضرب الباب بجسمه المنهك بكل مابقى من قوته ويرتجي ربه انه يساعده بانقاذ حبيبته
    حنين: ضاقت عليها الدنيا يوم انقطع صوت أمها نست المها وخوفها لانها خافت وحزنت على أمها اكثر جسمها ماعاد يتحمل وكل شوي تختنق أكثر حتى دموعها جفت سحبت نفسها على سريرها وتشهدت فجأة حست بأحد يضرب بقوة على بابها رفعت راسها للباب تشوف الباب كل شوي يهتز أكثر فرحت ان ربي رحمها وان الدفاع المدني عرفو مكانها وجو ينقذونها اخيرا انفتح الباب بعد عناء طويل تفاجأت بالي دخل آخر واحد توقعت وصوله حبيبها الي احرق قلبها حبيها الي اشغل بالها حبيبها ناظرته وهي مبهورة عجزت تتكلم
    تركي: بعد جهدوعناء طويل اانفتح الباب اخيرا شاف حنين وواضح عليها التعب مافيه وقت يضيعه اكثر فسخ شماغه ولفه عليها خاف عليها تختنق طبعا مايقدر ينزل لأن النار حاصرتهم راح للشباك حاول يفتحه ماقدر قالها بعصبية ابعدي
    حنين:خايفة وتعبانة حيل بعدت عنه
    تركي: مسك كرسي وكسر الشباك قرب لها قالها تمسكي فيني زين وغمضي عيونك ولاتطالعي تحت
    حنين:نفذت كلامها وحضنته وغمضت عيونها
    الدفاع المدني:جهزو تحت كل شي حتى يقفزون حنين وتركي بدون مضرة
    حنين: شادة على خصر تركي بكل قوتها وحست بالأمان معاه
    تركي:كان يتألم لان اللهيب جاء على ظهره بس متحمل ومتوكل على ربه قالها لاتطالعين تحت وغمضي عيونك
    حنين: غمضت عيونها وتسندت على صدره
    تركي: سم بسم الله وقفز هو وياها بس حريص انها ماتتضرر بشي
    الناس: مبهورين بالي يشوفونه وكلهم شادين اعصابهم ويدعون ربهم انهم يطلعون بالسلامة يوم شافوهم قفزو الي يصرخ والي يصفر والي يكبرر من الفرررحة لهم
    راكان:خنقته العبرة فرحة بسلامتهم واحتقار لنفسه انه قارن حبه لحنين بحب تركي لها عرف انه مايستاهلها سحب نفسه وراح للمستشفى يتطمن عليهم حتى يرجع طلال من السفر الي يوم عرف حجز على اقرب طيارة
    ****************
    في بيت هشام
    هشام:دخل الظهر ووجهه متغير مية وثمانين درجة
    عفاف:حبيبي بسم الله عليك ايش فيك
    هشام: بحزن وهم القصر احترق
    هجير: قامت من الكرسي أي قصر يبه وقلبها يدق طبول
    هشام:جلس بحزن قصر اهل طلال كل الجرايد اليوم تتكلم عنه
    هجير: شهقت وحطيت يدها على فمها
    عفاف:يارب سترك لايكون احد جاه شي
    هشام: تنهد بضيق نورة بين الحياة والموت نورة بالعناية المركزة
    عفاف: صح رحمتها كأي مسلمة ماتتمنى الشر لمسلمة ثانية بس غصب غارت من اهتمامه وحزنه بلعت غيرتها الله يشفيها يارب
    هشام: بحزززن آآآآآمين
    هجير:جلست جنب ابوها بقلق والعبرة واقفة بحلقها يبه وحنين وطلال
    هشام:طلال مسافر وحنين انقذها بعد الله تركي من جد انه رجال كفو يشن دبه الظهر قليل مثله ومثل شجاعته بس هو تضرر شوي والحين كلهم بالمستشفى يالله هجير البسي عباتك وواسي حنين تراها محتاجة لنا حييييل اخوها شويات ويجي كان مسافر المانيا علشان عمه وانتي عفاف ان حبيتي تجي معنا
    عفاف: وهي تبلع عبرتها لاحبيبي روحو انتم الحين وانا المرة الثانية
    هشام: بحماس ونسى نفسه حياتي انتي حنونة ابغاك تواسين حنين وربي محتاجة للي يواسيها مصيبتها موهينة امها بين الحياة والموت قصرهم واحترق اخوها بعيد عنها
    عفاف:تحاول تتحمل حبيبي روحو اليوم لها لحالكم لأنها ماتعرفني أكيد راح تكون منحرجة مني
    هشام: بدون نفس خلاص عفاف براحتك يالله هجير مافيه وقت وطلع وركب السيارة
    هجير:ركضت تلبس عباتها وتغالب عبرتها ماتبغاها تطلع معقولة الي صار ياسبحان الله يارب تستر على خالتي وحنين وتركي وتبرد على قلب طلال يااااااااارب
    *************************






    رد مع اقتباس  

  8. #58  
    المشاركات
    3,260
    في المستشفى
    حنين: تبكي بشدة
    رنا:خلاص حنين من البارح وانتي كذا
    هدى: جلست جنبها استهدي بالله حنين
    حنين: ماترد عليهم بس ماسكة راسها وتبكي ماتكلم أحد
    خالتها ام رنا: يابنتي من البارح وانتي على هالحلة ماتردي على احد ولا اكلتي شي
    روان: موراضية تكلمنا
    هشام:وصل بسرعة للمستشفى لأنه كان يسوق بسرعة خايف على حنين وراحم حال نورة
    هجير: نزلت بسرعة وقلبها يدق بخوف وقلق وحزن يبه وين غرفة حنين
    مع انها خايفة من مقابلة حنين لها من بعد المشاكل الي صارت ماتدري كيف قبول حنين لها بس برضو تظل صديقتها وحبيبتها
    هشام: بسرعة هجير يقولون بغرفة رقم خمسة
    هجير: سمت بسم الله وطقت الباب
    هدى: ابروح اشوف منو عند الباب يارب أمل يمكن تقدر تهديها تفاجات يوم شافت هجير هلاااااا هجير حياك وسلمت عليها بشوق وفرح
    هجير: بلعت عبرتها هلافيك ياقلبي
    هشام: ابعد عن الباب علشان هدى
    هدى:جابك الله تعبنا مع حنين موراضية ترد علينامالومها اخوها لسه ماوصل وأمها الله يقومها بالسلامة بين الحياة والموت بس دقايق ابخلي البنات يطلعون علشان عمي هشام يدخل اذكر غلاته عند حنين
    هجير:طيب انتظرك
    هدى: بسرعة بنات اطلعو
    رنا: ليه
    هدى: بعصبية بدون ليه مابغت تقول ان هجير وهشام عند الباب تبغى حنين تعرف ان شافتهم
    ام رنا: يالله بنات طلعنا
    رنا وروان طلعو بس يوم شافت رنا ان هجير وابوها ماتت قهر بغت ترمي كلمة بس روان قرصتها مجنونة هذا وقته
    هجير: دخلت بهدوء وهي خايفة وقلقانة على حنين
    حنين: كانت منزلة راسها بين رجولها وتبكي
    هشام: قرب منها وهو متقطع قلبه على حالها حط يده على كتفها
    حنين: قبل ماترفع راسها تعرف هاليد زين موغريبة عليها دعت ربها انها موتتوهم رفعت عيونها وشافت قدامها هجير وهشام بكت أكثر
    هجير: قربت منها وهي تبكي وحضنتهاخلاص حبيتي هدي علشاني
    حنين: بصوت باكي هجير اخيرا جيتي محتاجة لك كثيرررر انتي وعمي ناظرت بعمها عمي فقدتك حيييييل فوق ماتتصور
    هشام: جلس طرف السرير وحضنها
    حنين: توها تتكلم وتطلع الي بقلبها "منظر يفوق الوصف ليتني ماسمعت صوت أمي وهي تصرخ وتناديني اساعدها ويختفي صوتها عني وانا ماقدر اسوي شي بكت أكثر ليتني ماشفت أمي يوم يشلونها الاسعاف منظرها يفوق الوصف وانينها يقطع القلب , ليتني ماشفت تركي واللهب على ظهره ليتني ماشفته وهو بسيارة الاسعاف وهو يتصبر بس واضح انه يتألم حيل كل هذا سواه لوحدة زيي ماتستاهل وتبكي أكثر وأمي ليتني مت وماشفت كل الي صار آآآآآآه ياربي رحمتك بس
    هجير: عجزت تتكلم وكانت تبكي معاها
    هشام: يابنتي تعوذي من ابليس واستغفري ربك ولاتتمنين الموت والي صار مقدر ومكتوب من ربك وأمك ان شاءالله تقوم بالسلامة
    حنين: تهز براسها وتبكي أكثر لانك ماشفتها تقول كذا أمي اختفت معالمها ياعمي وزاد بكاها منظر مستحيل انساه
    هشام: ربك قادر على كل شي وياكثرهم ناس زيها وقامو بالسلامة وانا هالحين ابروح اتطمن على حالتها وراح ارتب انا وطلال لها مستشفى بالخارج يستقبلها ويعالجها
    حنين: وهي تمسح دموعها ليه تسوي كذا ياعم وهي آذتك انت وهجير وظلمتك معاها ليه تعاملونا كذا انت وتركي واحنا مانستاهل خلونا نموت ارحم من انكم تعذبوننا ببطء احنا مانستاهل طيبتكم
    هشام:ماحب يزيد عليها وماتحمل بكاها مع انه رجال بس الموقف كبير وصعب عليه طلع وخلاهم
    هجير:وهي تبكي حياتي علشاني هدي أمك محتاجة دعاك مومحتاجة دموعك
    حنين: ليتني اقدر هجير بس الموقف فوق الوصف كان رهيييييييب ومؤلم لابعد حد
    طلال: اخيرا وصل جاء ركض على المستشفى لهث تعبان سأل عن حالة أمه طبعا منعوه يشوفها حاليا اصر يشوفها قالو بعد يومين بس الحين مومن مصلحتك تشوفها تركهم وراح يتطمن على حنين دخل بسرعة غرفتها بدون مايطق الباب
    هجير:كانت معطته ظهرها وحاضنة حنين فزت يوم دخل بسرعة عدلت نقابها
    طلال: مع انه بقمة الحزن بس عرفها هي ماغيرها حبيبة قلبه ساكنة خياله الي مايتحرك قلبهاالا لها دخل وحاول يتماسك مع انه واضح على عيونه ان ماذاقت النوم دخل وسلم
    هجير: بهمس وعليكم السلام طهور ماجاكم بدون ماتذكر اسمه
    طلال: اللهم آمين قرب لأخته الي ارتمت بحضنه من اول ماشافته
    هجير: سحبت نفسها بس يوم طلعت من الباب لحقها طلال
    طلال:هجير
    هجير: بهدوء لبيه
    طلال: اخذ نفس وحاول يتماسك رد بهدوء لبيتي بمنى بس ممكن هجير ماتبعدين عن حنين هالفترة ا ن ماكان عليك أمر مهما جلست معاها هي تحب تفتفض لك وانا تعرفين بين أمي الله يشفيها وبينها قالها بحزن
    هجير: رفعت عيونها له رحمت شكله هالات سوداء تحت عيونه واضح انه مرهق حيل والحزن باين على وجهه مع انه حب يكون قوي وماينهار لان اهله محتاجين لقوته ردت بهدوء من عيوني مستحيل اتخلى عن حنين
    طلال: ناظرها بحزن وألم اعرف مالنا وجه بعد الي سويناه فيك بس
    هجير: لاتكمل طلال حنين أختي ماجابتها أمي ورجعت دخلت عند حنين ماتبغى تطول معاها بالكلام أكثرصح راحمته وحمدت ربها انه ماصابه شي بس مازالت مجروحة منه حيييل
    طلال: وهو يشوفها دخلت تنهد بحزن عظيمة وتظلين عظيمة حنونة زي ماعرفتك ااااااااه بس ياهجير
    *****************
    عند تركي
    تركي: كان على السرير وظهره ملفوف بشاش وآثار حروق بسيطة وسطحية على وجهه والأكسجين على فمه لأنه اختنق يوم فسخ شماغه ولبسه حنين
    طلال: دخل بخجل وانكسار مسائك الله بالخير يابوسلطان
    تركي:ابعد الاكسجين عن فمه ورد بحزم زي عادته مسائك الله بالنور يابو فهد وسلامة عمتي الله يقومها بالسلامة ويخلي لك حنين ويعوضكم عن قصركم يارب
    طلال:جلس على الكرسي وتنهد بحزن الفلوس والقصر تجي وتروح بس أمي الله يردها لنا وناظره وحنين لو شكرت لك من اليوم لبكرة على وقفتك وانقاذك لها وتعريض نفسك للخطر ماوفيك
    تركي: وهو يتكلم طلال رفع يده يعني لاتكمل ناظره طلال لاتشكرني على واجب اقوم فيه أي انسان لو ماعرفه و اشوفه يحترق مستحيل اخليه كيف ان كانت حنين
    طلال:كفو يابو محمد وسامحنا على قسوتنا عليك
    تركي:مايحب احد يمدحه لأنه سوا هالشي وهو مقتنع فيه ماينتظر شكر من أحد غير ربه غير السالفة بشرني عن عمتي
    طلال: تنهد بضيق أمي حالتها خطيرة ياتركي بس ربك كريم
    تركي: ونعم بالله
    تركي: كان يبي يسأل عن حنين بس تراجع . خاف ان طلال يفهمه غلط ويطن انه ساعدها خلاص يقدر يجبرهم يرجعونها له وهو خلاص حاط بباله انه ماراح يرجعها بيوم لأنها هي اختارت تتركه مايبغى ترجع له كرد جميل مادامها ماتحبه لاترجع له لو أن قلبه مولع فيها
    ***********************
    في غرفة العناية المركزة
    جسم هامد بين اسلاك المغذي واجهزة القلب وجهاز التنفس الصناعي على انفها سبحان مغير الأحوال بعد ماكنت شامخة مغرورة بأموالها ومركزها الاجتماعي الآن جثة محترقة بلاحراك
    حنين: اصرت انها تشوفها مع ان طلال رافض بس هي مصممة دخلت وهي بحضن اخوها قربت منها وشافت وجه محترق وجسم منتفخ وين نورة الي ترسم حواجبها وتنمصها والعياذ بالله الاظافر الي ماتزيل المناكير فيها وتبردها كلها راحت البشرة الي كل فترة تشدها وتسوي عملية تجميل كله سراب بسراب مابقى غير عملها بس ,,, حنين قربت وهي تمنع شهقاتها لأن الأطباء مانعين احد يكلمها
    طلال: يتظاهر القوة بس جواته يحترق صح عمرهم ماحسو من أمهم حنان بس تظل أمهم ويظل الابن يحن على والدينه لو ايش ماسوووا
    نورة:تحرك رموشها بهدوء
    حنين: ناظرت بطلال بخوف
    طلال:حضن اخته اكثر وهو يطالع بأمه وتزيد دقات قلبه ويدعي ربه
    نورة: فتحت عيونها بشويش لأنها تحس بالي حولها وتتألم طالعت فيهم وتحاول تتكلم
    طلال: اشر لها انها تسكت
    نورة: بهمس يالله تطلع كلامها سامحني طلال سامحيني حنين
    حنين:هنا انهارت وبكت اكثر يمه احنا مسامحينك بس ارجعي لنا يمه احنا نبغاك
    نورة: بتعب متى حنيت عليكم علشان تبغيني حنين كل سنين ماعمري حسستكم بحناني كنت ابشع صورة أم بالعالم غروري اعماني عن كل شي قسيت على اغلى ناسي بدون رحمة اهم شي عندي نفسي وذاتي
    طلال:يمه طلبناك لاتعبي حالك ولاتعتذرين لو ايش ماسويتي احنا نبغاك
    نورة: تنهدت بضيق ويزيد التعب فيها تعرف طلال ان ألم حروقي الحين لاشي عند الم قلبي يوم اشوف الانسان الي ظلمته هو واخته هو الي ينقذني يوم اشوف عيالي الي ظلمتهم علشان احقق مصالحي يبغوني ويحبوني مع اني ماستاهل حبهم
    طلال: يمه طلبتك لاتكملي مهما صار انتي أمنا وربي نحبك
    نورة: طلال حرمتك من هجير وظلمتها المسكينة بدون سبب الا بسبب غيرتي من جمالها واحتقاري لفقرها بس حاولت تتكلم لان الكلام صعب عليها ونفسها كل شوي ينقص سامحني انا الي خططت وسرقت خزانتك انا كتبت لها رسالة طلاق كأنها منك
    طلال: كأنها تطعنه بخناجر بس مهما كان هذي أمه وبين الحياة والموت ومافيه مبرر ان الولد يعق او يسب او يهجير امه لو ايش ماكان حتى لو ظلمته او قست عليه
    نورة: ناظرت بحنين بحزن عذبتك معاي يابنتي وماحسستك بحنان واي بنت تحتاج أمها وانا خذلتك كثير
    حنين: يمه طلبتك يكفي وبكت
    نورة: قربو لي ابحضنكم
    حنين وطلال: يمه حالك وجسمك مايسمح نقرب لك جروحك عميقة ومازالت تنزف
    نورة: موأشد المي اني اشوفكم وانحرم من حضنكم يمكن اخر حضنة لي اول منعني غروري عن حضنكم الحين مابغى شي يمنعني عنكم الا الموت
    طلال وحنين : قربو وحضنو امهم
    حنين: كم كانت تتمنى هالحضن كم كانت تحسد البنات يوم تشوفهم يحضنون امهاتهم ماجاء هذاالحضن الا متأخر متأخر كثير يايمة
    نورة:حنين سامحيني وخلي تركي يساحني
    حنين: يمه يكفي انا مسامحتك وتركي مانقذك الا أكيد مسامحك لاتفكري كثير يمة طلبتك
    نورة:طول عمره كفو هو وأخته بس انا الي ظلمتهم
    نورة: طلال سامحني واطلب من هجير وهشام يسامحوني
    طلال:انا مسامحك يمه وهجير وابوها وقفو معانا ماقصرو
    نورة: وربي كلامكم يزيد عذابي ياربي أكثر كل الي ظلمتهم وعذبتهم وقفو معاي ربي وراني كيف انا قاسية يارب عفوك ياربي رحمتك وبدا جهاز القلب ينقص
    طلال:فز من مكانه ودق على الممرضات
    اجتمعو الأطباء حولها وطلعو حنين وطلال حاول ينقذونها حاول يسون لها تنفس صناعي بس ربي قدر لها انها تنتهي وتموت محروقة زي ماحرقت قلوب الناس الي حولها وربي يمهل ولايهمل
    انتهى هذا الجزا
    في الجزا الجاي راح نعرف كيف راح يكون الوضع بين هجير& وطلال
    حنين& وتركي

    ومتى عصافير الحب راح ترجع لأعشاشها وتغرد بأغاني الحبانتظرووووووووووووني
    فائدة:
    تحريـــــــــمالظلم حديث قدسى
    عن أبي ذر الغفاري رضي الله عنه ، عن النبي صلى الله عليه وسلم فيما يرويه عن ربِه عز وجل أنه قال : ( يا عبادي إني حرمت الظلم على نفسي ، وجعلته بينكم محرما فلا تظالموا ، يا عبادي كلكم ضال إلا من هديته ، فاستهدوني أهدكم ، يا عبادي كلكم جائع إلا من أطعمته ، فاستطعموني أُطعمكم ، يا عبادي كلكم عار إلا من كسوته ، فاستكسوني أكسكم ، يا عبادي إنكم تخطئون بالليلِ والنهار ، وأنا أغفر الذنوب جميعا ، فاستغفروني أغفر لكم ، يا عبادي إِنكم لن تبلغوا ضري فتضروني ، ولن تبلغوا نفعي فتنفعوني ، يا عبادي لو أن أولكم وآخركم وإنسكم وجنكم كانوا على أتقى قلب رجل واحد منكم ما زاد ذلك في ملكي شيئا ، يا عبادي لو أن أولكم وآخركم وإنسكم وجنكم كانوا على أفجرِ قلب واحد منكم ما نقص من ملكي شيئا ، يا عبادي لو أن أولكم وآخركم وإنسكم وجنكم قاموا في صعيد واحد ، فسألوني ، فأعطيت كل واحد مسألته ما نقص ذلك مما عندي إلا كما ينقص المخيط إذا أدخل البحر ، يا عِبادي إنما هي أعمالكم أحصيها لكم ، ثم أوفيكم إياها ، فمن وجد خيرا فليحمد الله، ومن وجد غير ذلك فلا يلومن إلا نفسه ) رواه مسلم .
    دمتم لي بود
    اختكم هموووسة ((( امي روحي ))






    رد مع اقتباس  

  9. #59  
    المشاركات
    3,260
    الـ ج ــزأ الــثـاني والـثـلاثـون
    أيـام الـ ع ــزاء
    كان العزاء في بيت طلال لأن القصر احترق ومن رحمة ربي ان الحرق ماوصل لبيت طلال روان وهدى ورنا كلهم قريبين من حنين هجير اعتذرت صعبة تدخل بيت طلال الي كان بيتها أول وقفت مع حنين طول بقائها بالمستشفى بعدين قالت انها تعبانة حيل وتبغى ترتاح في البيت
    حنين:ماقالت شي لأنها كانت حزينة بوفاة أمها وعفاف قامت بالواجب وجلست مع حنين طول أيام العزاء الثلاثة
    طلال: كان حزين لوفاة أمه بس الرجال اقوى من البنت المرهفة الي تحتاج لأمها لو بلغت قسوة أمها اقوى شي
    تركي: طلع من المستشفى وجلس في البيت حتى تحسنت حالته
    أمل:ماتركت حنين ولا لحظة وقفت معاها واستأذنت من زوجها متعب وماقال شي مع انه خايف ترهق نفسها وهي باشهرالحمل الأخيرة بس ماحب يضايقها
    راكان: وقف وقفت اخو مع طلال وقام بكل شي
    هشام:ماقصر ابد وأهمل بنته وزوجته علشان طلال وحنين بانت شهامته ومروته وحنانه
    طلال: يتألم كل مايشوف وقفت هشام معاهم ويحس بالندم أكثر بعد ماتفرق المعزين راح للقصر يحترق قلبه وهو يدخله بس لازم يدور عن اوراق امه علشان يطلع شهادة وفاة دخل بين الانقاض دارت عيونه على اطلال قصرهم اختفت معالمه وذابت اثاثه وفخامته كذا الدنيا عبارة عن سراب تغريك بجاملها وفجأة تختفي عنك تنهد بضيق قال مع فخامته عمرنا ماعشنا بيوم سعيد فيه يمكن انحرق لانه من اموال ناس مظلومين ليه ازعل واتحسر عليه وربي كتب له انه يحترق ياما حرقنا قلوب بشر وماتحسرنا كيف نتحسر على حرق جماد مجموع من اموال ناس مظلومين ودموعهم وحسراتهم دخل غرفة امه تحجرت دموعه بعيونه وهو يشوف مفرشها غرفتها الي جايبتها طلبية من اوربا كلها محروقة تخيل جلستها فيها صح ماعمره حس بحنانها بس تظل أمه قرب للخرانتها الوحيدة الي ماحترقت . أمه يوم تفتحه يوم الحريق ماقفلتها بس سكرتها بدون فتح حاول يفتحه وانفتح معاه وهو يدور بالأوراق لقى أوراقه الي كانت مع هجير وجوال هجير تنهد بحزن أكثر حاول يمسك دموعه ماقدر طلعت بهدوء بعدين طلعت بغزارة ناظر لفوق بحزن أكثر الله يسامحك يمه ليتك بس عذبتني انا ولدك كلي فداك عذبتي وظلمتي نسمة ناعمة ماتعرف تضر أحد وماتشيل بقلبها ظلم لأحد جلس على ركبه ااااااخ ياهجير مالومك لو كرهتينا ورفضتي تجين لبيتي بيتي الي اشتاق لك اشتاق لضحكتك سواليفك ماتتخيلي قد ايش ولهت عليك رفع يدينه لربه ودموعه تمل بغزارة قلبه محروق حيل عارف ماحد يسمع شكواه غير ربه وماحد يقدر يفرجها له غير ربه بس دعاء ربه يالله رحمتك تعرف اني انا انظلمت يارب ان كنت بريت بأمي ومابيوم عصيتها ولارفعت صوتي عليها مع قسوتها علي ان كنت بريت فيها ابتغاء لوجهك وطمع فيما عندك يارب رجع زوجتي والف بين قلوبنا يارب ماتحمل فراقها يارب فررررجك يارب رجيتك ترجع لي من اسرت قلبي واشغلت بالي يارب مافيه احد مقدار حبي لها غيرك يارب رجعها لي واقر عيني بشوفتها بيتي يارب ماخاب من رجاك عجل لي بالفرج يارب قلبي ماعاد يتحمل
    ******************






    رد مع اقتباس  

  10. #60 A23  
    المشاركات
    3,260
    في سيارة هشام
    عفاف: ركبت وهي حيل متضايقة بس ماسكة نفسهاماتحب تبين لهشام وتضايقه كذا طبعها حكيمة ماتحب تعصب بسرعة
    هشام:يسوق وهو سرحان ماتكلم بشي
    عفاف:مضايقها تغيره معاها كل هذا علشان نورة معقولة كان يحبها بس يوم تهاوشو زعل منها وتركها معقولة حبني حب تعويض بس تنهدت بضيق وسكتت
    هشام: لأنه سرحان مالاحظ تغير مزاجها ولا تنهدها اول لو تتنهد يركض يسألها ويتطمن عليها نزلو بهدوء دخلو البيت مالقو هجير عرفو انها بغرفتها نايمة دخل لغرفته وسيدا أخذ شاور يريح اعصابه يوم طلع لقى عفاف تكلم سلوى
    سلوى:خلاص يمه اجل راح تحضرين
    عفاف: ان شاءالله بس أاكد لك بكرة
    سلوى: خلاص اجل يمه تصبحين على خير اكيد عمي هشام جنبك وانت تعبانة وواصلة حدك وانا بعد سلومي جاء من سهرته
    عفاف: تبتسم بدون نفس الله يخليه لك ياقلبي سلمي لي عليه مع السلامة
    هشام:جلس وهو يمشط شعره ايش عندها سلوى
    عفاف:بهدوء تقول ابوها حاط عزيمة لها بعد بكرة
    هشام: ترك المشط ورفع حاجب وبعدين
    عفاف: باستغراب ولا ابلين عازمنا كلنا
    هشام: بتريقة عازمنا كلنا ليه ان شاءالله
    عفاف: باستغراب كيف ليه ان شاءالله ؟!؟!
    هشام: قصدي يعزم مايعزم مورايحين
    عفاف: انت مورايح براحتك بس انا لازم اروح
    هشام: عصب وأنا مالي شور عندك تقرري بدون ماتشاوري
    عفاف:مازالت ماسكة نفسها بس تغلي جواتها الظاهر سمعتني ارد عليها اقولها ابرد لك بكرة علشان استأذن منك
    هشام: انتي الحين استأذنتي وأنا هالحين ارد لك لا
    عفاف: تناظره باستغراب ليه لا؟
    هشام:لأنها عزيمة ابو سلوى ومابغاك تروحين لها
    عفاف:طيب ليه قلي ابغى سبب مقنع
    هشام : بدون ليه عفاف يالله تصبحي على خير
    عفاف:عصبت من موقفه وانقهرت أكثر طلعت من الغرفة مقهورة مجروحة شافت نور هجير مولع طقت الباب
    هجير: اهلين خالتو لسه مانمتي قلبي
    عفاف: وهي تبلع عبرتها لاماجاني نوم وانتي
    هجير: شبعانة نوم انتم موفيه ونمت والحين مافيني نوم
    عفاف:ممكن اسهر معاك هجورتي
    هجير: اكيييييييد ياقلبي ودخلت عندها وسواليف مع ان عفاف مومركزة بس تتظاهر انها معاها
    هشام: نام وماحس بنفسه لانه من يوم الحريق وهو ماينام زين هذا الي زود عصبيته بس بعد ماتطمن على حنين وطلال نام بعمق دق منبه جواله وقام من فراشه لف جهة عفاف مالقاها قام تحمم وتوضا وطلع وسمع اصواتهم في غرفة هجير دخل وهو مروق وصداعه خف صباح الخير
    هجير: صباحك فل وياسمين قامت وباسته مع راسه استغرب ان عفاف نزلت راسها وماردت
    هشام:حياتي مانمتي ؟
    عفاف: لاماجاني نوم على اذنكم ابروح اصلي مرت من جنبه ومابتسمت موعادتها ابد قبل اول ماتشوفه يهلهل وجهها وابتسامتها ماتغيب عنها سكت وطلع لأنه تأخر عن الصلاة
    هجير:حست فيه شي وعارفة ان خالتها متضايقة بس مسوية نفسها مافهمت علشان ماتضايقها راحت وجهزت فطور خفيف قبل ماتطلع عفاف وتجهزه حاسة ان خالتها تعبانة حيل الارهاق واضح بعيونها ووجهها ذبلان حيل
    عفاف:طلعت وراحت للمطبخ ياقلبي سبقتيني
    هجير: انتي بس ارتاحي
    هشام: تسلمين هجوره ماقصرتي
    عفاف وهجير فزو يوم شافوه
    هجير: الله يسلمك لنا يبه يالله اجلسوا بحطه على الطاولة
    عفاف: اسمحو لي مالي نفس
    هجير: افا ليه خالتي اجبري بخاطري هالمرة
    عفاف: باستها مع خدها برقة حبيتي وربي معدتي تعبانة وأخاف ارجع الله يكرمك والا من عيوني اغصب نفسي
    هجير: سلامتك ياقلبي اهم ماعلي راحتك بس طمنيني عنك ليه ترجعي
    هشام سلامتك حياتي ايش فيك عسى ماشر
    عفاف:بدون ماتطالع فيه عيونها على هجير الله يسلمكم بس يمكني آكلة شي ثقيل وجلس على معدتي
    هشام: وقف حياتي يالله اوديك للمستشفى
    عفاف: بدون ماتطالع فيه ماقصرت ابروح انام يمكن من الارهاق وراحت وخلتهم
    هجير:وجهها لي كم يوم موعاجبني ابد احسها ذبلانة وتعبانة
    هشام: بضيق بسم الله عليها يالله حبيتي ماقصرت وسلمت ا يدينك على اذنك
    هجير: يبه ماكلت شي
    هشام: ابتسم لها بحنان الابوة تسلمي قلبي اكلت الحمد لله على اذنك ابروح اتطمن على عفاف اشغلت بالي ووجهها موعاجبني
    هجير:بسم الله عليها ماتشوف شر يارب
    هشام:دخل للغرفة ولقى عفاف نايمة على جنبها ومتغطية حس انها مافيها شي بس زعلانة وقف على راسها عفاف ليه كسرتي خاطر هجير
    عفاف: رفعت اللحاف ليه انا ايش سويت جرحتها بشي اشتكت لك مني مستعدة اقوم واراضيها تعرف غلات هجير عندي
    هشام:جلس على الكنبة لابس متعبة حالها ومستعدة واخرتها ترفضي تاكلي كل هالزعل عفاف علشان رفضت انك تحضري حفلة زوجك الأول كل هالزعل لأني غرت ومو من حقي اغير
    عفاف: يوم سمعت كلامه كأنه صب القاز على النار الي تغلي جواتها رمت لحافها وقامت واقفة وتكتفت بعصبية حلووو تغار بس انا لوح ماغار حلو تمنعني ومن حقك تمنعني احضر حفلة زوجي الأول علشان اوجب بنتي وماخليها لحالها كأن ماعندها أم تفرح معاها بس أنا مومن حقي ارفض انك تقوم بواجب زوجتك الأولي وانت ماعندك عيال منها توجبها علشانهم اما انا مو من حقي ترفض بدون نقاش كأنك تملي اوامرك على جماد قدامك مالها حق تفهم ليه تمنعها مافيه مجال تتناقش معها تقنعك او تقنعها اما انا لازم انفذ بدون مااناقش اوجب عيال زوجتك الأولي واضغط على غيرتي عادي تعرف ليه عادي لأني بنظرك لوح بدون مشاعر مااحس وانت لك مشاعر تحس وتغار وتعصب وترحم
    هشام: استغرب يطالع فيها مومصدق ا ن الي قدامه تتكلم هي الرقيقة الناعمة عفاف بس فعلا ((اتقي شر الحليم اذغضب ))
    حتى مابكت ولاشي بس معصبة ووجهها محمر من زود العصبية
    وقف جنبها ومسك وجهها بيدنه حبيتي هدي
    عفاف: ابعدت ايدينه بعصبية اكبرالحين صرت حبيتك ؟!؟!
    هشام:حبيتي من اول ماعيني شافتك وانتي حبيتي ايش فيك عفاف تشكي بحبي لك؟!؟!
    عفاف: ناظرته نظرات عتاب قالت لاسلامتك مافيني شي جلست على طرف السرير واضح عليها الحزن والقهر
    هشام: جلس قدامها وحط يدينه على رجولها حياتي خلاص روحي للعزيمة بس لاتزعلي كذا
    عفاف: ليه ازعل انت سويت شي غلط
    هشام:ايه منعتك من عزيمة زوجك الأول ابو بنتك
    عفاف: قامت بعصبية خلااااااااااص هشام ماراح تفهمني ابد
    هشام:حياتي اسمعيني
    عفاف:من فضلك ابنام هشام
    هشام: استجاب لطلبها وتركها بس ضاق صدره اول مرة يشوف زوجته وحبيته الرقيقة معصبة ومتنكدة حيل احتار ايش يقول لها كيف يراضيها صعب عليه يشوف من ملكة قلبه زعلانة حيل جلس على الاريكة يفكر بكلامها صح هو غلطان وحس انه أناني حيل بس موقادر يكلمها وهي زعلانة حيل قرر يخليها تهدأبعدين يفكر برضاوة تراضيها وهو سرحان شاف عفاف تقوم من فراشها بسرعة وتركض للحمام ركض وراها وسمعها ترجع طق الباب حبيتي قلبي افتحي الباب بس ماترد خاف وتوتر اكثر طق مرة مرتين الثالثة طلعت وكان وجهها زايد حمارة وواضح حرارتها مرتفعة ومجهدة حيل عضد لها ووصلها للسرير قرب منها وباسها سلامتك قلبي اسف وربي اني ضايقتك وزعلتك ماكان قصدي قسم يالله حبيتي ابجيب عباتك اوديك للمستفشى
    عفاف: مسكت يده لامايحتاج
    هشام: كيف مايحتاج انتي تعبانة حيل دقيقة انادي هجير تجهز عباتك وانا ابجهز سيارتي
    عفاف: شدته اكثر ماراح اروح
    هشام: باستغراب ليه!؟!؟
    عفاف: بحزن لأن مرضي هذا ماله علاج
    هشام:خاف اكثر عفاف لاتتكلمي الغاز تكلمي بسرعة ايش فيك كل مرض له علاج ليه تقنطي من رحمة ربي
    عفاف: بابتسامه حزن الامرضي هذا ماله علاج
    هشام: عصب عفاف طلبتك لاتعذبيني كثير ايش فيه مرضك ايش تحسي فيه جاوبيني بسرعة
    عفاف: صدت عنه وقالت بحزن لأني اتوحم والوحم ماله علاج
    هشام: عجزت يستوعب تتوحمي يعني حامل عفاااااااف انتي حامل جد حبيتي
    عفاف: لفت ناظرته شوي بعدين صدت عنه
    هشام: جلس جنبها ولف وجهها ليه حبيتي اشوف الحزن بعيونك حياتي معقولة ماتبغي تحملي مني ماتتمنين ولد او بنت مني وأنا امنية حياتي وتحققت لي ان ربي يرزقني ضنا منك معقولة ماتحبيني زي ماحبك
    عفاف:جلست وتركت على السرير عمرك ماحبيتني هشام حبيتني حب تعويض بس اول ماحللت طرت من الفرحة مو مصدقة ان هشام صغير ينبض باحشائي يتغذا من عروق قلبي بس يوم شفت موقفك وحزنك عليها الله يرحمها وتعاطفك مع عيالها عرفت اني لاشي بالنسبة لك وخفت انك راح تتمسك فيني بس علشان الولد الي في بطني
    هشام: جلس قبالها ومسك وجهها حبيتي مشكلتك ذكية بكل شي الا بكشف المشاعر وربي الي رفع سبع ماحبيت وحدة زيك نوال الله يرحمها ام هجير صح حبيتها وظنيته فعلا هذا هو الحب بس يوم تعرفت عليك عرفت اني ماعرفت الحب الا بين ايديك انتي جذبتني بحنانك حكمتك جاذبيتك حياتي هذي وهي نوال اجل كيف نورة الله يرحمها الي عمر قلبي مادق لها حبيبتي عشرين سنة عمري ماقربتها وانتي عجزت امسك نفسي من اول ماشفتك تمنيت ادخلك داخل قفص صدري واسكر عليك
    عفاف: ارتاحت لكلامه وكأنه كشف غمة طبقت على قلبها اجل ليه كل الاهتمام فيها
    هشام:حياتي مهما كان احنا بشر وبيني وبين نورة وعيالها عشرة موسهلة كثر ماجلست مع امي تقريبا جلست معاهم حياتي ناس بينك انتي وياهم عيش وملح تشوفينهم احترقو وماتو قدامك ميتة مؤلمة ما اوقف معاهم نورة ياقلبي كانت قاسبة مع الكل الا معاي مع اني عمري ماعبرتها ولابكلمة تطيب خاطرها بس مع ذلك كانت تهتم فيني ولاتفهمي هذا اني احبها لاوربي والي خلقني ماحبيتها بيوم ماحبيت الا الي جالسة قدامي وتتوحم وهي تعرف غلاها عند زوجها بس تتدلع عليه وتتغلى علشان تشوف غلاتها عند زوجها الي يحبها ويموت فيها
    عفاف: ابتسمت ونزلت راسها آسفة حبيبي بس وربي مزاجي صايردايم متعكر ومتقلب
    هشام: نزل وباس بطنها لعيون ولدنا كل شي يهون
    *********************
    سلوى وهجير طارررو من الفرحة يوم عرفو بحمل عفاف مو مصدقات يجيهم اخو او اخت يكونون مشتركين فيه
    **********************
    بعد عشرين يوم من الحادث
    في بيت طلال
    حنين:حبيتي هجير طلبتك تعالي اجلسي عندي طلال مسافر وأنا ماشفتك طول ايام العزاء قسم لسه ماشبعت منك ارجوك هجير محتاجة لك حيل
    هجير: حبيتي صعبة اجي للبيت
    حنين:بزعل ليه صعبة طلال موفي البيت ورنا وروان صرفتهم علشان تجي تجلسي انتي عندي وابوك وزوجته راح يسافرون يومين للشرقية علشان عفاف تزور اهلها وسلوى سافرت مع زوجها يعني انا وياك لحالنا
    هجير:ليه ماتجين انتي
    حنين"صعبة حيل اترك بيتكم
    هجير: بحزن قصدك بيت اخوك ماصار بيتي وماشوفها صعبة ولاشي
    حنين : آسفة اني ضايقتك بالكلمة حبيتي بس طلال موصيني على بيته والخدم الي فيه اني ماتركهم تعرفي لسه خدامات القصر ماسفرهم وخدامته الاصلية فيه تخيلي اجي لبيتكم واجررهم وراي
    هجير:ممكن تعذريني
    حنين: بحزن براحتك ماجبرك بس تأكدي جيتك لي تفرحني ماطول عليك هجير
    هجير: لاخلاص ابجي اهم شي لاتزعلي مني
    حنين:فرحت صحييييييييييح يالله اجل بسرعة لاتتاخري علي
    هجير: طيب ابسكر واقول لابوي لأنه مصمم ياخذني معاهم ويستاجر شقة خاصه فينا مع اني اتمنى اخلي خالتي براحتها بس الشكوى لله
    حنين:كلنا زي بعض لا أنيس ولاونيس خسرت زوجي وأمي وابوي الله يرحمهم بس انتي تختلفي عني انك عندك ابوك الله يخليه لك
    هجير: تبغاها تنسى حزنها وانتي عندك اخوك الله يخليه لك
    حنين:آآآآآآآآمين يارب
    ******************
    في بيت طلال
    هجير: دخلت بتردد قلبها يوجعها حيل وهي تدخل بعد سنة من طردتها ماكان دخولها سهل بس تتظاهر بالقوة اخذت الشغالة عباتها وراحت
    حنين:تطلع من غرفة الضيوف الي تحت اهلين هجوووووورتي منورة وربي مو مصدقة اني اشوفك ثانية ضمتها وابعدتها عن حضنها يوم تجيني بالمستشفى صح كانك مطر نزل علي بس كان قلبي مع أمي اما الحين مؤمنة بقضاء ربي وقدره وتوني اعرف راسي من ساسي
    هجير:فديتك جعلها اخر احزانك حبيتي
    حنين: وهي تجلس ناظرت قدامها بحزن ماتوقع هجير انها نهاية احزاني شكل احزاني توامي ماراح تفارقني ابد
    هجير: استغفري ربك حنين
    حنين: لفت تناظرها مازال قلبي محروق عليه هجير
    هجير: قصدك تركي
    حنين: منو غيره الي فنان بتعذيب قلبي
    هجير: عاد وقفته معاك ماتنسى
    حنين: هذي المشكلة هجير وقفته معاي مانساها له وماراح القى رجال زيه ابد وخلاص ايام العدة مابقى فيه غير ايام معدودة بس واكون طليقة تركي ماتخيله مع وحدة غيري وبكت
    هجير:خلاص حبيتي هدي وربك يكتب مافيه خير وصالح لك
    ****************

    في بيت أمل

    تركي:كاشخ بثوب سكري وشماغ كان رزة حيل
    أمل: ررروعة شكلك كأنك رايح تتزوج مو تسافر
    تركي: تعرفي اخوك مايحب الايظهر بمظهر حلو سواء بسفر او غيره
    أمل: راح تطول بعد هالمرة
    تركي: يمكن يجي النون والي في بطنك وانا لسه ماجيت
    أمل: بتردد وخوف من الي راح تقوله تركي ممكن تمر حنين قبل تروح
    تركي: رفع حواجبه باستغراب وهو متضايق من سالفة حنين ليه امرها بصفتي ايش
    أمل:بخوف وهي تشوفه ماعجبه كلامها بس مصمة تكمل لأنها ايام العزاء تأكدت من حب حنين له اول ماكنت تبغاه يرجع لحنين تظن حنين ماتبغاه وماتطيقه بس يوم حست ان حنين تحبه ماتتمنى بنت غيرها كملت كلامها بصفتك زوجها
    تركي: ابتسم بتريقة زوجها نسيتي اني طلقتها
    أمل:وانت نسيت انها مازالت بالعدة والا ماحسبت زين
    تركي: تنهد بضيق كيف ماحسبت زين وانا احسب الدقايق والثواني
    أمل : فرحت لرده اجل روح لها قبل ماتسافر ودعها على الأقل وربي حسيت منها مهتمه فيك موزي اول
    تركي: قام بعصبية اهتكت فيني موحب لي ياأمل اهتمت فيني لانها منحرجة مني
    أمل:لا ماتوقع و ماكلمت كلامها لانها قاطعها
    تركي: افهم حنين هي طيبة وامنحرجة حيل من موقفي معاها ومابغى اضغط عليها اخاف ترجع لي لانها منحرجة مني رجوعنا لبعض مستحيل أمل
    أمل: بسس
    تركي: خلاص ام خالد ماقصرتي وعارف انك حريصة على سعادتي بس صدقيني سعادتي مع حنين الي تحب تركي مو مع حنين الي منحرجة من تركي قال بضيق انا ليه قبلت بالوقت هذا الدورة الا علشان ماقدر اتحمل اني اشوف حنين انتهت عدتها وتنخطب لواحد غيري صح مواعدها اكون شاهد على زواجها بس الكلام غير والفعل غير ابتسم بحزن اول مرة احس اني ضعيف يالله ام خالد على اذنك باس العيال الي يلعبون بالحوش وودع اخته بيده وسكر الباب
    أمل: وهي ماسكة بطنها اشرت له ونزلت دمعتها يوم طلع اخوها الله يوفقك ياخوي ويسهل امرك راحت لغرفتها وطلعت بدلة خالد يوم انه صغير جلست على السرير وحضنتها وبكت ماحست الا بيد حنونة على كتفها رفعت عيونها وشافت الوجه المنور بطاعة ربه
    متعب: حياتي ليه البكاء وربي اخذه برحمته وعوضنا غيره ومابقى له غير اشهر وينورنا وان كان ولد اسم خالد ماراح يتعداها وراح نسمع اسمع خالد ثانية بيتنا
    أمل: وهي تبكي بهدوء راح نسمع اسمه بس خالد اختفى من حياتنا ابتسامته حنانه حكمته عجزت انساه متعب عجزت وبكت اكثر
    متعب: ضمها وهو يحس نفس احساسها وكان وحزن موت خالد كأنه البارح صاير بس كان يتصبر حبيتي طلبتك انسي
    أمل: غصب عني متعب الله يجمعنا وياه بدار كرامته
    متعب: وهو مازال يحس بتنايب ضميره لخالد اللهم آآآآآآآآمين
    انتهى الجزا
    هل ياترى تركي راح يرجعه حنينه لحنين قبل مايسافر ويتركها ؟
    لو رجعت حنين لتركي هل راح طلال يلتقي بهجير وهي بيته ؟

    ترقبو مفاجات الجزا الثالث والثلاثون
    واكرر اسفي على التأخير
    فائدة:
    طهر قلبك من الحسد ، ونقه من الحقد ، وأخرج

    منه البغضاء ، وأزل منه الشحناء

    دمتم لي بود
    اختكم
    همووسة ((( امي روحي )))[/






    رد مع اقتباس  

صفحة 6 من 7 الأولىالأولى ... 4567 الأخيرةالأخيرة

المواضيع المتشابهه

  1. مشاركات: 34
    آخر مشاركة: 24-Oct-2013, 11:43 PM
  2. رواية عقلي يبي محمد و قلبي يبي فيصل
    بواسطة إلميآسـه في المنتدى روايات - قصص - حكايات
    مشاركات: 61
    آخر مشاركة: 13-Dec-2012, 11:52 PM
  3. رواية مجزرة الحولة من الطفل المذبوح رقم خمسين رواية 2013
    بواسطة иooḟ Ăł.кααьỉ في المنتدى خواطر - نثر - عذب الكلام
    مشاركات: 0
    آخر مشاركة: 04-Dec-2012, 02:08 AM
  4. رواية كلي لها وما ملك قلبي غيرها.txt
    بواسطة Bshaer‘am في المنتدى روايات - قصص - حكايات
    مشاركات: 1
    آخر مشاركة: 26-Jun-2012, 11:34 PM
  5. ×?°كل عام وأنت لقلبي .مصدر النور كل عام وأنت لروحي مصدر الفرح×?°
    بواسطة [.. ن..] في المنتدى التهاني والتبريكات و أخبار الاعضاء
    مشاركات: 9
    آخر مشاركة: 28-Jan-2007, 12:24 PM
المفضلات
المفضلات
ضوابط المشاركة
  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •