الموضوع: رواية متى ستعرف كم أهواك

الساعه ثلاث ونص الظهر طالعه من غرفتهااا متكشخه اخر كشخه بتروح هيه وحميد بيت اهلهاااااا ولول ماوصلت الدري تنزل شافتهااااا
الريم : ااااااففففففففففف
ساره اطالعهااا بتمبر :مالها بارض لهااااا
الريم تمسكها من جتفهااا : لا اطالعين جذيني ان شاء الله جريب حميد يطلقج وبفتك منج
ساره :ثمني رمستج يا الريم وبعدين هذاااا حميد اشبعيبه اوكييييييييييييه فكيني من حشرتج الحيييييين
الريم تنزل وهيه صاده صوووب ساره : الله ياخذج وايي اليوووم اللي .
وشووويه تخرطفت بعد ما وطت عباااااتها بجوتيهااااااااا وادربحتلين ما وصلت تحت وهيه تصااااااااااااارخ
ساره حاطه ايدها على ثمهاا عقب انتبهت ونزلت بسرعه وراهاااا بس اللي كااان واقف في الصاله اسرع منهاااااااا
حميد يلس عدال الريم : الريم تعورتي
الريم :ااااااااااااااي بطني حميد بطني
حميد يطالعه بخووووف : الريم قووومي بنسير الدختر قووومي
الريم : ما اقدر انش يا حميد ما اقدر اااااااااااااااي اهئئئئئئ
حميد يساعدهااااا تقوووم وتيي ساره تساااعدها وتمسكها من ايدها الثانية بس ما واحت لانه الريم بعدتهاااا عنها : خوزي عني اللي ياني بسبتج خوزي اايييييييييييييي يا حميد بطني
حميد عاقد حياته مب فاهم بس يبى يعرف كيف بسبت ساره : بسبتهاااااااااا
الريم : اهئئئئئئئئئ ايييييييي هيه اااااااااااي بسبتها هيه اللي دزتني تبى تطرح ولدك ياااااااا حميد
سارهحطت ايدهاااا على ثمهااا وتهز راسهااا بانه لالالالا هيه ما سوووت شي بعد مااااشافت نظرة الغضب والاحتقااا من حميد
ساره بدن الدموووع يتجمعن في عيوونهاااااااا : لا لاتقولين جذيه لا تجذبين الحين انا دزيتج
بس حميد ما يلس يسمع رمستها شل الريم لحد السيااااره ورد مره ثااانيه عسب يوووعي امه علشااان تروح ويااااه خمس دقايق ونزل حميد وامه من فووووق بسرعه
ساره دموعها على خدهااااااا مسكته من ايده: حميد لا تصدقها معقوووووله انا اسووووي جذيه
دزها حميد بعيد عنه ومسك امه من ايدها ومشى بسرعه
طاحت على الارض مب مصدقه اللي يستوووي لهااا اناا طرحتهااا اناا حراااااااااااام عليج يا الريم واللهحرااام حميد صدقهاااا اه يا اماااايه وينج عني احس عمري بموووت انا اليووووم من الصبح قلبي يعورني حاسه انه شي بيستوووووووي لي لا يا حميد لاااااااااا حرااااااام عليك تصدقهااااااااا.

الجزء الثاني والعشرين

يالس في مكتبه يطلع على الاوراق يقرأ الاوراق لاخر صفقه حط فيهااا كل فلوووسه ولازم يكسبهااااا والا بيخسر كل اللي حصل عليه بس هووو دارس كل شي بتركيز وان شاء الله تم على خير
ابوعلي: ها يا بوحميد الاجتماع بعد خمس دقايق
بطي يرفع راسه : اعرف شووو وصلوااا
ابوعلي : يتريونك في غرفة الاجتماع
بطي يلملم الاوراق من على الطاولة ويوقف : يلا نسير ومشى عنه ويوووم وصل عند الباب لف عليه : بوسلطان في غرفة الاجتماع
ابوعلي : لا بوسلطان بعده ما وصل
ابوحميد : شووو ووين رااح الحيين الساعه عشر ونص ومب متعود يتاخر
ابو علي : بروح اتصلبه الحييييين
ابوحميد : بسرعه يا بوعلي تاخرنااا علىالجماعه
ابوعلي : ان شاء الله وبعد ما رمس ابو سلطان يرمس ابوحميد : الحييين هووو عند باب الشركه واصل

مرت ساعه خلصواا توقيع الااوراق مع الشركه اليديده اللي بيشترون منها اجهزة الكترونية
ابوسلطان : مبروك يا بوحميد عساها تكووون صفقة خيييير
ابوحميد يلس على كرسيه : ما ابى اسمع مبروك الا يوووم توصل الاجهزة ويرد اللي خسرته عليهااا وزود
ابو سلطان يبتسم : ان شاء الله تكوون صفقة خير وبركه وانته دارس الموووضوع وان شاء الله تعبك ما يروح سدى
ابوحميد : ها ياسر شووو مسوووي في الشغل
ابوسلطان ك الحين من داوم ثلاث اياااام ومتلهف يشتغل وايد اونه يبى يفهم بسرعه في الشغل وانا بصراحه يووم وافقته يشتغل اعرفه انه ما ينفع في دراسته وهو اختار يشتغل
ابوحميد : ابركلها مادامه ما يباها الدراسه حميد قلتله يشتغل في الشركه ما رضى اونه ما يبى يشتغل هذي شركة ساره صدق انه ما عنده سالفه
ابوسلطان يطالعه : يقولووون حرمة المرحووم خليفه مب عايبنهااا اونه ما تعرف الحين عن الحلال شي وتقووول اممممره ما تيى صوووبها تخبرهاااا عن الشركه والحلال
ابوحميد : هيه لوووهو حلالها عاااااااد الشركه صارت باسمي الحييين
ابوسلطان : من التوكييل اللي عندك
ابوحميد يشل سماعة التيلفووون : انا ما ابى الا حلالي وحلالي هو الشركه ما اريد شي غييييرها والفلل والعمارات والشركات البقيه امممره ما اباهن لهن مادام الشركه الكبيرة باسمي خلاص
الووووو منير ييب اثنينه قهوووه بسرعه
ويلسوااا يسولفووون عن الشركه وعن الصفقه اليديده اللي عقدوها ومردودها جم بيكووون وكيف الخير بيعم عليهم لو كسبوها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
يالس في الدوااام وخاطره مشغووول في هالحياه اللي عايشنهاااا كان بيخسر شي غالي بسبت انسانه غاليه عليه تربعت في قلبه بس الله ستر ليش سووويتي جذيه يا ساره كانت الريم بتخسر ولدها وولدي معقوووله الغيره دفعتج تسوووين جذيه يااا ربي أي غيره وهيه اصلااااا ما تكن لي أي شعور هيه سووويت جذيه لانها تكرهني صح اللي سويت مب هيين بس عاااد تبى تجتل ولدي لا يا ساره ما هقيتها منج ابدا بس خلااااص من راحت من بيت من ثلاث اياااام وما اعرف عنها شي ولا ابى اعرف برايهااا هيه اللي اختارت هالدرب هيه اللي اجبرتني اقولهااا واسويبهاجذيه وضغوطات الريم تذبحني صدقها موقفي سلبي جدااا كانت بتذبح ولدي وتباني اطلقهااااا صدقها ساره غلطه في حيااتي
ومسح ويها بايده عسب ينبه عمره انها امتلكت قلبه وكلمة طلاااق اكثر من الصعوووبه عليه ما يقدر يقووولها ومن لساره اللي شاغله باله وتفكيره
وشووي يرن تيلفوونه ويشووف على الشاشه اسم ((حبيبة قلبي)) وتم يتأمل الاسم والتيلفووون يرن وهو حط لها هالاسم من قبل ما يتزوجها وما غيره ويقووول في خاااطره شووو اللي ضعف حبي وعلاقتي بالريم وتبدلت العواطف اللي اكنها لها لسااااااره ليش الريم حب الطفووولة
انتبه لعمره ورد على التيلفوووون
حميد : هلااا
الريم : هلااا حبيبي شووو بعدك في الدوام
حميد يطالع ساعته : هيه خمس دقايق ويخلص الدوام
الريم : يعني يبالك وقت لحد ما تووصل اوكيييه حبيبي انا بتغدا في بيت اهلي
حميد : انتي في بيت اهلج ليش ما قلتي انج بتروحين
الريم : شوووو اشفيك حميد بتمنعني من بيت اهلي
حميد عاقد حياته : اكييييد لا بس لازم تخبريني من قبل انج بتروحين ساره ما تطلع من البيت مب قايله لي
الريم معصبه : اففففف الظاهر يا حميد ما بنخلص من ساره هذي والله انها مخربه حياتناااا ولا تقارني فيهاااا تفهم ولازم تطلقها يا حميد علشان تستمر حياتنا
حميد تنهد الا شوووي ويسمع التيلفووون بند
الحيييين عرف الفرق بين الريم وساره عمرهاااا ما اذته بكلمه لو سوتهاا تعتذر عمرها ما طلعت وهو ما راضي عنها عمرهاا ما رفضتله أي طلب لووو هي رافضتنه عمرها وعمرهااااااااا اشياء وايد حببتني فيهاا خلتني اعشقهاااااا بس يا ترى اللي سووته كيف بغفرلها اياه كانت مب بس بتاذي الريم وبتاذيني انااا
بعد ما طلع من الدوام مر على فلة عمه ويلس في سيارته من بعيد يطالعهااااا اشتاااق لساره حيييييل بس مب قادر انسى اللي سووته حرك سيااارته وسار صوووب بيتهم
حصل امه وشمسه يالسين في الصاله ووياهم اخوووه هزاع
حميد : السلام عليكم
الكل : وعليكم السلام والرحمة
ام حميد : هلااا ابوووي عيييل بقووم اقولهم يحطووون لنا الغدا
حميد : انا امايه ما ابى غدا بسير ارقد وعوني لصلاة العصر
ام حميد : ليش الغالي ما تبى انا مسوتنه الغدا اليوووم
حميد يمشي : فديت خشمج الغاليه مب مشتهي الله يطولنا بعمرج
ام حميد : على هواك ابوووي
مشى حميد وسار فووووق صووب قسم الريم عسب يتسبح ويرقد شوووي
شمسه : يا حليله حميد اسميه ما ترقع في الزواجين
ام حميد : اشفيج تدعين على اخووج
شمسه : انا ما ادعي عليه الاولى بيت اهلهااا تبى الطلااااق والريم عوووفه والدلع متشمخ ما ادري جيه مستحملنها
هزاع يصد عليهم : ساره تبى الطلاق
شمسه : هيه هي قالت لي جيه يوووم رمستهااا
ام حميد : الله يهديها يا ربي شووو طلاقه بعد والله انها ساره زينة البيت فديتهاااا والله انها ما مقصره على ريلهااا ولا عليه
هزاع: حليلها تبهدلت هالبنت من خذها حميد امبووونها معززة مكرمة بيت اهلها الحين حميد ملعوزنها وماخذ عليها الريم عيييييييل تبوووني اصدق انه ساره هيه اللي طرحت الريم ابداا وهالشي مستحيل انا اعرف ساره
شمسه : والله حتىانا بس الغيره تسوووي
هزاع : مستحيل يا شمسه مستحيييل
ام حميد تبى تنش بس شمسه مسكتهاا : انا بروح اقووولهم يحطوون الغدا ارتاحي امايه
هزاع: وابووويه بعده ما رد
ام حميد تتنهد : ابووك من داوم هالشركه ما ايي اللي مقارب المغرب الله يعينه
هزاع : و الله يا ابووي انه ناوي على شي والا شله بحلال ساره وامها
ام حميد اطالع هزاع بعصبية : حد يقووول جيه عن ابوووه ثمنه يا هزاعوووه الرمسه قبل ما تعقهااااا
هزاع يهز راسه : السمووحه امايه
ام حميد طنشته وشوووي راحوااا يتغدوووون عقب كل واحد راح يقضي شغله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
يوووم الثلاثاء الساعه عشر ونص الصبح منسدحه على الشبرية وعينهاا ما جفت من بعد ما استوالها في بيت عمهاااا ما همها ولا واحد عااادي ما يصدقووون بس حميد معقووله يصدقها وهو يعرفني اني استحاله اسوووي جيه هذا ولده حتى لو مب ولدي ولد انسااان غالي عليه الله يسامحك يا حميد بس برايه هو اللي اختار واستحاله ارد مره ثانية انا ذليت عمري وايد اول شي معاملته وثاني شي زواجه من الريم وكل شي في بيت عمي الا عمووه فديتها وشماس وهزاع عمي ما حصلته ابوووه في الشدايد طلعت من البيت وهوو موجود ومن طلعت محد سأل الا شمسه مسحت دمعتها واعتدلت في يلستهاااا ومدت ايدهااا للمكان المخصص لدفترهاااا الخاص لبير اسرارهاااا وفجته ويلست تقرأ اخر خاطره كتبتهاااا
سراب الكلمات
حينما يأتي المساء راخيا
سدوله على شاطئ مدينتنا
كعذراء تنساب غدائرها على وجه القمر
يجمعنا ذاك الليل
وعلى شط الموج
يتسلل ضوء خافت
يأكل كل الآلام
يعبث في النفس
بأنامل فنان
وتطوق ذراعيك
عنقي
أبحث عن ذاكرتي
عن كل الكلمات
لأعبر عن شوق يجرفني
عن حب عاصف
يأخذني لحدود الموج
ويمضي الليل سريعا
ويعود القلب صريعاً
يبحث في ذاكرته
عن تلك النغمات
ولا يجد القلب لحظتها
إلا سراب الكلمات

نزلن دموعهااا ساره حساسه وايد وحميد جرح فيهاااا وايد في خاطرها تشطب البيتين اللي حطتهم في الصفحه الاخيرة لنزار القباااني
((متى ستعرف كم اهواك
يا أملا ابيع من أجله الدنيا وما فيها
لو تطلب البحر في عينيك اسكبه
أو تطلب الشمس في كفيك ارميه ))
الحين ما تبى جوابه على سؤالهااااا تبى تطلق منه وزاد صياحهاااا شوووي وتسمع دق على البااااب
وتنش تفتحه بعد ما مشت دموعها
ساره تحب امها على راسها : هلااا امايه شصبحتي
ام ساره اطالع بنتهاا كاسره خاطره حيييل : بخير فديتج شوو كنتي راقده
ساره تبتسم : هيه توني ناشه
ام ساره : امايه هزاع يباج في الصاله تحت وجان ياي يقنعج تردين اممممره ما بتردين يكفي اللي سووووه جان انا طعتج في المره الاولى يووم خذ حميد الريم انج اتمين هالمره لاااااااا
تفهمين
ساره منزله راسهااا : انا ما ابى ارد يا امايه انا خلاص عفت حميد
ام ساره : انزين امايه نزلي شووفي هزاع تحت بطينا عليه فضيحه
ساره : ان شاء الله ابدل وايي
راحت ساره تبدل ثيابها عقب نزلت لهزا اول ماشافها ابتسم
ساره : السلام عليكم
هزاع وقف: وعليج السلام لحد ما تنزل الملكه اليزابيث يبالهاا سنه
ساره : اسمحلي هزاع سوووري تاخرت عليك
تفضل اقعد
هزاع : لالا الحين نص ساعه وبتبدى محاضرتي الثانية يت اسلم عليج وعلى خالوووه والحمد الله اطمنت عليكم
ساره تبتسم : مشكور هزاع ما تقصر
هزاع يبتسم لهاااا
ساره : سلم على عمووه وشمسه وايد
هزاع : السلام يووصل
ومشى عنهااااااا
ساره تبتسم له : هزاع
هزاع صد صوبهااااا
ساره : ان شاء الله بشوووف شوو رد ميرة اليوووم وسوري على التاخير ما واحيت اسالها
هزاع : اعرف انه مب وقته وانتي اروحج الله يعينج باللي استوالج واتاكدي اني ابداا ما اصدق انج انتي تسوووين جذيه يلااااا مع السلامه
ساره اطالعه وهو يمشي : في حفظ الرحمن
رد تيلس على الكرسي يا ليت حميد نفس هزااااع اونه امايه جان يبوونج تردين اصلاااا منوووو مفتكر هذا انا كنت واثقه انه ما بيقولي ردي لانه هو الوحييد اللي يحس بي والااااا حميد وهو اصلاااااا ما صدق اني ابتعد عنه بس برايه بزواله انا ما اريد ولا احبه دموعها خاننهاااا وعرفت كيف صعبه الكلمه الاخيره لانها جذب هيه تحبه مو بس تحبه الا تموووت على التراب اللي يمشي عليهااا بس لازم تنسااااه علشاان تعيش حياتها بسلااام بعيد عن الهم والغم القهر اللي عايشتنه الحيييييييييييين

واقف بعيد في سيارته عن مدرستهااا وده يشوووفهاااا بس من بعد اخر مره هزاته فيهااااا ما يى صوووب المدرسة وخاااصه بعد الله ما هداه قال انه بيودرهااااا بس اليووم دقت في خاااطره سبحان الله يمكن يشووووفها
بدن البنااااات يظهرن من المدرسة وهو فاااج عيوونه على الباااااب يقدر يميزه حافظ طولها واكيييييد شكلهااا وبعدين هيه ما تتغشى بس اترياا وايد وبدا المكان يفضى من السياير والباصااات حرك سيارته باحباااط يا ترى طلعت وما شفتهااا او سارت بااااص والا ما ما داومت اليوووووم يمكن مريضه هيه والله يمكن الله يعينهااااا
هووو تعبااان من الخاااطر بس بدااا بسرعه يتعلم الشغل وينسى عمره فيه والله الشغل ابرك من الرقاد والهياااته في الشوارع قطع ربعه اللي يعرفهم والحيييين ما عنده ربيع يماشيه نفس سيف اول الله يهديك يا سيف
بس قرر انه يروح بيت اخووه سلطاااان ما بيسير بيتهم وبيتغدااا عندهم شل تيلفووونه ودق على سلطااان بس صاح ومحد رد عليه عقب دق علىالبيت وشلته شيخه
شيخه: اووو
ياسر يبتسم : الوو منو الحلوووه شووواخ
شيخه : اوه انا اوه
وشوووي يسمع صريخ شووويخ جان حد شل السماعه عنهاااا
ميثه : الووو
ياسر : الوو السلام عليكم
ميثه : وعليكم السلام هلا ياسر اشحالك
ياسر : يسرج الحال اشحالكم انتوااا
ميثه : بخير الحمد الله
ياسر : سويت لسلطان تيلفووون ولا رد عليه هووو موجود في البيت
ميثه : هيه يتسبح
ياسر : اهااا عيل انا الحيييين بيي زهبولي الغدا انا يوعااان حدي
ميثه تبتسم : ما طلبت الشيخ نتريااك زين جان بتتغدا عندنا هذي الساعه المباركه
ياسر ابتسم : اوكيه عيل ربع ساعه وبووصل مع السلامه
ميثه : في حفظ الرحمن .وبندت عنه
يالس يفكر انه البيت خلى من بعد ما طلعواا سلطان وعياله كانوااا مسوووين حس في البيت وميثه طيبة بس امايه الله يهديها يا رب
وصل بيت سلطااااااااااان تغدوا ويلسوااا يسولفووون وسلطان مبتسم من الخاطر فرحاااانه بحال اخوووه ياسر تغير 180 درجه ونفس الشي ياسر ما صار يخااف من سلطان لانه ما يسوووي شي غلط
ولانه يحس انه كبر وعقل وايييييد
وعلى الساعه اربع طلعوااا باثنينتهم صوووب المسيد عقب ساااار ياسر صوووب بيتهم ورد سلطاااان بيته
ــــــــــــــــــــــــــــــــــــــــــــــــــ ــــــــــــــــــــــــ
الساعه تسعه في الليل في بيت المرحووم خليفة يالسات في الصاله يسولفن
ساره : ميرة انتي شووو تقولين هزاع غير عن حميد ليش تربطين المواضيع
ميرة منزله راسهاااا : ساره هزاااع اخووو حميد
ساره اطالعها : اشفيج ميره الاصابه تتساوى يووم تقولين هالرمسة
ميرة : هزاع طيب وما ينعاااب بس ما اقدر يا ساره ما اقدر اللي سوووه فيج مب هيييييييين
ساره تقووم وتتقرب صووبها : ليش ادخليني انا وحميد في السالفه ليش
ميرة : حتى لو انا وافقت اصلااا ابوويه وامايه ما بيوافقوووون
ساره اطالعه : ليييش هزاع ريال والكل يشهد بهالشي
ميرة : ابوووو ي وامايه ما بيوافقوون ولا بينسووون جيه عامل عمج ابوووي وجيه خلاه تنازل عن ادارة الشركه ولا اناااااا اقدر انسى هالشي
ساره اطالع ميرة مستغربه اللي تسمعه : عمي اجبر عمي احمد يتنازل عن الاداره ميره انتي شووو تقولين فهميني
ميره تتنهد من زلة السانها : اففففف ما ادري ما ادري المهم انا مب موافقه
ساره معصبه : شووو ما تدرين خبريني شو السالفه معقوولة يا ميرة تخبين عني
ميرة منزله راسهااااا ساره رفعت راس ميرة : دخيلج يا ميرة غلات كل عزيز عندج تقووولين
ميرة يلست تقولهاااااا شوو قال بوحميد لابوهااااا
وبعد ما خلصت
ساره ماسكه راسها: شوووووووووووو ليش ليش ما قلتولي ليش عمي يسووي جذيه ليش
حرااااااااااااااااااااام والله حرااااااااااام عليه
وبدن دموعهاااا ينزلن : وانتوااا سكتوااا ما قلتولي ليش يا ميرة تعرفين انه عمي احمد شرات ابووووي اللي يهينه يهيني ليش ما قلتيلي ليش عمي احمد سكت ليش يى هو يقنعني انه ما يبى يدير الشركه ووكلت عمي بطي ليش كل هالشي يستوووووووووي
ميرة تحاول تهدي ساره هيه ما قصدت تقولهااا بس ميرة فكرت وايد صدق انها تميل لهزاع بس ما تقدر شوو سوى ابوه لابوهاا واخووه لساره معقوووله هو غير حتى لو غير ما ابى اعرضه لاحراج وانا عارفه موقف ابوووي وامااايه حتى لوو انهم متفاهمين الا انهم بيرفضوون وانا اكييييييد ما بقدر اوافق عليه فاجنبه واجنب نفسي من الاحراج والتجريح

أما ساره فبدت تستغرب باللي يستويلهاااا من عمها وولده مع انهم اقرب الناس لهم من بعد المرحووم ابوها
ــــــــــــــــــــــــــــــــــــــــــــــــــ ـ

الساعه خمس ونص العصر يالسات في الصاله يترينه ينزل لازم يرمسنه في الموضوووع
وشوووي وتدخل عليهن نورة وفي ايدهااا صينية فيهاا فطاير وبسكويت والخدامة شاله دلة الجاهي والكوباااات
نورة : ها شووو ميوود بعده ما نزل
ام مايد : لا بعده ما نزل فديتج يا نويرة شوو مسويه لنا
نورة مبتسمة : فطاير وبسكويت
ام مايد تصد على بخيته : حووو انتي قريب بتعرسين واختج تعرف في الطبخ وانتي امممره ما ادشينه
بخيته مبوزه : انا بعدني ما واقفت وبعدين ليش مب نويرة انا هم ما حددوا
نورة : لا فديتج الغالية انتي اكبر عني بساعتين عرسي قبل عقب دوري
ام مايد: صدقها انتي اكبر وشوو بعدني ما وافقت لا الغلااا عبدالله ما ينرد وما فيه شي ينعااااب
و مويز تمدح في عمتها وما مقصرين وياها ومستانسه وايد وعاد ام بدر تبى وحده منكن لعبدالله وان شاء الله بتكووون وضحه حق اخوووج مايد
بخيته : ما شاء الله يا التبادل عندكم خذ واعطي
ام مايد عاقده حياتها : انطمي وياهالرمسه شووو بعد انتي ما بتحصلين احسن من عبدالله ووضحه شفتنها في عرس موزة ما شاء الله عليها حلوة وطول وشعر وسنع ورزين
بخيته : جنج امايه مب مسووويه لي سالفه مب جنه موضوع العرس يخصني
ام مايد : وانتي من متى تشاورين عمرج الحين فوق 5 ايام
نورة تبتسم : تبى تتغلااااا .وتقرب من اذن اختها وتبتسم بخبث :مب صح مب هذا اللي شفتيه في عرس مويز والله شكله حلوووو شخصيه شوفي نوير رزفه يوووم دخل اخر شي وتم يرزف شوو نسينا
بخيته تصد على اختهاااااااا وتضربهااااا : جب
ام مايد تصد عليهن : شو فيكن
بخيته اطالع اختها اللي تضحك : ما شي امايه بس نوير تسيخف اشوووي
مايد : السلام عليكم
الكل : وعليكم السلام والرحمة
مايد يصد على خواته : اهلين الامورات كيفكم
نورة : مناااااح كيفك انته
مايد : بمب
بخيته : امايه رمسي في الموضوع ما دامه بمب
مايد عاقد حياته : أي موضوووع
ام مايد : ايلس يا وليدي
مايد يلس عدال امه : وهذي يلسه خير يا الغالية
ام مايد : اسمعني لين الاخر ولا تقاطعني
مايد : كلي اذان صاغية
ام مايد : انا محصله لك عروس ما شاء الله عليها دين واخلاق وجمال وميرة بنت خالتك لازم تنساها وتغسل ايدك منها وانته تقدمت لها ورفضت وبيها يوووم وبتعرس وانته لازم تعرس يا وليدي ابى اشوووف عيالك انته ولدي الوحيد قبل ما موووت
بخيته تصاصر نورة : دومهن العيايز موالهن جذيه ابى اشووف عيالك قبل ما امووت اقنااااع
مايد : بعيد الشر عنج الغالية وانا اعرف انه ميرة خلاااااص بس يا امايه
ام مايد : لا بس ولا شياته لا تعورلي قلبي يا مايد ووافق ودي افرحبك
مايد يطالع امه ويحبها على راسهاااا : اللي تشوفينه يا الغالية
بخيته : كلولووووووووولووووووووش
نورة تنط واقف وتروح تبووس اخوها على خدهااااااااا
بخيته : بالمبارك بالمبارك الغالي
مايد : هههههههه صبرواااا بيوافقووون والا لااااااا اللي بتخطبوون عندهم لهدرجه واثقين
بخيته : وهيه وضحووه بتحصل احسن منك
ام مايد : بخطب لك وضحة خت بدر ريل موزة ختك
مايد : المهم انتي اللي مختارتنها يا الغاليه الحين برايكم بظهر مواعد ربعي
ام مايد : في حفظ الرحمن يا الغالي
بخيته تقووووم
ام مايد : يلسي اعرفج بتروحين تخبرين مويز صبري قري انا بخبرهااااااا
نورة : ههههههههههههههههههه
بخيته : ضحكتي بليا ضروس يا الهرمة
قامت ام مايد ودخلت عنهم غرفتهااااا وهن تمن يسولفن انه الصيف الياي بيستوي عندهم اذا شاء الرب عرسين عرس مايد ووضحه وعرس عبدالله وبخيته
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

لبست عباتهاااا ويلست تترياه في الصاله ملانه من الخاطره وبعدين البنت عازمتنهااا ولازم تروحلها وتردلها الزيارة اللي كانت قبل اسبوووعين
خالد يعدل سفرته : قلتي حق امايه
ايمان : هيه قلتلهاااا
خالد : انزين يلاااااا وساعه ونص بس لاغيييييير تفهمين
ايمان : اوكيه ما بتاخر بس انا يوم عزمتها يت ويلست فووق الساعتين
خالد : هيه في صفج
ايمان تركب السيارة : لا اصغر عني بسنه بس ما شاء الله افكارهااا حلوووه ورزين
خالد : المهم شليتي تيلفوون امايه
ايمان : هيه
خالد : خلاااص انا بسير بيت عمي بطي يووم اطلع بدق لج اوكييييييييييه
ايمان تتنهد : اوكييييييييييييييه
خالد :اشفيج تنهدتي
ايمان : ما شاء الله عليك مستووي المحقق كونان
خالد يطالعها بطرف عينه وسكت عنهااا
وعشر دقايق وصلوااا بيت ابوسلطان عند مزنه
نزلت ايمااان واستقبلتهاااا مزنه ودخلتهااااا صالة الحريم وحطت لها الفواله ويلسن يسولفن عن ربيعاتهن والمدرسة وغيرها من سوالف البناات
وشووويه يسمعوون صووت وفج مفآجئ للباب :مزنوووووه
دخل ياسر بس تفاجا انه شافهااا ذهي ايماااااان يلس يطالعها بجرأة
نبهته مزنه : شووو هالاسلووووب يسووور
ياسر مرتبك : اسف .وطلع عنهن
بس المفاجاة الاكبر لايمان يلست اطالع الباب اللي ظهر منه ياسر عقب صدت على مزنه : منووو هذا
مزنه : سوري ايمان هذااخووي يسووور طول عمره دفش
ايمااااان: اخوووووج
مزنه اطالع ايمان : اشفيج ايماااااااان
ايمان مرتبكه : لا لا ما شي بس اتاخرت لازم ادق لخالد
ودقت ايمااان لاخوووه وساروا صووووب بيتهم بس اللي هزاته والولد اللي ضايقهااا طلع ياسر اخووه مزنه ربيعتها

الجزء الثالث والعشرين
((هلا باللي تميز بزين الاخلاق
هلا باللي لعب بقلبي وغدابه
تستاهل مني التحيات والأشواق
تامر على قلبي ولك منه الاجابه
عسى ما يجي بيني وبينك فراق
وعسى درب المحبة ما يصك بابه ))

هذي ثاني مسج توصلني من نفس الرقم ويووم ادق عليه ما يرد غريبه رقم منووو هذاااا برايه خلي يولي
ياسر يطالع ولد عمته : اشفيك هزاع الظاهر المسج عيبتك تتاملها من الصبح
هزاع يصد عليه : لا بس ما اعرف رقم منووو هذاااا وهذي ثاني مسج توووصل
ياسر : انزينه دق على الرقم
هزاع : دقيت بس محد يرد
ياسر يطالعه : هزاع ردني البيت وين رايح انته تعبان بروح ارقد من الصبح ناش
هزاع : حتى انا من الصبح ناش رايح الجامعه صح انته شوو مسوووي في الدوام
ياسر : الحمد الله زين احس اني مرتاح والدوام ابرك من الدراسة
هزاع : الحمد الله على كل حال
ياسر : بس غريبة ليش انته اليوووم ياي الشركة
هزاع : بس جذيه دقت عليه والا انته وين سيارتك
ياسر : غربلات بلسها في الكراج واليوووم مداوم ويا ابوووي وقال بيتم لحد العصر قلت برد وياك
هزاع :عقب ما تغدينا الله يسلمك.وبمزح قال : صح ترا هالمره دفعت الحساب المره الثانية عليك الحين انته ريال تشتغل وانا حليلي بعدني طالب
ياسر يبتسم : يا الشح بس فالك طيب مره ثانية
هزاع يبتسم : انزين انا الحين رايح صوووب بيت عمي
ياسر : عمك
هزاع : هيه بيت عمي المرحوووم
ياسر : عيييييل انا اول وصلني البيت عقب روح
هزاع : نحن قريبين منهم خلنا بنسلم وما بنطوووول
ياسر يصد على هزاع : انا من العزا ما دشيته استحي
هزاع : افاااا شووو تستحه منه جيه ساره بنت خالك
ياسر : جيه ساره ما فبيتكم
هزاع : لا
ياسر : ليش
هزاع : ما قالت لك ختك الريم
ياسر: عن شووووو
ويلسوااا يسولفووون لحد ما وصلوا بيت المرحوم خليفة تزلوا من السيارة ودشوااا البيت وحصلوااا ساره وامها يالساااتفي الصاله يسولفن وقربوبهم وحطوا لهم الفواله
ام ساره : اشحالك ابووي ياسر عساك بخير
ياسر مستحي : الحمد الله ام ساره يسرج الحال
ام ساره : قربواا ابوووي هبشواا ما كلتواااا شي
هزاع يبتسم : بسنا خالوووو كلنااا وايد مشكورة
ام سارة : انزين شربوا العصير
ساره : هههه شوووي شوووي عليهم امايه
ام ساره : ياسر غريب اول مره يدش بيتنا
ياسر : افاااا عليج نحن اهل
ام ساره تبتسم
عشر دقايق ترخصوااااا هزاع وياسر وساروا صووب بيت ابو سلطااان
ياسر قبل ما ينزل من السيارة : تصدق استحيت من ترحيبهم عقب كل اللي سويناه فيهم
هزاع يطالعه : شووو تقصد ياسر
ياسر يسكر الباب : يلا هزاع فمان الله
هزاع عاقد حياته : في حفظ الرحمن
ومشى ياسر صووب بيتهم وهزاع مستغرب من رمسته معقووله مب مصدق اخته ويعرفها انها تجذب واستحاله ساره تسووي جذيه الحييين ياسر حسيته كبر وتغير وايد بصراحه ما فهمت له
حرك سيارته هزاع ساير صووب بيتهم ساره ما قالت له رد ميرة وهو استحى يسالها يمكن ما سالتهاااا وهيه في ظروف الله يعينها عليها
ياسر اول ما دش الصاله حصل الريم وامه يالسات يشربن جاهي ويسولفن
ياسر : السلام عليكم
الجميع : وعليكم السلام
الريم : مرحبا ياسر اشحالك وينك الحمار عنبوووو ما تنشاف ولا تقوول عندي خت بزورها
ياسر : ملتهي في الشغل وايي تعبان وارقد وما اظهر مكااان
الريم : أي شغل
ياسر يبتسم بسخريه
ام سلطان بدت : ما دريتيبه ودر دراسته واشتغل في الشركه قتلها نصحته بس منووو يرد عليه
الريم : وابووويه ليش ا كملت دراستك انته ثانوويه عامه اشفيك تخبلت
ياسر تم يطالعهااا بعدين عطاها بولباس ومشى عنها ساير فووووق
الريم تصد على امها : عنلاته يالسه ارمسه ودبر ومشى عني الحمار اشفيه هذا شياه
ام سلطان : ما ادريبه شياه ياسر تغير مب الاولي ما ادري منووو فر مخه
في الصالة اللي فووووق
يالس يطالعها وهيه تفكر ومستغرب منها ما انتبهت له
ياسر يصرخ: مزنووووووووووووووووووووووووه
مزنه تحط ايدها على قلبهاااا : زيغتني
ياسر : هههههه وين وصلتي
مزنه : الريم بعدها تحت
ياسر حاس بوزه : هيه
مزنه صدت صووب ثااني : حراام عليهاا
ياسر سار جدامهاااا : ليش تقولين جذيه
مزنه مرتبكه : لالا ماشي
ياسر يطالعهااا : مزنه شووو صاير
مزنه : قتلك ما شي ما شي
ياسر يمسكها من ايدها بعصبية: مزنوووووووووووه رمسي
مزنه اطالعه بخوووف : ساره مب هيه اللي طرحت الريم الريم طاحت اروحهااااا
ياسر : منوووووو قالج
مزنه : سمعت الريم ترمس امي تقولهاااا جذيه والحين حميد بيطلق ساره عسب جذيه
ياسر يفج ايدهااااا : معقوله الحقد يوصل عندها لهدرجة
مزنه : تصدق انا اشووف ساره طيبه بس ما ادري ليش الكل يكرهها ويكره امهاااا
ياسر يمشي عنهااااا لان الكل هنيه حاقد ويحب الفلووووس لان الكل طمعانين في فلوسهم اللي ورثهن اياهن خالي الله يرحمه جافوهن حريملا قوة لهن والكل يبى ينهبهم وياكلهم .هز راسه كيف الحيين بس ادرك انه كل اللي يدور حوله اول غلط حياته طريقة امه. استسلام ابووه وخضوعه لاوامر امه. اخلاقه هووو اول واخلاق الريم اخته
بس مزنه وسلطان هم اللي طالعيييين غيييييرعنهم ويخافووون الله
دش غرفته وخذله شاور سريع وراح يصلي العصر عقب رد يرقد لحد صلاة المغرب
ــــــــــــــــــــــــــــــــــــــــــــــــــ ـــــــــــــــ

الساعه سبع ونص المغرب واقف اليووم بيخطي خطوة كبيرة في حياته بيروح يخطب وبتحل وحده ثانية محل اللي رسمه لميرة بس الله ما قدر
بخيته :تعال المعرس ادخنك
مايد يتقرب منهاااااويلست بخيته ادخنه
مايد يصد على امه ومتردد : امايه انتي قلتي حق خالاتي
ام مايد مشغوووله بترتيب عمرهاااااا : هيه خبرتهن
نورة تنزل من فووووق : يبتلكم دهن عووود
مايد يبتسم لخواته مرتبشاات وفرحانات عيييل شوو الحيين مويز اكيييد مرتبشه
ام مايد : يلااا يا بويه دهديه تاخرنا على العرب الحين الساعه ثمان
مايد يطالع ساعته : سبع ونص امايه
ام مايد اطالعه بنص عين : شوو فرقت نص ساعه .وتصد على نورة : شفتيه ابووج وينه
نورة : ابوووي يالس يتكشخ
ام مايد : شووو يتكشخ بعد هو المعرس والا ولده
بخيته تبتسم : انتي من ساعتين يالسه تتزهبين امايه
ام مايد تيلس على الكنفه : هيه حطوااا علي الحيييين
ابو مايد ينزل من فووووق : يلااا يا جماعه تاخرنا على العرب
ام مايد : وابووويه مب جنك انته اللي ماخرنااااااا
ابومايد يبتسم : انااااا لا انا من الصبح مخلص انتوااا اللي ماخريناا
مايد : اوكييه مب مشكله انا متاخر يلاااا تاخرنا
طلعوااااا من البيت سايرين صوووب بيت ابو بدر
وشوووية ويرن تيلفووون البيت وسارت بخيته ترد عليه
بخيته : الووو هلاااا والله مرحبتين الساع اشحالج
ميرة : هلااا والله بخووت يسرج الحال
بخيته :عاش من سمع صووتج
ميرة تبتسم : عاشت ايامج الغالية اشحالكم عساكم بخير
بخيته : الحمد الله بخير اشحال خالوووه وعمي احمد
ميرة : يسرج حالهم مبروكين سمعت مايد بيخطب
بخيته : الله يبارك فيج الغالية توهم طالعين سايرين صوووب هل العروس
ميرة : منوووو خطبتوووو
بخيته : وضحه خت بدر ريل مويز
ميرة : هيه ما شاء الله حلوووه وهاديه وطيووبة شكلها الله يتمم لهم بخير
بخيته : يااااااارب
ميرة : عنلاتج الهرمه الحماره
بخيته : افااا ليش تونا حلووويين
ميرة : جني سمعت انج انخطبتي وانا اقووول هيه بتقووولي ما برمس
بخيته محمره اونها مستحية : منووو قالج
ميرة : اونهاا مستحيه اشوووف الصووت وطى خالووو قالت لي
المهم مبروك يا حلووو
بخيته : الله يبارك في حياتج الغالية وعقبالج
وتمن البناااااات ويسولفن وياخذن علوووم بعض تقريبا ربع سااااعه عقب بندن
عقب بندت التيلفوووون يلست اطالع تيلفووونها هيه راحت تبارك لانه واجب عليها تسوي هالشي بس بصراحه عاز عليهااا وايد مايد يحبهااا كيف ينسى هالحب بهالسهولة ويخطب غيرهااا هيه متاكده من شعورهاااا انه تعتبره شرااات عمر اخوووها بس شي حلوو تحصل حد يحبك بهالطريقه وهيه كانت متاكده مليوون بالمية ان مايد مو بس يحبها الا انه يمووت فيهااا تنهدت من الخاااااطر صدق انهاا انانيه : الله يوفقه ويهنيه يا رب
نشت وطلعت من غرفتها تحس انها مخنوقه طفرانه بس مالها بارض تطلع من البيت او تروح عند حد لبست شيلتهاااا ونزلت تحت بتروح تيلس في الحوووووش شووووي اول ما وصلت باب الصاله سمعت صوووت صريخ
عمر يصرخ : حووووو الخبلة وين رايحه
ميره تصد صوووبه وتهز راسهااا : جب عمور مالي بارض لك اذلف عن ويهي
عمر : طلعي اشوووفج جان ما كرفختج يلا دشي داخل ربعي في الميلس
ميرة كان مزاجهاااا زفت بس صدق انه عمر ضحكها : شوووه
عمر يمشي وفي ايده صينية عصير والخدامه وراه بالفواله : اقولج ربعي في الميلس لا تظهرين
ميره اطالعه : لا و الله ومن ان شاء الله عندك
عمر يطالعهااا : عندي عزوز وحمود وعلي
ميرة : اهااااا اذلف لا جب الحين العصير فوووق راسك
عمر يطالع الخدامه : ايه انتي روحي ودي الميلس ويصد على ميرة وانتي براويج شغلج يوووم ايي ابوووي ما عليه .ومشى عنهاااا
ميرة اطالعه يصدعته هالمفعووص يووم صغير جذيه ماذاه عيل يوم يكبر شوو بيسوووي الله يعين الحرمه اللي بياخذهااا
وشووويه وتسمع صوووت اخوها حمد ياي صوووبهاااا
حمد : ئين امايه
ميرة : ما ادري شوو تبى .يلست ميرة في الدري وحطت اخوووها في حضنهاااا حمووود قول :1.2 يلاااا كمل
حمد يعد بايده : ون .تو .ثور.فايف ثيكس ثفين ايت .نين .تين
ميرة تضحك وتبوووسه ويلست تلاعب اخوووه وتسلي عمرهاااا
ــــــــــــــــــــــــــــــــــــــــــــــــــ ـــــــــــــــــــــــــــــــــ
وقف سيارته في الحووووش ياي هنيه ما يعرف ليش بس من اكثر من اسبوعين ما شافهاااا اشتاقلهاشووو يقولها ما يعرف بس يبى يشوووفهااااا حاول يدق لها بس يحصل تيلفونها مغلق نزل من سيارته ومشى صوووب البااااب وهوود ومحد رد عليه وطلعت له الخدامة
حميد : ليلااا روحي زقري ماماه ساره
ليلااا :ماما ساره مب موجود
حميد يطالعهااا وبدا صوووته يحد : وووين راحت
ليلاا : يروح ارس ربيئه مال هي هند
حميد يطالعهااا : عرس
ليلااا : تفزل بابا انا روه حتي فواله
حميد : لا بس يبي عصير برتقال
ليلاا : اوكيه بابا

يلس حميد على الكنفه وشغل التلفزيوووون ويلس يفرفر القنواااات يدور شي يطاله وحط قناة ابوظبي ويلس يطالع الاخبااااار وشوويه ليلااا يابت له العصير ويلس ومر الوقت وخلصت الاخباااااار ومر الوووقت وبدا دمه يثور الساعه داخله 12 وهيه حضرتها رايحه عرس لا و الله بدااا يشعر بملل فضيع وضيج كبير بس في خاطره يعطيها كف يبرد خاطره
وعلى الساعه 12ونص وصلت ساره وامهااااا
بس تفاجأت بوجوود حميد في الصاله
ساره متفاجاة وبدت ملامح في وزيها محيره ما عرف يفسرها: حمييييييد
حميد واقف ويطالعها بعصبية : هيه حميد شرفتي يا هانم
ام ساره تتقرب صوووبه : هلا حميد
حميد استحى وتقرب منهااااا وحبها على الراس : هلا عمووووه اسمحيلي عمووه بس ابى ارمس ساره
ام ساره اطالعه : يا حميد كفايه اللي ياها منكم خاف الله في هاليتيم خافواا الله
حميد يتقرب منها كلامها عور قلبه وساره غالية : دخيلج عموووه ولا تنسين انها حرمتي
ام ساره هزت راسها ومشت
ساره : امايه وقفي اصلااااا ما بيني وبينه شي علشان نرمس عنه
حميد يطالعهاااااا : ســــــــــــــــــــــاره
مشت ام ساره وسارت صوووب غرفتهاااااا
حميد يتقرب من ساره ويطالعها بعصبية : الحرمة المسنعة مب تهاوم برا البيت لحد وحده في الليل
ساره صدت عليه بعصبية واطالعه بتحدي : ثمن رمستك يا حميد وانته ماللك خص فيني ورقة طلاقي طرشهااااافي اقرب وقت
حميد زادت تعصيبته ويمسكها من ايدهاااا : مالي خص فيج جنج نسيتي انج على ذمتي يا الشيخه
ساره عورتها ايده من شدة ضغط يد حميد : ااااي عورتني ودر ايدي انته اصلاااا ليش ياي مب يكفي انه ابووك سرقنا
حميد يتقرب منها ويعطيها كف على ويهااااا : جـــــــــــــــــــــــــــــب انتي تخبلتي
ساره تبعد عنه وحاولت تسيطر على دموعها لايخوننها وينزلن وتضعف : ابعد عني حراااااااام عليكم حراااااااام كل هذا علشان حلال ابوووويه انا عرفت كل شي بس الشي الوحيييييييييد اللي ما برضاه انه حلال ابووويه يروح لكم لناس ما تستاهل وانا اعرف اتصرف وبرد كل فلس ابووك سرقه وبلغه هالشي مب ساره بنت خليفة اللي تضعف
وصدت عنه : اتريااااا ورقة طلااااااقي باسرع وووووقت
ومشت عنه وخلته مصدوووم مب فاهم اللي قالته ابوووووووووووي يسرق حلالهم شوو تقووول هذي ابوووي معقولة
مشى بخطوات ثقيلة مب قادر يستوووعب اللي يستوووووي
.
.
.
.
.
.

(شفيج حد ياه شي من اهلج )
قالتها وهي نشت على صوووت التيلفووون المزعج
مزنه بصووت واطي وبخوووف وتردد اكبر : لا
شمسه تنش تعدل يلستهاااا : اشفيج مزنه رمسي
مزنه تطالع البااااب بخوووف كبير ويدها ترتجف ومتوتره : شمسه
شمسه منتبه لها ومستغربه منها الحين الساعه ثنتين الا ربع وبدت تخاااف عليها : مزنه فديتج رمسي شوووفيج
مزنه تحاول تتمالك نفسهاااااا وغصبن عنها دموعها نزلن : شمسه بقولج شي مهم
شمسه بدا صبرها ينفذ : رمسي مزنه دخيل الله رمسي
مزنه تبلع ريجها وتهدي عمرها : شموس بقوول بس اول قولي والله انج ما تخبرين اني اانا اللي قلت
شمسه تتنهد : والله يلااا مزنه رمسي والله انه الصبر ملني يلا فديتج رمسي ولا تخافين
مزنه بدا صوت صياحها يزداد: شمسه انا سمعت الريم تقول لامايه انه مب ساره اللي طرحتها من الدري وانه حميد بيطلق ساره بسبت هالسالفه
شمسه عاقده حياتها : اهدي مزنه بلييز انتي متاكده من اللي تقولينه
مزنه تحاول تهدي عمرها : الريم اختي وما تهون عليه بس ما احب الظلم وحميد بيظلم ساره بس ما اريد الريم تتاذى دخيلج شمسه
شمسه تهديها : هدي حبيبتي مزنه وتعرفين انه حياة ساره بضيع لو حميد ما درى بالسالفه
مزنه : شمسه بسكر اخاف حد يوعى دخيلج لا تخبرين اني انا اللي قايله
شمسه : تصبحين على خير وهدي عمرج وهالشي الصح صدقين ولا بتندمين عليه
مزنه : مع السلامه وبندت عنهاااا
مشت بخطوات سريعه ترد التيلفووون الصاله وردت غرفتها تركض ويلست على شبريتهاااا تصيح بهالشي اللي سوووته يمكن بدمر فيه حياة ختهااااا بس هي متاكده ان ضميرها ارتاااح


الساعه خمس ونص الفجر يالسين يطالعووون بعض في السيارة بعد ما يوووا من المسيد
هزاع : هدي عمرك يا حميد وان شاء الله الموضوع ينحل
حميد يرفع راسه ويطالعه : هزاع انته حاس باللي انا فيه لو سمعت رمست ساره لو شفت نظراتهااا
وصد عليه : يا هزاع انا لازم اطلق ساره
هزاع يطالع اخووه : بطلقهاااا
حميد موطي راسهااااا
هزاع : حميد انته تحب ساره
حميد يمسح ويه بايده :انا في بداية زواجنا كنت ما بطايقنها رغم انه كل شي فيها حلوو ويجذب يمكن هالسبب اللي خلاني ابتعد عنها علشان لا اتعلق فيها ولاني حب الريم كان كل شي في حياتي بعدين بديت احس انه كل يوووم اتعلق فيها واشتاق لها اكثر تنهد : وتصدق يا اخوووي الحين ادور حب الريم ما احسبه ما حس بوووجوده
هزاع : ساره طيبة وما تستاهل تتوقع يا اخووي معقوووله تفكر انها تجتل ولدك بعدين هيه تحبك
حميد يبتسم بمراره ويصد عليه : هزاع ساره ما تحبني وهالشي اللي متاكد منه وبعدين ساره اكييييد بتكره الريم من تصرفاتها اعرف انه الريم ما تحب ساره وتتعمد تجرحهااااا بس الريم حبها لي وغيرتها علي هيه اللي خلاه تسووي جذيه
هزاع يطالعه : وشووو اكد لك هالشي عيل ليش تمت على ذمتك يووم خذت عليها الريم
حميد : مب علشان تحبني بس ساره يتيمة فتعلقت حمايه او شي من جيه بس مش حب
هزاع يطالعه :والحين شووو بتسوووى يا حميد
حميد يصد عليه : اول شي لازم الشركه ترد لساره وامها وعقب لازم احررها لاني ظلمتها وايد رغم اني استحاله اسامح حياتي او انساها بسهووله لان هالامر اكثر من صعب عليه
هزاع يطالعه : شووو بتقوول لابووووي
حميد يطالعه: ابوووووووووووووي الله يسامحه بس الله يسامحه و الله يا هزاع ما توقعت منه هالشي بس بنفس الطريقة اللي خذ فلوووس ساره برد لها اياهن
هزاع يطالعه : شووووووووووو بتسوووى
حميد ينزل من السيارة : الله يساعدني باللي بسوووويه
نزلوااا وساروا كل واحد صووب غرفته بس هالمره حميد ساااار صوووب قسم ساره ماله خلق للريم بتسوووي له تحقيق من طالع من المغرب ما رد وهو غالج تيلفوووونه
اول ما دش شم ريحتها ريحه حلووه يحب يشمهااااا فسخ كندورته والغتره وعلقهن ويلس على الشبريه يحس بنار تحرق يوووفه صدق انه غبي ما فرق بين الزين والشين كيف يظلم انسانه نفس ساره صدق انه كااان عمي صدق كره فيه وبشخصيته وهووو ما يلووومها ابدااااوابووووه كمل ظلمه بانه يسرق حلالهم اه يا ساره والله من اتي كلمة طلاق اموووت واحس عمري من بعدج مالي حياة يا ربي احبها والله احبهاااا بس معقووله ترضى ترد مستحيل اعرفها ساره مستحيل بس لازم يبدا في الخطووه الاولى علشااان يرد لها حلالهاااا
شل تيلفوووونه وفجه ويلس يكتب المسج عقب ما خلص يلس يطالع الساعه حصلهااا ست وراسه يعوره وتعبااان ماله خلق لشي بيرقد واليوووم ما بيداوم طرشها لها وان شاء الله ترد ولاتعناااد بس اكييييد الحين راقده بخليهااااا لحد الساعه عشر ليه ما طرشت مسج او دقت لازم ارمسها او اشوووفها لازم نتفاهم

الساعه 12.30 الظهر يالسه تسووولف ويا امهاااا
ام مايد اطالع بنتهااا : عاااد شووي شووي على عمرج الغالية ولا تعبين عمرج
موزة مستانسه : شوو اتعب عمري بدر فديته وعمتي مريحيني وما يخلوووني اشتل من الشبرية
ام مايد تبتسم : فديتهم ما مقصرين وياااج الحمد الله انه الله رزقج بريال والنعم
موزة تبتسم لها : الحمد الله ها امايه شوووو سويت لي الغداء
ام مايد اطالعها : سووويت برياااني سمج اللي طالبتنه وعاااد ما ادريبه شوووو بيطلع
موزة تمسك ايد امها : ما دامه من ايدج الحلووه هذي اكيييد بيكووون ولا احلى
ام مايد : فديتج الغاليه ها شوو عروستنا شخبارهاااا
موزة : بخير الحمد الله بدوااا يتجهزون ماشي عن شهر سته الا شهرين
ام مايد : حتى اختج بخوووت بس الجامعه شاغلتنها ومعلوزتني يوووم اتيي الا تبى ترقد
موزة : ههههههه خل عنها اللعب ما باقي شي وضيح عادت تتجهز وهم عرسهم في يوووم وحده
ام مايد : ترى من رحتي وهذيلا خواتج بيطلعلي الشيب
موزة : ههههههههههههه فديت روحهن يدلعن عليج والله لهن وحشه لين متى دوامهن اليووووم
ام مايد اطالع الساعه : قووومي توضي وصلي وهن ما باقي لهن وبيوووصلن
موزة تنش تبى تروح غرفتهااااااا
ام مايد : شوووي شوووي يوم تنشين مويز
موزة تبتسم : ان شاء الله

وبعد ساعه تولفووووا كل هل البيت واستانسوووا يوووم شااافواا موزة وعرفوااا بخبر حملها وتمووا يسولفون وكااان محور حديثهم عرس مايد وبخيته
ابومايد : فديت يا ربي نوووير
بخيته : افااااا شو هالعنصريه وبعد بعدني ما ظهرت من البيت
ابومايد : خلاص انتي بتروحين محد بيبقالي الا شيخة الحريم
بخيته ماده بوزهااا : زعلت
مايد يطالعها : دخيلج ومنووو مفتكر
بخيته اطالع اخووها واطلع لسانهااا
مايد : هههه هبله في ذمتكم هذي بتعرس هذي بتخبلبه عبدالله
بخيته تصد على ابووه : ابوووي شوووف مايد
ابو مايد يشرب االجاهي وعاطنهم بولباس
موزة اطالع اخووها : ها بو الشباب شوو استعدادك للعرس
مايد يحط كوب الجاهي : خير بعده شهرين ثلاث
موزة : ما باقي شي ترى الشهرين بيمرن وانتواا مب حاسين ابهن .وتصد على بخيته : حوووو تجهزي قالولي بعدج ترى ما باقي شي
بخيته مبوزه : والله هالجامعه ملعوزتني
موزة : لازم تتجهزين وتحجزين وضيح ما شاء الله تتجهز
بخيته : والله وابااج مويز تسااعديني
موزة تبتسم : فالج طيب
نورة : اليوووم رمست ميرة تسلم عليكم
من سمع اسمهااااا فز قلبه ويلس يطالع نورة يبى يسمع عنهااا شي وخواته لاحظن هالشي
موزة اطالعه : الله يسلمها من الشر شخبارهاااا
نورة : تمام الحمد الله عاااد يلسنا نخطط نبى نفصل نفس الشي حق عرس مايد وبخيته
مايد يوقف : اسمحوولي بروح ارقد تعبان .وصد على امه : امايه فديت خشمج بروح اصلي العصر الحين ووعيني اصلي المغرب لاتفوووت
ام مايد : ان شاء الله حبيبي
ونس الشي الابووو راح يصلي ويريح والباقي راحن يصلن عقب ردن يسووولفن ويخططن علشااان العرس وتجهيزات والاشياء اللي يبون يسووونها


الساعه اربع ونص يالس يعقم كندورته جداام المرآيااااوهييه معصبه ويلسه اطالعه
الريم تقووم واتيي صوووبه : وبعدين يا حميد شياك انته شووو اللي غيرك عليه
حميد مشغووول بالعقم : شووو بعد غيرني
الريم تعلي صووتها : لا شووو بعد غيرك اصلاااا الحين انته مب مفتكر فيني وامس بايت في غرفتها شوو اشتقت متى بنفتك وليش لحد الحين ما طلقتها نسيت انها كانت بتجتل ولدك
حميد يتنهد وصد عليهااا بعصبيه : بس خلااااااااااص ما ابى اسمع صووت تفهمين والا ما بيحصلج طيب
وبدال ما منزربه في غرفتج نزلي يلسي وياااا امايه وانسيه سووولفي وياااه ساره كانت
قطعته الريم بعصبية : ساره ساره بس شبعت مليت
حميد يطالعها ويشل سفرته ويطلع عنها من بعد ما رضخ بالباااااااب
وعلى الدري ينزل بسرعه وسمع صووووت يزقره وصد عليه
شمسه : حميد اريدك بسالفه
حميد يطالعها : دخيلج شمسه مب وقته مستعيل ليه رديت
شمسه :بس
حميد ينزل بسرعه : بعدين بعدين
ومشى عنهااااا هزت راسها لازم ترمسه باسرع وووقت لازم والا حياة ساره بتضيع صدق انج كريهه يا الريم ابداا ما كنتي جذيه شووو اللي غيرج ردت غرفتهااااا وحصلت تيلفووونها يرن وشافة الشاشه ((قلبي))
شمسه : الوووو هلا خالد
ويلست تسوووولف وياه ونست انشغالها بحميد وساره والريم والتهت بسوالفهاااا مع خالد اللي احتل مكانه كبيرة في قلبها بطيبته واسلوووبه اللي تمووت عليه وعلى قولتها كل شي فيه ميزة وحلوووووو

في سيارته يتصل عليهااااا وما ترد عليه والمسج ما ردت وقف سيارته على ينب ويلس يكتب مسج
وصلتهااااا وهيه يالسه تشرب عصير في الصاله ووياها ميرة
ويلست تقراه ((ساره لازم تردين اريدج بسالفة مهمه ))
وشوووي توصلهااا مسج ((صدقيني علشان سالفةحلالج اللي خذه ابووووي ))
ميرة اطالعه بنص عين : من منوووووووو هالمسجات
ساره اطالعها : من حميد
وشوووي توصل مسج (( سمعي ردي عليه وعقب ما تنحل المشكله هذي بسوووي اللي تبينه وانتي تبين الطلاق وانا بنفذ لج هالطلب بس لازم انا اللي انهي سالفة ابوووي وحلاكم تفهمين ))
عورها قلبهاااا وبدت ملامحهااا تتغير من شاافت الكلمة بس الواقع يفرض عليها وهالشي وحياتها ويا حميد مستحيل تستمر
((ساره بدق اخر مره ليه ما رديتي بيج البيت تفهمين ))
يلست اطالع الشاشه مخنوقة تبى تصيح تبى تصرخ وتقووول انها انتهت حياتها ضااااعت حبهااا الصادق راح بسهوووله وماله امل يرجع
ميرة تمسكها من ايدهااااا : ساره اشفيج
ساره ترفع راسهاا بالم واسى ونزلت دمعه غصبن عنهااااااا : انا ضعت يا ميرة
وشووويه يرن تيلفووونها واطالع الشاشه الحين لازم تمسح هالاسم اللي حاطتنه لان حميد مب لها ولا ملكهاااااا و لايكن لها أي شعووور ولا شي
ميرة : ساره ما بتردين
ساره تتمالك نفسهاااااا واطالعت ميرة بعدين ردت : الووووووووووو

الجزء الرابع والعشرون
((وقبل الأخير ))
يلست اطالع الشاشه مخنوقة تبى تصيح تبى تصرخ وتقووول انها انتهت حياتها وضااااعت حبهااا الصادق راح بسهوووله وماله امل يرجع
ميرة تمسكها من ايدهااااا : ساره اشفيج
ساره ترفع راسهاا بالم واسى ونزلت دمعه غصبن عنهااااااا : انا ضعت يا ميرة
وشووويه يرن تيلفووونها واطالع الشاشه الحين لازم تمسح هالاسم اللي حاطتنه لان حميد مب لها ولا ملكهاااااا و لايكن لها أي شعووور ولا شي
ميرة : ساره ما بتردين
ساره تتمالك نفسهاااااا واطالعت ميرة بعدين ردت : الووووووووووو
حميد : الو السلام عليج
ساره : وعليكم السلام ها يا حميد شوو تبى وانا قلت لك حلالي بروحي اقدر ارده من عمي
حميد : ساره سمعيني اول
ساره : بصراحه تعبت منكم وفكني طلقنيى
حميد عصب : يا بنت الحلال بنفذ اللي تبينه بس بموضوووع الحلال لا تخطي أي خطووووة وثقي فيني اني ارد لج كل شي
ساره : لا عمي احمد قالي هو اللي بيتصرف وانته ما عليك الا اطلق
حميد حمر ويه وزادت تعصيبته : انتي ما تعرفين الا هالرمسه سمعي قلت لج بتصرف ولا ادخلين حد بالسالفه وترى سالفة المحاكم وهالسوالف ما بتفيدج بشي
ساره :
حميد : خلاص اتفقنااااا وان شاء الله اللي تبينه بيستوووي
ساره : .
حميد : مع السلامة .وبند عنهااا
دموعهااا على خدهاااا ووياها احمر وبدااا صوووت صياحهااا يعلى .تجربت منها ميرة ومسكت ايدهاااا وخذتهاا في حضنهاااا
ميرة تمسح على شعرهااا
ميرة : الله ياخذه شووو يبى بعد
ساره ترفع راسهااااا اطالعهاااا : لا تقووولين عنه جذيه ميرة حميد ما يستاهل
ميرة : لاه وبعد كل اللي سواه فيج تصيحينه
ساره : احبه
ميرة تهز راسهااااا وتمسح شعرهااااااا
ساره : بس خلاااااص يا ميرة بنطلق
ميرة : هوووو علشان شووو داق
يلست ساره تخبرهااااا باللي قاله حميد عن موضوع الحلال وعقب بينفذ لها اللي تباه
ميرة : انتي توثقين فيه
ساره اطالعها : هيه بنشوووف شووو بيسوووي تصدقين امايه ما تدري ولا اباها تدري انا لغيت التوكيل بس تصدقين ما همني الحلال اللي راح كثر ما همني انه حياتي ويا حميد بتنتهي وردت تصيح مره ثانية
ميرة : انتي يووم كنتي عايشه وياااه كنتي عايشه مب مستانسه ودومج حامله هموم الدنيا على راسج
ساره تحاول تهدي عمرهاااا : بس كنت بقربه هذاااا اللي يصبرني وحبي له يخليني يبرر كل تصرفاته بس هالمره ما قدرت ما قدرت
ويلست اتذكر اتهام حميد ومعاملته له وتجذيبه لها وتصديقه للريم
وشوووي يرن تيلفوووونهاااا وشلته ميرة يلست اطالعه : هذا حميد
ساره تمسح دموعهاااااا وتاخذ التيلفوووون وترد: نعم
حميد بحزن : اريد رقم ابو عمر
ساره تتنهد : اوكيه لحظه
بعد ما عطته اياه بند عنهااااا
ميرة : شوووو يبى برقم ابووويه
ساره : ما ادريبه
ميرة متردده : ساره انتي رديتي على هزاع
ساره توقف ويمشن صووووب الحووووش : لا شووو غيرتي رايج ترى هزاع والله يستاهل كل خير وتصد عليهاااا : صدقيني غييير
ميرة اطالعهااا وتوطي راسهااا : لا ما غيرت رايي ولا بغيره
ساره : ما بضغط عليج
ميرة تبتسم : مشكورة
ساره تمشي وسارن صووووب الشير ووصلت عند شيرة ويلسن تحتهاااااا
ساره : مايد خطب
ميرة : هيه
ساره : وانتي شرايج
ميرة صدت عليهاااااا : تصدقين ساره اول ما خبروني عورني قلبي وما ادري ياتني غيرة
ساره عاقده حياتهااااااااا : ميرة انتي تحبينه
ميرة في ايدهاااا غصن صغير وتشخبط في الترااااب : لا مايد اعتبره شراات عمر بس شي حلوووو تحصلين حد يحبج ومتعلق فيج ومايد كان يحبني ومتمسك في وتصدقين ما توقعته يخطب
ساره : ما بيتم طووول حياته مب معرس
ميرة تبتسم وتصد عليهاااا : انا انانية صح الله يوفقها وياهااا تصدقيني ادعيله من قلبي
وتمن يسووولفن لحد ما اذن المغرب عقب راحن يتوووضن علشااان يصلن المغرب

ــــــــــــــــــــــــــــــــــــــــــــــــــ ــ

الساعه تسع ونص دخل البيت وحصل امه وابوووه وحرمته واخته يالسين في الصاله
حميد يطالعهم : السلام عليكم
الكل : وعليكم السلام والرحمة
حميد يمشي ويسير صوووب فوووووق
ابوحميد : وين رايح يا حميد تعال ايلس ويانا
حميد لف على ابووه ويطالعه : بروح ارقد
ابوحميد : من الحين
ام حميد اطالعه بحنان : شفيك ابوووويه تعبان مريض
حميد يطالع ابوووه : ابووويه ساره تبى الطلاق
ابوحميد بطلاقه وسهوووله : طلقهاااا ما ادري ليش حاطنها على ذمتك من بعد ما كانت بتجتل ولدك
حميد يطالع ابووه بغرابه مب جنها بنت اخته كل اللي قالته ساره وهزاع صح ما كنت اتووقعه جذيه
ام حميد: تصد على ريلها : شووهالرمسه يا بطي بدال ما تنصحه تقووله هالرمسه وهاليتيمة شووو بتسووي وهيه امهااااا
ابوحميد : بزوالهن
الريم مبتسمه : صدق عمي
شمسه من سمعت رمسة حميد وهيه اطالعه واول ما مشى تبعته وفي الصاله اللي فوووق
شمسه : حميد
حميد يصد عليهاااااا : هلاااا
شمسه :ابى ارمسك
حميد يروح يلس على الكنفه : خير يا شمسه
شمسه تروح وتيلس عداله : حميد ساره مالها ذنب بطيحت الريم
حمي يتنهد ويمسح شعره بايده : شووو هالرمسه ادري انج تحبينهاااا بس هيه سووت هالشي وبعدين هيه تبى الطلاق وانا ابى احررها وافكهااااااا
شمسه : شووو حميد تتخلى عنها بهالسهوووله انته ما تحبهاااااا
حميد يطالعهااا ويبتسم بالم : احبهاااا والله احبها بس هالرمسه الحين لا تودي ولا تيب ها شمسه دشي في موضوعج شووو بغيتي
شمسه تصد عليه وتحط ايدها في جتفه : هذااا موضوووعي
حميد يصد عليهااااا ويطالعهااا
شمسه تكمل رمستهااااا : ساره مب هي اللي طرحت الريم الريم طاحت اروحهااااااا
حميد يطالعهاا : ليش تقوولين جذبه بهالثقة شفتيها انتي
شمسه : لاه
حميد يوقف : عيييل خلاص يا شمسه اعرف انج تحبين ساره بس هيه غلطت وكانت بتجتل ولدي وبتاذي الريم
شمسه توقف وحدة نبرة صوتها : الريم طاحت اروحهااااا وهيه بنفسها قالت هالرمسة
حميد عاااقد حياته ومب فاهم
شمسه صدت عنه : جااان تبى تظلم ساره طلقها بصراحه بتفتك منك ومن ظلمك لهاااا وذنبها الوحييييييد انها يتيمه صح ما يساندها ويردلها حقهاااا منك صح انا قتلك وسوووى اللي يملي عليك ضميرك
حميد منصدم من رمسة اخته مشى وراها يووم مشت ومسكها من ايدهااااا بقوووووو : انتي شوو تقووولين هيه قالت لج
شمسه صدت عليه : لا
حميد بعصبية : عييييييييل قالت لمنوووووووو وبدااا صوووته يعلى : لمنووووووووو
شمسه بدت تخاااف منه : ما اقدر اقوولك منووو بس متاكده من هالرمسه
حميد يمسكهاا بايده الثنتين وبصووت عالي : منوووووووووووووو شمسه رمسي ما حب لعب العيال خلصي
شمسه بسرعه : ختها مزنه قالت سمعتها ترمس امها وتقووولها هالرمسه
حميد ودرهااااا يحس عمره تعبااان منتهي متألم كله هذا تسوووويه الريم اللي حبهااا معقوووله حب حياته واللي سووى كل شي علشان ياخذها ويحافظ على حبه
مشى بعصبيه لحقته شمسه ومسكته من ايده : هدي يا حميد وبعدين لا تخبر عن مزنه انا وعدتها بهالشي
بعدها حميد عنه وكمل دربه اول ما وصل تحت ويهه محمر سار صوووب الريم ومسكهااا من ايدهااا بقوووو والكل يطالع باستغرااااب ووقفواا يبوون يعرفووون السالفه .عطاها كف على ويه
الريم صرخت : حميد اشفيك
حميد يمسكها من شعرهااااااااا بقوووووووو : اشفيني تساليني اشفيني ما توقعتج تسووووين جذيه
ام حميد تجدم صوووبهم بس وقفه صووت صريخ حميد : امايه دخيلج لا ادخلين ولا تتجدمين خطوووووووة
حميد يرد يعطي الريم كف على ويهاااا : انتي بمعاملتج وسووواياااج الشينة خليتي حياتنا تنتهي حووولتي حبي لج لكره تفهمين الحين تروحين تلمي اغراضج وتروحين بيت اهلج
ايي ابوووه ويفجج الريم من ايده
ابوحميد بعصبية : حميد انته ما تستحى على ويهك ما حشمتني ولا حشمت امك تسوووووى بالبنيه جذيه
حميد يلف على ابووه والشرار يطاير من عيووونه : تباني احشمك يا ابووووويه
ابوحميد مستغرب من رمسة ولده
حميد ارك رمسته وتراجع ما يبى بقوول لابووه كل شي بوووقته ورد صد على الريم : تروحين بيت اهلج
وانتي
طـــــــــــــــــــــــــــــــــــــــــــــــــ ـــــــــــــــــالق
طـــــــــــــــــــــــــــــــــــــــــــــــــ ـــــــــــــــــــــــــــــــــــــــــــالق
طـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــالق
وطلع عنهم الكل تفاجا ويطالع الريم اللي انهارت وتمت تصيح بشكل هستيري وابووحميد معصب وطلع هووو الثاني
وام حميد يلست مكانهااااا تصيح ما عرفت شووياه ولدهاااا وليش ادمرت حياته وما توفق في الحرمتين .ويلست شمسه تهدي امهاا وهيه تصيح ما تدري شووو اللي سوووته .وسارت صوووب الريم تبى تهديهها بس دزتهااا عنهااا
الريم تصيح بهستريه : الله يلعنكم وياخذكم يا رب الله ينتقم منكم الله ينتقم منكم
وسارت تركض صوووب فووووق
وبدت ام حميد صياحهااا يزداد وشمسه يلست بعد هيه تصيح ما عرفت شوو اللي حووول حياتهم لجحيم
.
.
.
.