LinkBack URL
About LinkBacks
10 المغرب 
05-09-2011, 06:02 PM 
رد: رواية قلبي مملكة غير أمورتي ما أحد يملكه 
البارت الثامن
البنات بصوت واحد:اميييييييييييره
دلال بصدمه:اميـــــــره بنت عبدالله
أسماء:ايه شفتي اخذ وحده احسن منك
كملت مشاعل:جمال ودلال
دلال:تخسي مي احسن مني
ريم:اقول ارجعي لبيتكم احسن
دلال وهي معطيتهن ظهرها:أدري إني برجع بس قبل قولن لعبدالله يكنسل الخطبه قبل ماأكنسلها
ريم:هههههههههههههههههههههههه ليه ولية أمره
طنشتها دلال وطلعت وهي طالعه واجهت عبدالله قدامها
قربت منه وجلست عند رجوله وقعدت تصيح:ليــــــه تخطب ليــــــه وشقت تي شرتها
عبدالله انصــــــدم ماتوقع انها بالوقاحه هاذي بيمشي بس مسكته مع رجله
عبدالله بصراخ:بــــــعدي
على صرخة عبدالله طلعن البنات وشافن دلال تصيح وماسكه عبدالله وعبدالله واقف
عامر نازل من فوق شاف دلال وراح لها وكــــــــــــــــــف على خدها
دلال وهي حاطه يدها على خدها:تــــــدفع ثمن صفعتك ولاتقول دلال ماقالت وقامت وناظرت لعبدالله:زواجــــــك مارايح يتم وأنا بقول لأميره كل شي
عامر مسكها مع شعرها:اذا قــــــلتي لها شي او رحتي لها بتندمين ودفعها على الأرض
دلال قامت وطلعت لبيتهم وهي معصبه وحاقده على عامر وتوعد فيه
عبدالله:وقــــــحه
ريم:ماعليك منها قليلة ادب هاذي
عبدالله:كيف لو جاء ابوي وشافها بتصير علوم
عامر:صدق عاد يحلف ابوي ويخليك تزوجها
أسماء:الله لايقوله قلن البنات
~~~***~~~***~~~***~~~
الساعه 12 م في بيت الجد عادل الكل حاول بأميره انها توافق تطلع المزرعه ورفضت.
الجد:اذا أميره مي طالعه حتى انا بجلس
أميره:لا جد انت لازم تروح
الجد:اذا رحتي بروح واذا جلستي جلست
أميره:خلاص جدي بروح
الجد:الله يرضى عليك يابنتي
أميره: ياالله جدي اناأستأذن بروح لشذى
الجد:ياالله روحي ولاتنسين الطلعه
أميره :انشاالله جدي ياالله باي
الجد:فكري بموضوع خطوبتك زين ترى عبدالله ماينرد
~~~~¤¤¤¤¤~~~~~~¤¤¤¤¤
شذى جالسه بالصاله وطفشانه أميره ومي راضيه تروح وهي ماتحب تطلع مكان الإ فيها.
أميره دخلت وشافتها وحطت يديها على عيون شذى
شذى وهي تلمس يديها:أميره
أميره:كيف عرفتي
شذى:من ريحة عطرك وعرفت يدك
أميره:تعالي نرتب الشنط
شذى بصراخ:بــــــتروحين
أميره:ايه
شذى:وأخيــــــرآ وافقتي
أميره:عشان خاطر جدي والإ مالي نفس
¤¤¤¤¤¤¤
الساعه 4 الفجر بتوقيت السعوديه وصلوا سلطان وليان فرنسا وراحوا الفندق اول ماوصلوا
اول مادخلت ليان الفندق دخلت الحمام تأخذ شاور بعد تعب السفر.وسلطان انسدح بالغرفه ينتظر ليان تطلع عشان يدخل الحمام.
بعد ربع ساعه طلعت ليان وشافته نايم وشكله نام بدون مايحس فتحت شنطتها تطلع ملابسها
على صوت فتح الشنطه وحركة ليان بالغرفه قام سلطان:نامي بالصاله
ليان:اخــــــاف
سلطان:ليــــــه بزر تخافين
ليان:بعدين الكنبه تكسر ضهري
سلطان قام:المهم بأخذ شاور وياويلك ان شفتك هنا
ليان:طيب انت نام بالصاله وأنا هنا
سلطان:نــــــعم نعم عيدي ماسمعت
ليان:انت نام بالصاله
سلطان وهو متوجه للحمام:اطلعي قبل تشوفين شي ماشفتيه ودخل الحمام.
ليان بنفسها"مالت عليك والله يعيني على النوم بالصاله"
بعد عشر دقايق طلع سلطان وماشافها وابتسم"شكلها تخاف بس احسن هاذي اللي ابي"
ليان انسدحت بالصاله"انشاء الله مايتهنى بنومه"
~~***~~~***~~~***~~~
الساعه 9 الصباح كل العوايل اتجهوا لمزرعه الجد عادل
أميره:عزيز قبل نمشي مر السوبر ماركت وخذ لنا جالكسي وكندر وسنكرس وشيبس وبيبسي و
قاطعها عزيز:بــــــس بس وش بقى ماقلتيه
شذى:عادي عمي والإ بتبخل علينا
أميره:اذا على الفلوس انا ادفع
عزيز:ماقصدي بس انسى كل اللي قلتي
شذى:المهم كثر
عزيز:ماهمك الإ بطنك انتي ونزل عند السوبر ماركت
أميره:بدق اسأل منال مشوا
شذى:بسرعه قبل يجي عزيز
خالد:مــــــها تسمعين انزلي
مها:لا والله تنزلني من سيارة ابوي وتركب عبدالله
خالد بعصبيه:قــــــلت انزلي انزلي عاد هذا ابوك وعمك رافضين انا نروح على سياراتنا يقولون ماله داعي كل واحد على سياره
مها:اوووف وين اروح
خالد:مع عمي محمد او عبدالرحمن
مها:وعيالهم
خالد يقلد صوتها:وعيالهم بيرحون على سيارة عبدالله مع عامر وأنا لو ابوي ماقالي اسوق عنه كان رحت انا وعبدالله على سيارته
مها:وليه طيب عبدالله مايروح على سيارته والإ ماتروح الإ فيه كأنك بزر
خالد:اقول اسكتي وروحي قبل يمشون عنك
عامر:تراي فهمت
عبدالله:ومو تأكلون وتحوسون سيارتي
فيصل:ابشر بس لاتزعجنا كل هذا حسد على سيارتك
عبدالله:لا بس البارح مغسلها
فيصل بمزح:انا بس بصب البيبسي على السيت
عامر:وانا بلصق العلك على السكان وش رايك
عبدالله بمصلحه:لا انتم رجال وتحترمون اخوكم المعرس
عامر:ماأقول الإ الله يعين اميره عليك
فيصل بمزح:لا اميره والزوجه الثانيه دلال
عبدالله بقرف:هذا اللي ناقص
***~~~***~~~ الساعه 10 بتوقيت السعوديه.
بفرنسا ليان ماارتاحت بنومها ومانامت الإ ساعتين وصحت اخذت شاور ولبست تنوره قصير ليلكي وتي شرت اصفر ورافعه شعرها معها عصير وجالسه بالصاله تشرب وتناظر tv
سلطان مانام زين وصحى"شكلها من يوم طلعت وهي تدعي مااتهنى بنومي اول مره انام نومه كلها كوابيس"ومد يديه"بروح لسامي احسن"وقام واخذ منشفته ودخل الحمام.
~~***~~~***~~~***~~~
الساعه 11 وصلوا العوايل المزرعه والشباب والبنات راحوا ينامون والشياب جلسوا بالمجلس والحريم جلسن بالصاله>>>المزرعه كبيره مره وفيها فله ثلاث أدوار الدور الثالث للشباب والثاني للبنات وتحت الحريم والشياب وكل دور فيه 8 غرف وكل غرفه فيها حمام وصاله كبيره ومجلس ومطبخ تحضيري. وثلاث مسابح وملعبين كرة قدم وصالة بلياردو وملاعب كرة سله وطايره>>>
عند الشباب""
عزيز:انا لي الغرفه هاذي
فيصل:لا لي انا لونها مغري للنوم
خالد وهو يأشر للغرفه:هاذي لي انا وعبدالله
عزيز:وأنا ابي عامر عندي
فارس:والغرفه اللي فيها اربع سراير لي انا وعمار وزياد وتركي
فيصل:وانا ماأبي احد عندي
عزيز:وأنا عامر وبس
عند البنات""
أميره وشذى بغرفه لوحدهن ومشاعل وخلود لوحدهن وريم ومها واسماء لوحدهن
أميره وهي تنسدح:خساره خالي مو جاي الإ العصر
شذى:منال عندنا صح
أميره:اكيــــــد
عند الشباب""
عبدالله:مافيني نوم ننزل تحت
خالد:حتى انا يالله وقام
عبدالله:وين نروح
خالد:عند جدي
عبدالله بضيق:الحين باسل بيجي
خالد:ايــــــه والله يعين بس
~~~***~~~***~~~***~~~
بفرنسا""
سلطان لبس بنطلون جنز زيتي وتي شرت أصفر وفوقه جاكيت أخظر وشال لفه على رقبته وتعطر وطلع.
ليان لفت وشافته وبدأ قلبها يدق بقوه ناظرت له ولفت تناظر بالعصير
سلطان وقف:ويــــــن جوالك
ليان بإستغراب:وش تبي فيه
سلطان:مو شغلك وينه
ليان:بالشنطه الى الآن مادولته
سلطان:آهــــــ ولف للباب بيطلع
ليان:طــــــالع
لف لها سلطان:اسمعي اطلع ادخل مو شغلك ماأنتي مسؤله عندي
ليان:بتتركني بالفندق وحدي
سلطان بإستهزاء:بــــــزر تخافين بعدين ماأنتي وحدك الفندق مليان ناس وطلع
ليان بقهر"لا بيحبسني هنا بعد بروح انام احسن"ودخلت الغرفه وشافت شنطة سلطان وتحمست وفتحتها وشافت البوم صور و طلعته وجلست على السرير تفرج على الصور
سلطان نسى يأخذ الكاميرا عشان يطلع مع سامي ورجع للفندق يجيبها
ليان اعجبتها صوره لسلطان وتناظر فيها.
:انــــــتي وش تسويــــــن
طاح الألبوم من ليان من الخوف وجمدت بمكانها
سلطان تقدم وبعصبيه:تــــــكلمي وش تسوين
ليان بإرتباك:ببـــبررتتبها
سلطان مسكها مع شعرها:اغــــــراضي ماتلمسينها
ليان من قربه لها حست بأنفاسها تخنقها وقشعريره بجسمها
سلطان تركها:فــــــاهمه
ليان بخوف:فــــــ فاهمه
سلطان اخذ الألبوم وشاف الصوره وابتسم لها بسخريه:عــــــاجبتك
ليان بإرتباك:هــــــاه لا وطلعت عن الغرفه
سلطان:هههههه توك باقي اكثر وفتح شنطته واخذ الكاميرا وطلع وراح لسامي.
ليان بعد ماطلعت من عنده راحت المطبخ وشربت ماء بتبرد على جسمها"ياربي ليه اذا شفته ارتبك واحس بشعور غريب لا لا يمكن عشاني اخاف منه"
*******
سامي:طيب لو يوم طلعها حرام تطفش بالفندق
سلطان:لالا عادي بس تعال نروح نتمشى
سامي:الله يهديك عنيد
*****~~~~~~~~~~~*****
بالمزرعه العصر الساعه 5 ونصف وصلوا باسل وأهله.
أميره وهي تضم منال:اخبارك يالدبه وحشتيني
منال بنص عين:انا اللي وحشتك والإ بعض ناس
أميره:ههههه كل الأثنين
الشباب عند الرجال فارشين لهم بوسط المزرعه عند الزرع ويتقهوون
عبدالله:الله يعيني ويصبرني
خالد:هههه تصبر مانقدر نقوم من عند الرجال
عزيز لزياد:ولد خالك هذا ماأرتاح له
زياد:سامج يجيب الإكتئاب
باسل جالس ويناظر بخالد وعبدالله ويتوعد بقلبه.
الجد:يــــــاشباب من منكم يركب شجرة الرمان ويطلع لنا
ابو عبدالله:نتحدى والإ واحد يقوم
الشباب ناظروا ببعض وهم فاتحين عيونهم
الجد:وش فيكم بنات ماتعرفون
زياد:والله ياجد ماحنا قرود نطامر مع الأشجار
الشباب:هههههههههههههههههههه ههههههههههههههههههههه
ابو زياد:بدل كلامك هذا والله مايجيب غيرك
زياد:لا يبه تكفى ماأقدر اطيح وناظر للشباب:الــــــــــــفزعه
ابو زياد:هههه لاتحاول انا حلفت
تركي:انا بساعدك
زياد:واذا طحت وتكسرت
عزيز بمزح:سهله نوديك المستشفى ويسوون لك تجبيره
عامر:وندلعك ندفك ونأكلك بعد
الجد:يالله يازياد وانا جدك معليك وخذ معك حبل عشان تربطه
عبدالله:اساعدك
زياد:لا انا قد التحدي وبتسلق الشجره وراح زياد والشباب معه ماعدا باسل وفيصل وفارس
زياد:اشهد انا لاإله الإ الله وأنا محمد رسول الله ووقف عند الشجره:هاذي تشقق الرجلين
تركي:يادلخ احد يركب بدون جزم
الشباب:ههههههههههههههههههههه
زياد وهو يربط جزمته:الصعود عادي بس النزول صعب
الجد من بعيد:انتــــــبه لاتطيح
زياد للشباب:شفتوا جدي من اليوم مزعجني والحين يقول لاتطيح
الشباب:هههههههههههههههههههه
عامر:وصيتك قبل تركب
زياد بإستهبال وهو يصعد:أن تدفنوني هنا للذكرى
الشباب:ههههههههههههههههههه
عزيز بمزح:ونجي كل عصر ونبكي على قبرك
خالد:هئ هئ ونحط ورد
زياد وصل وسط الشجره وناظر:يــــــــــــمه الأرض بعيده
الشباب:ههههههه اصعد بعد
زياد وصل تقريبآ عند الرمانات:ألحين كيف اقطعهن
عزيز:هههههه بركب معك وتسلق الشجره
عند الحريم""
الجده:يابنات روحن تمشن بالمزرعه احسن
ام زياد:صادقه عمتي انتن جايات تستأنسن مو تجلسن
ام عامر:والمشي زين ألحين
البنات:شمس ألحين اذا جت الساعه 6 نطلع
أميره لشذى:بشرط مانروح اتجاه الشباب
شذى بمزح:عاد الحبيب والخطيب كلهم مجتمعين
أميره:شذى رجاء لاتضيقين خلقي
عند الشباب""
عبدالعزيز وزياد فوق الشجره ويقطعون رمان ويحذفونه على الشباب
خالد:آآآي زياد لاتقط فوق راسي
عزيز:من يمسكها يالله
عامر:انا بس ههههههههه وهو يشوف عزيز يحذف رمانه على رأس عبدالله
عبدالله:ثلاثين حبه يكفن خلاص
زياد بصراخ:يــــــاإلهــــــي كيف انزل ألحين
عزيز:بدفعك وعبدالله يمسكك
زياد:ليــــــه كوره بس عطني الحبل وانزل فيه
خالد وهو يشوت الحبل لزياد:امــــــسك
زياد مسك الحبل وربطه ونزل وبعده عزيز نزل واخذوا الرمان وراحوا عند الجد
البنات راحن يتمشن بالمزرعه.
مها:وش رأيكن نروح عند الاسطبل
أميره بعد الموقف اللي صار لها فيه كرهته وتكره تروح له.
أميره:لا انا ماأبي اروح
مها:ليــــــش والإ عشان السالفه
أميره ماتحب احد يذكرها وبعصبيه:غــــــصب طيب اروح
ريم بلقافه:أي ســــــالفه
مها:سالفة أميره وباسل
أميره خلاص فورت من العصبيه وانقهرت من مها تقدمت بتضرب مها بس شذى مسكتها
شذى:مــــــها ماتقدرين تسكتين
مها:طيب عادي هي ألحين تبي تزوج عبدالله
أميره بعصبيه اكثر:والإ عشانه خطبني بتزوجه أنــــــا مستحيل اتزوجه
منال بصدمه:وعــــــبدالله خاطبك وناظرت لأميره
شذى:ترى الخطبه امس ماصار شي
مشاعل:طيب ليش أميره ماأنتي موافقه
أميره:كــــــذا عبدالله ماأطيقه على وجه الأرض
ريم بعصبيه:عــــــاد احترمي نفسك
أميره بإستهزاء:يروح لدلال اللي تحبه ولو ادري حتى هو يحبها بعد
مها بخبث:حتى انتي ياأميره تحبين باسل
أميره انصدمت كيف عرفت مها وهي ماأحد يعرف انها تحب باسل الإ شذى وملاك وجود والبتول.تغير وجه أميره وسكتت
شذى بعصبيه:مــــــها احترمي نفسك لأقص لسانك
ريم:ليه تقصين لسانها انها قالت الحقيقه
أميره بصراخ:اي حقيقــــــه انتي وبدموع:أنا عارفه ان هالطلعه بيصير فيها شي وينكد علي وراحت ركض للفله تبكي وشذى ومنال راحن معها.
خلود بعصبيه:ارتحتي ألحين يامها يوم زعلتيها
مها:ماقلت شي بس هي دلوعه
ريم:بقول لعبدالله
خلود:لا ريم تكفين
مشاعل:لا تخربين كل شي انت
أسماء:صدق تسببين مشاكل حنا جايين نستأنس
أميره تركض بتروح فوق وصدمت بعبدالله نازل من فوق يجيب شاحن جوال.وبطيح ومسكها وانصدم من دموعها
عبدالله:أميره وش فيك
أميره بعصبيه ودموعها تنزل:كــــــله منك انت وخالد كله منكم هئ هئ هئ هئ
عبدالله:
أميره بصياح:اتركني حراام عليكم ظلمتوني والناس ماترحم وراحت ركض تبكي دخلت الغرفه وقفلت الباب ورمت نفسها عنده وبكت بقووه.
عبدالله وقف مصدوم من كلامها"الناس ماترحم وش صاير وش فيها"
شذى جت تركض وشافت عبدالله وبعصبيه:انــــــت اذلف وش تسوي هنا بتكمل بعد
عبدالله:شذى وش السالفه
شذى بعصبيه أكثر:السالفه انك تضف وجهك وتبعد عن اميره وراحت تمشي ولفت:اســــــأل مها النذله وراحت لأميره
عبدالله طلع ودق على خلود تجي بيسألها.بعد خمس دقايق جت خلود.
خلود:عبدالله صاير شي
عبدالله:اجلسي بسألك
خلود:عن ايش
عبدالله:اميره وش فيها ليه تبكي
خلود بإرتباك:هــــــاه م ماادري
عبدالله:خلود قولي بسرعه بدون لف ودوران
خلود قالت له سالفة مها وأميره بدون ماتذكر له ان أميره تكرهه وتحب باسل.
عبدالله بضيق:فيه شي ثاني صح
خلود:مثل ايش
عبدالله بقهر:أميره تحب باسل صح
خلود بإرتباك:لاااا لا من قال
عبدالله بعصبيه:خــــــلود اذا ماقلتي لي السالفه عدل بنادي مها
خلود بسرعه:لا لا خلاص اقول
********
شذى وهي تطق الباب على أميره:أميره افتحي
أميره:.
شذى:أميره الله يخليك افتحي
أميره بصياح:ماأبي احد ماأبي احد
شذى:افتحي بقولك
أميره بعصبيه:قــــــلت ماأبي احد ماأبي احد خلاص بأرتاح
شذى راحت"لا حول ولاقوة الإ بالله ألحين اذا سألتني خالتي ام زياد ايش اقول لها بس مها تبي لها أدب"
*******
عبدالله غمض عيونه:آآآه لاهالدرجه تكرهني
خلود بتخفف عنه:لا بس عشانها معصبه ويمكن تحسبك تحب دلال
عبدالله بقهر:أنــــــا ابي اتخلص من باسل وارتاح
خلود بخوف:لا عبدالله لاتسوي شي
عبدالله قام:مــــــها يبي لها قص لسان بعد
