"ولدك وبعدين معاهـ "
أم راكان : وش بلاهـ بعد وبعدين اي ولد فيهم
منيرهـ : من غيرهـ راكان
أم راكان : وش فيه
منيرهـ : متغير بـ المرهـ من أنخطبت ام وجه نحس وبعد وفاة زوجها المسكين أنقلب حاله اردى من أول متى بيخطب بنتي أـنا قايله له إذا تزوج منى والله لـ أكتب له نصيبي كله من فلوسي إللي عند أبوي
أم راكان : صاحيه انتي
منيرهـ : مجنونه إذا تركته يروح لـ غير بنتي إحنا شارين ولدك راكان مافي منه رجال قول وفعل
أم راكان : طيب وش قالك
منيرهـ : عجزت فيه ساحرته وإلا أحد يجي له عرض مثل هذا ويضحك علي
أم راكان عندها أمل : ضحك وإلا رفض
منيرهـ : يوم قلت له ,, قالي طيب ياخاله وش رآيك تكتبين كل حلال جدي بـ إسمي يعني ماياخذ أحد منكم شيء منه وساعتها أخذ بناتك كلهم مو منى وبس ووقف وباس راسي وطلع
أم راكان بصدمه : قال كذا
منيرهـ : والله إني ماكذبت
أم راكان : أـنا أعرف راكان إذا حط شيء براسه خلاص مستحيل أحد يمنعه عنه حتى إذا أـنا أمه ويسويه رضينا وإلا مارضينا دامه مقتنع ودامه قالك كذا يعني لا تحاولين مرهـ ثانيه هذا رفض منه لكن مايقدر يصرحلك فيه
منيرهـ : واـنا وش إللي مخليني متمسكه فيه غير تصرفاته إللي تثبت قوة شخصيته ورجولته ياليته من نصيب منى بسوي المستحيل عشان ياخذها
أم راكان : لا تحاولين دامه ماعطاك كلمه من الأول إنسي حتى لو تسوين المستحيل
منيرهـ عصبت شوي : وين كلامك يوم تقولين إنك مستحيل توافقين إنه ياخذ أم وجه نحس وإلا عشانها ورثت فوق ملاييينها إللي عند أبوها وحبيتيها
أم راكان : أـنا عند كلمتي لكن إذا رفض منى بخطب له وحدهـ ثانيه لكن بعيد عن عائلة أبوهـ
منيرهـ منقهرهـ من أختها { حيلهم بينهم } "كل هـ النقاش كان يسمعه زياد 'وبداخله يقول الله يعينك ياراكان من وين تلقاها' "
زياد يكلم راكان
راكان: هلا زياد
زياد : هلا راكان أقول
راكان : خير
زياد : خالتي عارضه عليك تكتب كل حلالها بـ إسمك بس تاخذ منى
راكان ينكر عشان ماتطيح خالته من عين أخوهـ وبهدوء : لا ,,
زياد : راكان اـنا أعرفك أـنا سمعتها بنفسي تقوله لـ أمي
راكان بداخله ما شاء الله الأخوات متفقات قال واهو رافع حاجب : وش تقول
زياد : تقول إنها عرضت عليك وإنت قلت إذا كتبتي حلال جدي كله بـ إسمي ولا احد منكم ياخذ منه بتزوج بناتك كلهم مو منى وبس
راكان: طيب
زياد شوي ويطلع لـ أخوهـ من الموبايل ع برودهـ : وش طيب
راكان: أمي شـ قالت ؟
زياد : ترا أمي ماهي موافقه إنك تاخذ وسن وتقول إذا مارضى بـ منى خطبت له غيرها بس مو من عائلة ابوي
راكان متعود ع هـ الكلام قال ببرود : شوف كل هـ الخلق مالهم دخل بـ إختياري
زياد : يعني
راكان: مايهموني لو بسمع لـ أمي خذيت منى وإنت مشيت ع ننفس الشيء هذا شيء يخصنا
زياد يعرف اخوهـ مستحيل أحد يغيرهـ : أوكي أـنا حبيت اخبرك بس تراهم ناوين لك ع نيه ما أدري وشهي
راكان ولا هامه : إيه ماعليه يصير خير
زياد : طيب سلام
راكان : سلام "آهـ ’’ يارب عونك" وطلع بعد نهاية الدوام يتغدأ مع واحد من أصحابه وبعدها طلع لـ بيته الفخم إللي بانيه بـ آفخم أحيا الرياض ,, ومأثثه بـ آرقى وافخم شيء مخصوص لـ وسن دخل البيت الفاضي مافي إلا اهو وريحة عطرهـ القويه المنتشرهـ بكل مكان جلس فيه كان واقف بـ الصاله الكبيرهـ إللي تطل ع كل ششيء بـ البيت وناظرهـ كله وقال بـ نفسه متى تدخل الروح لهـ البيت وينك ياوسن عني ؟ رقى الدرج ودخل جناحه الفخم وجلس ع السرير " كل شيء متوفر له الإسم الكبير, الشهادهـ , البيت , الفلوس , العقليه التجاريه ,, مو مشي شغل جدهـ إلا اهو وتفكيرهـ , كل شيء ممكن يحتاجه الواحد يملكه راكان لكن إللي ماتوفر له دنيته كلها 'وسن' مايدري إذا بتوافق عليه إذا تقدم لها وإلا بترفضه بعد إللي مرت فيه فكر فيها لما ترفضه شـ راح يسوي بدنيته اهو جالس هنا ع أمل إنها توافق عليه لكن إذا رفضت يجي فـ باله يطلع من السعوديه بكبرها ويستقر بـ أحد الدول إللي برا 'أمريكا وإلا بريطانيا وإلا إيطاليا' المهم مايجلس وياها بديرهـ وحدهـ بعد ماترفضه " { اتخيلوا وياي لما تعيش من عمرك فترهـ طويله عاشق حد الجنون وتحلم فيها ع اساس إنها بتكون لك ' وهذا العشق من الطرفين يعني عشق متبادل' ولما ينوي بعد كذا أسبوع بيتقدم لها رسمي عشان تكون له ينصدم بـ إنها صارت لـ غيرهـ بسبب كذبه من أهله ,, وتتحطم أحلامه ويتحطم اهو بنفسه من الداخل ويعيش العذاب ليل نهار وبعدين يتوفى زوجها ويتعذب لعذابها وبعدين لما يتقدم لها ترفضه شـ بيكون إحساسه وقتها قليل عليه لما يطلع من المكان إللي اهم فيه "وربي قويه لما يتحطم رجل بكبرهـ" رمى غترته وعقاله وطاقيته ع السرير وتمدد ع السرير بـ العرض وراح بسابع نومه وماندري إذا بيرتاح بنومته وإلا بتجي له وسن بـ الأحلام نفس كل مرهـ وتعذبه أكثر وأكثر
وسن وإهي تكلم موبايل : وليش ماداومتي
ميار وإهي منصدمه : إنتي مداومه .
وسن :يسسسسسس
ميار : إنتي بـ الحداد ياحلوهـ لا يكون نسيتي .؟
وسن : ياحياتي مانسيت لكن إللي بـ الحداد عند الظرورهـ تطلع من البيت واـنا طلعت لمدرستي كوني طالبه ووساترهـ كل شيء والحمدلله وهذا مافي شيء
ميار : متأكدهـ مافي شيء
وسن : يس كل إللي عندي يقولون مافي شيء لإني ماطلعت إستهبال
ميار : طيب كيف الداوم
وسن : كويس إنتي ليش ماداومتي
ميار : نواف لسا طالع لـ تبوك عشان كذا ماداومت اليوم
وسن وإهي تضحك : أـها قولي كذا من صباح ربي
ميار : هههههههههههـآآي أجل تبيني أترك حبيبي واقابل المدرسه
وسن : ههههههههههـآآي لا بـ الله البنت رايحه فيها
ميار : آهـ وربي يحق لي
وسن : مالت بس
ميار : بـ الله كيف ما أروح فيها , كل شيء فيه عذاب
وسن : ربنا يوفئك
ميار : ربنا يسمع منك
وسن : هههههههههههـآآي ,, قلبنا مصري طب ,, راح تداومي بكرهـ
ميار : إيوا. . عشان ما أفكر كثير في حبيبي
وسن : ياليل شكلي بـ اقول حق أبوي يقلب المدرسه مدرسة متزوجات هيمانات
ميار :ههههههههههههههههههـآي ,, تسوين خير ويجيب لنا أزواجنا وكل زوجه وزوجها بـ فصل وناسه صح ؟
وسن : ههههههههههههههههـآآي وناسه عندك يـ المتزوجه
ميار بعفويه : الله يرزقك بـ شاب يعيشك الهنا كله ولا يشوف غيرك بهـ الدنيا
وسن حست بـ آلم من كلام صاحبتها إللي طالع من قلب يحب حب أخوهـ قالت تصرف : طيب زوجك هنا وإلا سافر خلاص
ميار : طلع عندهـ مشوار وطيرانه الساعه 5
وسن : ربي يجمعكم قريب وع طووول مو إنتي بديرهـ واهو بديرهـ .
ميار وإهي تشوف باب غرفتها يفتحه نواف قالت : آمين وسن هذا نواف وصل
وسن : أوكي حبي ربي يسعدك
ميار : تسلمين قلبو باي
وسن : بيباي
LinkBack URL
About LinkBacks
فهمينيي 
