الموضوع: رواية بنات عز وقلبهم ماعزهم

ابولينا>> ولا منك ياشمعت حياتي



ام هتون>> شهد هتون ايش فيها

شهد اتلخطت >> ها لا مافيها شي بس تعبانه شويا

ام هتون >> مدري احس فيها شي

شهد>> لالا مافيها شي بس تعبانه

تنن تتن تتن تااااااااااااات

ام هتون>>> شهد شوفي مين

رفعت شهد الجوال لقت اتصال من ام حسام

شهد مدت الجوال لامها >> هذي ام حسام

ردة ام هتون على ام حسام>> الو

ام حسام>> السلام عليكم

ام هتون >> ياهلا وعليكم ورحمة الله

ام حسام>> كيفك ياعيني

ام هتون>> بخير الله يسلمك كيفكم انتو وكيف بطة وحسام

ام حسام>> والله بخير الله يسلمك

ام هتون>>> عسى دوم يارب

ام حسام>> امين يارب. ها ام هتون متى تبغو الملكة

ام هتون>> والله حبيبتي زي ماتحبو

ام حسام>> طيب انا اليوم كلمت حسام ويقول اخر الشهردا يعني على 28

ام هتون>> طيب ان شاء الله

ام حسام>> خلاص ان شاء الله ربي مايعارضنا بشر يسير الملكة يوم 28

ام هتون>> يوافق يوم ايش

ام حسام>> والله مدري اليوم احنا 4/6 واليوم جمعه اتوقع يوافق اثنين

ام هتون>> خلاص ياعيني ان شاء الله الله يتمم لهم بخير وانا كمان اشوف ابو هتون

ام حسام>> طيب حبيبتي سلمي لي على خلود والبنات

ام هتون>> يوصل حبيبي ياهلا

ام حسام>> مع السلامة

ام هتون>> مع السلامة

شهد>> ايش تبغى

ام هتون وهيا مبسوطة>> خلاص حدد يوم ملكة خلود

شهد انبسط>> والله

ام هتون>> ايوا اخر الشهر يوم 28 ان شاء الله

شهد>> امي يمدينا

ام هتون>> ايوا خلاص من بكرة ننزل انا وابوكي نشوف لنا القصر وانتو انزلو شوف الفساتين

شهد>> فساتين

ام هتون>> ايوا انتي وخلود

شهد>> بس خالتي ماحددت

ام هتون>> لا انا امس كلمتها وقالت وقت مايحدوو ملكة خلود تكون معاها ملكة شهد

شهد انبسط>> يعني انا ولولو في نفس اليوم

ام هتون>> ايوا يابنتي ليش المصاريف الزايدة انتي واختك في نفس اليوم

شهد نطت من مكانها>> اوكي انا بروح اقول لأخواتي

طلعت شهد جري على الغرفة عند اخوتها عشان تقولهم

طلال جالس مع اصحابو في كافي

ناصر>> شباب تطلعو مصر

رامي>> ول تصدق زمان انا عن مصر

طلال>> مالقيتو غير مصر تبغو تسافرو من جد نطلع المغرب

رامي>> ليش المغرب بالعكس مصر اونس

طلال وهوا يرقص حاجبو >> ياحبيبي المغرب كلها مزز

ناصر>>> والله ياطلال محد اكل مخك غير المزز

طلال>> هذول فاكهة الحياة ياإبني

رامي>> طلال فين خالد ترى زمان عنو

طلال>> خالد خلو بهمو

ناصر>> افا ليش

طلال>> مدري عن الأهبل راح حبلو وحده وانخطبت

ناصر>> والله اكبر خلووود يحب

طلال>> ايوا بنت عمو

رامي>>>> اها عشان كدا قافلة معا لي كم يوم

طلال>> عليك نور والله كلمتو وقلتلو امشي نسافر نغير جو مو راضي

ناصر>> ترى اصعب حاجة لما يتعلق قلبك باحد ويتركك اه بس

طلال>> ياحبيبي الي يمشي ورى حرمة كدا يسير في

رامي>> طيب انتي الي ماتمشي وراى الحريم

طلال>> ياحبيبي انا امشي وراها عشان ارضي نفسي عشان اخذ الي ابغى بعدين باي

ناصر>> والله ياطلال انا خايف عليك من يوم مارجعت من امريكا وانت حالك زااااااااايد

رامي>> طيب ياحبيبي اتعود من يوم ماطلع امريكا وهوا كدا

ناصر>> طلال كنت تمشي ورى الاجانب ماتخاف انت

طلال>> لا ياحبيبي انا كنت اعرف وحده بس كانت ساكنه معايا الين خلصت دراسة

ناصر>> امريكية

طلال>> لا يونانيه

ناصر>> تلاقيها قططططططططعه

طلال>> يوووووووووووووه ايت قطة وربي زبدة

رامي>> تتذكر طلول لما خرجنا من الجامعه ورحنا

وجلسو رامي وطلال يتذكرو ايام امريكا وايام الفلة وناصر متحمس على هرجتهم


خلود>> امانه يعني يوم 28 ملكتنا

شهد>> يس

هتون من جد انبسطت لأخواتها لانو كل وحده منهم اخذت الي تبغى >> هتون مبروك

نوارا>> ترى لازم نحتفل بدي المناسبة

شهد>> من جد

هتون>> طيب كلمو بنات عمي ومروج يجو عندنا بكرة

شهد>> نوارا ارمي لي الجوال من جمبك

رمت نوارا الجوال لشهد واتصلت شهد على ريما


ريما نايمة على السرير وحاضنة المخده وتفكر كيف تبغى تفتك من طلال

رنيم وهيا تلبس بجامتها>> ريما وبعدين في جو الكئابة دا

ريما بصوت واطي ومخنوق>> ايوا لازم تقولي كدا لأنك منتي حاسة فيا

رنيم>> وربي حاسة فيك بس الزعل ماراح يسوي شي


وينها عيونك تعبت من الوله
ياحكايتي الليالي في غلاك

المتصل

شوشو

رنيم>> هذي شهد

ريما >> اديني الجوال

اخذت ريما الجوال من ريما وردة على شهد

ريما>> هلا شوشو

شهد تحس بريما من غير ماتتكلم من وصتها تعرف اذا كانت مبسوطة ولامضايقة>> ريما ايش فيكي

ريما من يوم ماشهد سألتها اشبك على طول ماقدرت تمسك نفسها وبكيت>> ماما ياشهد رفضت انس

شهد>> انس اتقدملك

ريما>> وافقت على طلال

شهد>> طلال طلال مين

ريما>> ولد خاله عيشة

شهد>> وهذا ايش جابو في الهرجه

ريما>> ماما وافقت علية

شهد>> ريما حبيبي لاتبكي وفهمين الي سار معاكي بالتفصيل

جلست ريما تحي شهد الي سار معاها من يوم مااتصلت ام انس على جوال امها


غدير>> يلا ريم نكلم انس نتعشى برى

ريما>> غدير خلاص ترى مرة زودنها على الرجال

غدير>> عادي مافيها شي

ريم>> غدير ماتلاحظ انو ماما مادقت علينا عشان نرجع المدينة اليوم جمعه

غدير>> تتونسي انتي ووجهك

ريم>> من جد اتكلم

غدير>> ماما كلمت خاله اليوم الصباح وقالت لها انو حجزنا يوم بكرة الساعه 5 العصر

ريم>> امانه

غدير>> والله

ام انس>>بنات ماتبغو تتعشو

غدير>> إلا نبغى نخرج نتعشى برى

ام انس>> طيب انا دحين اكلم انس ونطلع نتعشى برى

راحت ام انس عند انس في الغرفة لقتو متلحف بالبطانية ومتمدد على السرير

ام انس> انس انس

انس>> صاحي يامي

قربت من انس من ولدها وحطت يدها على راسو>> الي مايعرف قيمتك ياانس لاتدور عليه

انس>> بس ياامي ريما مالها دخل

ام انس>> لو تبغاك وتحبك ماراح تفرط فيك

انس>> والله ياامي ابغاها

ام انس>> شوف ياانس لو ربي كاتبلك هيا حتخدها غصبن عن العالم كلو لاكن لو ربي مو كاتبلك هيا ياانس راضي بالنصيب ومافي داعي انك نزعل نفسك

انس ساكت ماعلق على شي

ام انس>>> دحين قوم الله يرضى عليك غسل وجهك والبس خلينا نودي البنات نعشيهم ونتجمل مع عمتك

انس>> والله ياامي ماليا خلق اطلع من البيت

ام انس>> عشان خاطر الله يرضى عليك

انس>> طيب

قامت ام انس وقبل ماتخرج من الغرفة

ام انس>> انس لاتطالع بعيد شوفي الحولينك امكن تلاقي الشي الي انت تدور ليه

وخرجت ام انس من الغرفة

قام انس ودخل الحمام وغسل وجهو واخر كلمة امو قالتها ترن في اذنو


شهد>> لا من جد

ريما>> والله يا شهد تخيلي

شهد>> عمي كدا يسوي

ريما>> كلو من ماما

شهد>> محد يقدر يغصبك على شي ياريما

ريما>> شهد بابا قال شوفتك على طلال يوم الأحد

شهد>> ماعليك واذا مرة انقفلت في وجهنا نخلي ابويا يدخل في الموضوع

ريما>> تتوقعي في امل ياشهد

شهد>> طبعا ياريما ابشبك انتي

ريما>> ماادري

شهد>> المهم بكرة بنحتفل ونتعشى برى كويس انو مروج كمان عرضت الفكرة

ريما>> ايوا بس مدري فين

شهد>> خلاص احنا نحدد وبكرة اكلم مروج ونكلم خاله وكلمي انس ونتعشى برى وانشوف حل كمان عشان هتون تطلع من جو الكائبة الي هيا في

ريما>> ان شاء الله

شهد>> لاتخافي محد يقدر يجبرك على شي وبعدين من زينو طلال يع يقرف

ريما>> من جد انا اكرهو كيف ازوج يع

شهد>> هههههههه ماعليكي ياحبي محد يقدر يسوي شي من غير رضاكي

ريما >> يارب

شهد>> يلا حبي سلمي على مزون

ريما>> سلمي على اخواتك

شهد>> اوكي يابيبي

ريما>> يلا حبيبي باي

شهد>> باي

قفلت ريما من شهد ولفت على رنيم تبغى تقولها الي سار لقتها نايمة

غطت ريما رنيم بالبطانية ورجعت ريما على سريرها ونامت

شهد>> والله مسكينة ريما

هتون>> ليش اشبها

شهد>> اتخليلو ام انس اتصلت على خاله تبغى تخط ريما وخاله رفضتها

نوارا>> هذا شي متواقع انس مو سعودي

خلود>> ليش مو بني ادم

نوارا>> مو كدا بس لازم ريما تزن على عمي عشان يقتنع

شهد>> النكبة انو عمي رافض

هتون> عمي مايرفض طلب لريما

شهد>> ياحبيبتي مو الشي الي خلى يرفض انس وجود طلال

خلود>> طلال

شهد> ولد خاله عيشة

هتون مرة تكرة طلال من زمان>> وجع وايش جاب طاري هذا الغبي

شهد>> طلال خطب ريما

البنات كللهم فتحو فمهم من الصدمة

ايش راح يسير في موضوع ريما معقوله تسير شوفتها على طلال طيب وانس ايش راح يسوي ؟ وايش قد ام انس في الكلام الي قالت لأنس وعبد الرحمن ايش راح يسير في معقولة يتحسن ويرجع زي مكان بفضل الله ثم بفضل الدكترو فهد؟ وياسر طلع تزوج وعندو بنت نوارا حتعرف؟ وايش راح تكون ردة فعلها ولينا خلاص ربي حقق لها كل الي تتمنى؟

كل دا في البارت الجاي انتظروني *ــــــــــــــ^

البارت 83
خلود>> طلال
شهد> ولد خاله عيشة
هتون مرة تكرة طلال من زمان>> وجع وايش جاب طاري هذا الغبي
شهد>> طلال خطب ريما
البنات كللهم فتحو فمهم من الصدمة
هتون>> نعم طلال الرمة ياخذ ريما
شهد>> ايوا وعمي قالها شوفتك على طلال يوم الاحد
خلود انصعقت>> الأحد ايت الجاي
شهد>> ايوا بعد بكرة
هتون>> لاااااااااا من جد عمي مو صاحي خير طلال ياخد ريما
نوارا>> ياحبيبتي طلال ولد خاله عيشة اعز صحبات مرتو واكيد راح يوافقو
خلود>> ايوا بس مايغصبها من متى عمي يغصب بناتو على شي وريما بالذات لو سار لها شي وارتفع السكر ايش راح يستفيد
هتون>> الموضوع دا ماينسكت علية لازم نشوف لو حل
شهد>> ايوا بكرة لما نتقابل راح يكون انس معانا ونشوف ايش نبغى نسوي
نوارا>> الله يستر
خلود>> من جد الله يستر من البلاوي الي بتدحف علينا

في مطعم شامي
انس>> خلاص ماتبغو شي تاني
غدير وهيا تتفرج على المنيو >> لا دقيقة استنى
ريم>> غدير بسرعه الرجال واقف
غدير>> خلاص
انس>> ههههه خليها على راحتها تاخذ الي تبغى
غدير>> لقطي ملامحك ههههههههههههه
انس>> ها غدير ايش تبغي
غدير>> جيب لي كمان بيتزا
انس>> حاضر شي تاني
قفلت غدير المنيو >> سلامتك
راح انس يطلب الاكل عشان يتعشو
ريم>> خاله ايش في انس
ام انس>> مافي شي ليش؟
ريم|>> مدري احسو مضايق
ام انس>> لالا مافي شي بس عشان هذا صاحبو الي في المستشفى
غدير|>> الله يرفع عنو
ام انس>> امين يارب

ناصر>> بالله طلال كلمها والله البنت صوتها يقتل
طلال>> وانت من فين عرفتها
ناصر>> من الفيس بوك
طلال>> عمرك كلمتها
ناصر>> ايوا بس لسة مالحقت تلقط صوتي
طلال>> ايش اسمها
ناصر >> مدري تقول نانا
طلال>> دق عليها خلينا نتونس

نهى جالسة في غرفتها على السرير قدام الاب توب والجوال جمبها ونوف نايمة من بدري
قرب كمان من حضني وحس بالي بحس بية
دنا من زمان مستني اعيش وياك اللحظة دي
المتصل
نونو الفيس بوك
نهى>> هلا والله
ناصر>> اهلين كيفك ياقمر
نهى>> تمام الحمد لله كيفك انت
طلال>> افتح المايك
فتح ناصر المايك
ناصر>> وحشتيني
نهى>> وانت اكثر
طلال سكت شويا الصوت مو غريب
ناصر>> نانا ابغى اشوفك
نهى>> انا ايش قلت لكي اقلبي بدري على الموضوع دا
ناصر>> طيب تخيلي طلعتي شاكوشة هههههههههههههههههههههههه
طلال>> هههههههههههههههههههههههه
رامي >> هع هع هع
نهى>> ناصر لو سمحت قفل المايك
ناصر>> طيب
قفل ناصر المايك >> قفلتو
نهى>> مااتوقعت كدا
ناصر>> خليكي كول مافي شي يزعل بعدين انتي مو واثقة انك حلوة خلاص
نهى>> ايوا طبعا حلوة
ناصر>> خلاص لاتزعلي
نهى>> المهم انا دحين لازم اقفل عشان ماما بتناديني
ناصر>> اوكي بس لاتزعلي والله كنت امزح
نهى>> لا عادي
ناصر>> يلا قلبو باي
نهى>> باي
قفل ناصر من نهى
ناصر>> شايف هبلة
رامي>> صوتها صغير شكلها حقت 17 سنة
طلال>> والله الصوت سامعو قبل كدا بس فين ناسي
رامي>> انت في صوت بنت ماسمعتو اكيد الصوت مر عليك من كثر البنات الي تعرفهم
طلال>> ههههههههههههههههههههههههه على قولتك
ناصر>> بس تصدق عجبتني
طلال>> ايش عاجبك فيها بزرة
ناصر>> عشان كدا طيب عاجبتني خفيفة مرة
طلال>> ترى الي زي كدا اسهل صيدة ماتخد في يدك شهر
ناصر>> ومنك نستفيد يامعلم ههههههههههههههههههههه
الصيدة دي ياطلال اختك عرضك وشرف من جد الي يتسلط على عرض الناس وشرفهم يتسلط على عرضو وشرفو

ام انس>> الحمد لله
غدير>> من جد الحمد لله جاد الله عليك ياانوس
انس>> بالعافية
ريم>> دايمة يارب
انس>> بوجودكم
غدير>> انوس ارمي لي المناديل المعطرة من جمبك
اعطى انس غدير المنديل
ام انس>> انس بكرة بنات عمتك ان شاء الله ماسافرين
انس>> ليش بدري
غدير>> من جد والله بدري
انس>> هههههههههههههه
ريم>> بدري من عمرك
انس>> لا من جد والله ماجلستو
غدير>> تعرف بابا وماما مايقدرو يعيشو من غيرنا ههههههههههه
ام انس>> الله يخليكم هما يارب
ريم>> يارب
انس>> يلا
غدير>> يلا
خرجو بنات عمت انس وامو من المطعم وركبو السيارة
غدير>> انوس مشينا شويا على البحر قبل مانروح البيت
ريم>> لا ياانس. خلاص غدير انس عندو دوام بكرة
انس>> لالا عادي انا امس نمت بدري
غدير>> ريم لازم لك غرا ترى ملامحك جالسة تتبعثر
ريم>> اقبلي وجهك
اخدهم انس وسارو يتمشو جمب البحر وانس كل الي شاغل بالو ريما الي حتروح من بين يدينو
انس يكلم نفسو>> يالله ياريما كيف راح اعيش من غيرك من جد اموت فيك معقوله تروحي من بين يدي طيب والي كنا نحلم في ماراح يتحقق لا ياريما لاتروحي وتخليني
ريم جالسة ورى انس تطاللع في المرايا وتشوف انس وتكلم نفسها >> اموت واعرف ايش الي شاغل بالك من امس وانت متغير معقولة كل دا عشان صاحبك الي في مستشفى يارب يكون هذا السبب ياانس
ولفت ريم وجهها على غدير وسارت تكلم نفسها>> الله يسامحك ياغدير انتي الي خليتني احبو واتعلق في ااااااااااااااه ياربي الله يستر من قلبي دا

قفلت نهى الاب توب حقها وحطت راسها ونامت
ايش راح يستناكي يانهى من ناصر هذا ذنب بنات الناس الي في رقبت اخوكي طلال والي سوا في لينا مو قليل الله يستر عليك بس

مر اليوم وكان يوم سيئ على ابطال الرواية وبدأت قلوب بنات العز ماتعزهم
تاني يوم الساعه 8 الصباح
صحيت رنيم على صوت المنبة واخذت جوالها واتصلت على راكان
راكان جالس يتقلب فوق السرير
عذبة الأطباع واكثر انتي يالعف الخجول
رقتك روضة وروحك كالطبيعه الساحرة
راكان اول ماشاف رقم رنيم في جوالو على طول ابتسم يحبها ويموت فيها
راكان>> هلا والله
رنيم>> مراحب
راكان>> صباح الورد على احلى فراشة في قلبي
رنيم>> صباح الخير على احلى ضب سعودي في المملكة
راكان>> هههههههههه يلعن ام الرومنسية الي زي كدا خربتي جوي
رنيم> هع هع عادي تسير في احسن العائلات يلا قوم
راكان>> اهو قمت ليش مستعجله
رنيم>> تعبان ابغى انام طول الليل مانمت
راكان>> ليش ايش عندك سهرانه تفكري فيا صح
رنيم> خطأ ياعمري مع ريما مانامت امس بدري طول الليل وهيا تبكي
راكان>> افا ليش
رنيم>> انت ماتدري
راكان>> ادري عن ايش
رنيم>> انس خطب ريما
راكان>> والله الف مبروك
رنيم>> لاتنبسط اهلي رفضو
راكان>> من جد ليش
رنيم>> عشانو اجنبي
راكان>> عادي مع الوقت يقتنعو
رنيم>> ايت يقتنعو خلاص ياحبيبي ريما شوفتها يوم الأحد
راكان>>لحظة فهميني ايش سار
رنيم>> راكان سالفة طويلة
راكان>> قولي لي عادي انا اليوم ماعندي شغل كثير
رنيم> طيب امس ياسيدي ام انس اتصلت تخطب ريما واهلي رفضو عشانو اجنبي ومايقدر يهتم بي وريما عشان عندها سكر ولازم لها رعاية خاصة
راكان انصدم>> لحظة لحظة ريما معاها سكر
رنيم اتورطت>> ها ايوا بس راكان لااحد يدري وبالذات انس
راكان>> ومن متى ريما معاها سكر
رنيم>> من يوم ماكان عمرها 3 سنين
راكان>> يالله اول مرة ادري طيب وبعدين
رنيم>> بس يابيبي ودقت صحبت ماما الروح بروح وخطبتها لولدها العلة طلال
راكان>> وامك طبعا وافقت
رنيم>> طبعا هيا تشوف انو طلال العريس المناسب لريما
راكان>> طيب ريما تقنعهم بأنس باأي طريقة
رنيم>> لا ياحبيبي بابا لما عرف انو ريما تعرفو قلها شوفتك على طلال يوم الأحد
راكان>> دقيقة اسم طلال هذا مر عليا
رنيم>> مدري امكن
راكان>> ايش اسمو بالكامل
رنيم>> طلال الباقي
راكان انصدم>> نعم طلال الباقي
رنيم>> ايوا تعرفو
راكان>> ايوا مو كان يدرس في امريكا
رنيم>> ايوا
راكان>> رنيم هذا حق بنات درجه اولى
رنيم>> ياحبيبي مانقدر نقول في شي امو صحبت ماما من 25 سنة مرة صحبات
راكان>> وانس ايش قال
رنيم>> اليوم بيتقابلو ونشوف
راكان>> لاحوله ولاقوة إلا بالله ايش البلاوي دي
رنيم>> من جد بلاوي مدري من فين
راكان>> الله يستر المهم انا بقوم البس واروح العمل اشوف انس
رنيم>> راكان انس لايدري انو ريما معاها سكر
راكان>> لالا ماعليكي
رنيم>> بالمناسبة هتون درية انو عبد الرحمن في المستشفى
راكان>> لا من جد هذا كلو وانا مادري عن شي ومين قالها
رنيم>> راحت بنفسها عند بيتو وعرفت
راكان>> الله يستر المهم انا مرة اتأخرت بروح الشركة واشوف ايش اسوي مع انس
رنيم>> اوكي انتبه لنفسك
راكان>> رنيم انتبهي لريما
رينم>> ان شاء الله
راكان>> يلا بيبي باي
رنيم>> باي

دخل انس المكتب وحس بوحشة عبد الرحمن مو موجود والمكتب فاضي ومافي احد غيرو جلس انس على الكرسي وفتح الكمبيوتر وسرح في خيالو بعيد في ريما الي مايقدر يعيش من غيرها وعبد الرحمن اكثر واحد وقف معا وساندو وقطع سرحانو صوت راكان
راكان>> صباح الخير

انس>> هلا صباح النور
راكان>> انس انا مرة زعلان منك
انس>> افا ليش
راكان>> ياخي كل هذا يسير من ورايا وانا ماادري
انس>> والله امس سار الكلام هذا
راكان>> طيب اتصل عليا فض فض لي ريح خاطرك
انس>> والله ياراكان بنات عمتي عندنا وامس خرجتهم يتعشو برى ورجعت نمت لاني مانمت من يوم ماقمت الظهر
راكان>> ودحين ايش راح تسوي
انس>> ماادري ياراكان احس تفكيري انشل
راكان>> ماعليك ان شاء الله بنلاقي لها حل

ياسر واقف في المطار يستنى ندى ومحمد ولدو
جات ندى من البوابة وشافت ياسر ورفعت يدها واشرت لو
راح ياسر عند ندى وسلم عليها وشال محمد ولدو
ياسر>> الحمد لله على السلامة ياقلبو
ندى>> الله يسلمك
ياسر>> مرررررررة وحشتيني
ندى>> وانت اكثر
ياسر>> فين شنطتك
ندى>> هذي السوده
شال ياسر الشنطة حقت زوجتو وولدو وركبو السيارة
ياسر>> نورت جده يانور العين
ندى>> منوره فيك ياقلبي
شغل ياسر سيارتو وراح على البيت

شهد>> هتون من جدك انتي دحين رايحه
هتون وهيا لابسة العباية>> ايوا تبغي تجي معايا تعالي
شهد>> لا ياقلبي المرة الي راحت ربي ستر وامي مادريت المرة دي وربي بتقول لأبويا وبتسير لنا هرجه
هتون>> انا رايحه
شهد>> ولو امي صحيت
هتون>> قولي لها راحت لعبد الرحمن
خرجت هتون من البيت وهيا عارفة انو لو امها سالت شهد بتصرفها
ركبت هتون السيارة >> سبايدرمان روح مستشفى التخصصي

في العناية المركزة
دفهد وهوا يشوف اوراق حالة عبد الرحمن>> مافي أي جديد
الستتر>> لا والله يادكتور فهد
د فهد>> الله يرفع عنه المهم أي شي يسير عطوني خبر
السستر> ان شاء الله يادكتور
خرج الدكتور فهد من العناية وراح على المكتب حقو
جلس الدكترو فهد ولقى الكابتشينو حقو جاهز على المكتب اخذ الدكتور فهد الكوب وشرب
طق طق طق
د فهد> اتفضل
هتون>> السلام عليكم
د فهد لما شاف هتون على طول اتذكر نجود>> هلا هتون اتفضل
جلست هتون على الكرسي
د فهد>> اطلب لك كابتشينو
هتون>> لا شكرا عبد الرحمن كيف صحتو يادكتور
د فهد>> هتون انا ماابي اكذب عليك مافي أي تحسن
هتون خنقتها العبرة>> يعني مافي امل
د فهد>> كل شي بيد الله ياهتون ادعي له
هتون نزلت من عينها دموع من غير ماتبكي>> ابغى اشوفو
د فهد لما شاف دموع هتون حسها زي النار نزلت على قلبو لانها تذكر بحرارة دموعو على نجود>> هتون والي يعافيك لاتبكين حنا مو اتفقنا انت ماتبكين
مسحت هتون دموعها>> طيب
د فهد >> هتون ابيك تكونين قوية لو تحبي عبد الرحمن خلك قوية
هزت هتون راسها انو ايوا
د فهد>> يلا تعال نطلع
خرج الدكتور فهد مع هتون من المكتب وركبو الأصنصير
فتح ياسر بابا الشقة >> الحمد لله على السلامة ياام محمد
ندى>> الله يسلمك حبيبي
دخلو ندى وياسر ومحمد البيت
ندى>> ياسر فطرت
ياسر>> ايوا انتي فطرتي
ندى>> ايوا في الطيارة
ياسر>> تعالي انتي فين رايحه
ندى>> اجيب شي نشربو
ياسر فتح يدو وهوا جالس على الكنبة >> تعالي بعدين نشرب الي نبغى
جات ندى وجلست جمب ياسر وحطت راسها على صدرو>> وحشتني موووووووووت
حط ياسر يدو على راس ندى وباس خدها >> وانتي كمان وحشتني موت موت موت موت
ندى وهيا في حضن ياسر>> ياسر كم يوم اخذت اجازة
ياسر>> اسبوع
ندى>> مرة قليل مايكفي
ياسر>> هههههه مرة مشتاقتلي
ندى>> مرة
ياسر>> خلاص حبيبي دحين الرحلات اتغيرت
ندى>> والله
ياسر>> ايوا مو زي اول دحين كل واحد لو رحلتين في الأسبوع داخلية واربع رحلات كل 3 شهور دولية
ندى>> طيب مرررررررررة حلوة
ياسر>> انتي الي حلو
قام ياسر ومد يدو لندى ومسكها من يدها ودخلو الغرفة
والباقي طبعا
طوووووووووووط
نتن نتن مشفر غير صالح للنشر

دخلت هتون الغرفة
دفهد>> هتون والي يعافيك من غير صوت
هتون بصوت واطي >> طيب
الغرفة ظلام وهدووووووء مافي غير صوت الجهاز حق دقات القلب
دق دق دق دق دق دق >> دقات قلب عبد الرحمن
راحت هتون وجلست على ركبها في الأرض عند عبد الرحمن ومسكت يد عبدالرحمن لقتها بااااااارد
الدكتور فهد واقف بعيد وكل حركة هتون تسويها تذكر بنجود
اخت هتون يد عبد الرحمن البارده وحطتها على خدها الدافي وسارت تبكي بس من غير صوت
هتون>> عبد الرحمن انت سامعني عبد الرحمن الله يخليك قوم انا مااقدر اعيش من غيرك عبد الرحمن انت ابويا وامي وحبيبي وزوجي الله يخليك لاتتركني
والدموع تنزل من عيون هتون زي المطر>> عبد الرحمن تتذكر لما قلت انك ماراح تخليني وعمرك ماراح تتركني عبد الرحمن افتح عيونك الله يخليك بس ابغى اشوفها شويا
اتنهد الدكتور فهد من المنظر الي شافو
طووووووووووووووووووط طووووووووووووووووووووووط
جهاز دقات القلب
د فهد جا بسرعه والسسترات حولين
هتون انفجعت>> د فهد ايش في
د فهد>> لو سحمتي اطلعي برى
هتون>> لا الله يخليك
السستر>> اختي لازم تطلع اتفضلي
سحبو السسترات هتون وهيا تبكي زي الاطفال وتصرخ>> عبد الرحمن الله يخليك لاتسيبني عبد الرحمن مااقدر اعيش من غيرك عبد الرحمن الله يخليك
الدكتور فهد يسمع صوت هتون ويتذكر يوم مافقد نجود والشي هذا جالس يضايقو ويشتت افكارو
د فهد بصوت عالي>> انا قلت طلعوها برى
هتون انصدمت من د فهد من اول طيب وحبوب فجأة صرخ عليها
خرجو السسترات هتون برى الغرفة
وهتون تصرخ وتبكي
هتون>> عبد الرحمن عبد الرحمن الله يخليك لاتموت
قفلو السسترات الباب وهتون تطالع على عبد الرحمن من القزاز وتبكي
د فهد>> سستر لو سمحتي كهربا بسرعه
اعطت السستر الدكتور فهد الكهربا وحطها على صدر عبد الرحمن وسار عبد الرحمن ينتفض من الكهربا وهتون برى تبكي والدكتور فهد يحاول قد ماقدر انو عبد الرحمن مايضيع من يدو
د فهد وجبهتو كلها عرق >> سستر مرة تانية لو سمحتي
شغلت السستر الكهربا وعبد الرحمني يتنفض مرة تانية
وهتون من برى تبكي وتصرخ>> بس خلاص خلاص حرام عليكم لاتسو في كدا
لاتسو في كدا
حطت هتون راسها على القزاز وسارت هيا تبكي وتقولهم لاتسو في كدا
مرة الوقت وانس يحس الممل والضيق والهم هما خلانه
انس>> اف يالله توها الساعه 12 الظهر ايش دا اليوم الي مو راضي يعدي بسرعه
رجع انس مرة تانية للأرواق والملفات اليم تراكمه قدامو

د فهد وهوا يمسح يدينو وجبهتو بالمناديل
د فهد|> سستر والي يعافيك خلي عينك علية لانو حالته كل مالها للأسوء واخاف يدخل في غيبوبة
السستر>> ان شاء الله دكتور
د فهد>> يعطيك العافية
السستر >> الله يعافيك
خرج الدكتور فهد من الغرفة لقى هتون جالسة على الأرض وحاطة راسها على الكرسي
د فهد يكلم نفسو>> يالله قسيت عليها المفروض مااكلمها كذا الحين وش اسوي لاحول ولاقوة إلا بالله
راح الدكتور فهد عند هتون وجلس على ركبتو عندها في الأرض
د فهد بصوت دافي>> هتون هتون
رفعت هتون راسها وعيونها حمرا ومليانه دموع >> نعم
د فهد نزل راسو في الأرض>> انا اسفة اني كلمت كذا بس صدقيني انا كنت متوتر بالحيل
هتون رفعت راسها وسارت تطالع في الدكتور فهد بنظرة ضعف>> دكتور عبد الرحمن حيموت
رفع دكتور فهد عيونو في عيون هتون>> لا إن شاء الله ادعي له ياهتون
هتون والدموع مليانه في عيونها> مدري ليش احس انها ايامو الأخير
د فهد يكلم نفسو>> اه ياهتون والله حاس فيك وربي بس مابيدي شي كله بيد الله
هتون نزلت راسها
دفهد قام>> هتون انا الحين خلص دوامي واذا ماعندك مانع نشرب شي لانو في خاطري كلام ودي اقلك اياه
هتون اتنهدت>> وعبد الرحمن
د فهد>> صدقيني بس يتحسن بخليك تدخلين تشوفينه
هتون>> طيب الساعه كم دحين

د فهد رفع يدو وطالع في الساعه>> الساعه 12 ونص
هتون>> انا اتأخرت على البيت ولازم ارجع قبل لااحد يستفقدني

د فهد رجع جلس على ركبتو قدام هتون>> والي ياعافيك بس ساعه
هتون حسه بضيقة وحست انو الدكتور فهد راح يقول شي يفيدها>> طيب دقيقة ادق على اهلي في البيت
طلعت هتون الجوال من شنطتها واتصلت على شهد
شهد وخلود صحيو وجالسن يفطرو
يااسود ياسواد الليل يااسود
يالون المسك والعنبر
المتصل
تكو
شهد>> ايوا هتون
هتون وصوتها كلو بكي>> شهد امي صحيت
شهد>> لا امي نايمة امس مانامت بدري هتون كيف عبد الرحمن
هتون>> تعبان ياشهد ادعي لو. المهم فين ابويا
شهد>> ابويا برى لسة مارجع من المكتب
هتون>> طيب انا حتأخر شويا
شهد>> ليش فين بتروحي
هتون>> ولامكان بس بجلس مع الدكتور فهد عشان حالة عبد الرحمن
شهد>> اها طيب بس لاتتأخري ولو امي سألت بقولها رحتي بيت هند
هتون>> ايوا قولي لها عند هند جالسة
شهد>> اوكي
هتون>> يلا باي
شهد >> باي
قفلت هتون من شهد وحطت الجوال في شنطتها
د فهد>> يلا
هتون>> يلا
راحو هتون وفهد على المصعد ونزلو المكتب
اول ماوصلو عند المكتب
د فهد>> هتون والي يعافيك بس دقايق ابدل ملابسي وارجع لك استريحي على الكرسي
خلود>> اوف من بدري وهي هناك
شهد>> والله مسكين مرررررررة تعبان والله لما رحنا عندو كان خلاص منتهي
خلود>> الله يرفع عنو والله عبد الرحمن مرة طيب
شهد>> من جد الله يرفع عنو
خرج الدكتور فهد من الكتب وهوا لابس الثوب والشماغ الأحمر وشكلو كان مررررررة هيبة وبإبتسامه رقيقه>> يلا
هتون حست انو في نفاضة مرة بجسمها من فوق لتحت لما الدكترو فهد ضحك لها >> يلا
خرجو هتون وفهد من المستشفى فهد راح بسيارتو وهتون طلعت مع سبايدرمان

صحيت ريما من النوم ودخلت الحمام وغسلت وجهها واتوضت وخرجت لقت رنيم دوبها صاحية
رنيم وهيا تتثاوب >> صباح الخير
ريما وهيا بتمسح يدها بالمنشفة >> صباح النور
رنيم >>متى صحيتي
ريما>> دوبي دخلت الحمام
لبست ريما شرشف الصلاة عشان تصلي ودخلت رنيم الحمام
دخلو هتون والدكتور فهد رويال كافي وجلسو على طاولة بكرسين
سحب الدكتور فهد لهتون الكرسي>> اتفضلي
جلست هتون وجلس فهد قدام هتون
وفجأة اشتقلت اغنية منى امارشا اشتقتلك

اغاني منى امرشا اشتاقتلك
//اشتقتلك//
اشتقت لك اشتقت لكل حاجة فيك
بحن لك ونفسي اعيش العمر بيك
تفضل معايا ويبارك لي الله فيك
انا عشت عمري بعشقك من أد ايه
برتاح و قلبي بيندهك ما عرفش ليه
العمر فيه تفتكر كم أد ايه
لو ع الكلام ماقدرش اوصف حبي ليك
مش بالكلام حقدر اقول احساسي بيك
حبك كافية كل حاجة لقيتها فيك
انا عشت عمري بعشقك من اد ايه
برتاح وقلبي بيندهك ما عرفش ليه
العمر فيه تفتكر كم اد ايه

فهد>> تصدقين هتون احب هذ الأغنية
هتون>> اممم
فهد>> ايه قولي لي شنو تشربين
هتون طبعا نفسيتها مرة أكس>> أي شي
فهد بصوت دافي >> هتون والي يعافيك عشاني أي شي
هتون لما تسمعت صوت فهد تحس بشي غريب ماتعرف ايش هوا>> اوكي فروبتشينو
فهد>> اوكي . لو سمحت
>>> يس سير
فهد>> لو سمحت ون تركش كافي وذ اوت شوقر اند ون فروباتشينو
>>> اوكي
فهد >> ثانكس
هتون>> ايوا ايش الي تبغى تقول
فهد>> اوكي هتون اول شي اسمحي لي اقولك هتون
هتون>> عادي مو مشكلة
فهد>>>هتون انا قبل 8 سنين كنت اول سنة في الطب وكان ودي اكون دكتور نفسي
هتون>> طيب
فهد>> كنت احب وحده وكانت روحي فيها اسمها نجود
هتون تهز راسها انو ايوا
اتنهد فهد >> كانت كل شي بدنيتي ياهتون كانت الهوا والماي كنت ماتخيل يومي يمر من دون مااشوف عيونها

فهد>> ويوم من الأيام تعبت نجود ونقلوها اهلها على المستشفى والدكتور قال لهم انو عندها صمام بقلبها تعبان
هتون ساكته تسمع لفهد
فهد وعيونو بدأت تدمع>> ومن يومها بدا مشوراي مع الشقا والتعب كنت ماانم الليل وربي ياهتون كنت اخذ غرفة بالمستشفى عشان اكون وياه وكل يوم قبل لااروح الجامعه كنت امرها اسلم على راسها واروح وللأسف كل يوم كان حالها من سيئ لأسوء لين جا ذاك اليوم
هتون>> ايش سار
فهد والدموع تنزل من عيونو >> كان يوم الأربعاء الساعه 8 الصباح الجهاز سار يطوط ودقات قلبها اوقفت جو الدكاترو وتلمو حوليها وكل واحد يحاول يساعدها من جهى وانا واقف برى مكتوف الإيدين مو عارف شسوي كل الي كنت اسوي انادي عليها واقولها يانجود والي يخليك لاتتركيني نجود والي يعافيك مالي دنيا بلاك بس للأسف نجود ماردت علي وتركتني
هتون سارت تبكي >> ماتت
فهد>> اية ياهتون ماتت
هتون>> الله يرحمها
فهد>> والله ياهتون انا من يوم ماشفتك على طول تذكرت نجود هتون ابيك تعرفين اني ماراح اخلي شي مااسوي عشان عبد الرحمن يكون بقربك صدقيني انا جربت الفراق وياشين الفراق وماودي احد يشوف الي انا شفت
هتون >> والله يا دكترو فهد انا مـ
>> تركش كافي
فهد>> هير
>>> فروباتشينو
فهد اشر على هتون
فهد>> كملي وش كنت تقولينه
هتون>> اقولك انا من يوم ماشفت وربي انو قلبي انشرح لك وحاسة انو عبد الرحمن راح يكون بخير
فهد>> والله ياهتون ماراح اقصر وياه كله عشان لاتبعدون عن بعض
هتون بإبتسامه رقيقة>> الله يسعدك
فهد>> هتون ابي اطلب منك طلب
هتون>> عيون لك
فهد>> تسلمي لي هتون انا ماعندي خوات بنات ولا اخوان اهلي كلهم ماتو بحادث سيارة ومابقى غيري وغير امي المشلولة
هتون>> الله يرحمهم
فهد>> الله يسلمك وانا ياهتون من الرياض ومالي احد في جده مالي غير 8 اشهر هنا
هتون>> لا ان شاء الله راح تنبسط في جده
فهد>> اكيد دام فيها ناس طيبين مثلكم
هتون>> الله يسلمك يارب
فهد>> هتون ابيك تعتبريني اخوك أي شي تبينه بأي وقت انا تحت امرك
هتون>> ماتقصر يافهد
فهد>> والله ياهتون أي شي انا رقبتي لك
هتون>> أمانتك عبد الرحمن
فهد>> والله ياهتون ماراح اقصر وياه وعد
هتون>> هذا اهم شي
فهد>> ترى الفروباتشينو برد اشربيه هههههههه
(معلومه الفروباتشينو بارد أصلا)
هتون>> هههههههههههههه
فهد>> شفتي اشلون تجنني وانتي تضحكين
هتون>> شكرا

رنيم>> ريما كيف يعني ماتبغي تفطري
ريما>> رنيم مالي نفس
رنيم>> ريما هذي صحتك ماراح تستفيدي شي لو تعبتي ها
ريما>> رنوم الله يخليكي مالي نفس
رنيم >> مو بكيفيك يلا امشي
سحبت رنيم ريما من يدها ونزلو تحت في الحوش عند المسبح وهما نازلين لازم يمرو على الصالة
رنيم>> صباح الخير
ام رنيم>> صباح النور
ريما>> صباح الخير
ام ريما ماردت عليها
خرجو ريما ورنيم وجلسو في الحوش على الطاولة بفطرو
ريما>> شفتي يارنيم ماردت عليا
رنيم>> ماعليكي بترجعي
ريما>> اوف
رنيم مسكت في الطاولة >> هاي طيرتيني
ريما>> هههههههههههههه هبلة
رنيم>> يلا كلي

هتون> يعني انت كنت 22 وهيا كانت 18
فهد>> اية
هتون>> كتكوته
فهد>> هتون انتي كم عمرك
هتون>> 23 وانت
فهد>> احسبيها قبل 8 سنين كان عمري 22
هتون>> امممم يعني عمرك دحين 230 سنة
فهد كتف يدو ورفع حاجبو >> لا والله ممتازة بالحساب هههههههههههههه
هتون رفعت يدها وطالعت في الساعه لقتها 2 وربع>> اوف اوف
فهد>> وش فيك
هتون>> الساعه 2 وربع
فهد>> لا والله
هتون>> وربي
فهد>> يالله الوقت مرة بسرعه
قامت هتون واخذت شنطتها >> انا لازم ارجع البيت
فهد>> يلا اوكي
هتون>> مشكور على الكافي
فهد>> ولكم
هتون>> باي
فهد>> لاتقولين باي
هتون>> ها ايش اقول
فهد>> قولي الله وياك
هتون>> ليش
فهد>> احب هذي الكلمة
هتون>>ههه طيب الله وياك
فهد>> مع السلامة
خرجت هتون من الكافي وركبت السيارة وراحت على البيت

ليناوهيا تكلم جوال>> والله يامهاوي
مهاوي>> الله حلو يعني ابوكي قال يوم الخميس الفرح
لينا>> ايوا يامهاوي
مهاوي>> على كدا ابوكي اتغير من جد
لينا>> سار يجنن يامهاوي اتخيلي ماياكلو لو مااكلت وماينام لو مانمت
مهاوي>> الله يدم عليك الراحه يالينا
لينا>> المهم بننزل السوق سوا عشان الحق اجهز واشتري فستان
مهاوي>> من اليوم ننزل السوق خلاص مريني اليوم على 8
لينا>> اوكي ياقمر
مهاوي>> تعالي محمد بينزل معانا
لينا>> لا اتفقنا انو مانكلم بعض لين يوم االفرح
مهاوي>> ليش
لينا>> عشان نشتاق لبعض
مهاوي>> اموت انا الله يسعدك ياااااااااااارب
لينا>> امين
مهاوي>> يلا حبي انا اخليكي تتغدي واستناكي اليوم في الليل
لينا>>> شوري يابيبي
مهاوي>>يلا حبيبي تي كير
لينا>> باي

مر الوقت وخرج انس من الدوام واول ماوصل البيت
ايش يستنى انس في البيت؟ وايش راح تسوي ريما ؟ وعبد الرحمن ايش راح يسير معا؟ وياسر ايش حيسوي لو نوارا عرفت؟ وطلال معقولة ياخذ ريما ؟ طيب وخالد ايش جالس يسوي كل دا في البارت الجاي

البارت 84
مهاوي>> اموت انا الله يسعدك ياااااااااااارب
لينا>> امين
مهاوي>> يلا حبي انا اخليكي تتغدي واستناكي اليوم في الليل
لينا>>> شوري يابيبي
مهاوي>>يلا حبيبي تي كير
لينا>> باي

مر الوقت وخرج انس من الدوام واول ماوصل البيت لقى بنات عمتو لابسين عبيهم
انس>> السلام عليكم
غدير>> وعليكم فينك ابو الشباب
انس>> اشبكم لابسين العبي
ريم>>> خلاص رحلتنا دحين على المدينة
انس>> لا من جد
غدير>> لا من عم ايوا من جد
انس>> ليش بدري
غدير>> بدري من عمرك ياقمر
ريم تطالع في الساعه>> انس معليش تودينا اخاف نتأخر على الطيارة
انس>> اوكي يلا
غدير وهيا تسلم على ام انس>> يلا خاله نشوفكم على خير
ام انس>> والله انستوني ياقلبي
ريم>> يلا مع السلامة
ام انس>> الله معاكم سلمو على اهلكم وشوفو لو قدرتو تطلعو قبل الدراسة تاني اطلعو ها
غدير>> ان شاء الله بس لو مايضايق انوس
انس>> افا يادبه الله يحيكم في أي وقت البيت بيتكم
ريم>> الله يسلمك يارب
انس>> فين شنطكم
غدير>> بس هذي الي عند الباب
شال انس الشنطة ونزل هوا وبنات عمتو وركبو السيارة
نوارا>> وكيف شكلو هذا فهد حلو
هتون>> نوارا من جدك انتي من متى انا اشوف غير عبد الرحمن
خلود>> من جد
هتون>> يالله ياشهد والله مرة حزنت علية لما حكاني عن نجود الي كان يحبها
شهد>> الله يرحمها
نوارا>> اخذ رقمك
هتون بلا مبالاه>> ايوا شهد فين بتروحو تتعشو اليوم
شهد>> والله مدري بكلم مروج واشوف
خلود>> يلا كلميها دحين
شهد>> نوار اديني الجوال من جمك
نوارا>> فينو
هتون>> اهو ياحولة على الكومودينه
رمت نوارا لشهد الجوال>> امسكي
مروج>> المهم ياامي شخليلي جيبك ابغى 300 ريال
ام مروج>> وليش ان شاء الله 300 ريال
مروج>>> خلاص ارجعلك هيا من مهري وفوقها 200 ريال
ام مروج>> ايوة قامت المنه
مروج>> ايش اسوي لك اقولك عازمة البنات كلهم على حسابي تقولي لي اعطيكي 100 ريال
ام مروج>> ايوا 100 ريال تكفي
مروج>> تكفي لما اعزمهم على دجاج شوايه ونفرين رز
ام مروج>> ان شاء ايش بتتعشو كوازي
مروج>> لا بنورح المطعم الصيني
ام مورج>> طيب خدي من البوك حقي مروج 300 ريال بس فاهمة
مروج>> حاااااااااااااااضر
قامت مروج تبغى تجيب الفلوس من بوك امها واتصل جوالها
على قد ماعشت وشفت وجيت
جربت اكثر من الي نفسي فيه
المتصل شوشو
مروج>> هلا والله
شهد>> هلا فيك
مروج>> كيفكم
شهد>> نحمدو
مورج>> ها اليوم ترى انا عازمتكم على العشا
شهد>> ايوا دقيت ابغى اسئلك فين بنروح نتعشى
مروج>> والله انا نفسي مررررررررة في صيني
شهد>> تصدقي حتى انا
مروج>> خلاص تنقابل هناك ولاتمروني
شهد>> لالا احنا بنمرك اصلا بنمر بنات عمي ونمرك معاهم
مروج>> اوكي خلاص استناكم
شهد>> واكي يالحب يلا باي
مروج>> بايو
قفلت مروج من شهد وفتحت البوك حق امها لقت في 600 ريال اخذت 400 ريال
مروج تكلم نفسها بصوت واطي>>هههه وربي لو عرفت بتسويني شاورما
حطت مروج الفلوس في جيبها وراحت غرفتها عشان تتروش

ريما>> رنوم ماقالو لك بنات عمي فين بنروح نتعشى
رنيم>> لا لسة ماحددو حتى مروج ماكلمتها
ريما>> رنيم انا خايفة ماما تمنعني
رنيم>> خير ليش تمنعنا ايش سوينا
ريما>> رنيم نسيتي اني انا قلت لها اني احب انس
رنيم>> ماعليكي ماراح يسير شي انا دحين بنزل اكلمها
ريما>> يلا انزلي
نزلت رنيم ولقت امها مع ابوها جالسين في الصاله يشربو شاهي
رنيم>> السلام عليكم
ابو ريما>> وعليكم السلام
رنيم>> احم احم
ام ريما>> ها فين ان شاء الله تبغو تروحو ومع مين
رنيم راحت جري وباست امها في خدها >> اكثر شي احبو فيكي انك تفهميها وهيا طايرة
ابو ريما>> هههههههههه الله يهديكم
رنيم>> ماما مروج عازمتنا كلنا احنا وبنات عمي على العشاء بمناسبة خطوبتها ونبغى نطلع نتعشى
ام ريما>> أنتي روحي بس ريما لا
رنيم>> ليش
ام ريما>> لا ريما تجلس في البيت بكرة شوفتها
رنيم>> طيب قولي لا إله إلا الله
ام ريما>> محمد رسول الله انا قلت لا
ابوريما>> خلاص يارنيم روحو
رنيم طلعت تجري>> يس يعيش بابا

ام ريما>> انا قلت لا ليش تكسر كلامي
ابوريما>> لاتقسي عليها كفاية نفسيتها الي زي الزفت
ام ريما>> عشان تتربى
ابوريما>> يابنت الحلال كفاية الي سار فيها امس

طلعت رنيم غرفتها وهيا نافخه صدرها
ريما>>> قالت لا صح
رنيم>> ماتشوفي كيف نافخه صدري
ريما>> إلا اشوف
رنيم>> هذا ايش معناتو
ريما>> انك وحده هبلة
رنيم >> لا ياغبية هذا معانتو اني انتصرت
ريما>> يعني
رنيم>> احم احم قالت طيب
ريما>> يس يلا دقي على مروج
رنيم>> طيب
اخذت رنيم جوالها ودقت على مروج
طوووووط طوووووووووووط
تننن تنن لم يتم الرد
ريما>> ايش
رنيم>> ماترد الدبة
ريما>> اتصلي على شوشو
رنيم >> ايوا مو جوالي على حساب اهلك
ريما>> لاحولة ولاقوة إلا بالله خدي جوالي
رنيم>> لالاخلاص بعدين تحسبين بخيلة
ريما>> لالا حشى انتي بخيلة لا اعوذ بالله

هتون>> خلاص بتروحو الصيني
شهد>> ايوا بنمر عليهم كلهم
خلود>> ايوا مو سواق ابوهم هوا
نوارا>> يلعن ام البخل اشبك قلبتي رنيم على غفلة
خلود>> هههههههه امزح
هتون>> شهد دقي على ريما قولي لها
اه ويله ياوقت على صاحبي الي
مات من قبل لايسعد بغاية شبابة
شهد>> يوه عمرهم طوييييييييل هذي رنوم
شهد>> هلا والله
رنيم>> اهلين
شهد>> كيفك
رنيم>> لا زم الخساير ياشهد خلاص لما نشوفكم اسألي عن حالي واحوالي
شهد>> اعوذ بالله يابنت عمي من فين جايبة كل هذا البخل
رنيم>> من شراب ريما اوقل لخصي وين بتتعشون
شهد>> بالمقلط
رنيم>> اقول من جد فين بتتعشو
شهد>> بنورح صيني
رنيم>> طيب كلمتو مروج
شهد> ايوا
رنيم>> طيب متى نتقابل
شهد>> لالا احنا بنمروكم
رنيم>> متى
شهد>> يعني على 8
رنيم>> اوكي خلاص نستناكم ياقميل
شهد>> اوكي بوسي لي ريمو

رنيم>> استغفر الله بوسي بعدين على انفراد
شهد>> هههههههههه يلا باي
رنيم>> باي
ريما>> ايش تقول
رنيم>> خلاص بيمرونا مع مروج على 8
ريما>> اوكي
في المطار
غدير>> سامحنا لو تقلنا عليك انوس
انس>> غدير لاتوقلي كدا وربي ازعل
غدير>> طيب بنجيكم تاني
انس>> ههههه الله يحيكم
ريم وهيا تطالع في عيون انس الرمادية>> نشوفكم على خير
انس>> ان شاء الله
غدير>> يلا باي
انس>> لما توصلو كلموني
غديراستغلت الفرصة>> كيف ماعندنا رقمك
انس>> طيب سجلي رقمي
غدير>> ريم طلعي جوالك وسجلي الرقم
ريم انحرجت بس طلعت الجوال وسجلت رقم انس

الله اكبر الله اكبر
اشهد ان لاإله إلا الله
اذن المغرب
خرج خالد من الحمام وجلس على طرف السرير وطالع في شكلو في المرايا وسار يكلم نفسو>> يالله شوف كيف سار حالك ياخالد ايش دي اللحية من جد عذبتيني يامروج

حي على الصلاة
حي على الفلاح
خالد حس يشي لما سمع صوت الأذان شي اقوى منو دخل خالد الحمام واول مرة من 5 سنين خالد يتوضأ
خلص خالد من الوضوء وخرج من الحمام ووقف مو عارف كيف القبلة
خالد>> يالله مني عارف كيف القبلة ايش دا استغفر الله مالي غير اروح اصلي في المسجد
لبس خالد الثوب حقو وهوا خارج من البيت لقى ابو
ابو خالد>> على فين
خالد>> المسجد
ابو خالد انصدم >> المسجد
خالد>> ايوا رايح المسجد
ابو خالد مرة انبسط انو خالد سار يصلي >> يلا تعال
خرج خالد مع ابو وراحو على المسج يصلو المغرب
ندى>> ياسر ياسر
ياسر>> هلا
ندى>> الله يسعدك غسل لحمود يدو عبال ماارتب الصاله
ياسر>> طيب
قام ياسر وشال حمود ويدينو كلها شوكلاته
ياسر>> حمود كدا يدك كلها شكولاته
حمود>> تدا تيفي ( كدا كيفي)
ياسر>> اف كيفك مرة وحده والله وطلع لك لسان ياأوزعه
غسل ياسر لحمود يدو وجات ندى
باست ندى خد ياسر>> يسلمو ياقلبي
ياسر>> الله يسلمك
حمود>> انا ابعى دوثه (انا ابغى بوسة)
ياسر>> هههههههههههه اعطيلو دوثة
ندى>> موواااااااااااااح هذي دوثه
ياسر>> ندى انا بروح اصلح كفرات السيارة وعلى 8 اتجهزي بنطلع نتعشى برى
ندى>> اوكي حبيبي
ياسر>> تبغي شي
ندى>> لا ياروحي سلامتك

نوف>> ماما متى نورح نجيب التلبيسه حقت ريما
نهى>> انا مدري انتي ليش شاغله بالك مع دي اللعلة
ام طلال>> يانهى عيب ريما بتسير مرة اخوكي
نهى>> هذا وجهي لو طولت
ام طلال>> وجع فالك في سروالك
نوف>> ليش يانهى تقولي كدا
نهى>> لانو بكل بساطة مافي وحده راح تعمر مع ولدك اكثر من 3 شهور
ام طلال>> اسكتي بس ها يانوف تروحي معايا
نوف>>> ايوا ايوا بروح
نهى>> وايش راح تشترو ان شاء الله لست الحسن والجمال
نوف>> ماما أيش راح تشترو لها
نهى>> هذي بطرانه مايعبي عينها شي
ام طلال>> نهى قسم بالله لو شفتك تتكلمي مع ريما بهذا الأسلوب ياويلك مني
نهى>> وانا ايش دخلني فيها مالقيت غير ريما اتكلم معاها يع
ام طلال>> يع في وجهك
نوف>> يلا ياماما قومي نروح نشوف لها شي
ام طلال>> يلا كلمي السواق يشغل السيارة

في الطيارة
ريم>> غدير من جد من جد ماتستحي على وجهك
غدير>> ريم ياهبلة انس اليويمن دي مرة متغير ماتلاحظي
ريم>> إلا
غدير>> طيب انتي لما تكلمي لما نوصل المدينة رقمك راح يتسجل عندو
ريم>> طيب وبعدين
غدير>> ياربي على البنت الرمه دي
ريم>> غدير انتي ايش تقولي
غدير>> ياهبلة اكيد بيجي يوم ويكلمك دام الرقم عندو وانا اديتو القرين لايت
ريم>> طيب
غدير>> وكل يوم كلام وسلام ومسجات وبعدها يسير في حب
ريم>> انا اشك انك 17 انتي قليل عليك 25
غدير>> اجل تحسبيني ريم
ريم>> اقلبي وجهك

ام انس>> خلاص وصلتهم
انس>> ايوا خلاص
ام انس>> تبغى شي
انس>> لا ليش
ام انس>>ولا شي اليوم بنت صحبتي ولدت ونبغى نروح نحمد لها على السلامة
انس>> تبغيني اوصلك
ام انس>> لا رايحه مع جارتي
انس>> طيب انا ممكن اطلع
ام انس>> طيب انتبه لنفسك
انس >> ان شاء الله
في التخصصي
راكان>> لو سمحت غرفة المريض عبد الرحمن
>>> ياعزيز عبد الرحمن في العناية المركز وممنوعه عنو الزياره
راكان >> طيب كيف اطمن علية
>>> تقدر تراجع الدكتور فهد الدور التاني
راكان>> شكرا
>> هلا حبيبي
طلع راكان عند الكترو فهد في المكتب
طق طق طق
د فهد>> اتفضل
راكان>> السلام عليكم
د فهد>> وعليكم السلام اتفضل
راكان طبعا بهيبة وغرور المعتاد >> راكان عبد العزيز الـ؟ ولد الوزير
د فهد>> هلا والله غني عن التعريف
راكان>> عزيزي بس حاب اطمن على صحة عبد الرحمن
د فهد>>> والله ياخوي مااخبي عليك تعبان
راكان>> طيب مانقدر نسفرو برى
د فهد>> العلاج الي بياخذو هناك نفس الي بياخذو هنا مافي فايدة بالعكس لو سافر ممكن تسوء حالته
راكان>> والحل
د فهد>> مابيدينا شي غير اننا ندعي له وصدقني انا ماراح اقصر وياه
قام راكان وسلم على الدكتروفهد>> الله يعطيك العافية يادكتور
دفهد>> الله يعافيك حبيبي
خرج راكان من عند الدكترو فهد وحاس بضيقة مرة يحب عبد الرحمن واتعود علي مرة صعب انو يفقدو بعد مالقى في الأخ والصديق

مهاوي>> لينا لايفوتك احمد البدوي مسوي فستان رهيييييييييييب
لينا>> امشي نروح نشوف ايش عندو
دخلو مهاوي ولينا على محل احمد البدوي ولقو عندو فساتين تطير العقل
مهاوي>> الله لينا شوفي دا الفستان ياخذ العقل
لينا>> من جد يجنن
مهاوي>> لو سمحت بكم هذا
السوري>> هيدا سعرو ب 8 الأف و400 ريال مع الطرحه والمسكة
لينا>> مهاوي مرة يجنن
مهاوي> ياخذ العقل
لينا>> اوكي انا فرحي يوم الخميس تقدر تخلصو
السوري>> هيدا الخميس
لينا>> يس
السوري>> والله بحاول لانو أئل شي بدنا 10 ايام بس بحاول خلصلك ياه
لينا>> ايوا الله يسعدك حتى لو استلمو الخميس الصباح
السوري>> طيب انتي ئسي لي يا واي تعديل بنسوي بسرعه
مهاوي>> يلا لو سمحت اعطينها هوا
السوري>> اوكي
دخلو لينا ومهاوي غرفة القياس يستنو الفستان
مهاوي>> والله يالينا حيطلع عليكي يطير العقل
لينا>> امانه يامهاوي
مهاوي>> وربي يالينا ماشاء الله انتي اللون السكري يبخل عليكي
لينا وهيا متحمس ياااااااااااارب

محمد في محل الخياطة ياخذو مقاسات ثوبة
محمد>> ابغى ططريز تقيييييييييييييل

>>> من عيوني
محمد>> تسلم لي عيونك ياغالي بس الله يرضى عليك زي ماقلت لك يوم الربوع اجي اخذو
>>> ان شاء الله انا بوقف كل شغلي وبخلص ثوبك
محمد>> ماتقصر حبيبي
>>> خلاص انت تعال يوم الأثنين شيك علية
محمد>> ااوكي يعطيك العافية
>> الله يعافيك
محمد ولينا حايسين مع فرحهم
لينا حايسة مع جهازة وفساتينها وقمصانها وملابسها تبغى تجهز في اسرع وقت ممكن
ومحمد حايس مع الشركة واوراق النقل ويبغى يروح الشرقية يشوف الشقة والعفش الي وطبعا ابو لينا مو مقصر مع محمد لانو عارف ظروف محمد بس هوا متمسك في لانو الوحيد الي عرف قدر لينا بنتو وانقذها وحماها في غيبتو

في محل سااعات في جده مول
نوف>> ماما شوفي الساعه دي مررررررررره رهيب
ام طلال>> ايت هذي البيض
نوف>> لا ياماما هذي الصفرا الي جمبها
ام طلال>> لو سمحت ممكن توريني الساعه الصفرا هذي
>>> اتفضلي
نوف>> الله ياماما تجنن
>>>هذا الماس حر
نوف>> مرة فخمة
ام طلال>> كم سعرها
>>> هذي كانت ب 14 الف قبل التخفيض وبعد التخفيض سار سعرها 11 الف و800 ريال
ام طلال وهيا ماسكة الساعه>> حلوة مو
نوف>> مرة تجنن
ام طلال>> خلاص ناخذها
نوف>> ايوا والله ياماما مرة شكلها نايس
ام طلال>> خلاص اعطينا هيا لوسمحت
>> اتفضلو

تلبيسة ساعه ب 11 الف من جد بنات عز ههههههههههههههههه مالت علينا اسورة ب 800 ولما نلبسها نجلس 4 ايام مانكلم احد هههههههههههههههههههههههههههههههه

ياسر>> يلا ياندى ماخلصتي
ندى>> خلاص خلاص بس باقي امشط شعر حمود
دخل ياسر عند ندى في الغرفة وفتح فمو شكلها يطير العقل لابسة بنطلون جينز سكني فاتح ولابسه علية بلوزة صفرا عريان تجنن ولامة شعرها ببكله ديل حصان وراسمها عيونها بالكحل الأسود شكلها طلع جنان ندى مررة حلوة من بنات المدينة عليها عيون تسدح من جمالها ولونها
ندى>> ياسر فين سرحت
ياسر>> ها ولاشي
ندى>> ههه طيب اديني العباية من وراك
اعطى ياسر ندى العباية وسار يطالع فيها وهيا تلبسها
ندى>> يلا
ياسر>> يلا
نزلو ندى وياسر وركبو السيارة وحمود اول ماركبو السيارة نام
شغل ياسر السيارة وشغل المسجل
حكيتنا ياشوق حكاية وبينو وبين حبي اغلى كثير من عيني
حبي خلاني يوم ورى التاني انشغل واحتار
حكيتنا ياشوق حكاية الكل عارفها صعب أي كلام يوصفها
هيا حاجه كدا ايوا حاجة كدا مش بإدي اختار
وسار محمد يرقص حواجبو لندى وندى ميتة ضحك على ياسر

رنيم>> ريما فين الفلات قوتشي
ريما>> والله مدري امكن في الدولاب
رنيم>> يلا ياريما خلصي هتون تقول هما عند بيت مروج
ريما>> خلاص بس البس البلوزة
رنيم>> دقيت على انس
ريما>> ايوا قلت لو اننا بنروح المطعم الصيني قال خلاص انا دقيقه واكون عند بيتكم وامشي وراكم
والله احبك احبك يشهد الله علي
لما اشوفك ابتسم صدقني ماهوبدي
المتصل روحي
رنيم>> مين
ريما>> انوس عمرو طويييييييييييل
ريما>> هلا عمري
انس>> ها بيبي انا تحت عند بيتكم
ريما>> خلاص بس يجو بنات عمي راحو يجيبو مروج من بيتها
انس>> طيب ريمو
ريما>> ياعيونها
انس>> لاتكشفي وجهك
ريما>> حااااااااااااضر
انس>> احبك
ريما>> اموت فيك
انس>> يلا حبيبي استناكي
ريما>> اوكي قلبي

ريما >> اااااااااه احبو
رنيم>> البس الله ياخد خقتك هذي وخلصينا
ريما>> طيب طيب
نوارا>> يقولو مروج عزمتنا على حسابها
مروج> تخيل
خلود>> على كدا حناكل شاورما ههههههههههههههههههه
نوارا>> لالا لوزين ههههههههههههههههه
مروج>> ه ه ه يادمكم
هتون>> شهد اتصلي على ريما قولي لها ينزلو
شهد>> اوكي
ريما >> يلا رنوم
رنيم>> يلا
ريما>> شهد تتصل
رنيم>> اديها بزي
خرجو ريما رنيم وركبو السيارة
رنيم>> هايو ياايايو
خلود>> هايات يايايات
هتون>> وربي تافهين
مروج>> بقوة هههههههههههههههههههههه
ريما>> سلام
شهد>> هلا والله
مروج>> سلام
نوارا>> ريما شوفي مين ورانا
ريما>> شايفة هذا انوس
خلود>> ويش جايبو ورانا
ريما>> عشان قلت لو ماادري ايت صيني بنروح قال خلاص امشي وراكم
هتون>> سبايدرمان روح هذا صيني في شارع صاري
سبايدرمان>> تيب
رنيم>> افتحو مسجل خلونا نشكشك
ريما>> لالا الله يخليكم انس ورانا
مروج>> احلى تخافي منو
ريما>> مو خواف بس احترمو
شهد>> اموت انا
نوارا تلكم رنيم>> شوفي شكلها وهيا متلثمة كيف كأنها سلاحف الننجا
ريما>> كييييييييييييفي
خلود>> سبايدرمان افتح بانوراما بس ارخي صوت
فتح سبايدرمان بانورما وجات اغنية اصيل ابو بكر نصفي الثاني
مهما الدنيا دي دارت بنا تبقى انت في بالي
يااغلى من سكن في قلبي انا
ريما>> الله احبها الأغنية دي
الشوق واداني الشوق لك وداني
يانصفي الثاني يانصفي الثاني
اتصلت ريما على انس
انس>> ها حبيبي
ريما>> انوس بسرعه افتح بانورما
انس>> طيب
فتح انس البانورما على مقطع
تبعد وابعد وهيا الظروف الي تبي الفرقة
اما لهفتي ماعليها خوف
الشوق وداني
ريما>> انوس اهديك هذي الأغنية امووووووواه احبك
انس>> اموت فيك
ريما>> يلا باي
انس>> باي
ندى>> امممم ايش رايك نروح صيني
ياسر>> صيني صيني ابشري
رجعو ام طلال ونوف من برى ولقو طلال دوبو صحي من النوم وجالس ياكل في الصالة
ام طلال>> السلام عليكم
طلال>> وعليكم
نوف>> طلال اشترينا ساعه تقتل
طلال>> لمين
ام طلال> لريما ياطلال اشبك نسيت
طلال>> ايوا ايوا صح طيب شكرا
نوف فتحت الكيس وطلعت الساعه وورتها طلال>> ايش رايك
طلال >>> ام تجنن مين اتخارها
نوف>> احم احم انا
طلال>> عاشن كدا حلوة
ام طلال>> عجبتك
طلال>> ايوا حلوة بكم اخذتيها
ام طلال>> ب 11 الف و800
طلال>> اوف ليش
ام طلال>> ايش الي ليش
طلال>> مالو داعي كان جبتي لها ساعه ب 4 او 6 كفاية
نوف>> طلال هذي بنت اكبر تاجر في جده تبغى تجيب لها أي شي

طلال>> وتحمد ربها كمان
ام طلال>> طلال ايش الكلام دا
طلال>> ها. ولاشي حلوة الساعه الله يعيطيكم العافية
نوف>> طلال ايش راح تلبس
طلال>> ايش شي
نوف>> انا بطلع لك الثوب حقك المطرز واودي المغسلة
طلال باس نوف على ارسها >> اموه سوي الي تبغي
نوف >> احبك

وقف سبايدرمان السيارة ونزلو البنات منها
هتون>> يلا بنات
دخلو البنات المطعم ووراهم انس
شهد>> لو سمحت نبغى طاولة ل7 اشخاص
>> اتفضول
جلسو البنات وكان المطعم اوبن بوفية
هتون>> يلا قومو تراني ميتة جوع
قامو البنات ياخذو اكل وراحت ريما وجلست مع انس في الطاولة وحطو عليهم بارتشن
ريما>> هاي
انس وهوا يطالع في ريما بنظرة حب>> ياعمري انا
قام انس وحضن ريما لين حس انها دخلت جوت قلبو
انس>> وحشتيني
ريما>> وانت كمان
انس>> تعالي اجلسي
جلس انس وجلس ريما جمبو سارت تجنن وهيا في حضنو زي الكتكوته
انس>> ريما ايش راح تسوي
ريما>> والله ياانس ماادري
انس>> ريما والله اموت لو احد اخذك مني
ريما>> انس لاتقول كدا بعيد الشر عنك ياعمري
انس>> طيب كيف راح نتصرف
ريما>> انا الي قاهرني انو بابا مو في صفي على عكس العادة
انس>> طيب
ريما>> مافي حل غير اني اشرد معاك
انس>> ريما مو وقت المزح
ريما>> ماامزح انا اتكلم من جد اليوم الليل مر عليا واشرد معاك يومين وبعدين ادق عليهم واقولهم انا مع انس تزوجوني هوا ولا لا
مسك انس خشم ريما بدلع>> مجنونه انتي
ريما مدت بوزة بدلع
انس>> هذا مو حل يا ريما
ريما>> طيب ايش اسوي
انس>> لما يجي بكرة ويجلس معاكي وربي ياريما دمي ينحرق كل مااتخيل انك بتروحي لأحد غيري
ريما>> عمري لاتقول كدا الله يخليك
انس>> طيب لما تجلسي معا قولي لأمك انك ماارتحتي لو او سوي أي حركة تقهرو سوي أي شي لما يشوفك
ريما>> انا زي كدا فكرت اول ومروج قالت لي انزلي وانت مادة بوزك وكلمي بغرور كأنك بنت الملك وحسسي انو حشرة مايسوا شي
انس>> ايوا اكيد راح ينقهر منك ويقول ماابغاها هذي شايفه نفسها
ريما>>اااااااااه الله يسهل يلا قوم نتعشى
قامو ريما وانس ياخذو اكل
رنيم>> اح اح على هذا الدجاج
هتون>> بس ياوسخه لااحد يسمعك تقولي كدا يقول مخلصة
رنيم>> مع نفسهم كييييييييييييفي
نوارا>> رنوم خدي هذا السبرنق رول يجنن
فتحت رنيم فمها وكلتها>> اممممم يجنن
نوارا> بالعافية ياحبي
خلود>> طبعا شهد مقهور
شهد>> ليش ان شاء الله
خلود>> عشان ريما مابتأكلك زي العادة
مروج>> انا اكلك افتحي فمك ياحبي
فتحت شهد فمها واكلتها مروج
مروج>> مووووووووتي حرة ياخلود
خلود انقهرت>> هبل
وقف ياسر السيارة قدام المطعم ونزل هوا وندى وحمود
ريما>> انوس حبيبي احطلك من هذا والله يجنن
انس>> ايش شي من يدك يجنن ياروح انس
ريما>> احبك
انس>> وانا اموت فيك
دخل ياسر المطعم وريما وانس جالسين يغرفو لفت ريما وجهها وشافت ياسر على طول اتذكرتو اما ياسر ماقدر يشوف ريما لانها كانت متلثمة
ياسر>> يلا اجلسي انتي وانا بروح اجيب اكل ليا ولكي اوكي
ندى>> طيب
راحت ريما وحطت الصحون حقتها على الطاولة وراحت جري للبنات
ريما>> بنات ينات
مروج>> طبعا الي لقى احبابة
ريما>> لا والله ياحبي وربي جالسين نهرج
رنيم>> فتشوها لايكون فيها طبعا من هنا ولامن هناك
ريما>> صح عليكي ليش مافكرت فيها
هتون>> ايش هيا
ريما>> اخلي انس يسوي لي كم طبعا لما طلال يشوف يبطل
شهد>> بس ياريما بلا خبال
رنيم>> لا عاد شوفي مين الي يبغى يطاوعها مالقيتي غير انس يسوي كدا
ريما>> المهم دحين نستوني ايش كنت ابغى اقول
خلود ويها تاكل >> ها قولي خلصينا
ريما>> ياسر هنا
رنيم>> امانه
ريما>> وربي المضيف
نوارا>> فين فين
ريما>> روحي شوفي هناك جالس يغرف
ندى>> روح حبيبي عند بابا
اخذت ريما مع نوارا يشوفو ياسر
نوارا>> ايوا الله ياسر
ياسر واقف يغرف وشويا جا محمد وسحبو من البنطلون
محمد>> بابا بابا
ريما طالعت في نوارا>> بابا
نوارا رفعت اكتافها>> مدري

ايش راح يسير بين نوارا وياسر لما تعرفو انو متزوج؟ وايش راح تكون ردة فعل ياسر؟ وندى راح تعرف بالي سار بين نوارا وزوجها؟ وريما ايش راح تسوي بكرة شوفتها على طلال؟ وانس راح يسوي شي ولا ترك كل شي؟ وعبد الرحمن راح تتحسن حالتو على يد الدكتور فهد ؟
كل دا في البارت الجاي انتظروني ^ـــــــــــــــ*