الموضوع: روايه الأم الصغيرة

عند المحاسبه.
سئلة جواهر عن الحساب وجاوبها المحاسب
جواهر:هل أنت متأكد من هذا الرقم
المحاسب:نعم سيدتي
جواهر(تكلم مضاوي):أنا لو أبيع السياره والبيت ماراح أقدر أوصل للمبلغ هذا.ياأالله وش أسوي الحين
مضاوي:جواهر المستشفي هذا غالي مره
جواهر:هل أستطيع أن أدفع خلال الأيام المقبله لأن المبلغ ليس متوفر لدي الآن
المحاسب:ولكن سيدتي المبلغ لقد دفع اليوم بالكامل
جواهر(بعلامة تعجب):لا أنا لم أدفع شئ لابد من أنك أخطئة في الإسم
المحاسب:هي ساره محمدتوفية ليلة أمس .لا لم أخطئ لقد دفع المبلغ بالكامل
جواهر:ولاكن أنا لم أدفع شئ
المحاسب:أنا أعلم إنك لم تدفعي فقد جاء رجل إلي هنا ودفع المبلغ بالكامل
جواهر (بعلامة تعجب وإستغراب):من هو .هل ترك إسمٌ له
المحاسب:لا سيدتي لم يذكر إسمه
جواهر(تناضر لمضاوي):من يكون . مضاوي ليكون أبوك.
مضاوي:لا تطالعيني كذا. مو أبوي أبوي مسافر مستحيل يكون أبوي
جواهر:ومستحيل يكون عبدالله لأنه الحين بيكون في الطياره
مضاوي :يمكن أخوك عبدالله معطي أحد فلوس وقاله يدفع
جواهر:مضاوي أخوي عبدالله ما عنده أحد هنا غيرنا ومستحيل يدفع مبلغ مثل هذا
مضاوي(بعلامة تعجب):من بيكون يعني
جواهر:مدري

وصل عبدالله وتصل بجواهر وقالتله إنها بالبيت
وأخذ تكسي وصله لبيت عمته ساره

في السعوديه
في بيت أبوسالم
أبوسالم:شوفي ياأم سالم أهل عبد العزيز بيجون بكره على شان يخطبون رسمي خلي عبير تتجهز
أم سالم:بالسرعه هذي ليش مستعجلين
أبوسالم:المهم الحين لازم تشوفون إيش إلي ناقصكم وخلي العيال يجيبونه لكم أنا موصيهم
أم سالم:يصير خير
أبو سالم:كأنه موعاجبك
أم سالم:ليش هو يهمك إذا عاجبني أو لا
أبوسالم:شوفي عاجبك مو عاجبك ما يهمني بس البنت لا تقعدين تزنين عليها وتخلينها ترفض
أم سالم:موأنت تقول إنها موافقه برضاها ليش خايف إنها تتراجع أبوسالم:أقول لا يكثر بس تراك طولتيها وهي قصيره
أم سالم(في قلبها):الله يهديك

راحة أم سالم لعبير .
عبير: طيب يئجلونها شوي مومستعده أبد
أم سالم:أنتي إيش بتسوين كلها بتسلمين وتجلسين ومنتي مجبوره تجلسين سلمي وروحي داخل
عبير:طيب بيحددون الملكه
أم سالم:والله يابنتي مدري أنتي موافقه يعني ما عندك مشكله حتي لو تكون الملكه بكره
عبير(مبحلقه بعيونها):بكره لااااااااااااااااا بكره لا مستحيل
أم سالم :وليش لاأنتي قررتي وتحملي قرارك
عبير:يمه أنا في فترته إختبارات دوريه يعني ماني فاضيه أبد
أم سالم:والله تفاهمي مع أبوك أنا مالي دخل
عبير(بضيقة صدر):يمه أرجوك لا تقولين كذا والله أتضايق أحس إن مالي أحد
أم سالم:عبير أنا بوقف معاك حتي لو أنتي إختيارك غلط أنتي بنتي ولازم أوقف معك
عبير:تسلمين يمه الله يخليك لي ولا يحرمني منك
طلعة أم سالم من عند عبير
وبالنسبه لعبير توجهة لغرفة أخوها عبد الكريم
عبير تطق الباب
عبد الكريم:مين؟
عبير:أنا عبير إفتح
عبد الكريم:لحضه إستني شوي
عبير:أفففففففففففف . مطول
عبدالكريم :يالله جاي(وفتح الباب)
عبير:حشي مابغية تفتح الباب
عبد الكريم :خير وش عندك ؟
عبير:بسألك عن عبد العزيز
عبد الكريم:إيش تبين تعرفين عنه.
عبير:كل شي من الألف إلي الياء
عبدالكريم:والله أنا ما أعرف عنه غير إنه ولد مقتدر وضيفته محترمه وشايف خير ورجال بمعني الكلمه وبس هذا إلي سمعته عنه وبعدين سالم يعرفه أكثر مني روحي إسئليه
عبير:شلون تعرف علي أبوي .؟
عبد الكريم:والله إسئلي أبوك أنا وش دراني
عبير:ليش هو موأبوك بعد ولا أبو أنا لحالي
عبد الكريم:خلصتي تحقيق أنا بطلع مواعد أخوياي
عبير:لا ماخلصة أبي أعرف عنه كل شي بستنا سالم لمايجي وسئله
عبد الكريم:كأنك منتي مستانسه لأنك بتتزوجين
عبير:يعني وش تبيني أسوي أرقص مثلاً
عبد الكريم:ماقلت إرقصي بس فكي العقده شوي كأنه متوفي عليك أحد
عبير:فال الله ولا فالك الله لايقوله
عبد الكريم :أقول يالله باااااااااااااي أنا بطلع
عبير:باي

نتعرف علي عبد الكريم وسالم
(عبد الكريم تؤم سالم بس سالم أكبر منه بدقيقه واحده فقط وأعمارهم 27 وهم توئم مختلف يعني إلي يشوفهم ما يقول توئم كل واحد يختلف عن الثاني في الأخلاق والتصرفات وكل شي مره مختلفين حتي الأصدقاء كل واحد مستقل بأصدقائه بس إنهم يحبون بعض ويحترمون بعض )
عبد الكريم ولد وسيم شعره واصل لين إذنه ودايم مجعد وموناعم حيل بس ستايله مره حلو ماهمه غير نفسه مومهتم بأحد بس يحب إخوانه أسمر شوي خشمه زين عيونه موكبار يعني زينه مومن نوع الشباب إلي يحب البنات عكس أصدقائه مره. كلهم مغزلجين درجه أولي ودايم منقع معهم في المولات يشتغل في الإستقبال في مستشفي حكومي. شخصيته مره قويه حتي علي أصدقائه كلمته هي الماشيه عليهم

بالنسبه لسالم ولد ملتزم ملتحي إمام في المسجد يشتغل في إدارة جامعة الملك سعود فيه طيبة العالم كلها مره حنون وسيم بس أكيد مو من النوع إلي يحبه البنات.علي إن أخلاقه مره عاليه يحب إخوانه حيييل وخاصه مزنه لأنها إخته الكبيره.

عند مزنه
نوره:يمه أبوي وينه ماشفته
مزنه:مسافر
نوره: وين مسافر.؟
مزنه(بعصبيه):وانتي وش دخلك يسافر أو مايسافر يالله روحي ذاكري ولا تدخلين بشي مايخصك
نوره:يمه ليش تعصبين .خلاص بروح أذاكر
مزنه:بعدين بكره تجهزي لأن بكره بنروح لخوالك
نوره:غريبه حنا نروحلهم يوم الخميس وبكره الثلاثاء أكيد عندهم شي
مزنه:بيجونهم ضيوف بيخطبون خالتك عبير
نوره(بصدمه):خالتي عبير ما غيرها
مزنه:ليش عندك خاله عبير ثانيه

نوره:لا بس يعني ما توقعة هي دايم تقولي بتتزوج بعد ما تتخرج ليش غيرة رايها
مزنه:لا تكثرين كلام ويالله روحي ذاكري ونادي أخوك ناصر أبيه
نوره:إنشاء الله
نوره راحة ونادة ناصر لأمها وطلعة لغرفتها
أخذة الجوال وإتصلة علي عبير
نوره:هلا خاله أخبارك
عبير:أهلين نوره وينك من زمان عنك
نوره:خاله صدق الخبر إلي سمعته
عبير(تتنهت):قصدك الخطبه .إيه صدق وأنا موافقه
نوره:خاله وعمي راكان .
عبير:شفيه عمك راكان ألف وحده تتمناه
نوره:خاله وين كلامك مستحيل تاخذين أحد غيره وإنك تموتين فيه وإنه حبك الوحيد وين راح الكلام هذا كله
عبير(والموع في عيونها وما تبي تبين لنوره):نوره خلاص أنا بتزوج واحد ثاني ومافيه داعي كل شوي تذكريني براكان فهمتي
نوره:أذكركك فيه يعني أنتي ناسيته
عبير:نوره أنتي ما تسمعين قلتلك خلاص أنا راكان نسيته ولا عاد تجيبين طاريه عندي
نوره:إسمحيلي خاله ماراح أحضر لا خطوبه ولا عرس آسفه أنتي طحتي من عيني ما توقعتك كذا أبد أنتي خاينه
عبير:نوره ترى زوتيها وأنا ساكتتلك
نوره:يالله مع السلامه أخليك
عبير(بعصبيه):مع السلامه
سكرة عبير وجلسة تبكي لأنها خلاص بتخسر حبها الأول والأخير راكان وبنت إختها نوره

بالنسبه لنوره إلي كانت جسر الحب بين راكان وعبير وهي أكثر وحده تعرف مدي الحب إلي بينهم علي إنها صغيره بس تفكيرها تفكير وحده في العشرين .كانت تتمني تحضر زواج عمها وخالتها وهم مع بعض بس إنصدمة بالواقع هي تحب خالتها بس تحب عمها أكثر وما ترضي عليه أبد

نوره:شلون بقول لعمي راكان الخبر بس لازم يدري ما ابيه ينصدم بستناه لين يرد البيت وأقوله أكيد بيتضايق الله يسامحك يخاله عبير

نروح لكندا.
عبدالله:وأنتي ما كنتي تدرين عن مرضها
جواهر:لا ما كنت أدري ماقالتلي شي والدكتور يقول إنه جايها من فتره قصيره وتمكن منها بسرعه
عبدالله:طيب زياد وينه ما أشوفه
جواهر:عند مضاوي كلمتها تجيبه بيجي الحين
عبدالله:شلون بتفهمينه إنها ماتت
جواهر:والله مدري ياعبدالله إذا أنا إلي الآن مو مصدقه إلي صار الله يعين إنشاء الله
عبدالله:جواهرأنتي لازم ترجعين معي السعوديه ماراح أخليك لحالك هنا
جواهر:أرجع معك بصفتي مين .إختك إلي ماتت ولا البنت إلي قطيتوها وتخليتو عنها على شان كلام الناس
عبدالله:الله ياجواهر كل هذا بقلبك وخاشته
جواهر:إلي في قلبي ما يعلم فيه غيرالله
عبدالله:أنا ماراح أكون مرتاح وانتي بلحالك هنا
جواهر:أنا الحين كبيره وأعرف أصرف أموري لا تخاف علي
عبدالله:شلون ما أخاف عليك وأنتي بديره مالك أحد فيها
جواهر(بضحكة سخريه):يعني السعوديه لما أرجعلها بيكون لي أحد فيها .كندا ما تفرق عن السعوديه بشي
عبدالله :ليش أنا مومكفيك مومالي عينكأفا ياجواهرمهقيت منك الكلام هذا
جواهر:عبدالله آسفه ما أقدر أرجع معك
عبدالله:فكري . أنا ماراح أجبرك علي الرجعه معي بس فكري أنا بعد بكره بمشي
جوهر:بالسرعه هذي توك جاي
عبدالله:شسوي بعد حب خشوم عطوني إجازه خمسة أيامألا تعالي من وين دفعتي تكاليف المستشفي

جواهر:موأنا إلي دافعتها
عبدالله:مين أجل؟
جواهر:مدري
عبدالله:شلون ما تدرين
جواهر:لما جيت أكلم المحاسب عن الحساب قالي إندفع
عبدالله:ومقالك من إلي إدفعه
جواهر:لا ما قال
عبدالله:غريبه ماني خابرعمتي ساره الله يرحمها عندها معارف
جواهر:أنا بعد مستغربه ماني عارفه مين بس الأكيد إنه شخص غني مره لأنه المبغ إلي إندفع كبير
وشوي إنضرب جرس الباب وراحة جواهر تفتحه
كانت مضاوي جايبه زياد
جواهر:هلا مضاوي إدخلي ليش واقفه عند الباب
مضاوي:لا أستحي من أخوك بجيك بعدين
جواهر:طيب براحتك
مضاوي: يالله مع السلامه إذا إحتجتي شي إتصلي فيني
جواهر:تسلمين
بالنسبه لزياد أول ما فتحة جواهر الباب وهو يركض يدور خاله عبدالله ولقاه في الصاله جالس ونط في حضنه علي طول
عبدالله:هلا زيود (وضمه)
زياد(والإبتسامه علي وجهه):خالي أنا مره أحبك
عبدالله:يالبي قلبك
جواهر:زياد خلاص ذبحت خالك
زياد:وين ماما ساره ماجات من المستشفي
جواهر(تغيرة ملامح جواهر ودمعة عيونها):عبدالله تصرف
وطلعة من الغرفه تبكي
عبدالله:لابعد تبي تجلس لحالها هنا وهي مهي عارفه تتكلم مع ولدهازياد تعالي إجلس
وجلس في حضنه
عبدالله:زياد حبيبي ماما ساره ماتت ماراح تشوفها مره ثانيه
زياد:يعني يعني شلون ماتت
عبدالله: يعني راحة عند الله في السماء
زياد:شلون راحة في السماء
عبدالله:الله هو إلي أخذها عنده في السماء
زياد:طيب أنا أبيها ليش تروح لسماء أنا أحبها خلاص ماراح أقولها ماما بقولها عمه بس خليها ترجع
عبدالله(كسر خاطره زياد):حبيبي زياد هي ماتت ماترجع أبد إلي يموت مايرجع ياخذه الله عنده
زياد:لا هي تحبيني وماراح تخليني بترجع بكره

نرجع السعوديه
راكان:من متي ؟
نوره:اليوم أمي قالتلي
راكان(بضيقه واضحه):الله يوفقها باركيلها إذا شفتيها
نوره:لا ماراح أروحلها خلاص بقطع علاقتي فيها
راكان:نوره وش الكلام الفاضي هذا . هذي خالتك بتروحين وبتباركين وبترقصين بعد ولا بزعل منك
نوره:خالي قهرتني مقدر أروح
راكان :نوره تري بزعل منك لازم تروحين
نوره:طيب يالله بخليك بروح أنام
وطلعة نوره من غرفة راكان وكان في حاله مايعلم فيها غير الله
راكان :كذا بالسهوله هذي ياعبير وافقتي يعني لو قالولي إنك مغصوبه يمكن أعذرك .يعني الفتره إلي راحة كنتي تتسلين بمشاعري صدق خاينه عمري ماراح أسامحك علي إلي سويتيه فيني الله لايوفقك إنشاءالله جعلك ماتتهنين معه مثل ماقهرتيني الله يقهرك وأخذ جواله وأرسلها رساله
(للأسف ما توقعتك من النوع إلي يتسلي بمشاعر الآخرين المهم حبيت أقولك إني متندم قد شعر راسي إني حبيتك في يوم من الأيام من كل قلبي سلام يابنت عمي )
وصلة الرساله لعبير
عبيرإنصدمة ماتوقعة إن راكان يرسلها رساله لو واحد بالميه فكرة إنها ترسل رد تبرر موقفها وتقوله بس تراجعة وضلة تبكي
ونامة وهي منقهره لأن راكان فاهم الموضوع غلط
عبير في الجامعه
عهود:طيب ليش تراجعتي كان أرسلتيله وقلتيله كل شي ما تدرين يمكن يساعدك
عبير:لو أدري إنه بيساعدني كان ماترددة بس وش الفايده من إني أقوله, خلاص حنا إفترقنا كل واحد راح بطريقه
عهود:وعبد العزيز وش صار عليه
عبير:اليوم بيزورنا بالبيت
عهود:اليوموليش مداومه كان غبتي
عبير:وليش أغيب ماني غايبه على شان خاطره
عهود:توك بالبدايه وتقولين الكلام هذا حطي براسك إن موافقه برضاك محد غاصبك
عبير:أقول خلينا نروح للمحاضر بس
نرجع لكندا.
عبدالله:عجزة فيه أبي أقنعه إنها ماتت موراضي يقتنع مدري وش أسو فيه
جواهر(وجهها شاحب والحزن واضح عليه):مع الأيام بيقتنع
عبدالله:فكرتي بالكلام إلي قلتلك
جواهر:إيه فكرة وماني راجعه إلا في حاله وحده
عبدالله:إلي هي.؟
جواهر:خليها بوقتها أحسن
عبدالله:براحتك سوي إلي يريحك ماراح أجبرك علي شي أنتي ماتبينه
شوي إلي جرس البيت يدق وفتح عبدالله الباب
زينه:السلام عليكم
عبدالله:وعليكم السلام
زينه :جواهر موجوده
عبدالله:إيه موجوده تفضلي
ودخلة زينه داخل وجلسة في الصاله
عبدالله: لحضه بروح أناديها لك
وراح عبدالله لغرفة جواهر لأنهم كانو فيها قبل لا يدق الجرس
عبدالله:وحده تبيك في الصاله
جواهر:مين .مضاوي؟
عبدالله:لا مو مضاوي. مضاوي أعرفها هذي أول مره أشوفها
جواهر:طيب بروح أشوفها

ونزلة جواهر عند زينه
جواهر:أهلين زينه
زينه:هلا جواهر عضم الله أجرك سامحيني مادريت إلا متأخر
جواهر:أجرنا وأجرك
زينه:إلا إلي مين إلي فتحلي الباب
جواهر:هذا أخوي عبدالله توه جاي من السعوديه
زينه:آهاه
دخل زياد عليهم
زياد:جوجو وين خالو
جواهر:فوق في غرفتي
زينه:تعال ياشاطرسلم علي
وراح زياد يبوسها ورقي فوق عند عبدالله
زينه:هو يسمي أخوك خالي أنتي ما قلتيلي إنكم متبنينه يعني المفروض يكون مثل أخوه
جواهر(وهي موطايقه تحقيق زينه):لا هو خاله لأنه ولدي
زينه بصدمه:ولدك لا تمزحين ما أصدق
جواهر(بعصبيه):زينه أنتي جايه تعزين ولا جايه تحققين
زينه:أنا آسفه تدخلت في شي مالي خص فيه بس بالله جواهر هذا ولدك
جواهر(بتأفف):إيه ولدي مضاوي ذاك اليوم كذبة عليك
زينه:يعني أنتي متزوجه

جواهر(بعصبيه):وانتي وش دخلك متزوجه ولا مو متزوجه شي ما يعنيك
زينه:أنا آسفه يالله أستأذن وقفت

وقفت جواهر معها
جواهر:إذنك معك
وطلعة زينه
بعد ماسكرة جواهر الباب
جواهر:أففففففففففف مابغة تفارق
عبدالله وتوه نازل من الدرج
عبدالله :خير شفيك تأففين من هذي؟
جواهر:وحده معي بالجامعه جايه تعزي
عبدالله:طيب ليش معصبه
جواهر:مستلمتني من فتح الباب أنتي متزوجه ولا لا .ياخي أقلقتني

عند زينه.
زينه:مشعل أقولك تقولي ولدها
مشعل:لا يابنت الحلال تقولك كذابس
زينه :وليش تقولي كذا إيش مصلحتها أكيد مطلقه ومستحيه تقول
مشعل:الولد موصغير يعني مستحيل يصير ولدها. أخوها يمكن
المهم قلتيلها إني بزورها البيت
زينه:لا طبعن لأن أخوها موجود كيف بتزورها
مشعل:أجل أخوها موجود عندهمآهاه
زينه:إيه أخوها موجود و ليش مستعجل كلها يومين وبتداوم وعزيها هنا وأتوقع لوتروح عندها ماراح تستقبلك
مشعل:ليش ماراح تستقبلني على شان أخوها يعني مومشكله أستناه لين يروح
زينه :لا موعلى شان أخوها هي متخلفه يعني مو فري زينا علي إنها عايشه هنا
مشعل:ماقالت أخوها متي بيرجع السعوديه
زينه:لا ما قلتلي بعدين حسيتها عصبة لأني سالتها عن ولدها وإذا هي متزوجه تضايقة مني وطلعة علي طول
مشعل:يعني مصره إنه ولدها يابنت مو ولدها
زينه:وأنت وش دراك


نرجع السعوديه.
أم سالم:عبير خلصتي لبس
عبير:إيه خلصة
(عبير كانت لابسه فستان قصير لين الركبه لونه أسود وفيه شك خفيف لونه فضي من تحت الصدر وضيق حيل ولابسه جزمه فضيه وفاكه شعرها وحاطه مكياج مره ناعم وطالعه مره كيوت وحلوه)
أم سالم :عبير يمه يعني ما فيه غير الون الأسود
عبير:يمه أنتي تعرفين إني أموت في اللون الأسود ومره يناسب بشرتي
أم سالم:يالله إنزلي تري الناس وصلو
عبير:يالله جايه
ونزلت أم سالم عند أهل عبد العزيز
منى(أم عبد العزيز):وين العروس نبي نشوفها
أم سالم:جايه وراي .حيالله من جانا زارتنا البركه
مني:الله يسلمك ويحيك
دخلت عبير علي الحريم إلي بمجلس الضيوف وسلمة عليهم
منى (بإبتسامه):هلا والله بالعروسه مشاء الله تبارك الرحمان قمر والله
وسلمت علي خوات عبد العزيز
خوات عبد العزيز
أمل(العمر 18 تدرس في ثالث ثنوي بمدرسه خاصه بنت دلوعه فيها طيبه بس الغرور مخرب عليها بالنسبه للجمال نحيفه حيل وطويله كأنها عارضة أزياء عيونها صغار وخشمها حلو وفمها صغير مره كيوة ونعومه وتحب الكشخه حيل)
منال(عمرها 20سنه تخرجة من الثنوي وماكملة دراسه مخطوبه لولد عمها عبدالمحسن وإلي الآن ما حددو العرس مره طيوبه وحبوبه عيونها لا هي كبيره ولا صغيره يعني زينه طولها متوسط وجسمها حلو )
جلست جنب إختها مزنه عبير وهي حاسه بالإحراج والعيون تتفحصها من إلي وكل مارفعة عينها إلا تشوفهم يناضرونها
مزنه (تضغط علي يد عبيروبصوة واطي):قومي جيبي العصير
قامة عبير وراحة المطبخ وكانت نوره موجوده في المطبخ
عبير:منتي مسلمه علي
وقامة نوره وباستها من خدها بدون أي كلمه وجلسة علي الكرسي إلي بالمطبخ
عبير:لاوالله تعبتي نفسك بالسلام
نوره:والله ياخاله لولا عمي كان ما جيت
عبير:وش دخل عمك
نوره:عمي راكان قالي إن ما حضرة بيزعل علي وقالي باركيلها
عبير أخذة الصينيه وحطة العصيربعصبيه الدموع في عيونها
ودخلة علي الحريم وزوعة العصير وجلسة في مكانها
مزنه(بصوة واطي مايسمعه غير عبير):شفيك ماده البوز شبرين فضحتينا إبتسمي شوي
عبير:(لارد)

عند الرجال.
عبد العزيز:خلا ص أجل ياعمي إنشاء الله علي السبوع الجاي الملكه والعرس في العطله وش قلة
أبوسالم:إلي يريحك ياولدي إلي تشوفه لو تبي الملكه اليوم والعرس السبوع الجاي ما عندي مانع
عبد العزيز:تسلم يا عمي ما تقصر يالله أنا بستأذن
أبوسالم:علي وين تعشو عندنا
عبدالعزيز:لا والله عندي أشغال مره ثانيه إنشاء الله

خلونا نتعرف علي عبد العزيز
(عبد العزيز عمره28سنه شاب وسيم ملا محه مره جذابه عيونه حلوه نعسانه وأبيض وجسمه رياضي شخصيته مره قويه كلمته مايثنيها هو المسؤل عن خواته وأمه بعد وفاة أبوه عنده شركه وارثها من أبوه بعد ما توفى. ماراح أقولكم الشركه علي مستوي اللمكه بس شركته تطلع أرباح زينه مكفيته هو وخواته وزياده)

عبد العزيز( في السياره مع أمه وخواته):هاه يمه بشري عجبتك البنت
منى:إيه ياولدي مشاء الله عليها حلوه
أمل:إيه ياخوي حلوه بس أحس في أحلي منها لوإنك مخلينا ندورلك موأحسن
عبدالعزيز:شكلها ما عجبتك
أمل:والله المهم إنها تعجبك أنت
منال:أمول حرام عليك والله تهبل ما عليك منها ياعبد العزيز منقره منها
أمل:وليش أنقهر منها أصلن ما فيه مقارنه بيني وبينها أنا أحلى منها بمليون مره
عبد العزيز:أحلي يالثقه
منى:ليش ما شفتها. شوفه شرعيه؟
عبد العزيز:قلت لبوها ومارضى قال بعد الملكه ما حبيت أعارض
منى:من ناحية الشكل يا ولدي والله مشاء الله عليها وشكلها هاديه وحبوبه
عبد العزيز:أنا مايهمني الشكل يهمني الأخلاق وهذا المهم

عند عبير
من طلعو أهل عبد العزيز وهي صاكه علي نفسها باب غرفتها بحجة إنها بتنام
أبو سالم:تري حددنا الملكه السبوع الجاي والعرس في الإجازه
أم سالم:(لارد)

أبوسالم:شفيك ساكته
أم سالم:وش تبيني أقول يعني إذا كل شي خططت عليه يعني يهمك رايي
أبوسالم:لا مايهمني خليك ساكته أحسن
وطلع وخلها في الصاله


نرجع لكندا
جواهر(تكلم بالجوال):يوه يامضاوي رفعة ضغطي من جلسة وهي تسئل كأني رايقتلها صدق سخيفه
مضاوي:حرام البنت متعنيه وجايه تعزي وتقولين عنها كذا
جواهر:مضاوي لا دافعين عنها
مضاوي:صدق أسئلتها مالها داعي بس مسكينه جاها الفضول
إلا تعالي صدق قلتيلها إن زياد ولدك
جواهر:إيه قلتلها وماراح أخبي عن أحد من اليوم ورايح
مضاوي:حلو زين تسوين.بتداومين بكره
جواهر:مالي خلق للدراسه
مضاوي :جواهر غيابك كثير مايصير تغيبين أكثرمن كذا لازم تداومين بكره خصوصن بكره لازم
جواهر:بحاول موأكيد
مضاوي:طيب أنا بخليك الحين بروح أشوف أبوي إيش يبي فيني
جواهر:يالله باااااااااي
مضاوي:باااااااااااااااااي
عبدالله:وليش ما داومين بكره
جواهر(كانت جالسه علي الكنبه وعبد الله من وراها ولفة عليه):أنت هنا توقعتك نايم
عبدالله:لا مونايم.ليش منتي مداومه
جواهر:مالي خلق نفسي مسدوده عن كل شي
عبدالله:وإلي متي بتضل مسدوده نفسك .شوفي بكره تداومين سامعه
جواهر:عبدالله مالي نفس للدوام
عبدالله:لا إنشاء الله لك نفس بكره بتدومين
جواهر:أشوف
عبدالله:بداومين يعني بتداومين خلاص لا ترديني
جواهر:ما عاش من يردك تامر بداوم بكره على شانك .ألا ما قلتلي متي طيارتك
عبدالله:بكره العصر
جواهر(بضيقه واضحه):بكره العصر ليش ما خليتها بعد بكره
عبدالله:مايمديني .زياد وينه
جواهر:نام من شوي
عبدالله:وأنتي ماراح تنامين
جواهر:إلا فيني النوم. تصبح علي خير
عبدالله:وأنتي من أهل الخير
داومة جواهر بالجامعه وما حتكة بأحد بستثناء مضاوي طبعن وعلي طول رجعة البيت بسرعه على شان تودع أخوها عبدالله
جواهر:الله يخليك خليني أوديك المطار تكفي
عبدالله:لا ما أبيك تعبين نفسك خلاص ودعيني من هنا وإنتهينا
جواهر:لا بس أبي أشوفك لآخر لحضه
عبدالله:زياد وينه بسلم عليه قبل لا أمشي
جواهر :لحضه بروح أناديه

راحة جواهر لغرفته وشافته يحط ملا بسه وأغراضه في أكياس
جواهر:زياد أنت إيش تسوي
زياد:أجمع أغراضي
جواهر(بعلامة تعجب):وليش تجمع أغراضك
زياد:بروح مع خالو عبدالله السعوديه
جواهر:نعم وين بتروح.؟
زياد: بروح السعوديه مع خالو
وأخذ الأكياس ونزل لعند عبدالله تحة
زياد:خالو عبدالله أنا حطية كل ملابسي
عبدالله:وليش حاط ملابسك في أكياس
زياد:بروح معاك
عبدالله:وين تروح معي
زياد: بروح معك السعوديه
عبدالله:وأمك بتخليها لحالها
زياد(يناضر لجواهر):طيب خليها تروح معنا
جواهر:زياد حبيبي بتروح وتخليني لحالي هنا
زياد:أنا بروح مع خالي عبدالله وأنتي تعالي معنا
عبدالله (نزل لمستوي زياد):زياد حبيبي أنت رجال ومايصير تترك أمك لحالها هنا لازم تكون معها
زياد (بصياح):لا مابي أبي أروح معك ماأبي أجلس هنا
جواهر(حسة إن زياد ما يبيها الشعور هذا كان يذبحها ما تحبه أبد):زياد أنا أبيك تجلس عندي أنا ما عندي أحد شلون تروح وتخليني
عبدالله: روح رجع ملابسك بالكبت يالله حبيبي زياد
زياد(بصياح وعناد):لا مابي أبي أروح معك
عبدالله(بحده وعصبيه):زيااااد قلتلك روح رجع ملابسك بالكبت روحه معي مافيه تفهم
زياد نزل الأكياس من إدينه وراح يركض لغرفته
جواهر كانت شوي وبتبكي بس ماسكه نفسها على شان عبدالله مايشوفها
عبدالله:جواهر ما أوصيك إنتبهي لنفسك ولولدك
جواهر:لا توصي حريص توصل بالسلامه
عبدالله:الله يسلمك
وباسها مع خدها وطلع من البيت أول مره جواهر تجلس لحالها بالبيت كانت تناضر الصاله حسة بوحشه ودمعة عيونها غصب عنها حسة إنها وحيده في الدنيا هذي


عامر:هيه طال عمرك تو الحين عبدالله طالع من عندها ساير للمطار
راشد:أبغيك تفتح عيونك عدل أي شي يستوي تبلغني فيه ماباك تسير من عند البيت راقبه عدل
عامر:إنشاالله طال عمرك
وسكر الجوال ولتفة علي مدير أعماله
راشد:زيد أباك تلغي كل مواعيدي باجر
زيد:إنشاالله طال عمرك بس ليش
راشد(ناضر زيد بنضره تمني زيد إنه مات ولا ناضره النضره هذي):أنت شو دخلك نفذ إلي قلتلك بدون أسئله يالله سير من ويهي
زيد:حاضر طال عمرك

في السعوديه.
عهود:طيب إرتحتي لهم . ؟
عبير:إيه أمه شكلها طيوبه وحده من البنات بعد طيوبه بس الثانيه أحس كلها غرور وتناضرني بطرف عينها
عهود:أهم شي هو يعجبك أمه وخواته مو مهم
عبير:علي قولتك . عهود أخوي سالم جا بروح أكلمه يالله باي
عهود:خلاص يالله أشوفك بكره
عبير:يالله مع السلامه
حطة عبير الجوال و طلعة من غرفتها بسرعه على شان تلحق علي سالم قبل ما يدخل غرفته وينام
عبير:سالمسالم
سالم(إلتفة):هلا عبير
عبير:تعال غرفتي أبيك بموضوع
سالم:طيب بس أغير ملابسي وألحقك
عبير:خلاص أنتضرك
وراحة لغرفتها وجلسة دقائق وبعديها دخل عليها سالم وجلس جنبها
سالم:وش بغيتي؟
عبير:سالم أبي أسئلك عن عبد العزيز
سالم:أوف نسية أباركلك سامحيني .مبروك مقدمن
عبير:ماصار شي إلي الآن على شان تباركلي
سالم :إذا الله راد راح يصير إنشاء الله
عبير:أنت تعرفه .؟
سالم:إيه أعرفه معرفه سطحيه.ولد خالته صديقي بس الولد والنعم فيه أخالقه عاليه
عبير:أنا خايفه . أحس إني ضايعه؟
سالم:أنتي من إيش خايفه بالضبط؟
عبير:من الزواج بكبره
سالم:أنتي مو أول وحده وولا آخر وحده تتزوج هذي سنة الحياة وكل بنت لابد من يجي اليوم إلي تتزوج فيه يعني إن ماتزوجتي اليوم بكره تتزوجين .أبي أفهم ليش الخوف؟وبعدين أنتي بتزوجين آدمي مو وحش
عبير:سالم أنا مو خايفه منه أنا خايفه إني أضلمه معي يعني مثلا لوتزوجته وما حبيته بالتالي مستحيل أسعده
سالم:وليش ما تحبينه إذا الولد زين وأخلاقه زينه يعني مواصفاته نادر ما تلقينها في شباب اليوم
عبير(بربكه):سالم أنا أقولك مثلا يعني يمكن أحبه بس أنا خايفه من الإحتمال الأول
سالم:شوفي وأنا خوك إذا أنتي تبينه الله يتمملك علي خير وإذا ما تبينه ترانا تونا علي البر تقدرين تقولين لاوأنا بوقف معك
عبير:سالم لو تدري كلامك شقد ريحني ما تصدق
سالم(بئبتسامه):لهدرجه خايفه .؟
وجلسو يسولفون مع بعض



نرجع لكندا
راحة جواهر لعند زياد
كان في غرفته جالس علي السرير وحاط يدينه علي وجهه ويبكي
وكان شكله يكسر الخاطر

تقربة جواهر منه وجلست جنبه
جواهر:زياد . زياد ليش تبكي ؟
زياد(ببكاء):أبي أروح مع خالي عبدالله ليش ما خليتيني أروح
جواهر(وهي تمسح علي راسه):حبيبي زياد تروح وتخليني لحالي
أنا ما أقدر أستغني عنك
زياد:طيب نروح كلنا معاه
جواهر:شلون كلنا نروح هنا بيتنا وهنا مدرستك وهنا الجامعه حقتي مايصير نروح
زياد(وجهه كله دموع):أنا مأبي أجلس هنا إذا جا بابا من السفر بروح معه
جواهر(منصدمه ما توقة زياد بيقول الكلام هذا أو بالأحري مكان يسأل عن أبوه .طبعن هو كان يتكلم مع ساره في الموضوع هذا وجواهر ما تدري بحكم علاقتهم ببعض)

جوهر(بربكه):بابا
زياد:إيه بابا إذا جا من السفر بروح معاه
جواهر:ومن قالك إن بابا مسافر
زياد:ماما ساره هي قالتلي إن بابا مسافر وبيرجع
جواهر(بعصبيه):بابامااااااااااااااااات مافيه بابا فاهم ولا عاد أسمعك تتكلم عنه مره ثانيه
زياد خاف من صراخ جواهر ورجع يبكي
بالنسبه لجواهر طلعة من الغرفه وهي مره متضايقه وحاسه الدنيا تدور فيها وسكرة باب الغرفه بقوه
جواهر(بقلبها):ليش يعمتي قلتيله إن أبوه مسافر ليش ما قلتيله إنه مات ليش سويتي كذا
وأخذة الجوال وتصلة بمضاوي
جواهر(وهي متضايقه):السلام أخبارك
مضاوي:هلا جوجو أخبارك أنتي
جواهر:الحمدالله بخير
مضاوي:سافر عبدالله ولا لسي؟
جواهر:توه طالع له نص ساعه تقريبن . مضاوي ممكن أطلب منك طلب
مضاوي:جواهر أنتي تامرين مو تطلبين
جواهر:مايامرعليك عدو أبيك تجيني اليوم وتنامين عندي
مضاوي:أوكي بقول لأبوي إذا وافق بجيلك علي طول
جواهر:أوكي خلاص روحي قوليله الحين ورديلي خبر
مضاوي:صار يالله بروح أقوله
جواهر :أوكي أستناك
وسكرة مضاوي وشوي دق جوال جواهر
جواهر:من هذاليكون مشعل ماني راده دق لين تمل وتسكر من كيفك
ودق الجوال ثلاث مرات وجواهر ماردة
ودق المره الرابعه
جواهر:خلني أرد وأوقفه عند حده.ألو
مشعل:ألو السلام أخبارك
جواهر(بحده):وعليكم السلام . من معي
مشعل:يعني ماعرفتيني
جواهر:لا والله ما عرفتك من أنت؟
مشعل:أنا مشعل صديقك بالجامعه؟
جواهر:صديقي؟أنا ما عندي صديق إسمه مشعل
مشعل:ولا يهمك ماني صديقك زميلك .حبيت أعزي عليك عظم الله أجرك كان ودي أجيك للبيت بس ما حبيت أسببلك إحراج مع أخوك
جواهر(بئستهزاء):لا والله فيك الخيرالأخبار واصلتك عدل
مشعل:والله الواحد إذا إهتم لشخص أكيد تهمه أخباره
جواهر:شف يا أخ مشعل رجاءً لا عاد تتصل علي مره ثانيه لاأنه بصراحه إتصالك يزعجني
مشعل:أفا ليش . يعني ماتبينها زماله .خلاص إعتبريني أخوك
جواهر(بعصبيه):أنا ماني فاضيتلك مع السلامه
وسكرة الخط وما إنتضرة منه رد وبعدها دقة مضاوي

مضاوي:وش ذا الإشغال من كنتي تكلمين؟
جواهر:مشعل اللزقه السخيف
مضاوي:من مشعل.؟
جواهر:يوه مضاوي مشعل إلي معنا في الجامعه أمداك نسيتيه
مضاوي:إيييييه تذكرته وش يبي ؟
جواهر:داق يعزي.المهم خليك منه وش قال أبوك وافق ولال
مضاوي:وافق إني أجيك بس ما وافق علي النوم عنك
جواهر(بضيقه):ليش ما وافق تنامين.؟
مضاوي:يقول خليها هي تجي وتنام عندنا
جواهر:طيب وش تفرق؟
مضاوي :مدري عنه .شوفي مسافة الطريق وأنا عندك
جواهر:يالله أستناك

جواهر جلسة تفكر بزياد (أروح أشوفه ولا أخليه .لا بروح أشوفه )
وراحة لغرفة زياد كان منسدح على بطنه ونايم وكل برائة الطفوله فيه جواهر كانت تناضره وإبتسمة وقربة منه
جواهر(وهي تهزه):زياد يالله قوم حبيبي.
زياد(وفيه النوم):أبي أنام
جواهر:زياد قلبي مضاوي بتجي يالله قوم تبي تشوفك مايصير تجي وأنت نايم
زياد(وهو يفرك عيونه بإدينه):طيب أنا أبي اليوإس بي حقي
جواهر:ليش اليوإس بي وينه
زياد:أنا أخذته معي للمدرسه والمس أخذته مني
جواهر:وليش تاخذه معك
زياد: ميرا تجيب اليو إ س بي حقها كل يوم وما تعطيني ألعب ومعها
جواهر:من هذي ميرا؟
زياد:هذي معي في المدرسه
جواهر:وأنت وش دخلك بميرا تجيبه ولا ما تجيبه أحس إنهم أخذوه منك تستاهل
زياد:جوجو المس تقول لازم ماما تجي على شان تاخذه والحين ماما ساره موموجوده من يروح معي
جواهر:زياد حبيبي أنا أروح بكره للمدرسه وآخذه من المس خلاص لاتزعل يالله قوم غسل وجهك
زياد(بفرحه):يعني بكره بتروحين معي المدرسه
جواهر:إيه بروح معك المدرسه بس أول شي توعدني إنك ما تاخذ اليو إس بي معك مره ثانيه أوكي
زياد:أوكي
وبعدها جات مضاوي عندهم

نرجع السعوديه
راكان كان جالس مع خويه سلطان من أيام الثنوي في كوفي شوب
راكان:أنا قدمة علي أمن المنشأت وإنشاء الله يقبلوني
سلطان:طيب والجامعه وش بتسوي فيها.؟
راكان :بدرس إلي أن يتم قبولي وإذا ما قبلوني بجلس بالجامعه
سلطان:والله حرام ما بقالك شي وتتخرج
راكان:أنا إذا تخرجة بقعد أدور وضيفه أدور من الحين أبرك أختصر المسافه
سلطان:إلي يرحك بس فكر تري هذا مستقبل مو لعبه يعني لا تخسر الجامعه والوضيفه مره وحده
راكان :لا تخاف حاسبها صح

بيت أبو سالم
أم سالم:الملكه سبوع الجاي وأنتي إلى الآن ما تجهزتي
عبير:يمه والله عندي إختبارات خليها بعدين
أم سالم:متي بعدين لازم تجهزين خلاص ما بقي شي
عبير:طيب متي تبيني أروح
أم سالم:بكره فضي نفسك بتروحين مع إختك مزنه
عبير:طيب بس بنروح بعد صلاة العشاء لأني أول ما أجي من الجامعه بذاكر لين العشاء وبعدها نروح
أم سالم:خلاص مو مشكله أهم شي تروحين

نرجع لكندا.
مضاوي:بالله ياجواهر زياد قال كذا
جواهر(وشوي وتبكي ):والله يامضاوي أحسه يتقبل الكل إلا أناأحيان أحسه ما يحبني ويبي الفكه مني بأي طريقه وأحيان أحس العكس
مضاوي:جواهر أنتي لازم تخلينه يتعلق فيك أكثر يعني تقربي منه خليه يحكيلك كل شي يصير معهعوديه علي إنه ما يخبي شي عليك
جواهر:أنا الحين أحاول أسوي كذا بس
مضاوي(تقاطع كلام جواهر):لا بس ولا غيره سوي على إلي قلتلك عليه
جواهر:إنشاء الله خير
مضاوي:ماقلتيلي سالفة روميو بالتفصيل
جواهر:مضاوي الله يخليك فكينا من سيرته لا تنكدين علي
وجا زياد يركض لعندهم
جواهر: من وين جاي
زياد :من بري
جواهر:وش تسوي بري
زياد:ألعب بالسيكل
جواهر:أنا ماقلتلك لا عاد تطلع بري لحالك
مضاوي :زياد مايصير تطل برى لحالك بعدين يخطفك الحرامي
زياد:أنا عند الباب إذا جا الحرامي بسرعه أدخل
جواهر:أنت الحلول دائما موجوده عندكما جعت ما تبي تاكل شي من جيت من المدرسه ما دخل بطنك شي
زياد:إلا أبي آسكريم
جواهر:لا مافيه
زياد(وهو ماد بوزه):ليييييييييييييييش