الموضوع: رواية كل ما فيني يصرخ أحبك إلا لساني عجز ينطق مخارجها كاملة

فواز مادخل معهم كان ينتظرهم بسيارة بنتلي اسود احدث موديل وهي هديه فواز لعبدالله بمناسبه زواجه بس حلف محد يودي عبدالله الفندق الا هو فبيوديهم الفندق ويرجع مع فهد بسيارته لانه بيلحقهم وهم متوجهين للفندق

ماسك جواله ومتردد يدق او لا بس في النهايه عزم يدق ضغط زر الاتصال
وبعد كم رنه جاه صوت ساره:هلا فواز
فواز:السلام عليكم
ساره:وعليكم السلام
فواز بحرج:ساره ممكن خدمه
ساره ابتعدت عن الزحمه والتجهيزات للزفه وردت على فواز:امرني ياخوي لك جمايل على راسي وبكون مبسوطه لو ارد لك ولو واحد منها
فواز وهو يفرك رقبته من التوتر والخجل :تسلمين بس ابي توصلين الجوال لرؤى وتقولين لها اني بدق
ساره ابتسمت وبغت تشق الابتسامه وجهها وبلكاعه:اها قصدك مرسال غرام ابشر من عيوني ثواني وهو عندها باي
قفلت وفواز قلب وجه احمر من سمع مرسال غرام وصار يتنحنح لان حس ان صوته راح (ههههههه الله يرجها هالبنت احرجتني بس ماعليه كله يهون يارؤى والله كله يهون)


رؤى كانت قاعده بعبايتها مع امها والجده بانتظار دخول مي
عبدالله ماراح يدخل معها بطلب منه مايبي على قولته يدخل يستعرض عند الحريم وغير كذا لو كانت له زفه ومي زفه بتاخذ وقت طويل وهم عندهم رحله الفجر
ساره قربت من رؤى:رؤى ممكن شوي (لفت على ام عمر)بعد اذنك ياخاله محتاجينها داخل
ام عمر :خذوا راحتكم حبايبي
قامت رؤى مع ساره اللي كانت ملتزمه الصمت لمن وصلتها لمكان معزول عن الازعاج
رؤى باستغراب:وشفيك فهد مره ثانيه؟
ساره وهي تحط الجوال بيدها :لا فواز بيدق عليك يبيك ردي عليه
راحت ساره تاركه رؤى مع دقات قلبها اللي وصلت الالف(فواز وبيدق علي. يمه )
حطت يدها على قلبها لعل نبضه يهدى شوي
دق الجوال بعد لحظات وصار اسم فواز يتوسط شاشه الجوال تنفست بعمق بعدين ردت بهدوء:آلو
فواز من سمع حسها عالجوال سكت وده انها تتكلم سنه بدون توقف بس يبي يسمعها
رجعت تكلمت:آلو
فواز:آلو السلام عليكم
رؤى :وعليكم السلام
فواز :كيفك رؤى؟
رؤى:انا الحمد لله (وبعد صمت ثواني تكلمت بصعوبه )وانت؟
فواز انبسط مره انها سالت عنه :انا بخير وبافضل واحسن حال يمكن أكون عليه
لحظات صمت
فواز:رؤى لو سمحتي ممكن تروحين لصالة البوفيه ابي اعطيك شي مابطول و المستخدمات تبع البوفيه موجودين
رؤى بهمس:طيب
الكل كان منشغل بزفه مي ورؤى ترددت مررره تروح او لا
قررت بالاخير تروح هذا فواز اللي حافظ عليها من كل شي بيوم من الايام فكيف ممكن يضرها بشي
حمدت ربها انها لابسه عبايتها وطرحتها على اكتافها لانها لو رجعت تاخذهم بتفتح لها امها تحقيق
وهي ماتبي أحد يعرف بهاللقاء
قفلت عبايتها ولفت طرحتها وغطت وجهها لانها حاطه مكياج ولاهي ماتعودت تغطي وجهها
تقدمت لجهة المطبخ لانها مناك بتقدر تدخل قاعه الاكل من دون ماحد ينتبه لها


فواز كان واقف قريب المدخل لقاعه البوفيه اللي دخلوا منه صواني العشاء
وهو محضر كلام كثيييييير سمع خطوات تقترب منه لف وعرفها هي بمشيتها الخجوله وقامتها الممشوقه بشموخ
فواز ابتسم لها :اهلين رؤى
رؤى:احم احم هلا فواز امرني
فواز صار يتامل بشكلها يعرف انه غلط بس وش يقنع قلبه بهالشي
رفعت عيونها له لمن طال صمته وتخاطبت العيون وآآه من كلام العيون
تحكي اساطير من الشوق والعذاب تحكي عتب غلفه غرام تعمق بقلوبهم
حبها من نظره عيونها بموقف لايسمح بهالشي بمنتصف الليل اثناء ماكانت هربانه من اصدقاء ابوها
وهي حبته من نظره عيونه وهو يعقم لها جرحها بالمزرعه في ثاني لقاء
مواقف غريبه واقدار وصدف اغرب
فواز تكلم بهمس عميق وكان قلبه اللي يحكي:اشـــتقت لـــــك
نكست رؤى راسها بخجل وبداخلها(وأنا بموت من شوقي لك )
فواز :رؤى ممكن ترفعين راسك ابي اقول اللي عندي ثم بطلع؟
رفعت رؤى راسها واصطدمت عيونهم ببعض من جديد
فواز :رؤى كنت مجهز كلاااام كثير كثير مررره ابي بس تعرفين بالفتره الماضيه وش صار لي رؤى انا بعاتبك لاخر يوم بعمري على ابتعادك عني رؤى انتي كنتي ماخذه روحي وانفاسي عشت شهور بدون روح وانفاس
انصدمت رؤى من كلامه وحاولت تتكلم بس فواز قالها:لاتتكلمين خلني اقول اللي بخاطري تكفين
وكمل وهو يرجع يتكلم بنبرته العميقه:كنت احلم واقوم مفزوع لدرجه مره حلمتك داقه على تليفون جناحي (ماتدري يافواز انها حقيقه مو حلم)انا اطالبك بتعويض
رؤى وقفت مبلمه :تعويض؟
فواز وهو قلبه يعوره على اسلوبه معها بس لازم تحس بعمق حبها بقلبه وغلطتها انها مالجئت له
فواز بهدوء وهو مبتسم:ايه تعويض
طلع علبه من جيبه وتقدم من رؤى وسحب يدها المستكينه بجوراها وحط العلبه بيدها:هاذي العلبه افتحيها بعد ماترجعين ان كان وافقتي تعوضيني خلي اللي داخل العلبه معك لمن اشوفك مره ثانيه وان كان مابتعوضيني لاسباب تتوهمينها فاعرفي انك خذتي مني قلبي وانفاسي طول حياتك وبتعيشن بحلقه ذنبي
طلع وخلاها بإعصار كلامته ووقعها على قلبها
( حست قلبها يعتصر بألم من كثر ماحست بالألم اللي بقلبه حست بجروحه تنزف وكانها تحرقها تحمل كثير علشاني وش قدمت له غير التعب والألم تماسكت حست رجولها ماتسعفها للوقفه قعدت على اقرب طاوله
يالله قلبي تحمل كثير اولها صباح والحين ألم فواز (يااارب ساعدني)
لازم ترجع لامها وتحضر الزفه وفواز بيكون متربع وسهران بفكرها مثل كل ليله
رجعت لطاولتهم
ام عمر:همس وين رحتي؟
رؤى بهدوء(مو وقت البكي مو وقته اخذت نفس):كنت بدوره المياه
ام عمر :شوفي مي
لفت رؤى لمي (ماشاء الله عليها الله يحرسها ويوفقها )

بدت الزفه ومي تتقدم بالممر اللي من بدايه القاعه الى حد الكوشه
كانت مبهره بطلتها كعادتها انوثتها ونعومتها طاغيه بس هالمره انوثتها المتعود عليها تضاعفت
بفستانها السكري بسحر المشمشي ومكياجها رغم ثقل مكياج العروس كان مبين نعومتها وماخفى منها شي بالعكس زادها
ومسكتها اللي كانت هديه ساره لها كلمه حلوه قليله عليها عباره عن ورود ربيعيه محاوطه عدد من الجوري المشمشي يتخللها الاغصان المتعرجه البنيه ملتفه باسوارها على يدها وهذا طلب خاص من ساره لانها تعرف مي وخاصه لمن تخاف او تستحي تطيح الاشياء من يدها ففكرت بفكره الاسوراه المعلقه بمعصمها تكون أفضل لمي تقدمت مي وكان حولها هاله سحريه رائعه بأنوثه عجيبه وملامح عربيه مرسومه بنعومه واقعدت على الكوشه
قامت ام عمر ورؤى واتجهوا لمي يسلمون عليها
وساره كانت تعرف مي عليهم لمن سلمت رؤى على مي قالت ساره بمرح:هاذي بتكون زوجه حماك (الحمو=اخو الزوج)
رؤى ضربت ساره على كتفها من الخجل ومي ضحكت بنعومه وهي تقول:انتي رؤى اكيد لان ساره تكلمت لي كثير عنك
رؤى :ايه وليكون سبت ترى مالها خاتمه ؟
ساره بعصبيه:افا ياقليله المرؤه (وغمزت)ولانسيتي وش سويت لك قبل شوي
انقلب لون رؤى وصار وجهها مايتفسر من كثر الألوان فيه
مي:حرام عليك ياساره
رؤى:ماعليك فيها ولنا لقاء بعدين ان شاء الله وألف ألف مبروك مره ثانيه
مي:الله يبارك فيك وعقبالك
بعد ربع ساعه من الرقص واستقبال التهاني لمي طلعت من القاعه
كانت امها تلبسها عبايتها وهي تسلم عليها وتبكي ونجوى ضمتها بقوه وهي تقول:اسفه ميوش والله هاذي خطه والله خطه
مي وهي تكابر على دموعها:انتبهي لنفسك انتي حامل ودقي على ابوي وقت ابر السكر تكفين نجوى دايم انا اللي اذكره ولا هو مستحيل ياخذها
نجوى:طيب لاتخافين والله كانت خطه (ورجعت تبكي)
مي وهي تبوسها فوق راسها:لاتزعلين عمرك وانتبهي لمي الصغيره
ودعت اهلها وودعت حياتها القديمه وهي مقبله على حياه جديده وثانيه حياه فيها عبدالله حب طفولتها وولد عمها وزوجها
ساعدها عبدالله تركب السياره
فواز بصوته الواثق:الف مبروك يابنت العم
مي بصوت لاينسمع:الله يبارك فيك
وصلوا للفندق وكانوا وراهم سيارات اصدقاء عبدالله وسياره فهد سلموا على عبدالله مره ثانيه لانه مسافر شهر ونص نزلت مي ووصلها فهد لفوق وفواز كان يسلم على اخوه
فواز:انتبه لنفسك واول ماتوصل دق علي ولو انك تخلي العناد وانا اللي اوصلك المطار
عبدالله:لا ياخوي انت خلك مع ابوي وامي وانا مع سيارتي اللي هديه منك (وضحك)خلني اكشخ فيها عند المدام
فواز بحب :الله يوفقك ياااارب
عبدالله ضم فواز وودعه
طلع للجناح الملكي اللي حاجزه بفندق****
دخل وهو يحاول يهدي نفسه لانه عارف مي خجوله واكيد بتسوي له مناحه علشان اهلها
لقى فهد قاعد جنبها ويهمس لها
عبدالله سحب فهد من جنبها:لو سمحت املاك خاصه
مات فهد من الضحك وقال:طيب ياأملاك خاصه معزم ماتبي اوديكم المطار؟
عبدالله:لا الله يسلمك انت ارتاح يابو عبدالعزيز وماقصرت كفيت ووفيت ياولد العم
ضمه فهد وهمس له:تكفى عبود خل بالك وسيع على مي لمن تتعود عليك
عبدالله وهو يبعده:ماعليك لاتوصي حريص بعدين حتى صدري صار املاك خاصه لمي (ومات ضحك)
فهد:انا بطلع قدام تقول اني املاكك الخاصه لاني اخو مي يالله ميوش (وباسها فوق راسها وطلع)
عبدالله:ارتاحي مي ليه واقفه
قعدت مي وهي ذايبه خايفه متوتره مرتبكه مستحيه
عبدالله قعد جنبها ومسك يدها:الف الف الف مبروك علي وعليك ياقلبي
مي بخفوت:الله يبارك فيك
عبدالله:طيب بخليك براحتك تبدلين وانا بنزل لتحت اجيب لنا عشاء واحسبي حسابك اننا بنصلي قبل
مي وهي منزله راسها وتفرك يدها ببعض:حاضر
عبدالله مسك يدها وفلتها بعدين رفع راسها:ايه خليك كذا لاتتوترين تراني طيب وحبوب ماأكل لحوم ولا اضرب ولااسوي شي يعني مسكين كسبتي فيه اجر
مي انرسم على وجهها شبح ابتسامه
عبدالله براحه انها ابتسمت وهاذي بدايه حلوه:لاعدمت هالبسمه يالله قلبي عن اذنك وخذي راحتك معليك
طلع عبدالله وهي وقفت وتاملت الباب اللي طلع منه:الله لايحرمني منك

الساعه 2 الفجر
عند رؤى بغرفتها
امها اثثت لها افخم واروع اثاث في الشرقيه وشرت لها اغراض تكفيها سنه امها من بعد ماطلعت من عندها لمن تطمنت عليها بدلت ملابسها وغسلت المكياج وقعدت على سريرها بحماس تبي تفتح العلبه اللي عطاها فواز
فتحتها وابتسمت من خاطرها على روعه الخاتم اللي فيها
خاتم الماس مشغول بالذهب الاصفر والابيض وبنصه حرف fوrمتداخله بطريقه روووووعه
التمعت بعيونها دموع من تذكرت نبره الألم بصوت فواز هي داست على مشاعرها كثير وداست ببعدها مشاعر فواز صح هي غلطانه بس وقتها ماكان عندها خيارات
تلمست الخاتم باأصابعها النحيله البيضاء طلعته من العلبه وحطته باصبعها الاوسط بيدها اليمين
ابتسمت بخجل وهي تتخيل ردة فعل فواز لمن يشوف الخاتم باصبعها هي مقرره من زمان من أول ماتكلم وقالها
بس حبت تهدي من نفسها وتعطيها مجال للتفكير
قطع عليها اندماجها بتخيلاتها وأفكارها طق عالباب
رؤى:مين؟
:انا عمور الحلو
ابتسمت رؤى وخبت الخاتم والعلبه تحت مخدتها واعتدلت بقعدتها:تفضل
عمر وهو يطل براسه:نمتي؟
رؤى بابتسامه عذبه:لا مانمت تفضل
عمر:والله غرفتك تبعث على الاحساس المرهف اخااف ابكي
رؤى :لاماراح تبكي واعرف بفمك حكي جاي تقوله
عمر وهو يقعد على الكرسي القريب من السرير:جنيه اعوذ بالله وشدراك؟
رؤى:إحساس امرني ياقلبي وش بغيت؟
عمر :رؤى انا اعرف كل شي عن حياتك واعرف عن معاذ انا سبق وقلت لك من اللي قتل ابو خالد وهو معاذ وسبق وقلت لك انه مطلوب من الشرطه بس هرب باأخر لحظه
رؤى وهي تقاوم دموعها بسبب ذكرى ابو خالد :قول عمور بدون مقدمات أحد مات؟
عمر:لأا يابنت الحلال تفائلو بالخير تجدوه لا اللي ابغى اقوله ان فواز طلب مني انا وانتي نروح بعد الفجر مباشره وبيقول لنا بالطريق ليه بس المساله تتعلق بمعاذ
رؤى :تصدق انا عمري ماكرهت على أحد ولاحقدت على أحد بس معاذ ودي اقطه بالنار وبيدي (ودموعها نزلت وماقدرت تحبسها أكثر من كذا)حرم فجر وخالد من ابوهم خلاهم ايتام وبيعشون اللي انا عشته (وبكت )
عمر قعد جنبها وضم اكتافها:اهدي يارؤى والله له حكمته ومعاذ باذن الله بكره مسالته محلوله بس قوي قلبك وخلك زي ماعرفتك قويه ومايهزك شي
رؤى وهي تمسح دموعها بكفها:اووك
عمر وهو يبوس جبينها ويقوم:يالله تصبحين على خير يالله يمديك تنامين ساعتين
رؤى:وانت من اهله
طلع عمر وحطت راسها على المخده بتعب اخذت الخاتم من تحت المخده ولبسته من جديد بنفس الاصبع وضمت يدها ونامت احداث اليوم اتعبتها و استنزفت طاقه كبيره منها

صباح اليوم التالي بعد صلاة الفجر مباشره
كانت سياره فواز بحوش بيت عمر كان ينتظر رجعه عمر من المسجد ورؤى تنزل من غرفتها
دق وقتها جواله كان عبدالله
فواز:هلا عبدالله
عبدالله:كيفكم فواز كيف امي وابوي؟
فواز:كلنا بخير انت كيفك؟
عبدالله:الحمد لله تمام فواز انا الحين بالمطار وبعد شوي الاقلاع لاوصيك على نفسك وعلى امي وابوي
فواز:لاتوصي حريص والله يحفظك ويرعاك طمني عنك اول ماتوصل
عبدالله :على خير استودعتك الله الذي لاتضيع ودائعه
فواز:الله معك ياخوي

قفل من عبدالله وتنهد انتبه للباب الخلفي ينفتح وكانت رؤى :السلام عليكم
فواز:وعليكم السلام والرحمه صباحك نور وسرور
رؤى :صباحك النور
فواز:كيفك ؟
رؤى بحرج:الحمد لله
بس اللي صدم فواز انه ماشاف الخاتم بيدها حس وكانه شي ثقيل كتم على صدره ضيقه مو طبيعيه معناتها انه ماتحبه ولاتبيه سعادته أمس اللي حسها تبخرت وحل محلها الألم والضيقه
جاء عمر :السلام عليكم اسف تاخرت بالنوم وتاخرت عالصلاه وتاخرت عليكم
فواز بهدوء :وعليكم السلام لاعادي معليك
تحركوا وفواز وده انه يكون بمكان غير هالمكان وماتكون رؤى قريبه منها بس بعييييده ولايقدر يوصلها
السكوت الجو العام للسياره
عمر:كلمت الضابط المسؤول عن القضيه
فواز :ايه وهم محاصرين المكان
عمر:الله يسهلها ان شاء الله
فواز:انتبهوا صحيح ماهو مسلح والشرطه موجوده بس الضابط يقول فيه خطر
عمر:ان شاء الله
ألمه جدا انها حتى ماردت وفسر سكوتها انه رفض قاطع وتام له ولشخصه وكان سكين انغرزت بصدره
والحقيقه ان رؤى خايفه مو على نفسها على عمر وفواز (الله يخليكم لي ولايحرمني منكم والله ماتحمل فراق واحد فيكم)
وصلوا للحي اللي فيه الشقه المستقر فيها معاذ
دق جوال فواز وكان الضابط احمد:اهلين ياحضره الضابط
الضابط احمد:فواز مصر على هالخطوه انا اقول نداهم البيت وبعدين انت تتكلم معه بس مانمسكه
فواز باصرار:لا ياحضره الضابط انا مصر على هالشي ودامه مو مسلح ان شاء الله مابيصير الا الخير
الضابط احمد:الله يحفظكم
وصلوا للبيت بالضبط ونزل فواز وعمر اللي فتح لرؤى الباب ومسك يدها:لاتخافين اوكيه كل هالشي علشانك
رؤى:طيب
تقدموا من الباب وطق فواز الجرس


بالرياض الساعه 6وعشر دقايق
كان توه عادل يدخل البيت وهاذي اول مره يسويها في حياته يقعد برى البيت لهذا الوقت المتاخر
لقى سامي قاعد عالتلفزيون ويشوف فلم رعب فسلم عليه
سامي :وعليكم السلام والرحمه
عادل والهم لاعب بهيئه عيونه حولها سواد مو طبيعي وناحل مره ولحيته مومرتبه :ليه سهران للحين؟
سامي:اتابع فلم تتابعه معي؟
عادل:لا وروح نام
سامي استغرب من عادل عمره ماقاله روح نام ومنعه عن شي
توقف عادل لمن سمع سامي يناديه:عادل
عادل:نعم؟
سامي:امس امي رجعت من زواج عبدالله ولد خالتي وهي تعبانه وراحت المستشفى ورجعت قبل نص
عادل:وش قالوا فيها؟
سامي:ارتفاع بالضغط
عادل كمل طريقه وكانه اللي تكلم عنها سامي شخص عادي مو كانه امه
هو رامي اغلب الذنب على امه( هي اللي ماراقبت تصرفات نور وهي اللي اهملتها وكان لو تكلم او قال لها شي كانت تهاوشه وتقول :دامي عايشه مالك كلام على اختك
وش النتجيه سودت وجيهنا ومرغتها بالتراب )
توجه لغرفه نور وفتح الباب حتى من دون مايطقه لقى نور قاعد وحاطه الايبود ولاهامها شي
من شافته داخل عليها رمت السماعات ونسبه الادرينالين ارتفعت عندها
عادل قرب منها بهدوء ومسك شعرها ووقفها وهي تكتم تاوهاتها :تدري انك *****
عطاها كف وهو يكمل ويقول:والحيوان ال**** اللي زيك مسافر
رماها بعنف عالسرير وهو يقول:حسابك معي عسير خلني اخلص منه ثم ارجع لك (ورماها بنظره كانت تتمنى الموت ولاكان يطالعها كذا )
ضمت البلوزه على نحرها وهي تبكي (أي مصيبه حطيت نفسي فيها أي غباء تصرف فيه )
وصارت تلطم وجهها وتلعن غبائها اليل وصلها لكذا


عند فواز ورؤى وعمر
فتح لهم معاذ الباب وانفجع وكان بيقفل الباب بوجيهم
بس مسك فواز الباب ودفه ودخل عمر بيده رؤى
معاذ:اطلعوا برى
فواز:لا لا لا كذا استقبال الضيوف
ركض معاذ مسك فرد(الفرد=المسدس الصغير):بتطلعون او كيف؟
عمر:اسمع عندنا كلمتين وبنطلع واوعدك ماتشوفنا مره ثانيه
فواز:رؤى
اتسعت عيون معاذ من سمع الاسم والتفت بسرعه للبنت اللي معهم وهمس :رؤى
رؤى اكتفت بالصمت شكل الدم مرعب على كتفه ونارها وحقدها عليه مشتعله بصدرها
فواز:اولا قتلت رجال برئ مسكين عياله بانتظاره دخلت سموم للبلد وقتلت شبابنا فيها وحرقت قلب رؤى وعذبتها ونزلت دموعها (وقتها فواز ماتحكم بغضبه وعطاه كف طيح معاذ عالارض)هذا جزء بسيط من الانتقام
بهاللحظه دخل رجال الشرطه وحاوطوا الصاله وركض 2من عناصر الفريق ومسكوا معاذ
فواز:وهذا الجزء الاحسن والاروع من الانتقام
معاذ استسلم لهم ونزلت دموعه:رؤى تكفين سامحيني
رؤى اكتفت انها تناظر لهم بصمت وتبكي الموقف اكبر من تحملها
فواز لف لرؤى:بخاطرك شي بعد والله اطلعه من عيونه
رؤى حركت راسها بلا ودموعها مغرقه غطاها
عمر همس لها:نمشي
مسكت رؤى بيده وطلعت من هالمكان
وانتهت رحله عذاب معاذ لرؤى واخذ جزاءه اللي يستحقه ويستحقه كل شخص تخلف عن فطره السلام اللي انخلقنا عليها واجرم بحق نفسه وبحق بلده والاهم انكر وجحد وجود او استغفل عن العذاب اللي ينتظره بالاخره

معاذ لمن طلعوا بكى بقوه خلاص انتهى وانتهت حياته اكيد بيحكموت عليه بالقصاص
همس للعسكري بضعف:زوجتي داخل ومريضه جيبوا لها اسعاف
انخذ معاذ للجيب برى اللي بيوديه للسجن وتم استدعاء الاسعاف اللي اخذ لولؤه للمستشفى وتشخصت حالتها بانها اجهضت طفلها والسبب معاذ وكان السبب بقتل نفس وعدده 5من اللي ماتوا على يده
وبلغوا ابوها اللي كانت بينجن من خوفه على بنته ضلت يومين بالمستشفى بعد ماعدوا هاليومين اطلعت مع ابوها


عند رؤى كانت تبكي طول الطريق
ولمن وصلوا بيتهم شكر عمر فواز ونزلوا بس قبل لاتقفل الباب قالت بصوت مبحوح:فواز
لف لها فواز ببرود:نعم
طلعت الخاتم من الشنطه ولبسته ثم قالت بهمس:خفت عليه ينخدش وقفلت الباب
وكانها بقفلت الباب فتحت ابواب الفرح لفواز انطلق بسرعه وهو ناوي يجيب ابوه وامه

بنفس اليوم
جاء فواز وامه وابوه وعمه وخطبوا رؤى وبعد 3ايام ردوا عليه بالموافقه وتحددت حفله الخطوبه بعد 4ايام بالمزرعه
وفهد بلغته دلال بموافقه ساره وبتكون ملكتهم مع خطوبه فواز ورؤى

بعد اسبوع بالمزرعه
يوم من اروع الايام بروايتي
يوم نهايه عذاب فواز ورؤى اللي عانوا من تقلبات الحياه وامواجها ومشاكلها
ونهايه الحرمان والعذاب والتكبر والكبرياء بملكه فهد وساره

انعزاموا ناس كثير وكان من بينهم بنات الدار اللي جاو وكانوا باأبهى حله

كانت رؤى وساره بنفس الغرفه ويسولفون بعد مانتهت الخبيره من مكياجهم وتسريحاتهم
رؤى تالقت بلون فواز المفضل اللي عرفته بذكائها من عمر وهو اللون الازرق
كانت محلوه بكثيييير بفستان نيلي راسم روعه جسمها ومبرز صفاء وبياض بشرتها
شعرها تركه براحته وفردته مع انه مو محتاج وحطت مكياج ناعم وخفيف
اما ساره فكانت لابسه فستان ليموني راااايق وكلها شك ناعم من عند الصدر لمن الخصر وله ذيل طويل بما انها ملكتها

دخلوا البنات على رؤى وساره
الاء نطت لرؤى وضمتها:فديت عيونك الرماديه وش هالحلا الله يحفظك
رؤى:تسلمين ياقلبي وعقبالك
رتيل ورتال:الف مبروك رورو الف مبروك ساره
ساره:الله يبارك فيكم وعقبالكم
رؤى وعليها ابتسامه شريره:متقدم لهم توام دكاتره والاخوات مترددات
ساره بدهشه:من جد واااااااااااااااااااااو وناسه توام يتزوجون توام وقسم بالله وناسه
العنود :ماعليكم منهم موافقين بس مسوين فيها ثقل والف مبروك لعروستينا والله صعبه وهي مثني
ضحكوا الكل على تعليق العنود اللي تقدمت من رؤى وضمتها:مبروك لاحلى اخت واحلى اخو ترى نيتي صافيه وبرئيه فواز صار اخوي مالي علاقه
ابتسمت رؤى لعنود والاء تقول:تدرين ان وجودي معك ياعنود رحمه
العنود:ليه ؟
الاء:لان معدل الغيره عند رؤى وصل حده ولولا انها مو مستحيه منا كان شاتتك برى
ضحكوا البنات بقوه بينما رؤى قلبت حمرا من الاحراج
تقدمت غلا وهي تقول:حرام عليكم شوفوا كيف قلبت البنت الف مبروك ياقلبي وعقبال الاء والباقين انا قررت اعنس
رؤى:الله يبارك فيك ياقلبي
غلا:مبروك سارونه
ساره:الله يبارك فيك
جت سماح وتقدمت بخجل من رؤى وسلمت عليها:مبروك رؤى
رؤى:الله يبارك فيك ياقلبي
نطت شهد وضمت رؤى :مبروك رؤى وناسه اخيرا بفصل فستان عرس
ضحكت رؤى على تفكير شهد صحيح هي بالمتوسط بس تفكيرها صغير وبرئ مررره
رؤى:الله يبارك فيك وعقبال مابارك لك على نجاحك
شهد:لاوالله كلهم تباركين لهم على زواجهم الا انا دراستي
الكل مات من الضحك وشهد ابتسمت بشقاوه وه تقول:حنين وينها اكيد تسحب هديتها
وقتها جاهم صوت حنين وهي تقول:وشفيها حنين؟
شهد:لو اني قايله مليون بدال حنين مو احس لي
حنين عدت شهد وراحت لرؤى وضمتها بقووووووه:الف مبروك ياقلب اختك
رؤى:الله يبارك فيك ياروحي
حنين وهي تسلم على ساره:الف مبروك سارونه
ساره:الله يبارك فيك (لفت على رؤى)من جد رؤى وناسه كنتوا عايشين مع بعض
حنين وهي ترجع تضم رؤى:ايه ومبسوطين الله لايحرمني منهم
ساره:امين ياااارب
جتهم دلال:ماشاء الله اللهم زد وبارك عقبال مافرح فيكم كلكم ياااارب
يالله سارونه اجهزي ماما الحين الزفه
ساره بتوتر:حاضر
رؤى رفضت تنعمل لها وفه تقول مالها داعي وهي في الحقيقه بتموت من الحياء انها تنزف قدام الناس وفواز ايدها يقول(اخاف على قلبي من العين)>>ألاخ من صارت خطيبته وهو جرئ والحياء رايح خخخخخخ
انزفت ساره على موسيقى كلاسيك رووعه ورؤى كانت وراها تمشي مع البنات اللي كانت اشكالهم روووعه ورى ساره وعطت حركه غريبه ورايقه مع انها مو مقصوده
رقصوا البنات وانبسطوا وبعد نص ساعه
طلعت ساره بعد مابدلت وغسلت مكياجها مع فهد لمطعم بعد اصرار مو طبيعي
طبعا ابو ساره حضر الملكه وسلم على ساره اللي من شافته ماتت بكى وتعلقت فيه بس هو وعدها بزياره ثانيه وعطاها هدية الملكه وهو مبلغ وقدره وتعذر منها ان عنده سفره مهمها ووعدها يقضي معهم يوم كامل
تعبت دلال وهي تقنعها وفي النهايه مسج من فهد اقنعها بشكل كلي وانصدمت امها من موافقتها بهالسرعه(عياره بنات هههههههه)
رؤى رفضت فواز يدخل عندها وهو كان ميت ويشوفها بس دام رغبتها بهالشي على قلبه عسل(الحب وعمايله)
وخاصه ان زواجهم تحدد بعد الترم الاول من السنه الدراسيه الجايه اما ساره تحدد بعد عيدالفطر مباشره

بعد انتهاء الحفله
راحت رؤى مع البنات للدار بعد طلب منهم ووافقت امها وعبدالعزيز وعمر بنفسه وصلها وهذا باأمر امه اكيد

بالمطعم عند ساره وفهد
فهد:بالموت وافقوا تطلعين معي ماكانك صرتي زوجتي تدرين لو ماوافقوا وش اسوي
ساره ضحكت ثم قالت:وشو؟
فهد:بتلثم علشان الحريم ثم بدخل وسطهم واصارخ وين حبيبتي وين السراقه؟
ساره بتعجب وابتسامتها على وجهها:سراقه؟
فهد بخبث :ايه سراقه اعلمك وش سرقتي عدي انتي :قلبي وعقلي واحاسيسي المرهفه وماملكت حناياي(وغمز لها)صار لي اسبوع احفظ ذا الجمله
ماتت ساره من الضحك عليه
فهد:ايه ايه اضحكي جعلني ماخلا منها والله اني غيران من عبيد الدب الاخ في ماليزيا مبسوط صار لها اسبوع وبيقعد زياده شهر وانا مسكين بنتظر للعيد وش رايك نسحب عليهم ونسافر الحين ونتزوج وبعدين نعطيهم خبر
ساره:لا ياشيخ هههههههههههههه
فهد:وانا صادق
قطع عليهم دقت تليفون فهد اللي رد بسرعه:هلا يالغالي
.
ابشر بس لاتعصب والله ماطولت

حاضر نخلص عشانا ونجي لانفضحكم ولاتفضحونا
ساره:هذا اللي بيهرب ويتزوج بدون علن اهله
فهد:مشيها ههههههههههههههه
وكانوا طيور الحب بالروايه بعد الم وعذاب اجتاح مشاعرهم ولكن بحبهم تغلبوا عليه

بالدار
باخر الليل كانوا البنات مجتمعين بالصاله ويضحكون ويسولفون
كانت شهد نازله عليهم وهي تركض بس تعثرت بالدرج وطاحت من اوله لاخره
حتى استقر جسدها على الارضيه وحولها بقعه دم كبيره من راسها
البنات صارخوا ينادون هند بينما العنود تقدمت منها وهي تعمل لها اسعافات اوليه
حاولت رؤى تتقدم ولكن راسها ينبض بقووووووه
الم غير طبيعي مواقف قديمه تشوفها قدامها
رجال ياخذ طفله من محطه قديمه طفله صغيره مريضه تكح دم رجال يضرب طفله صور ومواقف كثيييره
اصوات مزعجه جدا راسها تحسه بينفجر صرخ بالم:لاااااااااااااااااااااااااااااااااااااا
وطاحت من طولها كانت حنين اقرب وحده لها وحاولت تصحيها بس بدون فايده
بعد 10دقايق وصل الاسعاف واخذ شهد ورؤى
شهد طلعت سليمه بس فيه جرح سطحي كبير بموخره راسها
اما رؤى
كانوا اهل رؤى واقفين عند الباب امها تبكي وعبدالعزيز قاعد جنبها يهديها
وعمر رايح جاي عند الباب وحنين وسماح بكرسي قريب منهم يبكون وباقي البنات وهند مع شهد
عمر وقف قدام حنين:وش صارلها كانت بخير
حنين وهي تبكي:شافت شهد لمن طاحت(وشهقت من البكى)وبس شافت الدم صرخت ومسكت راسها وطاحت
وبكت بقوه استفغر عمر وقال بحنان:خلاص لاتبكين رؤى طيبه (وبابتسامه )ودامها اختي القويه بتقوم منها
بعدها بلحظات طلع الدكتور
وتقدم عبدالعزيز منه:بشرني يادكتور؟
الدكتور:انا بسالك عده اساله بالاول؟
عبدالعزيز بخوف حقيقي من انه يفقد اخته :وشفيها يادكتور؟
الدكتور :اتطمن بس حاب اسال عن شي هي حسب ملفها الطبي عندها فقد ذاكره هل خلال هالاسبوع اصابها صداع او اغماء
عبدالعزيز:ايه يادكتور كنت اوريها اغراض ووثائق ودروع لوالدي المتوفي ومن شافت صوره لابوي مع واحد من العمال القديمين صابتها حاله صداع بس رفضت تجي للمستشفى
الدكتور:اختكم استعادت الذاكره بس لمن تصحى تمام راح نعرف هل استعادتها بشكل جزئ او كلي والف سلامه عليها
ام عمر:الحمد لله لك ياااارب عبدالعزيز اختك رجعت لها ذاكرتها الله لك الحمد (وانخرطت بالبكاء)
استعادت رؤى ذاكرتها بشكل كبير بس موكلي والدكتور قال انها مع الايام راح تستعيدها بشكل كلي

مرت الايام على ابطالنا
وبعد شهر من الاحداث السابقه رجع عبدالله ومي انفك شوي من خجلها وصارت اكثر اتزان بمساله الخجل

وبعد عيدالفطر تم زواج ساره وفهد
واليوم وبعد انقضاء الفصل الدراسي الاول صار موعد زواج رؤى&فواز
رؤى بابهاء حلتها كانت آيه من الجمال وهي تقعد على كوشتها ذات الرونق الروماني الكلاسيكي
وانزف فواز وهي فرحان تعب ايام وانتظار وشوق ولهفه وعذاب طوييييل ومؤلم لقلوبهم اثمر اليوم بزواجهم اللي انتزره بفارغ الصبر
بعد مانهى دراسته وأحلى هديه كانت لنجاحه هو زواجه برؤى
طلعوا من القاعه على المطار على طول ووصلوا بلد العشاق ايطاليا
استقروا بالفندق بعد رحله كويله ومتعبه
بالجناح الملكي
فواز:ادخلي يارووووحي واخيرا انتي معي ماني مصدق مبروك ياحياتي ولو اقولها ميه مره مابتعبر عن اللي بداخلي من فرحه
رؤى بخجل بالغ:الله يبارك فيك
فواز وهو تايه بعيونها:رؤى
رؤى بهمس:لبيه
فواز:آحــــبك
قطع عليهم طق عالباب:ياربيه قلت بفتك من الازعاج بالسعوديه جوا بايطاليا
ضحكت رؤى عليه
فواز:تبين تذبحيني انتي لاتضحكين
رؤى وهي كاتمه الضحكه :طيب بس افتح الباب
فواز:حاضر من عنوني
توجه للباب يفتحه وكانت خدمه الغرف
اثناء ماكان فواز يفتح الباب رؤى طاحت عينها على علب الخمر اللي فايحه ريحتها لانها مصبوبه بكوبين انيقه وفخمه جدا
بدت دموعها وكانها شلال صابتها قشعريره رهيبه بجسمها
وكانها انتزعت من السعاده ورجعت فيها الايام لموقف ابو راشد معها لمن حاول يعتدي عليها
فواز بمرح:جايبــ وبتر جمله وهو يركض لرؤى اللي ترتعش بقوه رهيبه وتبكي
فواز بخوف :عمري وشفيك
رؤى بعدت يده عنها بقوه وهي تصرخ:بعد عنـــــــــي لاتقرب وانهارت عالارض تبكي
فواز وهو شوي ويبكي من خوفه عليها لان حالته مو طبيعيه ابد:رؤى حبيتي وشفيك ؟وش صار لك؟
رؤى:يبــــــــــه بعده عني
فواز عطاها كف حتى يصحيها من الذكرى اللي غزتها(طبعا يحس انه يطعن نفسه بس وصيه الدكتور لو تذكرت موقف وانهارت منه لازم يطلعونها منه ويرجهونها للواقع باي طريقه)
فواز ضمها بقوه بعد الكف:رؤى روحي اصحي انا فواز
رؤى وهي تبكي على صدره:فواز طلقني

قفلت جنى الكتاب بسرعه وركضت عند خالتها وهي تصرخ:خاله فجر خاله فجر
فجر اللي كانت تمشط شعرها بهدوء بغرفتها ابتسمت من سمعت حس جنى لانها عرفت انها خلصت الكتاب
دخلت جنى وركضت عند فجر:تكفين وش صار ليه وقفتي كتابه وش صار بعد ماقالت طلقني مافيني صبر لمن تخلصينها
فجر ابتسمت وقامت مع جنى ذوات 21سنه وقعدتها معها عالسرير
فجر:طبعا كانت طالعه منها بوقت ماكنت بوعيها وفواز قدر بفتره بسيطه ينسيها العذاب اللي عاشته وغمرها بحبه له
جنى:الله وربي روعه ياليت يجني واحد زي فواز بالضبط بس اللي مستغربته ان الابطال زي اهلي خالي عمر امي رؤى ابوي فواز عمي عبدالله انتي فجر واخوك خالد
فجر ضحكت على نباهت جنى:ايه ياروح خالتك كانوا هالناس كلهم مصدر الهام لي وبعدين يالعياره ليه ماتوفقين على فواز ولد عمك عبدالله
جنى وخدودها توردت:بقوله اليوم بالليل
فجر يالعياره بس ممكن تطلعين باخذ شور والحق استشور واحضر الحفل الخيري مع امك
جنى وهي تبوس فجر على خدها:اووك ياقلبي انتي
فجر بعد ماطلعت جنى من عندي بقولكم نهايه ابطال روايتي

نور بعد خطبه رؤى باسبوع اكتشفت انها حامل وحلوت تنتحر وبلعت كميه كبيره من الحبوب
بس الشغاله شافتها ووصحت عادل وودها عادل المستشفى صحيح سلمت بوقتها بس هالحبوب اثرت على الكليه والقلب عندها
وبعدها باسبوع ويومين ماتت نتيجه تهتك بجدار القلب عندها من اثر الحبوب اللي اكلتها

عادل تعقد من بعد اخته نور وسافر يكمل دراسته واخذ الماجستير والدكتوراه واشتغل هناك وهو مضرب عن الزاوج لانه تجربه نور خلته يحط في باله كل جنس حواء زي اخته
والايام الجايه رهينه بانها تقنعه بخطا هالفكره عنده

حصه خاله رؤى اللي ساعدتها ببدايه الروايه
عانت كثير من زوجها وتطلقت منه وربت عيالها ولارفضت تتزوج عقب تجربتها الاليمه مع زوجها وعايشه حياتها مبسوطه

البنات بالدار
سماح تزوجت واحد عنده دكتوراه في الفيزياء وتعرفت عليه اثناء دراستها للماجستير
شهد طلع لها اقارب وعاشت معهم فتره وبعدها تزوجت ولد خالها وجابت توام بنات سمت وحده منهم هند
رتيل ورتال وافقوا عالدكاتره التوام المتقدمين لهم وعاشوا بالرياض وكل وحده منهم عندها بنت وولد
العنود وغلا تزوجوا اخوان ايتام وعاشوا حياتهم بود وتفاهم وتقدير وخاصه انهم مروا بنفس الظروف وعاشوا نفس الحرمان
الاء الاء عانت كثير في بدايه زواجها من عبدالرحمن ايه عبدالرحمن ولد اخت هند اللي كانت تحبه حنين ولاحظوا قلت كانت لانها متعقده من الرجال
بس عبدالرحمن بوعيه احتوائها وغمرها بحنانه والحين لو تسالونها وش الحياه بتقول دحومي
حنين الاخت الروحيه لرؤى سافرت واشتغلت بثروتها اللي تركها لها ابوها تقابلت برجل اعمال سعودي هناك وانصدمت انه له نفس اسمها بالجد والعائله
وطلع ولد عمها في البدايه كانت علاقتهم سيئه بس مع الوقت حبوا بعض وتزوجوا ورجعت للسعوديه لتعيش معه ومع اهلها اللي طردوا ابوها بشبابه

دلال:
تزوجت من شخص ثاني واخذت معها فيء وضيء وكان لهم نعم الاب ولها نعم الزوج عوضهم عن حنان ابوهم اللي فقدوه
وجابت اخوان 3 لبناتها سعد ومحمد و مشعل

عبدالله&مي
عاش حياته سعيده كانت بعض المشاكل تعكر هالسعاده ولكن سرعان ماترجع تصفو له ولمي جابوا 5عيال
الكبير فواز 27سنه وبعده شوق 24 وبعده رنا 19 فهد 15 ورهف 7سنوات

وماقبل الاخير انا فجر عشت حياتي مبسوكه وسعيده رؤى كانت لي ولخالد اخوي الاخت والام
ام رؤى للحين عايشه ولها فضل كبير انسانه فيها حنان الكون كله الله لايحرمني منها
ابوعبدالله مات بعد زواج رؤى وفواز ب3سنوات بسبب جلطه بالقلب ولان قلبه ضعيف ماتحمل الجلطه واسلم روحه للبارئ
وام عبدالله الجده والام والاخت ربت كل عيال فواز وعبدالله وبنحتفل قريب بميلادها 70ههههههههه الله يخليها لنا

الباقين اترك لكم حريه اختيار النهايه لهم
بس قبل لاقفل هالدفتر واروح انام بعد ماحضرت لحفل تكريم رؤى كافضل سيده لهذا العام في مجال التبرعات لدار الايتام بقولكم شيئين
اولها قصه خطف رؤى ان كان فيه واحد يشتغل عند ابوها مره طلبه فلوس بانه يتعالج فيها وبعد وقت اكتشف
انه كذاب وانه كان يستخدمها لاغراض خبيثه وعفى عنه وقتها بس الله عاقبه وامرض بنته بسرطان الرئه ولاكان عنده الماده انه يعالجها
ولمن راح لابو رؤى يطلبه فلوس رفض يعطيه لانه ماصدق قصه مرض بنته حقد الرجال على ابو رؤى وانتقم منه بانه خطف رؤى وحرمه منها
وكانت رؤى طوال شهر بعد خطفها مع بنت الرجال اللي اسمها رؤى وعطتها قبل لاتموت قلادتها وكان محفور عليها اسمها اتمسكت فيها همس بس لمن ماتت بنت الرجال جن جنونه وضرب رؤى لمن تعب لن استوعب وش سوى وان البنت ماتت بين يده رماها بالطريق وكانت هاذي البدايه ومربط الفرس لقصه ضياع رؤى وسر القلاده المكتوب عليها رؤى
والشيء الثاني العياره جنى وش سوت بالليل
بعد ماطلعت
كانت جنى تتمشى بالحديقه المشتركه بين قصر فواز وقصر عبدالله اللي حاطهم سور واحد
وشافها فواز اللي عصب لانها ماكانت لابسه طرحه وهو غيور لدرجه مو طبيعيه
فواز :جنى
جنى نقزت من الخوف لدرجه بيضوا شفايفها
وهو طاح قلبه من الخوف وقرب منها :بسم الله عليك بسم الله عليك هذا انا فواز
جنى بعد لحظات هدت ورجع تنفسها طبيعي:وشفيك؟خرعتني
فواز بحنان:اولا انا اسف ثانيا انا ماسمح لزوجتي مستقبلا تتمشى كذا من دون غطى يالله قدامي على بيتكم
جنى ابتسمت له ابتسامه هي تعرف وقعها على قلبه:حاضر
(يااااااااااااااناس احبه وكل مافيني يصرخ أحبك الا لساني عجز ينطق مخارجها)