الموضوع: رواية إلى متى

"البارت الواحد والعشرون"


في الرياض

راكان:ريم

ريم طالعته

راكان:بكره العصر خليك جاهزه

ريم:ان شاء الله

ام راكان:اجلسو بعد بدري ماشبعت منكم

راكان:المره الجايه ان شاء الله

ام راكان:ان شاء الله

ابو تركي:وين دانا؟

ام راكان:في غرفتها مدري وش تسوي

ريم قامت:بروح اشوفها عن اذنكم

راحت عند دانا وشافتها تصلي ابتسمت ورجعت عند اهلها

ريم:تصلي

تركي:لالا مااصدق

ام راكان:وش الي ماتصدق وش فيها اذا صلت

تركي:ولاشي بس استهبل

ام راكان طنشته






في بيت الجد

كانو الجده وام نايف ومها يسولفون ودخل الجد

الجد:السلام

الكل:وعليكم السلام

قامو ام نايف ومها سلمو على الجد ورجعو جلسو كلهم

الجد يوجه كلامه لمها:خلصتي تجهيز؟

مها:باقي

الجد:عجلي مابقى شي

مها:ان شاء الله

الجد وهو يقوم:انا بروح اريح

ام نايف:الله معك يبا

راح الجد وجلسو ام نايفو الجده يسولفون اما مها كانت ساكته






في بيت ابو ريتاج

ريتاج:متى؟

احمد:انا قلتله على الاسبوع الجاي ان شاء الله

ريتاج انصدمت:وش الاسبوع الجاي

احمد:زواجنا

ريتاج:صاحي انت انا ماخلصت تجهيز

احمد:مو مشكله اذا سافرنا خذي لك الي تبين

ريتاج ماردت

احمد استغرب انها ماطولت لسانها نفس كل مره بس قال احسن

ريتاج:احمد انا بسكر الحين

احمد:طيب مع السلامه

سكرت ريتاج وتنهدت

شوق طالعتها:شفيك؟

ريتاج:زواجي بيكون بعد اسبوعين

شوق:بدري

ريتاج:ادري قلتله بس قالي انه كلم ابوي وهو بيسافر بره يمكن ثلاث شهور وطلب ان الزواج يكون بدري عشان اسافر معه

شوق:ليه؟

ريتاج:يقول عنده شغل

شوق:اها






في بيت ابو سلطان

كانو شهد وسلطان يطالعون فلم بس قطع عليهم صوت جوال شهد الي عرفت المتصل من النغمه وابتسمت بعدها خذت جوالها وراحت غرفتها

شهد:الو

راكان:احلى الو

شهد ضحكت بحيا

راكان:اخبارك؟

شهد:تمام انت كيفك؟

راكان:الحمدلله عال العال

شهد:الحمدلله

راكان:كيف عمتي وعمي وسلطان؟

شهد:الحمدلله بخير يسلمون عليك

راكان:الله يسلمك ويسلمهم

جلسو يسولفون شوي بعدين شهد سكرت ونامت ونفس الشي راكان






اليوم الثاني


في بيت ابو علي

كان محمد يطالع التلفيزون وام علي جالسه تطالع معه دخل مشاري

مشاري:السلام عليكم

الكل:وعليكم السلام

مشاري:شخباركم؟

ام علي:الحمدلله بخير

مشاري:الحمدلله

ام علي:شفيك راجع بدري اليوم مو من عوايدك

مشاري:ابد بس جيت اقولك شي

ام علي:قول

مشاري:يمه انا ماابي اتزوج حاليا

ام علي:مايصير ياولدي انت كبرت

مشاري عرف انه ماراح يقدر على امه وابوه وهذا الموضوع ماوصل لجده احسن شي يقول لاامه تختار له قبل لايقرر جده:ان شاء الله مايصير الا الي يرضيكم

ام علي:بارك الله فيك تبي ادور لك على وحده؟

مشاري:الي تشوفينه

ام علي:خلاص ان شاء الله انا من بكره بدور لك

مشاري وهو يقوم:ان شاء الله

ام علي:بتطلع؟

مشاري:أي والله بروح لاابوي اقوله بعدين بطلع مع واحد من الربع ومدري متى ارجع

ام علي:الله يحفظك

مشاري:تبون شي؟

ام علي:سلامتك

مشاري:الله يسلمك

طلع مشاري ولفت ام علي على التلفيزون اما محمد كان يسمعهم ويسوي نفسه مندمج مع التلفيزون






في بيت ابو راكان

راكان وهو يسلم على امه:انتبهي لنفسك يالغاليه

ام راكان تبكي:الله يحفظكم انتو انتبهو لنفسكم

راكان يمسح دموع امه:شدعوه يالغاليه ليه هالدموع

ام راكان:ماودي انكم تروحون بس مو بيدي اجلسكم عندي

راكان:خذيها مني كلمه شهر واحنا راجعين عندك ان شاء الله

ام راكان:ان شاء الله

سلم راكان عليهم وطلع بعدين سلمت ريم عليهم وكانت امها ودانا يبكون

ريم:ليه هالدموع ان شاء الله بنرجع يمه شفيك مو اول مره نروح ونرجع

ام راكان:مو بيدي والله

ريم حضنت امها:لاتبكين والله دموعك غاليه

ام راكان ابتسمت بين بكاها:الله يحفظكم وين مارحتو الله يخليكم لي

ريم:ويخليك لنا يالغاليه

الكل:امين

سلمت ريم عليهم بعدين طلعت ورجعت مع راكان كانو طول الطريق يسولفون ولما وصلو كان الكل موجود في بيت ابوهم سلمو عليهم وجلسو معهم

رائد كل شوي يطالع ريم وريم نفس الشي وراكان يطالع شهد وشهد تطالعه اما منصور موعاجبه وضع ان مها ماخذه راحتها

بعد ماخلصو سهرتهم رجع كل واحد لبيته ورائد ماجلس مع ريم وراكان ماجلس مع شهد لحالهم

يوم الملكه


ريم كانت لابسه فستان كحلي وشعرها مفتوح ومسويه نفخه من قدام

شهد لابسه احمر وشعرها نفس ريم

مها لابسه فستان سكري ومسويه تسريحه في شعرها

نوف لابسه فستان ازرق وشعرها مفتوح

غاده لابسه فستان اسود وفيه فضي وشعرها مفتوح


دخلت ام نايف:يلا ماخلصتو؟

مها:يمه خايفه

ام نايف:شي طبيعي حبيبتي بعدين مافيه شي يخوف عادي كلنا مرينا بنفس حالتك تعوذي من بليس وسمي بالرحمن ولاتخافين

مها ابتسمت بتوتر تخفي خوفها

ام نايف:يلا حبيبتي

راحت مها مع امها للكوشه بعد ماانزفت وجلست شوي جاتها امها تقولها انها بتدخل عند منصور

مها:لا مستحيل

ام نايف:قومي بلا دلع

مها:يمه مو دلع بس خير اجلس معه لحالنا

ام نايف:وش الي خير هذا زوجك الحين

مها سكتت

ام نايف:يلا قومي بلا دلع

قامت مها مع امها الي ودتها للغرفه وكان واقف عند الباب ابوها واخوانها الاثنين

رائد راح لها وسلم عليها وقال لها بصوت ماسمعته الا هي:طالعه حلوه اليوم بس مو نفس ريومتي

مها:ليه شفتها؟

رائد بابتسامه:لا بس عارف ريومتي

مها:مالت عليك بس

قطعت عليهم ام نايف:خلو السوالف بعدين وتعالي سلمي على ابوك واخوك وادخلي عند زوجك

راحت مها وسلمت على ابوها واخوها ودخلها ابوها عند منصور

كانت مها منزله راسها ومنصور جالس لما سمع صوت عمه قام وسلم عليه وبارك له عمه وطلع مسك منصور يد مها وباس جبينها ومسكها من ذقنها ورفع راسها

منصور بنبره غريبه عليها لكنها حستها استهزاء:تستحين؟

مها ماردت عليه

تركها منصور وجلس وقال لها:عاجبتك الوقفه يعني

مها انصدمت من اسلوبه ليه يعاملها كذا وجلست من غير ماتتكلم

منصور طلع جواله وجلس يطقطق فيه ومها ساكته

منصور:متى حابه الزواج يامدام؟

مها:ماقررت للحين

منصور:ومتى تقررين ان شاء الله،وكمل باستهزاء:ولاتستحين

مها ماردت عليه حست بقلبها يالمها جرح ورى جرح وهذا هو ملكه بس مابعد يتزوجها

قطع عليها صوت رائد

رائد:حركات مها صارت تستحي

مها قامت وطلعت من غير صوت وتحس العبره خانقتها

رائد استغرب بس فسر تصرفها خجل




عند البنات

اول ماطلعت مها راحو لها

شهد:وش صار؟

ريم:مها ليه احسك متضايقه

مها حركت راسها بالنفي:لالابالعكس فرحانه حييل

شهد:الله يهنيكم مع بعض حبيبتي

مها ابتسمت وماردت

ريم:اووف تعب اليوم

شهد:أي والله تعبنا بس الحمدلله راحو الحريم

مها:انا بروح ارتاح

ريم:الله معك حبيبتي

راحت مها غرفتها وبدت تبكي راح الكل مابى الا ابو راكان وعياله راحت ريم لمها غرفتها عشان تتطمن عليها وانصدمت لما شافتها تبكي

ريم:مها شفيك!

مها تبكي

ريم راحت لها ومسكتها:بسم الله عليك شفيك؟

مها:منصور

ريم:شفيه؟

مها:شكله مايبيني ليه اخذني دامه مايبيني انا احبه والله احبه ليه يصير لي كذا هذا بس ملكه وجرحني شلون لو زواج

ريم مافهمت بالضبط كلامها وجلست تقرا عليها لين هدت بعدين سالها ايش الي صار ومها قالتلها الي صار

ريم وهي مصدومه:خير

مها:اذا انتي انصدمتي منه انا وش اقول

ريم حست فيها:ماعليك حبيبتي انتي ارتاحي الحين وان شاء الله ماراح يصير الا كل خير

مها:ان شاء الله

جلست ريم تقرا عليها لين ماشافتها نامت وطلعت شافت رائد بوجها

رائد صفر:الله طالعه شي

ريم استحت

رائد:فديت الي يستحون

ام نايف:رائد خل البنت في حالها

رائد لف على امه:بسم الله من وين طلعتي

ام نايف ضربته على راسه:انا امك مايصير تقول لي كذا

رائد باس راسها:السموحه يالغاليه والله استهبل

ام نايف ابتسمت ولفت على ريم:ريم راكان اخوك تحت يقولك يلا

ريم:اوكي

راحت ام نايف ولفت ريم بتمشي بس مسكها رائد

رائد:وش رايك تنامين عندي اليوم

ريم ارتبكت:ها

رائد:ههههههههه امزح معك كان خالي يجي ويقطعني

ريم ابتسمت له

رائد:خلاص روحي حبيبتي الله يعجل زواجنا بس

ريم ضحكت عليه وراحت

رائد:لحظه لحظه

لفت ريم عليه

رائد:مافي شي تودعيني فيه؟

ريم:ايش؟

رائد:خلاص انا بودعك فيه هالمره المره الجايه انتي ودعيني فيه

ريم تطالعه باستغراب ماحست الا وهو يبوسها على خدها

رائد:مع السلامه

ريم ابتسمت:مع السلامه

راحت ريم مع راكان بيتهم ونامو



انتهى البارت
توقعاتكم؟

"البارت الثاني والعشرون"


مرت الايام وجا يوم زواج احمد وريتاج الي ريتاج كانت مو راضيه فيه بس ابوها غصبها ومن بعد هذاك اليوم ماكلمت احمد اما احمد هو صحيح يحبها لكنها اهانته كثير وجا الوقت الي يرد عليها بطريقه ثانيه



في بيت ابو راكان

ريم:راكان يلا تاخرنا لازم اكون مع صديقتي

راكان وهو نازل الدرج:يلا يلا جيت

ريم:يلا صار لي ساعه انتظرك

راكان:ليه مستعجله

ريم:هذي صديقتي لازم اكون معها

راكان:يلا انا بالسياره

ريم:يلا انا وراك

كان فستانها عنابي وحاطه ميك اب وشعرها مفتوح







في بيت ابو نايف

ام نايف:اليوم عرس صديقة ريم صح؟

رائد:أي صح

مها:انت محد كلمك امي تكلمني انا

رائد:محد سألك

ام نايف:بس خلاص

رائد طالع مها:ريم قالتلي انك معزومه

مها:أي معزومه ماتشوف شعري والميك اب بس باقي البس فستاني

رائد:طيب وش تنتظرين!

مها:تو الناس

رائد:بكيفك انا وش علي منك







في بيت ابو سلطان

شهد:أي بروح مع مها

ابو سلطان:طيب

ام سلطان:مو تتاخرين انتي وهي

شهد:ان شاء الله

ام سلطان:وماعليكم من ريم يمكن هي تتاخر لان هذي صديقتها بس انتو لاتتاخرون

شهد:ان شاء الله







عند ريم

وصلت القاعه ودخلت سلمت بعدين راحت عند ريتاج الي من شافتها حضنتها وبدت تبكي

ريم:ليه تبكين خلاص لاتخربين الميك اب

ريتاج:موبيدي والله خايفه

ريم:لاتخافين عادي

ريتاج:خلاص بصير عنده يسوي فيني الي يبي

ريم:لاتطالعين الموضوع من هذي الناحيه

ريتاج:يعني من أي ناحيه اطالعها انا اكرهه مدري ايش الي خلاني اوافق!

ريم سكتت

دخلت ام ريتاج:ها حبيبتي خلصتي؟

ريتاج بخوف:ليه!

ام ريتاج:خلصي بسرعه عشان وقت الزفه مانتاخر على الناس

ريتاج:ان شاء الله

ريم:اجلسي خليها تضبط لك الميك اب

جلست ريتاج بعدين ريم قالت:وين شوق؟

ريتاج:عند الحريم

دخلت سمر:سلام

ريم وريتاج:وعليكم السلام

سلمت عليهم سمر وباركو لبعض و ريم كانت عارفه انها صديقة شهد جلست تسولف معها وريتاج ساكته







عند مها

وهي تكلم شهد:يلا اطلعي

شهد:اوكي دقايق

طلعت شهد وركبت مع مها وراحو







عند ريتاج

طلعت سمر من عندهم وريم للحين عند ريتاج

ريم:يلا حبيبتي حصني نفسك

ريتاج:وش احصن نفسي مايحتاج

ريم:الا يحتاج حصني نفسك احتياط ماتدرين وش يصير

ريتاج:ان شاء الله

ريم ابتسمت:يلا حبيبتي انا بروح عند الحريم الحين وبرجع لك بعد شوي

ريتاج:اوكي

راحت ريم وريتاج قامت تحصن نفسها وبعد فتره دخلت امها مع شوق وريم وسمر

ام ريتاج:جاهزه؟

ريتاج:يما خايفه خلاص ماابي

ام ريتاج:وش ماابي لعبه هي مو بكيفك وبعدين مافي شي يخوف

ريتاج ساكته

ريم:يلا رتوج قومي

ام ريتاج:قومي بلا دلع

قامت ريتاج وانزفت على موسيقى هاديه وبعدها انصدمت لما سمعت امها تقولها بيدخل زوجك

ريتاج:وين!

ام ريتاج:هنا يعني وين

ريتاج:لا مولازم

ام ريتاج:انا ماسألتك أي ولا لا انا قلت انه بيدخل

تغطو الحريم بعد ماعرفو ان الرجال بيدخلون وريم راحت جلست مع مها وشهد وكانت سمر معهم اما ام ريتاج كانت واقفه جنب ريتاج وشوق كانت متغطيه وواقفه بعيد شوي عنها عشان احمد ماينزعج من قربها

دخل احمد وابوريتاج وريتاج كانت واقفه ومنزله راسها ماهي قادره ترفعه ماحست الا بشخص يبوس جبينها ويقولها:مبروك حبيبتي

ريتاج بصوت واطي:الله يبارك فيك

بعدها سلمت على ابوها واحمد سلم على ام ريتاج اما ابو ريتاج ف جلس معهم شوي بعدين طلع اول ماطلع راحت سمر وباركت لااحمد وريتاج

سمر:مبروك منك المال ومنها العيال

احمد:الله يبارك فيك وعقبالك

جلسو شوي بعدين قالتلهم ام ريتاج يقومون قامو وراحو غرفه ولبسها الشبكه وهي لبسته بمساعدته طبعا لانها كانت ترجف وتصورو مع بعض في بعض الصور كانت محرجه بالنسبه لريتاج بس ماقدرت تتكلم تحس بلسانها مربوط من قربه ماتدري ليه ،طلع احمد من عندها وجت ريم وودعتها بعدين طلعت وبعدها جو اهلها وودعوها وراحت مع احمد

عند شهد

كانت تكلم سمر:والله مااقدر اطول لازم اروح امي منبهتني

سمر:بس انتي بتروحين ولا كلكم

شهد:انا ومها

سمر:يعني ريم بتجلس؟

شهد:ماادري والله يمكن الا تعالي

سمر:هلا

شهد:مين بيجلس عندك؟

سمر ابتسمت:لاتخافين بكره بسافر معهم وبرجع بعد اسبوع

شهد:طيب مع مين بتجلسين؟

سمر:بروح بيت عمي

شهد:اها

جتهم مها:يلا شهد

شهد:ريم بتجي؟

مها:أي قالتلي دقايق وبلحقكم اسبقوني

شهد:اوكي يلا مع السلامه سمور

سمر:مع السلامه

ودعو بعض وراحو بيوتهم ونامو







عند احمد وريتاج

احمد كان جالس بالصاله وينتظر ريتاج تخلص لبس عشان يتعشون مع بعض وكان يفكر شلون بيعيش معها وهي واضح انها ماتبيه شكلها صعبه بس انا اوريك وكان حالف ان مايصير بينهم أي شي كزوج وزوجه الا اذا هي صارت نفس أي زوجه ثانيه

اما ريتاج كانت في غرفتها وتدور في شنطتها على ملابسها الي هي شرتهم بس مو لاقيتهم كل الملابس كانت عاريه لقت ورقه فتحتها كان مكتوب فيها:الف مبروك حبيبتي الله يهنيكم مع بعض واتمنى تعجبك المفاجأه.شوق

ريتاج انصدمت ماتوقعت انه بيصير معها هالشي وكل الي سوته انها اتصلت على شوق بس لقت جهازها مقفل وجلست تتوعد فيها بعدها دورت استر شي ولبسته وطلعت لااحمد لقته جالس اول ماشافها راح لها

احمد:انا طلبت عشا لنا

ريتاج ساكته

احمد مسك يدها ومشاها معه لين الطاوله وجلسو يتعشون بعدها نامو عشان رحلتهم بكره







اليوم الثاني


في بيت الجد

الجد:عبدالعزيز

عبدالعزيز:سم

الجد:كلم اخوك وخواتك خلهم يجون هنا كلهم

عبدالعزيز:ليه؟

الجد:بتعرف بعدين بس انت كلمهم

عبدالعزيز:ان شاء الله

الجده:وش تبي فيهم؟

الجد:اذا جو بتعرفون كل شي

الجده سكتت

هيا تتكلم بصوت واطي مايسمعه الا عبدالعزيز:الله يستر شكل الجمعه هذي فيها بلوه

عبدالعزيز:اي والله الله يستر







عند احمد

صحى الصباح وكانت ريتاج صاحيه قالها تتجهز على ماياخذ شور وترتب الاغراض وريتاج سوت الي قاله لها بعدها طلعو من بيتهم واخذوا سمر وسافرو لبريطانيا وسمر كانت رافضه انها تكون معهم بنفس الجناح ف خلاها احمد بجناح ثاني جنب جناحهم







في بيت ابو نايف

كانت مها جالسه تطالع التلفيزون ورن جوالها وردت من غير ماتعرف مين

مها:الو

منصور:الو

مها سمعت صوته وعرفته وقررت تسكت

منصور:الو

مها:الو معك

منصور:انتي في البيت؟

مها:أي

منصور:طيب قولي لخالتي اني بمركم

مها:ليه؟

منصور:وش ليه لاتفكريني جاي عشان سواد عيونك انا جاي عشان خالتي وعمي مايزعلون اذا شافو زوج بنتهم مايمرها ولاشي

مها:طيب خلاص بقولها تبي شي ثاني

منصور:لا وسكر في وجها

مها تناظر جوالها بعد ماسكر في وجها:وجع

راحت قالت لامها وجاهم منصور سلم عليهم بسرعه وقالهم انه مشغول بس كان حاب يمر عليهم ويسلم بعدها طلع من عندهم







في بيت ابو راكان

كانت ريم جالسه في الصاله مع راكان ودخل ابوهم

ابو راكان:السلام عليكم

ريم وراكان:وعليكم السلام

ابو راكان وهو يجلس:ريم حبيبتي قومي جيبي لي ماي

ريم قامت:ان شاء الله

راحت ريم ولف ابو راكان على راكان

ابو راكان:راكان

راكان:سم

ابو راكان:من متى مارحت لزوجتك؟

راكان:قبل لااروح الرياض كنت عندها ولما جيت شفتها

ابو راكان:اها

جت ريم واعطت ابوها الماي وبعد ماشرب منه قالهم:تجهزو اليوم بنروح بيت جدكم

ريم:ليه؟

ابو راكان وهو يقوم:مدري هو طالب يشوفنا كلنا

ريم سكتت

ابو راكان:يلا انا بروح اريح شوي على ماتخلصون بعدين نروح

ريم:ان شاء الله

راح ابو راكان ولفت ريم على راكان:ايش تتوقع يبغى منا؟

راكان:مدري والله







عند عبدالعزيز

اتصل على اخوه وكل خواته وقالهم كلام ابوه بعدها اتصل على شوق الي ردت وصوتها واضح عليه البكا

شوق بصوت واضح انها كانت تبكي:الو

عبدالعزيز:الو شفيك؟

شوق:ولاشي

عبدالعزيز:حبيبتي مين مزعلك ليه تبكين؟

شوق:محد زعلني

عبدالعزيز:طيب شفيك؟

شوق:اشتقت لريتاج

عبدالعزيز:حبيبتي هي خلاص تزوجت وان شاء الله بتشوفينها وقريب ان شاء الله بتكونين عندي

شوق:ان شاء الله

عبدالعزيز:ادعي لها ان الله يوفقها معه ويهنيهم

شوق:امين

عبدالعزيز ابتسم:والله انا الي مشتاق لك

شوق بحيا:حتى انا

عبدالعزيز:وش الي حتى انتي؟

شوق:نفسك

عبدالعزيز:مافهمت وضحي اكثر

شوق ماردت عليه

عبدالعزيز:مايحتاج لها شي سهله ترى

شوق ضحكت بحيا:اشتقت لك

عبدالعزيز تنهد:احبك

شوق:انا بعد

عبدالعزيز:حبيبتي انا بسكر الحين ابوي مدري وش يبي فينا كلنا يبينا نجتمع عنده

شوق:مو شرط انه يبي شي يمكن بس يبيكم حوله

عبدالعزيز:لا مستحيل ابوي يجمعنا عالفاضي

شوق:ان شاء الله خير

عبدالعزيز:ان شاء الله يلا حبيبتي تامرين على شي؟

شوق:سلامتك

عبدالعزيز:الله يسلمك مع السلامه

شوق:مع السلامه







في بيت ابو علي

كانو محمد ومشاري جالسين دخل منصور وجلس معهم بعدها نزلت ام علي

ام علي:السلام عليكم

الكل:وعليكم السلام

ام علي:اليوم بنروح بيت جدكم

منصور:الكل ولا بس احنا؟

ام علي:لا ابوي طالب يشوف كل عياله واحفاده

مشاري:ليه؟

ام علي:ماادري والله تو كلمني عبدالعزيز وقالي ان ابوي طالب يشوفنا كلنا اليوم

مشاري:خير ان شاء الله

ام علي:ان شاء الله

محمد:لا تلاقون قرار من قراراته الي مالها داعي

مشاري خزه وام علي:عيب ياولد

محمد:خلاص اسف اعتبروني ماتكلمت

ام علي:الله يهديك بس








في بيت ابو سلطان

كان سلطان جالس يطالع التلفيزون بالصاله وشهد كانت نايمه

ام سلطان:سلطان

سلطان:هلا

ام سلطان:قوم صح اختك

سلطان ماوده يقوم:خليها نايمه يما حرام نزعجها

ام سلطان:قوم بس روح قولها تصحى لان بنروح بيت جدك

سلطان:وش عندكم؟

ام سلطان:جدك طالب يشوفنا كلنا اليوم

سلطان:وش عنده جدي؟

ام سلطان:اذا رحنا بنعرف ان شاء الله يلا الحين قوم قول ل اختك تصحى

سلطان وهو يقوم:طيب طيب








في بيت الجد

اجتمعو كل العايله ومايعرفون ايش سبب اجتماعهم عند جدهم

الجد وهو يوقف:انا اليوم جامعكم عشان




انتهى البارت

توقعاتكم؟

"البارت الثالث والعشرون"
والاخير


في بيت الجد

اجتمعو كل العايله ومايعرفون ايش سبب اجتماعهم عند جدهم

الجد وهو يوقف:انا اليوم جامعكم عشان اقولكم اني قريب بسافر وهالمره سفرتي بتطول وللتوضيح اكثر هي بتكون فترة علاج

الجده بصدمه:علاج!

ام نايف:الله يهداك يبا انت مافيك الا الخير من وش تتعالج؟

الجد:انا مريض بالسرطان وماكنت حاب اقولكم عشان ماتتضايقون واجلت زواجاتكم لين بعد فترة علاجي لاني عارف ان هالشي بيخليكم تكرهوني او ممكن تشيلون بقلبكم علي ف لو صار لي شي لاقدر الله ماراح تتاثرون كثير

ام علي وهي تبكي:يبا انت مافيك الا العافيه ليه تقول كذا

الجد:هذي الحقيقه ولازم تتقبلونها وهذا الشي مكتوب علي وانا راضي فيه والي ربي كاتبه بيصير لحد يتضايق

الجده قامت تبكي

ابو راكان:ليه ماقلت لنا من قبل يبا

الجد:ماكنت ابي احد يدري والحين عرفتو كلكم وعبدالعزيز كلم زوجتك تجهز اغراضها عشان بتجي تسكن هنا

عبدالعزيز:لا يبا ماراح نسكن هنا

الجد:وليه ان شاء الله اذا كان عشان امك انا كلمتها وهي موافقه

عبدالعزيز راح وباس راس ويد امه وابوه

الجد:انا بطلع الحين عندي اشغال بالشركه لازم اخلصها قبل لااسافر

الكل تقريبا كان يبكي

الجد:ليه هالدموع كلكم لاتخلوني اندم اني قلتلكم

ام سلطان:يبا الي قلته موهين

الجد حب يخفف عليهم بطريقته:خلاص هذا الشي مكتوب ويلا كلكم قومو امسحو دموعكم وروحو بيوتكم بكذا انتو بتكونون ريحتوني وترى الدكتور قايل لازم ارتاح

سمعو كلام الجد وسلمو عليه بعدين كل واحد رجع بيته وحزنان عليه








في بريطانيا

صحى احمد ومالقى ريتاج دخل الحمام وتروش بعدين لبس ولما طلع لقاها جالسه تطالع التلفيزون

احمد:السلام

ريتاج لفت عليه:وعليكم السلام

احمد:فطرتي؟

ريتاج:لا

احمد:اوكي البسي بروح اتطمن على سمر بعدين بنطلع

ريتاج:اوكي

طلع احمد وهو مستغرب من ريتاج انها ماصارت تطول لسانها عليه بس قال يمكن قررت تتغير

اما ريتاج بعد ماطلع احمد راحت تجهزت بعدين جلست تنتظره وهي تفكر خلاص انا قررت اني افتح صفحه جديده الرجال ماسوى لي شي ليه اسوي فيه كذا قطع افكارها لما رجع احمد

احمد:يلا؟

ريتاج قامت:يلا






مرت الايام بسرعه وابطالنا نفس ماهم عليه احمد وريتاج علاقتهم للحين عاديه مافي أي شي بينهم واليوم عبدالعزيز بياخذ شوق بعدين بيودي ابوه المطار

عند عبدالعزيز

راح يجيب شوق وهو فرحان ومتضايق في نفس الوقت فرحان عشان زوجته بتكون معه ومتضايق عشان ابوه

اما شوق فكانت فرحانه كثير بان ابوها وابو عبدالعزيز وافقو يعيشون مع بعض خلاص

وصل عبدالعزيز بيت ابو ريتاج وطلعت له شوق بعد ماسلمت على ابو وام ريتاج

شوق:السلام عليكم

عبدالعزيز:وعليكم السلام هلا والله ياقلبي اخيرا صرنا مع بعض ماني مصدق

شوق ابتسمت

عبدالعزيز:حبيبتي الحين بنروح بيت ابوي عشان تشوفين اهلي وكذا ونسلم على ابوي قبل لايروح بعدين نروح بيتنا

شوق:الي تشوفه حبيبي

راح عبدالعزيز بيت ابوه وكانو الكل في استقبالهم كلهم سلمو عليه وباركو له وسلمو على شوق وباركو لها

ريم عرفت من ريتاج انها شوق الي تقرب لها وسلمت عليها بحراره لانها شايفتها من قبل وعارفتها وشوق ارتاحت لهم كثير وبعد السوالف جا الوقت الي بيروح فيه الجد سلمو عليه كلهم واغلبهم كانو يبكون والجد نزلت دموعه بس مسحها على طول بعدين طلع مع سكرتيره الي حجز له للمطار

بعدها الكل راحو لبيتهم ماعدا ام نايف وام علي تماسكو وقررو يجلسون مع امهم الي ماوقفت دموعها من طلع الجد وبعد ماهدت طلعو وبقوا معها عبدالعزيز وشوق وهيا








في بيت ام نايف

كانو كلهم جالسين مع بعض في الصاله حتى نايف ونوف كانو جالسين وكلهم ساكتين

قطع سكوتهم ابو نايف الي عرف السالفه من ابوراكان اتصل على ازواج خواته كلهم وبلغهم:ام نايف قومي غرفتك ارتاحي وانا جايك بعد شوي وانتو يلا كل واحد على غرفته

نايف ونوف راحو بيتهم اما رائد طلع ومها راحت غرفتها

في بيت ابو علي

مشاري ومنصور كانو طالعين وعلي مع غاده في بيتهم ومحمد في غرفته اما ام علي وابو علي كانو جالسين في الصاله

ابو علي:هذا الي ربي كاتبه ولازم ترضون فيه

ام علي ابتسمت:الحمدلله على كل حال

ابو علي:الحمدلله







في بيت ابو سلطان

كانو كل واحد جالس في غرفته

شهد كانت تكلم راكان وابو سلطان كان يهدي ام سلطان

ابو سلطان:لاتتضايقين مكتوب هالشي

ام سلطان:هذا ابوي

ابو سلطان:وهذا الي ربي كاتبه لازم ترضين فيه

ام سلطان ساكته

ابو سلطان:قولي الحمدلله على كل حال هذا ربي كاتبه عشان يشوفك تصبرين ولا لا

ام سلطان:الحمدلله







في بيت ابو راكان


راكان كان يكلم شهد

شهد:شلون كذا ماني مستوعبه راكان احنا ظلمناه

راكان:أي والله ظلمناه هو كان يسوي كذا عشان نكرهه ومانزعل عليه اذا صار فيه شي وحنا كنا نقول على كيفه يقرر

شهد:أي والله الله يشفيه

راكان:امين

جلسو يسولفون شوي بعدين سكرو وشهد نامت اما راكان طلع


ريم كانت جالسه في غرفتها تكلم رائد الي اتصل عليها

رائد:معليه حبيبتي لاتتضايقين الله يشفيه ان شاء الله

ريم:ان شاء الله

رائد:متى بتنامين؟

ريم:شوي وبنام

رائد:اها

جلسو يسولفون شوي بعدين ريم نامت ورائد رجع البيت ونام






مرت الايام ومر ثلاث شهور على سفر الجد

ريم ورائد:للحين على حالتهم وكل يوم يكلمون بعض ورائد احيانا يزورها

راكان وشهد:نفس ريم ورائد بس علاقتهم تحسنت كثير وراكان بدا يتعلق في شهد

منصور ومها:منصور تغير على مها صار عادي معها بس هي عندها اهم شي انه مايجرحها حتى لو كان مايحبها عندها امل انه مع الايام بيحبها

احمد وريتاج:ريتاج تغيرت للاحسن طبعا واحمد مرتاح معها وصارو كاي زوج وزوجته وهي بعد مرتاحه معه وبدت تحبه

شوق وعبدالعزيز:فرحانين مع بعض وعايشين كل يوم بيومه وينتظرون مولودهم

غاده وعلي:للحين على نفس ماهم

نوف ونايف:للحين على نفس ماهم بس نوف بدت تتعب من الحمل شوي







في بيت ابو راكان

كانت ريم جالسه في الصاله تطالع التلفيزون وراكان طالع وابو راكان في غرفته فجاه رن التليفون وردت ريم

ريم:الو

الجهه الثانيه:السلام عليكم

ريم:وعليكم السلام

الجهه الثانيه:العم فهد موجود؟

ريم:هو الحين نايم مين اقوله؟

الجهه الثانيه:قوليله خالد سكرتير العم مبارك

ريم:ها لحظه لحظه بصحيه

راحت ريم تركض تصحي ابوها عشان تسمع خبر عن جدها الي مايدرون عنه من ثلاث شهور وكل مايتصلون عليه جهازه مغلق والسكرتير نفس الشي

صحى ابو راكان وراح كلم خالد

ابو راكان:الو

خالد:السلام عليكم

ابو راكان:وعليكم السلام

خالد:عمي فهد بخصوص عمي مبارك ماادري وش اقولك والله

ابو راكان ماعرف من نبرته فرح او حزن بس من كلامه واضح ان فيه شي:وش فيه ابوي!

خالد:عظم الله اجرك

ابو راكان يحس رجوله ماتشيله وجلس على طول:ووش مممات

ريم واقفه وهي تسمع ابوها وفاتحه عينها بصدمه

ابو راكان:ابوي مات!

خالد بحزن:الله يرحمه هذا مكتوب

ابو راكان بعد ماسكر بكا ريم شافت ابوها يبكي ماتحملت تاكدت لحظتها ان جدها مات واغمى عليها








في بيت ابو نايف

كانت ام نايف تصلي وتدعي بالشفا لاابوها ولما خلصت دخل ابو نايف ووجهه متغير

ام نايف:بسم الله عليك شفيك ليه وجهك كذا؟

ابو نايف وهو يجلس:تعالي اجلسي بكلمك

جلست ام نايف:خير ان شاء الله وش السالفه؟

ابو نايف:ياام نايف انتي كبيره وعاقله وفاهمه وعارفه ان ربي كاتب لنا كل شي يصير علينا وهو اخير شي لنا حتى لو حنا نشوفه مو زين او مايعجبنا

ام نايف:الحمدلله ليه وش فيه؟

ابو نايف:ابوك مرض بالسرطان صح؟

ام نايف بدت دموعها تطيح من الخوف:أي

ابو نايف:وقلتيلي ان هذا الشي مكتوب

ام نايف:تكلم يابو نايف خوفتني

ابو نايف تنهد:والله مدري وش اقولك بس عظم الله اجرك

ام نايف انصدمت وبتردد قالت:ففي ممين!

ابو نايف:في ابوك

ام نايف جلست تبكي شوي بعدين استغفرت ربها ورجعت تصلي وهي تطلب المغفره والرحمه ل ابوها

في بيت ام علي

ابو علي قال لكل عياله وراحو يقولون لاامهم الي قالت وهي تمسك دموعها:الحمدلله على كل حال

ابو علي:قومي صلي وادعي له بالرحمه

ام علي راحت صلت ودعت لاابوها








في بيت ابو سلطان

ام سلطان سمعت الخبر وقامت تبكي وشهد بكت معها وسلطان راح غرفته وبكا




الكل تضايق من الخبر وريم جا راكان واخذها المستشفى الي قالو له ان مافيها شي بس ماتحملت الصدمه



مر شهر تقريبا والكل على نفس الحاله وفي يوم من الايام الجده قالت انها تبيهم كلهم وبعد مااجتمعو كلهم عندها تكلمت

الجده:انا جايه بقولكم شي قالي اياه المرحوم قبل اليوم الي توفى فيه اتصل علي وقالي لو صار فيني شي ابيكم تكملون حياتكم عادي لاتتاثرون كثير الحياه بتمشي ماراح توقف على احد قلتله ليه تقول كذا ان شاء الله مافيك شي قالي الواحد مايدري متى يومه ولزوم ياخذ احتياطه انا ابيك توصلين للباقي كلامي الي بيتزوج يتزوج لاياجل زواجه خلوه بنفس موعده وعبدالعزيز يسكن هنا واعتذري لي عن ام راكان

ام نايف:هذي وصيته لازم ننفذها

الجده:أي الله يرحمه ويسكنه الجنه

الكل:امين






مرت الايام وبعد مرور ثلاث اشهر على وفاة الجد جا يوم الزواج وريتاج وسمر رجعو من السفر وحضرو الزواج

زواج رائد&ريم

زواج راكان&شهد

زواج منصور&مها

كانو كلهم بيوم واحد



عند ريم

كانت عندها امها وخواتها وريتاج

دخلت ام نايف:يلا حبيبتي رائد بيجي عشان تتصورون بعدين تنزفون

ريم ابتسمت:ان شاء الله

تغطو خوات ريم وطلعت ريتاج ودخل رائد وسلم عليها وعلى ام راكان وبعدها تصورو اغلب الصور كانت محرجه بالنسبه لريم بس رائد كان فرحان بعد ماتصورو لبسها الشبكه واكلها الكيك وشربها العصير وهي اكلته وشربته كانت ترجف وهو ساعدها

ام نايف:يلا تجهزو عشان نزفكم

انزفت ريم ورائد بعدها سلمو على اهلهم وودعوهم

ريم وهي تسلم على امها:مع السلامه

ام راكان:مع السلامه حبيبتي الله يهنيكم مع بعض

ريم:امين

بعدها سلمت على الباقين كلهم وطلعت لقت اخوانها موجودين حتى راكان سلمت عليهم وهي تبكي بعدين ركبت مع رائد الي مايبي احد يوصله يبي يروح هو معها بس وراحت معه





عند شهد

دخلت ام سلطان عليها وكانت معها سمر

ام سلطان:جاهزه

شهد:أي

ام راكان دخلت:يلا حبيبتي راكان بيدخل

سمر طلعت ودخل راكان وخواته كانو موجودين

راكان سلم على الموجودين بعدين راح عند شهد وباس جبينها:مبروك

شهد بصوت قريب للهمس:الله يبارك فيك

بعدها تصوروا واكلو وشربو بعض بعدين انزفت شهد وبعدها راكان بعدين طلعو وودعو اهلهم راكان باس راس امه الي كانت تبكي وهي تدعي له مع شهد بعدها طلعو






عند مها

كانت خايفه وامها عندها تهديها وتقرا عليها

دخلت ام علي:يلا منصور بيدخل

ام نايف:خليه يدخل مافي احد غريب

دخل منصور وسلم على امه وخالته وباركو له بعدين تصور مع مها واكلو وشربو بعض ومها كانت مستغربه منه لو هي ماتعرفه كان قالت يحبها بس هي عارفه انه مايبيها ماتدري ليه

ام علي:مبروك

منصور باس راسها:الله يبارك فيك

ام علي:مبروك حبيبتي

مها وهي تبوس راسها:الله يبارك فيك خالتي

بعدها سلمو على ام نايف وباركت لهم بعدها انزفو بعدين طلعو بعد ماسلمو عليهم





عند الجده

راحت عند ام راكان الي كانت تلبس عبايتها عشان تطلع

الجده:ام راكان

ام راكان طالعتها:هلا خالتي

الجده:يابنيتي ابيك تسامحين ابو فهد وتحللينه على الي سواه فيك

ام راكان:شدعوه خالتي ابو فهد بحسبة ابوي وانا مسامحته

الجده براحه:بارك الله فيك والله انك اصيله

ام راكان باست راسها:يلا خالتي انا ماشيه تامرين على شي؟

الجده:سلامتك يمه

ام راكان:الله يسلمك

طلعت ام راكان مع بناتها وركبو السياره مع زوجها وعيالها وراحو الرياض





بعد مرور ثلاث سنوات

ريم&رائد:عايشين حياتهم وعندهم بنت وولد

شهد&راكان:راكان صار يحب شهد وعندهم ولد

مها&منصور:منصور اعتذر لمها على تجريحه لها وصار يحبها وللحين ماعندهم عيال

ريتاج&احمد:الاثنين يحبون بعض وريتاج حامل بالشهر الخامس

غاده&علي:عندهم ولدين

نوف&نايف:عندهم بنت بس والكل مستغرب ان نوف للحين ماحملت بس نايف يقول الحمدلله عندنا بنت تكفي واذا ربي كاتب لنا عيال بنجيب ان شاء الله

عبدالعزيز&شوق:عندهم ولد وبنتين وعايشين في بيت الجد

سلطان ومحمد:للحين عايشين حياتهم وفالينها ماعندهم أي شي غير الاستهبال

مشاري:خطب سمر صديقة شهد وقريب بيتزوجون

دانا:انخطبت لصديق فيصل واخو صديقتها ونست سعود

فيصل:قرر يخطب صديقة دانا واخت خطيبها

هيا:تزوجت خالد السكرتير الي كان يشتغل عند ابوها والحين عندها ولد


تمت بحمدالله

اتمنى ان الروايه اعجبتكم وسامحوني عالقصور كان ودي اطولها اكثر من كذا بس ظروفي خلتني اخلصها وفي شي نسيت اذكره في بداية الروايه مااحلل أي احد ينقلها وينسبها لنفسه وشكرا لكل الي تابعني وساعدني اني اكتبها وان شاء الله تتابعوني في روايه ثانيه

مع تحياتي:الكاتبه اروى