الموضوع: رواية متى ستعرف كم أهواك

تم يلف ويدور بالسياره واخر شي وقف جدااام بيتهم ويلس يفكر مب عارف فيه غصه وراسه يعوره ويحس عمرهااا تعبااان شل تيلفووونه وفتحه ونزل من السيارة وشوووي رن تيلفوووونه وشاف الشاشه اسم هزاع
حميد بتعب : الووووو
هزاع : الوو هلااا ميد وينك انته
حميد يفتح باب الصاله : هنيه في البيت
هزاع : نحن في المستشفى
حميد وقف مكانه : خير شووو مستوووي
هزاع : امايه تعبت عليناااااااااااااا
حميد : شووووووووووووووووووووووو
هزاع : هدي هيه الحين الحمدالله بخير
حميد يطلع من البيت : في أي مستشفى
ويلس يخبره هزاع بمكانه عقب بند عنه
شمسه : شووو قالك
هزاع : الحيين بييي .ويصد على خالد : خالد سير يا ريال ريح والله تعبانك ويانا
خالد يتجرب منه : افاااا عليك يا هزاع شوو هالرمسه
ابوحميد يطلع من غرفة ام حميد ويلس على الكرسي
شمسه : ابوووي شوو قالولك عن حال امايه
ابوحميد : هيه الحين بخير وان شاء الله ساعه او ساعتين وبيرخصووونهااااا
وشووووي وايي حميد ودخل سيده يشوووف امه ويشوووف شخبارهااااا
ومرت ساعتين تقريبا بطيئة عليهممم وبعدين رخصووووهم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
مرت اربعة ايااام من الاحداث السابقة
.
.
.
.
يالس وياه في مكتبه ويطالعه
حميد : هااا ياسر شوووووو قلت
ياسر يوقف : ما ادري يا حميد بس اخووون ثقة ابوووي وخالي بطي فيني
حميد يوقف ويتكلم بعصبية : شووو تشوووف هم صح اللي سوووه انته سوا اللي قلتلك عليه والباااقي عليه اوكيييييييه
ياسر يطالعه : بحاول
حميد يتجرب منه : بيك باجر والقاك مخلص السالفه الحين انا وياك من متى متفقين
ياسر : ان شاء الله
حميد : الحيييين انا بودرك
ياسر : ايلس ما شربت شي
حميد : ان شاء الله بشرب باجر عقب ما اسمع منك الاخبار اللي تسر
ياسر يطالعه : الله يقدرني اسووي اللي تباااااه
وطلع عنه حميد
يلس على مكتبه يفكر الخطوووه اللي بيسووويها بيرد بها الحلال لاهله ولازم يخطط بها بانتظام علشان تنجح
أما حميد ركب سيارته ساير صوووب شغله اللي ترخص منه ساعتين وبيرد له
شل تيلفووونه من اخر مقابله ما رضت تقابله او ترمسه في التيلفوووون
مع انه راح ما يبى يفرط فيهاا حبها من الخاطر ولازم يتمسك فيهاااااااا
طرش لهااا مسج
((ليتك تعرفأن الهوى سهم ذباح
وقلوب عـشاق المحبه رقـيقـه ,,
ليتك تعرف اني ليا شفـتكارتاح
والقـلب يفـرح يوم يلقى رفيقه ,,
أنا الحزين وباقي الناسبأفراح
وأنا الأسير وخلق ربي طليقه ,,))
وشووويه يووصل دوامه بيتريا ردهااا مع انه متاكد الف بالميه انها ما بترد علييه
.
.
.
.
شالت أكيس ورايحااات صوووب السيارة تعبااانات من المشي والهوامة في السووووق اول ماركبت
موزة : اف شووو هالحر وتصد عليهااا : بسنا اليووم خلينا نرجع البيت
بخيته : لا فديتج ما صدقت حصلت يوووم خلينا نكمل بعدنا ترى بيبدن امتحاناتي وعقب ما بقدر اسير السووووق
موزة : تعبت والله صدقها امايه يبالج ساعه لين تختارين ومية الف ساعه لين تقررين الله يعينا غليج
بخيته : فديت خشمج ام عبدالله تحمليني
موزة تصد عليها : شو شووو من قالج اني بسميه عبدالله
بخيته : يحصلج الشرف انه ولدج نفس اسم عمه ريلي
موزة تهز راسهاا وتبتسم : لا والله ومب مالجه عليه وجذيه يوووم تملجين شووو بتسوووين
بخيته تبتسم لهااااا
موزة : حوو صخ شوو سالفة الاعجاب به والتمديح
بخيته تصد غليهااا : أي سالفه
موزة : نوير خبرتني وانتي من يووم شفتيه في عرسي وانتي اونه معجبه فيهااا اثرج مب هينه يا بنت عامر
بخيته : دخيلج انتي ونوير تبالغن وايد وودرن عنك السخافه
الدريووول : ماما وين يروح
موزة يلست ادليه المكان اللي فيه المصمم علشان يسووون فساتين العرس عنده
.
.
.
.
.
.
ساره اطالعه بحنان : لا تزعل هزاااع
هزاع يطالعه بابتسامه متصنعه : لا عااادي والزواج قسمه ونصيب
ساره تبتسم : الله يعوضك ببنت الحلال اللي تعرف قدرك وقيمتك
هزاع يطالعهاا رغم حزنه والمه : خلينا مني الحييين يا ساره ما نويتي ترجعين لحميد هوو اعتذر لج وصدقيني يحبج
ساره اطالعه : خلاص يا هزاع موضوووع منتهي ما اقدر اسامحه على اللي سوواه فيني انا استحملت وايد
هزاع : بس يا ساره
ساره اطالعه : خلاص يا هزاااع خلاص وتغير الموضووع : شخبار عمتي عسااها بخير
هزاع : تسال عنج والله ومشتاقه لشووفتج
ساره تبتسم بالم : سلم عليهااااا
هزاع : السلام يوووصلمع السلامة
ساره : في حفظ الرحمن ومشى عنهااااا
وحصل ام ساره في الحووووش ياي صووب باب الصاله
ام ساره : وين رايح ابوووي ما يلست
هزاع : سمحيلي خالتي لازم اروح مواعد ربيعي وان شاء الله مره ثانية
ام ساره تبتسم له : فمان الله ابووويه
ومشى عنهااا
ركب سيارته رفضته اكييد بترفض هووو ابوووي وحميد شوووي اللي سوووه اه يالله خسرت ميرة بسبتك يا ابووويه وسبت سواياك
مسح شعره بايده وهو يفكر فيهاااا انبهر فيهاا من اول ما شافها شذته برمستهااا صووتها تصرفاااتهااا كل شي فيهااا وابتسم يوووم لعوزها بكارفور وفي بيت عمه هيه خذت وقت كاافي تفكر فيه وهذااا قرارهاااا رغم انه يحس اول انها تكن له شعووور مع انه ولا مره حسسته بهالشي راس عوره من التفكير ماله بارض (خلق)يروح مكان بيرد البيت ابرك له
.
.
.
.
.
دخلت وحصلتها من الصبح يالسه ادورها هزت راسهااا وراحت صوبهااااا
شمسه تحبها على الراس : الغاليه انتي شووو تسوووين هنيه ليش تعبلين على عمرج
ام حميد تبتسم : راحتي بشوفتكم يا بنتي وادابر شغل بيتي
شمسه تمسكها من ايدهاا : ودري اللي يالسه تسووينه وانا بسووويه عنج
ام حميد تبتسم لهاااا
مشت هيه وشمسه ويلسن على الكراسي
ام حميد : ما رمستي بنت عمج ليش ميبسه راسها وما راضيه ترد
شمسه تتنهد : مب راضيه ترمس عن مووضووع رجعتهاااا
ام حميد تهز راسها : الله يهديهااااا
شمسه : مب شووويه اللي سواه فيها حميد
ام حميد : بس تشووفين حالته الحييين
ويسمعوووون صوووت مزعج بعد ما عرفوووه هزوا راسهن عرفنه مسكت شمسه امها وسارن صووب الصاله مصدر الصوووووت
ام سلطاااان : جذيه يا ام حميد هذي سووويه تسووونهااا في الريم ما تخافوون ربكم
شمسه : شوو هالرمسه عمتي
ام سلطان : انطمي انتي مكبرين راسكم ومسويلكم قرون تردون علىاللي اكبر منك بس مب منكم من اللي ما عرف يربيكم
ام حميد : ما يصح هالرمسه يا خويتي نحن اهل
ام سلطان : اهل وانتوا خليتوووافيها اهل خليتواا حميد يطلق بنتنا والحين خليتوووا الولد يطيح
ام حميد وشمسه انصدموااا
ام حميد : شووو الريم طرحت
ام سلطان : هيه طرحت من سواياااكم انهارت وتعبت علينااا وطاح الولد وصدت اطالعهم : الله ينتقم منكم بس انا باخذ حق بنتي منكم
ومشت عنه وهن مصدومات باللي قالته
شمسه تصد على امهااا : امايه لا تحطين في بالج رمستها امبونها عمتي لسانها وصخ
ام حميد تيلس على الكنفه : سمعتي يا بنتي الريم طرحت
شمسه تيلس عدالها : ابرك والا الريم مب كفوو ام
ام حميد تهز راسها بحزن واسى
شمسه اطالعها : هدي يا امايه ولا تعبين عمرج الغالية ولاتحاتين الزم ما علينا صحتج
يلا فديتج قوومي سيري ريحي
ام حميد تنش : هيه والله يا بنتي هذا اللي ابى اسوووويه
ومشت شمسه وامهاا صوب غرفتهاا علشان ترتاااح من بعد ما سمت بدنهاا ام سلطان بالرمسه اللي قالتهاااا

وقف على البااااب وهو يسمع صياحها كسرت خاطره هيه ما غلطت بس الريم ختهاااا
دق الباب ومحد رد عليه ففتحه ودخل
ياسر يتقرب منهاااا ويمسح شعرها بايده وابتسم يووم رفعت راسهااا
ياسر : حبيبتي انتي ما غلطتي
مزنه ردت تصيح : حميد طلق الريم بسبتي والحين الريم فقدت الياهل بسبتي
ياسر يلس عدالها على الشبرية ويمسح دموعها بايده : فديتج انتي الحين ضميرج مب مرتاااح
مزنه اطالعه : بس الريم
ياسر : الريم غلطت وامايه غلطااانه وحبل الجذب قصير طالت السالفه او قصرت بيدري حميد بيدري
مزنه ساكته
ياسر : سكتي الغاليه تعرفين لو درت امايه شوو بتسوووي
مزنه تمش دموعها : ياسر وصلني المستشفى ابى اشوووفهااا
ياسر يبتسم : من عيوووني يلااا قومي غسلي ويهج ولبسي عباتج انا اترياااج في الصاله تحت
نزل ياسر ويلس في الصاله يترياااا مهره وهوو بعد سوووى اليووم شي خلى ابوووه وعمه يخسرون اللي ربحوووه من حلال ساره وحووول كل الفلووس لرقم لحساب اللي عطاه اياه حميد وهو مال ساره الله يعين بس معقووله يشكوون فيني الله يستر ما سوويت الا الصح وربي يستر بصراحه ما استحمل أي غلط يستووي جدامي من كثر الاخطاء اللي سووويتهن
رده للواقع صوووت تيلفووون الصاله يرن
ياسر طنشه وتم التيلفووون يرن عقب قاام بيرد عليه
ياسر : الووو
بتردد : الووو السلام عليكم
ياسر جنه عرف الصووت : وعليكم السلام والرحمة
.: ممكن ارمس مزنه
ياسر تاكد من الصووت هذي ايمان : منوو اقولها
ايمان عرفته بتررد : اربيعتها جانها مشغووله عقب بدقلها
ياسر يلس على الكنفه :لا لا مب مشغووله بتردد : ايمان انا ياسر
ايمان بعصبية : خير يا طير ادري ولا تخاف ما بخبر ختك عن سواياك الشينه الحين ممكن ارمسها
ياسر : اوكييييه بس صدقيني انا ما كنت اقصد والحين انا تغيرت وايد صدقيني
يلس يتريااا ردهااا بس كان الرد انها رضت بالسماعه وبند التيلفوووون
ياسر ماسك السماعه يطالعهاااا ويتنهد
يلست اطالعه وتجربت منه
مزنه : ياسر منووو ترمس
ياسر يرفع راسه : ها
مزنه تجربت منه اكثر وعاقده حياتها : اشفيك ياسر اقولك من المتصل
ياسر رد السماعه مكانهااا : غلطانين يلاااا تأخرناااا
مزنه : اوكيييييييه يلااااا

يالسه عدالهاا وفي عيوونها الدموع متجمعه
مزنه تمسكها من جتفها : هدي الريم حراام جذيه تسوووين بعمرج
الريم تصيح بحراره : خسرت حميد ولدي ليش ليش
ياسر : استغفري ربج الله يعووضج
الريم ترفع راسهاااااا : حميد راح تفهم ليش انا شووو سويت بهاا الله ياخذهاا الله يلعنها يا ربي
ياسر يطالعها بعصبية : لا تدعييين مب زييين
الريم اطالعه : جب انته واطلع براااا مالك خص فيني
هز راسه ولف عنها بيظهر الريم ابدا ما بتتغير لووو مب هيه الغلطانه الله يعينها شوو بتسوووي صدقه حميد محد يقدر يتحملها الله يسامحج يا امااايه بس الله يسامحج
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
بالباجر يووم الثلاثاء الساعه 11.20 الضحى
يالس يطالعه منصدم متفاجا من الرمسه اللي يسمعها ويلف ويه على ولده وعلى ابوسلطان وعلى ياسر
ابوسلطان بعصبيه : شووو تقووول انته تخبلت اكيييييييد تخبلت
ويلس على الكرسي : الله ياخذ بليسكم راح تعبااان راح
حميد يصد عليه بعصبيه : شووو تقووول هذا حلال ساره وامهاا وهالشي اللي مفروض يستوووي يووم الشركه كتبتوها باسمكم وهالاربااااح ملك ساره والتوكيل التغى ويصد عليه : قووول ابوووي انك غلطااان قوول ابوووي انك غصبتني عليها الا علشااان تاخذ حلالهاااا واللي سووويته انا هوو الصح خلاص ابوووي ساره قالت بتسامحك ما عليك الا تتنازل عن الشركه يا ابووي هذا مب مالك هذا مال يتيمه يا ابووي تعرف عاقبةاللي ياكل حلال اليتامه رد يا ابوحميد رد قووول شي
دارت به الدنيا ولده البجر يسووي جذيه ويطعنه من ظهره بعد ما خطط سنين طويله بهالشي ايي منوو حميديضيع عليه ولده البجر اللي رباه احسن تربيه وكبره وعلمه معقوووله بعد مب مصدق اربااح الشركه اللي كانت في الحساب اللي فاتحنه طار كله وقف على الحديده رد لعووويشه وبنتها رد للي سارقين حلالي والتوكيل لغته
مشى بخطوووات ثقيله وبطئ اكبر وهو ياشر بصبعه السبابه بتهديد ويحرك لسانه والصوووت مب مسمووع ومفهموم همهمه الكل وقف وهو يمشي بتارجح صووب حميد بس كانت ثلاث او اربع خطوات علشان يوووصله بس طاااااح على الارض الكل صرخ وتجه صووبه بخوووف
حميد بهستيريه : ابوووي رد عليه دخيلك لا تسوووى بي جذيه دخيلك
ابو سلطان يسمع دقات قلبه بعده حي : ابوحميد بطي رد عليه انا ابو سلطان دخيلك يا اخوووي
بس ولا حركه صدرت منه عيووونه مبطله على الاخر وثمه مفتوووح والعرق من جسمه يتصبب ويها محمر
حميد : اه يا ابوووي الله ياخذني يعل يومي قبل يووومك بس دخيلك رد عليه قولي انك بخير
ياسر يمسكه من ايده حميد بعصبيه يدزه
حميد : خوز عني ما تعرف من هذااا والدموع متجمعه في عينه : هذا ابوووي وانا اللي جتلته
ابوسلطان: يلا ياسر حميد ساعدوني يلااااااا لازم نوديه المستشفى
.
.
.
.
.
بعد مرور ثلاث ساعات الكل يالس يتريااا وام حميد وشمسه يصيحن وهزاع وحميد تعبانين وقلق توتر والدمووووع تهدد بالنزول وابوسلطان وسلطان وياسر والكل يترياااا يبوون يعرفوون حالة ابوحميد
شمسه : يا امايه هدي عمرج ان شاء الله ما فيه الا الخير
ام حميد تصيح : من متى عنده و لاخبرونا عنه اه يا بنيتي الله يعلم الحين شوووحاله
شمسه ودموعها على خدهاااا : الله يشفيه يا رب
ام حميد : يا رب يا رب
وقف من يلسته ويسير يبى يدخل هزاع مسكه من ايده
هزاع : وين رايح يا حميد اصبر شووي ما يصير تدخل العنايه
حميد يلف عليه بعصبيه : اتاخروا الله ياخذهم اتاخروا
سلطان يتجرب منهم : هدوا يا جماعة الخير ان شاء الله مافيه الا كل خير
وشووويه يطلعون دكتورين من عنده الكل تجرب منهم
حميد : شووو دكتوووور شخبار ابووووي
الدكتور : من انته
حميد يتجرب منه : انا ولده الكبير دكتور شوو دكتور شوو صار لابووويه
الدكتور : تعال معااايه المكتب
حميد مشى وراه وهو يتنافض بكبره واعصاااب متوتره والعرق يصب من ويه بكثره .وبعد ما ابتعدوااا مسافه مسك حميد الدكتور من جتفه : دكتور طني على ابووووي .واطالعه بحزن : لا تقولي مات دخيلك
الدكتور يطالعه : لا
حميد يطالعه يترياه يكمل
الدكتور : ابوووك صابه شلل لكل جسمه
حميد يطالع الدكتور وفاج حلجه : شوووووووو لا دكتور لااااا
الدكتور يمسك حميد من جتفه : هدي بالك الله كاتب له وكل شي بيده ومشى عنه
حميد رجع لليدار ومسح على ويه علشان يغطي الدمعه اللي نزلت
وشووويه سلطاااااان وهزاع يتجربوون منه
هزاع يمسكه من جتفه ويهزه بقووووو: ابووويه اشفيه حميد ارمس
حميد يطالعه بحزن وويهه محمر
سلطان : حميد شوو قالك الدكتور
هزاع يتجرب بعصبيه ويصرخ : ارمس
حميد يتنهد : ابووويه تشلل تشلل شلل كاااااامل يا هزاع
هزاع : شوووووووووووووو
سلطان يهز راسه : لا حول ولا قوة الا بالله

.
.
.
.
مر اسبووع من الاحداث السابقه
الريم ردت البيت واستوووت منعزله وعصبيه وتصيح باستمرار مع انه الكل حاول وياه بس هيه ما تسمع لحد وخاصه بعد ما شافت حميد في المستشفى سارت صوووبه بس هووو طنشهاا ولف ويها عنهااااا يلست تكلمه ولا يرد عليهاا حتى يوووم عرف انه فقد الياهل اللي متلهف له ويتريااا قدوومه حست عمرهااا بتختنق كيف درى حميد منووو خبره معقوووله صدق ساره لاا لاا هو مب مصدقنها من اول معقووله امايه انا شووو اقووول لاا ومليوون لاااااا

مزنه ياسر سلطان ميثه الكل مشي حياته بس اللي مكدر خاطرهم حال خالهم ابوحميد وعياله وحال اختهم الريم من بعد ما اطلقت وفقدت الياهل

هزاع وشمسه تعبانين والحزن راسخ في قلوووبهم يمرون بلحظات صعبه وخاااصه يوووم يشوفون ابوووهم اللي كانت له هيبه مره وحده وبلمح البصر صار انسااان عاجز لاحول له ولا قوووه الا دموعه الل ينهملن باستمرار يووم يشوفهم ولسانه الثقيل اللي ما يفهمووون الا بصعووبه كبيره

ام حميد حالت اسوأ ريلها عزوتها سندها في الحياة صارت حالته لا تسر عدو ولا صديق

حميد هووو حاله مب احسن من حالهم كل ما يشوووف ابوووه قلبه يتقطع ويلوووم عمره هوو كان قاسي صدم ابووه فيه وفي هالاسبووع كان هو يبات عند ابووه والصبح يروح الدوام وتيي شمسه وامه اللي يبوهم هزاع يليسوون عنده لحد هم ما يردوون من دواماتهم وبما انه ابوحميد في هالحاله استوووى لحميد توكيل علشان يتصرف واول شي سواه رد الشركه لساره وامهااااا
رغم المشاكل اللي استوت وياه مع ابوسلطان بس وصلوا لحل يرضي الطرفين بصعوبه شديده وبتدخل سلطان وياسر
في هالفتره ما شاف ساره ولا رمسهااا اللي خبرها عن الشركه والحلال هزاع ماله مزاج لحنت ساره على الطلاااق واستفزازها له
بس هووو عايش حياه ناقصه نقصان كبير ومحتاجنهااا قربه كل يووم اكثر من الثاني عرف من شمسه انهاا بعدها مصره على الطلااااق

ام سلطان عورها قلبهااااا على حال اخوووها بس ما تنسى موقف حميد وبنتها كل ما شافته سمت بدنه بكمن كلمه جارحه بس بدا الكل ينقلب عليهاا سلطااان وياسر اللي بدوا ما يستحملووون تصرفااات امهم الشينه

عايلة ابوعمر حياتهم مستقره بدت شرمته تكبر يووم ورى يووووم والخير يعم عليهم بس هوز الحين مشغوول ويا ساره علشان يردووون الشركه نفس اول بس للحين مب عارفين منووو بيتولى الادارة لانه ابوعمر ما يقدر لشركتين وشركته في مرحله مهمه ولازم يكملها بنفسه علشااان يحقق النجاااح اللي هووو يباه


بيت ابو مايد مشغووولين بتجهيزااات العرس وربشة البناااااات وتشريااااتهن وتخطيط وين بيسووونه ويتفقوون على المكان وبدا الكل يتاقلم حتى مايد بدا يتعوود انه زوجة المستقبل بتكووون وضحه مب ميرة


خالد ما ودر ربيعه في هالازمه وحرمته وكااان دومه عندهم يشد من ازرهم ويساعدهم علشااان يتخطووون هالمرحله بسرعه كبيره ونفس الشي اهله ما قصرواااا

نزلت من فوووق وسارت صوووب امهاااا وحبتها فوووق راسهااا ويلست عدالها
ساره : امايه
ام ساره تصد عليها عقب ما كانت اطالع الاخبار : خير امايه
ساره : امايه لازم انروح نسلم على عمي
ام ساره تصد عليها بعصبية : شووووه عمج ما اسرع ما نسيتي عمج هذاا شوو سوابنااا يا بنت خليفه
ساره بحزن وتتنهد : ما نسيت يا امايه بس تقوول شمسه حالته لا تسر عدو ولاصديق
ام ساره طنشتهااااا
ساره : امايه ارمسج اناااااا
ام ساره صدت عليها : الرب يمهل ولا يهمل
ساره اطالعها : امايه مب الزين التشمت وبعدين هذاا عمي وواجب عليه واللي راح راح وزيارتي له ما بتخسرني شي
ام ساره : .
ساره تمسك امها من ايدها : ها امايه شووو قلتي
ام ساره : سيري اروحج انا مب رايحه
ساره : امايه نحن مب خسراني خلينا نكزززن احسن منهم
ام ساره : انزين انزين خلاص
ساره : خلاص عيل باجر الصبح بنسير لهم البيت
ام ساره صدت عليهاا : هوو طلعووه من المستشفى
ساره تصب لها جاهي : هيه اليووووم
ام ساره صدت بكبرها عليهااا : وسالفتج ويا حميد
ساره : شوو فيها امايه
ام ساره : شووو بتمين معلقه جذيه يا تردين له يا تطلقين
ساره قليها انقبض من هالكلمه اللي تذبحه الف مره يوووم تسمعهاااااا
ام ساره : انا لازم اتصل لحميد وارمسه وما يصير والا برمس باجر امه لازم يخلصووونه من هالاسالفه ويفكووونا مكن عوار الراس هذاااا
ساره تنش واقفه
ام ساره ترفع راسها اطالعهاااااا : وين سايره
ساره لفت عنها : بسير غرفتي
هزت ام ساره راسها وردت اطوول على التلفزيووون تكمل متابعة الاخباااار ساره مب عارفه لعمرهااا هيه تباها او لاااا وين بصراااحه بعد اللي سواه ابووووه اقوول ابرك لها تطلق تفك عمرها وتفكني منهم

الجزء الخامس والعشرين
(الأخير )

لو اكتب احساسي
بالاشعار وابديه
فيك المشاعر كيف بس
اختصرها
قدرك كبير ويعجز الشعر
يوفيه
كل القصايد فيكينضب
بحرها
ارفع يديني واسال الله
وارجيه
ينجيك من شر الحياه
وكدرها

تنهدت عقب ما قرت المسج وحطت تيلفوونها ما تعرف ليش مب راضية ترد بس تعرف انه تحبه بس تحس انها انذلت عنده وايد ومب قادره تنسى تصرفاته وخاصه عدم تصديقه لها ودزهااا عسب وحده جذابه مثل الريم بس ما اخفي فرحتي بطلاقه منها الله ياخذ بليسها صدق انها بهدلتني
واللي مخلني اتردد انه حميد كان مغصووب عليها افف. وتنهدت من الخاطر
وشووويه توصل مسج ثانية منه
أولاً
أجمل تحيه لك
على كف مشتاق
تاصلك قبل العين
ترخي هدبها!
ثانياً
غلاك غير
وفزة القلب لك غير
والعمر بوجودك
له إحساسثاني!
ثالثاً
مبطي وانا لك ياابيض
القلب مشتاق
شوق العما لمشاهد
الصبح ساعه

ما تنكر انه كل كلمه من المسجات يحركن مشاعرهااا بشكل كبير والشووق يطفح من عيووونها بس حميد وايد مهزوز او طيب أي موقف يغيره عليها فابرك لهم هم الاثنين الطلاق وبعدين استحاله ترجع تعيش بيت عمها مره ثانية
قامت من الشبريه بكسل وراحت تغسل ويها وتبدل علشان تنزل تصبح على امهااااا شااافت ساعتها وحصلتها 11.30 لازم الحين يسيرون بيت عمها قبل لا يرد حميد من الدوام ما تبى تشووفه ولاتقابله واصلااا هم ما بيتاخرون بيسلمووون وبيرحووون
وصلت الصاله يلست ادور امهاا عقب سارت صووب المطبخ وحصلتها يسووون هيه والخدامه الغدا
ساره تبتسم امها تشغل عمرها في أي شي من زود قلة الشغله : صباح الخير يا الغالية
ام ساره تلف عليها مبتسمة : هلا سويرة نشيتي حبيبتي
ساره تتجرب منها وتلفها وتجرب منها وتبوسها على خدها : الغالية شوو مسوتلنا اليووم
ام ساره تبتسم : مجبوووس لحم شرايج
ساره : ما دامه من ايدج الحلوووه اكيد حلووو .وتشل ايدها وتبوسها
ساره : امايه يلا بنسير نسلم على عمي
ام ساره : الحييين
ساره : هيه فديتج بنسلم ونطلع
ام ساره : انزين بنسير العصر
ساره : لا لا الحين امايه احسن الحين
ام ساره اطالعها باستغراب : ليش
ساره اطالعها :بس بروح ايب لج عباتج
ام ساره : جيه بروح اتسبح وابدل
ساره اطالعها : انزين لاتتاخرين دخيلج الغالية
ام ساره ودرت اللي في ايدها وخلت الخدامه تكمله وراحت تسبح وتبدل عقب نص ساعه تجهزن ولبسن عبيهن رايحااات صووب بيت ابوحميد وفي السياره اطالع ساره الساعه وحصلتها 12.15 بعده حميد لحد ما يرد وبعدين هيه خيفانه من مواجهة عمهااااا الله يستر
وصلواا ونزلن ورحبتبهن ام حميد واستانست بشووفة ساره عقب زقرت بنتها شمسه اللي اول ما شافتهاااا لفتهااا
ساره تبتسم : عنلاتج قاطعه هيه من بعده المسافه اللي بينا بيتنا الا فرة حصاه
شمسه تبتعد عنها وتبتسم : فديتج اشتقت لج
ساره : تشتاقلج العافية حتى اناااا الغالية .المهم الحييين ممكن نشوووف عمي
ام حميد نزلت دمعتها : طووول عمرج اصيله يا بنت خليفه
ساره تبتسم لها وتسير صوووبها : هذا الواجب عموووه هوو في غرفته
شمسه : هيه
ساره صدت على امها : يلا امايه
وسارن كلهن صوووب غرفة ابوحميد وساره كل ما تجربت زادت دقاات قلبها ما تدري بيحن قلبهاااا يووم بتشوووفه وصلن وفتحت شمسه الباب وسارت صوووب ابوها المنسدح على الشبريه وعلى ويها مرسومه ابتسامه
شمسه تتجرب منه : ابوووي ساره وعمووه عايشه يايت يسلمن عليك
اول ما دشت ساره يلست اطالعه اتفاجات بشكله والحاله اللي وصل لهاااا وتجربت ببطئ بتبدى عبرتها تخووونهااا اصلااا هالايام صايره ما تستحمل أي كلمه او موقف مثل هذاااا
اطالعهااا وفي عيووونه دموووع ويتمتم بكلمااااااات مبهووومه ويخالطهااا صياح يعور القلب الكل يلس يطالعه بحزن
وصلت ساره عنده ووطت راسها وحبته على الراس : ما تشوووف شر يا عمي
ابوحميد يتمم بكلماااته وصوووته بدا يعلى ويتعب
ساره ودموعها على خدهاااا : هدي عمي لا تقوول شي
وهو يهز راسه بانه لازم يرمس يقووول شي
ام ساره تتجرب بنبره كانت بعدها حاطه بخاطره وتقوول في خاطرها سبحان الله شوووف كيف وصل حالهالله يعن اهله يا رب يالله : ما تشووف شر يا ابوووحميد الله يشفيك يارب
ابوحميد بدااا يتمتم بكلماااته وزاد صوووت صياحه .تجربت منه شمسه تحاول تفهم شووو يقوول وعلشاان تهديه
ساره تحاول تهديه : عمي فديتك انا مسامحتنك انته لووو ذبحتني انا مساحتنك انته عمي واخوو الغالي
ابو حميد سكت من وبدااا يصيح نفس الياهل لا حوول له ولا قوووة
شمسه :دخيلك ابوويه هدي
ساره وقفت واطالعه وتحاول تبتسم : فديتك هدي والله يسامح الكل وانا مب شايله في خاطري منك
ام حميد يحاول يهدي صياحه علشاان تنفهم رمسته
ابوحميد : لا لا ت.روحي
ساره ابتسمت : ان شاء الله بنيي مره ثانية .ووطت راسها وحبته : مع السلامه
ابوحميد : حمي.د
ساره تبتسم : اللي بيني وبين حميد خلاص يا عمي وبعدين انا ما طلبت الطلاق بسبت موضووع الشركه
الله يشفيك يا عمي مع السلامه
وسلمت عليه ام ساره وطلعن رد يصيح صياااح ياااهل يبى يعتذر منها يبى يقوولها انه ظالم وانه قاسي وكل صفااات السيئة فيه بس ساره طيبه .ورد يصيح سامحته بسرعه طالعه على المرحووم خليفة هوو طوول حياته طمااع ويحب الفلوووس اللي لاتودي ولاتيب لين ماوصلت حالته جذيه ما يقدر يتحرك ويرمس بصعووووبه ولازم ساره ترد لحميد يتيمة من لهااا غيرناااا اه يارب سامحني يا رب سامحني يا رب ارحم عبدك برحمتك الواسعة
ردت له ام حميد علشان تهديه وتعطيه الدواء لانه صار موعده وبعد ساعه بتسووي له الممرضه علاج طبيعي بس حالته النفسيه السيئة مب مساعدتنه ابداا
شمسه واقفه جداام باب الصاله ترمسهااااااااا
شمسه : وبعدين يا ساره ليش انتي عنيدة جذيه والله حميد يحبج
ساره اطالعها : لطعت امايه من الصبح في السياره وبعدين الساعه صارت وحده ونص وثالث شي لاتنسين انه حميد يحب الريم
شمسه : لااا عييل ليش طلقهااا
ساره : بطلاقه لها مب نهايه حبه لهااا وبعدين حميد اللي سواه بي مب قادره انساااه
فديتج شماس امايه من الصبح يالسه في السياره مع السلامه .وحبتها على خدهاااااااا
اطالعتها شمسه وتنهدت : في حفظ الرحمن .ومشت ساره عنهاااا

الساعه ثلاث الا ربع دق باب غرفتهااااا
شمسه تعدل يلستهاااا : منوووووووو
حميد : اناااااا
شمسه : دخل حميد الباب مفتوووح .اول ما دش ابتسمت له
حميد يتجرب منها ويلس على الشبريه ويطالعهااا : ساره كانت هنيه
شمسه عاقده حياتها: كيف عرفت
حميد : هذي بسيطه امايه قالت .ويلس يطالع اصابعه وابتسم بسخريه : يت الصبح الا علشااان ما تشوفني
شمسه اطالعه وتبتسم : كيف دريت
حميد صد عليها بعصبيه
شمسه اطالعه : اوكيه اوكيه سوري
حميد : شوو متى بتعقل وبترد بيتهااا
شمسه اطالعه : حميد ساره مصره على الطلااااق
حميد وقف ويلس يطالعها بعصبية : تعرفييين شي طلاق ما بطلقهااااا وخبريها اقدر اروح ايرها من شعرهاا وايبهااا البيت
شمسه اطالعه : شوو هالاسلووب انته نسيت كل اللي سووويته فيهاا وبهالطريقه صدق بتكرهك
حميد بعده واقف : عاااد مب جذيه قلنا اسفين اعتذرنا شوو تباني اسووي اكثر
شمسه تمسكه من ايده : والريم
حميد يصد عليهااا : شووو فيهاااا بعد
شمسه : وحبك لهااا وبعدين تدري انها طرحت
حميد يطالعها ويلس عدالها : أي حب والله اني الحييين ما حس بشي صوووبها افعالها خلتني يوووم ورى يوووم ابتعد عنها ما ادري وين حبي ما اعرف معقوووله حب السنين يختفي ما ادري اصلاااا اول كااان حب انجذاااب والا لاني خليتها في بالي انها تكوون زوجتي محد غيرهاااا كان فرق كبير بين حياتي ويااا ساره وحياتي ويا الريم اللي ما احس بالراحه عندها .كنت ابتعد عن ساره لاني بديت افقد حبي للريم بس كنت اشتاااق لساره وايد والريم ابدااا ما تعوووض هالشي .ويصد عليهااااااا : شمسه انا احبها شوو اسوووي
شمسه تبتسم بحنان : حسسها بحبك اصبر عليهااا اللي شافته منك خلت موقفها جذيه حتى لو تحبك
حميد : تصدقين موقفهااا هذاااا يحسسني ان ساره تكرهني وبعد بالحييل لو تسمعين جيه ترمسني
شمسه : لا شووو تكرهك ساره تحبك وعيووونها اكبر دليل نحن البنات نفهم لبعضنا بس انته حسسها انك تحبها ورد الثقه في حياتكم وموقفك من موضوع الشركه اكييد كبرك في عينهااا
حميد : عنبووو اطرش مسجات وحالتي حاله وادق وهيه اكبر طااااف
شمسه : هههههههههههه يووم هيه زعلانه يعني شوو تباها تسوووي
حميد يوقف ويبتسم : تصدقين ريحتيني وايد.وابتسم بحنان اكثر : مشكورة الغالية
شمسه تبتسم له : العفووو نحن في الخدمه
حميد : بروح اريح الحين برايج .ومشى عنهااا
بس وقفه صوووت شمسه وهيه تقووول :حميد
صد عليهاااا واطالعهااااااا :هلا
شمسه بدلع : حميد قولي شمس حياتي من زمان ما سمعتهاااااااا
حميد : ههههههه فالج طيب شمس حياتي بس تعرفين الحين انتي شمس حياة حد ثاني
احمر ويه شمسه وابتسمت بخجل ابتسم لها وغمز بعينه .مشى عنها وبند الباااااب وراه
اطالعت تيلفووونهااا هذاا ليش ما دق قال 15 دقيقه اتاخر ابى ارقد بس بصراحه اشتقت له من ليلة امس ما رمسته .ضربت راسهااا بايدهااااااا وتمت تضحك : وملكت قلب شمسه يا خلوود وصارت تشتاق لك وايد بعد
.
.
.
رد يسوووي للتيلفووون اللي وصله منه المسج وهو في سيارته راجع من الجامعه
هزاع يفكر : يا ربي من يسوووي جذيه ومسجات حب وصد منووووووو كل المسجات على هالموال
وبند عقب محد رد عليه .ولف على شيشة البترول يعبي سيارته بترول
هزاع يفج الدريشه : فووول تانكي واحد
هندي الشيشه: اوكيييه
هزاع يطالع اخر مسج
مشتاق لك بس الظروف اجبرتني
ودي بشوفك بس كيفالوسيله.
يافرحتي عنك الايام اخبرتني
وطيفك معي ماغاب في كلليله
ذكراك يالغالي تراها اتعبتني
وقلبي عقب فرقاك ضايع دليله
هزاع سرحااان ويا المسج ويفكر بالمسج والرقم الي مطرش منه معقوووله تكوووون مها معقوله لا لا مها ما تسويهااا ما ادري ليش انا مب راضي افكر فيهااااا .بس انتبه عقب الدق القووي على الدريشه
هزاع انتبه وفتح الدريشه : الله ياخذ ابليسك اشووي اشووي على الجامه
وعطاه فلوووسه وحرك سيارته ساير صووب البيت هلكان من الجامعه وامتحاناتهاااا بيروح يصلي العصر ويرتاح لين صلاة المغرب شوووي
.
.
.
الساعه ثمان عقب ما رمسها وفي التيلفووون يى بيتهم علشان يرمسووون في الموضوووع اللي يباه فيه ويبى ياخذ رايهااا ابتسم لها ساره طيبه واعتبرهااااا اختي الكبيرة رغم تقربي من شمسه الا انه ساره احسهاااا الحياة مكبرتنهاااا رايها اصوووب تنهد طلع من بيتهم يبى يركب سيارته بس شاااف سيارة اخوووه ووقف يترياااه لحد ما ينزل
حميد ايي صووبه : هزاع شوو تسوووى هنيه
هزاع يخفي ابتسامته ويطالعه خلنا نلعب باعصابه الهرم مب شووويه اللي سووواه بساره خلى اعصابه تحترق : انااااااا شووو اسوووي انته اخوووي ليش ياي
حميد يطالعه بنص عين : اظني انه هنيه حرمتي
هزاع : عيل انا ياي اسلم على حرمة اخوووي واسولف وياهااا
حميد اشتغلت الغيره عنده يعرف انه هزاع يعتبر ساره اخته وانه قريب منهم وايد اكثر عنهم بس ليش ترمس هزاع وهو ريلها وما تبى ترمسه : اهااا والهانم ظهرت لك
هزاع مستمتع : هيه طلعت اكيييد انا قبل مسوي له تيلفوووون
حميد يتقرب منه : وليش ان شاء الله
هزاع يبتسم : علشان تستقبلني وتسوووي لي ضيافه قبل ما ايي
حميد حس انه ايده تجه يبى يكفخه وتنهد بعصبيه : والحين خلصت المووضوع اللي ياي علشانه
هزاع يركب سيارته : هيه ياي عند الشيخه ساره اكييد الحل موجود عندهاااا

ابتسم ويشوووف الشرار يتطاير من عيوونه وعرفت اطيحك بنت خليفه يا الهرم الحين يلاااا جيه بتطلع من شباكهااااا عقب ما شغل سيارته : ما ادري يا حميد شوو اقولك ساره ما تبى تشوووفك بس حاول

حميد يطالعه بعصبيه وتجدم صوووبه .بس هزاع حرك سيارته ومشى وهو يضحك على اخوووه تستاهل بس الحييين يا حميد عرفت تختار يا اخوووي

دخل الصاله وحصلها تتطالع التلفزيوووون وشيلتها عدالهااا من زمااان ما شااف شعرهاا اللي يمووت عليه ومن زمااان ما لمسه تجرب منهااا بهدوء فضيع وهيه مندمجه ويا الاغنيه او سرحانه ما يعرفهاااا بس شوووفتها نسته عمره ووصل عنده ومسك شعرهاااااا بحنااان

لفت اول ما شافته اطالعته بعصبيه لفت على شيلتها وخذتها وتحجبت واطالعه : انته شووو يايبنك هنيه

حميد يتقرب منهاا وهيه ويهااا يحمر اكثر : يايبني الشوووق

ساره تصد عنه وتتمالك نفسها وتبتعد عنه : حميد انا ما اقدر ارد لك .وتصد عليه : حميد اللي انا متاكده منه انك ما تحبني انته ندمان على اخر موووقف وبضغوطات شمسه وعمتي تبى ترجعني

حميد يتقرب منهااا ويمسكها من ايدهاااا : ساره انا احبج صدقيني

ساره مب راضيه ترد تحس انها ما تقدر لصدمه ثانيه ويا حميد صدق بتكرهه وهيه هالشي الا ما تريده: بس انا ما احبك يا حميد

حميد يتقرب منهاااا: لا انتي تحبيني

ساره تبتسم بسخريه : واثق تصدق عااد انا متاكده من شعووووري .وبصراخ في ويه : خلاااااااص طلقني ما اباك يا خي مااباك ما تفهم

حميد بحنان رغم انه عصبيته تتطاير من عينه وقلبه عوره : ساره انا متمسك فيج

ساره تحاول فيه علشاان يعصب : بس انا ما اريدك

حميد يمسكها من ايدها بعصبيه : ساره لا تخليني اشلج ويايه غصب

ساره : لااااااا جيه هي السالفه غصب .وبدت تعصب زود : ما احبك تفهم ما احبك

حميد يطالعهاااا : بتشوووفين يا ساره وهذا انتي اللي اخترتيه

شوووي وتدخل ام ساره بسرعه

ام ساره :استهدوا بالله شووو هالاصوااات .حطت الدله على الطاوله ومشت صوووبهم

حميد يطالع عمته : عمتي ابى ارمسج

ام ساره : ارمس ابووويه

ساره بعصبيه : ما يحتاي انا قلت رايي بالموضوووع

ام ساره تصد على بنتهااااا : خلينا نسمع الريال شووو يبى يقووول

ساره بدت دموعها تنزل وصدت عليه واطالعته وركضت صوووب فووق

ام ساره تهز راسها تيلس : خير يا ولدي ايلس

حميد ايي ويلس عدالهااااا

حميد يطالعهاااا : احبها عمتي والله اباها وهيه مب راضيه تفهم

ام ساره اطالعه بعتاب : وهيه شووويه اللي شافته منك ومن ابووك يا حميد

حميد بحزن ومتلوووم : ادري والله بس صدقيني متلووم وايد وما اقدر استغنى عنهاااا وان شاء الله بعووضها

ام ساره تتنهد : ما ادري يا ولدي ساره مب راضيه ترد

حميد : عمتي ساره تسمع رمستج وتحبج دخيلج الطلاق يضيع مستقبلها ومستقبلي انا بعد

ام ساره اطالعه : تراني رضيتها المره الاولى على ساره ومره ثانيه ما ارضاهااا

حميد : حتى انا ما ارضى تتعذب صدقيني اقنعيها ترد ويايه وبحاول اردها نفس اول واقنعهاااا بنفسي وبنعيش ان شاء الله حياة متهنيه

ام ساره تهز راسهااا بالايجاب وابتسمت حست الصدق برمسته من عيووونه : برمسهااا يا حميد

حميد يوقف ويوخي يحبها على الراس : مشكورة الغاليه يلااا انا اترياهااا بنروح

ام ساره تبتسم : لافديتك مب اليووم باجر تعال خذها

حميد بحزن : باااجر

ام ساره اطالعه : صبرت هالايام ما بتصبر لحد باجر

حميد يبتسم : لا بصبر اللي ييبه بسرعه وعلى خير يعني اعتمد عمتي

ام ساره تبتسم : مادام ام ساره قالت لك هالرمسه اعتمد

حميد : مشكورة الغاليه يلا الحييين مع السلامه

ام ساره : في حفظ الرحمن

حميد مشى عنهااا عقب صد لهاا : عمتي الحين طلعي رمسيهااا وخلها تودر عنها الصياااح والله دموعها غاليه

ام ساره ابتسمت له يلست تفكر برمسته حميد يحبها وندمااان والطلاق ما شي اشين عنه وبخاااصه للبنت بس ساره عنيده بس هذي مصلحتهااا ولو خليفه موجود كان ردها بيت ريلهااا لانه طووول عمره قلبه كبير وطيب وحميد متمسك به وايد والا ما بيرجه بعد الرمسات اللي تعقهن عليهاا شوو اللي يخليه يتحملها لو ما يحبهاااا

وهو طلع من البيت وفرحااااان من الخاااطر الحين هدفه الوحيد يتريااا باجر متى ايي

.

يالس هووو وياها يسولفووون في الصاله اللي فوووق وابتسمت له من سمعت رمسته

شمسه مبتسمة : والله فديت خشمها ساره رمستهااا فوووق الصح بعد

هزاع : بس انتي سئلي مهاا جاان بتوافق اول

شمسه : تستعبط حضرتك تدري بها انها تحبك وتموووت عليك بعد

هزاع : بس ساليهاااا بتترياني اناا ما بعرس الا يوووم اخلص واشتغل

شمسه : انته باقي لك سنتين وان شاء الله تخلص وانا بسألهاااا

هزاع : زين يلاااا قومي سئليهااا

شمسه : الحييييييين خلهااا باجر

هزاع يطالعهاا : باجراوكيييه باجر

وشووويه يسمعووون صوووت تغريد هذااا حميد غريبه اشفيه اطالعووو بعض اول ما وصل فوووووق

وهو يدندن وصيت قلبي ورفع ايده يسلم عليهم ومشى ساير صوووب قسمه

هزااع : الشيخ الشيخ اشووفك مستانس فرحنا وياك

حميد يطالعه مغتاااض منه وتقرب صوووبه : انته تدري وووين كنت انااااا

هزاع يبتسم : هيه ادري شووو رضووا عنك

حميد يبى يردها له يعرف انه هزاع يعز ساره : لااااا ما رضت طلبت الطلاااق

هزاع وبدااا ويه مستغرب وعصبيه : وانته ليش مستانس

حميد يحيس بوزه : شوووتباني اسوووي قرارهااا وكيفهااا انا اعتذرت وهيه ما رضت

هزاع يطالعه بعصبيه : تعرف انك سباال

حميد يطالعه وابتسم ومشى عنه هالشي قهر هزااع من الخاااطر وشمسه كانت ضايعه امبينهم ودرها هزاع وطلع من البيت وهيه سارت صوووب غرفة ابوووها تشوووفه وتشووف امها جان يبون شي قبل ما تروح ترقد وهيه تعبت من ساره وحميد ساره عنيده وما تتفاااهم ابدا

.

.

.

ميرة وابوها وامها واخوانهاا متيمعين يتعشووون ويسولفووون

ابو عمر مبتسم : شرايكم نسير يوووم الخميس المزرعه

ميرة : والله كشخه من زمااان ما طلعنااااا

ابوعمر : وبعد في الصيف السنه كلنا بنسافر البحرين

عمر : لا ما نبى البحرين

ابوعمر : بنروح نسلم على الاهل وبنسااافر بعد المكان اللي تباه وين تبى تروح

عمر مبتسم : امممممممممم

ميره : مصدق عمره

عمر يصد عليهااا : انتي اشدخلج ما تشوفين الريال ترمس ليش تتدخلين

ام عمر وابو عمر يضحكووون عليه

ميرة : دخيلك الشيخ مصدق عمرك وايد

عمر: ابووويه نبى نسير ايطالياا برهووم واهله بعد هم بيسرون

ابو عمر : فالك طيب كم عمر عندناااااا

عمر مبتسم ويوووقف : والله عيييل بروح اخبره

ام عمر : ايلس كمل عشاك وين نحن وين الصيف

عمر يمشي عنهمَ : بسني شبعت

وتموااا يضحكووون عليه ومستانسين من الخاااطر خف شوووي انشغال ابووهم وصار الحين وايد يقعد عندهم ويسووولف ويضحك ووويه منور

.

.

.

الساعه سبع ونص مخلص متكشخ ومتسبح بغرشة العطر وابتسم ابتسااامه فرح وشل سويجه والبوك وطلع من الغرفه اليووم ما بيروح الدواااام بيسير اييب ساره وفرحته ما تنوصف اصلااا امس ما قدر يرقد

ربع ساعه ووصل بيتهم شاااف ساعته مبجر وايد بس يبى ياخذ حرمته شووفيها يعني

دش الحووووش ونزل من السيارة ودق باب الصاله ومحد رد عليه عقب دخل وما حصل حد

وشووويه اتيي الخدامه وفي ايدهااا دلة القهوة والجاهي

ليلااا : بابا اميد

حميد : هيه بلحمه وشحمه انزين وين ماماه

ليلاا: ماماه داخل مطبخ الحييين اجي

وشوويه وتدخل ام ساره وابتسمت يووم شافته : حميد

حميد استحى يوووم شافهااا :سمحيلي عمتي ادري مبجر بس

ام ساره : ههههههه لا فديتك البيت بيتك اقرب ولدي يلا بنشرب الججاهي وبنتريق انا وياك

حميد يلس : عمتي شووو قالت ساره

ام ساره : اتريق اول عقب بنرمس

حميد في خاطره مب وقته الاكل الحين وابتسم ابتسامه متصنعه ما علينا الا الصبر : يلااا بسم الله

عقب ما خلصواا متريقين

حميد : ها عمتي شووو قالت ساره

ام ساره توقف : الحييين بقولهااا تتجهز

ابتسم لها وهيه راحت فوووق علشااان تشوووفها امس يالسه تقنعها بس هيه راكبه راسها بس اللي عرفته من رمستها انها تحبه وايد

امس اصرت وايد على ساره ترد بطريقه فهمت ساره انه امها ما تريدها وتمت تصيح

وهيه تمشي تتذكر بعض من الحوار اللي دار بينها وبين ساره

ساره توقف ودموعها على خدهااا واطالع امهااا : لمايه ما اريد ارجع له لو سمحتي لاتضغطين عليه

ام ساره تسير صووبها : يا بنتي حميد ريلج وويحبج واكد لي هالشي لووو ابوووج حي كاان قال نفس رمستي واصر عليج ترجعين

ساره زاد صياحهااا : لااا ابووويه ما بيسوووي جذييه ابووويه ما بيعقني لهم

ام ساره تتقرب منهااا : شووهالرمسه يا ساره صدقيني ما ادور الا مصلحتج ونحن حريم لا حول لين ولا قووه وهذيلاااا اهلج ومالنا غنى عنهم

ساره تمت تصيح

ام ساره تتقرب منها وتمسكهااا من جتفهااااا : فهميني يا ساره الحياااة صعبه ونحن حريم والطلاااق اشين شي صدقيني لو ابوووج عايش مارضى بالطلاق وحميد بيصوونج و بيحميج وشارنج وما بيرخصبج

سارة تصيح :.

ام ساره : بودرج الحيييين وانتي فكري برمستي وان شاء الله حيد انا قتله باااجر يخطف يشلج ووعدته وما بتصغريني جدااامه

وطلعت عنهاااا

تنهدت ام ساره يووم وووصلت جداااام باب ساره

فجت البااااب وحصلت ساره يالسه على الشبريه ولابسه عباتها وجناطهاا مجهزه وهيه تصيح

ام ساره تجربت منهاااااا وحبتهاااا

ساره توقف : ادري انه وصل شفت سيارته اوكيييه انا جاهزه انزل

ام ساره : ساره يا حبيبتي ما لج الا بيتج وحميد ولد عمج بيحافظ عليج وبيحميج

ساره تصيح : خلاااص امايه انا رايحه بس لازم تدرين مب برضايه بس علشان خاطرج

ومشت عنهاااا وام ساره اطالعهاااا الايام بتثبت لج يا بنتي اني ما اريد الا مصلحتج

واول ما وصلت ساره تحت شافته بعصبية : يلااااااااا نروح انا جاهزه

حميد شاااف عمته اطالعه مبتسمة : يلااا عمتي مع السلامه

ام ساره : في حفظ الرحمن ربي يرعاكم

بعد ما يابت الخدامه الجناااط وهيه ساكته وويها محمر من الصياااح

ومشوااااا وهيه ولا هوو نطقوا بكلمه

حميد لف صووبها : ساره انا اسف

ساره تبتسم بسخريه : صدقت يا حميد وقدرت تشلني بغصب

حميد : يا ساره افهميني

ساره ردت تصيح : ما افهم شي ما ادري ليش كلها حياتي عذااب ما ادري انا شووو سويت بدنياي

حميد : استغفري ربج مب زينه هالرمسه ساره انا ان شاء الله بعوضج عن الايام اللي طافت

ساره تمت تصيح ولا ردت عليه بكلمه

ووصلواا البيت وما حصلوا حد في الصاله وساروا قسمهم

واول ما دخلواا القسم صدت عليه بعصبيه : ترانا ما بنرد بغرفه وحده

حميد عاقد حياته

ساره : جان مب عايبنك رديني بيت اهلي وطلقني

حميد دخيلج وووين بيت اهلج لالا : ان شاء الله

ساره دخلت غرفتها وسكرت عليهاااا الباب حاس بوزه ويلس على الكنفه اللي في الصاله المهم انها قريبه منه والحيين الله يساعده ويلين قلبها عليه

ساره دشت غرفتها هيه مشتاقه لها وايد امس ما رقدت من الصياااح والتعب فاول ما يلست على الشبريه استسلمت للنووم لحد الساااعه 1 الظهر عقبهاااا قامت وراحت تتسبح وبعدين يلست تصلي الظهر عقب ما خلصت يلست تسحي شعرهااا وتجحلت بتنزل تسلم على عمتهااا وتشوووف عمهااا

اول ما طلعت من غرفتهااااا شافت شمسه هيه وهزاع يالسين في الصاله يسولفووون وتفأجاوا يووووم شافووها والابتسامه انرسمت على ويوهم يوووم استوعبوا

شمسه تروح صوووبها وتلفها : توه ما نور البيت سويره

هزاع : وانا اقووول الشيخ امس فرحاان الهرم مسوووي اموووره ونزل عليه حكم البراءة

ساره ابتسمت لهم : اشحالكم

شمسه وهزاع : تماام الحمدالله

ساره : عييييل وينهااا عمتي

شمسه : تحت يالسه عند ابوويه في الغرفة

ساره :عييييل بروح اسلم عليهم.وصدت عليه : ها شووو سويت بالموضوع اللي رمسنا فيه

هزاع ابتسم : سويت اللي قلتيلي عليه

ساره : الله يوفقك ان شاء الله

شمسه :يلاااا بنزل وياااج

هزاع : انا توني ياي من الجامعه بروح اخذ لي دش سريع وبيكم

والكل سااار صوووب شغله واستانست ام حميد يووم شاافت ساره ولفتهاااا من الفرحه وتمت تصيح وابووحميد بعد فرح ويلسوااا يسولفووون وشووويه نزل هزااع ويلس وياااهم ما ناقص اليلسه الا حميد

ام حميد : سويره فديتج روحي شووفي ريلج خليه ينزل بنتغدا

شمسه : جيه هووو اليوووم ما راح الدوام

ام حميد : لا قالي البارحه انه ما بيدوام عاااد ما عرفته انه بيروح اييب ساره

وشفته الصبح ياخذ جلابية النوووم من قسمه الثاني ولاقالي انه ساره ردت

الحين ساره عرفت مكانه هووو في قسم حبيبة القلب الريم مشت صوووب قسم الريم ومن الخااطر كانت تكره الممر اللي يودي صووب غرفة انسانه شاركتها في حبيب قلبها السابق حميد معقوووله السااابق خليه يولي عيييل شووو يسوووي هناك راقد يذكر ايااام الخوالي

دقت الباااب ومحد رد عليهاااا دشت وحصلته راقد والغرفه بارده طبعه لازم يكوون جو الغرفه جذيه وهيه واقفه على الباب بدوون نفس : حميـــــــــــــــــــــــد حميد نش

حميد ما يرد عليهاااااااا

ساره تتقرب شووووي مااحيد رقاده ثقيل الظاهر الرقده على فراش الخايسه ريموووه تعيبه بعصبيه : حميييييييييد

حميد :

ساره تجدمت وضربته على جتفه : ايه نش

مسكها بايده من ايدها وقربهااا منه : ما بغيتي تدخلين ها

ساره احمر ويه وارتجفت من لمس حميد لها تحاول تبتعد عنه : خوز عني

حميد : عنبووو ما شي بوسة الصباااح لريلج حبيبي

زادت عصبيه ساره وابتعدت عنه وحطت ايدها على خصرهااااا : شوو راقد هنيه تذكر ايااام الخوالي

حميد يعدل يلسته: يعني اعفاء .ويبتسم : يا سلام وناسه

ساره اطالعه : شووو اعفاءه

حميد : يعني ارد ارقد في قسمنااااااااا

ساره : هيه

حميد : والله

ساره اطالعه بغرور : بس في الصاله وانا في الغرفه بدل ما ترقد هنيه

حميد ينش واقف خلى ساره تبتعد عنه : عنبووو بكلج اناااا.المهم قوولي انج تغارين وما تبيني ارقد في قسم الريم

ساره عصبت واطالعه باشمئزاز : ولي. بصراحه ما تهمني وتعرف انته موقفي من هالشي قلت جذييه علشاان ما يلاحظووون هلك شووو بيقولون عني

حميد يطالعها ويتقرب منهااا : بيقولووون ما عندها سالفه والا حميد الوسيم منوو ما يباه

ساره : امك تترياااك على الغدا تحت انزل جااان تبى

حميد يشل الفوطه : جااان تبيني انزل اتغدا يلسي اتريني لحد ما اخلص متسبح

ساره اطالعه : كيفك لا تنزل ومشت عنه

حميد يطالع الباب وحاس بوزه :عوفه

نزلت ما مضت ثلث ساااعه الا وحميد نازل وراح ويلس عدالهاا وهو مبتسم

ام حميد : الله يديم هالابتسامه يا رب

حميد : فديتج الغاليه عيييل ابوووي تغدا

ام حميد : هيه توه متغدي يلااا سمووا بس انته هالهرم ما قلتلي انه ساره بترجع كنا بخرنا غرفتها ورتبناها

حميد يبتسم ويطالع ساره : حبيت اسوويها مفاجأة

شمسه : واحلى مفاجاة

سارة تبتسم لها : فديتج شماس وربي لا يحرمني منج

حميد يبتسم بمكر : ولا مني ان شاء الله قولي آآآمييين

ساره اطالعه واضطرت تقوول وبابتسامه متصنعه : آميين

ابتسم حميد حس انها مفوووله عى الاخر والغيض يطفح من عيووونهاااا

عقب ما خلصوووا غدا يلسوا يشربووون جاهي عقب انسحبووا كل واحد غرفته محد تم الا ساره وعمتها وحميد

حميد:بروح اريح اشووويه يلااا ساره

ساره اطالعه : انا بيلس عند عمتي سير ابرايك انته

ام ساره اطلاعهاا : سيري ويا ريلج الغاليه انا بعد بروح اريح

حميد يبتسم ابتسامة انتصااار انا والا عنادج يا سويره

قامت ام ساره رايحه صوووب غرفتهااااا وحميد يبتسم : يلااا الغالية

ساره تنش واطالعه : بتشوووف يا حميد

حميد يطالعها ومبتسم ومشوووا صوووب قسمهم واول ما وصلوااا سارت صووب الغرفه تبى تدخل

يمسكها من ايدهاااا : وين وين

ساره تبعد ايدهاا : شووو تبى

حميد يتقرب منها بخبث : يلسي وياي انتي ما شبعتي رقااد

ساره اطالعه : وليش اقعد وياك ما عندي سالفه

دخلت عنه الغرفه وبندت الباب بالمفتاح

ووقف يطالع الباب متافف لمتى بتم جذييييه افففففففففففففف

يالسه اطالع اخوها باستغراااب وبتانييب ورخت ملامحهاااا
مزنه : انته تسوووي جذيه ياسر
ياسر مستحي من اخته الصغيرة : انا تغيرت يا مزنه وانتي تلاحظين هالشي بليييز لا تزيديني
مزنه تذكرت شكلها يووم شافت ياسر : وانا شفت ويها تغير يووم شافتك هزت راسهااا
ياسر : ساعديني مزنه دخيلج
مزنه : بصراحه افتشل ارمسهاااا
ياسر : اعتذريلي منهااا وقوليلها اني تغيرت
مزنه اطالعه : ان شاء الله بس يا ياسر اوعدني انك ما تمشى في هالدرب مره ثانية
ياسر يطالعهاا ويبتسم بحنان : وعد
مزنه ردت تبتسم له : الحييين ممكن تطلع بسوووي لها تيلفووون
ياسر في خاطره يلس ابتسم بتصنع : ان شاء الله .ومشى طالع من الغرفه
مزنه : ياسر
ياسر صد لها بسرعه يمكن غيرت رايهااا : ممكن تسكر الباب وراك
هز راسه بالايجااااب وشعر بخيبة الامل وطلع عنهاااا
وفعلااا هالشي اللي سويته مزنه وطلبتها في البدايه ترددت بعدين تشجعت وخبرتهااا
ايمااان :
مزنه : بصراحه هو ندمان ويتاسف من الخاطر واتمنى انج ما تزعلين مني
ايمان : انتي مالج خص والموضوع انتهى انا نسيته
مزنه ابتسمت : خلاص اوكييه بقوله سامحتك
ايماااان : الله يهديه
ويلسن يسولفن عن المدرسه والمعلماااااااااات لحد ما اذن العصر وبندت عنهااااا وراحن يصلن العصر
.
.
.
.
بعد ثلاثة ايام من الاحداث السابقه وحال حميد وساره ما تغير كل ما حاول يتقرب منهاا سمت بدنه بكلمات يسدن البدن وهو متحمل ومتامل يرجع ساره الاوليه ويخليها غصبن عنها تحبه

يالسه في غرفتهااا جدام التسريحه تسحي شعرهاااا عقبها يلست تحط مكياااج علشااان اهل خالد بيووون يزوروهم وكانت لابسه كندورة حمرا وحطت مكيااج احمر واسوود
دخل عيهااا وابتسم يوووم شافهااا : شوووهالجمال كل هالجمال في حرمتي
ساره لفت عليه :ليش ما ادق الباب قبل ما تدخل
حميد يتقرب منهااا : نسيتها انها غرفتي وانتي حرمتي وهالتعديل كله حق الضيوووف يا ليتج تتعدلين جيه علشاني
ساره : لا والله مب محصله
حميد : متى بتسامحيني يا ساره بسج تغلي
ساره صدت عنه
حميد لفهااا صوووب ويلس يطالعها وعلى ويهااا مرسووومه ابتسامه تخبل : والله انج تخبلين طيرتي عقلي
احمر ويهااا وصدت عنه مره ثانية ومشت عسب تاخذ شيلتها وتنزل
حميد يهز راسه : انزين امج دقتلي ليش ما دقتيلها دقت لج وحصلت تيلفوونج مغلق
ساره : ما عليه برمسها بعدين
حميد : كل هذااا علشااان رجعتي لي
ساره : واكثر تخيل كبر الموووضوع ومشت عنه وطلعت من الغرفه
.
.
.
نزلت تحت وحصلته يالس يطفر بامه
ام حميد : خوز عني يا الطفس انته
هزاع ما بطلع : لحد ما تبوسيني
ام حميد مطفره منه : خوز عني الحمار سير انا عيوز عيزن ركب
هزاع : ههههههههههههه مب راضيه تعترف
ساره : هزاع خلى عمتي في حالهااا
هزاع : ها وصل مخامي الدفاااع الاول عن الوالده انا بقوووم اسير
ام حميد : هيه اطلع الحيين بين حريييم
هزاع يتقرب منه ويبتسم : اول تعطيني بوووسه عقب بظهر ما بظهر من هذي الصاله وعيـــ.هههه الغاليه زعلانه
ام حميد : سير يا ابوووي مب زعلانه سير
هزاع يبتسم : اثبتي لي يلاااااااااا حبيني
ام حميد تهز راسهاا وتبتسم وحبته على خده
هزاع حبها على الراس : الحييين بظهر يلااااا مع السلامه . شي في خواطركم
ام حميد وساره : تسلم
ام حميد : في حفظ الرحمن ابووويه لا تتاخر
هزااع يبتسم : مش هتاخر يا جميييل انا هرجع بدري

راحت ساره تشوووف الفواله وتجهزها في الميلس وشووويه ووصلوااا اهل خالد ويلسوااا في ميلس الحريم وقربت ابهم ساره وام خالد ونزلت شمسه تسلم عليهم
ويلسواا يسولفووون
وديمة : اشحالج حرمت اخوووي عسااج بخير ما شاء الله كل يووم احلى من الثاني
شمسه بخجل : تسلمين فديتج عيونج الحلوه
ساره ترمس ام خالد : تفضلي خالووه هبشي تراااج ما هبشتي شي
ام خالد : فديتج بنيتي هبشت.وتصد على ام حميد : اشحاله ابوحميد عساه بخير
ام حميد : واجب الشكر احسن عن اول
ام خالد : الله يشفيه يا رب
ساره نشت بتروح المطبخ علشااان تقول للخدامه تحط الحلويات اللي مسوووتنهن
وفي طريجهااا شااافته يركض استغربت يركض بسرعه جنونيه خافت فزقرته وما رد عليهاااا
ركضت بسرعه وراه وحصلته راكب السياره
ساره اطالعه : اشفيك حميد
حميد يشغل سيارته يطالعهااااا وعيوونه حمر
ساره خافت تقربت منه بخوووف وبتردد وياااه ارتجاااف وخوووف اكبر
حميد يصااارخ بصوووت عالي : لازم اروح خوزي ساره
ساره بترجي : طمني امايه فيهاااشي
حميد يهز راسه وبعصبية : هزااااااع سووا حادث
مسكت ساره راسهاااا واطالعته : هزااااااااااااع شوووو ياه خبرني
حميد : جب ولا تخبرين حد بروح اشووووف وبصراخ : دخلي داخل ولا كلمه تفهمين لا تخبرين حد
مشى سياااته بسرعه واقفه مكاااااااانها هزاااااااااااع لا لااااااااا الله يستر مشت ما تقدر ترد الميلس جذييه بتروح غرفتهااا وبعد عشر دقايق بترد ادق لحميد تيلفووون ادموعهااا نزلن كله ولا هزاااع ما تبى تتخيل انه بيصيبه أي شي مشت بسرعه وووصلت غرفتهااا وتمت تصيح قلبهااا يعورها على هزاع

في المستشفى يطالعهم وفااااااج عينه على الآخر : لالالالالالالالالالالالالالالالالا
ايي خليفه ويمسكه ودموعه على خده : الله يرحمه
حميد تنزل دموووعه ويصد عليه : ليش تقووول عنه جذييه مب ربيعك حرااام عليك
خليفه ابتعد عنه ما قدر يستحمل
حميد يمشي صوووب غرفة هزاع بسرعه كبيرة حصله ملحف بلحاااف ابيض سااار صوووبه وخوز عن ويه اللحاف
تم يضربه بخفه على خده : هزاااع هزاااع قوووم دخيلك ادريبك تقص عليه قوووووووووم
حميد يتقرب من ويه : يلاااا هزاع وين بتروح عني وتخلاااني انا ما مصدق رمستهم قووم دخيلك ادري انك تقص عليهم بس انا ما اهووون عليك بتقوووم صح هزاااع
بداا يتأمل ويه وعلى صوووته : هزااااااااااع لاااااااااااا لاتموووت وتخلااااااااااني دخيلك الله انا ولا هزااااااااااع
شله من الشبريه ولفه وتم يصيح من الخاااااطر : لااااااااااااااااااااااااااا هزاااااع ليش ودرتني ليش ما تحبني انته ليش ااااااااااااااااااااااااااه يااااااا رب هزاااع ما اقدر اعيش من دونك قوووووم ااااااااه ليش تسوووي فيني جذيييييييه .ويصيح من الخااااطر بصووت عالي
دخلوا الممرضين وربع هزاااع يبعدووون حميد عنه : ودروني اخوووي الوحيييد يبى يروح عني لاااااااااااااااااااااااااااااا خوزوا عني لاا هزاااع لاااااااااا
سعيد كان وياه في السياره ويده ملفوووفه وشمووووخ في ويه : الله يرحمه اطلبله الرحمه يا اخوووي
حميد يصيح ومغطي ويهاااا: كيف استوووى الحادث
سعيد عيوونه حمر : طالعين انا وياه من المسيد شووويه ولفت علينااا شاحنه كاان هزاع يبى يلف عنهااا .وبدا رمسته تمتزج بصيااح : وانجلبناااا وهو بالمره توفى وانا بعدني حي . ولف ودق بايده اليدار : ليش انااا مب هووو ليش يااااا رب
خليفه : استهدوا بالله يا جماااعه
شل حميد تيلفووونه وحصل مكالمتين من ساره وطنشهااا وسوووى تيلفووون لسلطااااان
مضت عشر دقايق ووصل سلطااان وابووووه وبعدهااا بشوووي وووصل ياسر وتم يطالعهم
ياسر بخوووف : وينه
سلطاااان لف عن اخوووه وفي عيووونه متجمعه الدمووع
ياسر يسير صووب ابووه
ابوسلطان : الله يرحمه
ياسر يدق راسه بايده : لاااا لااااااااا هزاااااااااااااااااااااااااع مااااااااااااااااااااات لااااا
وبدوااا اجراءات المستشفى وحميد منهار كيف بيرد البيت شووو بيقووول لامه اللي انحرق تيلفووونه من رقم ساره وشمسه وامه وابوووه اللي حالته ما يعلمبها الا الله ما بيستحمل هالخبر
سلطان يتقرب منه ويلس عداله على الارض : استهدى بالله يا حميد انته ريال مومن بالله اطلبله الرحمه يا اخوووي
حميد يطالعه : امايه شووواقولهااا ابوويه شوو بيستوووي له يووم يدري هذاا هزااع الغالي هزاااع
سلطااان يربت على كتفه : الله يرحمه يا اخووي الله يرحمه
قال ابوسلطااان لحميد لازم يرد البيت يخبر اهله بمووت هزاااع
وفعلاااا سااار حميد وسلطاااان صوووب البيت وتمواا ابوسلطان وياسر يتابعووون الاجراءات الباااقية

اول ما وصلت سيارته الحوووش اطالعه سلطاااان : حميد لازم تكووون قووووي
حميد يحاول يهدي عمره ولاف غترته: ما اقدر
سلطان : افااا يا حميد انته قدهااا
واقفااات عند الباب سمعن صووت سياره في الحوووش نزل من السياره ومشى صوووبهن تجدمت شمسه صوووبه اطالع في ويه وويه سلطان
شمسه اطالعهم بخووووووووووف: وين هزاااع
حميد يتجدم ووصل عندهن ووطى راسه يووم شااف امه
ام حميد تحاول تمشي صووبه : وين اخوووك يا حميد
حميد يمسك امه ويطالعهاااا وفي عيووونه دموووع :البقية في حياتج
شمسه اطيح على الارض :لاااااااااااا حميد شووو تقووول ليش ما يبته اناااااااااااااا اترياااااااااااه هذااا هزاااع لا ترمس عنه جذييييييييه
ام حميد تحاول تيلس وينزلها حميد : وينه اخوووك يا حميد
حميد يلفهاااااا يهديها ويحاااول يتمالك نفسه
ساره منصدمه من رمسته ويلست عدال شمسه وتمت تصيح بهدووووء
ام حميد تصيح بهدوء : حميد ليش ما يبته وياك
حميد رمست امه تعور قلبه : امايه طلبي له الرحمه
ام حميد : لا تقوول يا ولدي هزاااع لا ما بيروح ويخليني هزااع يحبني اكثر واحد فيكم هزاااع قالي ما بيتاخر وبيرد انا بيلس اترياااه وتصد على ولدهااا : ابووويه حميد لا تصيح بيرجع
والكل يصيح مب قادرين يستوعبووون اللي مستوووي هزااع الغالي محبوووب الكل راح عنهم
حميد : الغاليه قوومي دخلي داخل
ام حميد : وووين ادخل ويين ادخل دار مافيهاا هزاااع اااااه يا حرقت فووادي عليك يا الغالي ياضياع حالي من عقيك يا وليدي
ساره تقووم بصعووبه وتسير صووبهاا وتصيح : عمتي دخيلج اطلبي له الرحمه
سلطااان : يا جماعه مب زيين جذييه اطلبوووا له الرحمه
وتحاول ساره تقووم عمتهاااا وشمسه حالتها حاله من الصياااح دخلواا الجماعه ورد حميد وسلطان المستشفى ودروااا كل الاهل وبداااا يجهزون لغسله ودفنه
والساعه ثنتين في الليل ردواا حميد وسلطاان وابووسلطاان ياسرالبيت
ودخلواا الصاله وحصلواا شمسه وام حميد وساره وام سلطان ومزنه وام ساره يصيحووون
حميد يتقرب من امه ويبوووسها على راسها وهيه تصيح وما رفعت راسهااا
حميد : ابوويه درى
ام حميد ترفع راسهاا : دفنتوووه
حميد موطي رااسه : لااااا عند صلاة الفجر
ام حميد ردت تصيح مره ثانية: ابى اشوووفه
وحميد يهديهاااااا
ابوو سلطااان يسير صوووب حميد وداله حميد غرفة ابوووه وسارواا صوووبه ما حصلووه راقد
يلس يطالعهم من المغرب محد دخل عليه شي مستووي ابوسلطااان وهالحزه
تقرب منه ابووسلطااان ويلس عداله وطالعه ويلس يخبره بهدوء
طلع صوووت يووون بحرقه ما في ايده حيله
حميد يتقرب ويلفه : اطلب له الرحمه يا ابوووي
ابوحميد يصيح نفس الياهل هزااع ولده رااح ليش مب هوووو ليش هوو اللي لازم يمووت مب هزااع
وهز راسه استغفر الله استغفر الله
ودخلت شمسه ويووم شافتهم ساارت صوووب ابووهاا ولفته وتمت تصيح بحرقه يمسكهاااا حميد علشااان ابوووه بيتعب جذييه
ومرت ساعاتهم بحرقه كبيره والم وحزن ساااد ويوه الكل هزااع كاان غير عن الكل هزااع محد ما يحبه
ام ساره تصيح بحراره : محد غيييره ايلووف عليه ويسالني دوومه عمتي تبين شي يا حرقة قلبي عليك يا الغالي ياحرقة يووفي عليك يا الغالي
.
.
.
. على صلاة الفجر تم الدفن وبدواا المعزيين ايوون والكل درى بوفاة هزااع والكل انصعق هزاااع محبوووب وغالي عليهم وبدوون يقووومووون بالواجب اللي يقوول الغدا عليه والا يقوولون العشاء وهالسوالف
حميد فضل انه امه ما تشووف هزااع رغم اصرارهااا

قافله على عمرهاا الباااب ومنهاره قلبهااا يعورهاا من زمااان ما كانت تدري انه يعورها علشان نور عيووونهاا علشاان حبيبهااا ليته اناا ولاااااا هوووو وتمت تصيح بحرقه مب قادره تستووعب الله يلعن السيارات ويووومهن الله ياخذني من هالدنيا من بعده ما اريد اعيش بلااااه كييف اعيشه وانا ما بشوووفه ابد.لالالالالالالالالالالا يا امايه لحقي عليه اه ياهزااااااااع ااااااااااااااااااااااااه
العنوود ادق بقووو : مها الغاليه فتحي الباااب فتحي
مهااا بصياااح :ما اريد اشووف حد ما ابااااكم ما ابااااكم
العنود : فتحي الغاليه فتحي
مها ادركت انه صووت العنوود راحت بحزن صووب الباااب وفتحته وهيه ترتجف
واول ما شافتهااا تجربت منهاااا ولفتهااا : العنووود هزاااع راح وخلااااني لهلكثر يكرهني يا العنووود ولا يحبني مب مهم يحبني المهم يتم في الدنيا بس ابى اشوووفه لاااااا يا العنووود هزااع لااااااا
العنود تمسح على راسها : الله يرحمه يا الغاليه ادعيله بالرحمه مب زيين الصياح الميت يتعذب
مها تيلس تحت عند الباب وتصيح : مااا اقدر مااا اقدر
العنوود : امج وابووج راحوا سووا لي علشان ايي ايلس وياااج هدي الغالية وقوومي بنتوضأ ونقرا قران قوومي الغلااا وساعدتهاا علشان تقوووم تتوضأ ويلسن يقرن قرآن
.
.
.
البيت ممزور من المعزيين والكل تعبااان ومنهد حيله ونفسيته سيئة الكل يدعي له بالرحمة
ام خالد يالسه عدال ام حميد : فديتج الغاليه لا تصيحين تعذبينه
ام حميد تهدي عمرهااا : راح يا ام خالد الغالي راااح اللي شالني من الارض راح روحي وحيااتي كلهاااا رااح يا ام خالد منوو بيعوضني عنه
ام خالد : استغفري ربج الغاليه الله يبارك في حميد وشمسه
ام حميد تصيح بهدوء : الله يرحمه ويغمد روحه الجنه
.
.
.
الساعه 2 الظهر في خيمة الريال يالسين يسمعووون قرآن ويستقبلوون المعزييين
خالد يطالع حميد : الله يرحمه استهدي بالله يا حميد
حميد يهز راسه بحزن واسى
خالد يحط ايده على جتفه : كلنا لها وما الباقي الا وجه سبحااانه وهزاع ما شاء الله عليه ما يودر فريضه الا يأديها في المسيد
حميد بحزن : يا ربي يا خالد ما ادري جيه بستحمل البيت اخوووي الوحييد راح عني ويهز راسه بالم : الله يرحمك يا اخووي الله يرحمك

مر عليهم هاليووووم وكان اسوأ يوووم مر عليهم الم حزن واسى مب أي حد اللي راح هذا هزاااع اللي الكل يشهد باخلاااقه العالية وابتسامته اللي ما تفارق ويه ودومه يسعى لرضا غيره يحبه كل اللي يعرفها
.
.
.
يالسه على شبريتها واخوها الصغير في حضنهااا تصيح بهدوء مب قادره تستوعب بعدها الخبر اللي سمعته من اخووها عمر اه الله يرحمك يا هزااع
شوويه تشوووف عمر ياي صووبها مسحت دموعها ويلست اطالعه وهو دموعه على خده
ميرة : عمر ليش رديت من العزاا
عمر يلس عدالها : ابووي ما خلاني ايلس الله يرحمه
ميرة تتنهد بحزن وخنقتها العبره : الله يرحمه
عمر يمسح دموعه عقب ما يى صووبه اخووو حمد
حمد يهز راسه بتساؤل : تثيح
عمر يطالعه ويحطه بحضنه
حمد : امايه ضبتك
عمر : لاامايه ما ضربتني .رفع راسه لميره بروح اتسبح وبيي
قووم اخووه من حضنه وطلع عنهااااا



ردت تصيح كيف تنساااه بسهوووله دووم صوورته مطبوووعه في تفكيرهااا موقفه اللي كانت اتضاااايق منه وتستانس بنفس اللحظه وموقفي من تقدمه لي كل هذاا عور قلبهااا وخلاااه تنش تركض صووب الحمام علشاان لحد يشوووفها جذييه تصيح .
.
.
.
على الليل كل اهلهم متيمعين في البيت ويوانسون بعض خوات ام حميد وصلن ومعارفهم ويحاولون يهدونهم في الاخيير استعبوااا خلاااص وانه هزااع راح وما بيرجع ما عليهم الا يدعوون له بالرحمة
ساره ترمس شمسه :شفتي عمي شخباره الحييين
شمسه توني ياي من عنده : يصيح حالته لا تسر عدوو ولا صديق هذاا هزاااع الغالي راااح .وردت تصيح
ساره مسكتها من جتفهااا : شمسه دخيلج لا تصيحين علشان عمتي هدي ليرتفع عندها الضغط
شمسه تحاول تهدي عمرهاااا
ساره تنش : صارت الساعه 11.50 بروح اخليها تدخل ترتاح
ومشت صوووب عمتهااا ومسكتهااا من ايدهااا تساعدهااااا علشاااان توديهاا ترتاااح
وبداا الكل يروحون صوووب غرفهم يرتااحووون وغرف الضيوووف بس أي نوووم اييهم أي نووووم يحاول يريح عينهم من كثر ما ذرفت اليووووم
يالسه في غرفتهااا لحد الساعه ثنتين في الليل تترياااه بس ما يى حالته اليوووم ما يعلمبه الا الله
رقدت ما قدرت تستحمل من الليله الماضيه وهيه ما رقدت
.
.
.
. يالس في الميلس ما له بارض يدخل داخل وحاط ايده على راسه تعبااان قلبه يعوره وموووت هزاااع اااه يا هزاااع يذكر اخر مره يلس وياااه يالسين يتغدووون وهو يطالعه اول مااشاف هزااع حميد ابتسم : امس انقووول الشيخ مبتسم وطاير من الفرحه الشيخه ساره رضت عليه
ابتسم له حميد
هزاااع يطالعه بتهديد : عاااد جرب تزعلهااا مره ثانيه صدقني هالمره اناااا اللي ما بودرك
حميد يحط ايده على راسه : ساره على راسي
هزاع يغمز له : طيحتك بنت خليفه في شباكهااااااا ههههههههههه
حميد يطالعه : هههههههه شوو نسووي عاااد
دمعه حاره ردته للواقع وتنهد بتعب
واقف ويطالعه ويى ويلس عداله
حميد يرفع راسه : خالد ليش ما رحت ترتاح يا ريال
خالد يطالعه بحنان : جيه ارتاااح واخوووي وربيعي مب مرتاااح يلاااا قووم بنروح نصلي الفير
حميد يتنهد حيله مهدود ويوقف بمساعدة خالد
حميد : تعبناااك وايد يا خالد
خالد يطالعه : افااااااا يا حميد نحن اهل لا تقوولها هالرمسه
حميد صد صوووبه وابتسم : مشكووور يا خالد
خالد يرص على ايده وابتسم له ومشوووا وراحوااا صووب المسيد واكيييد الصلاه بتريحهم وبيرتاحووون ساعتين عقب بيردون يرتاحوون ساعتين شوووويه
.
.
.
الساعه عشر ونص الصبح
في السياره
مايد : ها امايه بتسيرين سيده العزاا والا بتروحون عند خالاتي اول شي
ام مايد : لا فديتك بنروح العزا هناك بحصلهن
مايد : ان شاء الله
مشووا لحد ما وصلوااا بيت بوحميد نزل الحريم في الفله وسااار صوووب الخيمة
مايد : السلام عليكم ورحمة الله وبركاته
نشوووا الريال واول ابو سلطان وحميد صااافين بالترتيب
مايد يسلم عليهم ووصل عند حميد
مايد يحط ايده في جتف حميد : عظم الله اجرك ياخوووي شد حيلك
حميد : الدوام والبقاء لوجه الله
مايد : الله يرحمه ويغمد روحه الجنه
حميد يطالعه : آآآآآمييين
مشى مايد بيسلم على الباااقيين ويعزيهم بوفاة شخص عزيز على الغريب قبل القريب
.
.
.
شمسه لافه موزة وتصيح من الخاااطر وموزة تصيح وياهاااااا
موزة : فديتج الله يرحمه يااا رب مب زيين جذييه
شمسه تهدي عمرهاااا : الله يرحمه
موزة تيلس عدالهاااا وتحاااول تهديهااا
وساره تقرب بالمعزييين وتشووف الخدامات علشااان الفواله وتروووح اطمن على عمهاا تتحاول تتماسك بس هيه ضعيفه وهشه وايد من تستلمها الوحده في غرفتها تصيح بحرقه هزااع اخووو غالي وعزيز عليهااا
وحالتهم حاله الكل انبين عليه التعب والحزن والاسى
.
.
.
ومرت ثلاثة ايااام العزاا وحالتهم ما تغيرت وخف صياحهم وما عليهم الا الصبر والدعاء .
الريم ما رضت اتيي بيت عمها العزاا وامهااا حاتهااا عسيره صحت من غباءهاا اللي عايشتنه عقب حالة اخووها اللي ما تسر لا عدو ولا صديق وهزاااع اللي تووه داش العشرين راح عنهم بلااا احم واو دستور والموووت ما يعرف لا صغير ولا كبير وهيه الحيين حرمه كبيرة ولا سووت شي لاخرتها دومها تركض ورى الفلوس واذيت الناس
فاصرت على الريم تروح تعزي خالهاا ومرته لانها هيه الغلطااانه
والكل لاحظ تغير ام سلطااان وتغير تعاملهااا ويااا الكل وبخاصه مع ام ساره واستانس وبخاااصه عيالها سلطااان وياسر ومزنه وهيه عزرت عليه يقنع مرته يردووون يعيشوون وياها وان شاء الله ما بتكوون مشاااكل بينهم
.
.

وساره ما شااافت حميد الا يوووم ايي يسلم على ابوووه لانه هووو ما يحاول يرمسهااا وما له بارض لحد وهيه ما بادرت ترمسه ولا تعرفه هووو وووين ينااام وملتهيه ويااا عمهاا وعمتهااا اللي محتاجه لهااا بهالوقت
على الساعه اربع ونص الفير نش كعادته من اياااام رغم التعب اللي يحسه الا النوووم هوو وياه اعداء
راح يتسبح علشااان يروح المسيد تلبس وتسفر راح صووب التسريحه علشان يشل سويجه وبوكه ويلس يدورهم عقب تذكر انه حطهم تحت فراشه وسااار صووب الشبريه وشل الفراش بكبره وشاااف شي غريب لفت انتبااااه يلس يطالعهااا باستغرااااب ومسكه بايده كتاااااااااااب
حميد يلس بقووو على الشبريه : استغفر الله استغفر الله ليش الريم كل هذااا سويتي وانتي مومنه ومتعلمه تسوووين جذيييه .هز راسه على الايااام اللي مرت وهوو يفكر بهالمخلووووقه
بس رده للواقع صووت الاذاان وهو يتخلل من الدريشه المفتوووحه شل بوووكه وسووويجه وهو يتنهد
وطلع من غرفته ساير صووب المسيد
.

مرن ايااام والحزن مغيم عليهم مب قادرين يرسموون بسمه خفيفه على ويهم
يالسه وياها في الصاله الساعه 12 في الليل
شمسه اطالعهااا :ساره ليش حميد يرقد في قسم الريم
ساره مووطيه راسهااا وتنهدت
شمسه : انتوااا متزاعلين ساره
ساره تنهدت ويلست تخبرهاااا السالفه امبينهم من اول ما رجعت البيت
شمسه بعصبيه : اشفيج ساره ما تشووفين حالته حميد في هالايااام والله حراام عليج انتي حرمته لازم تواسينه تخففين عنه باسلوووبج هذااا فووق حزنه على هزاااع موقفج انتي
ساره موطيه راسهاا : والله ادري
شمسه : لازم انتي تروحيله وتراضينه وتواسينه الحين كملناااا ثمانية ايااام من وفاااة هزاااع يا الغالية حميد يحبج لا تعذبينه وتكسرين بخاااطره جااان تحبينه
ساره ترفع راسهااااااا : والله احبه
شمسه : عيييل لا تخسرينه يعني لحد متى بيصبر عليج
ساره اطالعهااااااااا : شووو تقصدين شماااااااااااس
شمسه : أي ريال ما يرتاااح عند حرمته ولا مريحتنه بيحصل اللي تريحه وبيسير عندهاا
ساره : لا شماس لا تقولييين جذييه
شمسه تبتسم : صااارت الساعه وحده بروح ارقد تصبحين على خيييير
ساره : وانتي من اهل الخير
وتفكر برمسة شمسه صح وفووق الصح وحميد حالته هالايااام تعورها قلبهااا كل ما تشوووف وهيه تحبه ليش هالتغلي كله لوو خسرته بتموووووت هذا حبهااا الوحيد هذا ريلهااااا اللي ما اثبتلها الايااام انها ما تقدر تستغنى عنه
على الساعه 2.30 دش حميد الصاله وراح علشان يبند الليتات بس يووم صد وحصل ساره راقده استغرب وراح صوووبهااا ويلس يطالعهاااا مشتااق لها ومحتاج لها وايد ليش ابتعدت عنه في الايااام الماضيه وهو في ذاك الوقت محتاج لها وايد
حست بوووجوده لانه مب راقده بس غافيه شوووي فتحت عيووونهااا وعدلت يلستهاااااا : حميد
حميد انتبه لعمره : ليش راقده هنيه
ساره اطالعه : اترياااك
حميد يطالعهاا ويلس على الارض : ليش ابتعدي يا ساره وانا كنت محتااج لج وايد تعرفين انج اقرب وحده لي حتى من نفسي
ساره تنزا وتجابله ودموعها على خدهااااااا : اسفه يا حميد اسفه
حميد مد ايده يمسح دموعهاااااا وابتسم لهاااااا : اشتقت لج واااايد
ساره اطالعه بحناااااااان وحب : حتى انا
حميد مد ايده وخذها بحضنه وتمت تصيح من الخااااطر شوووي وابتعدت عنه
ساره : انا احبك يا حميد ولا اقدر استغنى عنك كنت احاول ابين عكس جذيييه بس انته ساااكن في قلبي وروحي وانفاسي يا حميد
حميد اول مره تنرسم ابتسامه من الخاطر من وفاة هزااع: انا اموووت فيج اعشقج يا ساره
ساره ابتسمت ويلست اطالعه نشوووا ومشووا رايحين صوووب قسمهم
ويالسين يسولفوووون كل واحد شوووقه يطفح منعينه على الاخر
حميد يطالعها وهو يمشووون ويقلدهاااااا : تعرفين كنت ابى اذبحج يووم تقولين ويغايضهااا : ما احبك تفهم ما احبك
ساره : هههههه كل هذاا وانا قص على عمري
حميد يطالعهااا بحنان ويضمهااا له : الله يخليج لي يا الغاليه
ووصلوا قسمهم ودخلواااا بدوااا حياة يديدة بس هالمره غييييير لان الحب والشوووق والغرااام اللي يربط بينهم وكل واحد بيسعى لرضااا وفرحة وتحقيق السعاده لثاني والحب اللي بينهم بيكوووون كفيل بتحمل المصاعب اللي بتواجهم وان شاء الله يقدروت يتجاوزونهاااااا
.
.
.
مرن شهرين من الاحداث السابقة وبدت ااجازة الصيفية
.
.
.
واقفه عدال المكتبة واطالع البطاااقة
شمسه اطالع ساره : منووو يايب هالبطاااقة
ساره ترفع راسهااا : ها
شمسه اطالعهااا باستغراب : اقوول منووو مطرش هالبطاااقه
ساره : هذااا عرس مايد ولد خالتي ظبيه وبخيته الخميس الياي
شمسه اطالع البطاقه ويلست تقراها : فنااان شكلهااا
ساره : هيه
شمسه ترد البطاقه مكانهااااا وتروح صوووب ساره وتيلس عدالهااا : اشفيج سويرة من كم يووم مب عيبني حالج
ساره تتنهد : ما فيني شي
شمسه تحط ايدهااا على ريل ساره : انتي وحميد متازعلين
ساره اطالعهاا : لااااا حميد فديت عمره مازعلني ويدور سعادتي دومه
شمسه : عييل ليش زعلاااانه
ساره اطالعه وتجمعن في عيووونها الدموووع : انا لين الحين ما حملت
شمسه اطالعهااا : هذي مشيئة الله وبعدييين انتوااا رحتواا المستشفى وقالوووا ما فيكم شي تاخر طبيعي
ساره : شهر وبكمل سنه يا شمسه
شمسه : ناس صبروااا عشر سنين الله يهديج يا سويره وبعدين حميد يحبج وما همه العيال
ساره : محد ما يبى عيال
شمسه : حميد يحبج هوو قالج شي
ساره اطالعهااا : لااااا هو ما يبين أي شي من هالناحيه
شمسه : عيييل ما عندج سالفه خلاااص لاتكوون حساسه وتوكلي على الله
ساره ابتسمت لهاااا : على الله صح تصدقين عمي اليوووم بعد العلاج الطبيعي حرك ايده اليمين
شمسه وقفت : قوولي والله
ساره تبتسم : والله
شمسه تبى تسير تشووف ابوووهاااااااااا : تعالي هناك ريال ياي يسلم عليه
شمسه مبتسمه وترفع ايدهااا : الحمد الله الحمد الله
ساره: وعندي لج بشاره ثانية
شمسه : شووهاليووم السنع اللي كله بشارات سنعه
ساره مبتسمه : حددوااا عرسج 3/9
شمسه اطالعهااااا : لا ما ابى انا قلت السنه اليايه
ساره : هزاااع الله يرحمه وخالد اتريااا وايد وصبر وبيكووون هزاع مكمل تقريبا ست سبع شهووور
شمسه يلست على الكنفه اطالع الارض تفكر
ساره : ودري الدلع نبى نفرحبج
شمسه اطالعهاا بابتساااامة : تبين الصدق ما ابى اودرج وروح
ساره اطالعهاا بنص عين: عليناااا خالد بيسد مكانا وزود
شمسه ابتسمت بخجل
وشوووويه يوووصل مسج في تيلفووون ساره شلت التيلفوون شمسه اللي كااان عدالهاا وتمت تقرأ المسج بصووت عالي واطالعهاا مبتسمة المسج من حميد
آه ويلي كيف مغلنه
ليغلاته من غلا عيني
هالعمر والروح مهدنه
مجري حبه في شراييني
جل ربي ليمسونه
فايق بالوصف والزيني
بالحلا والطيب كاسنه
وين لي مثله يراعيني
يعل ام يابته الجنة
ما حد مثله مهنيني
ساره اطالعها مبتسمة وتهز راسهاااااا
شمسه : صبري بنطرش له مسج ويضمي الشوووق مفارجنج من ثلاث ساااعات وايد بصراحه
ويلست ادور شمسه مسج علشان اطرشه لحميد : سمعي هذي اللي بطرشهااا
الناس تقرأ بنظراتك "عناويني"
وتقرأ بعيني علومك قبل "تنطقها"
ولو توقف أمه محمد "بينكوبيني"
روحي و روحك
هوى حبنا "يعانقها"
مكانك (القلب)
لامن طحت منعيني
فاتح لك :-
"ابواب حب كنت مغلقها"
ابتسمت لهااا وطرشت المسج وعقبها يلسن يسولفن ويتسلن من زود الملل
.
.
.
يووم الخميس
ساره اطالعه وهيه مبوزه :عمتي ما بتروح ولاشمسه وانا ما ابى اروح اروحي
حميد يعدل سفرته وعقاله وبعد ما خلص سااار صوووبه وتم يطالعهااا وهو مبتسم :ااه يا قلبي شووهالجمال غييير حتى ويا التكشيرة
ويى ويلس عدالهااااا : الحييين شوالسالفه
ساره اطالع بعصبيه ووقفت وحطت ايدها على خصرها كعادتهاااا : لااااه والله عيييل انااا يالسه ارمس عمري من الصبح
حميد يبتسم ويحج راسه: هيه صح اتذكرت
اطالعته ساره وابتسمت غصبن عنهاا: هيه اشووفك ما اتيي الا بالعين الحمرااااا
حميد يوقف ويلووي ايدهاااا : شووو قلتي سحبي يلااااااا
ساره تضحك : سحبتهااا واللله سحبتهاااا
حميد يودر ايدهااا ويلفهاا عليه : لا يروحووون انا اصلااا ما ابى حد يروح
ساره مبوزة : ليش
حميد : علشااان عقب ما بنظهر من العرس ما بنرد البيت بنيلس في بوظبي لحد باجر
ساره ويها محمر ومستانسه
حميد : يلاااا تجهزي
ساره : جاهزه بروح البس عباتي
.
.
الساعه 11.30
العرس كااان ولا اروع وكاان عرس كبير والكل مستااانس خدمة فنانه وام بدر وام مايد وخالاته مب مقصرااات ويرحبوون ويستقبلووون الضيوووف والوناسه طافحه من عيونهن
يالساااات يرتبن لدخلة العروستين
نورة : ها مويز الحييين بيدشن
موزة : هيه الحييين بيدشن روحن قولولهم يبدووون الزفه
ميرة وكانت كاشخه وطالعه جنان : اوكيييه يلاااااا
راحن ميرة ونورة يقولن للفرقه وبدت الزفه في البداية دخلت وضحه وعرضت وكانت واثقه من عمرهاااا رغم خووفهااا الا انه مشيتهااا متزنه وعقب ما يلست بدت الزفه الثانية ودشت بخيته وكانت بعد فنانه وعرضت بشكل حلوووو .كل وحده منهن لها استايلها واسلوبها في العرض وكانن جنااان
وبدن البناات الرقص والربشه والتصفيق
والعرس بدااا يحلاااا اكثر
مرت تقريبا نص ساعه ودخلواااا المعاريس مايد وعبدالله وابومايد وابوعبدالله دخلواا وياهم ويلسوااا يصورون وطلعوااا
وبدت الربشه مره ثانية والبنات الصغار يرقصن
على الساعه وحده بدوااا الزفه وظهروا المعاريس وراحوااا يصورون كل واحد في الجناح اللي حاجزلهم اياه بدر في الفندق
وبالباجر مايد وضحه بيسافرون ماليزيا يقضووون شهر العسل وعبدالله ما خبرهم يبى يسويه لحرمته مفاجأة
ردت ويااهم لانه قووم ام عمر ما بيردون اليوووم بيباااتووون في بوظبي وهيه فضلت ترد ويا بنتها ساره وريلهااا وحميد معصب وينااافخ ليش ما قالت لامها انه مب رادين العين
وهيه اطالعه وشووويه بتفطس من الضحك وهو طووول درب يتهدد لهاااا
بتشوووفين يا ساره والله تندمين على هالحركه لوو يلست وباجر بنمر عليهاااا
وصلوااا العين الساعه ثلاث الا ربع ونزلواا ام ساره في بيتهااااااا
وبعد ما نزلت صدت ساره على حميد
ساره مبتسمة : والله
حميد يطالعهاا ويحرك سيارته : ولا كلمة جب مب مشكله الحين بنرد ابوظبي
ساره تعبانه : لااا لاااا حميد مب اليوووم انزيين باجر
حميد يطالعها بعصبية : انا قلت الليله بنبات في ابوظبي يعني انباات في بوظبي
ساره استسلمت للامر الواقع حميد عنيد ومالها بارض لوو صرخت ما بيعطيهااويه



النهاية
.

((ما بعد النهاية ))


مرت اربع سنوااات من الاحداث السابقه

فرحته اليوووم ما تنووصف واطالع ولدهااا امبين ايديهاااااا

ام ساره مستانسه وتسلم ام حميد : مبروكين مبروكين

ام حميد : الله يبارك فيج .وتمت تصيح من الونااااسه

دخل عليهااا وفرحته تتطاير من عيووونه وتجرب منهاا وهو ابتسامته بتشق الحلج يى وحبهااا على الرأس : الحمد الله على سلامتج الغالية

ساره تبتسم بتعب : الله يسلمك وترفع ايدهاااا : سمى

حميد يشل ولده بحرص وحنان كبير ويبوووسه

ام حميد اطالعه : ها حميد شووو بتسمااااه

حميد يطالع ساره يترياااهااا تقووول ساره اطالعه : هزااااع هزاع اسمه

ام حميد تبتسم بحزن : الله يخلي لكم ان شاء الله ويتربى في عز ابووه

.

.

.

يالس يطالعهاااا وهو يضحك

ميرة : اشفيك تضحك

عمر : فديت هل البحرين ويغايضهاا في الرمسة : على بالج ما ادري

ميرة : شوو نسوووي ترانا عشنا وياااهم وكملنا اربع شهور

عمر : عييل ليش ريلج ما يى

ميرة :بيي ورى باجر عنده شغل

عمر يبتسم لهاا : على فكره هههههههه دبيتي وايد اشياج انتفختي

ميرة اطالع عمرهااا : حرااام حتى ناصر مآذني اني دبيت بس لاشغله ولا مشغله الخدم ما يقصرون شوو تباني اسوووي .الحين من وصلت من ساعتين ولاشفت حموود وينه

عمر : يهاوم في الحاره رايح يلعب كره

ميرة : بروح ادق لساره اشتقت لهاااا حييييييييييل

عمر يبتسم : صح ساره يابت ولد اليوووم الصبح

ميرة : والله عييييييييييييييل امايه ما خبرتني حليلهاا صبرت وايد بروح ازورهاااا صدق بتتفاجأ يووم بتشوفني

.

.

.

اطالع بنتهااا بحزن : يا امايه اول نقوول علشااان الدراسه برايهاا .

الحيين شوو اللي يمنعج

مها تصد عنهاا ودمعتهاا على خدهاااا : امايه انا ما اريد اعرس

ام مها معصبه : انتي ابووج مدلعنج والا اللي كبرج عرسن ويابن عيال

مها تصيح : امايه الزواج مب غصب ما اريد يعني ما اريد ما تفهمووون

ام مها توقف معصبه : انا مالي رمسه وياااج برمس وياا ابوووج يشوووف حل لج وهذاا ولد عمج ما ادري شوو عيبه عطيني عيب واحد شوووفي العنود الحين عندها ولدين وهيه كبرج

وطلعت عنهااا .وهيه طاحت على الشبريه تصيح راح اللي تباااه وما تبى غيييره هزااع هو الوحيييد اللي متلك قلبهاااا الله يرحمك يا هزاااع

.

.

.

.

مايد يعلي صووته : يلاااا وضيح اتاخرتي عنبووو من ساعه تتلبسين

وضحه اتي صوووبه تركض : سوري حبيبي لا تعصب

مايد يبتسم : المشكله يوووم اشووفج ما ادري شووو تسويبي تمتصين غضبي

وضحه تبتسم وتمسكه من ايده : وووين بنروح

مايد يمشي : لاااه هذي مفاجأة عمور وميرة راقدين

وضحه : هيه وامايه عندهم يلااا يا ميرووه من الصبح تصارخ وبزور حييله رقدت

مايد يبتسم : فديت خشمهااا الشيخه عااادي على راحتهااا خلها تلعوزج

وضحه مبوزه : ما ادري ليش امبزنهاا زود وحليله عمور

مايد يركب السياره : كلهم نور عيني

.

.

.

فج الباب بقووووو واطالعها بعصبية ورفع السبابه يهددهااااا : ريموووه لو ما عدلتي معاملتج ويا امايه يتروحين بيت اهلج

الريم واقفه بعصبية : هيه اكيييد تمت تتشكى لك وانته صدقتهااا

سالم : ريمووه حسني رمستج واعتدلي ياي من الدواام ومالي بارض لصدعه روحي حطي الغداااا

الريم : مليت بصراحه من هالعيشه طبااخ تنظيف غسل كله على راسي والسينورة اختك يالسه ولا تصك شي

سالم : اختي صغيرة 12 سنه شدراها بشغل البيت وامايه حليلهااا عيوز ما تقدر على شغل البيت

الريم : انزيين يب خدامه

سالم : الحين صااار لنا سنه متزوجين وانتي بعدج ما تعرفين الحال

الريم تطلع من الغرفه وهيه تتحرطم كعادتهاا من شغل البيت

.

.

.

.

ياسر يطالعهاااا : يلااا امااايه عااده والله اني مليت

ام سلطاااان : افففف من حشرتك يا عنبووو كل الناس خطبووو مب الا انته

ميثه : هههههههههه حليله مستانس خليه عموووه

ياسر : اه يا مرتي اخووي انتي الوحيدة اللي فاهمتني

ميثه : ههههههه الحين بتضويهاااا اللي بتفهمك

ياسر : انزيين يلاااااوالله اتاخرناااااا

مزنه : ههههههههههه كل هذاا علشان ايمان

ياسر يطالعهاااااا : انطمي انتي يلاااااااا امايه الله يهديج

ام سلطان توقف : يلاااا يا ابوويه كلتني

وراحن ام سلطان وميثه علشااان يخطبوون ايمااان لياسر من عقب ما رمسوووهم في التيلفوون وقربوبهم






انتهت قصة متى ستعرف كم أهواك فحبيت اوصل لكم انه لووو بدأنا طريقنا نحووو الخيرتكوون نهايتنا سعيدة والعكس بالنسبة لطريق الشر وانه حب المراهقه حب قدلا يدوووم وانه الحب الحقيقي هو حب ما بعد الزواااج .(علاقة حميد بسارة )

الجشع والطمع في الحياة وحبهااا اكثر من الاخره نهايته تكوون مأساويه (نفس حال ابوحميد )

وليس كل ما يتمناااه المرء يدركه ( حب مايد لميرة )

(حب مهاا لهزاع )وأشياء كثيرة هذي اللي اذكر منها اتمنى انهاا تكوون وصلتكم


تحياتي

أختكم في الله

bintaboha

مشكوووووور والله يعطيك الف عافيه

تسلم ايدك ع الموضوع

يعطيك الصحه والعافيه