الموضوع: رواية معشوقي كلي معاك معاك حتى للهلاك كاملة

شاب ثاني جالس بجنب إللي كمل الأغنيه يعانون كثير الله يكون بعونهم ووقف ومر من جنبهم وقال : حرام هـ العيون تتعذب . . إرحمها وسن وصلت حدها قالت بصوت ععالي : حقـيـــــــر
لف عليها واهو كان يمشي قال : جمال عيون وفوقها صوت يجنن لا إنتي كامله
وسن خلاص خاطرها تنزل جزمتها وترميها بـ وجهه
راكان وصل حدهـ هذا يتحرش فـ بنته عمه تقدم له وقال : إحترم حالك واقلب وجهك لا وربي إللي خلقني لـ أرتكب فيك جريمه هنا
الولد خاف من تهديد راكان وواضح إنه قريب لها مو صديق مثل مافهم ومشى ع طول وسن شوي وتصيح جا لها راكان قال واهو متوتر حدهـ : روحي إجلسي وراح أجيب لك شيء تشربينه
وسن رايحه فيها كرامتها إنهانت والسبب وتين ومقطعها إللي حاطته لها : ما آبي شيء بروح السيارهـ
راكان : وين تروحين ووسام لسا ماجا وغير هذا صعب إتركك بـ السيارهـ بروحك
وسن شوي وتبكي : بـ اتصل فـ يحيى يجي لي
راكان : وسن الله يرضالي عليك روحي إجلسي وبجيب لك شيء شنو تبين
وسن : ولا شيء
راكان واهو يمشي : مو ع كيفك
خذا له قهوهـ وجاب لـ وسن شيء دافي جا لها حصلها مكانها قال : يلا إمشي معاي
مشت معاه وإهي لو بس تشوف وتين بـ تتوطى فـ بطنها
جلسوا ع طاوله وعطاها الحليب بـ الشاي خذته ونزلته ع طووول مالها نفس لـ شيء
راكان يشغل حاله فـ موبايله ارسل لـ زياد " شوف لي أغنية تحملتك واتصل فييني "
زياد وصل له المسج واستغرب راكان واتصل فيه
راكان : هلا
زياد : خير شـ عندك
راكان : بس آبيها
زياد : ناوي تخرب الدنيا إذا بتهديها
راكان بخاطرهـ الدنيا شكلها خربانه من أول : زياد عطني بسرعه
زياد عرف إن اخوهـ فيه شيء كبير قال : لحظه إهي بـ اللاب حقي وحصلها ع طول وشغلها لـ راكان

تحملتك بما فيه الكفايه
ولا ظني أبتحملك ثاني
أـنا أتعبني تقصيرك معايه
حسافه ماتوقعتك أـناني

أـنا واضح معاك من البدايه
أحسب إن الزمن ع الكيف جاني
جروحك للأسف جت من ورايه
وحظي إللي رفعني لك رماني

أـنا أدري وكل شيء وله نهايه
وأـنا وإنت بشر والعمر فاني
مدامك ماتبي قربي وهوايه
حرام يضيع في قربك حناني

ابعرف بس وش ذنبي وخطايه
وأبعرف ليه تخليني أعاني
وبكرهـ إنت تجي تدور رضايه
ولكن مابغى منهو مابغاني

راكان يسمع لها واهو مسكر عيونه قد إيش كلماتها قويه 'أناني ومقصر وحسافه وجروحي من وراها ' والمصيبه الكبرى " ولكـن ما آبغـى منهـو مابغــاني " عندهـ كل كلمات الإهانه والغدر أرحم بلميون مرهـ من هـ الجمله ماتبغاني يعني خلاص طيب أـنا شـ سويت إنتهت الاغنيه وراكان أخلاقه زفته جروحه تنزف عاش ع أمل هـ الشهور لكن خلاص كل شيء واضح ماتبيني زياد كان ساكت لإن أخوهـ ماتكلم لكن خاف وقال بتردد : راكان
راكان تنهد من غير لا يحس ولما صحى من إللي فيه تمنى إنه يتنهد عند أعداءه لكن وسن لا مالها حق تسمع منه شيء ولا تعرف عنه شيء خلاص وسن إنهبلت أـنا ناقصه تجي تكمل بتنهيدتك هذي وربي عارفه إللي فيك ,, لكن إنت قاعد تمثل علي ليش آبي أعرف يعني عفتني لإني أرمله وأـنا إللي أحلم فيك ليل نهار
رد ع زياد : هلا
زياد : فيك شيء
راكان : لا أـنا بقفل ذا الحين
زياد : أوكي إنتبه لـ نفسك
راكان : إن شاء الله سلام وقفل
زياد متأكد إن أخوهـ فيه شيء
راكان متوتر زيادهـ ع العذاب إللي فيه والمصيبه نك نيمه '!! أحتـرت اسميـك !!' شـ معناهـ لدرجه هذي ماهي عارفه تسميني

وسن جالسه ومتوترهـ اكثر منه داخلها قهر مو طبيعي ولا شربت شيء

الله لايحرمني منك ياعسى عمرك طويل
يـ إللي كل الناس عندي مايساويها غلاك
والله لو أعطيك عمري كله مايوفي الجميل
لو ابوفي ما أقدر اوفي من كثر والله عطاك 'سـت الحبـايـب' إنقهرت يعني تأكدت له النغمه
راكان لما بدت النغمه رفع نظرهـ ع طول لها إهي توترت زود ردت : آلوو
أمها : هلا يمه ,, حصلتيه !
وسن :إيوا يمه
أمها : مطوولين بـ المجمع ؟
وسن : شوي بس
أمها : اوكي باي
وسن : باي وقفلت
راكان بـ خاطرهـ يـ الله للدرجه هذي ياوسن طيب أـنا شـ سويت عشان هذا كله !!
إتصل وسام فـ راكان وقاله وين اهم فيه وراكان كان يشغل حاله بـ موبايله مايبي يحس إنه معاها وبروحهم عشان مايتكلم معاها لإنه الواضح إنها ماتبيه وإللي مايبيه اهو بعد مايبيه

وصل وسام وقف رااكان وقال واهو واضح عليه التغير : إستلم الأمانه واـنا إذا إنتهيت إتصلت فيكم تطلعون
وسام : أـفأ بس لا يكون عطلتك بس .!
راكان يحط إيدهـ ع كتف وسام : ولو إنت ولد عم ومثل أخوي وتمون ع الروح ,, ومشى من عندهم من غير لا يسمع رد وسام
وسام جلس : خير ,, ترا أعرف مزاجك المتقلب لايكون قلب عليه بس
وسن وإهي شوي وتبكي : وسام مو رايقه لك
وسام :أـفأ الدعوى شراكه { قصدهـ إثنينهم نفس الشييء }
وسن تبلع غصتها كل شوي والثاني وسام ماحب يتكلم معاها فـ شيء وقال : نتمشى
وسن تبي تشغل نفسها فـ أي شيء حركت راسها بـ معنى إيوا
مد إيدهـ لها ومسكت إيدهـ بقوهـ وكأنها تطلب منه ينقذها من الموقف إللي عرفت نهاية وضعها مع راكان شنو وسام إستغرب لكن ماحب يضغط عليها وإلا اهو ميت ع مايعرف شنو إللي قلب مزاجها كذا من بعد العيد ماشاف وضعها كذا لا يكون تذكرت الوافي لما جلست مع رااكان 'أـنا اهبل لما اجبرتها تجي مع راكان' تمشوا حدود نص ساعه طبعاً راكان طلع برا المجمع يدخن ع راحته ويطلع كل إللي براسه خلاص ماله شيء بهـ الدنيا كان ع أمل إنها له بعد العدهـ لكن البنت كارهته يعني كل تفكيرهـ فيها راح كذا من غير لا يجيب له نتيجه بعدها بـ نص ساعه إتصل فـ وسام وقال يطلع له راكان ما أخذ الأغراض إللي يببيها من المجمع نفسه عافت كل ششيء خلاص ركب السيارهـ وطش له عطر وكلا علك عشان لا أحد يشك فيه دخل وسام للسيارهـ وسلم
وسن دخلت ولا تبي تتكلم بـ كلمه وحدهـ ,, وجلست مكانها وعيونها ع إللي يسوق واهو واضح إنه بـ عالم ثاني وسام تأكد إن السالفه إللي قلبت الإثنين شيء يخصهم سكت عنهم
وسن شكت بـ الوضع راكان ياكل علك والسيارهـ كلها عطر تذكرت ميار تقول لها هذي حالة نواف إذا وصل وبيرققى لـ جناحي كلا علك وحط عطر وأـنا اعرف إنه لسا ماخذ له كم شفطه وجاي وسن بخاطرها هذا معناهـ إنو راكان "يــدخــن" هدت نفسها لا تجيب العيد معاهـ
راكان حرك السيارهـ من غير لا يتكلم وقفوا عند إشارهـ ورااكان خذا يحوس بـ السي ديات يشغل نفسه لا ينفجر فجأهـ ويهرب فيها من جد حتى إذا إهي ماتحبه ماتعرف إن عندهـ حب تملك ماتعرف إنه يعشق حد الجنون ماتعرف إنه رخص فـ كل شيء ماتعرف إنه بعُدها عنه يعني نهايته ماتعرف إن غيرته جنون حتى من إللي يصيرون لها حصل الأغنيه إللي يموت عليها وبـ خاطرهـ جت فـ وقتها حط السي دي بـ مكانه
وسام : وربي لو وليد معانا ريحنا .
راكان بـ خاطرهـ وسام ماله ذنب : ليش
وسام إستانس إنو راكان تجاوب معاهـ : لإنه يريحك عند الإشارات إذا فتحت خضرا قال يلا حرك
راكان يتغصب الضحكه : ههههههههههههههههههه
وسن بخاطرها أعرف ضحكتك غصب لكن وربي شيء مالي ذنب فيه
بدت الأغنيه وكانت مثل السكاكين تنغرس بـ قلب وسن أغنيتها المفضله الأغنيه إللي إذا سمعتها تبكي عندها لكن منو عاطيها وسام أكيد وتين ماهو كل إللي صار من وتين وسام إستغرب بـ الأول بعدين قال مصيري أعرف شنو السالفه

الوقت بيدور والأيام تتغير
أسمع كلامي وخليني على بالك
تعيش أكثر تشوف بهـ الزمن أكثر
اليوم تضحك وباكر تبكي الحال
مهما تكلمت أدري صعب تتأثر
عنيد مغرور ماتتغير أحوالك { هنا وسن شوي ويجن جنونها أـنا مغرورهـ وعنيدهـ !!!! }
لا طيب ينفع معاك لا صبر لو بصبر
تعبت أغنيك واشرهـ حزن موالك
ياما بحقي خطيت وكنت أـنا عاذر
تظلم وتقسى وقلبي بـ الوفا شالك { ففهمت ع إنها لما تزوجت الوافي }
ماكان بـ البال لا آربح ولا اخسر
والحين أرجوك تكفى شـيلني من بالك
حتى غلاي إللي أخبرهـ تحول
واشوف حتى الشوق فـ ناظرك مات
مليت من قلبـ(ن) يحبك ويسأل
وأكبر دليل إنك نسيت الذي فات { شوي وتنهبل من قو الكلمات وخصوصاً هـ المقطع }
تدور الزله تبي تروح وتزعل
ماعاد لك خلقي ولو بس لحظه
الله يـ الدنيا الله يـ أول
تشتاق لي توله علي كل الأوقات
تخطي بحقي دايمـ(ن) واتحمل
اخفي الآسى عنك وابادلك بسمات
كل الكلام العذب عندك تبدل
والصح في عينك غدا اليوم غلطات


الكلمات قويه حزينه الصوت حزين والموسيقى تكمل الناقص يعني مضغوطه من كل مكان راكان يتعذب أكثر من وسن ,, وسن تبكي تحت لثمتها وسام متأكد إن الأغنيه مقصودهـ من راكان اهو يعرف مزاج إخته لكن مستحيل تصدم أحد أو تجرح أحد وسام ع إنه مو متأكد إلا إنه تأثر مع الكلمات وتين تتصل ع وسن ووسن مسفهه فيها وسام : ردي وريحيني من إزعاجه
وسن تعطيه الموبايل من غير لا تتكلم ماتبيهم يكتشفون إنها تبكي
وسام خذا الموبايل ولا يعرف ليش عطته وفتح الخط : هلا بـ وتين
وتين : وسام وينها وسن ؟
وسام : هنا وعطا لـ وسن الموبايل وسن شوي وتتوطى فـ بطنه
خذت الموبايل وحطته عند إذنها ولا تكلمت
وتين : آلووو
وسن قفلت ماتقدرتتكلم وإهي تبكي لإنها راح تنهار من جد
وسام : ليش قفلتي .
وسن ساكته
وسام : ياربي إنتم شـ فيكم
رااكان بعالمه الحزين ووسن بقهرها
وسام : يااعاااااااااااااااااااااالم أـنا أتكلم
راكان لف له وقال واهو مايبي يتكلم مع أحد : آمر
وسام يتبسم له غصب لما شاف الحزن إللي واضح ع وجهه : سلامتك
راكان تبسم مجامله ولف يكمل طريقه لـ بيت عمه إللي يتوقع إنه يدخله أخر مرهـ وصلوا البيت نزلت وسن ع طووول راكان بـ خاطرهـ حتى ماتبي تجلس لو ثواني لكن مقيوله من باعك بيعه
وسام مسك راكان من كتفه قال : ما راح تقول شنو إللي صاير !!
راكان يتبسم غصب عشان لا يتأكد وسام : سلامتك مافي شيء
وسام : أوكي وين بتروح ذا الحين
راكان : برجع للرياض
وسام إنصدم إلا تأكد إن إخته مطينه الدنيا : نعععععععععععععم ,,
راكان : هههههههههه . . عندي شغل ضروري
وسام بخاطرهـ علي ياراكان إلا كل السالفه منت طايق تجلس بمكان يجمعك بـ وسن : والزواج
راكان : إن شاء الله راح أحضرهـ
وسام: إجلس معانا ليما يوم الجمعه وبعدها إطلع للرياض
راكان منت حاس بـ إللي أـنا فيه ياوسام قال يرقع : جدي متصل فيني يبيني بـ شغل ضروري
وسام بلع السالفه غصب قال : إذا كذا الله وياك { كمل يستهبل } شرآيك تروح بـ سيارتي عشان أكيد ترجع يوم الأربعا إن شاء الله
راكان يتبسم ع سوالف ولد عمه قال : بس ماطلبت شيء
وسام : هههههههههههههههه , , من جد أتكلم
راكان : أـنا ماأتخيل نفسي راكب غير الجيب
وسام : ولا يهمك لكزس وسن تحت أمرك
راكان سمع إسمع وسن إنقلبت أبو الدنيا عندهـ نزل من سيارة وسام وترك المفتاح فيها ونسى عطرهـ وقال واهو يمشي لـ سيارته : أشوفك قريب إن شاء الله
وسام تغير وجهه يعني إخته إللي مطينه الدنيا مو راكان شنو مسويه ياوسن

وتين تتصل ووسن ماترد فيها بعدين قفلت موبايلها وقفلت عليها جناحها وجلست تبكي خلاص راكان فهم السالفه وحسباله أـنا ما آبيه حضنت موبايلها راكان ماسكه بـ إيدهـ وشكل ربي مو كاتب لهم نصيب فـ بعض
وسام دخل البيت وصار يصوت ع وسن حاتم طلع له : خير شـ عندك
وسام : إنت شـ مطلعك من الشركه ذا الحين
حاتم : عندي شغل برا الشركه ونهيته وجيت هنا وبعد المغرب بـ أرجع
وسام : شفت وسن
حاتم : لا
وسام مشى وترك حاتم
حاتم إنقهر من حركته صرخ عليه : وساااااااااااااام .
وسام لف له : نعم
حاتم : شـ صاير
وسام : إسأل إختك ,,
حاتم عقد حواجبه : شـ فيه تكلم من نفسك أفضل لك { حاتم أكرهـ شيء عندهـ إنو الواحد يقول له إسأل فلان يقول لك السالفه مع إنو إللي يتكلم معاه يكون عارف السالفه }
وسام: أبد االله يسلمك راكان رجع الرياض بسبب إختك ويمكن مايحضر الزواج بعد
حاتم : نعمممم ,, طيب ليش ؟

أم تركي : ذا الحين متى بتملك يافيصل
فيصل : قبل الزواج بيوم إن شاء الله
بدر يستهبل : شـ رآيك تدخل عليها من غير ملكه !!
ياسر : هههههههههههههههههههههههههههههههههههه ,, لو تصير سويناها
أم سعود : هذا إللي تبونه
ياسسر يناظر هنادي : قلنا إذا يصير سوينا
بدر يقال إنه غييران مسك ياسر من صدرهـ وقال : وإنت تتكلم عيونك علي مو ع إختي
كلهم : ههههههههههههههههههههههههههههه
أم تركي : بعدي والله ولدي
بدر رز حاله
هنادي الحيا ذابحها أما ياسر يخز ولا همه أحد لإنو تركي مو فيه ^_^
وتين قامت وجلست بجنب وسن وحطت راسها ع كتف وسن وسن ناظرتها وقالت تهمس لها : شـ فيك
وتين وإهي منزله نظرها تحت قالت : ولا شيء
سكتت عنها وسن
ياسر : أـخاف مضيعه أمي
خلود وهنادي : ههههههههههههههههههههههههههههههههههههههههه
وسام : ذا الحين هنادي ماتضحك إلا إذا تكلم ياسر حتى إذا سالفه بايخه تضحك
البنات : هههههههههههههههههههههههههههههههههههههههههه
هنادي قالت ترقع خجلها : خلود ضحكت معاي
وسام : خلود أول مرهـ لكن إنتي ع طوول
بدر: الله يعينك جلس لك وسام خلاص
هنادي : إنت أخوي تكلم
بدر : سوري عند شيء يخص سُلطان أرفع الرايه البيضاء
وسن وحاتم ساكتين جوهرهـ تسولف مع الحريم بروحهم والبنات والأولاد جالسين لـ بعض
وسام : وإذا بدر تكلم خير ياطير
خلود : ههههههههههههههههههههههههه ,, حلوهـ وسام
وسام ضحك غصب
بدر : خير بوجهي وطير فوق راسك
هنادي : هههههههههههههههههههههه حلوهـ صديقي
بدر يتبسم : أعجبتك ؟
هنادي : إذا من صديقي أكيد بتعجبني
وسام : الحمدلله والشكر
خلود : من جد الحمدلله والشكر
بدر : ذا الحين أـنا أخو هنادي وواقفه معاي لكن إنتي شـ يصير لك وسام
خلود : ولد خالي و
وسام قاطعه : إذا سمحتي ياخلود أخوها مثل راشد وصديقها صداقه برئيه
كلهم صارخوا
خلود : أتشرف بهـ الشيء
ريناد : بدر لقط لقط
بدر لف لها لما نادت إسمه أول مرهـ يسمعه منها تبسم لها وقال : عشانك غصب القط
وسام : أمشششششششششش
ريناد وجهها آلوان وتحسفت إنها تكلمت
ياسر : حمد شوف وسام يتحرش فـ محارمكم
حمد يناظرهم وناظر وسام وقال : حدك عاد
خلود : وسام مثل أخوي يعني ماله داعي هـ الكلام
حمد ناظرها أول مرهـ تتكلم معاهـ بـ العادهـ مايجي بينهم اي كلام حتى إذا قليل ,, وذا الحين إلا يعني تكتمه بينهم قال : ما شاء الله أتوقع أخوك إللي يكون من أمك وابوك
خلود: والله أـنا اشوفه كذا وإلا بعد في شيء
حمد يناظرها قال : هذا لما يكون ما أحد سأل عنك يعني لما تكونين حرهـ
خلود : وأـنا ذا الحين إيش .؟ !!
حمد مستغرب قال : إللي سمعته أتوقع إنك مانتي حرهـ
خلود إنقهرت وقالت : متى ماصرت تحت أمرك تعال وقول هـ الكلام
الشبباب والبنات ساكتين مايبون يتدخلون عشان لا يخربون زود وحمد ناااار إذا عصب وخلود ع حدهـ إنقهر من ردها خصوصاً إنهم كلهم جالسين يحمدون ربهم إن الحريم والرياجيل مو قريب منهم مرهـ ومشغولين بـ سواليفهم قال : بتصيرين إن شاء الله
خلود قالت وإهي معصبه : لا تفرح ما راح تصير ,, وإنسى إللي كان
إنصدموا ردها قوي ع حمد حس الدنيا تدور فيه البنات خاطرهم يقومون يدوسون فـ بطن خلود مهما كاان حمد له إحترامه كونه رجُل مو تجي قبالهم كلهم وتقول هـ الكلام قال واهو ماسك نفسه غصب لا يتهور ويقوم يتوطى فـ بطنها : إذا صار لك راي هذاك الوقت تكلمي وإرفضي بكيفك
خلود جنون الدنيا حولها قالت : لااااا
قاطعتها وسن بقوهـ : خلووووووووود خلااااااص وقامت وخذت إيدها وقومتها معاها خلود معصبه : ما آبي أروح
وسن واصله حدها : وربي لـ تروحين معاي أمشي
حمد : وسن إتركيها تطلع كل إللي بخاطرها
خلود : شـ قالوا لك مجنونه !!
سعود : حمد إسكت عنها
حمد : اقص لسانها بعدين اسكت عنها
خلود : مالك دخل فيني وبـ أتتكلم بـ كيفي فهمت بكيفي ودور لك غيري
جرح ورا جرح لـ حمد رجُل وجا له الرفض من خطيبته إللي كانت ع أساس له من قبل وقبالهم كلهم يحس مثل السكاكين تقطع فيه قال بعصبيه : من قال ميت عليك لكن بـ اخذك اقص لسانك بعدين أدور إللي آبيها
الكلام جرحها وبقوهـ مهما كان إهي بنت وتتأثر بـ الكلام قالت وإهي ودها تتوطى فـ بطنه وتأشر عليه بـ إصبعها من فوق لـ تحت كأنها تقول إنت ولا شيء : إذا رضيت عليك إنت تعال وجيب معاك إللي تبيها ومشت عنه مع وسن
وسن صارخت عليها : لييييييييييييش
خلود وإهي تمشي بعيد عنهم لكن صوتها واضح : بـ الطقاق إللي يطقه مايهمني
حمد صحيح وجهه ماتغير في شيء لكن إللي بداخله تحطم قامت وتين لـ وسن وخلود وبعدين ريناد وديما وروزان وبعدهم هنادي وهديل وأمل جالسه مع الحريم ولا تدري عن شيء
تركي جا لهم واهو يشوف البنات رايحات قال : وين راحوا
ما احد رد عليه وجيههم ماتبشر خير أبد ناظر فيهم كل واحد يدور عذر لـ خلود عشان يقدمه لـ حمد طعنته وبقوهـ تركي : أـنا أسأل
سعود ناظرهـ ولف يناظر فـ أخوهـ إللي كأنه ماهمه شيء وإلا اهو يتقطع من داخله
تركي : هييييييييييييييييه إنت وياهـ أـنا اسأل شـ فيكم
وسام تنرفز : ليش معصب
تركي : إسأل نفسك اسأل ولا أحد يرد
وسام يناظر حمد وقال : حمد أـنا ماقصدت اخرب والله
حمد ناظرهـ وتبسم غصب وقال : لا أـنا اعرف إنكم تستهبلون لكن الحمدلله إنها قالت إللي بخاطرها
وسام دمعت عيونه ع حال حمد حاس فيه
حمد : وبعدين ياوسام
تركي : والله العظيم إن فيكم شيء منهي إللي طلعت إللي بخاطرها
بدر : إنت اجلس وتعرف كل شيء
تركي جلس وقال : طول وقتي واقف وحبكت ماتقولون السالفه إلا إذا جلست
بدر : خلود وحمد تخانقوا
تركي يحاول يركز : خلود وحمد
بدر : إيوا
تركي ناظر حمد بقوهـ واهو لسا يستوع

تركي ناظر حمد بقوهـ واهو لسا يستوعب وقال : شـ السالفه ياحمد
حمد : لا تشغل بالك عرفت إنها ماتبيني وخلاص
تركي إنصدم قال : نعم لعب بزارين إهي توافق بـ الأول وبعدين ترفض ع كيفها السالفه
حمد : ماعليك منها
بدر : حلو إنك ماحضرت السالفه عشان ماتكفر فيها من جد
تركي : كلامها قوي
ياسر : مافي اقوى منه
حمد واهو يوقف : خلاص إنسوا السالفه وأـنا أعرف أحل الموضوع ومشى عنهم
الشباب يناظرونه
تركي : لا يكون أحد من البنات غلط معاها { يتمنى وتين توقف مع خلود على أخوها عشان يكفر فيها من جد }
بدر : وسن خذتها غصب ومع هذا وإهي تمشي ترفع صوتها وتجرح بـ الكلام وقاموا البنات بعدهم
تركي : قلعة وادرين تبقى بنت أخرتها ,, إللي خلقها خلق غيرها
فيصل : تركي وش هـ الكلام !!
تركي : أـنا صادق اجل تجرح فيه ع كيفها وتبي يتمناها هيييه إصحوا تراهـ رجال وكرامته فوق كل شيء والله لـ أدوس ع قلبي إذا وصلت السالفه لـ كذا وانسى ولا تهمني
بدر : إهي إللي ماهمها حمد ولا غيرهـ
تركي : قلت قلعتها وقف وقال : بروح لـ حمد حاتم تجي معاي { يعرف حاتم بـ المواقف القويه مافي مثله }
حاتم وقف واهو لو يمون ع خلود كان مسكها من شعرها ومسح فيها الأرض قال : معاك
تركي : من بيروح .
سعود : أخاف نجي له ونزودهـ
حاتم : لا ماعليك
سعود وقف ومشى معاهم لإن الباقين مايبون يروحون ويضغطون عليه زود جلسوا وكل واحد يفكر فـ كلام خلود إللي ماحسبت له حساب

عند البنات خلود جالسه ولا كأنها قالت شيء ولا كأنها جرحت فـ أحد وتسمج بـ موبايلها
هديل : إنتي صاحيه
خلود ماترد مشغوله البنت تمسج
وسن ماتكلمت معاها لإنها تبي تتكلم بـ راحتها تعرف شنو يدور فـ بال خلود
وتين معصبه هذا أخوها : بنت وربي إنك ماتستحين ولا تستاهلين حمد ومشت عنها وإهي شوي وتصيح ع أخوها لحقت فيها وسن
هنادي : ردي يابنت الناس
ريناد تسحب الموبايل منها : هذا إللي غيرك
خلود عصبت من حركة ريناد ووقفت وعطتها كف محترم وقالت : إذا عديتها مرهـ ثانيه قصيت إيدك وإذا غيرها عمل نفسها راح يكون لها أكثر من إلي جا لـ ريناد ,, ومشت لداخل الفيلا
ريناد مصدومه من حركة إختها
هديل , هنادي , ديما روزان لما شاف الكف إللي إنطبع ع خد ريناد كل وحدهـ شهقت من الصدمه
ريناد جلست ع الأرض ونزلت دموعها وبكت بقوهـ ديما وروزان يبكون
ديما وإهي تبكي وجالسه بجنب ريناد وحاضنتها وتبكي معاها : وربي هذي مو خلود مو خلود
هنادي جلست بجنبهم قالت : خلاص لا تضيقون خلقكم
ديما : كيف مانضيق خلقننا وهذي إختنا
وجلسوا يبكون بصوت عالي
هديل مبتلشه تهدي منو وإلا منو

عند حمد كان جالس بـ الفيلا الخاصه للشباب ع الكنبه ومنزل راسه لـ تحت يفكر ومشبك أصابيع إيدينه فـ بعض 'هذي منك ياخلود لكن وربي ما احد ياخذك غيري وساعتها بـ تعرففين من حمد وكيف التعامل معاهـ ,, السالفه ذا الحين تحدي وما اكون حمد إذا ماكسبته ياخلود ' ممكن لو قايله الكلام له واهم بروحهم راح يتركها من نفسه لكن تجرح فيه بـ الكلام وعند الكل لا ما احد يتقبلها دخلوا تركي وحاتم وسعود له حس إن في احد عندهـ رفع راسه وليته ما رفعه لهم واضح تأثير الكلام عليه لما جلس بـ روحه وفكر فيه تركي حس بـ قوة الكلام مع إنه ماسمعه حاتم لما شاف وجهه لعن الحب وساعته وخاطرهـ خلود تكون إخته عشان يحوسها حوس من جد وتحس فـ حمد وإللي قالته له ولو بـ إيدهـ كان عذبها بدل حمد سعود تمنى حزن أخوهـ فيه وقفوا ولا تحركوا يبون سعود عشانه أخوهـ يبدأ بـ الكلام سعود مشى وجلس بجنبه وحط إيدهـ ع كتفه وقال : لا تهمك وكلامها لا يأثر عليك يمكن كانت تعبانه عشان كذا تكلمت كذا
حمد ساكت
حاتم : مو حمد ولد ناصر إللي بتهزهـ وحدهـ بكلامها
حمد كأنه يبي نفس كلام حاتم هذا إللي يقويه ويطلعه من إللي فيه تبسم لـ حاتم
تكلم تركي : إللي خلقها خلق غيرها وتراها بنت لا راحت ولا جت ولا تحسب لها حساب خلاص إهي ماتبي إنت عيفها كلها
حاتم : لا تصير خلود أكبر همك وصدقني بترجع لك مع الوقت وما اكون أـنا حاتم ولد سُلطان
حمد : تصدقون هذا الكلام إللي أـنا محتاجه
حاتم يفهم لـ مثل هـ الأمور تبسم وقال : يلا قوم معانا المغرب أذن
قام حمد معاهم وتوضى وصلوا المغرب وإرتاح كثير أول من كلام حاتم وتركي وبعدها بـ الصلاهـ وجلسوا سوأ مع الحريم والرياجيل لكن البنات مو فيه
أم فارس : البنات وين
حاتم : خليهم ياخذون راحتهم بعيد عننا
تركي : صادق ناخذ راحتنا وهم ياخذون راحتهم
سكتوا الحريم مايدرون عن إللي صار كله لإنهم ماشاوفوا البنات كلش ومستحيل الأولاد يتكلمون فـ شيء

وسن تحاول تهدي فـ وتين ووتين مافي امل إنها تهدأ حاقدهـ وبقوهـ ع أخوها
وسن : ماتوقعتك معقدهـ كذا خلاص قاالت ماتبيه تقبلي رآيها ,, مهما كان هذي بنت خالتك
وتين وإهي مقهورهـ : وسن ,, لو إنها متكلمه معاهـ بينهم اهم الإثنين بكيفها ,, وإلا لو إنها رافضه لما تقدم لها عادي عندي لكن تتكلم عندهم كلهم ومن غير لا تحترم أحد وسن كلامها قوي مرهـ حتى إذا ماوضح لنا حمد إنه تأثر من كلامها إنتي سمعتي الكلام وعارفه شـ كثر يجرح ويحطم الواحد
وسن : أعرف وربي لكن مانعرف عن ظروفها يمكن تمر فـ شيء صعب وهذا إللي أثر ع نفسيتها وتركها تتكلم من غير لا تحسب لـ احد
وتين عصبت : شـ نهي ظروفها كلنا عائله وحدهـ وإللي يصير في العائله نعرف عنه كلنا قولي لي شنو إللي بيأثر فـ نفسيتها
وسن عجزت معاها لها وقت تحاول فيها وإهي ماهي راضيه تقتنع خذت موبايلها وإتصلت فـ وسام
وسام كان جالس مع الشباب والحريم والرياجيل رد : هلا
وسن: وسام حبي كيفك
وسام متعود ع إسلوبها : بخير حياتي
وسن : وسام ’’ حمد عندك
وسام : يس
وسن : كيفه
وسام : ممشي أمورهـ عادي
وسن تكلم وتين : وسام يقول ممشي أمورهـ عادي
وتين : حتى لو يرقص هذا أخوي وأـنا أخته وإللي يغلط عليه يغلط علي
وسام يسمع كلامها قال : صاير شيء غير إللي عندنا
وسن ووتين وصلت لهم هنادي خبر الكف إللي جا لـ ريناد وكلام خلود
وسن : لا تشغل بالك
وسام : قولي لـ وتين تنسى السالفه
وسن : عجزت ماني قادرهـ أقنعها
وسام : أوكي أـنا أشوف الموضوع إنتم فين
وسن : عند المسبح أـنا ووتين بس
وسام : والبنات
وسن : داخل الفيلا
وسام : أوكي باي
وسن : باي

أم سعود تكلم الشباب : فيكم شيء
الشباب يناظرون بعض حاتم : لا مافيني شيء والحمدلله
أم سعود تناظر حمد قالت : حمد
حمد ناظرها وقال : هلا يُمه
أم سعود تبسمت له وقالت : فيك شيء
حمد تبسم لها وقال : شـ بيكون فيني واـنا عندك
أم سعود بحنان الأم : ياقلبي إنت
بدر يتطنز : خذيه إحضنيه
أم سعود تفتح إيدينها له : تعال يُمه عندي { وشددت } بحضن أمك
حمد تبسم لها وقال : بهـ العمر وبتحضنييني
وسام : عادي مافي عُمر للحضن
بدرر : يسلم لي إللي فاهم للحضن ويدورهـ دوارهـ
وسام : ههههههههههههههههههههههههههههه
أم سعود قامت وجلست بجنب حمد ويصير بجنبه سعود وبجنبه الثاني حاتم
يعني جلست مابين سعود وحمد وحطت إيدينها ع الأثنين
ياسر يستهبل ع إنه غيران : لااااااااااااااا ,, وأـنا وين
وسام : هاها بدت الغيرهـ
بدر يببي يقهر ياسر : وسام ماتحس إن ياسر مو ولد لـ خالتي العنود
وسام يجاريه : مو احس إلا متأكد
ياسر : وليش إن شاء الله ؟
بدر : يعني الحنان والحب لـ حمد وسعود وإنت ع جنب شـ معناهـ هذا
وسام : من جد ,, إنت أصغر الأولاد المفروض يكون الإهتمام لك إنت مو للي اكبر منك
أم راشد : العنود خذي ياسر بدل حمد
أم سعود : باخذ ياسر لكن حمد معاهـ
أم راشد : حمد ولدي أـنا { على طول تشوف حمد مثل ولدها وتموووووت فيه أكثر من الكل وإتراحت لما خطب وحدهـ من بناتها لو بـ إديها كان تركته معاها بـ البيت }
حمد عورته الكلمه لكن تبسم لـ خالته غصب
ياسر : خاله غيوض تكلمي لي
أم تركي : ههههههههههههههههههههه ,, شـ أقول إنت ولد العنود مو ولدي
بدر ووسام : هههههههههههههههههههههههههههههههههههههههههههههههههه هه
فيصل : ههههههههههههههههههههههههههههههههه ,, لقط لقط
وسام : ياحرام إللي يتأملون بعدين ينسحب عليهم
بدر: ههههههههههههههههههههههههههههه ,, مو أي سحبه إلا سحبة سيفون هههههههههههههههههههه
كلهم : هههههههههههههههههههههههههههههههههههههه
ياسر : سيفون فيك إنت يامعفن
حاتم : ليش سيفون فيه واهو أساس السيفون
كلهم : ههههههههههههههههههههههههههههههههههههههههههههه
وسام واهو منفقع ضحك : كفك كفك وطق كف حاتم
بدر : لا ياشيخ حاتم
حاتم : ههههههههههههههههههههههههههههههههههههههههههه
ياسر : الحمدلله جا إللي ياخذ لي حقي
فيصل : لا تفرح لإن حاتم بيقلب عليك
حمد قرأ المسج إللي وصل له من وسام وكان كاتب 'روح هد وتين لإنها حاقدهـ ع خلود وشكل بتبكر السالفه إذا مافهمت وتين إنت بـ نفسك وإحنا مو ناقصين المشاكل تكبر وتوصل للشياب' حمد يكلم وسام : وينها فيه
وسام : عند المسبح مع وسن
حمد يبوس راس أمه ويوقف
أمه : وين
حمد : بـ الإذن بروح أكلم وتين شوي وراجع
ومشى عنهم للمسبح . .
لفت أم سعود لهم وبكل جديه : شـ صاير
تركي : الله يهديك ياخاله يعني إحنا جالسين معاكم شـ راح يصير
أم سعود : أـنا متأكدهـ فيه شيء
أم راشد : ويلي بناتي ماشفتهم من شوي { الماسه تخاف كثير ع بناتها وتحب ع طوول يكونون تحت نظرها ولا يغيبون عنها لحظه وحدهـ }
حاتم يرقع : البنات مايحبون يجلسون معانا فـ دخلوا عشان ياخذون راحتهم
أم سعود : بمشي الموضوع مع إني متأكدهـ إن فيه شيء ومتأكدهـ إني بـ أعرفه
فارس يضحك غصب : هههههههههههههههههههه ,, عمه شـ صار لك صرتي توسوسين
أم سعود : ليته مجرد وساويس وبس

حمد وصل عند المسبح وصوت : وتين
وتين ناظرت جهة الباب وقالت : موجودهـ تعال
وسن كانت لابسه لثمتها وتين تكلم وسن : لا تتحركين خليك معاي ترا هذا حمد
دخل حمد وقال : سلام
وسن ووتين : وعليكم السلام
وسن وقفت بتمشي مع إنو وتين محذرتها
وتين بسرعه : وسن إجلسي حمد مثل أخوك
وسن تناظرها : أعرف هـ الشيء لكن بطلع عشان تاخذون راحتكم
حمد : لا مافي شيء خصوصي إجلسي بس
وتين : سمعتي إجلسي
جلست وسن غصب
حمد جلس ع نفس الطاوله إللي اهم عليها .
وسن بخاطرها 'وربي إنك غبيه ياخلود لما تضييعين واحد مثل حمد منك يكفي رجولته' "وسن تعشق الرجُل إللي يكون نفس شخصية حمد وحاتم وخالد وأبوها وتركي وباقي شبباب العائله إللي شخصياتهم قويه مرهـ وكلمتهم مسموعه عند الكل "
حمد : شـ إللي سمعته
وتين : شـ فيه
حمد : أـنا ماجيت من هناك عشان تردين علي بـ سؤال
وتين سكتت
حمد ناظرها وقال : لا تحقدين عليها ولا شيء موضوع بـ النسبه لي إنتهى وآبيه يكون بـ النسبه لك منتهي
وتين : كيف وإهي تتكلم ولا إهتمت فـ أحد تجرح بـ الكلام إنت أخوي كيف ماتبييني احقد عليها خلود تعتبر غلطت علي وجرحتني بـ الكلام ,, لإن الكلام إللي يتوجه لـ أخواني كأنه متوجه لي أـنا
حمد يتكلم غصب عنه وإلا اهو من الداخل نار تحرق : أعرف إني أخوك وتحبيني مثل ما أـنا احبك لكن خلاص إللي مايبينا إحنا مانبيه
وتين : نعععععععععععم
حمد :ترضينها لـ أخوك
وتين : أرضى انه يفهمها منهو حمد
حمد : خلاص وبكذا راح تفهم منهو حمد
وتين بقهر : حمد خلود إنهبلت من شوي طقت ريناد كف عشان البنات كانوا يكلمونها ولا ترد عليهم وسحبت الموبايل منها وصار إللي صار
حمد كل شوي ينصدم فـ خلود أكثر إنصدم أكثر لما عرف إنها عطت أختها كف قال واهو مصدوم : نعم
وتين : وربي
وسن ترقع : حمد ترا خلود مو كذا من قبل . . أـنا متأكدهـ تمر بـ شييء قالب نفسيتها
حمد : أعرف خلود إنها مو كذا من أول لكن خلاص قالت كلامها وإنتهى الموضوع
وتين : بـ النسبه لك لكن اـنا لا .
حمد : وتين الله يعافيك إعقلي وبلا هبل إذا مو عشانها عشان خالتي وفهد إللي مايدرون عن شيء ولا تنسين إحنا يـ أولاد العائله بـ حسبة أخوانها لإن أخوها واحد وصغير ومهما صار وسمعنا منها إلا مانوضح لـ أحد ولا نزعل عليها
وتين :ياسلام عشان خالتي تتزوجها غصب
حمد بكل عقلانية رجُل : عشان خالتي بـ أمشي الموضوع عادي ,, ليما يصير وقت الملكه ساعتها بـ أجي لهم واعطيهم خبر عن الملكه إذا شفت إن الوضع أوكي كملت وإذا رفضت البنت خلاص كل واحد بطريق
حمد كبر بعين وسن ووتين أكثر وأكثر من قبل
وتين سكتت مهما كان اهو أدرى بـ نفسه
حمد : يلا قومي
وتين: ما اقدر أشوفها ذا الحين
حمد : طيب تعالي معانا نجلس هناك
وتين وقفت وخذت وسن بـ إيدها إللي متقطع قلبها ع ولد عمتها مشوا وكل وحدهـ تفكر بـ كلام حمد حمد كان يمشي قبلهم لكن قريب منهم كان أطول منهم بـ كثير وعضلاته بارزهـ تشكيلة جسمه رهيبه وسن كان راكان يمسج لها وإهي ما ترد عليه مشغوله بـ وتين ومشكلة خلود ولا تبي تخبر راكان
وصلوا لمكان جلوسهم وكان الكل شباب وحريم بس حمد : السلام عليكم
كلهم : وعليكم
وتين ووسن : سلام وجلسوا
كلهم : وعليكم
بدر : ما شاء الله عليك رحت بروحك ورجعت بـ إثنين
ياسر يستهبل : أذهب بروحك واحصل ع هديتين مجانيتين
كلهم : هههههههههههههههههههههههههههههههههه
وتين ووسن ماتكلموا
سعود : شـ عندهم ,, بـ العادهـ لسان كل وحدهـ شـ طوله
أم سعود : صدقت الشمس اليوم من فين طالعه
كلهم : ههههههههههههههههههههههههههههههههههههههههههههه
وسام يبيهم يتكلمون : وسن ووتين قهوهـ
وسن ووتين مابعمرهم شربوا قهوهـ وبـ العادهـ إذا سألهم أحد قالوا مانشرب لكن ذا الحين ردهم : لا
وسام : طيب شاي
ثنتينهم : لا
وسام : طيب شيء حلو
وتين سكتت ردت وسن : ثانكيو
حاتم : في أمل وحدهـ طفت بطاريتها والثانيه تتكلم بـ روحها
كلهم : ههههههههههههههههههههههههههههههههه
وسام : حلوهـ حلوهـ ياحاتم طييب شيء مالح
ماردوا عليه لإن شكل ليله طويل الولد
بدر: ههههههههههههههههههههههههههههههههههههههههه ,, فضت بطارية الثانيه
أم فارس : الشاحن وين .؟
كلهم : هههههههههههههههههههههههههههه
تركي مستغرب هدوء وتين بـ العادهـ إهي الوحيدهـ إللي تتكلم
أم خالد : وين باقي البنات
وسن ردت بسرعه تخاف وتين تطيح بـ مطب : كنا عند المسبح واهم داخل الفيلا
أم تركي : ذا الحين إنتم إلا تكونون بروحكم
وسن : وين بروحنا وإحنا بينكم ردت ع موبايلها لإنه يدق طول الوقت :آلوو
ميار : فديت الصوت
وسن تبسمت وقالت : كيفك
ميار : شكل عندك أحد صح !!
وسن: إيوا
ميار : طيب إذا فضيتي إتصلي
وسن: اوكي غناتي
ميار : باي
وسن : باي
أم راشد مشغوله بـ موبايلها وتكلمت : آلوو
ديما : هلا يُمه
أم راشد : وينكم
ديما : بـ الصاله إللي فوق
أم راشد: ليش خلود ماترد
ديما بكت غصب
أم راشد شوي وتنهبل : شـ فيه
ديما : مافي شيء يُمه
أم راشد تنرفزت وبخوف : تكلمي !!
ديما : مافي شيء صدقيني
أم راشد تووقف وتمشي ولا ردت ع الحريم إللي يسألونها شـ فيه مشغول بالها فـ بناتها إهي حاسه إن وحدهـ من بناتها فيها شيء وذا الحين تأكدت من بكا ديما
أم سعود شوي وتنفجر من تعصيبها : وش فيه
وتين إنخرشت قالت : م مافي شيء
حمد : يُمه شـ عرف وتين ووسن واهم كانوا عند المسبح
أم سعود معصبه : هذا إللي شاطرات فيه بس
الكلام قوي ع وسن ووتين وخصوصاً إنه عند الشباب
وسن ناظرتها ولا تبي ترد عليها لإنها إذا ردت بتخرب كل شيء وهذي عمتها إخت أبوها الشباب خافوا إن السالفه تكبر خصوصاً نظرات وسن ووتين إللي شوي وتصيح
سعود : يُمه الله يهديك
أم سعود تقاطعه : إسكت عني إنت
وسن قامت وقامت بعدها وتين مايقدرون يتحملون كلام قوي ومشوا

أم فارس تنادي عليهم : وسن وتين
أم سعود وإهي معصبه : خليهم زعلوا عنهم مارضوا
وسن ووتين كانوا ناوين يردون لكن كلام العنود لـ أم تركي حطمهم بـ المرهـ
حمد : هذا جزاتي جايبهم هنا وإنتي يُمه تطيحين تجريح فيهم
أم سعود : أبوس راس كل وحدهـ ,,!! ماشفت خالتتك صاير لـ بناتها شيء والثنتين هذيل ولا يدرون عن شيء
حمد : وش دخل وتين ووسن في بنات خالتي
أم سعود وإهي معصبه : خييييييييييييييييييير
فارس : عمه تعوذي من الشيطان وراك مسكتيهم واحد ورا الثاني
أم سعود ناظرته وسكتت
إتصلت أم راشد فـ العنود
ام سعود ردت : هلا
ام راشد صوتها متغير شوي : وسن ووتين عندك
أم سعود إستغربت : لا
أم راشد : مع السلامه وقفلت ع طوول .
دخلوا للفيلا وسن ووتين ولا تكلمووا مع بعض ورقوا للصاله إللي فوق وحصلوا البنات عدأ خلود وأمل إللي نايمه بـ غرفتها لـ وقت العشاء
أم راشد : وسن ووتين تعالوا معاي ودخلوا لـ جناح أم راشد .
جلسوا أم راشد : شـ صاير بـ الضبط
وتين سكتت
أم راشد :تكلمي ياوسن
وسن قالت السالفه كلها
أم راشد تنزل دموعها شـ إللي قلب خلود كذا و غلطانه ع حمد بـ الكلام هذا وإهي موافقه بـ رضااها عليه وبعدها المصيبه الكبرى تتجرأ وتطق إختها كف مابعمرها صارت وريناد إللي منهارهـ مرهـ وديما وروزان حايسات مع خواتهم وريم إللي عايشه حياتها مع عزام ولا تعرف عن شيء .
وسن : عمه يكفي
وتين عيونها مدمعه
أم راشد قالت: خلاص أـنا بـ أشوف الموضوع
طلعوا من عندها وراحت الماسه لـ غرفة بنتها خلود

دخلت عليها وكانت تكلم صاحبتها شافت شكل أمها وقالت : لحظه مرام
أم راشد : من باب الأدب كوني أمك تقفلين الموبايل كله مو تقولين لحظه
خلود : طيب البنت متصله وعندها سالفه
أم راشد إنصدمت زود قالت : السالفه أهم من أمك
خلود شوي وتتأفف قالت : مرام شوي واتصل فيك
مرا م : يـ الله ماكملتي شجاعتك
خلود تضحك : ههههههههههههههه ,, سويت إللي آبيه خلاص وإنتهينا من الموضوع
أم راشد جالسه ع الكرسي ومطوله بالها غصب عشان لا ترتكب جريمه فـ بنتها إللي لـ أول مرهـ تشوفها كذا بـ العادهـ إذا شافت أمها بـ غرفتها توقف لها وتاخذها بـ إيدها وتجلسها ويسولفون ويضحكون لكن هذي ماهي خلود إللي متعودين عليها
مرام : خلاص خلاص
خلود : جا له الكلام إللي يسنعه خلاص إنتهى كل شيء
مرام تصارخ من الفرحه قالت : خلاص إذا فضيتي إتصلي
خلود وإهي تضحك : أوكي باي
مرام : باي
وقفلت والموبايل بـ إيدها تفتح فيه يعني البنت مشغله نفسها غصب
أم راشد بكل جديه : شـ إللي سويتيه
خلود بكل برود : شـ سويت
أم راشد : تستهبلين مصيبتك مع حمد ومع أختك
خلود : اختي تستاهل إللي جا لها وحمد موضوع وإنتهى
أم راشد : تقولينها بـ وجهي أختي تستاهل وحمد موضوع وإنتهى
خلود : أجل أكذب عليك
أم راشد معصبه مع إنها ماتعرف تعصب : هذي إختك شـ إللي غيرك عليها مابعمرنا مدينا إيدنا ع أحد سوأ بنت وإلا ولد تجين إنتي تعطين إختك كف بـ أي حق وع أي أساس إنتي إختها وامك وابوك موجودين إذا شفتي عليها غلط مايحق لك تتصرفين كذا مو عشانها سحبت الموبايل تعطينها كف
خلود : قليلة أدب
أم راشد : وإنتي ع كلامك لـ حمد شـ تكونين
خلود معصبه : تقولين عني قليلة أدب
أم راشد : إلا ماعرفنا نربيك وتربيتك من جديد ع إيديني وسحبت الموبايل منها وقالت : مافي موبايل ليما يرجع لك عقلك
خلود وإهي معصبه : كل هذا عشان الحقير حمد .
أم راشد تقاطعها بقوهـ : إنكتمي حمد ماتستاهلينه إنتي تحمدين ربك عليه وملكتك عليه نهاية الشهر
خلود وإهي شوي وتبكي : ما أحبه أكرهه معقد متخلف خليه يدور له متخلفه مثله
أم راشد : ماغيرك المتخلف ومثل ماقلت الملكه نهاية الشهر وإحمدي ربك
خلود : ما آبيه وإذا سويتوا كذا بـ اتطلق منه بعد ما اتملك ع طوول
أم راشد وإهي تمشي عنها : تطلقين بكيفك أهم شيء يدخل عليك فهمتي وطلعت من الغرفه وإهي عارفه إنها قست عليها مرهـ لكن ماتنلام لإن خلود ماتعرف مصلحتها ولا عندها أخو كبير عشان يتفاهم معاها بـ عقلانيه قلبها إنعصر على بنتها والكلام إللي جال ها أول مرهـ تتفاهم مع أحد من بناتها كذا بـ العادهـ ماتعصب عليهم ربي ماعطاها إلا 5 بنات وولد وتخاف عليهم وكل إللي يبونه يصير لكن توصل السالفه لـ مستقبلها وتحوس فيه مثل ماتبي وإهي ماتعرف مصلحتها حمد ما أحد يفرط فيه مجنون إلللي يفكر مجرد تفكير يفرط !
خللوود وإهي تصارخ : ماهمكم سعادتي إرتاحوا بـ اجي لكم مطلقه وساعتها أفرحوا بـ متخلفكم أم راشد تمشي بـ الصاله مطنشه كلامها وإهي تتقطع من داخلها البنات ساكتات مرت من عندهم ونزلت لـ تحت بـ تطلع برا عند الجلسه حصلتهم كلهم داخلين للصاله إللي تحت إلا الرياجيل ماهم فيه وقفت بـ النص واستغربوا شكلها قالت : حمد تعال آبيك شوي ومشت قبله
حمد عرف السالفه ووقف ومشى وراها واهو متحطم بيغصب نفسه عشان خالته وإلا خلود ماتستاهل
حاتم يتكلم لـ عمته العنود : لا تسألين إذا جت إسأليها لإننا مانعرف شيء
أم سعود سكتت
دخل الغرفه حمد ورا خالته وكانت جالسه وإهي منزله نظرها للأرض وتفكر بـ إللي صار لـ بنتها جلس حمد بـ الكنبه الثانيه إللي بجنبها قال بكل حنان :آمريني يُمه .
أم راشد رفعت راسها وقالت : خلود
حمد إنعصر قلبه قال : شـ فيها
أم راشد بصعوبه : كلامها معاك أدري إنه قوي ويجرح كونك رجُل وإهي بنت
حمد يقاطعها : يمه أـنا آبيها مهما كان كلامها يكفي إنها بنتك وبنت فهد هذا أكبر شرف لي
أم راشد تبكي صحيح ماطولت جلوس عند خلود لكن كلامها أتعبها مرهـ كلامها قوي البنت متغيرهـ مرهـ
حمد قام وجلس بجنب خالته ومسك إيدها وباسها وباس راسها وقال : الله يخليك لي .
قاطعته وإهي تبكي : بنتي متغيرهـ ياحمد ماهي خلود الأولى مابعمر أحد من بناتنا تكلم كذا مابعمر أحد مد إيدهـ ع الثاني تجي إهي تعطي إختها كف
حمد بكل حنان مايدري يهون ع نفسه وإلا خالته : صدقيني فترهـ وبـ تنتهي أكيد إننها تمر بـ ظروف صعبه يمكن متأثرهـ من شيء إحنا مانعرفه
أم راشد وإهي باقي تبكي : ماتوصل كذا يابوي البنت بتتعبني
حمد : إن شاء الله لا وصدقيني أـنا شاريها لـ شخصها وكأني ماسمعت كلامها
أم راشد وإهي تحاول تمسك نفسها لكن صعب ع الماسه لإنها تتأثر ع طوول : سحبت جوالها منها لإني أحس إن إللي ورا الموضوع صديقتها وملكتكم نهاية الشهر
حمد مع إن الكلام صعب عليه إلا إنه قال : إللي تبينه بيصير ولا تخافين عليها معاي أـنا حمد ومثل ولدك وإلا عندك شك ؟
أم راشد وإهي ماسكه إيدهـ : ماعندي شك ياقللبي إنت فعلاً ولدي مع راشد طول عمري واـنا أشوفك غير عن باقي أولاد خواتي واخواني والحمدلله إنك صرت من نصيب وحدهـ من بناتي { كملت بصعوبه } مع إني متأكدهـ إنها ماتستاهلك ومع الوقت بـ تعرفك زين وبتندم ع كل إللي قالته لك
حمد يبوس إيدها وقال : وإنتي أمي الثانيه ,, أـنا إللي ما أستاهلها هذي بنت الماسه
أم راشد تسمع كلام حمد ويزود عليها عذاب لإنها متأكدهـ إنه بيعاني مع خلود
حمد : الله يخليك لي خلاص . الموضوع مايستاهل إنك تحرقين نفسك وتنزلين دموعك الغاليه
أم راشد تمسح دموعها وقالت : الله يوفقكم يُمه
حمد يبوس راسها : هذا إللي نحتاجه منك يـ الغاليه وقف ووقفها معاهـ ومشوا وقبل لا يطلعون وقفت أم راشد وقالت : أمك لا تعرف يُمه . .
حمد : مستحيل تعرف أـنا اعرف إذا عرفت راح تزعل عشان كذا ما راح اجيب لها خبر
أم راشد تبسمت لـ ولد أختها إللي كأنه ولدها إللي ماشفت مثل حنيته ومثل رجولته قالت : ييلا نطلع وطلعوا سوا ومروا للصاله وكانو الشبباب والحريم والرياجيل وهذا إللي ماترك أم سعود تسأل عشان لا يشكون الرياجيل فـ شيء ,, جلس حمد والشباب ودهم يعرفون شـ صار أم راشد ماجلست وطلعت فوق تبي تجلس مع بناتها وتخفف عليهم
أبو سعود مايدري عن شيء : أبو البنت موجود ورا ماتكلم إلا خالتك ؟

أبو تركي : لا شكل الواسطه الماسه
حمد : بعد إذن أبوي وسعود ياعمي فهد آبي الملكه نهاية الشهر
إنصدموا من الوقت الشباب أكثر شيء يعني مابقى إلا إسبوعين وكم يوم
أبو خالد : وراك مستعجل خلها بعد إنتهى الإختبارات
حمد : إذا تسمحون لي أـنا مستعجل ومشتري البنت وآبي أنهي أموري بسرعه
الشبباب مصدومين وكل واحد فـ باله كذا سؤال
لكن حاتم وتركي إللي ما استغربوا شيء لإنهم متوقعين هـ الشيء من حمد إنه يتحمل خلود وياخذها عشان خالته مو عشانها إهي
أبو سعود : والله الراي لك يـ ابوي وسعود أخوك واضنه ماهو واقف بدربك
سعود عتبان ع حمد : أـفأ ياحمد تتوقعها مني !!
حمد : محشوم يـ أخوي لكن قلت إنت أكبر مني ولا خطبت وكنا ناوين يكون موضوعي خطوبه ليما تنتهي إنت من موضوعك وذا الحين آبي الملكه قريب وولازم اخذ الموافقه منك أول بعدين نعتمد
سعود : إنت خلص امورك وأـنا بعدك إن شاء الله
حمد : عمي فهد شـ قلت
أبو راشد : إللي يريحك إنت إللي بتملك
حمد تبسم غصب عشان مايشكون فـ شيء ,, وإلا أحد يتمنى ياخذ وحدهـ ماتبيه وعاطيته كلام مثل السم وعند الكل حتى وإذا يحبها يدوس ع قلبه عشان كرامته وإهي داست كرامته بكل غرور ولا همها أحد لكن خالته الماسه فوق كل شيء قال : إللي يريحني نهاية الشهر
أبو راشد : ع بركة الله
أبو فارس : يلا ياعيال للصلاهـ ,, وقاموا الرياجيل قبل الشباب
ياسر : وش إللي عجلك
حمد : كيفي اـنا آبي املك بسرعه
بدر : طيب وبتعرس ع طوول
حمد واهو يوقف : إحتمال لكن مو أكيد
ام تركي : طيب خالتك الماسه عرفت
حمد : أـنا قلت لها
بدر يستهبل : أخذ الموافقه منها أول
حمد تبسم وقال : عليك نووووووووووور
طلعوا الشباب للصلاهـ
الماسه جامعه بناتها بـ جناحها ريناد حاطه راسها بحضن امها وديما وروزان جالسين ع السرير معاهم ويسولفون
ديما : كيف بتملك وإهي ماتبيه
أم راشد : غصب عليها مو بـ رضاها لو إهي رافضه من الأول قلنا خلاص لكن موافقه من نفسها إحنا مو لعبه عندها
ريناد ترفع راسها من حضن أمها وقالت : يُمه لا تغصبونها ع شيء إهي ماتبيه
أم راشد : ياقلبي إنتم صدقوني بكرهـ لما تعيش مع حمد بتندم ع كل لحظه فكرت فيها ترفضه أـنا أمها واعرف مصلحتها
روزان : طيب يُمه إنتي لا تضيققين خلقك وكل شيء بيصير أوكي
أم راشد تناظر بناتها إللي ماتشوف غيرهم بهـ الدنيا وقالت : الله لا يحرمني منكم يارب
كلهم : آمين

راكان يكلم وسن : شـ فيه صوتك
وسن : ولا شيء
راكان : وسن أـنا مو غبي قولي شـ فيك
وسن برقه : فيني الشوق
راكان خذا نفس بقوهـ وقال : وأـنا مشتاق أكثر
وسن خدودها ملونه : صحيح !!؟
راكان : شـ أسوي عشان تصدقين
وسن بضحكه : يكفي كلامك
راكان بنبرته إللي تعودت عليها بـ مثل هـ الكلام : تحسين في إللي امر فيه
وسن رايحه ملح من إسلوبه بـ الكلام , نبرة صوته إللي يضبطها بـ الأوقات إللي صح وتعيش الواحد جو غصب قالت بخجل : أحس { شـ إللي غطسنا في الهيام غير النبرهـ إللي تذوب وتاخذنا لـ بعيـــــــــــــــــــــــــــــد ^_^ }
راكان : آهـ ’’
وسن واصله حدها : سلامتك

راكان : متى تكونين عندي بس
وسن إستحت ولا ردت
راكان : آحح ’’ ع إللي يستحون
دخلت وتين ع وسن وسن أخر شيء تتمناهـ إن وتين تدخل عليها بـهـ الوقت وتين تناظر وسن قالت : حبي إسم الله عليك ليش وجهك لونه كذا محمومه
وسن إنخبصت وخصوصاً إنو راكان يسمع قالت : لحظه
رااكان واهو يضحك : مايطلع فضايحك إلا وتين
وسن ضحكت وقالت : لآ ,, شـ رايك تكلمها بعد !!
راكان يضحك : أوكي عطيها الموبايل
وسن : إذا كلمتها إنسى إني أرد عليك بعدين
راكاان واهو يضحك : أـفأ ليش بس
وسن بدلع : مزاج
راكان راح فيها : فديت المزاج وراعيته يانااااااااااااااااااااااااااااااااااااااااس
وسن ضحكت وقالت لـ وتين : بغيتي شيء
وتين تناظرها قالت : دام السالفه فيها بغيتي شيء أكيد المعشوق راكان
وسن ضحكت بـ حيا وحركت راسها بـ معنى إيوا
وتين وإهي تبوس وسن ع خدها : لبى إللي يستحون ياناس
رااكان : البوسه لك
وسن سكتت
رااكان : قولي لها تمسك نفسها ولا تتعدى ع حقوق الغير
وسن ولعت
وتين : ههههههههههههههههههههههههههههههههههههههههههههههههه
رااكان : شـ عندها تضحك
وسن سكتت
وتين : راكان شـ قلت البنت لونها أحمر صرت اشك إنها دجاجه مصبوغه بـ أحمر
راكان: هههههههههههههههههههههههههههههههههههههههههههههههههه هههه
وسن تتوعد فـ وتين
وتين تضحك وقالت : راكان شوف وسن تتوعد فيني
راكان بصوت يخقق : حبيبتي ,,
وسن ماتقدر ترد الحيا رابط لسانها
راكان بـ نفس الوضعيه : دنيتي كلها
وسن تحس بـ حر من الحيا الزايد مافيها تتحكم في حالها يعرف يذوبها عدل ^_^
وتين جايه بـ جنب وسن وإذنها بـ الموبايل عشان تسمع شـ يقول
وتين تسمع كلامه وإهي تتراقص من داخها ماتلوم وسن لما تعشق التراب إللي يمشي عليه إذا كلامه كذا
رااكان عطى وسن بوسه لها تأثير وبقوهـ وسن خلاص دوروها ماتحصلونها وتين راحت فيها ولما شافت شكل وسن إنفقعت ضحك
راكان يضحك ع ضحك بنت عمته لإنه متأكد إنها تضحك ع شكل وسن ذا الحين قال بيحرجها : آبي بوسه
وسن ساكته
راكان : ترا اـنا ع الخط ترضين تعذبيني
وسن تبي تتكلم لكن ماتقدر من الحيا
راكان : حُب راكان
وسن تكلمت بصعوبه : آمم
راكان : ويل حالي ع غللي ذايبين
وسن بعدت الموبايل شوي عنها وخذت نفس ورجعت تكلمه ووتين إنشغلت تكلم وحدهـ من صاحباتها وباعدهـ شوي عن وسن عشان كل واحد منهم ياخذ راحته قالت : أـحبك
رااكان سكت شوي ثم قال : آجي أخطفك واهرب فيك
وسن ضححكت بـ خفه ,,
راكان : من جد أخطفك واهرب فيك لـ مكان بعيد ما احد يعرفه من إللي يعرفونا كلهم ,, واجيب لي شيخ مصري اعطيه كم ألف ويملك لنا ويصير كل شيء بيننا بـ الحلال وإذا وصل لنا عمي بـ أقول شوف كل شيء بـ الحلال وساعتها مايقدر يتكلم
وسن تتطنز عليه : إيوا صح مايقدر يتكلم
راكاان: من جد يعني لو اخطفك عمي شـ راح يسوي إنتي تخيلي يعني لما أخطفك نروح مكان ما احد يعرفه ولا نتواصل معاهم عشان مايعرفون مكاننا ووقتها عمي شـ بيسوي
وسن : أبد الله يسلمك مو مسوي أكثر من إنه بـيقيم الدنيا ولا راح يجلسها بس هذا إللي بيسويه ثم شوف ساعتها إذا صرت بين إيدينه
راكان : إذا صرنا بين إيدينه إنتي قولي إني ماخطفتك وإنتي رايحه معاي بـ رضاك
وسن ضحكت من قلب
راكان : هههههههههههههههههههههههههههههه
وسن وإهي تضحك : لا يـاشيخ بعد تبيني أقول كذا بس ترا هذا شيء قليل مرهـ .
راكان يستهبل : شفتي عشاني أحبك ما آبي أتعبك وطلبت منك شيء قليل
وسن : الله يخليك لي يـ إللي تحبني اهو من ناحية قليل قليل وبقوهـ
راكان : ههههههههههههههههه
وسن : إتخيل بس من جد تخطفني
راكاان : من جد أـنا ليش اسألك
وسن : إتخيل بس لو أبوي عامل مراقبه لـ موبايلي وسمع سالفة الخطف ما مدانا نقفل المكالمه إلا جايين لك التابعين لـ أبوي وماسكينك من رقبتك وخلال ساعه وإنت عند أبوي
رااكان يهايط : خير ياطير وإذا سمعها
وسن : هههههههههههههههههههههههههههه ,, ركوني بلا عبط
راكان : هههههههههههههههههههههههههههههههه ,, والله بديت اشك الصراحه
وسن : ههههههههههههههههههههههههههههههههههههههههههههههه
راكان : والله العظيم ,, أتخيل عمي الله يحفظه للكل يارب عامل مراقبه من جد ع رقمك وسامع مكالمتنا
وسن : لا تشككني اـنا بعد ,, ترا أـنا ع الدقه
راكان : هههههههههههههههههههههههههههههههههههه ,, والله اتوقع من عمي عامل مراقبه ع رقمي مو رقمك إنتي
وسن : ليش ؟
راكان : عشان يضمن إذا عندي خرابيط وإلا لا
وسن : ههههههههههههههههههههههههههههههههههههههههههههه
راكان : إضحكي ,, شـ عليك إنتي بنته ,,
وسن : وإنت ولد أخوهـ مثل ولدهـ ,,
راكان : لا والله من جد اتوقع المراقبه ع رقمي لإن عمي مايبي يسلمك لي إلا واهو ضامني عدل
وسن : ما أتوقع توصل للدرجه هذي بعدين شـ دخل رقمك لو يبي يضمن راح يترك احد يراقبك من بعيد لـ بعيد وبعدين أبوي أي شيء يبيه يجيبه من غير حتى مراقبه حتى لو تغلط وإنت متأكد إن غلطك هذا بـ الخش أبوي يعرف عنه أوقات لما يكون بـ الخارج وربي يعرف كل تحاركاتنا حتى من غير لا احد مننا يتكلم واي أحد يحصله شيء ولا يخبر أحد أبوي يعرف عنه ونتفاجأ من هـ الشيء
رااكان : صادقه عمي إللي يبيه يجيبه ورقمي ياحلوهـ بيشوف إذا اـنا أخربط إلـى الآن وإلا لا
وسن : طيب إنت تخربط ع قولتك إلـى الأن وإلا لا
راكان : من جدك إنتي بـ أخذ بنت سُلطان وتبيني اخربط إلـى الآن
وسن : ربي يحفظ سُلطان إللي الكل عامل له حساب
راكان : آمين ويحفظ بنته إللي معذبه راكان ولد سعد آخخ مابعمري تعذبت إلا منك مابعمري عشقت غيرك
وسن : مابعمر قلبي نبض إلا لك
راكان : ربي يعديها بسرعه هـ الشهور
وسن : ويعديها ع خير إن شاء الله
راكان : إن شاء الله
وسن : بسألك لكن لا تزعل ولا تتضايق
راكان : مستحيل أزعل وإلا اتضايق منك
وسن : تركت التدخين أـنا من بعد كلامك لي هذيك المرهـ ماسألتك لإني أتوقع إنو كلمتك ماتصير إثنين
راكان : تعرفين لما قفلت من عندك واـنا مادخنت بعدها لإني عطيتك كلمه وتركته عشانك إنتي
وسن : حياتي إنت وربي هذا عشان صحتك
راكان : متأكد مافي أحد بهـ الدنيا يخاف لي علي كثرك
وسن : لو قايل عكس هـ الكلام حستك حوسه محترمه
راكان : ياحلوك وياحلو حوساتك
وسن : يسلمو ,, حبي ,, بعدك تنام بروحك بـ البيت
راكان : قصدك بيتنا
وسن : أوكي بيتنا
راكان : إيوا ليش ماتبيني أـنام في ذا الحين
وسن : أـنا ما آبيك تنام بروحك بـ البيت يعني ببيت أبوك هناك أمك واخواتك واخوانك وابوك ,, لكن ببيتنا مافي إلا إنت ليش ماتنام فـ بيت عمي أفضل لك
راكان : بيت ابوي أجي له زيارهـ بس
وس إنصدمت : بس !!
راكان : إيوا ليش
وسن : طيب كل يوم
راكان : لا ,, لإنك مثل ما إنتي عارفه أخر من يطلع من شركة جدي اـنا وغير كذا زحمة الطريق
وسن : طيب وين عمي وزياد وجدك وخالك واخوك نايف وباقي أولاد خالاتك والموظفين لما أخر من يطلع إنت
راكان : لإن أـنا إللي شايل كل الشغل اهو مو كله كله لكن أهم الشغل أـنا إللي ماسكه
وسن : طيب هذا مايمنع إنك لما تطلع تروح لـ بيت ابوك
راكان : حُبي ,, ما اخذ راحتي هناك مثل ما اخذها ببيتنا
وسن : حُبي إنت مافي أحد ما ياخذ راحته فـ بيت أبوهـ وأمه
راكان : أـنا
وسن إستغربت وماحبت تسأله أكثر عن بيت أبوهـ لإن أكيد في شيء يضايقه من البيت قالت : طيب مممكن أعرف اي يوم تزور بيت جدك .؟ يعني عشان تسلم ع جدتك وخالاتك
راكان : وقت جمعتهم كلهم يوم الخميس أدخل اسلم عليهم أجلس ساعه سواليف وضحك واطلع
وسن : ما تحضر الجمعه كلها
راكان : كل الجلسه حريم شـ آبي فيها
وسن : والحريم خالاتك وجدتك وأمك
راكان : ولا تنسين فـ نفس الجمعه بنات خالتي
وسن سكتت من الغيرهـ من سمعت بس بنت الخاله
راكان سكت شوي وإستغرب سكوتها طول قال : شـ فيك
وسن وصوتها متغير شوي : ولا شيء
رااكان إستغرب صوتها سبحان الله إذا موضوع يقهرها وإلا يأثر عليها ينقلب صوتها ع طوول حتى إذا اخفت وإلا حاولت توضح إنه عادي صاير يعرفها عدل ويعرف شنو إللي يضايقها وإللي يفرحها قال بهدوء : تغارين
وسن سكتت من تتذكر إن راكان مع بنت خالته بـ نفس المكان وتقابله أكثر منها تموت قهر وغيرهـ ,, حتى إذا اهو مايحب غيرها مشكلتها غيرتها جنون ومشكلته مايدري عن كلام خالاته وبنت خالته مع وسن