الموضوع: رواية متى ستعرف كم أهواك

سلطان يطالع مزنه بنظره بمعناااهااا وانتي تعرفين مكانه مزنه بسرعه وخيفااانه : حتى انا ما اعرفه
سلطان اطالعهن ومشى عنهن ساير فووووق الظاهر ساير غرفة يسوووور
مزنه بصوت شوي عالي : هييييييييييييييه صح
سلطااان التفت له : شوووووووووووو
مزنه بتردد : يسووور اليوم عليه تدريب عسكري صيفي تراااه ثاني ثنوي ويدربوهم صيفي
سلطان غير وجهة سيره وطلع براااااااا
الريم اطالع مزنه : الله يغربله يسووور شووو مسوي
مزنه ترفع جتفهااا : ما ادري
وشويه ونزلت ميثه وابتسمت لهن ويااات صوبهن
ميثه : صبااح الخير ويلست عدالهن
الريم ابتسمت لهااا : صباح النور
ميثه اطالعهن : جني سمعت صووووت سلطااان

مزنه : هيه كان توه اهنيه وظهرت صوب امهااا ويلست في حضنهاااااا
مزنه اطالعهااا وتبتسم : شويخ الكشه يت
شيخه غطت ويهاااا في حضن امهااااا الريم اطالع مزنه : مزنوه يوزي عن حبيبتي
ميثه تخوووز شيخه عنهااا : بقوووم اجوف عمووووه . مزنه ودي شويخ عن ميري تسبحهااا
الريم تنش : انا بسبحهااا تعالي شويخ .وشلتهاااا سارت صوووب فوووق
مزنه يلست تكمل اكلهااا واطالع حرمة اخوهااااا وهيه تمشي حليلهااا طيبة وتستحمل الكلام اللي امهااا تقولهااا اياااه وما تتكلم وبعدين توهااا بتدخل العشرين معرسه وهيه عمرهااا 16 سنه وعندهااا ولد وبنت لله يعينهاااااا بصراااحه ويعينهااا على سلطاااان .وردت اطالع التلفزيووون ماا فيهاا
على عوار الراس توووهااا مفتكه من المدرسة اشلي اصدع راسي بهموم غيري
بعد ما سلمت على عمتهااا ويارتهم يلست وياهن في الحصير اللي فارشينه في الحوووش
ام عبدالرحمن تكلم ميثه : شخبار هلج عساهم طيبين
ميثه : الحمد الله يسرج حالهم
ام عبدالرحمن تسولف لام سلطاان : أحمد اخويه ردهاااا عليااء حرمته بيت هلهاااا
ام سلطان : ليش شياه عليهااا توهم من شهرين جنهم معرسين
ام عبدالرحمن : ما الوووم عبووو لا شغله ولا مشغله الا الرقاااد يسير عنهااا الدواام راقده ويرد يحصلهااا راقده والا على اللي نفس التلفزيون ما ادري شو اسمه ودومهااا منزربه في غرفتهااا امره ما تظهر
ام سلطاان تقصد ميثه بهالرمسة : هذيلا بنااات الحين نوووم وبس شووو نسويلهن
ميثه اطالع عمتهااا تعرف انها تنغزهاا هيه بهالرمسه بس تعودت اطنشهاااا وسكتت ما قالت شي
ام سلطان تكلم ميثه : عييييل ميثه اشفيه ريلج توه دش وطلع معصب
ميثه : ما ادريبه و الله عموووه ما شفته انااا ما طلع فووووق
ام سلطان : الله يهديج يا ميثه دومج لاهيه عن ريلج ما تسالين اشفيه معصب ومن شوووو مرتاااح او لا
ميثه منعفس ويهااا من رمسة ام سلطان اللي دوم اطلع لها شي وجدااام اللي يسوى واللي ما يسوى : ترا طالع الصبح ما فيه شي عموووه
وشويه تطلع مزنه : ميثه حمووود نش من الرقاد و يالس يصيح
ميثه تقوووم : سمحولي بروووح اشوفه وسارت عنهن
ام عبدالرحمن : جنهااا رمستج ما عيبتها حرمة ولدج
ام سلطان : برايهااا تعيبهاااا والا ما تعيبهااا كيفهاااا
ام عبدالرحمن : فديتج يا اخويتي الله يعينج عليهاااا
ام سلطان: الله يعين الجميع .الا اتخبرج شخبارهاااااا سلمى
ويلسن يسولفن اشوووي عقب ترخصت ام عبدالرحمن وراحت شيخه تسوووي الغدااااا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
عقب ما ردواااا هزاع وابووحميد وحميد من المسيد يلسوااا يسولفون في الصاله ويااا شمسه وام حميد
شمسة : حميد حبيبي
حميد يضد صوبهاااا : لبيه
شمسة تبتسم : شووو يايب لي هدية لين الحييييييين ما جفت شي
ام حميد : شوفته احلى هدية فديت روحه شووو تبين زود
شمسة اطالعه وتبتسم : صح كلامج امايه بس بعد لازم
حميد : انا لووو ما يبت لشمس حياااتي بيب لمن
شمسه : فديت روح ام يابتك يا حميد وتصد صوووب هزاااع : تعلم الحنية من حميد مب انته
هزاع يطالعه بنص عين : الحين انا مب حنون يااا السويحره انتي منووو وصلج بيت عمج .ويغايضهااا عيل تعرفين تقولين : هزااع انا ملانه طلعني هاا
الكل يضحك عليهم
حميد يطالع اخوه : الحين بتفتك من منيتك انا بتكلف ابهاااا شمووووس
هزاع : و الله بتفكني منهاااااا برتاااح
ابو حميد يطالع حميد : باجر ان شاء الله بنسوي عزيمة لرجعة حميد من السفر
هزاع : منوووو بتعزم فيهااا ابويه
ابو حميد : بنعزم الاهل و اليرااان وكل اللي تبووون تعزمونه .
حميد: اليووووم بسير اسلم على عمتي شيخه
الكل صد صوبه ويطالعه يدروبه مب عمته العوووق بنتهاااا ويبتسمووون عرف نظراتهم وسكت ما قال شي
شمسه تبتسم واطالعه بترجي : عييييييييييييل انا بسير وياك
هزااع يضحك : استلم اللزقه
حميد : هههههههههه برايهااا غياض لك بشلهاااا
ابو حميد : زين ما تسوي وخطف بيت عمك وسلم عليهم
هو اصلاااا ما يعرف وين بيت عمه يمكن دشه وهو ولد خمس سنوااات وغيروااا بيتهم على ما اظن : ان شاء الله ابويه بس ما اعرف وينه
شمسه : انته اممممره لاتخاااف وانا عندك
ام حميد : هااا شمسه بدليك عليه حليلهم من زمااان ما رمستهااا ام ساره
ابوحميد يطالع ام حميد : شووو امنه مب ناااوين تغدووون اليوم
ام حميد تنش : يلا قايمه اقولهم يحطووونه .وتقوم عندهاااا شمسه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
يالسه تذاكر فيزياء اليووووم كان امتحانهااا اوكييه حلت مع انهم يقولون صعب بس هااا مشت عمرهااااا بس اليووووم المذاكره بلوه فيزياء ويالله يالله تلقطمنه كل منهااا الله ياخذ بليسهااا مب فهمتنه شي ياخذن معاشات الا جذيه و الله حرااام واشوي وبتصيح فتحت الباب ويلست اطالعهااا وهيه مبتسمه اول ما حست بهااا رفعت راسهااا اطالعهااا يوووم شافتهاا ارتاااحت شويه ميرة تنش وتسير صوبهاااودمعتهااا في عينهاااا

ساره اطالعهااا : ميروه فديتج اشفيج افا ليش تصيحين
ميرة تمسح دموعهااا : و الله يا سويره من الصبح يالسه اذاكر ومب فاهمه شي مب جني مذاكرتنه في الاجازة
ساره تلفهااا : هدي يا بنت الحلال ان شاء الله بتفهمين وبتيبين درجه اوكييييييييه
ميره اطالعه :جيه ايب درجه وانا مب فاهمه شي
ساره اطالعها وتبتسم : الحين بنذاااكر اوكيييييه و الباقي على الله
ميرة تمسح دموعهااا و اطالعهاا : اوكييييييه
يسمعووون صوووت عالي وصريخ محد غيره في البيت يسوي جيه اشوي ووصل
عمر: هاااي
ميره اطالعه بعصبية : عمووور شووو هالحشرة اللي مسونه وبعدين شووو يايبنك
عمر يطالع ساره : ساره حبيبتي تقولج امايه نزلي تغدي اروحج انزين .وطلع عنهن
ساره : يلا ميروه والله اني مشتاااقه لغدااا خالوه ثرياااا
ميرة : تراااج مب زمان ما يتي .وتبتسم :زين يوووم قالت لج امايه تصيح علشان تيين .وهن طالعات من الغرفه
ساره : و الله زغت عليج عاااده كم ميرة عندي
ميرة : فديت روح سويرة يااا رب
ووصلم غرفة الطعاام وحصلن الكل يالسين يتريوهن
ابو عمر اول ما شاف ساره : واشوفج البيت منو موجده سويرة فيه
ساره تبتسم : منو باهله عمي اشحالك
ابو عمر : يسرج حالي يا بنتي
ام عمر : قربي امايه تغدي وان شاء يعيبج
ساره اطالع خالتهااا : مادام من ايدين خالتي الحلوين اكيييييد بيكووون حلو
ميرة : ما جنكم نااا سيني ومحد معطني فيس
ابو عمر :هههههههههههه انتي هنيه بصراااحه ما انتبهت
ميرة :جذيه يا ابويه خلاص انا مخصماك
ابو عمر : ههههههههههههههه
ام عمر : بسكم عاااد ويلا بيبرد الغداااا
الكل بدى يسمي بالله ويلسوااا يتغدون
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ

فتحت باب غرفة موزة اطالعهاااا فيهااا ما حصلتهااا استغربت دورتهااا تحت ما حصلتهاااا
ام مايد : مويز مويز
توهااا طالعه متسبحه واطالعت امهااا مبتسمة : هلا اماااايه
ام مايد تيلس على الشبرية : ادورج من الصبح انااااا
موزه اتيي تيلس عدالهااا : كنت اتسبح و الله من زود الملل كل حين اتسبح
ام مايد : ان شاء الله بيخوز الملل عنج يوووم بتمين تتشرين لملجتج
موزه اطالع امهااا : شووو امايه الحين تقووولين حددوااا الملجه
ام مايد : هيييه حددوهااا
موزه مضيجه : جيه امايه تحددونهااا من دون ما تخبروني
ام مايد اطالع بنتها: شو هالرمسه موزه الا ملجه وبعدين شووو انتي ما تبينه
موزه تتافف في خاطرهااا هيه تعرفه عسب مااا تباااه حتى صوره له ما شافت : انا ما قلت جذيه بس
ام مايد : بس شووو يا بنتي لو ما شايفينه ريال زين ابوج واخووج ما كانوااا قربوبه وبعدين هم مستعيلين
موزه ساكته ما ردت عليهااااا
ام مايد : ترا ملجتج 24/6
موزه فاجه عيونهااااا على الاخر : امايه قريب ما ابى ما ابى
ام مايد نشت : تراني ما لي بارض على دلع البنات انااااااااااا . انتي تزهبي بنروح السوووق نتشراااا
موزه يابواا له طاري طلعه : اوكيييييييه امايه
ام مايد اطالع بنتهااا : يالله بالستر يا موزه زين يوووم بيشلوج انتي بتخبليبي
موزة : هههههههههههههههههه فديت روح ام مايد يارب
ام :مايد : خل عنج دهاان السير وتزهبي نظهر واعليه نوير ذابحه عمرهاا في الدراسه والا بخوووت الله يستر شووو بتيب توني اقولها بنسير السوووق قالت بسير وياااكم
موزه : هههههههه الله ينجحهن ان شاء الله
ام مايد ترفع ايدهاااا : آمييييييييييييييييييييين .وسايرة صوووب الباب تظهر
موزه : امايه .ام مايد تلتفت صوبهااااا
موزه بتردد :ابى صورته
ام مايد اطالع بنتهااا بغرااابه : صورة من
موزه : بدر
ام مايد اطالع بنتهاااا بنظره وتروح عنهاااا وموزه بوزت وقالت : ما قلت شي غلط ابى اشوفه اونه باخذه بعد عشرين يووووم وانا ما اعرف شكله
بقووووم تزهب ابرك لي وبخبر ميووود اني ابى اشوووووف صورة له ما فيهااا شي

الساعه خمس وربع عقب ما تزهب حميد وشمسه ظهروا من البيت بيروحووون يسلمووون على عمتهم شيخه وقووم عمهم وفي السيارة شمسه مستلمه اخوهااا بالسوالف و الهذربه وهو يبتسم ويطالعهااا
شمسه : ما جني ارمس وايد وانته ولا ترد عليه
حميد : هههههههه تراني يالس اسمعج
شمسة : انزين ارمس
حميد : ما عندي شي اقوله
شمسه : انزينه اول بنروح بيت عمي والا عموووه شيخه
حميد : الاول بنسير بيت عمتي وعقب بيت قوووم عمي مع اني مستحي اسير
شمسه عاقده حياتها : تستحي ليش ههههههههههههه
حميد يطالعهااا : تصدقين حرمة عمي حتى شكلهااا ما اعرفه وعمي عنده بس بنااات ما عنده اولاد
شمسه : شوووو بنات الا بنت وحده سويره وبعدين تصدق عموووه عايشه طيبة فديت روحه . صح حميد ليش مااا ييت العزاااا يووم وفاة عمي الله يرحمه يوووم ابويه اتصل لك اتيي
حميد يلف صوبها بعدين يلف يطالع الدرب : كانت عليه امتحانات وما قدرت ايي تصدقين مستحي اجابل حرمة عمي
شمسه تبتسم : فديتهااا طيبة وما اظني ايشل خاطرهااا على حد
حميد يطالعهااا ويبتسم : جنج تعرفينهم عدل
شمسه : هيييييييييييييه نروح وايووون ابويه الحين غييييييير عن قبل يروح عندهم ويخليناااا نزورهم حليلهم اروحهم محد عندهم
ووصلوا فلةابو سلطاان ودشووااا الحوووش ابتسم يوووم شاف خلاص انه قريب منهااااا وقف السيارة وكانوا يبووون ينزلون ورن تيلفووونه ويلس يطالع الشاشه وحصله هزاااع
شمسه بفضوول : منووووووو
حميد يرد : هذا هزاااع .هلا هزاااع
هزاع : هااا وين انته
حميد : توني واصل بيت عموه شيخه خير بغيت شي
هزاع : اها تمااام بس لا تتاخر بتشووووف المفاجأة اللي مسونها ابويه لك
حميد يبتسم والفضووول اشتغل : مفاجاة شوووو هيه
هزاع : سمعوااا اقول مفاجاة تقولي شوهي انتوااا بس لاتتاخرون مع السلامة
حميد :ان شاء الله .في حفظ الرحمن وبند عنه
يالسه اطالعه : مفاجاة شوووووووو وحق منو
حميد ينزل : ما ادري اونه ابووويه مسونهاااا يالله نزلي
ونزلوااااا وحصلواااا ياسر طالع من الصاله شافهم وابتسم وسااار صوبهم
ياسر : مرحباااا الساع هلا و الله بحميد الحمد الله عالسلامة يا ريال
حميد يبتسم ويوايه : الله يسلمك اشحالك اشوفك كبرت يا ياسر رحت عنك سنتين ما شاء الله غديت طولي
ياسر : كبرنااايا ريال .ويصد صوب شمسه : مرحباا ببنت خالي اشحالج
شمسه تبتسم : بخير اشحالك انت ياااسر
ياسر : تمام الحمد الله .قربوا قربوااا .ودخلهم الصاله
ياسر : تفضلواااا
وشوووية وتدخل الريم مبتسمة وويهااا محمر وطاحت عينهااا في عينهاااااويلس يطالعهاااا وفي خاطره يعد هالابيااات
يا فريد الحسن يا زين الحلايااا كل شي فيك ما يحتاج باهر .مع جمالك خصك الله في مزايا .عقد جوهر فووق جوهر في جواها .في عيونك تطرد خيل وسرايا .كل عنتر وسطها بالسيف شاهر وابتسم لهاااا
بعد ما نزلت راسهااا يت وسلمت على شمسه وعقبهااا لفت صوبه
الريم : اشحالك حميد
حميد يبتسم ويطالعهااا : بخير يسرك الحال .اشحالج انتي
الريم موطيه راسها : يسرك حالي .ورفعت راسهااا وقالت بشوية دلع : الحمد الله على سلامتك
حميد بياكلهااا من كثر ما يطالعهااااا : الله يسلمج
ياسر ما عيبه الوضع ويلس يطالع أخته وقال بصوت فيه حزم : الريم
الريم بلعة ريجهاااا واطالعته : هااا
ياسر يبتسم ابتسامة تصنع : لو تروحون انتي وشمسه في الصاله اللي فوووق ابرك لكن تاخذن راحتنكن
الريم اطالعه : اوكيييييييييييه يلا شمسة
شمسه مبتسمه ويالسه اطالعهم : يلا
حميد يطالع ياسر وشويه وبيعطيه كف عنبووو حتى الشوووف حرررااام تراااها خطيبتي وان شاء جريب بتصير حرمتي اشفيه هالاثول
وشويه ويدش ابو سلطااان وحرمته شيخه
ابو سلطان : مرحبااا الساع بحميد هالله و الله يا ولدي توها مانورت الديااار
حميد ينش مبتسم : هلا فيك عمي .ويتوايهوااا
وسار صوب عمته وسلم عليهااااا
شيخه : تفضل ابويه اشحالك عساك بخير يا وليدي
حميد : بخير عموووه يسرج الحال ما شاء الله ياين من صوووب العزبة
ابو سلطان : هييييييه يا بوك انشوووف الحلال اشحال ابوووك وهزاع من زمااان ما شفناااهم
حميد : بخير الحمد الله يسرك حالهم و الدنيااا شاغلتنهم ولاهتنهم
وحطوااا الفواله ويلسوااا يتقهووون ودش سلطاان مبتسم بعد ما خبرته مزنه انه حميد موجووود
سلطان : السلام عليكم
الكل : وعليكم السلام و الرحمة
حميد ينش ويتوايهوووو : مرحببا ياابومحمد اشحالك
سلطان: يسرك حالي اشحالك انته و الحمد الله على سلامتك يا ريال
حميد يبتسم اليوووم هالجمله سمعهااا وايد بس احلى وحده اللي طلعت من الريم : الله يسلمك يا الغالي
سلطان : ايلس اتفضل .ويلسوااا يتقهووون ويسولفون ويضحكوووووون
فوق في غرفة الريم
الريم : فديته روحه يااا ربي مب جنه اتغير ضعف
شمسه تبتسم : بسج من الصبح فديته وفديته صرعتني غيري السالفه
الريم تفرهااا بالمخده : تعرفين صج ما عندج سالفه
شمسه تضحك :انزين فجي الهديه اللي يابهاا لج ابى اشوووف مسويني مطرااااش
الريم : ما ابى افجهااا انتي اشلج قوووومي يري بيتكم ما ابااااج
شمسه تضحك : افااااا طرده
وشويه ادش عليهم مزنه وتبتسم
مزنه : شمووووس حميد يقولج يلا بتروحون
الريم اطالعهااا : لا
شمسه تبتسم : توووج طاردتني
الريم : شموووس ما يلستوااا و اله ولهان عليج من زمان يا الخامه ما يتيي بيتنااااا
شمسه تنش : من زودد يياتج
الريم : ان شاء الله بيي
ونزلن البنااات تحت وساروااا حميد وشمسه وهالمره متوجهين بيت عمهم يسلمووون عليهم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
متيمعين عمر وربعه(جسووم وعيسووه وحمووود ورشود وسعوود ) في الملعب الصغير اللي مسوينه عسب يلعبوووون كرة قدم بعد مااا خلصوااا لعب يالسين يسولفووون ويخرطووون على بعض
جسووم :تعرفووون انه حمووود يكتب شعر
الكل يطالع حمود وقال
سعووود : و الله يااا حظك يعني تعرف نفس اللي يشعرووون تقووول
عيسوه : و الله فنتكه تصدق انااا حاولت اكتب بس مااا اعرف يتمووون خواتي يوووم اسمعهن يضحكن الله ياخذ بليسهن ما يعرفن كباشه
الكل يلس يضحك
عمر : مب هن كباشه انته ما تعرف تكتب
جسوووم : انزين سكتووااا حمود يلا سمعناااا
حموود اونه مستحي : انزينه بسمعكم اخر قصيده كتبتهاااا امس
الكل : يلا يلا
حموود : احبك من قال لك اني في البعد مرتاح كذاب خذ مني العلوم الاكيدة مهموم طول الوقت يااا صاح كل يوم في ناقص ولا شي يفيده
وسلمتم
جسوووم : عااش حمووود ما شاء الله حلوووه الكلمات انت تقولهن
عمر يطالع حمووو بنص عين : حمووود انته جذاب ويطالع ربعه: وانتواااا ثيران
الكل يطالعه وقال حموووود : ليش تسب
عمر : يا الجذاب هاي هب من تاليفك هاااي اغنية نبيل شعيل ما تشوفونهااا في التلفزيون يا الثيران يالس يخورط عليناااا
حموود يوقف : عموور ترا لو عدتهااا ثاني اني جذاب بضربك
عمور واقف : منووو يضربني انته يا الخبل تحفظ الاغاني واتيي تخورط علينااا
حموود يمسك عمر من ييبه : انا الخبل
عمر يصرخ : هيه انته
جسوووم : خلاص لا تتضاربووون
حموود : براويه منووو الجذاب
وشويه ويسمعووون صوت ريال يقووول بحزم : محمد
ويتوقفوااا عن الضرابه
حمود يطالع اخوووه عبدالرحمن وموطي راسه : و الله هو البادي مب اناااا
عبدالرحمن في سيارته : تعال اركب .وانتواا يلا كل واحد يسير بيته يلا
الكل مشى صوب بيت وحمووود رايح السيااارة عند اخوووه ويعرف انه بيه عقااااب كبير لانه منبه انه مااا يضارب مره ثانية
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
في صالة بيت المرحوم خليفه يالسين حميد وشمسه وام ساره يسولفووون ويتقهووون
شمسه : زين فديته يوم ظهرت شويه و اله انها كاسره خاطري
ام ساره : راحت ادرس ميرة بنت خالتهااا
شمسه : فديتهاا ميرة ثالث الله يساعدهااا يا ربي
ام ساره : آميييييييييييييييييييييييييييييييين
حميد : عيل نحن عموووه بنترخص
ام ساره : لا يا الغالي بتتعشووون عندنااا عقب مرخصوين عنبووو انت اول مره يا حميدادش بيتنااا
حميد يوقف ويبتسم : انا مب غريب يا عموووه صح اول مره بس ان شاء الله ما بتكووون آخر مره
ام ساره : على راحتكم بس لاتقطعوناااا وسلمووااا
شمسه : ان شاء الله
وترخصواا حميد وشمسه سايرين بيتهم و حميد بياكله الفضووول يبى يعرف شووو المفاجأة اللي محضرنهاا له ابوووه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
يالسااات في الغرفه ميرة تحل مسائل الفيزياء وساره يالسه على المكتب تكتب على دفتر ميرة وترسم وتشخبط ومن اللي كتبته
آمال ضائعة تبحث عن ملاذ هالعنوان اللي كتبته للكلمات اللي كاتبتنهن
أجراس الحزن تقرع لتعلن موعد الفراق .
وعلامات الأسى بانت على الوجوه
وعبارات الاسف حلقت لتخفف من وطأة الصاعقة
صرخات صامته خرجت لتجد من يرد عليهااا .
لكنها لم تجد غير صدى يبدد سكونهااا
آمال ضائعة تائهة تبحث عن ملاذ
انكسر الزجاج من على شرفة عيني
أكادأموت في سجني في زنزانتي المظلمة.
أوقد شمعة الحب أشعل نار الاشواق .
لتخفف ألم الفراق !!
رفعت راسهاا مبتسمة : سارونه حليتهن صح
ساره ابتسمت لهاا وتمت اطالعهاااااا : ممتاز وكملت رمستهااا :
يلا تراااه المغرب اذن بنصلي عقب بتصل ليحيى ايي يشلني فديت روحهااا امايه مودرتنهاا من الصبح و الله وحشتني
قاامن البنات يتوضن علشان يصلن صلاة المغرب قبل ما تفووووووووووووووووت

الجزءالسادس
يالس جدامه ويطالعه وهو ميت من الزيغه ينطلق من عيوونه شرار ومن قالت له مزنه انه سلطان يدور عليه وهو حالته حاله امس تجنب يلاقيه وشاافه يووم زارهم حميد بنظره خلته يرتجف عقبهاا خبر امه انه بيروح يرقد لانه تعبااان ومحد يوعيه ومن نش الصبح شاافه يالس في الصاله وكانت الساعه سبع وقاله انه رايح عسب التدريب الصيفي وقاله انه يوووم يرد يبيه .يلس يطالعه وحاول يهدي عمره عسب يتفاهم وياه
سلطان يقرب الطاوله اللي في النص ويلس مجابل اخووه وقال : ياسر انته ادخن
هنيه ياسر مات من الخوووف سلطان درى عنه : ااننا لا لا من قالك جذيه
سلطان يطالعه ويحاول يتكلم بهدوء : لا انته ادخن يسور لا تجذب عليه جيه انا مب اصغرعيالك
ياسر يطالعه ويحااول ياخذ نفس ويرتب جمله على بعضهااا : انت شووو تقوول انا ما ادخن منووو قالك
سلطان بدااا ملامح الغضب تظهر عليه : يسور ودر عنك الجذب انته ادخن عيل شووو كنتوا اته وربعك تسوونه في المزرعه تتحرا كريم ما خبرني ها
ياسر يوقف : لا كريم جذاب انته تصدق هندي وتجذبني
سلطان يمسكه من ايده بقووو وويلسه ويطالعه :جب و لا كلمه اسمع انا الحين انبهك و الله ثم و الله يا ياسر لووو دريت او سمعت حتى اشاعه انك دخنت بيكووون لي طريقه ثانيه وياك شلك بالمرض ابووويه ريال وانااا ما دخنى انته تيي مفعووووص لاطلعت ولا نزلت تسوى هالسوايا وانت تعرفني عدل شووو اقدر اسوي تفهم
ياسر يالس يطالع اخووه ولا تكلم ولا كلمه شووو بيقووله
سلطان واقف : فهمت رمستي والا لا
ياسر يهز راسه ما طلعت الحروف من حلجه حسه راح كلمهم يقدر يرد عليهم يشايطهم يناقشهم الا سلطااان فعلا يخافه هووو اصلااااا من يوووم صغير ما يتجرأ يكلمه ما يدري وين لسانه يوووم سلطان يرمسه طلع عنه وودر على يلسته عسى يعتبر من الكلام اللي قلته له بس هاليسور طلع جيه من دلع امايه الله يهديهااا والا ابويه الله يسامحك يا ابويه انت من يومك لاهي عنااا ومشغوول بشغلك ولا جنك رب البيت
واول ما طلع سلطان وتاكدت انه راح غرفته دشت عليه حصلته يالس وموطي راسه سارت عداله اطالعته برحمه
مزنه وحطت ايدهاا على كتفه : خلاص يسور لاتزعل سلطان يبى مصلحتك
ياسر رفع راسه وعيونه حمر و اطالعه بنظره : شووو انتي واقفه تتصنتي
مزنه بخووف : لا و الله مريت رايحه صوووب المطبخ وسمعتكم
ياسر وواقف : ليه خبرتي حد ترااا بتشوووفين شي عمرج ما شفتيه تفهمين
مزنه ووطت راسهااا : ما بخبر حد .مشى عنهااا يبى يطلع ووقفه صوووتهااااا
مزنه اطالعه : يسور
ووقف مكانه معطنهااا ظهره ما صد عليهاااا وكملت رمستهااا : لا ادوخ مره ثانية تراهااا مب زينه
ياسر مشى عنهااا : انتي ما لج شغل
يلست اطالعه لين ما اختفى عنهااا هزت راسهاااا وكملت طريجهااا صوووب المطبخ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
توهم مخلصين متغديين ويالسين يشربووون جاهي ويسولفووون الا شمسه اول ما خلصت متغدية طلعت غرفتهااا ترقد اليوووم نشت من وووقت والحين ياهاااا رقاد و في الصاالة
ابو حميد : ها حميد عيبتك السيارة
حميد يبتسم لابوووه : الا ما عيبتني عيبتني ونص
هزاع يطالع اخوووه ويبتسم : رنج ما تعيبه عييييل جااان ما تبااااها عطني اياهاااا ههههههه
ابو حميد : اشفيه انته سيارتك ايديه هذي كانت هدية تخرجك واروحك اخترتهاااا
هزاع : ما قلنا شي يا الشيبه الا حلوووه وما استغنى عنه النيسان اناااااااااااااا
حميد : مشكور ابويه فديتك و الله انها مفاجأة حلوووه
ابو حميد يطالع ولده : هذي المفاجأة الاولى يا حميد
هزاع فج عيووونه : ول شووو هالتفرقه بعد شي مفاجأة ثانية
حميد يطالع اخووه ويبتسم : الله واكبر شوي شوووي اشعليك انته
هزاع : ههههههههههههههههه شو بعد اشدخلني انا اغااار
حميد يطالع ابوووه متشوووق للمفاجأة الثانية : ها ابووويه شوهي الثانية
ابو حميد : بنخطب لك
ام حميد اطالع ريلهااا قرر ما خبرهاا العاده يشاورهااا كمل كلامه : مب صح ام حميد
ام حميد : الا صح ونص حميد ماشاء الله ريال ما ينقصه شي
حميد : جيه بعدني يااا ابويه ما اشتغلت
ابو حميد يطالع ولده : لين تعرس تكووون مشتغل والشغل مدبر امره لا تحاته
ام حميد مستانسه من الخاااطر : و العروس موجوده
ابو حميد عررف قصدهاااا وقبل ما تكمل كلامهااا قال : هيه نعم موجوده وهوووو بيحصل احسن من بنت عمه
الكل يلس يطالع ابوووحميد باستغراااب
ام حميد تصلح غلط بو حميد اللفظي باختيار العروسه : هيه بنت عمتك شيخه الريم فديت روحه ما بتحصل احسن كنها
اطالعهااا ابو حميد : انا اعني بنت اخووويه خليفه ساره يا ام حميد
حميد صعق يوووم سمع رمست ابوووه شووو قاعد يقوووول استانس يوووم امه صححت اللي قاله ابوووه بس رد وقال بنت عمي
وقطع تفكيره صوووت هزاااع وهو مستغرب من الخاااطر
هزاااع يطالع ابوووه وعاقد حياته : ساره
ابو حميد : هيه ساره اشفيهااا حرمه ما عليهاا قصووور ومتربية احسن تربية وبنت عمه والا شووو يا ام حميد
حميد يطالع ابوووه : لا يا ابوووويه انا ما اباه انا ما باخذ الا الريم بنت عمتي
ام حميد اطالع ريلهااا ومستغربه منه ما عاد تفهمه ما عاااد يناقشهاا نفس اول في المواضيع صدق اتفاجات بنت خليفه ما اسرع ما نسيت خليفه يا بطي و الحين تبى تاخذ بنته صدق خلهااافي حاله ربهااا العالم فيهااا نفس الاطرش في الزفه مب عارفه تفكيره مب عارف وين يبى يوووصل نسى رمسته كلامه عن اخووووه نسى قطيعة 15 سنه وهيييييييييييييه تدريبه ريلهااا من يحقد على حد خلاص ما يخوزه من خاااطره ريلهااا الحين من 25 سنه عارفتنه عدل بس وين يبى يوووصل وشو يبى يسوي
وردهااا للواقع صوووت ابو حميد وهو يطالع حميد : انا اخترت لك بنت عمك وهيه يتيمه ومحد عندهم ريال يتساندون عليه وانته تقولي لا
شووو بيقولون الناس عني خله حرمت اخووه وبنتهاا استغنى عنهم
حميد يطالع ابوووه بدى يعصب بدى يحس بصعوبة الموقف بس معقوووله صدق اتفاجئ من رمسة ابوووه : بس يا ابويه انا ما ابى غير الريم وعلا صوته ويحاااول يهدي عمره : وانته يا ابويه تدري اني اريد الريم من زمان واني احبهاااا يا ابويه احبهااا
هزاع حس بالتوتر اللي مستوي يطالع امه ما تكلمت وهو لو تكلم شووو بيقووول صدق اروحه تفاجئ ويلس يطالع ابوووه وحز في خاااطره انا يا ابوووي الوحيد اللي فاهمنك وعااارف لين وين تبى توووصل بس قطع تفكيره ووقفت حميد وهو معصب وبصوووت عالي يتكلم
حميد ويه محمر ومعصب حيييييييييييييييل : لا يا ابويه مستحيل اوافق مستحيل هذي حياتي ومحد له دخل فيهااا بهالسهوووله تقولي ودر الريم ومن زود التوتر و الاعصاب الشدوده يحااول يرمس بصعوبه : انته شووو تقول اودر حياتي يا ابوويه
ووقف ابووو حميد واطالع ولده بهدوء وقال بمنتهى البرود: هذا هو قراري وانا فكرت فيه زين وانته اذا تبى تعصاني وما تاخذ بنت عمك لاني ابوك ولا اعرفك يا حميدوصد على ام حميد : بروح ارقد ولا تنسين توعيين يا امنه قبل ما ياذن العصر
يلسوووا يطالعوا باستغرااب بعد ما سوا اعصااار في الصاله رايح يرقد. حميد يالس يطالع امه بعيووون ترجي ويلس عدالهااا
حميد : امايه فديتج سمعتي رمسة ابووويه شووو يقووول هو شووو ناوي عليه وتعرفين تدرين اني اريد الريم و ما اريد غيييييييرها
ام حميد ما عارفه شووو بترد وشووو بتقووول : ادري يا حميد ادري برمس ابوووك ان شاء الله
حميد : وانزين يتيمة ما يتيمة انا شدخلني وابووويه الحين حن عليهم من 15 سنه او زووود مقاطعنهم انا ما اريده امايه خبريه اني مستحيييل اواقف تفهمووون ونش عنهم طالع ووقفه صوووت هزاع وهو يطالعه : حميد وين بتروح
حميد يطالع هزاااع وصد عنه طلع براااا
ام حميد اطالع هزاااع : قوووم شوفه اخوووك لا يطلع وهو معصب جيه
هزاع : خلوووه امايه بيهدى وبيرد خلوووه اروحه ونش واقف وهز راسه وسار صوووب غرفته
راحت غرفتهااا وحصلته راااقد غريبه هالريال على شوووو ناااوي
ام حميد تيلس على الشبرية وقالت : بطي
محد رد عليهاااا بس هزته وقالت : بطي نش عنبو ما واحيت ترقد نش
ابو حميد يفج عيووونه ويتااافف : شووو تبين يا حرمه
ام حميد : شووو شوابى واللي توه صااار في الصاله شووو السالفه
ابو حميد بسخريه : جيه انتي ما كنتي موجوده
ام حميد : يا بطي فكيني وخبرني السالفه وتعرف انته انه حميد مستحيل ياخذ غير بنت عمه الريم
ابو حميد ينش بسهوله يقنع امنه مرته ويعرفهاا عدل رحيمه
ابوحميد : يا بنت الحلال ساره يتيمة ومحد عندهم ريال يستندووون عليه شوووو تبووون يقولووون عني الناس بعدين اخوووويه وصاني عليهم وهيه يتيمه صح كناااا مزاعلين انا وياه من 15 سنه بس انا الغلطااان فيه وابى اكفر عن ذنبي بستر بنته ما دامني انااا حي هم مالهم حد يا امنه وانتي حرمه مومنه وين ينسير من عقاب ربناا لو ياهن شي وهن حرمتين لاحوول لهن و لا قوة لو تفكرين بالموووضوع زين بتحصلين انه رمستي صح وما شي حل الا حميد ياخذ ساره اعرف انه حميد يبى ورايد بنت عمته الريم وقلت بيوزهااا هزاع بس بعد ما فكرت فيهااا هزاااع صغير بعده واصغر عنهااا هيه ما بتوووافق وهو مب قد مسؤولية حرمة وبيت عكس حميد اللي الحين بيدش 25 سنه .ويهز راسه وانا اعرف حميد زين قلبه طيب ورحيم وبيسمع الكلام وبيسوي الصح
يلست تسمعه ريلهااا هو عنده حق بس هييه ما همهاا شي كثر ما همهااا حميد ورضاه على البنت اللي يباهاااااا نشت من الشبريةعسب تسوووي تيلفووون له وتشوووفه وينه
في غرفة شمسه دخلت امهاااا وسيده راحت تيلس عدال بنتهاا الراقده على الشبرية
ام حميد : شمووس شموس نشي
شمسه بكسل : خير امايه شوو تبين
ام حميد : قومي سوي لخوج حميد يلا نشي
شمسه تفج عينهااا بصعوووبه : امايه جيه وينه حميد
ام حميد وشوي وبتصيح : اخوووج تهاوش ويا ابوووج وطلع معصب يا بنت الحلال قووومي سوي حق اخوووج
نشت شمسة بسرعه عند الغداا مودرتنهم عال العال شياهم ويلست ادور تيلفونهاا وحصلته على طاوله الكومبيوتر ويلست ادق لخوهااااا
وفي هالوقت من صوب ثاني
خالد يركب سيارة حميد وهو عاااقد حياااته ويتحرطم
خالد يطالعه وسكر الباب وراه : شعندك مقعدين من رقااادي هااا
ورن تيلفووون حميد ويلس يطالع الشاشه مكتووب شمس حياتي
حميد : هلا
شمسه : هلا حبيبي حميد وينك مشغووول بالناااعليك
وتشل السماااعه ام حميد
ام حميد : وينك حبيبي تعال ان شاء الله ما يصير الا خااطرك طيب
حميد : ان شاء الله امايه انا عند خالد ربيعي الحينه عقب برد
ام حميد : يا ابويه تدري انه ابوووك ما يبالك الا الخير وهووو ما اختارلك الا الشي الزين
حميد بدا يعصب : امايه الله يهديج انتي شوووو تقولين
ام حميد : انزين يا حميد لا تعور فوادي عليك فديتك رد البيت وبنتفاهم
حميد حاول يهدي عمره مااا تهوون عليه يرفع حسه عليهااا : امايه برايج الحين مع السلامه
ام حميد : اترياك الغالي في حفظ الرحمن
يالس يطالع ربيعه شي عنده ومعصب ويلس يطالعه وهو ساااكت ما تكلم من بعد ما سكر التيلفووون
خالد يصد صوووبه : حميد اشفيك
حميد يطالع ربيعه وعقب شغل السيارة وتحرك ويلس يمشي ويلف في الشوااارع( وهو اول ما طلع من البيت سووى لخالد تيلفووون هو الوحيد اللي يفهمه اصلااا حميد وخالد ربع من هم صغاار من يوووم كانو في الروضه وجيرااان ويوم دخلواا الثانووويه تحولوا قووم حميد في فله الا ان الربعه بينهم كانت مستمره وبعد تخرجهم راحواا بعثه لستراليااا بس حميد درس هندسه كهربائية وخالد هندسة معماريه) . وهو ساااكت ما تكلم ولا كلمه رد خالد يكلمه : حميد وقف السيارة
لف حميد على جانب الطريج ووقف السيارة وتنهد
خالد : حميد اشفيك يا اخوووي شلي مضايقنك
حميد يطالع ربيعه : تعرف يااا حميد ليش متشووووق زود لبلاد وقولك اول ما ارد وحصل شغل بسوي شي تذكر
خالد يبتسم : هيه اذكر قلت لي عقب ما تشتغل بتخطب بنت عمتك
حميد يبتسم بمراره وسكت مره ثانيه
خالد حس وعرف انه السالفه هااي اللي مكدره حميد ومسكه من كتفه : حميد شووو صار
حميد يطالعه : ابووويه يباني اتزوج بنت المرحووم عمي خليفه
خالد سكت عنه يعرف انه حميد متعلق ببنت عمته من كثر ماايقوله انه اول ما بيرد بيخطبهااا وبيتزوج ما عرف شووو يقوله
حميد : خالد انا ما اباهااا
خالد يطالعه : قووول لعمي انك ما تباها
حميد يبتسم بسخريه : قلتله بس ما طاع وابووويه من يصر على الشي خلاص يتم وانته تدريبه ويطالعه بحزن : وتعرف اني ما احب ازعله
خالد يطالعه : و الله يا حميد ما ادري شووو اقولك بس اقولك لاتزعل هلك
حميد يطالعه شووو يقصد اودر الريم لالا مستحيل هاي حب حياتي كيف استغنى عنه بسهوووله هالشي الوحيد اللي ما اقدر اسووويه
كمل خالد كلامه : و انت فكر يا حميد في الموضوع زين وحاول تكووون هااادي عسب توصولن لحل مرضي للكل تراا العصبية ما بتولد وراها الا الزعل و الخراااب وانا ادريبك انك عاااقل يا حميد
اطالعه حميد وشغل السياااارة
_________________________________

يالسه وهيه وامها في الصاله يسولفن كانت منسدحه على ريول امها مع انه الجووو وايد هدوء و البيت ماا فيه حياه ونشاااط نفس اول وكانت حاااطه تيلفووونهااا عدالهاااا وشويه ووصلهااا مسج نشت تشوووف منووو مذكرنهااا ومطرشلها مسج ويلست تقراه
أنا رسالة جيت من عند غالي
شخص موصيني أوصل سلامه
جيتك اشيل الشوق باول وتالي
في شاشة الجوال هذا كلامه
وش هي علومك يا بعد حال حالي
هذا سؤاله جاك
مع السلامه
ساره رفعت راسهاا لا مهااا : بس ما اعرف منووو مطرشنهااا ما عرفت الرقم
ام ساره : يمكن بالخطأ حد مطرش لج مسج
ساره هزت كتفهااا : يمكن وردت تنسدح عدال امهااا
بس بعد لحظاات وصلهااا المسج الثاني ونشت يوووم شااافت الرقم نفسه عقدت حياتهااا و قالت : من نفس الرقم
ويلست تقرا المسج اللي تقول
الشوق يغلي و المشاعر تناديك
تعال واسمع ما جرى في غيابك
بأول غيابك انكسر قلب مغليك
وبثاني غيابك دمعي يبكي جنابك
وبثالث غيابك بالغلا قمت اعزيك
في موت قلب هام بك وابتلى بك
ساره : و الله ذبحني الفضوووول رقم منوووه هذااا
ام ساره : يمكن وحده من ربعاتج غيرت رقمهاااا .وشويه رن التيلفوون وشافت الشاشه نفسه الرقم وردت عليه
ساره : الو
.: الو السلام عليكم
ساره : وعليكم السلام و الرحمة
.: اشحالج الغالية عساج بخير
ساره مب عارفه الصووت : الحمد الله بخير اشحالج انتي
.: انا بخير الحمد الله .وتبتسم وقالت: الظاهر انج ما عرفتيني
ساره : سمحيلي الغالية بس ما عرفتج منوو معايه
.:وحده تحبج وتغليج ولا يوووم نستج
ساره عاقده حياتهاا مستغربة :منو انتي اختي
.: افا يا سارونه
ساره استغربت اكثر هاي تعرف اسمهاا : منووووووووووووووو
: انزين بقولج جمله جان بتعرفيني منهاااا من يقوول
((أحبج أمووت فيج مجنونتج )) ههههههههههههههههه
ساره مب مصدقه معقوولة تكووون محد يقولهاا الا هي لا مب مصدقه : هندووووووووووووووووووووه لاما مصدقه
هند: هههههههههههههه هيه هي هندووه اشحالج سويرة
ساره مستانسه ما سمعت صوووتهااا من خمس سنوااات ولا شافتهاا من سبع سنين وامهااا اطالعه و الابتسامه مرسومة في ويهاااا
ساره : الحمد الله بسمااع صوتج شخبارج انتي ووين ديارج
هند : و الله اخباري ترتوووب ودياري عدال دياركم
ساره ما فهمت وكملت هند : نحن الحين يراان سكناا في الفله اللي عدالكم
ساره مستانسه : و الله من متى
هند تنسدح على شبريتهاااا : من اسبووع
ساره : و الله اني مشتاااقه اشوووفج ولهانه عليج
هند : وانا اكثر يا الغالية
ساره : صح كيف عرفتي رقم موبايلي ومشكوور فديتج على المسجاات الحلوووه
هند : اللي يسال ما يتهوشي خبرتيني غنية بنت ام راشد يارتكم عنه بعد ما دريت انه هالبيت فلتكم و العفووو فديتج
ساره : عااد لازم اشوفج وتزورونااااا صرنااا يران
هند تبتسم : اكيييييييييييييييييد ابى اعرف شوووو صار لج واخبارج واخبرج عني
ساره : حتى انا يا الغالية
هند : الحين بودرج الغالية سلمي على خالوووه عايشة
ساره : ان شاء الله وانتي سلمي على الاهل
هند : السلام يوووصل مع السلامه
ساره : في حفظ الرحمنوبندت عنهااا وصدت على امهااا : هذي امايه هند بنت خالوووه صبحه
ام ساره مب مذكرتنهااا
ساره : امايه هند اللي منتقلين لدبي قبل سبع سنين كانواا عدال بيت يدي الله يرحمه
ام ساره : هيه هند حليلهاا شخبارهااا وشو ذكرهاا فيج وشدراااها برقمج
ويلست تخبرهاااا ساره السالفه
ام ساره : يرانا ما شاء الله عييييييييييل لازم نعزمهم
ساره : ان شاء الله .
وشلت تيلفوونهاا وطرشت لهااا مسج يقووول
((تدرين من انتي ؟
بنت الامير اللي مجنب عن العيب عشر الاصابع بالمراجل بصمهاا واخت الصقور الليفي روس المراقيب افعالهم بالطيب كلن نشرهااا ومعهم عيال عمك عارفين المواجيب افعالهم بالجود كلن ذكرها ))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
يالسه كالعاده على النت من بعد ماا اطمن ان اخوهااا حميد رجع للبيت وقررت انهاما لها خص في السالفه من بعد ما حصلت هزبه محترمه من ابوووهااا يوم راحت تقنعه وتفهمه انه حميد يحب الريم بنت عمتهاااا شيخه كالعاده ترمس روضه على المسن

((أثر الغلااا ما تعجبه غير دنياك والقلب غيرك ما سكن في وريده)) (روضه)
والا جذيه سالفة اخووج و الله ما ادري شوو اقول

(((يا شينها لا صرت بين اختيارين مستقبلك ولا حبيب توده )))(شمسة )
هيه حليله الله يعينه

((أثر الغلااا ما تعجبه غير دنياك والقلب غيرك ما سكن في وريده)) (روضه)
بس تصدقين ساره فنانه حلوووه صدق تذبح لو انا ولد باخذهااا


(((يا شينها لا صرت بين اختيارين مستقبلك ولا حبيب توده )))(شمسة )
بس هو يحب الريم وانتي تدرين بهالشي
وانتي دومج تمدحين فيهااا سارونه عايبتنج وايد منج ولا مره رمستيهاا


((أثر الغلااا ما تعجبه غير دنياك والقلب غيرك ما سكن في وريده)) (روضه)
اولا ما ادري اخوووج شووو يحب من الريم هاااي سوري بس اقووول الصدج
وثانيااا يا اختي دومهاا تصرفاتها في الجامعه تلفت انتباهي بجمالها واخلاقهاا ومعظم البنات معجبات فيهااا


(((يا شينها لا صرت بين اختيارين مستقبلك ولا حبيب توده )))(شمسة)
محد ينكر انه سارونه حلوووه
وبعد محد ينكر انج ما تحبين الريم صح


((أثر الغلااا ما تعجبه غير دنياك والقلب غيرك ما سكن في وريده)) (روضه)
انا عطيت رايي وانتواااا كيفكم صح شموس تخرجتي ما بتشتغلين

(((يا شينها لا صرت بين اختيارين مستقبلك ولا حبيب توده )))(شمسة)
هههههه اكيييييد لا الحين انا شووو اسوي اتريااا ولد الحلال ايي يشلني ههههههههههه

((أثر الغلااا ما تعجبه غير دنياك والقلب غيرك ما سكن في وريده)) (روضه)
هههههههههههههه انا يوسف قالي عادي جان تبين تشتغلين اشتغلي


(((يا شينها لا صرت بين اختيارين مستقبلك ولا حبيب توده )))(شمسة)
((حاطه ويه استغراب )) صج يا حظج

((أثر الغلااا ما تعجبه غير دنياك والقلب غيرك ما سكن في وريده)) (روضه)
انتي صدقتي انه يوسف يقووول جذيه ههههههههههههههه

يلسن يسولفن البنات عقب شوية اذن المغرب وطلعن من النت عسب يروحن يتوضن ويصلن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ

دش عليهن الغرفه وابتسم يوووم شافهن الله يوفقهن ان شاء الله
مايد مبتسم : مرحبااا صبايا
بخيته ونورة رفعن روسهن وابتسمن من شافنه : مرحبتين
بخيته : وينك انته عنبوو نحن مختفيااات عسب نذاكر وانته امره ما تيي اطل علينااا وتزورناااااااااا
مايد : هههههههههههههههه انتن شوو مسويات ويا الدراسة
نورة : نحمدوه بس ان شاء الله نيب نسب اوكيييييييييييه
مايد : ان شاء الله
بخيته اطالعه وتبتسم : شووو هالكشخه على وين النية
مايد يطالع عمره ونافخ صدره : عن الكشخه انا طووول عمري كشيخ وعن الطلعه مالج خص
نورة : ههههههههههه
بخيته : ضحكتي بليا ضروس
مايد : بخووت انطمي عن شيختج والا بضربج
بخيته فاجه عينهاا : الحين نوروه شيختي تخسي
مايد : جب شيختج وتاااج راسج بعد يلا مع السلامة صبايا
نورة : في حفظ الرحمن
ونزل تحت وحصل تيلفووون الصاله يرن ويلس يطالع مااا حصل حد وراح يرد عليه
ميرة : الو السلام عليكم
مايد ابتسم عرف انه صوت ميرة : وعليكم السلام و الرحمة
ميرة : هلا مايد اشحالك
مايد : الحمد الله اشحالج انتي
ميرة : تمام ممكن ارمس نورة
مايد بغلاسته : لا مش ممكن
ميره مضايجه ما فيهاا على مايد : ميووود مالي بارض على غلاستك بليييز عطني نورة
مايد احس ابهاا انها مضايجه : ميروه اشفيج
ميرة : ما شي عطني نورة
مايد : انزينه بس انتي مريضه
ميرة ابتسمت مايد طيب رغم غلاسته شووية : لا مب مريضه بس و الله اني تعبانه من الدراسة و الله مليت
مايد ابتسم وحمدالله انها مب مريضه : يالله ما باقي شي وبتخلصووون افاا يا بنت الابله المصرية ان تيبين ذيج النسبةاللي تفرح الخاطر
ميرة تبتسم: ان شاء الله انزين عطني نورة
مايد يبى يطفرهااا : تعرفين ما فيني ارد فوووق وازرقرهااا توني نازل من فووق
ميرة : ميووووووود
مايد يضحك : صبري اشووويه ويا هالصوووت
ميرة : يلا انزين اتريااااا
قااام ووصل لين الدري وزعق على نورة وطلع من البيت مبتسم ويااات نورة ترمس بنت خالتهااا
ــــــــــــــــــــــــــــــــــــــــــــــــــ ــــــــــــــــــــــــــــــ

رد البيت صارت الساعه عشرة اليوووم باله مشغوول جووو البيت متوتر وحالتهم حاله دخل الصاله ما حصل فيهاااا حد وسار سيده فوووق ودق على باب غرفة حميد
حميد : منووووووووووووووووو
هزاع : انا هزاااع يا حميد
حميد : هزاع فديت روحك ما اريد ارمس حد
هزاع تنهد : اوكيييه مب مشكله تصبح على خير
حميد يتنهد : وانته من اهل الخير
سارصوووب غرفته ودخل طلع اغراضه الشخصية من مخباته وحطهن فووق التسريحه وفسخ كندورته وعق بعمره على الشبرية يلس يفكر بالاحداث اللي استوت اليوووم وربطهااا باللي سمعه من ابوووه وهو يالس في الميلس اروحه من بعد وفاة عمه ابو ساره باسبوووع
هزاع كان بيدخل الميلس بس وقفه صوووت
ابو حميد كان يفكر بصوووت عالي : الحين يا دوري علشان اخذ حقي اللي راح عيل تتهنابه عويش وبنته لا و الله ااااااااااه يا الغم فضلوااا عليه أحمد انه يمسك الحلال ويديره بس بيشوفووون ما انا بطي بن سعيد لين ما خليتهم يندموووون ويعظوون اصابعهم من الندم
هالكلام صدمه كااان واقف مصدووم من رمسة ابوووه معقوله يفكر بهالشي وشويه تيي شمسه
شمسه : حوو هزاع شو موقفنك هنيه
هزااع يطالعهااا ويمشي عنهااا ولا رد عليهااا بكلمه
تنهد من الخااطر بصراحه عموه عايشه وساره ما يستاهلن و الله صدق مايزدادن بس شووو نواياك يا ابويه الحين الله يستر بس
بس ارتسمت على ويهاااابتسامه حلووه يووم اتذكر شكلهاا من يوووم شافهاا وهو ما قدر يشلهااا من باله حلووه والله انهااا حلووه وجريئة بعد


ادعولي يا بنات


الجزء السابع
في صالة بيت بطي بن سعيد الساعه ثمان ونص الصبح يالسين ام حميد وابو حميد على حصير في الحووش يشربووون قهوه ويتريقووون
ابو حميد يشرب قهوه : اها يا ام حميد العزيمة على الغدا ان شاء الله امس انتي قلتي انأجلهاااا
ام حميد اطالع ريلها : ان شاء الله مب مشكله منووو بتعزم
ابو حميد : بنعزم قووم حمدان وشيخه وعيالهم وحرمة المرحووم وبنتهااا واخوانج وربع هزااع وحميد
وانا سووويت للمطبخ تيلفووون وباااقي اوصل لهم الذبايح
ام حميد : زين زين
ابو حميد: رمسج امس حميد من عقب هذاك الموضوع
ام حميد : لا ما رمسني يى ودش غرفته ولا طلع منهااا حتى عشاء ما طاع يتعشى
يا ام حميد انته رمست ساره
ابو حميد :لا ما رمستهااا ان شاء الله اليوووم برمسهااااا
ام حميد : وحميد
ابو حميد : اشفيه حميد
ام حميد : بس حميد مب موافق عليهااا شوو بتغصبه يا ابوو حميد
ابو حميد : انتي سكتي وخلي حميد عليه
ام حميد : ولدك واتصرف انته وياه
ابو حميد : انتي نشي سوووي تيلفووون حق الاهل عسب العزيمة وهاااا خلي عايشه وبنتهااا ايووون قوليلهم بوو حميد معزر الا تيووون
ام حميد تنش وتتنهد : ان شاء الله
قامت ام حميد وسارت الصاله عند التيلفووون عسب ادق وابو حميد بيروح يوصل الذبايح للمطبخ
ام حميد : الو السلام عليكم
ميثه : وعليكم السلام هلا خالوووه اشحالج
ام حميد : هلا فيج بيتي انا بخير اشحالج انتي وعيالج وريلج عساكم بخير
ميثه : يسرج حالنا فديتج شخبار البنات و خالي
ام حميد : بخير الحمد الله الكل يسلموون عليكم
ميثه : الله يسلمهم من الشر
ام حميد : فديتج يا ام محمد ازقري لي عمتج
ميثه : ان شاء الله خالووه لحظه
وراحت ميثه تخبر ام سلطان انه ام حميد تباااه في التيلفوون
ام سلطاان : مرحبتين الساااع هلا و الله بام الغالي
ام حميد مبتسمه : هلا فيج خويتي اشحالج وشخبار العيال
ام سلطان : الحمد الله بخير
ام حميد : الحمد الله يا ام سلطان اليوووم ان شاء اله غداكم عندنااا ابو حميد مسوووي عزيمة لرجعة حميد بالسلامة وهااا تيييون كلكم وخلي البنات ايين
ام سلطان مستانسه : ان شاء اله يا ام حميد
ام حميد : بودرج الحين الغالية مع السلامة
ام سلطان : في حفظ الرحمن وبندت عنهااا
وراحت ام سلطان صووب ريلهااا وميثه وسلطان
ام سلطان : تسلم عليكم ام حميد
الكل : الله يسلمه من الشر
ابو سلطاان : شخبارهم عساهم بخير
ام سلطان تيلس : بخير الحمد الله مسووويين عزيمه عسب رجعة حميد ويبووونا نتغدا اليوووم عندهم
ابو سلطان : هيه امس لاقيت ابووو حميد وخبرني زين زين
ام سلطان : سلطان انته ماخذ اجازة من الشغل اشوووفك دومك في البيت
سلطان يبتسم : هيه ماخذ اجازة وشووو العيوز مليتي من شوفتي
ام سلطان : وابويه عليك شوو هالرمسه انا اما من شووفتك انت عيووني اللي اشوووف ابها
ابو سلطان : شوو هالرمسه الحلووووه دومني اسمعه لغيري والا حقي امره ما تقولينهااا
سلطان وميثه ضحكوااااااااا
ام سلطان تخز ريلهاااا : من زين رمستك انته عاااد
ابو سلطان : هيه رمستي هيه زينه يووم ارمس امره كسرتي بخاااطريه بكلامج اللي يسد النفس
سلطان يضحك : حرااام كسر الخواطر يا امايه
ام سلطان اطالع ولدهااا : لم ثمك يا سلطان
وتشوووف الساعه حصلتهاا 9.10 : ميثووه سيري وعيهن بسهن رقااد
ميثه تقووم : ان شاء الله عمووه .ونشت عنهم وتبعهاااا سلطان وعند الدري
صدت وراه عقدت حياتها : ها سلطان بغيت شي
سلطان يبتسم ويطالعهااا : شوو هالحلاه اليوووم وانتي يالسه تضحكين خبلتيبي
ميثه استانست وابتسمت بدلع : انا طول عمري حلوووه
سلطان يتقرب منهااا ويحط ايدينه الثنتين على خصرهااا ويبتسم : ادري و الله ادري
ميثه ذايبه من حركة سلطان مع انه ريلهاااا : ههههههههه سلطان شياك
سلطان يبتسم : اه قلبي انتي ناويه تخبليبي بهالضحكه
ميثه : الحين من متى معرسين وتوووك انتهت لضحكتي
سلطاان : لا انا طووول عمرهااا هالضحكه مخبلتبي

ميثه حمر ويها من المستحى :انزين وخر عني بسير اوعي خواتك
سلطان يبتسم ويطالعهااا : ما ابى
ميثه اطالعه : احلف
سلطان شاق الحلج : و الله وبعدين ابتسم ابتسامه خبيثه وقال :انزين صبري بوخر بس بشرط
ميثه اطالعه وتبتسم بدلع : شوووهووو
سلطان يبتسم بخبث : اول حبيني
وشويه يسمعوون صوووت على الدري وبعدته عنهااا وضحكت من الخاطر وهو يتحلف الهااااويلس يطالع من نزل وحصلهااا اخته مزنه وتم يطالعهااا هيه ارتبكت ويلس اطالعه بزيغ وتقول في خاطرهااا اصبحنا واصبح الملك لله اشفيه يطالعني جذيه مزنه وصلت عنده واطالعته من الخوووف نست تقوووله صباح الخير وقفهااا صوووت سلطان
سلطان : مزنوووه
مزنه واقفه ولفت عليه بشوي شوي
سلطان يطالعهاا بنص عين : عنبوووو واقف سمنديقه ليش ما تصبحين والا ما تعرفين
مزنه ووطت راسهاااا : اسفه
سلطان ابتسم هالبنت تخااف منه منه ولا مره سوالها شي : اشفيج
مزنه من اطالعت ابتسامته ابتسمت من الخاطر ويت عداله وباسته على خده وقالت : صباح الخير
سلطان استانس ولفها ويمكن هااي اول امره : صباح النورر يا اخر العنقوود
مزنه ما شي متشققه ومستانسه اليوووم كسرت حاجز الخووف بينهااا وبين سلطااان ومشوووا لين ما وصلوااااا من وين يالسين ابووسلطان وامه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

يالسه وعدالهااا بنتهاا شمسه عدال التيلفووون الحين هيه دقت تيلفووون لكل اللي تباااه باقي حرمة المرحوووم خليفه
ام حميد : الحين شموووس دقي حق حرمة عمج
شمسه : ان شاء الله ودقت على البيت
شمسه : الووو السلام عليكم
ليلا : الو واليكم سلام
شمسه : وين ماماه
ليلاا : ون مينت بليييييييييز
وشوي نزل حميد من فوووق وسلم على امه وشموووس ويلس عدالهم بس شكله ما ارتااح في نومته ومب نفس العادده بشوش هالمره بالزور يطلعهااا الكلمه وصب لعمره جاهي ويلس يشربه
شمسه : مرحبتين هلا عموه احالج
ساره مبتسمه : هلا فيج شوووس انا ساره
شمسه تبتسم : مرحبتين سويرة فديتج اشحالج
ساره : بخير الحمد اله اشحالكم انتوااااااااا
شمسه : نحن يسرج الحال اشحال عموه عساكم بخير
ساره : بخير الحمد الله يسرج حالهااا
شمسه : عيل وينهااا فديتها امايه تبى ترمسهااا
ساره : امايه تتسبح
شمسه ترمس امهااا : امايه عمووه عايشه تتسبح
ام حميد : هااي ساره يبي ارمسهااااا
تووه انتبه لهم انهم يرمسووون ساره اللي يباه ابوووه ياخذهاااا اه يا ابوووي حرااام عليك تسوى فيني جيه انا شوو سويت لك مافي خااطري الا الريم ليش تبى تحرمني منهااااا ورده للواقع صووت ام حميد
ام حميد : ما عليه فديتج بخلي هزاع والا حميد ايي يشلكم
حميد عصب :منوووووو قال انا ما بروح و لا شي
شمسه اطالعه بترجي تباه يسكت وهو صد عنهااا وكمل شرب جااهي
ام حميد : فديتج سلمي على امج
ساره : ان شاء الله خالوه سلمي على عمي وكلهم
ام حميد : مع السلامه
ساره : فمان الله وبندت عنهاااا
انفجر حميد امررره وحده : منوووووو قال تسوووووووووون عزيمه وبعدين منووو قال بروح الهم
ام حميد اطالع ولدهااااا : يا حميد اسكت لا يزعل منك ابوووك
حميد : هيه ابووويه ابووويه هو اللي يبى يذبحني ويقرب موتي هووو
شمسه : شوو هالرمسه يااا حميد حد يرمس عنبووه جيه
حميد : وهو شويه اللي يبى يسويه فيني
ام حميد : الحين شووو بيسويه تراا ساره بنت عمك ويتيمة
حميد وزاد تعصيبه : يتيمة يتيمة و الله فهمناااا انزين انا اشدخلي تربطووني فيهاااااا
وشويه ونزل هزااع وهز راسه بعدهم متوترين عسب مووضوع حميد وساره
هزاع : صباح الخير .ويروح يحب امه على الراس
الكل : صباااح النووور
هزاع يلس عدال اخوووه وصب لعمره جاااهي
ام حميد : هزاع فديتك روح الساعه 12.30 اييب حرمة عمك وبنتهاااا عسب العزيمة
هزاع : انا سيارتي مب عندي عند واحد من الربع وابتسم بخبث : وبعدين افاااا حميد بيروح اييب خطيبته وامهااا
حميد يلس يطالع هزااع بعصبية : هزاع لم ثمك
هزاع يطالعه : اشو شوي يا ريال كلتني
شمسه : شووو فيهااا حميد لووو رحت تيبهم تعرف ابوويه لو درى انك ما طعت تروح
هزاع : اوكيييييييه مب مشكله انا بسير وياك
حميد : بعطيك سيارتي وسير انته يبهم
هزاع : لا لا جااان بتروح بروح وياك روح انته يبيهم مب خطيبتي خطيبتك
حميد احمر ويه من العصبية وهزااع ابتسم ونش عنه وسااار يلس عدال اخته شمسه وهو يضحك على اخووه وفي خاااطره يقوول يا حظك مادام بتاخذ ساره والله هيه عمة الريم اللي تباها
ـــــــــــــــــــــــــــــــــــــــــ

يالسه في غرفتهااا منسدحه على الشبرية تقرااا مجله انفتح الباب بقووو ويايه منطلقه وطااحت عليهاا فوووق الشبرية
موزه معصبة : و العثرة يا الخبله اشفيج دااشه جذيه
بخيته تقووم عنهااا : اه يا ضلووعي اتكسرت
موزة : تساهلين يايه تركضين شرااات الخبلة
بخيته : مب منج مني انااااااااااا يايه اخبرج
موزه : شووو عندج
بخيته تمسكهااا من ايدهااا وتمشي صوووووووب الدريشه واطالع بخيته : هذوه هنيه تعالي شوووفي
موزه : منوووو اشوف
بخيته : بدر خطيبج
موزه فااج عيووونهااا : والله وسارت صوووب الدريشه وتمت اطالعه
بخيته : و الله حلوووو صح مب جنه طوويل اطوول من ميووود
موزه ساااكته ما ردت عليهااايالسه اطالعه وشويه واختفى عن الانظاار وردت تيلس على الشبرية
بخيته تبتسم : شفتيه
موزه اطالعهااا : هييييييييييييييه شفته
بخيته بفضوول : اشرايج فيه
موزه : ما لج خص وبعدين سيري ذاكري ابرك لج
بخيته فااج عيووونهاا : واطالعهاا تعرفين شي مب منج من اللي ياي يخبرج وسارت عنهاااا
موزه يلست تضحك عليهااااا واخيرا شفته يشبه اخته مريم من بعيد ما واحيت اشووفه زين الله ياخذ بليس ميوود غطى وضحكت بس بصراااحه حلووو ما شاء الله عليه لا احسده الله يخليه حقي وابتسمت وردت تقراااا المجله


في بيت ابوو سلطان يالسين يتجهزووون عسب يروحووون بيت ابووو حميد في غرفة الريم اللي طايره من الفرح ومستانسه من الخاااطرواطالع عمرهااا في المرايه النتيجه عيبته طلع المكيااج فنان دشت عليهاا ميثه وهيه متلبسه ومخلصه ولابسه عباتهااااا
ميثه : يلا ريماااني خلصي الكل جااهز
الريم تصد عليهااا بدلع : اشرياج فيني
ميثه تبتسم : حلوووه وكشخه ما شاء الله عليج بس
الريم اطالعهاا : بس شوووو
ميثه تقترب منهاااا : جنج مزوده المكيااج حبتين
الريم عصبت من الخااطر اف ما احبهاا يوووم تكوون غبيه هالمخلوووقه وتاففت
ميثه حست ابهااا : بس حلوووو
الريم لفت عنهاااا : ما يهمني رايج
انصدمت ميثه هيه سألتهااا عن رايهااا وقالت : اوكييييييييييه يتريووونج تحت وطلعت عنهاااا
وهيه تمشي تفكر بالريم غريبة احيانا طيبة واحياانا ياليتج ما تعرفيناااا نفس عمووه شيخه بس لو مدحتيهااااا وسايرتيهااا هيه تحبج وشالتنج فوووق راسهااا بس اذا نصحتي وقاتي لها االصرااحه بتقوولج كلام يسد البدن اف برايهاااا انا المهم ريلي وعيالي و البيقية اممممره ما يهموني
ونزلت تحت وحصلتهم كلهم يالسين
سلطاان : وينهاا الريم اتأخرنااااا
ميثه : الحين بتنزل
مزنه تيلس على الكرسي وتتافف : يلا عااااااااد
وشويه وتنزل الريم
الريم : يلا انا جاهزه عيل وين امايه وابووويه
ياسر : راحوااا يلا اتاخرنا على العرب
سلطاااان عااقد حياته : شوووو هالخرابيط اللي على ويهج ريمووووه
الريم اطالع اخووه وبارتباك : شوووو فيه
سلطان يلف : انا طالع اشغل السيارة يلا نروح وانتي روحي غسلي هالخرااابط من ويهج .وطلع وطلعوااا وراه
الريم ويه انحرق وتمت اطالع ميثه بعصبية وشوي وبتصيح
مزنه : يلا ريمووه فديتج سيري غسلي ويهج نترياااج وطلعت عنهم
نزلن دموووعهااا من الخااطر وسارت غسلت ويها لوو مب روحه لبيت حبيبهاا ما كانت راحت من الضيجه وحطت جحال والشدوو وردي خفيف ونزلت وحصلتهم كلهم راكبين ولا تكلمت ولا كلمة . طلعواا سايرين صوووب بيت ابووو حميد
ــــــــــــــــــــــــــــــــــــــــــــــــــ ــــــــــــــ

جداام البيت موقف السيااارة وهو معصب جااف ابووه ولا خلاله مجال يناقشه ويفهمه ابوووه مصر على رايه الله ياخذهااا وتفكنا بعدين تراجع عن رمسته هيه شدخلهاا استغفر الله والله ما صار فيني عقل
وطالع هزاع بعصبية : اشفيك يالس اطالعني جذيه انزل شوووفهم
هزاع يبى يعصبه زووود : انزل انته هذا بت خطيبتك
حميد معصب : هزاع ما فيني عليك الله سلمك مني اليوووم الصبح ما حد بيسلمك مني ليه عدتهاا مره ثانية تفهم
هزاع يفتح باب السيارة مبتسم : اف جبريت هدي يا ريال .وراح عنه صوووب داخل
هزاع : هووود هوووووووود يا اهل البيت
ساره : اقرب هزاع اقرب
هزاع مبتسم : هلا و الله بشيخة البنات اشحالج
ساره مبتسمه هزااع اخووها الصغير اللي ما يابته امهاا وحبته وايد دوومه يزورهم ويسال عنهم واليووم اللي مااا اييهم يسووي لهم تيلفوون : هلا و الله بشيخ الشباب كلهم
هزاع يبتسم : شووووووو ريدي
ساره تلف : هيه يلا امايه هزااع ياي يشلنا
هزاع : حميد ويايه
ساره اطالعه استانست يوووم شافته هوو ياي يشلهم حميد تستحي منه ولا في عمرهااا شافته انزينه شووو فيهاا ولدعمي عنبووو شو بياكلني
وطلعواااا من البيت وساروااا صووب السيااارة وركب هزاع جداام وساره وراه وام ساره ورى حميد
ام ساره وساره : السلام عليكم
حميد انتبه تووه بدوون نفس : وعليكم السلام و الرحمة
ام ساره : هلا حميد وليدي اشحالك
حميد يشغل السيااارة : الحمد الله اشحالج انتي
ام ساره : بخير يا وليدي يسرك حالي
هزاع انتبه لحميد انه مضايج طووول على المسجل ومسكه من ايده وصد حميد صوووبه ويلس يقوول بصووت واطي سلم على ساره حميد اطالعه هيه صح نسيت اسلم عليهااا تراهاااهيه ورى هالمشاااكل كلهاااا وطى علىالمسجل وقال
حميد بنبره عااادية : اشحالج بنت عمي عساااج مرتاحه
ساره تووه اتفيج : الحمد الله اشحالك انته و الحمد الله على السلامة
حميد يرد : انا بخير و الله يسلمج
هزاع : جيه انتوااااااا توكم تشوفن بعض
ام ساره : يووم ياين حميد وشمسه سارة في بت خالتها ثريااا
ابتسم هزاع يوووم تذكر ميرة الحين عليهااااا امتحانات الله يعينهااا ويوفقهااااااااااا
وشوووية رن تيلفوون حميد ورد عليه
خالد : الو وينك يا ريال لاطعني في ميلسكم اروحي ما اعرف حد
حميد يبتسم : الحين ياي مسافة الطريج ووصل
من متى انته ياي
خالد : من نص ساااعه نزلواا الاهل ودشووا البيت وانا رحت الميلس
حميد : ولا تزعل يا ريال خمس دقايق وتحصلي عندك
خالد : اوكيييييييييه يلا عيل برااايك
حميد : يلا فمان الله .وبند عنه
وخمس دقايق ووصلووا البيت ونزلن ساره وامهااا ونزلواا هزاع وحميد رايحين صوووب الميلس
هزاع يبتسم ويطالع اخووه : اقولك حميد شرايك فيهاااا في ذمتك مب حلوووه ما شاء الله عليهااا
حميد يطالع اخووه : ما ادريبهاا لاني ما شفتهاا
هزاع يطالعه : لوووووول ما صابك فضووول بسيط انك تشوووفه
حميد : اتخبرك ما دامها عايبتنك ليش ما ياخذونه لك
هزاع يبتسم : لا ماينفع لاني اصغر عنهااا ولو اكبر كنت ما خليتهااا لك وبعدين تعتبرني اخووها
حميد :مادام تعتبرك اخووها عيل انا تعتبرني شراتك
هزااع : لا انته غيييييييير ما تعتبرك اخوووها وجيه تعتبرك واليوووم بس اول مره شافتك لا انته تصلح تكوون ريلهااا
حميد : تعرف يا هزااع احسك اليووووم رفعت لي ضغطي وايد انته ما تلاحظ هالشي ودخل عنه الميلس
هزااع ابتسم يووم سمع رمست اخووووه بس هوو مقتنع انه حميد ياخذ سااره لانهن حريم لاحول لهن ولا قوووة وبيسوووي خير فيهن لانهن حريم يحتاجووون لسند وهو ولد عمهااا احسن وارحم لهن من الغريب وساره حرمة تستاهل كل خييييير وحميد قلبه طيب
ــــــــــــــــــــــــــــــــــــــــــــــــــ ـــــــــــــــــــــــــــــــــــــ

و في صالة الحريم عقب ما سلمت ساره وامهاا يلسن الحريم في صوووب و البنااات في صوووب يسولفووون
وديمة (اخت خالد ) اطالع سارة : جني شايفتنج في مكان
ساره تبتسم : يمكن بس انا ما اذكر اني شفتج
وديمة تتذكر : هيه في الجامعه انتي تدرسين في الجامعه
شمسه : هيه بس هالكورس موقفه
وديمه اطالعهااا وتبتسم : تذكرتج ما شاءالله معظم بنااات الجامعه معجبااات فيج
ساره ابتسمت :مب لهدرجه
شمسة : اونهاا متوواضعه ما شاء الله عليج مزيونة يا ساره مب صح ريموووه
الريم اروحه معصبه وما فيهاا عليهن ولين الحين ماشافت حميد واصلا ليش رايح اييب ساره وامهااا بدون نفس : هيه صح
مزنه تبتسم واطالع ايماان : ايمان انتي اي صف
ايمان : انا اول ثانوي بسير ثاني اكبر عنج بسنه
مزنه : ها شوو اول ثانووي سهل
ايماان : مب سهل لو الله بس ها زين
مزنه : كم نسبتج
ايماان تبتسم :مب حلوووه لين هناك
وديمة : انا بخبرج الله يسلمج نسبتهاا 83 %
ساره تبتسم بعذوبة : حلووه فديتج شوو ناويه ادشين ادبي والا علمي
ايمان تبتسم : لا ادبي وين انا والعلمي وين عااد رياضيات اناا فيه ميح
شمسه : الله يوفقج .واطالع ساره : سارونه سلام خاص خاص جدااا من ربيعتي روضه اللي ميته عليج
ساره : الله يسلمها من الشر سلمي عليهااا
شمسه : السلام يوووصل
زقرت ام حميد شمسه عسب ترووح وياها المطبخ وصدت على الريم وحصلتهااا معصبه اليوووم شي فيهااا غريبة وصدت على ساره وقالت :يلا سويرة انسير المطبخ انشوفهم وانتن بنااات البيت بيتكم
وديمه : مشكورة الغالية
وسارن ساره وشمسه صوووب المطبخ عسب يشوفوووونهم ويقولون لهم يحطوون الغداا
في المطبخ
ساره اطالع شمسه : ما جنهااالريم فيهااا شي حسيتها مضيجه
شمسه : يمكن ما ادريبهاااا شمسه تسمع صووت امهااا تناديهااااا وتقول: سويرة الحين بيج بروح اشووف امايه شوو تبى
وطلعت عنهااااا
وشويه يدش من باب المطبخ الثاني يوووم شافهااا ابتسم لهااااا
هزااااع : هالوووووووووووووووه
ساره تبتسم : هالوووووووووين شيابك المطبخ
هزاع : ما تبووون تحطولنا غدااا يوعناا العرب
ساره اطالع ساعتهااا : توهاا الساعه 2 وبعدين الحين بنحطه
هزااع يروح صوووب الثلاجه : عطشت من كثر ما اسووولف
ساره : انزين خف على عمرك و اتم تهذرب
هزااع يصب كووب عصير ويمد ايده صوووب ساره : تفضلي
ساره تبتسم : مشكوووووووووووور
هزاع يشرب : من قال اصلااااا بعطيج اياه
ساره اطالعه بنص عين : انزين ولا انا اباااااااااااااااااااه
هزاع : وينهاا شمووووس عيييييييييل
ساره : راحت والحين بتييييي
هزااع يبتسم : منووو هناك في الصاله
ساره اطالعه بنص عين : وانته اشدخلك
وشويه ياتهم شمسة ويلسوووااا يحطووون الغدااااا
عند باب الميلس حميد طالع منه وحصل هزااع على الباب
حميد : هزاااع باااقي الماي محد يابه
هزااع : الله يهديك يا حميد ادل المطبخ وروح خبرهم
اطالعه حميد وسااار صوووب المطبخ ودخل وشاااف فكتورياااااااا
حميد يسير صوووبها : فكتورياا خلي كريم اييب ماي داخل الميلس اوكيييييييييييييييييييييييه
دشت شمسه المطبخ وهيه تسووولف وياا ساره اللي دشت عقبهاااااااا
شمسة : هااا حميد فديتك شوووتبى
ووقفت ساره من شافته ولا تكلمت وهو صد صووب شمسة مبتسم بس اختفت الابتسامة شااف حد عندهاااااا واستحى
حميد: شموووس قولي حق كريم اييب ماي الميلس
شمسه : ان شاء الله .وطلع من المطبخ
بعد مااا خلصوووا الجماعه غدا وتضيفووووااااااا ترخصوااااا كلن صوووب بيته و الريم اللي زاااد غضبهااا انها ما شاافت حميد اليوووم مع انها كانت عندها امل تشوووفه بس الله ما قدر ولعنت الساعه اللي يت فيهاااا
دخل ابو حميد وحميد صالة الحريم وسلمووووا علىام ساره وامهاااا وهنيه حميد عرف انه اللي شااافها في المطبخ هيه ساااره استاذن عنهم و الكل ملاحظ عليه الحزن وطلع غرفته اليوووم الريم كانت في بيتهم ماقدر يشوووفهاا و المصيبة الاكبر ابووويه وسالفته اللي مصر عليهاااااااااااا
ابو حميد اشر لشمسة انها تظهر غرفتهااااا وبدااا يكلم ساره وامهااا عن الموووضوع عقب ما خلص كلامه قال
: ها يا ام ساره شووو قلتي
الصدمه على ويوهن ما كانن هالسالفه اللي يباهن فيهااا ام ساره ما عرفت شووو تقوول وكيف تفكر قالت : و الله يابو حميد ما ادري شووو اقووول .واطالع ساره بنتهااا : ساره بنتكم وهيه جدامكم وجاان هيه موافقه عني انا ما عندي مانع
ساره اطالع امهاا شووو تقول ليش جذيه حطت القرار عليهااا ليش حطت الحمل عليهااا ليش ما بغت تشاركهاا في القرار بهالسهوله يا ام ساره
ام حميد : ها يا بنتي ما بنحصل احسن منج لحميد وحميد ولد عمج واحق بج من أي واحد مب صح
ابوو حميد خااف يسمع كلمة الرفض من ساااره ونش :قومي يا ساره ويايه المكتب
رفعت راسها واطالعت عمهااا وصدت صوووب امهاا اطالعها واشرت لها براسهااااا ونشت ساره بعدها مب مستووعبه الفكرة وسارت ورى عمهااااا صوووب المكتب
ابوحميد : سكري الباب وراج
سكرت ساره الباب ووقفت جدامه
ابوحميد : يلسي يا بنتي اشفيج واقفه
ساره يلست مجااابل عمهاااااا
ابوحميد : سمعيني لين الاخر عقب عطيني رااايج يااا سارة
قبل ثمااان شهووور سوت لي امج انه ابوووج في المستشفى ويريدني اظني تذكرين هالشي
ساره ودموعهاا تنزل هيه كانت تبى تصيح يا طاري ابوووها نزلت دموعهااااااا سيل وقالت بصووت وواطي ممزوج بحزن: اذكر يا عمي
ابوحميد: انا سرت المستشفى حصلتج انتي وامج وقلتواااا لي انه خليفه في العناااية دشيت عليه اناااااا ويلست اطالعه الله يرحمه كانت حالته عسيره ويالله يالله يرمس وكان بصعووبه اول ما شاافني ابتسم
ابو حميد : ما تشوووف شر يا خليفه
ابو ساره بصووت واطي ممزوج بتعب : هيه يا بطي نهاايتي قربت
ابو حميد : لا تقووول هالرمسة يااا اخوي الله يخليك لنا ولاهلك
ابو ساره : سامحني يا اخوووي سامحني
ابوحميد : مسموووح سامحني انته يااا اخوووي انا غلطت عليك وايد
ابو ساره وبدااا يتعب زيااده : ما اوصيك يا بطي هالله هالله بسارة وامهاا امانه في رقتبتك يا بطي امانه
ابو حميد : ساره في عيوووني ساره في عيوني يا خليفه الله يخيلك لهااا وتشوووفهاا عروس
ابو ساره يتنفس بصعوووبه بس وده يقووول شي : بطي
ابو حميد : لبيه
ابو ساره : زوج سااارة لحميد ولدك ما ابى ساره وامهااا يتغربلوون من بعدي
ابو حميد بداا يبكي بصوووت عالي : ان شاء الله يااا اخووي ان شاء الله
وشويه دشت النيرس وقالتلي اني لازم اطلع
ساره اطالعه مب فاهمه او مب قادره تفهم وبوحميد رفع راسه واطالعه : هذي هي الساالفه و الرمسه اللي دارت بيني وبينه يوووم كان في العناية الله يرحمه ويحسن اليه
ساره تمت تصيح من الخااطر وتشاااهق .تقرب منهاا عمهااا ولفهااااااا يالس يهديهااااا
ابو حميد يمسح ادمووع ساره من خدهاااااا : و الحين يا الغالية انا اخطبج لولدي حميييييييد وبعد الكلام اللي سمعتيه شووو رايج
ساره اطالع عمهااااا : امايه
ابو حميد : يا ساره انتي سمعتي امج توووهاا انهااا موافقه واكيييييييد بتستانس يوووم تشوفج عروس وبعدين فكري انتن حريم اروحكن مب زييييين وحميد ولد عمج والاهم من هذا كله انهاا وصيت ابوووج يااا سارة
ساره تحاااول تهدي عمرهاااااا : بس ابووويه ما كمل 8 شهووور كيف انا اعرس
ابو حميد استااانس من الخاااطر خلاص وافقت : ما بنسوووي ربشه و اللي تبينه انتي بس امري هذي وصية اخووويه ولازم انفذهااااا
اطالعته ساااره : عمي انا موافقه
ابو حميد ابتسم ولفهاااا في حضنه وهو ما يعرف كيف خطرت بباله ها الروايه اللي خلت ساره توافق وهو كان يعرف انه ساره نقطة ضعفهاا ابوووهاا والدور والباقي اقولها لحميد
وشويه وطلعوااا وحصلووا ام حميد وام ساره يتريوووهم قال لهم انه ساره وافقت واستاااذنوااا منهم ووداهم هزاع بسياره حميد صوووب بيتهن
__________________________________________________ _________________________
في غرفة حميد
حميد استسلم لابوووه ما يقدر يعااارضه خلاص الامر انحسم وقال بصوووت مخنووق شووويه وبيصيح بس مسك دموووعه لا تخووونه : خلاص يا ابويه سوووا اللي تشووفونه
ابو حميد بغى ينجلط من الفرحة خلاص قرب يوووصل الا وصل لللي هو يبيه
حميد يطالع ابوووه : بس بشرط يا ابوييييه
ابووو حميد : اشرط يااا حميد
حميد مووطي راسه : الريم
ابووو حميد يدري انه حميد يحب الريم : شووو فيهااااا
حميد : اكلمهااااا عقب زهبووووا وسوووا اللي تبونه

الجزء الثامن
رافعه ايدهاا للسماء من بعد ما خلصت مصلية ((اللهم اصلح لي ديني الذي هو عصمة أمري وأصلح لي دنياي التي فيهاا معاشي واصلح لي آخرتي التي فيهاا معادي واجعل الحياة زيادة لي في كل خير واجعل الموت راحة لي من كل شر )) قامت وطوت السيادة وحطتهااا فوووق الكرسي يلست على الشبرية فسخت شيلتهاا وحطتهااا عدالها الحين مرن ثلاثة ايااام من بعد ما رمسهااا عمهاااا في موضوع زواجهاا من حميد وبالهاا مشغوول ولا في يووم من الايااام توقعت انهااا تاخذ ولد عمهااا حميد تنهدت بعمق واطالعت درج الكوميدينوووو الاول فجته وطلعت منه الدفتر ويلست تجلبه ووصلت الصفحة الاخيرة يلست اطالعهاااا بحزززن خنقتهااا العبرة بدن دموووعهاا تنزل لو ما راح ما كان كل هذا استوووى استغفرت ربهااا وتعوذت من الشيطاان هي مومنه جيه ترمس جذيه يلست تمسح بايدهااا على الورقة وردت تقرى شووو كاتبه
جـــــــــــــــــــــف حبري ونتهت صفحاتي
أكتب ياقلمي وبعثر أحرف كلماتي علي أوراقي
أكتب وملأ الصفحات من ألامي وآهاتي
أكتب ليفرق القلب عمي احتوى من جراحي
أكتب ليكون الورق دليلً علي نهياتي
أكتب ليعلم العالم كم قاسا وعانا فؤادي
أكتب ليتبعثر بقايا شتات أحزاني
أكتب ليعلم الجاني عما فعل بأحلامي وأمالي
أكتب ليعلم الناس عما عانى منه قلبي
أكتب ليعلم الناس مدى جرحي ومعاناتي
أكتب!!وكيف أكتب وقد جف جفرحبر قلمي
وانتهت صفحاتي لكــــــــــــــثرت آلامي وأهاتي

هااي كانت اخرخااطره كتبتهااااا تنهدت وجلبت الصفحة في خااطرهاا تكتب مسكت قلمها ويلست تكتب مب قادرة تسيطر على دموعهااا
برحيلك سيدي تبدلت تلك الضحكات بصيحات جارحه
والهمسات بعبارات قاتله وذاك الهدوء بانهيار تكسرت
أمامه كل المرايا وكل الزوايا تصرخ طالبة بقاءك بقربهااا
برحيلك هاجرت الاحلام وتبدلت باوهام و أبت السعادة البقاء
بدونك تاركة خلفها احزان تقتلع القلب من شدة حزنها
برحيلك توقف عالمي عن السير معلناا حزنه أريدك ان تقف
لتنظر خلفك وترى ما أحدثته برحيلك
وحطت لهااا عنوان انظر خلفك .لترى ما أحدثه رحيلك !!
بندت الدفتر وتمت تصيح من الخاااطر حنت له ما كانت تشعر بالخووف وهو موجووود الحين حاااسه عمرهاا غريبة في هالعالم من دوونه تذكرت امهااا الله يعينهااا ويخليهااا لي مع انهااا من داخلهاا متحطمة الا تحاول جدامهاا تكووون قوية وتحسسهااا بالامان مسحت دموعهااا وراحت تغسل ويهاااا الله يرحمك يا ابووويه ويغمدك في فسيح جنانه شلت تيلفووونه امهاا قالت لها ادقله من فتره من اول ما رمسهاا عمهااا هو الوحيد اللي رايه
يهمهم وايد ويعرف مصلحة سارة من بعد ابوووها الله يرحمه
سمير : الو شركة سارة للمقاولات العامة
سارة : الو السلام عليكم
سمير : وعليكم السلام
سارة : اريد اكلم الاستاذ أحمد
سمير : منو معايا
سارة : قوله سارة خليفة
سمير ارتبك : هلا استازة
سارة : هلا فيك اخوويه ممكن ارمسه
سمير : اكيد لحظه شوووي
وحول المكالمة على ابو عمر
ساره : السلام عليكم عمي
ابو عمر مبتسم : وعليكم السلام مرحبااا ملايين ولا يسدن هلا و الله بسويرة
سارة تبتسم : اشحالك عمي عساك مرتااح
ابو عمر : الحمد الله بسمااع صوتج يا بنت الغالي
سارة : الله يخليك لنا يا عمي عمي
ابوعمر : لبيه
ساره : ممكن اتيانا اليووم البيت
ابو عمر عاقد حياته : خير يا يا ابووويه شي مستووي عسى ما شر
سارة تبتسم: ان شاء الله خير نترياااكم على العشا
ابو عمر : ان شاء الله الغالية
سارة : يالله عمي مع السلامة
ابو عمر : في حفظ الرحمنوبند
عقب ما بندت نزلت من غرفتهاا تخبر امهاا انها رمسة عمهاا أحمد وعزمتهم اليوووم على العشاء رد ظهره على ورى مستغرب من اتصال ساره اكييد في شي مهم والا ما اتصلت ما قطع تفكيره الا صوووت سمير وهو يقوول
سمير : استااز احمد ممكن تشوووف هالاوراق
ابو عمر تنهد ولبس نظارته ويلس يطالع الاوراااق بس صدق مكالمة سارة شغلت تفكيره وااايد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
يالسة في الصاله لابسة عباتهاااا متجهزة واطالعت الساعه جيه هم بيتااخرون وشووية دشت عليهااا ميرة و الابتساامة تشق الحلج وتركض صوووب امهااا تحضنهااااااااااا
ميرة وتصااارخ من الفرحة : امااايه خلصت اماااااااااااااااااااااااااااااااااااااية افتكيت من الامتحانات
ام عمر اطالع بنتهاا وتبتسم : مبروك حبيبي هااا شووو سويتي اليووووم
ميرة :الامتحااان كان فنتكه حليت اوكييييييييييييييييييييييه .اطالع امهااوتبتسم : ها اماية على وين النية
ام عمر تووقف : يالسه اترياا الدريول عسب اروح كارفور اشتري اغراااض
ميرة ابتسمت : امايه بسير وياااج
ام عمر : شتبين ترووحين سيري بدلي و ارتاااحي ابرك لج
ميرة تركض صووب الدري : اماية ببدل وبيي برووح وياااج ترينيي
ام عمر : انزييييييين يلاااا تراني اتاخرت بسبتج اول الدريووول رايح ايبج و الثانية الحين المهم يلا خلصي
عمر دش الصاله : يلا امايه ترااا هنيه الدريووول
ام عمر : يلا بس اتريا اختك ميرة بتروح ويااانا
عمر عقد حيااته : ليش تروح بعد تيلس ويااا حمد
ام عمر : انطم انته وحمد ويااا البشكارة جيه نحن مب مطووولين ناخذ الاغراض ونرد
يلا نسير السيارة بتريااهااا هناك
وشوووية نزلت ميرة تركض وسااارت تركب السياارة وساروااا صوووب كارفور
نزلت ميرة وعمر وامهم كارفور وام عمر يلست تشتري اغراض حق البيت والتنظيف وميرة تختار وياااهااا
عمر : ميروه ميروه
ميرة تصد عليه معصبة : يا الخسف انا كم مره قلتلك لا تناداني في السوووق باسمي هااااا
عمر يطالعهاا : شووو عيللل اناديج باسم الخدااامه
ميرة مفوووله : ما عليك يا عمووور مب الحين في البيت
عمر : افي تعالي بسير ارويج بدلة رياااضة ابى اشتريهااا
ميرة : عمووور حل عن سمااي اشفيك انته
ام عمر تصد عليهم : ميرة اشفيج على اخوووج سيري وياه وجاان زينه بياخذهااا
ميرة تتافف و اطالع امهااا : ان شاء الله
مسكته من ايده وساروااا صوووب بدل الرياااضة ويلس يراويهااااا البدل اللي عايبتنه
وشوووية يشوووف واحد جدااامه يالس يطالعه ويبتسم اتذكره وسااار صوووبه
ميرة : عمور وين ساير
عمر : انطمي لا اطلعين احسوسج هنيه رايح اسلم على الريال وبرد
ميرة مستغربه منه وخلاهاااا تعصب زود دواك في البيت يا الحماااار ويلست اطالعه يسلم على منوووووهذااا ريال عوود ويلس تركز منوو هذاا عقب
عرفته هذااا هزااع ولد عم سااارة
هزااع يبتسم : شخبار ابوك
عمر : الحمد الله بخيير
هزااع : شوو يالس تختار بدلة رياضة
عمر : هيه
هزاااع : شووو اخترت والا بعدك
عمر : لا بعدني
هزاااع يبتسم : خلاص يلا انا بساعدك
عمر يبتسم : انزينه تعال هنااك حق الصغاار
هزااع : تووك تقوول ريال
اطالعه عمر وطنشه مب متفيج يرد عليه خليه يساعده ابرك من ميروووه الخسفة ما تعرف تنقي
ووصلوااا عدال ميرة وهزاااع مبتسم ويطالعهااااا وعمر يالس يختااار وهييييييييه شوووية بتعطيه كف على ويه
عمر في ايده بدلة بيضاء ومخططة بازرق : شرايك بهذي
هزااع في عالم ثاني بس رده عمر لعالم الواااقع
عمر: هزااع انا رمسك شرايك بهاااي انا ليش يايبنك مب عسب تختاااار لي
هزااع في خااطره اعوذ بالله من لسان هالولد متبري منه : لا مب لين هناك شوووف غيرهااااا
ووانشغل عمر مره ثانية يدوربدله ثاانية ويسير صوووب ميرة وتقرب منهااا اللي خالهااا متفاجئة ومستغربة من تصرفه وتبتعد عنه
هزااع بصوووت واطي ويبتسم : مب جنه عليج امتحانات اشفيج يايه السوووق
ميرة عصبت انا ما ناقصني الا هالخبل وبصوووت حاااد : عمووور خلص عنبووو مب مبدله هاااي
عمر اختااار وحده : خلاص عنبوووو خلصت هاااي اخترت
هزاااع يطالعه ويبى يلهيه زود : لا هاااي مب لين هناك
عمر يطالعه : لا عايبتني يلا برايك مع السلامة
مسك ايد اخته وساروااا وين ما كانت امهم موووجوده
وهو واقف يطالعهم وضحك من الخاااطر يمكن لوووو ما في السوووق جاان غسلته بس سكتت عنه غريبة وتزاد ابتسااامته بسير اسلم على خالووه ثرياااا بس هوو مب العوووق خالووه ثرياااا هو ولا في عمره شافهااا بس العوووق ميرة ويسير صوووب ما مشوووااا هزاااع وميرة وشوووويه شافهم عند المحاسبة مخلصين سايرين صوووب الباب وسار صووبهم
هزااع : السلام عليكم
صدت عليه ام عمر : وعليكم السلام
عمر يطالع امه : امايه هذااا هزااع ولد عم سووويرة
ام عمر : هلا ولدي اشحالك
هزااع مبتسم ويطالع ميرة : الحمد الله بخير اشحالج خالوه وشخبار عمي احمد
وهيه بتنفجر من العصبية اشفيه هذااا يالس يوزع ابتسامته اه يا القهر اونه عليج امتحااااااانات وهو شدخله ويلست تعض صباعهااا من الغيض
ام عمر : الحمد الله بخير .شحال هلك عساهم طيبين
هزاااع : بخير الحمد الله
ام عمر : عيل برايك فديتك سلم على هلك
هزاع : ان شاء الله .تبوني اوصلكم خالووه
ام عمر ابتسمت : لا فديتك يايبنااا الدريووول مشكور .ومشووواا وكانت ميرة اخر وحده
هزااع مر من عدالهااا بصوووت واطي مب وايد مسموووع : اشفيج معصبة وغريبة ما سمعناااااطوولة اللسان اليووم
وقفت معصبة وصدددت صوووبه ضحك ومشى بسرعه ورفع ايده صوووب ام عمر : يلا فمااان الله خالوه
ام عمر : في حفظ الرحمن
عمر صد وراه وشاافهااا واقفه عقد حياته وسار صوبهااا ومسكهااا من ايدهااا : حووو انتي اشفيج وقفتي
بطلت ايدهااا ومشت بعصبية وبسرعه الله ياخذه والله لو ما الفضيحة لما خليت كلمه ما سبيته فيهااا وبيشوووف منوو ميرة و الله ما عنده دم
ويلست طووول الدرب ساااكته اول مااادشت البيت سيده سارت غرفتهاااااا
وشلت سماااعة التيلفووون وسوووت لساره
ميرة: الوالسلام عليكم
ليلاا : الو واليكم سلام
ميرة : ليلااا سيري زقري ساره يلا بسرعه
ليلااا : ايه ميرة
ميرة مضيجه : هيه ميرة سيري زقريهاا خلصي
ليلااا : اوكيييييييييه
وشوية تيي سارة ترد على التيلفوون
ميرة : الووو
سارة مبتسمة : هلا و الله اليوووم افرااج هااا
ميرة : فتكينااااااا
سارة حست انه ميرة شي فيهااا : اشفيج ميروة عسى مااا شر
ميرة معصبة : تعرفين انه ولد عمج جليل ادب
سارة عاقدة حياتهااا : ولد عمي منوووووووو
ميرة : منووو غيره هزاااع
سارة : وانتي شدراج في هزااع ووين شفتيه وشووو السالفة
ميرة يلست تقووولهااا السالفة
سارة : ههههههههههههه اه بطني عورني من الضحك
ميرة بعدهاا محرجه : و الله وشووو هو اللي يضحك بالله عليج سخاافة ولد عمج و الله لو ما الفضيحه كنت فسخت نعالي وكفخته ابهاااا
سارة وبعدها تضحك : هزاع دومه مزوحي ويحب يغلس
ميرة تفج عباتهاااا : حلفي بس انتي جيه انا اخته وامه والا بنت عمه والا حرمته يمزح ويايه هاااا تصدقين صدق انه ما يستحي ما ادري شووو الجرأة السخيقة اللي خلتهااا يكلمني و الله الوحيد بحالتي ذيج الساعه
سارة وتبتسم : هدي انتي وانا بهزبه حقج
ميرة تناافخ بعدهااا مفوووله : صح مبروك امايه قالت انه حميد خطبج
سارة : الله يبارك فيج
ميرة : سمعي جاان شرات اخوووه اممممره لا توافقين
سارة تضحك على ميرة : ما ادريبه و الله
ميرة : والا اقووولج ما ظني في حد مثله سخيييف
ساره : ههههههههههههههههه بسه حليله و الله هزااع ما يستااهل
ميرة : دخيلج سااارونه بعدهذاا كله وما يستاااهل
سارة : و الله انه طيب وعسل بعد
ميرة : خلاص سارونااا سيرته ترفعلي الضغط
ساره : هههههههههههههه يا حليلك يا ولد عمي
ميرة : حل بطنه انزين و الحين برايج الغالية بروح اشوووف اماية
سارة تضحك : برايج عيييييل سلمي علىخالووه
ميرة : ان شاء الله سلمي على خالوووه عايشة وبوسيهااا على خدهااا مع السلامة
سارة تبتسم : ان شاء الله في حفظ الرحمن .وبندت عنهااا
ساارت وغسلت ويهاا بالماي عسب تهدى شووووية عقب نزلت تحت تشوووف امهااا
ــــــــــــــــــــــــــــــــــــــــــــــــــ ــــــــــــــــ