الموضوع: رواية ابي انام بحضنك كامله

امال سحبت اللحاف وغطت وجهها بالكامل من نظرة عبد العزيز الغامضة والمغرورة
وفي هذي اللحظة انفتح الباب وصوت منى الي دخلت الغرفة بسرعه وهي تركض
منى وهي تلهث : ههههه سبقتك سبقتك يا عدنانوه هههه انا ال
وما كملت كلامها وهي تشوف المنظر الي قدامها والي صدمها بقوة منى شخصيه حساسه مرة . طيرت عيونها وجات بتصرخ وهي تشوف امال على السرير وعبد العزيز جالس على الطرف ويبتسم وينظر فيها
الاثنين لفوا جهه منى والخوف باين عليهم
عبد العزيز اول مرة يرفع عينه بمنى وصدمه انها تشبهه امال حيل والصدمه الكبيرة انه جالس على سرير امال وصوت عدنان يرقى الدرج
امال شالت اللحاف عنها بتقوم . وجهها صار من غير لون ويدينها تترتجف من الخوف والصدمه
منى كان تصرفها سريع لانها قفلت االباب قبل دخول عدنان
عدنان بمرح : ههه يا الغشاشة تقولين ادخل الاكياس وتطلعين قبلي لازم نعيد من جديد. افتحي الباب ليش قفلتيه .
منى تفكر بميهاف الي بيعرف عنها عبد العزيز وتحمد ربها ان ميهاف دخلت غرفتها وسكرت الباب عليها . ومنى نزلت تشيل الاغراض مع عدنان وسوت سباق معه مين يدخل اول ويخبر امال عن ميهاف وفكرت بعدنان الي يمكن يموت لو شاف صديقه في السرير مع اخته .
منى ببكاء : ليش ليش . ليشش. فهموني . انا .
ونظراتها بين امال وعبد العزيز الي باين عليهم الارتباك والصدمه .
عبد العزيز بهمس : انت فاهمه غلط . انا . امال .
منى ببكاء : غلط غلط اي غلط شوف نفسك يا محترم وين جالس .
امال فاقت من الصدمه بسرعه وهي تسمع صوت عدنان يدق الباب
امال : منى لا تفهمين . اسمعي مني اول وبعدين احكمي .
منى تقاطعها : اسكتي انت
امال : ياربي وش هالورطه وايش نسوي وعدنان عند الباب
عبد العزيز بتوتر : اطلع من الشرفة
امال بتوتر شديد : لا يافالح أي شرفه الغرفة هاذي مافيها شرفه.
منى حساسه جلست تصيح
عدنان بخوف لا منى طولت ما افتحت الباب : منو . حرقتي اعصابي لايكون اموله فيها شي .
امال وقفت وسحبت عبد العزيز ودخلته دورة المياه بسرعه .
عدنان يدق الباب : والله لو ما فتحت لاكسر الباب منى ايش فيك امال فيها شي منى ليش تبكين . خوفتوني عليكم
منى تبكي بصوت عالي مقهورة من اختها تحسب انها مسويه شي غلط
امال الي دخلت عبد العزيز الدورة المياه . وبلتت شعرها بالمويه ولفت المنشفه عليه وعبد العزيز مغتاظ من الموقف مو مرتاح يحس انه جالس يخون صديقة وهو يشوف دموع امال تنزل بقهر وومنى تقول ليش ليش
امال قفلت باب دورة المياه بعد ما قالت لمنى تفتح باب الغرفة
منى بدت تتماسك وفتحت الباب
دخل عدنان بخوف : ايش فيك ليش تبكين وين امال
منى : اهئ اهئ
عدنان توجهه للحمام وهو يسمع صوت الماء : ودق الباب : امال امال ردي علي
امال خافت وجلست تبكي من الرعب عبد العزيز قرب منها وجات بتصرخ مسك فمها وهويقول
عبد العزيز : سوي نفسك منغثة ونفسك قالبه عليك او حتى داخلك برد .
امال مرعوبه و الموقف اوجع بطنها مشت للمغسله وهي بصوت عالي ارعب عبد العزيز الي بدء العرق يتصبب منه من صعوبة الموقف
عدنان يدق اباب : امال ردي امال خوفتيني عليك

عدنان يدق اباب : امال ردي امال خوفتيني عليك
منى تماسكت شوي : امال افتحي الباب
امال برعب نظرت لعبد العزيز وكأنها تقول ايش اسوي
عبد العزيز بهمس : انا راح ادخل البانيو واقفل الستارة وانت اخرجي وقولي ان دخلك برد وانك منغثه وانا منى سمعت صوتك بالحمام وخافت عليك
عبد العزيز مسح على راس امال المرتجفه من الخوف وتفاجاء بيد امال تبعد يده
امال بانكسار : حرام عليك تمسكني انا مو محرم لك تمد يدك وتمسح على راسي .
عبد العزيز كلامها ضرب على الوتر الحساس عنده معقوله انا اسوي كذا بحياتي ما سويتها ويوم امد يدي على وحدة امدها على اخت صديقي الي امني الي الي ساعدني ووقف جنبي من غير أي مقابل .
نظر للدموع الي على وجهها . والارتجاف الي باين عليها ,,وعلى صوتها
عبد العزيز : انا انا اسف
امال : مشت للباب وعبد العزيز دخل البانيو واغلق الستارة عليه
عدنان وهو يشوف وجهه امال المنفوخ من البكاء ويشوفها تطلع من الحمام وتقفل الباب وراها .
عدنان بارتياح : الحمد لله والله اني كنت باموت من الخوف عليك سلامات وايش فيك اموله الحلوه ليش كل هالدموع .
امال ببكاء رمت نفسها على اخوها : انا خايفه اهئ اهئ انا مرضت ومن يوم رحتوا وانا رايحه جايه للحمام . منغثة ونفسي قالبه علي
عدنان حضن اخته ومسح على جبهتها : اسم الله عليك لا تخافين انا جنبك ومنى بعد كلنا جنبك . انت عارفه ان المشوار الي رحناه ضروري
منى وامال حضنوا عدنان بكوا الاثنين وكل وحده تفكر في شي .
عدنان ومنى سدحوا امال على السرير وغطوها وجلس عدنان جنبها يمسح على راسها
عدنان : يالله عاد اموله شويه تعب يسوي فيك كذا . وانت بعد يا منى الله يهديك طيرتي برج من مخي .
منى نظرت بامال نظرة لها معنى وامال نظرة لها نظرة تقول فيها انها مظلومه
عدنان بحنان : والله لو يصير لوحده منكم شي . وانا حي وراسي يشم الهواء ماراح اسامح نفسي ابدا .
وكمل عدنان : انا مستحيل اخلي أي شي يضركم . انا ما صدقت ان دراستي تخلص علشان ارجعلكم .
امال بتوتر وبكاء : الله لا يحرمنا منك ياخوي الحنون .
منى سرحانه : .
عدنان بحب : الحمد لله الي انعم علي وخلصت دراستي . وحتى شاهدتي اخذتها بسرعه بعد ما ساعدني عبد العزيز . والله انه ما قصر معي في شي .
عبد العزيز كان بالحمام ويسمع الحوار الي يدور وضغط على يدينه الين ما حس ان اصابعة بتنكسر كل هاذا الحنان لاخواته ,,وانا اخونه ,,انا اتسبب له بالاذء . يوم احتجت وقف جنبي ساعدني وانا يكون تصرفي معه بالنذاله ذي .والمشكله اختها الي فاهمه غلط
عدنان : انا بطلع اشتري شويه حاجات من الصيدليه علشان البرد الي معك وراجع ومنى راح تنتبه لك . توصين شي يالغاليه .
امال : لا لاتتعب نفسك .
منى نظرة فيها وكأنها تقول لها وانت ناسيه المصيبه الي جوا : الله يجزاك خير عدون ما تقصر وانا بعد محتاجه شي من الصيدليه باروح معك
عدنان : لا انت اجلسي عند امال يمكن تحتاج شي
خرج عدنان ولمى تأكدت منى انه طلع من الفلة رجعت لغرفة امال وهي تصرخ عليها
منى ببكاء : ليه يا امال ليه عبد العزيز ايش يسوي على سريرك
امال ببكاء : والله انت فاهمه غلط انت لازم تسمعيني
عبد العزيز طلع من الحمام ووقف ونظرة على الارض : لو سمحت يا انسة منى لا تفهمين الموقف غلط
منى بصراخ : وانت يا سيد يا محترم كذا تعامل صديقك كذا احترام الضيف تتعدى على خوات صديقك .
منى تكمل بغيط : تعزم عليه وتسوي نفسك كريم وتسكنه عندك وتخونه تخون الامانه
عبد العزيز حز بنفسه كلامها : انا ما غلطت ولا تحورين الكلام
امال ببكاء وهي تضرب السرير : منى كافي وربي الي تسوينه غلط .
منى : انا بنجن ياعالم يا ناس .اختي امال العاقله امال الرزينه تسوي كذا
امال جلست تبكي . ومنى تتكلم وتبكي من القهر: وانت قاطه الميانه حتى حجاب على شعرك مو لابسه . انت تبين تموتين عدنان لو درى
عبد العزيز استفزه كلامها : اقول ترى انا من اول محترمك بس الظاهر انك مزودتها . معي اختي واختي اذا هي اختك فهي بتصير مرتي بعد.
الثنتين رفعوا عيونهم وطالعوا بعبد العزيز الي تكلم من غير شعور
بس كلام عدنان مع خواته وكلام منى اوجعه وحسسه انه غلط ويبي يصحح الغلط .
منى : نعم نعم ايش قلت وانت ليش بتتزوجها . تكلم
عبد العزيز بحسن نيه : يعني بصحح الغلط اللي صار. وكل شي يعدي بسلام .
منى فهمت انه صار بينهم شي كان ردت فعلها انها قربت من امال الي جالسه على السرير وما فاقت من صدمه كلمه عبد العزيز ,,,, مرتي
منى بقهر : يصحح الغلط بزواجه منك الصرحة انا غلطت يوم قفلت الباب المفروض خليت عدنان يشوف صديق المحترم . على حقيقته ويذبحه ويذبحك

وصحت امال على الم الكف الي جاها من اختها منى ومدت يدها مرة ثانيه لكن عبد العزيز سحب امال له ووقفها جنبه
عبد العزيز بثقه : زوجتي وابعدي عنها ولا تمدين يدك عليها ولا تقعدين تخربطين وتقولين اقول لعدنان يذبحك
امال دفت عبد العزيز : اقول ابعد يدك عني وانا مستحيل اتزوجك . قال زوجتي قال .
عبد العزيز مسك يدها بقوة : لا اجل خلي اخوك يدري وانا راح اقول انك انت الي جيتيني . وراح اوريه رسايلك واتصالاتك .
امال ببكاء : عدنان مستحيل يكذبني يصدقك . مستحيل وانا راح اشرح له كل شي
عبد العزيز بهدوء خبيث : كان صدقتك اختك . الي هي اقرب لك من عدنان
امال ببكاء : منى مصدمه لانها حساسه وبعدين بتفوق وتعرف غلطها
منى بحدة : انا فايقة واعرف ايش اقول وغلطكم انتم الاثنين لازم تصلحونه
امال تضحك بهستيريا : ههههه أي غلط اصحي يا منى انا امال
عبد العزيز يضغط لى امال : ايه الاخت اموله .
منى وامال نظروا ببعض وكل وحدة فيها نظرة مختلفه نظرة منى نظرة مستفسرة وغاضبه . ونظرة امال راجيه بالتصديق
منى برعب : الاخ عبد العزيز .انت .انت .
امال : منى خليني افهمك . انت لازم تسمعيني عدل
عبد العزيز بغرور : انا بخطبك من عدنان واتمنى انك ما تخلين الامور اكبر من كذا وتوافقين . والا ترى انت الخسرانه بالاول والاخير
امال لفت بعصبيه : اقول انت ممكن تفارقنا وتطلع قبل ما يرجع عدنان . ناقصة انا مصايب على راسي .
عبد العزيز قرب منها بهدوء : المرة هاذي بعديها . والمرة الجايه راح اعرف كيف اتعامل معك عدل يا اموله
عبد العزيز اخذ الاوراق وخرج وهو معصب مره ركب سيارته المرسيدس السوداء وجلس يسوق لين ما وصل الفندق الي ساكن فيه هو وفيصل دخل الجناح الخاص فيه وهو يفكر بعصبيه . كيف ان الموقف الي مر فيه صعب وصعب انه يتعامل معه .
(ايش الورطه الي حطيت نفسي فيها توني مطلق نات . والحين اخطب . ومين ا مال . انا عبد العزيز الـ اخذ امال اوففففف بس هاذا عدنان . ومستحيل اني اخذله . بس انا ما سويت غلط . كله من اختها هي السبب والله لو علمت عدنان ليكرهه نفسه ويمكن يقتل اخته . اوفففف . )
عبد العزيز يعيش بصراع مع افكاره الي توديه وتجيبه .
اخذ جواله واتصل على عدنان
عبد العزيز : الو السلام عليكم
عدنان : هلا والله وعليكم السلام
عبدالعزيز : كيف الحال هاه بشر خلصت مشاويرك الي من الصبح
وحس بالذنب لانه اول مرة يكذب على عدنان وحس انه نذل ويستغفل صديقة
عدنان : ايه مصدقت اننا رجعنا .
عبد العزيز : ايش رايك تجي تسهر عندي بالفندق
عدنان : ايه والله انك جبتها . انا عندي شويه اشغال واذا خلصت اكلمك
عبد العزيز : اوك وانا انتظرك
عدنان جلس مع اخواته وميهاف ويسولفون دق جوال ميهاف وارتبكت وهي تشوف رقم فيصل
ميهاف بلهفه وبحة تذوب: هالو .
فيصل ذاب من البحة الي تنسيه كل الم : هلا والله باحلى هالو سمعهتها الحمد لله على السلامه .
ميهاف ابتسمت بالم وهي تحس بالذنب : ههه . الله يسلمك حبيبي .
فيصل بحنان : اكيد الرياض منورة دام ان حبيبتي اليوم فيها
ميهاف ياربي يخليك ببحه تذوب : ويابخت المانيا لانك فيها
فيصل : هههه . احبك موت
ميهاف بخجل وهمس حالم ضيع فيصل المشتاق : وانا بعد اموت في هواك
فيصل بحزن انه يمكن تكون هاذي اخر ايامه مع ميهاف تنهد : ااااه ياربي يحفظ لي حبيبتي
ميهاف بهمس ودموعها تزل وتتمنى انها تجيب المضاد لفيصل باي طريقه : سلامتك حبيبي . لا تتأوه وانا معك ياربي يخليك لي وجعل عيني ما تبكيك قول امييين
فيصل بصدق : امييين امييين
ميهاف بهدوء : اشلونك حبيبي عسى ما تعبت . رحت للمستشفى تزور الطبيب زي ما طلب منك
فيصل بحزن : الحمد لله انا بخير اشلون امي ومريم
ميهاف بارتباك : انا رحت عند صالح وبكرة ان شاء الله راح ازور مامتي
فيصل حس ان ميهاف فيها شي : غريبه ما قلتي لي انك رايحه عند صالح
ميهاف بتوتر : فيصل صالح استقبلني في المطار وانا رحت عنده
فيصل سرحان : اوك حبيبتي انتبهي لنفسك وياليت ما تخرجي كثير الاسبوعين الجايه واذا خرجت اعطيني خبر
ميهاف تورطت : لا حبيبي انا تعبانه وماراح اخرج من البيت
فيصل تأكد ان ميهاف فيها شي : مع السلامه يا روح فيصل
ميهاف : مع السلامه يا روح روح ميهاف
فيصل قفل من ميهاف وجلس يفكر . اكيد فيه شي ميهاف ماهي طبيعيه ابدا
صحى على دخول فهد عليه وهو جالس بالجناح الخاص فيه بالفندق
فهد : مرحبا يا طويل العمر
فيصل ابتسم : يالله اشتقت لهالجمله يا فهد >>> مو انت يافيصل حتى حنا القراء وحشتنا هالجمله حيل
فهد ابتسم بتوتر : ههه الله يطول بعمرك استاذ فيصل
فيصل لاحظ توتر فهد : خير بو خالد . ايش الجديد عندك
فهد نزل عينه لانه يعرف فيصل وفيصل يعرفه عدل : اول خلي ام خالد تجي وبعدين خالد يجي
فيصل بهدوء : ان شاء الله اذا رجعنا للرياض راح اعطيك اجازه مفتوحه . علشان تدور على ام خالد
فهد تنهد بحزن : ايه ام خالد موجوده . بس الظروف الي انت عارفها .
فيصل باهتمام : للحين . للحين يا فهد متمسك فيها . واهلها للحين عند موقفهم . وهي للحين متردده
فهد بهم : كل ما كلمت عادل يقول لي . تأخذها هي لحالها واخوانها يقعدون عندي . ما كأني ولد خالها واخوانها عيال عمتي
فيصل : انت اجزم بالمر وانا ما راح اقصر معك يا فهد . راح اجهز امورك
فهد : المشكله ان عمها عادل متحكم فيها وهي رافضه تتزوج . تبي تربي اخوانها الصغار . تصدق يا استاذ فيصل كل ما جاء خطيب يخيرها بين اخوانها الصغار وبين الزواج . وهي ترفض علشان اخوانها
فيصل : وهو ايش يبي منها . ليش ما يتركها لحالها

فهد : عمها عادل طماع . وخايف على الورث . انت عارف يبيها لولده الكبير . وكمل فهد بقهر .ولده الي للحين بالسجن . بقضيه محاولة قتل
فيصل يفكر : وهي . يعني تتوقع انها بتوافق عليك اذا تقدمت لها
فهد بحزن وسرح في خيال دعاء بنت خاله الي كان يبيها من اكثر من ست سنوات بس عمها يوقف في وجهه لانه مو من نفس العائله وخايف على ورث اخوه ومهدد دعاء انها اذا تزوجت لازم تكتب الورث الي من ابوها له بيع وشراء لا ابو دعاء كان غني وله اراضي كثيرة ومخططات كبيرة
بس هي ما تقدر تفرط في متتلاكات ابوها الي كتبها باسمها قبل لا يموت ويهددها بأخذ اخوانها منها اذا تزوجت .علشان يجبرها ما تتزوج فهد او أي احد ثاني
فهد تنهد : دعاء وانا مخطوبين من يوم كنا صغار .بس موت عمتى وابو دعاء . فرق بيننا تصدق اني اكلمها من فترة وفترة اتطمن على عيال عمتي . تصدق ان عمها ياكل حقوقهم وما يصرف عليهم
فيصل متأثر : معقوله فيه ناس تأكل اموال ايتام . اعوذ بالله من النفس الدنيئه
فيصل سرح شوي : فهد انت مصر على دعاء . يعني متمسك فيها بجد او مجرد حزن على حالها
فهد رفع عينه بفيصل : استاذ فيصل انا وصلت 35 وما تزوجت .تتوقع اني يمكن اتزوج غير دعاء . مستحيل افكر بوحده غيرها دعاء ضحت علشان اخوانها عمرها25 بس ما شاء الله عليها .شايله اخوانها كانها امهم واختهم وكل شي
فيصل يبتسم وهو يفكر : هههه تحبها .قول انك تحبها . الله يكتب الي فيه خير
فهد مسح وجههه بيطلع طيف دعاء من عيونه : نرجع لعملنا يا طويل العمر
فيصل بهدوء : ايش الجديد . فهد ايش الي بعيونك وتبي تقوله
فهد نزل عينه بالوراق : كل شي تمام استاذ فيصل والبورصه تمام الحمد لله كل شي زي ما تركته واحسن
فيصل (طيب بخليك براحتك ) : فهد ابي اعلمك اني اليوم رحت لموعدي مع المافيا
فهد بخوف وتوتر : رحت لموعد مع المافيا .!!1
فيصل بهدوء : ايه انت الوحيد الي بعلمه . بعد الانتربول . السيد اندريه بعد ما حقني بالابرة اعطاني عنوان وانا رحته بس العميل السري اكد لي ان السيد اندريه اجل الموعد ليومين
فهد بتردد : وانت كنت بتروح المافيا من غير ما تقول لي
فيصل : انا كنت بروح علشان اسلمهم السي دي واخذ المضاد
فهد بتوتر : السي دي .وانت عندك السي دي
فيصل بهدوء ضاهري : لا بس راح افاوض معهم الين ما اخذ المضاد لانها فرصتي الاخيرة والا المادة الاخيرة راح تقضي على حياتي
فهد صرخ بقوة : لا .لا استاذ فيصل لاتقول كذا .انا وميهاف كنا متفقين مع اندريه وكنا بنروح نجيب المضاد بعد ما نسلمهم السي دي
فيصل وقف بعصبيه : ميهاف .ميهاف تروح للمافيا
فيصل كل تفكيره في حبه ميهاف وبس ما فكر في نفسه او أي شي اخر ميهاف

فيصل كل تفكيره في حبه ميهاف وبس ما فكر في نفسه او أي شي اخر ميهاف
فهد بتوتر : السيده ميهاف في المانيا ما سافرت . والسي دي الي احرقته طلع معه ثاني بحجم صغير وهو معها
فيصل مسك فهد من كتفه : ميهاف تسلم ميهاف للمافيا ميهاف الي حفظتها لاربع سنوات فهد انت تخونني كذا انت تقتلني
فهد : استاذ فيصل انا كنت بساير السيده ميهاف . لين ما اخذ منها السي دي وبعدين بروح اقابل السيد اندريه لوحدي لاني قلت له اني بجي لوحدي بس انا كذبت على السيد ميهاف وقلت لها ان السيد اندريه يدري انك بتجين معي
فيصل متوتر موفاهم شي وببط استوعب كلام فهد حالته متلخبطة بين فرحه بالسي دي الي بينقذ حياته بعد الله وبين خوفه على اهله وفهد : يعني السي دي مع ميهاف وهي في المانيا
فهد : ايه السيدة ميهاف مع السيد عدنان في الفله والسي دي معها وهي رافضه تعطيني بس انا باحاول اخذه واروح لوحدي اجيب المضاد لك بس اندريه غير الموعد مع وقال بعد يومين
فيصل بخوف : فهد انت تخاطر بحياتك علشاني انا انسان ميت .
فهديقاطعه : لا تقول كذا يا طويل العمر انت بخير
فيصل جلس وحط يدينه على راسه : السي دي الي يبيه اندريه ضروري لدرجه ان الضغط زاد عليه من قبل الي يتعامل معهم .وهو مستعد يعطيني المادة مقابل السي دي
فهد : والانتربول كانوا بيلعبون عليه بسي دي مزيف .
فيصل بقهر : هذا هو الحل الوحيد امامي المهم ان السيد اندريه يتمسك .وانا راضي بقضاء الله وقدره
فهد : استاذ فيصل راح نأخذ السي دي من ميهاف وراح نعطيه السي دي الاصلي بعد الاتفاق مع الانتربول . وراح يعطوننا المضاد بس شكل السيد اندريه استغرب انك متا كلمته واستغرب اني انا الي كلمته .
فيصل : اذن اطلب لي السيد اندريه الحين وراح اشد معه في الكلام زي العادة .علشان يتأكد اني صادق
تم الاتصال بين فيصل واندريه واتفقوا انهم يتقابلوا بعد يومين اندريه من الضغط الي عليه كان خايف من اتفاق مدير اعمال فيصل بس لمى تكلم مع فيصل حس براحه بس كان مصمم انه يواصل الضغط على فيصل بكل طريقه .
فيصل : فهد السيده ميهاف مع عدنان بس لازم يردون للرياض . باسرع فرصه قبل موعد اندريه . يعني قدمنا يومين .
فهد : اكيد استاذ فيصل لازم يردون وما احد يجلس في الماني غيرنا
فيصل : وانا الحين باتصل في عبد العزيز وااكد عليه يسافر لامريكا
فهد اسئذن وخرج وفيصل ابتسم بحزن ( فديتها هالميهاف تبي تجيب لي المضاد بنفسسها ما تدري اني يكفيني من حياتي ايامي معها حتى لو كانت اكثرها حزن . ما احد يلومني بحبي لها وتعريض نفسي للخطر علشانها احبها احبها وملكت قلبي نفسي اشوفها لا لاتضعف يافيصل انت اقوى من كذا )
فيصل صحى على صوت الجوال ابتسم وهو يشوف رقم عبد العزيز
فيصل بترحيب حار : هلا والله وغلا باخوي الغالي
عبد العزيز بتوتر : هلا بك زود يا اخوي الكبير
فيصل حس ان عبد العزيز متوتر : مريت عليك وما لقيتك ايش سويت باوراق العقار الي كنت محتاج الاوراق لقيتها . قرت تجيبها من الفله
عبد العزيز تنهد : ايه جبتها يا اخوي وبكرة ان شاء الله اخلص الاوراق
فيصل : وليه كل هالحزن الي بصوتك .عبد العزيز فيك شي امي او مريم
عبد العزيز يقاطعه بحزن : لا كلهم طيبين المشكله في عبد العزيز نفسه
وضحك بهم .هههه المشكله في قلب اخوك الضغير
فيصل : هههه لا يكون واقع في الحب وانا ما ادري هههه
عبد العزيز بحزن علشان يأثر على فيصل ويقنعه انه بيتزوج : اااه والله يافيصل لو تروح مني لا انجن
فيصل باهتمام : اقول عبد العزيز اعقل . غربل الله ابليسك دوبك مطلق الامريكيه لا يكون جايب هالمره لنا المانياني
عبد العزيز بحزن حقيقي : ههه كان زين لو المانيه . كان راحت فيها ام فيصل من جد هالمرة
فيصل : هههه انت متى تجوز عن هالحركات
عبد العزيز : طلبتك يا اخوي . ودي املك عليها هنا في المانيا
فيصل مو مصدقه : ههههه عبد العزيز الله يهداك متى تركد ايش السالفه انت لاعبه عليك وحده ثانيه غير نات
عبد العزيز بصدق : ايش الي جاب نات . هذي تسوى نات والي جاب نات
فيصل محتار في اخوه : طيب اعرفها والا انت تعرفت عليها وايش جنسيتها
عبد العزيز : هههه ايه تعرفها . اصلا انا عرفتها عن طريقك
فيصل انفجع من كلام عبد العزيز الغريب : هههه اقول صرت تقط خيط وخيط انت تعرف اني مالي بالخرابيط انا حدي زوجات المسيار . وكلهم طلقتهم وما عندي غير ميهاف
عبد العزيز ومشاعره متلخبطه : عليك نور ميهاف . عن طريق ميهاف
فيصل باستغراب : ايش ميهاف ّ!!!
عبد العزيز : ايه ميهاف . طلبتك اب املك على بنت عمها .
فيصل جاء بباله بدر ومنى لا يكون منى
فيصل باهتمام :أي وحده فيهم وانت ليش ما تستنى الين ما ترجع للرياض
عبد العزيز : انا قلت طلبتك بتردني ياخوي الكبير
فيصل حن على اخوه . ااااه ياعبد العزيز يمكن انا لي ايم معدوده
فيصل بثقه : واالله يا عبد العزيز ان طلبك وصل بس اذا وافقت البنت لاعقد لك في المانيا
عبد العزيز بارتياح : انا خطبتها من اخوها . وهو تفاجأ بس قال لي انه موافق علي بس اهم شي راي اخته

فيصل بهدوء : عبد العزيز ليش ما تستنى الين ما ترد الرياض وتخطبها انت وامي احسن
فيصل كان يحسب نفسه انه يمكن ما يرجع لهم من بعد لقائه مع المافيا
عبد العزيز : انت وعدتني . وانا طليتك ياخوي
فيصل تنهد : وانا عند وعدي ياعبد العزيز
عبد العزيز : مع السلامه
فيصل :مع السلامه
فيصل تنهد بحزن وابتسم امور كثير ة مرت عليه .زاولها ميهاف وفهد والمافيا وبعدين عبد العزيز الي مصر يملك على امال في المانيا
عبد العزيز تمدد على السرير وهو بين صراعات كثيرة وحس انه تسرع في كلامه مع عدنان بس الموقف صعب وغمض عيونه وهو يتذكر كلامه مع عدنان
عبد العزيز الي كان جالس مع عدنان في الجناح الخاص فيه وبعد السوالف الي بينهم
عبد العزيز : والله اني ما ادري كيف ارد لك وقفتك معي يا عدنان انت وقفت معي وقفت اخوى ما راح انساها ابد
عدنان بمرح : ههه ايش دعوه عدنان ما بيننا هالكلام
عبد العزيز بهدوء غريب على عدنان : ايش رايك فيني ياعدنان ايش رايك بعبد العزيز الـ
عدنان استغرب سؤاله : والله والنعم فيك انت رجل ونعم الاخلاق والتربيه وانا عاشرتك ثلاث سنين وعرفت ان معدنك اصيل
عبد العزيز حز فيه ثقة عدنان فيه وتشجع : يعني لو تقدمت لك وطلبت يد اختك امال بتوافق
عدنان ارتبك : عبد العزيز انت رجل والنعم فيك والكل يتمنى انه يناسبك وانتم من العائلات المعروفه ونسبكم يشرف الكل .بس بس
عبد العزيز بثقه : يعني اذا كنت متردد علشاني سبق لي الزواج وخايف على اختك
عدنان يقاطعه : لا لا ياعبد العزيز حنا نشتري الرجل وانت والنعم فيك . وانا موافق واعتبرها جاتك بس انت عارف لازم نأخذ راي البنت
عبد العزيز حس بالارتياح : يعني لو وافقت نملك هنا في المانيا
عدنان توتر : في المانيا مستعجل خلنا نرد للرياض وما يصير الا كل خير
عبد العزيز : واذا قلت لك اني طلبتك يا عدنان اننا نملك في المانيا
عدنان بثقه : طلبك على العين والراس . وابتسم يا النسيب ههههه
تنهد عبد العزيز وهو يقلب للجهه الثانيه ويدعي الله ان الله يسهل امره وما يخيب ظنه
عدنان اول ما وصل الفله لقى منى وميهاف جالسين بالصاله
عدنان بمرح : السلام عليكم صبايا
ميهاف ومنى : هايات
عدنان بضحكه : وين اموله ليش ماهي جالسه معكم
منى قلبت وجهها
ميهاف : تعبانه شوي وقالت بتجلس لوحدها
عدنان جلس : منوه روحي نادي اموله ابيها بموضوع مهم
منى متوتلرة لانها ما تكلم امال من الي صار ومتزاعله معها
منى : انا تعبانه عدون تبيها اطلع لها كلمها
امال : هاذان جيت
عدنان بمرح : ههه هلا والله باحلى اخت في الدنيا حياك حياك سيده امال
منى وامال وميهاف استغربوا اللهجه
منى : خير عدون انت اليوم فيه عندك شي والا لايكون علشان مرضت شوي بتدلعها زياده
ميهاف وعدنان مستغربين لهجه منى بس امال عارفه ليش ونظرة فيها نظرة رجاء بس منى قلبت نظرتها للجه الثانية وانجرحت امال
عدنان قام وجلس جنب امال : امال انا ماني عارف كيف ابداء بس انا منحرج شوي يمكن علشان الموضوع من طرفي
امال مغصها بطنها (اكيد عبد العزيز ) : ههه خير اخوي ايش فيه
عدنان بثقه : امال اليوم تقدم لك واحد وانا عطيته كلمه اني موافق عليه .
امال تقاطعه : ايش يعني ايش تقدم لي.
عدنان بهدوء : تقدم يخطبك مني وانا وافقت .
ميهاف بابتسامه : ومين الي تقدم لها ياعدنان

امال : وانت وافقت يعني ايش ما راح كنت بتأخذ راي
عدنان بمرح : ههه مشكله اذا كانت البنت ما تستحي وتسأل بكل هدوء
اللون انخطف من امال ومنى لانهم عارفين سالفه عبد العزيز وما هم عارفين اذا كان قال شي لعدنان او لا
ميهاف : ههه وانت ما تترك مرحك يا عدنان .كسفت البنيه انت ما تشوف لونها الي اخطف
عدنان : ههه امزح والله امزح . ما كان قصدي بس يا ساتر كلامها كانها مفجوعه وصوتها كان عالي .هههه
منى قامت وجلست جنب امال بعد ما قام عدنان ومسكت يدها ونظرت فيها بدموع نازله
عدنان : امال خطبك عبد العزيز الـ وهو مستعجل ويبي يملك هنا في المانيا . ههههه تصوري يا امال بتملكين في المانيا
امال جات بتصرخ بخوف لا بس منى سكتتها بيده نظرة فيها نظرة خوفتها وكأنها تقولها لو قلتي شي راح افضحك
منى بهمس : ولك عين بتقولين لا الرجل بيصلح الغلطة وانت ووجهك ترفضين
امال رفعت عيونها المدمعه وبهمس : يا مجنونه ما صار شي
منى بحده : لو سمعت أي كلمه رفض لا اخلي نهارك اسود بعد الي سويته تبيني اسكت لك
ميهاف وعدنان كانوا يتكلمون
ميهاف : والله يا عبد العزيز بتتزوج ومين ا مال .هههه نفسي اشوف وجهه مامتي
عدنان : لا والاخ مستعجل يقول لي ابي املك هنا في المانيا ولو وافقت نروح بكرة لمكتب السفاره ونملك عند الشيخ وقالي ان فيصل بيساعده
ميهاف دمعت عينها : فيصل فيصل الله يحفظه ويحميه من كل شر
عدنان التفت لمنى وامال : ههه ايش راي عروستنا
ميهاف : ههه عدنان عطها فرصه تفكر
منى بندفاع : ههه ومي نقالك انها بتفكر .امال موافقه
عدنان استغرب من رد منى ورجع جلس جنب امال ومسك يدها
عدنان : امال انا بقولك لا تستعجلين فكري صحيحي ان عبد العزيز كان متزوج من قبل وطلق بس هاذا ما يعيبه
امال مصدومه من المواقف الي تمر فيها وحست انها بيغمى عليها من القهر بس هي تماسكت
رفعت امال راسها وقالت بثقه هي بعيد عنها : اناموافقه يا خوي اذا انت شايف انه رجل والنعم فيه انا موافقه
عدنان جلس يشرح لامال اخلاق عبد العزيز بس امال تنظر ف منى وتقول لها انها مظلومه
في اليوم الثاني عدنان خبر عبد العزيز بموافقه امال على الزواج منه وانها راضيه ان الملكه تتم في المانيا
وفعلا تمت ملكه عبد العزيز وامال في مكتب السفاره السعوديه في المانيا وهذا تم بمساعده فيصل الي سهل لهم الاجرءات كلها وامال راحت مع عدنان ووقعت على العقد وهي في عالم ثاني . نظرت بعيون كسيره تخفيها النظرات الشمسيه الي تلبسها في عبد العزيز الي كان واقف بهيبه ببدلته السموكن السوداء وجنبه فيصل ومدير اعماله
فيصل : الف مبروك ياعدنان
عدنان بفرح : الله يبارك فيك وانتم بعد الف مبروك
فيصل: الف مبروك ياعبد العزيز .زواتمنى لك السعاده
عبد العزيز بثقه وغرور : الله يبارك فيك
امال كانت واقفه وراء عدنان وراسها على الارض وشوي وتطيح من الهم والقهر
صحت على صوت عدنان : الف مبروك يا الغاليه وانا متأكد ان عبد العزيز بيحافظ عليك
امال بضعف : الله يبارك فيك
عبد العزيز بصوت واثق هادي : ممكن يا عدنان اذا ما عندك مانع ودي اخذ امال ونجلس مع بعض شوي
عدنان بمرح : هههه انا عازمك على الغداء نتغداء اول شي وبعدين تجلسون مع بعض
عدنان ووامال وعبد العزيز جلسوا في مطعم هادي وتغدوا مع بعض بس امال كانت سرحانه وما تأكل
عدنان : امال وين رحتي عبد العزيز يبي يجلس معك شوي
امال بتردد : عدنان ابي ارجع البيت خلها وقت ثاني انت عارف البنات يستنونا
عدنان : ههه كل هاذا حيا . الرجل من حقه يجلس معك شوي ما يصير اخاف يحسب اني غاصبك عليه
امال بتردد : اوك خلها بالليل انا تعبانه الحين
عدنان وامال رجعوا الفله واستقبلتهم ميهاف بفرح وهي تحضن امال بقوة
ميهاف : الف الف مبروك يالغاليه
امال نظرة في منى الي دموعها نازله وقربت منها منى وحضنتها بقوة وجلست تبكي مع امال
عدنان : الحمد لله والشكر الحين قالبينها مناحه البنت فرحانه ومملكه .وانتم بصياح من اول ما دخلنا
انتبهوا كلهم للصوت الواثق الي كان عند الباب والي انخطف له قلب ميهاف بقوة ويدينها ترتجف
فيصل : الف مبروك اخت امال
التفتوا كلهم بخوف لصوت فيصل الي مشى بثقه ووقف عند عدنان
فيصل بهدوء : انا جيت ابارك لكم وما قصدي اخرب عليكم فرحتكم وخاصة زوجتي المصون
عدنان بتوتر : سيد فيصل البيت بيتك وحنا
عدنان وامال ومنى انسحبوا من الصاله لمى شافوا ان فيصل مشى لها
فيصل بهدوء مشى لين ميهاف وهو يشوف الخوف بعيونها الخضراء الي وحشته موت كان جاي وناوي ينهي علاقته فيها لانه ما يضمن المافيا الي قدمت موعد القاء معه كان يبي ينطقها يبي يقول انت طالق بس عيونها المتعلقه فيه خانته وقلبه الي زاد دقاته بشوفتها سكتته
فتح ذراعينه .وهي من غير تردد رمت نفسها في احضانه شبكت يدينها خلف عنقه واراحت راسها على كتفه وهي تستنشق رائحة عطرة الاثيرة لديها
فيصل بعتب وهو يشيل الايشارب من على راسها : ليش يا عمري ليش سويتي كذا تبين تفادين بعمرك علشاني
ميهاف قرب فيصل منها ينسيها العالم ينسيها حتى اسمها : سامحني يافوفوسامحني
فيصل بهدوء وهو يمسح على شعرها ممكن يا ميهاف اطلب منك طلب واتمنى انك ما ترديني
ميهاف ببكاء من طلبه : لا فيصل انا خايفه عليك خذني معك لا تخليني لوحدي
فيصل مسك وجهها بين يدينه : السي دي الي معك ابيه الحين يا ميهاف اذا ترضين اروح الحين من غير السي دي
ميهاف بدموع : لا ياعمر ميهاف انا كنت بروح مع فهد اجيب لك المضاد خلني معك
فيصل بهدوء : كل الي ابيه منك تدعين لي بقلب صادق يا ميهاف
ميهاف حضنته بقوة : خايفه عليك خايفه عليك يا فيصل
فيصل ضمها بقوة وكأنه الجضن الاخير بينهم : السي دي
ميهاف طلعت وجابت له السي دي واعطته فيصل الي ودعها ووهو يمسح الدموع من وجهها
فيصل حط يده على راس ميهاف ومسح على شعرها : صدقيني عمري كله ابيه هالحظة وانت بين احضاني اعرف انه يمكن يكون اخر لقاء بيننا بس انا عندي ثقه كبيرة بالله انب باجتمع فيك مره ثانيه . ولو مت او صار لي شي اوعديني تكملي حياتك من بعدي
ميهاف تنهدت بالم : ومسكت يده وحطتها على قلبها : حس يا فيصل بدقات قلبي واعرف انه طول ما انا عايشه ما راح ينبض قلبي بحب احد ثاني غيرك ولو صار لك شي لاقدر الله فانا ابي اكون زوجتك في الدنيا وفي الاخرة ان شاء الله
فيصل ابتسم بالم : سامحيني .
ميهاف تقاطعه : روح الله يحفظك من كل سوء وانا ناطرتك العمر كله
فيصل ودع ميهاف ومشى مع فهد للعنوان الي حدده السيد اندريه
وفي مصنع قديم في منطقه منعزله في مدينه برلين توقفت سيارة المليارديسر السعودي فيصل الـ للقاء السيد اندريه والذي كان اللقاء بينهم خلال الاشهر السنوات الماضيه بالهاتف فقط

الحارس الاول: تم تفتيش السيد فيصل والسيد فهد
الحارس الثاني : اتبعاني . فالسيد اندريه في الانتظار
تقدم بخطواته الواثقه التي يحسد عليها وبجانبه مدير اعماله السيد فهد
ودخلا عبر ممر ضيق ومظلم للقاعة الداخليه المليئه بالحراس ورجال العصابات من المافيا
كان هناك طاوله في المنتصف ويجلس عليها رجل في الخمسين من عمرة وتبدوا عليه هيئة رجال المافيا بالشعر الطويل المقود للخلف والعيون المخيفه
السيد اندريه : واخيرا التقينا سيد فيصل
فيصل : نعم لقد اتيت بالموعد سيد اندريه
السيد اندريه : انت تعرف ما اريد فقط السي دي وكل ما تريده انت المادة المضاده لتعيش بسلام
فيصل بهدوء وغرور الرجل الواثق جلس على الكرسي ووضع رجل على رجل : ما الذي يضمن لي صدقك
السيد اندريه : قلت لك ان السي دي هو جل ما اريد حتى الفتاة التي اخذته لا تهمني ولكن السي دي تعمد عليه جماعتنا
فيصل بهدوء : اولا اضمن ان احق بالمادة المضاده الصحيحه .ثم بعدها اعطيك السي دي
السيد اندريه : حياتك في خطر والوقت يداهمك سيد فيصل مد يدك على الطاولة كي يقوم رجالي بحقنك بالمادة المضاده . ومدير اعمالك يقوم بتشغيل السي دي على اللاب توب الذي امامك
وانتبه الجميع على صوت دخول جماعه اخرى يتوسطها رجل في الستين من العمر واشيب الراس وشعر فيصل باهميه الرجل من وقوف اندريه وجماعته له
الرجل : انها الفرصه الاخيرة سيد اندريه هل احضر رجلك السي دي
اندريه بتوتر : نعم سيدي وسوف يقوم مدير اعماله بتشغيل السي دي
الرجل : حسنا نحن رجال مافيا ونحن عند كلمتنا ابداء باعطائه المادة المضاده ريثما يبدء السي دي بالعمل
فيصل مد يده بهدوء ورفع كمه وقرب منه الرجل الذي سيحقنه بالماده وفهد وضع السي دي في الجهاز وبدء في تشغيله
السيد اندريه والرجل الاشيب وقفا امام السي دي والفرحة علت وجوههم وهم يقرئون ارقام الحسابات الخاصة بتجار المخدرات للمافيا الخاصة بهم والتي وضعت في اسماء بنوك سويسرية
اندريه : حسنا ابدء بحقن السيد فيصل بالمادة المضادة وبدء جسد فيصل باستقبال المادة المضادة . وتنفسه يضيق ولكنه يتماسك
الرجل : ههه واخيرا حصلنا على ارقا م الحسابات الخاصة
اندريه : ليس ارقام الحسابات فقط بل وايضا اماكن تخزين البضائع منذ اربع سنوات
الرجل واندريه نظروا في فيصل الذي بدء يضيق تنفسه
الرجل : اطمئن سيد فيصل فانت حقنت بالمادة المضاده ولتعلم ان المبالغ التي اخذها منك السيد اندريه هي قيمه تعويض للخسائر التي تكبدتها جماعتنا منذ اربع سنوات
اندريه ونظره على فيصل : ارسلت لك السيد فايز اخر مرة ولكنه اخفق في مهمته وكان مصيره الموت لقد امرت بتفجير سيارته عبر الاقمار الصناعية لانني لا اريد ان اترك خلفي ما يضرني
فيصل : ما الذي تريد قوله سيد اندريه وضح كلامك
السيد اندريه : سوف اعرض لك مشهد كانت سأمر بتفجير المكان الذي يوجد به هذا الشخص ولكن صدق تعاملك معنا باحضار السي دي جعلني الغي عمليه المراقبه عبر الاقمار
اندريه ضغط على زر الالغاء بهدوء
فيصل عيونه انفتحت على وسعها .زوهو يشاهد منظر اشبه بالحلم انه منظر حبيبته ميهاف وهي تجلس على الشرفه في الفله ي المانيا ببيجامتها الورديه الفاتحه وشعرها الاشقر الحريري وهو يتطاير مع الهواء والحزن بادء على وجهها .
اشاح فيصل بنظرة وهو يغمى عليه . مع دخول رجال الانتربول الى القاعة التي تحولت الى ساحه لاطلاق النار بين الطرفين ولكن الانتربول كان اسرع لان رجال الشرطه يرتدون اقنعه تحميهم من الغاز المخدر حيث انتشر الغاز المخدر في القاعة التي تأثر فيها رجال المافيا وبدوء باطلاق النار واصيبت رصاصه من الانتربول اندريه الذي قتل في نفس القاعة هو والرجل الذي كان يتحدث معهمن قبل رصاص رجال القناصه المتخصصين بالرمي عن بعد

تم انقاذ السيد فيصل ونقل الى المستشفى هو ومدير اعماله السيد فهد اما باقي الموجودين بالقاعه تم القبض عليهم حيث انهم عباره عن حراس فقط
ماالاحداث التي تنتظرنا في البارت القادم
وعبد العزيز وامال كيف سيصبح الوضع بينهما
هل تتأثر امال بغروره ام انها ستروض غروره
ميهاف كيف ستتقبل خبر المافيا ونجاه فيصل