الموضوع: رواية إلى متى

في بيت ابوعلي
كانو يسولفون وقام ابو علي
ام علي قامت معاه:وين؟
ابو علي:بروح اريح اجلسي
جلست ام علي وابو علي راح لغرفته
محمد:يمه
ام علي طالعته:نعم
محمد:شكل ابوي خق خلاص
ام علي ابتسمت وسكتت
محمد بخبث:روحي يمه روحي
ام علي:وين؟
محمد غمزلها:وين يعني روحي عند ابوي عادي ليه مستحيه منا ترى البيت بيتنا مو ضيوف
غاده ضحكت على هبال محمد
ام علي:صدق انك قليل ادب
محمد تنهد:يمه متى بتزوج؟
غاده فقعت ضحك:وليه مستعجل
محمد:مدري بس ابي اتزوج اشتهيت اتزوج
ام علي:ياسلام
محمد ابتسم:وشو؟
ام علي:شرايك تطلع
محمد يستهبل:لا لاتقولها تكفى
ام علي طالعت فيه
محمد يكمل استهبال:لاتطلقني انا مالي غيرك تكفى خلني اعيش عندك تزوج علي موافقه بس خلني اعيش هنا لاتطردني
غاده:هههههههههههه
ام علي ابتسمت:قوم بس
محمد قام:قايم قايم بس صدقني برجع واخذ حقي منك
ام علي:هههههههههه انت شارب شي؟
محمد:لاوالله رحت بشرب قالو لي خلص
ام علي تجاريه:كأني اذكر انك كنت تحط بغرفتك
محمد:أي كنت احط بس شكل منيصير الدب شربه حرام عليه مشتهيه حيل مااقدر اتحمل اكثر من كذا،وكمل وهو يسوي نفسه بيبكي:تخيلوا توحم عليه لو ماشربته بيتشوه الجنين
ام علي تضحك:قم الله ياخذ بليسك
محمد:ليه؟
ام علي:وشو الي ليه؟
محمد:بليسي ابيه ليه تدعين عليه
غاده:ههههههههههههههه وقسم بالله انك تحفه كل يوم تعال عندي ضحكني
محمد ابتسم:حاضرين يلا سلام
طلع محمد من البيت وام علي وغاده كملو سوالف


في بيت ابو نايف
مها:هههههههه تخيــ ماكملت كلامها لانها شافت نوف تركض للحمام
مها خافت عليها ولحقتها
مها:نوف شفيك؟
نوف بعد مااستفرغت:ولاشي بس احس بطني
مها بصراخ:حححححححححامل
نوف فتحت عيونها:لا مااتوقع
مها:ليه لا
نوف:مدري بس مااتوقع
مها:مافيا لا نروح للمستشفى نشوف
نوف:مدري خليني اكلم نايف اقوله اني بروح المستشفى
مها:لا ياهبله لاتقولين له المستشفى قوليله بروح مع مها السوق تبي تشتري شي وتبيني معاها
نوف:ليه مااقول له؟
مها:ياغبيه سويها مفاجأه
نوف:بس ماودي اكذب عليه وانا ماادري اذا جد ولا لا
مها:انتي الكلام ماينفع معك تدرين شلون قولي الي تبينه انا بروح البس عبايتي واجي
نوف:طيب
راحت مها لبست عبايتها ونوف اتصلت على نايف


عند البحر
كان جالس نايف واحمد
نايف:طيب قول لها
احمد:مستحيل انت لو تشوف ردها اليوم ماتصدق
نايف عقد حواجبه:ايش قلت لها؟
احمد:اسمع بقولك كل شي من اول ماشفتها الى الحين
نايف:طيب
احمد قال لنايف كل شي
نايف:اقولك بس ماتزعل
احمد:قول
نايف:واضح انها ماتحبك
احمد:ادري وهذا القهر انا حبيتها وهي ماتدري عني ونسيت اقولك اني كلمت صديقتها
نايف باستغراب:كلمت صديقتها؟ليه؟
احمد:صديقتها واضح انها طيبه واخلاق وكلمتها عشان تفاتحها بالموضوع لاني اخاف اتكلم ويصير الي ماابيه
نايف تنهد:الي ربي كاتبه بيصير وان شاء الله خير
احمد بضيق:ان شاء الله
نايف بحاول يغير جو وقال يستهبل:اجل طلعت تحب من ورانا وغمز له
احمد:هههههههههه
نايف:توك تقول وانا اقول ليه الولد مو زي قبل كل يوم لازم نطلع ونسهر وعلى طول مع بعض
احمد:اعذرني ياخوي بس والله ضغط علي بالشغل
نايف:الله يعينك واذا تبي مساعده حاضرين
احمد:ماتقصر
نايف كان بيتكلم بس قطع عليه صوت جواله وكانت نوف
نايف:الو
نوف:هلا
نايف:اهلين
نوف:اممم نايف عادي اطلع مع مها
نايف عقد حواجبه:وين؟
نوف:بنروح السوق مها تبي اغراض
نايف:امي بتروح معكم؟
نوف:لا خالتي نامت
نايف:اها خلاص روحي بس اذا رجعتي كلميني ولاتتاخرين
نوف:اوكي مع السلامه حبيبي
نايف:مع السلامه
راحت نوف مع مها المستشفى وسوو تحاليل وقالو لهم تطلع بعد ثلاث ايام

بعد مرور يومين
طلعت ريم من المستشفى ورائد كان يروح لها البيت ويجلس معاها وراكان وراها صور العايله وماعرفت ولااحد وقالها ان اليوم بيجون عشان يشوفونها هي كانت حاسه بالخوف وراكان قالها انه ماراح يتركها الى لما هي تطلب منه

في بيت ام نايف
ام نايف:يلا يامها
مها وهي تنزل من الدرج:طيب يمه هذاني جايه
ام نايف:صار لي ساعه استناك
مها:يلا جيت جيت الي يسمعك يقول رايحين عرس تراه بيت خالي
ام نايف:امشي وانتي ساكته
طلعو من بيتهم متوجهين لبيت فهد


عند ام سلطان
شهد عند الدرج تنادي سلطان:يلا سلطان
سلطان يكلمها وهو فوق:جاي جاي
ام سلطان:شفيك مستعجله كل ذا عشان راكان
شهد وجهها الوان من كلام امها
ام سلطان:ههههههههههههه
شهد:لاتلوميني يمه من زمان ماكلمته
ام سلطان:غبيه اقولك افتحي جوالك بس مانتي راضيه
شهد:خلاص يمه بفتحه اليوم
ام سلطان:بعد وشو بتروحين الحين وبتشوفينه
شهد تنهدت بعدين لفت على الدرج وبصراخ:سلطانو يلا
سلطان وهو يصرخ:جاااااااااي
شهد:بسررررررعه
سلطان نزل:خير خير نزلت ول مره تروحين بيت خالي وانا مدري بعدين ابتسم:ولاعشان بعض الناس صارت حلوه الروحه وغمز لها
شهد استحت وحاولت ماتبين:لايكثر بس
سلطان:طيب طيب مردوده
ام سلطان:خلااااص انتو ماتتعبون من الهواش
شهد:هو الي بدا يمه
سلطان:ماعليك منها هي الي بدت
ام سلطان:خلاااص يلا امشو نروح تلاقون الكل هناك الحين واحنا متاخرين


في بيت ابو علي
ابو علي:بتروحون الحين؟
ام علي:أي بس استنى غاده وعلي بنروح معهم
ابو علي:متى بتروجعون؟
ام علي:مدري والله ليه تبي شي؟
ابو علي:لا بس سلميلي على ابو راكان
ام علي:ان شاء الله تعال ابي قطع عليها دخول محمد الي سمع اخر كلامها
محمد:اوه سوري قطعت عليكم
ام علي باستغراب:وشو؟
محمد:علينا وشو تسوين نفسك ماتدرين توك تقولين لاابوي تعال ابي والله اعلم لو مادخلت كان ايش قلتي
ام علي بعصبيه:عيب ياولد شهالكلام
محمد:ماقلت شي غلط انا
دخل منصور
منصور:سلام
الكل:وعليكم السلام
ابو علي:بتروح معهم؟
منصور:أي بروح تو رائد اتصل علي يقول تعال
ام علي:اتصل على اخوك
منصور:أي اخو؟
ام علي:علي اتصل عليه وقول له بسرعه
منصور:بيروح معنا؟
ام علي:أي هو الي بيودينا يقول
منصور:شدعوه يمه وانا وين رحت
ام علي:فيك الخير والبركه بس هو مصر انه يوديني
منصور ابتسم وقام:عن اذنكم بروح البس قبل لااروح بيت خالي
راح منصور لبس ونزل واول مانزل شاف علي اخوه توه داخل وقال له يروح معهم منصور عارض في البدايه بس علي اصر عليه


ام راكان ماوصل لها الخبر للحين راكان خايف يقولها ويصير فيها شي هي كفايه عليها زوجها المريض ماراح تقدر تتحمل ان بنتها بعد تمرض


الكل توجه لبيت ابوراكان مايدري ريم راح تعرفه ولالا الي يعرفونه انها حاليا ماتعرف غير اربعه بس ابوها واخوها وزوجها وصديقتها



انتهى البارت
توقعاتكم؟

"البارت الرابع عشر"

وصلو كلهم عدا رائد ونايف ونوف والجد والجده بيت فهد وكانو فهد وراكان وريم جالسين يستقبلونهم راكان كان واقف جنب ريم عشان يعرفها عليهم وينفذ وعده انه ماراح يتركها الا اذا طلبت
بدا الكل يسلم عليها وراكان بجنبها يعلمها مين اخر وحده كانت شهد جات بتسلم عليها لاحظت انها سرحانه طالعت براكان
راكان ابتسم:سلمي عليها اول بعدين لاحقين احنا على بعض
شهد وجهها الوان:هي شكلها سرحانه
راكان:بكره بكلمك ابي اقولك شي
شهد:ان شاء الله
ريم في نفسها:مين هذي كاني شفتها من قبل ماهي غريبه علي ياغبيه كلهم مو غريبين علي بس هذي مدري احس اعرفها اكثر منهم،وعت من سرحانها على دقت راكان
ريم لفت عليه
راكان ابتسم:سلمي على بنت عمتك شهد وزوجتي
ريم:انت ممتزوج؟
راكان:أي بس مابعد اسوي عرس نفسك انتي ورائد
ريم:اها
خلصو سلام ودخلو داخل كانو الكبار في جهه والباقي في جهه وراكان جلس جنب ريم بعدين قالها شي باذنها والكل يطالعهم يبون يعرفون ايش
ريم:أي.ليه.اها.طيب
محمد:لايتناجر اثنان
راكان:انت شدخلك فينا
محمد:والله اني داخل من الباب
راكان:نضحك يعني
محمد:ماطلبت منك
راكان:انا اتكلم من غير مااحد يطلب مني
سلطان:بس انت وياه لاتغيرون السالفه
راكان:أي سالفه؟
سلطان:شكنت تقولها؟
راكان:انتو شدخلكم ابي افهم
سلطان:ليه ماتبي تقول؟
راكان:بكيفي
محمد:ليكون ناوي تتزوج
راكان:يالغبي انا متزوج
محمد:طيب زوجه ثانيه
راكان:لا احلف
سلطان:سمعتي شهد يبي يتزوج عليك
شهد ابتسمت:عادي
محمد:افا وشو عادي انتي بعد
راكان ضحك:لقطو انت وياه
محمد:هاهاها ماتضحك
راكان:محد طلب رايك
سلطان قطع عليهم:جد شهد عادي؟
شهد استغربت نبرة اخوها قالت:شفيكم مو انتو تمزحون
سلطان:يعني تمزحين؟
شهد ابتسمت:أي
راكان:يعني مااتزوج؟
شهد:لا
محمد:ههههههه راحت عليك ياحلو
راكان ابتسم:اصلا مين قال اني كنت بتزوج وحده ثانيه
سلطان ضحك
راكان:خير ليه تضحك
سلطان:شكلك طحت ومحد سمى عليك
راكان طنشه ولف على ريم:ريوم حبيبتي تعبتي؟
ريم الي كانت ماسكه راسها وتحاول تتذكر مواقف صارت بينهم:لا
راكان مسك يدها ونزلها:لاتتعبين نفسك ان شاء الله بتتذكرين
ريم ابتسمت:ان شاء الله
راكان فرح في داخله انها تجاوبت معاهم
دخل رائد
رائد:السلام عليكم
الكل:وعليكم السلام
راح رائد وجلس جنب ريم من الجهه الثانيه
رائد:اسف حبي تاخرت
ريم ابتسمت من غير ماترد
رائد مسك يدها وكان بيقولها شي
محمد بصوت عالي:لاااااااا
الكل التفت له
رائد:بسم الله شفيك
محمد:حرام عليكم ياخي حسو شوي
رائد:نحس بايش؟
محمد:راعو شعور الي ماتزوجو كل واحد عايش جو مع زوجته الاخ وياشر على راكان كل شوي يبتسم للاخت وياشر على شهد والاخ الثاني وياشر على منصور كل شوي يطالع الاخت وياشر على مها وسكتنا جاي انت تمسكها بعد لا عاد هذي مانقدر نتحمل
راكان لاحظ ان شهد استحت لان محمد فضحهم عند الكل:اقول ليه ماتسكت انت
محمد:خلاص انا تعبت
رائد:ياخي روح تزوج مين ماسكك
محمد تنهد:يقولون باقي على الزواج انا ترى اذا ماتزوجت بتهور
منصور رفع حاجب:ليه ايش بتسوي يعني
محمد:اممم يمكن اخطف فتاة احلامي واهرب بها بعيدا
الكل ضحك وريم ابتسمت
رائد صرخ:بسسس
ريم مسكينه اخترعت
راكان:هههههههههههههههههههه
ام نايف:الحمدلله والشكر على هالاعيال
ام علي:أي والله الحمدلله والشكر الله يكملهم بعقولهم
محمد:اقول يمه
ام علي:نعم
محمد:ماابي افضح انا الحين
ام علي:وشو؟
غاده:ههههههههههههههههههه
محمد طالعها وضحك
قطع عليهم دخول نايف ونوف:السلام عليكم
الكل:وعليكم السلام
سلمو عليهم وراكان عرف ريم عليهم بعدين جلسو
ام علي:أي هذا الناس العدله مو الي يدخلون من غير سلام
رائد:انا سلمت اول مادخلت
ام علي:انا ماقلت انت بس الي على راسه بطحه
رائد ضحك بعدين تذكر شي كان بيقوله لريم اول مامسك يدها لف على ريم وقال لها بهمس:اسف اني تاخرت كنت اتمنى اني اكون معك لما شفتيهم
ريم بابتسامه:لاعادي
راكان:تعال رائد
رائد طالعه:هلا
راكان:ليه تاخرت
رائد:ابد والله مريت الشركه وشفت جدي ومابقى شغله ماعطاني اياها
راكان بصوت واطي:كان سحبت
رائد:جالس عندي في المكتب
راكان:هههههه والله هالشايب مدري شلون يفكر
رائد:ههههههه أي والله صدقت لا بعد ماخلصت قال لي ابيك توديني كم من محل قلتله انا بروح لزوجتي الحين وطلعت وخليته
راكان:الله يعينا بس
ريم كانت ساكته وتسمعهم ماتدري ايش تعلق بس حست انهم يكرهون تصرفات جدها
محمد:اقول رائد
رائد:قول
محمد:ليه صرخت قبل شوي
رائد:متى؟
محمد:لما قلت بس
رائد ابتسم:كنت بتوسط لك عشان تتزوج
محمد:والله؟
رائد:أي
محمد:ادري انك تحبني بس شسوي
رائد:وععع مالت عليك
محمد ضحك:جد ليه تبي تزوجني؟
رائد:لانك خليت ريومتي تضحك
ريم طالعته وبصوت واطي:بس انا ماضحكت
رائد بنفس النبره:ابتسمتي نفس الشي
ريم ابتسمت على خفيف
محمد:طيب والحين؟
رائد:وشو؟
محمد:بتزوج؟
رائد:والله كانك عجوز ماتزوجت وتبي تتزوج
محمد:جاوبني
رائد:مدري افكر
محمد:مالت عليك
رائد:وعليك
جلسو يسولفون بعد ساعه تقريبا
قامت ام نايف:يلا انا استئذن
فهد:وين تو الناس
ام نايف:لا بروح البيت الحين ابو نايف هناك مااقدر اخليه
فهد:الله معاكم سلمي عليه
ام نايف:ان شاء الله يوصل لفت على مها:يلا قومي
مها:لا يمه انا بجلس
ام نايف:مين بيجيبك بعدين؟
مها:رائد
رائد:نعم نعم لا طبعا
مها:ليه لا
رائد:كذا ماابي
مها:انا قلت انت يعني انت
رائد:اجل اجلسي هنا لين يطردونك
مها:لا والله
فهد:ههههههههههه ماعليك منه يابنتي
ام نايف بخبث:خلي منصور يوصلك
مها طلعت عيونها:وشو؟
ام نايف كاتمه ضحكتها:أي عادي مافيها شي ولفت على منصور:شرايك يمه توديها ولا مشغول؟
منصور:لا خالتي ماني مشغول
ام نايف:خلاص اجل الله لايهينك وصلها للبيت
منصور:ابشري ياخاله
مها:خخلاص اانا برجع مععاك يمه
ام نايف:هههههه يلا امشي
لبست مها عبايتها وراحت مع امها
وبعدها الكل راح لبيته


اليوم الثاني
كانت نوف مع مها في السياره رايحين المستشفى
نوف:خايفه
مها:عادي لاتخافين الي كاتبه ربي بيصير
نوف:اذا ماطلعت حامل يـ
قطعت عليها مها:خلاص يانوف ان شاء الله حامل
نوف:ان شاء الله
وصلو المستشفى وكانو خايفين من النتيجه لكن بعد ماعرفوها فرحوا وركبو السياره وهم فرحانين
نوف:مها انا ححححححامل
مها:ههههه ونااااااسه بصير عمه
نوف:نايف ماراح يتزوج علي
مها:بصير عمه بصير عمه
نوف:هههههههههه
مها:حلمي تحقق
نوف:أي حلم؟
مها:اصير عمه
نوف:والله انك فاضيه
مها:هههههههه
نوف:اسمعي لاتقولين لاحد
مها:لييه؟
نوف:بسويها مفاجاه لهم
مها:اوكي
نوف:لحد يدري انك كنتي تعرفين حتى انت سوي نفسك متفاجاه
مها:ان شاء الله


عند عبدالعزيز
عبدالعزيز:متى؟
الجد:وشو الي متى؟
عبدالعزيز:متى بتكلمه؟
الجد:متى ماكلمته انت ماعليك
عبدالعزيز:وشلون ماعلي يبا انا ابي البنت
الجد:قلنا لك طيب انت ماتفهم
عبدالعزيز حس انه لو زودها يمكن ابوه يغير رايه ويرفض فقام:اسف يبا انا بروح الحين بجيب امي من المستشفى
الجد مارد عليه
راح عبدالعزيز للمستشفى عشان يجيب امه


عند راكان
كان جالس يكلم شهد
راكان:اسف
شهد:على؟
راكان:اني انشغلت عنك وماصرت اكلمك زي قبل
شهد:شدعوه حبيبي هذي اختك
راكان:وانتي زوجتي
شهد سكتت
راكان:أي كنت بقولك
شهد:وشو؟
راكان:وين حابه تسافرين شهر عسل؟
شهد:المكان الي يعجبك
راكان:تبين نروح مع رائد وريم؟
شهد:ليه هم وين بيروحون؟
راكان:بيروحون ايطاليا
شهد:لا نروح لحالنا احسن
راكان:أي انا بعد قلت كذا بس قلت اشوف رايك
شهد:حبيبي ماما تناديني اكلمك بعدين
راكان:اوكي مع السلامه انتبهي لنفسك
شهد:ان شاء الله


في بيت ابو نايف
دخلت مها بعد ماوصلت نوف لبيتها وكانت فرحانه
ام نايف:شعندك؟
مها:وشو؟
ام نايف:اشوفك فرحانه
مها:حرام افرح؟
ام نايف:لا بس غريبه تفرحين من غير سبب
مها تبي ترقع باي طريقه مالقت الا انها ترفع ضغط امها:هههههههههه حلوه حلوه
ام نايف:الحمدلله والشكر بس لفت على رائد الي يطالع التلفيزون ومندمج معاه:رائد
رائد من غير مايلتفت:هلا
ام نايف:طالعني طيب
رائد:يمه تكفين بعدين بعدين
ام نايف:وش تطالع انت؟
رائد:يمه شوفي التلفيزون انتي وش تشوفين
ام نايف:اشوف اثنين يتهاوشون ويتكلمون مدري وش يقولون
رائد:هذي مصارعه يمه
ام نايف:طيب مصارعه يعني وش الي شادك فيها
رائد عارف ان امه بس تبيه يزهق ويقوم فقال هو يزهقها:لان بعد شوي بيجون بنات اخ يايمه كل وحده تقول الزين عندي
ام نايف:قدامي تقول هالكلام يالي ماتستحي
رائد:هههههههههه
دخل ابو نايف:السلام عليكم
الكل:وعليكم السلام
ام نايف:تبي احط لك الغداء؟
ابو نايف:توني جاي خليني ارتاح شوي
ام نايف:طيب على راحتك


عند ريتاج
ريتاج:والله ياشوق طول امس مانمت
شوق:ليه؟
ريتاج:بقولك السالفه الي صارت امس بيني وبين ابوي لما رجع من الشركه
شوق اوكي
ريتاج قالت لها:
ابو ريتاج:تعالي يمه ريتاج ابي اقولك شي
ريتاج:هلا يبا
ابو ريتاج:اليوم تقدم لك واحد
ريتاج:يبا انت تدري اني ماابي اتزوج الحين
ابو ريتاج:الي تقدملك مافيه شي مايصير نرفضه كذا على الاقل نقوله ان كل شي بعد ماتخلصين
ريتاج:طيب ايش اسمه كيف مواصفاته كيف شخصيته؟
ابو ريتاج:اسمه احمد ال.
ريتاج فتحت عينها بصدمه
ابو ريتاج:شفيك؟
ريتاج:خلاص يبا عرفته ماابيه
ابو ريتاج وهو يقوم:انتي فكري انا ماراح ارد عليه الحين يلا مع السلامه
ريتاج:وبس هذي السالفه
شوق:احمد نفسه الي قلتي لي عنه
ريتاج:أي هو
شوق:طيب انتي شرايك؟
ريتاج:اكيد لا
شوق:ليه؟
ريتاج:بس كذا ماابيه
شوق:حرام عليك شكل الولد يحبك
ريتاج:مالت عليه
شوق تنهدت وقامت بتطلع من غرفة ريتاج:مامنك فايده راسك يابس
طلعت شوق وريتاج جلست تفكر لو وافقت ايش بيضرها طيب لو ماوافقت ايش بيصير


عند ريم
كان جوالها يرن ولما تشوف الاسم تقرا فيصل عقدت حواجبها مين هذا فيصل فيصل حاولت تتذكر وفرحت لما تذكرت مره وحده شكلها فرحانه جالسه تنادي فيصل تعال ريم هنا
قطع عليها تفكيرها راكان الي جلس جنبها وحط يده على كتفها
ريم طالعته
راكان اعطاها جواله:هذا فيصل اخوي يبي يكلمك حاولي تعطينه إجابات مختصره لكلامه لاتبينين له شي
ريم:ليه؟
راكان:لاني للحين ماقلت لهم شي اخاف يزعلون
ريم:طيب
اخذت ريم الجوال
ريم:الو
فيصل:هلا والله باختي القاطعه
ريم:هلا
فيصل:كيفك؟
ريم:تمام وانت؟
فيصل:عال العال ليه ماتردين علي
ريم:جوالي ضايع
فيصل:اها طيب متى بتجونا اشتقنالكم
ريم:قريب ان شاء الله
فيصل:ان شاء الله
ريم:الحين انا لازم اسكر
فيصل:اوكي حبي انتبهي لنفسك وسلمي على راكان
ريم:ان شاء الله مع السلامه
فيصل:مع السلامه
راكان طالع ريم:بعد بكره ان شاء الله بنروح لهم
ريم:مين؟
راكان:امي وزوجها واخواني وخواتي بالرياض بنروح لهم جهزي ملابسك بنجلس يومين هناك
ريم:ان شاء الله
قامت ريم تجهز لها ملابس وسمعت صوت جوالها شافت المتصل رائد
ريم:الو
رائد:هلا والله
ريم:اهلين
رائد:كيفك؟
ريم:الحمدلله وانت؟
رائد:انا بخير دامك بخير
ريم سكتت
رائد:حبيبتي جد الي سمعته؟
ريم:وشو؟
رائد:بتروحين الرياض بعد بكره وبتجلسين هناك كثير
ريم:يومين بس
رائد:الخايس راكانو يقول لين يوم العرس بس حتى ولو كثير يومين
ريم سكتت
رائد:انتي تبين تروحين؟
ريم:اكيد ابي اشوف امي
رائد تنهد:تروحين وترجعين بالسلامه
ريم:الله يسلمك
رائد:لااوصيك كل يوم تكلميني طيب
ريم:ان شاء الله
رائد:يلا حبي انا بسكر الحين
ريم:اوكي مع السلامه
رائد:مع السلامه


في بيت الجد
الجده:وشو؟
عبدالعزيز:يمه تكفين كلمي ابوي
الجده سكتت
فهد:يمه انا امس كلمت ابوي عشانه بس تعرفين ابوي راسه يابس يمكن انتي اذا كلمتيه يرضى
الجده:خلاص انا بكلمه
عبدالعزيز باس راس امه:الله لايحرمنا منك يالغاليه
فهد فرح لفرحت اخوه
عبدالعزيز وهو بيطلع:انا طالع تامرون على شي
فهد:سلامتك
الجده:روح يمه الله يحفظك
طلع عبدالعزيز من عندهم وهو متأمل ان ابوه بيوافق
فهد طالع في امه:يمه بقولك شي
الجده:وشو؟
فهد:.


انتهى البارت
توقعاتكم؟

"البارت السادس عشر"


فهد:يمه بقولك شي
الجده:وشو؟
فهد كان بيتكلم بس قطع عليه صوت ام نايف وهي تدخل و تسلم وهم ردو عليها السلام بعدين فهد طلع
ام نايف:الحمدلله على سلامتك يمه
الجده:الله يسلمك يابنيتي وين عيالك ليه ماجبتيهم؟
ام نايف:مها نايمه ورائد طالع ان شاء الله بيجونك بوقت ثاني
الجده:ان شاء الله



في بيت نايف
دخل نايف البيت ماشاف نوف في الصاله راح المطبخ لقاها تطبخ راح لها وحضنها من ورى
نوف نقزت:بسم الله
نايف:اسف خوفتك
نوف:لا حبيبي عادي
نايف ابتسم لها
نوف:حبيبي ابي اقولك شي
نايف:وشو؟
نوف:انت خمن
نايف:اممم مدري ماعرفت
نوف:ههههه امداك تفكر
نايف:أي انا تفكيري سريع
نوف مسكت يده ومشته معها للصاله وجلسو على الكنبه
نوف:نايف انا حامل
نايف:وشو!
نوف ابتسمت:حامل
نايف بفرح:تمزحين
نوف:والله حـ
ماحست الا وهي تدور بالهواء
نوف:ههههههه نايف نزلني
نايف:احبك احبك احبك
نوف:هههههههه انا بعد بس نزلني
نزلها نايف وحضنها
نايف:مو مصدق ياقلبي واخيرا بيصير عندنا ولد
نوف:ولد مره وحده
نايف:أي انا ابي ولد
نوف سكتت
نايف:ليه انتي تبين بنت؟
نوف:عادي اهم شي يكون سليم
نايف:ان شاء الله حبيبتي
نوف طالعته
نايف:ماخلص الاكل تراني جوعان حدي
نوف:الحين احطه حبيبي ثواني بس
راحت نوف تحط الاكل اما نايف راح ياخذ له شور عالسريع وهو فرحان



في بيت ابو علي
ام علي بصراخ:محمد
محمد وهو نازل من الدرج ركض:هلا يمه
ام علي:تعال اخذ هذي الكيسه وودها لبيت ال.
محمد صفر:الي عندهم بنت مزيونه
ام علي ضحكت
محمد:يالبيه بس واخيرا بشوفها
ام علي:منهي؟
محمد:بنتهم يمه اذا شفتيها تخقين عليها
ام علي:اقول شرايك تروح وانت ساكت
محمد وهو طالع:الله يهديك يمه لازم تفشليني تحمسي معاي على الاقل وين غاده بس هي الي تحمسني
ام علي قامت تضحك على ولدها



في بيت ابوراكان
راكان:ريم حبيبتي
ريم:هلا
راكان:شهد بتجي بعد شوي
ريم:طيب ادري
راكان:افهمي ياحلوه
ريم طالعته باستغراب
راكان:شهد بتجي مع مها وصديقتك بتجي معهم
ريم:طيب ادري قالت لي مها قبل شوي بالتليفون
راكان:طيب ياحلوه افهمي
ريم:وشو؟
راكان:ابي اشوف شهد
ريم:طيب شوفها
راكان:شلون اشوفها ومعكم بنات وانا بيجوني الشباب
ريم سكتت
راكان:اسمعي انا عندي فكره تسوينها
ريم:ايش؟
راكان:



في بيت ابوسلطان
شهد:يبا
ابوسلطان يوخر الجريده ويطالعها:نعم
شهد:ابي اروح لريم
ابوسلطان:طيب روحي
شهد:مافي احد يوديني
ابوسلطان:وين سلطان والسواق؟
شهد:سلطان طالع ومقفل جواله والسواق راح يودي امي لجدتي
ابو سلطان:طيب روحي البسي عشان اوديك
شهد:ان شاء الله
راحت شهد ولبست فستان فوشي قصير وعليه جاكيت اسود وحطت ميك اب خفيف وشعرها سيحته طلع شكلها خطير لما خلصت نزلت ل ابوها
ابو سلطان:خلصتي؟
شهد:أي
ابو سلطان:طيب حبيبتي انا استناك بالسياره
راح ابو سلطان للسياره وشهد لبست عبايتها بعدين لحقته



في بيت ابو نايف
ابو نايف شاف مها نازله من الدرج لابسه عبايتها وفي نفس الوقت رائد دخل البيت
رائد السلام عليكم
ابو نايف ومها:وعليكم السلام
ابو نايف لف على مها:على وين؟
مها:بروح لريم
رائد:مين بيوديك؟
مها:السواق
ابو نايف:امك تدري؟
مها:أي
ابو نايف:طيب روحي
رائد:انا بوديك
مها:اوكي
طلعو مها ورائد



في بيت ابو علي
ام علي:يلا يامنصور
منصور وهو نازل من الدرج:طيب يمه
ام علي:وين مشاري؟
مشاري وهو ينزل ورى اخوه:سمي
ام علي:بتروح لجدتك؟
مشاري:بس بسلم عليها وبطلع
ام علي:خلاص اجل وصلني
مشاري:ان شاء الله
ام علي لفت على منصور:وانت؟
منصور:لا يمه انا كنت بوصلك وبروح لراكان بس وبعدين كلنا بنروح لها بس الحين خلاص بمرها بعدين مع الباقي والحين بطلع مع راكان
طلع منصور متوجه لبيت فهد وامه ومشاري طلع متوجهين للجده



في سيارة رائد
رائد:فهمتي؟
مها بتافف:أي
رائد:حلو ياالله انزلي وصلنا ولاتنسين تسوين الي قلته
مها:طيب
نزلو مها ورائد الي توجه للمجلس لان راكان ينتظرهم هناك



عند ريم
كانت في غرفتها تشيك على ملابسها قبل تنزل كانت لابسه بنطلون جينز وبلوزه بيضا فيها كسرات مفتوح ظهرها وشعرها مفتوح ومسويه نفخه بسيطه من قدام لما خلصت تعطرت ونزلت شافت مها توها داخله اول ماشافتها مها صفرت وريم ابتسمت وتو مها بتتكلم الا دخلت ريتاج
ريتاج:السلام عليكم
مها وريم:وعليكم السلام
ريتاج حضنت ريم:كيفك اليوم؟
ريم:بخير
مها:احم احم
ريتاج:ههههههه سوري نسيتك كيفك؟
مها:الحمدلله
دخلت شهد وسلمت عليهم وجلسو يسولفون وكانو فرحانين ان ريم واضح انها مرتاحه لهم صحيح ماكانت تسولف بس كانت تسمع وتبتسم
مها:ريم
ريم طالعتها من غير ماترد
مها:انا عطشانه جيبيلي ماي لوسمحتي
ريم قامت وراحت للمطبخ واخذت كاس راحت بتصب ماي لكنها شهقت وطاح الكاس من يدها لما حست ان في يد على خصرها سمعت صوته يهمس لها
رائد:اسف
ريم ساكته وحاسه بالاحراج
رائد:اشتقتلك
ريم ساكته
رائد تنهد وشال يده ولفها له
ريم طالعته بعدين نزلت راسها وتحس مو قادره ترفعه
رائد:ريم طالعيني
ريم للحين منزله راسها وماردت عليه
رائد رفع راسها:ليه تبين تحرميني من شوفتك؟
ريم سكتت هي ماكان قصدها شي
رائد:تدرين اني احبك ليه تعذبيني
ريم بتردد:رائد
رائد:عيونه
ريم:اسفه
رائد:على؟
ريم:اني اعذبك مااقصد
رائد وده يضحك عليها بس ماسك نفسه
ريم لفت بتطلع بس انصدمت لما مسك يدها وسحبها له وباس خدها ولف وطلع
ريم للحين واقفه في مكانها وجاتها شهد
شهد:ريم
ريم طالعتها
شهد:شفيك؟
ريم:ولاشي
شهد ماحبت تضغط عليها:شفتك تاخرتي قلت اجي اشوف شفيك
ريم ابتسمت:مافيني شي
شهد:طيب
ريم:شهد
شهد:هلا
ريم:خليك هنا بروح اجيب شي وارجع
شهد:طيب بروح للبنات على ماتجين
ريم:لا خليك هنا
شهد:طيب
راحت ريم واتصلت على راكان وقالتله يروح لشهد بالمطبخ
راح راكان لشهد الي من شافته حست بقلبها يدق بشكل غير طبيعي
راكان بابتسامه:ياهلا والله وانا اقول ليه بيتنا منور
شهد بحيا:تسلم
راكان:كيفك؟
شهد:الحمدلله
راكان راح لها ومسك يدها وباسها وهي تحس ودها الارض تنشق وتبلعها من الحيا
راكان:اسف
شهد طالعته
راكان:انتي تدرين اني بروح الرياض مع ريم
شهد:أي
راكان:انا ماابي اروح وانتي زعلانه مني
شهد ابتسمت:ماني زعلانه
راكان:متاكده؟
شهد:أي
راكان ابتسم لها بعدين سلم عليها وطلع للمجلس
اما شهد طلعت من المطبخ وشافت ريم وابتسمت لها
جلسو يسولفون بعدين الكل راح لبيته



اليوم الثاني

في بيت فهد
نزلت ريم وشافت البيت فاضي استغربت
راحت سالت الخدامه عن ابوها واخوها وقالتلها الخدامه انها ماتدري
اتصلت ريم على راكان
راكان:الو
ريم:الو
راكان:هلا والله فيك شي؟
ريم:وينك؟
راكان عارف انها من فقدت ذاكرتها وهي تخاف تجلس لحالها:في الشركه
ريم ساكته
راكان:ابوي اتصل علي عشان اروح الشركه لان عنده اجتماع بره الشركه
ريم بتردد:بتتاخر؟
راكان:لا ان شاء الله شوي وبجي واذا جيت ان شاء الله بطلع معك
ريم:طيب
سكرت ريم من راكان وراحت اخذت لها شور ولبست



في بيت ابو نايف
مها واقفه عند الباب:اووف هذا وينه
شافت الباب انفتح راحت نطت عند الباب
مها:كومار روح بيت صديق انا مرام وجيــ انصدمت وهي تشوفه دام عيونها
منصور رفع النظاره من عينه وابتسم
مها راحت ركض على غرفتها وسمعت صوت الباب
مها في نفسها:يمه لايكون هو لاشدعوه بيجي غرفتي والله اني غبيه
راحت فتحت الباب وفتحت عيونها بصدمه وهي تشوف



"انتهى البارت"

"البارت السابع عشر"


في بيت ابو نايف
مها واقفه عند الباب:اووف هذا وينه
شافت الباب انفتح راحت نطت عند الباب
مها:كومار روح بيت صديق انا مرام وجيــ انصدمت وهي تشوفه قدام عيونها
منصور رفع النظاره من عينه وابتسم
مها راحت ركض على غرفتها وسمعت صوت الباب
مها في نفسها:يمه لايكون هو لاشدعوه بيجي غرفتي والله اني غبيه
راحت فتحت الباب وفتحت عيونها بصدمه وهي تشوف رائد واقف وواضح انه معصب
مها خافت انه شافها وفهم غلط
مها:ننعم
رائد:انزلي تحت
مها:لليه؟
رائد:امي تبيك
مها:طيب ليه معصب؟
رائد:مو شغلك
راح رائد ومها نزلت عند امها
مها:هلا يمه بغيتيني
ام نايف:أي تعالي وين رائد؟
مها:ناداني وراح غرفته
ام نايف:روحي ناديه
مها:ليه؟
ام نايف:اخوك نايف اتصل علي وقال بيجي بعد شوي ويبينا كلنا موجودين بالصاله
مها:اها
ام نايف:يلا روحي ناديه
مها:ان شاء الله
راحت مها وقالت لرائد ينزل تحت ورجعت عند امها
مها:شفيه رائد معصب؟
ام نايف:مدري عنه من اول ماجا من الدوام وهو معصب
مها:أي يمكن متهاوش مع واحد من الموظفين
مها:يمكن
نزل رائد وجلس معاهم وهو مو طايق احد
ام نايف:رائد
رائد ناظرها
ام نايف:شفيك؟
رائد:ولاشي
ام نايف:ليه معصب في احد مضايقك
رائد:لا يمه من الشغل
ام نايف كانت بتتكلم بس قطع عليها دخول ابو نايف معاه نايف ونوف:السلام عليكم
الكل:وعليكم السلام
ام نايف:ماشاء الله جايين مع بعض
ابو نايف وهو يجلس:هههههه لا شفتهم عند الباب ودخلنا مع بعض
سلمو نايف ونوف على ام نايف ورائد ومها وجلست نوف اما نايف قام ووقف في نص الصاله
نايف:انا جمعتكم اليوم عشان اقولكم خبر حلو
ام نايف:وشو قول
نايف:الخبر يخص نوف
نوف نزلت راسها
رائد:تكلم بسرعه ياخي
نايف:طيب طيب مدري على وش مستعجلين
ابو نايف:تكلم ياولد
نايف لف على مها:باقي الحلوه
مها مافهمت:وشو؟
نايف:قوليلي تكلم
مها ضحكت:تكلم
نايف ابتسم:ان شاء الله قريب بصير ابو
رائد مافهم:شلون يعني؟
نايف:ههههههههه يعني نوف حامل
ام نايف قامت وهي فرحانه وسلمت على نوف ونايف ومها حضنت اخوها وزوجته وابو نايف سلم عليهم ورائد سلم على نايف وبارك لنوف
ام نايف:على هالخبر الحلو بكره بنسوي عزيمه
نوف:مايحتاج خالتي
ابو نايف:الا يحتاج ونص
نايف ابتسم
رائد:لايمه بكره لا
ام نايف:ليه ان شاء الله
رائد:بكره ريم بتروح الرياض هي وراكان وانا ابيهم يكونون موجودين وقت العزيمه
ام نايف ضحكت بعدين غمزت له:تبيهم ولا تبيها
مها:هههههههههههه
رائد طالع فيها وسكتت
نايف:الاسبوع الجاي حلو مايحتاج نستعجل
ام نايف:خلاص الاسبوع الجاي الاسبوع الجاي
مها:يمه نبيها تكون بالمزرعه احسن
ام نايف:مدري بشوف
مها:يلا عاد يمه تكفين خليها بالمزرعه ولو ننام هناك يكون احسن بعد
ام نايف:ودواماتكم؟
مها:عادي ناخذ اجازه كلها اسبوع
ام نايف:لا
مها:يلا عاد يمه تكفين
رائد:اصلا الاسبوع الجاي بتبدا اجازة العيد
مها:أي عيد!
رائد:عيد الاضحى يعني أي عيد
مها:في عيد الفطر
رائد:هههههههه أي بنعيد من غير مانصوم رمضان واخر عيد عيدناه كان عيد الاضحى
مها:هاهاها ظريف
رائد:محد طلب رايك
مها:انا اقول رايي من غير مااحد يطلبه
رائد:قولي ق
مها كانت بترد عليه بس صرخ عليهم ابو نايف:بس انت وياها ماتملون من الهواش انتم
مها:هو الي بدا
ابو نايف:خلاص
مها:ان شاء الله
ام نايف:انا بروح احط الغدا تعالي مها ساعديني
نايف:اجل انا اترخص
ابو نايف:وين تغدا ويانا
نايف:بالعافيه احنا تونا تغدينا يلا سلام
الكل:مع السلامه
طلعو نايف ونوف اما مها ام نايف حطو الغدا وتغدو كلهم بعدين راحو رائد وابوه ينامون ومها وامها جلسو يطالعون التلفيزون




في بيت ابو راكان
دخل راكان وشاف ريم جالسه بالصاله مشغله التلفيزون وواضح انها سرحانه
راكان:سلام
ريم انتبهت له:وعليكم السلام
راكان:كيفك؟
ريم:الحمدلله
راكان:خلصتي؟
ريم:أي
راكان:خلاص انا بروح اخذ شور سريع والبس واجيك
ريم:طيب
راح راكان واخذ له شاور وطلع لبس بنطلون جينز وقميص اسود وحط جل بشعره وتعطر ونزل شاف ريم لابسه عبايتها وجالسه بالصاله
راكان وهو مبتسم:يلا
ريم قامت:يلا
تغطت ريم وطلعت مع راكان وراحو مطعم تغدوا بعدين رجعو وكان ابوهم بالبيت لما رجعو
فهد:وينكم؟
راكان:رحنا تغدينا وجينا
فهد:احد يتغدا العصر
راكان:انا ماجيت من الدوام الا العصر اما ريم ماتداوم هالايام
فهد:اي ادري
راكان:انا بروح انام الحين سلام
راح راكان غرفته ونام اما فهد جلس مع ريم شوي بعدين تغدا بعدين راح ينام




في بيت ابو سلطان
سلطان يكلم شهد الي تقرا مجله:قومي سوي شاي وقهوه
شهد نزلت المجله:لمين ان شاء الله
سلطان:محمد بيجي
شهد:محمد مين؟
سلطان:محمد ولد خالتي
شهد:ههههههههههههههههههههههه
سلطان:الحمدلله والشكر قايل نكته انا
شهد:مابقى الا هي قال ايش قال سوي لنا شاي وقهوه
سلطان:ليه موعاجبينك
شهد:ولاراح تعجبوني
سلطان:مو لازم
شهد ماردت عليه وكملت قرايه




بالليل في بيت الجد
الجد:أي كلمته
الجده:وش قال؟
الجد:وافق
الجده بفرح:الحمدلله
الجد:يلا انا بروح انام وانتي اتصلي على ولدك وقولي له
الجده راحت عند التليفون واتصلت على عبدالعزيز
عبدالعزيز:هلا والله
الجده:هلا فيك تعال البيت ابيك
عبدالعزيز استغرب بس قال:ان شاء الله
راح عبدالعزيز لبيت ابوه وشاف امه جالسه تصلي انتظرها لين خلصت وسلم عليها بعدها جلسو
الجده:بقولك شي
عبدالعزيز:وش؟
الجده:ابوك كلم ابو شوق
عبدالعزيز:جد متى؟
الجده:مدري عنه خلني اكمل كلامي
عبدالعزيز:كملي يمه اسف
الجده:وافق
عبدالعزيز بفرح:جد!
الجده:يعني بكذب عليك
عبدالعزيز شوي ويرقص من الوناسه راح باس راس امه وسجد شكر لربه بعدين طلع وركب سيارته واتصل على مشاري
مشاري:الو
عبدالعزيز:مشااااااري
مشاري:بسم الله شفيك؟
عبدالعزيز:فرحااااااان
مشاري:طيب ياخي ابي اذني لاتصرخ ترى والله اسمعك
عبدالعزيز:والله احس بوناااسه مابعمري حسيتها
مشاري:دوم ان شا الله خير ان شاء الله وش السبب؟
عبدالعزيز:الحين بمر عليك نروح كوفي واقولك هناك
مشاري:اوكي
عبدالعزيز:انت بالبيت؟
مشاري:أي
عبدالعزيز:خلاص دقايق واكون عندك
مشاري:طيب انتظرك
راح عبدالعزيز واخذ مشاري وراحو كوفي
مشاري:يلا قول
عبدالعزيز:ابو شوق وافق
مشاري:والله
عبدالعزيز:أي والله
مشاري بارك له وجلسو في الكوفي شوي بعدين كل واحد رجع لبيته مشاري نام اما عبدالعزيز اتصل على شوق




عند احمد
احمد:متاكده؟
سمر بضيق:أي وقامت بتروح بس احمد مسك يدها وهي لفت عليه
احمد ابتسم:امزح معك
سمر:ترى جد عادي اذا تبي تتزوج وتروح بيت لحالك
احمد:واخلي حبيبتي لحالها
سمر:زوجتك بتروح معك
احمد:انا اقصد اختي حبيبتي
سمر ابتسمت:جد عادي هذي حياتك
احمد:وانا ابيك تكونين معي
سمر ابتسمت وماردت عليه بعدين راح احمد ينام وبعده سمر راحت تنام





عند ريتاج
ابو ريتاج:متاكده؟
ريتاج:أي يبا
ابو ريتاج:الله يوفقك حبيبتي مبروك
ريتاج بابتسامه:الله يبارك فيك
ام ريتاج حضنت بنتها وباركت لها نفس الشي شوق فجاه رن جوال شوق وشافت الاسم وابتسمت بعدين طالعت ريتاج شافتها تبتسم وراحت غرفة ريتاج عشان تاخذ راحتها اكثر وردت
شوق:الو
عبدالعزيز:هلا وغلا والله ياحلو هالالو
شوق ضحكت بحيا:تسلم
عبدالعزيز:كيفك؟
شوق:الحمدلله وانت؟
عبدالعزيز:بخير دامك بخير حبيبتي
شوق:دوم
عبدالعزيز:وياك
شوق سكتت
عبدالعزيز:اليوم سمعت خبر حلو
شوق:وشو؟
عبدالعزيز:بعدين اقولك
شوق:لا الحين؟
عبدالعزيز:مصممه؟
شوق:أي
عبدالعزيز:قريب ان شاء الله بنكون مع بعض
شوق بفرح:جد والله؟احلف
عبدالعزيز:ههههههههه والله
شوق سكتت كانت فرحانه وودها تصرخ تضحك ماتدري ايش بالضبط من الفرح
عبدالعزيز:حبيبتي انا بسكر الحين بكلمك بعدين
شوق:اوكي حبيبي
سكرت شوق منه وراحت بلغت ريتاج وامها وابوها وفرحو لها وباركو لها بعدين راحت مع ريتاج غرفتها وكانت شوق فرحانه اما ريتاج عادي ولا كانها بتتزوج
شوق:ماني مصدقه اني بصير معاه خلاص
ريتاج:الله يوفقكم ويسعدكم
شوق:امين وياك حبيبتي
ريتاج ضحكت بسخريه:مااتوقع
شوق:وشو؟
ريتاج:مااتوقع اني بكون فرحانه معه
شوق:ليه؟
ريتاج:مااحبه
شوق:طيب ليه وافقتي؟
ريتاج:مدري استخرت وكنت مرتاحه بس الي اعرفه اني مااحبه
شوق:مو لازم تحبينه الحين اذا هو يحبك بيخليك تحبينه غصب
ريتاج:شدراك؟
شوق:دامه يحبك اكيد بيسوي المستحيل عشان تحبينه وانتي قلبك طيب ماراح تجافينه
ريتاج تنهدت وماردت وهي تفكر بحياتها مع احمد بعدين نامت




عصر اليوم الي بعده

في بيت ابو راكان
راكان يطالع ريم:خلصتي؟
ريم هزت راسها بـ أي
راكان:اوكي يلا
سلمو على ابوهم وطلعو كان رائد واقف عند الباب
راكان:هلا والله
رائد:اهلين
راكان:شعندك جاي لاتقول اشتقت لي وانا توني شايفك الصبح
رائد:هههههههه لا طبعا
راكان ابتسم وراح من غير مايرد وخلى رائد وريم
رائد وهو يتوجه لريم:كيفك؟
ريم:الححمدلله
رائد حضنها وهمس باذنها:بشتاق لك
ريم ماردت
رائد:تروحين وترجعين بالسلامه يالغلا
راكان من وراه:الله يسلمك
رائد لف عليه:احد كلمك انت
راكان:انا واختي واحد ويلا وخر لاتاخرنا
مسك راكان يد ريم وراح لسيارته
رائد ابتسم لهم وهو واقف مكانه واشر لهم بباي ولما اختفت سيارة راكان من عيونه ركب سيارته وراح بيته




في بيت ابو سلطان
شهد بفرحه:تتكلم جد؟
عبدالعزيز:أي والله
شهد حضنت خالها:مبرووك
عبدالعزيز:الله يبارك فيك
ام سلطان:مبروك الله يسعدكم
عبدالعزيز:امين
شهد:ابي اشوفها متشوقه لشوفتها
عبدالعزيز:ان شاء الله بتشوفينها
شهد:ان شاء الله
ام سلطان:عبدالعزيز
عبدالعزيز:سمي
ام سلطان:سم الله عدوك تعال ابيك شوي
شهد:لا اجلسو انا بروح غرفتي
راحت شهد غرفتها وتذكرت ان راكان اتصل عليها بس هي كانت نايمه وماردت وللحين مارجعت اتصلت عليه ف اتصلت على راكان وام سلطان جلست تكلم عبدالعزيز




راكان كان مع ريم في السياره يسولف معاها سمع صوت جواله ورد من غير مايشوف الاسم
راكان:الو
شهد:الو
راكان:هلا والله بهالصوت
شهد:ههههه هلا فيك
راكان:كيفك؟
شهد:الحمدلله انتي كيفك؟
راكان:الحمدلله بخير
شهد:وينك؟
راكان:انا مع ريم بالسياره رايحين الرياض
شهد:توصلون بالسلامه
راكان:الله يســ
ماحس الا وواحد يحدهم بالسياره وراكان لف بقوه من قوة الفه ريم ضرب راسها بالقزاز بقوه واغمى عليها وراكان كان يحاول يتحكم بالسياره لين ماقدر يتحكم فيها راح على جنب ووقفها وعلى طول نزل من السياره عشان يتفاهم مع الي حدهم بس شاف انه موموجود رجع دخل السياره وناسي ان شهد كانت تكلمه ولما جا يلف طاح الجوال شاف ريم وخاف عليها على طول حرك السياره للمستشفى ودخلت ريم للطورائ وركان جلس ينتظر الدكتور شوي وطلع الدكتور
راكان:بشر دكتور
الدكتور:الحمدلله بخير مافيها شي
راكان:دكتور هي فاقده الذاكره اشياء بسيط هالي تتذكرها اخاف الحين نست كل شي
الدكتور ابتسم:لا بالعكس رجعت لها الذاكره
راكان فرح:جد والله
الدكتور ضحك:أي والله
راكان:الله يبشرك بالخير دكتور بس انت كيف عرفت؟
الدكتور:مو انا دكتور لازم اعرف
راكان:مشكور دكتور
الدكتور:هذا واجبنا
راكان:متى تطلع؟
الدكتور:تقدر تطلعها الحين هي مافيها شي الحمدلله
راكان:الحمدلله يارب
الدكتور راح وخلى راكان يدخل عند ريم
راكان:الحمدلله على السلامه
ريم:الله يسلمك
راكان حضن ريم:الحمدلله يارب
ريم ابتسمت
راكان:رجعتي تتذكرين
ريم بابتسامه:الحمدلله
راكان:الحمدلله
سجدو راكان وريم شكر بعدين لما خلص راكان طلع ريم من المستشفى ورجعو الخبر
وهم في الطريق راكان تذكر شهد ودور على جواله تحته ولقاه وكانت البطاريه مو موجوده دور على البطاريه ولقاها بعدين شغل جواله واتصل على شهد الي كانت خايفه من اول ماقفل راكان فجاه ورجعت تتصل عليه لكن جواله مقفل ماحست الا وجوالها يرن طالعت الاسم وردت بسرعه
شهد:الو فيك شي؟
راكان:ههههه لا حبيبتي مافيني شي
شهد:ليه سكرت جوالك فجاه
راكان:الحين احنا بنرجع وبنمر عليكم بعدين انا وريم
شهد:بترجعون ليه؟
راكان:ماتبينا؟
شهد:الا حياكم الله بس متاكد ان مافيكم شي
راكان:والله مافينا الا كل خير اذا جينا تاكدي بنفسك بس خلاص غيرنا راينا ماراح نروح اليوم بنروح يوم ثاني ان شاء الله
شهد:ان شاء الله
راكان:انا الحين بسكر وقبل لانجيكم بتصل عليك
شهد:اوكي حبيبي
راكان:مع السلامه
شهد:مع السلامه
سكر راكان ولفت عليه ريم
ريم:حرام عليك شكلها خايفه
راكان:لا حلفت لها ان احنا بخير الحين دور رائد هو الي بخليه يخاف من جد
ريم سكتت
راكان:شفيك؟
ريم:انا بكلمه
راكان:ايش بتقولين له؟
ريم:ماعليك انت بس اسمعني وانا اتكلم
راكان:حطيه سبيكر
ريم:اوكي
اتصلت ريم على رائد وحطته سبيكر
رائد:هلا والله
ريم:اهلين
رائد:وحشتيني
راكان بصوت واطي:كذاب
ريم ابتسمت:كيفك؟
رائد:تمام وانتي؟
ريم:الحمدلله
رائد:وصلتو؟
ريم:ههههه لا ماراح نروح
رائد:ليه؟
راكان:بس كذا
رائد:بسم الله الرحمن الرحيم من وين طلعت انت
راكان وريم:ههههههههه
رائد:ليه بترجعون
راكان:لو انك ذكي كان عرفت بس للاسف طلعت ماتفهم
رائد:افهم وش؟
راكان:اذا جينا بتعرف
رائد:صاير لكم شي؟
راكان:لا
رائد بشك:متاكد؟
راكان:أي والله مافينا الا الخير بس احنا بنرجع وبنمر عليك بالبيت وبتعرفون كل شي
رائد:وشو نعرف؟
راكان:خلاص بلا كثرة اساله ويلا مع السلامه
رائد كان بيتكلم بس راكان سكر بوجهه
ريم:ليه!
راكان:وشو؟
ريم:حرام عليك تلاقيه خايف علينا
راكان:خليه يخاف
ريم:حرام عليك
راكان ابتسم:عادي شوي ونوصل ويعرفون ويصير الخوف فرح
ريم ابتسمت وكملو طريقهم وكانو فرحانين بالي صار لريم





عند احمد
كان جواله يدق شاف الاسم لقاه ابو ريتاج خاف يرد ويقول له رفضت وخاف مايرد وتطلع موافقه
احمد:مافي الا ارد وامري لله
احمد:الو
ابو ريتاج:السلام عليكم
احمد:وعليكم السلام
ابو ريتاج:كيف حالك ياولدي؟
احمد:الحمدلله عمي انت كيفك؟
ابو ريتاج:الحمدلله بخير
احمد سكت يبي يسمع قرار ريتاج بسرعه ويسكر وكان متوقع الرفض
ابو ريتاج:مبروك ياولدي
احمد مااستوعب:على ايش؟
ابو ريتاج:العروس موافقه
احمد فرح
ابو ريتاج:مبروك
احمد:الله يبارك فيك
بعد ماسكر احمد من ابو ريتاج فرح اخيرا بتكون حبيبته معه بتكون زوجه له راح بشر كل الي يعرفهم وفرحو له


انتهى البارت
توقعاتكم؟

"البارت الثامن عشر"


وصلو راكان وريم وراحو لبيت ابوهم دخلو وماشافو احد سألو الشغاله الي استغربت رجعتهم وهي شايفتهم يطلعون بالشنط قالتلهم ان ابوهم طالع وهم جلسو
ينتظرونه لين يرجع






عند سمر

سمر:يعني خلاص؟

احمد ابتسم:أي

سمر:يلا مبروك

احمد:الله يبارك فيك

سمر:متى العرس؟

احمد:ليه مستعجله باقي

سمر:يعني ماحددتو؟

احمد:لا







في بيت ابو سلطان

شهد كانت جالسه في الصاله وعيونها تراقب الباب

سلطان:شعندك؟

شهد:راكان بيجي

سلطان:ههههههههههههههههههههههههههههههههههههه

شهد طالعته:خير

سلطان:ياذكيه هو ماعنده مفتاح للبيت اذا تبين تنتظرينه اطلعي بره وانتظريه عن الباب

شهد:هاهاها بايخ

سلطان:محد طلب رايك

شهد ماردت عليه








في بيت ابو راكان

دخل فهد وانصدم من وجودهم وبخوف:فيكم شي؟

راكان راح له وباس راسه:لا يبا بس عندنا لك مفاجاه

فهد:وشو؟

ريم ابتسمت لاابوها وراحت باست راسه:اشتقت لك يبا

فهد فتح عيونه:ها

ريم ابتسمت:انا رجعت لي الذاكره

فهد على طول حضنها وهو فرحااان كثير:الحمدلله يابنتي الحمدلله ربي لك الحمد والشكر الحمدلله على سلامتك

ريم:الله يسلمك

فهد:شلون طيب

ريم مسكت يد ابوها بيد واليد الثانيه يد راكان وودتهم عند الكنب عشان يجلسون:اجلسو

جلسو بعدين راكان قال لابوه الي صار والابو فرح وقال بيسوي عزيمه كبيره بهالمناسبه

ريم:ماله داعي يبا

فهد:الا له ونص والاسبوع الجاي بسويها

ريم ابتسمت لاابوها صحيح عانت معاه قبل لكن الحين تغير كثير والكل ملاحظ تغيره وتحمد ربها على هالشي وتطلب انه مايرجع زي قبل

بعد نص ساعه

راكان قام ومد يده لريم عشان يقومها:ماتبين نروح نبلغ عماتي؟

ريم:الا

فهد:بتروحون لهم بيت بيت ولا متجمعين؟

راكان:لا بيت بيت

فهد:طيب اتصلو عليهم جمعوهم بمكان واحد

راكان:خلاص اقولهم يجون هنا

فهد:حياهم الله

راكان اتصل على عماته وعيالهم وقالهم يجون واتصل على عمه وقال له يجي والكل وافق وخلال ساعتين تقريبا الكل موجود ومستغربين ان راكان وريم رجعو

راكان:زي ماانتو عارفين ان احنا كنا بنروح الرياض

عبدالعزيز:أي

راكان:واكيد تبون تعرفون ليه مارحنا

الكل:اكيد

راكان:احنا رجعنا نقولكم خبر الي هو واحنا رايحين.وقال لهم الي صار كله وبعد ماخلص شافهم كلهم ماعدا نايف وعلي ومشاري ومنصور يقومون من مكانهم
ويروحون لريم ومايمديها تحضن وحده الا الثانيه حضنتها وهي تحضن وماتدري مين الي جالسه تحضنه بس تبيهم يبعدون عنها

راكان:ههههههههههههههههههههه شوي شوي ابي اختي انا

خلصو كلهم وبقى رائد حضنها بدون مقدمات وراكان ومها صرخو وشهد تضحك طبعا ريم وجهها الوان خصوصا ان الكل يطالعهم

راكان:حركااااااااات رؤووود طلعت مو هين

مها تضحك:ليتك تحن علــ لمحت منصور يطالعها ورافع حاجبه كانه موعاجبه انها ماخذه راحتها سكتت ولفت

رائد:كملي

مها:ولاشي خلاص

سكت رائد ومسك يد ريم

رائد بهمس:شرايك نطلع انا وانتي؟

ريم ابتسمت بخجل وماردت

رائد:السكوت علامة الرضا وقال بصوت عالي:خالي بطلع مع ريم

فهد:الله وياكم انتبه لها

رائد:ان شاء الله عمي

طلعو ريم ورائد

راكان:عمتي ابي اطلع مع شهد عادي؟

ام سلطان:أي اكيد اطلع معاها عادي مافيها شي انت زوجها انتبه لها بس

راكان:ان شاء الله

ابو راكان:اطلعو كلكم مع بعض كلم رائد يجيكم بالمكان الي بتروحون له

راكان:ان شاء الله

واتصل على رائد








عند ريتاج

كانت جالسه بغرفتها تقرا مجله ودخلت عليها امها

ام ريتاج:ليه جالسه هنا لحالك؟

ريتاج:عادي جالسه اقرا

ام ريتاج وهي تجلس عالسرير:حبيبتي فيك شي؟

ريتاج:لا

ام ريتاج:احسك متضايقه مدري ليه

ريتاج:لا مو متضايقه

ام ريتاج:من صار موضوع زواجك وانتي احسك متضايقه انتي ماتبينه؟

ريتاج:الا ابيه لو ماابيه كان ماوافقت والي فيني كله من التوتر والخوف

ام ريتاج وهي تقوم:اتمنى انه خوف عادي

ريتاج ابتسمت لاامها

طلعت ام ريتاج من عند ريتاج ودخلت شوق

شوق:رتوج شفيك؟

ريتاج:ولاشي

شوق ماحبت تضغط عليها وخلتها براحتها








عند رائد وريم

كانو بالسياره

رائد تنهد:تصدقين وحشتيــ وسمع صوت جواله شاف الشاشه وقال:اخوك هذا لازم ينشب يبيلي اخلي سلطان ينشب له مثل ماهو ناشب لي

ريم ضحكت

رائد ابتسم ورد:الو

راكان:هلا والله وينكم؟

رائد:موجودين

راكان:ادري انكم موجودين وين؟

رائد:شتبي؟

راكان:اسمع ابوي يقول ولاحظ ابوي ها مو انا

رائد:اخلص وش يقول؟

راكان:يقول نطلع كلنا مع بعض

رائد سكت

راكان:بنروح لمجمع شرايك؟

رائد:مدري شوف الي عندك وين يبون وعطني خبر

راكان:طيب خلاص بس لاتبعد

رائد:لالاتخاف

راكان:يلا سلام اذا شفت وين بيروحون بكلمك

رائد:طيب مع السلامه

سكر راكان وسألهم وين يبون يروحون واستقرو على المجمع

ركبو السياره رايحين للمجمع الي يبونه واتصل راكان على رائد وقاله وتقابلو هناك وصارو يمشون كلهم مع بعض بعدين راحو تعشو لما خلصو رجعو بيوتهم ونامو








اليوم الثاني

الكل مجتمع في بيت الجد والجد لاحظ ان ريم تسوف عادي ماكنها فاقده الذاكره

الجد يكلم ابوراكان:مو قلتو انها فاقده الذاكره

ابوراكان:أي يبا فقدتها والحين رجعت لها الحمدلله

الجد سكت

ام نايف تكلم راكان:ماراح تروحون لاامكم

راكان:الا ان شاء الله بكره

ام نايف:ان شاء الله

رائد طالع براكان وهو رافع حاجب ماكان عاجبه كلام راكان

راكان:خير كأنه مو عاجبك

رائد:ماقلت شي بس مو المفروض دام زوجتي معك انك تخبرني قبل لاتقرر

راكان:اذا صارت عندك في بيتك عطيناك خبر اذا بنروح

رائد سكت

ابوراكان:المفروض تقوله ياراكان هو زوجها الحين ولازم يكون عنده خبر مو يتفاجأ

راكان:حقك علي اسفين المره الجايه بنقولك

رائد ابتسم له وماعلق على كلامه


رن جوال ريم وكانت ريتاج قامت ريم طلعت بره عشان تاخذ راحتها وهي تكلمها


ريم:الو

ريتاج:الو اهلين

ريم:هلا والله

ريتاج:كيفك؟

ريم:تمام وانتي؟

ريتاج:الحمدللهريم

ريم:هلا

ريتاج:تذكرين الدكتور احمد؟

ريم:أي

ريتاج:تــ بعدين استوعبت:وشو؟

ريم ابتسمت:رجعت لي الذاكره

ريتاج بصراخ:كذااااااااابه

ريم:ههههههههه والله

ريتاج:شلون؟ومتى؟وليه ماقلتيلي يالخايسه

ريم قالت لها السالفه واستانست ريتاج

ريتاج:طيب متى بترجعين تداومين؟

ريم:اذا رجعت من الرياض ان شاء الله

ريتاج:ان شاء الله

ريم:أي شفيه الدكتور احمد؟

ريتاج:خطبني وانا وافقت

ريم انصدمت:ايش؟متى؟

ريتاج قالتلها الي صار

ريم:طيب دامك ماتحبينه ليه وافقتي؟

ريتاج:مدري احس مرتاحه له حتى وانا مااحبه

ريم سكتت

ريتاج:ملكتي بكره

ريم:نعععم

ريتاج:تو ابوي طلع من عندي يقول ملكتي بكره وانا افكر اني ارفض

ريم:خلاص دامك وافقتي مافي تراجع

ريتاج:أي بس ماصار شي

ريم:ولو يكفي كلمة ابوك له الي بتنكسر اذا رفضتي

ريتاج:صح

ريم:خلاص انتي وافقتي من البدايه كملي على موافقتك وبعدين ان شاء الله بتحبينه مع الايام وترى واضح ان الولد يحبك

ريتاج تنهدت:الله يعين

ريم:امين

جلسو يسولفون شوي بعدين سكرت ريم ودخلت داخل جلست معاهم شوي بعدين الكل طلع متوجه لبيته







في بيت ابو علي

مشاري دخل البيت بصراخ:يما

ام علي:نعم

مشاري:يما خلاص انا ماابي تهاني

ام علي:وشو ماتبيها لعبه هي

مشاري:يما خلاص البنت ماتصلح لي

ام علي:كلم ابوك وشوف رايه بالموضوع

مشاري:ان شاء الله







في بيت نايف

نايف:نوف

نوف:هلا

نايف:كم باقي لك؟

نوف مافهمت:وشو؟

نايف:كم باقي على ماتولدين؟

نوف:ههههههههه تو الناس باقي كثير ليه مستعجل

نايف ابتسم:مدري ابي اشوف ولدي

نوف كانت مبتسمه اختفت ابتسامتها ونايف لاحظ هالشي

نايف:شفيك؟

نوف:ولاشي

نايف:نوف تكلمي قولي وش فيك؟
نوف:اخاف اجيب بنت

نايف:طيب عادي الي من الله حياه الله اهم شي سلامتكم انتي وهو او هي

نوف:انت ودك بولد اخاف اجيب لك بنت وتفكر تاخذ غيري تجيب لك ولد

نايف:ليه تقولين كذا؟

نوف:مدري خايفه تسوي كذا

نايف:لاتخافين ان شاء الله ماراح يصير الا كل خير انتي الحين لاتفكرين بهالشي

نوف:ان شاء الله







في بيت ابو راكان

راكان كان يكلم شهد

راكان:متى؟

شهد:امس

راكان ابتسم:ايش قلتي لهم؟

شهد:قلتلهم الي انت قلتلي

راكان:اها

سولفو شوي بعدين راكان قالها انه بيسكر وسكر بعدين طلع







في بيت ابو علي

كانو مشاري ومحمد وام علي جالسين بالصاله دخل ابو علي

ابو علي:السلام عليكم

الكل:وعليكم السلام

ام علي ناظرت بمشاري وكانها تقوله كلمه الحين

مشاري:يبا

ابو علي:نعم

مشاري ارتاح لان شكل ابوه مروق:يبا انا ماابي تهاني

ام علي فتحت عيونها هي كانت تبيه يقول له بس مو على طول كذا لان ابو علي معروف بعصبيته وهالموضوع مو سهل

ابو علي رفع حاجب دليل انه بدا يعصب:خير شقلت!

مشاري:يبا افهمني احنا مانناسب بعض

ابو علي:بعد وشو!دامها ماتناسبك ليه فكرت تخطبها

مشاري سكت

ابو علي:تكلم ياحمار ليه تقدمت لها وانت ماتبيها ولابس تبي تعلق البنت فيك

مشاري:يبا

ابو علي:وحطبه اسكت ولاكلمه دامك مو قد كلمتك ليه تقولها

مشاري سكت مايدري ايش يقول

ام علي حبت تهدي الوضع:خلاص مشاري روح

محمد كان ساكت ويسمع كلامهم

ام علي لفت عليه:وانت يلا روح غرفتك

قام محمد من غير مايتكلم وراح غرفته







اليوم الثاني

يوم ملكة احمد وريتاج

كانت ريتاج عازمه ريم وشهد ومها بس الي راحت ريم شهد ومها ماراحو لان ملكتهم عائليه ماودهم يروحون اما ريم ماتقدر تخلي صديقتها بيوم مثل كذا وراحت لها
ريتاج اول ماشافت ريم حضنتها وقامت تبكي وريم بكت معاها بعدين جات شوق وهدتهم

دخلت سمر وشافت ريم وسلمت عليها
ريم:هلا سمر

سمر:هلا فيك كيفك؟

ريم:الحمدلله تمام انتي كيفك؟

سمر:الحمدلله

ريم:انتي تعرفين احد من الحضور؟

سمر ابتسمت:انا اخت احمد

ريم مااستوعبت:ها!

سمر:احمد المعرس انا اخته وجيت بشوف العروس


كانت ريم لابسه فستان موف قصير للركبه ضيق من الصدر والظهر مفتوح وشعرها مسيحته وحاطه ميك اب

ريتاج كانت لابسه فستان سكري مفتوح صدره وظهره وضيق من عند البطن وحاطه ميك اب

شوق لابسه فستان احمر واسع من عند البطن عشان الحمل وحاطه ميك اب

سمر لابسه فستان اسود قصير وفيه شريط ذهبي ضيق وحاطه ميك اب


لما خلصت ريتاج زفوها بعدين فتحت عينها بصدمه لما قالت لها امها ان احمد يبي يشوفها

ريتاج:لا

ام ريتاج:وشو الي لا زوجك ينتظرك ولازم يشوفك

ريم:يلا عاد رتوج قومي لاتخافين ان شاء الله ماراح يصير الا كل خير

ريتاج قامت وراحت عند الغرف هالي جالس فيها احمد وحصلت ابوها عند الباب سلم عليها وبارك لها بعدين دخلها عن احمد

احمد شافها وخق عليها وفي نفسه:ماشاء الله تبارك الله سبحان الي خلقها كانت ايه في الجمال

وقف ومد يده بيسلم عليها وهي مدت يدها وانصدمت لما قرب منها وباس جبينها وقال مبروك

ريتاج:الله يبارك فيك

ابو ريتاج:اخليكم الحين

ريتاج تطالع في ابوها ماتبيه يطلع بس طلع

احمد:كيفك؟

ريتاج:بخير

احمد سكت

ريتاج:ترى انا ماوافقت لاني ميته عليك

احمد انصدم بس مابين ورد عليها:يعني تفكريني انا اخذتك ميت عليك لا حبيبتي انا اخذتك بس عشان اربيك

ريتاج:وليه قالولك ماتربيت

احمد:مايحتاج احد يقولي انا اشوف كذا

ريتاج قامت وهي معصبه:لانك عمي ماتشوف

احمد ابتسم بسخريه

ريتاج:خير ان شاء الله

احمد مسكها من كتفها بقوه وقال بحده:لسانك لايطول

ريتاج:الا بيطول ومـ ووقفت كلامها من الصدمه انصدمت لما شافت احمد سحبها له وحضنها بقوه كانه خايف انها تضيع

احمد في نفسه:اوريك ياريتاج

ريتاج كانت تحاول تقاومه لكنه كان يشد عليها كل ماحاولت تبعد في الاخير استسلمت لحضنه وبعدين هو بعد عنها وطالعها بقرف وقال:ابيك لما اكلمك تردين طيب مو
تسوين لي نفس حركات البنات استحيومدري ايش لاني عارف انك ماتستحين
ريتاج بعصبيه:شقصدك؟
احمد ابتسم:الي على راسه بطحه

ريتاج عصبت وكانت بترد بس هو طلع راحت ريتاج غرفتها وقامت تبكي دخلت عليها ريم وخافت اول ماشافتها


ريم:ريتاج!شفيك؟

ريتاج وهي تبكي:اكرهه اكرهه

ريم:ريتاج هدي وفهميني شسالفه

بعد ماهدت ريتاج علمت ريم السالفه وريم ماعلقت بس هدتها لانها تحس الاثنين غلطانين

بعد فتره راحت ريم لبيتها وكل المعازيم رجعو بيوتهم






عند ريم

دخلت البيت وانصدمت من الي تشوفه وتمنت انها مارجعت

الجد وهو جالس بالصاله وحاط رجل على رجل:مساء الخير وين كنتي؟

ريم:كنت عند صديقتي

الجد:وليه ان شاء الله

ريم في نفسها اللهم طولك ياروح:اليوم ملكتها

الجد:طيب واذا ملكتها

ريم:لازم اكون معاها

الجد:امها ولاابوها انتي

ريم:صديقتها مثل اختها

الجد:لا مانتي بمثل اختها امها ماحملتك ولاابوها رباك عشان تقولين كذا ومره ثانيه ياويلك ان رحتي عند احد بسبب شي تافه اصلا المفروض ماتطلعين من البيت الا
للقبر محل الحرمه بيتها

ريم فتحت عيونها هذا شيقول شكله خرف

الجد:البلا مو فيك البلا في ابوك اليم اعرف يربيكم قاطكم ويوم كبرتو فكر يمسكم عشان سمعته

ريم شوي وتبكي من كلامها جدها بس تحاول تبين قويه

ريم:والله عاد احنا راضين

الجد:لاتعالي عطيني كف احسن

ريم طنشته







كانت شوق نايمه وريتاج جالسه تفكر بالي صار بعدين سمعت صوت جوالها وردت

ريتاج:الو

احمد:سلام

ريتاج:وعليكم السلام

احمد:شفيك؟

ريتاج من غير نفس:ولاشي

احمد:طيب براحتك انا بسكر الحين بعدين بكلمك

ريتاج:مع السلامه وسكرت على طول







عند احمد

بعد ماسكرت منه ريتاج وهو معصب ويتوعد فيها:والله مااكون احمد اذا ماربيتك من جديد

سمر:بسم الله مين قاعد تكلم؟

احمد ابتسم:ولا احد بس جالس افكر بصوت عالي

سمر الي سمعته وسوت نفسها ماسنعت شي:اها الله يعينك على هالتفكير الي شكله شاغل عقلك

احمد:أي والله بس لاتخافين بكره انا الي بشغل عقله

سمر رفعت حاجب:عقل مين؟

احمد ارتبك:ها محد

سمر حبت تخليه براحته:طيب







عند ريم والجد

الجد:اسمعي يابنت الجوهره انا ماجيتك هنا وفي هالوقت وانا عارف اني ماراح اشوف احد غيرك الا عشاني بقولك هالكلام

ريم عارفه ان جدها مايحب امها وهو سبب طلاق ابوها من امها:نعم

الجد:قالولي انكم بتروحون الرياض بكره

ريم:طيب

الجد:ابيك تنفذين الي بقوله لك

ريم كانت ساكته عشان جدها يكمل كلامه

الجد:ابيك تروحين لراكان وتقولين له انك ماتبين تروحين لاامك

ريم انصدمت شلون يطلب منها طلب كذا هذي امها ولازم تشوفها لكنها قالت وبكل برود:ليه؟

الجد:




انتهى البارت
توقعاتكم

"البارت الثامن عشر"



الجد:ابيك تنفذين الي بقوله لك

ريم كانت ساكته عشان جدها يكمل كلامه

الجد:ابيك تروحين لراكان وتقولين له انك ماتبين تروحين لاامك

ريم انصدمت شلون يطلب منها طلب كذا هذي امها ولازم تشوفها لكنها قالت وبكل برود:ليه؟

الجد:كــذا بس مو لازم يكون في سبب

ريم انصدمت وشو بس كذا هذا يفكر الدنيا على مزاجه قالت:بروح واذا تبي انت كلم راكان وشوف ايش بيكون رده

الجد:ماتوقعتك كذا قاسيه شلون ترفضين لي طلب

ريم:هذي امي مايصير تحرمني منها

الجد سكت شوي بعدين قال:روحي يابنت الجوهره نتفاهم بعدين

ريم راحت غرفتها من غير ماتتكلم والجد راح بيته




اليوم الثاني


في بيت ابو علي

دخل علي وغاده:السلام عليكم

ابو علي وام علي ومحمد ومنصور:وعليكم السلام

علي وهو يجلس:شو الاخبار؟

محمد:اخبارنا بتسرك

منصور ابتسم:الحمدلله بخير انت اخبارك؟

علي:الحمدلله تمام

ام علي وهي تكلم غاده:شلونك وشلون اهلك عساهم بخير?

غاده:الحمدلله يمه بخير

ام علي:الحمدلله

ابو علي قام:منصور تعال ابيك

قام منصور ولحق ابوه للغرفه

علي:الله يستر بس ابوي مايسحب احد الا في شي خطير

محمد يسوي نفسه مصدوم:ليكون احد متقدم له

ام علي:يلا عاد عن ثقالة الدم

محمد وهو يغمز:مقبوله منك ياام علي زوجة بو علي

غاده:هههههههههههههههه

علي ابتسم وام علي عصبت:عيب ياولد وش هالكلام

محمد وهو يبوس راس امه:اسف يالغاليه لاتعصبين ترى امزح

ام علي صدت عنه من غير ماترد

محمد وهو يسوي نفسه يبكي:خلاص يالغاليه سامحيني

ام علي ابتسمت على خبال ولدها وهو شافها ابتسمت قام يرقص وهو يقول:امي رضت امي رضت

علي:ههههههههه اهجد ياولد

محمد باس راس امه وجلس جنبها

شوي الا طلعو منصور وابوه منصور على طول طلع من غير مايتكلم وابو علي جلس بعصبيه

ام علي:شسالفه شفيكم؟

ابو علي:فتحت معه موضوع زواجه

ام علي سكتت

علي:يبا للحين ماقررنا متى

ابو علي:جدك قرر وبيكون بعد خمس ايام

علي:وشو يبا قريب كثير

ابو علي:روح تفاهم مع جدك اذا تبي

علي:طيب ليه

ابو علي:انا مع جدك صراحه مانبي البنت تتعلق عالفاضي لازم ياخذها وعطيناه وقت طويل الحين بعد خمس ايام الملكه والزواج مابعد نحدد

علي:طيب هو شرايه؟

ابو علي:مو راضي طبعا يقول مايبي الحيت لانه للحين مو متقبل فكرته انه بياخذها

علي سكت شوي بعدين قال:طيب هي تدري؟

ابو علي:مدري عنها جدك بيتفاهم معاهم

علي وهو يقوم:الله يعين ان شاء الله

ام علي:وين حبيبي تو الناس

علي:لا يمه بنروح البيت ولف على غاده:يلا قومي

قامت غاده وسلمت عليهم وطلعت مع علي بعد ماتغطت

ام علي:محمد حبيبي شرايك تروح غرفتك

محمد فهم انها تصرفه وقال:ان شاء الله

راح محمد ولفت ام علي على ابو علي:ايش الي صار بالضبط؟

ابو علي:ابد والله بس قلتله ان المفروض يعجل فيه نفس ماعمي قال وقام هو يعاند وخلاني اعصب وقلتله انه بعد خمس ايام

ام علي:يعني ابوي ماحدد الوقت

ابو علي:لا انا حددته بس قلت ل علي كذا لان مالي خلق اتناقش مع احد

ام علي سكتت

ابو علي قام:يلا انا بروح اريح

ام علي:الله معك

راح ابو علي وام علي جلست تفكر بموضوع زواج ولدها







في بيت ابو سلطان

شهد تكلم راكان بره وهي تتمشى

راكان:شوي وبنحرك تبين شي؟

شهد:سلامتك

راكان:الله يسلمك

سكتو شوي بعدين قال راكان:انتي وينك الحين؟

شهد:بالبيت ليه؟

راكان:خلاص اسمعي بمرك الحين

شهد باستغباء:وين؟

راكان:ههه البيت

شهد بحيا:اوكي

راكان:يلا مع السلامه

شهد:مع السلامه

سكرت منه وراحت تلبس عشان اذا جا بعد شوي







في بيت ابو راكان

نزل راكان وشاف ريم وابوه جالسين بالصاله سلم عليهم وجلس جنب ريم

فهد:متى بتروحون؟

راكان:بمر على بيت عمتي ساره بسلم عليهم بعدين بمر ريم هنا على ماتجهز وبنمشي ان شاء الله

ريم وهي تغمز له وبصوت واطي:عليهم ولا عليها

راكان يصرف:هههههههه أي كلهم

ريم:ههههههههههههه

فهد:وش تقولون انتو؟

ريم:ابد يبا بس نـقول انـ قطع عليها راكان لما حط يدها على فمها وقال:بس ازعجتيني انا راسي مصدع يبا جالس اقولها تروحين معي بيت عمتي قالت لا

فهد:اها طيب مر على كل عماتك ومر على جدك وجدتك مره وحده وسلم عليهم ولا رايح عشان تشوف بعض الناس

ريم:ههههههههههههههههههههههههه

راكان حاول يصرف:لا يبا شدعوه بس مدري طرت على بالي عمتي وقلت امر عليها

فهد يمشيها له:أي طيب

ريم جالسه تضحك لف عليها راكان ورفع حاجب

ريم:خير اخ راكان مو عاجبك!

راكان:لا شدعوه اكيد بيعجبني

ريم:أي افكر بعد

راكان:لا شكرا لاتفكرين

فهد يقطع عليهم:ريم قومي رتبي اغراضك وانت يلا روح لعماتك وجدك لاتتاخرون وراكم طريق

راكان وريم:ان شاء الله


راح راكان لبيوت عماته كلهم ماعدا ساره وبيت جده واخر شي راح لبيت عمته ساره وفتح له سلطان


سلطان:هلا والله

راكان بابتسامه:هلا فيك

سلطان:تفضل حياك


دخل راكان للمجلس وجلس يسولف مع سلطان دخلت عمته وزوجها سلمو عليه وقالو انهم بيطلعون وطلعو بعدين دخلت عليهم شهد بالعصير كانت لابسه فستان ليموني وحاطه ميك اب خفيف


شهد:السلام عليكم

راكان وسلطان:وعليكم السلام

سلم عليها راكان باليد باس جبينها وسلطان ماسك ضحكته على شهد الي واضح انها مستحيه

راكان:كيفك؟

شهد بحيا:الحمدلله انت كيفك؟

راكان:بخير دامك بخير

سلطان:احم احم نحن هنا

راكان:استغفر الله يعني ماودك تصرف

سلطان:هههههههه لا

راكان:وليه ان شاء الله اخ سلطان!

سلطان:رائد موصيني انشب لكم مثل ماتنشب له

راكان:ههههههههههه الله ياخذ بليسه

شهد ابتسمت

راكان:خلاص طيب نشبت لنا بما فيه الكفايه الحين اطلع

سلطان:لحظه ماراح اطلع الا لما يعطيني هو الامر

راكان:لا احلف


سلطان طلع جواله واتصل على رائد وحط سبيكر


رائد:الو

سلطان:هلا رائد

رائد:هلا فيك

سلطان:انا الحين عندهم وراكان يقول لي خلاص اطلع نشبت لنا بمافيه الكفايه

رائد:هههههههههههههه

راكان:وجع

رائد:هههههههه شرايك بس

راكان:مالت عليك

رائد:وعليك كما تدين تدان

راكان:خلاص توبه بس خلوني مع زوجتي بعد شوي بروح الرياض

سلطان:خلاص رائد رحمته

رائد:خلاص خلاص طيب بس لو عدتها مره ثانيه ياويلك

سلطان:خلاص يلا مع السلامه رصيدي بيخلص

رائد:مع السلامه

بعد ماسكر سلطان طلع من عندهم وراكان جلس مع شهد

راكان:واخيرا

شهد ابتسمت

راكان:أي حبيبتي كيفك ايش مسويه

شهد:تمام الحمدلله وانت؟

راكان:بخير

جلس يسولف معاها بالبدايه كانت ترد باختصار بس هو ريحها وصارت تتكلم عادي

راكان وهو يقوم:يلا انا رايح تامرين على شي

شهد:سلامتك

راكان:الله يسلمك يلا مع السلامه

شهد:مع السلامه

طلع راكان وراح لبيته اخذ ريم وحركو للرياض






في بيت الجد

عبدالعزيز وهو يكلم امه:يعني؟

الجده:كيفك دبر لها مكان

عبدالعزيز:يمه شلون ادبر لها مكان هذا البيت كبير واحنا بناخذ الجناح الخاص فيني

الجده بعناد:قلتلك لا

عبدالعزيز:خلاص يمه الي يريحك بطلع من البيت واسكن معاها في فله

الجده:احسن بعد

عبدالعزيز عصب وطلع ركب سيارته وجلس يفكر مايدري ليه امه ماتبيه هو وشوق يسكنون بهالبيت







عند احمد

احمد:اووف هذي ليه ماترد

سمر:مين!

احمد ارتبك:ها محد

سمر:طيب

احمد عصب على ريتاج لانها ماترد عليه وفي نفسه:انا اوريك شغلك اخليك تعرفين شلون ماتردين مره ثانيه






عند ريتاج

كانت جالسه مع اهلها بالصاله وجوالها يرن بس هي مطنشه

ام ريتاج:يابنتي ردي ولا وقفي هالصوت ازعجنا

ريتاج وهي تحطه سايلنت:ان شاء الله

ابو ريتاج:مين الي يدق عليك؟

ريتاج ارتبكت:ها لا هذي وحده من البنات مزعجه ماودي ارد عليها لانها ماراح تخليني الا اذا جيت انام وانا مالي خلقها

ابو ريتاج:اها






عند ريم وراكان

وصلو ريم وراكان الرياض ومسجو لااهلهم انهم وصلو وراحو على طول لبيت امهم

اول مادخلو شافو فيصل ودانا ووليد بالصاله

ريم وراكان:سلام

فيصل على طول ركض لهم وسلم عليهم بالاحضان ونفس الشي دانا اما وليد لما راح يسلم نزل راكان لمستواه وباسه في خده و شالته وباسته وظلت حاملته

فيصل وقف عند الدرج وصرخ:يمه يبا تريك ميس

ام راكان طلعت خايفه من صراخ ولدها:ايش فيـ سكتت لما شافت عيالها الي من زمان ماشافتهم

ريم وراكان راحو لها وحضنوها وباسو راسها ويدها بعدين طلع زوجها وسلمو عليه بعدين تركي وميس سلمو عليهم بالاحضان وجلسو بالصاله يسولفون

ام راكان:من متى وانتو هنا؟

راكان:تو قبل شوي

فيصل:بتجلسون؟

راكان:ان شاء الله

ام راكان:كم يوم؟

راكان:يومين او ثلاث

ام راكان:شوي

راكان:والله مانقدر بس اوعدك يالغاليه ان نجيك مره ثانيه ومانتاخر عليك

ام راكان ابتسمت:ان شاء الله

جلسو يسولفون شوي بعدين استئذن طلال عشان ياخذون راحتهم بالسوالف

ام راكان:وكيفكم مع ابوكم؟

ريم:الحمدلله يمه ابوي متغير كثير

ام راكان:من أي ناحيه؟

ريم:جميع النواحي صاير طيب وحنون مو مثل اول كان قاسي بس الحمدلله ربي هداه

ام راكان:الحمدلله عساه دوم

ريم:امين






في بيت ابو نايف

مها:متى؟

الجد:بعد خمس ايام ان شاء الله

مها شوي وتبكي:جدي مره قريب

الجد:بس ولاكلمه تو عمك اتصل علي وقال لي وجيت اقولكم

ام نايف:يبا الله يطول لي بعمرك على الاقل الاسبوع الجاي

الجد:انا كلمت مااثنيها

مها راحت غرفتها وام نايف حاولت مع ابوها لكن مافي فايده

طلع الجد ورائد دخل

رائد:السلام عليكم

ام نايف:وعليكم السلام

رائد:شعنده جدي؟

ام نايف:حددو ملكة اختك

رائد:متى؟

ام نايف:بعد خمس ايام

رائد:مو كانه قريب

ام نايف:قريب كثير

رائد:طيبكان قلتي لجدي ياجله

ام نايف:مارضى وهذا اختك فوق تبكي روح شوفها

رائد قام:ان شاء الله


راح رائد لغرفة مها وطق الباب ماردت دخل الغرفه سمع صوت في الحمام عرف انها فيه وطلع






في بيت ابو سلطان

شهد تطالع التلفيزون وام سلطان تكلم تليفون

ام سلطان:اي.ايالا قريب.لحظه لحظه مااسمعك زين،حطت يدها على السماعه وكلمت شهد:وطي الصوت عالي

شهد لاحياة لمن تنادي

ام سلطان بصوت اعلى:يابنت

شهد توها تنتبه:هلا

ام سلطان:وطي الصوت

شهد:يمه زين الصوت

ام سلطان:ابي اسمع خالتك وطي

شهد:ان شاء الله





في بيت ابو علي

ابو علي:مشاري

مشاري:سم

ابو علي:تعال

مشاري:هلا يبا

ابو علي:انا قررت قرار وابيك تنفذه

مشاري:وشو؟

ابو علي:.



انتهى البارت
توقعاتكم؟

"البارت التاسع عشر"


في بيت ابو علي

ابو علي:مشاري

مشاري:سم

ابو علي:تعال

مشاري:هلا يبا

ابو علي:انا قررت قرار وابيك تنفذه

مشاري:وشو؟

ابو علي:بخصوص موضوع تهاني انا تكلمت مع امك وقررنا انك اذا ماتبي تهاني اتركها ماراح اجبرك هذي حياتك بس تتزوج ماتقعد كذا

مشاري:ان شاء الله يبا عطوني وقت بس

ابو علي:بارك الله فيك

مشاري باس راس ابوه وطلع





في بيت ابو نايف

دخلت نوف البيت وشافت ام نايف تصلي لما خلصت صلاه سلمت عليها

نوف:تقبل الله

ام نايف:منا ومنكم

ام نايف بعد ماجلست جنب نوف:شخبارك؟

نوف:الحمدلله خالتي انتي كيفك؟

ام نايف:الحمدلله

نوف ابتسمت لها:وكيف مها الحين؟

ام نايف:والله في غرفتها للحين من قبل مااتصل عليك وهي بغرفتها

نوف:كلمتوها؟

ام نايف:أي والله تو طلعت من عندها وصليت الا انتي جيتي

نوف:خلاص انا بكلمها خالتي

ام نايف:الله يسهل عليك حبيبتي روحي كلميها ان شاء الله تسمع منك

نوف:ان شاء الله

راحت نوف عند مها ودقت الباب

مها من داخل:ادخل

دخلت نوف وشافت مها منسدحه ومعطيه الباب ظهرها:سلام

قامت مها وسلمت عليها وجلست على السرير

نوف:كيفك؟

مها:نفس ماانتي شايفه

نوف جلست جنبها:قوليلي الي فيك

مها قامت تبكي:زواجي بعد خمس ايام

نوف:الملكه هي الي بعد خمس ايام

مها:طيب انا ماخلصت تجهيز

نوف:خلاص انا بكره بروح معك وبنلف السوق كله عندنا اربع ايام بيمدينا ان شاء الله

مها ماردت

نوف:خلاص عاد مهوي لاتتضايقين هذا مكتوب

مها تنهدت:صح

نوف رفعت حاجب:يعني تبين تقنعيني انك ماتبينه

مها ابتسمت:لهدرجه واضح؟

نوف:هههههههههههههه تقدرين تقولين

مها:شوفي بيني وبينك انا ابيه لكن بدري على الملكه

نوف:لا مو بدري

مها سكتت شوي بعدين ابتسمت وحضنت نوف:مشكوره حبيبتي

نوف:شدعوه تشكريني مو انتي اختي وهذا الي المفروض اسويه

مها:الا على طاري اختك شخبار غاده؟

نوف:الحمدلله بخير تعبانه شوي من الحمل تدرين اول مره

مها:أي والله الله يسهل عليها

نوف:امين

قامت نوف ومسكت يد مها وقومتها:يلا انا بنزل انتي البسي والحقيني

مها:لا بجلس هنا مافيني انزل

نوف:حرام عليك خالتي خايفه عليك وانتي ولا هامك

مها:طيب طيب انزلي انتي شوي وبجي

نزلت نوف ومها راحت اخذت لها شور بعدين لبست بنطلون اسود وبلوزه حمرا وحطت كحل وتعطرت ونزلت اول ماشافتها امها حضنتها

نوف بعدتهم عن بعض لانها حست من اشكالهم انهم بيبكون

وجلسو يسولفون شوي لين راحت نوف بعدين راحو ينامون






في بيت الجد


الجد:ليه؟

عبدالعزيز:خلاص يبا انا ابي اسكن مع زوجتي في بيت لحالنا

الجد:خلني افكر بهالموضوع

عبدالعزيز سكت وطلع من غير مايرد

هيا:يبا خلها تسكن عندنا عادي

الجده:لا

هيا:ليه؟

الجده لفت شافت الجد يطالعها ويستنى اجابتها:بس كذا ماابيها تجي

الجد:اكيد عندك سبب قوليه اقنعينا

الجده:حتى انت ماتبيها

الجد:ماعليك مني الحين قولي ليه ماتبينها؟

الجده سكتت وفي نفسها:اخاف تصير نفس المشاكل الي صارت مع الجوهره لما سكنت هنا

الجد:تكلمي

هيا:يما ليه ماتبينها؟

الجده قامت:بس كذا ماابيها وان جات البيت انا بطلع

راحت الجده والجد على طول قام من مكانه وطلع من البيت وهيا جالسه في مكانها مستغربه منهم






في الرياض

عند ريم كانت جالسه مع دانا في غرفتها


دانا:ريمو

ريم:هلا

دانا وهي تغمز:شخبار بعض الناس

ريم ابتسمت بحيا

دانا:اوه اوه صارو يستحون

ريم:خلاص

دانا:هههههههههه

ريم تبي تغير الموضوع:صح تعالي

دانا طالعتها

ريم:انتي فيك شي؟احسك متغيره

دانا ارتبكت:ها لا ولاشي

ريم:دانا تكلمي ليه تخبين

دانا في نفسها:وش اقولك اقولك اني اكلم واحد واحس اني بديت اميل له والله تذبحيني

ريم شافت سكوتها طول وحبت تقطع الصمت:عالعموم براحتك تبين تقولين انا موجوده في أي وقت حتى اذا رجعت الشرقيه اتصلي علي متى ماتبيني ان شاء الله بكون موجوده

دانا حضنتها:الله يخليك لي

ريم:ويخليك لي حبيبتي

دانا:المفروض هالدعوه تخلينها لبعض الناس

ريم:ههههههههههه تدريـ قطع كلامها صوت جوالها الي من شافت المتصل ابتسمت

دانا:ايوه ايوه مين المتصل؟اكيد رؤودي

ريم:مالك شغل وبعدين لاتدلعينه

دانا:ههههههههههه الله عالغيره

ريم:دانا اطلعي بكلم

دانا قامت:مشكوره يااختي عالطرده الحلوه من غرفتي يلا باي

ريم ابتسمت لااختها وبعد ماطلعت دانا اتصلت على رائد لان انقطع وماردت

رائد:هلا والله هلا بقلبي

ريم بحيا:هلا فيك كيفك؟

رائد:بخير دامك بخير انتي كيفك يالغلا؟عساك مرتاحه هناك

ريم ابتسمت:الحمدلله ماناقصني غيرك

رائد تنهد:احبك

ريم ابتسمت

رائد:متى بترجعون؟

ريم:اتوقع بعد يومين او ثلاثه

رائد:اها تدرين؟

ريم:ايش؟

رائد:حددو الملكه

ريم:أي ملكه؟

رائد:ملكة مها

ريم:متى؟

رائد:بعد خمس ايام

ريم:مو كانه قريب

رائد:الا بس جدي مصر على هالقرار

ريم:الله يهديه جدي مدري ليه يسوي كذا وتلاقيه بيخليهم يملكون والزواج بيكون معنا او بعدنا

رائد:أي والله يمكن

ريم:الله يعين بس

رائد:امين

سكتو شوي بعدين تكلم رائد:ريوم

ريم:هلا

رائد:انا بسكر الحين بكلمك بعد شوي لان بدخل البيت الحين اذا رحت غرفتي كلمتك

ريم:اوكي

رائد:مع السلامه يالغلا

ريم بحيا:مع السلامه

سكر رائد ودخل البيت شافه فاضي لانه كان ليل توقع الكل نايم وراح غرفته اخذ له شور بعدين اتصل على ريم ولما حس انها تبي تنام بس مستحبه تقول له قفل منها ونام






في بيت ابو سلطان


كانت شهد في غرفتها تكلم راكان وسلطان كان تحت السرير وهي ماتدري

شهد:أي

راكان:متى بتنامين؟

شهد بحيا:بعد شوي

راكان:يعني اسكر؟

شهد:بكيفك

راكان تحطم:طيب قولي لا

شهد ابتسمت وماردت

راكان:خلاص بسكر الحين عشان اخليك تنامين

شهد:اوكي

راكان:انتبهي لنفسك مع السلامه

شهد:مع السـ ماكلمت كلمتها الا وسلطان يمسك رجلها

شهد صرخت وراكان خاف:شفيكككك!

سلطان طلع من تحت السرير:هههههههههههههههههههههههههههههههههه

شهد وعيونها مليانه دموع:وجع الله ياخذ ابليسك خرعتني يامال الي ماني بقايله

سلطان اشر لها عالجوال:حبيب القلب عالخط

شهد تذكرت واتفشلت من نفسها شلون صرخت باذنه:الو

راكان حاول يمسك ضحكته بس ماقدر:هههههههههههههه

شهد تحس نفسها بتبكي:مع السلامه وسكرت السماعه على طول وبكت

سلطان خاف عليها:شهوده حبيبتي شفيك؟

شهد ماردت عليه

سلطان:شهد والله كنت امزح ورب البيت كنت امزح

شهد بصراخ:اطلع بره كله منك

دخلت ام سلطان على صراخ شهد:شفيكم؟

سلطان طلع من غير مايتكلم وشهد للحين تبكي

ام سلطان:تكلمي يابنت شفيك؟

شهد:ولاشي خلوني بروحي

طلعت ام سلطان بعد مافشلت محاولاته في بنتها وشهد للحين تبكي سمعت صوت جوالها يرن شافت المتصل لقته راكان ماردت عليه وقامت دخلت الحمام تروشت ولما طلعت شافت جوالها لقت ست مكالمات من راكان ورسالتين وحده من راكان ووحده من سمر فتحت الي من راكان وقرت

اسسسف ماكان قصدي اضحك بس والله ماقدرت امسك نفسي تكفين ردي علي ابي اكلمك

ابتسمت وماردت عليه بعذر انها نايمه وشافت رسالة سمر وضحكت لانها كانت تستهبل وبعدها نامت







في بيت ابو ريتاج


ريتاج كانت جالسه في غرفتها ودخل عليها ابوها

ابوريتاج:سلام

ريتاج:وعليكم السلام

ابوريتاج وهو يجلس جنبها:كيفك؟

ريتاج:الحمدلله بخير انت كيفك؟

ابو ريتاج:الحمدلله

ريتاج:في شي؟

ابو ريتاج:حبيبتي بكره زوجك بيجي

ريتاج من غير ماتحس:وش يبي؟

ابو ريتاج مااستوعب:ايش!

ريتاج حست على نفسها:ها لا ولاشي الله يحيه

ابو ريتاج:جيت بقولك لانه اتصل علي يقول مارديتي عليه قبل شوي وهو يبي يجي عشان يحدد موعد العرس

ريتاج ساكته

ابوريتاج:يلا حبيبتي انا بروح انام تبين شي؟

ريتاج:سلامتك

ابوريتاج:الله يسلمك

طلع ابوريتاج من عند ريتاج وهي اتصلت على احمد الي صارله فتره يتصل وهي ماترد

احمد:الو

ريتاج من غير مقدمات:مين سمح لك تكلم ابوي!

احمد ببرود:مين معي!

ريتاج:حركات الاستعباط هذي مو علي

احمد:اختي شكلك غلطانه تاكدي من الرقم مره ثانيه قبل لاتتصلين وسكر في وجها

ريتاج عصبت من حركته:هذا من جده ماعرفني







عند احمد

اول ماسكرت منه ريتاج ضحك:انا اوريك ياريتاج والله لااخليك تندمين على كل حركه تسوينها

دخلت عليه سمر

احمد:نعم؟

سمر:تبي تاكل شي؟

احمد:لا

سمر:بس انت ماكلت شي من العصر

احمد:سمر خلاص قلت ماابي شي

سمر تضايقت من اخوها الي تحسه متغير هاليومين وطلعت

احمد حس انه ضايقه وتنهد بعدها راح لها:سمر

سمر لفت عليه:هلا

احمد ابتسم لها وحضنها:لاتزعلين مني انا صاير عصبي هاليومين من الضغوطات الي عندي

سمر ابتسمت له:مازعلت بس اول مره انت تصرخ علي كذا

احمد:واخر مره ان شاء الله

سمر:ان شاء الله

احمد:ليه مانمتي

سمر:توقعتك تبي تاكل قلت اسوي لك اكل بعدين انام

احمد:مشكوره حبيبتي بس والله ماني مشتهي

سمر:براحتك

احمد:يلا روحي نامي الحين

سمر:وانت؟

احمد:انا بعد بروح انام

سمر:اوكي تصبح على خير

احمد:وانتي من اهله






اليوم الثاني

في بيت الجد

وقفت الجده بصدمه من الكلام الي تسمعه:ايش!!




انتهى البارت

توقعاتكم؟

"البارت العشرون"


في بيت الجد

الجده بصدمه:ايش!!

ام علي:أي والله هذا الي صار

الجده:وليه طلقها؟

ام علي:يقول ماتناسبه

الجده:مو هذي الي كان ميت عليها

ام علي:والله يايمه حتى انا استغربت

الجده:استغفر الله بس

ام علي:يمه انا بسكر الحين ابو علي جا تامرين على شي؟

الجده:لا يمه سلامتك

ام علي:الله يسلمك سلمي على ابوي

الجده:يوصل

ام علي:مع السلامه

الجده:مع السلامه






في بيت ابوريتاج

ريتاج:يبا تكفى ماابيه

ابو ريتاج:ليه وش شايفه عليه انتي؟

ريتاج:ولاشي بس ماابيه مااحبه مابلعته مدري ليه

ابوريتاج:مو لازم تحبينه الحين بعدين بتحبينه الولد اخلاقه زينه ويخاف ربه ومعروفه سمعته بين الناس والحمدلله ماعليه كلام

ريتاج:طيب انا ماابيه يعني وش اسوي

ابو ريتاج:الولد مو لعبه ساعه تقولين تبينه وساعه لا بعدين انا عطيته كلمه وماراح اتراجع فيها

ريتاج قامت وهي منقهره لانها ماقدرت تقنع ابوها وراحت غرفتها اتصلت على احمد

رد احمد بحده:نعم؟

ريتاج بدون مقدمات:اسمع انت الحين ابيك تتصل على ابوي وتقوله ماابي بنتك

احمد وهو ماسك اعصابه وبرود قال:طيب بعدين؟

ريتاج:بيقولك ليه قوله بتزوج بنت عمي بنت خالي دبر لك احد انت لاني مستحيل اتزوجك

احمد:اها

ريتاج:وش اها؟

احمد:اكلمك بعدين وسكر بوجها

ريتاج وهي تناظر الجوال بعد ماسكر بوجها وهي معصبه:انا اوريك

دخلت عليها شوق:رتوج

ريتاج طالعتها

شوق حست ان فيها شي من سكوتها وملامحها المشدوده:شفيك؟

ريتاج وهي تهز رجلها:ولاشي

شوق ماحبت تضغط عليها:اوكي خلاص بعدين بكلمك اذا هديتي

ريتاج:وش تبين؟

شوق:خلاص بجيك بعدين

طلعت شوق وريتاج جلست تفكر ايش تسوي مع احمد

ريتاج:انا غبيه ليه وافقت مافي الا اكلم ريم وافضفض لها

مسكت جوالها اتصلت على ريم بس ماردت وارسلت لها رساله







عند ريم

كانت جالسه مع راكان وفيصل وميس بالصاله وامها بالمطبخ ودانا بغرفتها وتركي ووليد نايمين

راكان:ريم

ريم ناظرته:هلا

راكان:وين جوالك

ريم:بغرفة دانا ليه؟

راكان:رائد رسل لي رساله يقول ليه ريم ماترد

ريم:أي فوق حاطته سايلنت

راكان:اها

ريم وقفت:بروح اجيبه

راحت ريم ولما دخلت الغرفه كانت دانا تبكي

ريم خافت وراحت لها:دانا شفيك

دانا ماردت وكملت بكا

ريم:دانا تكلمي شفيك

دانا للحين تبكي من غير ماترد

ريم ماتبي تضغط عليها وقالت اذا هدت بكلمها وجلست ريم عندها تحاول تهديها لين ماهدت

ريم:كيفك الحين؟

دانا:احسن

ريم:الحمدلله طيب تبين تقولين شفيك؟

دانا:بقولك بس تكفين لاتعصبين والله موبيدي هالشي

ريم:قولي

دانا:اوكي بس لاتقاطعيني سكتت شوي بعدين قالت:انا اكلم واحد بالبدايه كنت اعتبر هالشي مجرد تسليه وتضييع وقت وكنت حابه اجرب لما اسمع البنات يتكلمون وكلمت واحد وتعرفت عليه والحين احس اني بديت احبه بديت اميل له وقبل شوي كلمته اقوله مااقدر اكمل كذا احس بالذنب وانا اكلمك ليه ماتخطبني ونصير نتكلم عادي بدون خوف تدرين وش قال لي قام يضحك بعدين قال لاتسوين نفسك بريئه شلون اتقدم لوحده تكلم

ريم حاولت تمسك اعصابها لكن لما شافت دموع اختها بدت تنزل مره ثانيه عصبت:وش تقولين!!ليه!قوليلي ليه أي تسليه هذي الي بالحرام خافي الله اليوم كلمك بكره يشوفك بعدها يدمرك

دانا وهي تبكي:بس عارفه اني غلطانه والله اني ندمانه

ريم تعوذت من الشيطان صحيح اختها غلطت وكل انسان يغلط وتذكرت شي مسكتها من كتوفها وقالت:لمسك؟

دانا ماردت

ريم هزتها:تكلمي لمسك!

دانا هزت راسها بالنفي:لالا والله مالمسني

ريم:عنده صور لك شي؟

دانا:لا بس كنت اكلمه

ريم:اعطيني اسمه

دانا:ليه؟

ريم:اعطيني

دانا:طيب اسمه سعود ال.

ريم:طيب اصبري شوي

راحت ريم وجلست مع راكان وفيصل وميس وكانت امها وتركي موجودين ويسولفون

ريم:سلام

الكل:وعليكم السلام

جلست ريم شوي وهي سرحانه بعدين تكلمت:راكان

راكان طالعها:هلا

ريم:تعرف احد من عايلة ال.

راكان:أي ليه؟

ريم:لا بس وحده من صديقاتي تسالني اذا اعرفهم ولا لا اتوقع متقدم واحد منهم لريبتها

راكان:شوفي انا عن نفسي ماابلعهم بس انتي لاتقولين لها كذا قوليلها تستخير وان شاء الله خير

ريم:ان شاء الله بس ليه ماتبلعهم؟

راكان:كذا تحسين مافي اخلاق بناتهم فاصخين الحيا والاولاد بالشوارع ليل ونهار

ريم:كلهم كذا؟

راكان:لا طبعا بس الي انا اعرفهم بالرياض كذا

ريم:اها اوكي خلاص انا بروح اكلمها واقولها تستخير وان شاء الله خير

راكان:ان شاء الله

راحت ريم لدانا

ريم:تدرين لو قال لراكان شي ايش ممكن يصير فيك!

دانا سكتت

ريم:اشوفك سكتي كل هذا خوف من راكان طيب كان خفتي من ربك لو انك تخافين ربك كان ماسويتي كذا

دانا وهي تبكي:ريم والله اني ندمانه

ريم رحمتها:خلاص حبيبتي قومي اغسلي وجهك اهدي وصلي واقري قران والي ربي كاتبه بيصير

دانا:ان شاء الله

راحت دانا سوت الي قالتلها ريم عليه اما ريم نزلت عند اهلها