LinkBack URL
About LinkBacks
البــــــــــارت الـــــسادس عشر
***"""***
عزيز وخالد ينتظرون عبدالله بالسياره.فتح عبدالله وركب وسكر الباب
عزيز+خالد:بــــــــــــشر
عبدالله:بنت اخوك هذي صعب التعامل معها
خالد+عزيز:ههههههههههههههههه
وش سوت لك
عبدالله:معصبه وتصارخ طلعت قبل انفضح
عزيز:يوووه من يفكني من لسانها عاد
***"""***
شذى رجعت من بيتهم واستغربت أميره مي بالصاله"اكيد بغرفتها"وراحت وطقت الباب على أميره
أميره:ميــــــن
شذى:افتحي
قامت وفتحت الباب بدون ماتكلم وجلست ع السرير
شذى عرفت انها معصبه وزعلانه:وش فيك
أميره:تسوين نفسك ماتعرفين
شذى:والله ماكنت عارفه شي واستغربت يوم عزيز أشر لي بلا توافقين
أميره:عزيز يشوف
شذى:وش السالفه
أميره قالت لها كل شي ومكالمة دلال.
شذى:ههههههههههههه طيب وش رايك بعبدالله حلو صح
أميره:مثل وجهك
شذى:عادي طيب وجهي حلو اكيد عبدالله حلو
أميره بعصبيه:شــــــذى ماني ناقصتك يكفي الزفته دلال
شذى بنفسها"دلال هذي لازم اتخلص منها بس كيف"وقامت بروح لبيتنا
أميره:براحتك
طلعت شذى وشافت جوال زياد بالصاله يشحن.فتحته وسجلت رقم عبدالله ع السريع ونزلت جوال زياد وراحت لبيتهم وهي تفكر كيف تقول لعبدالله وتخلص من دلال
***"""***
الساعه 11 ونصف بالليل.ليان ببيتها ولابسه فستان أحمر قصير ناعم وفيه حزام فضي على خصرها ولابسه صندل فضي ورابطه شعرها وتاركه خصل كثيره نازله وتنتظر البنات بيجن لبيتها
دخل سلطان البيت بيلبس بيروح الشباب وشاف ليان وابتسم وبحركه سريعه باسها على خدها وراح فوق.ليان انصدمت وبنفس الوقت ولع وجهها أحمر "ياربي سلطان هذا غريب مو كأنه بعد الفطور يهاوش ومعصب"
سلطان دخل الغرفه"أنا وش سويت معقوله أحب ليان لا لا ماأحبها ولاشي بس رجع قلبه يقول الإ تحبها وتموت فيها بعد"طلع له ملابس ولبس ع السريع وطلع من الغرفه ركض وهو يركض ع الدرج صدم بليان بس مسكها قبل تطيح.
سلطان بخوف:صابك شي
ليان بإبتسامه:لا
سلطان من ابتسامتها ارتبك ودق قلبه بقوه و بيصرف:ليون بروح الشباب وراح وبنفسه"لا واقول لها ليون بعد وش فيني أنا"
ليان وقفت مصدومه"سلطان ويقول لي ليون وش صاير بالدنيا"
"""***"""
عبدالعزيز بعد ماراحوا عبدالله وخالد للقصيم.راح لبيت نايف وشاف شذى جالسه بالصاله ومعها جوالها
عزيز:السلام عليكم
شذى:وعليكم السلام
عزيز:غريبه وين أميره عنك
شذى:زعلانه بغرفتها ومارضت تفتح
عزيز:لايكون عشان عبدالله شافها
شذى:ايوه بس كانت معصبه وقبل شوي رحت لها ومافتحت شكلها تصيح
عزيز:انا بروح لها
شذى:وحاول تجيبها معك
عزيز وهو طالع:ان شاء الله
***¤¤¤***
أميره بغرفتها ومنسدحه وتناظر فوق ودموعها شلال على خدها"يارب ارحمني مو قادره استوعب أنا خلاص ألحين بتزوج لازم انساه لازم والله يوفقه مع اللي تسعده"وسمعت طق الباب بس طنشت ماتكلمت
عزيز:اميره اذا مافتحتي بجيب المفتاح الثاني
أميره عصبت من عزيز وبنفسها"وجاي بعد اللي سوا"
عزيز:تسمعين افتحي
أميره:ماأبي افتح
عزيز ماسك نفسه لايضحك:ليش خلينا نتفاهم
أميره فتحت الباب وبعصبيه:نــــــتفاهم على ايش
عزيز سكر الباب:أنا ماكنت بسوي كذا بس كسر خاطري عبدالله
أميره بعصبيه اكثر:كسر خاطرك وانا ماكسرت خاطرك كيف لو ابوي او جدي شافني وش بيقولون
عزيز:كنت متأكد ان مافيه احد
أميره خلاص وصلت معها:ماتوقعتك كذا ياعزيز وطاحت دمعه على خدها
عزيز استغرب ماتوقع بتزعل كذا او يأثر فيها قام وحظنها
أميره ماصدقت تلاقي حظن احد بكت وفرغت كل اللي بقلبها
عزيز بتأنيب ضمير:لو كنت اعرف انك بتزعلين كذا ماطاوعت عبدالله
أميره بنفسها"آآآه ياليت السالفه من عبدالله وبس ماتدري ياعمي وش كان بقلبي تعبت خلاص ماأقدر اصبر او اتحمل"
عزيز بعد ماهدأت:أموره حقك علي بس قومي غسلي
أميره مسحت دموعها وضحكت غصب
عزيز قرصها مع خدها:صدق دلوعه خوفتيني
أميره قامت:بغسل وابدل وانزل
عزيز:اوكي وتلاقينا ببيت نايف
أميره:اوكي دقايق واجي
طلع عزيز وأميره وقفت عند المغسله تغسل وجهها وسرحت"ماني مصدقه باسل بيخطب ياربي بموت بموت خلاص ماني قادره اتخيل شكله مع وحده غيري الله يهديك يامنال ليش تقولين لي"ومكالمة منال قبل ربع ساعه انعادت لها
أميره:هلا يالقاطعه وأخيرآ دقيتي
منال:أميره بقول لك شي
أميره بإستغراب:قولي وش فيك
منال بحزن:باســــــل
أميره بخوف:وش فيه
منال:ابوي بيغصبه يخطب وهو رافض
أميره من سمعت كلمة خطبه طاح الجوال منها وانصدمت وبدموع"باسل بيخطب بيخطب لا ماني مصدقه"
منال:الوو أميره
أميره الى الآن بصدمه رفعت الجوال:أكلمك بعدين
منال:براحتك باي
أميره قفلت وانفجرت بصياح.
طاحت دمعة أميره بعد ماذكر عليها ومسحتها"استغفرالله استغفرالله يارب انا ألحين بتزوج ليش افكر بباسل"وغسلت وجهها وطلعت وفتحت الكبت واخذت بيجامه تفاحي ولبستها وراحت لبيت عمها نايف
***"""***"""***
خالد يسوق ومركز مع الطريق وعبدالله منزل السيت ومسند رأسه عليه.
خالد:اقول عبود وش رأيك تصحصح وتسولف علي
عبدالله تعدل:لايكون نعست
خالد بكذب عشان عبدالله يسولف:تقريبآ
وصل مسج لجوال عبدالله وافتحه وقعد يطالع وبنفسه"شذى غريبه"وقرأ المسج مره ثانيه (عبدالله ممكن أكلمك ضروري السالفه تخص أميره*شذى*)
خالد انتبه له:وش فيك ساعه تناظر بالمسج
عبدالله هز كتفه:شذى وتقول بأكلمك السالفه تخص أميره
خالد ابتسم لطاري شذى:طيب دق وشف يمكن شي ضروري
عبدالله:الله يستر ودق رقم شذى
¤¤¤>>>¤¤¤
شذى بغرفتها وتدور ومتوتره تنظر عبدالله يدق"اللي انا سويته صح والإ خطأ بس شسوي ماأبي أميره تكره عبدالله زياده والله انه احسن من الصايع باسل كرهته صدق أميره مخدوعه فيه"وقطع عليه صوت جوالها.
شذى جلست وسمت بالله وردت
شذى:هلا
عبدالله:السلام عليكم
شذى:وعليكم السلام
عبدالله:بغيتني ضروري
شذى:ايوه وعشانك وعشان أميره
عبدالله بتوتر:قولي تراي على اعصابي
شذى:دلال
عبدالله من سمع دلال عرف إن ماوراها خير:شفيها
شذى:تدق على أميره وتقولها انها تكلمك وانك تحبها
عبدالله مسك يد خالد بقوه وخالد متحمس يبي يعرف
شذى كملت:وأميره مصدقتها وايه صح قايله لها انك آخذها عناد وكلها فتره تعذبها وتطلقها وتزوج دلال
عبدالله:وهذا اللي ناقص بعد واميره مجنونه افكر انا بغيرها
شذى استأنست:اقول عبدالله ممكن سؤال اذا مافيه احراج
عبدالله:هههههه عارف بتقولين تحب أميره
شذى:ههههههههه وش اللي عرفك
خالد سمع ضحكتها وبنفسه"فديت الضحكه وصاحبتها"
عبدالله:كذا حسيت ودلال انا لي تصرف معها بس انتي تكفين قولي لأميره وسلميني عليها
شذى"عشان تموتني":ان شاء الله
خالد بصوت عالي:شــــــــذى
شذى عرفت صوته:خيــــــر
خالد بوز وعبدالله مات من الضحك
شذى:اقول بسكر احسن
خالد:انتظري بقول لك شي
عبدالله:خــــــلود يحبــــــك
خالد ضرب عبدالله وشذى انصدمت وقفلت الجوال وهي مي مستوعبه كلام عبدالله
خلود يحبك .خلود يحبك.حست بحراره بجسمها وجلست تفكر"خالد يحبني هذا وش قاعد يقول"وقامت "اروح تحت احسن وش حب وخرابيط"وطردت الافكار من رأسها ونزلت تحت عند العايله.
>>>>¤¤¤¤>>>>
بالاستراحه الشباب مجتمعين وسلطان جالس بعيد عنهم شوي وسرحان
سامي انتبه له وقام وجلس جنبه:اللي آخذ عقلك يتهنى به
سلطان ابتسم وسكت
سامي:وش فيك سرحان
سلطان:هه لا ولا شي
سامي:هههههههههه معقوله ليان سوت كذا فيك
سلطان عطاه نظره ولف.
سامي:عارف انك تحبها وتجامل ياخي اعترف وريح نفسك
سلطان تنهد:غصب ملت لها قلبي مو بيدي
سامي بفرح:هاذي الساعه المباركه وأخيرآ حنيت لها
سلطان:لو على كيفي كان طلقتها وارتحت بس وسكت
سامي:بس ماتقدر صح لأنك تحبها
سلطان بإرتباك:م مو قصدي اني احبها بس قلبي مايطاوعني
سامي: هذا دليل انك تحبها بس يارجال اعترف وعش حياتك لاتعذب نفسك ع الفاضي
سلطان بنفسه"قلبي مو بيد لو الود ودي كان طلقتها وارتحت"ورجع يفكر"مجنون انا اطلق ليان وش فيني انا"وبقلبه"ماتوقعت اني بحبها كنت خايف والليله بعد ماشفتها اكتشفت اني احبها وماأقدر اطلقها"
سامي بنفسه"صدق انك عنيد والإ وش حلاة ليان وين بتلاقي وحدها مثلها يكفي بس انها تحبك"
¤¤¤>>>>¤¤¤
خالد:يووه عبود ليش تقولها
عبدالله:هههههه أحسبك بتقولها
خالد:لا بسألها سؤال ثاني بس انت وش بتسوي بالزفت دلال
عبدالله:ماأدري بس لازم اوقفها عند حدها
خالد:وش رأيك تخليها علي
عبدالله:لا بعد ازعجك فيها
خالد:لا عادي اهم شي راحتك
عبدالله:ماتقصر الله لايحرمني منك
انتــــــــــهى.
