الموضوع: روايه الأم الصغيرة

عبد العزيز:أنا ما أبي أي شي يشغلك عني أوكي قلبي
عبيرحست بإحراج مو طبيعي أول مره في حياتها أحد يقولها كلام كذا ويصبه في إذنها صب تمنت
إنه يكون راكان مو عبد العزيز
عبد العزيز:وينك وين رحتي
عبير(بربكه):موجوده أنا أخليك الحينأمي تبيني
عبدالعزيز:أوكي حبيبتي أخليك بس كلميني علي الساعه 12أوكي
عبير:أوكي إذا ما بعد أنام بكلمك
عبدالعزيز:حبيبتي في أي وقت تبين تكلمين كلميني
عبير:إنشاء الله
عبدالعزيز:يالله أجل أخليك ياروحي باااااي
عبير:باي
وسكر الخط وعبير وجها كله ألوان من الخجل كانت طول المكالمه مرتبكه ومو عارفه تتكلم



في كندا .
تكلم مضاوي بالتلفون
مضاوي:مقدر ياجواهر عندنا ضيوف مقدر أطلع وأخليهم أنتي روحي لحالك مو لازم أنا معك
جواهر:ودي تروحين معي .طيب الضيوف بيتأخرون
مضاوي:توهم جاين يعني يبيلهم ساعتين علي ما يمشون
جواهر:خلاص أجل الله يعني أروح لحالي
مضاوي:أنا أشوف ماله داعي تسجلينه في النادي والله راح ينضغك مدرسه ونادي
جواهر:شسويله بعد مدري من حاط الفكره هذي براسه يقول أبي أتعلم الكراتيه علشان إذا أحد ضربني أضربه وبصراحه أحسن خليه يتعلم كل يوم يجيني يشتكي من إلي يضربونه بالمدرسه
وأنتي تعرفينه ما عنده غير إلسانه
مضاوي:أنتي أعرف بمصلحته .بتخلينه يروح لحاله
جواهر:لا طبعن راح أداوم معه مستحيل أخليه لحاله
مضاوي:يمكن يرفضون
جواهر:بروح وأجرب إذا وافقو يخلوني أجي معه في التمارين أوكي بسجله إذا ما وافقو
مو لازم
مضاوي:يالله أنا تأخرت الناس تحت فشله
جواهر:أوكي بااااااااااي
مضاوي:باااااي
زياد:يالله خلينا نروح
جواهر:بروح أجهز نفسي وطلعلك ملابس تلبسها
زياد:طيب يالله بسرعه
طلعت جواهر وغيرت ملابسها(لبس بلوزه فوشي وجاكيت كحلي صوف وبنطلون جنز وحطت لفاف
ولفته علي رقبتها لونه سكري وجزمتها وأنتم بكرامه سبورت )
وبعده راحت لغرفت زياد وطلعتله ملابس
جواهر:زيود هذي ملابسك إلبسها علي ما أروح أشغل السياره
زياد:ما أبي ألبس هذا
جواهر:أجل وش تبي تلبس
(جواهركانت مطلعتله بلوزه صوف بنيه وبنطلون بيج وعليه جكيت بني فيه فرو وقبعه صوف وقفازات لأن الجو كان مره برد)
زياد:أبي هذي
جواهر:لا هذي البدله خفيفه بعدين تبرد. يالله بسرعه إلبس إلي طلعتلك ولا بنتأخر وبعدين يسكر النادي
لبس زياد وطلع وجواهر في السياره وتوجهو إلي النادي الكراتيه

وصلو للنادي وخلت جواهر وزياد للنادي علشان التسجيل
مدير النادي:أهلا تفضلي بالجلوس
جواهر:شكرا
مدير النادي:بماذا أخدمك؟
جواهر:أريد أن أسجل إبني هنا في النادي
المدير:كم جلسه تريدين أن يحضر إبنك .؟
جواهر:كم عدد الجلسات المتوفره لديكم؟
المدير:توجد لدينا جلستان في الإسبوع وأربع جلسات في الإسبوع وست جلسات في الإسبوع
جواهر:جلستان في الإسبوع يناسبني
المدير(وهو يمدلها ورقه):هذه إستماره أريدك أن تملئيها
جواهر:قبل كل شيء أريد أن أرافقه لا أريده أن يأتي لوحده أقصد في الجلسات التمارين
المدير:لماذا فالمكان هنا آمن. لاتخافي عليه إنه في أيدي أمينه
جواهر:أعلم ولاكن لأستطيع أن اتركه لوحده
المدير:آسف لا أستطيع إلا إن سجلتي معه يمكنك أن تتواجدي معه هنا
جواهر:سوف أسجل ولاكن لن ادخل الصف سوف أتواجد معي إبني في صفه
المدير:لا لايمكن ذالك أنا أقصد أن تسجلي وتتواجدي معه في النادي فقط ولاكن أن تكوني معه في الصف لا يمكن هنا أنضمه ولايمكن إختراقها
جواهر(وهي تقوم من الكرسي):إذا شكرالك
المدير:أنا آسف كنت أريد أن أساعدك ولاكن لا أستطيع
جواهر:ياللزيود خلينا نطلع(وناضرت المدير)عن إذنك
وطلعت بري غرفت المدير وكانت تمشي في الممر هي وزياد
زياد:ليش ماسجلتيني
جواهر:زياد حبيبي بنروح نادي ثاني
زياد:ليش وهذا
جواهر:زياد خلاص قلتلك بنروح نادي ثاني هذا مايصلح
زياد:ماني طالع لما تسجليني

جواهر:زياد إذا بتعاندني ماراح أخليك تسجل في النادي أبد تفهم والحين سكر فمك ولاتفتحه
زياد(وهو مبوز ومو عاجبه شي):طيب أنا أبي أسجل
جواهر:قلتلك النوادي هنا كثير الحين نروح نادي ثاني وأسجلك فيه أحسن من هذا بكثير
وكملو طريقهم ووصلو للسياره وشوي جواهر سمعة أحد يناديها ولتفتت



نرجع السعوديه.
في بيت عبد العزيز.
أمل:يمه تكفين خليني أروح والله ماراح أتأخر
منى:لا يعني لا تروحين السوق مع صديقاتك لحالكم ما معكم أحد ماتخافون ولا المجمع إلي بتروحون له آخر الرياض لا يابنتي أخاف عليك
أمل:يمه تكفين كل صديقاتي بيروحون خليني أروح معهم كلنا بنروح بسياره وحده
منى :أمل قلت لا يعني لا
قامت أمل وهي تحلطم ومو عاجبها الوضع ورقت فوق لغرفتها
وأخذت الجوال وإتصلت علي هند
أمل:هلا هنوده
هند:هلا فيك ها تجهزتي أمرك
أمل:لا أمي مارضت تقول المجمع آخر الرياض وبعيد
هند:طيب أنتي مو لحالك أنا معك
أمل :قلتلها بس مارضت
هند:خلاص قوليلها إنك بتروحين تذا كرين عندي وخلي سواقك يجيبك عندي بالبيت ونطلع من بيتنا
أمل:لا مقدر أسوي شي وأمي ماتدري عني .لا أخاف
هند:يابنت كلها ساعتين نتمشا فيها ونرجع ولا من شاف ولا من درا يالله عاد لاتصيرين معقده
أمل:هند أخاف أحد يشوفني من أهلي
هند:أنتي غبيه من بيشوفك محد بشايفك أنتي تعالي عندي وراح اضبطك ماراح أحد يعرفك أبد
صدقيني بتروحين السوق وبتسانسين والله ماراح أحد يعرفك
أمل :خلاص أجل بروح أقول لمي إني بجيك وشوف وش تقول
هند:يالله أستناك لا تتأخرين
ونزلت أمل عند أمها
أمل:يمه بما إنك رفضتي إني أروح السوق خليني أروح لبيت صديقتي هند
منى:ليه مو رايحه للسوق هونت
أمل:إيه يوم رفضتي قالت خلاص أجل تعالي عندي ونجلس نذاكر مع بعض بما أن مافي روحه للسوق
منى:روحي بس ساعه وترجعين فاهمه أنا أبي السواق
أمل:يمه خليها ساعتين الله يوفقك
منى:قلتلك أبي السواق
أمل:يمه هند توصلني هي عندها سواق خاص فيها
منى:خلاص على كذا ساعتين وترجعين وياويلك إن تأخرتي
أمل(وهي تحب راس أمها):والله ما أتأخر تسلمين يا احلي أم في الدنيا
ونطت وراحت تلبس
(فتحت الدولاب وطلعة تنوره قصره مره موديلها غجري لونها سكري وفيها تشجيرات ذهبيه ولبست
على التنوره بلوزه ذهبيه ساده وصندل ذهبي )حطت مكياج خفيف واخذت عبايتها وشيلتها وطلعت من غرفتها
ونزلت الدرج وهي تناضر منال كانت جالسه مع أمها في الصاله
أمل:يالله مامي بااااااي
منى :لا تتأخرين سمعتي ساعتين بس وترجعين
وطلعت أمل مع السواق
منال:يمه وين رايحه أمل
منى:رايحه لبيت صديقتها هند
منال(كانت بتتكلم عن هند بس تراجعة لما تذكرت تهديد أمل ):أنتي تعرفين هند
منى:لا ما أعرفها ولا عمري شفتها بس أختك تمدحها ليش أنتي تعرفينها
منال:لا ما اعرفها بس المفروض إنك تعرفينها أكثر يعني تخلينها تجي البيت هنا وتشوفين تصرفاتها
منى:إذا أنتي سامعه عن البنت شي قوليلي
منال:أنا ما أعرفها من وين أسمع عنها بس أنا أقولك كذا لأني خايفه علي أمل هي صغيره وتعتبر
إلي الآن مراهقه
منى:الله يحفضها إنشاء الله وكفيها شر بنات الحرام .

عند أمل وهند.
أمل(وهي منبهره من غرفة هند):الله غرفتك مره تجنن
هند:خليك من غرفتي وتعالي أضبطك
أمل:تضبطيني وش بتسوين
هند:أنتي مو خايفه إن أحد من أهلك إذا شافك بالصدفه يعرفك
أمل :إيه
هند :خلاص أنا برسم عيونك بالكحل وألبس لثمه ومحد راح يعرفك
أمل :آهاه علي كذا أوكي يالله حطيلي
ورسمت عيونها بالكحل ولبستها الثمه وطلعو للسوق
إنزلت هند من السياره وبعدها أمل
هند تناضر أمل من فوق لتحت
أمل:شفيك ليش تناضريني كذا فيني شي غلط
هند:ليش مسكره عباتك إفتحيها
أمل:لا أنا لابسه قصير مايصير أفتحها
هند:وانا لابس قصير بعد وين المشكله
أمل :هند الهيئه هنا بيمسكونا وبيسولنا سالفه
هند(تضحك):الهيئه المجمع هذا ممنوع تدخل فيه الهيئه ياحلوه
أمل :يعني هنا مافيه هيئه
هند :لا مافيه إفتحي عباتك شفيك لا تصيرين معقده
أمل:هو لو بنطلون أهون بس التنوره قصيره
هند:يابنت خلاص فكي العقده محد بعارف من أنتي وأهلك مو معك خذي راحتك وفليها
أمل:لا ما أقدر بصراحه أستحي
هند:أمل إذا بتدخلين معي كذا إسمحيلي مراح تدخلين معي بصراحه تفشلين كذا
أمل :طيب بفتحها لا تزعلين
هند:إيه خليك كذا يالله خلينا ندخل
دخلو المجمع والأنضار كلها عليهم
هند تكلم بالجوال
هند:هلا حبيبي وينك آهاه .أوكي أنتضرك
أمل:من تكلمين؟
هند:الحين بتشوفين من كنت أكلم
وشوي جاهم شاب لا بس ثوب ومتشخص بالغتره والعقال والرزه ومعاه أكياس وبوكيه ورد

نادر:مساء الخير هنوده
هند:هلا حبيبي أخبارك
نادر:الحمد الله بخير
هند(بمياعه):من متي تنتضرني ليكون وتأخرت عليك
نادر:لا عادي حبيبتي أنا لو أنتضرك العمر كله عسل علي قلبيإلا ما عرفتينا على الحلوه
هند:هذي صيقتي أمول .أمول هذا حبيبي نادر
أمل كانت في حالة خوف مو طبيعيه أول مره تمر بموقف مثل هذا ومنصدمه بهند وتصرفها ماتوقعتها
كذا

نادر:تشرفنا أخت هند
هند:يالله خلونا نمشي ولا بنضل طول الوقت واقفين
نادر:قبل ما نمشي تفضلي هذي هديه مني لك
هند(وهي بطير من الفرح):هذا كله لي
نادر:طبعن لك أجل لمين.(وناضر أمل بنضرات إعجاب )
أمل:هند ممكن شوي أبي أكلمك لحالك
هند:أكيد حبيبتي .نادرحبيبي عن إذنك شوي
نادر:إخذي راحتك ياقلبي
مسكت أمل يد هند وراحت بعيد عن نادر علشان تقدر تكلمها
أمل:هند ممكن تقولين لي من هذا وش سالفته
هند(ببتسامه):هذا البوي فرند حقي
أمل:هند من متي وأنتي تعرفين شباب
هند:أمل تراك ترفعتي ضغطي من تصرفاتك يختي شفيك أنتي تراك مره صاكه على نفسك
يختي عيشي حياتك.وبعدين أنا مابيني وبينه شي يعني شوفت عينك بس مقابلات في المجمع
ومكالامات تلفون مافي شي ثاني
أمل:لا تخلينه يمشي ويانا خليه يروح لحاله
هند:تبيني أطرده لا مستحيل وبعدين مراح ياكلك إمشي ولا تتكلمين وياه
أمل حست إنه يناضرها بس طنشته وهو جذبها من حركاته وطريقة كلامه إنعجبت فيه وبنفس الوقت
كانت ميته خوف ورعب
وتمشو في المجمع وهند سوالف وضحك مع نادر بالنسبه لأمل كانت طول الوقت ساكته
أمل(بصوة واطي):هند تأخرت خلنا نطلع
هند:طيب .(ولتفتت علي نادر)نادر حبيبي حنا تأخرنا كثير لازم نرجع البيت
نادر:طيب خلوكم شوي تونا
هند:مره ثانيه نشاء الله
نادر:إنشاء الله المره الثانيه تكون الأخت أمل موجوده بعد
هند:إنشاءالله يالله نخليك
نادر:خلوني أوصلكم
هند:أمممممم أمول شرايك
أمل(وهي تشد علي الكلام):أكيد لا أنتي صاحيه
هند:خلاص أعصابك.لا نادر السواق بري ينتضرنا
نادر(وهو يطلع كرت من مخباته):تفضلي أخت أمل هذا رقمي وأي شي تبينه إتصلي فيني
أنا فاضي بأي وقت تبين
أمل:لاشكرا ما أحتاجه
هند(بصوة واطي):أمل إخذيه لا تفشلينا أخذيه
أمل (بتردد)أخذت الرقم وحطته بالشنطه
وطلعو بري المجمع وركبو السياره
أمل:الحين أنتي مو تقولين إنه حبيبك شلون ترضين إنه يعطيني رقمه ما تغارين
هند:لاحبيبتي ما اغار لانه مو حبيبي صدق بس كذا أتسلي معه
أمل :وهو يتسلي بعد
هند:إيه حتي هو يتسلي ويعرف غيري ميت وحده
أمل:والهديا هذي والورد كل علشان يتسلي بس
هند:إيه حبيبتي أجل أخليه يتسلي كذا بدون مقابل
أمل :بس أنتي مو محتاجه عندك خير
هند:أدري بس زيادة الخير خيرين.أمول حبيبتي تري إذا بغيتي تكلمينه عادي ما عندي مانع
لا تحسبني أغار
أمل:لا أنا ما عندي التصرفات هذي
هند:أمول حبيبتي عندي لك إقتراح أنتي جربي إذا عجبك الوضع كملي وإذا ما عجبك خلاص
ماراح تخسرين شي والله راح تحسين بمتعه وناسه أنتي جربي وش بتخسرين
أمل:لا أخاف من أخوي عبد العزيز
هند:لا تكلمين قدامه وبعدين خلي عندك شريحه ثانيه غير هذي وكلمي منها علشان محد يمسك
عليك شي وبعدين إذا أنتي حريصه محد بيدري عنك




نرجع لكندا
إلتفتت جواهر لمصدر الصوة
جواهر(بعلامة تعجب):مشعل ؟
مشعل:السلام(ونزل مستوا زياد)كيفك يابطل
جواهر:وعليكم السلام أنت وش تسوي هنا؟
مشعل:أنا عندي تمارين في نادي مسجل هناأنتي إلي وش تسوين
جواهر:كنت جايه أسجل زياد
مشعل:زين يعني بشوف زياد هنا
جواهر:لا ماسجلته مارضو يخلوني أجلس معه يقلون لازم أسجل
مشعل:أنا أعرف المدير صديقي إذا تبني أكلمه ماعندي مانع
جواهر:لا مافي داعي بشوف نادي ثاني
مشعل:كل أنضمة النوادي هنا زي بعض يالله تعالي معي علشان أكلمه
جواهر(بتردد):أممم أوكي
دخل مشعل عند المدير وكلمه وافق المدير إن جواهر ترافق زياد بجلسات التمارين وقاله
المدرب من بكره يجي يداوم
مشعل:خلاص وافق من بكره يداوم
جواهر:مشكور تعبتك ويانا
مشعل :لاعادي ماصار شي .هاه زياد مستانس
زياد:إيه مستنس مره
جواهر:يالله أخليك
مشعل:نتقابل في الجامعه بكره أوكي
جواهر:إنشاء الله على خير
مشعل:باي زيود
زياد:باي
رجعت جواهر البيت وبعد مانام زياد إتصلت علي مضاوي وخبرتها كل شي صار وياها
مضاوي:زين وفر عليك مشاوير للنوادي
جواهر:إي والله بس حسيته طيب
مضاوي:جواهر ليكوووون .
جواهر:ليكون أيش يعني وش تقصدين
مضاوي:يعني يمكن بدئ يجذبك
جواهر:أنتي وين وأنا وين وش ذا التفكير مضاوي مستحيل يصير الشي هذا
مضاوي :والله أنا حسيت من كلامك كذا
جواهر:أنا أقولك كيف عاملني مو إنه عاجبني
مضاوي:طيب خلاص لا تعصبين أمزح معك
جواهر:مضاوي زينه معي علي الخط
مضاوي :أنتي لو الله يفكك من زينه هذي هنا بخير
جواهر:مضاوي حرام والله البنت تكسر الخاطر

مضاوي:والله محد يكسر الخاطر غيرك أنتي يالله بااااااااااي
جواهر:بااااي
وردت على زينه
زينه:هلا جوجو أخبارك
جواهر:الحمد الله بخير أنتي أخبارك
زينه :الحمد الله بخير .هاوش صار مع مشعل
جواهر:ماصار شي جديد علي حطت يدك
زينه:طيب جواهر وش تستنين بكره لازم تروحين له بالجامعه وتسألين عنه
جواهر:إذا خلصت محاضراتي يصير خير
زينه:جواهرأنا أدري إني تعبتك وياي
جواهر:لاعادي بس إنشاء الله تعدي الأمور علي خير
زينه:إنشاء الله
في اليوم الثاني في الجامعه خلصت جواهر محاضرات هي و مضاوي كانت واقفه عند سيارتها
وتكلم مضاوي وناداها مشعل
مشعل:السلام
جواهرومضاوي :وعليكم السلام
مضاوي:جواهر أنا بروح يالله باي
جوهر:باي
وطلعت مضاوي بسيرتها وبقي مشعل وجواهر
مشعل:ممكن نتغدي مع بعض
جواهر(بقلبها):يالله من هذا ماصدق على الله إني عطيته وجه
مشعل:ها وش قلتي
جواهر:لا والله ما أقدر زياد بالمدرسه وبروح أطلعه وهو لازم يتغدي وينام ساعتين
وبعدها يذاكر يعني ما عندي وقت
مشعل:طيب آخذك معي ونمره بسيارتي ويطلع معنا ونتغدي جميع
جواهر:لا ما أقدر العصر بطلع لحديقه إلي في نفس الحي إلي حنا ساكنين فيه تقدر تجي
مشعل:أوكي صار العصر نتلاقا
جواهر:أوكي
مرت جواهر زياد وطلعته من المدرسه وتغدو لما جا العصر وطلعو للحديقه
جواهر:زيود لا توسخ ملابسك وبعدين إنتبه لا تطح أنا بجلس علي الكراسي إلي هنا
زياد:طيب لا تروحين مكان
جواهر:ماراح أتحرك من مكاني شفني جالسه يالله حبيبي روح إلعب تري بس ساعه ونرجع
البيت أنت ماذكرت شي من دروسك
زياد:أبي أجلس لييييييييييييين يجي اليل وبعدين نروح البيت
جواهر:أنت الحين روح إلعب بعدين يصير خير
مشعل:السلام
جواهر:هلا توك واصل
مشعل:إيه كيفك زيود
زياد:بخير .جوجو إمسكي قفازاتي
جواهر:لا خليها عليك برد
زياد :لا ما بي ما اعرف ألعب فيها
جواهر:خلاص عطنياها
راح زياد يلعب بالألعاب المو جوده بالحديقه ومشعل جلس مع جواهر
جواهر:حاسه بتوتر أما مشعل بيطير من الفرحه لان خطته ماشه عدل
مشعل:ممكن سؤال
جواهر:تفضل إسأل
مشعل :هو سؤال شخصي إذا حبيتي تجاوبين جاوبي وإذا ما حبيتي براحتك
جواهر:أسمعك
مشعل:أنتي زوجك مو جود
جواهر(برتباك):زوجي؟لا لا مو موجود
مشعل:وينه ؟
جواهر:أنا مطلقه
مشعل:الضاهر إنك تزوجتي وأنتي صغيره
جواهر(والكلام مزعجها لآخر درجه واضح على وجها):إيه هذا إلي صار
مشعل:كم عمرك يوم تزوجتي
جواهر(بعصبيه شوي):مو كأنك زودتها وتماديت بسألتك
مشعل:أنا آسف قلتلك إذا ما تبين تردين على أسئلتي لا تردين
جواهر:ماني راده علي سؤالك
مشعل:طيب سؤال أخير وماراح أسأل غيره
جواهر(وتصد وجها للجهه الثانيه ):ليه ما خلصت تحقيق
مشعل:مو تحقيق بس أنتي بالنسبه لي علامة إستفهام تمشي قدامي كلك ألغاز
جواهر:وأنت وش يهمك
مشعل:تكفين بس السؤال هذا جاوبيني عليه
جواهر:طيب وشو سؤالك
مشعل:زياد أبوه سعودي .؟
جواهر(برتباك واضح علي وجها):طبعن أبوه سعودي أجل وش تبيه يكون
مشعل:لا بس زياد أشقر وعيونه زرق يعني ملامحه غربيه
جواهر:أنت وش تلمح له
مشعل:أنا مالمحت بشي لا تفهميني غلط
جواهر:طيب ممكن تسكر علي الموضوع لأنه يزعجني
مشعل:وليش يزعجك ؟
جواهر(بعصبيه):وأنت وش دخلك
مشعل:لأنك كذااابه
جواهر(بصدمه):كذابه ؟وليش أكذب عليك
مشعل(وقف قدامها وحط إدينه بجيبته):أنا أدري كيف جبتي ولدك تو اليوم واحد من
الشباب جاب معلومات عنك وقالي كل شي
جواهر(بقهر):إيه وش قالك ؟
مشعل:قالي إنك في مراهقتك كنتي على علاقه بواحد أجنبي وحملتي منه وأهلك تبرو منك
وقطوك هنا عند عمتك بكندا
جواهر(قامت من الكرسي):أنت واحد واطي ومنحط وسافل (ومشت بس مشعل مسكها من يدها)
مشعل:أنا بعرض عليك عرض وتأكدي إني ماتجرئة أقولك الكلام هذا إلا لما عرفة أي نوع من البنات
أنتي

جواهر(بنضرات حقد وكره ):مابي منك عروض وخر يدك عني لصرخ وأجمع عليك الناس
مشعل:أنتي إسمعني وش بتخسرين .أبيك تكونين لي (.)
جواهر رفعت يدها بكل قوه وعطته كف
مشعل(يحط يده علي خده وبعصبيه):والله لردها لك وتشوفين
راحت جواهر لعند زياد وأخذته وتوجهة للبيت وكلام مشعل يتكرر في إذنها وحاسه الدنيا
ضايقه فيها وكانت دموعها تنزل
مشعل جرحها كثير بكلامه حست إنها رخيصه تمنت إنها ذبحته بذيك اللحضه بس مو بيدها
زياد:جوجو ليش تبكين؟
جواهر:لا حبيبي أنا ما أبكي الظاهر دخل في عيني شي


عند مشعل.
يكلم جوال ولسى ماطلع من الحديقه
مشعل:زينه تصرفي
زينه(بعصبيه):خربت علي كل شي شلون تبيني أتصرف مستحيل تتقبلك الحين عقب إلي
قلته لها.وبعدين ليش تتهور وتقولهاكذا
مشعل:مدري قهرتني مخليه نفسها الملاك الطاهر وهي حيه من تحت تبن
زينه أدري إني غلطت وتهورت بس تصرفي أبيها في فراشي اليوم قبل بكره فهمتي والله لردلها الكف كفين
زينه:بحاول بس لاتتأمل فيني سامع
مشعل:سامع يالله باي
زينه :باي



في الإمارات .
عند راشد في مكتبه إلي بالقصر وكان يكلم بلجوال عامر
راشد:أباك تعرف عنه كل شي وتخبرني مابتعطيه كف من غير سبب أباك تفتح عيونك
ولاتفارقهم ساعه وحده
عامر:إنشاءالله طال عمرك لا توصي حريص إرقد وآمن
راشد:عيل أخليك شوف شغلك
عامر:حاضر طال عمرك يالله في أمان الله
راشد:في أمان الله
وانضرب باب
راشد:تفضل
مريم:أحينه أنت ما تخلص من الشغل حتي بالبيت ياخوي ريح شوي مايستوي جذي
راشد:العمر يخلص والشغل مايخلصقولي شو عندج
مريم:لقيتلك عروس تيننن أبا أخطبها لك شو قلت
راشد:مريم نحن خلصنا من المو ضوع هذا قلتلج من قبل أنا ما بي أعرِس ولو وفكرت بالعرس
بختار بكيفي مو بكيفج
مريم:شقايل ماتبا تعرس. ياخوي يعني لين متي وأنت عزوبي
راشد(ناظر مريم نظره هي تفهمها عدل وتدري إنها تعدتت حدوده):أنا عندي شغل ما با إزعاج
مريم :إن زين علي أمرك
وطلعت من المكتب وتوجهت لدرج وقب لاتنزل شافت اللفت ينفتح وطلعة مروه من اللفت
مريم(وهي تمسك قلبها):وا بويِه شو مستوي علي شعرج
مروه:توج أحينه تشوفينه من أمس قاصتنه
مريم:راشد شافج جذي
مروه:هيه شافني وماقلي شي تصدقين تخبل على القصه وقالي كل مره قصيها
مريم:حمدالله والشكر أصحاب العقول براحه أروح أشوف عيالي أبرك من مقبال ويهج
مروه:والله تسوين خير


في كندا.
اليوم الثاني الصباح
جواهر ما داومت وصلت زيود المدرسه ورجعة البيت طول اليوم ما نامت كانت تبكي من تصرف مشعل لها
في الجمعه .
مشعل:زينه كلمتيها
زينه :لا خفت تشك فيني
مشعل:شوفي مضاوي روحي إسئليها جواهر بداوم ولا لا
زينه(بتأفف):زييين بروح
وراحت عند مضاوي
زينه:هلا مضاوي أخبارك
مضاوي :الحمد الله بخير
زينه:مضاوي جواهر بداوم اليوم
مضاوي:لا كلمتها تقول تعبانه وماراح تداوم
زينه :آهاه أوكي حبيبتي مشكوره
مضاوي:العفو
وراحت مضاوي للمحاضره وزينه رجعة عند مشعل
مشعل:وش تقول
زينه:تقول مراح تداوم اليوم
مشعل:كلميها الحين
زينه :أكلمها وش أقولها وبعدين أكيد نايمه
مشعل:أنتي كلميها وإسأليها إذا هي بالبيت لحالها
زينه:وش ناوي عليه
مشعل:أنتي إتصلي ولا تكثرين كلام
زينه :طيب بتصل وأمري لله
ودقت زينه علي جواهر وردت
جواهر(بصوت كله نوم):ألو
زينه:هلا جوجو أخبارك
جواهر:هلا زينه
زينه:شكلك نايمه ليش مو مداومه اليوم
جواهر:تعبانه وبعدين اليوم أبيك تمرين على بقولك كلام ماينفع علي الجوال
زينه:وزياد في المدرسه؟
جواهر:إيه في المدرسه
زينه:أجل أنتي لحالك بالبيت ؟
جواهر:إيه لحالي ليه بتجين
زينه:لا وين أجي عندي محاضرات بجيك باليل
جواهر:أوكي حبيبتي تبين شي
زينه:لا سلامتك ما أبي شي آسفه أزعجتك
جواهر(وهي تتثاوب):لا عادي
زينه:أوكي بااااااااي
جواهر:باااي

وقفلت الخط وناضرت بمشعل
زينه:لحالها بالبيت ولدها بالمدرسه
مشعل(ببتسامة خبث ):حلو هذا إلي أبيه
زينه:أهم شي عندي بعد ما تخلص من مهمتك الأشرطه و إلا
مشعل:وإلا إيش وش بتسوين.تهددين أنتي وجهك
زينه:أنا أدري وش بتسوي الحين أكيد بتروح وتعتدي علي الحلوه جواهر بعدها بتنحاش
وهي بتبلغ الشرطه.إذا عطيتني الأشرطه ماراح أشهد معها بس إذا رفضت تعطيني الأشرطه
علي وعلى أعدائي فهمت الحين
مشعل:أنا ماقلتلك بروح أعتدي عليها
زينه :مشعل أنا أكثر وحده تعرفك وتعرف طريقة تفكيرك الشي إذا ما جاك بالساهل تاخذه
بالقوه أنت روح وتطمن ماراح أفتح فمي بسي إذا سلمتني الأشرطه
مشعل:بكره تجين عندي البيت وعطيك ياها
زينه:أوكي كذا حنا متفقين

بالنسبه لجواهر كانت نايمه في العسل في غرفتها حست بحركه علي الدرج وقامت مفزوعه
من سريرها وشوي شوي وصل لباب الغرفه جواهر كانت في قمت الخوف علي التسريحه كان فيه
مقص أخذته علشان دافع عن نفسها حست إنها بخطر






أتمني يكون البارت

جواهر وشوي بيوقف قلبها من الخوف
وصل عند الباب وحاول يفتحه بس مافتح وراح للغرفه الثانيه
كانت غرفت زياد
حست إن فيها الصوت راح فتحت الباب بشويش بحيث مايطلعله صوت
كان معطيها ظهره ودخل غرفت زياد
جواهر(بخوف مو طبيعي وكانت ترجف):هذا مشعل يمه شسوي
أنا لازم أطلع من هنا إن جلست هنا أكيد بيكسر الباب علي
طلعت من الغرفه بشويش وإتجهت الدرج بس قبل كل هذا مشعل حس فيها لما طلعت من الغرفه وعلى طول لحقها مع الدرج
جواهر لما حست إنه طلع من الغرفه صارت تركض

مشعل :على وين يحلوه وين بتروحين
جواهرألتفتت ناحيته وكملت وهي تصارخ وهي تركض مع الدرج
طاحت لين نهايت الدرج وصل لعندها مشعل وكانت تتألم
ونزل لمستواها
مشعل:أنا إذا حطيت براسي شي يصير يعني يصير
جواهر(وهي طايحه علي الأرض وماسكه يدها وتتالم وتبكي):مشعل الله يخليك إتركني بحالي تكفي طلبتك
مشعل(وهو يحرك اصبعه):لا لا مايصير أتركك أنتي الحين لي
بس فيه حاجه حس فيها مشعل براسه وكان مسدس
عامر:إذا ماتركتها بفرغ المدس هذا براسك
مشعل (وهو يلتفت علي عامر):من أنت,؟
عامر:مايخصك . قوم وقف قوم خلصني
وأخذ الجوال وإتصل على الشرطه
مشعل وقف وبسرعه ولف علي عامر يبي يسحب المسدس منه وتضاربو
مع بعض
بالنسبه لجواهر كانت يدها حيل تألمها وقامت تتسحب وراحت للمطبخ وأخذت السكين وتوجهت عندهم وطعنت مشعل بظهره مشعل إنشلت حركاته
ولتفت وناظر جواهروطاح عليهم وكان ينزف بقوه
جواهركانت مفتحه عيونها علي الأخير ودموعها تنزل
جواهر(بخوف ورجفه وصراخ ):ماااااات .أنا ذبحته
عامر(قرب عند مشعل وقاس نبضه):ما ماات لا تخافين
جواهر(وهي تبكي):راح يسجنوني أكيد .راح يسجنوني
عامر:لا تخافين ماحد بيسجنج أنا بقول إني طعته لا تخافين
جواهر:شلون أنا إلي طعنته
عامر:إذا سألوج الشرطه قولي آنا إلي طعنته وبعدين دفاع عن النفس لا خافين وقولي بعد إني أعرفج


دخلت الشرطه عليهم والإسعاف شالت مشعل
عامر وجواهر راحو مع الشرطه
لما وصلو لمركز الشرطه جلسوهم بالكراسي ينتضرون شوي علي ما يبتدون بالتحقيق
جواهر(لتفتت على عامر):أنت مين .وشلون دخلت البيت
ودافعت عني من أنت؟
عامر:أنا جاركم ساكن بالبيت إلي قدامكم على طول بالدور الثاني
وأنا مار سمعت صراخ و. فتحت الباب وشفت مشعل
جواهر(بعلامة تعجب):وأنت وش دراك إن إسمه مشعل أنت تعرفه
عامر(برتباك):لا ما أعرفه بس سمعتج تقولين مشعل وعرفت إسمه
جواهر(وهي تتألم من يدها):آآآخ .طيب أنا شسوي الحين
عامر:أشوف يدج
جواهر:الواضح إنها رضه بس تألمني
عامر(وهو يسحب يدهاويشوفها ):إذا حركتها تألمج
جواهر:إيه حيل
عامر:يمكن كسر

جواهر:أنت الحين ما قلتلي وش أسوي
عامر:قلتلج أنا بتحمل كل شي أنتي لا تعترفين بشي
جواهر:بس أنت مالك ذنب يمكن يسون فيك شي
عامر:لا تخافين راح أطلع منها
جواهر:لا مايصير أنت ساعدتني وفوق هذا تبي تشيل التهمه عني
عامر:أنتي إلي سويتيه دفاع عن النفس وبعدين أنا في من بيطلعني لا تاخفين على
جواهر:ما أدري بس قلبي ما يطاوعني إنك تسوي كذا خصوصا إني ما أعرفك
عامر:يابنت الناس شفيج أنا ريال وأتحمل .عن إذنج بسوي تلفون
جواهر:خذ راحتك(جواهر على أعصابها ومتوتره مره وخايف وترجف)
عامر(أخذ الجوال وإتصل على راشد):شحالك طال عمر
راشد:هلا عامر .شو مستوي شي
عامر:هيه طال عمرك
راشد(بخوف):شو مستوي
وجلس عامر يقوله كل شي صار كان بعيد عن جواهر شوي وهو يكلم
بس جواهر سمعته وحست إنه يعرفها ما حست وبس إلا تأكدت من كلامه
كان يتكلم عنها وعن زياد وكأنه يعرفهم عدل

راشد:أحينه بجهز طيارتي ويايك .يالله أشوفك
عامر:تصولنا بالسلامه
وسكر الجوال ورجع جلس جنب جواهر
جواهر كانت تناضره نضرات تعجب من جلس جنبها
عامر:شفيج ليش تناضريني جذي
جواهر:الحين أنت تقلو إنك جارنا طيب هذي فهمتها بس أنت شكلك تعرفني
وتعرف زياد وإلي كلمك يسأل عني وعن زياد من كنت تكلم؟
جا الشرطي وطلب عامر وراح معه عامر
أول ماطلب الشرطي عامر جواهر دخلت بحالت خوف مو طبيعيه خصوصا
إن مشعل ما يدرون وش صار عليه إذا هو حي أو ميت وهي خايفه موووووووووووت من إلي بيصير


في الإمارات
الوقت الفجر
راشد كان يجهز نفسه علشان السفره
وطلع من غرفته ونزل لغرفة أبوه علشان يودعه قبل لايسافر
راشدوهو يطق باب الغرفة أبوه
خالد:أدخل يلي عند الباب
راشد:شحالك يالغلي قعدتك من الرقاد
خالد:لا ياولدي ماقعدتني أناقاعد من ساعه.إنت إلي شو عندك يالس الحزه هاي ولابس بتطلع
راشد:هيه أبوي بسافر لكندا
خالد:شو مستوي ليكون في مشكله في الشغل
راشد:شي جذي يالله أبوي أنا بسافر (وحب راس أبوه )
خالد:الله يحفضك ياولدي ترد بالسلامه إنشاء الله



نرجع السعوديه.
في بيت عبدالله
نوره:يبه
عبدالله(وهو يقري الجريده):نعم
نوره:يبه الحين حنا عندنا عم إسمه محمد صح
عبدالله(وهو ينزل الجريده ويناضر بنته):إيه ليش تسألين
نوره:طيب وينه ماعمري شفته
عبدالله:صارت مشكله بينا وترك الرياض وراح يسكن بتبوك هو وزوجته
نوره:طيب يوم ماتت جدتي ليش ما حضر العزاء
عبدالله:نوره تري أسئلتك أبد مالهاداعي بعدين تعالي الحين أنتي ليش غايبه
وش عندك ما داومت بالمدرسه
نوره:يبه عندي إختبار علوم وماذاكرت صديقتي ما قالتي إلا متأخر
عبدالله:وأنتي وينك بالفصل جالسه حالك حال الطاوله
نوره:يوه يبه شفيك علي اليوم تري أنا ماماره غبت هذي أول مره أغيب
فيها من بدايت السنه

عبدالله:هذي أول مره وآخر مره سامعه
مزنه:شفيكم أشوف النقاش حاد وش عندكم
عبدالله:بنتك غايبه على شان ماذاكرت أنا لو إني مكان المدرسه ما أعيدلك
الإختبار وأحطلك صفر
نوره:أجل أشوا إنك مو مدرستي
عبدالله:قومي ذاكري أحسنلك
مزنه:نوره روحي داخل أبي أكلم أبوك
نوره:طيب بروح أكمل نوم
عبدالله:إيه هذي المذاكره
مزنه:عبدالله الحين راكان ماودك ندورله على مره
عبدالله:والله الموضوع هذا مو بيدي كلميه أنتي وشوفي شيقولك
مزنه:دايم طالع مو موجود أنت كلمه وشوف وش يقولك
عبدالله:خليه يتخرج ويتوضف بعدين يحلها ألف حلال
دق جوال عبدالله وأخذ الجوال وحطه على الصامت وتغيرت ملامح وجهه
مزنه:ليش ماترد؟
عبدالله:مالي خلق أرد عليه راسي مصدع
مزنه :من إلي يدق؟
عبدالله:واحد فاضي
مزنه:حتى ولو رد عليه يمكن عنده شي ضروري
عبدالله(بقلبه):أكيد ماإتصلت كل الإتصالات هذي إلا عندها شي بس
وين أرد أول شي نوره وبعدها أنتي وإن قمت وكلمت بتشكين فيني
مزنه:عبدالله شفيك أكلمك أنا رد
عبدالله(بحده):مزنه شفيك قلتلك ماني راد وبعدين هو جوالي ولا جوالك
كيفي أرد ولا ما أرد شي يخصني
مزنه:خلاص لا تعصب ترى أنا ما قلت شي يستدعي هذا كله


عند عبير في الجامعه.
عبير:عهود وينك ليش ما عاد تقعدين معي مثل قبل على إن محاضراتنا
مع بعض وما تجلسين معي تغيرتي ياعهود كثير
عهود:لا والله لا غيرت ولا شي أنا أوصل متأخر للمحاضرات وتكون
المقاعد إلي جنبك كلها مليانه وأضطر إني أجلس لحالي
عبير:أكيد يعني منتي زعلانه علي
عهود:وليش أزعل ؟
عبير:مدري حسيت إنك زعلانه
عهود:لا ني زعلانه ولا ش.إلا ما قلتيلي كيف خطيبك
عبير:تحسنت علاقتي فيه شوي صرت أكلمه
عهود:طلعتو مع بعض
عبير:لا كل ما قالي خلينا نطلع تعذرت
عهود:طيب وراكان شلون نسيتيه ولا
عبير:تصدقين ياعهود لما أكلم عبدالعزيز مايجي بالي راكان أبد قلبي بدا
يميل لعبدالعزيز يمكن لأني أول مره أكلم رجال وآخذ وعطي معه بس
لما تخلص مكالمتنا ودي أدق عليه مره ثانيه وأكلمه
عهود:يعني نسيتي راكان
عبير:إيه لازم أنساه كذا ولا كذ لازم أنساه لأني مو له وموزين أقعد أفكر فيه أنا في ذمت رجال ثاني
عهود:أهم شي لا تبيني له إنك ميته عليه إثقلي
عبير:من الناحيه هذي لا تخافين نادر ما أعطيه وجه
عهود:عبير عاد لا تخبين عني شي بالي يصير بينك وبينه تري أنا
صديقتك وأحفض أسرارك
عبير:أكيد حبيبتي من غير تقولين أنا ما عندي أحد أفضفضله غيرك
أمي ومزنه أختي أستحي أسولف معهم السوالف هذي



في بيت عبدالعزيز .
أمل توها واصله من المدرسه
أمل هاي مامي (وتحب راس أمها)أخبارك
منى:هلا يمه يالله غيري ملابسك وتعالي تغدي
أمل :لا يمه حدي تعبانه بروح أنا
منى :الحين لا فطور ورا غدا أنتي كيف عايشه
أمل :يمه أكلت بالمدرسه .يالله أنا بروح أنام
وصعدت فوق لغرفتها وحطت شنطتها علي السرير ودق جوالها
كان المتصل هند
أمل:هلا هنوده
هند:هلا فيك هاه وش قلتي على إلي قلتلك بالمدرسه
أمل:هند والله خايفه بشكل ما تتصورينه
هند:قلتلك ماراح يصير شي كلها مكالمه ربي وش تخصرين
أمل:أممممأوكي بس مكالمه فقط لاغير أوكي
هند :أوكي متي تكلمينه
أمل :مدري لما أشوف الوقت مناسب وأمان بدق عليه
هند:أوكي أجل بدق عليه وبقوله لأنه صرعني من كثر مايدق ويسأل
إذا أنتي موافقه تكلمينه ولالا
أمل:لهدرجه معجب فيني
هند:ييوه كثثثثثثير مره منجن عليك بيموت لو ما كلمتيه
أمل(وهي بتطير من الفرحه):صدق ولا تكذبين علي
هند:أنتي بتكلمينه وبتعرفين بنفسك إذا أنا كذابه ولا صادقه