الموضوع: رواية بنات عز وقلبهم ماعزهم

الجزء ال40

هتون >>بس يارنيم المفروض تقولي لنا خصوصا انو نوارا هيا الي جات رقمو انتي ماتعرفي نوارا ومخها الصغير

رنيم >> هتون راكان قال نوارا في نظري باااااااااااااابي

شهد >> والله مدري ايش راح نسوي نوارا مخها زي الجزمة

رنيم >> انا ماهمني لو تبغى تزعل تزعل انا ماغلط

هتون >> المهم قومو ندفع ونطلع

رنيم >> خلاص راكان دفع الحساب

شهد >> وناسة كل مارحنا مطعم خلينا يدفع

ريما >> هههههههههه بنك متحرك

هتون >> يلا بس ترى هذي اخر مرة محنا في حاجتو

خرجو البنات وركبو السيارة ونوارا يطلع من عيونها شرار على رنيم ورنيم مهي معطيتها وجه اتوقعت تسير سالفه بس مو كده


قدام مطعم ماكدونالدز كان انس واقف يطلب اكل جيعان من يوم ماقام وهوا يدور وظيفه وعارف ومتأكد انو ماراح يلاقي غيرها لانو مو سعودي الي جاب لو الوظيفة اول ابو بندر لانو يعز ابو الله يرحمو وانس نفسو عزيز ماراح يطلب من ابو بندر يتوصت لو تاني بس كيف راح يصرف على البيت قطع حبل افكار صوت الرجال
الباكستاني >> اتفضل

انس >> اعطيني واحد ماك شيكن بيج سايز

الباكستاني >> اوكي 18 ريال

اعطى انس الرجال الفلوس وجا على بالو يسأل الباكستاني في وظايف هنا

انس >> صديق فين مكتب حق ماكدونالدز انا يبغى شغل

البكستاني اعطى انس كرت في ارقام المكتب

اخذ انس الطلب والكرت ووقف قدام البحر وحط اكلو جيعان مرررررة بس يحس انو مالو نفس ياكل اخذ الكرت واتصل

طوووط طووووط

جالو صوت رجال >>> الو مرحبا معاك مكتب ماكدونالدز

أنس >> يعطيك العافية عزيزي

الرجال>> الله يعافيك

أنس >> اخويا الاقي عندكم وظيفه

الرجال>> والله في كم وظيفة شاغرة هنا في المكتب بس ايش شهادتك

أنس >> عندي بكالوريوس هندسة حاسب وعندي دبلوم انجليش وخبرة سنة في شركة

الرجال >> حلو حلو وظيفتك موجوده اتفضل بكرة عندنا وجيب اوراقك

أنس أتحمس انو لقى وظيفة >> طيب اوكي انا بكرة عندكم


وصلو ريما ورنيم البيت

سبايدرمان >> يلا انزل يابنت

رنيم >> يلا بنات باي

ريما >> باي بنات

البنات ماعدا نوارا >> بايات لاتقطعو

نوار بصوت عالي >>>> اف فكه

رنيم طالعت في نوارا ورفعت حواجبها >> فكة ماشي

نزلو ريما ورنيم

هتون >> نوارا مالها داعي السخافة الزايده

نوارا لسانه طويل >> ممكن يا انسة هتون تنكتمي

هتون عصبت >> نوارا يقولو اني اختك الكبير

نوارا >> كبيرة على نفسك هتون بليز اسكتي ما ابغى اكلم احد

شهد تكلم هتون بصوت واطي>> خلاص سيبيها ماتعرفي مخه الي زي الجزمة

كملو طريقم للبيت من غير صوت الكل اعصابو متوترة معقولها رنيم ونوارا يضابرو عشان واحد الله يستر


في بيت ابو مروج

مروج جالسة في غرفتها تكلم خالد

خالد >> بس ياستي واليوم في الليل عندنا مؤتمر انا وطلال صديقي في فندق عشان نناقش مشروع جديد (قصدك ياخالد عندكم قلة حيا انت وطلال ومشروع بارتي حق بنات)

مروج مصدقه كل شي خالد يقول >> ام حركات شكلو هذا طلال مرة صديقك صح
خالد >> يووووووووووة من أيام المتوسط وأحنا اصحاب

مروج >> زي انا وريما من زمان وإحنا صحبات

خالد بخبث >> ريما ريما احسك مرة تحبيها لايكون تحبيها اكثر مني

مروج >> لالالا بس هذي اقرب وحده لقلبي انت غير وريما غير

خالد >> وريما هذي حلوة ولا

مروج بغيرة واضحه >> واذا حلوة انت ايش دخلك في ريما

خالد >>لا يامروج انا ما اقصد تدري انا مني حق خرابيط بس انا اقول لو تنفع لطلال

مروج اطمن قلبها >> لا ياحبيبي ريما مو حقت الحركات دي سيبك منها

خالد >> طيب انت ياخطير المهم ياقمر انا لازم اقفل عشان عندي شويت اشغال اخلصها وارجع اكلمك انتبهي على نفسك

مروج >> اوكي اونت كمان

خالد >> يلا باي

مروج >> باي

توها مروج تقفل الجوال إلا أم مروج دخلت الغرفة

ام مروج واقفه عند الباب >> مروج تكلمي مين

مروج اتلخبطت امها تعرفها وتحس فيها > ها كنت اكلم وحده من صحباتي زمان ماكلمتها

ام مروج حاسة انو مروج متغيرة >> مروج لاتكدبي عليا

مروج >> ماما ما اكدب عليك يلا قومي نحط الغدا

في بيت ابو ريما وفي جناح ريما ورنيم بالتحديد

رنيم جالس تبكي تحب نوارا وماتبغى تخسرها عشان احد وفي نفس الوقت بدأت تميل لراكان وتحس انها بدأت تحبو ريما جالسة تتكلم مع رنيم تطيب خاطرها

ريما >> رينم انتي ماغلطي ونوارا بزرة انتي عارفه الشي دا

رنيم وهيا تبكي >> بس يارنيم انا مرة احب نوارا وما ابغى اخسرها عشان احد وراكان انا مرة ارتاح لو وبإختصار بدأت احبو

ريما >> طيب يارنيــ قاطع ريما صوت جوالها

قرب كمان من حضني وحسي بالي بحس بي
انا من زمان مستني اعيش وياك اللحظ هدي

المتصل غرامي

ريما >> هلا والله بالحب هلا

أنس والفرحه باينه في صوتو >> هلا بحبيبتي هلا

ريما >> أيش عندهم الحلوين مبسوطين

أنس >> باركيلي لقيت وظيفة

ريما >> والله حركااااااااااااااااات مبروك وإن شاء الله زي الوظيفة الي قبلها

أنس >> إن شاء الله يارب

ريما >> أنس

أنس >> ياعيون أنس وقلب انس

ريما بصوت واطي >> احبببببببببببببببك

أنس >> ياعمري وانا اموت فيكي

ريما >> حبيبي انا لازم اقفل عشان مشغوله شويا طيب

انس >> اوكي حبيبي انتبة لنفسك

ريما >> اوكي ياقلبي باي

أنس >> باي

كملو ريما ورنيم كلامهم عن موضوع راكان

في بيت ابو هتون

كانو البنات كلهم جالسين في الحديقة حقت الفيلا يشربو عصير

شهد >> طيب خلاص مابقي شي على حفلة ريما

هتون >> السنة دي مانبغاها في البيت بنسويها في مطعم ومانبغى زي كل مرة بهرجه زايد ومانبغى احد بس إحنا ومروج صحبت ريما

خلود >> واااااااااااااااو وناسه أيش رايكم نسويها في lost city

شهد >> أيوا صح مرة رهيب المطعم دا خلاص نكلمهم ونحجز ونتصل على أنس ونقولو

هتون >> انا اكلم عبد الرحمن عشان يرتب كل شي ويكلم أنس وااااااااااااااو حيكون وناسة

نوارا بأسلوب إستهزاء >>> هههههههههههه بالمرة لاتنسو راكان بيك وحرمو المصون رنيم

قامت نوارا وطلعت غرفتها نوارا تسيو الحركات دي مو عشان تحب راكان لا نوارا طفلة وتبغى تمتلك كل شي لها لوحدها خصوصا انها اصغر اخواتها

هتون >> ياااااااااااااااربي بزززززززززززززرة ومخها زي الجزمة الله يستر

فجأة دق جوال خلود

ياحياة الروح قلبي ماداق النوم وليلة ولا هرتاح
رح تنسى او تلقاني كلي جارح يامسهرني ليالي وانت على بالي

المتصل

الحب المنتظر

خلود أتفاجأة هذا احمد معقوله

شهد مستغربة >> خلود جوالك ردي

خلود >> ها ايوا عن أذنكم

قامت خلود وردت على الجوال

خلود >> الو

أحمد >> هلا خلود كيفك

خلود مهي مصدقه >> هلا احمد تمام الحمد لله كيفك انت

أحمد >> خلود إيشبك لايكون رقمي مو عندك

خلود >> ها لا الرقم عندي بس ما اتوقعتك تتصل

أحمد >> ههههههههههههههه ليش حرام عليك

خلود >> لا بس من يوم ماجيت السعودية وانت ماتدخل نت زي اول

أحمد >> والله يالولو اني مشغول مع مشروعي الجديد وجالس ارتب لكل شي

خلود >> يلا الله يوفقك يارب

احمد>> خلود أبغى منك خدمه

خلود أنبسطت >> اطلب من عيوني

أحمد >> خلود أبغى اشوفك ممكن

خلود مهي مصدقه احمد يبغى يشوفها >> ها طيب بس متى وفين

أحمد >> ايش رايك بكرة في أي كافي تحبي

خلود >> طيب انا واخواتي ولا لوحدي

احمد >> لا لا لا لوحدك ابغاكي في موضوع خاص شويا

خلود >> طيب اوكي بكرة بعد العشا في كافي جلاتو الي في التحلية

أحمد >> اوكي استناكي يلا ياقمر انتبة لنفسك

خلود >> اوكي يلا باي

احمد >> باي

قفلت خلود من أحمد والدنيا ماهي سايعتها من الفرحه احمد كلمها ويبغى يشوفها خلاص خلود قررت انها راح تقول لأحمد عن مشاعرها وكويس انو احمد هوا الي بادرها بالشي



في محل تاني في الكباين
سخط وغنى وحشيش وبنات وموال خالد وطلال

طلال جالس يرقص مع نونه وخالد يشرب وفهد وناصر يحشوشو ووضع الله لايكتبو على عيالنا

طلال جالس على الكنبه ونونه في حضنو يلعب بشعرها >> ها نونه نقوم نجيب الكيكه

نونه ماسكة يد طلال >> يلا بيبي نجيب الكيكة

طلال قام >> خالللللللللللللللد خلووووووووووووووود فين الكيكه
قام خالد وهوا يضحك بدأ مفعول الخمرة
خالد>>> ههههه يلا جيبو الكيكة

جات الكيكة وشغول الأغاني وطفو الأنوار وقام الرقص والفلة والأحضان والـــ إلخ إلخ

خلصو من تقطيع الكيك وكل واحد اخذ وصلو واخد طلال نونه وطلعو على البحر

حط طلال يدو في جيبو وطلع ساعه فندي ماتقل عن 4 الاف ريال

طلال >> ها ياقمر كل سنة وانتي طيبة

نونه حكت يدها على فمها >>> وااااااو يابيبي من زمان وانا نفسي في دي الساعه

حضنة نونه طلال وباستو

طلال >> هاتي يدك البسك الساعه

لبسها طلال وشالها ودخلو الكابين

والباقي طووووووووووووووووطو مشفففرة طووووط ممنوع من العرض

طلال والتخبيص الي ماينتهي ايش راح يجي من ورى دا التخبيص الله يستروايش راح يسير بين خلود واحمد وايش راح يسير بين رنيم ونوارا وراكان كيف حتكون وظيفة انس كل دا في البارت الجاي انتظروني ^ـــــــ*

الجزء ال41

طلال >> ها ياقمر كل سنة وانتي طيبة

نونه حطت يدها على فمها >>> وااااااو يابيبي من زمان وانا نفسي في دي الساعه

حضنة نونه طلال وباستو


طلال >> هاتي يدك البسك الساعه

لبسها طلال وشالها ودخلو الكابين
و مشفففرة طووووط ممنوع من العرض
مر اليوم وكان في اخبار حلوة واخبار حزينة

تاني يوم الساعه 9 الصباح كان انس واقف قدام المراية لابس الثوب والشماغ الأبيض وجالس يتعطر ويصفر اليوم موعد المقابلة للشغل الجديد دخلت ام انس علي وهوا واقف مبسوط قدام المراية

أم أنس >> ماشاء الله تبارك الله إيش عندك من الصباح متكشخ ومتأخر على دوامك

أنس وهوا يصلح كسرة الشماغ >> اليوم عندي اجتماع خارج العمل وأحتمال اترقى

أم أنس >> يلا الله يوقفك ويرزقك برزقنا

أنس >> اميييييييين يارب

سلم انس على يد امو وخرج

في مكتب عبد الرحمن

عبد الرحمن جالس يراجع اوراق وملفات وقاطعو صوت جوالو

لاخذلك الوقت ياقلبي إبتسم الزمان طبعه كدا فرحه وهم
لملم جروح وخلي مافيك فيك يوم لك وياقلبي وعشرة عليك

المتصل رقم غريب

عبد الرحمن أستغرب الرقم ورد >> الو

جالو صوت رجال >> مرحبا الأخ عبد الرحمن

عبد الرحمن >> ايوا هلا مين معايا

الرجال >> معاك مستشفى الـــــ؟

عبد الرحمن >> هلا والله

الرجال >> عزيز انت راسلت مستشفى في إيطاليا وجانا الرد اليوم

عبد الرحمن الفرحه ماهي سايعتو >>> ها بشر ايش قال يلا

الرجال >> مبروك جاك الرد وحدد يوم العملية راح تكون بإذن الله مابين شهر 11 الى شهر 6 واحنا حاليا في شهر 8 يعني خلال 6 وا 7 اشهر يكون الموعد

عبد الرحمن >> الله يبشرك بالخير يارب

الرجال >> الله يسلمك بس يارتي تجي تراجع المستشفى عشان تخلص امورك

عبد الرحمن >> إن شاء الله بكرة وانا عندكم

قفل عبد الرحمن وعلى طول اتصل على هتون قبل اهلو وقبل أي احد

لسة ماكملت الرنه إلا جا صوت هتون وهيا صاحيه من النوم

هتون >> سبحان الله لسة توي بتصل عليك

عبد الرحمن >> احبك احبك احبك اموت فيك

هتون >> وانا كمان

عبد الرحمن >> لالالا هتون احبببببببببببببببببببببببببببببك اموت فيك

هتون >> دحمي سلامات

عبد الرحمن >> إنتي وجه الخير ياعمري وحياتي وقطعه من قلبي

هتون >> عساها دوم هذي الفرحه ياااااااااااااارب بس فرحني معاك

عبد الرحمن >> هتون خلااااااااااااااص جاني الرد حق المستشفى

هتون وبصوت عالي >> لولولولولولوي مبروك ياعمري عقبال سلامتك
عبد الرحمن >> الله يسلمك هتون حبيبي انا مرة اموت عليك من يوم مارجعتيلي والفرحه رجعت معاكي

هتون >> ياقلبي الله لايحرمني منك ياااااااارب

عبد الرحمن >> حبيبي انا بقفل عشان اتصل على اهلي وابشرهم شوفي قبل أي احد انا قلت لك

هتون >> ياعمري أموووووووووووووووووووووواه يلا باي

عبد الرحمن >> باي

قفل عبد الرحمن واتصل على اهلو في البيت ردت امو

عبد الرحمن >> الو امي

ام عبد الرحمن >> هلا عبد الرحمن في شي

عبد الرحمن بصوت عالي باين انو فرحان >>> خلاص يا امي خلااااص جاني الرد حق المستشفى

ام عبد الرحمن سارت تبكي من الفرحه >> الحمد لله ياولدي الي اكرمك الحمد لله

هتون راحت على سرير شهد

هتون وهيا تنطنط على سرير شهد >> شوشو قومي عبد الرحمن جالو الرد حق المستشفى

شهد ترد على هتون من تحت البطانية >> والله الف الف مبروك عقبال سلامتو

هتون رفعت البطانية وباست شهد في خده >> امووووووووووواه احبك ياشوشتي

شهد تدف هتون >> بعدي قلنالك خلاص الله يعافي حلي عني ابغى انام


في مكتب نظيف ومرتب وريحتو حلو كان جالس شاب ورى المكتب ووقف انس عند الباب >> طق طق ممكن ادخل
الشاب >>> اتفضل

دخل انس وسلم على الشاب >>معاك انس الي كلمتكم عن الوظيف امس

الشاب >> هلا حبيبي معاك ياسر اتفضل

انس >> مشكور

ياسر >> ها انس ممكن تعطيني ملفك لو سمحت

مد انس يدو واعطى ياسر الملف قرى انس الملف وكان على وجهو علامة تبشر بالخير فجأة عقد ياسر حواجبو

ياسر >> انس انت مو سعودي

أنس طق اصابيعو >> لا والله مو سعودي

ياسر >> اممممممممممم طيب انس من شروط التوظيف انو لازم تكون سعودي

أنس حس بخيبت امل >> يعني مافي وظيفة

ياسر >> انس ابغى اقولك حاجه باين عليك رجال تبغى تشتغل وانا راح اساعد

انس حس انو ممكن ياسر يساعدو >> كيف

ياسر >> شوف يا اخ انس انت لازم اول شي عشان توصل هنا تعدي كل مراحل العمل يعني لازم تبدأ من الصفر

أنس >> ممكن توضح

ياسر >> شوف اول شي انت لازم تنزل في المطعم وشوي شوي لييييييييين توصل هنا في المكتب

أنس حس بضيقة >> ام يعني ياليل مطولك

ياسر >> انس انا راح اخليك تخلص هذا كلو في وقت قصير

أنس >> يعني سنتين

ياسر >> لا في شهرين

انس اندهش >> من جد اخ ياسر

ياسر >> من جد بس ها لازم تثبت نفسك

قام انس مبسوط وسلم على ياسر >> مشكور والله ما انسالك هيا

كمل انس وياسر كلامهم عن العمل ومتى وكيف وفين وانس حاس انو راح يوصل ان شاء الله

ياسر >> خلاص ان شاء الله زي ماقلت لك راح يبدأ دومك من بكرة

أنس قام من الكرسي >> خلاص بكره إن شاء الله وانا في مقر العمل يعطيك العافية مستر ياسر

خرج انس من المكتب مبسوط انو حصل وظيفة واراح يوصل فيها إن شاء الله صح انو اول مايتوظف براتب نص راتبو بس الحمد لله احسن من لاشئ

في شركة ابو راكان وفي مكتب راكاان بالتحديد كان راكان جالس ورى المكتب والعقال والشماغ راجع على ورى وراكان يقرى اوراق قدامو

راكان يكلم نفسو >> استغفر الله إيش النكبة دي الي طاحت على راسي استر يارب

اخذ راكان التلفون المكتب واتصل على ابو خالد

طووووووووط طوووووط

ابو خالد >> الو

راكان بصوت كلو حزم وجدية >> ابو خالد إذا ماعليك امر ممكن تجي عندي المكتب

ابو خالد >> حاضر طال عمرك

مافي ثواني إلا ابو خالد يدق الباب

طق طق

راكان >> اتفضل
دخل ابو خالد

ابو خالد >> هلا طال عمرك

راكان مد يدو >> اجلس

ابو خالد >> خير إن شاء الله

راكان حط شبك يدونو الإثنين >> ابو خالد انا رجعت مزانية الشركة للمشروع الجديد وجالس اشوف انو في خسارة بنسبة 15%

ابو خالد >> طال عمرك البرنامج الي امرت انو احنا نطبقو برنامج فاشل وعطرضنا علي كلنا وللأسف انت ماسعمت غير لمؤيد

راكان عصب >> ابو خالد انا جايبك عشان تشور عليا مو عشان تتفلسف عليا

ابو خالد >> طال عمرك حل المشكلة دي يبغالها واحد فاهم عشان يصلح كل شي سار

راكان >> طيب روح جيب لي مؤيد

ابو خالد بإبتسامه فيها شماته >> طال عمرك مؤيد اخذ الي يبغى وصفى حقوقو وترك الشركة وسافر

راكان انصدم >> ايش وكيف يسير شي زي كده من غير علمي

ابو خالد >> طال عمرك الأوراق الي جابها مؤيد كان من بينها اوراق الإستقاله وللأسف اول مامسكت العمل كنت توقع على أي شي

راكان وصلت معا ورفع صوتو >> كيف يعني انا حمار يعني

ابو خالد عصب>> استاذ راكان مو عشان انا اشتغل عندك ترفع صوتك لو سمحت التزم حدودك

راكان حس انو ابو خالد كلامو صح من جد اول مامسك العمل كان فرحان واي شي يجيلو يوقع علية >> اوكي انا اسف ابو خالد طيب ايش العمل

ابو خالد >> والله ياراكان لو انو لحم اكتافي من خير ابوك كان تركت تتصرف لوحدك

راكان >> ابو خالد انا متورط هذي ملاين بنخسرها كل يوم

ابو خالد >> شوف ياراكان ياولدي الي بيدو الحل انت طرتو

راكان انصدم معقول انس كان خايف علية رغم التعامل السئ الي كان يتعالم في معا >>انس

ابو خالد >> ايوا انس

راكان >> طيب رجعو وانا مستعد اعوضو بس رجعو الله يسعدك

ابو خالد >> خلاص بعد مافات الفوت ماينفع الصوت انس اختفى محد يدري فينو

ابو خالد عارف انس فين وعبد الرحمن كمان بس هوا يبغى يعلم راكان درس طول عمرو ماينسى صح الملاين هذي لو راحت ماتفرق معا لانو هذي ولا شي جنب ثروة ابو بس راكان راح يحس انو لعب في يد الموظفين وبعد كده مايثق في احد

راكان >> والحل يا ابو خالد

ابو خالد >> خليها على ربنا انا اشوف واردلك

راكان >> الله يسعدك قبل ابويا مايحس يشي

خرج ابو خالد وهوا عارف لو سار شي للشركة محد راح يوظفو وهوا بدا العمرلازم يلاقي انس ويخلي يرجع تاني وهوا رافع راسو


في بيت ابو هتون وفي جناح خلود بالتحديد

خلود واقف قدام الكولاب تدور احلة شي عندها عشان تلبسو واحلى شنطه واحل عباية عشان تبغى احمد يشوفها احلى وحده

دخلت نوارا وهيا تغني
روحه بلى رده روحه بلى رده
ما ابيك ترجع لي ماعدت انفعلك وماعد تنفعلي
فيك وبلاك النور يالعاشق الغرور الليلة لاتلف عليا وتدور

نوارا >> خلود ايش عندك واقفه قدام الدولاب ليا ساعه رحت المطبخ ورجعت وانتي على وقفتك هذي

خلود >>>.

نوارا راحت ورى خلود وضربتها على قفاها >> خلووووود

خلود عصبت ومسكت قفاها>> كسره إن شاء الله خير

نوارا>> ههههههههههههه ايش عندها لولو

خلود >> مالك دخل يالقف

في بيت ام طلال

كانو البنات توم وجيري (على قول ريما والبنات) وطلال وام طلال وابو البنات جالسين يتغدو

ابو طلال>> طلال

طلال وهوا يحرك الملعقة قدامو في الصحن >> خير

أم طلال>> خير في وجهك في اسلوب احسن من كده اوكي

طلال >> ام سوري مام

ابو طلال>> ايش كان عندك امس في الكبينة

طلال غص >> كح كحو كحكح

ام طلال قامت بالموية لطلال>> بسم الله عليك اشرب موية

شرب طلال

ابو طلال وهوا ياكل عارف طلال وعارف انو طلال لعااااااااااااااب وحق بنات >> ها ماقلت لي أي كان امس عندك

طلال اتوتر >> اتوقع الكبينة حقت ابويا طال عمرك

نوف عصبت >> طلال ليش تكلم بابا كده

ابو طلال>> خلي بابا هذا مو متربي

طلال عصب >> متربي احسن منك تفهم

ام طلال ضربت طلال كف على وجهو>> طلال خلاااااااااااااص زوتها

طلال حس ان كرامتو انجرحت طلع من البيت وهوا معصب

ام طلال >> صالح لاتزعل طلال بايبي

ابو طلال >> ازعل تعبت وانا ازعل من هذا المستهتر داميا يحس انو انا الي قتلت ابو واخذتك واخذت الشركة مايدري انو ابو لما مات مات مديون ومحد سد ديونو غيري

ام طلال >> صالح امسحها في وجهي

ابو طلال >> حصل خير


قدام بيت خالد

كان واقف طلال بسيارتو واتصل على خالد رفيق عمرو

خالد كان جالس في الصاله اتغدى وقاعد يتفرجع على التلفزيون

فجأة جوال خالد

ياصاحبي وش فيك قاعد لحاليك
لي شانت متغير ومشغول بالك

المتصل
6lal

خالد استغرب اول مرة طلال يتصل في هذا الوقت العاده نايم عشان يسهر في الليل

خالد >> هلا طلول

طلال وصوتو كلو بكى >> خالد اطلع بسرعه انا برى

خالد >> طلال ايش فيك ليش تبكي

طلال وهوا يصرخ >> خلووووووود اطلع بسرعه

خالد >> طيب طيب ون منت اغير واطلع

طلع خالد بسرعه على غرفتو وغير وخرج لطلال

في جناح ريما ورنيم

ريما جالسة ترتب دولابها منكوت من زمان مارتبتو ورنيم جالسة تستشور شعرها فاضيه

ريما وهيا شايله بلايز في يدها >> رنيم هذي البلايز ما ابغاها تبغيها ولا اصدقها

رنيم وهيا ماسكة الفرشه حقت الإستشورا بيد واليد التانية ماسكة الإستشوار >>ايش تقولي مني سامعه ارفع صوتك

ريما راحت وفصلت الإستشورا من الكهربا >> اقول يا انسة رنيم تبغى البلايز دي ولا اصدقه

رنيم >> لا تصدقي شي انسة بطرانه البلايز هذي مالبستيها غير كم لبسة

ريما فرصعت عينها >> كم لبسة ليا سنة وانا اكرف فيها

رنيم >> بس بلا بطرى زايدة البلايز جديده >> مو قلنا حس حس ههههههه

ريما >> تدري العيب مو عليكي على الي ياخذ شورك خليني اصدقها احسن
فجأة جوال رنيم يرن

تبعتك والعرب تتبع رعود البارق الهمال
وانا شفت المطر يتبعك في حلك وترحالك

المتصل راكان

رنيم بس اسكتي >> الو هلا والله

راكان باين على صوتو الزعل >> اهلين

رنيم عقدة حواجبها >> راكان ايش في صوتك

راكان >> مخنووووووووق يارنومه

رنيم >> ليش ايش سار

راكان >> سارت لي مشكلة في الشغل

وجلس راكان يحكي رنيم الي سار من طق طق لسلامو عليكم

راكان >> وهذا كل الي سار

رنيم >> طيب جيب هذا الموظف الي قلت علية

راكان >> لو اعرف هوا فين كان جبتو بس ما اعرف هوا فين

رنيم >> حبيبي لاضايق نفسك بكرة ربنا يحلها

راكان حس يقلبو يدق لما رنيم قالت لو حبيبي>> رنيم عيدي ايش قلتي

رنيم أستغربت >> قلت لاضايق نفسك

راكان > لا الي قبلها

رنيم استحت وبصوت واطي >> قلت حبيبي

راكان >> اااااااااااااااااااه احلى كلمة سمعتها في حياتي

رنيم >> خلاص راكان ترى استحي

راكان >> اموت في الي يستحو انا يا ناس

رنيم >> انت فينك

راكان >> انا في قلبك

رنيم >> ههههههههههههههه اكيد هذي مايبغالها كلام

راكان >>> انا رايح البيت ليش تبغي شي

رنيم >>> لا سلامتك قلبك

راكان >> الله يسلمك ياااااااااااارب

رنيم >> خلاص يابيبي لاتكدر خاطرك وربنا يفرجها من عندو

راكان >> امين يارب رنومه انا وصلت البيت وابغى اتغدى وانام صحين اذان العشاء بروح اقابل ابو خالد

رنيم >>> اوكي ياقمرو من عنوني انتبة لنفسك

راكان >> وانتي كمان يلا اديني بوسة

رنيم تطالع في ريما ماتبغها تنتبه لها >> لا ريما هنا

راكان >> لااااااااا ترى ازعل مالي شغل

رنيم تطالع في ريما وريما مي دارية عنها حاطه راسها جوا الدولاب >> اموووووووووووووواه

راكان >> ااااااااااااااااااااه احبك والله احبك

رنيم >> وانا كمان يلا باي
راكان >> باي


قدام البحر كان طلال موقف سيياتو ومتكي عليها هوا وخالد

خالد >> طلول لينا ساعه وانت مافتحت فمك بشي ايش في احد زعلك

طلال وهوا يضرب السيارة بيدو >>> في احد غير ال؟ أبن ال. زوج امي

خالد >> اف اف اف حيلك حيلك ايش سوالك التافه هذا

طلال >> اتخيل يقولي امس ايش كان عندك في الكبينة

خالد >> اف

طلال >> اتخيل انو جالس يراقبني هذا الأهبل مو كفاية اكل فلوس ابويا

خالد >> قلتلك ندبرلو مصيبة يروح فيها قلت لي لا اخواتي

طلال >> خالد لو سار شي لصالح امي تروح فيها وتنفضح وسط الناس ولا انا لو عليا وربي من زمان كان نكبتو

خالد >> يارجال لاتزعل نفسك ولاشي هذا واحد فاضي ومسوي فيها رجال وهوا استغفر الله بس

قاطع كلام خالد صوت جوالو

هذا نصيبي وانكتب احب انا صغيرون
يحبني لاكن هلى ياخوفة لايدرون

المتصل
بنت عمي الرجه

طلال >> خالد جوالك رجنا رد

خالد وهوا يحط الجوال صامت >> ماعليك هذي بنت عمي الرجه الي حكيتك عنها

طلال >> طيب رد عليها

خالد >> مالي خلقها هبلة ولا اقولك خلينا نتونس

رد خالد وفتح المايك

خالد >> هلا والله بالصغيرونه

مروج بصوت في عتاب>> خلللووود فينك من اول اتصل ليش مارديت بسرعه

خالد يدق طلال>> ياعمري والله كنت مع طلال صديقي شوي زعلان

مروج >> امممممممم يعني تحب طلال اكثر مني

حط خالد يدو على الجوال وقال لطلال >> شايف انها هبلة وخفيفه

طلال بصوت واطي >> هيا ماعندها خوية تنونس على راسهم

خالد >> ايوا حبيبي ايش تقولي سوري ماسمعتك

مروج >> اقولك ليش طلال زعلان

خالد >> اتخيل يامروج كان يحب وحده ويموت فيها زي ما انا احبك واموت فيكي وراحت خانتو مع واحد مايسوى ضفرو

مروج انسحرت بكلام خالد>> خالد من جد تحني وتموت فيها

خالد >> وهيا يبغالها سؤال لو ما احب بنت عمي احب مين

مروج >> الله لايحرمني منك ياعمري

خالد >> مروج حبيبي انا لازم اقفل عشان اروح لطلال واكلمك في الليل

مروج >> اوكي ياقمر وسلم على طلال ربنا يعوض

خالد>> الله يسلمك يلا باي

مروج >> باي

قفلت مروج من خالد وهيا طايرة من الفرحه ومهي مصدقة انو يحبها من جد تحبو وتموت في

خالد >>> ههههههههههههههههههههه شايف ماقلتلك خفيفه

طلال >> من خفيف

خالد >> تخيل تحبني وتبغاني ازوجها مهي صاحية

طلال يطالع في خالد بنظرة خبث >> طيب ازوجها

خالد >> مجنون انت ازوجها انا اكره ابوها كره العمى وهوا عمي تبغاني اخذ بنتو

طلال >> طيب طفشها

خالد >> وانا هذا الي جالس اسوي

طلال >> خالد محد يطفش كده

خالد >> اجل كيف اطفشها

طلال ررفع حاجب ونزل التاني >>> خد الي تبغى وقلها باي

خالد فرصع عينو >> مجنون انت اتنكب فيها ديك الساعه وغصبن عن الي خلفوني اخذها

طلال >> خللوود خلك ذكي ماقلتلك تاخد الي تبغى يعني تاخد الي تبغى انا اقصد خوفها عشان تكرهك وماعاد تفكر فيك وكده تسير اتخلصت منها

خالد عجبتو الفكرة >> تقول كده

طلال>> افا مافي غيركده

من جد طلال شيطان بصورة انسان وخالد متخلف هذي بنت عمو خالد هذي بنت عمك هذي عرضك الله يهدي ماخلق ايش الي يدرس يرى يترك كل مبادئ وخلاقو وشرفو ياساتر الله يستر ايش راح يسير لمروج وايش راح يسير بين احمد وخلود كل دا في البارت الجي *ــــــ^

البارت42
طلال ررفع حاجب ونزل التاني >>> خد الي تبغى وقلها باي
خالد فرصع عينو >> مجنون انت اتنكب فيها ديك الساعه وغصبن عن الي خلفوني اخذها
طلال >> خللوود خلك ذكي ماقلتلك تاخد الي تبغى يعني تاخد الي تبغى انا اقصد خوفها عشان تكرهك وماعاد تفكر فيك وكده تسير اتخلصت منها
خالد عجبتو الفكرة >> تقول كده
طلال>> افا مافي غيركده
في جناح خلود
خلود واقفه قدام المراية تخبط المسفع خلاص لبست واتعطرت عشات تبغى تقابل حبيبي قلبها احمد
دخلت نوارا الغرفه >> اف اف على وين لولو
خلود وهيا تصلح حواجبها بيدها>> اتوقع هذا شي مايخصك
نوارا >> امممممممم والزعيم عارف انك خارجه
خلود >> مين الزعيم
نوارا>> هتون
خلود >> لا انا خارجه مشوار خاص يعني بالكثير ساعه وانا في البيت
نوارا >> امممممممم خاص يعني في شباب
خلود >> نوارا ممكن تسري
نوارا >> ممكن اسري
راحت نوارا جري على جناح هتون وشهد
شهد جالسة على الاب توب وهتون كالعاد ياسعاده جالسة تسوي ماسك جديد لوجهها
نوارا>> الحقو الحقو اخر الأخبار
شهد وهيا تطالع في الاب توب>> خير انسة عكاظ ايش عندك
نوارا >> مطوع كول عندها مصيبة
هتون >> مطوع كول ومصيبة قولي كلام غير دا عشان نصدق
نوارا >> وربي روحو شوفوها كاشخه وطاقة اللثمة وتقول عندي مشوار شخصي
شهد >> هتون هاي تكو شوفي لولو ايش عندها
هتون >> خير شهد ماتعرف خلود تخاف من ظلها انا ما اخاف عليها
نوارا >> اللهم قد بلغت اللهم فشهد لولو عندها مصيييييييييبة
طلعت نوارا من غرفة اخواتها ونزلت على الصاله تتفرج على التلفزيون
هتون >> شوشو تتوقع خلود عندها مصيبة
شهد >> لا هتون خيييييير خلود تخاف من ظلها
هتون >> والله ياشهد بعد هرجت احمد انا سرت اخاف من تصرفاتها
شهد >> الله يستر
خرجت خلود من البيت من غير مايحس عليها احد وركبت مع سبايدرمان
سبايدرمان >> ها كولود فين يبغى روخ
خلود >> روح كافيه جيلاتو هذا الي في التحلية
سبايدرمان >> كولود انت يروخ لوهدي ولا في بنات يروخ سوا
خلود >> لا انا بروح لوحدي يلا
سبايدرمان >> سبخان الله اول مرة في نفر يروخ لوهدي
خلود >> سبايدرمان لو سمحت امشي وانت قافل فمك

في جناح رنيم وريما
ريما جالسة تكلم انس ورنيم جالسة تحمل اخر اشعار حامد زيد
انس >> يالله ياريما مرة متحمس للعمل ماتخيلي قد ايش
ريما >> انوس ماقلت لي فين تشتغل في ايت شركة
انس اتلخبط >> ها اه في شركة حاسب جديد مو معروفة
ريما >> طيب ايش اسمها ممكن اعرف احد فيها
انس عصب>> كيف يعني تعرفي احد كيف
ريما >> انوس يابيبي مو قصدي اعرف احد زي ماتفكر يعني احد يعرف بابا اقولو يوصي عليك اخو صحبتي
انس >> اممممم لا ماعليك عبد الرحمن ماقصر
رنيم >> من اول مارجعت من السفر ماشفتلك بينه وانا الي كنت احسبك قبل لاادوس ارض الماطر تجين
انس >> ريما يش تقول رنيم
ريما>> هههههههههههههههه ماعليك منها مهوية تقول شعر لحامد زيد
انس >> حركات رنومه تشعر والله يجي منها خطيرة
ريما >> عشقها الأول والأخير حامد زيد اقولك تبغى تتزوج بدوي عشان يصبحها بشعر ويمسيها يشعر
انس >> وانتي ماتبغيني اقولك شعر
ريما >> انت احبك لما تقولها ليا احلى شعر يطلع من بين شفايفك
انس >> طب احبك
ريما >> صح لسانك هههههههههههههههههههههه
انس >> صح بدنك وقلبك وعمرك وعيونك ورقتك
ريما >> اف اف ا ف انوس طلعت شاعر
انس >> والله ياريما لجل عينك اسير شاعر وكاتب ومطرب وكل شي
ريما >> طيب غنيلي
انس صوتو مررررررررة حلو
انس>> طيب ايش اغنيليك
ريما >> امممممممم أي شي
انس >> طيب اسمعي
شفتك لاحطيت عيني بعينك خايف عيونك لاتنادي عيوني
واخضع وانا عندي خضوعي بدينك اكبر مصيبة في معنى الجنوني
يانور عيني لايبين حنيني كلن يهون إلا انت لا امتهوني ودي بقربك بس
ويني ووينك جاري الليالي صار دونك ودوني
واحبك
ريما تصفر >>> فييييييييييييييوت حركااااااااااااااااات حبيبي والله صوتك حلو
انس>> بس مو احلى من صوتك
ريما صوت دماااااااااااااااااار مرة يجنن بس ماتغني غير لتامر حسني
ريما >> لا والله صوتك احلى
انس >> انتي يادبه صوتك حلو بس كل اغانيك لتامر غني لعبد المجيد لعبد الله الرويشد لراشد وشوفوي كيف صوتك
ريما >> لاتحاول الصوت رايح فيها ههههههههههههههههه
انس >> ريما حبيبي انا دحين بقفل عشان اجلس مع امي شويا تدري جالسة لوحدها تطفش مسكينة
ريما >> اوكي يانور عيني قبل ماتنام دق عليا اوكي
انس >> اوكي ياعمري يلا باي
ريما >> باي حبيبي

فقلت ريما من انس ومن غير شعورها قامت فوق السرير تغني وترقص
ورنيم على وجهها اكبر علامة تعجب ريما خبلت لما حبت انس ههههههههههه

في كافي جيلاتو
وقف سبايدرمان قدام المحل
سبايدرمان >> يلا كولود انزل
خلود > سبايدر انت روح اتعشى وبعدين انا لما اخلص اتصل عليك
سبايدرمان >> طيب جيب فلوس
خلود >> اففففففففففف من جد شحات خد مافي غيرها 20 ريال واقلب وجهك
نزلت خلود وراح سبايدرمان والله بنات صاحين يعرفو يصرفو نفسهم
دخلت خلود وطلعت الدرجه وجلست تدور بعينه على الي جالسين تدور احمد وطاحت عينها على اوحد يأشرلها بيد واف هذا احمد لابس ثوب وشماغ ابيض شكلو يهبببببببببببببل
احمد >> هلا لولوا تفضل
جلست خلود
خلود وعينها مانزلت من احمد شكلو بالثوب يهبل احلى من البدل من جد شكلو ولد عز
احمد >> ها لولو ايش تشربي
خلود فاتحه فمها >>
احمد عقد حواجبو >> لولو وين مسرحه ههههههههههههههههه
خلود حست انها مسرحه >>> ها لا بس خايفة احد يشوفني
احمد >> لاتخافي محد رح يشوفك بعدين انا ولد خالتك دحين قوليلي ايش تشربي ولا انا اطلب لك
خلود >> طيب اطلب

طلب احمد من الجارسون 2 عصير كوكتيل
احمد >> لولوا كيد انتي مستغربة ليش انا طلبت اقابلك
خلود >> تقدر تقول كده
احمد قرب من خلود >> خلود انتي اكثر وحده كانت معايا طول الوقت واكثر وحده قريبه مني وقيربه من قلبي
خلود قلبها سار يدق لانو احمد قرب منها وقالها الكلام هذا
خلود>> حتى انت يااحمد متتخيل قد ايش معزتك في قلبي
احمد >> طيب كويس وفرتي عليا الوقت شوفي ياستي انــ.
قاطع كلامهم الجارسون حط العصير
احمد ابتسم للجارسون >>> شكرا
راح الجارسون
احمد >> شوفي يالولو بإختصار انا ابغى منك خدمه

خلود >> عيوني انت بس اطلب
احمد >> الله يخليلي عيونك يارب
خلود>> ها ايش طلبك
احمد >> خلود انا بصراحه احب شهد
خلود كانت جالسة تشرب العصير وداخله جو مع احمد فجأة حست الدنيا كلها سودت في وجهها والعصير انقلب من فاكه لعلقم
كمل أحمد >> وانا ابغى اعرف ايش احساسها تجاهي خلود انا احب شهد من كل قلبي وانا ابغى ازوجها
خلود خنقتها العبرة بس خبتها عن احمد
خلود >> حركااااااات حمود سرنا نحب
احمد >> ااااااااه ياخلود اموت فيها من جد واتمنى اليوم الي اسمع من فمها كلمت احبك
يالله ياخلود مسكين قلبك الصغير حيستحمل الصدم دي
خلود >> أن شاء الله يا احمد انت ولد حلال وطيب والف بنت تتمناك
احمد >> وانا ما اتمنى غير شهد وابغاكي تساعدني والله ياخلود عمري ماراح انسلك الخدمه دي
خلود >> ولو يا احمد انت عزيز وغالي واعتبر انو شهد قالتلك احبك
خلود قالت احبك لأحمد اول مرة واخرة مرة في حياتها راح تقولها خلاص احمد يحب شهد لازم تتقبل الصدمه شهد اختها واكثر وحده تحبها وتخاف عليها
احمد >> لولو كأنك تسرحي كثير
خلود بضحكه مصطنعه >> ههههه لا بس افكر في عصافير الحب
احمد >> اشربي العصير حيبرد ههههههههههههههههههههههههه
خلود >> ههههههههههههههههههه حلوة بس لاتعيدها
شربت خلود العصير هيا واحمد وكل شي فيها يقول لأحمد احبك بس احمد في عالم تاني مع شهد
في بيت ابو ايمن
ايمن جالس في الصاله يتفرج على التلفزيون هوا وايمان
ودخلت امو ومعاها القهوة
ام ايمن >> ايمن اصبلك قهوة ابويا
ايمن >> لالا تسلمي بعدين اتورط وما انام
أيمان >> امي صبي لي انا قهوة ايمن خلقة ماينام بدري تصبيلو قهوة عز الله ماعرف للنوم طريق(وهيا ترقص حواجبها)
ايمن عقد حواجبو وصقع أيمان
أم أيمن >> بسم الله علية ولدي ليش ماينام
أيمان >> يفكر
أم أيمن >> يفكر ؟ يفكر في ايش ايمن ياولد في ايش تفكر
أيمن يطالع في ايمان وهوا يعض شفايفو يتوعد أيمان >> ما افكر في شي يا امي ماتعرفي ايمان
أيمان >> صح صح مايفكر بشي
أم أيمن >> الله يهديكم ياعيالي ويسخرلكم عيال الحلال
أيمان >> وبنات الحلال
أم أيمن >> ايمان ايش عندك قولي ايمن في شي لاتخبو عني ياعيالي
ايمن قام سلم على راس امو >> الله يخليكي ليا يا ام ايمن مافي إلا الخير ان شاء الله
راح ايمن غرفتو وهوا ماشي خبط ايمان برجلو في رجلها
ايمان >> اااااااااااي عورتني
ايمن وهوا يضحك>> لسة ماشفتي شي

في جناح ريما رونيم
رنيم >> ريما اذن العشا
ريما >> صباح الخير الفجر يبغى يأذن طبعا لاصلاة ولا عباده كيف راح تعرفي لو اذن ولا لا
رنيم >> كولي هوا ماعليا صلاة
ريما >> ايوا اذن الساعه 10 ليش
رنيم خبطت راسها بيدها>> الله لايعطيني عافية
ريما >> ولي ليشي يابعدي
رنيم >> ابن عمي قالي فيئيني اذان العشا عندو موعد الله لايعطيني عافية
ريما >> لك يبعتلك حمى والله لا ياكلك راكان
رنيم ميتة ضحك >> ههههههههههههههههههههههههههههههههاي ولي ولي والله حاركات نعرف تنكلم سوري
ريما >> هههههههههههههههههههههه ولو يابعدي مو الماما سوريا
رنيم >> سوري اقول خلف الله على ام جاتبك امك حجازية من حواري مكة خخخخخخخخخخخ
ريما >> وانتي صادقة بس والله برستيج
رنيم >> بس الله ياخدك خليني اكلم ابن عمي والله لا اكل ئتله لهلئ مافائ
أتصلت رنيم على جوال راكان
راكان جالس مع ابو خالد مرة مشغول في موضوع الشركة والبرنامج الفاشل الي راح يخسر الشركة
أبو خالد >> هذا الحل الوحيد ياراكان
راكان >> خلاص يا ابو خالد الي تشوفو بس الموظف أنس لازم نرجـــ
قاطع كلامهم صوت جوال راكان
على طول راكان اعطاها مشغول
كمل راكان كلامو >> ايش كنا نقول ايوا لازم انس يرجع الشركة بأي طريقة
رنيم >> وي وي وي وي والله زعل اعطاني مشغول
ريما >> زعل واااااااااااااااااااو ياوليك راح يطلق ومايعطيكي نفقة ههههههه
رنيم تطالع في ريما من فوق لتحت >> ريما ماتلحظي انك جالسة تستهبلي انت ووجهك الناشف
ريما >>ههههههههههههههههه لا والله ملاحظة

في كافي جيلاتو
خلصت خلود العصير وهيا تحسوا أمر عصير شربتو في حياتها
خلود >> اوكي احمد يسلمو انا لازم اروح
احمد >> طيب استني نتعشى
خلود >>> لا ما اقدر اتأخر لانو قلت لأبويا ساعه وراجعه مرة تانية
احمد >> المرة التانية تكون ان شاء الله في ملكتي على شوشو
خلود >> ان شاء الله
نزلت خلود والعبرة خانقتها وعلى طول اتصلت على سبايدرمان وجها وركبت السيارة
سبايدرمان >> ها كولود يروخ بيت
خلود تبكي ماردت على سبايدرمان
سبايدرمان لف وجهو مفجوع >> كولود ليش يبكي في اهد يسوي شي انت
خلود وهيا >> تبكي سبايدرمان روح البيت وانت ساكت
راح سبايدمان على البيت وهوا خايف على خلود يكون احد سولها شي هوا يعرف خلود خوافه واول مرة تطلع لوحدها من غير اخوتها

في بيت ام حسام
ام حسام جالسة في الصاله هيا وحسام وبطه
بطة اخت حسام اسمها فاطمة ويدلعوها بطه >> حسام ماتبغى تتزوج وتفرحنا
حسام >> على يدك يابطه انا قلت لا
بطة >> حسام كم وحده خطبنها وانت تفسخ الخطوبة
حسام >> الله يهديكي يابطة كل وحده اخس من التانية انتو عارفين شروطي
ام حسام >> خلاص يابطة انا لقيت عروسة اخوكي
بطة >> اخيرا مين المسكينة اقصد سعيدة الحظ الي حتخطبوها
حسام >> بطة كأنك تسبي
بطة >> لا سلامتك
ام حسام >> خلود بنت هشام الـــ؟ عرفتيها
بطة فرصعت عيونها >> خلود خلود ماغيرها
حسام >> بطة ايش فيها خلود
بطة >> لا مافيها شي بس صغيرة على حسام
ام حسام >> لامو صغيرة
بطة >> خلود توها 2 ثانوي
ام حسام >> خبرك عتيق البنت رايحه الجامعه مو انتي اول ما ازوجتي انقطعتي عن العالم
بطة >> ايوا الله بس تصدقي والله بنات متربين وتنفع لحسام
حسام >> الحمد لله
بطة >> متى بتخطبوها
ام حسام >> بعد ماتولدي
بطة >> لا يا ماما اخطبوها دحين لاتطير البنت ونطورت لين نلاقي وحده زيها
ام حسام >> والله البنت جمال واخلاق واصل وتربية وعز والف مين يتمنها
بطة >> خلاص كلمي امها بكره
ام حسام >> ها حسام ايش رايك
حسام >> لوعليا انا مو من بكرة من امس كمان ههههههههههههههه
ام حسام >> خلاص بكرة أكلم أمها واخطبها

في بيت ابو هتون
وقف سبايدرمان ووقف السيارة قدام الباب ونزلت خلود جررررررري وهيا تبكي وطلعت على جناح شهد وهتون
ايش راح يسير بين شهد وخلود الله يستر من الي راح يسير ومعقول راكان يكون زعل من رنيم عشان ماصحتو كل دا في البارت الجاي *ـــــــــــ^

الجزء43

حسام >> لوعليا انا مو من بكرة من امس كمان ههههههههههههههه

ام حسام >> خلاص بكرة أكلم أمها واخطبها


في بيت ابو هتون

وقف سبايدرمان ووقف السيارة قدام الباب ونزلت خلود جررررررري وهيا تبكي وطلعت على جناح شهدوهتون

فتحت خلود الباب بقوة كانت شهد وهتون ونوارا يتفرجو على فيلم

هتون قامت مفجوعه >>خلود ايش في ايش سار ليش تبكي

راحت خلود جري ورمت نفسها في حضن اختها وحبيبتها شهد >> شهد سامحيني والله ياشهد انا احبك واتمنى لك السعاده

نوارا واقفة وعلى وجهها اكبر علامة تعجب

شهد مستغربة >> لولو أيش في سارلك شي احد سوى لك شي ترى خلاص والله قلبي بيقوف من الفجعه

خلود تحاول تتكلم لاكن مهي قادره من البكي

هتون >> نوارا روحي جيب لي خلود موية

راحت نوارا جري المطبخ وجابت لخلود موية

نوارا >> خلود خودي حبيبي اشربي مويه

شربة خلود الموية وفصخة عبايتها وقامت تحكي اخواتها وهيا حاضنه شهد

خلود >> شهد احمد يحبك انا قبل شويا رحت قابلتو شهد انا عارفة انك تحبي انا من زمان ريما قالت لي بس انا كنت انانية ومافكرت غير بإحساسي مافكرت فيكي سامحيني ياشهد سامحيني

هتون >> خلود وحده وحده وفهمينا الي سار من طق طق لسلامو عليكم

نوارا وهيا حاطة يدها على خصرها >> مو قلتلكم لولو عندها مصيبة

شهد >> نوارا مو وقتك

بدأت خلود تحكي اخوتها كل الي سار بينها وبين احمد


في شارع التحلية كانو خالد وطلال يلف لفو بسيارت طلال الفراري الرياضية وفاتحين المسجل على اعلى صوت على اغاني روك غربية ماينفهم منها كلمة على بالهم كده هما كشخه

خالد >> طلال ترى والله اكلت مخي قفل المسجل

طلال>> خللوود ايش فيك ياخي خلينا نتونس

خالد قفل المسجل >> طلال وربي مصدع من يوم ماصحيت الصباح مانمت لين دحين ولاضربتلي صاروخ

طلال >> بس هذي مشكلتك افتح درج السيارة تلقي بكيت في صاروخين خذلك واحد منهم

خالد >> لا طلول انت مرررررررررة متهور صاروخ وفي الشارع منتى صاحي

طلال>> اقول ولع محد داري عنك

خالد >> لاياسيدي انا ابويا لو بس شك انو انا عندي الشي دا وربي ينزل المحكمة ويتبرى مني خلاص ماني مولع شي وديني البيت ارجلي

طلال>> طيب نتعشى ونسري ماشي

خالد >> اوكي نتعشى وعلى البيت الله يرحم والدينك

في بيت ابو هتون

في جناح هتون وشهد

خلود >> وهوا يبغى يزوج شهد بس يبغى يسمع منها كلمة احبك

هتون >> خلود انا قلتلك من اول وطلعت ريما قايلتك من زمان المفروض تمسعي الكلام احنا لما نقولك شي مو عشان نسوي فيها ابو العريف عشان احنا خايفين على مشاعرك وعلى نفسيتك انت بأنانيتك هذي دمرتي شهد وانا اعرف كل شي بس شهد ماتبين ولو رحنا وسألنا ريما تعرف كل شي

شهد فاتحه فمها >>>
نوارا تتكلم بالصعيدي >> خلاص ياجماعه حصل خير قومي ياخلود وحبي على رسها وانتي ياشهد قومي وحبي على رسها

قامت خلود وحضنت شهد وسلمو على بعض

خلود >> شهد حبي احمد من قلبك ترى احمد مرة طيب

شهد >> اكيد والله يعوضك بأحسن منو ياخلود

هتون ونوارا مسوين انهم ماسكين كمان >> تيرارارارارا

ضحكو البنات بعد ماكل وحده صفت قلبها للتانية وكل وحده عرفت معزتها عند التانية


في جناح راكان

دوبو راكان دخل البيت تعبان من العمل وتفكيرو بالعمل والمشكلة الي تواجهو
وكيف راح يتصرف وايش راح يقولو لأبو لو فشل البرنامج

قاطع تفكير صوت جوالو

عذبة الأطباع واكثر انتي يالعف الخجول
ضحكتك وردة وروحك كالطبيعه الساحرة

المتصل البرازيلية

راكان وبصوت في عتاب >> صباح الخير توك تتذكري تصحيني

رنيم بدلع >> والله ياحبي انشغلت شويا

راكان >> تنشغلي على حبيب قلبك يارنومه

رنيم >> خلاص راكان والله اسفة

راكان >> فين اصرف اسفك هذا

رنيم >> في بنك الجزيرة هههههههههههههههه

راكان >> ماعندهم صرف اعذار

رنيم >> طيب لك الي يرضيك ايش تبغى

راكان >> ابغى اشوف حبيبت قلبي

رنيم >> ماشي من عنوني

راكان >> متى

رنيم >> خلاص مابقي شي على عيد ميلاد ريما تعال وانا اشوفك

راكان >> اجي بيتكم اجننتني رنومه

رنيم >> لا ماعليك انا اشوف بنات عمي وكيف حنسوي الحفلة وعطيك خبر

راكان >> ومتى عيد ميلاد ريما

رنيم >> بعد كم يوم ان شاء الله

راكان >> يلا كل سنة وهيا طيبة

رنيم >> وانت طيب خلاص منتى زعلان

راكان >> انا ازعل من نفسي من امي من ابويا بس ما ازعل من حبيبت قلبي رنومة

رنيم >> ياعمري الله لايحرمني منك يااااااااااااااااااارب

راكان >> ولا يحرمني منك رنومه حبيبي انا لازم انام عشان بكرة بروح الشركة من بدري عشان المشكلة الي قلتلك عليها

رنيم >> اوكي حبيبي روح نام وانا اصحيك الساعه كم تبغى تقوم

راكان >> صحيني الساعه 7 بالتمام مو اذان الظهر

رنيم >> ههههههههههههههه لاماعليك يلا انتبة لنفسك

راكان >> وانتي كمان يلا باي

رنيم >> باي

قفلت رنيم من راكان وباست الجوال

رينم >> ياقلبي والله يجنن وي خليني ادق على نوارا بنشوف ايش راح نسوي في عيد ميلاد ريما يووووووه نسيت انو انا وياها مضاربيني ادق على هتون

في جناح هتون

البنات كلهم جالسين قدام التلفزيون يتفرجو على فيلم احلام الفتى الطائش وميتين ضحك

يا اسود ياسواد الليل يا اسود يالون المسك والعنبر

المتصل حس حس

هتون >> نوارا قفل هذي رنومه

نوارا >> اف استغفرالله ايش تبغى دي

خلود >> نوارا ترى رنيم بنت عمنا ها ومو عشان شباب نخسرهم

هتون >> اس برد

رنيم >> الله ياخدك ياسوده كل هذا عشان تردي

هتون >> وعليكم السلام ورحمة الله

رنيم >> اف اف تكو سار عندها اخلاق ايش سار في الدنيا

هتون >> اقول كلي هوا ياهبله كيفك

رنيم >> ايوا هذي هتون بنت عمي الي اعرفها الحمد لله كيفكم انتو
هتون >> بخير الحمد لله فينكم غاطسين لكم كم يوم

رنيم >> والله لاغاطسين ولا شي بس بعد سالفه نوارا قلت نبعد شويا اشوف تشتاقولنا ولا لا

هتون >> حقك الهبل يابنت عمي والله لو انكم قدامنا راح نشتاق لكم ياحبي

رنيم >> الله يسلمس يابعدهم

هتون >> كيف ريما

رنيم >> بخير المهم دحين بكرة عندكم شي

هتون >> لا ليش

رنيم >> بكرة بنتقابل على الغدا عشان نشوف فين وكيف راح نسوي عيد ميلاد ريما

هتون >> تصدقي انا وشهد امس كنا جالسين نتكلم في ذا الموضوع

رنيم >> خلاص بكرة نتقابل في أي مكان ونتفق اوكي

هتون >> اوكي سار يلا سي يا

رنيم >> باي

نوارا >> خير ايش عندها رنيم

هتون >> تقول نبغى نتفق عشان حفلة ريما وبنتقابل بكرة في مطعم على الغدا

نوارا >>روحو انتو الله معاكم انا مني رايحه مكان

هتون >>حتروحي وانتي كلبة مو انتي أدمية

نوارا >> طيب يا انسة تكو نشوف

هتون >> خلاص نوارا هذول ريما ورنيم مو أي احد فاهمه وغصبن عنك بتروحي هذول بنات عمنا مو صحباتك
نوارا سكتت تحب رنيم بس مخها صغير طفله ماتنلام تبغى تروح معاهم وتفلها


مراليوم بعد طبعا ريما كلمت انس وهتون كلمت عبد الرحمن ومروج كلمت خالد
وشهد حطت راسها على المخده تحس في شي ضاع ولقتو مرة تانية وكل وحده من بنات العز في عالمها الخاص

تاني يوم الساعه 7 الصباح جوال رنيم يدق على المنبه

قامت رنيم على طول كفاية امس زعل منها راكان اتصلت علية الرنه ماكملت

راكان >> هلا حبيبي

رنيم بصوت كلو نووووم >> حبيبي انت متى صحيت

راكان >> والله مانمت يارنيم

رنيم >> انا ماقلتلك نام وربك يحليها

راكان > والله ماجاني النوم

رنيم > طيب ليش مادقيت عليا

راكان >> خفت تكوني نايمة وازعجك

رنيم >> احلى ازعاج وبعدين احنا في اجازة يعني عادي لو سهرت انام طول الصبحية ماعندي مشاكل

راكان >> يلا المرة التانية اتصل عليكي

رنيم >> نشوف

راكان > يلا رنومه روحي كملي نومتك وانا بروح المكتب ولما تقومي من النوم كلميني

رنيم >> اوكي ياعمري انتبة لنفسك

راكان >> اوكي ياعيني يلا باي

رنيم >> باي

قفلت رنيم وعلى طولت رجعت نامت اما راكان قام واتروش ولبس وعلى طول نزل على المكتب

اما في بيت انس

انس طبعا ماداق النوم من يوم ما انفصل من العمل ومرة شايل هم اليوم اول يوم لو في الدوام عند ماكدونالدز هوا مايعرف يسوي بيض كيف راح يسوي هامبرجر وقلبو يعورو حاسس انو راح يسير شي يضايقو اليوم

مر الوقت وجات الساعه 8

قامت هتون واتصلت على عبد الرحمن >> حشى منبتهات اشتغلو لوووووووووول

عبد الرحمن نااااااايم في سابع نومه من يوم ماجالو الرد حق المستشفى نفسيتو ارتاحت وسار ينام زي الأموات ومايحس بالي حولينو

دلوعتي كل الحلى فيها احترت انا مدري شسميها
في حسنها كنا البدر ضاوي اخت القمر محد يساويها

قام عبد الرحمن من النوم على صوت الجوال

عبد الرحمن بصوت كلو نوم >> الوه

هتون طبعا صوتها مو احسن من صوتو برضو كلو نوم >> يلا حبيبي قوم

عبد الرحمن >> بس شويا نص ساعه وصحيني

هتون >> عبد الرحمن قوم ياعمري الساعه 8

عبد الرحمن >> يلا خلاص اهو قمت

هتون >> عبد الرحمن اعرفك قوم ادخل الحمام خليني اسمع صوت الموية

قام عبد الرحمن على الحمام وفتح الموية وغسل وجهو

عبد الرحمن >> ها سمعتي

هتون >> ايوا يلا حبيبي انا بروح انام

عبد الرحمن >> يابختك

هتون >> الله اكبر روح قبل لاتعطيني عين وما انام

عبد الرحمن >>> هههههه طيب يلا حبيبي باي

هتون > باي

قفلت هتون من عبد الرحمن ورجعت كملت نومتها


طلال نام في بيت خالد عشان زعلانه من اهلو وطبعا جوالو محطوط على السايلنت

خالد >> طلال طلال يلا قوم الساعه 8 ماعندك دوم انت

طلال غط وجهو >> خلللود حلى ابغى انام

خالد >> طلال ترى انت مو في الكبينة انت في بيتنا وترى لو رحت وخليتك ابويا بيسويلي سالفة

طلال قام وحك شعور>> لا سيدي لاتذلني انت وابوك ماشاء الله انت لابس ومخلص

خالد >> ليا ساعه وانا اصاحبك وانت منت هنا

طلال >> خالد بس اعطيني من ثيابك عشان بروح العمل مو ناقصني هذا صلوح يتفلسف على قفاية

خالد >> قوم افتح الدولاب وخذ الي تبغى يلا

طلال >> طيب ثيابك مكوية

خالد >> والله حاله شحات ويشرط اقول قــــ

قاطع كلام خالد صوت جوالو

لاجيت ياناعس الأهداب وانت قبال
لو المسافه كبيرة بيني وبينك
اجرح عسى كل جرح منك مايبرى
واتشيطن الله يحفظ لي شياطينك


المتصل بنت عمي العله

طلال>> خللود رد

خالد >> اف هذي بنت عمي العله اخصرها

طلال >>> انا برود عليها

خالد وهوا يصلح كسرة الشماغ قدام المراية >> وايش بتقولها

طلال>> اقولها خالد في المستشفى اخليها تنفجع ههههههههههههه

خالد >> لا الله يرحم امك عشان الموضوع يوصل لعمي واتروط لا يا ابويا فكنا

طلال قام ودخل الحمام >> كيفك

لبسو طلال وخالد ونزلو كل واحد على عملو وطلال شايل هم انو يشوف صالح زوج امو

في بيت انس قام انس من النوم وحساسو انو اليوم الأول راح يكون حافل بالمشاكل بس حاول يخلي عندو امل وطبعا قام ولبس ثوب وشماغ مالبس اليوني فورم حق العمل عشان امو لاتعرف انو انفصل من عملو

دخلت ام انس الغرفة كالعاده تصحي انس لقت انس صاحي ولابس وفي يدو كيس

ام أنس >> صباح الخير

أنس >> صباح النور

ام انس >> ماشاء الله صاحي من بدري ايش عندك اليومين دي

أنس راح وسلم على راس امو قلتلك ربي وفقني وممكن اترقى اهو الحمد لله اترقيت

ام أنس >> روح الله يفتحها في وجهك يا انس ياولد بطني

انس حس براحه من دعوة امو وخرج من البيت واول ماركب السيارة اتصل على ريما

ريما نااااااااااااااايمة في سابع نومه
جوالها يتصل
قرب كمان من حضني وحس بالي بحس بي انا من زمان
مستني اعيش وياك اللحظ هدي ياحبيبي قول بحبك وانا اقولها معاك

من يوم ماسمعت ردة على انس على طول

ريما بصوت كلو نوم يجنن علي انس >> الوه

انس اتنهد >> يا احلى الو واحلى صباح على وردة حياتي

ريما بضحكه ناااااااااعمه >> صباح النور حبيبي سوري ماصحيتك والله تعبانه

انس >> صباح الورد يا احلى صباح عادي ياعمري مو مشكلة اهم شي راحتك

ريما >> ها كيف نفسيتك لأول يوم

أنس >> ما اخبي عليكي ياريما مرعوب

ريما >> حبيبي لاتشيل هم انا امس طول الليل ادعي لك من كل قلبي

انس >> ريما

ريما >> ها

انس >> حبيبي كم مرة اقولك لاتقولي ها
ريما >> هههههههه طيب هلا

انس بصوت واطي >> احبك

ريما بصوت واطي >> ياعمري وانا اموووووووت فيك اموووووووووواه

انس >> يلا حبيبي روحي كملي نومتك عشان انا قربت من العمل

ريما >> اوكي بيبي الله يوفقك ياااااااااااااااااارب

قفل انس من ريما اول ماوصل المطعم وقف انس في المواقف
وجلس يكلم نفسو >> يالله يا انس تتغربل وتدرس وتسهر عشان في الأخير تشتغل في مطعم كل هذا عشان انت مو سعودي يالله انت الي عالم بحالي

دخل انس المطعم واول مادخل قابلو واحد مصري اخلاقو في خشمو

المصري وهوا عاقد حواجبو >> صباح الخير انا مصطفى المدير المسؤل عنك

انس مد يدو وبوجه مبتسم >> صباح النور وانا انس

قام مطصفى بصوت عالي نادى على واحد اسمو شادر وانس واقف يقول لنفسو ايش النكبة دي من راكان لمصطفى

جا واحد باكستاني من بعيد بوجه مبتسم وسلم على انس

شادر >> صباه الكير انا شادر مسؤل بئد هذا مستر مصطفى

انس >> صباح النور

شادر بوجه مبتسم برضو >> اتفضل انس عشان انت يلبس يوني فورم في همام عشان يبدأ شوجول

راح انس ورى وغير ملابسو وبدأ يتعلم من شادر وهوا مرتاح لشادر تعامل معا مرة راقي احسن من المصري الي مسوي فيها مسؤول


في شركة ابو راكان كان راكان جالس في غرفة الأجتماعات مع ابو خالد وعبد الرحمن وناصر وفهد المسؤولين الي يقدرو يساعدو

ناصر >> انا اشوف طال عمرك انو احنا لازم نلغي البرنامج وننفذ برنامج تاني

فهد >> بعد اذنك اخ ناصر كلامك في محلو بس احنا لو لغينا البرنامج راح نخسر تكلفت البرنامج وراح نخسر تكملة للبرنامج التاني

راكان حط يدو على راسو >> والعمل ياشباب والله اني محتاجكم تكون جنبي

ابو خالد >> لما كانو الي يخافو عليك حوولينك شفت نفسك الله يهديك بس

راكان وهوا يفك ازارير الثوب >> والله ندمت والله اني ندمان اني فصلت انس ووعد الي يلاقي ويرجعو راح اعطي مكافئة راتب شهر زياده واجازة

عبد الرحمن فكر انو هوا محتاج للأجازة والراتب عشان المصاريف وانس طبعا محتاج يرجع هنا تاني

عبد الرحمن >> طال عمرك انس انا اعرف طريقو

راكان >> يلا عبد الرحمن يدي على كتفك انت جيبو وانا اتعهد قدام الرجال انو انس بيرجع العمل بضعف راتبو

انس كان ياخذ 5 وشي يعني لو رجع راح يوصل راتبو لل11 الف والله وطاقت الفرج انفتحت لك يا انس من جد (عسى ان تكرهو شئ وهوا خيرا لكم)

اذن الظهر وسارت الساعه 3

قامت رنيم واتروشت وريما توها تفتح عيونها واتصلت رنيم على هتون
هتون واخواتها كلهم كانو سهرانين على الدي في دي يتفرجو افلام وكلهم نامو في جناح هتون وطبعا كلهم نايمين في سابع نومه

جوال هتون حرك البنات
يا اسود ياسواد الليل يا اسود

المتصل حس حس

قامت هتون ونوارا تتقلب

هتون وهيا نايمة >> ها يارجه

رنيم >> هوا يطيرك نايمن لين دحين خلاااااااااص ريحتكم وصلت لشرق اسيا قومو

هتون >> والله امس مانمنى بدري

رنيم >> يلا هتون بنروح نتغدى ترى ميتين جوع

هتون >> طيب اصحي البنات ونتقابل فين بتتغدو

رنيم >> مدري أي ماكن اهم شي انتي الي تحاسبي هههههههههههههه

هتون >> طول عمرك حس حس

نوارا >> بنروح ماكدونالدز انا مرة نفسي في

رنيم >> ههههههه خلاص زي ماقالت عمتي نوارا

هتون >> نوارا رنيم تقول زي ماتقول عمتي نوارا

نوارا >> ايوا كده عشان احبكم

رنيم >> يلا اوكي خلصو ونتقابل يلا باي

هتون >> باي

هتون >> حلو نوارا اخلاقك عالية اليوم

شهد وهيا تتاوب >> قولي ماشاء الله احنا نبغى الموية ترجع لمجارية
مسكت شهد جوالها كالعادة تشوف مين اتصل علية لانو هيا لما تنام تحطو سايلنت

لقت مسج من أحمد

صباح الخير شوشو والله مرررررررة وحشتيني ان شاء الله يكون وصلك الكلام الي من على لسان لولو واتمنى لو شفتي المسج تردي عليا
قامت شهد جري عند خلود ورتها المسج

خلود نفسيتها احسن من امس >> طيب ردي علية قولي لو

شهد >> خلود استحي

نوارا تغمز لشهد >> اموت على الي يستحو انا

قامو البنات ولبسو عشان يروحو يتغدو وشهد تستنى تشوف ريما عشان تحكيها الي سار كلو من امس لين المسج حق الصباح وتاخذ رئيها في در المسج

لبسو ريما ورنيم وطبعا بعد ما اخذو اذن امهم انهم يطلعو واتقابلو قدام المطعم مع بنات عمهم

نزلو البنات وكالعاده ما اقولكم على الضجة الي سوها والفلة المعتاده ورنيم ونوارا احضان وسلام في الشارع يحبو الفلة زي عينهم هههههههههه

دخلو واخذو اكبر طاولة عشان عددهم وكل وحده تطلب شي

ريما >> انا وشوشو ماك شيكن

نوارا >> انا ورنومتي بيك ماك لحم

هتون >> انا جيبو لي ماك عربي

خلود >> وانا زي ريما وشوشو

نوارا >> ماشاء الله جالسين تطلبو طيب مين الي راح يطلب

شهد سحب ريما من يدها >> انا وريما يلا

رنيم >> الي يطلب هوا الي يحاسب ها هههههههههههههههههه

خلود >> يابنت عمي وبعدين انتي والبخل هذا وانت تحبي ولد وزير

رنيم طالعت في نوارا

نوارا >> هي رنيمو لاتطالع فيها ترا انا ما احبو بس كنت ابغى اشبك معا

راحو ريما وشهد يطلبو

معلومه * ريما وشهد كانو متلثمين

وقفو ريما وشهد قدام الكاشير عشان يطلبو وقابلهم مصطفى المصري بوجه مبتسم بعكس الوجه الي قابل في انس

مصطفى >> اتفضلي حضرتك

ريما حست في شي في قلبها عورها

ريما >> شهد احس بخنقه

شهد >> عادي ياعمري من ريحت المصري ههههههههههه

ريما >> هههههههههههههههههه ممكن

شهد >> لو سمحت نبغى 3 ماك شيكن واحد ماك عربي و2 بيج ماك لحم

مطصفى >> ماشي حضرتك الحساب 104

شهد دنقت راسها وفتحت البوك تطلع منو الفلوس
ومصطفى يصرخ انس

ريما قلبها دقها بقوة

رجع تاني مصطفى يصرخ يا انس تعال لو سمحت

ريما عينها اتعبت دموع لما شافت انس هوا انس حبيها ليش كدب عليها ليش يشتغل هنا مية سؤال وسؤال في ذيك اللحظة وانس مو مخلي بالو من ريما لانو مرة تعبان ما اتعود على هذا الشغل


ايش راح يسير بين ريما وانس ولمتى انس حيخبي على ريما انو مو سعودي وايش راح يسير بين شهد واحمد كل دا في البارت الجاي انتظروني ^ـــــــــــــــ*

الجزء ال 44
شهد دنقت راسها وفتحت البوك تطلع منو الفلوس
ومصطفى يصرخ انس
ريما قلبها دقها بقوة
رجع تاني مطفى يصرخ يا انس تعال لو سمحت
ريما عينها اتعبت دموع لما شافت انس هوا انس حبيها ليش كدب عليها ليش يشتغل هنا مية سؤال وسؤال في ذيك اللحظة وانس مو مخلي بالو من ريما لانو مرة تعبان ما اتعود على هذا الشغل

انس >> حاضر
شهد لما شافت انس فتحت (شافتو صورتو في المسن) فمها وسارت تطالع في ريما
وريما ولاكلمة بس دموعها الي تتكلم مافي غير دموع كأنها شلالات
راحت تجري عند البنات
شهد >> انس
أنس سمع اسمو بس هوا عمرو ماسمع صوت شهد عشان كده مااهتم
ريما فتحت الستارة والبنات يضحكو وفجأة كلهم سكتو
وريما سارت تشهق وتبكي وتأشر بيدها دفعت شهد الفلوس وجري جات عند البنات
شهد حضنت ريما >> ريما لاتبكي
كل البنات قامو حولين ريما
هتون >> شهد ايش سار ؟ ايش في
شهد >> انس
رنيم >> شهد ايش انس وايش سار فهموني
وريما تبكي
شهد >> انس مو انطرد من عملو
رينم >> قديمه واشتغل في شركة تانية ريما قالت لي ايش دخل دا في بكي ريما
شهد >> رنيم انس يشتغل هنا في ماكدنالدز ورئيسو مصري ريما لما شافتو كده سارت تبكي

راحت هتون هيا ورنيم عند الكاشير عشان يتأكدو انو أنس ولو اتأكدو راح يشوف ايش السالفه
وباقي البنات جلسو مع ريما
هتون >> لو سمحت في واحد هنا اسمو انس
مصطفى > ايوا حضرتك في حاجه
هتون >> ممكن تنادي لو تكرمت
مصطفى ما استغرب لانو كثير من الشباب الي يشتغلو يجو يسئالو عنهم بنات>> سواني حضرتك
نادى مصطفة على انس
خرج انس وهوا مستغرب اول يوم وعلى طول يطلبو بالأسم خير
وقف انس قدام هتون مايعرف احد منهم >>هلا طلبتيني
هتون ورنيم يطالعو في من فوق لتحت >>> انس طبعا مو سعودي اكيد اخرتك في مطعم
رنيم استغربت لانها ماتعرف شي الي يعرف دا الموضوع هتون وشهد بس
انس >> اسف اختي تعرفيني بسلامتك
رنيم >> انا رنيم ياكداب اخت ريما هذا الي تشتغل في شركة كبيرة ومعروفة تف عليك ياكداب وكمان مو سعودي وريما ماتدري من جد حرام فيك ضفر ريما ياخاين ياكداب
طبعا انس كان واقف وفاتح فمو اخر شي كان يتوقعو انو ريما راح تعرف من احد غيرو انو هوا مو سعودي وا يشتغل هنا وكمان في اول يوم في العمل تشوفو
انس >> هتون اسمعي رنيم اسمعوني لاتحكمو عليا كده من غير ماتسمعوني
رنيم بحقد مدت اصباعها وسارت تهدد انس تحب اختها وتعرف انها من اي شي تنكسر >> اسمع ريما تنساها وتمسحها من بالك ولا قسم بالله مايكفيني فيك الحرق
هتون >> خلاص يارنيم امشي
انس >> اسمعوني
مشيو رنيم وهتون واخدو الطلبات وطلعوكلهم وراحو البحر ريما تحب البحر وكل ماحسو انهم مضايقين يطلعو البحر
وطول الطريق وريما تبكي بس من غير صوت البنات كلهم ساكتين محد عارف ايش يقولو ريما مرة حساسة ومرة رقيقة واي شي يهزها بعكس رنيم قوية مايهزها شي
وقفو قدام البحر ونزلو وحطو الأكل جيعانين
شهد >> ريما الله يسعدك لاتزعلي نفسك عشانو الله يسعدك
رينم من حرقت قلبها على ريما قالت لها>> احب ازيدك من الشعر بيت انس مو سعودي يا انسة ريما
هتون >> رنيم مو كده
ريما اول ماسمعت انو انس مو سعودي انهرات وسارت تبكي زي الأطفال بصوت
قامت شهد وحضنتها لين هديت جلسو شويا وكلهم راح على بيت ريما مايقدرو يسبوها وهيا نفسيتها تعبانه
طبعا ما اقولكم عن انس في حاله ماتنوصف ضايفة في الدنيا اول ماطلع من المطعم اتصل على عبد الرحمن
عبد الرحمن جالس في المكتب
جوال عبد الرحمن يتصل
لاخذلك الوقت ياقلبي ابتسم الزمن طبعا كده فرحه وهم
لملم جروحك وخل مافيك فيك يوم لكي اقلبي وعشرة عليك
المتصل انس
عبد الرحمن >> هلا انوس ولد حلال لسة توي كنت بتصل عليك عندي خير بمليون ريال
انس وهوا يبكي >> عبد الرحمن اقدر اشوفك
عبد الرحمن انفجع >> انس ليش تبكي امك فيها شي
انس > ريما ياعبد الرحمن ريما
عبد الرحمن >> ايش فيها ريما سار لها شي
أنس>> عبد الرحمن انا لازم اشوفك
عبد الرحمن >> خلاص نتقابل في الكافي الي تحت بيتكم
انس >> استناك
قام عبد الرحمن وشال مفتاح سيارتو وجوالو عشان يشوف انس ايش في
في بيت ام حسام
بطة وام حسام جالسين يشربو شاهي اخضر بعد ما اتغدو
بطه > > ماما خلاص حتكلمي امها اليوم
ام حسام >> ايوا ان شاء الله بعد المغرب حتصل عليها انا اخذت رقمها من ام محمد ام ريما ورنيم
بطه>> ايوا اعرفها تعالي ليش ما تخطبي ريما والله تعجبني البنت دي مررررررة كيوت
ام حسام >> ريما مدلعه مررررررررة صح انها محترمه بس ابوها مر ممجغها تقولك امها من يوم محد يقولها بخ تبكي وانتي تعرفي حسام شديد مايحب مياعة البنات
بطة >> صح والله كلامك ياماما
حسام مرة شديد وشخصية قوية بس من جوا مرة حنون وطيب وبيبي
نامت ريما وهيا حضنة شهد حبيبة قلبها وعلى خدها دموعها
وكل البنات حولينها طبعا امهم سألت ايش سار وقالو لها انو ريما شافت حادث وفي بيبي ميت
ام ريما تعرف بنتها مرة حساسة عشان كده مشيت عليها الكدبه
هتون بصوت واطي >> ايش راح نسوي اليوم الأحد ويوم الربوع عيد ميلاد ريما
خلود >> هتون مو انس صاحب عبد الرحمن اسألي
هتون>> صح والله بس خليها شويا دحين تلاقي عبد الرحمن رجع ونام خليها على المغرب

نوارا >> الله لايوفقو
رنيم >> والله لو سار شي لريما وربي لاأولع في ابن ال استغفر الله بس
شهد >> يابنات ريما تحب انس لاتسو دا الشي لا تحكمو الين نشوف عبد الرحمن ايش يقول
قاطع كلامهم صوت جوال رنيم
تبعتك والعرب تتبع رعودد البارق الهمال وانا شفت
المطر يتبعك في حلك وترحالك
المتصل راكان
رنيم >> عن اذنكم بنات
ردة رنيم>> الوه هلا راكان
راكان >> هلا حبيبي فينك ما اتصلتي
رنيم >> معليش راكان بس والله سارت لنا سالفه نكدت علينا
راكان >> خير ايش سار
رنيم >> تتذكر مرة قلتلك ريما تحب واحد اسمو انس
راكان >> ايوا
رنيم >> اليوم شفنا في ماكدونالدز يشتغل
راكان >> طيب عادي الشغل مو عيب
رنيم >> ماقلنا شي بس هوا قال انو يشتغل في شركة حاسب
راكان >> طيب هوا مو كان يشتغل في شركة اول
رنيم >> ايوا بس انس انطرد منها لانو ادخل في شي مايخصو
راكان >> لحظة لحظة مو اسمو انس صالح
رنيم >> عليك نور انس صالح كيف عرفتو
راكان >> رينم بسرعه اديني رقمو
رنيم >> ليش؟
راكان >> اديني الرقم بسرعه
رنيم >> ماعندي رقمو بس دقيقة اجيبو من جوال ريما
راحت رنيم وسحبت جوال ريما من شنظتها وهتون تأشرلاه بيدها ليش
ورنيم تأشرلها يعين دقيقه
رنيم > ايوا راكان خذ الرقم 05042
راكان >> انا شويا واكلمك
رينم>> ايش بتسوي
راكان >> مالك شغل يلا باي
قفل راكان وعلى طول اتصل على انس
انس كان جالس في الكافي يحكي عبد الرحمن الي سار
عبد الرحمن >> يا اخي كان صارحتها ماراح يسير شي انا قلتلك ريما زي الفراش مرة ناعمه
انس >> والله ماكان قصدي اضايقها وربي ياعبد الرحمن
قاطع كلامهم صوت جوال انس
لاخلص كل الكلام الي مانقدر نقوله مابقى
الا الي مابين السطور ومابين السطور الف مرة
المتصل رقم غريب
انس مستغرب >> لحظة عبد الرحمن بشوف مين
رد انس >> الو هلا
راكان >> سلامو عليكم
انس >>وعليكم السلام
راكان >> انس انا لازم اشوف دحين ضروري
انس مستغرب >> تشوفني انتم مين
راكان >> انا راكان عبد العزيز الـــ
انس >> ايش تبغى مني مو طردتني
عبد الرحمن يأشر لأنس انو خلي يجي
راكان >> انس انا لازم اشوفك ضروي الشي دا في مصلحتك
انس >> اسمع لو كنت مفكر انك قطعت رزقي ابغاك تعرف انو ربنا هوا الرزاق
راكان >> ونعم بالله انس انا اتغيرت ولازم اشرح لك كل شي وكمان عشان ريما
انس >> ايش عرفك بريما
راكان >> الكلام دا ماينفع في التلفون انا لازم اقابلك دحين
وصف انس لراكان الكافي الي جالسين في هوا وعبد الرحمن عشان يجي ويشوف ايش عندو
عبد الرحمن >> كويس لانو انت نستني خبر حلو

انس >> قول اصلا اليوم هذا من اول وهوا زي الزفت
عبد الرحمن >> ياسيدي البرنامج فشل وخسر خساير عالية
انس >> انا كنت عارف الشي دا فين الجديد
عبد الرحمن >> استنى جايك في الكلام
انس >> هات
عبد الرحمن >> وراكان قال الي يلاقي انس ويقنعو انو يرجع راح ياخذ اجازة وينزلو راتب شهر مكافأة وبالنسبة لأنس راح يرجع بضعف راتبو يعني حيسير راتبك 11 الف يانصاب
انس فرح بس كرامتو فوق كل شي >> والله لو مليون مارجعت
ماكمل انس كلامو إلا راكان على راسهم
راكان >> سلام شباب اقدر اتفضل
قام عبد الرحمن >> اتفضل طال عمرك
راكان حط يدوعلى كتف عبد الرحمن >> احنا هنا اصحاب طبعا لو انس يرضى
انس يطالع في راكان من فوق لتحت >> ولو طال عمرك انت الخير والبركة
قام راكان حضن انس وقالو بصوت واضح في الندم والحسرة >> انس سامحني والله اني ندمان والله
انس >> عشان البرنامج الي فشل ولا عشان الإهانة الي أهنتني هيا
راكان >> على كل شي يا انس انا دحين سرت شايف كل شي قدامي عرفت من الطيب ومين البطال
انس معدنو طيب سامح راكان >> مسموح ياراكان
جلس راكان >> شباب انا هنا راكان بس وفي العمل مجرد مدير لا اقل ولا اكثر اوكي
عبد الرحمن >> صار راكان
جلسو الشباب مع بعض بعد ماسارو اصحاب راكان حس انو من جد لازم يصاحب ويخاوي ناس زي عبد الرحمن وانس لانو لقى فيهم كل شي حلو كان يدور علية بعكس طلال وخالد الي من كبينة لشقة لحفلة
راكان>> انس انا اعرف رنيم اخت ريما وتوها كلمتني وحكتني ايش سار
عبد الرحمن متفاجئ>>رنيم رنيم اخت ريما ماغيرها
راكان استغرب اسلوب عبد الرحمن >> ايوا رنيم ليش؟ البنت عليها شي
عبد الرحمن >> لالالالا مو كده والله ونعم البنات بس رنيم مو حقت حب احسها مصرفده
راكان >> ها دحمي حدك على رنومه بعدين تعال ايش عرفك فيها
عبد الرحمن >> ههههههههه انا اعرفهم من زماااااااااااان كنا جيران وبنت عمها حبيبتي من 6 سنين
انس >> خلينا من داك لو قولي ايش قالت لك
راكان > >> طبعا تبغى تتطمن على مستقبلك هههههههههههه اسمع ياسيدي قالت انو انت خاين وخبيت انك مو سعودي ومن دا الكلام انا مااخذت منها كل التفاصيل لانو على طول كلمتك
رانس >> والله ياراكان انا ماقلت لها اني مو سعودي عشان ما افقدها والله العظيم
راكان >> انا مصدقك وشوف حكاية ريما هذي سيبها عليا ومن بكرة ترجع الدوام وزي ماقال لك عبد الرحمن راح ترجع بضعف راتبك والمنصب الي تبغى
انس >> لا ياراكان انا مو استغلالي والبرنامج انا راح احل مشكلتو لاتشيل هم
راكان رفع حاجب ونزل التاني >> راكان بيك قال اوامرو من بكرة ترجع العمل وبضعف راتبك انتهى
وبعدها ضحك وحط يدو على انس
عبد الرحمن >> خلاص راكان هذي اموامر عليا هههههههههه من ولد الوزير
راكان >> وعد مني ياانس زي ماخفت على مصلحت الشركة ومصلحتي انا راح اخلي ريما ترجع لك وراح اكون جنك ومعاك دايما طبعا لو تسمح لي
انس >> اكيد ياراكان احنا اخوان ان شاء الله
عبد الرحمن >> طيب بالمناسبة دي وبما انو طلعنا ارحام هههههههه احب اقولكم اني بعد مااسوي العملية افكر اني اخطب هتون
راكان >> مين هتون ؟
عبد الرحمن >> هتون بنت عم رنيم
راكان >> يعني اصحاب وارحام والله فلة ياشباب يلا انوس اونت كمان اخطب ريما ههههههه
انس وفي عيونو الحسرة >>اخطب ريما راكان انا مو سعودي وماعندي ولاريال خليها على ربنا
راكان >> انس انا اعرفك اقوة من كده وبعدين لو ريما تحبك صدقني راح ترجع
عبد الرحمن >> ها شباب من يوم ماجلسنا واحنا ريما وريما ترى جعت ماجعتو خلينا نطلب غدا
راكان >> لاعاد اسمحولي انا الي عازمكم على اكلت سمك بمناسبة صداقتنا
عبد الرحمن >> لا راكان نطلع نتغدى بالباي
راكان >> افا تردو العزومه
انس >> خلاص ياسيدي المرة دي بس المرة الجاي بالباي اوكي
راكان >> اوكي يلا
طلعو الشباب يتغدو بعد انس ماكلم امو وقال لها انو ماراح يجي على الغدا عشان لاتستنى وراكان مررة مبسوط اول مرة يحس انو في اصحاب في هموم في فرحه مو زي طلال وخالد كل هرجتهم البنات وكل فلتهم الحشيش
في بيت ريما
البنات كلهم جالسين في الغرفه ريما نايمة والبنات جالسيت يتكلمو بصوت واطي

هتون >> رنيم ايش يبغى راكان
رنيم >> مدري قال اعطيني رقم انس وقفل ولا ادري عنو
نوارا>> طيب دقي علي شوفي ايش سار
رنيم >> طيب بس مو دحين مالي خلقو خليها شويا
شهد >> مسكينة ريما احسها مرة تحبو
خلود >> اصلا هذا واحد سافل كيف يخبي عليها انو مو سعودي
رنيم >> ايوا صح هتون انت كيف عرفتي ومتى
هتون اتلخبطت>> ها ام من مصادري الخاصة
رنيم >> افا ياهتون تخبي عني
شهد >> هتون خلاص كل شي بان قولي لها
هتون >> طيب على قولتلك شوفي بصراحه انا وشهد نعرف من اسبوع تقريبا
رنيم >> ومين قلكم
هتون >> عبد الرحمن
رنيم >> وليش ياهتون ماقلتو لنا انتو اكثر ناس تعرفو ريما وتعرفو انها هبلة بسرعه تنهز
شهد >> رنيم عبد الرحمن قال لاتجيبو سيرة انس قال هوا راح يقولو
نوارا>> على قد مو قاهرني على قد ما انا حزنانه علية احس مسكين ترى في شي وماسوا كده وخبى على ريما الأفي سبب لاتتسرعو في الحكم
خلود >> صح كلام نوارا صح انتو ماتدرو ليش هوا خبى على ريما وريما دايما تقول انو مرة طيوب وحبوب
ريما سامعه كل كلمه قالوها بنات عمها ودموعها تنزل وهيا مغمضى عينها تحبو وتموت في بس ليش كدب عليها وخبى عنها هيا مايهما الفلوس ولاراتبو كم ولايشتغل فين كل الي يهمها انس الشخص الأنسان الشخصية
في مطعم قدورة طلبو الشباب الأكل جالسين ياكلو
انس يطالع في الأكل يحس انو قرفان من كل شي ريما هيا كل حاجه حلوة في حياتو هيا الهوا وهيا الأكل وهيا النفس
راكان رافع اكمام الثوب وطايح في السمك >> انوس كل يارجال
عبد الرحمن نسخه من راكان رافع اكمام الثوب ورافع الشماغ >> انوس كل خلاص محلوله كل
انس فجأة جلس يضحك على اشكالهم >>>هههههههههههههههههههههههههههه
راكان كان في فمو اكل وقف فمو >> سلامات انس
انس >> بالله طالعو في اشكالكم تموت ضحك كانو عمركم ما اكلتو سمك
هههههههههههههههههه
انس ميت من الضحك على اشكالهم
قام عبد الرحمن ودخل في فم انس جمبري وعبى فمو >>> كل ولاتتمصخر
انس فمو مليان اكل >>> بس خلاص والله حموت بس
جلس يضحك انس وعبد الرحمن وراكان مبسوطين قدرو ينسو انس زعلو مع ريما
وراكان حاط في بالو انو انس هذا لازم يكون مبسوط
سبحان من حول الكرة لمحبة من جد لامحبة إلامن بعد عداوه
يغير ولايتغير
اذن المغرب وخلصت الصلاة
في بيت ام حسام
كانت بطة جالسة مع حسام وامها
بطة >> ماما يلا اتصلي على ام البنت
حسام يتفرج التلفزيون وإذنو مع امو واختو يحس انو خلود غير البنات الي خطبهم من قبل ممكن من اسمها غير عن الباقين سوسو ونونو وفوفو مايدري يحس انو هذي الي راح تكمل معا
ام حسام >> هيا جيبي الجوال
ادت بطة امها الجوال واتصلت
ام هتون جالسة في الصاله تتكلم بالتلفون وابو هتون ينفرج على التلفزيون
ألا جوالها يتصل بنغمة نوكيا المملة
الرقم غريب
ام هتون >> ايوا خلتي فتو انا ارجع اكلمك تاني هيا في أمان الله
قفلت ام هتون وردة على الجوال>> الو
ام حسام >> السلامو عليكم
ام هتون >> وعليكم السلام ياهل
ا
ام حسام >> كيف حالك حبيبتي
ام هتون >> الحمد لله مين معايا
ام حسام >> انا فوزية ام حسام
ام هتون >> هلا هلا والله كيفك حبيبتي وكيف بطة عساكم بخير
ام حسام >> الحمد لله بخير كيفكم انتو
ام هتون >> الحمد لله الله يسلمك ويبارك فيكي
ام حسام >> شوفي ياأم هتون انا شارية نسبكم وطالبة بنتك خلود لحسام ولدي
ام هتون >> الله يسلمك ياام حسام بس انا سمعت انو ولدك خاطب
ام حسام >> لافسخ خطوبتو
ام هتون >> ليش
ام حسام >> ياختي كلهم ممجغين ومدلعين وحسام مايبغى كده
ام هتون >> والله مااعرف ايش اقولك لك احنا نعرفكم ونعرف حسام بس اديني وقت اقول لأبوها واقول للبنت واردلكم
ام حسام >> خدي راحتك احنا محنا مستعجلين شوفي خلود وشوفي ابوها وردو لنا
ام هتون >> خلاص ان شاء الله في اليومين دي انا ارد لك بإذن الله
ام حسام >> خلاص حبيبي والله يقدم الي في الخير يارب
ام هتون >> امين ان شاء الله
ام حسام >> هيا حبيبتي سلمي لي على البنات
ام هتون >> يوصل ان شاء الله حبيتي الله يسلمك
ام حسام >> ياهلا حبيبتي مع السلامة
ام هتون >> مع السلامة
ابو هتون نزل الشيشة من فمو >> ايش تبغى
ام هتون >> جا عريس لخلود
ابو هتون >> انا ماجوز خلود لين تتززوج هتون وشهد
ام هتون >> بس بلا لكاعه البنت جا نصيبها انا بشوف خلود
ابو هتون >> انتي من جدك كيف تزوجيها قبل اخواتها الكبار
ام هتون >> هشام ايشبك الله يصلحك هذا نصيب والبنت جا نصيبها ولاتنسى انو هتون شروطها في العريس تعجيزيا وشهد كل ماجاها واحد قالت بدري
بيني وبينكم هتون شرروطها تعجيزية بقوة كل هذا عشان ماتخد غير عبد الرحمن تقول لأبوها تبغى واحد عيونو زي مهند وجسمو زي تامر حسني ههههه وصوتو زي عبادي الجوهر وعندو فبلا وشقة في لندن وعندو بوت وشاليه ويشتغل في جده هههههههههههه>> من جد تعجيزية
ابو هتون زي الي اقتنع >> الله يقدم الي في الخير والصلاح
ريما نفسيتها تعبت من انس وخلود اتقدم لها حسام ممكن ينسيها حبها لاحمد راكان وعد انس يرجعهم لبعض وعبد الرحمن قرر يخط هتون ايش راح يسير كل دا راح تعرفو في البارت الجاي ^ــــــ*