LinkBack URL
About LinkBacks
]الـــ ج ـــزأ الــرابــع والــعــشــروون ((24))
هجير: كانت سرحانه بطلال شافت تلفون غرفتها يدق قالت اكيد عذيب الدوبا توها تاصل اكيد تبي تكمل قرقها فديتها بس رفعت السماعه وقالت ماسرعك ولهتي علي وضحكت بنعومه
طلال: وجعه قلبها وحس الدنيا تدور فيه نفس الضحكه نفس الصوت
هجير: عذيب يالدوبا ردي ايش الهدوء الي طب عليكي
طلال: ماحس بنفسه قال بهمس وحنان وشوق ووله هـــجـــيــر
هجير: دارت فيها الدنياونست نفسهايوم سمعت اسمها من فم طلال غيررر بدون ماتنتبه ردت عليه بكل حنان وشوق وهي مغمضه عيونها لـــــــبــــــيــــــــــــــه
طلال: كان ذايب بصوتها الي يذكره بصوت هجير بس يوم سمع لبيه فز ووقف مكانه انتي هجيررررر؟
هجير: بعد ماقالت لبيه انتبتهت وحطيت يدها على فمها
طلال: ردي انتي هجير
هجير: تداركت موقفها ردت بثقل أي هجير انت تستعبط او ايش او بس تبغى تطول معاي الكلام
طلال: فشل من ردها وحس انه سخيف رد بحزن اسف بس صوتك كانه صووووت زوجتي
هجير: تألمت جواتها قالت بقلبها قصدك طلقيتك ردت عليه طيب ايش دخلني بالموضوع الظاهر انك طولت بالمكالمه وانا مشغوله وانت جالس تقول كلام ماله داعي
طلال: بحزن انها راح تمنعه من سماع احب صوت عنده لا تقفلي وانا اعتذر لك بس كنت مكلمك اقدم لك اعتذاري عن الي صار واوعدك اني ماضايقك ثانيه بس اسحبي استقالتك طلبتك
هجير: جلست على الكنبه وتقطع قلبها وهي تسمع لهجة الحزن بكلامه وترجيه لها يألمالها لانها تعرف ان طلال مايحب يظهر بصورة الضعف الا اذا كان يتألم جواته
طلال: تأخر ردها ايش قلتي ؟
هجير:بدون تردد خلاص راح اسحبها مع السلامه وقفلت منه بسرعه
طلال: ناظر السماعه لثواني استغرب موقفها تهربها منه تطابق صوتها مع هجير ردها عليه لبيه بس يمكن طبعها ترد على الناس بالكلمة هذي ونست نفسها معاي وردت علي لبيه سكر السماعه ومسك راسه ياناس كلها تشبهها كأنها توأم متطابق بس هذي سارة بنت ناس ثانين وهذيك هجير الي سرقت قلبي وعقلي وطعنتني وهربت يارب لطفك بس الصورة عندي مشوشه وكان فيه حلقه ضايعه بس كيف مادري
هجير:جلست تتذكر الحوار الي بينهم سبحان الله الي يسمعه يقول يحبني ويموت فيني ماكأنه طلقني ورماني بس يوم اكتشف اني لقيطه تخلى عني وانا بقمة حاجتي له نسى وعوده لي ووقفتي معاه نسى كل شي يوم رجع له كل شي بس انا ليه لنت معاه ورجعت ليه ماصريت على استقالتي بس طلال ساحرني مجرد ماسمع صوته انسى كل شي وانسى انه هو من ذبحني وذبح قلب كل دقه فيه تدق باسمه وينبض بحبه بس للاسف واحد مايستاهل حتى افكر فيه
***************************
في بيت تركي
تركي: جالس في بيته وهموم الدنيا فوق راسه زرت أمل وجلست معاها وموطايقة تشوفوني يومين اتردد عليها اتمنى ادخل اضمها مشتاق لها بس ماحب اضايقها أكثر حتى حنين الى متى راح اعذبها معاي أخوها صمم اطلقها بس عمتي يوم هددتها بالاسهم اسحبها من حنين رفضت الطمع اعماها عن سعادة بنتها وانا حبي لحنين يعميني عن تركها لازم اتركها واريحها مني شوي الا يتذكر كلام أمل لاااااااااا وتتركني ووتزوج غيري ماتصور حنين بين احضان رجال غيري مستحيل لطفك يارب ايش اسوي تعبت تعبت خسرت أمل وحنين منو باقي لي سمع رن الجرس استغرب منويجيني او يسأل عني معقولة صديقي أحمد ناظر الساعة أحمد الحين عند زوجته راح يشوف الباب استغرب من الانسانة الواقفة عند بابه
أمــل : باتسامه راح اظل واقفة بالشارع
تركي: انتبه لنفسه وابعد عن الباب حاشاك ياأم خالد تفضلي بس وين ابو خالد
أمل : وهي تدخل للحوش وتفسخ غطاها وتسحب قفازاتها وتبتسم لاخوها ونور عينها ردت عليه بحنان ابوخالد نزلني وراح يجلس عند العيال فديته قلت ابجلس مع اخوي شويات وثقل عليه بعد وابتسمت له بحنان
تركي: وهو يأشر لها تدخل تثقلين على قلب متربعه فيه ياختي حاشاك يام خالد لو تظلين هنا القلب مايملك
أمـل : رحمته أكثر غلبها بكلامه وحنانه وحاسه بنظرات الحزن والألم الي بعيونه وهو يحرص إنه مايبينها جلست على كرسي جنبه بصالته الكبيره الخاليه من الحياة الا منه هو والخدم حطت يدها عليه وقامت وباسته مع راسه اسفه ياخوي
تركي: عصب وبعدها حاشاك يام خالد تتأسفين او تبوسيني مع راسي قدرك كبير عندي وماحبك تنكسرين لاحد حتى لو لي
أمـل : وهي تبلع عبرتها لانه موقفه وحنانه معاها يزيد تأنيب ضميرها لأنها عاملته بقسوة وردته ناظرته بحزن تركي موعيب اننا نعتذر لاي شخص غلطنا بحقه كيف ان كان الشخص الي جرحته هو اخوي وتاج راسي
تركي: وقف بس انتي ماغلطتي أنا فعلا انسان أناني وماشوف غير مصلحتي بس ظلمت اغلى ناسي انتي يوم خذلتك وتركتك وأنتي بقمة حاجتك وكمل بحزن اكثروحنين يوم جرحتها قدام العالم وخذلت حبها لي وثقتها فيني حاول يبعد دموعه لانه له سنين ماطلعها حتى باصعب المواقف لكن ذكرى جرحه لحنين يألمه و يعذبه حيييييل
أمل : وقفت خلفه وحاولت تمد يدها لكتفه العريضه البعيده لها بالنسبه لطولها قدام طول وعرض تركي اخوي ياتاج راسي بالنسبه لي وقفاتك معاي مستحيل انكرها ياما وقفت معاي وعوضتني عن الي فات بس زواجي من متعب حتى لو كنت موجود ماتقدر تمنعه لاتنسى انك كنت صغير وهذاني الحمد لله اقوم واجلس احمد ربي على كنز زي متعب اصلحه ربي لي حتى صار نعم الزوج ونعم الأب بس لاتلومني على كلامي يوم موت بعد أما بالنسبه لحنين فغلطتك معاها تقدر تصلحها وتعوضها
تركي: لف عليها وحط عيونه بعيونها وبترجي كيف أمل طلبتك قولي لي مستعد اخسر ثروتي كلها حتى وظيفتي بس ترضى علي
أمل: تقطع قلبها له ورفعت عيونها له قالت له بتردد وبكل حنان تنفذ طلباتها وبكذا تعوضها
تركي: بلع ريقه وقال بحزن بس طلبها اني اطلقها وربي طلاقي لها معناته طلعت روحي من جسمي
أمل: ماحبت تثقل عليه وهي تشوف حزنه بعيونه ابتسمت بوجهه بكل حنان ربي يحننها لك ياخوي انت ادع ربك ترا ربي مايخيب من طلبه ورجاه الي حنن قلبي متعب علي وماصار يشوف غيري يحنن قلب حنين عليك ويرضيها عليك
تركي: يارب ياأمل ياررررب اكبر أمنيه لي بحياتي بعد رضا ربي علي هو رضا حنين علي أمل أنا احبها وأمووت بترابها وماتحمل فراقها وربي
أمل: الله يسعدك ويوفقك ياخوي ويحقق لك الي ببالك
*************************
انتهت من درسها وكانت مرهقة جلست على طاولتها وتشرب ماء تروي عطشها بعد تلميذات الصف الأول الي نشفن ريقها
فاطمة: كيفك اليوم شكلك تعبانة حيل
عفاف: بابتسامة متعبة حيل البنات الله يصلحهم مشغابات مرة
فاطمة: انتي معطيتهم وجه صارخي عليهم يجلسون
عفاف: حرام ياقلبي لسه صغار ولسه احنا بداية المدرسة مو متعودات يفارقون حضن امهاتهم
فاطمة: تظلين حنونة وقلبك طيب والكل يلعب عليك
عفاف: مانسى سلوى وتعلقها في يوم كانت توها داخلة المدرسة
فاطمة: الا صحيح عفاف مستغربة من شي
عفاف: لفت عليها باتسامة صافيه لأنها تحب فاطمة من اقرب صديقاتها ايش ياست فاطمة ؟
فاطمة: كيف حنيتي على سلوى وانتي يوم تحملي فيها كنتي صغيرة حيل عمرك لسه ماكملتي 15 سنة وتحني على بنوته صغيرة
عفاف: الكل مستغرب بس ربي سخرني لها يومها
فاطمة:الاحبيتي ليه تزوجتي وعمرك صغير
عفاف: ااااااااه يافطمة ابوي الله يرحمه ماكان ياخد شور للبنات عنده عشر بنات ويقول على قفا من يشيل خطبني زوجي ويكون ولد عم لابوي طبعا كان زوجي توه جاي من برا ومتفتح حيل عمره يمكن 22 سنة اهله كانو خايفين عليه زوجوه غصب بس مشكلة زوجه من بنت صغيرة ماتعرف متطلبات شاب منفتح وشايف بنات كثير
فاطمة: وبعدين ايش صار؟
عفاف: تنهدت بضيق من اول ليلة شافني وانصدم وقالي كم كلمة تحطيم اهلي مالقو غيرك يختارونها لي اشين بنات اقاربهم ليه انا ناقصني شي يوم يزوجني لك
فاطمة: انقهرت من اسلوبه ودها تموته صح لها سنة صديقة لعفاف وتعرف انه مطلقة من زمان بس اول مرة تفتح عفاف قلبها وتتكلم وبعدين ايش صار
عفاف: ولا ابلين ياستي نزل لأهله وهدد انه يبي يطلقني بس امه وابوه اقنعوه انه يخليني خافو من تفارق العوايل بسببه لو طلقني من اول ليلة راح يجيب كلام علي بعدها عيشني عيشة اهانه وذل وسبحان الله كان يكرهني ولاقرب مني الامرة بس تهور وقرب مني بعد 3 شهور طلقني بس كنت حامل بسلوى بغى ينجن مسكني وضربني يبغى الجنين ينزل بس كاتب ربي ان سلوى تظل ماتنزل الا بنوته حلوة تنور حياتي سبحان الله تطلع نسخة كربون من ابوها بالشكل
فاطمة: غريبة ماكرهتيها
عفاف: ليه اكرهها وهي حشاشة جوفي
فاطمة: والحمد لله صدمتك ماخليتك تنكسري او ماتكملي دراستك
عفاف: لاصممت اكمل علشان سلوى ماحد يمن عليها لا ابوها ولاحتى اخواني والحمد لله كملت دراستي باصرار وطبعا زوجي مهدد ان تزوجت راح ياخذها
فاطمة: له وجه بعد الي سواه
عفاف: لأنه تزوج ثانية طويلة وعريضة تناسبه موزيي يوم ياخذني كنت نحيفة حيل ووجهي لاعبة فيه حبوب الشباب كان طاير في زوجته الثانية بس بعد الولد الأول قلب عليها وصارت حياتهم مشاكل وكم مرة تكلمني امه انه كان يوم ياخذني طايش مايعرف مصلحته وانه الحين شاريني بعد ماباعني تصوري
فاطمة: فعلا شين وقوة عين بس غريبة انتي ماشي يعيبك جذابة حد الاذابة
عفاف: دعاية انتي ووجهك هههههههه لاجذابة ولاشي انا جدا عادية
فاطمة: وربي ماقولها مجاملة تراك اكثر وحدة تهتمي بنفسك بيننا يالمعلمات وبنتي مرة شافتك قالت من جدك يمه ابله عفاف عندها بنت كبيرة ماكانها سبق لها متزوجة اصلا صغيرة وحلوة وانيقة
عفاف: بعدم اهتمام الله يرفع من قدرك يام ريان
فاطمة: اقول تراني ماجاملك وعلى فكرة ترا اخوي مدوخني فيك يقولي تراني شاريها بس هي تشاور بعد وفاة زوجته رافض يتزوج بس يوم عرفك وسمع بسمعتك الطيبة انجن عليك وخصوصا يوم شافك مرة عندي ورد عليك مرة بتلفون بيتي بغى يطير عقله يقول من جدك هذي صوتها تنفع مطربة هذي صوت رقيق وناعم
عفاف: حبيتي فكيني من سالفة الزواج ماراح اتزوج لا اخوك ولاغيره انا عندي سلوى راح تكفيني عن الدنيا كلها
فاطمة: سلوى قريب راح تتزوج وتخليك
عفاف: وهي تشيل دروسها متجهة لفصلها قلتيها راح تتزوج وتملاء علي البيت بعيالها على اذنك قلبي الجرس دق
فاطمة: تناظرها وهي تروح وراك وراك حتى تتزوجين اخوي
******************
في القصر
طلال: ينزل من غرفة اخته حنين وهو ماسك شماغه بيده ومستعجل يبي يطلع بس شاف الوجه الي يكرهه ويستحقره
رنا: بكل دلع تلف حجابها الي كاشف اكثر ماهو ساتر هاااي طلولي
طلال: كشر بوجهه كم مره اقولك اسمي طلال لو سمحتي بعدين الناس يقولون السلام عليكم يسلمون تسليم المسلمين هاي هذي خليها لغيرنا من غير المسلمين
نوره: خير طلا ل ايش فيك على بنت خالتك ماقالت شي غلط تنط فيها كذا
رنا: تتصنع انها انجرحت منه
طلال: يشخص قدام المرايه وانا ايش قلت بس نصحتها تسلم وتكسب اجر
رنا: تجنن مايحتاج تتاكد من شكلك بالمرايه
طلال: بدون مايناظرها عارف عندي مرايه تقول اني اجنن مع السلامه
رنا: يوم طلع شفتي خالتوو موطايقني ابد
نورة: ماعليك منه بكره راح يلين هو بس مجروح منك انك خذليته وحاب ينتقم منك
والا يمووت بترابك
رنا: ماتوقع خالتو موطلال الاول ابد احس مازالت هجيوره ماليه قلبه
نورة: أي هجيوره لها سنه غايبه عنه والبعيد عن العين بعيد عن القب بعدين هو يموت يلقاها علشان ينتقم منها
رنا: بحزن خالتو انا اعرف طلال زين الي اشوفه انه حريص يلقاها علشانه يحبها موينتقم منها صدقيني مره كنا بمول انا وياه وحنين وشفنا بنت فقيره صغيره تطلبنا فلوس وهو كان يشوف حنين تكلمها وساكت ولاهمه كان يقلب باليفون حقه بس يوم سألتها حنين ايش اسمك قالت هجير حط جواله بثوبه وبعد حنين عنها وحطها بحضنه مع ان البنت كانت وسخه وحالتها حالها طلع من بوكه الف ريال وعطاها وباسها وخلاها وبعدها كان يمشي معانا وسرحان مو يمنا قلت له انجنيت تعطيها الف ريال ناظرني باستحقار قال زي مانجنيتي وتدخلتي بالي مالك شغل فيه
نورة: وقفت ليه ماعلمتيني قبل عن السالفة
رنا: بحزن يعني لو قلت لك ايش راح تسوي
نورة: احاول افكر بشي يكرهه فيها اكثر الصق فيها تهمة أكبر من الي قبلها
رنا: خالتوو مابعد الي سويناه وهو يمثل انه كارهها بس يزيد وله وشوق لها اكثر خالتو احنا غلطنا يوم ابعدناها عنه بدون مايشوفها تعرفي ليش لانه الحين شوقه وحنينه لها يجبره يبحث عنها ولايقدر يكرهها لاتنسي انه كان حريص يرجع له بصره علشان يشوفها يوم رجع مالاقها ظلت حسره بقلبه يمكن لو خليناه يلقاها وولصقنا فيها أي تهمه كان يزعل عليها ويطردها هو بنفسه لانه خلاص شافها وتحققت امنتيته وهدا شوقه
نورة: لفت عليها انتي انجنيتي تبغينه يشوفها ويتعلق فيها شكل سنة نستك شكل هجير وكيف كانت جميله تسرق عقل أي رجال يشوفها كيف طلال الي كانت زوجته ويمووت فيها بدون مايشوفها يعني لو شافها سكري باب انه يكرهها لو ايش ماصار
رنا/ انا صراحه فقدت الامل انه راح يرجع لي
نورة: لاتفقدي الامل صدقنيني راح يرجع لك وقولي ماقالته خالتي جلست وهي تغلي من وين طلعتي لنا ياهجيررر من وين كل ماقول انحلت الا تتعقد أكثر بلوة وجبتها بيديني
*********************
