الموضوع: روايه غرق الغرقان أكثر

عبير/تبشرين خالتي وتستاهل نوره والله
مشتاقه لها كثير بس وين الحفله

ام تركي/في بيت زوجها عند اهله

عبير /عند بيت ام سامي

ام تركي /ايوه أذكر جيتي معها كذا مناسبه
في بيتهم

عبير /ايوه خالتي خلاص بعد العشاء
بجيكم

ام تركي /حياك الله يابنيتي

فمان الله

عبير/فمان الكريم


انتظرنا وكأن الساعه سنه ماجهزنا الكلام
ولا شي اهم شي تجي وبعدين نفكر

اذن العشاء وصلينا وانتظرنا لما حسينا انها
مو جايه بس سمعنا صوت الباب راحت
رونق وافتحت الباب ادخلت وبيدها هديه

سلمت عاادي جداا

وجلست وقهوينها

عبير باستغراب /بس هذا الحضور خالتي

ام تركي برتباك /ايوه

عبير وهي تشوف البنات مي رونق مها
وامل وام سامي الي انصدمة من منظرها
ونظراتها لها/طيب متى تجي نوره

امل/مراح تجي نوره تدرين ليه

عبير برتباك /ليه

رونق وهي توقف وتتوجهه لعبيره /لآن
نوره ماتت وهي في شهر العسل

طاح الفنجال منها عبير برتباك/
شنو ماتت متى وليه

رونق / ماتت وقالت انه في سر عندك لازم
تقولينه

عبير بتقوم جلستها رونق/ماعندي شي

ام تركي /تكفين يمك أذا فيه شي قوليه
بنتي ماتت ومعها سر تتعلق بزوجها وشهو
يابنتي

عبير برتباك /صدقيني ياخالتي ماعرف شي

امل/انتي ماتخافين تموتين وربي يعذبك
بسبب اخفاء السر هذا

عبير وهي تبكي /صدقيني ماعرف شي

مها اعرفت انها تعرف شي/شوفي عبير اذا
تبين تضمنين اننا نسكت على الموضوع راح
نسكت ونستر عليك بس انتي ساعدينا اخذي
الضمان الي تبي لو نحلف لك على المصحف

عبير بشوية امل/اكيد

مها /وعد المؤمن دين

عبير/طلبت مني نوره اشياء كثيره عشان
سامي يكره مها ويحبها

ارتبكت مها وعورها قلبها

واصلت عبير كلامها/
كثير كنت ادق من ارقام عشان نشوه
سمعت مها ويحبها

ولا نفع شي ولاصدق كان يقول انا واثق
منها لدرجة طلبنا من شاب يجيب معه شله
ويخطفوا مها بس من حطها اتركت العمل
ولا عرفنا مكانها

في فترة غياب مها عنه حاولت نوره انها
تتقرب منه بس كانت تقول انه بارد معها

ولا يعطيها وجهه كانت على علاقه بواحد
سعودي عايش بتركيا وعشان كذا اختارة
تركيا شهر العسل

بس قبل الزواج بثلاث ايام دقت علي تبكي

انها اندمت على انها وافقة عليها وانه
يستحقرها ولا يشوف جمالها ويحب له
وحده مشوهه

انعصر قلب مها على اللآم الي تسمعه
ومنظر ام تركي الي تقطعت من البكي

وهي تسمع كلام عبير عن بنتها نوره

سمعت صوت عبير تقول ترجتني وطلبت
مني سحر يفقد عقله ومايحب الا هي

حاولت اثنيها عن الي بتسويه بس نوره
عنيده وقالت غيرك كثير ويبي ٥٠ الف ريال
اتعاب

وانا كنت بحاجه ظروفي مره سيئه وافقت

ورحت لمره قالوا انها تسوي ذا الاشياء

وطلبت منها بعد ماعطتني نوره شعر من
سامي

وعطتنيااه يوم الزواج بس مدري وين حطته

امل /هم سافروا في يوم الزواج

مها لفت انتبااهي ام سامي تلف راسها بلا

قمت وقربت منها احس من شافتني عندها
كلام بتقوله/خالتي هم سافرو في يوم
الزواج

ام سامي تلف راسها بلا

وترفع عيونها فوق

مدري وش تقصد بس شفتها تطلع الدرج

مدري ليش انا حاسه ان الغرفه المقفوله فيها السحر

مها/ خالتي هم قبل يسافرون مروو البيت

اشر براسها بنعم بقوه وتحااول تقول شي

قلت للبنات يالله بنات بروح فوق اول شي بنحاول بغرفتهم الي مسكره

لفت مها لأم سامي /خالتي مافي مفتاح
اسبير للغرفه

اشرت بنعم

ناديت على ميري وقالت ان الاسبير عندها
معطيها سامي قبل الزواج

اخذنا المفتاح ورحنا فوق بعد ماراحت عبير

فضينا الغرفه كلهاااا مافي شي حركنا
الدروج من امااكنها كل شي ماباقي الا
الدولاب ولا نقدر عليه

طالعت في الدولاب افكر لفت انتبااهي شي
لون اسود صغيرر مره اخذت الكرسي

وحطيته وركبت فوقه وشفت شي مربع
لونه اسود مربووط بقووه بخيط مديت
يدي برجفه سميت واخذته

حسيت فيه قوة فضيعه مااقدر عليها رميته
على الارض

امل دقت على ابو سامي وقالت له لأنها على كل شي من البارح
قالت لأبوها وهو قال لشيخ الي حضر
وفيصل وعلي

قال ان سامي يرجع بقوووه

دخلنا غرفه ثانيه وجا ابو سامي ومعه
الشيخ الي تولى فك السحر

سمعنا اصراخ سامي بقوووة

وبعدين اغمي عليه

ابو سامي قال انه انفك السحر فرحنااا بقوه
سجدنا كلنا سجود شكر



وبعدها شهر تقدم لخطبتي بعد مارجع
سامي الي نعرفه بس تحس انه يضيع
بعض الاشياء والشيخ قال لآزم يقراء لمده
لاتقل عن ٦ اشهر

وافقت بس قلت الملكه والزواج بنفس
اليوم عشان كذا استعجل سامي

بزواج خلال شهر

سمعت الباب يضرب شافت مي ابتسمت
بتوتر شفت معها الكتاب حسيت بطني
يمغصني بقووة

مسكت القلم ووقعت بيد ترجف شفت
توقيعه واسمه جنب اسمي وتوقيعي

انا الي طلبت يكون الزواج مختصر وفي البيت

كنت اسمع صوت الديجيه

احس كل ماله بطني يمغصني اقوى
حاولت اقوي نفسي واستغفر واقرى

بعد ماصورت

شفت مي تدخل وتبتسم لي

اشرت لي جهزي نفسك الحين الزفه

طالعت بشكلي بالمرايه

فستان ابيض صدره اكرستال وشوي شوي
يخف الاكرستال

اخذت تنفس قوي سمعت كلمات الشاعر

ابيات قصيدة زفه

"مها يابنت الجود والملح والزين
حبي لكم رغم المسافه لا ماهو بشين
بين الشوق شوقين عشتي خلفتي سحابه
تملي العين شعرها كنه في بحر امتونه موجتين
وشفه كنها نار تشبها جمرتين
في حلاها وزن قصيدتي بكل سطرين
ولا ضحكتها تحيي معانيها كل اثنين
ولاعيونها الي ترسم فيها ذيك المصيبتين
ولا اروابي الي شفت فيها معجزتين
اصل وفصل وجود وقول والفعل فعلين
بختصار يالمها ربي اعطاكي قمرتين
وانتي الشمس متعاليه فوق نجمتين
يالمها ان تماديت بالوصف قولي ولاتجاملين
هذي راحتك قولي ماتحبين"

نزلت من الدرج بشويش لما وصلت

بدت اغنية




شفت امي جالسه على كرسيها جنب كرسي
ام سامي كانت الفرحه بينه عليهم

سلمت عليهن مقدر اتعدهم

وصالت لما المكان المخصص لي وقفت

شفت البنات رزان وفي ومي وغيرهم من
معارف ام سامي والبنات من صديقات
البنات

وقفت اخذ كذا صوره احس اني اسوي الي
تقوله المصوره وانا ما ادري

بعدها جوو البنات سلموا علي وصورو
صوره جمااعيه فقدت رونق بس انا
عااذرتها بقوووه



سامي

جالس بوسط المجلس اتلقى التهاني
والتبريكات من الحضور

مو مستوعب ولا مصدق ان اليوم زواجي
من البنت الي ياما وياما حلمت اني اتزوجهاا

وخايف من فكرة انها مشوهه احس
الفكره داخله بالي بقووة

مريت بمعناااه في ٣ اشهر انا ماكنت احس
بس لما قاولوا لي عن الي مريت فيه
عرفت اني اتعبتهم معي ماقول غير الله
يرحمك يانوره ما اقدر اسامحها على الي
سوته فيني وسوته بحالها

ان شاء الله مها تعوضني عن الي مريت فيه
شفت تركي جالس جنب نايف الي كل واحد
سرحان بواادي

شفت الفرحه مرسومه على ابوي الي تعب
معي كثير ان شاء الله اقدر اعووضه على
الي مر فيه

طالعت في علي انسان كلمة رائع قليله بحقه
متفهم لظروفي ولكل شي

سمعت صوت سعد الي جنبي
سامي /نعم

سعد /شفيك

سامي يتنهد/ماكانهم تاخروا

سعد وهو يضحك ويغمز لسامي/لا
ماتاخروا لسى باول اليل

سامي /ليه تضحك انت وخشتك لا اكسر
عكازاتك على راسك

سعد يبتسم /الا عكازاتي هدية المدام لي

سامي /اجل انطم مالي خلقك

سعد /الحين الي يشوفك يقول مغصوب

سامي /ليه

سعد /عاقد حواجبك ولا تبتسم

سامي /صدق تصدق ماحسيت بنفسي

سعد و هو يبتسم /بالله اضحك بس
لاتسوي دعاية معجون اسنان

سامي يطالع فيه بطرف عينه /اقول اهجد
ترى ماتقدر تهج مع الباب

سعد/ابشر طال عمرك

سامي/زين ناس ماتمشي الا بالعين
الحمراء

سعد/ترى اقدر اكسرك قبل تشوف مرتك

سامي بابتسامه/متاكد

سعد/ايه متاكد

سامي /سعد اركد ترى والله مالي خلقك

اقول سعد تشوف الي اشوفه

سعد / قصدك فيصل وركان ال.

سامي /ايوه

سعد/مدري تراضووا وزانة العلاقات بينهم

سامي/دنيااا غريبه بصراحه

شافت علي يجي جهتي قلبي نبض بقوة

علي يبتسم/جاهز ياعريس

سامي يبتسم بتوتر/ايه انتم الي تاخرتوا

ضحك علي /يالله الله يبارك فيك

وقفت سمعت صوت سعد يقول على
هونك لاتسوي فلم هندي اذا شفت المره

ناظرت فيه بحده وسكت وهو يضحك

ضحكت وانا اشوف شكله

مشيت وانا اقرء المعوذات واسمي

وقفت عند باب الصاله وعدت بشتي زين

طالعت بعلي الي يبتسم لي

سامي /وش رايك باعجب اختك ولا لا

ضحك علي بقووة /بتعجبهااا بتعجبهااا
تطمن يحصلها سامي ال

سامي ابتسم بقوة /الحمد الله

علي /سامي امانتك مها ترها يتيمه وشافت
من الدنيا شي ماشفه احد بعمرها

سامي ياشر على عيونه/لاتوصي حريص
في عيوني وانا عارف كل شي تطمن

علي/وانا واثق فيك
يالله ندخل

سامي بتوتر/يالله توكلت على الله

دخلنا ومشيت مع علي ومدري وين اصلا

بس لما شفت الكوشه وشفت الي واقفه
هناك وقفت احس رجولي ماتقدر تمشي

رجع علي ومسك يدي وقال باذني /
فضحتنااا امش وش بيقولون

سامي /انت متاكد هذاي اختك

علي /اي اختي ليه

سامي تنهد ويحمد ربه في قلبه/لا لا ولا شي

مشيناا

كان ودي اركض لها واضمهاا بس استحيت
على وجهي

احس عيوني متعلقه فيها بس علي وقف
قبل نوصل الكوشه طالعت فيه /شفيك

علي سلم امي وامك

استحيت بالمره سلمت عليهن

ومشيت مع علي للكوشه

كان ودي افقع وجهه علي يوم ضمهاا
وباس راسهااا وكلمهااا

كان حاجز بيني وبينها ما اشوف شي منه
طفشت

بعد وقف جنبها تقدمت وانا اسمي عليها
اخاف اكون مشفووح وانظرها

قربت منها سلمت بيدي وسحبتها وبست
خدها وراسهاا

مسكت يدها وقفت جنبها لحظة وجهاا الي
ورد لونه من قوة الاحراج تو حسيت اني
جبت العيد







ركبت السياره بعد مانزلنا تركي بالبيت ابي
اختلي بنفسي بعيد الناس وخصوصا رزان
لأنها بتفتح معي تحقيق

لفيت بالسيارة وانا مدري وين اروح كله
افكر واعيد الي قالته ايمان لي
كنت في غرفتي اخذ اغراض لي على
ماتلبس رزان ويوصل تركي

رن جوالي شفت ايمان بنت عمي فرحت
كثير

لأنها مختفيه لها اسبوع ماسمعت صوتها

وادق على جوالها ماترد علي


نايف/ياهلا بالي له الخافق يهلي

ايمان دمعت عيونها وهي تسمع صوته/
مرحبا ياالقلب

نايف الي انتبه لنبرة صوتها/مراحب يالغلا
وش فيك ليه تبكين

ايمان /ولا شي

نايف /كيف ولا شي وانتي لك اسبوع
لاتردين علي ولا تدقين علي

ايمان /نايف ملكتي بكره

نايف بصدمة وصراخ /وتوك تقولين

ايمان /فهد كان ماخذ جوالي مني وتو
رحت لغرفته ولقيته فيها ودقيت عليك

نايف يتنهد/ومن هو

ايمان /واحد دخل فهد معه شراكه هو
بيتزوج بنته وانا بتزوج ولده وش اسوي نايف

نايف بحرقه /وش اسوي انا بعد

ايمان /وين كلامك ووعودك لي وين
راحت

نايف /انتي تعرفين كل شي ايمان
وفهد مهما سويت مراح يوافق
لو رزان تزوجت يمكن يطلع معي شي

ايمان وهي تبكي / يعني تتخلى عني

نايف وقلبه ينعصر وهو يسمع صوتها/
و بيدي اسويه قولي لي

ايمان /انت الرجال مو انااا

نايف وهو يتنهد هو اختار طريق لآزم
يتحمل الي بيحصل/اسمعيني يا ايمان
خلاص الله مو كاتبنا لبعض

ايمان /كيف

نايف /يعني حنا عيال عم بس الله مو كاتب
لنا اننا نجتمع

ايمان /هذا الي قدرت عليه هذا الي انت تبيه

نايف والدموعه تنزل بصمت /ايه هذا الي
ابيه والله يوفقك في حياااتك فمان الله

وسكرت السماعه بس هي ماوااقفت اتصالات

سمعت على الاف ام اغنيه راشد
قال الوداع
رفعت على لأغنيه احسها جت بوقتها

قال الوداع ومقصدة يجرح القلب
محال قلبي ينجرح من وداعة
من حبني يامرحبا براعي الحب
وان راح ربي يحفظة كل ساعة

ولية لية يودعني ولية لية يعذبني ولية لية يجرح قلبي وانا احبة

وافي وذوقة راقي والصدق ينحب
لكن عيبة في الجفا والقطاعة
وانا لو اني فيه مغرم ومعجب
نفسي عزيزة والمحبة قناعة

ولية لية يودعني ولية لية يعذبني ولية لية يجرح قلبي وانا احبة

اخترت دربة لكن اختار له درب
شريت حبه لكن اليوم باعة
ودامه وقف مع حاسدي واعلن الحرب
لابد مالكثرة تغلب الشجاعة

ولية لية يودعني ولية لية يعذبني ولية لية يجرح قلبي وانا احبة

صدق احب الحب واتخير القرب
واقول للغالين سمعن وطاعة
وش حيلة الانسان لو خافقة حب
مااضن ينسى الحب في ظرف ساعة

ولية لية يودعني ولية لية يعذبني ولية لية يجرح قلبي وانا احبة





صباح جديد على ابطال قصتنااا

امل

صحيت مبكر مع انه مانمت الا متاخر شفت
سعد جنبي نايم

احس ما اقدر انام كويس من حملت يمكن
عشان مو متعوده على الحمل

لفيت لجهه الي نايم فيها سعد

تذكرت لما طلع سعد من المستشفى تغير
علي فتره وكان مايتقبل مني اي شي
حااولت فيه اني اعرف وش فيه علي بس
كان يصرخ بصوت علي ولا يحب اني
انااقشه ابداا
صبرت وتحملت بعدها بفتره فيصل حجز لها
يتعالج برى
ماقدرت اروح معه امي طايحه وسامي
تعبان
راح ومعه واحد من اصحاابه
شهرين وقبل اسبوعين وصل
بس مو نفسه سعد الي راح تغير ميةوثمانين درجه
والى اليوم ماعرف وش غيره بس اهم شي رجع سعد الي احبه واموت فيه

سعد وهو مغمض عيونه/خلصتي تمقل
ولا لسى

امل وهي تحط يدها على قلبها/بسم الله
يمه خرعتني حرام عليك سعد

سعد وهو يضحك بصوت علي على شكلها /
آسف ياقلبي ماكان قصدي بس طفشت
وان امثل دور النايم

امل بزعل /شكلك ماتخاف على الي بطني

سعد يسوي نفسه على المخده/افا افا في
ناس شكلها زعلانه

امل /روح مناك لا تكلمني

سعد /لالالا هذي فيها قبااايل ترى

امل وهي تبتسم /سعد ترى ترفع الضغط






صحيت من حلم افزعني بقوه

ناظرت جنبي الا اشوف نجلا بنت جالتي الي
تزوجتها بعد مارجعنا من العمره

وخسرت رونق بهذا الزواج الي اصرت اني
اطلقهاا ماكنت ابي اطلقها ابيها تعيش معي
لأني احبها وابي ولدي يعيش بين ابوه وامه

في بداية الموضوع زوجنا كان سر بس لماا

جت رونق لبيت اهلي خبرتها الخدامه لاني
مسكن نجلا عن اهلي

ومن درت اخذت ولدها ودقت على اخوها
فيصل الي بدوره جااء وعطاني محااظره
وقال لي انت خدعتها لو كل شي كان
مكشوف يمكن يتغير شي

بس انت الي حطيت حد بين علاقتك انت
ورونق

انا كان قصدي انهم يتقربون من بعض
وبعدها بتفاهم مع رونق واقول لها بس
كل شي وقع فوق راسي بالعكس

انا موندمان على زواجي من نجلا بالعكس
سعيد معهاا بس رونق الاولى وام ولدي
خالد تنهد وقمت من السرير اخذت فووطتي
ودخلت دورة المياة عشان اخذ شور اليوم
راح اروح واحااول اكلمهم عشان يقنعوون
رونق ترجع لي

تو راجع بعد ما اخذت رياضه جري

دخلت البيت شفت امي حبيت على راسهاا

نواف /صباح الخير يام الخير

ام نواف /صباح النور ياوليدي

نواف /جاهز الفطور يمه

ام نواف /ايه ياوليدي جاهز الفطر

نواف /باخذ شور واجيك ابيك بموضوع
خاص

ام نواف /اللهم اجعله خير

نواف وهو يبتسم /خير يمه خير


أخذت شور وانا ارتب الكلام الي بقوله
لأمي حناا مرتبين كل شي بس باقي امي اذا
مشت عليها مشت امورنا تمام

لبست وصليت ركعتين ودعيت ان ربي يسهل
لأمور

نزلت شفت ركان اخوي عند امي جالس
يفطر

احس ان فيه شي بس مدري وش

نواف /السلام عليكم ورحمة الله وبركاته

ام نواف وركان /وعليكم السلام ورحمة
الله وبركاته

ركان /صباح الخير نواف

نواف وهو يجلس /صباح النور ها كيف
زواج سامي البارح

ركان/ حلوو وسال عنك سامي

نواف /الله يذكره بالخير حبيب مره

ركان /ولسى حبيب

نواف/جا فيصل وسعد

ركان /ايه وبعد علي يصير اخو الي
ماخذها سامي

نواف باستغراب /علي من علي

ركان /علي ال

نواف /ناسي والله

ركان /الي كان بشتغل بشركة .
واتهموه بانه مختلس من الشركه

نواف /ايوه غريبه سامي ياخذ من انسان
مثله

ركان /لا ابشرك طلع برئه ومسكواا الي
المختلسين

نواف/زين

ام نواف /وش موضوعك يانواف

نواف رفع راسه لراكان الي ناظر فيه /احم
يمه انا بصراحه طفشت من الحياة
العزوبيه وابي اكمل نص ديني

ام نواف تزغرت بصوت عالي/
كللللللللللللوش
ابركها من ساعه ياوليدي

نواف وهو يبتسم لأمه /الله يبارك فيك يمه

انزلت نوف من فووق على صوت زغردت
امهااا /شفيكم من معرس على ذا الصبح

ضحك ركان ونواف

ام نواف /تعالي يمه نوف اسمعي وش
يقول اخوك نواف

نوف وهي تجلس معهم /وش يقول

ام نواف /بيعرس

نوف بفرحه /والله

نواف يبتسم ويهز راسه بنعم

نوف /يا انا عندي لك بنت لأطه على قولت
المصاريه

نواف اختفت ابتسامه /لالالالالا
انا اخترت البنت وخلاص بس ابيكم
تخطبونها لي وتشوفونها

نوف بصدمه/لالالا ياربي قهررررر

نواف /خليهاا لركان

ركااان بفزع وخوف /لالالالا انا بعد مختار
وقااضي بس عندهم ضروف وبقولكم لاتورطني

ضحك نواف بقوه على شكل ركان

ام نواف /اجل ليش تقولون لنا ليه
ماتروحن تخطبون وتتزوجون بدونا

نواف /افا بس مالنا غنااة عن حلوين بس
انا شاري ابوهاا ولي معه مصلحه في
الشغل

ركان بسرعه /وانا اخوها صديق نواف
وابيها عشان اخوها

طالع فيه نواف بستغراب/من هو

ركان /خويك بدر
نواف ابتسم /ونعم لأختيار ياخوي

نوف بقهرر/مو كل وحده بتطلع على
اخوها ولا ابوها


ضحكوواا عل كلام نوف




مراحب قراء روايتي الاعزااء
ادري اني قصرت معكم بس كانت عندي ظروف

وعشان ارضيكم نزلت لكم بارتين
قرائه ممتعه واعذروني على القصور
واحب اقولكم في مفائجات بالبارتين
ومن جد تعبت بالمره فيهاا


الرابع والعشرون



انتهى
آرائكم بكل صراحه
وتقييماتكم الله لايهينكم

البارت الخامس والعشرون











فتحت عيوني على آذان الفجر قمت من فراشي
وتوضأت وصليت صلاة الفجر
وجلست اقرا قرآن لما طلعت الشمس
لبست ونزلت تحت
مافي احد الكل نايم رحت للمطبخ سويت
فطور خفيف
وجلست افطر بالمطبخ
تذكرت يوم رجعت لسجن بعد ما أخذت
العلاج الازم
بس ماطمنوني عن ملك
جلست الف وادور بالسجن ابي احد يطمني
شفت ام فارس جايه جهتي جلست جنبي
ام فارس /كيفك ياساره
ساره بحزن /انا طيبه يمه بس
المشكله ملك
ام فارس /ربك معها ان شاء الله
ساره /تتنهد آمين يمه
ام فارس /ادعي لها
ساره /الله يقومها بسلامه ما انسى جميلها علي
ام فارس/والله ونعم البنت مشاء الله هي
الي كانت توقف بوجه بدريه
ساره بحقد/وش صار عليها بدريه
ام فارس/ حاطينها بسجن انفراد الى انتصحى ملك وبعدها يشوفن اقولها
بعدها تتحول للمحاكمه
ساره/اهم شي ملك تصحى
واستمريت احتيها ولا أحد اعطاني اي خبر
ومرت ثلاث ايام كانت كفيله باني افقد
اعصابي كنت اصلي وادعي ربي ان الله
يقومها بسلامه ويلبسها لبااس الصحه
والعافيه
في يوم سمعت صوت باب الزنزانه ينفتح
شفت شرطيه تدخل وتناظر فينا وحده
وحده شفتها ركزت نظراتها علي
ارتجفت بقووة حتى حسيت اني لي اسابيع
ماشربت ماء من كثر مانشف حلقي من
رهبت نظرتها
قالت بصوت عالي خشن/ساااااره ال.
وقفت تلقائيااا مدري ليه او فكرت وش تبي
مني
احس نظرتها وهيبتها تجعلني اتحرك تلقائياا
مشت ومشيت ورهاا مدري وين بس الي
اعرفه شكل في مصيبه بطريق والله يستر
شفتها وقفت وقفت افتحت الباب ودخلت
دخلت شفت ام عمر جالسه
ام عمر/هلا سارة تفضلي
جلست وانا اترقب وش بتقول
ام عمر /خلاص اطلعي وسكري الباب ورك
طالعت فيها وهي تطلع
ام عمر/سارة
لفيت جهتها /نعم
ام عمر بابتسامه /هدي وش فيك
ساره بتوتر /مافي شي بس مدري ام عمر
مدري وش فيني
ام عمر /مافي الا كل خير
ملك
رفعت راسي من سمعت اسمها وكلي رجا
انها تكون بخير
ام عمر بابتسامه/ابشرك تعدت مرحلت
الخطر وهي بخير
ابتسمت وتحولت ابتسامتي ضحك بصوت
عالي ثم تحولت الى بكي
تذكرت سجدت الشكر قمت من الكرسي
وسجد سجده حمدة ربي وشكرته على
فضله انه اتم على ملك الصحه
سمعت صوت عند باب المطبخ رفعت راسي
اشوف من
" ابووووووي "
ومن شافني رفعت راسي اشوفه عطاني
ظهره
تالمت ان ابوي الي كان روحي الثانيه
ياخذ مني موقف انا ما الوومه بالعكس لو واحد غيره كان تبرى مني ولا ذبحني
لأني نزلت راسه الارض بدل ما ارفع راسه
احس اني ماكنت بوعيي في ذيك الفتره
احس اني انسانه نجسه مدري كيف بخلف
عيال واربيهم
عيال تذكرت رهف وش كثر اناا مشتاقه لها
ابي اضمها واشم ريحتهااا مسحت دموعي
وجهي وقمت شلت صحن الفطور وكوب
الحليب الي ماشربت منه الا شوي بس
غسلتهم وطلعت للحديقة حسيت في احد
يتابعني من صحيت وكل مارفعت راسي
اشوف من اشوف الخدامه شكل ابوي
موصيها تراقبني بلعت الغصه بصعوووبه
الان فقدة ثقت ابوي فيني

حست بحركه جنبهاا فتحت عيونها شافت
اجمال مخلوق واعز انسان على قلبها
الجرريح
شافت البرئه تنطلق منه على هذا الصبااح
رفعته بين يديني وانا نايمه على ظهري
وضميته على صدري وشميت ريحته
واستنشقتها بقوه احس ريحته دخلت في
اعمااق قلبي تنهد وانا اضمه الله لايحرمني
منك ياخلوووود
تذكرت يوم يضمني فرحان ان تنازلت عن
الاسم الي كاناا متفقين عليه واسميه على
اسم اخوه خالد الله يرحمه
كل لحظه اتذكره فيها يزود حنيني وشوقي
له بس لما اتذكر خدااعه لي وانه لعب من
ورى ظهري احقد عليه واكرهه
قمت من سريري اخذت خالد معي اغسل
وجهه
ضحكت على شكله وهو مايبي الماء على
وجهه
مسحت وجهه بالمنديل ولبسته وحطيته
على العربه حقته والعابه عنده وضيت
وصليت الظهر
لبست وربطت شعري بأهمال مالي خلق
اسوي اي شي
سمعت صوت جوالي
رونق /هلا في
في /هلابك اخبارك واخبار خلووودي
رونق وهي تشوف ولدها يحرك الالعاب/الحمد الله اخبارك انتي والوالده
في /تمام وامي من شافت امك امس مالها
ام فيصل قالت وام فيصل سوت هههههه
رونق/هههههه حتى امي من جت البارح
ومالها سالفه الا امك
في/لو درينا كان من زمان عرفنااهم على بعض نكسب اجر فيهم
رونق وهي تتنهد/والله انتي الي اختفيتي
من حياتنا
في وهي تتالم

خليها على الله
رونق/آمين الحياة ماتمشي على الكيف
في /ربك معنااا
رونق/ونعم بالله
في /رونق في موضوع محتاره فيه وابي
اخذ رايك فيه وانا عارفه انك مو ناقصه
رونق/لا قولي مافيني شي
في بتوتر/في دكتور معي بالمستشفى
تقدم لي من فتره وبصراحه ماينرد
وتعرفين عمري راح
رونق وهي فاهمه عليها لان مشاعرها وااضحه ومي قالت لها عن فيصل /وش
الي يمنعك انك ماتوافقين
في بتوتر/قلبي
رونق/ وش فيه قلبك يحب
في /ايه بس من طرف واحد وتعبت وانا
انتظر
رونق/وش راح تسوين
في /محتاره بين قلبي وعقلي
رونق /صلي استخاره وان شاء الله ربي
راح يدلك لطريق الصح
في وهي تتنهد /ونعم بالله
سكرت من عند في وانا قلبي ينعصر عليها
ماشافت يوم حلو بحياتها يمكن الشي الحلو
بحياتهاا هو انها كملت دراستها وحققت
حلمها اخذت خالد معي ونزلت الدرج شفت
بنصه فيصل رد السلام وقال ابدل وانزل
لأنه جواعاان مره على قولته
من شفته قلت بختبره كملت طريقي تحت
وتحديدا لصاله الي جالسه امي فيها اتابع
الاخبار ورهف ال نايمه على بطنها ترسم
ومن شافتني جت تركض
وتمد يدينها لي تبي تشيل خالد بس رفضت
كاالعاده لأني خايفه عليه وصلت لأمي
سلمت على راسها وجلست وحطيت خلودي
على الارض قريب من رهف عشان تلعب
معه