اذن العشا وصلو البنات وراحو على بيتهم واخذو مروج ووصلوها معاهم
ام ريما طبعا ماتتلكم مرة مع ريما بعد الي سار قبل يومين وشددت عليمهم وسارت حتى ماتجلس معاهم وهيا جالسة في الصالة تتفرج على التلفزيون إلا التلفون رن
ترترترترترترترترتن
ترترترترترترترترن
ردة ام ريما>> الو
ام طلال>>سلام عليكم
ام ريما>> ياهلا وعليكم السلام ورحمة الله
ام طلال>> كيفك حبيبتي
ام ريما>> بخير الله يسلمك كيفكم انتو كيف البنات وطلال
ام طلال>> والله بخير الحمد لله كيف مرة ولدي
ام ريما>> ههههههههههه اهي ترقص
ام طلال>> الله يسعدها اقولك ياحرمه طلال جاتو بعثة يبغى يكمل ماستر في فرنسا
طبعا ام ريما اقتليها جمب الفنجخه والكشخه ولما زوج بنتها يدرس برى معناتو الناس كلها راح تحسدها وهذا الشي عشق ام ريما>> والله ماشاء الله تبارك الله حلو
ام طلال>> ايوا الله اليوم ردو علي
ام ريما>> ومتى مسافر
ام طلال>> خلاص مودا الثلاثاء والا الي بعدو الي بعدو
ام ريما>> الله يوفقو يارب
ام طلال>> امين المهم هوا يقول يبغى الزواج مو الثلاثا دا الي بعدو
ام ريما انفجعت > وه يعني بعد 12 يوم
ام طلال>> ايوا بالظبط
ام ريما>> لالا مااقدر اجهزها
ام طلال>> لاتجهزيها ولاشي طلال قال يوم الثلاثاء نسوي الفرح والي تقدرو تجيبو جيبو والباقي شيلو لريما وهوا لما يروح فرنسا ينزلها تجهز من هناك الي تبغى
ام ريما>> والله ماادري ايش اقولك
ام طلال>> لاتقولي شي قولي موافقين
ام ريما>>بس ابو محمد ماادري ايش يقول
ام طلال>> بس ياحرمه كلمي الولد يبغى يسافر عشان الدراسة حتبدأ وخلي ريما تاخذ ملفها كمان هيا تكمل دراستها هناك
ام ريما دخلت مزاجها الفكر تدرس هناك وتجهز من هناك >> والله ان شاء الله
ام طلال> خلاص والقصر احنا حنمسكو بكرة او بعدو بالكثير
والعربية والطقم كلو نجيبلها هوا في الفرح وأختارو الدقاقه والقاعه الي تبغوها واحنا حاضرين
ام ريما>> خلاص انا اكلم ابوها اليوم وبكرة ارد لكم
ام طلال>> الله يرضى عليك اقنعي عشان طلال يطلع يكمل دراستو
ام ريما>> ان شاء الله
ام طلال>> وبس تردي لي بالموافقة نجي احنا وطلال نجيب المهر بكرة ونعقد عشان تروح ريما تاخذ لها كم غيار وتشوف فستان الفرح
ام ريما>> خلاص ان شاء الله انا ارد لك بكرة
ام طلال>> بإذن الله يلا سلمي لي على البنات
ام ريما>> يوصل ان شاء الله
ام طلال>> ياهلا
ام ريما> مع السلامه
قفلت ام ريما من ام طلال وهيا تفكر >>خلاص مابقي قدامي غير 20 يوم لازم كل شي يكون تقريبا جاهز وبعدين من مصلحتها ريما تدرس برى وتجيب شهادة كويسة وطلال ولدنا ونفرعو نعرف تربيتو اكيد حينتبه لريما ويهتم فيها وراح يعالجها في احسن مستشفيات لو تعبت ولاطاحت علي ولما تحمل لازم لها متابعه عشان السكر خلاص بس يجي ابوها اقولو
خلصو راكان وانس من المرسم ولمو كل شي
انس>> راكان تراني جيعااااااااااان
راكان>> يلا تعال خلصوا لعشا
خرجو انس وراكان الحديقة وكانت ريحة الباربكيو شهية
انس>> الله الله على الريحه
جلسو راكان وانس على الطاولة والأكل قدامهم
راكان> الله يرحمو عبد الرحمن كان يحب الباربكيو
انس>>ااااااه الله يرحمو
جلسو انس وراكان ياكلو ويهرجو
راكان>>> انوس ملاحظ انو ريم بنت عمتك مدري بنت عمك تصل عليك كثير
انس>> لا والله حرام بس على خطك انت انها كل ماتتصل اكون معاك
راكان>> امممم
انس>> راكان انا احب ريما وانت عارف الشي دا
راكان>> طيب اديني الشطة من جمبك
وصل ابو ريما البيت واخذتو ام ريما الغرفة وقالت لو الي ام طلال قالت لها هوا
ابوريما>> كيف يعني ماتسير لها ملكة
ام ريما>> مو ضروري
ابوريما>> ياحرمة هذي اول فرحه لنا نسويها كدا
ام ريما>> خلاص لما ترجع من برى نسوي لها سهرى ماسارت في جده كلها وبعدين الناس قالو القصر الي تبغو قول لنا علية عشان الفرح
ابوريما>> طيب البنت ماتعرف شي عن الولد ولااتعودت عليه
ام ريما>> بس الله يخليك الله يرحم زمان لما اتزوجنا لاخطوبة ولاشي
ابو ريما>> بس زمان غير دحين الوقت اتغير لا لا مرة مايتفع
ام ريما>> ياهشام ريما مريضة واالسكر مرض مايروح وهذا الشي يقلل فرصتها انها تتزوج واحد مو ناقصو شي
ابوريما>> وريما مو ناقصها شي
ام ريما>> انا عارفة بس لما ريما تتزوج وتعيش في فرنسا كم سنة حتستفيد اول شي تكمل دراستها وتاني شي لما تحمل هناك راح يتابعوها احسن دكاتره في فرنسا عشان السكر
سكت ابوريما وانتهد >> اقولك سوي الي تبغي
ام ريما>> يعني ارد على الحرمة بكرة
ابوريما>> ردي عليها
ابوريما مايقدر يقول شي لانو شايف اصرار ريما على انس ولو عجلو موضوع الزواج راح تسافر وتنسى والشي دا راح يريح قلبو من جهة ريما
خرجو البنات كلهم بعد مااتعشو في بيت ريما ورنيم وجلسو ريما ورنيم في الغرفة
رنيم جالسة تتفرجع على التلفزيون وريما في الحمام تكلم انس
ريما نايمة في البانيو وتلعب بشعرها وتكلم انس هههه (تخيلو المنظر)>> وانا اموت فيك
انس>> برضك في الحمام ههههههههههه
ريما>> هههه ايوا ايش تبغاني اسوي
انس> والله ياريما اني اموت فيكي
ريما>> وانا اعشقك واموت فيك
انس>> كيف هتون اليوم
ريما>> احسن من اول الحمد لله
انس> وبرضو يكلمها هذا فهد
ريما>> ايوا بس مو كل يوم
انس>> امممم
ريما>> انس صح راكان مسافر
انس>> ايوا قال لي تعال
ريما>> انس لاتسافر
انس>> كيف اسافر واسيبك ياروح انس
ريما>> اشوا وربي انخنق لو رحت وتركتني
انس>> وانا اقدر اعيش من غيرك
ريما>> انس امس فكرة بشي
انس> ايش
ريما>> ايش رايك اشرد معاك
انس>> ريما كم قلتلك شيلي دي الفكرة من راسك
ريما>> طيب مافي غيرها
انس>> لا في بس خليني افكر
دخلت ام ريما الغرفة وهيا عاقدة حواجبها
رنيم >> بسم الله
ام ريما>> بسم الله ها بسم الله من وجهك
رنيم>> ايوا داخلة الغرفة من غير احم ولادستور
ام ريما>> أخلوصي فين ريما
رنيم>> في الحمام
راحت ام ريما على الحمام ودقت الباب
طق طق طق
ريما>> دقيقة حبيبي مين
ام ريما>> ريما لما تخلصي انزلي لي
ريما>> ماما
ام ريما>> ايوا
ريما>> طيب طيب
خرجت ام ريما ونزلت الصالة
ريما>> انوس خليني اشوف ماما ايش تبغى وارجع اكلمك طيب
انس >> طيب ياعيني ولاتشدي معاها في الكلام مهما كان ياريما رضى الله من رضا الوالدين
ريما >> بعد الي سو فيك
انس>> الله يسامحهم ربي ماراح يفرقني عنك ان شاء الله
ريما>> طيب حبيبي انا اخلص واكلمك
انس>> اوكي باي
ريما>> باي
قفلت ريما وخرجت لرنيم
ريما>> رنيم ماما ايش تبغى
رنيم >> الله اعلم
ريما>> ايش تتوقعي
رنيم>> مدري انزلي شوفي
نزلت ريما عند امها في الصالة وجلست على الكنبة
ام ريما>> ريما شوفو ابغكي تعرفي شي مرة مهم
ريما>> الي هوا
ام ريما>> انا ماني هبلة وعارفة كل شي بيسير في بيت
ريما>> طيب
ام ريما>> الجوال الي معاكي انا مخليتو بمزاااااااجي
ريما انفجعت كيف امها عرفت
ام ريما>> لاتتفاجئي
ريما>> ماما انتي ليش منتي راضية تفهميني
ام ريما>> ريما النقاش في الموضوع حق اليماني انتهى
ريما عصبت >>لا ماانهتى وعمرو ماراح ينتهي انا احبووووووووووو
وماراح تغصبوني اخذ واحد غيرو
ام ريما>> والله الظاهر انك متأثر بالروايات الي جالسة تقريها ريما بكرة طلال وامو جاين ويجيبو المملك
ريما انصدمت>> ايش لا ياماما لا
ام ريما بحزم>> وبعد عشرين يوم فرحك
ريما>> ماما حرام عليكي ليش تسوي فيا كدا
ام ريما>> انا ماقلتلك دا الكلام عشان اخذ رايك لاياروح ابوكي انا قلت لك عشان تصلح نفسك
ريما سارت تبكي >> كاد بالرخيص بعتيني
ام ريما حقدت >> ايت رخيص الولد شاريكي ويبغى يطلعك فرنسا ويبغاكي تدرسي هناك حتى جهازك جيحبلك هوا من فرنسا
ريما>> ادرس هناك
ام ريما>> ايوا طلال جاتوبعثة يكمل ماستر وحيطلع فرنسا ويبغاكي معا
ريما>> بس انا ماابغى اطلع من جده ياماما حرام عليكي
ام ريما>> ريما هاتي الجوال الي معاكي
ريما>> لا ياماما الله يخليكي
ام ريما مرة قاسية >> جيبي الجوال
طلعت ريما الجوال من جيبها وادتو امها
ام ريما>> يلا اطلعي فوق وشوفي فستان من فساتينك الي معبية الدولاب ومالبستيها عشان بكرة تلبسيها لما يجي طلال
جلست ريما تبكي على الأرض وتشهق وتبكي وام ريما تحاول انها ماتتأثر كل دا عشان مصلحة ريما لانو مو من مصلحتها تتزوج انس هذا من وجهة نظر امها
نزلت رنيم على بكي ريما وهيا مفجوعه>> ريما ليش تبكي
ريما وهيا تبكي وحاضنة رنيم >> رنيم بكرة ملكتي على طلال وبعد عشرين يوم الفرح
رنيم>> لا ياماما ترى مررررررررررة زودتيها ليش تغصبي ريما على شي ماتبغى
ام ريما>> انتي لاتفتحي فمك مسوية تغطي عليها وتخليها تكلم في الحمام
رنيم>> بسم الله انتي كيف عرفتي
ام ريما>> انا مافي شي في البيت يسير وماادري عنو
رنيم>> كيف يعني موضوع ريما الي جالسين تعندو في
ام ريما>> انا قلت بكرة الملكة وحتى بنات عمكم ماراح يدرو لين كل شي يسير
ريما وهيا تبكي >> والله حرام ياماما الي بتسوي فيا حرام
ام ريما >> انااديتك الثقة وخليت لكم كل شي على هواك وفي النهاية حبيتي لي واحد يماني
ريما وهيا تبكي >> والله والله ياماما انو انس عمروماسوا في شي وانا ماخنت الثقة الحب الي بين وبين انس حب عذري
ام ريما>> بس بلا حب بلا كلام فاضي هذا تأثير الرويات والأفلام الي تشوفيها
ريما>> كيف راح اتزوج طلال وانا مااعرف عنو شي
رنيم>> من جد خير تتدخل علي وهيا ماتعرفو
ام ريما> مو ضروري انا اعرفو واعرفو انو في مصلحتك تاخذي ومع الوقت بتتعودي علي وتحبي الحب يجي مع الشعرة
ريما>> بس انا عمري ماراح احب غير انس
ام ريما بصوت عالي>> ريما ترى عيارك مرررررررررررررة زاد انا قلت الي عندي وانتهى
طلعت ام ريما على غرفتها عشان تنام ولقت ابوريما على الدرج واقف
ابوريما والعبرة خانقتو >> ليش كده قلتي لها
ام ريما>> الدلع ماينفع معاهم
دخل ابوريما الغرفة ودخلت ورا امها
رنيم >> قومي لاتبكي والله لو انا مكانك لااشرد بلا كلام فاضي
ريما >>انس مو راضي
رنيم >> ماعليكي منو اشردي واتزوجي واحد تاني
ريما >>ههههه رنيم من جد فاضية
رنيم >>لاتزعلي نفسك قومي صلي ركعتني وادعي ربي ياخد عمر طلال بكرة قبل مايجي
قامو ريما ورنيم وطلعو غرفتهو ودخلت ريما واتوضت وصلت
جلس انس ينتظر ريما ربع ساعهنص ساعه. ساعه وربع .بعدين نام
خلصت ريما صلاة وجلست على السجادة بشرشفها تدعي ربنا انها ماتخد طلال ومن غير ماتحس نامت ريما على السجادة
مر الوقت وعدا الليل وطلعت الشمس تاني يوم
الساعه 10
صحي ابوريما من النوم ودخل الحمام اتروش ولبس وخرج من الغرفة
وهوا نازل الدرج وقف وطالع في غرفت بناتو راح ودخل بشويش لقى رنيم نايمة على سريرها وسرير ريما فاضي انفجع ولف بعيون لقى شي على الأرض طالع مظبوط لقاها ريما انفجع يحسبها داخت راح لها جري وهزها
ابوريما>> ريما ريما
ريما بشويش تفتح عيونها>> ايوا
ابوريما>> حبيبي فيكي شي
ريما>> لالا مافيا شي
ابوريما>> ليش نايمة على الأرض
ريما>> ولاشي كنت اصلي وفجأة نمت
ابوريما شال ريما وحطها على السرير>> يلا حبيبي نامي
ريما مسكة يد ابوها وعيونها مليانه دموع متجمعه >> بابا ماابغى طلال
نزل ابوريما عيونو في الأرض وغطى ريما وخرج من الغرفة من غير مايقول أي كلمه
صحي راكان من بدي وراح العمل وسوا اجتماع
LinkBack URL
About LinkBacks
