الموضوع: رواية صدق المشاعر

~*الفصل الثاني*~

حور(جالسه جلسه مايله وتطق طق بالعلك (طق طق).

الإستاذة:حور عدلي جلستك وانتبهي للدرس

حور (ما تعطي الأستاذة أي إهتمام):ليـــال شوفي ملابس الأبله(وتأشر عليها وتتطنّز على الأستاذة).

ليــال:ويييييييييييييه بتنفجر التنوّرة ,,يــا ليتني جايبه أبره وخيط احتياط.

(والشلّه كلهم ضحك موطبيعي .(

آيه (فاتحه الكتاب في الدرج ومسويه روحها محضّره الدرس والإجتهاد مقطعها تقطيع وجالسه تشارك مع *فاهمات *الشلّه أطلقت هذا اللقب على معلّمة الدين لأنها كلمه والثانية قالت لهم فاهمات , لأن في حصتها الكل نايم و(فاهمات)مستانسة على آيه لانها صايرة شعله بالفصل).

الإستاذة: والله ماحد مهتم بالعلم والدين غيرك يا آيه.

بقية الشلّة (ميتين ضحك على إطراء المعلمة على آيه لأنهم عارفي أسلوب آيه بالمشاركة):ههههههه.

أمـــاني (رايحه بسابع نومه من انخطبت وهي على طول تفكير وما في نوم .(

الأستاذة (شافت أماني وقرّبت منها ومعها مسطره خشب وضربت فيها على الطاولة بكل قوتها وهي معصبه): أماني
أمــاني(بروعه وبكل خوف فزّت):خلاص موافقة موافقة

(وقامت تصيح).

قمر: هي أمــاني وينك أنتي أحنا بالفصل.

حور: قمرووووه ويش فيك احنا نتمسخر بس بالأبلات والبنات صديقاتنا مالهم شغل.

قمر: أووووه نسيت بس شوفي شمسويه أمــاني والله حدها وناسه.

البنات استغربوا من أماني.

سهى:بنات والله ماني قادره اتحمّل هههههه(ومستمرة بالضحك).

آيه: أسكتي والله تطردك شكلها الشر بدأ عندها هالبطة فاهمات.

سهى: ما أظن تسويها خبله أهي.

الأستاذة(انتبهت لهم وعصّبت):آيه.

آيه : نعم أستاذة.

الإستاذة:تعالي اجلسي عندي قدام السبورة .

آيه(في داخلهاوافضيحتاه كيف الآن بفتح الكتاب وبغش(.

الإستاذة(كمّلت الشرح ولاحظت على آيه قل نشاطها من تغيّر مكانها): آيه ويش فيك ما تشاركي كثير ما شاء الله عليك من اشوي كنتي شعلة نشاط.

آيه(في داخلها والله ومصيبه وطاحت عليناشسوي أفاااا أنا أحتار وأنا أم الحيل كلها): لا ياأبله بس أنا كنت مفكره أنك راح تعطينا نص الدرس فما حضّرته كلّه.

(شلّة آيه تعالت ضحكاتهم على الموقف)

الإستاذة (لاحظت أن الشلّة كلّهم يضحكون فعصّبت): فصل 2/2 بنات مشاغبات وما عندكم احترام للحصة وماني مكمّله الدرس (وطلعت من الفصل).

آيه (ما صدّقت خبر بسرعة رجعت لمكانها ورى آخر شيء للشلّة )اشتقت لكم كأني مفارقتكم سنه وبمناسبة عودتي لكم يا شلّتي الغالية سالمه غانمة في تطفيش الأبله راح ألقي عليكم شيء من قصيدي الطيب.

سهى: هيّه (مبسوطه مره)

حور: يلا يلا بسرعة تراني اليوم مره بمسوطة

قمر: آيوه الحلوه.

آيه(بدأتتلقي القصيد)
ودي أضمك بصدري وألمك بين يديني وأحتويك
وأهمس بسمعك حبيبي اشتقت لك
عيدي وجودك بالحضن وايدي بإيديك
وعيدك وجودي جانبك بيوم ماألقاك
فرّحت قلبي بشوفتك في يوم ضيقه
وصارة سعادة بدنيتي الناس المحوها
يالبى قلبي لاسمعت الطيب حاكاني
ويالبى سمعي وناظري وروحي تفداك
بسّك تمهل خافقي ليك محتاج
وبسّك تغلي يالغلا ويس بقى لي
وسلامتكم
حور: صح لسانك.
آيه : صح بدنك.
قمر: يالحلوووووووووه شكلك وقعتي بجد وما حد سمى عليك.
آيه (تضحك ) : هههههههههه.

(وقامت وحده من ملاقيف الفصل مسويه روحها بتموت إذا ما سمعت الشرح تترجى الإستاذة علشان ترجع وتكمّل الشرح لكن بائت كل محاولاتها بالفشل)

لأن الحصّة انتهت وجا وقت الفسحة.

أمـــاني: وأخيراً انتهينا من ثلاث حصص.

قمر: أنتي ما أدري ويش حسيتي فيه طول الوقت نايمه.

حور:يووووووووووه علينا نفس الأبله الحصّة الرابعة يوووه أنا ما أبي .

آيه: أجل احنا اللي نبي.

ليــال :أسكتي أنتي بس أنتي أكثر وحده تشارك عندها صحيح بالغش بس مسماها مشاركه .
أمــاني: يعني وبالمختصر أنتي أكثر وحده تطيقي حصتها مو مثلنا اللي ما نتحمّل ثقالة دم (فاهمات).

حور:بنات يا أعضاء شلّتي العزيزة ويش رايكم نهرب من الحصّة ونخليها ما تشرح الدرس.

سهى: ما شاء الله وهي بتجلس على حسابكم بتشرحه ولا عليها منكم.

آيه: في لعنه خليها تشرحه أهم شيء أحنا ما نحضر.

ليــال:لا بنات أخاف تعاقبنا أنا بحضر الحصّة.

آيه: يعني بتنزلنا للإدارة وبيكتبونا تعّهد عادي تعوّدنا هذا, أقصى حد عندها واحنا الملف تعب من تعهداتنا .

الشلّه:هااا بتجين معنا ولا بنحذفك من قائمه شلّة الدواهي.

ليـــال: يمّه منكم انتو <خلاص معاكم على الشر والعدوان أما الخير ما أظن فيكم خير.

حور: أفاااااااا.

قمر: لا هاذي اللي بتوطى في بطنها اليوم.

ليال: خلاص آسفين معاكم على الخير والشر عجبكم كذا.

سهى:إيييه ظبطي حالك.

(وراحوا الشلّة يتفسحون)


(في مدرسة المتوسطة للبنات)


زهور ما صدقت أن ثلاث حصص انتهت وجا وقت الفسحة.

زهور:سوسن سوسن حبيبتي اجلسي من النوم.

سوسن: زهور حبيبتي بس اشوي أبغى أنام

يكفي حوير الخبلة ما خلتني أنام.

زهور: ما قلت لك ويش صار البارح مع خالي جلسنا سوالف ومزح.

سوسن (قامت مسرعه راح النوم): وش صاير وش مسويه أنتي وخالك .
زهور : الله يسلمك اللي صار(وجلست تسولف لها عن خالها بدر وسوسن سرحانة) سوسن سوسنوين رحتي شكلك مو معاي بالمره اللي ماخذ عقلك يتهنى به هههههههه.

~*~*~*~*~

(نرجع للشلّة مره ثانية)

انتهت الفسحة والبنات كلّهم راحوا لفصولهم والشلّة على إيد وحده في الهروب

سهى: أنا بروح أتفقّد لكم الوضع(وطلعت تكتشف الوضع بالساحة كان في أحد ولا, علشان الهروبوسوّت تصفيره للعصابة للهجوم وطلعوا وحده وحده علشان ما ينكشفون وراحت لحالها بعيد اشوي علشان تراقب الوضع للشلّة)

(ونطّت عليها أبلة الدين جعلها العمى خافت سهى)

الأستاذة:على وين يا سهى.

سهى:هاها ويش إييييييه أبوي جاي بياخذني لأني أحس بتعب وبروح أجيب البطاقه من الفرّاش.

الأستاذة: خلاص روحي.
(ورجعت سهى للشلة)
قمر: الحمد لله على السلامة.
حور: طلعتي من الشر.
ليــال: لا بالله خوش شر الله يستر بس.
آيه: أقول يــا خوافة أنتي أسكتي لا تفاولين علينا بس.
أمــاني:بس بنات ما نبغى هواش خلونا نـتونّس اشوي؟
(وكل ماشافوا أبله تمشي انحاشوا ما تشفون إلا غبارهم
وقاموا يطلعون أسامي مسخره على معلماتهم وقامو يتمسخرون على الابلات وحور الفت لهم أغنيه موال)

حور: اي ايييييييي اي يا أبلة الدين ليش كل ذي هالدروس
والشله تردد معاها :ايييييييييييييييييييي

حور:ما تدرين ان مخنا مقفل

الشله:ايييييييييييييييي

حور: اي ايييي ويا أبلة العربي وشرايك يوم تغيبين.

الشله : اي والله ليش ما تغيبين اييييييييييي آآآآآآآه

حور : اووووووووه يا مال ايييييييييييي اااااااه

ويا أبلة الاجتماعيات وش علينا في الحروب اللي صارت

الشله : اييييييييي آآآآآآآآآآآآآآآآاه اي يا مال اييييييي يا مال اييييييييييي
حور:وليش الخرايط يا أبله وليش هالحدود والدول وش نستفيد.
الشله :ايييييييييي اااااااااااااااه اييييييييييي
الشله وحور : اووووووووووه يا مال اووووووووووه يا مال ايييييييييييي

الشله :صح لسانك يا حور .
حور: صح بدنكم حبيباتي.
~*~*~*~*~

(في غرفة زهور)
غيّرت ملابسها وأخذت جوالها واتصلت على صديقة عمرها سوسن.
زهور: ألوووووووو.كيفك.
سوسن: هلا والله بزهور حياتي . بخير وأنتي أخبارك ؟
)جلسوا يسولفون ويضحكون ودخل عليها بدر وهي ما تدري و من وراها جا لها وروعها زهور انتقزت)
زهور(صرخت):واااااااااه (والتفتت وراها شافت خالها بدر).
بدر: (يضحك):هههههههه.
زهور: حسبي الله على ابليسك طيّرت قلبي.
بدر(مازال يضحك):هههههههه كيفي بنت أختي وكيفي.
زهور(رجعت تكلم سوسن):ألوووسوسن حبيبتي أكلمك بعدين خالي عنديباي.
(وسكرت الجوال)
بدر: من هاذي اللي كنتي تكلميها.
زهور: ما سمعتني أقول لها سوسن.
بدر: صديقتك هاذي اللي.
زهور(قاطعته):إيوه أهي اللي أنا على طووول معها.
بدر:آآهااا.
زهور: خالي خاليبدرخالي بدربديربدروه رد عليّلا تصير ماصخ (وضربته بقوه على ظهره ).
بر(صرخ ):آآآآآآه وَجْعَه.
زهور: الي توجع ابليس , وينك تعبت وأنا أناديك وأنت في عالم ثاني.
بدر:أنــــــا هاااا.شنو.كيف
زهور:ويش فيك ولا كلمه ضابطة مع الثانية.
بدر: هااااااااأنتي ويش مقعدك لألحين طلعي برا.
زهور: هي أنتتراك جالس بغرفتي فتّح عدل.
بدر:هااا آسف ما انتبهت بااااااي (وطلع من الغرفة)
زهور: لااااا خالي رايح فيها ,يا رب لك الحمد.

~*~*~*~
(في بيت أبو عليوبالتحديد غرفة البنات)
(سوسن سكرت من الجوال وهي ميتة ضحك دخلت عندها حور(
حور : وش فيك ضحكك واصل لآخر الدنيا .
سوسن (تضحك): ههههههههههه زهور خالها خرعهااا وأنا اكلمها واهي خافت(ومستمرة في الضحك) ههههههههههههههه .
حور: أنتي مع صديقتك الحمد لله رب العالمين مجانين
سوسن: ما عليك منا.
(دخلت عندهم أمهم)
أم علي:يلا بنات قوموا غدا.
سوسن: طيب أمي أنا نازله الآن.
حور: إنشاء الله يمه.

~*~*~*~*~
(في بيت أماني)


كانت أماني جالسه في الصالة على الكنبة وحاطه رجليها فوق الطاولة اللي قدامها,وتتابع التلفزيون مع أخوها ياسر.


دخل فيصل البيت تو جاي من الجامعة
فيصل:السلام عليكم (وجلس معهم)
يــاسر وأمــاني: وعليكم السلام.
ياسر:أقول يا فيصل ,ما شفت الخبر اليوم خبر نزول الحديد يا رجال الأوادم مو قادرين يبنون الحمد لله الله سهل لهم عقبال المواد الثانيةز
فيصل : أي يا خوي شفت الخبر بالجريدة ,وزين أنهم رخصوا عشان العالم ترتاح من رفع هالأسعار.


ياسر:طيب وش سويت بالجامعة عسى اليوم ok.
فيصل:الجامعة الحمد لله الدراسة ممتازة.
ياسر: ترى فيه مجال عندنا بشركة الوالد الله يرحمه كان ودكـ.
فيصل: ادعوا لنا بالنجاح عشان أتخرج وأساعدك بالشركة.

ياسر:الله يوفقكـ يا أخوي بس ما أظن بتساعدني بالشركة بتشق بطون الأوادم وروسهم دكتور جراح ما راح تفضى تشتغل معاي ومساعد يمكن منه الرجاء يخش على الأقل هندسة ويساعدني شوي.
فيصل: أي صدقت مشغول بشغلي الي صج يتعب بس بدعاوتك الله يخليك لنا بنتوفق إن شاء الله ومساعد إن شاء الله يتخرج ويساعدك.

ياسر:ها يا أماني وش قلتي على مرتضى ترى الرجال أزعجني كل يوم والثاني يسأل فكرتي زين ترى الرجال ما يعيبه شي والقرار الأول والأخير لك انتي وش قلتي.
فصيل:أماني ها وشرايك بالرجال ترى ما شفنا منه إلا كل خير.
أماني(ما عرفت ويش تسوي كيف بتجاوبهم وهي حدها محتارة ويش تقول لهم راحت لغرفتها كالعادة بدون ما تعطيهم ولا كلمة وراحت تصيح وتضرب اخماس في اسداس وتقول في نفسها هو صحيح وسيم ومن الرجال اللي يعجبوني بس ما أدري يا ربي محتارة).
~*~*~*~*~
(في بيت أبو علي)
فجر تلعب وتنطط فوق الطاولة.
أحمد: هي إنتي أزعجتينا لا تنططين.
(فجر تلتفت عليه وما عطته إهتمام)
أحمد: يعني إنتي مــا تسمعين الكلام قلت لك لا تنططين فوق الطاولة إنتي مسويه إزعاج وأنا ماني قادر أذاكر.
فجر: والله أنا ما ضربتك على يدك وقلت لك تعال ذاكر هنا ,ما عندك غرفه تذاكر فيها ولا كيف؟
أحمد: عاد هاذي اللي ألحين بتوطى في بطنها الآن . أقول بلا طوالة لسان ولا تراددين.
فجر: والله أنت اللي بديت كيفك تحمل (ونطت من فوق الطاولة على الأرض وتعورت رجلها وقامت تصارخ)
أم علي: (جات عندهم وهي مرعوبه من صراخ بنتها ): ويش فيك وحملتها وقامت فجر تصارخ زيادة)
فجر: آآآآآآآآآه يمه يألم.
أحمد:تستاهلين خلك كذا.
أم علي : (سدحت فجر على الكنب): أحمد روح قول لأبوك يجي بسرعة يوديها المستشفى.
أحمد:إنشاء الله مع إنها ما تستاهل.
~*~*~*~*~
(في بيت أبو خالد وبالتحديد في غرفة سهى وماجد)


(سهى وماجد جالسين في غرفة النوم كانت ترتب شعرها قدام المرايه وماجد كان جالس على السرير)
ماجد(راح لسهى وحط إيده على شعرها):ما شاء الله عليك حبيبتي قمر الله يخليك لي.
سهى(استحت ونزلت راسها للأرض):خلاص استحي.
ماجد:يا حلاة اللي يستحون فديتهم أنا (ورفع راسها بإيده)
(ابتسمت له(
ماجد (مسك إيدها وأوقفها وراح معها وجلسها على السرير وجلس عندها): حبيبتي.
سهى:هلا عمري .
ماجد:ما كنت أتخيّل بيوم انك راح تكونين لي كنت شبه فاقد الأمل أول ما رفضتيني في أول مره تقدمت لك فيها , بس الحمد لله ربي كتبك من نصيبي(أخذ إيدها بإيده وباسها ثم حطها عند خده ويتحسسها).
ودي أسعدك بكل اللي أقدر عليهما أبغى اقصّر عليك بشيء أبغاك تكونين أحسن بنت في الدنيا.
سهى:الله لايحرمني منك يا قلبي وأنا كمان الله يقدرني وأسعدك
ماجد:نور عيني.
سهى:الله لايحرمني منك يا بعد عيوني .
ماجد:ما ودك اليوم نطلع مع بعض اشوي نتمشى بمكان حلو وهادئ ورومنسي.
سهى:ودي بس تعرف أبوي ما يرضى وحتى لو كلمته بيعصب وأنت تعرفه من زمان الله يهدي أبوي .
ماجد: يا ربي.وأحنا كل كلمه والثانية أبوكما أدري متى أحنا بس نرتاح ونعيش لحالنا بدون إزعاج أي أحد(عصّب وطلع من البيت).
~*~*~*~*~


(في بيت أبو علي وبالتحديد في صالة الجلوس)
(أحمد كان جالس بالصالة ومعه اللوب توب وكان يسولف مع مساعد صديقه أخو أماني وبينما هو كذالك(حلوه هع هع هع( دخل أبوه وأمه وفجر البيت بعد عودتهم من المستشفى).
أحمد:هلا يبا ويش صار فيها عساه شين.
أبو علي(يضحك):هههههههه.
أم علي:بسم الله على بنتي إنشاء الله في عدوينها.
أحمد: يعني كل ذا حبالله يخلف علينا.
أبو علي(مازال يضحك):هههههههههه.
فجر:يا رب لك الحمد والشكر صحيح أن العقل زين.
أقول ماما وديني غرفتي أحسن لي مالي خلق أقابل هالأشكال شبح ويه (وتأشر على أخوها بإيدها(.
أحمد: أقول احترمي نفسك لأقوم وأتوطى في بطنك ألحين.
أم علي:أحمد. فجر,أسكتوا أحسن لكم, وأنت يا أبو علي ليه جالس وتضحك هذا بدال ما تأدبهم.
بوعلي:شسوي فيهم والله تعبت خلينا بس نتفرّج عليهم وعلى اهواشهم صايرين زي توم وجيري بحلقات ماتنتطوّف هههههههههههاااااا
(حور وسوسن نزلوا من غرفتهم وهم على الدرج سمعوا ضحك أبوهم وانصدموا لما شافوا رجل أختهم ملفوفة)
حور(وهي مصدومة) :ويه ويه وش فيها رجل فجر .
سوسن : ويـه فجر وش فيها رجلك ملفوفة .
حور :ويش صار وشلون انكسرت وكيف لازم تقولين لي كل شي.
أحمد: والله قهر انها ما انكسرت بس متعوّرة ( و قال لهم كل شيء).
~*~*~*~*~


(يوم الأربعاء في مدرسة .الثانوية للبنات)
شلّة الدواهي كلهم جالسين في الساحة.
أماني:بنات عندي لكم خبر.
حور: قولي ويش هو
قمر: أكيد وافقتي صح.
أماني: إيوه وافقت على مرتضى.
آيه :كللللوووووووووش.
ليــال: وأخيراً ما بغيتي توافقين مسكين الرجال موقفته لا رافضته ولا موافقة.
أماني: بكيفه يبغيني يصبر.
سهى: بس حسافه ما شفناك وانتي تقولين لأخوانك أنتي موافقه.
أماني: من قال لكم أني قلت لهم.
حور: يعني أحنا أول من يعلم.
أماني: يس.
قمر: خلاص ما تقولين لهم إلا وأحنا حاضرين كلنا.
أماني : ولا يهمكم.
~*~*~*~*~
(في بيت ليال وبالتحديدغرفة محمد)
محمد(يقرأ أحد الكتب وأخته عند الباب تستأذنه بتدخل عنده):أدخلي ليــــال.
ليال:هلا والله أخوي حمّود
محمد:هلا أختي خير بغيتي حاجه.
ليــــال:بغيتك توصلني اليوم بيت صديقتي أماني كلنا الشلّه بنتجمع.
محمد:بس تبغيني أوديك لصديقاتكما طلبتي شيء أنتي تامرين أمر.
ليـــال(راحت لأخوها وضمته وحبته من خده لأنه حنون مره عليها وما يرفض لها طلب):مشكور أخوي أنا من غيرك ما أدري كيف أصير.
~*~*~*~


(في بيت بو خالد)
بو خالد: نعم ويش قلتي بتطلعين.
سهى:أي أبوي تكفى لاتردني طلبتك صدقني ما راح أتاخر
بو خالد:ولمين بتروحين.
سهى:أبوي وش بلاك بروح حق صديقاتي خبري فيهم من فتره ما شفتهم
بوخالد:ومين راح يوديك.
سهى:أكيد ماجد منو بيوديني غيرة
بوخالد: زوجك!!طيب بس لا تتأخرين فاهمه

سهى: إن شاء الله مشكور ما قصرت وباسته فوق راسه

(وأهي طالعه لغرفتها بتغير ملابسها وتتحلطم): تزوجت ما تزوجت هالأبو ما راح يخليني ارتاح بحياتي يارب ارحمني

~*~*~*~*~
(في بيت أبو علي وبالتحديد في غرفة البنات)
حور وسوسن لبسوا وجهزوا للطلعة
حور (لبست جينز سماوي وقميص وردي ناعم وحطت لها اشوي ميك أب وصارت مرره حلو):
حور تناظر روحها بالمرآيه وتقول قمر قمر طالعه ما ادري منو طالعه عليه أنا

سوسن( لبست تنوره قصيرة لحد الركبة لونها زيتي وقميص أخضر فاتح مرره, توب للرقبة وبدون أكمام والظهر كلّه طالع ورافعه شعرها لفوق ومجعدة أطرافه وحاطه بشعرها شريطه لونها زيتي وصايره مرره كيوت مع الميك أب الناعم صايره البنت جنان): حوير بلا هذرة زايده أبوي ينتظرنا بس على فكره أنا أحسن منك .
(حور نزلت ولاردت على أختها لأنهم كانوا مستعجلين ,نزلوا من غرفتهم للصالة)
(في الصالة)



(أبوهم كان ينتظرهم طبعاَ حور رايحه لعند صديقاتها في بيت أماني ,أما سوسن رايحه لحبيبتها زهور.(
بوعلي:خلاص جهزتوا وما بقى شيء.
سوسن: ايه يبه جهزنا .
أم علي: أنتبهوا على نفسكم ولا تتأخرون كثير.
حور:إنشاء الله يمه تامرين أمر
بوعلي:خليهم على راحتهم متى ما ملّوا تصلوا علينا.
أم علي: كيفك أنت مع بناتك.
بوعلي: يلا مشينا.
حور:يلا مع السلامه يايمه
~*~*~*~
(في بيت أبو علي وبالتحديد في المجلس)
(كان موجود أحمد ومساعد وكل واحد منهم معه اللوب توب الخاص فيه.(
أحمد:مساعد.
مساعد:هلا آمر.
أحمد:شفت لك ذاك اليوم موقع في النت مره حلو فيه مواضيع شيء عجيب.
مساعد(قاطعه):أترك عنك هالمواقع وشوف ذا.
أحمد(ناظر جهاز مساعد وانصدم):شنو ذا؟!!!!
مساعد: ويش رايك احسن من المواقع اللي تتكلم عنها.
أحمد(سكر لوب توب مساعد بكل عصبيه):أنت ويش فيك كم مره قلت لك أترك هالشغلات عنك أنت ما تتوب.
مساعد:والله أنا ما سويت شيء هم اللي حاطين صورهم وعارضين روحهم ما أحد قال لهم أنا بتفرّج عليهم حالي حال أي واحد.
أحمد:بسئلك سؤال بس أمانه تجاوبني بصراحة.
مساعد: أسئل.
أحمد: أنت لسَّ تمشي مع الشلّة الصايعة اللي شفتهم ذاك اليوم وما تركتهم مثل ما قلت لي صح
(مساعد نزل رأسه وما عاد تكلّم).
أحمد:مساعد رد عليّ ما ترتكتهم صح.
مساعد:والله ما أقدر أقول لهم أني ما أبغاكم.
أحمد: كان أنت ما تقدر أنا أقدر.
فجر(دخلت عليهم المجلس وبكل دفاشه):ويش عليه ما تقدر إذا تبغى مساعده ترى عادي.
أحمد(التفت عليها وعيونه تطلع منها الشرار)أنتي ويش دخلك هنا هااا.
فجر:دخلتني ارجولي من الباب اللي أنت دخلت منه (وتحط يدها على خصرها).
أحمد: أقول اطلعي برا أحسن لك لأقوم عليك ألحين.
فجر: ويش بتسوي يعني.
أحمد(زادت العصبية فيه وقام):أنا أوريك شسوي فيك.
مساعد(مسك أحمد):أستهدي بالرحمن وصل على محمد وآل محمدخلها عنّك ذي جاهل.
(فجر طلعت من المجلس تركض).
أحمد:أي جاهل الله يهداك ما تشوف طول لسانها أنا أشك أن عمرها 6سنوات.




مساعد:أجلس بس أجلس وخلها تولّي.
~*~*~*~*~

(في بيت أبو زهور)
(وصلت سوسن لصديقتها)
سوسن:هلا والله بحبيبتي .
زهور: هااااااااي هلا والله حياك ادخلي .
سوسن: هلا خالتي .
أم زهور: هلا والله بنيتي أخبارك وأخبار الوالدة.
سوسن: الحمد لله كلنا بخير خالتي .
أم زهور: حياك البيت بيتك.
زهور:مامي.
أم زهور: سمي يمه.
زهور:احنا صاعدين لغرفتي .
أم زهور:يلااا أحسن لكم علشان تاخذون راحتكم.
زهور:أكييييد.عن إذنك مامي.
أم زهور: أذنك معك.
سوسن: يا لله خالتي عن أذنك .
(وبعدها صعدوا لغرفتها)
~*~*~*
(في بيت أماني)
سهى وليــال وقمر وأماني جالسين سوالف وضحك دق جرس البيت راحت أماني تفتح الباب.
أماني(فتحت الباب):هلا والله بآيه كيفك.
آيه. كيفك أنتي هاا ألحق على الموافقة ولا ما ألحق.
أماني: أفااااا , أنا أنتظرك أنتي وحور .
آيه:ماجات حور لحد الآن.
حور:إلا جات (حور وراها) من قال إني ما جيت هذا أنا موجودة.
آيه(تروّعت):بسم الله من وين طلعتي أنتي.
حور: من تحت الأرض .
أماني: حياكم أدخلوا بسرعة.
(ودخلوا وسلموا على البنات وضحك وسوالف)
ليــال: يلااا أموووون متى بنشوف الموافقه.
أماني: طيب الآن أكلم لكم أخوي(وأخذت جوالها واتصلت على ياسر)
أماني:ألوو
ياسر: ألوو.
أماني :أخوي بغيتك أنت وفيصل بسالفة.
ياسر: بعدين عندك صديقاتك عيب تتركينهم .
أماني: لا الآن لازم ضروري.
ياسر: يعني لازم.
أماني: إيوه روح المجلس أنت وفيصل وأنا جايتكمباااي
(وسكرت الجوال(



ويش تتوقعون راح يصير بعدين

نوني

الفصل الثالث
أماني: بنات يلا أنا قايمه أقول لأخواني أني وافقت على مرتضى.
حور: وقفي بروح معك.
قمر: وين تروحين أهناك أخوانها أنتي مجنونه.
أماني: أقول أنا رايحه أنـتو تهاوشو لحالكم.
(تركتهم ومشت لمجلس الرجال وراحت لأخوانها)
(ياسر وفيصل في المجلس ينتنظرون أماني)
أماني(دخلت المجلس):مساكم الله بالخير أخواني.
ياسر:مساك الله بالنور.
فصيل: هلا والله أختي ويش صاير خوفني ياسر عليك.
ياسر:لا يكون ما عندكـ سالفة اها قولي وش عندكـ

(والبنات كلهم وراء الباب واقفين).
آيه: بنات وخروا اشوي تراني ماني سامعه شيء منكم.
حور: أسكتي أنتي خليني أركّز عدل.
سهى:أوووووش بنات سكتو اشوي أسمعها تتكلم معهم أسكتو اشوي.
(داخل مجلس الرجال)

أماني :أخوي ياسر.
فيصل: تكلمي وقفتي قلبي.
أماني(وهي منزله راسها في الأرض وخدودها مره حمره): أنا موافقة على زواجي من مرتضى.
فيصل: زين ما اخترتي زين الشباب .
ياسر: الله يوفقك يا أختي أنا إن شاء الله بوصل له خبر بموافقتك الليله.
فصيل: مبرووووك يا بعد قلبي والفال لي يا رب.

أماني( قامت من عندهم بتروح لصديقاتها
وتفتح الباب إلا كلهم يطيحون فوق بعض وما ارفعو راسهم إلا وياسر وفيصل قدامهم
وانحرجو وطلع ياسر وفيصل من الباب الثاني للمجلس علشان ما يزيدون الإحراج.
أماني (ماتت ضحك على أشكالهم):ههههههههه.
~*~*~*~
(نرجع لسوسن وزهور)
زهور:أقول حبيبتي سوسن.
سوسن: سمي يالغلا .
زهور:أنا رايحه أجيب لك حاجه تشربيها
خذي راحتك البيت بيتك أنتي منتي بغريـبة .ok
سوسن: OK .
(وطلعت زهور من الغرفة(
~*~*~*~*~
(زهور ومعها كاسة العصير راحت لغرفة خالها.(
زهور(فتحت غرفته):وينه خالي يمكن طلع خلني بس أروح لحبيبتي أكيد تأخرت عليها.
(اتجهت لغرفتها وشافت خالها واقف عند الباب تو بيفتحه)
زهور: خالي بدر.
بدر: بسم الله .أنتي ويش جابك وراي مو كنتي في الغرفة اشلون طلعتيأعوذ بالله من الشيطان الرجيم ليكون أنتي جني وأنا ما أدري.
زهور: جني في عينك أنا طلعت أجيب عصير لصديقتي,بعدين أنت لا تفتح الباب في وحده عندي.
بدر: طيب اشوي اشوي عليّ ماني داخل شسوي في صاحبتك أكيد مثلك ثقيلة دم.
زهور: أنا ثقيلة دم أصبر عليّ حسابك مو ألحين بعدين لما تطلع حبيبتي ما أبغى أحرجك قدامها.
بدر: يلعن على اللي يعرفون الأصول.
زهور: أنا أعرف الأصول من قبل لا أشوف وجهك.
بدر: أقول روحي بس عن وجي تراك بدأتي تطولين لسانكأنا طالع تبغين شيء أجيبه معي.
زهور:سلامتك.
(بدر مشى عنها وزهور دخلت لسوسن(

~*~*~*~*~
(نرجع لفجر)
راحت لغرفة أخوها أحمد وأخذت اللي تقدر عليه من ملابسه ونزلت فيهم وطلعت في حديقة البيت .
فجر:أنا أعلمك يــا وحيمد أجل أنا توريني
أصبر عليّ بس.
~*~*~*~
نسينا أحمد ومساعد نرجع لهم


أحمد:كأني أشم ريحه.


مساعد:لا يتهيأ لك.


أحمد:إلا ريحة شيء يحترق.


مساعد: إيه والله قوم خلنا نشوف.


وما طلعوا من المجلس إلا المكان كلّه نار.


فجر (واقفه وتضحك):شفت كيف أوريك.


وفي نفس اللحظة وصلت سيارة عبد الرحمن ومعه علي وتفاجؤ بالموقف .


علي(أستغرب من اللي صاير) :وش صاير ؟ منو سوا كذا؟


عبد الرحمن:اتصل على المطافي بسرعة.


(علي اتصل بالمطافي (


(أم علي طلعت من البيت وراحت تشوف ويش صاير.(


أم علي:يما علي ويش صاير من وين الحريق ذا.


أحمد: بنتك فجر أهي اللي سوته.


علي:يما اخذي فجر ودخلوا داخل البيت الحين بتجي المطافي.


(ودخلت البيت هي وفجر).


~*~*~*~


(أبوعلي في سيارته ودق جواله(


(المتصل علي(


بوعلي: ألووووو.هلا يبانعمشابة حريق في حديقة بيتنا!!!.شنو.أيكيف صار .
علي: لين توصل واعلمك بالسالفة.


بو علي: اتصلت بالمطافي .
علي: اي.
بو علي: خلاص ثواني وأنا عندكم ابتعدو عن النار لحد يقرب منها
علي :أن شاء الله يبا.
بوعلي: مع السلامه.
علي: مع السلامه (سكر الجوال).


بوعلي: ياربي ويش ذي المصيبه الله يستريارب ابعد عن اهلي واعيالي كل شر يــالله.


(وصل بيتهم وشاف المطافي واقفه عند البيت وطفت الحريق وكل شيء بخير).


بو علي: علي أبوي خير عسى ما صار لكم شيء.


علي: (طبعاً الحريق ما صار إلا في مكان فاضي ما كان فيه زرع ولا كان صار الحريق أكبر) : لا الحمد لله ما صار لنا شي.

بوعلي: الحمد لله.


عبد الرحمن:خطاك السوء عمي بوعلي.


بوعلي: خطاك اللاش.
~*~*~*~
(نرجع للبنات في بيت أماني(
(جالسين سوالف وضحك ومزح وفي هاللحظة دق جوال سهى المتصل رقم غريب.
سهى طلبت من البنات يسكتون علشان تشوف من اللي متصل
أول ما ردت سمعت صوت أخوها خالد طارت من الفرحة
لأنها من شهر ما كلمته لأنه تارك بيت أهله وساكن بالرياض
لأنه تعب من أبوه ومعاملته له وبعد كل مكالمه لأهله يغيّر الشريحة علشان ما يرجعون ويكلموه).
سهى:هـــــــــــــــــــــــلا وغلا بأخوي

وحشتنا موت أخبارك وش حالك وش مسوي وين دنياك

يا خوي متى نشوفك عن جد ولهنا عليك


خالد:أخبارتس أختيأشوي أشوي عليّ خليني أتكلم )يضحك)هههه.
سهى: وينك أخوي ليه ما تسأل ولا ترد على اتصالي بعد.
خالد:يا أختي لاتعورين قلبي.
(وجلسوا يسولفون مع بعض)
~*~*~*~*~*~
(في بيت أبو ناصر وفي مجلس الرجال بالتحديد(



دخل عبد الله زوج بنتهم في المجلس .



عبد الله : السلام عليكم ورحمة الله.



بو ناصر: وعليكم السلامتو مانوّر البيت.



عبد الله: منوّر بأصحابه.



ناصر(سلم على عبد الله ورحب فيه):السلامحيا الله من جانا.



عبد الله:أخبارك ناصر عساك بخير.



ناصر:الحمد لله طيبين أنتو أحوالكم.



بوناصر: وين هالغيبه أخذت بنتي وما صرنا نشوفك كثير.



عبد الله:ههههههواللي يشوف القمر يقدر على فرقاه.



ناصر:أوووووووووه ويش ذا الدلع لأختي يا حظهاههههههه



~*~*~*~*~



(في بيت أبو ناصر في الصاله بالتحديد(



وعد (فتحت باب الصالة ودخلت وشافت قدامها باسمه ):هلا هلا والله بمرت أخوي.



باسمه: هلا واللهكيفكأخبارك.



وعد: بخير الحمد للهوين أمي.



باسمه:تلاقينها في المطبخ تسوي الشاي والقهوه للرجال هذا وقت جيتهم كل أسبوع.



وعد: يعني مسويين في بيتنا ديوانيه.



باسمه: نوعاً ماهههههههه.



وعد:طيب عن أذنك بروح لأمي.



(وعد راحت لأمها المطبخ وشافتها منشغلة وهي تسوي الشاهي للرجال وراحت لأمها من وراها وحضنتها بالقوه.(



أم ناصر: بنتي حبيبتي(وضمتها لصدرها(



وعد: يمه أشتقت لك يا روحي.



أم ناصر: أنتي عاد القاطعة ما تسئلين عن أمك ولا عبد الله أخذ عقلك ونسيتينا.

وعد: ما عاش من ينساك.
~*~*~*~*~
(في بيت أبو زهور في حديقة البيت)
سوسن وزهور طلعوا في حديقة البيت يغيروا جو
زهور:سوسن حبيبتي عندي لك مفاجئه ماتتوقعينها.
سوسن:وش هي وش مسويه اعترفي الله يستر من هالمفاجئه .
زهور: دقايق وأجيبها لك
ok
سوسن:ok حبيبتي أنتظرك أنا لا تتأخرين .
زهور: خذي راحتك ما راح أتأخر.
سوسن: طيب يالغلا .
(وقامت زهور ودخلت البيت)
(في هاذي اللحظة بدر دخل البيت وهو في الحديقة شاف سوسن بس من ورى ظهرها واعتقد أنها زهور وجا لعندها وهي جالسه على الكرسي حط إيديه فوق عيونها وسكت ما تكلم وفي هاذي اللحظه جات زهور وعندها الكيك اللي هي سوته علشان تفاجئ فيه سوسن وشافت خالها بدر ماسك عيون سوسن شهقت بالقوه وطاحت الكيكه من إيدها .(
بدر (شاف سوسن قدامه وتوهّق باللي ماسكها ما يدري من تكون ويقول في داخله):يا ربيييييييه شالوهقه ذي من هاذي البنت
سوسن: يلا زهور أفتحي عيوني علشان أشوف مفاجئتك) وأول ما فتحت عيونها وشافت قدامها بدر طاحت واغمى عليها.): يمـــــه .آآآآآآآآآآآآه
زهور: حبيبتي (وراحت لصديقتها وضمتها لصدرها وهي تبكي).
بدر: زهور قومي شيليها ووديها غرفتك .
زهور: شايفني أقدر أشيلها ما أقدر أنت شيلها.
بدر: انا!!!!!
زهور: إيوه يلااااااا بسرعة لا يصير فيها شيء.
(حملها بدر وصعدها لغرفة زهور وسدحها على السرير وطلع من الغرفة).
(نرجع للبنات في بيت أماني)
البنات جالسين وسوالف



دق جوال سهى المتصل حبيب الروح(زوجها ماجد(



سهى(ردت على زوجها):هلا مجودي



ماجد:حبيبتي سهّوي أنا عند بيت صديقتك اطلعي علشان ما نتأخر.



سهى:إن شاء الله قلبي دقايق وطالعه



(سهى سلمت على البنات ولبست عبايتها وطلعت)
قمر(دق جوالها المتصل أخوي ناصر):ألوونعم
ناصر : الوو السلام عليكم
قمر: وعليكم السلام
ناصر:انتي وينك إلى هذا الوقت ؟ وعد في البيت تعالي.

قمر:صج جات أختي .خلاص مر عليّ.
ناصر: طيب أنا جايك الآن.
قمر:طيب أنا راح أجهزمع السلامه
( تكسرالجوال(
بناااات بعد أشوي بمشي أخوي ناصر راح يجيني.
آيه:مسرع ياقمر لس ما شبعنا منك.
قمر : أنا كاكاو تشبعين منيهههه لا بس أنا والله مضطرة أمشي من زماان ما شفت أختي تزوجت ونستنا.
ليال: أحس أني جوعانه.
أية : ويش رايكم نعلّم أماني تطبخ نسوي معكرونة بالبشمل أنا أحبها وتضبط معاي
(البنااات وافقوا مدام أن آيه هي اللي بتتكفل بالطبخ)

قمر: الله معكرونه بالبشمل ولا من إيد آيه يــاسلام , تراني متنازله عن الطبق مو بايعه عمري
ليال: لاتنسين أنك بتمشين بعد اشوي يعني مالك طبق من الأساس.
أماني:هههههه خلاص حبيبتي ولايهمك آكل عنك.
أيه: طيب يا حبايبي تبقون المعكرونة بالدجاج أو اللحم,
البنات يفضلونها باللحم صح, أماني وين لحمكم والمعكرونة والدقيق والحليب .( الخ (

أماني :ويش مدريني وينهم بطلعهم لش اللحين
اصبري شووووي.
)) قامت تدور أماني على الأغراض))
وعفست في المطبخ شوووي
وطلعتهم كلهم
أماني : الحين ويش اسوووي آيوووووووه
حور:آيه خليني أنا اللي أسوي المعكرونه وأنتي سوي سلطة الفواكه طيب.
آيه: OK .
ليـال: أجل أنا راح أسوي لكم عصير برتقال طازج
راح تحبوه كثـــير.
أماني : وأنا شسوي.
قمر: تفرجي عليهم. باااااااي أنا طالعه وصل أخوي.
حور: باي.
آيه : مع السلامه سلمي على الوالده.
قمر : الله يسلمكم.
(وطلعت قمروراحوا البنات على المطبخ)

)في المطبخ(
حور تكفّلت بالطبق الرئيسي (يـــاعيني طباخه ماهره)
(آيه تجهّز سلطة الفواكه.(
(وليــال حضّرت عصير البرتقال الطازج).
وأمــاني كانت بس تتعلم من حور كيف تطبخ (يعني ما سوت شيء(
حور:جلست تتمسخر بتسوي لها برنامج طبخ << خخ
أول ما بتدت السلام عليكم ايها الاعزاء والمشاهدين
اليوم عندنا ضيفه عزيزه الا وهي أماني
ترررررررن ترن تررررن << موسيقى خخ
اول شي ياهلا والله بأماني
أسفرت وأنورت واستهلت وأمطرت
حيا الله من جانا
المهلي مايولي
القهوة القهوة يالربع << حشى مو برنامج هذا خخ
ياهلا والله بيك
أماني:هلا والله فيك ياللي مصدقه روحك في برنامج أقول كملي شغلك ووريني بدون هذره زايده.
حور:أول شي ياضيفتنا لازم تتعلمين الطبخ زين مازين وهالله هالله بالطبخ السنع ومثل مايقولون
أقرب طريق الى قلب الرجل معدته
أماني:ههههبس ترى مو كل الرجال.
آيه:أنا اللي أشوفه أن معدته سر ما أقدر أتخيله.
حور: هذا أقول لها بس شسوي.طيب نكمّل الطبخه.
ليـــــال(تقص البرتقال علشان تعصره وجرحت صبعها):آآآآآآآآآآآه. أح

أماني:مره ثانيه فتحي عيونك عدل وانتي ماسكه السكين.
ليـال: هذا بدال ماتقولي سلامتك ماتشوفي شر.مالت بس.
أماني: ماتشوفي شر حبيبتي.(أخذت البلاستر) وحطته على الجرح.
ليـال: يعطيك العافيه(وكملت شغلها).
حور: أماني تعالي بسرعة مو تنحاشين عني تعالي.
أماني : هذا جيت أشوف هالطبخه.
آيه: ليالشوفي اللي سويته كميتة سلطة الفواكه كافيه ولا؟
ليـــــــال:أشوفوراحت تناظر فيه.
آيه: ها تكفي ولا.
ليـال: لا بعد سوي اشوي يقولون الكرم زين.
حور: حلوه يقولون هاذي بعد.
أماني: هههههههههه والله أنتو ياربعي مسخره.
حور: أفا احنا صديقاتك وتقولي عنا مسخره.
أماني:ياأختي نمزح معك.
آيه: بس مزحك ثقيل مرهالله يعين مرتضى عليك.
~*~*~*~*~
(في مجلس الرجال(
فيصل:إلا أقول ياسر.
ياسر: سم.
فيصل: الليله ما راح نتعشى ولاكيف.
ياسر:ما أدري شوف أتصل على أماني أسئلها نشتري من مطعم ولا الطباخ أهو اللي راح يطبخ.
فيصل: طيب.
~*~*~*~
)في المطبخ(
دق جوال أماني
آيه: أماني جواك روحي ردي عليه لا يزعجنا خلينا نستمع إلى برنامج حور(وتضحك)هههه.
حور: تمسخري علي بس.
آيه: ما حد قال لك أنا قلت بسوي معكرونه بالبشمل تجين أنتي تتلقفينههههه.
أماني(ردت على الجوال.المتصل أخوي فيصل):ألوووو
فيصل: هلا والله.
أماني: أهلينخير
فيصل: أقول نطلب عشا من المطعم ولا الطباخ بيسوي عشاء.
أماني :لا مايحتاج أنا وصديقاتي جالسين نطبخ العشا.
فيصل: الله يرحم عشانا الليله عزة الله أكلنا صح.
أماني : لا تحطمنا.
فيصل: أقول يلا باي.
أماني :باي.
~*~*~*~
)في مجلس الرجال(
فيصل:أقول ياسر أنا راح أطلب من المطعم .
ياسر: مو تقول راح يطبخون البنات.
فيصل: وأختك تعرف تطبخ وأكيد صديقاتها مثلها أنا بطلب من المطعم إحتياط لان العشا أنا مترحم عليه قبل لا أشوفه.
ياسر:هههههههه الله يستر بس.
~*~*~*~*~
)نرجع لزهور وسوسن نسيناهم(
في غرفة زهور جالسه زهور وأمها وأم زهور وسوسن نايمة على السرير ومو حاسه بشيء.
أم زهور(تغسل وجه سوسن بالمويه وتسمي عليها بالرحمن وماهي حاسه بشيء(
زهور: آآآه يــــــاقلبي على حبيبتي.تهئ تهئ تهئ(تبكي(.
أم زهور: أذكري ربك ما فيها إلا العافية والحين بتصحى.
زهور: خايفه تروح مني.
أم زهور: أهي مغمى عليها بس ما فيه شيء.
(ثواني وصحت سوسن وماهي عارفه وين هي ومين اللي سدحها على سرير زهور(
سوسن:وين أنا ومن اللي جابني هِنا وش صار .
زهور:صحيتي حبيبتي.
أم زهور: ما تشوفين شر بعد عمري.
سوسن(مستغربه مين صعدها فوق وكيف):زهور حبيبتي من صعدني فوق أنا كنت تحت .
زهور: ما كان في أحد يقدر يشيلك ما في إلا خالي بدر قلت له يحملك ويصعدك فوق.
سوسن(طار قلبها وانصدمت):ليش تخليه يصعدني فووق حرااام عليك يازهور .
أم زهور:أهم شيء أنك بخير وتطمنا على صحتك.

~*~*~*~*~*~


(في بيت أبو خالد في صالة الجلوس)

(أبو خالد جالس على أعصابه وينتظر سهى وماجد يرجعون
في هاللحظة دخل عبد الرحمن البيت.(
عبد الرحمن: السلام عليكم
بوخالد: وعليكم السلام.
عبد الرحمن (جلس عند أبوه):خير أبوي عسى ماشر.ويش فيك.
بوخالد: أختك.
عبد الرحمن: ويش فيها أختي صاير لها شيء.
بوخالد: من طلعت مع زوجها ماجات.
عبد الرحمن:خليها تستانس أهي ما تطلع.وبعدين أهي طالعه مع زوجها يعني عادي ما فيها شيء.
بوخالد(بعصبيه):لا موعادي أنا قايل لها أنها ما تتأخر عن الساعه10 ونص.
عبد الرحمن(يناظر الساعه) والآن الساعه عشره ونص وربع يعني ما تأخرت يايبا لا تكبّر الموضوع.
عبد الرحمن (حب يغيّر الجو وينسّي أبوه تأخير سهى):أقول يبا.
بوخالد: سم.
عبد الرحمن :سم الله عدوك.منت بناوي تزور العم بوعلي.
بوخالد:ويش المناسبه.
عبد الرحمن:لا مناسبه ولا شيءبس تتحمّد لهم على السلامه.
بوخالد: خير ويش صاير لهم.
عبد الرحمن: اليوم الله يسلمك وأنا مع علي لما وصلنا بيتهم شفنا عندهم حريق(وقال له السالفه كلها).
بوخالد:لا حول ولا قوة إلا بالله العلي العظيم.عسى ما صار لأحد شيء بس.
عبد الرحمن: لا الحمد لله الحريق صار في حديقة البيت واحنا اتصلنا على المطافي وما صار لأحد شيء.
بوخالد: والله مايستاهل بوعلي رجال طيّب . يبغي لنا نمر عنده هاليومين.

~*~*~*~*~
(في غرفة بدر)
بدر: يالله أنا من اشوي كنت حامل قمر ولا إنسان
لا لا هاذي حور من الجنه ما شاء الله عليها جمال ونعومه ورقه.آآآآآآآآه يـــــــــاقلبييا ريت بس يرجع الوقت ربع ساعه لورى كان أهي الآن فوق يديني
طيب من هاذي
يمكن تكون سوسن اهي أقرب صديقات زهور أتوقع أنها أهي
طيب كيف أتأكد . ياربييييييييييييه
بس لازم أشوف لي طريقه أعرف فيها من بنته تكون هالقمر.





ترقبوا البارت القادم في الأيام المقبله


^_^

نوني

*~الفصل الرابع*~




(في بيت بوخالد(
(دخلت سهى وزوجها البيت واستقبلهم بوخالد).
بوخالد:هلا والله هلا ببنيتيليه جايه مبكّر كان ظليتي في الشارع مع زوجك.
ماجد: ويش فيها يا عمي زوجتي وطلعت معها اشوي أتمشى.
سهى(خايفه واهي تكلّم أبوها ):آسفه يبا على التأخير وعد مني والله ما نتأخر مره ثانيه.
عبد الرحمن:يبا خلّــهم على راحتهم بعدين هم توهم صغار وما أخذوا فتره طويله من تزوجويعني خلّــهم يستانسون.
~*~*~*~*~
)نرجع للبنات(
)أنتهو من كل حاجه في المطبخ وصار العشاء جاهز(
حور: أماني يلا نوديه غرفة الطعام لأخوانك.
أماني أقول أحنا راح ناكل بغرفة الطعام هم خليهم يولون.
حور: لا تفشلينا استحي على وجهك احنا ناكل بالصاله أو باي مكان خلينا ندلعهم هم رجال.
ليال: لا كلام حور صحيح.
آيه : عدل يا أماني خلينا ندلعهم علشان يقولون عنا سنعين ونعرف الذوق.
أماني :طيب يا أم الذوق.


~*~*~*~*~*~


(في بيت أماني(


أماني (أخذت جوالها): ألوووفصيل جهزنا العشاء روح أنت وياسر لغرفة الطعام طيب.باااااي.


)وسكرت الجوال(


فيصل:ياسر قوم للصدمه .


ياسر: أي صدمه.


فيصل:العشاء جهز.


ياسر:ههههترى أنت مكبّر المسألة


فيصل:أتحداك إذا ما طلع الأكل عفيسه والدنيا ما تنطاق من شكله.


)وراحوا لغرفة الطعام(


~*~*~*~


(في غرفة الطعام(


)دخل فيصل وياسر وراحوا لعند طاولة الطعامهناك كانت المفاجئة(


يـــاسر:واااااوشيء يفتح النفس.


فيصل )في وجهه علامة تعجب ) :مين اللي محضّر الأكل؟


ياسر )جلس على كرسيه : (أنا راح آكل ما أقدر أقاوم شكله حلو كثيييرولا عاد ريحته اللي تشق الراس.


فيصل:أقطع إيدي إذا موجايبينه من مطعم.


ياسر: متى أماني تعلمت تسوي كل ذا.


فيصل: موهي صديقاتها هم اللي سووه مستحيييل أهي.








~*~*~*~*~*~


(البنات جالسين يتعشون وطبعاً لازم السوالف دخل مساعد البيت وهم جالسين(


مساعد:السلام عليكم.


البنات: وعليكم السلام.


أماني:روح غرفة الطعام تعشى مع ياسر وفيصل.


مساعد:أي عشاء وأي خرابيط أنتو ما تدرون عن اللي في الدنيا أصلاًشبّت في بيت عمي بوعلي حريق بس الحمد لله ما صار لأحد شيء.


(حور طاحت كاسة المويه اللي بإيدها وانكسرت(


~*~*~*~


)في غرفة الطعام(


يـاسر: ويش ذا الصوت.


فيصل: ويش صاير للبنات .


ياسر: الله يستر.


)دخل عندهم مساعد(


فيصل:مساعد ويش صاير للبنات.


مساعد: ولاشيءقلت لهم أن بيت عمي بوعلي صار فيه حريق وخافت بنته وانكسرة الكاسه اللي بإيدها بس.


ياسر: بسما شاء الله عليك تقولها بكل بساطه


ليه تخوّف البنت على أهلها ما أدري أنت كيف تفكر.


فيصل: بوعلي واعياله ما صار لهم شي.


مساعد:لا الحريق كان بسيط )وقال لهم السالفه كلها(









~*~*~*~


)عند البنات(


حور(تتصل على أبوها وهي تبكي ) :ما يرد أبوي يا ربيييه ما أدري ويش صاير فيهم.


ليــال: ما فيهم شيء الحمد لله .


آيه: لاتخوفي حالك بس هدي نفسك.


حور: أماني تكفي قولي لأحد أخوانك يوديني بيتنا.


أماني: طيب بس أنتي هدي اشوي (وراحت لأخوانها(



~*~*~


)في غرفة الطعام(


أماني(وهي خايفه على صديقتها ) :فيصل قوم وصل صديقتي لبيتهم تبغي تطمن على أهلها وأبوها ما يرد عليهافديتك وصلنا لبيتهم.


فيصل:طيب روحوا البسوا على ما أغيّر ملابسي.


يــاسر: أماني حاولي تهدين صديقتك ولا تبكي مهب زين عليها .


أماني: إنشاء الله أخوي(وطلعت للبنات).







~*~*~*~


)نشوف ويش صار للبنات(


(حور جالسه ومتوترة وآيه تهدئها في هاللحظة دق جوال ليــال <المتصل أخوي محمد > )


ليــال:ألووو.نعم وينك وصلت عند البيتطيب أنا طالعه بس ألبس عبايتيباي.


أماني )جات للبنات) :حور قومي أغسلي وجهك والبسي عبايتك علشان نروح بيتكم.


ليــال: أنا طالعه أخوي وصلحبيبتي حور أذكري ربك طيب.


آيه(بتلشت( :وأنا السايق ما جالي.


ليــال: خلاص تعالي معي أنا أوصلك.


آيه:طيب


(ولبسوا عباياتهم وطلعوا)


(حور لبست عبايتها بس تنتظر أماني تلبس عبايتها وفيصل يغيّر ملابسه)


~*~*~*~*
(في بيت بوعلي(


(دخلت حور وأماني الصالة عند أمها وهي خايفة على أمها وإخوانها كثيـــر)


حور:يمه سلامتكم عسى ما صار لكم شيء بس.


أم علي: الحمد لله ما فينا شيء جات على خير.






~*~*~*~


(دخل فيصل مجلس الرجال)


فيصل: السلام عليكم.


بوعلي: وعليكم السلام.حياك.


فيصل: سلامتكم ما تشوفون شر؟


بوعلي: الله يسلمك.


فيصل: أخبارك عليما تشوفون شر.


علي: الشر ما يجيك.


فيصل: عسى بس ما صار لأحد شيء.


بوعلي: لا الحمد لله علي بسرعة تصرف وطفو الحريق.


فيصل: الحمد لله.أقول بو علي ترى أحنا أهل إذا تحتاجون لأي شيء أنا بالخدمة.


بوعلي: ما تقصر والله .


~*~*~*~*~*~


(في بيت ليـــال)


(كانت ليــال جالسه مع أخوها محمد)


محمد:أقول حبيبتي.


ليـــال:سم.


محمد: متى راح تبدأ اختباراتكم.


ليــال:بعد شهرين.


محمد: ومتى تنتهون.


ليــال:بعد ما تبدأ الإختبارات بأسبوعينيعني من الآن لحد ما تنتهي الإختبارات شهرين ونص .


محمد:آآآآهاااحلو.


ليــال(استغربت من اخوها) :ليه تسألخيرفي شيء.


محمد: لا سلامتكأنا طالع باااااي.

(طلع محمد وترك ليــال بحيرتها)




~*~*~*~*~


(في غرفة أمــاني)


أماني (جالسه على سريرها وتناظر صورة خطيبها مرتضى,وفي هذه اللحظة صار أحد يضرب عليها الباب ) :مين .


مساعد:ممكن أدخل .


أماني: أدخل حياك.


مساعد(دخل الغرفة وراح لعند أخته وجلس عندها) :مبروووك أختي عقبال ما أشوفك في ليلة زواجك.


أماني: الله يبارك فيك ونفرح بزواجك يارب.


مساعد: الحين ليه إنتي جالسه فوق وتاركه صديقاتك تحت .


(في ها للحظة دخلت قمر وليــال الغرفة )


قمر: أمانيويش ذا الدلع علينا من الآن تتغلين علينا توك ملّكتي مسرع نسيتينا وما تجلسين معنا بعد .


ليــال:قومي بسرعة معنا تحت نبغى نفرح فيك.


قمر: عاد أنا نفسي أرقص مع هالغناوي اللي تحت.


أماني:هههههعقبال ما أشوفكم يارب في نفس هاذي الليلة.


قمر:آآآآآآآمين.


ليــال :عاد استحتي على وجهك اشوي.


(ونزلوا كلهم تحت مع البنات)








~*~*~*~*~




(في بيت بوعلي(

بوعلي:أقول أم علي.

أم علي: سم

بوعلي:ويش رايك نطلع نتمشى اشوي ونغيّر جو البنات طالعين عند صديقتهم وعلي أكيد مع عبد الرحمن وما بقينا إلا احنا.

أم علي:أشوفك نسيت أحمد وفجر.

بوعلي:أحمد أنا من اشوي وصلته لمساعد يقول عندهم شغله بيسوونها.

أم علي: وفجرأنا ما أتحمّل أطلع أتمشى في مكان وهي معي تفشلنا وتزعجني.

بوعلي: إلا صحيح وينها ما أشوفها.

أم علي:أكيد مسويه لها مصيبه خلني بس أروح أشوفها وين هي.
بو علي: وأنا بعد بروح أدورها معك .



(راحت أم علي تدوّر بنتها وما هي شايفتها,سمعت صوت بوعلي يناديها)

بوعلي: أم علي أم علي تعالي شوفي بنتك شمسويه.

أم علي )راحت لهم تركض دخلت غرفة حور وسوسن شافت الدنيا فوضى ) :شنو هذا.

بوعلي:حضرتها بنتك عفست الدنيــا.

فجر: حراااام عليك مــا سويت شيء كل اللي سويته أني فتحت دروج حور وأخذت كريستالات الشعر اللي أهي تحبهم وكسرتهم في الأرضبعدين أخذت عدساتها وشققتهم لها مــاحد قال لها تحطهم قريب منيوبعدها الله يسلمكم شفت المقص قدامي أخذته وقصيت فيه بنطلون حور ولما انتهيت منه قصيت الستاره وووبس.

أم علي: بسلا صحيح مــا سويتي شيءحسبي الله على ابليسك يــاربي أنا شسوي في هالبنت كيف أتعامل معها.

بوعلي: مهب أنتي اللي راح تتعاملين معها أنا اللي بأدبها تعبت منها لا بالطيب عقلت ولا بالسياسة ولا بالدلع مافي غير أني أسوي لها مثل ماأسوي بالطلاب بالمدرسة (راح لفجر وحملها غصب).

فجر(بصراخ):خلنيوخّر عني.

بوعلي:أخليــكأنتظري بس دقايق وأتركك.






فجر: وين بتوديني.


بوعلي(نزلها بالصاله علشان تكون قدامه ونزلها عند الجدار) :وقفي.


فجر: وين أوقف.


بوعلي: عند الجدار وارفعي رجل وحده.


أم علي:حرام عليك مــا تتحمل.


بوعلي:خليـــها تتأدب اشوي.


فجر(تبكي ) :بابا والله أتوب مــا أعيدها.


بوعلي:ممنوع الكلام ربع ساعة بعدين روحي بكيفك.


(جلس بوعلي وجلست بعده أم علي وهي خايفه على بنتها مره).


أم علي (بصوت منخفض ) :بو علي حرام عليك اترك بنتك أهي الآن أكيد عرفت أن أي غلطه بعدها عقاب خلاص أتركها.


فجر(تقول لأبوها ) :سمعت تقول لك أتركها.


بوعلي:هذا تتكلمين بالعدال واسمعتك مــا أصدق هالبنت مو طبيعية.


فجر:بسم الله عليّ الرحمن الرحيم من كل عينهااا اشلون بتخلوني أجلس ولاكيف.


أم علي: بس خلاص يــا بوعلي.
بوعلي: خلاص روحي وإن شفتك سويتي شيء مــا عجبني.


فجر(قاطعة كلامه ) :والله لأسوي فيك شيء مــايرضيكحفظتها (ومشت عنهم تركض ).


~*~*~*~*~*~




(في بيت بو خالد)


(سهى جالسه لحالها بملل مو طبيعي)


أم خالد(دخلت عند سهى وشافتها تتكلم لحالها(:ويش فيك تتكلمي لحالك جنيتي.


سهى :تعتقدين اللي يعيش في هذا البيت ما يجنْ .


أم خالد:غريبه جالسه لحالك وين زوجك وأخوك.


سهى: ماجد مع أصدقائه وعبد الرحمن قال لي بيروح مع علي صالة البلياردو.


أم خالد: إلا صحيح ليه ما رحتي مع صديقاتك ما تبغي تحضري ملّكة أماني.


سهى (وبكل حزن( :أبوي موراضي حاولت معه بس موراضي ما أدري ليه أنا بس متزوجه علشان أبقى تحت سيطرة أبوي طول العمر.


أم خالد: الله يهدي أبوك بس .








~*~*~*~*~


( في بيت أبو علي)


(أم علي وفجر جالسين في الصاله,فجر تشوف محطة سبيس تون , وأثناء جلوسهم دخل البيت بوعلي وحور وسوسن بعد رجعتهم من عند أماني)


فجر(خافت من حور) :ماما أنا بروح أنام باي (وراحت لغرفتها تركض( .


سوسن:ويش فيها هاذي غريبه تترك أفلام الكارتون يلا بكيفها(وجلست عند أمها( مامي وناسه اليوم.


حور(جلست معهم ) :يبا تعال أجلس معنا والله وناسه اليوم فرحنا كثييييير و رقص وهبال.


بوعلي (يضحك ):ههههبعد ما أنتهيتي!! ما أظن في شيء بقى ما قلتيه لي واحنا في السيارة إنتي طول الوقت ماسكتيهههه (مازال يضحك( أنا بروح أريّح في غرفتي الله يعينك يا أم علي , عن أذنكم.

حور:تصبح على خير
(وطلع لغرفته بو علي).



حور: مامي أسمعي بس , بعد ما ملّكت أماني دخل مرتضى يشوفها وجلس معها وهي مره مستحيه.


سوسن:إيه والله موقف يخوّف كثييير ما أدري كيف تحمّلت أماني.


أم علي:الله كريم أشوفكم ثنتينكم في زواجكم يارب.


(سوسن خجلت كثير من أمها وحمرَّت خدودها)


حور:آآآآآآآآآمين الله كريم .


سوسن (تحاول تغيّر الموضوع :(حوير ويش رايك بفستان قمر عجبني كثير.







حور: إيه والله حلو مره بس أنا عجبني فستان آيه جنااااان .


سوسن :حلو بس خالع اشوي.


حور: احنا يعني ويش نبغى غير الخلاعه (وتضحك)هههه.


سوسن:طيب أنا بروح أنام أحس أني تعبت.


حور: وأنا بعد بروح أغيّر ملابسي وأنام.


سوسن:تصبحي على خير مامي .


أم علي: وانتو من أهله.


(وراح الكل على غرفته حور وسوسن وأم علي)


~*~*~*~





(عند غرفة البنات)


حور)فتحت الباب وانصدمت من شكل الغرفه ومن اللي صاير فيها ) :مين اللي سوى كذا من اللي عفس أغراضي.


سوسن:أكيد فجر ما في غيرها .


(وبدأ البحث عنها)


حور: أنا راح أوريها قليلة الأدب راح تجيها سطارات مني تصبر.


~*~*~*~


(عند غرفة فجر)


حور(تحاول تفتح الباب وكان مقفول :( مقفله الباب خايفه هاااعارفه أنك مسويه شيء غلط ولا ما كان قفلتيه (بكل عصبيه وغضب تضرب الباب وبكل قوتها):فجير أفتي الباب.


سوسن (بكل هدوء ):فجر أفتحي الباب.


حور:فجير ما تسمعي قلت لك أفتحي الباب والله إن ما فتحتي الباب لأتوطى في بطنك.


فجر: قلت لكم ماني فاتحه الباب.




تتوقعون ويش رايح يصير لفجر
هل راح تفتح الباب او لا؟
لما تفتحه ويش بيصير لها
ولو مافتحته ويش بيصير لها


أنتظروا البارت القادم في الأيام المقبله

نوني

~*الفصل الخامس*~
(أم علي وأبو علي جاو لهم(

أم علي: ويش فيكم.

سوسن:فجر حابسه روحها ومو راضيه تفتح الباب.

بوعلي: فجر بابا أفتحي الباب.

فجر: ماني فاتحته تبغون تضربوني أدري.

بوعلي: محنا ضاربينك بس أفتحي.

فجر: ما أعرف أفتحه.

حور: كذابة بس يعني تقفليه وما تعرفي تفتحيه.

بوعلي: مثل ما سكرتيه أفتحيه.

فجر:طيب بجرب )وتحاول تفتحه بس ما عرفت وقفلت على روحها قفل ثاني( .

بوعلي:موكذا الجهة الثانية.

فجر:ما أعرف (وبدأت تبكي (.

حور:إف.

~*~*~*~


(في بيت أماني وبالتحديد في مجلس الرجال(

(يــاسر وفيصل والعريس مرتضى ومعهم والد مرتضى ومساعد وأحمد ونــاصر ومحمد(

فيصل:هالله هالله بأختي يا مرتضى ترى ما عندنا غيرها.

مرتضى :بعيوني أختك .

يــاسر: الله يعينك يا مرتضى على وصايا فيصل.

مرتضى:يا فيصل لا تخاف عليها تراها الآن زوجتي وأكيد راح أحافظ عليها.

أبو مرتضى: يا ولدي مثل ما وصيتك هالله هالله ببنت الناس بيض وجهي قدام العالم.

مرتضى: وجهك أبيض يبا من دون أي شيء ولا توصي ولدك أنا ما بغيت أتزوج إلا لما شفت نفسي قد المسؤولية.

يــاسر: أكيد أنت قد المسؤولية ولا ما كان قبلت فيك أنت تدري كيف أخواني غاليين عندي بعد وفاة الوالد والوالدة.

أبو مرتضى :الله يرحمهم.أجل عن أذنكم أنا بطلع وأخليكم انتو يا لشباب على راحتكم مع بعض.

يــاسر: وين رايح اجلس معنا البيت بيتك.

فيصل: والله ما شبعنا منك.

أبو مرتضى: لا بروح أخليكم الآن في أمان الله (وطلع أبو مرتضى(

فيصل: أقول محمد.

محمد:سم.

فيصل: منت ناوي تخطب كبرت وأنت جالس.

محمد:إذا أنت خطبت أنا راح أخطب.





نــاصر:وليه يعني أنت متوقف عليه.

محمد:لا متوقف عليك أنت(وبدأ يضحك(

)كل من في المجلس أخذها من باب المزح عدا نــاصر أخذها من باب الجد(

نــاصر(بنظرات حادة ) :وليه متوقف عليّ.

محمد: تبغيني أخطب وأنت ما عندك خبر مستحيل أحنا أهل ولازم كلكم تعرفون قبل لا أخطب أي وحده علشان آخذ رايكم.

يــاسر: تسلم والله عزيز وغالي وكان تبغاني أروح أخطب لك تراني حاضر.

مســاعد:صاير الأخ خطابه.

أحمد(يضحك ) :هههه.

يــاسر: أنتو طول الوقت ساكتين يوم جا ذا الوقت تكلمتو.

أحمد: كل/ن في قلبه شقى اللي له.

فيصل:أووووه الأخ مهموم.

محمد:قول لنا همك توك صغير عليها والله أخاف أن همك لعبه أو خرابيط بزران.

مساعد:مــا كأن هزؤونا.

أحمد: والله كأن على خفيف.

يــاسر: لا تزعلون بس يمزحون معكم.

أحمد: متعود عليهم أول مره أشوفكم؟.

مســاعد: أصلاً انتو قديمين علينا صارت فوقكم غبره من قدمكم.





أحمد(يضحك) :هههههههههههههههههه.

نـــاصر: والله وقلبوها عليكم(ويضحك)ههههه.

محمد:قولوا آمين.

الكل:آآآآآآآآآآآمين.

محمد:مــا تمر ثلاث شهور إلا وأنا خاطب لي وحده مثل القمر.

نــاصر(التفت إليه بنظرات غريبة , وأخذ جواله واتصل على قمر ) :ألوويلاااا مشينا تأخر الوقتمع السلامة (وسكر الجوال (.

يــاسر: على وين يــا ناصر.

نــاصر: بروح البيت لاتنسون أنا وراي بيت وزوجه مو فاضي مثلكم.

فيصل: الله يعينك ويبلانا يارب.

محمد:آآآآآآآمين.

مســاعد: شكلكم انتو سوالفكم ما راح تغيرونها .

أحمد: جالسين في ليلة ملّكه يعني ويش تبغاهم يقولون.

فيصل: يا ليت ياأحمد تعطي مساعد أشوي من عقلك.

أحمد : لا تخاف على مساعد ترى عقله مو صغير بس انتو ما تعرفوه لما تتقربوا منه أكثر راح تحسون فيه انه مو سهل وتفكيره أكبر منه.

(كلمات أحمد كان لها وقع كبير على نفس يــاسر)

(نــاصر طلع من المجلس)








مساعد: أحمد قوم معي لغرفتي خلنا نلعب أشوي جايب لك شريط جديد.أووووه خياااال.


أحمد: لا ما أقدر بعد اشوي أبوي بيمر عليّ ما أدري ويش فيه تأخر .


)كان محمد جالس بجانب فيصل على طوول وكان جوال محمد يدق بس أهو مو حاس فيه لأنه على الصامت بس فيصل أنتبه للجوال <المتصل حبيبتي ليــال>)


فيصل(وداخله الضحكة ):أقول محمدأخبار حبيبتك.


محمد: أنا أول شيء خل تصير عندي حبيبه علشان أقول لك أخبارها.


فيصل: بس أهي تتصل فيك الآن.


محمد: تتصل فيني.


(وأخذ جواله وشاف الإتصال <حبيبتي ليــال>)


محمد (يضحك بالقوة ):صحيح أن ظنك سيء هاذي أختي مع وجهك.




فيصل (أنحرج بس حب يضيّع السالفة) : هااصحيحأكيد ولا (ويغمر له (.


محمد (ما عطاه وجه ورد على أخته ):أهلين حبيبتي.


فيصل:أقول لكم يحب يقول أخته.


يــاسر:فيصل عطني جوالك.


فيصل: ليه .


يــاسر: عطني إياه ولا عليك.


(وأخذ جوال فيصل وفتحه(


يــاسر: من هاذي حبيبة الروح.


فيصل: أفااااااا تشك فيني هاذي أختك.


يــاسر: أنا ما شكيت فيك بس أهو نفس الشيء.

فيصل: أقنعتني بالفعل.

مرتضى: يا فيصل من اليوم ما في حبيبة الروح هاذي لي الآن.

فيصل: روح بس هاذي أختي.

مرتضى : وأنا زوجتي.

يــاسر: والله وبدأت الحرب من أول ليلة (ويضحك)ههههههه.

محمد:أقول أنا بترككم وأمشي قبل لا تشتعل النيران.





فيصل: وحبيبتك ليــال.

محمد: أهي اللي تبغى تمشى تقول كل صديقاتها مشوا وما بقت إلا أهي بس وتبغى حرم مرتضى تاخذ راحتها مع مرتضى الليلة هاذي.

يــاسر: والله وتعرف الأصول أختك ما شاء الله عليها.

فيصل: ومن قال لكم انه راح يدخل مره ثانيه مرتضى ليه أختي حلى كل اشوي داخل شايفها.

مرتضى:أفااااا.
فيصل: بلا أفا بلا غيرها أجلس مكانك.



محمد:طيب أنا طالع .

يــاسر :في حفظ الرحمن.

محمد: عساك سالم يارب.

(ومشى محمد ومعه أخته ليـال , ولم يتبقى في المجلس سوى يــاسر وفيصل ومساعد وأحمد ومرتضى(

أحمد: والله وشكله الوالد نســاني وما راح يمرّ عليّ.

مســاعد: اتصلت عليه أنت.





أحمد: ما تشوفني لي ساعة وأنا أتصل عليه وما يرد.

مساعد:طيب حاول مره ثانيه.

يــاسر: بعدين أنت وين جالس عند اهلك.

أحمد: تسلم والله. بتصل على علي وأخليه يمر يــاخذني.

~*~*~*~

(نرجع لبيت بوعلي ومع فجر(

أم علي: ماما فجر حاولي تركزي معنا وحاولي تفتحي الباب.

(وصل علي وأحمد البيت وراحوا لعند غرفة فجر(

علي: خير ويش صاير.

أحمد:ماتت فجر.





أم علي: بسم الله على بنتي.

حور: بتموت على يدي أصبر بس اشوي.

سوسن: قفلت على حالها الباب وماهي عارفه تفتحه.

بوعلي: فجر أمسكي المفتاح وافتحيه.

فجر(تبكي): ما أعرف .

(وبعد محاولات عدّه تمت العملية بخير وفتحت الباب بعد مرور ثلاث ساعات وهي في الغرفة حبيسة نفسها خوفاً من حور(

أحمد: وأخيراً ما بغيتي تفتحي الباب.

بوعلي: بسم اللهأنت متى جيت مو أنا موصلك لمساعدمين اللي جابك.

أحمد :علي اللي جابني أنت ناسيني وأتصل عليك وما ترد.
بو علي: ما انتبهت للجوال الواحد يقدر ينتبه أو يتذكر شيء وأختك هالعلة بالشغلات اللي تسوويها فينا.





أم علي (حضنت فجر): ماما لا تقفلي الباب على حالك مره ثانيه.

فجر: ماما حور بتضربني.

أم علي :ماحد راح يضربك.

)حور وسوسن رجعوا لغرفتهم لكن بعد ما توعدت حور في فجر للمرات القادمة لو فعلت أي شيء غير مستحسن في نظرها(

~*~*~*~*~







(بعد مرور شهر(

(في صالة الأفراح عند النســاء(

أمــاني (كانت مستعدة للزفة بتدخل قدام الحضور):يمه قلبيأحسه راح يطلع من داخل صدري.

حور(صايره مثل إبليس تخوفها): ترى إذا دخلتي بتخافين أكثربتشوفين حريم كــثار وكلهم يناظرونك.

آيه: حوير لا تصيرين سوسه وخري عنها لا تخوفينها.

أماني: هوّنت ماني داخله بس هوّنت.

قمر: بكيفك هونتي أذكري ربك بس وأدخلي بسرعة.




ليــال: ما عليك من حور وأدخلي لا تخافين.

حور: أماني قوي قلبك وأدخلي.

أماني: الآن قوي قلبك بعد ما خوفتيتي.

آيه: أماني سمي بالرحمن وأدخلي بدأت الأغنية للزفة.
(كانو مشغلين غنية راشد الماجد زفة عروس(

(دخلت أماني وقلبها واصل لرجولها وأمامها المصورة وعيون الحضور كلها عليها لجمالها ,وصلت للكوشة ودخلوا بعدها صديقاتها وبدأ الرقص وفلوها البنات ووناسة أول وحده من شلّتهم تتزوج(

~*~*~*~*~




(في صالة الأفراح عند الرجال(

(ياسر وفيصل ومساعد وأحمد وعلي وعبد الرحمن ومحمد يباركون لمرتضى(

يــاسر: مبروووك مرتضى منك المال ومنها العيال.

مرتضى: الله يبارك فيكالفال لك يارب.

ياسر: الله كريم بس مو الآن.

فيصل: مبرووووك يالنسيب هالله هالله بحبيبة الروح.

مرتضى : بعيوني .

مساعد: مبروك مرتضى هالله هالله باختي الوحيده.
مرتضى: الله يبارك فيك وعقبال ما نشوف زواجك.



مساعد: يارب أنا وأحمد بليلة وحده.

أحمد: آمين ياربمبروووك يامرتضى.

مرتضى: يبارك فيك ربي.

علي وعبد الرحمن:مبروك يا مرتضى .

عبد الرحمن : وعقبالي يارب.

مرتضى : الله يبارك فيكم .

علي: الله كريم لا تستعجل على رزقك.

عبد الرحمن: إلا مستعجل.
(وبدئوا يضحكون(.

علي: إلا وين الوالد يا مرتضى ما باركت له.

مرتضى: شوفه هناك (وأشر عليه).

)علي وعبد الرحمن راحو له وباركوا له على زواج ولده مرتضى(

~*~*~





(في زاوية أخرى من صالة الأفراح كانوا جالسين ماجد ونــاصر مع بعض(

مــاجد: أقول نــاصرقوم خلنا نبارك لمرتضى ونجننه اشوي,,تدري معرس جديد لازم نطفره.

نــاصر: طيب يلااااااا قوم .

~*~*~

(بوعلي وبو ناصر وبو خالد راحو لمرتضى يباركون له(

بوخالد(يسلم على مرتضى): مبروووكوعقبال ما نشوف عيالك.






مرتضى: الله يبارك فيك.

بوناصر: مبروووك .

مرتضى: الله يبارك فيك.

بونــاصر: هالله هالله بزوجتك.

مرتضى: بعيوني هي.

بوعلي: ألف ألف مبروووك.

مرتضى:الله يبارك فيك يارب.

بوعلي: مــا أوصيك على عروستنا تراها مثل بنتي وغالية عندي.

مرتضى:ما يحتاج توصي تراها في قلبي قبل لا تكون بعيوني.






بوخالد: منك المال ومنها العيال.

مرتضى: الله يسلمك يا عمي.

(عبد الرحمن وعلي رجعوا لمرتضى(

عبد الرحمن:أقول مرتضى.

مرتضى: سم.

عبد الرحمن: منت بناوي تروح للعروس ولا عجبتك الجلسة معنا ونسيت العروس.

مرتضى: من قال لك أني ناسيها أنا رايح لها الآن.

(وبدأت زفة مرتضى مع أصدقائه وأهله للعروس).

~*~*~*~







(في صالة النســاء(

(أم علي وأم ناصر وأم خالد جالسين وسوالف)
أم علي: والله يــاليت ولدي علي كبير كان خطبت له وحده من هالأقمار مــا شاء الله عليهم كل وحده أحلى من الثانية.

أم خالد: يــا ليت بس ولدي خالد يرجع ودي أفرح فيه.

أم ناصر: ليه حاطه وحده في بالك لخالد.

أم خالد: قمرقمر مــا شاء الله عليها آيه من الجمال.

أم علي: ما فهمنا عليك أنتي تبغين قمر ولا آيه.

أم خالد :أنا أقصد بشكلها قمر مو أسمها.





أم نــاصر(تضحك (:هههه.الله يقطع شرك بس.أقول ترى نــاصر تو اتصل عليّ ويقول بيدخلون مع العريس.

~*~*~*~

(نرجع للبنات مع العروس أمــاني(

)وصل لهم خبر دخول مرتضى مع أخوان أماني وراحوا كل البنات على غرفة العروس يلبسون عباياتهم وما بقى مع أمــاني غير حور(

أماني (مسكت إيد حور وبقوه وهي خايفة )حور لا تتركيني.







حور: هدي نفسك وأذكري ربك لا تخافي أنتي شايفته من قبل.

أماني: بس الآن أحس بخوف.

(جات لهم آيه(

آيه(لبست عبايتها): حور ليه ما لبستي روحي بسرعة تراهم بيدخلون الرجال.

حور: طيب بروح ألبس بس حاولي تهدين أماني أشوي طيب
آيه:ok

(طلعت حور من صالة الأفراح وكانت تمشي مسرعه واصطدمت بشخص بالقووه لدرجة انها صرخة آآآآآه ولما شافت وجهه أنحرجت كثيير ومشت عنه).



تتوقعون مين هذا اللي صقعت فيه

وويش راح يكون موقفه منها











نوني

~*الفصل السادس*~


(فيصل ظل واقف ما يدري ويش ذا اللي صار كلها ثواني وجا يــاسر ومرتضى ومساعد وأبو مرتضى وتجهزوا للدخول)


~*~*~*~

(في غرفة العروس)

(قمر وليــال وسهى وسوسن لبسوا عباياتهم)

ليــال: سوسن وين أختك ما لبست عبايتها الرجال بيدخلون وهي بدون حاجه.

سوسن: تلقينها جالسه مع أماني وتوصيها.

قمر: أنا طالعه الآن للصالة أبغى أشوف شكل أماني لما يدخلوا الرجال كيف تصير(وراحت لعند الباب طالعه وإلا حور داخله تركض وتصادموا مع بعض وطاحت حور بالأرض).

حور: آآآآه ويش فيك ما تشوفين.

قمر: ما أدري مين اللي ما يشوف.ويش فيك تركضيآآآآآآه عورتي إيديما صارت هاذي ضربه.

سوسن (تضحك ):ههههههشكلكم تحفه.

ليــال (راحت لعند حور ومدت إيدها لها):بسم الله عليك حبيبتي عساك ما تعورتي بس.

حور(مسكت إيد ليــال وقامت ):وعليك حبيبتيما صار لي شيء بس ألم خفيف.

سهى: يــا عســاه فيني ولا فيك.

حور: شفتوا كيف الذرابة في الكلام.

قمر: أقول أنا طالعه قومي البسي عبايتك بسرعة.

حور) لبست عبايتها):هذا لبست يلااا مشينا خلونا نشوف أخوانها وهم داخلين )وتذكرت موقفها مع فيصل ونزلت راسها وهي مستحيه).

~*~*~*~*~

(انتهى الزواج والكل مضى إلى بيته)

(سهى ومــاجد راجعين من الزواج وهم في السيارة)

مــاجد : نظر عيني.

سهى: يا لبيه .آمر.

مــاجد : أشتقت لك وإنتي بعيده عني.

سهى: أوه ويش ذا الشوق ما أخذنا كم ساعة في الزواج أمداك أشتقت.

مــاجد(مسك إيدها):يعني أنتي ما تدرين أني ما أقدر أبتعد عنك كثير.

سهى: الله يخلي ها لمحبة دوم يارب.

مــاجد(وقف السيارة ):حبيبتي يلاا انزلي.

سهى: وين.

مــاجد:ودي أتعشى معك بمطعم حلو ورومنسي اشوي.

سهى: في ذا الوقت لا ماجد ما أقدر أنت تدري بأبوي.

مـاجد: أووووووفمتى يارب نرتاح.

(ورجع للبيت وهو من كثر ضيق صدره كان مسرع بالسيارة).

~*~*~*~

(في بيت بوعلي وفي غرفة البنات بالتحديد)

حور(غيّرت ملابسها وجالسه قدام المرآيه تمسح الميك أب ):سوسن شفتي كيف أماني طلعت حلوه ما شاء الله عليها عمري ما شفتها كذا.

تصدقين في الزواج أنا وآيه مسكتنا حرمه تسألنا عن سهى مخطوبه ولا (وتضحك )ههههه ما تدري أنها متزوجه بعد مو بس مخطوبةسوسن إفليه ما تردين.

سوسن(بدون إهتمام ):إيه إيهطيب,,بعدين.

حور(إلتفتت عليها)شنو طيب بعدين أكلمك تقولين بعدين(حور أنصدمت من سوسن واللي تسويه) سوسون شتسوين على النت ذا الوقت.

سوسون: أكلم زهور مشتاقة لها كثييير.

حور: أنتي حتى ملابسك ما غيرتيهاما أصدق كل ذا حب.

سوسن:صلي على محمد وآل محمد.

حور: اللهم صل على محمد وآل محمدما راح أعطيك عين (دق جوال حور<المتصل ليــال>)

حور(ردت ):ألوووو.هلا.

ليــال: أخبارك.

حور: الحمد لله.

ليــال: تصدقين موجايني نوم.

حور: ولا أنا,,إلا تتوقعين شتسوي أماني الآن.

ليــال: أماني الله يعينها.

حور: تصدقين رجولي تعوّرت من الطيحه واحس فيها بألم.

ليــال(بدأت تضحك ):هههههههههههههههه.

حور: ليه تضحكين.

ليــال: لا بس ذكرت شكلك (ومستمرة بالضحك) هههههههههههههههههه.

حور: أصبروا بس بشوف فيكم يوم.

~*~*~*~*~

(نروح للعروسين وهم في الفندق)

(غيروا ملابسهم ,مرتضى لبس بيجامة للنوم ,وأماني لبست قميص نوم لونه أبيض كان مرتفع عند الصدر لفوق وفيه خيطين مربوطين ورى الرقبه والظهر كلّـه طالع وقصييير لفوق الركبه)

(أماني جالسه قدام المرايا وتمسح الميك أب. حست أن مرتضى يناظر فيها وحست بخجل)

مرتضى(قرّب من أماني ومسك طرف إيدها) :حبيبتي.

(أماني وقفت وهي مررره خجلانه ومنزله راسها وبدون كلام , بعض خصل الشعر طاحت على وجهها).

مرتضى(رفع خصل الشعر بإيده ورفع راسها وجلس يناظر في عيونها برومنسية ):ملاكي بين يديني.

أماني)داخل قلبها(: يـاربييييييه أحس أني بموت خوف.

مرتضى:ويش فيك يــاغلا روحي.

أماني (ودها الأرض تنشق وتبلعها وترد عليه بتردد):لا ما فيني شيء.

مرتضى(حط إيده ورى ظهرها وإيده الثانية ماسك فيها طرف إيدها ومشى معها بضع خطوات وبعدهاطووووووط).
~*~*~*~*~*~
(بعد مرور أسبوعين من زواج أماني ومرتضى)

(في بيت أبو ناصر وفي غرفة قمر بالتحديد)

(قمر وحور جالسين يذاكرون مع بعض استعداد للإختبارات)

قمر(سكرت الكتاب وتسطحت على سريرها):وأخيراً راح أنتهي من علم النفس ما بقى لي إلا فصل واحد بس.

حور: يا حظك أنا مو راضي يدخل شيء في عقلي ماني قادره أحفظ شيء.

قمر: أذكري ربك وحاولي تركزي أكثر.

حور: بريّــح اشوي وبعدين برجع أذاكر أحس عيوني تعبت.

قمر(جلست):أقول بروح أجيب لنا حاجه نــاكلها أحس إني جوعانه كثير.

حور: أقول أجلسي بس بتصل الآن على أماني بشوف أخبارها.

قمر: ok حطيــه على السبيكر.

حور: ok اتصلت حور(طووط طووط)

أماني : ألوووو.

حور: هلا أماني.

أماني(طارت من الفرح لما سمعت صوت حور) أهلين أخبارك.

حور: طيبه مشتاقة لك كثير.

أماني : أنا مشتاقة لك أكثر.

قمر:كيفك أماني.

أماني:قمررررررررروه بعدأخباركوالله لكم وحشه.

قمر: طيبينأنتي ويش مسويه مع الزواج.

أماني:أقول اعرسو بس الزواج يجنن.

حور(تضحك):ههههههههههه على إيدك.

قمر: أجل خلاص باخذ اخوك.

أماني(تضحك):ههههه حلالك بعد عمري.

حور: أقول أماني متى بترجعي.

أماني:يمكن بعد أسبوعين.

حور: ترى المدرسة يقولون لازم تداومين.

أماني: شنهو أترك ماليزيا ومرتضى وشهر العسل وأجي المدرسة.

حور: لأن إجازتك أسبوع واحد بس وإنتي الآن أخذتي أسبوعين ومابقى إلا ثلاث أسابيع على الإختبارات بس يعني يا الله تلحقين.

أماني: أنا كلمت أخوي يشوف لي واسطة وبياخذ لي إجازه أسبوع علشان ماتنقص درجاتي.

حور: طيب وإذا جيتي بعد أسبوعين ماراح يمديك تذاكري في أسبوع واحد بس.

أماني: تولِّــي المدرسة.

قمر:بصراحة ياأماني أنتي فله(وتضحك)ههههههه.

(وكملو سوالفهم وضحكهم على الجوال مع أماني)

~*~*~*~*~

(في صالة البلياردو)

عبد الرحمن(صوّب الكره ودخلت):يس فزت عليك ثمان أهداف مقابل خمسه بس.

علي:مبروك عقبال ماتفوز بلإختبار مو باللعبة

عبد الرحمن: الله كريم.

علي: وراك مــاترد على جوالك تراه أزعجنا من مساع وهو يرن.

عبد الرحمن: مالي خلق سعيدوه لازق فيني ماأدري من وين جايب رقم جوالي.


(سعيد أحد طلاب المدرسة معهم في نفس الصف)

علي: مني أنا أخذه.

عبد الرحمن:وليه تعطيه رقمي.

علي: ما أدري قال يبغاه وعطيته إياه.

عبد الرحمن: الله يصلحك بس أنا أول ماسمعت صوته صرت أصرفه بس اهو يدق عليّ من أرقام غريبة.

علي(يضحك):شكله الأخ معجب.

عبد الرحمن:الله لا يسمع منك(وطلّع جواله) شفت رقم غريب.

علي: (مازال يضحك):ههههههههه.

~*~*~*~*~

في الرياض حيث حط رحاله مشتاق لأهله ولا يستطيع المجيئ إليهم خالد متعذَّب شوقـــاً لأمه ولأخته وأخاه.

خالد:الله يسامحك يا أخوي ليه ما ترد عليّ أقلقتني عليك وعلى أهليما في إلا سهى اكلمها.

~*~*~*~

(في بيت أبو خالد وفي غرفة الطعام بالتحديد)

(بوخالد وأم خالد وسهى وماجد يتعشون(

سهى(وصلت لها رسالة جوال,حطت الملعقة وأخذت الجوال وكل الأنظار عليها وهي تقرأ الرسالة في داخلها):السلام عليكم كيف حالتس حبيبتي سهى. أنا أخوتس خالد,أتمنى أنتس تبعدي عن كل من حولتس بكلمتس وامسحي الراسالة الآن طيبباي.

(سهى مسحت الرسالة وقامت)

بوخالد: وين قايمه ما أكلتي شيء.

سهى: الحمد لله شبعت.

بوخالد: ومين اللي راسل لك.

سهى(ارتبكت اشوي):هاذي آيه تذكرني بكتاب التاريخ تبغاني أوديه المدرسةبروح أجهزه الآن قبل لا أنساه.

أم خالد: طيب تعشي بلأول ماهي طايره الدنيا.

سهى: لاخلصت عليكم بالعافيه (ومشت).

مـاجد: وأنا بعد خلصت,الحمد للهسفره دايمه(وقام وراها(

~*~~*~*~*

(نرجع لعلي وعبد الرحمن بالبلياردو(

علي: دحيّم قوم نرجع البيت.

عبد الرحمن:توها الساعة عشره.

علي: قوم علشان تنام مبكِّر لا تنسى بكره ورانا جلسه بكيِّر علشان نذاكر مــابقى إلا اسبوعين على الإختبارات.

عبد الرحمن: طيب هذا مشينا(ودق جواله)شفت يــاعلي سعيدوه ماييأس.

علي: رد عليه وفكّنا.

عبد الرحمن: مـاني راد خلّه يولِّي وبقفِّل جوالي بعد.

~*~*~*~

(لا تنسون سهى تنتظر المكالمة من أخوها وهي جالسه في غرفتها)

مــاجد(دخل الغرفة):ويش فيك حبيبتي.

سهى: مافيني شيء سلامتك.

مـاجد:سهى أنا زوجك إذا كذبتك طافت على أهلك تراها ما تطوف عليّ شصاير عندك طمنيني.

سهى:حبيبي أقول لك بس أمانه لا حد يدري.

مـاجد : أنا زوجك أنا الأمان لك لا تخبِّي عني شيء.

سهى:أخوي خالد الآن بيتصل وما يبغى أحد يعرف.

مـاجد: سرك في بير وأنا راح أحفظك وأحفظ أمرك.

(دق جوال سهى)

سهى: هذا خالد اتصل.ألوووو.

خالد: ألووووالسلام عليكم.

سهى :عليكم السلام (وخنقتها العبره بتصيح)

خالد:أخبارتس أختي وأخبار الأهل.

سهى: الحمد لله مشتاقين لك (وطاحت دمعتها).



خالد:ويس فيتس حبيبتي ويس في صوتس تبكين؟



سهى:الشوق عذبنــا من افراقك



اريد نظره أريد همسه من اشفافك



اخذ روحي وحياتي وقلبي مشتاقك



مـــااتخفف ألم الفراق بسمـاتك



اخذ روحي وحيــاتي وأمل عمري



اخذ كل أمنيـــاتي إلك أهديها


(وبدأت تبكي)



خالد(يحاول يمسك نفسه ويقوي روحه): والله وأختي صارة تشعر فيني.



سهى: أنت أخوي ومالي غيرك.



خالد:طمنيني عليتس أنتي ومـاجد بس إن شاء الله مرتاحين.



سهى: أنا ما أرتاح إلا برجعتك ياخوي.



خالد:حبيبتي سلمي لي على الوالده وعلى اخوي ادحيِّم وزوجتس وانتبهي على نفستس أنا الآن بسكر.



سهى: خالد لاانتظر.



خالد: مع السلامهباي.



سهى: ألووو.خالد(طووط طووط)سكرت ياخالد ليه(وجلست على السرير تبكي).



ماجد(جلس عند سهى وضمها لصدره بقوه):حبيبتي لا تبكين.



سهى(حطت راسها على صدره وصارة تبكي بصوت عالي).



خالد(حط إيده على راسها وجلس يهدي فيها)



(وبقيت سهى تبكي إلا أن نامت على صدر ماجد)



~*~*~*~
(في بيت بوخالد وفي غرفة عبد الرحمن بالتحديد)
(عبد الرحمن غارق في نوم عميق ومو حاس بالدنيــا دق المنبه ولاحس فيه وتأخر موعده مع علي للمذاكرة لكن خارج الغرفه هناك من ينادي)
سهى (تبحث عن شيء ولاتراه ):يمه يمهمــامي
أم خالد (راحت لبنتها ):خير ويش فيك صوتك لآخر الدنيـــا.
سهى: يمه شفتي دفتري.
أم خالد:ويش مدريني عن دروسك وين حاطته أنتي.
سهى:يمه ما أشوفه أنا ماأقدر أذاكر بدون دفتر النحو . يـــاربيييييييييه.
أم خالد: أجل أخذي دفتر وحده من صديقاتك وذاكري فيه.
سهى: وهي كيف تذاكر.
أم خالد:وأنتو إختباركم بيوم واحد.
سهى: إيوه يمَّه الإختبارات آخر السنه كلنا في نفس اليوم وبعد لا تنسين أن احنا كلنا بصف واحد مع بعض.
أم خالد: أجل مافي إلا أنك تروحي لوحده من صديقاتك وتطبعي دفترها أو تذاكري معها.
(في داخل الغرفه عبد الرحمن حاس بإزعاج مو طبيعي من صوت سهى وجلس من النوم وهو معصّب وطلع من غرفته(
عبد الرحمن:ويش ذا الإزعاج من الصبح يعني الواحد ما ينام زي النــاس والعالم.
أم خالد: أي صباح ذا الوقت.
سهى )تضحك):الآن الساعه عشره ونص كلها ساعه ونص وتجي صلاة الظهر.
أم خالد: وبعدين أنت ليه نايم لذا الوقت أنا علبالي أنك جالس تذاكر.
عبد الرحمن )مصدووم:(الساعه عشره ونص.!!!
أقول فمان الله أنا بمشي.
أم خالد:وين بتمشي.
عبد الرحمن:بروح أسبح وبروح لعلي أذاكر معه )ومشى عنهم(
سهى:أقول دحيِّم خذني معك في بيت بوعلي.
عبد الرحمن:كلمي أبوك قبل.
سهى )بضيقة صدر):أدري أكيد بقول له.




تتوقعون ابوها يسمح لها تروح تذاكر او يسوي لها هذره؟

أنتظروني في البارت الجاي

لا تبخلوا بالردود

نوني

~*الفصل السابع*~
(في بيت يــاسر وفي صالة الجلوس بالتحديد(

)مســاعد وأحمد يذاكرون للإختبارات)


مسـاعد)متسطح على بطنه فوق الأرض وقدامه الكتب وعلى الطاولة كاستين عصير برتقال فريش:(وأخيراً أنتهيت مذاكره.

أحمد(كان جالس على الأرض وبيده الكتاب :(أنا بقى لي مسألة وحده وأنتهي.

مســاعد(جلس وشال الكتاب :(أجل أنا بروح أجيب البليس تيشن على مــا تنتهي أنت من المسألة .

أحمد:أي بليستيشن أي خرابيط أنت تبغى اللي حفظناه في هلأسبوعين يطير لا يبا مــا بقى إلا يومين والسبت الجاي الإختبارات خلي المعلومات مكانها لاتطير.

فيصل )كان نازل من غرفته وسمع كلامهم:(يــا مساعد أحمد صادق بكلامه مــا قال شيء خطأ.
مســاعد:زهقت من المذاكرة أحس ودي أتنفس اشوي.

فيصل:لما تنتهي من الإختبارات تنفس على كيفك أنا طالع تبون شيء قبل لا أمشي.

أحمد: سلامتك.

مسـاعد: وين بتروح.

فيصل:بروح السوق عندي بعض الشغلات نــاقصتني بروح أشتريها.

مسـاعد:أجل خلاص نروح معك أنا وأحمد أطلع أنا أغيِّر جو وتوصل أحمد لبيتهم.

أحمد:لا مــا يحتاج توصلوني أنا قايل لأبوي يمر يا خذني على الساعة تسعه وما بقى شيء عليها.

فيصل: شفت أبوه بيمر عليه بس أنت اللي تبغى تطلع بأي طريقه أقول إذا طلع صاحبك أحمد روح نــام ترى يقولون النوم زين قبل الإختبارات لأنكم السبوع الجاي مــا أتوقع بتنامون مع المذاكرة.

أحمد: وليه ما راح ننام أنا ومساعد خلال الأسبوعين اللي مرو ذاكرنا كل المواد يعني فترة الاختبارات مــا عندنا إلا المراجعة فقط.

فيصل: والله أنتو جيدين وأنا ما أدري الله يوفقكم يــارب أنا طالع مــا أبغى أتأخر . بــاي.

مســاعد (بملل ):بــاي .

(وطلع فيصل متجه إلى السوووووق)

~*~*~*~*~

(في بيت زهور وفي غرفة زهور بالتحديد)

زهور (تكلم بالجوال( :حبيبتي أنا مره خايفة من الاختبارات حاسة أن عقلي متوقف مره وحده.

بدر(دخل غرفة زهور ويــناديها بصوت عالي:( زهور زهور زهور.

زهور:سوسوأكلمك بعدين يلا باي(وسكرت الجوال).

بدر:زهور شفتي جوالي لي ساعة أدوره وماني لاقيه.

زهور: عندي.

بدر: ويش يسوي عندك.

زهور: أكلم فيه صديقتي.

بدر: وجوالك وينه.

زهور: جوالي مــا بعد أشحنه.

بدر: طيب انتهيتي من المكالمة.

زهور(نست أنها قالت لسوسن أكلمك بعدين):إيوه انتهيت.

)بدر أخذ جواله وراح لغرفته(.

~*~*~*~*~

(مو كأن نسينا البنات <شلّة الدواهي>)
(حور وآيه وليــال طالعين يتسوقون(

حور: الله بنات شوفوا هالفستان.

آيه: أي واحد اللــي لونه أصفر.

حور:لا اللــي جنبه الأحمر. واااااااي يهبّل جنااااان.

ليــال:إذا عاجبك اخذيه.

حور: أكيد بــاخذه )تكلم أحد الموظفين:( لو سمحت بغيت مثل هذا الفستان.

آيه (بإيدها تضرب ليــال بالقوه( شوفي هذا يجنن.

ليــال: وينه عطيني إيــاه أشوفه.

آيه:ويش أعطيك إياه أنتي بعد.

ليــال: إيييه علشان أشوفه.

آيه:شوفي هالرجال اللــي دخل يجنن مــا شاء الله عليه.

ليـــال: أقول لا تنسين حبيب القلب راجو ينتظرك بالهند .

آيه: أدري مــا نسيته بس ناظري هذا يجنن.

ليــال:ترى شكله مو غريب عليّ.

الرجال (يكلم احد موظفي المحل): لوسمحت أخوي بغيت مثل هذا الفستان الأحمر(وأشر على الفستان)

ليــال: آيه شوفي الرجال بياخذ نفس الفستان اللي بتاخذه حور.

آيه:أووووش. أسكتي بس أتئمل بـــــــــــــطوله.

آآآآه يــاقلبي.

(حور أخذت الفستان وراحت للمحاسب والرجال نفس الحكاية)
(حور والرجال في نفس الوقت يكلمون المحاسب ):بكم الفستان.

حور(سكتت ورفعت راسها للرجال لما شافته انصدمت ):فيصل.

فيصل:آسف أختي بغيتيني.

حور: لا آسفه مــا أقصدك )وحست بإحراج من فيصل والتفتت على المحاسب): لو سمحت بكم الفستان.

المحاسب: بخمس مئة ريــال.

(حور عطته الفلوس وطلعت من المحل مع صديقاتها وهي في حالة صمت)

(فيصل مستغرب من الموقف اللــي حصل لأنه مــا يعرف البنت وأخذ الفستان وعطى المحاسب قيمة الفستان وطلع من المحل)

~*~**~*~*~

(خارج المحل)

آيه: حور شفتي الرجال اللــي دخل المحلحور.حويــر وصمخ.

حور:هااااااااا . نعم.

ليــال(تضحك ):حوير وصمخ سمعتيها هااا.

آيه: لي ساعه أنــاديك وأنتي في خبر كان.

حور: طيب ويش تبين.

آيه: لا سلامتك ولاشيء.

حور: أحسن أمشو وأنتو ساكتين.

ليــال: أنا بصراحة تعبت خلونا نجلس اشوي ونشرب لنا حاجه باردة.

آيه:طيب.

~*~*~*~

(في بيت بوعلي وفي الصالة بالتحديد(

(بوعلي وأم علي وسوسن وفجر جالسين , طبعاً فجر تتابع أفلام كارتون(

أم علي:تأخرت حور في السوق الساعه (11)وهي مــاجات.

بوعلي: أكيد هي على وصول خليها على راحتها مع صديقاتها .

أم علي: أي على راحتها الوقت تأخر وأهم بنات لحالهم مامعهم رجال.

بوعلي: لا تخافين على بنتك متربيه صح.

سوسن: يوووه نسيت زهور مـا أدري ويش فيها مـا اتصلت لذا الوقت خل أروح اتصل عليها بس)وقامت من عندهم).

فجر:روحي بس يــا حبيبة زهور.

سوسن: أقول أسكتي أنتي بس مــالي خلق أتهاوش معك.

~*~*~*~

(في بيت زهور وفي غرفة بدر بالتحديد)

بدر(متسطح على السرير ويقرأ كتاب اسمه <المرأة من الزهرة والرجل من المريخ> وهو مندمج مع القراءة دق جواله ):منو اللــي داق ذا الوقت )نــاظر الجوال شافه رقم غريب) مــالي خلق أرقام غريبة أنا (وطنَّش بالمكالمة اللي واصله له ورجع لكتابه)

~*~*~*~

(في غرفة سوسن)

سوسن(خايفه مره على زهور ):يــا ربييييييه ويش صار لها .ليه جوالها مقفل والرقم اللي اتصلت على منه ما ترد (ورجعت تحاول تتصل عليها).

(بعد مرور دقائق من المحاولات بدر رد على الجوال)

سوسن:ألووووينك يـا لدووووبه ليه ما تردين خوفتيني عليك.

بدر )تفاجئ بالمتصل لأنها ماعطته فرصه يتكلم وصايرة كأنها السيل يتحذف عليه بالكلمات ):أيوه أختي آمري بغيتي شيء.

سوسن (أنصدمت من اللي رد عليها ومــا عرفت تتكلم ):نعم آسفهشكلي غلطانه باي (وسكرت الجوال(

بدر: اشفيها ذي الحمد لله رب العالمين )ورجع لكتابه يقرأ فيه ,بعدها تذكر):أووووووه أكيد هاذي سوسن , زهور من اشوي كانت تكلمها اتصل عليها ولا(وجلس محتار)

سوسن (مستغربه ):غريبه منو هذا شكلي غلطانه بالرقمخل اتصل مره ثانيه.

بدر(وصل له اتصال من نفس الرقم) :اتصلتأرد ولا . خل أرد أحسن لي.

سوسن: ألووو.

بدر: نعم.

سوسن: السلام عليكم.

بدر: وعليكم السلام.

سوسن: لو سمحت أخوي مو هذا جوال زهور.

بدر: لا بس دقيقه أناديها لك (وراح لزهور)

سوسن(تحس قلبها وصل للأرض ):آآآه قلبي . حسبي الله على ابليسك يــا زهور.

بدر(دخل غرفة زهور):زهور هاذي صديقتك سوسن تبغاك .

زهور: وليه متصل عليها.

بدر: يا حبيبتي هي اللي متصله عليّ لأنك متصله عليها من جوالي.

(ثواني وزهور على الجوال وجالس جنبها بدر)

زهور: هاااي.

سوسن:هاايو يــا لدوووووبه .وينك ليه ما تردين أنتي على الجوال.

زهور:دقيقهلو سمحت بدر ممكن تخليني لحالي.

بدر: والله حاله جوالي وتطردني أقول ماني متحرك وبظل جالس لحد ما تنتهي المكالمة.

زهور: أووووووووووف.

بدر: قولي أوف لبكره ماني قايم.

سوسن: زهور خلاص أجل أكلمك بعدين

زهور: لا يا بابا ما عليك منه.

(وكملو سوالفهم بس على السريع لأن بدر واقف لهم عظمه في البلعوم(

~*~*~*~


((في آخر ساعات يوم الجمعه وبداية يوم السبت الساعه الواحدة ليلاً))

~*~*~*~

(في بيت أبو نــاصر وبالتحديد في غرفة قمر)

(قمر جالسه عند طاولة الدراسة بين الكتب وضعت رأسها بجانبهم ونامت وكأس الشاي لم يفارقها)

~*~*~*~

(في بيت بوعلي وفي غرفة علي بالتحديد)

(انتهى من المذاكرة وبدأ بترتيب فراشه إستعداداً للنوم أما أحمد فهو نــائم من وقت مبكّر ,دخل بوعلي الغرفة)

بوعلي: عليخلصت المذاكرة.

علي: إيوه.

بوعلي: مو محتاج لشيء أساعدك في حاجه.

علي: سلامتكتسلم.

بوعلي: وأحمد متى نــام.

علي: من زمــان.

بوعلي: طيب تصبح على خير.

علي: وأنت من أهله.

(وطلع بوعلي من الغرفة متجه إلى غرفة البنات)

~*~*~
(حور رايحه في سابع نومه والكتاب مفتوح عندها, أما سوسن فهي مجتهدة أكثر من حور انتهت من المذاكرة وكانت تتكلم مع حبيبتها زهور على الجوال).


زهور: أحس أني مو مستعدة نفسياً للاختبار بكره. سوسن:ليه؟


زهور: مــا أدري ليه.بس أحس أني خايفه.


سوسن: أذكري ربك وأقرئي قرآن قبل لا تنامي طيب.


زهور:أوكي.


(في أثناء المكالمه دخل بوعلي الغرف(


سوسن:طيب تصبحين على خير عمري.


زهور: وأنتي من أهله.


(وسكرو الجوال(


بوعلي:هااا يبه أنتهيتي مذاكره ولا تحتاجين مساعده.


سوسن: لا تسلم . أنا انتهيت منها.


بوعلي: وحور من زمان نايمه.


سوسن:إيوه من زمــاااااان وهي نايمه.


بوعلي: نايمه والكتاب جنبها.


سوسن (تضحك ):هههههه.يعني اللي يشوفها يقول أنها جالسه تذاكر.


بوعلي (يضحك ):الله يستر من درجاتكم بس.


سوسن:الله كريم إن شاء الله راح تشوف شهادتي ترفع الراس.


بوعلي: آآآآمين.


(وطلع من الغرفة وذهبت سوسن إلى النوم(

~*~*~*~*~



(في يوم السبت أول يوم في الاختبارات)



)في مدرسة الثانوية للبنين(



)علي وعبد الرحمن مستمتعين في الإجابة على اسئلة الاختبار,لكن سعيد كان محتار في إجاباته)


وبعدها ويش رااح يصير؟


انتظروا البارتات القادمه
نوني

(البارت الثامن)
في بيت يــاسر وفي صالة الجلوس بالتحديد
كــان يــاسر وأمــاني ومرتضى جــالسين سوالف وضحك وبينما هم كذلك
دخل فيــصل
فيصل(دخل وتفــاجأ بوجود أمــاني ومرتضى):أوووووه الحلوين عندنــا من متى.
أمــاني(راحت لأخوها وسلمت عليه وحبته من خده):أخبــارك فصّول أشتقت لك مره حبيبي واشتقت لحنانك وتدليعك لي.
فيصل(حط إيده فوق شعرها):وأنا أكثر اشتقت لك طالت غيبتك يا ظالمه شهر كامل .
مرتضى(وقف ويأشر على فيصل بإيده):نحن هنــا ولا مالنا رب ومالنا الحمد لله على السلامه.
فيصل(راح لمرتضى وسلم عليه وحبه من خده):الحمد لله على سلامتك عسى مرتاح مع أختي لو أنها مقصره عليك بشيء قول لي بس ولا عليك.
أمــاني:أفـاااااا أنا أقصر على مرتضى بشيء.
يــاسر: أوووه أوووه أشوف راح الحيــا اللي كان بليلة الزواج.
أمــاني(خجلت من كلام أخوها ونزلت راسها وصار وجهها أحمر مره(
مرتضى: خلاص تعودت عليّ تدري البدايه كيف تكون صعبه.
يــاسر: ويش فيكم راح تسوون لنا الآن فيلم كلاسيكي أجلسو بس وحكو لنــا عن اللي سويتو هناك.
أمــاني: أووووه يــاربييييي مــاليزيـا تجنن مره حلوه
حبيت كل شيء فيها.
مرتضى(يتمسخر عليها بالمزح):مبيّن من كثر مــاحبيتي الأماكن اللي فيها كل يوم رايحه لنا بحديقة الحيوان.
يــاسر(يضحك)ههههههه.ويش فيك أختي عليهم.
أمــاني: أنا اللي على طول بحديقة الحيوان ولا أنت اللي على طول بالمطاعم على طول جوعان.
مرتضى: أنا اللي على طول بالمطاعم ماأدري مين اللي يقول لي (ويقلد صوتها)أحس أني جوعانه.
فيصل(يضحك):مسرع ما صرتوا كذا كل واحد يقط بلاويه على الثاني.
أمــاني :هاذي ماهي بلاوي هاذي طرائف ونكت.
فيصل: هذا نكتك صارة. أجل الله يستر من البـاقيشكل مرتضى سوى لعقلك غسيل شامل.
مرتضى: أي غسيل شامل ياحبيبي يقولون لك اللي يحب بجنون ينسى كل شيء كان يسويه ومايحب إلا اللي يحب حبيبه وبس.
يـاسر: الله يهنيكم يـارب.
فيصل: ويني أنا عن الزواج أجل كيفكم زوجوني .
أمـاني: ويش فيك مستعجل بالأول تخرج بعدين لاحق على الزواج.
على ما أتخرج أمداها البنت طارت.
مرتضى: أي بنت(ويغمر له(
فيصل(يتغيبى قدامه):أي بنت أنا قلت بنت؟ الله لهاذي الدرجة أماني مأثره فيك صاير تسمع كلام ماحد قاله.
مرتضى:أقول لا تضيّع الكلام وقول لي مين اللي حاطها في راسك.
فيصل: أنا حاط شيء في راسي !!! مافي راسي شيء(وينزل راسه ) أماني شوفي راسي فيه شيء أنا حاط فيه شيء.
أمـاني:يامرتضى إذا كان فيصل مايبغى يقول شيء احلم تعرف يعني لا تتعب حالك.
فيصل: سمعت .هذا حبيبتي تعرفني وقالت لك لا تتعب حالك
(ووقف( أقول عن أذنكم دقايق بروح أتروّش وراجع لكم عندي لك حاجات كثيره يـاأماني .
أماني: صحيح.
فيصل: إيه والله بس انتظريني دقايق وراجع لكم (ومشى فيصل لغرفته)
أمـاني:إلا صحيح وين مسـاعد أنا من جيت ماشفته.
يـاسر: تلقينه انتهى من الاختبار وطلع من أحمد.
أمـاني: أشتقت له ولشقاوته وبلاويه.
يـاسر: لا تخافي عليه كلها دقايق ويجي وتملِّي منه بعد.
مرتضى: حبيبتي أمــاني أنا بروح للبيت علشان آخذ لي شَوَر وأروح أسلم على الوالد .
أماني:بتروح بيتكم ولا شقتنا.
مرتضى : أكيد شقتنا.
أماني: لاااااااا أبغى أدخلها أنا معك مو أنت لحالك.
مرتضى: أجل قومي معي.
أماني: أبغى أجلس مع اخواني.
مرتضى: مافهمنا لك تبغي تجي معي ولا تجلسي مع اخوانك.
يـاسر:أماني روحي مع زوجك لاحقه علينا.
أماني: طيب فيصل مسكين قايل يبغاني بعد مايتروّش.
يـاسر: خلاص ما عليك منه أنا أقول له وبعدين لازم تروحي لعمك وتسلمي عليه مع مرتضى.
أماني(بحيره):مين عمي
يـاسر: أبو زوجك يـاحظي.
أماني: آآآآآهااااااا صح نسيت تو ماتعودت.
مرتضى: ويش رسيتي عليه بتجي معي ولا راح تجلسي.
أماني: لا معك.طيب ياسر قول لفيصل أني مشيت بس راح أرجع أول ما أقدر طيب وسلم لي على مساعد .
ياسر: يوصل.
أمـاني (قامت ولبست عبايتها): يلا مرتضى جهزت.
مرتضى(وقف): يلا مع السلامه يالنسيب.
يـاسر: الله يسلمكهالله هالهس في الغالية.
مرتضى :بعيوني لا تنسى سلم على فيصل ومساعد.
ياسر: تــامر أنت بس.
أماني: يلا أخوي باااااااايو.
ياسر: باي.
(ومشو مرتضى وأماني وهم عند الباب دخل مساعد)
مساعد(دخل وشاف أخته طار من الفرح وجاها يركض وضمها بقوه) الحمد لله على سلامتك من متى أنتي موجوده وليه ماقلتو لي.
أماني(بكل شوق): والله اشتقت لك يا مساعد مره.
مساعد: متى الوصول.
أماني: وصلنا في المطار على الساعة تسعه الصباح.
مساعد: أيــا الظالمين من الساعة تسعه ولا تقولون لي.
يـاسر: أنت طالع كيف قول لك.
مساعد: في شيء اسمه جوال.
أماني: مو ممنوع أيام الاختبارات الجوال تودونه.
مساعد: عندنا فنون ونعرف وين نخبيه عليهم ولا يدون وينه ولا الجني يخطر على باله المكان.
أماني : وين تحطه .
مساعد : ليه تبغي تسويها.
أماني: يمكن.
مرتضى: أقول مافي عندنا حريم يسوون كذا.
أماني: إن شاء الله.
مساعد(تو ينتبه لمرتضى): هلا بالنسيب(وسلم عليه)الحمد لله على السلامه.
مرتضى :الله يسلمكتو الناس تنتبه لي . لهاذي الدرجه أنا ما أبيّن.
مساعد: مو أنت كاسبر كيف بشوفك.
أماني: بااااااااايخه.
مساعد: طالعه عليك.
مرتضى: يلا أمووون مشينا.
مساعد : على وين.
مرتضى : على شقتنا مارحنا فيها ولا شافتها أختك.
مساعد : بعدين لاحقه عليها.
أماني: لا بروح معه علشان بعد أروح أسلم على عمي.
مساعد: طيب روحي بس لازم ترجعي لنا بعدين.
أمــاني: أكييييييد مايحتاج توصي.
أماني ومرتضى(يلا مع السلامه وطلعو على شقتهم)
~*~*~*~*~
في بيت قمر وبالتحديد في صالة الجلوس
كان الكل جالس قمر وبو نـاصر وأم نـاصر ونـاصر وزوجته باسمه
قمر تحكي لهم عن اللي صار اليوم في قاعة الإختبار
بونــاصر(يضحك وبقوه):ههههههوالله أنتو منتو هينين يالبنات.
نـاصر:ماأدري متى أنتي بتعقلي وتكبري عن هاذي المسخره أنتي وصديقاتك.
قمر: ويش فيها عادي لعب ومزح وونــاسه.
بونـاصر: ماعليك منها خلها تستانس بحياتها توها صغيره.
أم نــاصر: اهم شيء قدمتي زين ولا.
قمر(حست بضيق في صدرها لانها تذكرت آخر سؤال أنها مـاعرفت تحله)
ناصر:ليه ماتردي على أمي ولا في الجد ماتعرفي تتكلمي حدك لعب ومسخره.
قمر(أغتاظت كثيييييير من كلامه):أمي تعرف مستواي كيف في الدراسه دايم متفوقه وآخذ من الأوائل بالصف على الأقل أنا أحسن من غيري(كانت تقصد زوجته باسمه لما كانت تدرس من قبل)
أم نـاصر(بوّست بنتها):الله كريم يبنتي ترفعي راسي مثل كل مره بحق محمد وآل محمد .
بـاسمه(ضربت ناصر بكوعها في خصره وتكلمه بالهمس): يلا قول لهم.
نـاصر) بصوت منخفض): مو الآن أول لما تنتهي الاختبارات وبعدين نتكلم.
بو ناصر وقف وقال لام ناصر: يالغالية أنا بروح أرتاح إذا جا وقت الغدا خبروني طيب.
أم نـاصر:روح أرتاح يبعد حالي.
باسمه لنـاصر(بهمس): يلا بسرعه قبل لا يمشي أبوك.
ناصر: طيب .
نـاصر :يبه أبغيك بموضوع .
بو نـاصر: خير.
نـاصر: أجلس اشوي بقوله قدام الكل.
بونـاصر(جلس): طيب وهذا جلسنا علشانك خير ويش صاير.
نـاصر: لا خير .
أم نـاصر: تكلم تراك خوفتنا.
نـاصر: عبد العزيز كلمني عن قمر يبغى يتقدم لها.
قمر(حست كأن أحد صاب فوها موية بارده ومنصدمه وماهي عارفه تتكلم(
بو نـاصر: من عبد العزيز
نـاصر: أخو زوجتي.
بو نـاصر: والله والنعم فيه.
أم نـاصر: توها بنتي صغيره.
قمر(من دون شعور وبصوت عالي):أنا مــاني موافقه (وطلعت على غرفتها).
نـاصر(بعصبيه):ماهو كيفك بتاخذيه غصب عنك.
أم نـاصر: مافي شيء بالغصب وبنتي ماراح تاخذ واحد ماتبغاه (وقامت لبنتها(
نـاصر: سمعت يبا ويش تسوي بنتك .ولا وأمي واقفه معها بعد .عاجبك ذا الكلام.
باسمه(تحب تشعل النار): المفروض تكسر راسها ورايها في الأصل مو بيدها وانت عاد بكيفك أنا يعني ماأحرضك على أختك.
بونــاصر: كل هذا وما تحرضينه على بنتي لو سمحتي أنتي مالك دخل فيها وفي مستقبها .
نـاصر: يبه ليه تقول لزوجتي كذا.
بو نـاصر: قلت لكم زوجتك مالها دخل في بنتي ومستقبلها أنا أبوها وأنت أخوها وعندها أمها واحنا نكفي ان نخاف على مستقبلها ومصلحتها .
بونــاصر :لو سمحتي اطلعي انتي من الموضوع ما أبغى أسبب لك أي إحراجات ثانيه.
باسمه :(زعلت وطلعت لغرفتها):أنا رايحه غرفتي.
ناصر: يبه قمر لازم توافق على عبد العزيز الرجال ما يعيبه شيء خريج جامعي وموظف في وظيفه عمرها ماتحلم فيها وبراتب زين وبيعيشها بسعاده وأخلاقه مافي مثلها وهو طيب وهو مافكر في غيرها باغيها أهي نفسها.
بو نـاصر: أنا ماقلت عنه شيء بس ماأبغاها تاخذه من غير رضاها لازم تقتنع فيه .
نـاصر: لما تاخذه بعد الزواج بتقتنع فيه.
بو نـاصر: هذا أنت اخترت زوجتك بنفسك وماحد قال لك أخذ على كيفنا وبعد الزواج اقتنع فيها.
نـاصر: أنا رجال.
بو نـاصر: حلوه هاذي أنت رجال يعني ماتهمك مصلحة أختك قلت لك إذا كانت مقتنعه وجاتني بنفسها من دون ما احد يضغط عليها وقالت لي يبه أنا موافقه راح تاخذه غير كذا ماعندي بنت للزواج.
نـاصرعصّب من كلام أبوه لأنه ماتوقع ردة فعله تكون كذا وراح لزوجته يراضيها ,أما بو نــاصر فحاس بتعب وحاس انه مرهق وراح يريّح في غرفته
~*~*~*~
(نسينا العروسين أمــاني ومرتضى )
(وصلو لشقتهم)
مرتضى: يلا حبيبتي حيــاك في بيتك بتنوريه
أمـاني:منوّر بصاحبه يــاقلبي.
مرتضى: وانتي صاحبه يـانور عيني.
أمـاني خجلت منه ونزلة راسها واحمرّ وجهها ودخلت الشقه ودخل بعدها مرتضى
~*~*~*~
نرجع لفيصل
فيصل(طلع من دورة الميـاه وراح لغرفته لبس أحلى ماعنده وووقف قدام المرايه يرتب شعره وهو يغني

طلبتك لا تحاكيني عن أحبابك ولا ذكراك
ولا ودي تعلمني عن الماضي ولا أدري
أنا ماهمني الماضي ولا أيامه قبل ماألقاك
أنا عندي بدايتنا بداية عمرك وعمري

مسـاعد شاف غرفة فيصل بابها مفتوح وكان يحط له عطر): أوووووه أخوي ويش هاذي الكشخه اليوم شكلك مره مبسوط وتقرأ وتغني بعد الله يديم هالفرحه دوم يـارب.
فيصل: كيف مـاتبغاني أفرح وأنا شايف حبيبتي أمـاني بعد غيبة شهر كامل .
مسـاعد: إيه والله فقدناها كثير.
فيصل: أقول روح لها وقول لها تجي بغرفتي عندي لها حاجات كثيره.
مساعد: وين أروح لها مشت.
فيصل(تفاجأ): مشت!!!!! متى؟ وليه.وكيف؟.
مسـاعد : الآن أنت ويش تبغيني أجاوب على أي سؤال.
فيصل: أقول روح عن وجهي أحس مالي خلقك.
مسـاعد(رفع ايديه للسماء): يـارب متى يجيني اللي يحبني وافتك من ذا الغثه.
فيصل(بعصبيه): أنا غثه
مساعد: لا بس خلاص أنا الغثه عن أذنك مع السلامه.
مسـاعد طلع من الغرفه على غرفته وفيصل أخذ جواله واتصل على أمـاني.
~*~*~*~

تتوقعون ويش يسوي فيصل لما يتأكد أن أخته رجعت بيتها ؟
هل يتهوّر ويروح لها بشقتها
أو يكون لبق وذرب ويخليها تاخذ راحتها بشقتها ف حين وصولها للتو؟

انتظظرو البارت القادم

نوني

~*البارت التاسع*~
(في بين بو نـاصر)

(كان الوقت بالليل جلست العائلة بعد وجبة العشاء)


نـاصر: يبه ويش قلت على موضوع قمر.

بو نـاصر(لم ينطق بأي كلمة أكتفى بالنظر إلى نـاصر بنظرات حاده ثم توقف وترك عائلته دون أن ينطق بكلمة سوى):إذا صرت أنت المسؤل عن بنتي ذيك الساعه تكلم فاهم.

(وذهب إلى غرفته(
قمر(الفرحه ماهي بواسعتها وقامت تركض ورى أبوها(.
نـاصر: يمه شفتي أبوي ويش يسوي ما كأني أنا ولده الوحيد وأخاف على مصلحة أختي.
أم نـاصر: ما عليّ منك أنت مع أبوك بكيفكم تنجازون.
باسمه(بكل خبث): شفت كيف أختك طايره من الفرح وراحت ورى أبوها أكيد ما هي بفرحانه إلا تحت راسها شيء.
نـاصر(بإستغراب): ويش تقصدين.
باسمه:لا ولا شيء ما أقصد حاجه بس انتبه لأختك ولتصرفاتها تراها ما هي بعاجبتني.
أم نـاصر : أنتي ويش دخلك عاجبتك ولا ماهي بعاجبتك بنتي مافي أزين منها تربيتي.
نـاصر:يمه تعرفين حاجه عن قمر وساكته عنها.
أم نـاصر(وقفت وبكل عصبيه وغضب): لو كان في قمر شيء معناتها أنك أنت فيك ألف شيء بعد وأزيد منها لأن اللي رباها رباك أنت بعد(ومشت عنهم إلى بو ناصر وقمر في غرفتهم)

~*~*~*~*~

في غرفة بو نـاصر وأم نـاصر

قمر(كانت جالسه جنب أبوها وضامته وحاطه راسها على صدره): الله لا يحرمني منك يبه لولاك أنا ما أدري كيف راح تصير حياتي مع ذا المتوحش.
بو نـاصر: يبه قمر لا تقولي عن أخوك كذا مهما سوى فيك يظل أخوك ولازم تحترميه.
قمر: شنووووووووو بعد هذا كله وأحترمه لا والله أنا لو يكون بين يدي ودي لو أنتفه لحد ما أقول بس.
أم نـاصر(دخلت الغرفه وسمعت كلام بنتها وصارة تضحك):هههههه ياالله يا بنيتي كل هذا قهر في قلبك شايلته على أخوك.
قمر : وأكثر بعد.
بو نـاصر( صار يضحك):ههههه. حبيبتي قمر .
قمر: ياعيون قمر أنت وروحها آمر.
بو ناصر: تسلمين حبيبتي إلا خلصتي مذاكره علشان إختبارك بكره.
قمر: أفاااااا عليك بنتك شاطره.
أم نـاصر: يلا حبيبتي قومي نامي علشان تصحي مبكّر مو مثل اليوم جننتيني.
قمر(تضحك): ههههههههه إن شاء الله هذا قمت.
وطلعت من غرفتهم متجهة لغرفتها

~*~*~*~*~

في بيت بو خالد
سهى وماجد كانو بغرفتهم

ماجد: روحي سهوى ودي أشرب لي حاجه بارده من إيدك الحلوه.
سهى : تااااااااااامر بس انتظر خمس دقايق أخلص هاذي اللي بيدي مو قادره أحفظها.
بعد مرور دقائق قليله
سهى: أنتيهت يلا قوم معي.
ماجد : على وين؟
سهى: أنا وياك نسوي حاجه بارده.
ماجد: لا مالي خلق أنزل تحت.
سهى : ليه
ماجد: بس
سهى: أكيييييييد ولا علشان أبوي موجود ومالك خلقه.
ماجد : هذا أنتي تعرفين بعد أجل ليه تسأليني.
سهى : طيب خلاص دقايق والعصير عندك (وراحت مسرعه)
ماجد (بصوت عالي): انتبهي على حالك لا تطيحين مره ثانيه.
(المسكين علباله أن اللي فيها من ضرب اهو مجرد أنها طاحت من الدرج طبعاً هاذي كذبه منها لأنها ماكانت تبغى ماجد يزيد كرهه لأبوها كفايه اللي أهو شايفه منه بعد يزيد كرهه )

~*~*~*~

في صالة الجلوس في بيت بوخالد
عبد الرحمن يراجع دروسه وأبو خالد كان يتابع الأخبار بالتلفزيون
عبد الرحمن (جالس يراجع بعض دروسهودق على جواله رقم غريب)
(تسلّطت أنظار بو خالد على دحيّم(
عبد الرحمن: ألووو
المتصل: أنا خالد فديك لا تقول أسمي إذا كان أحد جنبك كلمني على أني واحد من اخوياك طيب.
عبد الرحمن: طيب.
خالد: أخبارك.
عبد الرحمن: الحمد لله زين. انت كيفك والله لك وحشه.
خالد : وانتو أكثر بعد زين أنك رديت عليّ تعبتني هاذيك المره كل ماأتصل ماترد.
عبد الرحمن : متى؟
خالد: من زمان ماعليك من هاذيك المره المهم طمني على أختي ,لا تتكلم عنها أنها أختك تكلم كأنها واحد من خوياك طيب.
عبد الرحمن: والله أكذب عليك إن قلت لك أنه زين(يقصد أخته بس تدرون الرادار أبوه موجود>>هع هع)
خالد: ماصار لها شيء.
عبد الرحمن: ليه أنت تدري بحاجه عن اللي صار.
خالد: لاتخوفني على أختي قول لي ويش اللي صار لها.
عبد الرحمن (ابتعد عن أبوه كثير علشان ياخذ راحته بالكلام) : صج لقالوا أن الإنسان إذا كان يحب شخص ومتعلقّ فيه يحس باللي يصير له لو أهو بالمريخ.
خالد: أقول لا تتفلسف عليّ وقول لي ويش صار لها.
عبد الرحمن: تقول انها طايحه من الدرج وتعورت.
خالد: طايحه من الدرج ولا أبوي ضربها.
عبد الرحمن(بإستغراب كبير): أبوي ضربها ليه ؟
خالد : أنا اليوم الصباح أتصلت على جوالها كان ودي أكلمها بس ما كانت ترد شكلها كانت بالمدرسه بعد دقايق من اتصالي جاني رقم غريب لما رديت أول ما تكلمت سمعت صوت أبوي انا اخترعت وسكرت بوجهه , المشكله أنه أهو سمع صوتي يعني أكيد راح يعتقد الآن أن سهى تعرف واحد .
عبد الرحمن: لا عاد مو لهاذي الدرجه وأنت ليه يعني سكرت الجوال بوجهه.
خالد: ماأدري ردة فعل ماتوقعتها . أصلاً انا لحد الآن مالي خلق أسمع صوت أبوك ولا أني أشوفه.
عبد الرحمن(يضحك): الله يرجك هذا ابوك .
خالد: أنا مستغني عنه(ويضحك)هههههه خلّه لك.
عبد الرحمن: طيب أنت حاولت تتصل على جوالها مره ثانيه .
خالد: والله دقيت مرتين وشفته مقفل قلت شكله الجوال منها صادروه.
عبد الرحمن:حلوه هاذي صادروه(ويضحك)هههههههه.
(بوخالد مازال يناظر عبد الرحمن)
خالد: طلبتك أخوي .
عبد الرحمن: لبيه.
خالد: تسلم والله ,أبغاك تروح تتطمن لي على سهى وترجع تتصل عليّ تقول لي ويش اللي حصل لها بالضبط طيب.
عبد الرحمن: عيوني لك دقايق بس.

~*~*~*~*~
(عبد الرحمن راح للمطبخ لسهى لكنه نسى جواله بالصاله)
عبد الرحمن :اووووووووه سهى ويش ذا الجديد .
سهى: شنهو جديد
عبد الرحمن: سهى تسوي عصير ليمون يااااااااللهول.
سهى: أقول بس اسكت لا تتمسخر الله يستر منه أخاف يكون فيه زياده سكر بعد (سهى أنتهت من العصير وكانت بتطلع علشان توديه لماجد)
عبد الرحمن: وين وين رايحه أنا أجيك أبغى أكلمك وانتي تطلعين.
سهى : بروح أوديه لماجد.
عبد الرحمن: ياحظك ياماجد عندك من يسوي لك اللي تبغاه الله يخلف عليّ.
سهى(تضحك):هههههههالله كريم بس انت انتهي من الدراسه واشتغل بعدين فكر بالزواج .
عبد الرحمن: الله كريم.
سهى: ماقلت لي ويش تبغى مني.

~*~*~*~

بو خالد (أخذ جوال عبد الرحمن وشاف آخر مكالمه): هذا كأنه نفس الرقم(وفتح جواله وتأكد انه نفس الرقم ): يعني تكلمي خوي أخوك صج قليله حيا وماعندك إحترام لاحد(ورجع الجوال لمكانه)

~*~*~*~

(نرجع لسهى ودحيّم بالمطبخ انشوف ويش صار)
سهى: شنهوووووووووو خالد متصل على جوالي.
عبد الرحمن: قصري صوتك لا تفضحينا.
سهى: طيب متى.
عبد الرحمن : اليوم الصباح وأنتي بالمدرسه.
سهى: علشان كذا أبوي ضربني.
عبد الرحمن: تو قلتيها أبوي ضربني أشوف لما سألناك قلتي أنك طايحه من الدرج.
سهى(نزلة راسها وطاحت دمعتها ): ويش تبغاني أقول لكم أبوي يشك فيني أني أكلم واحد.
(وهي تقول هاذي الكلمه دخل بو خالد عندهم المطبخ وماسمع إلا كلمة *أني اكلم واحد* وتزيد عصبيته)
بو خالد: والله قليلة حيا أنتي وتعترفين بعد قدام أخوك هذا لأنك أنتي وياه متفقين مع بعض أنك تكلمين خويّه.
عبد الرحمن: يبه أنت منت عارف حاجه فاهم كل الموضوع خطأ.
بو خالد : لا خطأ ولا صح هاذي البنت أنا اللي راح أعيد تربيتها (ومسكها من شعرها وسحبها على الأرض )
سهى(تصارخ وبكل قوه): والله مالي ذنب يبه حرام عليك.
(ماجد سمع صوت سهى وخاف عليها وراح يركض لها)
(بوخالد مازال يسحبها لحد ماوصلها لغرفة فاضيه مافيها ولا حاجه ورماها بكل قوه على الأرض وقفل عليها الباب)
ماجد (يتكلم مع بو خالد وهو في كامل عصبيته): أنت ليه تسوي كذا في زوجتي.
بو خالد : هاذي بنتي قبل لا تكون زوجتك هذا إذا ظلت زوجتك بعد.
ماجد: أنت شكلك عن جد خرفت أفتح الباب لها أحسن لك.
بو خالد :نظر لماجد نظرات إستحقار ومارد عليه.
ماجد: أقول لك عطني المفتاح ماتفهم انت.
بو خالد: ماعاش من يتكلم معي بهاذي اللهجه أطلع برا البيت مالك محل عندي.
عبد الرحمن : يبه اللي انت تسويه كلّه غلط سهى بريئه من اللي أنت تفكر فيه.
بو خالد: تبغى تعرف ويش مسويه مرتك ياماجد تكلم خوي عبد الرحمن وهو يدري بهاذي الشيء وراضي.
ماجد: شنهووووو سهى أشرف منك ومن اللي تعرفهم كلهم.
بوخالد(عصّب كثير من كلام ماجد): أطلع برا قبل لا أنادي الخدم يطردونك مثل الـ ولا ماأبغى أقولها لأني أكرم من أني أنطقها.
ماجد(طلع من البيت بكرامته بعد ما سحكو فيها الأرض بس لازم يكون عزيز نفس اشوي وراح لبيت أهله)
(سهى مازالت على الأرض وتبكي بقوه من قهر ماحصل لها وماهي قادره تقوم من الضربات اللي جات في ظهرها وجسمها كلّه)

~*~*~*~*~

)في بيت بو علي)
وفي غرفة عليّ بالتحديد
علي(كان يتكلم في الجوال وهو مره مفزوع وخايف): دحيّم ويش فيك لا تخوفني عليك . تكلّم.خلاص هذا أنا جيت لك .وطلع من غرفته مسرع
فجر(صادفته وهو طالع ): ويش ذا الجنون فيه يـارب لك الحمد (ودخلت لغرفة الأولاد) هي أنت أحمدووووووه.
أحمد(بدأت تطلع الشرار من عيونه عليها نايم وتجلسه بعد): بتوخرين عني ولا بيجيك شيء مايعجبك.
فجر:لا أنا قايله مافي ذا البيت أحد صاحي.
أحمد: خلينا العقل لك.
فجر:أنا بطلع لغرفتي ألعب أحسن لي منكم مالت عليكم كلكم.
أحمد(مد إيده عند المكتب لأنه كان جنب سريره وأخذ دفتر ورماه عليها):طلعي براااااااا.
فجر(من دون أي كلمه زايده ناظرته بنظرات تهديد ووعيد وطلعت من الغرفه متجهة لغرفتها(

~*~*~*~
)نسينا دحيّم وعليّ نشوف ويش صار فيهم(
علي(طلع من البيت وهو مسرع وشاف عبد الرحمن جالس بسيارته , فتح باب السياره وجلس جنبه):خير عسى ماشر ويش فيك خوفتني عليك كثييير.
دحيّم(مو قادر يتكلم والعبره خانقته): أبوي.
علي: ماااااااااااات.
دحيّم: لا.
علي:أجل ويش فيه.
دحيّم(سكت اشوي):مافيه شيء مافيه شيءخلاص أنا بمشي آسف لأني أزعجتك في ذا الوقت.
عليّ: بكيفك أنت ويش ذا الكلام شوف عيونك فيك الصيحه هذا إذا مابكيت بعد وتقول لي مافي شيء وبتمشي بعد روووح لأمك بس روح.
دحيّم:ماأدري بس أحس أني متضايق مره.
علي: طيب ادخل عندنا بالبيت روّق اشوي وتكلم.
دحيّم:أنا أطلع من بيتنا علشان ارجع لبيت بعدلا خلنا نطلع بمكان نتمشى.
علي: ذا الوقت (ويناظر الساعه) الوقت متأخر كثير وبكره ورانا مدرسه واختبار.
دحيّم: خلاص أنا بروح مع السلامه.
علي: وين خلاص أنا بروح معك وأمري لله بس لا نتأخر.
حيّم : طيب.
(ومشو وراحو لمكان بعيد عن البيت) >>>البر
~*~*~*~
(نسينا ماجد تتوقعون وين راح(
ماجد الله يسلمكم راح لبيت أهله طبعاً أخته ميساء موجوده
أذكركم بميساء:طالبه تدرس بنفس الصف مع سهى والشلّه كلها , كانت صديقه لسهى لكن بعد زواجها من اخوها بدأت اشوي تتغيّر عليها وصارت تعد لها المكائد.
ميســاء: هــااا ماجد ليه جاي عندنا بذا الوقت ليكون
سهى طاردتك(وتضحك بسخريه(
ماجد(ماكان له خلق يرد عليها ومشى عن اخته وراح لغرفته أيام العزوبيه(
ميســاء(بكل غيض): إف وماترد وتصد ظهرك عني بعد, أصبر أنا أوريك بخليك تندم على الحركه هاذي.
~*~*~*~*
(نرجع لعلي وعبد الرحمن نشوف ويش صار معهم(
علي: من صجك يادحيّم أبوك سوى كذا.
عبد الرحمن: آآآآه يــاقلبي ماقلت لك في قلبي هم كبير وشيء ما يحمله حتى الجبال ماصدقتني.
علي: اللي يشوفك يقول مافيك حاجه دايم مفرفش وتضحك وانت بقلبك كل هذا حرام عليه أبوك يسوي بأختك كذا طيب هو ماله دخل فيها هي الآن متزوجه وماعليه منها وماله حكم عليها بوجود زوجها.
عبد الرحمن: لا تضحكني كثير إذا زوجها أبوي متحكم فيه بعد.
علي: طيب ليه ما يسكنون لحالهم.
عبد الرحمن: أبوي مو راضي ولا ماجد عنده شقه في بيت أهله بس أبوي ما يبغى بنته تبتعد عنه ولو وده ما يخليه بالمره يعيش معها بعد.
علي:أجل ليه زوجها من الأساس بما أنه بيسوي فيها كذا.
عبد الرحمن:أبوي انحرج كثير لما ماجد تقدم لاختي أكثر من مره وهو يرده ووافق عليه .
علي: هذا مو عذر ويش ذي الأعذار اللي عند أبوك بصراحه ماتوقعت أبوك كذا,الله يهديه.
عبد الحمن: الله كريم.آآآه ,طيب يلا قوم مشينا.
علي:على وين.
عبد الرحمن: أنت الآن تقول على وين مو انت ماتبغى تتاخر.
علي: صحيح ,إلا كم الساعه الآن(ويناظر الساعه)أوووووه الساعه ثلاثه الفجر يلا قوم تأخرنا.
عبد الرحمن: مسرع مشا الوقت ماحسينا فيه.
علي: الله يعينّي على أبوي.
عبد الرحمن: ولا يهمك أنا بكلمه لك وبفهمه الوضع.
علي: بتقول له اللي صار لك.
عبد الرحمن: لاااااااااااا. بس بقول له أني كنت محتاج أجلس معك في ذا الوقت وبس.
علي: طيب يلا قوم مشينــا.
(وركبو السياره وراحو لبيتهم(
~*~*~*~*~
)في المدرسه الثانويه . للبنات(
(آيه وحور جالسين مع بعض في المدرسه بعد الإختبار(
آيه: حور أنا خايفه على سهى ماأدري ليه غايبه اليوم ماجات المدرسه.
حور: تلقينها البارح سهرانه مع زوجها ومانامت زين .
آيه :بس ولو عندها إختبار.
حور: ترى المتزوجين ما يهتمون بشيء اسمه مدرسه أو إختبار.
آيه: هذا انتي اللي كذا بس سهى غير.
ليــال(جاتهم مسرعه)


تتوقعون ويش فيها ليال وويش عندها من أخبار؟
وويش راح يصير لسهى ؟
كل هذه الأحداث بتعرفوها في البارت القادم

أجمل إحساس

~*البارت العاشر*~
حور: خير ويش فيك طــايرة كذا . أعقلي يا بنت.
ليــال: بنات عندكم خبر عن سهى.
آيه(طار قلبها): ليه صاير لها شيء( واهي مفزوعه مره)
ليــال: ما ادري بس أهي ماجات اليوم وأمس كنت أتصل على جوالها بس على طول مقفل.
حور: لا إنشاء الله ما فيها إلا العافيه.
~*~*~*~*~*~

(أنتهى أسبوع كامل من الاختبارات , وأتى مساء الأربعاء واجتمعت الصديقات *حور- آيه- ليال- قمر*
في شقة أماني)
قمر: بنــآآآت لازم تشوفون حل سهى تختفي فجئه يعني وين راحت أنشقت الأرض وبلعتها.
حور: والله ما أدري وينها وأحس عقلي متوقف مو قادره أفكر.
أماني: طيب مافي وحده منكم مرت في بيت أهلها وسألتهم عنها؟
آيه: أنا رحت وأستقبلتني عند الباب الخادمه وقالت لي أنها ماتدري وينها ماشافتها من كم يوم.
قمر: كيف يعني ما تدري وينها وماشافتها , طلعت مع زوجها لبيت ثاني؟ أو سافرت . وكلا الإحتمالين مستحيل.
آيه: لقيــتها .
آيه: ويش هي
آيه : حور إنتي مو تقولي أن أخوك علي خويَّه دحيم .
حور: إيوه أوووووووه صح ليه راح عن بالي أكلم أخوي يسأل دحيم عنها
( وأخذت جوالها واتصلت على علي)
حور: هااااااااااااااي علاااااااوي.
علي: أهلين.
حور: أممم أخوي بغيت منك حاجه.
علي: آمري.
حور:تسلم والله بعد عمري, أبغاك تكلم دحيَّم وتسأله عن أخته فاقدينها كثير
علي: وليه ما تتصلي عيها بنفسك.
حور: يعني بذمتك لو أنها ترد على الجوال بجي أقول لك كلم أخوها؟
علي: دقيقه أسئله.

(طبعاً دحيم جالس مع علي)
علي: دحيم ويش أقول لأختي تسأل عن اختك تقول فاقدينا شكلهم والله أعلم الشله متجمعين ويدورونها , ويش أقول لها
دحيَّم: لا تقول لها أن أبوي حابسها .( وجلس يتكلم معه )
(نعود للبنات)
حور: يووو بنات أخوي نام مع دحيم أسمع صوته يتكلم معه كل هذا يسأله؟
آيه: والله أخوك بعد علَّه أخاف أنه نساك ونسى أنك معه ع الجوال.
حور: دقيقه دقيقه جا يكلمني إيوه علي ويش قال لك دحيَّم ؟
علي: والله يقول أنه ما يدري عنها ولما سأل أمه عنها قالت له أنها مسافره مع زوجها.
حور( بكل إستغراب): مسافره بهذا الوقت غريبه والاختبارات
علي: ويش مدريني عنها يلا أخليك باي.
حور: باي.

قمر: هااا ويش يقول مسافره
حور: هذا اللي يقوله.
أماني : السالفه فيها شيء غريب.
آيه: آآآآآآآآآآه الله يستر.
~*~*~*~*~*~
انتهت الاختبارات وأول يوم عطله
قررت العائلتان *عائلة بوعلي وعائلة بو ناصر* الذهاب إلى أحد الحدائق الكبيرة لقضاء يوم ممتع في نزهة
(في الحديقة وبين الزهور تجلس الفتيات مع أمهاتهن بينما الرجال قد جلسو بمكان منعزل عن النساء لكنه ليس بالبعيد )
قمر:يمه بروح أنا وحور وسوسو نتمشى اشوي.
أم ناصر: بتروحون لحالكم.
قمر : يعني مين تبغون يروح معنا.
أم ناصر: لازم يكون معاكم رجال صعبه تروحون لحالكم.
حور: لا مايحتاج شنسوي فيه الرجال ماله داعي إذا بيجي معنا نجلس مكانا أحسن لنا.
سوسن: لا نبغى نروح.
أم علي: خلاص روحو بس لا تبتعدو كثير عنا .
قمر: طيب خالتي بنروووح وماراح نبعد .
أم ناصر:يمّه منكم مسرع الواحد يقول لكم قومو إلا على طول قبل لا نخلص كلام قمتو.
حور: الحماااااااااااااااااااااس وماأدراكِ ما الحماس.
أم ناصر(تضحك):هههههه.
(حور وقمر وسوسن راحو يتمشون في الحديقة ونسو حالهم بالسوالف وابتعدوا عن أهلهم)
سوسن: مشتاقة أسوي حاجه فيها مغامرات وحماس وأكشن أبغى جنووون وهباال.
قمر: ويش فيك شكلك اليوم جرعة الهبال فيك زايدة ماهي بعوايدك إنتي على طول هادئة.
حور: ههــآآآي لا تضحكيني قمروووه تراها من تحت لتحت .
سوسن( تضحك):ههههههههه أما من تحت لتحت يالدووبه.
قمر وحور( ضحك مو طبيعي):ههههههه.
سوسن: لا جد والله أتكلم ودي بحاجه جديدة تغير نظام حياتي أحسها ملل .
قمر: مسرع حسيتي بالملل تونا أول يوم عطله ما كأن أمس جالسين وبإيدنا الكتاب ونحاتي الاختبار .
حور: أقول أسكتي مالي خلق غثّه لا تجيبي لي طاري الإختبارات ما صدقت أفتك منها.
سوسن: هذا كلام الكسالى يــآآآ
حور( قاطعة كلام سوسن): خلينا الشطاره لك أشبعي فيها.
قمر(تضحك): ههههههههه أنتو ثنتينكم توووووووحفه.
سوسن: ماتحسون ان الوضع هدووء أحس أن ناقصنا شيء.
حور: إيه والله في شيء ناقص في شيء غريب .سوسن: إيـــــــــــــه فجر مو معنا( وتضحك) ههههههه.
حور: إيه فكه من حنتها وشطانتها علتنا بقلة الحيا اللي اهي فيها.
قمر: ويش رايكم نروح نتمشى اشوي عند البركه اللي هناك شكلها مره حلو ورومنسي.
حور: إيه والله حلوه كثير خلينا نروح.
سوسن: يؤيؤ شوفو هناك طفل صغير واقف بجنبها لا يطيح .
حور: يؤيؤ هاذي فجر بتطيح.
(ويروحون مسرعين لها لكنهم مالحقو عليها طاحت في بركة الماء وبدأت فجر بالصراخ لأنها تغرق , حور وقمر وسوسن يصارخون من خوفهم عليها ويبغون أحد ينقذها لكن لا من مجيب إلا وبطلعة أحد الشباب عندهم مار وشاف البنت تغرق راح لها مسرع وطلعها من البركه والحمد لله تمت عملية إنقاذ فجر بفضل هذا الشاب)
حور( راحت مسرعه عند الشاب هذا تاخذ أختها من عنده وهي تنادي بصوت عالي): فجر فجر
(وحملتها من بين يديه وأخذتها وأحتضنتها واهي تبكي) فجر كلميني ما فيك شيء.
فجر( تبكي): أبي ماما.
قمر: يعطيك ألف عافيه أخوي لانك أنقذت البنت لولاك كان البنت ماتت.
الشاب( بكل خجل مطأطئ رأسه نحو الأرض): الله يعافيك هذا واجبنا أختي وانتبهوا لها مره ثانيه لا تخلوها لحالها.
( نروح اشوي عند العيله جلستهم)
بوناصر: كأني سمعت صوت أحد يصرخ.
بوعلي: لا أنا ما أسمع.
علي: لا يبه أنا بعد سمعت.
ناصر: شوفوا مو كأن هاذول أهلنا وبجنبهم رجال.
بوناصر( بإستغراب): رجــال؟
بوعلي: قوموا بس خلونا نشوف ويش صاير لاحد يتعرض لأهلنا .
( قاموا كل الرجال *بوعلي وولداه علي وأحمد وبوناصر وولده ناصر متجهين نحو البنات وهذا الشاب اللي أنقذ حياة فجر من الغرق )
نــاصر( قبل أن يصل إليهم بمسافه ليست بالقصيره وبصوت عالي): هي أنت ويش موقفك عند أهلنا.
قمر: أخوي آسفين حطيناك بموقف مع أخوي آسفه الله معك تقدر تتوكل على الله وتروح وخل أخوي علينا.
الشاب: أنا ماسويت شيء غلط ياأختي( وتوجه نحو ناصر ولما اقترب منه وشافه) نــاصر هلا والله كيفك.
ناصر: عبد العزيز ويش مجيبك هنا( وسلموا على بعض.
بوعلي: السلام عليكم خير ويش صاير ويش فيهم البنات.
عبد العزيز: البنت الصغيره طاحت بالمويه وكانت تغرق والحمد لله إني سمعت صراخ أهلكم وجيت وطلعتها .
بوناصر: يعطيك ألف عافيه والله ماقصرت .
أحمد: الآن يعطيك العافيه وماقصرت ومن اشوي كنتو تتوعدون في ذا الرجال.
علي( ضربه بقوه في جنبه): أسكت هم ماقالوا كذا إلا لما توقعوا انه يتحرش لكنه هذا أنقذ أختك من المووت أسكت واعرف متى تتكلم مره ثانيه.
أحمد: أووووووووف.
بوعلي: عبد العزيز لاتاخذ بكلام أحمد ماعليك منه.
عبد العزيز: لا عادي خلوه يقول اللي عنده اهو صغير ماآخذ كلامه من باب الجد.
أحمد( يقول داخل قلبه): أنا صغير آآه يـــاربي حتى هذا بعد( لأن أهله دايم يقولو له أنت صغير وما ياخذو بكلامه )
عبد العزيز: طيب أنا أخليكم الآن بروح شوفو كيف ملابسي كلها مويه .
علي( يضحك):هههههه يلا سبحت.
عبد العزيز( يضحك):ههههه الله يرجك طيب عن أذنكم مع السلامه.
بوعلي: في حفظ الرحمن.
بوناصر: الله معك.
( البنات أخذو فجر عند امهم وجا معهم احمد )
باسمه: مو كأن هاذول البنات ومعهم احد حاملينه.
أم علي: يووو هاذي فجر ليه حاملينها .
أحمد( راح قبل البنات يسرع): بنتك غرقت في البركه.
أم علي: يمه بنيتي(وقامت تاخذ بنتها من حور).
أم ناصر: ويش صار لها اشلون ماتنتبهون لها.
سوسن: اهي ماهي بمعنا جالسه تلعب لحالها.
باسمه: كيف مو معكم انتو اول ما مشيتوا قالت لكم بجي معكم وقامت وراكم.
قمر: ما سمعناها واحنا رحنا نتمشى وما كانت معنا .
حور: اكيد اهي جات ورانا وبعدين راحت تحوس لحالها تلعب ومن دون لا ننتبه لها.
أحمد: كل هذا ولا صار فيها شيء هالجنيّه تحمد ربها بعد واحد أنقذها.
باسمه: مين أنقذها.
أحمد : ما أدري واحد ثقيل دم أسمه عبد العزيز.
قمر( تضحك):هههههه, حرام عليك تقول عنه ثقيل دم بالعكس وااحليله يجنن.
أم ناصر: عيب إنتي استحي على وجهك تتكلمي عن رجال غريب كذا.
قمر( أنحرجت ): إنشاء الله يمه.
( انتهو من جلستهم وكلن ذهب إلى بيته ليرتاح بعد عناء هذا اليوم)
( في بيت بوناصر)
باسمه: ناصر مين هذا اللي أنقذ فجر.
ناصر: أخوك عبد العزيز.
باسمه: صحيح.
ناصر: إيه والله يعطيه ربي ألف عافيه ما قصر والله ولا كان البنت في خبر كان وماتت.
باسمه: حلو.
ناصر: ويش هو الحلو أقول لك البنت كان ماتت تقولي حلو.
بــاسمه: أنت ما شفتها أختك واهي تمدح فيه وكأنها ميته فيه.
ناصر(بكل عصبية): نعم ويش تقولي؟
باسمه: ويش فيك عصبت مو هذا اللي احنا نبغاه انها توافق عليه.
ناصر:كيف ذا الشيء راح من بالي يالله زين تحبه من نفسها أفضل من نجبرها عليه.
باسمه(إبتسمت بخبث): طيب حبيبي قوم ننام لا تنسى ورانا سفر بعد كم يوم.
ناصر: طيب.
(طبعاً ناصر وباسمه مقررين يسافرو في العطلة لمدة شهر كامل , تجديد لأيام الحب)
~*~*~*~*~
(نرجع لسهى اللي نسيناها مسكينه محبوسة بالغرفه وبتعذيب والدها الظالم وبعيده عن زوجها ماجد)
سهى(تضرب باب الغرفة واهي منهكة الجسد وتنادي أمها): يمه آآآه يمه افتحي لي الباب حرام عليكم .
عبد الرحمن (سمع صوت أخته وكأنها مستسلمةً للموت في بكائها): يا يمه حرام عليكم تموتون البنت والله لو ما تطلعوها لأكسر الباب وأشتكي عليكم بمحاولة قتلها.
أم عبد الرحمن: أنا مالي دخل أبوك اللي حابسها واهو عنده مفتاح الغرفه , تبغى تطلع أختك روح كلم أبوك , وغير ذا الكلام ما عندي.
عبد الرحمن(توجه للغرفة واهو عازم على كسر الباب): والله أختي بعد ذا اليوم مالها جلسه بذا البيت (ثم ألتفت إلى أمه وقال) أقصد ذا القبر.
(ضرب الباب بكل قوته ولم ينكسر , فقال لسهى) : سهى إبتعدي عن الباب بفتحه لك.
سهى( قامت متعبه مبتعدةً عن الباب بخطوات قليله وهي منحنية الظهر وكثيرة الحراجات بعد ضرب والدها المستمر إليها بكل يوم لا ينفك عن ضربها)
عبد الرحمن( وبكل قوته ضرب الباب وانفتح أمامه وتوجه لأخته ودموعه تملأ عينيه): سهى قومي.
سهى(تحاول الوقوف صامده لكنها لم تستطع وتسقط على الأرض مغشيــاً عليها).
عبد الرحمن(يصرخ بصوت عالي): سهى ( حملها بين يديه وأتجه بها خارج البيت إلى المشفى, وأمام الباب دخل والده.
بو عبد الرحمن(بكل نظرات الغضب و الإستغراب):أنت منو سمح لك أنك تطلعها

تتوقعون ويش راح يسوي عبد الرحمن
ويش رايح يصير في سهى. تمووت

أنتظروا البارت القادم
أجمل إحساس