الموضوع: رواية بنات عز وقلبهم ماعزهم

خلود>> انقلعي

نامو البنات وكل وحده لها هم تفكري في

تتتن تتتن تتتن

صحي انس من النوم ودخل الحمام عشان يتروش ويروح العمل

تن تاتاتن تن تاتاتاتن

قام راكان من النوم وجلس على طرف السرير شويا وبعدين دخل الحمام يغسل وجهو ويروح الدوام

صحي خالد من النوم ودخل الحمام وطالع في لحيتو>> يالله اشيلها ولا اخليها اوووف مالي خلقها خليها

غسل خالد وجهو وخرج من الحمام لبس ثوبو وركب السيارة

اول ماشغل خالد السيارة فتح البانوراما وجات اغنية ماجد المهندس

لية انا مجروح وانا جارحك
ليه انا مشتاق وانا تاركك

حط خالد راسو على الطارة وعلى طول جات في بالو مروج طلع خالد الجوال من جيبو وحط على اسم مروج

خالد>> اتصل ولا مااتصل ياربي انا ايش بي سرت كدا معقولة بنت تسوي فيا كدا

اتصل خالد على مروج

مروج في سابع نومه وجوالها دق جمبها

كنت عارفة انك هتبعد
كنت عارفة انك اناني

المتصل
عطيته قلبي وجرحني

طالعت مروج في الجوال وعين مقفلة وعين مفتوحه>> خير ايش يبغى هذا

مروج>> الو نعم

خالد لما سمع صوت مروج سارت دقات قلبو سريعه>> مروج كيفك

مروج>> مين معايا

خالد انصدم معقولة نسيتو>>> ماعرفتيني يامروج

مروج>>> لا للأسف

خالد اتنهد>> انا خالد

مروج مسوية نفسها ماتعرفو بقوة>> خالد ؟ خالد مين

خالد ضغط بيدو على الطارة>> حرام عليكي اعتذرت لك بدل المرة مليون مرة ذليتين وبهديلتين ماكفاكي

مروج>> لو سمحت لاعاد تتصل على جوالي انا انسانه متزوجه وامووووووت على زوجي وماعندي استعداد اسمع اصوات حشرات زيك يلا باي

قفلت مروج الخط في وجه خالد وحطت راسها ونامت كل يوم تحس انها بتاخذ حقها من خالد وقلبها كل مالو يبرد
حط خالد الجوال في جيبو وحس الدنيا سوووووووووده في وجهو والضيقة مالية صدرة

طبعا طلال في سابع نومه اخذ اجازة مصدق نفسو انو عريس ههههههههههههههه

مر الوقت وسارت الساعه 10 وربع

صحيت هتون من النوم ودخلت الحمام واتروشت ولبست ملابسها ولبست عبايتها وراحت عند شهد وهيا نايمة

هتون وهيا تهز شهد>> شهد شهد شوشو

شهد وعيونها مغمضة>> اممم

هتون>> انا طالعه

شهد فتحت عيونها>> كم الساعه

هتون>> 10 ونص

شهد>> طيب قفلي الباب معاكي

هتون>> اوكي يلا باي

شهد >> باي

خرج هتون من الغرفة ونزلت على اطراف اصابيعها وخرجت من البيت وركبت السيارة

سبايدرمان>> فين يروه هتون

هتون>> مستشفى

سبايدرمان>> إند ابدو رهمان

هتون>> ايوا

سبايدرمان >> هتون انت كلاس فاطور

هتون>> لا والله مافطرت

سبايدرمان>> انت يبقى يروح ستار بكس يجيب فطور

هتون>>>لا اخاف اتأخر

سبايدرمان>> كلاس انا يودي انت مستشفى بئدين انا يجب فطور ودي مستشفى

هتون>> لالا بعدين افطر

ياعمري على سبايدرمان شايل هم هتون مافطرت


د علي>>> والله يادكتور فهد زي منتى عارف مافيش حل عبد الرحمن في غيبوبة

د فهد>> طيب يادكتور مانقدر نسوي شي

د علي>> د فهد الحلات الي زي حالت عبد الرحمن تئدر تئول ميئوس منها بس كل حاجه بئيد ربنا

د فهد>> ونعم بالله

د على حط يدو على كتف فهد وراح

جلس الدكترو فهد جمب عبد الرحمن وهوا يطالع في >> يالله ياعبد الرحمن انت بتروح وتخلي هتون تتعذب وانا مابيدي شي الله يشفيك

وصلت هتون المستشفى ونفسيتها تقريبا احسن من امس بكثير دخلت هتون على طول على مكتب الدكتور فهد

طق طق طق طق

محد يرد

طق طق طق طق

افتحت هتون الباب مالقت احد وجات السستر>> دكتور فهد مو موجود

هتون>>> فينو

السستر>> بيدور على المرضى

هتون>> عادي استنى في المكتب

السستر>> اتفضلي

جلست هتون تستنى الدكتور فهد في المكتب

خلص الدكترو فهد من المرض ونزل المكتب حقو فتح الدكتور فهد المكتب ودخل من غير ماينتبه لهتون

هتون>> يااهل الله نحنو هنا

على طول اترسمت على شفايف الدكتور فهد ابتسامه>> هلا والله

هتون>> اخبارك دكتور

د فهد>> بخير عساك بخير

هتون>> ها دكتور كيف عبد الرحمن

د فهد مابيغى يحطم هتون لانو اليوم او بكرة عبد الرحمن بيفارق الحياة>> لا وين كان ووين صار الحمد لله احسن من قبل

هتون فرحت>> يعني سار يتكلم ويفتح عيونو

د فهد>> لا لسة ماوصل لدي المرحلة بس الحمد لله تعدى مرحلة الخطربس هذا مو معناتو انو تمام بس احسن من اول

هتوون>> الله يسعدك يادكتور ويفرحك بعافيتك

د فهد>> امين

جلس الدكترو فهد على المكتب حقو وركز ظهرو على الكرسي

هتون>> د كتور ماينفع اشوشفو

طبعا حالة عبد الرحمن اسوء من اول والدكتور فهد مايبغى هتون تشوفو>> لا ماينفع

هتون>> ليش

د فهد>> احنا مانبي أي ارهاق لانو وضعه حساس ووعد مني بس يسير زين انا بخليك تدخلين عنده وتسولفين معاها بعد

هتون>> من جد

د فهد>> اية من جد

هتون>> طيب اوكي انا جيعانه مااكلت شي بروح افطر فتحت نفسي بالخبر الحلو هههههه باي

د فهد>> تعالي تعالي

هتون>> هلا

د فهد>> عيب عليكي تسوين كدا

هتون>> ليش ايش سويت

د فهد>>> ماكنت ادري انك بخيلة لدي الدرجه طيب قولي مسكين فهد مافطر ومايحب يفطر بروحه ماتقولين تعال اعزمك على الفطرو وتراني راضي بتميز وفول ههههههههههههههه

هتون>> والله عيوني لك يلا تعال نفطر وعلى حسابي ايش تبغى كمان

د فهد>> ههههه لا امزح وياك روحي افطري بالعافية

هتون>> والله مااتحرك من هنا لو ماجيت فطرت معايا

د فهد>> بس بشرط

هتون>> ايش

د فهد >> على حسابي الفطرو

هتون>> ههههه اوكي

د فهد>> يلا

خرجو هتون وفهد من المستشفى وراحو كافي قريب من المستشفى دخلو يفطرو في

في سوق الرد سي مول

مهاوي>> لينا لينا حرام عليكي امس روجلي اتكسرت من السوق

لينا>> مهاوي ابغى اخلص في اسرع وقت

مهاوي>> طيب بس الرد سي مول كبير تبغي تلفي كلو

لينا>> مهاوي لاتمني عليا

مهاوي>> ماامن عليكي بس حرام مااكلت شي

لينا>> ههههههههههه دحين اللف والدوارا هذا كلو عشان تبغي تفطري

مهاوي>> جيعانه

لينا>> هههههههههههههههه طيب يلا امشي نروح نفطر

راحو مهاوي ولينا على لو كروسان عشان يفطرو ولينا ميتة ضحك على مهاوي وهيا تعرج من التعب طبعا لينا ماتحس بتعب الفرحه تنسيها كل شي

ماسك فهد المنيو ويطالع في يمين ويسار ويقلبو

هتون >>> ايش فيك

د فهد>>>لالا مافي شي بس ادور شي يتاكل

هتون>>> شوف الصحفة التانية مليناه ساندوتشات

دفهد>>وش في ساندوتش بسطرمة وساندووتش جبنة مدي وشو

هتون>> طيب خد الشي الي تاكله

دفهد >> هتون بقولك شي بس قولي والله مضحك عليك

هتون>> قول مااضحك عليك

رفع فهد حاجبو وكتف يدينو>> ومن وين اضمن انك ماتضحكين علي

ميلت هتون راسها بدلع>> لا ماراح اضحك

قرب الدكترو فهد من هتون >> هتون انا مااشبع من ذي الكفيهات ولما ادخل اسوي نفسي برستيج وافطر هنا تلاقين ساندوتش كبدة في السيارة بس اطلع ادفس منه

هتون ماتت ضحك على فهد>>>ههههههههههههههههههههههههههههههههههه من جد

فهد مد بوزو>> توك تقولين مااضحك عليك

هتون>> هههههههههههههههه من جد ماتحب الساندوتشات حقت الكافيهات

فهد>> ماتشبعني

هتون>> ههههههه ماشاء الله تبارك الله طيب ايش تبغى

فهد>> ايش رايك اوديكي محل يسوي كبده شي جنااااااااان اكتشفته امس الليل وانا طالع من الدوام

هتون>> هههههههههههههههههه يلا

فهد>> يلا قومي

خرج فهد مع هتوون وراحو على بوفية نظيفه ووقف فهد عند الباب

فهد>> هتون تعالي اوقفي هنا

هتون>> ليش

فهد>> ماتشوفين الرجال واقفين

هتون> طيب عادي

فهد>> ايه على اساس الي واقف جمبك لوح خشب

هتون>>> ههههههههههههههه لا رجال وسيد الرجال

فهد>> لو سمحتي دكتور ههههههههههههههههههههه يلا انا الحين اجي

هتون>> طيب

دخل الدكتور فهد وهتون وقفت محل ماقال لها


لينا>> الحمد لله

مهاوي وهيا تمسح يدها>> يسلمو ياعثل

لينا>>> الله يثلمك

مهاوي>> هههههههههههههههه يلا قومي نكمل

قامو مهاوي ولينا بعد مافطرو يكملو جهازها وهما مبسوطين ومتحمسين

خرج الدكترو فهد من البوفية وفي يدو كيس في 3 ساندوتشات و2 بيبسي

فهد>> تاخرت عليكي

هتون>> ههه لا

فهد >> يلا تعالي

مشو هتون وفهد وطبعا عشان يرجعو المستشفى لازم يقطعور الشارع وهتون اقتليها وعديها الشارع

فهد>> يلا هتون

هتون>> اااااااا ام

فهد>> وش فيك

هتون>> ها ايش رايك انا اخلي السوق يجني ويدوين المستشفى

فهد>> ليش هذي هي المستشفى قدامنا

هتون>> بصراحه بصراحه

فهد>> اية بصراحه

هتون>> اخاف اقطع الشارع

فهد مات ضحك على هتون>>> هههههههههههههههههههههههههههههههههههه من جدك

هتون كشرت >> لا تضحك

فهد>> هههه لا والله من جد تخافين

هتون>> ايوا اخاف

فهد >> طيب هاتي يدك اعيك الشارع

هتون في البداية استنكرت الحركة بس لما شافت يد فهد ممدوده مدت يدها ومسكت يدو وعدت الشارع

اول مامسكت هتون يد فهد حست فيها دفا وحنان وامان غريب اما فهد لما مسك يد هتون حس انو جسمو كله زي الكهربا

فهد>> خلاص الحمد لله على السلامه هههههههههههههه

هتون>> الله يسلمك

فهد >> يلا ندخل بشوية المكتب ونفطر سوا عشان لااحد يقول نبي نفطر معاكم ههههههههههه

هتون>>> ههههههههههههه يلا

دخلو هتون وفهد المستشفى وراحو على المكتب حقو على طول

دخل فهد ودخل هتون معا وعلى طول طلع السجادة من الدرج وفرشها

فهد>> يلا تعالي اجلسي

هتون>> على الأرض

فهد>> اية على الأرض

هتون>>>ههههههههههههه طيب

جلست هتون مع فهد على السجاة وطبعا كانت قريبة منو لانو السجادة صغيرة وطول ماهما يفطرو وفهد يهرج مع هتون ويضحكها وهتون متحمسة مع هرجتو وعبد الرحمن فوق في غيبوبة مسكين بس ايش راح تسوي هتون مابيدها شي وعمر الزعل والدموع ماترجع غالي

الله اكبر الله اكبر
اشهد ان لاإله إلا الله

اذن العصر

صحيت ريما من النوم ولقت رنيم نايمة جمبها دخلت ريما الحمام وتحس انو اليوم هذا من اسوء الأيام الي مرت عليها في حياتها يوم تقيل وممل قفلت الباب واتروشت

ام ريما>> نن

نن>> ايوا مدام

ام ريما>> خلاص نظفتي كل الصوالين

نن>> كلاس مدام كلو نديف

اام ريما>> ايما

ايما>> ايوا مادام

ام ريما>> خلاص سوبرمان جاب الحلاوة والتمر

ايما>> كلاس مداد انا هوتي في صالون كبير

ام ريما|> طيب خلاص روحي انتي اغرفي غدا عشان بابا دحين يجي هوا قريب وانتي يانن ولعي فحم عشان تبخري صالون وتقفلي الباب

خرجت ريما من الحمام ولقت رنيم دوبها تفتح عيونها

رنيم>> صباح الخير ياعروسة

ريما>> عروسة في عينك

رنيم>> ههههه توك صاحيه

ريما>> لا من اول بس كنت اتروش

رنيم>> حمام الهنا

ريما>> الله يهنيكي

رنيم>> بعدي عن وجهي لااسوي لك كه اصرعك

ريما>> ههههههه لالا روحي الحمام اتفضلي

دخلت رنيم الحمام تغسل وجهها ريما جالسة تلبس في الغرفة


شهد ويها جالسة على السرير وفي يدها كوب في كورنفليس وملعقة>> هتون احسو يحاول يتقرب منك

هتون>> شهد بلا هباله هوا يشوفني زي اختو وقالي انا بساعد عبد الرحمن عشان متفارقو كيف يتقرب مني

شهد>> والله مدري

هتون>> منتى رايحه بيت عمي

شهد >> إلأ طبعا

هتون>> شهد ترى الساعه الساعه5 ومافي وقت الزفت جاين بعد المغرب

شهد>> يلا بقوم البس

هتون>>> امي راحيه

شهد>> لا قالت خلاص روحي انتي واخواتك

هتون>> وهيا فين رايحه

شهد>> بتروح مع خالتي يشوفو قصور عشان شبكتي انا وخلود

هتون>> حركات طيب يلا قولي لاخواتك يخلصونا


مروج>> ماما يلا ترى بعد المغرب بطلع

ام مروج>> فين بتروحي

مروج>> نروح المساعديه

ام مروج>> طيب بس استني ابوكي يقوم وناخذ منو فلوس

مروج>> ماما مالو داعي اول شي نروح نشوف وبعدين نشتري

ام مروج>> طيب براحتك


خلصت ريما من الغدا وشعرها منكوش مامشطتو حتى

ام ريما>> رنيم يعني كدا الرجال يبغى يشوفك

رنيم >> عادي ياماما اهم شي الأخلاق

ام ريما>> ياريت تعدلي شكلك اليوم شوفتك

ريما>> هذا شعري وماني مغيرة شكلي عشان احد

طلعت ريما غرفتها وقفلت الباب عليها

ام ريما>> شايف هذا نهاية الدلع

ابو ريما>> سيبيها براحتتها

ام ريما>> كيف يعني اسيبها براحتها وتنزل بكوشتها

رنيم>> خلاص لو يبغاها يرضي فيها زي ماهيا

ام ريما>> خلي تظبط نفسها ولاتحرجني مع ام طلال

رنيم>> خلاص طيب


طلعت ررنيم لريما الغرفة ولقتها تلكم انس

ريما>> والله ياانس حتى شعري مامشطو

انس>> وربي انك تجنني انتي وكوشتك

ريما>> اقولك مامشط شعري عشان ينفجع وانت تقولي تجنني

انس>> وربي ياريما انك في عيني اميرة في كل حالاتك

ريما>> اموت فيك

رنيم واقفه ورى ريما وريما ماتدري عنها>> ايوا موتي في زي ماتبغي

ريما انفجعت>> بسم الله

رنيم>> انتي من جدك جالسة تحبحبي في انس ومدية ظهرك للباب لو ماما دخلت ايش راح تسوي

ريما>> ماعليا من احد

رنيم>>طيب قفلي من انس وكلمي بعدين لانو ام العله والعله جاين دحين

ريما>> انوس حبيبي انا اكمل بس اخلص

انس>> ريما انتبهي لنفسك

ريما>> طيب حبيبي

انس>> احبك

ريما>> وانا اموت فيك

انس>> يلا باي

ريما>> باي

رنيم>> ريما ايش راح تسوي

ريما>>مدري

رنيم>> ريما امس لما خرجنا اشتريت بودرة عفريت

ريما>> هههههههههههه وايش راح تسوي فيها

رنيم>> بحطها على الكنب واخلي طلال يجلس زي الجربانين يحك حك

ريما>>> طيب يلا

رنيم>> ياهبلة وانا ايش يدريني في ايت مكان طلال راح يجلس الصالون ياكبرو

ريما>> حطي في كل مكان

رنيم>> طيب لو جلستي انتي في محل في بودره هههههههههههه

ريما>> من جد مااستفدنا شي

رنيم>> تعالي انا بلبسك واظبطك لعريس الغفلة

خلصو هتون واخواتها لبس وركبو السيارة وراحو على بيت عمهم


طلال جالس بكل برود ولاكانو اليوم شي مهم في حياتو جالس في الصاله يتفرج تلفزيون وام طلال ونوف رايحين جاين في البيت يلبسو ويتظبطو

ام طلال>> طلال انت جالس هنا قوم

طلال>> ايش اقوم اسوي

ام طلال>> قوم البس

طلال>> طيب دحين بس يخلص الفيلم

ام طلال>> اللهم طولك ياروح يانوف

نوف>> ايوا ياماما

ام طلال>> خلصتي

نوف>> ايوا خلاص بس باقي احط مناكير

نهى وهيا لابسة البجامه ومركزه ظهرها على الجدار>> مرة فرحانه

نوف>> طبعا اليوم شوفت اخويا

نهى>> من زينو ولامن زين الي يباخدها

نوف>> حرام عليكي والله ريما تجنن

نهى>> اقول اسكتي بس

نوف>> سبحان الله فيكي

نهى>> يارب مايتمم لهم

نوف>> نهى حرام عليكي

نهى>> هههه اصلا ماراح يدوم الي بينها وبين طلال هيا مغرورة وطلال لئيم

نوف>> اسكتي طيب لاتحرقي دمي

فجأة دق جوال نهى
قرب كمان من حضني وحس بالي بحس بية
دنا من زمان مستني اعيش وياك اللحظة دي

المتصل

نونو الفيس بوك

نهى لما شافت رقم ناصر اتلخبطت

نوف>> ايش فيكي ردي علي جوالك

نهى>> مالك دخل

اخذت نهى الجوال حقها ودخلت الحمام وقفلت الباب

وبصوت واطي ردت>> الو

ناصر>> هلا ياقمر

نهى>> اهلين

ناصر>> اخبارك

نهى>> تمام الحمد لله

ناصر بهيامه>> وحشتيني موت ياروح

نهى صغيرة ومرة سهل ينضحك عليها>> وانت اكثر ياعمري

ناصر>> من جد يانونو ماتدري انتي ايش سويني فيا من جد غيرتيني

نهى>> نصور لاتتونس عليا ترى مني مصرفده

ناصر>> اخص عليكي انتي تفكري فيا كدا يانونو الله يسامحك

نهى>> لا مو قصدي ياعمري بس معقولة حبيتني بسرعه

ناصر>> في احد يسمع الصوت الحلو دا ومايحبو

طق طق طق

نهى>> دقيقة مين

نوف>>> نهى ابغى الحمام

نهى>> طيب ايوا نصور حبيبي انا اكلم مرة تانية يلا باي

ناصر>> انتبهي لنفسك حبيبي

نهى>> طيب ياقمر يلا باي

ناصر>> باي ياروحي

قفلت نهى من ناصر وفتحت الباب >> نعم

نوف>> سنة في الحمام

نهى>>> بطني تعورني

نوف>> طيب اطلعي ابغى الحمام


خلص طلال ولبس واتعطر وشكلو كان مرة يجنن صح انو لئيم بس عليه نظرة بريئة تجنن

ام طلال>> لولولولولولوي ماشاء الله تبارك الله

طلال>> ترى انحرج ههههههههههههه

ام طلال>> الله يوفقك ويتمم لك على خير يارب

طلال>> ههههههههههههه

ام طلال>> ليش تضحك

طلال>> ها ولا شي مبسوط

ام طلال>> دوم ان شاء الله حبيبي

نوف>> انا خلصت

نوف اول ماشافت طلال حطت يدها على فمها >> واااااااااااااااااو تجنن

طلال نفخ صدرو>> من جد

نوف>> من جد كأنك امير

طلال>> احم احم لاداعي

ام طلال>> يلا يلا

هتون>> هههههههههههههه ريما شكلك زي المعوقين

ريما>> امانه طيب حلو هذا الي نبغى

شهد>> ريما خير لون الروج دا كانك حجه

ريما>> ههههههههههههههههههه والله

رنيم>> عارفين هذا روج مين

خلود>> اكيد حقك

رنيم > كلي هوا انتي

نوارا>> حق مين

ريما >>> هذا الروج المعوق الي اعطانا هوا هذاك الولد مع الأشياء الي اشترينها من فيسيز

نوارا>> ايوا اتذكرتو الي جلسنا نتونس على لون الروج لما حطو في يدو

ريما>> ايوا حطو في الكيس وكل يوم اقول ابغى ارمي وماريمتو

هتون>> اهو نفعك في الأزمات

خلصت ريما ولبس وعلى قد ماكانت مشوها في نفسها لاكن فيها شي جذاب وحلو

لبست تنورة سوده ولبوزة سوده هاينك مافيها ولاشي ولبست فلات ابيض من lv وخلت شعرها منكوش مخليتو كدا وللأسف انو ريما مااكتشفت انو الكدش حلو عليها اكثر من الأستشورا وحطت روج لونو عودي من جد هذا الي كان شوه هههههههههههههه عليها وحطت كحل ومسكرة بس

طبعا ام ريما مره مايجي في بالها انو ريما تسوي شي زي كدا ماطلعت شيكت عليها ولا شي

كل هذا وانس جالس عند باب الفلا حقت ريما ويطالع شباك غرفتها وريما ماتدري انو انس تحت انس شايل هم ومايبغى يكون بعيد عن ريما بالذات في هذي اللحظة

خلصت صلاة المغرب وصلو البنت ودعت ريما ربها انو مايت شي ريحت البخور معبية البيت وكل شي جاهز على اصولو القهوة والتقديمات والعصير

وقت سيارة طلال البانورما قدام الباب وانس جالس يطالع من بعيد شكل طلال مألوف علية بس فين شافو مو متذكر طبعا انتو متذكرين لما جاكرو بالسايرة حقتو واضارب معا

نزل طلال وامو ونوف من السيارة ودقو الجرس

تتن تتن

ايش راح يسير في شوفت ريما؟ ريما حطير طلال وتفتك منو؟ وايش راح تسوي ام ريما لما تشوف ريما مشوها في نفسها؟ وايش راح يسير بين نهى وناصر؟ وهتون وفهد كل مالهم يتقربو من بعض معقولة تسير بينهم علاقة؟ كل دا في البارت الجاي

البارت 86

كل هذا وانس جالس عند باب الفلا حقت ريما ويطالع شباك غرفتها وريما ماتدري انو انس تحت انس شايل هم ومايبغى يكون بعيد عن ريما بالذات في هذي اللحظة

خلصت صلاة المغرب وصلو البنت ودعت ريما ربها انو مايتم شي ريحت البخور معبية البيت وكل شي جاهز على اصولو القهوة والتقديمات والعصير

وقفت سيارة طلال البانورما قدام الباب وانس جالس يطالع من بعيد شكل طلال مألوف علية بس فين شافو مو متذكر طبعا انتو متذكرين لما جاكرو بالسايرة حقتو واضارب معا

نزل طلال وامو ونوف من السيارة ودقو الجرس

تتن تتن

اول ماسمعت ريما صوت الجرس حست انو قلبها سار يدق مع الجرس

لفت شهد وجهها وحست في ريما>> ريما لاتخاف ان شاء الله ماراح يتم شي

قتحت ام ريما الباب لأام طلال>> ياهلا ياهلا

اخذت ام ريما ام طلال بالأحضان وسلمت على نوف ودخلتهم

ام طلال>> ام محمد طلال واقف برى

ام ريما>> دحين انادي لو ابو محمد دقيقة

راحت ام ريما وانادت ابو ريما وراح على طول من الباب التاني وفتح لطلال

طلال دخل بغرور وسلم على ابوريما >> السلام عليكم

ابوريما>> ياهلا حبيبي اتفضل

دخلت ام ريما وام طلال ونوف في الصالون الكبير ودخل ابوريما وطلال في الصالون التاني الي جمبو

ام ريما>> ياهلا والله ياام طلال يانين جيبي عصير


هتون>> ريما قبل ماتنزلي اقري

ريما>> هتون مرة خايفة

رنيم >> ريمو اسمعي اول ماتدخلي احول عيونك هههههههههه

خلود>> تخيلي شكلك

هتون>> اخصريهم لو سويتي كدا بيعرف انك جالسة تستهبل

ريما>> طيب ايش اسوي

شهد>> زي ماقلت لك انزلي وانتي رافعه خشمك في السقف ولاكن احد جالس جمبك


ابوريما>> وايش تشتغل ياطلال

طلال حاط رجل على رجل ومو مسوي قدر لابوريما

طلال>> انا اشتغل في شركة ابويا الله يرحمو

ابوريما>> الله يرحمو كان من خيرة الرجال


نوف>> خاله فين ريما مانزلت

ام ريما>> دحين اناديها

خرجت ام ريما من الصالون وسارت تنادي على ريما من تحت>> ياريما ريما

ريما>> شهد ماما تنادي

شهد>> ردي عليها

ريما>> نازله

ام ريما>> يلا ياامي شوفي خالتك عيشة ونوف يسألو عنك

رنيم وريما اصواتهم زي بعض ماحد يقدر يفرق بينهم ردت رنيم>> ماما انتي روحي وانا دحين انزل

ام ريما> هيا ياامي لاتتأخري

رجعت ام ريما لعند ام طلال


هتون>> يلا انزلي

نزلت ريما وتحس رجولها تقيل ماهي راضية تشيلها
بعد مجهود كان تقيل على ريما نزلت من الدرج وبنات عمها وراها ماشين لين وصلت الصالون الكبير ودخلت ريما

ريما بغرور غير معتاد دخلت وسلمت على ام طلال>> السلام عليكم

ام طلال استغربت شكل ريما واستنكرت لون الروج هيا تعرف انو ريما مرررررة مذوقة >> هلا حبيبتي وعليكم السلام

ام ريما لما شافت شكل ريما انصعقت اتوقعت ريما تعترض بس ماتسوي شي زي كدا في شكلها وطبعا ام ريما مرة ماتحب الكدش والخرابيط دي تحب الشعر مفرود وناعم على قولها تسير ست وادمية

نوف لما شافت ريما عجبتها شكلها كان زي الأيمو ونوف من المعجبين بستايل الأيمو >> هلا بمرت اخويا

ريما بغرور ضحكت بسخرية>> اهلين

سلمت ريما وجلست بعيد عنهم

ام ريما نفسها تقوم تكفخ ريما>> ريما تعالي هنا اجلسي ياامي


قربت ريما منهم وجلست جمب نوف

كل دا والبنات من برى جالسين يتفرجو وضحك على شكل ريما من جد متقنه الدور في الغرور

شهد>> تصدقو يابنات

البنات >> ايش

شهد>> ريما شكلها مرة يجنن

رنيم>> من جد والله

هتون>> انتو عارفين ايش النكبة

شهد>> ايش لاتفجعيني

هتون>> الروج الي ريما حاطتو لو شربت عصير حيروح لانو لسة مانشف

شهد> يارب ماتشرب عصير

جابت الشغالة لريما العصير وريما طبعا اخذت العصير وشربتو عشان تهدي شويا من حرارة جسمها

طلال>> ايوا درست في اميركا وكنت ابى اسوي لي بزنس هناك بس قلت بلدي اولا

ابوريما حس انو طلال مغرور>> صح ياولدي البلد محتاجه شباب زيكم يقومها


خلود>> خلاص المفجوعه شربت العصير

نوارا>> من جد شكلها ياخذ العقل

ريما متعوده بعد ماتشرب أي شي او تاكل أي شي تمسح فمها وللأسف مسحت فمها وراح الروج ورجع شكل ريما ياخذ العقل من غير أي شوه


ام طلال >> ها ياام ريما نجيب طلال يشوف القمر

انس فجأة حس قلبو سار يدق بسرعه

انس>> اعوذ بالله الشيطان الرجيم

خرج انس من السيارة وجلس على الشنطة وسار ياخذ نفس لانو حس بضيقة

ريما قلبها سار يدق بسرعه والبنات كلهم يدعو انو مايتم شي

ام ريما>> طيب يلا

راحت ام ريما لابو ريما

ام ريما>> ابو محمد

ابوريما>> عن اذنك حبيبي

طلال بغرور مد يدو انو اتفضل>> تيك يور تايم

ابو ريما>> ايوا

ام ريما>> هيا تعال انت ودخلو ريما

ابوريما>> ليش امو ماراح تجلس

ام ريما>> لالا احنا ندخل البنت الولد يشوفها واحنا نشوفهم من الباب

ابوريما>> طيب


راحت ام ريما لام طلال>> عيشة تعالي احنا نجلس هنا في المدخل عشان نشوف ريما لما تدخل لطلال

ريما قلبها سار يدق بسرعه خرجت امها وام طلال ونوف وجا ابوها

ابوريما اول مادخل حضن ريما وباسها على خدها >> يلا بابا

مسكت ريما يد ابوها وهيا حاسة انها بتروح تنفذ حكم اعدام

اول ماوصلت ريما عند الباب بلعقت ريقها وبللت شفتها ودخلت اول مادخلت جات عينها على عين طلال طلال لما شاف ريما فتح فمو وسار يكلم نفسو >> اخ منك وربي غزاله ماشية مو بني ادمه اح بس وربي لاافتركك والله ياهلا ياهلا تعالي

راحت ريما وجلست جمب طلال وحست انو جسمها كلو يتنفض جلست ريما بعيد عن طلال وخرج ابوريما وتركهم لوحدهم

طلال طبعا خبرة في البنات ومن يوم مادخلت ريما ماشال عيونو منها وبجرائة ومن غير أي حدود >> ليش جالسة بعيد تعالي قربي

ريما لما سمعت صوت طلال حست بصداع غريب مسك راسها

ام ريما من عند الباب > ريما روحي اجلسي جمب طلال

راحت ريما وجلست جمب طلال وبينهم مسافة بسيطة طبعا ريما منزله راسها على الأرض ماتبغى تشوف شكلو صح هوا حلو بس ماتشوف غير انس

طلال>> ايش فيكي راخية راسك على الأرض ارفعيها ماتبغي تشوفيني

ريما وهيا منزله راسها >> مو ضروري اعرف شكلك

طلال>> طيب ارفعي راسك

رفعت ريما راسها وطالعت في طلال بنظرة غرور وتكبر واستحقار


طلال حس انو ريما مرة مغرورة وسار يكلم نفسو >> شايفة نفسك يانونة بابا والله لااكسر خشمك وارميكي زي الكلبة صبرك بس

ريما استنكرت نظرة طلال>> كأنك بتقول شي

طلال>> لا بس محد قالك انو عيونك حلو

ريما>> ههه قديمة قالوها كثير قبلك

طلال>> ماتلاحظي انك واثقة بنفسك زيادة عن اللزوم

ريما>> طبعا انا بنت هشام الـ لازم اشوف نفسي

طلال>> طيب حلو

اخذت ريما نفس عميق وطبعا صدرها طلع وعلى طول طلال جات عينو على صدر ريما ريما استغربت من جرائتو لدي الدرجه هوا سافل


ام ريما>> خلاص ياطلال ناخذ ريما

طلال>> طيب

خرحت ريما وهيا نافخه صدرها بإنتصار

راحت ام طلال هيا ونوف تسأل طلال واخذت ام ريما ريما مع البنات المجلس التاني يسألوها

ام طلال>> ها ايش رايك

نوف>> حلوة صح

طلال رفع حاجبو وميل فمو>> حلوة بس هذي تفلق الحجر من جمالها

ام طلال>> عجبتك

طلال>> ايش عجبتني هيا دي مافي غيرها

نوف>> مبروك

طلال>> يبارك بعمرك ياقلبي

ام ريما>> كيف يعني

ريما>> ماما ماارتحت لو نظراتو تخوف

ام ريما>> عادي أي رجال يشوف بنت لازم نظرتو تكون كدا

رنيم>> لا ياماما انا انتبهت لو كان نظراتو مرررررررررة وسخه

ام ريما>> انتي محد سألك ريما المنظر الي نزلتي في انا عارفة انو اسلوب تطفيش بس والله العظيم لو ام طلال قالت اوكي غصبن عنك بتاخدي

ريما>> كيف غصبن عني

ام ريما>> انتي حاطه هذا اليماني في راسك والله ياريما غير تضفري شيب

هتون>> خاله صلي على النبي مو كدا مافي شي بالغصب

ام ريما>> اللهم صلي على سيدنا محمد

جات ام طلال >> ها ياريما عجبك طلال

ريما وهيا تشمق>> مافي شي

ام طلال مرة مستغربة من ريما هيا تعرفهم من زمان وهذا مو اسلوب ريما>> طيب طلال اتجنن عليكي

ريما انصدمت لما ام طلال قالت كدا ريما خلتو يكرها مو يواقق عليها

ام ريما>> حتى ريما موافقه

ريما >> بس انا يماما

ام ريما ماخلت ريما تكلم وسارت تزغرط لولولولولولولوي

وام طلال نزغرط لولولولولولولولو

البنات كلهم انصدمو وماقدرو يسو شي

ام طلال مسكت ريما من يدها >> تعالي ياريما طلال يبغى يلبسك

دخلت ريما مع ام طلال وماتشوف شي قدامها كل شي اسود وتحس طلال كانو شيطان قدامها مو انسان

دخلت ام طلال ريما جمب طلال وجلستها وطلع طلال علبة الساعه من جيبو ومسك يد ريما

ريما حست بثلج مسك يدها بعكس يد انس الدافية مسك طلال يد ريما وسار يفرك لها اصابعها بيدو وريما تحس انو جيمها كلو يتنفض فك طلال الساعه ولبسها ريما

طلال>> مبروك ياقمر

ريما ماردت على طلال تحس نفسها بحلم

ام طلال تزعرط وام ريما تزعرط ورنيم نزلت دموعها على اختها وشهد ماقدرت تمسك نفسها وطلعت الغرفة تبكي وهتون تتصنع الفرحه عشان مرة عمها وخلود ونوارا مكتفين يدينهم


ام طلال>> الف الف مبروك حبيبتي

ريما سارت زي الهبلة مو عارفة ايش تقول>> ها الله يسلمك

خرجت ريما من الغرفة ومن غير ماتحس طلعت الغرفة حقتها وهيا ساااااااااااكتة ودخلت لقت شهد قدامها تبكي راحت جري في حضن شهد وسارت تبكي وتصرخ>> شهد ماابغى ماابغى ابغى انس شهد الله يخليكي قولي لهم انا ماابغى طلال. شهد انا اكرهو والله ماابغى طلال اكرهو. شهد تعرفي يعني ايش اتزوج احد غير انس. شهد انا ماابغ احد غير انس. شهد الله يخليكي كلميهم انا ابغى انس

شهد وهيا حاضنة ريما وتبكي>> ريما لاتسوي في نفسك كدا لسة عندنا امل طلال ماملك عليك لاتخافي

ريما>> شهد انا ماابغى احد يلمسني غير انس ماابغى احضن احد غير انس شهد انا ماابغى بزورة من غير انس الله يخليكي ياشهد قولي لهم انا احب انس ابغى انس الله يخليكي

ام طلال وهيا عند الباب تسلم على ام ريما>> يالله الله يتمم لهم على خير يارب ويفرحنا بيهم

ام ريما>> يارب عقبال نوف ونهى ان شاء الله

ام طلال>> يارب يالله حبيبتي سلمي لي على ريما وعلى البنات

ام ريما>> ان شاء الله ياعيني ياهلا حبيبتي مع السلامة

خرجت ام طلال وركبت قدام جمب طلال شغل طلال السيارة ومشي

ام طلال>> كيف عجبتك

طلال>> تجنن

نوف>> قلتلك مرة حلوة وكمان اليوم مسوية كدش شكلها طالع مرة كووووووول

ام طلال>> بس غريبة كان فيها شي متغير

طلال>> كيف يعني

ام طلال>> احسها مهي مبسوطه

نوف>> لا مبسوطة بس خايفة ياماما طبيعي الخوف

ام طلال> مدري يمكن. المهم عجبتك ياطلال

طلال>> مو بس عجبتني وربي خبلتني عليها شقرت اعيان تدوخ

نوف>> اموت انا في الهيمانين

طلال>> بس يابنت عيب


انس اول ماشاف طلال طلع على طول اتصل على ريما

ام ريما في الغرفة مع ريما ورنيم وبنات عمهم

ام ريما معصبة وتصرخ>> يعني تحسبي نفسك كدا كسرتي خشمي لما نزلت بمنظرك الزباله يازباله

رنيم>> بالعكس كان شكلها حلو

ام ريما>> رنيم انتي اسكتي حسابك بعدين معايا

ريما>> ماما انا قلت لك ماابغى طلال ماابغى

ام ريما >> ليش عشان اليماني والله ياريما لااخليكي تضفري شيب


قرب كمان من حضني وحس بالي بحس بي
دنا من زمان مستني اعيش وياك اللحظة دي

المتصل روحي

لما دق جوال ريما ريما ارتبكت وعلى طول شهد اعطت انس بزي

ام ريما>> مين ياشهد

شهد خافت >> ها هذي مروج

ام ريما>> اديني الجوال

ريما وهيا تبكي >> ليش ياماما

ام ريما>> ريما مافي جاوالات من اليوم روايح لين يملك عليكي طلال

ريما>> بس ياماما هذا ظلم

فتحت ام ريما المكالمات لقت رقم انس

ام ريما>> مروج ها ياشهد

شهد خافت>> والله ياخاله ريما مسمية مروج روحي

ام ريما>> هذا الزباله حقك مو

قفلت ام ريما جوال ريما

ام ريما>> رنيم جيبي جوالك انتي كمان

رنيم>> وانا ايش دخلني

ام ريما>> ماسرت اثق فيكم

رنيم>> ماما هذا مو اسلوب مو كفاية غصبتي ريما على واحد وسخ

ام ريما>> اسمعوني لو سمعت وحده فيكم تتكلم على طلال وعزة جلال الله مايردني فيها غير القبر فاهيمن

اخذت ام ريما جوال رنيم وقفلتو برضو وخرج من الغرفة وتركت ريما تبكي

اتصل انس مرة تانية لقى جوال ريما مقفل>>لا ايش سار لايكون سار لها شي حسبي الله ونعم الوكيل

شهد> ريما لاتبكي خدي جوالي كلمي انس منو

ريما وهيا تبكي >> ايش تبغيني اقولو ياشهد ماما جبرتني اخد غيرك ايش اقولو

هتون>> خلاص لاتبكي انا بكلمو

نوارا>> ريما لاتبكي والله بنلاقي حل لاتشيلي هم

اتصلت هتون من جوالها على جوال انس وراحت بعيد عن البنات

انس اول ماشاف رقم هتون على طول رد>> ايوا ريما

هتون>> انا هتون

انس>> ها ايش سار

هتون> الوضع هنا زي الزفت خاله سحبت الجولات من ريما ورنيم وحرمتهم من الطلعه والظاهر كدا السالفة معقده

انس حس انو العبرة خنقتو >> يعني ياهتون خلاص ريما راحت من يدي

هتون>> لا ان شاء الله بنلاقي حل لاتخاف

انس>> هتون ابغى اكلم ريما

هتون>> مو دحين لو كلمت راح تنفجر وتبكي

انس>> طيب انا واقف عند الباب تحت اروح ولااستناها امكن تكلمني

هتون>> لا احنا بنبات عندهم اليوم وانا اخليك تكلمها في الليل لما تهدا

انس>> وعد ياهتون

هتون>> والله ياانس لاتخاف

انس>> اوكي باي

هتون>> باي

قفل انس من هتون وحس انو الدنيا ضايقة في وشغل سيارتو راح على البيت

هتون>> خلاص ياريما

ريما والدموع معبية وجهها>> ايش قال لك

هتون>> خلاص احنا بنبات عندكم وفي الليل لما خاله تنام كلمي

ريما>> هتون كلمي ماما ماابغى طلال الله يخليكي

خلود>> ريما خلاص لا تبكي هذا الخرا ماراح يتزوجك ان شاء الله نقتلو

ريما>> ماابغى ياخلود

خلود ماهي عارفة ايش تقول>> خلاص لاتتدلعي ماراح تتزوجي يوه

رنيم>> يلعن ام الأسلوب ههههههههههههههههههههههههه

ريما ضحكت على خلود ماتعرف تقول شي بس من جد تحس بالواحد لما يكون مضايق

هتون> ايوا اضحكي لاتكدري على خاطر وربي بتتسهل

كل دا وابوريما موقفو سلبي بالموضوع

انس وهوا في طريقو على البيت ماشي بسرعه وفكرو مشغول

الأشارة حمرة

السيارة وقفت وانس ماشي بسرعه

حوووووووووووووووووووووووووط طق >> كيف زبط الصدمه

صدم انس في سيارة قدامو


شهد>> من جد وسخ نظرتو وسسسسسسسسسخه

ريما حست بشي دقها في قلبها >> اشهد ان لا إله إلا الله

خلود>> ايشبك تتشهدي بتودعي

ريما> ماادري هتون افتحي الشباك انخنقت

قامت شهد جري وفتحت الشباك وجات لريما>> ريما اشبك

ريما بالقوة تاخذ نفسها> ماادري

رنيم>> هذا من البكي قلنا لك لاتبكي بتتدبر

ريما>> احس زي السكاكين في قلبي

نوارا>> صلي على النبي

ريما>> اللهم صلي على سيدنا محمد

وييييييييييييييي وي وي وي

دخان معبي الشارع والناس متلمين على السيارة حقت انس اطعوجت والشرطة وسيارة الإسعاف محوطين المكان

>>> لا إله إلا الله شكلو الي في السيارة مات

>> الله يرفع عنو

الشرطي>> لو سمحتو على وراى نبغى ننشر السيارة يمكن الرجال مامات

انس جوا السيارة التوب كلو دم وهوا بين الصحيان والنوم ومايقول غير ريما ريما ريما


نشرو السيارة وطلعو منها انس

>> لسة في نبض

>> بسرعه جيبو النقاله

الشرطي >> اعطينا كل شي بجيبو عشان نبلغ اهلو

جابو النقالة وشالو انس يالثوب الأحمر مو الأبيض ودخلو على سيارة الأسعاف وجري على المستشفى


ام مروج>> ها برضو جوال رنيم مقفل

مروج>> ايوا

ام مروج>>طيب دقي على بيتهم

مروج>> لالا بدق على شهد

اتصلت مروج على شهد لسة الدقة ماكلمت وردت عليها نوارا

مروج>> شهد

نوارا>> لا انا نوري

مورج> هلا نوري فين ريماادق على جوالها مقفل

نوارا>> سالفة طويلة خدي ريما تحكيك هيا

ريما وهيا تبكي >> مروج طلال لبسني

مروج>> قولي والله

وجلست ريما تحكي مروج الي سار معاها وهيا تشهق وتبكي

في المستشفى في الطوارئ

>> بسرعه اديني اوكسجين

>> الجروح الي في جسمو كثيرة حاول توقفها عشان الدم

>> الحمد لله مافي أي اصابت في الراس والعمود الفقري

>> احد اتصل على اهلو

>> اظن الشرطة بتصل

>> بسرعه انتقلو لغرفة العمليات لازم نخيط لو يدو انشقت


فتح االشرطي بوك انس لقى في فلوس وبطاقات تأمين ولقى بطاقة العمل فيها كل بيناتو اخذ جووالو واتصل على اخر رقم صادر لقى مقفل اتصل على اخر رقم مستلم

ريما مشغوله مع مروج تحيكها وجوال هتون اتصل

شهد> مين

هتون>> انس دقيقة

اخذت هتون الجوال وراحت بعيد

هتون>> ايوا انس

>> اختي ايش تقربي لصاحب الجوال

هتون>> ليش

>> احنا الشرطة

هتون>> انا بنت عمو ليش ايش سوا انس

>> انس سوا حادث وهوا دحين في المستشفى ياريت لو احد يبلغ ابو اواخو يجي

هتون انفجعت>> ايش انا توي كلمتو طيب هوا في شي

>> لا لا بس شويت جروح بسيطة

هتون>> طيب طيب انا دحين اتصرف انتو في مستشفى ايش

>>> مستشفى ال؟

هتون>> طيب شكر

قفلت هتون واشرت لشهد وناديتها


شهد>> ها اشبو انس

هتون وعيونها كلها دموع>> شهد انس سوا حادث وهوا في المستشفى

شهد انصدمت >> ايش مين قالك

هتون>> دوبهم الشرطة اتصلو وقالو بس ريما لاتتدري

شهد>> ايش بتسوي دحين

هتون وهيا تبكي >> ماادري

شهد>> اتصلي على راكان

هتون>> طيب نادي رنيم

راحت شهد بشويش من غير محد يحس ونادت رنيم

رنيم>> ها خير وش عندكم .هتون ليش تبكي

هتون>> رنيم انس سوا حادث

رنيم انصدمت>> ايش

هتون>> والله وتوهم اتصلو عليا

رنيم>> ريما لاتدري وربي تموت فيها

شهد>> رنيم اتصلي على راكان خلي يروح لأنس بسرعه

رنيم>> طيب اديني جوالك

اخذت رنيم جوال هتون واتصلت على راكان


راكان في المرسم حقو من زمان مارسم شي جديد ومرة مندمج مع الرسمة وجوالو اتصل

سير علينا ياهوا سير علينا
مشتاق لعيونك تعال سير علينا

المتصل هتون

مااستغرب راكان اتصال هتون

راكان>> هلا والله

رنيم وصوتها مخنوق >> راكان انت فين

راكان>> هلا رنومتي اخيرا حنيتي عليا

رنيم>> راكان انس سوا حادث

راكان>> ايش متى وكيف

رنيم>> ماادري عن شي دوبهم الشرطة دقو علينا حتى ريما مااتدري

راكان>> طيب هوا فين

ريما>> في مستشفى ال

راكان>> انا دحين رايح ولاتقول لريما شي طيب

رنيم>> طمنا ياراكان

راكان >> طيب اوكي يلا باي

قفل راكان من رنيم وعلى طول من غير مايغير ملابسو ركب السيارة وراح المستشفى

رنيم>> باي

شهد>> مسكينة ريما البلاوي من اليوم تتحدف عليها



>>> الحمد لله كل شي تمام بس لسة مافاق عشان الصدمة

>> طيب احنا كلمنا اهلو واكيد راح يجو دحين

راحو هتون وشهد ورنيم وجلسو مع البنات عشان مايبنا عليهم شي لين راكان يعطيهم خبر ايش سار لأنس


مهاوي>> لينا خلاص انا تعبت الصباح وفي الليل رجولي اتكسرت

لينا>> خلاص انا كلمت السواق ودحين يجي عند الباب

مهاوي>> تعالي عندي اشربي قهوة

لينا>> لا مااقدر لانو باابا كلمني وقال مرة متحمس يشوف الأشياء الي اشتريتها

مهاوي تغمز للينا>> اكشخ ياعم بابا سار يهتم


جلس ياسر ووحط يدو على راسو وهوا يطالع في ندى وهيا تلعب مع محمد وسار يكلم نفسو >> يالله من جد انا اهبل عندي حرمة زي القمر واحلى ولد في الدنيا واروح العب بديلي من جد اني اناني ايش ابغى احسن من كده زوج تهتم فيا وتقدر عملي وتشوف بيت وتراعي ولدي ليش اسوي فيها كدا

ندى>> اشبك حبيبي سرحان

ياسر>> ولا شي بس من جد وحشتوني

قامت ندى وحضنت ياسر وحطت راسو على صدرها>> وانت كمان الله لايرحمني منك يادنيتي وحياتي

حضن ياسر ندى بقوه وباسها في بطنها >> ولامنك يانور عيني


وقف راكان السيارة ونزل جري على الطوارئ

راكان>> لوسمحت فين الي سوا حادث قبل شويا

>>> انس محمد

راكان>>ايوا

>> شوفو تلاقي موجود في الطوارئ

دخل راكان الطوارئ لقى دكاترة وشرطة

راكان>> السلام عليكم انا راكان عبد العزيز الـ؟

طبعا الكل اعطى لراكان احترام واهتمام

>> اتفضل طال عمرك

راكان>> لو سحمت ابغى اسئل عن انس

>> لا الحمد لله بخير بس جروح سطحيه ويدينو اليسار كان فيها قزازه كبيرة خرجنها وخيطنالو هيا 9 غرز بس الحمد لله كلو تمام الراس والعمودي الفقري كلو تمام الحمد لله


راكان انتهد >> الحمد لله

>> بس طبعا هو حاليا غياب عن الوعي بسبب الصدمة وهذا شي طبيعي مايخوف كمان ساعتين بالكثير ويرجع لوضعو الطبيعي ان شاء الله

راكان>> اطلعو معايا

>> لالا لازم يكون تحت عيننا الين يتحسن بعد كده تقدر تاخذو

راكان>> يعطيك العافية يادكتور

>> الله يعافيك عن اذنك

طلع الدكتور وطلعو انس في الغرفة بسريرو


ريما>> مادري يامروج

مروج>> ماعيكي بنلاقي حل

ريما>> مروج كلكم تقولو كدا

مروج>> لانو لسة ماسار شي رسمي بس شوفة

ريما>> ماادري ودحين يامروج فجأة قلبي عورني مدري ليش

رنيم تكلم هتون بصوت واطي>> ايش راح تسوي لو عرفت

هتون>> اوس لاتسمعك

مروج>> يلا ريمو انتبهي لنفسك ولاتخافي بتنحل

ريما> ان شاء الله

مروج>> يلا قلبو باي

ريما>> باي

قفلت ريما من مروج واعطت هتون الجوال وعلى طول اتصلت راكان

ريما>> مين مروج

هتون اتلخبطت >>ها لا هذي وحده من بنات الجامعه برد عليها هناك دقيقة

قامت هتون بعيد عن ريما وردت

ريما> شهد ايش فيها هتون

شهد>> مافي شي بس شيال همك

ريما>> اف مرة مخنوقة ياشهد

شهد>> لا تخافي حبيبي بنلاقي لها حل


هتون> ايوا راكان

راكان>> هتون انس الحمد لله تمام بس يدو اليسار انشقت دخلت فيها قزازة وشالوها وسو لو 9 غرز

هتون>> الله اكبر

رااكان>> والله ربي رحمو السيارة مطعوجه يقولو وماقدرو يخرجو الين نشروها

هتون>> طيب انت كلمتو

راكان>> لا غايب عن الوعي بس الدكترو يقول هذا شي طبيعي

هتون> طيب وريما

راكان>> لاتعرف شي بس يقوم انس هوا يكلمها بنفسو عشان لاتقلق

هتون>> طيب كلمت ام انس

راكان>> لا لما يقوم انس يكلمهم ترى انا مااعرف ادي اخبار زي كدا بس يقوم انس يكلم امو

مر الوقت والبنات مهمومين وبدات المصايب تتحدف عليهم من كل مكان دحمي بين الحيا والموت وانس سار لو حادث وريما اتورطت مع طلال العلة وخالد كل تفكيرو في مروج الي مي مديتو بال


الساعه 2 الليل

ام انس قلقانه انس جوالو مقفل وماتدري فينو من يوم مارجع من الدوام اتغدى وخرج وقال لها ماراح يتأخر


فتح انس عيون بكسل ويدو اليسار ملف لفه وراسو ملفوفة بشاش وماعلي بلوزة لانو صدرو كلها جروح لف وجهو لقى راكان جمبو

انس بصوت تعبان>> راكان ايش سار

راكان>> الحمد لله على السلامة كدا تسوي في نفسك

انس>> راكان ريما حتروح من يدي

راكان>> دحين خلينا من ريما كيف صحتك

انس> الحمد لله كم الساعه

راكان>> الساعه 2

انس>> اف امي تلاقيها قلقانه راكان اديني اكلمها

اعطى راكان انس جوالو وفتحو انس واتصل على امو

لسة الرنه ماكملت واك ا نس ردت>> انس فينك

انس بصوت تعبان>> امي انا في المستشفى

ام انس انفجعت >> ليش ايش فيك

انس>> ولاشي بس سويت حادث بالسيارة بس الحمد لله ماسار لي شي

ام انس>> ايت مستشفى انا دحين جايتك

انس>> امي فين تجي الوقت متأخر وانا بخير الحمدد لله وبكرة وانا عندك

ام انس وهيا تبكي >> لا انا دحين جايتك اخذ تكسي واجيك

انس>> لالا انا اشوف احد يجيبك راكان تجيب امي

راكان>> عيني دحين اروح اجيبها

انس>> خلاص دحين يجكي راكان لاتبكي والله مافيا شي

ام انس>> يلا انا استنى راكان

انس>> طيب يلا مع السلامة

ام انس>> مع السلامة

قفل انس من امو

راكان>> انا رايح

انس>> معليش حتعبك

راكان عض شفتو>> عيب احنا اخوان

انس>> تسلم ماتقصر

خرج راكان من المسشتفى يجيب ام انس

اخذ انس كاست الموية الي جمبو وشربها

البنات كلهم نايمين ماعدا ريما وهتون وشهد

ريما>> هتون اتصلي على انس

هتون>> ها دحين

ريما>> ايوا تلاقي مانام

شهد>> خلي هوا قال بيدق

ريما>> الوقت اتاخر اخاف يكون نام

شهد>> لالا اكيد انشغل استني شويا

ريما>> ماادري ليش حاسة اني مخنوقة ياشهد

هتون>> عادي مو بتتزوجي طلال العلة

ريما>> تفي من فمك يع

شهد>> من جد يع

هتون تدعي ربها>> يارب يتصل انس ياربي والله ريما مسكينة

ماكملة هتون من الداعا واتصل انس

هتون>> اهو دق

قربت ريما من هتون

هتون>> الو

انس وصوتو تعبان>> هلا هتون

هتون>> هلا انس

انس>> ريما دريت

هتون>> لا

ريما>> ايش لا

هتون>> خدي كلمي

ريما >> هلا حبيبي

انس وصوت مية من التعب>> احبك

ريما>> اشبك

انس>> ولاشي

ريما>> إلا صوتك في شي

انس>> مافيا شي حبيبي

ريما>> انس فيك شي

انس انتهد>> ااااااااه ريما انا في المستشفى

ريما انفجعت>> ليش ايش في

انس>> لما سارت شوفتك انا كنت عند الباب حق بيتكم ولما خرج طلال كلمتني هتون وقالت لي لما ريما تهدا كلمها ورجعت البيت وانا ماشي بسرعه ومن غير ماادري صدمة في سيارة قدامي

ريما بدات عيونها تحمر وبتكي>> انس حبيبي فيك شي

انس>> حبيبي لاتبكي انا بخير

ريما>> انا السبب صح انس الله يخليك فيك شي

انس>> والله مافيا شي بس جروح بسيطة

ريما>> هتون انتي كنتي تدري

انس>> لا مااحد يدري

ريما وهيا ميتة من الكبي>> انس والله احبك والله مااقدر اعيش من غيرك انس والله احبك

انس يبغى يهدي على ريما>> ريما تتذكري لما كنت اقولك محد راح ياخذك مني

ريما وهيا تبكي >> ايوا

انس>> ايش كنتي تغني لي

ريما وهيا تبكي سارت تغني >> يحلمون يحلمون الي فيك يفكرون

وقفت ريما وسارت تبكي كمل انس الأغنية >> ياخذونك انت مني والله لو يتجننو ياخذون قلبك مكاني او ينسونك حناني قلهم يلا ريمو كمليها انا احب الأغنية دي من صوتك

ريما سارت تغني لأنس وهيا تبكي>> قلهم هذي اماني ولاهم مايدقرون

انس>> احبك

ريما>> وانا كمان

انس>> يلا حبيبي لاتبكي طيب وانا بس اقوم من النوم اكلمك

ريما>> طيب انتبه لنفسك

انس>> طيب حبيبي يلا اديني بوسة

ريما>> امووووووووووووووواح

انس>> يلا قلبي باي

ريما>> باي

قفلت ريما من انس وسارت تبكي >> هتون انس كان حيموت بسببي

هتون>> ريما لاتقولي كدا

شهد>> الحمد لله انس بخير لاتخافي

حضنت هتون ريما وريما ميته من البكي وسارت تقرا عليها لين نامت ريما

دخلت ام انس عند انس وهيا تشهق وتبكي وراحت جري وحضنت انس>> ايش سار لك ياولدي كنت حتروح مني

راكان>> يلا عن اذنكم انا رايح

انس>> ماقصرت

راكان>> انا بكرة امرك

انس> طيب تصبح على خير

راكان>> ايش شي تبغو ادوني خبر اوكي انوس

انس>> ماتقصر

راكان >> يلا باي

خرج راكان وراح على البيت

حضنت ام انس انس على صدرها وسارت تقراعليه وانس يبكي

انس>> تعبان ياامي تعبان

ام انس>> سلامتك من التعب

جلس انس في حضن امو وسار يفضفض لها الي بخاطور هيا اختو وابو وامو وكل شي بحياتو مالوغيرها

مر الأيام وريما ورنيم محبوسين في البيت وام ريما ماتكلم لارنيم ولاريما ومانعتهم من كل شي الخرجة والطلعه والتلفونات وكل الرفاهيات الي كانت عندهم كل دا وريما تتواصل مع انس بالتلفون تسرقو من الصاله في الليل وتشبكو في غرفتها وتكلم انس على التلفون حق المستشفى



لين جا يوم الثلاثاء

كتب الدكتور لأنس خروج طبعا انس ماعند سيارة لانو سيارتو اتكسرت في الحادث

راكان>> سلام ياعسل

انس>> هلا والله

راكان>> ها كيف ابو الشباب

انس>> لا الحمد لله اقدر احرك رجول بس يدي اليسار شويا تعورني

راكان>> يلا اجر وعافية

انس>> معليش راكان بتقل عليك ابغاك توديني البيت تعرف ماعندي سيارة

راكان>> لا اسف معليش عندك سيارة وتبغاني اوصلك ايش السلتحه دي

انس>> ههههههههههههه ايت سيارة الله يسلمك خلاص راحت الله يرحمها

راكان>> اقول امشي بس


نزل انس مع راكان من المستشفى ام انس راحت من بدري لما عرفت انو انس كتبو لو خروج عشان تسوي لو غدا وتجهز لو غرفتو


اول ماخرجو راكان وانس من المسشتفى كانت واقفة عند الباب سيارة كلزلر سوده موديل 2009

مدر راكان يدو لأنس واعطى المفتح لاانس>> اتفضل طال عمرك مبروك السيارة

انس>> لا ياراكان اعفيني مااقدر اقبلها

راكان>> اقول خد ولاتسوي فيا

انس>> لا ياراكان كدا مرة كثير

راكان>> مافي شي كثير عليك ياانس انت اخو وغالي

انس>> بس مو سيارة ياراكان اعفيني مااقدر اقبلها

راكان>> خلاص انا زعلت

انس>>> لا مو تزعل بس والله كثير

رااكان>> لاحول ولاقوة إلا بالله دحين انت كم راتبك

انس>> 9 و700

راكان>> خلاص بيسير 9 بس وال700 اقساط السيارة

انس>> راكان السيارة دي اقساطها 3000 في الشهر

راكان>> يااخي انا ابغى اقساط 700

حضن انس راكان >> من جد انك اخو ياراكان

راكان>> يلا خد سيارتك وخليني اروح انام مانمت زي الناس امس

انس>> هههه طيب يلا سلام

رااكان> باي

ركب انس السيارة وكان كل شي جديد ونظيف سمى بالله انس وشغل السيارة وراح على البيت

خلصو طلال وخالد غدا وجلسو يهرجو شويا

خالد>> مبروك

طلال>> الله يبارك فيك بس بالله شيلي دي اللحية ياخي ماادري ليش حاس اني جالس مع واحد من الهيئة

خالد>> خليها مريحتني

طلال>> طيب كيف بكره بنروح الدرة

خالد>> انت ماتبت خلاص بتتزوج

طلال>> ايت زواج الله يخليك بس

خالد>> والي رحت خطبتها

طلال>> كلها شهرين واطلقها

خالد> ياشيخ حرام عليك

طلال>> والله لااكسر لها خشمها شايفة نفسها ومغرور صح انها حلوة وعليها صدر يدبح بس مغورو

خالد>> طلال حرام توصفها ياخي عيب عليك هذي بتسير زوجتك

طلال>> خير خلووود من متى طاح الحلال والحرام

خالد>> خلاص ياطلال من جد ترى زودنها معاصي

طلال>> لا شكلك بعد يومين حتسير شيخ وداعية ههههههههههههههههه

خالد>> والله مااكره

طلال>> طيب انا رايح لاتقولي قوم نصلي جماعه باي

والله حرام الي جالس تسوي يا طلال توصف بنت الناس الي حتسير زوجتك وام عيال لصاحبك يااخي لدي الدرجه اتمحت الرجولة


وصل انس البيت ووقف السيارة وطلع الشقة


انس>> السلام عليكم

ام انس>> وعليك السلام يلا تعال في غرفتك وانا جيب لك الغدا

انس>> طيب

ام انس>> فين راكان ليش ماطلع معاك

انس>> ماجا معايا

ام انس>> ليش مين جابك

انس>> جيت لوحدي

ام انس>> ماعند سيارة

انس>> إلا راكان الله يهدي جاب لي سيارة

ام انس>> إجارة

انس>> لا هدية

ام انس>> والله الولد هذا من جد ولد اصول

انس>> من جد جمايلو مغرقتني بس انا ماقبلتها قلت لو يقسطها عليا

ام انس>> المهم انك بخير

انس > الحمد لله

دخل انس غرفتو واتصل على تلفون ريما

ترررن ترررن

محمد>> الو

انس سمع صوت محمد قفل الخط

ام ريما>> مين

محمد>>> محد يتكلم

طالعت ام ريما في ريما>> الله يعلم مين الي بيتصل

ابوريما>> ريما خدي حطي لي سلطة في الصحن

لف ابوريما على مرتو >> خلاص خفي على البنت تراها مريضة

ريما>> خد يابابا

ابوريما>> شكرا

ريما>> الحمد لله

رنيم>> بدري مااكلتي شي

ريما>> انصدت نفسي

ام ريما عصبت ريما سار اسلوبها مرة سيئ معاها>>> عسى عمرك ينصد ياقليلة الأدب

ريما وهيا طالعه الدرج>> ان شاء الله اليوم قبل بكرة امين

ام ريما>> عشنك وسخه

ريما>> شكرا

ام ريما>> شايف الدلع ايش يسوي

ابو ريما مرة حليم >> خلاص سيبيها

رنيم >> والله ريما حقدت يحق لها مغصوبة

ام ريما>> انتي كل زفت بس هذا الي انتي فالحه في الفلسفة

رنيم تقلد ريما >> انصدت نفسي

ابوريما>> هههههههههههههه خبلة

رحت رنيم لريما الغرفة ولقتها جاالسة على السرير

ريما>> رنيم هذا انس

رنيم >> خلاص كلمي في الليل زي العادة


خلص انس من الغدا ودق جوال

ودي اكون أي شخص تاني
أي شخص عابر والتقى بك

المتصل ريم

انس استغرب اتصالها ورد>> الو

ريم>> انس

انس> ايوا

ريما>> كيفك

انس>> الحمد لله كيفك انتي

ريم>> بخير الحمد لله سلامات والله مادريت غير قبل شويا

انس>> الله يسلمك

ريم>> انس انتبه لنفسك

انس>> ان شاء الله

ريم>> قدامك العافية ماتشوف شر

انس>> الشر مايجيكي

ريم>> انس عادي اتصل عليك كل كم يوم اطمن

انس>> ايوا عادي ياريم مابيننا

ريما>> طيب اوكي شوف غدير تبغى تكلم يلا مع السلامة

انس>> مع السلامة

غديربأسلوب عربجي شويا >> هلا والله

انس>>ههههه هلا فيكي

غدير>> يااخي عيب عليك وانا اقول انوس عاقل

انس>> هههه ليش ايش سويت

غدير>> طيب دامك طلعت حق تفحيط ومن دا الكلام البطال قول

انس>> والله مو كدا بس كان بالي مشغول وماشفت السيارة

غدير>> اممممم وكنت تفكر في ايش

انس>> مشكال الحياة

غدير>> قول قول لاتستحي اكيد كنت تفكر فيا صح

انس>>> ههههههههههههههه عليكي نور

غدير>> ياخي لاتستعجل عندك وقت تفكر في ريم لما تروح البيت فكر فيها

ريم صقعت غدير

انس انصدم >> ريم

غدير>> ها ولاشي يلا قدامك العافية

انس>>> الله يعافيكي

غدير>> سلم على خاله باي

انس>> باي

قفل انس وكلمت غدير في اذون هذي تاني مرة تلمح على ريم

ريم >> غدير من جد ماتستحي

غدير>> انا بالعاني قلت كدا عشان يحس فيك

ريم>> انا ماطلبت منك

غدير>> اسكتي بس

مر الوقت وجات الساعه 1 وربع والبيت كلو نايم راحت ريما على اطراف اصابعها الصالة ورنيم تراقب لها الوضع وجابت التلفون وحطتو في الغرفة لانو تلفونهم انسحب مع الجولات ولاب توب والكردت كارت واتصلت على انس

طوووووووووووووووط طوووووووووووووط

انس>> هلا حبيبي

ريما>> وايش عرفك انو انا

انس>> قلبي

ريما >> احبك

انس>> وانا اعشقك

ريما>> الحمد لله على السلامه يانور عيني

انس>> الله يسلمك ياروح الروح

وجلسو انس وريما يكلمو بعض ويتغزلو في بعض والحب والشوق والوله يزيد بينهم



خرج انس من المستشفى و ريما تكلمو على البيت الأيام بتمر وريما تحس انو قلبها بيتعلق في انس اكثر واكثر والايام تمر وحالة عبد الرحمن من سيئ لأسوء


لين جا يوم الربوع

ايش راح يسير يوم الربوع؟ انس وريما خلاص اتفارقو ؟ وريم غدير عرفو كيف يجيبو انس؟ ايش راح تسوي لينا في فرحها؟ وعبد الرحمن دخل غيبوبة راح يفوق منها؟ وفهد من د يتقرب من هتون ولاحاسس تجاهها بلأخو ؟ وخالد راح يضحي بمروج بكل سهولة؟ كل دا في البارت االجاي