LinkBack URL
About LinkBacks
في غرفة هجير
دخلت لغرفتها بعد ماسهرت مع سلوى فتحت دولابها وطلعت التي شيرت الي كان لابسه طلال قبل مايسافر يعالج بألمانيا هي الوحيدة الي اخذتها معاها جلست على طرف سريرها وضمتها حطتها على وجهها وباستها وضمتها على قلبها امثل قدام الكل اني نسيتك بس قلبي رفض ينساك حبيتك وعشقتك بس للاسف انك ماحبيتني زي ماحبيتك متأكد انك ناسيني ولاهي مع غيري بس أنا احبك وأمووت بترابك يارب تنسيني اياه حتى ابوي كل مايجب سيرة طلاقي اتهرب مابغى اذل نفسي قدام ابوي وأقول امووت فيه وطلاقه لي كأنه طلاق روحي من جسمي يارب يسر وحل اموري كل ماشوف اهتمام سالم بسلوى مع قسوتها عليه اندب حضي وانا زوجي الي حبيته نساني ورماني وماحاول يرجعني معلقني ومخليني كأنه يعاقبني بس للاسف مازلت احبه
**************************
في بيت هشام
سلوى: تقلب بجوالها وسرحانه
هجير: ايش فيها المزيونة ساكته وسرحانة كل هذا خايفة علشان زواجك بكرة
سلوى: لا خايفة ولاشي بس مستغربة من سويلم مسوي ثقل ومن بعد زواج أمي لادق ولاسأل واول ناشب بحلقي كل شوي يدق اشتقت لك ومااشتقت لك بط كبدي غزل ماله داعي
هجير:مادام غزل ماله داعي ليه فقدتيه الحين
سلوى:مافقدته ولاشي بس مستغربة ليه مسوي ثقل
هجير:مشكلتك تكابري واضح من عيوني انك متضايقة حبيتي مالومه لو سحب عليك انتي تجرحينه حيل
سلوى/ بعصبية متى جرحته ؟!؟!
هجير:متعودة على عصبيتها وماتزعل منها قولي متى ماجرحته يكلمك ومتلهف عليك وانتي تكلمينه بكل دفاشة وبدون حنية حرام عليك تعاقبينه بذنب ماله دخل فيه هو يحبك ومابغاك تخسرينه بتعاملك
سلوى:هزت بيدها بالطقاق مادامه زعول ومايعرف طبعي كيفه
هجير:المفروض تغيري طبعك علشانه
سلوى:بعصبية ماراح اغيره علشانه عاجبه والا الباب يفوت جمل
عفاف:توها طالعة من غرفتها متكشخة ومتضبطة زي عادتها سمعت كلامهم هجير صادقة ياسلوى لازم تغير طباعك حياتي الرجال يدور حنان عند زوجته ان مالقاه عندها دور على غيرها وخسرته
سلوى: بحزن عطيتي ابوي حنان وماكسبتيه
عفاف: بس كسبت احسن منه بكثير كسبت هشام وفزت بقلبه
سلوى: تنهدت يصير خير على اذنكم وراحت لغرفتها متضايقة من تطنيش سالم لها بس تكابر ماتحب تذل نفسها لأحد وبنفس الوقت ماتنكر انها فقدته بس هي ربي خلقها دفشة وماتقدر تصير حنونة
**************************
في غرفة هشام
عفاف: لابسة روب برتقالي مشجر طويل وشفاف وناعم من نعومي وجالسة تحط لوشن معطر على رقبتها بس سرحانة بعييييد
هشام: قرب لها بهدوء وبدون ماتحس وباسها تحت اذنها وهمس لها حبيتي بايش سرحانة
عفاف: ابتسمت بنعومة لاحبيبي مافيه شي
هشام: وقف قدامها وجلس على طرف التسريحة متأكدة حبيتي
عفاف: تنهدت بضيق وغمضت عيونها
هشام: تغير ملامح وجهه ومسك يدها حياتي ايش فيك
عفاف: قامت ولفت خايفة ياهشام خايفة
هشام: لف عليها وحط يدينه على كتوفها من ايش قلبي خايفة
عفاف: وهي تحجر عبرتها خايفة على سلوى
هشام: تنهد براحة الله يهديك قلبي طيحة قلبي وربي كل البنات مصيرهم يتزوجون وانتي خوفك شي طبيعي لانك اول مرة تزوجي بنتك واول مرة تروح سلوى من حضنك
عفاف: جلست على طرف السرير موسالفة حضني او افقدها هشام انا مانكر اني راح افقدها حيل وتعرف غلاها بقلبي بس سلوى بنت دفشه ومافيها حنية تعبت وانا احاول تغير دفاشتها بس مافيه فايدة اخاف سالم يطفش من تصرفاتها ويتركها مابغاها تنجرح بنتي وتنكسر زيي
هشام: ضاق صدره لكلامها ومايبغى اصلا يتذكر سالفة زواجها لانه يغار عليها حيل بس خبى غيرته لانه عارف ان عفاف متضايقة مو وقت غيرته الحين لازم يحكم عقله حبيتي شوفي كيف قلبي محروق على بنتي الي تزوجة من معاق قدام عيوني وانا ماكنت قادر امنعهم انحرمت منها وهي كانت قريبة مني اهانوها وطردها والحين معقلة واعرف انها تتعذب الف مرة وشوفيني كيف صابر وانتي الحين خايفة من مجهول يمكن يصير ويمكن لا!!!
عفاف: انحرجت واستحت من تصرفها وندمت انها قلبت جراحه ناظرته بحزن آسفة حبيبي قلبت مواجعك
هشام:مسك وجهها بيدينه مابغى نظرة الحزن بعيونك تعذبني وتحرق قلبي
عفاف: ابتسمت لها بنعومة سلامة قلبك ياروح عفاف انت
*************************
في زواااااااج سلوى وسالم
هشام:تأكد من كل شي بالقاعة وراح للبيت يغير ملابسه دخل على هجير وسلوى بارك لسلوى ماشاءالله شكلك ناوية تجلطين سالم زي ماجلطتين أمك يوم زواجها
سلوى:اول مرة تستحي ابتسمت وسكتت
هشام: ضحك على حياها قال بقلبه مالاق لك الخجل ياسلوى فديتها وفديت برائتها لف ناظر بنته قرب لها حبيتي قريتي وردك انتي وسلوى
هجير:كانت لابسة فستان ليلكي ناعم ومخصر على جسمها ومسوية تسريحة لشعرها منزلة جزا منه وجزا رافعته ومكياجها ناعم لأنها ماتحتاج مكياج ثقيل باسته مع راسه قالت ايوه فديتك
هشام:غريبة اجل عفاف وين
هجير:فديتها كل اليوم جالسة معانا تتأكد من كل شي توها رايحة تلبس
هشام:على اذنكم انا بعد ابغير ملابسي راح لغرفته فتح الباب بهدوء شاف عفاف لابسه فستان بحري ضيق من فوق ووسيع من تحت بقصة كلوووش وقصير شوي مع قدام وذيل بسيط مع وراء ولابسة خلخال فضي وشعرها ماسوت فيه تسريحة لانه قصير صففته وحطت مكياج ناعم حيل يناسب فستانها
هشام: يالطييييييييييييف ايش هالروووووووووعة شكلي ابدق على سالم يستلم زوجته هنا واحجز افخم فندق بالرياض طز بالزواج الي راح يحرمني من حبيتي
عفاف: ابتسمت له بخجل ياحبك ترفع فيني
هشام: قرب منها ومسكها مع خصرها ولفها على المراية وصار وراها حبيتي شفتي الحورية الي قدامك تراها انتي
عفاف: ابتسمت اشوف عفاف ماشوف حورية وضحكت بنعومة
هشام: لفها جهته قال حبيتي بعد الزواج راح اقص لك نظارة الحين تأكدت انك عندك نقص بالبصر وباس عيونها
عفاف:حبيبي الله لايحرمني منك ومن حنانك
هشام: ولامنك ياقلب هشام انتي
مانتهى الجزا التاسع والعشررون له تكملة
مين الناس الي جو للمزرعة وفرح فيهم تركي؟
ايش راح يصير بين سلوى وسالم من احدااااث؟
هجير طلال الى متى هالحاااااااااااال؟
حنين هل راح تتزوج راكان بعد ماتخلص عدتها الي قربت تنهتي ؟
زواج سلوى وسالم يمكن بكرة ان شاءالله وكلكم مدعوين موزي زواج امها عائلي بس الي تجي تجيب هديتها معاها والا تآكلها سلوى بلسانها هههههه
راح نخصص له جزأ لحاله يكون تكملة للجزا التاسع والعشرون احتمال بكره بإذن الله اتمنى لكم احلى الاوقات بزواج دفوشتنا سلوى وسلوووم
فائدة:
كان عمر بن عبد العزيز- رضي الله عنه- معروفا بالحكمة والرفق، وفي يوم من الأيام، دخل عليه أحد أبنائه، وقال له:يا أبت! لماذا تتساهل في بعض الأمور؟! فوالله لو أني مكانك ما خشيت في الحق أحدا.فقال الخليفة لابنه: لا تعجل يا بني؛ فإن الله ذم الخمر في القرآن مرتين، وحرمها في المرة الثالثة، وأنا أخاف أن أحمل الناس على الحق جملة فيدفعوه (أي أخاف أن أجبرهم عليه مرة واحدة فيرفضوه) فتكون فتنة.فانصرف الابن راضيا بعد أن اطمأن لحسن سياسة أبيه، وعلم أن وفق أبيه ليس عن ضعف، ولكنه نتيجة حسن فهمه لدينه.
تقبلو تحياتي
دمتم لي بود
اختكم همووووسة
