الموضوع: رواية بنات عز وقلبهم ماعزهم

للأسف هذا غلط كثير من الناس يحكم على الولد من اهلو ياناس لاتحكمو كذا هذا زوااااااااااااج مو لعب وبعدين في مثل يقول يخلق من ظهر العالم فاسد وطلال فاااااااااسد


ام ريما>> اقولك ارد على ام راكان خلاص

ابو ريما>> ايوا خلاص رديلها الله يسعدهم يارب ويوفقهم

ام ريما>> ياااااااااااارب

ابوريما>> قلتي لرنيم

ام ريما>> لا لسة

ابوريما>> طيب روحي ناديها خلينا نسألها

ام ريما>> اخاف تستحي حبيبتي

ابو ريما>> ايوا الله اروح انا واخليكم تتكلمو مع بعض

ام ريما>> لالا خليك معانا يارنيم رنيم يارنيم

رينم>> وباكر يجي عاشو والطم لطمتين

ريما>> عاشو

رنيم >> وحده على الغالي والتانية للزين

ريما>>ا س اس رنيم ماما تنادي

سكتوريما روينم

ام ريما>> يارنيم

رنيم>> ايوا الله نعم ياماما

ام ريما>> انزلي

رنيم >> دحين تنزلك ريما

ريما >> وبعدين يارنيم

ام ريما>> لا انزلي انتي

رنيم >> لاحوووووووووووول طيب نازله

رنيم>> يلا امشي ننزل نشوف وش في

ريما >> هههههههههه يلا

نزلو ريما ورنيم من الدرج ورنيم تغني وريما تشجع

ابوريما>> ههههههههههههههه مجنونه

رنيم> يالبية يمة

ام ريما>> يمة في عينك اجلسي

رنيم>> اهو جلست

ام ريما>> شوفي يارنيم انتي خلاص ماشاء الله كبرتي

رنيم>> سبحان توي اكتشف

ام ريما>> بس يارنيم من غير هبل

رنيم>> طيب طيب خلاص

ام ريما>> وكل بنت لما تكبر لازم تتزوج هذي سنة الحياة

رنيم>> ماما ليش المقدمات الطويلة دي قولي جاكي عريس وخلاص

ابوريما>> ههههههههههههههههههههههههه

ريما>> بس يارجه

رنيم>> والله من اول تلف وتدور قولي جاكي عريس والسلام

ام ريما>> طيب جاكي عريس والسلام ايش رايك يابنتي

رنيم قامت ترقص وتقط اصبع >> موافق موافق على العريس انا موافق وياريما ياريما قومي نرقص في البيت. ويلا يمة قومي جهزي الفستان. (على زون سليم)

ام ريما>>> ياندامه وشايلة هم كيف اقولك الله يشفكي يابنتي

ابوريما>> ههههههههههههههههههه قلتلك رجه

خلصو البنات من الأكل

غدير>> جاد الله عليك ياانوس

انس>> الله يسلمك

ريم>> ماقصرت

انس>> الله يخليكم يلان ورح البيت عشان انا عندي كم مشوار

ريم>> ايوا يلا

خرجو البنات من المطعم مع انس وطلعو على البيت


اخذت ام ريما جوالها ودقت على ام راكان

ام راكان جالسة في الحديقة هيا وزوجها وراكان يتغدو

راكان>> والله ياابويا افكر اشارك انس وعبد الرحمن

ابو راكان>> ياولدي الشراكة مهي حلوة اسمع كلامي

تنن تنن تنن تاااااااااات

المتصل ام رنيم

ام راكان>> وي هذي ام العروسة

راكان>>>> ردي عليها بسرعه

ردة ام راكان>> الو

ام ريما>> السلام عليكم

ام راكان>> هلا وعليكم السلام ورحمة الله

ام ريما>> كيف حالك حبيبتي

ام راكان>> بخير الله يسلمك كيفكم انتو

ام ريما>> والله بخير ونعمه الحمد لله

ام راكان>> ايوا الله الحمد لله . ها ياام رنيم بشرو

ام ريما>> والله من خيرة الشباب الله يسعدو كل ما نسأل احد يمدح في ماشاء الله وابو ريما مرة مبسوط يقول والله ونعم في وفي اهلو

ام راكان>> الحمد لله

ام ريما>> ايوا الله

ام راكان >> طيب متى نجي نشوف البنت

ام ريما>> وقت ماتحبو حبيبتي الله يحيكم

ام راكان>> يوم الثلاثاء كويس ياام رنيم

ام ريما>>> كويس حبيتي الله يحيكم

ام راكان>> خلاص ان شاء الله بأذن الله

ام ريما>> طيب حبيبتي سلمي لي على الجميع

ام راكان>> يوصل ياعيني ياهلا مع السلام

ام ريما>> مع السلام

ابو ريما>> ها خلاص

ام ريما>> ايوا يوم الثلاثاء

ابوريما ويحس انو العبرة خانقتو>> يعني ريما ورنيم في نفس الأسبوع

ام ريما>> خليهم يارجال الله يسخرلهم ويسعدهم ان شاء الله

ابوريما>> يااااااااااااااااااااااارب

هذي رنيم وربي سخرلها راكان؟ وريما مسكينة ايش حتسوي لو خبطها طلال رسمي ؟ وانس معقوله راح يكون موقفو سلبي؟ اصلا معقوله احد ياخذ رينا غير انس؟ وياسر طلع مزوج طيب ايش راح يسوي لو نوارا كشفتو ؟ ودحمي المسكين ايش نهايتو معقولة د فهد يسوي شي عشانو بالذات انو حس بهتون؟ كل دا في الجاي

البارت 81

ابو ريما>> ها خلاص

ام ريما>> ايوا يوم الثلاثاء

ابوريما ويحس انو العبرة خانقتو>> يعني ريما ورنيم في نفس الأسبوع

ام ريما>> خليهم يارجال الله يسخرلهم ويسعدهم ان شاء الله

ابوريما>> يااااااااااااااااااااااارب


راكان >> ها امي ايش قالت

ام راكان >> خلاص يوم الثلاثاء نروح نشوف البنت

ابو راكان>> يلا الله يتمم لك على خير

راكان وهوا متحمممممس >> ياااااااااارب

ام راكان>> ايوا الله يارب والله شكلها الأم طيبة وراعية واجب

راكان>>> اهم شي رنوم

ابو راكان >> هههههههههههه الله يسعدك انت ورنوم

قام راكان من فوق الكرسي>> يلا انا رايح المرسم جاني الألهام بروح ارسم هههههههه

ابو راكان>> ههه الله معاك

ريما ورنيم في الغرفة مسوين مهرجان عشان رنيم انخطبت

ريما >> رنوم ماراح تقولي لبنات عمي

رنيم >> شور بس مو دحين

ريما>> اجل متى

رنيم >> لما ماما تقولي متى شوفتي

ريما >> اها يعني سر

رنيم>> عليك شركة كهرباء مو نور واحد بس

ريما >>> هههههههههههههه طيب

رنيم ماسكة الدربكة وتدق عليها >> ريما المهم اسمعي انا اغني وادق وارقص وانتي تضفقي

ريما >> ههههههههههه هذا كل انتي بتسوي وانا بس اصفق

رنيم >> احمدي ربك كمان اني خليتك تصفقي هع هع

ريما>> يلا طيب

دقت رنيم على الدربوكة وسارت تغني >> سليم سيلم وش اسوي في محبوبي سيقا الله سيقا لي سيقاني وانا عطشان وياوارد الماية

ريما>> اسقيني شربي

رنيم >> والي سيقاني

ريما >> مايخاف الله

رنيم >> يوووووووه عليهم عليهم

ريما قامت مع رنيم ترقص >> حيومه حيومه لي حيومه وياليل

ابوريما>> ايش دا ؟

ام ريما>> هههههههههههه هذولا ريما ورنيم مهيصين فوق

ابو ريما>> ههههههههههه حشى والله دقاقات سارو بناتي

ام ريما>> خليهم مبسوطين ههههههههههههههههههههههه


وصل انس وبنات عمتو البيت ونزلو من السيارة

غدير وهيا على الشباك >> باي ياقمر

انس>> باي هههههههههههههه

طلعو البنات البيت وراح انس على عبد الرحمن في المستشفى


اذن المغرب ولبس محمد الثوب والشماغ وتعود واتكشخ وركب السيارة

محمد>> اوه يارب تسهلها

طلع محمد الجوال من جيبو ودق على لينا

لينا جالس في غرفتها تحط ميك اب خلاص لبست هيا عرافة انو محمد جاي اليوم يقابل ابوها وطبعا ابو لينا مو مهتم مرررررررررة في الموضوع وجالس في الصاله يعسل وبثوب النوم كمان

كدا من ربي حبيتة صدف يوم لاقيتة
ياناس الي تمنيته اخيرا صار محبوبي

المتصل

امير الذوق

لينا >> هلا والله

محمد>> حبيبي انا خلاص في السيارة وجاي على البيت

لينا>> ياقلبي انا كمان خلصت بس باقي اشوفك من الشباك

محمد>> والله يالينا خايف

لينا>> من ايش

محمد>> خايف ابوكي يطردني

لينا>> ليش ان شاء الله

محمد>> لينا لاتنسي اني باكستاني وولد الشغاله

لينا >> ولاتنسى انك حبيبي وتاج راسي وراس ابويا كمان

محمد>> الله لايحرمني منك

لينا>> ولامنك يادبه لاتخاف ماراح يسير شي ان شاء الله

محمد>> ان شاء الله

لينا>> يلا قلبو باي

محمد>> باي


راح انس المستشفى عند عبد الرحمن

انس >> السلام عليكم

الرسبشن >> وعليكم السلام

انس>> لو سمحت غرفة المريض عبد الرحمن عبد الله الــ؟

الرسبشن>> ياعزيزي المريض عبد الرحمن في العناية المركزة وممنوعه الزياره لو كنت حاب تطمن على صحتة تقدر تراجع الدكتور فهد هوا المشرف على حالته
تلاقي مكتبة في الدور الثالث

انس> مشكور يعطيك العافية


د فهد >> طيب حاضر يادكتور ان شاء الله في امان الله

حط د فهد سماعت التلفون ورجع للملفات

طق طق طق

د فهد >> اتفضل

فتح انس الباب وسلم >> السلام عليكم

د فهد>> وعليكم السلام حياك اخوي اتفضل

جلس انس على الكرسي قدام د فهد>> يعطيك العافية دكتور

د فهد >> يعافيك حبيبي

انس>> بس كنت حاب اطمن على عبد الرحمن

د فهد >> قصدك عبد الرحمن عبد الله

انس>> ايوا

د فهد >> ادعول له

انس انفجع >> ليش ايش في

د فهد >> انت وش تسير له

انس>> انا صيدقو الي كنت معاكم لما نقلنا لهنا

د فهد >> ايه تذكرتك والله ياخوي حالتها من سيئ لأسوء بس كل شي بيد الله سبحانه وتعالى

انس>> يعني مافي حل مافي شي عملية أي حاجه

د فهد >> للأسف قلبة ضعيف وممكن مايتحمل البنج

انس>> والحل

د فهد >> حنا الحين على المهدئات ومنظمات القلب ووقت مانحس انو في امل 1 في المية صدقني ماراح نقصر وياه

انس اضايق على عبد الرحمن >> طيب دكتور مشكور

د فهد >> العفو حبيبي

انس>> مع السلامة

د فهد>> الله وياك


خرج انس من المستشفى زعلاااااااااان ومخنوق ومضايق واول ماركب السيارة اتصل على ريما

رنيم >> عااااااااااااااااشو ريما

ريما>> هههههههههههههههههههههههههههه

رنيم>> خلاص في فرحك على انس انا ادق لكم لادقاقه ولاشي

روح قلبي انا وعدتك وصدقتك
هكون وياك وعليك ابيع روحي منى روحي ياعمري فداك

المتصل

روحي

ريما>> هلا والله باانوس

انس>> هلا حبيبي

ريما>> اشبو صوتك

انس>> عبد الرحمن ياريما

ريما انفجعت >> ايش في عبد الرحمن

انس>> مرة تعبان وفي العناية لي كم يوم

ريما>> من جد

انس>> ايوا والله ياريما ادعو لو

ريما>> هتون دريت

رنيم>> ريما ايش في عبد الرحمن

ريما >> دقيقة يارنيم

انس>> توي كنت عندو في المستشفى الدكتور يقول صحتو من سئي لأسوء

ريما>> يالله لو هتون دريت

انس>> ريما ترى هتون لازم تعرف راكان قال لاتقولو لها بس حالتو ترى مرة إكس

ريما>> انا مااقدر اقول لها

رنيم>> ايش في ياريما قولي لي ترى انفجعت

ريما>> عبد الرحمن في العناية المركزه في التخصصي

رنيم انفجعت >> امانه

ريما>> والله مرة تعبان

رنيم>> هتون دراية

ريما>> مدري انس يقول لا راكان قال لااحد يقولها بس عبد الرحمن مرة تعبان

انس>> المهم ريما انا بقفل شويا وارجع اكلمك

ريما>> طيب حبيبي بس لاتكدر على خاطرك ان شاء الله ربي يرفع عنو ويعافي

انس>> يارب ياريما يارب

ريما>> يلا بيبي انتبه لنفسك

انس>> وانتي كمان

ريما>> باي

انس>> باي


رينم >> ريما هتون ماتدري

ريما>> لا

رنيم>> لازم احد يقول لها

ريما>> طيب اتصلي عليها

رنيم >> لا نروح لها البيت

ريما>> طيب كلمي ماما

رنيم >> امشي يلا

نزلو ريما ورنيم يستاذنو من امها يروحو بيت عمهم

رنيم>> ماما نبغى نروح بيت عمي

ام ريما>> ليش ايش عندكم

ريما>> طفش ياماما

ام ريما>> سبحان الله طول النهار وانتو طفشانين

رنيم>> يلا الله يخليك

ام ريما>> طيب انا دحين رايحه عزا يوصلني ويرجع لكم

رينم>> لالا نروح معاكي

ام ريما>> يلا بسرعه انا دحين رايحه

طلعو ريما ورنيم جري على الغرفة واخذو عبيهم ونزلو



وصل محمد قدام الباب واخذ نفس ودق الجرس ولينا من الشباك حق غرفتها شايفتو

فتحت الشغاله الباب ودخلتو المجلس حق الضيوف عند ابو لينا

اول مادخل محمد المجلس نزلت لينا من فوق جري ووفقت عند الباب

محمد سلم على ابو لينا وجلس

ابو لينا>> تفضل

محمد>>> يزيد فضلك

ابو لينا>> كلمتني وقلت تبغاني في موضوع ضروري

محمد ارتبك من اسلوب ابو لينا من جد مرة جلف>> ايوا الله

ابولينا>> خير ان شاء الله

محمد>> والله ياابو لينا انا جاي اخطب لينا بنتك

ابو لينا>> ام طيب ماقلت لي انت مين ولد مين ايش تشتغل

محمد>> انا ولد ناس بسيطين والحمد لله راتبي يعيشني مرتاح ومبسوط

ابو لينا>> انا كاني شايفك قبل كدا شكلك مو غريب

محمد>> انا ياابو لينا محمد عبد الركريم ارجي

رفع ابو لينا حوابو بغرور >> انت مو ولد الشغاله

محمد >> ايوا انا ولد الشغاله

جلس ابو لينا يضحك بصوت عالي استغربو محمد ولينا

ابو لينا>> تصدق دمك خفيف

محمد>> ليش قلت نكته

ابولينا قلب وجهو لجديه>> انت عارف انا مين ومين لينا بنتي وانت ايش وامك ايش كانت

محمد>> ايوا واتشرف بأمي وبأهلي

ابو لينا>> حبيبي انا اجيبك سواق للينا اجيب بدي قار للينا بس ازوجك للينا هذا المستحيل انت انهبلت يابابا انت بنقالي مدري باكستاني

محمد>> ليش ماليا رب

ابو لينا بأسلوب تحقير>> قوم قوم قوم شوفلك كمزباله زيك تنظفها

محمد حز في خاطرو كلام ابولينا

لينا انقهرت من ابوها ودخلت المجلس وهيا تبكي

لينا وهيا واقفه قدام محمد وفي وجه ابوها وتبكي وتصرخ بصوت عالي>> ليش تكلمو كدا ليش

ابو لينا انصدم من دخول لينا>> اطلعي برا يالينا

لينا وهيا تبكي وتصرخ>>>ماني طالعه وانا ابغى محمد

ابو لينا>> هبلة انتي هذا بنغالي

لينا>> البنغالي هذا هوا اللي صانني وخاف عليها وحبني

ابو لينا>> ماشاء الله حب ومحبوب من ورايا

لينا والدموع مملية وجهها تدافع عن حضنها الدافي>> انت اخر واحد تتكلم عن الحب انت اصلا ماتعرف ايش هوا الحب

ابو لينا>> لينا اطلعي برى لا تخليني اسوي فيكي شي

لينا>> ايش تبغى تسوي فيا اكثر من الي سويتو

ابو لينا>> يابنت الكــلــ الي يشوفني يقول كنت مقصر معاكي

لينا سارت تصرخ لين عروق حلقها طلعت>> مقصر ومقصر ومقصر الحياة ماهي فلوس ماهي ملابس وعطور انا كم مرة كنت احس بالخوف في الليل ادور الأمان والراحه ماكنت ألقى احد جمبي كم مرة حسيت بالضعف مالقيت احد يقويني انا كم مرة اتعرضت لكلاب يبغو ينهشو بلحمي انت فين كنت ها فين كنت عني

ابو لينا ساكت مصدوم من كلام لينا

لينا>> تبغاني اقولك فين كنت ؟ كنت طاير من حضن وحده لوحده واخر الشهر ترمي لي عظمة زي الكلبة تلهيني فيها تعرف ايش سار فيا (اتغير صوت لينا وسار صوتها مخنوق) انا كنت بنت ليل كنت بنت هوا تعرف ايش يعني بنت هوا يعني كل واحد ينهش في لحمي شويا

طاحت لينا وانهرت من البكي >> كنت ابغى احد اتحامى في ابغى احد يقولي يالينا هذا غلط وهذا صح وانت كنت بعيد ماسألت فيها وحرمتني من امي عشان انت اناني نتنقم منها فيا انا كنت كرتك الربحان الي تحرق دمها في وبكل انانيتك حولتني لشي من ممتلكات الي تتفرج فيها لا لا اصحى يابابا انا انسانه بشر لحم ودم

حضنت لينا محمد>> محمد الي حس فيها محمد كان الامان والحنان والعطف والقوة والاحتياج محمد كان ابويا وامي واخواني وكل شي انتو وامي ماقدرتو تسولي هوا

رفعت لينا اصباعه في وجه ابوها بكل قوة>> قسم بالله والي رفع السبع غير محمد ماراح اخذ تفهم ومحد راح يحرمني منو ولايبعدني عنو وانت اخر واحد تتدخل في حياتي فاهم ولا فاهم ولا


بدأت اطراف لينا تبرد وجسمها يطيح واغمى عليها

ابو لينا واقف مصدوم من كلام لينا سار يطالع في لينا ويكلم نفسو >> ياالله يالينا كل هذا في قلبك وانا ماادري يالله من جد انا اناني لهذي الدرجه معقوله انا بنتي تسير بنت هوا بنت ليل كل واحد يلعب فيها شويا

قطع حبل افكارو صوت محمد>> مو دحين تعاتب نفسك بعد مافات الفوت ماينفع الصوت لينا تعبانه ولازم تروح المستشفى

شال محمد لينا وطلعها جري على غرفتها واتصل بالدكترو عشان يجي وابو لينا في داومه من الكلام الي لينا قالتو مو مصدق هذي لينا بنت والي توها 19 سنة تكون زي كدا لا مو لينا

وصولو ريما ورنيم بيت عمهم واول مافتحت الشغاله الباب طلعو جري على الغرفة عند بنات عمهم

رنيم >> سلام

شهد>> بسم الله متى جيتو

ريما>> تونا

خلود> غريبة مادقيتو

طالعو ريما ورنيم في هتون لقو وجهها تعباااااااااااااان وباين انها عارفه كل شي

نوارا>> ريما رنيم ايش في

رنيم >> سمعنا شي وجينا نتأكد من الخبر

هتون على طولت عرفت وراحت جري وحضنت رنيم وسارت تبكي

هتون>> صح يارنيم عبد الرحمن تعبان يارنيم وبين الحيا والموت

رنيم ماقدرت تمسك نفسها سارت تبكي>> لاتقولي كدا ياهتون ان شاء الله مافي إلا الخير حيتعافه ويرجع احسن من اول

طبعا الموقف كان مرة صعب على الجميع خلود ونوارا مسكو دموعهم لاكن شهد وريما مقدرو وسارو يبكو


من يوم مارجع انس البيت وهوا في غرفتو جالس مايكلم احد خاطر مررررررة متكدر على عبد الرحمن صاحبو مو قادر يسوي لو شي


الدكتور>>الحمد لله هيا دلوئتي هتنام بعد الأبرة دي لمدة 8 ساعات

ابو لينا>> طيب ماعليها أي خطر

الدكتور >> البنت معاها صدمه عصبية وده مش كويش علشنها

محمد>> ليش يادكتور

ابو لينا >> صدمه عصبية

الدكتور >> دي اول مرة تحصل معاها حاجه زي كدا

ابولينا >> لا يادكتور الحمد لله اول مرة

محمد>> إلا يادكتور تقريبا من اسبوع كنا في المستشفى برضو صدمه عصبية وجلسنا 3 ايام

ابو لينا انصدم من جد محمد يعرف كل شي وهوا مايدري عن أي حاجه

الدكتور > امم يعني دي تاني مرة

محمد>> ايوا تاني مرة

الدكتور >> في الحال دي البنت في دا العمر ويحصل معاها في شهر وحده صدمتين عصبية لازم تتحول على دكتور نفسي

تاني صدمة لابو لينا >> دكتور نفسي

الدكتور وهوا يقفل شنطتو ويلم عفشو >> ايوا لازم دكتور نفسي

قام الدكتور نزل معا ابو لينا لين وصل للباب

قفل ابو لينا الباب وطلع لقى لينا في حضن محمد حقد بس ماقدر يتكلم لانو مايعرف ولاشي

دخل ابو لينا الغرفة وجلس على طرف السرير

ابو لينا >> محمد انت تعرف كل شي عن لينا

هز محمد راسو انو ايوا

مسك ابو لينا يد محمد>> ابغاك تقولي كل شي سار مع لينا

محمد>> طيب

وبدأ محمد يحكي ابو لينا من البداية من يوم مامات عمر وبدات لينا تدور على الامان


نامت هتون في حضن رنيم

شهد>> ايش راح نسوي

ريما >> ماادري مافي غير اننا ندعي لو مابيدنا شي

نوارا>> ليش مانسفرو

شهد>> يقولك قلبو ضعيف ومايتحمل الضغط حق الطيارة

رنيم>> طيب ليش مايسو لو العملية هنا

ريما >> ايوا صح اتوقع كل شي موجود عندهم

شهد>>> كل شي موجود والحمد لله بس يقول الدكترو فهد يخافو البنج يموتو لانو قلبو مرة ضعيف

خلود>> يالله الله يكون في عونو مسكين عبد الرحمن مايستاهل الله يرفع عنو

رنيم>> من جد عبد الرحمن مرة طيب بس المسكينة هذي لو سار لو شي ايش حتسوي في نفسها

شهد>> من جد هوا بس تركها حاولت تنتحر كم كيف لو تو استغفر الله

رنيم>> خلاص لاتحطو احتمالات لأشياء ممكن ماتسير بعدين على كلامك شكلو هذا الدكتور فهد مرة مهتم لحالتو

شهد>> ايوا والله من جد احس مرة مهتم في

ريما>> الله يجعل شفا على يدو يارب

نوارا>> امين

محمد>> حبت طلال ويوم من الايام اتقابلت هيا وطلال في الكباين وطلال زي ماقلت لك حق بنات درجه اولى

ابولينا مصدمة>> لينا تروح كباين

محمد>> لما شافت طلال زي كدا انقهرت وخرجت من الكباين وهيا تبكي وانا قمت لحقتها

ابو لينا >> يعني طلال كان يحبها

محمد>> هذا الي كان ظاهر في البداية

ابو لينا>> ليش اايش سار بعدين

وجلس محمد يكلم الي سار للينا لأبوها وابو لينا يحس كلام محمد زي الكفوف على وجهو كل كف اقوة من التاني يفوقو ويحصي من سباتو مع الحريم


مر الوقت وسارت الساعه 10

طلبو البنات عشى من بيتزا هت وجلسو كلهم ياكلو

رنيم وهيا ماسكة هتون>> هام يابقر ههههههههههه

ريما>>> ههههههههههههه حرام عليك هتون بقرة

رنيم>> تحمد ربها انها بقرة

هتون>> لا ياشيخه

رنيم >>> احمدي ربك احترمت انسانيتك وبني ادميتك وقلتلك بقرة طيب ايش راح تسوي لو قلتلك ياثوره

خلود>> على طول اسوي كدا بيدي واقلبك قرده

رنيم >> ه ه ه يادمك حتى لما اتزوجتي قلنا في امل دمك يسير خفيف لاكن للأسف من ثقيل لأتقل لاحووووووووووووول

خلود >> كلي هوا

رنيم >> لاشكرا معزومه على بيتزا ههههههههههههههه

جلسو البنات يضحكو ويستهبلو ويضاربو رنيم وخلود عشان يضحكو هتون ويغيرو نفسيتها التعبانه

غدير وهيا تشرب قهوة مع ام انس وريم>>> خاله فين انس

ام انس>> والله مدري من يوم ماجا من برى وهوا في غرفتو

ريم>> اشبو شكلو مضايق لايكون ازعجنا

ام انس>> لالالا بس راح عن صاحبو في المستشفى تعبان مرة وفي العناية عشان كدا مضايق

ريم>> يالله الله يشفي يارب

ام انس >> يارب


محمد>> وانا صورتو هددتو لو قرب من لينا اشرب من دمو

ابو لينا حس بنار جوت قلبو من طلال لو كان قدامو كان قطعو بأسنانو من الحقد

ابو لينا>> ايش اسمو بالكامل

محمد>> ليش

ابو لينا>> ماعاش من يمس لينا وراسي تشم الهوا

محمد>> خلاص انا ربيتو

ابو لينا حط يدو على كتف محمد>> ماقصرت ياولد الاجاويد انت دافعت عن لينا بسيفين بس دافعت عن حبيبتك وزوجتك ان شاء الله بس انا لازم انتقم لبنتي ونور عيني

محمد>> يعني خلاص راح تزوجني لينا

ابو لينا>> ومافي احد راح يقدرها ويسعدها غيرك يامحمد انا ابوها ماعرفت قمتها وانت صنتها في غيابي وماقصرت

محمد> الله يسلمك ياعمي

ابو لينا>> بس طلال هذا حسابو عندي انت قلي كل شي تعرفو عن طلال

محمد عارف انو ابولينا نفوذو قوية ويقدر يسوي أي شي >> اسمو طلال

وجلس محمد يعطي ابو لينا كل المعلومات الي يعرفها عن طلال ابو لينا خلاص عرف انو مقصر مع لينا ويبغى يرجع حقها من كل الي اذوها في غيابو


جلس طلال مه امو واخواتو في الصاله يتفرجو فيلم

ام طلال >> طلال

طلال>> ام

ام طلال>> ترى انا خلاص كلمت ام البنت

طلال انفجع>> ايت بنت

ام طلال>> مو قلت تبغى تتزوج

طلال اتذكر انو قال لامو انو يبغى لينا

قامت نهى نطت في الهرجه >> ماما خطبتي لطلال

ام طلال>> ايوا

نوف >> الله حماس خطبتي لو مين

ام طلال>> ريما

نهى تكره ريما >> ريما ماغيرها

ام طلال >> ايوا ايش فيها ريما

نهى >> لا بس مغرورة وشافية حالها

نوف >> بالعكس مرة تجنن ريما نعومة

نهى مرةغيارة وتغار من ريما وبنات عمها لانهم حديث كل مجلس يدخلو >> مدري احسها هبله

ام طلال>> عيب يانهى بتسير مرة اخوكي

نوف>> يااااااااااااااي مرة فلة وربي ريما تجنن

نهى >> هه احسن بتاخذ طلال

طلال>> ليش احسن ان شاء لله

نهى >> لانو انت بكل بساطة انذل انسان في العالم كلو

ام طلال >> نهى خلاص وبعدين معاكي

طلال>> هههههههههههه سيبيها عبيطة

نوف >> طلال اخصرها ريما مرة كيوت ومرة نعومة ومرة تجنن وحبوب وطيبة بس نهى تغار منها عشانها حلوة

نهى>> هاه ماهي احلى مني

ام طلال>>نهى خلاص ترى عيارك زااااااااااااد

قامت نهى >>اصلا انا تاركتلكم الصاله وطالعه غرفتي

طلال >>تسوي فينا معروف

طلعت نهى غرفتها وجلت ام طلال ونوف يفكرو ايش راح يجيبو لريما يوم الشوف وطلال مرررررررة مهو معاهم مع الفيلم

رنيم >>> فاتكم امس كلمت مروج الدب تخيلي ليش تقول

شهد>> تصدقي وحشتني

نوارا>> ايش تقول

رنيم>> تقول اتفقت هيا ومأمون انهم مايتكلمو مع بعض لين يوم الشبكة

ريما >> لحظة مين مأمون

رنيم >> خطيبها

هتون >> ههههههههههههه ياغبية اسمو ايمن

رنيم>> عادي ماتفرق اهم شي انو خطيبها

ريما >> لا ياعبيطة هوا معاقبها قال ايش عقابها ماتكلمو لين يجي يوم الملكة

شهد>> يلعن ام العقاب الي زي كدا

رنيم >> هبل اهم شي الحب الوف لي

خلود >> مو منك من مسيو راكان

رنيم >> ايوا الله على طاري راكان فااااااااااااااتكم اليوم ايش سار

نوارا>> ياكثر الاشياء الي فاتتنا

شهد>> ههه من جد من اول فاتكم فاتكم

رنيم >> لا هذي من جد فااااااااتكم اليوم قبل لانجيكم ماما نادتيني تخيلو ليش


وجلست رنيم تحكي بنات عمها الي سار معاها لما امها قالت لها على راكان وهتون ميتة ضحك على رنيم وحركاتها


مر اليوم وكان يوم حلو لرنيم ويوم سيئ لهتون ويوم مميز لريم وغدير ويوم مو زي أي يوم لعبد الرحمن


خلصت صلاة الجمعه وخرج انس من المسجد بعد مادعى لعبد الرحمن اونو ربي بشفي ويرفع عنو

دخل انس البيت وسلم على امو وجلس معاها

انس>> امي فين بنات عمتي

ام انس >> امس مانامو بدري جلسو يتفرجو على التلفزيون وتلاقيهم نايمين الين دحين

انس >> والله امس كان نفسي اخرجهم في الليل بس لما رجعت من المستشفى نفسيتي كانت مرة تعبانه

ام انس>> ايوا الله مسكين صاحبك هذا الله يرفع عنو يارب

انس >> امين

ام انس>> انس الرقم الي اديتني هوا قبل كم يوم

انس >>> اشبو

ام انس>> مو رقم ام البنت الي انت تبغى

انس >> ايوا

ام انس>> ايش رايك اكلمها اليوم

انس اتفاجئ>> اليوم

ام انس>> ايوا و انت تبغاها خلاص اكلم امها اليوم

انس >> بس ياامي عبد الرحمن لسة في المستشفى

ام انس >> طيب انا بس اكلم امها عشان البنت لاتروح

انس >> طيب دقي عليها

ام ريما >> يامحمد لاتضرب اخوك ياولدي الله يرضى عليك

محمد>> ياماما انا جالس العب بالسوني وهوا فصل السلك

ام ريما >> معليش حبيبي اخوك الصغير

محمد>> كل شي اخوك الصغير اخوك الصغير

ريما >> صباح الخير

ام ريما>> صباح النور

ريما >> ماما بابا جا من الصلاة

ام ريما >> لاراح يجيب سمك وجاي

ريما >> يجي يعني غدانا سمك حركتات

تننن تتن تتن تاااااات

ام ريما>> محمد اديني الجوال

راح محمد وجاب الجوال لام ريما وردة

ام ريما|>> الو

ام انس>> السلام عليكم

ام ريما>> وعليكم السلام ورحمة الله

ام انس>> كيف حالك حبيبتي

ام ريما وهيا مستنكرة الصوت >> الحمد لله بخير بس عليش مين معايا

ام انس>> انا ام انس العـــ

ام ريما >> هلا والله حبيبتي

ام انس>> هلا فيكي ياعني حبيبتي احنا ناس دلونا على بنتكم ريما انا بخطب لولدي انس

ريما ساكته تمسع هرجة امها

ام ريما>> حياك الله ياعني

ام انس>> الله يسلمك والله ياحبيبتي انا انس هذا وحيدي الي طلعت في من الدنيا والحمد لله ربي اكرمو وخلص دراستو واتوظف وانا والله ياام ريما شارية نسبكم

ام ريما انبسطنت >> الله يسلمك ياقلبي

ام انس > >> وشوفي ياام ريما انس ولدي الحمد لله راتبو كويس والحمد لله بس عشان كل شي يكون واضح قدامكم ولدي مو سعودي

ام ريما>> امممممممم

ام انس >> ايوا الله وتقدرو تسالو عن ولدي يشتغل في شركة العاديــــ؟

ام ريما مرة عليها هذا الأسم >> هذي مو حقت الوزير

ام انس >> ايوا هيا دي

ام ريما>> والله ياام انس ماادري ايش اقولك والله ونعم فيكي وفي انس

ريما لما سمعت اسم انس لفت وجهها على امها

ام ريما>> بس والله ياقلبي ابو ريما مايزوج اجانب وبعدين ريما خطوبه

ريما لما سمعت امها تقول الكلام هذا انصعقت

ام انس>> ام طيب حبيتي الله يوفقها ويسعدها يارب

ام ريما >> امين يارب ويسخر لولدكم ولكل شباب المسليمن

ام انس>> امين يارب

ام ريما>> خلينا نشوفكم حبيبتي والله تشرفنا معرفتكم

ام انس >> إن شاء الله ياعيني

ام ريما >> يلا حبيبتي في امان الله

ام انس>> ياهلا ياعيني مع السلامه

قفلت ام انس من ام ريما

انس >> امي ايش قاالت لك

ام انس>> تقول البنت خطوبة

انس حس كانو كف جا على وجهو >> مخطوبه كيف مخطوبة

ام انس >> والله ماادري هيا قالت البنت مخطوبة وقالت اصلا ابوها مايزوجها اجنبي لازم سعودي

تاني كف جا على وجه انس

قام انس من غير مايعلق على أي كلمة ودخل غرفتو وجلس على السرير يكلم نفسو >> ريما مخطوبة كيف

هيا عمرها ماقالت لي معقولة تكون لعابه لا ريما مو كدا اكيد في شي اكيد


قفلت ام ريما من ام انس طول سألت ريما

ريما >> ماما مين

ام ريما >>> وحده

ريما >> ايوا دارية انها وحده

ام ريما >>> وحده اسمها ام انس دقت تخطب ورديتها

ريما >> وليش رديتيها

ام ريما استغربت سؤال ريما >> ليش رديتها

ريما >> ايوا

ام ريما >> لانو بكل بساطة مو سعودي

ريما >> انا سمعتك تقولي ريما مخطوبة

ام ريما>> ايوا انتي مخطوبة

ريما انصعقت >> انا مخطوبة من متى ان شاء الله

ام ريما >> انا اليوم كنت ابغى افتح معاكي الموضوع دا

ريما >> ايت موضوع وايت خطبه ماما ايش جالس يسير

ام ريما>> خالتك عيشة ام طلال

ريما >> اشبها

ام ريما>> خطبتك لطلال ولدها يوم الربوع واليوم تستنى ردي

ريما >> طلال ولد خاله عيشة

ام ريما>> ايوا طلال ولد عيشة

ريما بصدمة >> طبعا لالالا

ام ريما>> وليش لا ان شاء الله

ريما >> ماما انا اكره بنتها نهى وانتي عارفة دا الشي


ام ريما>> نهى بزرة وبعدين انتي ماراح تعيشي معاها

ريما بصدمة مو متخيلة الموقف>> لا ياماما طلال لا انا اصلا من زمان اكرهو

ام ريما>> امال تبغي مين


بدأت قلبو بنات العز ماتعزهم هذي اول شي هتون وبعدها لينا وبعد ريما ايش راح تكون نهاية قلوبهم؟
ريما تبغى مين اكيد انس ؟ ايش راح يكون تعليق امها لما تعرف انو ريما تعرفو؟ ومعقولة ريما تصر على رئيها وتاخذ انس؟ وانس ايش راح يسوي مع ريما لما يكلمها ؟ ولينا ومحمد خلاص بدأت قصة حبهم تكتمل والحمد لله بس كيف راح يكون انتقاب ابو لينا من طلال؟ وعبد الرحمن المسكين الي محد عارف ايش نهايتو؟ وهتون المسكينه ايش بتسوي ؟

كل دا في البارت الجاي

البارت 82

ريما >> ماما انا اكره بنتها نهى وانتي عارفة دا الشي

ام ريما>> نهى بزرة وبعدين انتي ماراح تعيشي معاها

ريما بصدمة مو متخيلة الموقف>> لا ياماما طلال لا انا اصلا من زمان اكرهو

ام ريما>> امال تبغي مين

ريما >> ها مافي احد معين بس طلال لا

ام ريما>> ريما في شي في راسك

ريما >>لا ياماما بس لا لا طلال لا

ام ريما>> ريما الوحيد الي متقدم لك إلا الان طيب وولد ناس هوا طلال

ريما >> وانس

ام ريما>> وايش دراكي انو اسمو انس

ريما اتلخبطت >> انتي قلتي اسمها ام انس

ام ريما>> امكن ولدها الي بتخطب لو مو انس

ريما >> ماادري بس اتوقعت الأسم كدا

ام ريما>> اممم بسوي نفسي هبلة وماادقق في النقطة دي

ريما>>> ماما فكري في انس دا؟ طلال لا

ام ريما >> وانس دا لا

ريما > طيب ليش

ام ريما>> من غير ليش ماهو سعودي تبغي اختك تتزوج ولد الوزير وانتي تاخذي واحد مو سعودي

ريما >> وش في الأجنبي ولاعشان خلاص ناسبنا الوزير لازم ناخذ إلي احسن منو يعني طلال ولد الشيوخ دحين

ام ريما>> ايوا طلال مركز وجاه ومال وحسب ونسب واخلاق

ريما >> بس ياماما انا من زمان اكرهو ومااطيقو بعيدين المال والجاه موكل شي

ام ريما>> لا كل شي ياحبيبتي تبغي زوج اختك ولد وزير وزوجك اقل منو وبعيد زمان غير عن دحين الوضع اتغير

ريما >> كيف يعني اتغير انا ماابغى طلال


دخل ابو ريما على صوت ريما وهيا تقول انا ماابغى طلال

ابو ريما >> ايش في صوتكم واصل للشارع

ام ريما>> هذي الأنسة ريما

ابو ريما>> اشبها

ام ريما>> قال ايش ماتبغى طلال

ابو ريما>> ليش ياامي

ريما عيونها بدات تدمع >> بابا انا ماابغى طلال

ابوريما>> ليش يابابا طلال في شي

ريما >> انا اكره اختو نهى واكرهو كمان تتذكر لما كنا صغار كان دايما يضربني

ابوريما >>ههههه هذا الكلام زمان يابابا دحين طلال سار رجال ماشاء الله ومتعلم ومثقف وولد ناس


ريما >>> بس يابابا في غيرو كثير

ابو ريما>> في احد دق الباب واحنا قلنا لا

ام ريما>> ريما ايش قصت انس دا الي انتي حاطتو في بالك

ابو ريما>> مين دا انس

ام ريما>> هذي وحده دوبها اتصلت تخطب ريما لولدها اسمو انس والولد مو سعودي وانا رديتهم وقلت لهم ريما مخطوبة

ابوريما>> ريما ايش تبغي بواحد اجنبي يابابا تهجولي نفسك وتهجولي عيالك

ريما >> بس يابابا انا

جا ابو ريما وحضن ريما وسلم على راسها >> حبيبي الله يرضى عليكي استخيري في طلال

ريما بعدت عن حضن ابوها وسارت تبكي >> ماابغى طلال ماابغى طلال

ام ريما صرخت على ريما >> امال تبغي الاجنبي

ريما وهيا تبكي >> ايوا ابغى انس انا احبو احبو احبو وماني اخذة غير ياماما

وطلعت ريما على غرفتها وهيا تجري وتبكي ودخلت وقفلت الباب

ام ريما عصب وسارت تصرخ>> شايف بنتك هذي نهاية الدلع (لفت ام ريما وجها على الدرج وسارت تصرخ بصوت عالي) والله والله والله ياريما هذا انس الي انتي حاطتو في راسك منتي اخذته وغير طلال منتي اخذه واعلى مافي خيلك اركبي يابنت ابو محمد

ابو ريما واقف مصدومه من ردت فعل ريما هوا صح يحبها طاير فيها السما ومايقدر يرد لها طلب بس هذا الشي في نظرو صعب كيف ريما تتزوج اجنبي اجنبي ماراح يعيشها بعز ولايسعدها وعيالها حيتهجولو في كل مكان واقامه وهرجه طويلة وريما مريضه بالسكر يعني لازم علاجات واهتمام خاص وخدم وفي نظرو الاجنبي مايقدر يسوي هذا كلو خلاص هما في بالهم اجنبي يعني شحططة وتعب وهجولة مايدرو انو الأجنبي هذا ممكن يصونها ويقدرها وبعرف قيمتها اهو محمد باكستاني بس عرف قيمة لينا مع انو غلطة لينا ماتنغفر بس هوا غفرها لكن للأسف النظرة السئية للأجانب عمرها ماراح تتغير في مجتمعنا احنا ماقلنا نزوج بناتنا بكستاني ينظف سيارات ولاسباكين لا بس في ناس من جد اصل وفصل

ام ريما>> ليش ساكت عاجبك الي ريما تسوي اهو اتفرج هذي نهاية دلعك حب ومحبوب في بيتي انا

ابو ريما>> كلمي ام طلال قولي لها الله يحيهم يوم الأحد

ام ريما>> وهذي الهبله الي فوق

ابوريما>> مالك دخل فيها


رنيم >> طيب ريما لاتبكي ماراح تستفيدي شي

ريما وهيا مقطعه نفسها بكى >> كيف ماابكي يارنيم ماسمعتي ماما ايش قالت

رنيم>> لاتخافي صدقيني بابا ماراح يسكت

ريما >> رنيم انا ماابغى طلال

رنيم >> اصلا طلال شكلو مرة مايريح

ريما >> انا اكرهو كيف ازوجو

رنيم >> لا تخافي بابا ماراح يغصب عليكي خير ريما من متى ننغصب على شي احنا لاتشيلي هم

افقتح الباب حق غرفة ريما ورنيم

ريما >> بابا

رنيم >> بابا الشي الي ماما مسيتو ماينسكت عنو ترى

ابو ريما بجدية مااتعود ريما ورنيم عليها من ابوهم>> ريما انا اديتك الثقة والحب والأحترام وانتي للأسف ماقدرتي الشي دا

ريما >> بس يابابا انا

ابوريما >> ريما النقاش انتهى ويوم الاحد شوفتك على طلال

رنيم >> بابا ايش دا الظلم

ابوريما>> رنيم انتي لاتدخلي في شي فاهمة

خرج ابو ريما من الغرفة وقفل الباب وعلى طول نزلت من عيونو الدمعه ريما هذي نور عيونو بس هوا يشوف الشي دا في مصلحتها ومع الوقت اكيد راح تحب طلال

ريما >> رنيم ماابغى طلال يارنيم

رنيم حضنت ريما >> ماعليكي ياريما ماراح تاخذي طلال

ريما وهيا تبكي >> كيف يارنيم

رنيم >> ماعليكي تتدبر ان شاء الله

انس جالس في الغرفة والأفكار معبيه راسو هز راسو وعلى طول مسك الجوال واتصل على ريما

ريما كانت ماسكة الجوال تبغى تتصل على انس اول ماشافت رقمو في جوالها ردة
على طول
ريما وهيا تبكي >> انس

انس قلبو مايكذب علي ريما تحبو ومستحيل تكون تلعب في>> ياعيون انس

ريما>> انس والله والله ماادري عن موضوع الخطبة اقسم بالله

انس>> لاتبكي والله مصدقك

ريما>> انس انا ماابغى طلال انا اكرهو

انس>> ريما لاتخافي محد راح يغصبك على شي انتي ماتبغي وبعدين انتي قلتي انو ابوكي طيب ومرة يحبك

ريما وهيا تبكي >> انس والله ابغاك وماما قالت لا انا (وسارت ريما تقول كلام انس مو فاهم من لاشي لأنها جالسة تبكي)

انس>> ريما حبيبي لاتبكي وبشويش قولي لي ايش سار من البداية

مسحت ريما دموعها وبدأت تحكي انس الي سار معاها من يوم ماامو كلمت امها


صحيت لينا من النوم لقت ابوها نايم على الكرسي الي جمبها وبصوت مبحوح >> بابا بابا

ابو لينا من يوم ماسمع صوت لينا قرب عند راسها>> هيا يابابا

لينا>> بابا فين محمد

ابو لينا حز في خاطرو انو اول شي تسأل عن محمد >> محمد في بيتو

لينا>> ابغى انا ماراح ازوج غيرو

حط ابو لينا يدو على فم لينا>> اششش خلاص الخميس الجاي فرحك على محمد

لينا ماصدقت الي سمعتو >> ايش تقولو

مسك ابو لينا يد بنتو وحطها على خدو>> انا اقولك يوم الخميس الله يحيكي على فرح اغلى شي في الدنيا عندي على احسن رجال في العالم كلو

لينا >> يعني يابابا انا راح ازوج محمد

ابو لينا هز راسو انو ايوا

قامت لينا من فوق السرير ورمت نفسها في حضن ابوها وسارت تحضنو بقوة وبدأت تحس بالدفء الي كانت طول عمرها تدور عليه


بطة >>ماما ماردت عليك ام خلود متى يبغو الشبكة

ام حسام >> لا والله

بطة >>طيب قولي لها حسام يبغى يملك على خلود

حسام >> ايوا الله ابغى املك على خلود خلاص

ام حسام>> احنا اليوم كم في الشهر

بطة >> 4/6

ام حسام>> خلاص اخر الشهر الملكة تكوني انتي كمان قمتي من الأربعين

حسام>> ايوااخر الشهر كوييييييييس

بطة >> طيب يوم ايش

ام حسام>> خلاص يوم 28

قام حسام وسلم على راس امو >> الله لايحرمني منك

ميلت بطة راسها وحطت اصباعها على راسها >> هنا كمان

راح حسام وسلم على راس بطة مع انو بطة اصغرمن حسام >> امووواه وهذي البوسة لأم مهند

سلمت بطة على خد اخوها >> الله يوفقك ويسعدك ياااااااااااارب


ريما >> وبابا قال يوم الأحد شوفتي

انس >> ريما تتذكر قبل كم يوم ايش قلتلك

ريما وهيا تبكي >> ايوا

انس >> وحرجع اقولك هيا تاني والله ياريما بحق الي جمع قلبي وقلبك انو عمري ماراح افرط فيكي ولاازعلك ولااتخلى عنك لو ايش ماسار
وانا قد كلمتي شوفتي لو باقي يوم في عمري ماراح اتخلى عنك

ريما >>ولا انا

انس >> يلا حبيبي لاتزعلي نفسك وقومي غسلي وجهك وحاولي اليومن هذي تخليني اشوفك لازم نشوف حل للمشكلة

ريما>> طيب

انس>> ريما

ريما>> نعم

انس>> احبك

ريما وهيا تبكي >> وانا كمان

انس>> يلا حبيبي روحي غسل وجهك وكلي ولاتضايقي اوكي

ريما >> اوكي حبيبي

انس>> يلا باي ياقلبي

ريما >> باي

قفلت ريما من انس وهيا متحطمة ودخلت الحمام

اما انس من يوم ماقفل من ريما ماقدر يمس نفسو خلاص على طول انهار وجلس يبكي معقولة حب حياتي يضيع من بين يدينو. بسبب هوا مالو دخلي في اصلا هوا قليل الحيلة مابيدو شي يسوي بس حيحارب عشانحبو من ريما


ام مروج>> بنت قومي ننزل السوق نشوف فساتين

مروج وهيا تاكل فص فص>> ليش

ام مروج>> عشان ملكتك

مورج>> انا بنزل المساعديه مع ريما ورنوم وبنات عمها

ام مورج>> وجع ولاكأني أمك

مروج >> هههههههههههه ماما تغاري

ام مروج>> ليش اغار من زينك

مروج >> هههههههه امزح معاكي خلاص بكرة ننزل المساعديه نشوف الفساتين

ام مروج>> ان شاء الله

مروج>> ماما عمتي لسة ماحددت يوم الملكة صح

ام مروج>> ابوكي يقول احتمال على اول شهر 7

مروج>> كويس يمدينا ندورفي السوق

ام مروج >> بس شوفي متى ملكة خلود لاتتعارض مع يوم ملكتك

مروج>> ايوا صح يبغالي اكلمها وأسألها

دخلت مروج غرفتها واخذت جوالها ودقت على خلود
خلود توها صحيت وجالسه مع اخواتها تتغدى والجوال دق في جيبها

نوارا > مين

خلود> مروج الدب

ردة خلود >> هلا

مروج>> كيفك

خلود>> احسن منك

مروج>> وجع مافي اسلوب طبعا مني حسام

خلود >>> ههههههههههههه عبيطة

مروج>> كيفك

خلود >> بخير الحمد لله كيفك انتي

مروج>>> تمامو فينكم من زمان ماسمعت صوتكم

قامت خلود من فوق الطاولة

مروج>> الووو

خلود>> وجع اصبري

مورج>> ايش في

خلود>> خرجت من المطبخ عشان لااحد يسمعني

مروج >> خير

خلود>> مروج عبد الرحمن في العناية المركزة من يومين داخل في غيبوبة

مروج انصدمت >> امانه

خلود>> وربي وهتون نفسيتها زي الزفت وامس ريما ورنيم كانو عندنا

مروج>> ريما ورنيم عارفين

خلود>> ايوا ريما عرفت من انس قالها

مروج>> واااااااااا والله توي ادري وكيفو دحين

خلود>> والله يامروج امس ريما تقول انس راح والدكتور قالو حالت عبد الرحمن من سيئ لي أسوء

مروج>>> لاحولة ولاقوة إلا بالله

خلود>> من جد مروج ادعي لو

مروج>> الله يرفع عنو

خلود>> ها خير ايش عندك دقيتي

مروج >> ايوا صح بدي اقولك متى ملكتك عشان لاتتعرض مع ملكتي

خلود>> والله يامروج لسة ماقالو

مروج>> طيب انا شبكتي احتمال تكون اول شهر 7

خلود >> يعني اول 5 ايام

مروج>> تقريبا

خلود>> خلاص انا بخليها قبل اوبعد

مروج>> اوكي لولو سلمي لي على البنات كلهم

خلود >> يوصل ياحبي

مروج>> يلا قلبو باي

خلود>> باي

قفلت خلود من مورج وراحت تكمل اكل

شهد>> اشبها مروج

خلود> ولاشي تقول متى ملكتك عشان لاتتعارض مع ملكتي

نوارا>> ليش متى ملكتها

خلود>>> تقول احتمال تكون اول 5 ايام من شهر 7

شهد>> امم الله يوفقها ويوفقنا

هتون >> ويشفي عبد الرحمن

لفو شهد وخلود ونوارا على هتون من اول ماصيحت ماقالت غير الكلمة دي



ام مروج>> ها ايش قالت لك

مروج>> لا تقول لسة ماحددو

ام مروج>> طيب انتي قلتي لها

مروج>> ايوا قلت لها احتمال تكون في اول شهر 7

ام مروج>> الله يتمم لكم ويتمم لكل بنات المسلمين

مروج >> ماما اديني جوالك

ام مروج>> ليش ان شاء الله

مروج>> ماما لاتسيري بخيلة ماعندي رصيد بكلم ريما

ام مروج>>> خدي بس لاتطولي

مروج>> طيب

اخذت مروج الجوال وراحت على الغرفة تكلم ريما

ريما خرجت من الحمام وجلست على سريرها تدور حل للمشكلة إلي طبت على راسها

رنيم >> ريمو خلاص لاتضايقي نفسك اكيد في حل

ريما وصوتها مخنوق>> ايوا يارنيم بس مو طلال طلال لا لا لا

مافي غيره سكن قلبي حبيبي
وانا احبة لو قالو تمنى
اتمنى عمري قربية

المتصل ميمو

ريما اول ماشافت رقم مروج حست براحه وعلى طول ردة>> الو

مروج>> مرااااااااااحب

ريما وصوتها مخنوق>> مروج

مروج>> خير ريما فيي شي

ريما وهيا تبكي >> ماما رفضت انس

مروج>> ايش

ريما >> وتبغى تزوجني طلال

مروج>> مين طلال اخو نهى العبيطة

ريما >> ايوا يامروج وشوفتي يوم الاحد

مروج>> لحظة لحظة ايش الاحداث الكثيرة دي فهميني ايش سار من الاول

ريما >> طيب اول مانزلت من غرفتي

وبدأت ريما تحكي مروج الي سار معاها

ام ريما>> ايش فيك

ابو ريما>> مافيا شي

ام ريما >> ياابو محمد في مثل يقولك اكسر للبنت ضلع يطلع لها مية ضلع

ابوريما>> بس انتي عارفة اني انا ما احب اغصب عليهم بشي وكان ودي زي رنيم ماكانت مبسوطة ريما كمان تكون

ام ريما >> يعني انت تشوف لو مشينا كلام ريما في الي هيا تبغى راح تكون مبسوطة مع هذا الأجنبي ايش راح يعطيها؟ ولاتنسى انو ريما معها سكر يعني لازم رعاية خاااااااااصة ياابو محمد وبعدين ريما جاهله ماتعرف فين مصلحتها

سكت ابو ريما من غير مايقول أي تعليق

مسكت ام ريما جوالها واتصلت على ام طلال

تررررن ترررررن

ام طلال>> نوف ارخي الصوت

ردة ام طلال>> الو

ام ريما>> السلام عليكم

ام طلال >> هلا وعليكم السلام

ام ريما>> كيف حالك

ام طلال>> بخير الحمد لله

ام ريما>> خلاص ياام طلال انا كلمت ابو محمد ويقول الله يحيكم يوم الأحد

ام طلال>> لولولولولولولي

نوف لفت على امها وهيا تبتسم

ام طلال>> يالله الله يتمم لهم على خير يااااااااااارب

ام ريما>> الله يسلمك حبيبتي

ام طلال>> خلاص ان شاء الله يوم الاحد وإحنا عندكم ياقلبي

ام ريما>> الله يحيكم حبيبتي

ام طلال>> يلا سلمي لي على البنات وعلى ابومحمد

ام ريما>> يوصل ياعيني

ام طلال>> ياهلا ياقلبي الله معاكي

ام ريما>> مع السلامه


ريما >> وبابا قال يوم الاحد شوفتك على طلال

مروج>> معقوله

ريما >> والله

مروج>> غريبة انا اعرف ابوكي مرة مايغصبك

ريما >> ايش اسوي دحين

مروج>> بكرة عندكم شي

ريما >> لا

مروج>> خلاص بكرة انا بتصل على امك وبقولها اني عازمتكم في مطعم بمناسبة خطوبتي واتصل على بنات عمك واتصلي على انس وقابلي هناك

ريما >> كويس كمان هتون تطلع من البيت

مروج > ايوا حبيبتي مروج والله مرة زعلت لما سمعت عن عبد الرحمن

ريما>> من جد كل يوم تطلع لنا نكبة جديد الله يستر

مروج>> ريمو لاتسيري متشائمة ربي يفرجها ان شاء الله

ريما>> يارب يامروج يارب

مروج >>اوكي حبيبي بس انتي لاتنكدي على نفسك ومن اليوم لبكرة ان شاء الله تتسهل

ريما >> إن شاء الله

مروج>> يلا قلبو انتبهي لنفسك

ريما >>اوكي

مروج>> يلا حبي

ريما >> باي


رنيم >> ها ايش قالت مروج

ريما >> تقول بكرة نتقابل في مطعم مع انس وبنات عمي عشان هتون كمان مسكينه نفسيتها تعبانه

رنيم >>ريما ماما قالت لي انو ام رااكان قالت لها شوفتي يوم الثلاثاء

ريما انبسطت لرنيم >>> وااااااااااو مبروك ياحبي

حضنت ريما رنيم وفرحت لها من كل قلبها


ياسر>> طيب ياندى تعالي بالطيارة

ندى>> ياقلبي مافي حجز

ياسر>> لا في انا دوبي كلمت واحد من الشباب وحجزة لك انتي وحمادة بكرة الصباح

ندى>> اوكي ياقلبو

ياسر>>ترى مررررررررة وحشتيني يادبة

ندى>> وانت اكثر ياعيوني

ياسر>> من جد مشتاقلك ومشتاق لحمود موووووووووووت

ندى>> خلاص بكرة ان شاء الله بتشبع من شوفتنا

ياسر>>> ان شاء الله

ندى>> ياسر اتغديت

وجلست ندى تتكلم مع ياسر زي أي زوجه تتكلم مع زوجها ماشافتو من فترة


الله اكبر الله اكبر
اشهد ان إلا إلة إلا الله