الموضوع: روايه غرق الغرقان أكثر

تذكير بالشخصيات واحداث الرواية قبل توقفنا الذي امتد لمدت شهر

بطل الرواية

سامي /مع شبكة الارهاب مايدري عن اهله ولا يدري عن حمل مها يحاول ينهي المهمه في اقرب وقت ممكن عشان وطنه اولا وعشان اهله ثانيااا غايب من اربعة اشهر

بطلة الروايه

مها/في انتظار سامي ومع كل فجر يوم يتجدد الامل حملها في الخامس حالتها النفسيه والصحيه في تدهور


تركي /اكتشف حنان وانتهت من حياته
وشرح لبوه ولنايف الموضوع وطلب من نايف يشوف راي رزان الي ارسل لها
قبل صندوق صغير فيه دبلتين وسلسال وطلب منها الزواج بطريقة العشاق

نايف /يطمح لتدمير فهد ولد عمه
وبناء مستقبله بعيد عن عمه وولده
حصل موقف له مع نوف الي بزواج فيصل وفي لما ركبت سيارته بالخطاء
ولما صدمها بالخطاء بالمجمع وكانت مع رزان وعلت صوتها عليه ولما سال رزان قالت انها اخت ركان على طول عرف انها الي ركبت معه بالخطا
حب فيها عفويتها وطولت لسانها

سارة ونواف/حياتهم استقرت بس ام نواف الى الان شاكه فيهم ولاهي مرتاحه
لماتعرف وش وراهم وهي حامل الان

مي وعلي/حياتهم مستقرة وبنتظار الطفل الي راح يشرف بعد شهرين
مايعكر على مزاج مي الا خوفها ان الطفل مايتكلم وتكون السبب

فيصل وفي /واخير بعد معااناة تزوجووا واجتمعة قلوبهم واستقروا عند ام فيصل
الي ارتاحة من شافت سعادة ولدها وندمت كثير انها ماسمعت لفيصل بوقتها كان
تغير كثير من زواجه من في خلال اربعة اشهر

عمااد /ينتظر الوقت المناسب لخطوبة رونق ويحقق حلمه ومادرى ان امه
اضمنت الموافقه ولانه ذاك اليوم جلس بيعرف الي سمعه وسبب زغروتت امه
وهي تعبانه *وقفنا لما كان بينزل رايح لشركه بس وقفه صوت امه وهي تزغردت فرحاه وام فيصل تبارك لها ويحاتي امه وش سوت من مصيبه لأنه كان مخطط انه يخطبها بس بعد طلاقها بشوي

رونق/رائد اصبح ماضي وبفضل عماد واهتمامه الغير مباشر قدر تتخطاء رائد
واتفاق رائد مع سعد بان له يوم يجي ياخذ خالد ويقضيه معه


نجلا ورائد/نجلا بدت تتضايق من تصرفات
رائد وخصوصا ان رائد صاير بارد معهاا الشي هذا ولد الحقد على رونق وعلى
ولده خالد الي كل اسبوع يكون موجود بالبيت وكيف يتغير مزاج رائد بوجوده

نوف/ خلصت الثانوي وحاليا ماتفكر بالدراسة رغم ضغط امها عليهاا
وشاغل بالها صاحب السيارة الي ركبة معه بالخطااء ماكانت مهتمه فيه بس شافته يوم راحوا السوق مع بعض لما عزمتهم رزان شافته هناك وعرفت انه اخو رزان

سعد وامل /حياة مستقرة وحب يجمع
بين الاثنين وسامي هو عربون المحبه

راكان وغيوض /
قلبين يحبون بعض كل واحد ينتظر اخبار الثاني وام نواف عقبه في طريقهم

ملك وبدر/سارة كلمت ملك عن بدر صديق نواف وانه ناوي يتقدم لها وافقت وتزوجوااا
وحياتهم مستقرة

ام فيصل /عيالها حولها وارتاحت وهي تشوف كيف كل واحد مرتاح بحياته بس شايله هم رونق وولدها

ابو سامي وام سامي /على حالهم كل يوم بانتظار سامي والي ابو سامي مخفي الطريق الي ماشي فيه سامي




أتمنى شخصيات الرواية اوضحت ,,,لكم بعد الانقطاع ,,الطويل ,,,

الجزء الواحد والثلاثون


يابحر فيني من الحزن كثر مافيك
من حزن وأوجاع وغياب وغرايب !!

لاتلومني إليا شفتني دايم أجيك
ولاشفتني دايم على الشط ذايب !!

حزني كبير أكبر من حدود شاطيك
وأقسى من جروح. الزمان العطايب !!

وإن كان تنشدني فأنا مقدر أخفيك
دايم اظن ويطلع الظن خايب !!


الجزء الواحد والثلاثون




بابا ياألله قوم ماما في تقول قولي لبابا
يجي للمستشفى خلصت دوامها
فيصل بتافف/ياربي من ذا الدوام الي خطاء
رهف بملل/بابا
فيصل /خلاص خلاص قمت يالله البسي بنروح لها
رهف /طيب بابا لاتعصب
فيصل تنهد/متى نخلص من ذا الدوام لازم تشوف لها صرفه فيه
قمت ورحت اخذ شور طلعت بعد عشر دقايق لبست وصليت العصر
اخذت اغراضي ونزلت تحت شفت رهف جالسه بالصاله لوحدها سالتها امي قالت مادري
ركبت السيارة انا ورهف وخدامة رهف
ومشينا نورح لفي بالمستشفى كرهت
المستشفى وطريقة والسبب في
صح انا غيرت المستشفى ونقلتها
لمستشفى ثاني غير الي فيه خطيبها السابق
ورضيت انها تشتغل وانا الي اوصلها من
البيت الى المستشفى والعكس لأني ماحب
شغلت السايق وخصوصا هي مابي احد يوصلها غيري بس ماأشوفها بالبيت مااجلس
معها بس تلفونات ومسجات
مو حياة هذاي لازم اجلس معها واتفاهم
معها مستحيل اصبر على كذا مو حياة هذا
وصلناا بوابة المستشفى رفعت الجوال
ودقيت عليهاا
في/هلا قلبي
فيصل يتنهد مايقدر عليها/ هلابك ياالله اطلعي انا برى وسكر
اعرفت انه معصب واكيد شغلها السبب
تنهدت بضيق من الي تفكر فيه
هي درست وتعبت وماتبي يروح تعبها بالساهل
هي تعرف انها مقصرة مرة بس وش تسوي
ركبت السيارة وردت السلام وردو عليها
مشى بالسيارة وراح لسوق قريب يبي
يجلس معها بدون رهف عشان كذا اخذ
خدامه رهف معهم يبي ياخذ رحته بالكلام
معهاا
في//استغربت من الطريق مو طريق بيتنا
بس انا اعرف فيصل اذا معصب مايبي احد يكلمه اويسأله او يناقشه
وقفنا عند السوق ونزلنا شفته يكلم
الخدامه ويعطيها فلوس وتاخذ رهف معهاا باتجااه الاالعاب
لف علي ومسك يدي ورحنا للكفي واخذنا ابعد طاوله وجلسنا وطلبنا قهوه
اشوفه ساكت
انتظرة يتكلم احسه عنده كلام كثير يبي يقوله
فيصل//رتبت الكلام في بالي في عنيده واذا جيتها بالعناد بتعاندني زوح
فيصل/في
في /لبيه
فيصل يتنهد ويمسك يدها/طلبتك
في بحيرة /انت ماتطلب انت تامر لو تبي عيوني ماتغلا عليك
فيصل رفع يدها وباسها /ابي تتركين الشغل
فتحت عيونها على وسعها /فيصل انت من جدك
فيصل بصبر/ايه من جدي ابي زوجتي ابي حبيبتي ابي اشوفها ابي اجلس معها ابي احس بقربها مني في انا من شهر العسل ماشفتك مثل اي زوجين ليه ناقصك شي انا زوجك واصرف عليك بدون عمل يشتت بينا
انتي تدرين كم مرة في عز نومنا صحتيني عشان في حاله طارئة ومحتاجينك
في بحس اني مستقر متزوج حسي فيني تكفين في
كنت اسمع كلامه عارفه الي يقوله بس هو الي نقلني للمستشفى هذا ولازم يكون اول فترى تكون ضغط بالعمل لازم يقدر شوي
انا بعد اتعب وابيه معي بكل وقتي
سمعت يقول في يكفي الي راح من اعمرنا وحناا بعاد عن بعض

في تتنهد/فيصل ابي وقت افكر فيه ممكن انت تعرف ان هذا حلمي من وانا صغير صعب استغني عنه
فيصل /لو عشاني وعشان حياتنا ومستقبلنا
في هزت راسها بلا /فيصل انت غير وحياتنا غير ومستقبلنا بعد غير غير عن شغلي وحلمي ابي وقت فيصل ابي افكر واختار بدون ضغط ارجوك احترم قرار
فيصل تنهد بضيق/طيب ننتظر وش ورنا
يالله مشيناا
في /اوكي مشينا


مرو رهف بالعاب واخذوها مع الخدامه
ورجعوا البيت في حالت صمت كل واحد
يفكر بثاني ومايكون يظلم الثاني
وصلنا البيت ودخلنا الصاله شفت رونق
جالسه وضايق صدرها وسرحانه لأنهم
ردو السلام ولا ردت عليهم
جلست في جنبها حطت يدها على كتفها/رونق
انفزعت لأنها ماحست فيهم ابدا/شفيكم
في رفعت كتوفها /انتي لي وش فيك
رونق تتنهد/مافيني شي افكر بخالد
في /شفيه
رونق/قبل شوي جاء رائد واخذه معه لبيتهم
في/ خايف عليه
رونق تهز راسهابنعم وعيوونها تدمع/خايفه عليه مو مطمنه احس بيصير فيه شي
في تضمها وتمسح على راسها/ استهدي بالله حبيبتي مع ابوه وش بيصير فيه يعني
رونق وهي تبكي/انا مو خايفه انه مع ابوه انا خايفه عليه من نجلا ماتعرفينها شرانيه
في/ صدقيني ابوة مراح يتركه لها
رونق/معاد اثق فيه يافي

دخلت البيت وانا اشيل خالد بين يديني وانا
ابوسه صار عمرة ٩ اشهر يحاول يممشي
ياحبيب قلب بابا ياخلللود
شفت امي وخلود اختي وشهد بنت خالد في الصاله ينتظرون خالد
عطيته امي الي مدت يدها له
جلست جمب امي وانا اشوفها تبوسه
وتضمه
خلود/بس يمه ترى حنا نبيه
ام خالد/وش لك به روحي مناك هذا الغالي ولد الغالي
خلود/يمة بس شوي
ام خالد /خوذيه بس انتبهي عليه لايطيح من يدك
خلود توبسه /ياربي ياناس باكله يجنن
رائد يبتسم/ اذاكري الله بس
خلود /يمه منك مانب ناظرة ولدك من زينه
رائد بيقهرها /توك تقولين بتاكلينه ويجنن
خلود /غيرت راي ماعااد ابيه الشيفه ولدك
رائد/الشيفه ولدك انتي
خلود/ههههه خل يجي ابو الولد بعدين الولد يجي
ام خالد تضربها بالعصى وهي تسمع ضحك رائد عليها/بنت عيب وش ذا الكلام
خلود/يمه امززززززح محد يمزح رائووود بس لاتضحك علي
ام خالد/وش المزح الثقيل
نجلا الي دأخله ومكشره/والله ياخاله اصلا الزمن هذا كل الناس صايرة ثقيله دم
جلست بتعب من الحمل /شهد عطيني الريموت بغير القناة حاطة قناة مبزة انتي
خلود تلف فمها بطفش وتطالع برائد الي يالعب خالد بغير اهتمام بنجلا قامت تروح تذاكر شوي عن جو نجلا الي يطفش
نزل خالد على الارض لان جاه مكالمه من
الشغل وطلع برى عن ازعاجهم
خالد يمشى وهو يتعثر بخطواته كان يبي
الريموت الي عند نجلا الي جالسه تشوف
مسلسل
اخذه بصعوبه لانه على الكنب جنب نجلا
وهو قصير واول ما مسكه طاح على
رجول نجلا الي صرخة بقوة
نجلا بصوت عالي /خييييير وش عندك يولد
رونق من الحين ازعااج واذيه اف بس اف
ام خالد/يانجلا ترى هو طفل وش عرفه
بالاشياء هذاي
نجلا/والله محد مأذينا غير العينات هذاي
الي على القلب
خلود الي جت على صوت الصرخه/ومن تقصدين بالعينات يانجلا انا وامي وشهد
نجلا /اف جت الاستاذه خلود
وش تبين ياستاذه خلوو د وش تبين
ام خالد الي معطيةالباب ظهرها /خلاص خلود اخذي ولد اخوك
سكتيه لايجي رائد يشوفه يصيح مانبي نزيد
النار حطب
خلود تاخذ خالد وشهد وتروح بعد ماشافت رئد عند الباب
كانت بترد بس شافت نظرات رائد لهاا وهو واقف عند الباب
جلست بتافف
رائد بصوت عالي /قومي تآسفي من امي
نجلا/ماسويت شي آتاسف عليه
رائد مسكها من شعرها/اذا قلت كلمه تسوينها تفهمين ولا لا
نجلا وهي واقفه بقوة بدون ماتبين آلمها له عشان ماتكون ضعيفه قدامه /ماسمعت وش قلت
رائد عطها كف لف وجهاا وهو مثبتها بشعرهاا/ قلت اخذي اغراضك وروحي من
بيتي الي هدمتيه الله لايسامحك على الي
سويتيه فيني انتي طالق
طالعت فيه بقوة /عشانهاا عشانها طلقتني
رائد/مالك دخل عشانها ولا عشاني هي
اطهر منك وانبل منك اقل شي مارمت حالها علي مثلك
ام خالد وهي تبكي / يمك استهد بالله
وتعوذ من ابليس ترى هي بنت خالتك وام
ولد الي جاي بالطريق
نجلا بقهر/والله كله من تحت راسك ياعجوز النار
سكتها كف ثاني ونزل عقاله ووضربهاا بدون تفكير بولدة الي بطنهاا
جت ام خالد تحاول توقفه بس ماقدرت
كان يشوف رونق وهي تبكي اول ماعرفت بزواجه كان يشوف رونق وهي تطرده من البيت لما حاول يكلمها ترجع له ماكان يسمع غير صوت رونق
لما حس ان يده توجعه وقف ضرب بس وش عقبه بعد ما اغمي عليهاا
رفع السماعه ودق على اخوها مايبيها خلاص عافهاا
وجا اخوها وشاف اخته عصب كثير بس
قاله رائد السالفه وانقهر ان اخته تسوي كذا
باخالتها وزوجها دق على الاسعاف
واخذوها وهي تنزف









صباح جديد ويوم جديد
قلوب تنزف عشق وحب
وقلوب تنزف فراق وهم

صحت مثل العاد من غاب سامي عن البيت تجلس
على نفس الكرسي بالحديقة تتنتظره يدخل
بس نفس كل يوم يروح اليوم بدون لاخبر
ولا شي
دخلت وافطرت مع ام سامي وابو سامي
مثل عادتهم كل يوم وبعدها جلسوا بالصاله
يشربون القهوة
وكان ابو سامي حاط على قناة العربيه
خبرعاجل /بيان من وزارة الدأخليه
اسماء من هم من الفئة الضاله ونسال الله لهم الهدايه ونسأل الله بان يقوموا بتساليم انفسهم للجهات المعنيه لكم الاسماء كا التالي بالصور:
أحمد ال
بدر ال
تركي ال
عبد الله ال
سلطان ال
سامي ال

تحس انها ماتسمع ولا تشوف غير اسمه
وصورته
لالا مستحيل اصدق سامي لالالا اكيد في
خطأ طالعت عمي شفته منزل راسه
شفت خالتي تبكي وهي ترجف
ماصدق لالالا /عمي صح مو هو
ابو سامي رفع راسه بانكسار/وش اقول
يابنتي
مها وهي تصيح /لا عمي مو هو مو سامي
عمي أذا هذا سامي اجل انا من اكون عمي
مستحيل اصدق هذا مو سامي
جلست على ركبها وماسكه يده بترجي /
عمي تكفى قول مو سامي مستحيل عمي
سامي مستحيل يسوي كذا سامي رجل
وطن لا ياعمي لاياعمي بصوت عاااااالي
وأغمي عليهااااا

شالها ابو سامي بين يدينه للمستشفى
انقهر وحقد على سامي وش سوى فيهم
وفي ذا المسكينه الي كل ماتيسرت امورهاا
تتعقد اكثر كل ماشافت يوم حلو تشوف ايام سودا الله يسامحك
ياسامي على سببته لنا

دخلوها غرفة الملاحظه وبعد ساعه من
الانتظار وبعد ماعلي جاء بعد مادق عليه

ابوسامي طلع لهم الدكتور

على /ها يادكتور بشر

الدكتور/والله معهاا انهيار عصبي وبصراحه
اكثر دخلت غيبوبه ممكن تاثر على حالة
الجنين

علي /دكتور كيف

ابو سامي جلس من الي سمعه

الدكتور /ادعوو ربكم انها تفوق قبل ٢٤

ساعه ولا انضطر نسوي عمليه وننقذ الام

لان جسمها ضعيف وعندها نقص في

التغذيه على حسب ملفها الي بالمستشفى

كم مرة دخلت بسبب سؤ التغذيه

علي/مشكور دكتور

الدكتور /العفووو

علي لف على ابو سامي وجلس جنبه وحط يده على كتفه/عمي هد بالك الي ربي كاتبه
بصير

ابو سامي /والله ياوليد انها غاليه علي حتى
اغلا من سامي الي خيب ضني فيه وفيكم

على /عمي صدقني سامي اكيد عنه اسبابه
انا اعرفه انسان يحب وطنه ويحب اهله
مستحيل يسوي شي يضركم ويضر نفسه

ابو سامي /انا كنت عارف انه مع شبكة
الارهاب من شهرين كنت اسال عنه
بس ماخبرت احد ماكنت عارف انهم راح
يعلونن الاسماء

علي/هد بالك ياعم الحين حنا بمها
ومحتاجه دعاائنا لهااا وان شاء الله بتصحى
بدون مايستغنون عن الجنين

ابو سامي/ الله كريم ياولدي الله كريم

علي /يالله مشينا ياعم جلوسنا مراح ينفعها

بس شاف الممرضه طالعه من غرفة

العناية تركض خاف ان مها فيها شي دخل بسرعه بدون تعقيم او اي شي وابو سامي وراه

قربوو منهاا شافوهاا تطالع فوق وعيونها
تدمع وبقوة بدون توقف

علي مسك يدها /مها

مها لفت عليه بصوت مبحوح/علي

علي/حمد الله على سلامتك

مها وهي تبكي/علي سامي ماصدق انااا شفته قبل شوي يقوول راجع يامها

دخل الدكتور وقطع حديثهم


بعد انتظار نص ساعه طلع الدكتور
علي /ايش فيها دكتور

دكتور /اهي صحيت من الغيبوبه بس هي في انهيار تام انا ادتها مهدء دوئتي بس شوف انا مااقدر
اديها تاني لأنو راح يضر بصحتها وصحت الجنين حااوولو تكلموها بهدؤ تام وتتكلم بس انتبهوا
من الانهيار مرة تانيه

ابو سامي /مشكور يادكتور ماقصرت

علي /عمي انت روح ريح وانا بجلس اقرأ عليها كود الله يهدي قلبها ويريحه ونزل السكينه على قلبها

ابو سامي /لا ياوليدي انت لي روح لأمك وزوجتك وانا ماعندي شي

علي يحلف /والله ماتجلس انت تعبان ونزودك تعب على الي انت فيه الله يهداك ياعمي
روح شوف ام سامي هي بعد محتاجته لك وتبيك جنبها

ابو سامي تنهد/الله يعين وانا بوك ياالله فمان الله

علي/ فمان الكريم

تنهد وهو يشوف ابو سامي يروح والهم هاده لف شاف غرفة مهااا

الله يعينك يامهاا على الي انتي فيه مدري متى ترتاحين وتعيشين حياتك

راح اتوضاء بالمسجد وصلى ودعاء لها ولسامي انه يرجع قريب اخذ مصحف بيدة
وراح لغرفة مهاا

اليوم ناوي يروح لفيصل بيكلمه بعد ماضمت الموافقه من امي ارتحت كنت بروح من يومها بس قلت اثقل شوي اعد نل ساعه وكل ثانيه كانت اطول يومين مرو علي
لبست وتعطرت ودقيت على عمي الي قال انه قريب من البيت والحمد الله عمي متفهم ومتحمل كم مرة نروح ونخطب منهم ومايرضون ولما قلت له قال انت مانسيتها
بس المرة هذاي غير المرة هذي هي موافقه من قبل لأخطبها نزلت مع الدرج شفت امي جالسه تعبانه الغدة باديه تتسرطن معها ارسلت اوراقها لأمريكا
وراح احاول ان انتزوج ونروح انا ورونق معها فترت العلاج
حبيت على راسها
ام عماد بفرح /الله يتمم عليك يامي بخير وتتيسر امور يارب
عماد بابتسامه/آمين يمه كثري منذا الدعوات
ام عماد وهي تبكي /والله ادعي لك يمه كل يوم وكل ليله
عماد /افاا بس يام عماد تنزل دمعتك المفروض تقومين وترقصين
ام عماد تمسح دموعها /ياوليدي دموع فرح والله اني ابي اقوم وارقص بس انت ادرى بكل شي يايمه
عماد/الله كريم يمه الله كريم
دق جواله شاف انه عمه وقف
عماد /يالله يمه تامرين على شي يالغاليه
ام عماد/الله يوفقك يمه ابد سالم غاكم يمه بس من تطلع من عندهم تعال وقولي وش صار








فيصل /يعني يمه هي موافقه
ام فيصل /ايه موافقه وانا قلت لك ان ام عماد خطبتها مني وانا أحذت رايه وقلت لأم عماد
سعد/الله يوفقها يمه يالله شكلهم جووو










بصوت همس/الله يستر ياسلطان اليوم
اعلنو الاسماء واكيد ابو خاتم له يد بذا الشي
سلطان يتنهد/ربك يعين لازم نركز زين
ونغطي على بعضنا بحيث انهم مايحسون
فينا لازم نستغل العمليه الجايه زين
ونخططها لصالحناا عشان نفتك
سامي /اكيد انا مقد اصبر اكثر من كذا ابي
اشوف اهلي اشتقت لهم كثير ياسلطان ولا
ادري عن اخبارهم
سلطان/ كلنا ياسامي مشتاقين بس الله ينصرناا وراح نرجع و نشوفهم باذن الله
سامي وهو يفكر بمهاااا/ونعم بالله
من بدت المهمه اقصد من غبت عن البيت وانا بس احلم بمها معهاا طفل بيدها بس تعطيني ظهرها وتروح بعيد
قطع تفكيري سلطان
سلطان/سامي يالله طالبيناااا
سامي /يالله استعنا بالله









صحت وهي تحس نفسهااا مرتاحه بعد صلاة الاستخارة الي صلتها البارح احساس حلوو بعد الحلم الي احلمت البارح بس اخر الحلم محيرهاا
كانت جالسه تسولف مع تركي وهم ماسكين يدين بعض وكانت سعيدة بالمرة من شدة السعادة تحس حتى بعد ما صحت كانت تقول له عن حبها له وكان يحكي لها كيف عاشقهاا للجنون بس في صوت ماتدي من بس كان ينادي تركي شافت وجهه تغير
باس خدها وراح بعيد عنه وهي تناديه ولا يسمع لها
تعوذت من ابليس
شافت الصندوق افتحته شافت الدبلتين والسال والورقه الي اغلا من الي في الصندق اعترافه بحبه لها وطلبه منها لزواج
وبعدها بثواني نايف جاا وقال لها ان تركي يبي موافقتك عليه عشان يتقدم رسمي
تنهدت تبي تشوفه تبي تسمع صوت خلاص ماتقدر تستحمل بعده
هو خلاص خاطبهاا بس تبي تبلغه بنفسها موافقتها مثل ماهو طلب بالورقه يسمع موافقتها منهاا اهي بنفسهاا ماتبي تكسر بخاطرة
رفعة السماعه وبتردد وخجل
وضغطة الرقم
ررن وماحد رد
في شي يقول عيدي الاتصال تسمع دقات قلبها ومن قوة النبض تحس قلبها بيخرج من القفص الصدري خوف وحجل وترقب
مرة ثانية ولارد
مرة الثالثه ونفس الشي
مرة الربعه
السمعت السماعه ان رفعت
تركي بطفش/نعم
رزان تسمع صوته وتحس انهاا بحالة جنون/
تركي/الووو بترد ولا لا
رزان/
تركي/اجل ليه داق علي اربع مرات وانت تبي تنطرم
رزان تشعت وبصوت همس/الووو
تركي بتاافف/نعم من مرسلك حنان
رزان بصدمة يعني مانسى حنان/
تركي/قولي لها ترى كل شي انتهى بنااا
ولاتحول تجي بطرق ملتويه ترى اعرف
حركاتها
رزان تشجهت/انا رزان

اخذ بريك قوي من الاسم الي اسمعه كان بيروح فيها كان راح يصدم السيارة الي
قدمة
تركي بصوت هامس/رزان
رزان وقلبها يرقع بخجل/ ايه رزان
تركي يسند راسه على كرسي السيارة بعد
تصديق/حلفي
رزان بابتسامه خجوله/والله رزان
تركي بتاكيد/اخت نايف ال .
رزان بضحكه / ايه اخت نايف ال .
تركي بابتسامه وراحه/احبك وربي الي
خالق سابع سمااااء احبك
رزان خجلانه/
تركي /لا تسكتين احلفك باغلا مافي الكون
عندك لاتسكتين ابي اسمع صوتك ابي اشبع
من صوتك
رزان بخجل/شاقول
تركي بهمس/قولي احبك
رزان بقلب يخفق بصوت هامس/ احبك
تركي غمض عيونه/عيديها تكفين
رزان بهمس/احبك
تركي/انااا مو احبك اعشقك واعشق التراب الي تمشين عليه بعد
رزان خلاص تحس انها بتموت من الخجل تحس الغرفه صغيرة وحاارة من قوة الاحراج
تركي حس باحراجها/ رزان معي
رزان /امممممم
تركي/فكرتي بالموضوع
رزان بهمس/احم ايه
تركي وقلبه بيوقف /وشنو ردك
رزان بخجل /موافقه

فتحت عيونها بثقل من مفعول المهدء تحس مثل الضباب حولها بس تسمع صوت علي وترتيله العذب في قراءة القرآن دايم اذا اسمعت تحس بسكينه والى الحين غمضت عيونها تبي ترتاح من الهم الي بقلبها
تبي تصدق الي سمعت عن سامي حبيبها الي كان مايرضي بوخزت الابرة لها كيف يسوي كذا
تذكرت وداعه لها وكيف وصها على امه وابوه
كيف كان قبل يروح للعمل وكيف رجع
آآه ياسامي من عرفتك وانا بعذاب
حست بيد علي تمسح على راسها
فتحت عيونها شافت كيف اخوها مبتسم
حاولت تبتسم شوي ماقدرت تحس
الابتسامه صعبه عليها
علي /الله وش ذا الدلع دلوعتناا تتغلى علينا
ليه
مها/ماهو على الدلع الدلع لغيري ياخوي انا
مكتوب الشقى والعذاب على جبيني
علي حس بغصه /افاا يامهااا وانا وين رحت
وامي ومي وابو سامي وام سامي
وسامي الي اكيد بيوم بيرجع
مهاا دمعت عيونهاا/ماضنيت ياخوي ماضنيت
ضمهاا لصدره وتشبثت فيه كأنها من زمان
تبحث عن احد يضمهاا يحس فيها يعطيها
حنان الي فقدته من افقدت سامي

جلس يقرا عليهاا لما نامت في اخضان
اخوها الي ماقدر انه يسوي شي لهاا او
يعوضها عن الي اعمله فيها هي وامه الا انه
زوجها من الشخص الي تحب ويحبها
والحين عرف انه ماقدم شي لها ألى الحين
تبي منك ياعلي تبي تحس بالاخوة تبي
تحس بالامان والراحه تبي تحس ان عندها
ظهر
تنهد نزل راسها على المخده وغطها كويس
وارسل رساله لمي عن حالت مها وانه راح
ينام عندها وبكرى راح يجي هم
جلس يقراءة قرآن بصوت منخفض







غيوض كملت دراسة خلصت الدواة الحاسب ولانجليزي وتطمح للفرنسي عشان تكون من طبقت ام نواف بنظرها وعشان ركان حبها الي مستعده تسوي المستحيل
جلست بصاله تفكر فيه اصلا،متى هو غاب عن بالهااا
كانت تقلب بقنوات التلفزيون بفكر تايهه وبعيد بالمرة طفشت وسكرته
شافت امهاا جالسه تسمع الراديو الي معهاا من ايام ابوها حتى لو خرب تسويه وتدفع دم قلبها بس عشان يتصلح بس لأنه من ريحت الغالي زوجها وابو عيالها
قامت تحووس بالمطبخ وتقول مضاوي وملك على القهوه
بدل التفكير الي هد حيلهاا
سمعت بدر اخوها بالصاله عندامها تزوج ملك صديقة سارة زوجة نواف صاحبة قبل اربعة اشهر بس ساكنين بشقة جنبنا
حرصت بزواج بدر على انه يكون قريبه من
طبقة ام ركان راقي فخم وام ركان حضرت الزواج
بس الحمد الله كل شي كان ولا احسن منه
وفخم وكلا شهد لشي هذا
ام ركان صارت هاجسي بكل شي افكر
لازم افكر فيها انا ابي اكسبها عشان ركان
لي نوف تحكي لي عنه وكيف انه يرفض
كل وحده امه تختارها له حتى سعاد بنت
عمه الي كانت سبب في خلاف بينا بس
نوف وضحت لي الموضوع بعد هواشي
معه بالسيارة يوم الامتحانات
هي تعترف انها مو تحبه تعشقه
اسمعت امها تصوت عليها تركت الي بيدها وراحت لها
غيوض/نعم يمه
ام بدر/تعالي اجلسي
جلست وانا اشوف بدر يطالع في ويبتسم
غيوض بابتسامه/من قدة المعرس مستانس
بدر يضحك /اهم شي ذا القب اخاف احد ياخذه مني
غيوض بابتسامه /محد عندنا بيعرس
ام بدر/الا انتي ان شاء الله
غيوض لفت بسرعه لمها بقوة /وش
ام بدر/ وش فيك تقول مقروصه
غيو ض تمالكت نفسها/لا مافي شي
بس تفاجئت بس
ام بدر بابتسامه / تقدم لك اخو ملك المهندس سامي
غيوض رقع قلبها /وش انااا
ام بدر باستغراب /ايه انتي ليه فيك شي يعيبك
غيوض طالعت في بدر الي جالس ساكت/
بدر وش صاير
بدر /ماصاير شي الولد جا العصر وخطبك مني هو وعمه
غيوض كانت بترفض على طول بس قالت اكيد بيقولون فيها شي/
احم ابي فرصه افكر فيها واستخير
ام بدر /والله مانتي ماخذه احسن منه وحد متعلم ومن مستوانا ونسايبنا
غيوض رفعت عيونها لأخوها/ بدر أذا رفضت اخاف ملك تزعل وتاخذ بخاطرها
ام بدر بخوف/وليه ترفضين هو انتي بتلقين احسن منه
غيوض الله يستر/يمه اقول لو يعني مو قلت رفضت
بدر بابتسامه/اكيد مراح يتغير شي ابدا
انا وملك غير عنك انتي وسامي اهم شي استخيري وربك بيسر لك الامور
غيوض براحه/ونعم بالله عن اذنكم
بجيب القهوه








ام فيصل /كيف
سعد/يمه الرجال شرح لنا ظروفه وقال ان امه تعبانه ولازم يسافرون ومدة العلاج يمكن تطول وهو يبي يتزوج وياخذ رونق معه هناك
رونق/طيب بس خالد معي
فيصل /لازم نستأذن من ابوه
رونق مثل المقروصه /لا قلت خالد معي ولا مو لازم
ام فيصل /شنو الي مو لازم انتي صاحيه
خالد عندنا مثله مثل رهف ومراح اقصر معه
رونق وعيونها امتلت دموع/يمه ولدي وين اتركه قلبي يمه مايطاوعني
ام فيصل /يابنتي حنا بناخذ راي ابوه بالاول اذا وافق راح يروح معك واذا رفض راح اقول انه راح يبقى عندنا
فيصل /صح صدقيني يارونق بنعده مثل رهف واحسن بعد بس انتي شوفي حياتك مع الانسان الي ياماااا اطلبك زوجه له وانتي ترفضين
اشري الي يحبك وانا اخوك
رونق/ خلاص قولوا لابوه وشوفوا مع اني اعرف انه راح يرفض عناد فيني
سعد/ ولا يهمك انا راح اقنعه واكلمه باسلوب راح يوافق فيه او انه يجلس عندناا









بعد يومين
نايف/هلا ركان
ركان/هلابك ابو محمد
نايف/أخبارك
ركان /بخير ربي يسلمك الله يسلمك
نايف/ركان ابي اوراق العقد الي بين شركتنا وبين شريكاتكم
ركان/اووه نسيتها في سيارتي معي
نايف/طيب انت وينك فيه بجيك
ركان /مو برياض
نايف/وينك
ركان /بالمزرعه برى الرياض بس تعال انت واهلك وجيب معك اوراق المشروع عشان ندرسه مع بعض ونستانس مع بعض اليوم لاك بكرة راجعين
نايف /لالا خلاص بكرة اشووفك
ركان /علي الحرام لتجي انت وابوك واختك
وانا بدق على تركي واهله يجون بعد
نايف /يابن الحلال ماله داعي انتم عايلة وبكرة راجعين
ركان /انا قلت تجي يعني تجي سامع يالله ننتظركم على الغداء باي وسكر
بدون مايعطي نايف للقبول او لرفض
تنهد ودق على رزان عشان تتجهز هي وابونا عشان نروح
سكرت منها ودقيت على تركي لي حلف عليه ركان وقال انا وامي بنجي لأن ابوي مسافر لشرقيه

واتفقو يروحون بسيارة وحده

قلبى تملكته الغصات بشكل قوى ومؤلم


والعقل عاجز عنالتفكير


حاولت أنأتكلم

أو أفسر ذلك الحزن العميق

ولكن هيهات ثم هيهات!!

أصبح الطريق من حولنا مظظظلم , ما بنا اليوم ما عُدنا حتى نحلُم ,

نعيش قصه حب بكامل تفاصليها دون ان نحمي قلوبنا من الإنهيَآر .

وعند حدوث فجوه كبيره , يبدأ الإنهيَآر !!

لِما تنهار قلُوبنَآ ,في لحظَه ضعف منآ !

.هل هي الصدمه المؤلمه او السقوط الغير متوقع

البارت الثاني والثلاثين



وصلت جميع العائلات الى المزرعه
كان باستقبالهم



ام نواف (~_^)
وساره ونوف وسعااد بنت عمهم وامهاا الي وصلوا قبل الجميع

ام نواف بصوت عالي/ياهلا والله زرتنا البركه
ام بدر والجميع/الله يبارك فيك يام نواف
ام نواف/الله يخليكم والمكان مكانكم واخذو راحتكم وان ماشالتكم الارض تشيلكم عيونا

غيوض تهمس لنوف لي مدت الفنجان القهوه لها /وش غير الاحوال امك انتم مدلينها اليوم
نوف ضحكت /بعدين اقولك
ورااحت
شافت سارة وملك مع بعض ورهف عند امهااا تسوولف عليهاا
حست في احد يحرقها بنظاااراته لفت تشوف من شافت سعااااد بنت عمهم وامهاا جنبها ترسل لي بعيونهاا شرار
تكره البنت هذه تحس مسببه خطر عليها حياتها ولااكيد على راكان الله يستر علينا
منهم

تنهدت لفت على مها الي تبدلت لورده ذابله بس يبقى جمالهاا هو هو ماتغير بس الدنيا
عذبتها تشوفها تبتسم بصعووبه وامل تكلمها وطبعاا ولد امل سامي مع مها الي سرحانه فيه ولا تدري امل وش تقول ماتلومها وعسى الي يلومها للموت

شفت ام سامي بكرسيها وام تركي وام بدر عندها تسوولف عليها واجلست ام نواف عندهم
جلسه حريميه
لفت جنبها شافت رونق ورزان سووالف ويتناقشون على صالون تجميل
بحثت بعيوني عن نوف ماشفتها
سمعت رونق تسالني/غيوض وش رايك بالصالون الي سوينا فيه يوم زواج مي وفيصل
غيوض/تبين الصراحه رروعه شغل ناعم وحلوو ووتحسين متقنين الشغل باحتراف
رزان /ايه بس عليهم ضغط
رونق تتنهد/ماعليه انتي معك وقت احسن مني
غيوض/ليه وش عنكم
رونق باحراج/ انخطبت
غيوض بفرحه /مبررروك يالغاليه
رونق /الله يبارك فيك وباركي لرزان بعد
غيوض لرزان /انخطبتي
رزان باحراج/احم لا بس هو كلم نايف اخوي وقال أخذ رايها وبلغني
غيوض/على البركه والله فرحت لكم
رونق ورزان /عقبالك يارب
غيوض بشبه ابتسامه/ ان شاء الله
رونق حست بغيوض/غيوض شفيك
غيوض/ولا شي
غيووض
لفت تشوف نوف الي انقذتها بالوقت المناسب
غيوض /نعم
نوف /تعالي ابيك ماعليه بنات بس شوي وترجع لكم
كانت لبسه طقم تيور بالون البيج
تنورة لما الركبة بيج سادة
وجاكيت رسمي بيج وبلوزة بالون الزهر المقلم بالبيج
وجزه اكرمكم الله زهر وفلونكه بلون الزهر بشعرها اضفى على شكلها الانااقة والجمال
قامت غيوض مع نوف بعد ما استاذنت منهم
مرت من جنب مراياا بصاله لفت تشوف شكلها ولبسها /وش عندك نوف
نوف وهي تشوف لبس غيوض الرسمي والمرتب معطيها طله حلوه /ابداا قلت ابيك تشوفين الورد الي زارعته
غيوض لفت عليها بابتسامه/طيب بس وش رايك بلبسي
نوف كشرت بوجها /عادي
غيوض بحزن/والله
نوف ماسكة ضحكتها على ملامحها الحزينة/
اول مرة اشوف تلبسين كذا
غيوض تتنهد /وش اسوي بدر قالنا وربع ساعه وسوى لنا ازعاج بسرعه يالله تاخرنا
مامدني اختار اخذت اقرب طقم ولبسته
نوف/لالا والله حلوو عليك معطيك طله حلوة
غيوض /لا تجاملين
نوف تضحك/ والله ما اجاامل بس كنت العب باعصابك
ضربتها غيوض بكتفها/اصلا انا واثقه بنفسي وبذوقي
نوف تضحك/خلاص صدقت
مرت ام نواف من جنبهم وراحت للمطبخ
وهي تفكر بغيوض وانها تغيرت كثير
وهل هي تناسب راكان ولا لا ولأهم هل هي راح تكون من طبقتها ولا لا
غيوض باستغراب/تصدقين نوف امك متغيرة
نوف بحيرة/والله انا مثلك ومادري شنو فيها
اليوم سمعتها تصارخ على نواف وبعدها ماسمعت صوت ولما سالت ساره عنها قالت مع نواف جالسه
غيوض/شكل نواف بدل امك لناا
نوف تبتسم/ياليت يالله بنروح للورد ياورد
غيوض تبتسم/يالله اوووه نسيت جوالي
نوف بارتباك/لالا اقصد مايحتاج انا جوالي معي
غيوض باستسلام /اوكي مافي مشكله


ينتظر هم يحس كله رجف من فكرت انه يشوفها كيف يكلمهاا
يحس نفسه حرامي
شاف نوف تطلع من الباب وطلعت معهاا وحده حسيت عروق جمسي وقفت عن النبض
شاف الجمال الي يحلم فيه جمال بدوي
حس بجواله يهتز شاف نوف عطها مشغول ودق على نوف
نوف /هلا يمه طيب بجي الحين يالله باي
شافها تجلس على الارجوه واعطته ظهرها
شاف شعراها الي دوم يحلم ان ينام عليه
ويشم ريحته
شاف نوف تكلمها و تضحك وراحت للفله لي تبعد شوي بس مكان الارجوحه والحديقه صعب شوي وسط الشجر
وقف زين وسوى نفسه يدق بالجوال وانه داخل الحديقه وبصدفه شافها
كان يدعي ربه انها ماتاخذ فكرة عنه
جاا بالوجه عشان تشوفه رفع الجوال باذنه
ركان وهو يقرب وهي سرحانه حب ينبهها
ركان بصوت عالي شوي/الوووو

سمعت صوت رجال بس مو غريب عليها وقريب منها وين تستخبي
بس قبل لا تفكر وين ومين شافته قدامهاا
تحس رجولها ماتشيلهاا من الصدمه
ومن الشوق الي تحمله له
حاولت توقف ووقف بصعووووبه
مشت مرت من جنبه بس مسك يدها بسرعه وهوو معطيها ظهره
راكان بتوتر/غيوض
غيوض تحاول تشيل يده من يدهاا /فك يدي
لفها عليه بقوة صدمة بصدره ومسكها عشان ماتطيح
ماتدري كيف ومتى وراسها على الصدرة كل الي تعرفه وتسمعه نبضات قلبه وقلبها الي تحسه بيوقف

رفعت راسها بسرعه وعيوونها مليانه دموع
ابعدت نفسهاا عنه بسرعه كانت بتروح بس وقف بطريقها رفعت عيونها الي يعشقها بصوت همس/ شوي بعد عن طريقي
ركان بترجي/غيوض ابي اكلمك تكفين
غيوض تلف راسهاا بلا تبي تقول مايجوز تحس الكلام توقف بحلقها
ركان /غيوض تكفين اسمعيني لاتعذبيني ارجوك
نزلت دموعها وهي تشوفه يترجها
ركان /لاتبكين ولا تنزل دموعك يالغاليه
لاتبكي وراسي يشم الهوى
تحس برعشه من كلامة بس تذكرت كلام بدر قبل شهرين لما قال لها ان ركان يبيها بسر لما امه تقتنع
رفعت عيونهاا
ركان/غيوض انا احبك صدقيني
وبي قربك باي طريقه عشان كذا قلت لبدر
ابيك بسر
نزلت دموعه وبترجي/انا احبك غيوض والله وصرت من كثر ضغط اني اتزوج افكر بهستريه
غيوض وهي تلبع ريقها الي جف/انا مو رخيصه ياركان
ركان بالم /من قال انك رخيصه انتي جوهرة بس انا ظروفي ماتساعد
غيوض /اذا تبيني سو المستحيل بس مستحيل ارضى بالطريقه الي انت تقولها
سمعت وشافت كل شي مراح تترك له ولها مجال انهم يرتبطون ببعض راح تسوي المستحييل عشان يكون لها ولا يكون لوحده من الشارع هو حب الطفوله ومستحيل تضحي فيه ولد عمهاا


تقدمت بخطوتها باتجاهم بقوة
سعاد /الله ايش اشوف وايش سمعت
عشاق واتفاقات ولقاائات بالسر بعد
يحقلك ياولد عمي شفتلك وحده من شارع قلت العب عليهاا واقضي باقي ووقتي معهاا
نسيت ان بنت العم لولد عمها ونسيت عمي يوم خطبني لك
ركان بعصبيه/سعاااااااد بس
سعاد بعصبية اقوى/لامو بس ادافع عن زوجي ولا بيروح من يدي مع بنت من الشارع
غيوض تسمع وهي منزله راسها تحت وتبكي وهي تسمع الي ينقال قدامها يعني
خدعني كذب علي بس الكلمتين هاذي هي الي ترددها في عقلها خلاص ماتبي تسمع اكثر لفت ومشت وهي تسحب رجوولهاا بخذلان
كان واقف ينادي عليها بس ماتسمعه
راكان بعصبية لف على سعاد الي تبتسم بانتصار عطها كف باقوى مايملك من قوة طاحت على الارض من قوته/
لو مايبقى بالدنيا غيرك ماتزوجتك انسانه مريضه انسانه انانيه انسانه ماعندها احساس
راح وهو يفكر فيها ايش راح تقول ايش راح تسوي والاهم ايش هي الفكرة الي خذتها عنه بعد كلام سعاد يحس بخنقه يحس انه يبي يصيح راح لاصطبل الخيال
راح لفرسه الي سمها غيوض مسح عليها نزلت دمعه ركب عليها وانطلق بس مايدري وين يروح كل الي يبيه يبي الضيقه تروووح

سارة/ملك انتي من جدك
ملك /ايه من جدي قبل يومين خطب من بدر
سارة /وبدر وش رايه
ملك ترفع أكتوفها بحيرة /يقول مراح اجبرها براحتها
سارة بتوتر/بس ياملك ركان يبيها مويبيها وبس يعشقهااا وحتى اهي بعد مبين عليهاا انها اتحبه
ملك بصدمه/وليه ماقلتي لي
سارة /ماقدرت نواف يقول هذا شي خاص
ملك /طيب وش السواة
سارة/ماااادري خليهاا على الله ربك يحلهاا
ملك بندم/والله لو حسيت كان ماقلت له يخطبها
سارة تتنهد /ربك يعين مادري من وين يلاقيها راكان من امه ولا من خطبة اخوك لها
ملك /اذا الله كاتبه من نصيبه صدقيني راح يتزوجها
سارة/ربك كريم


نوف تشوف غيوض تبكي ومو حاسه في
نفسها وهي تمشي اعرفت انو في شي حصل امسكتها من يدها وراح معها فوق لغرفتها/ غيوض شفيك قولي لي شفيك
غيوض تجلس على السرير/خدعني كذب علي
نوف محتارة/من الي خدعك من الي كذب عليك
غيوض بصوت عالي/راااااااااكان
نوف بخوف /شفيه
غيوض طالعت فيه وعيونها تدمع بقووة/كذب علي وانتي بعد خدعتيني
نوف باستغراب/اناااااااااااااا
غيوض تحرك راسها بنعم بين شهقاتهاا
نوف بحيرة/في شنو خدعتك
غيوض تبلع ريقهاا وبصوت كسير/ليه ماقلتي لي ان ابوك خااطب سعادلالراكان ليه خبيتي علي
نوف بصدمة/ومن قالك
غيوض بقهر/سعاااااد
نوف/متى
غيوض تبكي بقهرررررررر وماردت عليهااا
نوف بحيرة كل الي تبيه راكان تساله وش السالفه
جوالهاا وين حااطته راحت تدةر على الجوال
عشان تدق على ركان


وقفت من على الارض لملمت باقي كرامتها
الي اهااانها ولد عمها عشان وحده مايعرفونها
نفضت الاغبار من ملابسهااا ومشت رايحه للفله


نواف/هلا مهندس وليد
وليد/هلابك نواف
نواف /اخبارك
وليد /بخير الحمد الله بشرنا عنك
نواف/الستر الحمد الله
وليد/يستاهل الحمد
نواف/وليد انت خلصت الدراسة مشروعنا مع شركة النايف للاثاث والصيانه
وليد /ايه خلصتهاا عندي بالبيت
نواف/اوكي حلوو ابيك تجي وتجيبها معك للمزرعه
وليد/ابشر بس موافضل نتركها ليوم السبت
نواف/لا وين بالمزرعه احلى نايف والشباب مجتمعين عندي ولنا مرة وحده ندرس المشروع انت عارف ان المشروع قوي
وليد /اوكي تم على العصر بكون عندكم
نواف/اوكي ننتظرك فمان الله
وليد/فمان الكريم


تغدوو جمعااا
كان الرجال بقسم الخاص للضيوف
ضحك،وسوالف،بس،مفتقدين راكان مع انه حاضر بالجسد بس القلب والتفكير،فيهاا
شاف جوال يهز لآنه على الصامت
تنهد من ساعه ونوف تدق،عليه ومايرد عليها ماعنده شي يقوله لها بس تذكر غيوض اكيد فيهاا شي
نايف/ورى ماترد على جوالك له ساعه يهتز بجيبك ياخي سبب لي توتر وانا جنبك كيف انت
راكان وقف/خلاص برد
طلع برى بيسأل نوف عنها
راكان /هلا نوف
نوف بسرعه /ركان وش صار ليه غيوض تبكي
راكان تنهد/هدي هدي
نوف بصراخ/انت وش تقول اهدي البنت تقطع قلبها من الكي البنت منهاره مانبي عاارفه اتصرف معها
راكان /وينكم
نوف تتنفس بسرعه/ليه وش باقي ماسويته
وبتسويه بعد
راكان بصراخ /ماسويت شي بنت عمك المصون خربت الدنيا وقبت كل شي
نوف بخوف وحيرة/وش صار
راكان/قالت سالفة ابوي الله يرحمه الي خطبها لي قبل وفاته
نوف وهي تحط يدها على فمها/اوووووه
راكان بقهر /لاوتقول انت زوجي الحقيره
نوف بعصبيه /بصراحه هذاي وسيعت وجهه انا بوقفها عند حدها
راكان يهدي نفسه/لالا انا الي بتصرف معها ماعليك
نوف /طيب
راكان بصوت هامس/نوف كيفها
نوف /والله ياخوي بكت لما تعبت ونامت
راكان بالم وهو يتخيلها قدامه تبكي /نوف ماقالت شي
نوف وهي تحس بصوت اخوها المتعذب/ماقالت غير خدعني وكذب علي
راكان نزلت دمعت ماكان يبي الامور توصل الى كذا
نوف /راكان الوووو
راكان يتنهد /هلا
نوف بحزن على حال اخوها/السوواه
راكان/حااولي تكلمينها
نوف /وش اقول
راكان/قولي لها راكان يحبك ويبيك زوجه له
وراح يخطبك من بدر اليوم